رواية الرجل الاخر الفصل الرابع عشر بقلم جوهرة
ﺍﻧﺎ ﻋﻨﻚ ﻣﺎ ﺍﺧﺒﺮﺗﻬﻢ ...... ﻟﻜﻨﻬﻢ
ﻟﻤﺤﻮﻙ ﺗﻐﺘﺴﻠﻴﻦ ﻓﻲ ﺍﺣﺪﺍﻗﻲ
ﺃﻧﺎ ﻋﻨﻚ ﻣﺎ ﻛﻠﻤﺘﻬﻢ ....... ﻟﻜﻨﻬﻢ
ﻗﺮﻭﺅﻙ ﻓﻲ ﺣﺒﺮﻱ ﻭﻓﻲ ﺍﻭﺭﺍﻗﻲ
ﻟﻠﺤﺐ ﺭﺍﺋﺤﺔ ﻭﻟﻴﺲ ﺑﻮﺳﻌﻬﺎ ...
ﺍﻥ ﻻ ﺗﻔﻮﺡ ..... ﻣﺰﺍﺭﻉ ﺍﻟﺪﺭﺍﻕ
ﻧﺰﺍﺭ ﻗﺒﺎﻧﻲ 💖
*******
ﻧﺸﻮﺍﻥ ﺟﺮﻫﺎ ﻧﻮﻣﻪ ﻟﻠﺼﺒﺢ ﻛﻌﺪ ﻛﻮﻟﺶ ﻣﺮﺗﺎﺡ ﻭﺍﻻﻟﻢ ﺍﺧﺘﻔﻰ ﺣﺲ ﺑﺮﻭﺣﻪ ﻋﻨﺪﻩ ﻧﺸﺎﻁ ﺗﻠﻔﺖ ﺑﺎﻟﻐﺮﻓﻪ ﻋﺒﺎﻟﻪ
ﻧﺎﻳﻤﻪ ﺷﻜﺪ ﺭﺍﺳﻬﺎ ﻳﺎﺑﺲ ﻛﺎﻡ ﻳﺮﻳﺪ ﻳﺴﺒﺢ ﻭﻳﺼﻠﻲ ﺍﻻﻭﻗﺎﺕ ﺍﻟﻔﺎﺗﺘﻪ ......
ﺟﺎﻧﺖ ﺑﺎﻟﻤﻄﺒﺦ ﺗﺤﻀﺮ ﺭﻳﻮﻙ ﺣﺘﻰ ﺗﺮﻭﺡ ﻟﻠﻤﺴﺘﺸﻔﻰ
ﺭﺗﺒﺖ ﺍﻟﻤﻴﺰ ﻭﻛﻤﻠﺖ ﻟﺘﺮﻭﺡ ﺗﻜﻌﺪﻩ ﻣﻦ ﺍﻟﺒﺎﺭﺣﻪ ﻧﺎﻳﻢ ﻣﺮﺗﻴﻦ ﺩﺧﻠﺖ ﻋﻠﻴﻪ ﺗﺮﺍﻗﺒﻪ ﺗﺨﺎﻑ ﻳﺼﺨﻦ ﺑﺲ ﺍﻟﺤﻤﺪﻟﻠﻪ ﻣﺒﻴﻦ ﻧﺎﻳﻢ ﻣﺮﺗﺎﺡ ...
ﺍﻧﺘﺒﻬﺖ ﻋﻠﻴﻪ ﺩﺧﻞ ﺻﺒﺢ ﻋﻠﻴﻬﺎ ﻭﺍﻻﺑﺘﺴﺎﻣﻪ ﺷﺎﻛﻪ ﻭﺟﻬﻪ ﻣﺒﻴﻦ ﺳﺎﺑﺢ ﻭﻣﺒﺪﻝ ﻭﻋﻄﺮﻩ ﻳﻔﻊ ﻻ ﺍﺭﺍﺩﻳﺎ ﺣﺠﺖ
ﺑﻘﻠﻖ .. ﻟﻴﺶ ﻣﻨﻜﻊ ﺭﻭﺣﻚ ﻋﻄﺮ ﻣﻮﺯﻳﻦ ﺍﻟﺠﺮﺡ ﻳﻠﺘﻬﺐ
... ﻛﻌﺪ ﻭﺭﻓﻌﻠﻬﺎ ﺗﻚ ﺣﺎﺟﺐ ٣ ﺍﺳﺎﺑﻴﻊ ﺻﺎﺭﻟﻪ ﻭﺗﻮﻧﻲ ﺷﻔﺘﻪ ﻣﻦ ﺳﺒﺤﺖ ﺑﻤﺮﺍﻳﻪ ﺍﻟﺤﻤﺎﻡ ﺑﺲ ﺍﻧﺘﻲ ﺧﺎﻳﻔﻪ
ﻋﻠﻴﻪ ﻭﻫﺬﺍ ﺷﻲ ﻳﺒﺸﺮ ﺑﺨﻴﺮ ﻳﺎﺍﻟﻠﻪ .. ﺭﻓﻊ ﺍﻳﺪﻳﻪ ﻟﻠﺴﻤﺎ
ﻭﺭﺟﻊ ﻧﺰﻟﻬﻦ ﻭﻋﻴﻨﻪ ﻋﻠﻴﻬﺎ ﻏﻤﺰﻟﻬﺎ ﻳﺤﺴﻬﺎ ﺗﺨﺮﺑﻄﺖ
ﻭﺑﻴﻦ ﻋﻠﻴﻬﺎ ﺷﻐﻠﺖ ﺭﻭﺣﻬﺎ ﺭﺍﺣﺖ ﺍﺻﺐ ﺍﻟﺠﺎﻱ
ﻛﻌﺪﺕ ﺗﺘﺮﻳﻚ .. ﺍﻧﻲ ﺣﺮﻭﺡ ﻟﻠﺪﻭﺍﻡ ﺍﻟﻐﺪﺍ ﺍﺟﻴﺐ ﻭﻳﺎﻱ
_ ﻣﻴﺤﺘﺎﺝ ﺍﻧﻲ ﺍﻭﺻﻠﺞ ﻭﻃﺎﻟﻊ ﻟﺪﻳﺎﻟﻰ .
ﺣﺠﺖ ﺑﻌﺪﻳﻦ ﺗﻨﺪﻣﺖ .. ﻃﺮﻳﻖ ﻳﺘﻌﺒﻚ .
_ ﻫﻬﻬﻬﻬﻪ ﻣﻮ ﺍﻛﻠﺞ ﺗﺨﺎﻓﻴﻦ ﻋﻠﻴﻪ ﻳﺴﻠﻤﻮ ﻳﺮﻭﺣﻲ ﺍﺣﺐ
ﺍﻫﺘﻤﺎﻣﺞ ﻭﺧﻮﻓﺞ ﻋﻠﻴﻪ .
ﻣﺤﺒﺖ ﻫﺎﻱ ﺍﻻﺣﺎﺳﻴﺲ ﺍﻟﺠﺎﻱ ﺗﺨﻠﻴﻬﺎ ﺗﺘﻬﻮﺭ ﻭﺗﺤﺠﻲ
ﻭﻣﺒﻴﻦ ﻛﺎﻋﺪ ﻳﺼﻴﺪ ﻛﻼﻣﻬﺎ .. ﻻ ﺗﻔﺮﺡ ﻣﺠﺮﺩ ﺍﻫﺘﻤﺎﻡ ﻃﺒﻲ
ﻻ ﺍﻛﺜﺮ .
ﻫﺰ ﺭﺍﺳﻪ ﺑﺪﻭﻥ ﻛﻼﻡ ﻭﺭﺟﻊ ﻳﺘﺮﻳﻚ ﻭﺑﻌﻘﻠﻪ ﻳﺪﻭﺭ ﺷﻲ
ﻛﻤﻠﻮﺍ ﻭﺷﺎﻟﺖ ﺍﻟﻤﻮﺍﻋﺒﻦ ﻭﻛﻮﺑﻴﻦ ﺍﻟﺠﺎﻱ ﻏﺴﻠﺘﻬﻦ ﻭﺭﺗﺒﺖ ﺍﻟﻤﻄﺒﺦ ﻭﻫﻮ ﺻﺎﻓﻦ ﻋﻠﻴﻬﺎ ﻣﻦ ﺟﺎﻱ ﺗﻤﺴﺢ ﺍﻟﻤﻴﺰ
ﻛﺎﻡ ﺩﻓﻊ ﺍﻟﻜﺮﺳﻲ ﻃﻠﻊ ﺻﻮﺕ ﻭﻳﻪ ﻟﻔﺘﺘﻬﺎ ﻟﺰﻡ ﻇﻬﺮﻩ ...
ﺍﺍﺍﺥ ...
ﺭﻛﻀﺖ ﻋﻠﻴﻪ ﻭﻟﺰﻣﺘﻪ ﻣﻦ ﺫﺭﺍﻋﻪ ﺑﺨﻮﻑ ..
ﺑﻴﻚ ﺷﻲ
ﺟﺮﻫﺎ ﺑﻘﻮﺓ ﻭﺣﻈﻨﻬﺎ ﻭﺩﻧﻚ ﻋﻠﻴﻬﺎ ﻋﻴﻮﻧﻪ ﺑﻌﻴﻮﻧﻬﺎ ﺍﻟﺨﺎﻳﻔﺔ ﻫﻤﺴﻠﻬﺎ .. ﻣﻮ ﻛﺘﻠﺞ ﺍﺍﺍﺥ ﻣﻨﺞ ﻟﻴﺶ ﺗﻜﺎﺑﺮﻳﻦ
ﺍﺑﺘﻌﺪﺕ ﻣﻼﺫ ﻭﺍﻟﺮﺟﻔﻪ ﺑﺮﻭﺣﻬﺎ ﻗﺒﻞ ﺟﺴﻤﻬﺎ ..
ﺍﺍﺍ ﺍﻧﺖ
ﺗﺤﺠﻲ ﺑﻜﻴﻔﻚ ﺍﻧﻲ ﺧﻔﺖ ﻻ ﺭﺟﻌﻠﻚ ﺍﻻﻟﻢ ﻃﻠﻌﺖ ﻛﺬﺍﺏ .
ﺗﻨﻬﺪ ﻭﻃﻠﻊ ﻣﻦ ﺍﻟﻤﻄﺒﺦ ﺑﺪﻭﻥ ﻣﻴﻠﺘﻔﺖ ﺣﺠﻰ ﺍﻧﻲ ﻧﺎﺯﻝ ﺍﻧﺘﻈﺮﺝ ﺑﺎﻟﺴﻴﺎﺭﺓ .
