رواية زوج اختي والماضي الفصل الرابع عشر بقلم مجهول
هل لديك أيّة فِكرة عَن مَعنىٰ أن يَتعب
الإنسان مِنْ قلبه ؟
حمزة" اجوي أهل انفال للمستشفى روحي طاكة ماعرف شلون راح يعدي هذا اليوم معرف اليوم تموت مرتي وأبني هم
وياها لا مستحيل اقبل يموت الطفل وي أمه
لأزم أخذ قرار بسرعة كمت رحت يم اهلي واكفين بالصالة الأنتظار وكفت بكل ثقة وكلت ..
حمزة _ أخذت قرار
ابوي _ قرار شنو ؟
حمزة _ راح أنقذ الطفل قبل فوان الآوان
امها كامت بطولها تصيح "
تريد تمووت بنتي علمود تنقذ ابنك ؟!
حمزة _ بنتج مكتوبلها الموت اليوم واني
ما مستعد اخسر ابني
امها _ ماعندك احساس أنت شلون تكول مكتوبلها
الموت اليوم شنو أنت الله
حمزة _ لا مو الله بس الدكاترة يكولون ماتطول الليل وبالساعات قلبها يوكف وأنتو كلكم تدرون بحالتها
حرجة هسه بس نفس يروح ويرجع
امها _ تموت انفال يموت ابنها ويا لمن يبقى
حمزة _ أنتِ منووو علمود تاخذين هيج قرااار هسه أسوي العملية وانقذ ابني واشوف منو بيكم يعترض
عفتهم ومشيت لحكتني أمي لزمتني من ايدي وكفتني
أمي _ستهدي بالرحمن يمه ولا تاخذ بخاطرك
هاي أم وحقها تحجي هيج
حمزة _مالها حق هيج تكول تريد تموت ابني بطن أمه
وأنتِ تدرين بالساعات يوكف قلبها
امي _ يمة والله ادري ومقدرة خوفك على ابنك هسه احجي
وي اهلها وان شاءالله يقبلون نسوي العملية
وننقذ الطفل قبل فوات الأوان
حمزة _ والله والسمع الله اذا مات ابني إلا اكلب
الدنيا فوك روسهم
امي _ عززة العزاك ولك اسكت لايسمعونك
وتصير مشاكل اسكت
حمزة _ ومايسمعون أني اريد ابني
امي _والله أني هم اريد حفيدي وراح يصير اللي تريده اطمن
حمزة _ غضبا عليهم يصير اللي اريده
أمي _ وأستغفر الله تعوذ الشيطان ولاتسوي مشاكل امشي اطلع بره اخذلك هوى نظيف وان شاءالله بس ترجع
يكون اللي تريده صاير
حمزة _طالع خمس دقائق وراجع
أمي _ بس اطلع
حمزة طلعت بره المستشفى وكفت بره شغلت جكارا ايدي ترجف من العصاب من ودي اشرب من دم عمتي
ام انفال شكد انانية وحاقدة
تريد ابني يموت وي امه ماتوقعت هيج حقيرة تطلع كملت الجكارة رجعت حجت وياي اخلاص وكالت وافقوا يسوون العملية وراح تصير العملية بعد ساعة
فرحت واخيرا راح أنقذ واحد منهم نقذ انفال من سابع المستحيلات قلبها تعبان كلش
وبساعات يوكف
امها تبجي وتلطم عليه وجهها انقهرت عليها خطيه راح تخسر بنتها بس هذا أمر الله ماعليه اعتراض
زهراء" اتصلت بريتاج وكالتلي راح يسوون العملية ويولدونها وهي حالتها خطرة بساعات يوكف قلبها وتسلمها الله
شبعت قهر سديت الاتصال
وكعت ابجي ورة ساعتين اتصل حسين وامي
خابرته سمعت امي كالت
_ إنا الله وإنا إليه راجعون الله يرحمها
اجانه خبر وفاة أختي انفال خلال العملية والطفل بصحة زينة نهاريت تماما وكذالك بيبي نهارت مثلي اجت
فاطمة هي ورجلها وعمتها
خابرت .....ريتاج أمي وكالت راح يجيبون الجنازة هسه لأن منطينها الهم الحزن لنزل علينا مو حزن خطية اختي
بعدها بعز شبابها كلشي مشافت من الدنيا
بعدها طفلة صغيرة خابرت هند تبجي خطيه اجت بوجهها هاي هم ثالث يوم عرسها تتوفى بنت عمها وهسه عالم
يكولون كرطتها كصتها فگر
والله على الساعة بال ٤ العصر جابوا الجنازة راحت أمي وفاطمة ومرت عمي الدفنه وياهم اني بقيت بالبيت يم بيبي
وعماتي بالبيت لان لتموا علينا ،
ورة ساعتين رجعوا على البيت حسين حالته حالة وكذالك أبوي دمعة بطرف عيونه وحازم كذالك وأختي الصغيرة بس
تبجي ما تسكت أبد
مرت أبوي منهارة تماما تدك وتلطم تكول كله بسببي زوجتها صغيرة راحت بتي من بين ايديه راحت الحبيبة راحت ولج
يمة انفال وين رحتي وعفتيني وييين
والله تكسر القلب نكلب البيت مالتنا بس عياط وصياح عماتي وأخواتي مرت أبوي هم اجوي ...
