رواية حبيبتي وضل الاسود الفصل الرابع عشر بقلم مرج البحر
سلطان .. اول مكالت ماما سعاد انخطف لوني ودنكت راسي حتى لتشوف الحزن الي بعيني بس هيه ذكية افتهمت خرررب شراح اكوللها 😣
نورهان ... شبيك سلطان ليش انخطف لونك احجي اهلك بيهم شي جاوبني
سلطان ... ها !! لالا حبيبي ماكو شي بس يمكن من التعب شوية وجهي شاحب ..
نورهان .. لا سلطان اني اعرفك وفاهمتك كولش زين واعرفك من تكذب عليه ... احجي شصاير لتخليني بقلق تره اتأذه والله ...
سلطان ...حبيبي من تطلعين بخير وسلامة من المستشفى نحجي بهل موضوع خلينه هسه فرحانين برجعتج النه بداعتي بعدين عوفيها
نورهان ... گلبي نغزني حسيت صايرة مصايب خلال هل اشهر الي غبت بيهن عن الدنيا وسلطان يخاف عليه وميريدني اعرف شي .... كتله اذا محجيت هسه ماحجي وياك بعد وازعل عليك ..
سلطان .. لا يعمري كولشي ولازعلج ... ماشي راح احجيلج بس بشرط لتسوين بنفسج اي شي ولا تتأذين لان هوه كله قضاء الله وقدرة ولازم نتقبله ومنجزع منه ..
نورهان ... سترك ياربي شصار احجي والله ماسوي شي ..
سلطان ... ماشي ...
من اخذوج خوالي يمهم حالتنه اتأزمت واني كمت اشوف شغلات اكثر بعد وكم مرة اتعرضت لقدر والله نجاني منه .....بس هل كائن مكفاه بس اني ... اندار ع امي سعاد وصار وياها شغلات اتخلي للعاقل ينجن .... وحالتها بيوم وليلة ادمرت وراها اتوفت .....
نورهان ... لايالله لاااااااااااا ليش ماما سعاد ليش خطية جانت حبابة وحنينه وشكد ساعدتني ودارتني مانسالها فضلها لحد ماموت 😭😭😭😭 كل هذا سببي اي بسببي وكمت الطم ع صدري حييل وابجي واناشغ .... لزمني سلطان وشبكني وكلي نور انتي وعدتيني متسوين شي كافي تره ازعل عليج والله ....لتأذين نفسج موزين انتي مريضه يالله لتخليني هسه اكلب المستشفى گلاب جنت محكم قبضة ايدي عليها ولازمها حتى لتلطم ...
مسحت دموعها بيدي وبستها من كصتها كتلها حبيبي انتي مالج دخل بأي شي هذا كله مكتوب ع جبينه .... وان شاءالله ربج يجازي الي جان السبب وينقلب السحر عليه ...
لان هوه الي دمر حياتنه وبفضل الله وسيد حسين خلصنه من هل مئسات والعذاب المرعب ....يله خليني اتصل ع ابوية حتى يجيبهم ويجي .....
فتحت تلفوني ودكيت ع ابويه ...
الوووووو
عبدالله ... الوووو ها وليدي بشر بعد ابوك خير ان شاءالله
سلطان ... هلا بوية بشارة بشارة .😄.. نورهان كعدت جيب عبير وسجاد وتعالوا وخابر بيت جدي بشرهم هم حتى يجون ....
عبدالله .. ايييييي يالله يالله الف الحمدلله والشكر گرة عينك وليدي اكييد هسه الفرحة الجواك متنطيها لاحد مو هههههه
سلطان ... هههههه فدوة لقلبك بوية تفهمني ادري 😊 ... يله منتظريكم ...سديت الخط
نورهان ... اكول سلطان
سلطان .. عيون سلطان عمر سلطان كولي يابعد طوايف عشيرة سلطان
نورهان .. ههههه فدييتك حياتي سالمه عيونك ... طبعا حلمت حلم جان غريب شوية من جنت بالغيبوبة يمكن 🤔
سلطان ... خير يروحي شحلمتي احجيلي ...