ﻻﻣﺖ ﺭﻭﺣﻬﺎ ﻏﺒﻴﻪ ﻏﺒﻴﻪ
ﻃﻮﻝ ﺍﻟﻄﺮﻳﻖ ﺳﺎﻛﺘﻪ ﻭﺗﺘﻨﻔﺲ
ﻋﻄﺮﻩ ﺍﻟﻤﻠﻰ ﺍﻟﺴﻴﺎﺭﺓ
ﺣﺴﺖ ﺭﺍﺡ ﺗﺨﺘﻨﻚ ﻣﺘﻌﺮﻑ ﺷﻨﻮ ﺍﻟﻜﺎﻋﺪ ﻳﺼﻴﺮ ﻭﻳﺎﻫﺎ
ﻫﻤﺰﻳﻦ ﺍﻟﻤﺴﺘﺸﻔﻰ ﻗﺮﻳﺐ ﻧﺰﻟﺖ ﺳﺮﻳﻊ ﺑﺪﻭﻥ ﻣﺘﻠﺘﻔﺖ
ﻋﻠﻴﻪ ﻭﻻ ﻫﻮ ﺣﺎﺟﺎﻫﺎ ﺑﻘﺖ ﻋﻴﻨﻪ ﻋﻠﻴﻬﺎ ﺍﻟﻰ ﺍﻥ ﺩﺧﻠﺖ ﻟﻠﺒﻮﺍﺑﺔ ﺍﻟﺪﺍﺧﻠﻴﺔ .
ﺣﺮﻙ ﺳﻴﺎﺭﺗﻪ ﻣﺘﺠﻪ ﻟﺒﻌﻘﻮﺑﺔ ﻣﺸﺘﺎﻕ ﻻﻫﻠﻪ ﻭﺑﺎﻟﺬﺍﺕ ﻻﻣﻪ ﺍﻟﻤﺎﺑﻄﻠﺖ ﺗﻠﻴﻔﻮﻧﺎﺗﻬﺎ ﺗﺘﻄﻤﻦ ﻋﻠﻴﻪ ﻣﻨﻌﻬﻢ ﻳﺠﻮﻥﻟﺒﻐﺪﺍﺩ ﻗﻨﻌﻬﻢ ﻇﺮﻭﻑ ﺍﻣﻨﻴﺔ ﻭﺟﺎﻥ ﻫﺬﺍ ﻋﻠﻰ ﺍﻋﺼﺎﺏ ﺍﻡ ﻧﺸﻮﺍﻥ ﺍﻟﻌﻮﺿﺖ ﺭﻭﺣﺘﻬﺎ ﻳﻮﻣﻴﺔ ﺗﻔﺘﺢ ﻛﺎﻣﻴﺮﺍ ﻭﺗﺒﻘﻰ ﺗﺴﻮﻟﻒ ﻭﻳﺎ .
ﺟﺮ ﺣﺼﺮﺓ ﻭﺫﺑﻬﺎ ﻭﻫﻮ ﻳﺘﺨﻴﻞ ﻣﻼﺫ ﻭﺧﻮﻓﻬﺎ ﻋﻠﻴﻪ ﺟﺎﻥ ﻳﺮﻳﺪ ﻳﺨﺘﺒﺮﻫﺎ ﺍﺻﻼ ﺣﺎﻟﺘﻪ ﺯﻳﻨﻪ ﺑﺲ ﺣﺐ ﻳﺸﻮﻑ ﺧﻮﻓﻬﺎ ﻭﺟﺎﻥ ﻣﺘﺄﻛﺪ ﻣﻨﻬﺎ ﺑﺲ ﺗﻜﺎﺑﺮ ﻣﺎﻳﻌﺮﻑ ﺳﺒﺐ ﺍﻟﻌﻨﺎﺩ ﻳﺤﺴﻬﺎ ﻣﺮﺍﺕ ﺗﻬﺘﻢ ﺑﻲ ﻭﺧﺎﻳﻔﻪ ﻋﻠﻴﻪ ﻭﻣﺮﺍﺕ ﺑﺎﺭﺩﻩ ﻧﺎﻓﺮﺗﻪ ﻭﺗﺤﺴﺴﻪ ﻏﺮﻳﺐ ﻋﻠﻴﻬﺎ .
ﻗﺮﺭ ﻣﻴﺘﺮﻛﻬﺎ ﻭﻳﺨﻠﻴﻬﺎ ﺗﺘﻘﺒﻠﻪ ﻭﺗﺤﺒﻪ ﺑﺲ ﻳﺮﺍﺩﻟﻪ ﻃﻮﻟﺔ ﺑﺎﻝ ﻭﺧﻠﻚ ﻭﻫﻮ ﺧﻠﻜﻪ ﻃﻮﻳﻞ ﻭﻳﺎﻫﺎ ﻣﻮ ﻣﻦ ﺍﻟﻨﻮﻉ ﺍﻟﻴﺘﻨﺎﺯﻝ ﺑﺴﻬﻮﻟﺔ ﻋﻨﺪﻩ ﻃﺎﻗﻪ ﺗﺤﻤﻞ ﻭﺻﺒﺮ ﻳﻤﻜﻦ ﻫﺬﺍ ﺍﻟﺸﻲ ﺭﺍﺟﻊ ﻟﻌﻤﻠﻪ ﻭﺗﺪﺭﻳﺒﺎﺗﻪ ﺍﻟﺸﺎﻗﻪ ﺍﻟﺠﺎﻧﺖ ﺍﺧﺘﺒﺎﺭﺍﺕ
ﻓﻀﻴﻌﻪ ﻟﺘﺤﻤﻞ ﺍﻟﻀﻐﻂ ﻭﻣﻮﺍﺟﻬﺔ ﺍﻱ ﺻﻌﻮﺑﻪ ﻭﻣﺸﻜﻠﻪ ﺗﻤﺮ ﻋﻠﻴﻬﻢ
ﻭﻫﻮ ﺍﺫﺍ ﻳﻜﺪﺭ ﻳﻮﺍﺟﻪ ﻏﺮﺍﻳﺐ ﻭﻋﺠﺎﻳﺐ ﺷﻐﻠﻪ ﻣﻴﻜﺪﺭ ﻳﺼﺒﺮ ﻋﻠﻰ ﻛﻞ ﺍﻟﺮﻗﺔ ﻭﺍﻻﻧﻮﺛﺔ ﺍﻟﻤﻜﺎﺑﻠﺘﻪ
ﻫﻴﻦ ﻫﻴﻦ ﻣﻼﺫ ﺍﺧﻠﻴﺞ ﺗﺴﺘﻮﻳﻦ ﻋﻠﻰ ﻧﺎﺭ ﻫﺎﺩﻳﺔ .
ﺗﻔﺘﺮ ﺑﺎﻟﻐﺮﻓﻪ ﻋﻠﻰ ﺍﻋﺼﺎﺑﻬﺎ ﻫﺬﺍ ﻛﻞ ﻋﻘﻠﻪ ﺧﻼﻫﺎ ﺗﺒﺪﻝ
ﻟﻌﺒﻮﺩﻱ ﻭﺍﺧﺬﻩ ﻛﻌﺪﻭﺍ ﺑﺎﻟﺼﺎﻟﻪ ﻳﻨﺘﻈﺮﻫﺎ ﺗﺤﻀﺮ ﺭﻭﺣﻬﺎ
ﻳﻌﻨﻲ ﺳﻮﺍﻫﺎ ﻏﺼﺐ ﻣﺎ ﺭﻭﺡ ﺷﻴﺴﻮﻳﻠﻲ ﻳﻌﻨﻲ ...
ﺳﻤﻌﺘﻪ ﻳﺼﻴﺢ ﻋﻠﻴﻬﺎ .. ﺩﻳﻤﺎﺍﺍﺍ
ﻃﻠﻌﺖ ﺑﺪﺷﺪﺍﺷﺘﻬﺎ ﻓﺎﻧﻴﻠﻪ ﺣﻤﺮﺍ ﻭﻣﻜﺴﻤﻪ ﻋﻠﻴﻬﺎ ﻣﻘﺒﻠﺖ ﺗﺒﺪﻝ..
ﻣﻦ ﺷﺎﻓﻬﺎ ﻓﻚ ﻋﻴﻨﻪ ﻭﺭﺟﻊ ﺧﺰﺭﻫﺎ ﺫﺏ ﻋﺒﻮﺩﻱ ﺍﻟﺠﺎﻥ ﺑﺤﻈﻨﻪ ﻛﺎﻡ ﻋﻠﻴﻬﺎ ﻫﻲ ﺷﺎﻓﺘﻪ ﺧﺎﻓﺖ ﻻﻥ ﻳﻌﺼﺐ
ﺭﺍﺳﺎ ﺩﺧﻠﺖ ﻟﻠﻐﺮﻓﻪ ﻋﺎﻟﺴﺮﻳﻊ ﺗﺮﻳﺪ ﺗﻘﻔﻞ ﺍﻟﺒﺎﺏ ﺩﻓﻌﻪ ﺑﻘﻮﺓ ﻭﺩﺧﻞ ﻭﺭﻛﻌﻪ ﻭﺭﺍﻩ ﺗﻘﺮﺏ ﻋﻠﻴﻬﺎ ﻭﺟﺮﻫﺎ ﻟﺰﻛﻬﺎ ﺑﺠﺴﻤﻪ ﻧﺘﺮ ﺑﻴﻬﺎ ﻭﻋﻴﻮﻧﻪ ﺗﺮﻳﺪ ﺗﺎﻛﻠﻬﺎ ..
ﺗﻜﺴﺮﻳﻦ ﻛﻠﻤﺘﻲ
ﻭﺍﻟﻘﺮﺃﻥ ﺍﻛﺴﺮ ﺭﺍﺳﺞ ﻻ ﺷﻔﺘﻴﻨﻲ ﻣﺘﺴﺎﻫﻞ ﻭﻳﺎﺝ ﻭﺍﺩﺍﺭﻳﺞ ﻛﻮﻟﺸﻲ ﺑﺤﺪﻩ ﻣﺤﺘﺮﻣﺞ ﻭﻣﺪﻟﻠﺞ ..