مر اليوم بالكوة احس .....الدقائق كوة تمشي بقيت الليل كله ادعي واصليلها واقرا قرأن لها قلبي منكسر تماما منهارة من داخل حس نفسي جثة بجسم إنسان حي يرزق
ثاني يوم كال حسين لأزم نروح ....للفاتحة كلكم تعالوا هند رادت تجي بس ماخلينها تجي كله عروس جديدة
ونخاف عليها تنجبس
رحت اني وأختي فاطمة وأختي الصغيرة وأمي وبيبي وعماتي أثنين اجن ويانه وصلنا للبيت جان كبال البيت هوسة
زلم بالباب البيت واكفة
نسوان تطب وتطلع وكالوا الفاتحة مسوينها بحسينية والنسوان بالبيت دخلنا البيت عزينة وعزونه كعدت بصف بيبي
حزينه بس ماريد ابجي
شفت سارة ومرام لأبسات بناطير وقمصان سودة قدمن مي بكاسات أخذت سلمن علية من بعيد لأن دا يشتغلون دخلت اخلاص جانت لابسة نفنوف طويل أسود
وشال شامرة على رأسها اجت سلمت علينه وكالت بهمس
_زهراء فدوة تعالي وياي
بيبي _وين تروح ؟
اخلاص _ الطفل دا يبجي أبد مايسكت وأني
مكدرله لان كومه شغل عدنا
بيبي _ هاا روحي بيبي شوفي أبن اختج شبي يبجي
زهراء كمت ...اشرت لاختي الصغيرة تجي وياي اجت وياي صعدت للغرفة استغربت يمكن شامرين الطفل بالغرفة أمه ؟! وصلنا وصدك الطفل هناك مشمور
فتحت الباب سمعت صوت الطفل يبجي بصوت عالي وجانت بالغرفة بنية محجبة لابسة دشداشة سودة
معرفتها منو رحت يمها
_سلام عليكم
_وعليكم السلام .. لج اخلاص موتني أبد
مايسكت ماعرف شبي
اخلاص _ يريد أمه اكيد طفل
البنيه _ واللي يسمع شاف امه لو شم ريحتها أخاف بي شي ؟
اخلاص _ لاا مابي شي مو فحصه الدكتور وانطالنه
الطفل بصحة زينة بس مانعرفله
دنكت عليه شلته بايديه الطفل مكمط صغير حيل يادوب ايديه حاملاته نزلت دمعتي يبجي بصوت عالي
_ اششش ماما اششش
البنية _ اخلاص هاي منو ؟
اخلاص _ خالته
البنيه _ هاا ديلا لعد أني طالعة
اخذته وكعدت على الجرباية اباوعله بس يبجي اجت أختي وكفت فوك راسي تباوعله وتبجي
أختي _ دباعي دا يبجي حتى ادموع طلعتله
زهراء هزيت راسي ودموع تنزل اخلاص كذالك
نزلت دمعتها وكالت
اخلاص _ أني طالعة ديري بالج عليه فدوة زهراء بعد
ماوصيج واذا ماسكت دزي علية
_ماشي
طلعت سدت الباب وراها مسحت دموعي باوعت
لاختي تبجي بسكوت
_ سويلي حليب يمكن جوعان ؟
_ اي هسه يدلل الحلو
بلعت ريجي اباوعتله .... حسيت بشعور غريب انتابني حسيت بهالحظة أني أمه وهو ابني من لحمي ودمي تذكرت كلام
انفال من كالتلي أبني أمانة عندج زهراء
جابتلي الحليب اخذته باوعتلها
_دافي ؟
_ايي دافي تعالي قطري على ايدي خل اشوفه
اخذته من ايدي قطرت على ايدي كم قطرة صح دافي جان ومناسب للرضاعة اخذت منها
_اكعدي عليش واكفة
كعدت كبالي تباوعله باللهفة خليت الممة بحلكه مايستجيب وياي حاولت ٦ مرات والمرة السابعة أخذ الممة وكام
يرضع بهدوء شكد بطيى بالرضاعة
_اثاري جوعان وهن مايعرفله امداهن
_اي جوعان
_بس تخلص الفاتحة ناخذه النه مو
_لا ماناخذه يبقى عند أهله
_ليش ؟
_ ابوه موجود واهله موجودين شلون تقبلين ينطون ابنهم
_هم مايعرفوله واذا بقى عدهن هذن يمووت مثل امه والله
_لا مايموت هن هسه مشغولات بالفاتحة مامتفرغاتله هسه تخلص الفاتحة وشوفي شلون يربونه
_أني راح أكول لابوي وأمي ناخذه النه
_ لا تكولين وتخسرين روحج اهله ماينطونه
_مو بكيفهم
_لعد بكيف منو
_بكيفي أني اخذه بدال أختي مو انطيتهم أختي
هسه اجه دوري أخذ ابنها
سكتت مرديت عليها بعدها طفلة متعرف شي عبالها الطفل راح ناخذه أحنا ويانه من تخلص الفاتحة دزت عليها