نورهان ... حلمت ببابا اجاني كلي اجيت اخذج بس هسه ماكدر لان صار حاجز بينه وصارت معجزة وراح ترجعين وتعيشين بعد ..
سلطان .. اي حبيبي هاي المعجزة مال ربنه من كعدتي من الغيبوبة ورجعتيلنه بسلامة الحمدلله والشكر كله بجاه اهل البيت عند الله ربنه جبر بخاطرنه ورجعج ..
نورهان .. سلام الله عليهم والحمدلله والشكر ... .وراها جانت بصفه مراة معرفتها بالاول بعدين ركزت شفتها ببيتي ام امي اخذها ويا و وصاني عليك كال هل شخص يحبج ديري بالج عليه ...
سلطان .. ههههه اهاا ربي يرحمك يخالي تعرف بالگلب ينبض لبنتك ... بس اخاف ببيتج صاير عليها شي خطية لان الميت اذا اخذ انسان حي بالحلم يكولون يموت
نورهان ... ياستار ياربي والله مادري شصاير هناك بتركيا بس اخر كلامه مفهمته ... كلي اوصيج بأمج دوري عليها لانها مختنكه ومداكدر اوصللها اني ... متعرف شيقصد بابا 😟😟
سلطان .. والله ياحبيبي اني ماعندي علم بتفسير الرؤيا بس اعتقد حلمج هذا رؤيا حقيقية مو اضغاث احلام ...
فديوم نروح لسيد حسين ونحجيله هل حلم لان تتذكرين شلون فسر حلمي وطلع مضبوط 100%
نورهان .. اي والله صدك ان شاءالله من اكوم ع حيلي نروحله واريد هم اتشكر منه لان عرف شلون ينقذني ويعالجني بفضل الله ...
سلطان ... اي ان شاءالله .... وبهل لحظة طبوا ابوية وعبير وسجاد ...
عبير .. ولج حبيبتي الحمدلله ع سلامتج متشوفين شر ان شاءالله ولج شسويتي بينه ظلينه قلقانين عليج مووت .. وحظنتها وبوستها ..
نورهان ... تسلميلي حبيبتي
سجاد ....الحمدلله ع سلامتج ولج خوفتينه عليج هههههه
نورهان ... فدووة لعمرك سجودي الله يسلمك ☺
ابو سلطان .. الحمدلله ع السلامة بنيتي خطاج السوء نورتي الدنيا برجعتج ... همزين من كعدتي حتى ترحمين هل المتيم الي معافج دقيقه وحدة ههههه
نورها ... الله يسلمك عمو ههههههه شسوي قابل بيدي والله لو ادري ماخلي يبقه بالمستشفى 🙈🙈
ابو سلطان ... ولج خبلنه ملينه هلكد ماجنه نكوله ارجع ارتاحلك يوم واحنه نبقه يمها ... ابد راكب راسة ولا اتحرك من يمج عمي شنو هل حب تره اغار اني هههههه
سلطان ... ههههه بوية انت الخير والبركه .. شعدنه غيرك ... بس والله مو بيدي مكدرت اعوفها وهيه بهل حالة
ابو سلطان ... يله خفيفه هاي نورهان ورجعتلك شتريد بعد ههههههه
سلطان ... ماريد شي والله الف الحمدلله والشكر
عبير ... خلي سلطان يساعدني حتى اكومج واوديج للحمام اسبحج حبيتي حتى ترتاحين
نورهان ... الله يخليكم الي ومايحرمني من حبكم وحنيتكم عليه ...
اتقرب عليه سلطان وشالني حطني بالعربانه وطلعني وداني للحمام وعبير حضرت ملابس الي وشامبو والمنشفه واجتي ورانه .....
طببتني جوه بالحمام ونزعتلي ملابسي وسبحتني وكملت لبست ملابسي وطلعنه رحنه للغرفة وصلنه شفنه بيت جدي كلهم جايين ديتحمدولي بالسلامة ....