ﺭﺩﺕ ﺗﺮﺣﻴﻦ ﻻﻥ ﺍﻧﻄﻴﺘﻬﻢ ﺣﺠﺎﻳﻪ ﻛﻮﻟﻨﺎ ﻧﺮﻭﺡ ﻛﺎﻋﺪﻩ ﺗﻠﻌﺒﻴﻦ
ﻭﻳﺎﻱ ﺷﻨﻮ ﺗﺮﺩﻳﻦ ﺗﻜﺴﺮﻳﻦ ﺣﺠﺎﻳﺘﻲ
ﺟﺎﻥ ﺿﺎﻏﻂ ﻋﻠﻰ ﺫﺭﺍﻋﻬﺎ ﺑﻘﻮﺓ .. ﻋﻮﻓﻨﻲ ﺫﺭﺍﻋﻲ ﻛﺎﻡ ﻳﻮﺟﻌﻨﻲ ﺷﺒﻴﻚ .
ﺗﺮﻛﻬﺎ ﺑﺴﺮﻋﻪ ﻭﺍﺷﺮﻟﻬﺎ ﺑﻴﺪﻩ ..
ﺭﻭﺣﻲ ﺑﺪﻟﻲ ﻭﻻﺗﺒﻘﻴﻦ
ﺗﻔﺮﻳﻦ ﺏ .... ﻛﺪﺍﻣﻲ ﺗﺪﺭﻳﻨﻲ ﻣﺎﺍﺗﺤﻤﻞ ﺟﺎﻱ ﺗﺴﻮﻳﻠﻲ ﺍﻏﺮﺍﺀﺍﺕ ﺣﺘﻰ ﺍﺗﻐﺎﺿﻰ .
ﺷﻬﻜﺖ ﻭﺧﻠﺖ ﺍﻳﺪﻫﺎ ﻋﻠﻰ ﺻﺪﺭﻫﺎ .. ﻋﺰﺯﺯﺍ ﻭﺍﻟﻠﻪ ﺍﻟﻌﻈﻴﻢ ﻣﻮ ﻗﺼﺪﻱ ﻭﺍﻟﻠﻪ ﺍﻧﺖ ﺗﻔﻜﻴﺮﻙ ﻣﻨﺤﺮﻑ .
ﺗﻘﺪﻣﻠﻬﺎ ﻣﻌﺼﺐ ﻭﻫﻮ ﻳﺸﻮﻓﻬﺎ ﺗﺘﻠﻮﻯ ﺟﺪﺍﻣﻪ .. ﻓﻮﺗﻲ ﺑﺪﻟﻲ ﺍﻟﺞ ﺧﻤﺲ ﺩﻗﺎﻳﻖ ﻭﺍﺷﺮ ﻋﻠﻰ ﺳﺎﻋﺘﻪ ﻭﻃﻠﻊ ﻣﻦ ﺍﻟﻐﺮﻓﻪ .
ﻛﻌﺪ ﻳﻨﺘﻈﺮﻫﺎ ﻭﻋﻴﻨﻪ ﻋﻠﻰ ﻋﺒﺪﺍﻟﻠﻪ ﺍﻟﻤﻠﺘﻬﻲ ﻳﺼﻔﻂ ﻭﻳﺨﺮﺑﻂ ﺑﻜﻮﺷﺎﺕ ﺍﻟﻘﻨﻔﻪ .. ﻳﻌﺘﺮﻑ ﺩﻳﻤﺎ ﺗﺨﺮﺑﻂ ﺍﺣﻮﺍﻟﻪ ﻭﺧﺎﺻﻪ ﻣﻦ ﻳﺸﻮﻓﻬﺎ ﺑﻠﺒﺲ ﻣﻐﺮﻱ ﺟﺎﻥ ﻣﺘﻮﻗﻊ
ﻛﺎﻋﺪﻩ ﺗﻐﺮﻱ ﻟﻴﺴﻤﻊ ﺣﺠﺎﻳﺘﻬﺎ ﻭﻣﻴﺎﺧﺬﻫﺎ ﺑﺲ ﻣﻦ ﺷﺎﻓﻬﺎ
ﺷﻬﻜﺖ ﻭﺣﻠﻔﺘﻠﻪ ﺻﺪﻛﻬﺎ ﺭﺍﺳﺎ ﺩﻳﻤﺎ ﺗﺼﺮﻓﺎﺗﻬﺎ ﻋﻔﻮﻳﺔ
ﻭﺗﺘﺼﺮﻑ ﺑﻜﻞ ﺑﺮﺍﺀﺓ ﺑﺲ ﻣﺮﺍﺕ ﻋﺪﻫﺎ ﺷﻴﻄﻨﻪ ﻳﺤﺴﻬﺎ ﺗﺮﻳﺪ ﺍﺩﻭﺧﻪ ﺣﺘﻰ ﻳﺘﻌﻠﻖ ﺑﻴﻬﺎ ﻫﻬﻬﻪ ﻋﻠﻴﺶ ﻣﺘﻌﺒﻪ
ﺭﻭﺣﺞ ﻳﺮﻭﺣﻲ ﻭﻛﻠﺒﻲ ﻫﻮ ﺍﻧﻲ ﻣﻦ ﺍﻭﻝ ﻳﻮﻡ ﺷﻔﺘﺞ
ﺳﻴﻄﺮﺗﻲ ﻋﻠﻴﻪ ﺍﺍﺍﺥ ﺑﺲ ﻟﻮ ﻳﻠﻴﻦ ﻫﺎﻟﺮﺍﺱ ﺗﺤﺐ ﺗﻌﺎﻧﺪ
ﺑﺲ ﺧﻠﻴﻬﺎ ﻫﺎﻱ ﻣﺎﻝ ﺍﺷﻮﻓﻬﺎ ﺍﻟﻌﻴﻨﺔﺍﻟﺤﻤﺮﺍ ﻳﻼ ﺗﺴﺘﻌﺪﻝ
... ﺣﻘﻬﺎ ﻣﺘﺮﻳﺪ ﺗﺮﻭﺡ ﺑﺲ ﻻﺯﻡ ﺗﻌﺮﻑ ﺫﻭﻝ ﺍﻫﻠﻲ ﺻﺢ
ﻣﻮ ﺫﻳﺞ ﺍﻟﻌﻼﻗﻪ ﺍﻟﻘﻮﻳﺔ ﺑﺲ ﻻﺯﻡ ﻋﺒﺪﺍﻟﻠﻪ ﻣﻦ ﻳﻜﺒﺮ ﻳﻌﺮﻑ ﻋﻨﺪﻩ ﺍﻫﻞ ﻭﻋﺎﺋﻠﻪ ﺟﺒﻴﺮﺓ .
ﻫﻮ ﺭﺍﻳﺢ ﺍﺳﻘﺎﻁ ﻓﺮﺽ ﻣﺠﺮﺩ ﻳﻔﻬﻤﻬﻢ ﻣﻤﻬﺘﻢ ﻻﻥ ﻳﻌﺮﻓﻮﻧﻪ ﺯﻳﻦ ﻣﻤﺤﺘﺎﺟﻬﻢ ﻭﻳﺪﺭﻱ ﺗﻘﺮﺏ ﺳﺮﻣﺪ ﻻﻥ ﺧﺎﻑ ﻳﻄﺎﻟﺐ ﺑﻮﺭﺙ ﻋﻤﺮ ﺍﻟﻠﻪ ﻳﺮﺣﻤﻪ ﻭﺍﻋﻲ ﺣﻴﻞ ﻟﺴﻮﺍﻟﻔﻬﻢ ﻭﺣﺼﻪ ﻋﺒﻮﺩﻱ ﻭﺍﻣﻪ ﺭﺍﺡ ﻳﻄﻠﻌﻬﺎ ﻣﻦ ﻧﺺ ﻋﻴﻨﻬﻢ ﺑﺲ ﻣﻮ ﻫﺴﺔ ﺧﻠﻬﻢ ﻳﺄﻣﻨﻮﻥ .
ﺍﻧﺘﺒﻪ ﻋﻠﻴﻬﺎ ﻭﺍﻛﻔﻪ ﻛﺪﺍﻣﻪ ﻭﻋﻴﻮﻧﻬﺎ ﺣﻤﺮ ﻋﺼﺒﻴﻪ ﻭﻏﻀﺐ ﺟﺎﻧﺖ ﻧﻈﺮﺍﺗﻬﺎ .
ﺟﺎﻧﺖ ﻛﺎﺷﺨﻪ ﻻﺑﺴﺔ ﺟﺒﻪ ﺳﻤﺎﻛﻲ ﻭﺷﺎﻝ ﺭﻫﻤﺘﻪ ﻭﻳﺎﻫﺎ
ﻻﺑﺴﻪ ﺫﻫﺒﻬﺎ ﻭﺷﺎﻳﻠﺔ ﺍﻟﺠﻨﻄﻪ ﻃﺎﻟﻌﺔ ﻓﺪ ﺷﻲ ﺭﺍﻗﻲ ﺧﻠﺖ ﻓﺎﺭﺱ ﻳﺒﻠﻊ ﺭﻳﻚ ﺑﻘﻰ ﺻﺎﻓﻦ ﻋﻠﻴﻬﺎ ﻓﺎﺗﺖ ﺭﺗﺒﺖ ﺍﻟﻜﻮﺷﺎﺕ ﻭﺯﻣﺨﺖ ﺑﻌﺒﻮﺩﻱ ﺍﻟﺒﺮﻃﻢ ..
ﻟﻴﺶ ﻫﺎﻱ ﺍﻟﻬﻮﺳﺔ ﻫﺎﺍﺍﺍﺍ .
ﺷﺎﻟﺘﻪ ﺑﺤﻈﻨﻬﺎ ﺑﻘﻰ ﻳﺪﺣﻚ ﺑﻮﺟﻬﺎ ﺧﺎﻳﻒ ﺑﺎﺳﺘﻪ ﺑﺤﻠﻜﻪ
ﻭﻣﺴﺤﺖ ﺷﻌﺮﻩ ﺍﻟﻤﻜﻨﻔﺶ .. ﺣﺒﻴﺒﻲ ﻋﺒﻮﺩﻱ ﺍﻭﻭﺥ ﻻ ﺗﺒﺮﻃﻤﻴﻦ ﺍﻣﻮﻭﻭﻭﺍﻩ ﺑﻮﺳﺘﻪ ﺑﺨﺪﻭﺩﻩ ﺿﺤﻜﻠﻬﺎ .
ﺭﻓﻌﺖ ﺗﻚ ﺣﺎﺟﺐ ﻟﻔﺎﺭﺱ ﺍﻟﺠﺎﻥ ﻣﺴﻄﻮﺭ ﺑﻴﻬﺎ ﻭﺑﺘﺼﺮﻓﺎﺗﻬﺎ .. ﻻﻋﺒﺎﻟﻚ ﺭﺍﺡ ﺗﻜﺴﺮﻧﻲ ﻣﻦ ﺗﻔﺮﺽ ﻋﻠﻴﻪ
ﺍﺭﻭﺣﻠﻬﻢ ﺟﺠﺞ .