أمها اجت سارة دكت الباب
_ امج تصيحج تعالي
_شتريد ؟
_تكول خل تساعد البنات بالشغل
_ جايه
طلعت وياها بقيت لوحدي بالغرفة اباع برجاء الغرفة أتذكر انفال وخطواتها وكلامها وضحكاتها نزلت دموعي
دنكت على الطفل نأم بحضني
جريت الممة من حلكة حرك شفايفه بهدوء نزل حليب من حلكه ردت امسحه بس ماكو شي كبالي
_شلون هسه اذا كمت راح يكعد ؟
فزعت على فتح الباب راسن رفعت راسي باوعت جانت الصدمه حمزة لابس بنطرون أسود وتيشيرت أسود نص ردان ولاف شماخ أبيض وأسود على اركبته
ملامح الحزن واضحة على وجه تفاجأت هذا يحزن على انفال ؟ من شافني اخذ نفس سد الباب
_بقيه بحياتج زهراء
_ البقاء لله تعالى
_ هاا أنتِ يم ....
_اي جان يبجي واجيت اسكته
_وعاد سكت
_ايي جان جوعان
أقترب لعندي خفت منه الصراحة تندمت خليت
أختي تروح وي سارة باوعله أبتسم
_ تعرفي آول مرة أشوفه
لا رد مني دنك عليه باسه من خدة رفع راسه وكال ...
_ نوم العوافي بابا
بقيت مدنكة حس بي هواي قريب مني راح من يمي ورجع بسرعة دنك مرة الخ رفعت راسي عبالي راح يسوي شي طلع يمسح الحليب من حلك الطفل
مسحه وخله الكلينس بحضني راح فتح باب الكنتور طلع فلوس وراها سده قفله بالمفتاح وشمر المفتاح
على الجرباية وكال
_المفتاح عندج ٠لا تنطينه الكائن مايكون
باوعتله مستغربة "
وأني شعلي ؟!
_ماعندي أمان بيهن
_ماعندك أمان بيهم لعد شلون عندك أمان بي ؟!
_وحدة مثلج مستحيل تمد اريدها
وتسرق اعرف اخلاقج شنو
خله وطلع سد الباب وراها وأني بقيت متعجبه !!!؟؟؟
ماعرف هذا شلون يأمن بي يسلم حالة ومالة بايدي مايخاف انتقم منه كمت خليت الطفل بالكاروك
واخذت المفتاح حرت وين أظمه بلأخر خليته بجيب النفنوف مالتي جان بي اجيوب بيهن سحاب بقيت كاعدة
بالغرفة يم الطفل
للعصر .أني عند الطفل بالغرفة ماكو وحدة منهن مرت وكالت اشوف حال الطفل عدل لو ميت اصلا ناسياته من أساس بس أختي ومرت ابوي وامي وفاطمة
مروا علية وكالوا لا تنزلي أبقي يم الطفل هو يرتاح عندج عبالك بيهن مس شيطان بس يشم ريحتهن يكوم يعيط وأني مستغربة ؟ شنو أني أمه ومدري مايجون هم يشوفون ابنهم صراحة أخاف من كلام حمزة من كال بس
تجيب الطفل انفال راح اتفرقلج
بالليل وره جابولي العشة ريتاج وأختي شوي أكلت وكمت كام يعيط ماعرف شبي بس يبجي مايسكت كل
ساعة ونص ساعة كاعد يعيط
ريتاج _ لا تضوجين هاي هم الأطفال بعمرة
يبجون هواي ويعذبون الواحد
شلته بحضني خليته "
والله تعبت خل تجي وحدة منهن تشوف ابنهم اشو
من الصبح ولحد الأن ماكو حس الهن ؟
ريتاج _ هن حايرات بالفاتحة ياجاهل
زهراء _ تعرفي من الصبح مانازلة ولا شايفة
شي من الفاتحة كاضيتها يمه
ريتاج _ احسلج والله جوه أجواء كئيبة وبس عياط و
صياح هنا على أقل يمج ملاك تلهين روحج ويا
زهراء _ملاك ؟
ريتاج_ ايي باعي شلون يشم بيج
باوعتله صدك يشم بصدري نزعجت "
دا يسوي هذا ولك مو أمك أني خل
وحدة تجي تاخذه
ريتاج _ ههههه هسه عباله أنتِ أمه والله
زهراء _ لا ربحت
أختي _ اكيد أمه أنتِ أمه وأني هم أمه مو ريتاج
ريتاج _ اي حبيبتي الخالة ام ثانية تكون لابن لأخت
زهراء صراحة حبيت الطفل حيل ويمكن راح اتعلق بي وأكثر مخاوفي من حمزة أخاف يطلع يدور وراي
ويسوي شي غلط بحقي ؟
ريتاج _ انطينياه وتعالي كملي اكلج
زهراء _ مااريد اكل بس تعالي اخذي مني اريد اسبح وابدل
كامت ريتاج اخذت الطفل جان ساكت اخذت ملابس ورحت اسبح سبحت وطلعت لكيت ام حمزة كاعدة