جدو ... هلا بالغالية بنت الغالي الحمدلله ع سلامتج جدو نعيماً
نورهان ... هلا بيك جدو حبيبي نعم الله عليك ربي يسلمك فرحتوني بجيتكم والله ...
عمامي كلهم باسوني وتحمدولي بالسلامة جنت حاسة بالامان والارتياح والطمأنينة واني بين اهلي وناسي وحبيبي الي ماتركني ابد ....
الدنيا مجانت سايعتني من الفرحه 😍😍
راح سلطان ع الدكاترة حتى يشوف شوكت يكتبولي خروج .... كالوا لازم يشوفوني ويسوولي بعض التحاليل ويتأكدون من صحتي ياله يطلعوني ...
وطلع بره جاب عشه لكلنه واكلنه وكاموا يحششون ع سلطان ويضحكون واحنه خجلانين 🙈🙈
شكرت وحمدت الله الي فضل عليه بكرمه وخلصني من اتعس كابوس جان مدمرني ....
ومرت 3 ايام بعد التحاليل والفحوصات كتبولي الدكاترة ع خروج لان صرت شويه احسن ....
طلعت من المستشفى واول ماوصلنه لبيت جدي ذبحولي ذبيحه جوه رجلي وطبيت شفت عماتي وعمامي وبيت اهل سلطان كلهم ملتمين مسوين عزيمه بمناسبة خروجي من هل شدة سالمة ....
صدك الاهل عزوة وظهر الله يخليهم الي ولايحرمني منهم ......
وبهل مناسبة سلطان انتهزها فرصة وشفته شاور ابو وبعد ما كملنه الغدة وكعدنه بالصالة جان يحجي ابو سلطان وكال ياجماعة الخير بهاي المناسبة طبعا بدون اي مقدمات .... احب اخطب بنتكم الكريمة لابني سلطان ... وانتوا مو غربة عليه ولا هوه غريب عليكم انتوا اهله وابن اختكم الله يرحمها ... ومثل مشفتوا الولد شاريها ويريدها بالحلال
وشوفوا انتوا شتريدون وتأمرون احنه حاظرين ....
جدو ... والله يوم المبارك سلطان ابن الغالية ياخذ نورهان بنت الغالي واثنينهم اولادي ماكو فرق بينهم .. ومنريد شي ولا نأمر بشي لان سلطان مو غريب يگبعها وياخذها بعبايتها ....
عمو ياسين ... والله سلطان كفوو ونعم منه ثبتلنه شلون هوه حريص وامين عليها ومانلكه رجال لبنت اخونه احسن من ابن اختنه .... الف مبرووك مقدما
ابو سلطان .... والله ونعم من اصلكم الطيب جزاكم الله الف خير احنه اهل وان شاءالله ربي يتمم ع خيير
سلطان .. اشكركم ماقصرتوا واوعدكم اشكد ماكدر اسعدها وماخليها بيوم تشكي مني .... هاي الغالية وباوعت ع نورهان شفتها صايرة حمرة من الخجل هههههه
نورهان ...... الگاع مجانت شايلتني من الفرحة حسيت سعادة الدنيا كلها بين ايدية صارت ....
جان احساس الخجل والفرح والخوف والقلق كلها امتزجت بيه دعيت الله يتممها ع خيير .....
وتفقوا بنفس الكعدة ع الحاظر والغايب لان نعتبر اهل ميحتاج نسئل عنهم ويسئلون عنه 😁😁😁 وحددنا موعد نشتري النيشان اسبوع الجاي ......
وطبعا سلطان ماحجيلكم عن فرحته عيونه تحجي عن السعادة الي بداخله .... جانت عيونه تلمع بيها بريق ساحر هل عيون الي ذبحتني وخلتني اسيرة حبه 😍.... اني استحيت اظل كاعده راساً كمت وطلعت من الصالة هههههههه.... اول ماسواه سلطان الي اشترالي تلفون ايفون اخر موديل حتى يكعد يتلفن ويايه الليل كله 😄😄.