ﺗﻘﺮﺏ ﻋﻠﻴﻬﺎ ﻭﺷﻢ ﻋﻄﺮﻫﺎ ﺗﺮﺱ ﺭﻳﺘﻪ .. ﻣﺎﻋﺎﺵ ﺍﻟﻴﻜﺴﺮﺝ
ﺩﻳﻤﺎ ﺍﻧﻲ ﺍﺭﻳﺪ ﻣﺼﻠﺤﺘﺢ .
_ ﺍﺳﻢ ﺍﻟﻠﻪ ﻋﻠﻴﻚ ﻻﺗﺤﺠﻲ ﻫﻴﺞ ﺑﺲ ﺍﻧﻲ ﻓﻌﻼ ﺭﺍﻳﺤﻪ
ﻭﻣﺨﻠﻴﻪ ﺍﻋﺼﺎﺑﻲ ﺑﺠﻒ ﺍﻳﺪﻱ .
_ ﻳﻼ ﺧﻞ ﻧﺘﺴﻬﻞ .
******
ﺩﺧﻞ ﻧﻘﻴﺐ ﻣﺎﻫﺮ ﻟﻤﻜﺘﺐ ﺍﻟﻌﻘﻴﺪ ﺍﺣﻤﺪ ﺿﺮﺑﻠﻪ ﺗﺤﻴﺔ
ﻭﺧﻠﻪ ﺍﻟﻤﻠﻒ ﻛﺪﺍﻣﻪ .. ﺳﻴﺪﻱ ﻫﺬﺍ ﻣﻠﻒ ﺍﻟﻘﻀﻴﺔ ﺭﺍﺟﻌﺘﻪ
ﻭﻟﻜﻴﺖ ﺧﻴﻂ ﻳﻮﺻﻠﻨﻪ ﻟﺰﻋﻴﻢ ﺍﻟﻌﺼﺎﺑﺔ .
_ ﻧﻘﻴﺐ ﻣﺎﻫﺮ ﺍﺷﻮﻓﻚ ﻣﺘﺤﻤﺲ ﻟﻬﺎﻱ ﺍﻟﻘﻀﻴﺔ .
_ ﻭﺍﻟﻠﻪ ﺳﻴﺪﻱ ﻛﻼﻣﻚ ﺻﺤﻴﺢ ﻭﺍﻥ ﺷﺎﺀ ﺍﻟﻠﻪ ﺍﻛﻮﻥ ﻛﺪ ﻫﺎﻱ ﺍﻟﻤﺴﺆﻟﻴﺔ .
_ ﺍﻥ ﺷﺎﺀ ﺍﻟﻠﻪ .. ﺷﺨﺒﺎﺭ ﻧﺸﻮﺍﻥ ﻗﺒﻞ ﺍﺳﺒﻮﻉ ﺧﺎﺑﺮﺗﻪ
_ ﺍﻟﺤﻤﺪﻟﻠﻪ ﻫﺴﻪ ﺑﺪﻳﺎﻟﻰ ﻗﺒﻞ ﺷﻮﻳﺔ ﺣﺎﺟﻴﺘﻪ ﻳﻮﻣﻴﻦ ﻭﺭﺍﺟﻊ ﻳﻜﻮﻝ ﺍﺷﺘﺎﻛﻴﺖ ﻟﻠﺪﻭﺍﻡ ﻭﻟﺠﻤﺎﻋﺘﻲ .
_ ﻫﻬﻬﻬﻪ ﺍﻟﺤﻤﺪﻟﻠﻪ ﻃﻠﻊ ﺳﻼﻣﺎﺕ ﻭﺍﻟﻠﻪ ﻫﺎﻟﻨﺸﻮﺍﻥ ﺫﻳﺐ
ﺷﻮﻑ ﻣﺎﻫﺮ ﺍﺭﻳﺪ ﺗﺘﻜﺘﻢ ﻋﺎﻟﻤﻬﻤﻪ ﺍﺭﻳﺪﻫﺎ ﺑﺴﺮﻳﺔ ﺗﺎﻣﻪ
ﺍﻟﻮﺿﻊ ﺣﺴﺎﺱ ﻻﻥ ﺍﻟﺴﺎﻟﻔﺔ ﺑﻴﻬﺎ ﺭﺗﺐ ﻭﻣﻨﺎﺻﺐ ﺭﺍﺡ ﻳﻮﻛﻌﻮﻥ ﺍﻧﻲ ﺍﺧﺘﺎﺭﻳﺘﻜﻢ ﺍﺩﺭﻱ ﺑﻴﻜﻢ ﻛﺪ ﺍﻟﻤﺴﺆﻟﻴﺔ
ﻭﻧﺸﻮﺍﻥ ﻟﻮﻣﺎ ﺍﺻﺎﺑﺘﻪ ﺟﺎﻥ ﺳﺤﺒﺘﻪ ﻟﻬﺎﻱ ﺍﻟﻤﻬﻤﻪ .
_ ﺳﻴﺪﻱ ﺍﺩﺭﻱ ﺑﻲ ﺭﺍﺡ ﻳﻀﻮﺝ ﻭﻫﺴﺔ ﻳﻜﻠﻚ ﺍﻧﻲ ﻛﻮﻟﺸﻲ ﻣﺎﺑﻴﻪ .
_ ﻫﻬﻬﻪ ﺟﺎﻱ ﺗﻌﻠﻤﻨﻲ ﻋﻠﻴﻪ ﺍﻋﺮﻓﻪ ﻳﺬﺏ ﺭﻭﺣﻪ ﺑﻨﺺ ﺍﻟﻨﺎﺭ .
ﻣﺎﻫﺮ ﺭﺟﻊ ﻟﻤﻜﺘﺒﻪ ﻭﺗﻔﻜﻴﺮﻩ ﺑﺎﻟﻤﻬﻤﻪ ﺗﺤﺴﻒ ﻟﺼﺎﺣﺒﻪ
ﻟﻮ ﻣﻮﺟﻮﺩ ﻭﻳﺎ ﺑﺲ ﺷﻠﻮﻥ ﻭﻣﺎﺻﺎﺭ ﺷﻬﺮ ﻋﻠﻰ ﺍﺻﺎﺑﺘﻪ
ﺍﻟﻤﻬﻤﻪ ﺳﺮﻳﻪ ﻭﻫﻮ ﻳﺮﻳﺪ ﻳﺎﺧﺬ ﺭﺃﻱ ﻧﺸﻮﺍﻥ ﻋﻨﺪﻩ ﻛﻢ ﻣﻼﺣﻈﻪ ﻳﻌﺮﻓﻪ ﻭﻳﻌﺮﻑ ﻧﻈﺮﺗﻪ ﺩﻭﻣﻬﺎ ﺗﺼﻴﺐ ﺻﺢ ﻫﻲ
ﺳﺮﻳﺔ ﺑﺲ ﻧﺸﻮﺍﻥ ﻣﻦ ﺿﻤﻦ ﺍﻟﻀﺒﺎﻁ ﺍﻟﺜﻘﺔ ﻳﻨﺘﻈﺮ ﺭﺟﻌﺘﻪ ﻣﻦ ﺩﻳﺎﻟﻰ ﻭﺍﻟﻠﻪ ﻛﺮﻳﻢ .
******
ﻣﺎﻣﺎ ﻧﺸﻮﺍﻥ ﻭﻳﻦ ﺻﺮﺕ ﺍﻟﻌﺸﺎ ﺣﻴﺒﺮﺩ .. ﺻﺎﺣﺘﻪ ﺍﻣﻪ
ﺍﻟﺠﺎﻧﺖ ﻃﺎﻳﺮﺓ ﺑﻲ ﻣﻤﺼﺪﻛﻪ ﺍﻟﺤﻤﺪﻟﻠﻪ ﺍﻟﺮﺟﻌﻠﻬﺎ ﺳﺎﻟﻢ
ﻭﻣﻦ ﺍﺟﻰ ﺻﺎﺭﻟﻪ ﺛﻼﺙ ﺍﻳﺎﻡ ﺣﺎﺭﺕ ﺷﺘﺴﻮﻳﻠﻪ ﻣﺪﺍﺭﺍﻩ
ﻭﺍﻛﻞ ﻓﺮﺣﺎﻧﻪ ﺑﻲ .. ﻳﺤﺐ ﺍﻫﺘﻤﺎﻡ ﺍﻣﻪ ﻃﻠﻊ ﻣﻦ ﻏﺮﻓﺘﻪ
ﻻﻛﺎﻫﺎ ﺑﺎﺏ ﺍﻟﻤﻄﺒﺦ ﺩﻧﻚ ﺑﺎﺱ ﺭﺍﺳﻬﺎ ﻭﺍﺧﺬ ﺍﻳﺪﻳﻬﺎ
ﻳﺒﻮﺳﻬﻦ .. ﺍﻭﻭﻑ ﺍﻣﻮﺕ ﻋﻠﻴﺞ ﻣﺎﺟﺪﻩ
_ ﻫﻬﻬﻬﻬﻪ ﺣﻴﺎﻝ ﺗﻌﺎﻝ ﻳﻌﻴﻮﻧﻲ ﺗﻌﺸﻰ ﺑﻴﺖ ﺧﺎﻟﺘﻚ ﻳﺠﻮﻥ ﻭﺭﻯ ﺍﻟﻌﺸﺎ .
ﻛﻌﺪ ﻭﻏﻤﺰ ﻟﻬﻤﺎﻡ ﺍﻟﺠﺎﻥ ﺻﺎﻓﻦ ﻋﻠﻴﻬﻢ .
ﺍﺟﺖ ﻧﻮﺭﺓ ﺣﻄﺖ ﺍﻟﺼﻤﻮﻥ ﻳﻤﻬﻢ ﻭﻛﻌﺪﻭ ﻳﺘﻌﺸﻮﻥ
ﺟﺎﻧﺖ ﻣﺴﻮﻳﺔ ﺑﻮﺭﻙ ﻭﺩﺟﺎﺝ ﺷﻮﻱ ﻭﻣﻘﺒﻼﺕ ﺍﺧﺘﺼﺎﺹ
ﻧﻮﺭﺓ .