وبحضنها الطفل ابتسمت بوجي
_نعيماً بنيتي
_انعم الله عليج خالة
_عذبناج ويانه من الصبح لحد هسه أنتِ يم الطفل
_لاا خاله ماكو أي إزعاج
_ربي يحفظلج شبابج
_ويحفظج خاله نام ،؟
_اي نام
رحت امشط كبال المراية كملت تمشيط لفيت شعري ولبست حجابي هي تباوعلي بنظرات غريبة من شافتني
باوعتلها من بنعكاس المراية كامت بالطفل
خلته بالكاروك وكالت"
تباتين عنده لو يم أهلج بالغرفة
_ليش ابات هنا مو حمزة يجي ينام هنا
_ لا حمزة ينام يم اخوانج بالغرفة اذا تردين نامي عنده
وهسه ادزلج وحدة من البنات وياج
_اللي تشوفينه خاله بس دزيلي أختي
_من عيوني
طلعت وأني مستغربة ليش خلتني عنده ؟ شنو أني صرت أمه ومدري ؟ ياربي هاي شلون ورطة اجت سارة وأختي حجوا شوي لفوا راسهم وناموا
وأني بقيت ... مكابلة الكاروك وكاعدة اباوعله وأتامله ملامح وجه الملاكية وجه ينور تلمست خدة بصبعي ناعم مثل نعومة الحرير أبتسمت رغم انكساري وحزاني على أختي
حجيت بيني وبين نفسي
_سوده علية ماشفت أمك ولا شميت ريحتها ولاهي شافتك ولو شمتك أنت هم مثلي مكرود آول يوم لك بهالدنيا أمك فاركتك وأني هم أبوي فاركني وترك أمي الوحدها #ڪــڔٰا̍ڕ
ثاني يوم الفاتحة راحت فاطمة هي ومرت عمي وعماتي وخالاتي بس بقيت أني وأمي وبيبي ومرت أبوي وأختي الصغيرة البيت مالتهم عبارة عن نسوان
كالوا الفاتحة يومين ونختم مانسوي ثلاث أيام مابينه حيل تعبنه اليوم الختمه نزلت جوه بقت يم الطفل مرة
من أقاربهم ورشا كذالك بقت يمها
ساعدتهم بلف دولمة وبكل شغل ساعدناهم حسيت بمرام تحجي علية منورة ظهري وي بنية وتكول
_شلون ما أشوف راح ياخذها حمزة
_واضحة مثل عين الشمس مايحتاجلها كلام
_ الطفل يمها يرتاج لأن بيها ريحة أمه سمعت اخلاص
تكول مايرتاح ولا يسكت إلا يمها
_ هي حبابة وطيوبة واكيد الطفل عبالها هاي أمه
_ ايي
_حبيتها هواي تعرفي بسرعة تدخل بالقلب
_وأني عكسج والله
_ليش؟
_محبها أبدا ويلا تعالي وياي خل نقدم المي
مابينه حيل ناكل رزالة
كرهت نفسي حيل ولعنت الساعة اللي رحت بيها يم الطفل ماتوقعت بيوم فاتحة أختي هيج يفكرون شنو
هذولة ماعدهم احترام للميت
وشكد سهلة عدهم هيج كلام ينكال باللسان مايدرون شكو جوه قلوب أهل المرحومة وشكد تعب وأحزان وهم
دا يفكرون يزوجوني الحمزة
اجت البنية وكالت
عمه عمه
اخلاص _ هاا عمه
_ خالتي مريم تعاركت وي وعمه ويهام
اخلاص _ ليش تعاركوا ؟
البنية _ الطفل دا يبجي وحدة تشمرة على الثاني
اخلاص _ لعد رشا وين ولت مو كتلها ابقي يمه
البنية _ صاحلها عمو سيف
زهراء ....شمرت من ايدي وكمت قبل اخلاص متعصبة قلبي محترك راح يموتني هذن لا شغل ولا عمل بس مالات حجي ونفاق ومشاكل طفل بكد كف ايد مايكدروله
لكيت الباب مفتوح واسمع الحجي .. اووي وأني شكو هو اني مشلوع قلبي منورة جهالي انوب جهال الناس
الثانية _ وأني شكو بي مو كالتلج رشا ديري بالج
علية هاج اخذي واني طالعة
دخلت رادت تمشرة عليها وهي واكفة صحت بيها
_دا تسوووين أنتِ ماتخافين تمل خينه مابيكم
فائدة جان كلتوا مو تتعاركون
اخذته من ايدها متعصبه حيل منا من كلام مرام
والبنية منا على معاملة الطفل
_ اطلعوا بره
كالت وحدة _ سويتي فضل والله امشي اطلعي عيني امشي
طلعوا عافوا الباب مفتوح وراهم اجت اخلاص تلهث
مبين عليها جانت تركض على الدرج
اخلاص _ شكو شصاير زهراء مصطفى شلونه
باوعتلها _ مصطفى منو ؟
_ الطفل منو قابل شمسويات بي ؟