بالليل دك عليه جنت نايمة يم بنت عمي بغرفتها بقه يحظن ويبوس بالجهاز واني خربانه ضحك 😂 كتله يعني انت ماعندك غير لغة بس البوس والتحظن ولك احجيلي شي رومانسي حسسني بحبك خررب عشيرتك 😝
هوه خرب ضحك ... كال ماتحمل اسمع صوتج اذا مابوسه هههههه وراها سدينه الخط
من سديت الخط وراها نمت وبنفس الليلة حلمت نفس الحلم من جنت بالمستشفى ...
حلمت ابوية اجاني وكلي بنتي دوري ع امج محتاجتج ودتريدج توصليلها لان اني مداكدر اوصللها ...امج مخنوكه روحيلها لحكي عليها
فزيت من نومي مرعوبه وجنت اصب عرك وحلكي ناشف 😣.... اووف شنو هل حلم ديتكرر عليه .... امي ميته من قبل 18 سنة شتريد مني هسه اكو سر وره هل حلم ولازم اعرفه ممعقولة يكون مجرد اضغاث احلام ....
صار الصبح وفزيت ع دكة تلفوني باوعت شفته سلطان .... فدووة لعمرك حبيبي يمسي ويصبح عليه 😍 ...
رديت عليه الوووو 📱
سلطان .. يمممه من فدووة هل صوت جنه بلبل يغرد من صباح الله خير اااااخ ولج شوكت افز الصبح واشوفج نايمة بصفي والعب بيج جولة من الصباحيات 😍😍😘😘
نورهان ... هههههه هلا يعمري صباح الخير
سلطان .. صباح السعادة والحب ع عيونج يالغالية شبيج يروحي شو احسج مو تمام احجيلي يابنية روحي
نورهان ... حبيبي .. اليوم حلمت نفس الحلم الي شفته بالمستشفى 😓
سلطان ... لتخافين حبيبي العصر اخذج ونروح لليسد ونشوف شنو تفسير هل حلم ...
نورهان .. ان شاءالله يعمري ... يله خلي اروح للحمام اغسل وانزل اتريك ويه الاهل ههههه
سلطان ... ماشي يابعد گلبي الف عافية مقدماً 😘
نورها .. الله يعافيك يابعد روحي اموووح 😘
سلطان ... اشتعلوو عشيرتج 😍
نورهان ... ولك هاي فوك مابوسك تشعل عشيرتي 😂
سلطان ... اي اي ماتحمل تدرين بيه قلبي ضعيف بهل سوالف 😁😁
نورهان ... منحرف مو بيدك 😂
سلطان ... هههههه جكومتي ولج اااااخ احببببج اعششششقج
نورهان ... واني امووت عليك 😍 .... يله حبيبي باي ههههه
نزلت غسلت ورحت للهول شفتهم كاعدين عمامي ونسوانهم وجهالهم وجدي ... صبحت عليهم وكعدت بصف جدي ....جان يكول سلطان خابرني استأذن مني حتى ياخذج لهذا السيد ... شنو بنيتي شبيج هم كمتي تشوفين اشياء غريبة ..
نورهان ... لا جدو الحمدلله .... بس داحلم حلم وديتكرر عندي مداعرف شنو تفسيرة ... ف سلطان كال خلي انروح لسيد حسين انشوفه شنو هل حلم ....
جدي .. اهاا خير ان شاءالله بنيتي ربي يبعد عنج كل مكروه بجاه محمد وال محمد
نورهان ... بست ايده وكتله تسلملي جدو حبيبي ...
كملنه الريوك وشلنه السفرة ونسوان عمي ماشاءالله شاطرات هنه يسوون كولشي بالبيت اني ميخلوني اشتغل ....
صار العصر حظرت نفسي اجه سلطان طب وكعد بالصالة يم جدي وخالي ....
اني طبيت وكتله يله اني جاهزة اخذني وطلعنه صعدنه بالسيارة ...
وصلنه لبيت لسيد حسين .... طبينه وكعدنه وره شوية اجه السيد ...