ﻫﻤﺎﻡ ﻣﻦ ﺟﻮﺓ ﺍﻟﻤﻴﺰ ﺩﻍ ﺭﺟﻞ ﻧﺸﻮﺍﻥ ﺍﻟﺮﻓﻌﻠﻪ ﺗﻚ ﺣﺎﺟﺐ ﻭﻣﺴﺘﻤﺮ ﻳﺎﻛﻞ ﺑﺎﻟﺒﻴﺘﻨﺠﺎﻧﻴﺔ .
_ ﺷﻌﺪﻫﺎ ﺧﺎﻟﺘﻲ ﺍﻭﻝ ﺍﻟﺒﺎﺭﺣﺔ ﻳﻤﻨﻪ ﻫﻲ ﻭﺑﺘﻬﺎ .
_ ﻳﺎﺍﺍ ﺷﻨﻮ ﻫﺎﻟﺤﺠﻲ ﻏﻴﺮ ﺟﺎﻳﻪ ﺗﻄﻤﻦ ﻋﻠﻰ ﻧﺸﻮﺍﻥ
_ ﺷﺒﻲ ﺩﺷﻮﻓﻲ ﺷﻠﻮﻧﻪ ﻣﻦ ﺍﺟﻰ ﻟﻬﺴﺔ ﺑﺲ ﻳﺎﻛﻞ .
ﺧﺰﺭﺗﻪ .. ﺍﺳﻢ ﺍﻟﻠﻪ ﺍﺳﻢ ﺍﻟﻠﻪ ﺷﻨﻮ ﻫﺎﻟﺤﺠﻲ ﺍﺧﻮﻙ ﻃﺎﻟﻊ
ﻣﻦ ﺣﻠﻚ ﺍﻟﺠﺪﺭ .
_ ﻫﻬﻬﻬﻬﻬﻬﻬﻪ ﺣﺴﻴﺘﻚ ﺭﺍﺱ ﺑﺎﺟﻪ ﻫﻬﻬﻬﻪ
ﻧﺸﻮﺍﻥ ﻃﻜﻬﺎ ﺑﻀﺤﻜﻪ ﻫﻬﻬﻬﻬﻬﻬﻬﻬﻬﻬﻬﻪ
ﺧﻼﻫﻦ ﺻﺎﻓﻨﺎﺕ ﻋﻠﻴﻬﻢ ﺍﻣﻪ ﻭﻧﻮﺭﺓ ﺍﻟﻲ ﺍﺑﺘﺴﻤﺖ
ﺗﺪﺭﻱ ﺑﻬﻤﺎﻡ ﻳﺘﺸﺎﻗﻰ .
_ ﺍﻛﻠﻮﺍ ﺑﺲ ﻣﺎﻝ ﺗﺼﻨﻴﻒ .
_ ﻳﻤﻪ ﺭﺣﻤﻪ ﻷﻫﻠﺞ ﺧﺎﻟﺘﻲ ﻣﺘﺒﻄﻞ ﺳﻮﺍﻟﻔﻬﺎ ﻳﻮﻣﻴﻪ ﺳﺎﺣﻠﻪ ﺭﺣﺎﺏ ﻭﺟﺎﻳﻪ ﻭﺍﻟﻠﻪ ﻟﻌﺒﺖ ﻧﻔﺴﻲ ﻣﻨﻬﺎ .
ﻧﺸﻮﺍﻥ ﻳﺎﻛﻞ ﻭﻣﺒﺘﺴﻢ ﻳﻌﺮﻑ ﺑﻬﻤﺎﻡ ﻣﻴﺤﺐ ﺳﻮﺍﻟﻔﻬﻦ .
ﻋﺼﺒﺖ ﻣﺎﺟﺪﻩ .. ﻟﻴﺶ ﺍﺿﻮﺟﻮﻧﻲ ﺍﺧﺘﻲ ﺟﺎﻳﺔ ﻟﺒﻴﺘﻲ ﺑﻴﻬﺎ ﺷﻲ .
ﻧﺸﻮﺍﻥ ﺣﺐ ﻳﻨﻬﻲ ﺍﻟﺴﺎﻟﻔﻪ ﻭﻳﺪﺧﻠﻬﻢ ﺑﻐﻴﺮﻫﺎ .. ﻻ ﻳﻤﻪ
ﺻﺪﻙ ﺟﺬﺏ ﺧﺎﻟﺘﻲ ﻫﺎﻱ ﻛﻞ ﺍﻟﻬﻼ ﺑﻴﻬﺎ ﻫﺴﺔ ﻋﻮﻓﻮﻧﻪ
ﻣﻦ ﺳﺎﻟﻔﺘﻬﺎ ﺍﻧﻲ ﻋﻜﺒﻪ ﺭﺍﺟﻊ ﻟﺒﻐﺪﺍﺩ ﻭﺍﺭﻳﺪﻛﻢ ﺗﻜﻮﻧﻮﻥ
ﻋﻠﻰ ﻋﻠﻢ ﺍﻧﻲ ﺭﺍﺡ ﺍﺗﺰﻭﺝ .
ﻛﺤﺖ ﺍﻣﻪ ﻭﻏﺼﺖ ﺑﻜﻼﺹ ﺍﻟﻤﻲ ﺍﻟﺠﺎﻥ ﺑﻴﺪﻫﺎ ﺫﺑﺘﻪ ﻋﺎﻟﻤﻴﺰ ﻭﺩﺣﻜﺖ ﻋﻠﻰ ﻧﺸﻮﺍﻥ ﻭﺿﺮﺑﺖ ﺍﻳﺪﻫﺎ ﻋﺎﻟﻤﻴﺰ
ﺑﻘﻮﺓ .. ﺷﻠﻮﻭﻭﻥ ﻣﻨﻮ ﻫﺎﻱ ﺍﻻﻟﺘﻔﺖ ﻋﻠﻴﻚ ﺍﻛﻴﺪ ﻣﻦ ﺫﻧﻲ ﺑﻨﺎﺕ ﻫﺎﻟﻮﻛﺖ .
ﺩﻓﻌﺖ ﻛﺮﺳﻴﻬﺎ ﻭﻛﺎﻣﺖ ﻟﻠﻬﻮﻝ ﻛﻌﺪﺕ ﻋﺎﻟﻘﻨﻔﻪ ﺑﺲ ﺷﻨﻮ ﻋﺼﺒﻴﻪ ﻧﺎﺭ .
ﺑﺎﻟﻤﻄﺒﺦ ﻫﻤﺎﻡ ﺳﺄﻟﻪ .. ﺻﺪﻙ ﺗﺤﺠﻲ ﺍﻟﻒ ﻣﺒﺮﻭﻙ ﺍﺧﻴﺮﺍ
ﺭﺍﺡ ﺗﺘﺰﻭﺝ .
_ ﻣﺒﺮﻭﻙ ﻧﺸﻮﺍﻥ .. ﺣﺠﺘﻬﺎ ﻧﻮﺭﺓ ﻭﻛﺎﻣﺖ ﺗﻠﻢ ﺑﺎﻟﻤﻮﺍﻋﻴﻦ
ﻣﺤﺒﺖ ﺍﺩﺧﻞ ﺭﻭﺣﻬﺎ ﺗﺪﺭﻱ ﻋﻤﺘﻬﺎ ﻣﻦ ﺗﻌﺼﺐ ﺑﻌﺪ ﻣﺘﻨﺤﻤﻞ .
_ ﺯﻋﻠﺖ ﺑﻌﺪ ﺷﻴﺮﺿﻴﻬﺎ ﺍﻛﻮﻡ ﺍﺭﻭﺣﻠﻬﺎ ﻋﻮﺩ ﺗﻌﺎﻝ ﺳﺎﻋﺪﻧﻲ ﻣﺤﺘﺎﺝ ﻭﻛﻔﺘﻚ ﻫﻬﻬﻬﻬﻬﻪ
_ ﺍﻳﺒﺎﺍﺍﺍﻩ ﺷﻜﺪ ﺧﺎﻳﻒ ﻫﺴﺔ ﺑﺤﺠﺎﻳﺘﻴﻦ ﺗﻘﻨﻌﻬﺎ ﺗﻌﻠﻤﻨﻲ
ﺑﻴﻚ .
ﻛﻌﺪ ﺑﺼﻔﻬﺎ ﻭﺟﺮﻫﺎ ﻟﺤﻈﻨﻪ .. ﻳﺒﻌﺪ ﻛﻠﺒﻲ ﻟﻴﺶ ﺯﻋﻠﺘﻲ
ﺑﺎﺱ ﺭﺍﺳﻬﺎ ﻭﺑﻘﺎﻫﺎ ﺑﺤﻈﻨﻪ .
ﻳﻤﻪ ﻭﺍﻟﻠﻪ ﺍﺭﻳﺪ ﺭﺿﺎﺝ ﻋﻨﻲ ﺍﻧﻲ ﺍﻟﺒﻨﻴﺔ ﺷﻔﺘﻬﺎ ﺍﺧﻼﻕ
ﻭﻣﺘﺮﺑﺎﻳﺔ ﻟﻴﺶ ﺍﺿﻴﻌﻬﺎ ﻣﻦ ﺍﻳﺪﻱ ﺑﻨﻴﺔ ﺣﻠﻮﺓ ﻣﺮﺗﺒﺔ
ﻭﺩﻛﺘﻮﺭﺓ ﺑﻌﺪ ﻋﻠﻴﺶ ﺿﺎﻳﺠﻪ ﻭﺍﻟﻘﺮﺃﻥ ﺑﺲ ﺗﺸﻮﻓﻴﻬﺎ
ﺗﺤﺒﻴﻬﺎ .
ﺩﻓﻌﺘﻪ ﻭﻋﺪﻟﺖ ﻛﻌﺪﺗﻬﺎ .. ﻳﻌﻨﻲ ﻣﺎﻓﻜﺮﺕ ﺍﺑﻨﺖ ﺧﺎﻟﺘﻚ .
_ ﻳﻤﻪ ﺻﺪﻙ ﺗﺤﺠﻴﻦ ﻫﺎﻱ ﺯﻋﻄﻮﻃﻪ ﻣﺘﻮﺍﻟﻤﻨﻲ .
_ ﺷﻌﺮﻓﻚ ﺑﻴﻬﺎ ﻫﺎﻱ ﺍﻟﺪﻛﺘﻮﺭﺓ ﻳﺠﻮﺯ ﺗﻄﻠﻊ ﻣﻮ ﻋﺎﻟﺸﻮﻓﻪ
ﻭﺗﺼﻴﺮﻟﻲ ﻃﻨﻄﻞ .