_ طاح حظهن جانن يتعاركن وحدة تشمرة على الثانية
اجت علية تباوعله هو يبجي بصوت عالي
_ الله يكسر ايدينهن ان شاءالله صوجي أمنت وخليت ام ايمن يمه عبالي خوش ادمية طلعت حيوانة انطينياه
عيني هواي تعبتي أنتِ
_ ما انطي خلي يمي وانزلي كملي شغلج هذني
ماينشد بيهن حزام الظهر
_ اي والله مشكورة حياتي زهورة والله تعبناج
ويانه كلش كلش
_ لا حياتي ماكو أي تعب هذا ابن هم
_فدوة رحتلج ديري بالج عليه
_ اشيله بعيوني الاثنين اطمني
طلعت وسدت الباب وراها كعدت اهدى بي والله خلال دقايق نام بحضني مثل الملاك اباوعله وأبتسم نسيت
كل أعصابي هو بين احضاني
خليته على الجرباية وتمددت بطولي هو كبالي نايم لو بايدي اضمه على قلبي للأبد تعلقت بي خلال يومين وصار روحي
من الدنيا ماعرف من راح نرجع اليوم بالليل
حمزة "سمعت نسوان ولد عمامي متعاركات منورة ابني خليت واجيت على البيت سألت سارة كالت ماكو شي
وهسة هو نايم بالغرفة
خليت وصعدت دكيت الباب مرتين ما اجاني رد خفت فتحت الباب دخلت شفت زهراء نايمة على الجرباية
وبحضنها مخليه أبني
سديت الباب بهدوء مردت يطلع صوت ويكعدهم أكيد تعبت حيل خطيه الليل كله مانايمة مكابله مصطفى
وكاعدة عبالك أمه مو خالته
قتربت عليهم أبتسمت همست ...
ياريت لو تصيرين أمه زهراء
أخذت نفس اطمنت على ابني بدين أمينه انطيتهم ظهري ردت اطلع رجعت ... طلعت الموبايل اخذت كم صورة الهم هم ونايمين وراها طلعت
اخلاص كالتلي سارة حمزة سامع بيهن متعاركات وجه وهسه بالغرفة راسن عفت من ايدي وصعدت فوك شفته
طلع من الغرفة بايده الموبايل
_هاا حمزة
باوعلي خله الموبايل بجيب البنطرون وكال ...
سمعت متعاركات علمود مصطفى
واجيت اطمن عليه
_ الله ياخذهن شكد فاهيات
_ خل يولن مااريد وحدة منهن تقترب
المصطفى غيركم انتو مفهوم
_ مفهوم هسه هو نايم كاعد
_ نايم هو زهراء
_خطيه زهراء هواي تعبت ويا واكيد من التعب نامت
_الله يجازيها
_اي والله الله يجازيها خوش بنية
_أني طالع مااريد توصلي اخبار بعد
_اطمن مراح توصلك اخبار هم راح يولون بعد
زهراء صحيت على روحي نايمة ومغطاية فزعت كعدت ادور على مصطفى شفته بدين اخلاص ساكت
تحجي ويا كاعدة بالكاع
_ هاي أنتِ ماخذته
_ صح النوم اي أني اخذته جان يبجي
_ليش مكعتيني
_محبيت ازعجج خطيه أنتِ هواي تعبتي ويا
_ يستاهل أحد يتعب علموده
_ اي صدك اهلج راح يرحون بعد ساعة يمكن
_ ليش بيش الساعة هسه ؟
_ الساعة بال٨ بالليل
_ صدك ؟
_اي والله وأنتِ نايمة من العصر
_ من التعب خل اكوم اجهز اغراضي لعد
_تعرفين ما أحب ترحين
_ليش ؟
_تعودت عليج والله ومصطفى هم تعود عليج صارله يومين
_والله اني هم تعودت عليه كلش وشلون راح
اعوفه وارجع مدري
_ تحملي حبي
_هو اتحمل فراقه مثل ما تحملت افراق أمه الله يرحمها
_الله يرحمها ويغفر لها
رحت حظرت اغراضي العشة ما أكلت نزلت جوه نزلت اخلاص وبحضنها الطفل ...اخذته مرت أبوي تبوس بي وتبجي
حتى بجت الكل بحجيها
طفل كام يبجي من الصوت العياط اخذته منها ودموع تهل من عيوني طلعت بي بالصالة جان موجود عدهم بس
بيت عمامه من العمارة والديوانية
خوش ناس هذولة ومحترمة .......عكس لهنا نسوان أقاربهم البغداد ماينجرعن أبد وفاهيات ماينطن نفسهن
بالشغل أبد وايدهن والعرايك
بيهن طيوبات وحبابات وبيهن حياية ام راسين دخل أبوي اباوعلي أبتسم بوجي وكال
_ تصلحين تصيرين أمه
بلعت ريجي اباوعله بعدم فهم ؟ اجه باسة من خده
وراح دخل جوه يمهم همست
_ الله يستر يارب لا يصير لبالي
حمزة سمعت عمي كال الزهراء تصليحن تصيرين أمه فرحت حيل بقيت واكف بعتبة باب الغرفة خليته دخل
وتقدمت كتلها منورة ظهرها
_ أريد المفتاح
التفتت علية _ خليته بالمزهرية مالت الورد
_ياهي منهن هن تلاث ؟
_ام ورد الوردي فوك الزاوية
_ هاا خوش مكان ظامة بي المفتاح
مردت تقدمت عليها خافت مني مديت ايدي كتلها
_ انطينياه بعد كافي إنتهت مهمتج لهنا مشكورة
مراح انسالج هاي الخدمة
مردت اخذت الطفل منها باوعتله شكلة حلو أبيض بياض الثلج بقيت اتأمله وجه الطفولي سمعتها كالت
_تحس بحنان الاب اتجاهه لو دا تشفق
عليه علمود صار بلأ ام ؟
باوعتلها بخزره _ أني أبوه وأكيد احس بالحنان اتجاهه
وعيب عليج تكولين صار بلأ ام مفهوم
_شتقصد ؟
_ راح اجيبله ام تداريه وتداري ابوه ويا بعد.كم شهر
_ بسرعة نسيت انفال !؟
_مو نسيتها بس هاي هي الحياة ماتوكف على أحد وهذا ابني محتاج أمه شكم يادوب يبقى من ايد اليد عظم بني
ادم ثكيل حتلوه جان طفل رضيع
_صح بس منو تقبل بيك ؟
ابتسمت بمكر _ هواي يقبلون بي بس أني مخلي وحدة
بدماغي وان شاءالله بعد كم شهر تكون
مرتي وام صوفي
بلعت ريجي خفت لا اكون أني المقصودة بالكلام
_منو هاي ؟
_وأنتِ شعليج مالج دخل..و يلا فوتي جوه يم اهلج
انطاني ظهره وراح كعد على الكرويتة والطفل بحضنه يحجي ويا آول مرة اشوفه عنده حنيه وهيج يتعامل وي
ابنه بكل حب وحترام
بس الخوف أكل قلبي أكل مناه كلام ابوي من كال تصلحين تصيرين أمه ومنا كلام حمزة ماعرف ليوين
راح توصل ويانه ؟
بعد مارجعنا على البيت ميته من التعب بوجي على الحمام طلعت بيبي نامت وامي كذالك نامت كلها نامت بقيت
أني اقرا قرأن واصلي لانفال
مااريد ازعجهم شبعت بجي لي والكيفي بالمطبخ لحد الآن مامستوعبة أختي انفال صارت من أهل المقابر من
أهل دار الموحشة من أهل دار
لا يعلم أحد ما حال اهلها بين احضانها أهل قبورهم رياض من رياض الجنة أم حفر من حفر النار اسئل الله سبحانه وتعالى أن يجعل قبر أختي رياض من رياض الجنة
تذكرت مصطفى شلون جان يبجي بلا هسه شلون حالته منو يمه حمزة رجال ميكدر يسوي شي كمت مسحت دموعي
اخذت الموبايل دكيت على اخلاص
مجاني الرد خفت حيل دكيت على سارة هم كذالك
مجاني الرد يالله هسه اخابر منو ؟
والله قلبي راح يتكطع على مصطفى ماعرف شنو حالته ؟ أحسن اتصل على حمزة
دكيت بدون وعي رنه رنتين فتح الخط
_الوو ها زهراء
_ شلونه مصطفى ؟ نايم كاعد أخاف دا يبجي
_ الهالرجة خايفة عليه و تسألين بنص الليل ؟
_مو وكتها هسه كلي شلونه منو عنده ؟
_الحمدالله زين أمي واخلاص عنده وهسه
هو نايم مثل الملاك
_الحمدالله
_ بهالسرعة تعلقتي بي ؟
_وأكثر تعلقت بي أسفة ازعجتك بس والله خابرت على
سارة واخلاص مجاني رد لذالك دكيت عليك
_عادي مصار شي شوكت مايعجبج دكي علية
_شكرأ في أمان الله
_الله وياج زهراء
سديت الخط فرحت لأن اطمنت عليه هو بخير اخلاص عنده وبيبيته اخلاص خوش مرة وحبابة وأكيد راح تداريه هي وتشيلة بعيونها الاثنين
مرت ٣٠ يوم وقلبي مثل النار على شوفه مصطفى وشوفه قبر أختي انفال رحت يم بيبي خطيه جانت تعبانة
كلش ومريضة بنفس الوقت
_بيبي
_هاا
_ أريد ازور انفال
_ ماكو زيارة هسه استري علينا يمعودة
_ ليش استر عليكم ؟
_ هسه الزيارة الميت موزينة عدنا اذا أحد من الأقارب
راح وزار الميت راح يسحب واحد وراه
_شهل خرافات بيبي