ﺍﺑﺘﺴﻢ ﻧﺸﻮﺍﻥ ﻳﺪﺭﻱ ﺑﺄﻣﻪ ﻟﻮ ﺣﺘﻰ ﺗﻌﺼﺐ ﻣﻦ ﻳﺤﺠﻲ
ﻭﻳﺎﻫﺎ ﻳﻘﻨﻌﻬﺎ .. ﺍﺫﻛﺮﺗﻲ ﺍﻟﺪﻛﺘﻮﺭﺓ ﺍﻟﺠﺎﻧﺖ ﻳﻤﻲ ﺑﺎﻟﻐﺮﻓﻪ
ﻣﻦ ﺳﺄﻟﺘﻴﻬﺎ ﻋﻠﻴﻪ .
ﺻﻔﻨﺖ ﺍﻣﻪ ﺗﺘﺬﻛﺮ ﺑﻌﺪﻳﻦ ﺍﺑﺘﺴﻤﺘﻠﻪ .. ﻳﺎ ﺣﻴﺎﻝ ﺻﺪﻙ ﺗﺤﺠﻲ ﺷﻠﻮﻧﻬﺎ ﺟﻨﻬﺎ ﺍﻟﻌﺎﻓﻴﺔ ﻧﺎﺯﻛﻪ ﻭﺣﻠﻮﺓ ﺑﺲ ﺣﺴﻴﺘﻬﺎ ﺟﺎﻣﺪﺓ ﻣﺪﺭﻱ ﺷﺒﻴﻬﺎ .
ﺍﺗﺬﻛﺮ ﻧﺸﻮﺍﻥ ﺟﺎﻧﺖ ﺑﻮﻛﺘﻬﺎ ﻣﻌﺼﺒﻪ ﻋﻠﻴﻪ .. ﻃﺒﻌﻬﺎ ﻫﺎﺩﺋﺔ ﻭﺍﻟﻠﻪ ﻳﻤﻪ ﺭﺍﺡ ﺗﺤﺒﻴﻬﺎ ﺑﺲ ﺗﻌﺎﺷﺮﻳﻬﺎ .
_ ﻣﺎﻣﺎ ﺷﺮﻳﺪ ﺍﻧﻲ ﻏﻴﺮ ﺳﻌﺎﺩﺗﻜﻢ .
ﻣﺤﺐ ﻳﻜﻠﻠﻬﻢ ﻣﺘﺰﻭﺟﻬﺎ ﻻﻥ ﺭﺍﺡ ﻳﺒﻘﻮﻥ ﻳﺴﺎﻟﻮﻥ ﻭﻫﻮ ﻣﻴﺮﻳﺪ ﻳﺤﺮﺟﻬﺎ ﻭﻳﺎﻫﻢ ﺑﺲ ﻗﺮﺭ ﺑﻌﺪ ﻓﺘﺮﺓ ﻳﻜﻠﻬﻢ ﺗﺰﻭﺟﻬﺎ ﻭﻳﺴﻮﻱ ﺣﻔﻠﺔ ﺯﻭﺍﺟﻪ ﻳﻢ ﺍﻫﻠﻪ .
ﻳﺪﺭﻱ ﺍﻣﻪ ﺭﺍﺡ ﺗﺰﻋﻞ ﺑﺲ ﻻﺯﻡ ﻫﻴﺞ ﻳﺘﺼﺮﻑ .
......
ﻣﻼﺫ ﺗﻔﺘﺮ ﺑﺎﻟﺸﻘﻪ ﻭﺣﺪﻫﺎ ﺗﺤﺲ ﻣﻔﺘﻘﺪﻩ ﻧﺸﻮﺍﻥ ﻣﺤﺒﺖ
ﺗﺮﻭﺡ ﻟﺒﻴﺖ ﻃﻼﻝ ﺗﺮﻳﺪ ﺗﺮﺗﺐ ﺍﻓﻜﺎﺭﻫﺎ ﻭﺣﺪﻫﺎ ...
ﺭﺍﺣﺖ ﻟﻔﺮﺍﺷﻪ ﻣﺪﺩﺕ ﻋﻠﻴﻪ ﻭﺷﻤﺖ ﺍﻟﻤﺨﺪﻩ ﻋﻄﺮﻩ ﺑﻴﻬﺎ
ﺣﺴﺖ ﺧﻔﻘﻪ ﺑﻜﻠﺒﻬﺎ ﺭﻥ ﺍﻟﻤﻮﺑﺎﻳﻞ ﺷﺎﻟﺘﻪ ﻧﺸﻮﺍﻥ ﺟﺎﻧﺖ ﻣﺨﻠﻴﻪ ﺍﺳﻢ ﻣﻨﻴﺮ ﺑﻌﺪﻳﻦ ﻏﻴﺮﺗﻪ ﻓﺘﺤﺖ ﺧﻂ ﺟﺎﻫﺎ ﺻﻮﺗﻪ ﻧﺒﺮﺗﻪ ﻫﺎﺩﺋﺔ ﻭﻫﻮ ﻳﺴﺄﻟﻬﺎ ﻋﻦ ﺍﺧﺒﺎﺭﻫﺎ ﻳﻮﻣﻴﻪ
ﻳﺘﺼﻞ ﻋﻠﻴﻬﺎ ﺗﻌﻮﺩﺕ ﺗﺮﺩ ﻋﻠﻴﻪ .. ﺷﻠﻮﻧﺞ
_ ﺯﻳﻨﻪ
_ ﻣﺴﺄﻟﺘﻴﻨﻲ ﺷﻠﻮﻧﻲ .
ﻋﻀﺖ ﻃﺮﻑ ﺷﻔﺘﻬﺎ .. ﺍﻛﻴﺪ ﺯﻳﻦ ﺑﻨﺺ ﺍﻫﻠﻚ ﻭﺟﺎﻱ ﻳﺪﺍﺭﻭﻙ .
_ ﻫﻬﻬﻬﻬﻬﻪ ...
ﺣﺴﺖ ﺧﺪﺭ ﺑﺄﺫﻧﻬﺎ ﻭﻫﻲ ﺗﺴﻤﻊ ﺿﺤﻜﺘﻪ ﺷﻜﺪ ﺣﻠﻮﺓ
ﻭﺩﺍﻓﻴﺔ .
_ ﺧﺒﺮﺗﻬﻢ ﺭﺍﺡ ﺍﺗﺰﻭﺝ ﻭﺍﻣﻲ ﺩﺭﺕ ﺍﻧﺘﻲ ﺭﺍﺡ ﺗﺼﻴﺮﻳﻦ
ﺟﻨﺘﻬﺎ ﻭﻓﺮﺣﺖ ﺗﻜﻮﻝ ﺣﻠﻮﺓ ﻭﻧﺎﺯﻛﻪ .
ﺍﺣﻤﺮﺕ ﺧﺪﻭﺩﻫﺎ .. ﻣﻮ ﻋﻠﻰ ﺍﺳﺎﺱ ﺭﺍﺡ ﺍﻃﻠﻚ ﻟﻴﺶ ﻫﻴﺞ ﺗﺘﺼﺮﻑ
ﻧﺘﺮ ﺑﻴﻬﺎ .. ﻣﺨﺒﻞ ﺍﻃﻠﻜﺞ ﺑﻌﺪ ﻣﺎ ﺍﺳﻤﻊ ﻫﺎﻟﺤﺠﻲ ﺍﻓﺘﻬﻤﺘﻲ .
ﺍﺟﺎﻱ ﺗﺴﻮﻳﻦ ﻫﺴﺔ .
_ ﻣﺪﺩﻩ ﻋﺎﻟﻔﺮﺍﺵ .
_ ﺍﻭﻳﻠﻲ ﻧﺎﻳﻤﻪ ﺑﻔﺮﺍﺷﻲ ﻭﻋﻠﻰ ﻣﺨﺪﺗﻲ ﻫﻨﻴﺎﻟﻬﺎ ﻟﻠﻤﺨﺪﻩ .
ﺍﺳﺘﺤﺖ .. ﻧﺸﻮﺍﻥ ﺷﻨﻮ ﻫﺎﻟﺤﺠﻲ .
_ ﺷﺒﻴﺞ ﻣﺮﺗﻲ ﻭﺟﺎﻱ ﺍﺳﻮﻟﻒ ﻭﻳﺎﻫﺎ ﻣﻼﺫ ﻣﺸﺘﺎﻗﻠﺞ
ﺗﻌﻮﺩﺕ ﻋﻠﻴﺞ ﻋﻠﻰ ﺍﺳﺎﺱ ﻋﻜﺒﻪ ﺟﺎﻱ ﺑﺲ ﻭﺍﻟﻠﻪ ﻣﻦ ﺳﻤﻌﺖ ﺻﻮﺗﺞ ﻫﺴﺔ ﻭﺩﺭﻳﺖ ﻧﺎﻳﻤﻪ ﺑﻔﺮﺍﺷﻲ ﻓﻘﺪﺕ
ﻭﺟﺎﻱ ﺍﺗﺨﻴﻠﺞ ﺑﺤﻈﻨﻲ ﺍﺭﻳﺪ ﺍﻟﻤﺴﺞ ﺍﺷﻢ ﻋﻄﺮﺝ ﺭﺍﺡ ﺍﺟﻲ ﺑﺎﺟﺮ .
ﻣﻼﺫ ﺍﺳﺘﺤﺖ ﻭﺧﺪﻭﺩﻫﺎ ﺟﻤﺮﻥ ﺳﺪﺕ ﺍﻟﻤﻮﺑﺎﻳﻞ ﺭﺍﺳﺎ
ﺷﻮﻱ ﻭﺭﻥ ﻣﺠﺎﻭﺑﺘﻪ ﺑﻘﻰ ﻳﺮﻥ ﺍﺧﺮ ﺷﻲ ﺩﺯ ﺭﺳﺎﻟﻪ
... ﻭﺍﻟﻠﻪ ﺍﻟﻌﻈﻴﻢ ﺍﺫﺍ ﻣﺘﺮﺩﻳﻦ ﻫﺴﺔ ﺍﻃﻠﻊ ﻟﺒﻐﺪﺍﺩ .
_ ﻣﺨﺒﻞ ﻳﺴﻮﻳﻬﺎ .. ﺍﻟﻮﻭﻭ .
ﻛﻮﺓ ﻛﺎﺗﻢ ﻋﺼﺒﻴﺘﻪ ﻻ ﺍﺣﺪ ﻳﺴﻤﻌﻪ .. ﺷﻠﻮﻥ ﺗﺴﺪﻱ ﺑﻮﺟﻬﻲ ...... ﻭﻳﻨﺞ ﺟﺎﻱ ﺍﺣﺎﺟﻴﺞ .