_ هي خرافات صح بس هلكد ما نأمن بيها صارت تصير صدك
_وهسه اروح؟
_لا بيبي فدوة لا تروحي مبقى شي على الأربعين فقط ٨ أيام
_ لاا عشرة أيام
_مو ينقصون على عدد اولاد الميت يومين وهي عدها واحد فا نقصنه يومين وبعد ٨ ايام
_ والله مدري هيج أكو تقاليد
_ ايي بيبي متعرفي شي بعدج صغيرة
كمت رحت كعدت بره بالطرمة العصر روحي طاكة أريد مصطفى مشتاقتله كوماات كل يوم احجي وي اخلاص
تفتح كام اشوفه صورة وصوت
تعلقت بي ؟ اتمنى حمزة مامختارني أني بين البنات
علمود اكون ام لابنه وزوجة اله
_هسه مال هند تجي يمي والله مشتاقتلها كوماات
هند ماكو صفيت الوحدي أني بيت أهلي ريتاج
مو هلكد علاقتي بيها
ريتاج _ زهراء كومي خل نروح نزور
التفتت عليها أني وكاعدة _ هسه ؟
_ايي
_ اشو مالي خلك
_ أعرف مالج خلك لذالك كلت اخذج وتروح نزور
الأمام بلكت حالتج ترجع مثل قبل
_ ماظن ترجع مثل قبل
_دكولي ياالله يلا كومي لبسي العباية كومي
كمت دخلت جوه لبست العباية وطلعت دخلت الامام اخذت نفس طويل سحبت ريحة طيبة كلش ونسمات هوى
باردة وحسيت بشعور غريب
جسمي كله كزبر حسيت هاي آول مرة بحياتي اجي للأمام زرت ودعيت لانفال تكون من أهل الجنة ودعيت ابنها يكون بصحة وسلامة وحمزة يبعد عن طريقة
ويزوج وحدة خوش ادمية وتربي ابنه على هو أبنها مو ابن رجلها ، رجعنا على البيت مرت أيام وأيام واجه يوم الأربعين متحمسة حيل أريد اشوف قبر أختي
رحت وي أهلي للمقبرة حتى هند ويانه اجتي وريان كذالك وصلنا المقبرة جانت الصدمه أهل حمزة كلها موجودة
يم القبر أختي هذولة شوكت جوي
بس لا من ...البارحة هم هنا واحنى معدنه علم المهم سلمنا عليهم من شفت قبر انفال أبيض مثل الثلج بكتابة سودة
اسمها وكعت من طولي ونهاريت بالبجي
كلها نهارت بالبجي حتى أخواني وابوي شبعنه بجي وعتاب وي انفال وراها كمت صارت عيني بعين حمزة عيونه
حمرة دم بس دمعة وحدة منازل
لعد شكد قوي وصلب هذا الواحيد منزلت دمعته ريان الغريب نزلت دمعته الا هو ؟ حيرني أمره وراها رجعنا
على البيت أبوي
عزم أهل حمزة جانوا بس العائلة ماجايبين أحد من الأقارب وأهلي تغدوا ورجعوا اني بقيت يم بيت ابوي علمود
اساعد اختي بالشغل بالبيت
اخذت مصطفى وكعدت بالصالة جانوا حاطين قنفة
مالت خشب بيها دوشك سفنج
بقيت احجي ويا ولعب بي ما شاء الله كبران وحليان بس صاير أسمر بس لا يطلع يشبه ابوه بقيت اباوع بوجه وتمعن
ملامحة كلش يشبه حمزة
ذرة صغيرة ماكو لا نفال اجت مرت أبوي كالت
_ تعرفين ما أمن بغير مرة غيرج على مصطفى
باوعتلها بعدم فهم _ شنو المقصود ؟
_ ماكو شي يمه يصيحلج حازم
_شيريد ؟
_يريد يوديج لبيت أهلج لو حابه تبقين هنا
_لاا اروح لحظة
طلعت الموبايل اخذت كم صورة أني ويا بوسته
أربع بوسات كمت انطيته لها
_هيج تحبينه ؟
_وأني شعندي غيره ابن عزيزة ويكون عزيز على معزتها
_اي والله صدك سوده علية بنيتي ماشافت شي من هاي الدنيا
_هذا أمر ربج عمه
_الحمدالله والشكر على كل حال
_الحمدالله
رحت لبست العباية سلمت على اهل حمزة وطلعت بره وقت الظهر على الساعة بال٢ طلع وراي حازم ويا حمزة
جان واكف يم النخلة يشرب جكاير
وانظاره علية كرهت هذيج النظرات وكرهت كلشي بي أموت منعنده صايرة كرهي اله دا يزود يوم بعد يوم بس
بنفس الوقت حبي المصطفى
دا يزود يوم بعد يوم صعدت بالصدر السيارة وداني حازم للبيت مانزل نزلت بوجي على الغرفة لكيت امي كاعدة
نزعت العباية أخذت ملابس
رحت اسبح .
بالليل ...جوي بيت عمي وهند وياهم وريان كالوا نروح نزور الأمام تجون ويانه حسين وافقت رحنا كلنا نزور
طول الطريق انفال صايرة بين عيوني
صورة.قبرها ما تفارق عقلي أبد حبست دموعي بعيوني بالكوه وصلنا الصحن الزلم راحوا يزورون واحنا كذالك رحنى نزور
كملنا زيارة طلعنا ريتاج ماعرف شبيها نفسها كامت تلعب لزمتني من ايدي وهمست
_لحكيلي زهراء راح استفرق
_شبيج ؟
_ماعرف امشي على الحمامات امشي
أمي _خير شكو
ريتاج _ماكو شي عمه اريد اروح على الحمامات
اعدل حجابي واغسل
أمي _ روحوا ننتظركم هنا احنا
رحنا على الحمامات ستفرقت أكثر من مرة خفت عليها حيل اخاف تسممت كملت غسلت اخذت نفس سالتها
_شبيج ريتاج ؟
_ ماعرف احس بدوخة ولعبان نفس
_ بس لاا ...
_حامل مو قصدج
_ايي
_والله مدري ؟
_هي شكد صارلها ما جايتج ؟
_شهرين يمكن
_من العرس ؟!
_ايي والله
دخلت الفرحة لقلبي بسرعة حضنتها بدون وعي
_ان شاء الله حامل
_ان شاء الله
بعدت عنها أبتسمت ابتسمتلها وكالت...
لا تكولي لأحد خل نتأكد يله مانريد
نفرحهم وبلأخر نحزنهم
_ اطمني باجر العصر روحي للعيادة وسوي تحليل حمل
_الله كريم
جنه نمشي بتجاه اهلي طلع كبالنا حمزة شايل ابنه بحضنه بس هو ويا استغربت من شافنه وكف أبتسم وكال
_ هااا هنا
ريتاج _ هلا حمزة شنو ماراجعين البغداد ؟
حمزة _باجر الصبح ان شاءالله نرجع
ريتاج _ هاا منو وياك جاي ؟
حمزة _محد
ريتاج _ جايب صوفي لوحدك ؟
حمزة _ ليش متفاجأة ابني ويعجبني اخذه وين مااريد
ريتاج _ اي وآلله ابنك يتربه بعزك ان شاءالله
حمزة _شكرأ ماكتولي وي منو جايات ؟
ريتاح _ كل الأهل جايين والله
حمزة _ هاا يلا خل اوصلكم
ريتاج _ماكو داعي نندل الطريق
خزرها _ هنا اشكال الون الناس وأنتو بعدكم
اصغار امشوا يلا كدامي
زهراء هه صاير رجال عود ويخاف علينا من الزوار هو أنت ينخاف منك مو ناس الغربة يمشي واني امشي وراه ريتاج بصفي عيوني على مصطفى
وابتسامة ماتفارق شفايفي دار وجه علينا شافني أبتسم راسن نزلت راسي رجع كمل طريقة وصلنا يم أهلي جان
الكل موجود حتى ريان
بقوا يحجون ما انطى مصطفى لأحد بقى شايلة بإيد وحدة وأني اخاف عليه يوكعة لأن لزمته غلط بقيت سارحة بنظاري على مصطفى أتمنى هسه اخذه منه واوديه
للبيت مالتنه ويبقى عندي
حمزة راقبت زهراء...انظارها كلها على مصطفى تباوعله بكل حب وحنان .وابتسامة ماتفارق وجهها الحزين صح ملامح وجهها تعبانة كلش وجها شاحب
مو مثل قبل وجهها ينور بس بعدها حلوة وتختلف عن كل بنية عرفتها بحياتي ياريت تتعلق بمصطفى علمود استغل هالفرصة الصالحي هواي خطط براسي علمود احصل عليها وان
شاءالله بعد أيام راح اشتغل عليها .