_ ﺷﺘﺮﻳﺪ ﻣﻨﻲ .
ﺟﺮ ﺣﺼﺮﺓ ﻭﺫﺑﻬﺎ .. ﺭﺍﻳﺪﺝ ﻣﻼﺫ ﺍﻓﺘﻬﻤﻲ ﻋﺎﺩ ﻟﺨﺎﻃﺮ ﺍﻟﻠﻪ .
ﺻﻮﺗﻪ ﺑﺄﺫﻧﻬﺎ ﻳﻬﻤﺴﻠﻬﺎ ﺧﻼﻫﺎ ﺿﺎﻳﻌﻪ ﺍﺣﺴﺎﺱ ﻻﻭﻝ ﻣﺮﺓ
ﻳﻤﺮ ﻋﻠﻴﻬﺎ ﺍﻟﻠﻬﻔﺔ ﺍﻟﺒﺼﻮﺗﻪ ﻣﻦ ﻳﻜﻠﻠﻬﺎ ﺭﺍﻳﺪﺝ ﺧﻠﺖ ﻛﻠﺒﻬﺎ
ﻳﺮﺟﻒ .. ﻗﺒﻞ ﻣﻤﺎﺭﺓ ﺑﻌﻼﻗﻪ ﻭﻣﻦ ﺗﺰﻭﺟﺖ ﻋﺼﺎﻡ ﺟﺎﻥ ﺑﺎﺭﺩ ﺑﻤﺸﺎﻋﺮﻩ ﻣﺎﺣﺴﺴﻬﺎ ﺑﺄﻧﻮﺛﺘﻬﺎ ﻭﻻ ﻋﺎﻣﻠﻬﺎ ﻛﺰﻭﺟﻪ
ﺟﺎﻧﺖ ﺑﺤﻴﺎﺗﻪ ﻣﺠﺮﺩ ﻭﺍﺟﻬﺔ ﻣﻨﻈﺮ ﻻ ﺍﻛﺜﺮ .
ﻧﺸﻮﺍﻥ ﻣﺸﺎﻋﺮﻩ ﺣﺎﺭﺓ ﻳﻌﺒﺮ ﻋﻨﻬﺎ ﺑﻜﻞ ﺻﺮﺍﺣﻪ ﻟﺪﺭﺟﻪ
ﻳﺼﺪﻣﻬﺎ ﺑﺴﻮﺍﻟﻔﻪ .
_ ﻣﻼﺍﺍﺍﺫ ﺍﺣﺠﻲ ﻟﻴﺶ ﺳﺎﻛﺘﻪ ﻳﻜﻠﺒﻲ .
ﺗﻨﻬﺪﺕ ﺑﻘﻮﺓ ﺧﻠﺘﻪ ﻳﺴﻤﻌﻬﺎ ﻭﻳﻌﺾ ﻋﻠﻰ ﺷﻔﺘﻪ ﺑﻘﻮﺓ
ﺟﺎﻱ ﻳﺘﺨﻴﻠﻬﺎ ﻳﺘﺨﻴﻞ ﻛﻞ ﺣﺮﻛﻪ ﺗﺴﻮﻳﻬﺎ .
_ ﻧﺸﻮﺍﻥ ﺧﻼﺹ ﺣﺴﺪﻩ ﻻﺗﺘﺼﻞ .
ﻓﻚ ﻋﻴﻨﻪ ﻣﻤﺼﺪﻛﻬﺎ ﻫﺎﻱ ﻛﻞ ﻋﻘﻠﻬﺎ ﻣﺘﻨﺎﻗﻀﺔ ﻣﺘﻌﺮﻑ
ﺗﺘﺼﺮﻑ ﻳﻜﻠﻬﺎ ﻣﺸﺘﺎﻛﻠﺞ ﺭﺍﻳﺪﺝ ﻭﻫﻴﻪ ﺣﺎﻳﻂ ﻣﺘﺤﺲ
ﺍﺻﺒﺮﻳﻠﻲ ﻳﺎ ﻣﻼﺫ ﺧﻞ ﺍﻭﺻﻞ ﺑﻐﺪﺍﺩ ﻭﻳﺼﻴﺮ ﺧﻴﺮ
ﺍﻧﻲ ﺍﻋﺮﻑ ﺷﻠﻮﻥ ﺍﻋﺎﻣﻠﺞ .
ﻧﺘﺮ ﺑﻴﻬﺎ ﻭﺟﺎﻥ ﻓﻌﻼ ﺿﺎﻳﺞ ﻣﻦ ﺣﺠﻴﻬﺎ .. ﻳﺼﻴﺮ ﺧﻴﺮ
ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ .
ﺳﺪﻩ ﻭﺷﻤﺮ ﺍﻟﻤﻮﺑﺎﻳﻞ ﻭﺭﺍﺡ ﻣﺪﺩ ﻋﺎﻟﺠﺮﺑﺎﻳﻪ ﻳﺤﺲ
ﻗﻬﺮﻩ ﺑﻜﻠﺒﻪ ﻳﻌﺮﻑ ﺷﻠﻮﻥ ﻳﺒﺮﺩﻫﺎ .
ﻣﻼﺫ ﻛﻌﺪﺕ ﻭﻟﺰﻣﺖ ﺭﺍﺳﻬﺎ ﺑﺎﻳﺪﻳﻬﺎ ﻫﺰﺕ ﺭﺍﺳﻬﺎ ﺗﺮﻳﺪ
ﺗﺼﻔﻲ ﺩﻣﺎﻏﻬﺎ ﻧﺸﻮﺍﻥ ﻛﺎﻋﺪ ﻳﺨﺘﺮﻕ ﺩﻓﺎﻋﺎﺗﻬﺎ ﻳﻔﺮﺽ
ﻧﻔﺴﻪ ﺑﻘﻮﺓ ﻣﺘﻜﺪﺭ ﻋﻠﻴﻬﺎ .
******
ﻣﻦ ﺭﺟﻌﻮﺍ ﺩﻳﻤﺎ ﺗﻌﺎﺭﻛﺖ ﻭﻳﻪ ﻓﺎﺭﺱ ﺟﺎﻧﺖ ﺭﺟﻌﺘﻬﻢ ﺑﺎﻟﻠﻴﻞ ﺍﻟﻄﺮﻳﻖ ﺑﻴﻦ ﻛﻨﻌﺎﻥ ﻭﺑﻌﻘﻮﺑﻪ ﺑﺎﻟﻠﻴﻞ ﺗﻘﺮﻳﺒﺎ ﺷﺒﻪ
ﻓﺎﺭﻍ ﺑﺲ ﺑﻴﻦ ﻓﺘﺮﺓ ﻭﺍﻟﺜﺎﻧﺒﺔ ﺗﻤﺮ ﺷﺎﺣﻨﻪ .. ﻫﻤﻪ ﺫﻭﻟﻪ
ﺍﻫﻠﻚ ﻛﺘﻠﻚ ﻣﺎﺭﻭﺡ ﻃﻮﻝ ﺍﻟﻮﻛﺖ ﻋﻴﻨﻬﻦ ﻋﻠﻴﻪ ﻳﺨﺰﺭﻥ ﺑﻴﻪ ﻣﻦ ﻏﻴﺮ ﺍﻟﺤﺠﻲ ﻭﺍﻟﺘﺒﺴﻤﺮ ﻋﺒﺎﻟﻚ ﻣﺎﻛﻠﻪ ﺣﻼﻝ ﺍﻟﺨﻠﻔﻬﻢ .
_ ﻛﺎﺍﺍﻓﻲ ﺷﺒﻴﺞ ﺧﻞ ﺍﺭﻛﺰ ﺑﺎﻟﺴﻴﺎﻗﻪ .. ﺍﺣﺪ ﺩﺍﺳﻠﺞ ﻋﻠﻰ ﻃﺮﻑ ﺍﺷﻮ ﺍﻟﻮﻟﺪ ﻛﻠﻬﺎ ﺗﺮﺣﺐ ﻭﺗﻬﻠﻲ ﺣﺘﻰ ﺍﻣﻬﻢ ﺍﻟﺸﻠﻞ
ﺑﺠﺖ ﻣﻦ ﺷﺎﻓﺖ ﻋﺒﻮﺩﻱ ﻣﺘﻜﺪﺭ ﺗﺤﺠﻲ ﺑﺲ ﻋﻴﻨﻬﺎ ﻋﻠﻴﻪ ﻭﺩﻣﻌﺘﻬﺎ ﻧﺎﺯﻟﻪ .
_ ﻣﺮﺓ ﺳﺮﻣﺪ ﻭﻣﺎﺯﻥ ﻧﺎﻓﺨﺎﺕ ﺭﻭﺣﻬﻦ ﺗﻜﻠﻲ ﺑﻌﺪ ﺷﺘﺮﺩﻳﻦ ﻣﺎﻝ ﻭﺩﻻﻝ ﻭﺍﻟﺬﻫﺐ ﺗﺎﺭﺱ ﺍﻳﺪﺝ ﻣﻮﺯﻳﻦ
ﺣﺼﻠﺘﻲ ﺭﺟﺎﻝ .
_ ﻫﺎﻱ ﻳﺎﻋﻮﺑﺔ .
_ ﻣﺮﺓ ﻣﺎﺯﻥ ﻭﺍﻟﻠﻪ ﻟﻮﻣﺎ ﺍﻟﻌﻴﺐ ﻻ ﺍﺭﻛﻌﻬﺎ ﺑﺎﻟﺤﺬﺍﺀ .
ﻭﺗﺮﺟﻊ ﺗﻜﻮﻝ ﺍﺑﻨﺞ ﻣﺎﻳﺸﺒﻪ ﺍﺑﻮ ... ﺑﻨﺖ ﺍﻟﻜﻠﺐ ﺷﻨﻮ ﻗﺼﺪﻫﺎ
ﻓﺎﺭﺱ ﺿﺎﺝ ﻣﻦ ﺳﻤﻊ ﺍﺧﺮ ﺣﺠﺎﻳﺔ ﻳﺪﺭﻱ ﺑﻴﻬﻢ ﻣﻴﺮﺩﻭﻫﺎ
ﺟﺎﻥ ﺳﺄﻟﻮﺍ ﻣﻦ ﺍﻭﻝ ﻋﻠﻴﻬﺎ ﺑﺲ ﻻﻥ ﺗﺰﻭﺟﻬﺎ ﻭﺻﺎﺭﻟﻬﺎ
ﺳﻨﺪ ﻭﻇﻬﺮ ﺑﺪﻭﺍ ﻳﺘﻘﺮﺑﻮﻥ ﻣﻨﻬﻢ .
_ ﺍﺷﻚ ﺣﻠﻜﻪ ﻟﻴﺤﺠﻲ ﻛﻠﻤﻪ ﺑﺤﻘﺞ ﺧﻼﺹ ﺧﻞ ﺗﻮﻟﻲ
ﻫﺎﻱ ﻣﺒﻴﻨﻪ ﻃﻜﺘﻬﺎ ﺍﻟﻐﻴﺮﺓ ﺷﺎﻓﺘﺞ ﺣﻼ ﻭﺍﻧﺎﻗﻪ ﻏﺎﺭﺕ ﻣﻨﺞ ﺟﻨﻬﺎ ﻣﺮﺓ ﺑﺒﺎﻱ .
ﺩﻳﻤﺎ ﺭﻏﻢ ﺿﻮﺟﺘﻬﺎ ﺑﺲ ﻣﻦ ﺳﻤﻌﺖ ﺣﺠﻲ ﻓﺎﺭﺱ ﺍﺑﺘﺴﻤﺖ ﻻﻥ ﺗﺸﺒﻴﻬﺎ ﺻﺤﻴﺢ ﻃﻮﻳﻠﻪ ﻭﺿﻌﻴﻔﺔ ﻭﺟﻬﺎ ﻳﺎﺑﺲ .
ﻭﻟﻮﺍ ﻟﻠﺒﻴﺖ ﺩﺧﻠﺖ ﺷﺎﻳﻠﻪ ﻋﺒﻮﺩﻱ ﺍﻟﻴﻮﻡ ﺗﻌﺐ ﻛﻀﺎﻫﺎ
ﻭﻳﻪ ﺍﻟﺠﻬﺎﻝ .
ﻧﻮﻣﺘﻪ ﺑﻔﺮﺍﺷﻪ ﺑﻌﺪ ﻣﺎﺑﺪﻟﺘﻠﻪ ﻫﻮ ﻭﻧﺎﻳﻢ ﻫﻤﺰﻳﻦ ﺟﺎﻧﺖ ﻣﺎﺧﺬﺗﻠﻪ ﺣﻔﺎﺿﺎﺕ ﻭﻣﻼﺑﺲ .
ﻓﺎﺗﺖ ﺍﺧﺬﺕ ﺩﺷﺪﺍﺷﺔ ﻧﻮﻡ ﻭﻣﻨﺸﻔﻪ ﻓﺎﺗﺖ ﻟﻠﺤﻤﺎﻡ
ﻣﻦ ﻃﻠﻌﺖ ﻓﺎﺭﺱ ﻓﺎﺕ ﻭﺭﺍﻫﺎ ﻭﻋﻴﻨﻪ ﻋﻠﻴﻬﺎ ﻃﺎﻟﻌﻪ
ﻧﺎﻋﻤﻪ ﻭﺣﻠﻮﺓ ﺑﻬﺎﻱ ﺍﻟﺪﺷﺪﺍﺷﺔ ﻟﻮﻧﻬﺎ ﻭﺭﺩﻱ ﻓﺎﺗﺢ
ﻧﺺ ﺭﺩﻥ ﺍﻟﺠﻮ ﻣﻐﻴﺮ ﺷﻬﺮ ﺍﻟﺮﺍﺑﻊ ﺣﻠﻮ .
ﻧﺸﻔﺖ ﺷﻌﺮﻫﺎ ﻭﺳﺮﺣﺘﻪ ﻭﺧﻠﺖ ﻣﺮﻃﺐ ﻭﻋﻄﺮ ﻓﺎﺗﺖ
ﺟﺮﺕ ﺣﺠﺎﺏ ﺍﻟﺼﻼﻩ ﻭﺍﻟﻤﺼﻼﻳﺔ ﻣﻜﺪﺭﺕ ﺗﺼﻠﻲ ﻳﻤﻬﻢ
ﻛﻤﻠﺖ ﻭﺭﺍ ﻓﺘﺮﺓ ﺍﻟﺘﻔﺘﺖ ﺷﺎﻓﺖ ﻓﺎﺭﺱ ﻣﺪﺩ ﻭﻳﺪﺣﻚ
ﻋﻠﻴﻬﺎ .
_ ﺗﻌﺎﻱ ﻫﻨﺎ .
ﺻﻔﻄﺖ ﺍﻟﺤﺠﺎﺏ ﻭﺍﻟﻤﺼﻼﻳﺔ .. ﻣﺼﻠﻴﺖ .
_ ﺻﻠﻴﺖ ﻫﻨﺎﻙ .
ﺩﺣﺴﺖ ﺭﻭﺣﻬﺎ ﺑﺎﻟﻔﺮﺍﺵ ﻭﺍﻧﻄﺘﻪ ﻇﻬﺮﻫﺎ ﺗﻘﺮﺏ ﻭﺷﻤﻬﺎ
.. ﺍﻭﻭﻭﻑ ﻳﻤﻮﺕ ﻫﺎﻟﻌﻄﺮ ﺗﻌﺎﻱ ﻟﻴﺶ ﻣﻄﻴﺘﻨﻲ ﻇﻬﺮﺝ .
ﻣﻠﺘﻔﺘﺖ ﻋﻠﻴﻪ ﺑﻌﺪﻫﺎ ﺿﺎﻳﺠﻪ ﻣﻦ ﻭﺭﺍ ﺳﻮﺍﻟﻔﻪ ﻏﺼﺒﻬﺎ
ﺗﺮﻭﺡ ﻭﻫﺬﺍ ﺍﻟﺤﺼﻠﺘﻪ ﻣﻨﻬﻢ .
_ ﺩﻳﻤﺎﺍﺍ ﺟﺎﻱ ﺍﺣﺎﺟﻴﺞ .
ﻧﻜﺘﺖ ﺟﺘﻔﻬﺎ ﺑﺪﻭﻥ ﺣﺠﻲ ﻓﺎﺭﺱ ﺿﺎﺝ ﻳﺘﺨﺒﻞ ﻣﻦ ﺗﺘﻌﺎﻣﻞ ﻭﻳﺎﻩ ﻭﺗﺘﺼﺮﻑ ﻫﺎﻟﺸﻜﻞ ﺟﺮﻫﺎ ﺣﻴﻞ ﻣﻦ ﺫﺭﺍﻋﻬﺎ
ﺣﺴﺖ ﺧﻠﻌﻬﺎ
_ ﺍﻳﻴﻴﻲ ﺷﺒﻴﻚ .
ﺣﻂ ﻋﻴﻨﻪ ﺑﻌﻴﻨﻬﺎ ﻳﺨﻮﻑ ﻣﻦ ﻋﺼﺒﻲ ﺩﻣﺎﺭﺍﺗﻪ ﻃﺎﻛﻪ
_ ﺷﻨﻮ ﻫﺎﻟﺘﺼﺮﻑ ﻣﺎﻝ ﻣﺰﻋﻄﻪ .
_ ﻋﻮﻓﻨﻲ ﺿﺎﻳﺠﻪ ﻭﺍﻟﻠﻪ .
_ ﺍﺣﺠﻲ ﻭﻳﺎﺝ ﺗﻨﺘﺒﻬﻴﻠﻲ ﻣﻔﻬﻮﻡ .
ﺩﻣﻌﺖ ﻋﻴﻨﻬﺎ ﻣﺘﺤﻤﻠﺖ ﺑﺠﺖ ﺩﻣﻮﻋﻬﺎ ﺗﻨﺰﻝ ﻭﻫﻮ ﺑﻌﺪﻩ ﺧﺎﺯﺭﻫﺎ ﺻﺎﻳﺮ ﻓﻮﻛﺎﻫﺎ ﻣﺪ ﺍﻳﺪﻩ ﻣﺴﺢ ﺩﻣﻮﻋﻬﺎ .. ﺑﻮﺭﻱ
ﺧﻮﻣﺎ ﺑﻮﺭﻱ . ﺣﺲ ﻋﺼﺒﻴﺘﻪ ﺑﺮﺩﺕ ﻣﻦ ﺷﺎﻑ ﺩﻣﻮﻋﻬﺎ
ﻗﺮﺑﻬﺎ ﻭﻋﻄﺮﻫﺎ ﻭﻧﻌﻮﻣﺘﻬﺎ ﻳﺠﻨﻨﻪ ﻣﺘﺤﻤﻞ ﺟﺴﻤﻪ ﺍﺣﺘﺮ ﻋﻠﻴﻬﺎ ﺩﻓﻦ ﺭﺍﺳﻪ ﺑﺮﻛﺒﺘﻬﺎ ﻳﺸﻢ ﻭﻳﺒﻮﺱ ﻓﻘﺪ ﻋﻠﻴﻬﺎ
ﻣﻜﺪﺭﺕ ﺗﻤﻨﻌﻪ ﻭﻫﻲ ﻫﻢ ﻣﺤﺘﺎﺟﻪ ﻗﺮﺑﻪ ﻣﺤﺘﺎﺟﻪ ﻣﺸﺎﻋﺮﻩ ﻭﺣﺒﻪ ﺍﻟﻬﺎ ﺣﺒﻪ ﺍﻟﻲ ﻳﺤﺴﺴﻪ ﺑﻲ .
ﺷﺎﻭﺭﻫﺎ .. ﻻﺗﻘﻬﺮﻳﻦ ﺭﻭﺣﺞ ﻳﺮﺣﻮﻟﺞ ﻓﺪﻭﻩ ﻛﻠﻬﻢ .
ﻛﻠﻤﺘﻪ ﻫﺎﻱ ﻃﻴﺒﺖ ﺧﺎﻃﺮﻫﺎ ﺣﻈﻨﺘﻪ ﻭﻻﻭﻝ ﻣﺮﺓ ﺗﺤﺠﻴﻬﺎ
_ ﻓﺎﺭﺱ ﺍﺣﺒﻚ ﺍﻣﻮﺕ ﻋﻠﻴﻚ .
ﺩﻓﻨﺖ ﺭﺍﺳﻬﺎ ﺑﺼﺪﺭﻩ ﻣﺴﺘﺤﻴﻪ .
ﺭﻓﻊ ﺭﺍﺳﻬﺎ .. ﻋﻴﺪﻱ ﺍﻣﺎﻧﻪ .
ﻫﻤﺴﺘﻠﻪ ﻫﺎﻟﻤﺮﺓ ﺑﻜﻠﻤﻪ ﺍﺣﺒﻚ ﺧﻠﺘﻪ ﻳﻨﺠﻦ ﻋﻠﻴﻬﺎ .
*****
