رواية علي الهامش الفصل الرابع عشر بقلم جمانه السعيدي
اسامه...اتصلت على وجدان
...هلو عندج مجال نحجي
وجدان...اكيد اسمعك
اسامه....اليوم حسمت اخر شي ويا امي واحسان
سديت كل الطرق بعد ماكو اي مجال للاستغلال تعرفين امي تكول نكعد بيت وانت ادفع الايجار واني رفضت
بعدين طلبت ادفع ست اشهر ورفضت اني اكدر ادفعلهم الاجار اصلا اني كل عمري ادفع الاجار والعيشه عليه
بس اذا دفعتلهم الاجار نفس الشي مراح يتغير اي شي
راح يبقون نايمين براسي اول شي تبدي ادفع الاجار وبعدين جيب مسواك ومراح تخلص هاي السالفه
راح يبقى احسان نايم هو عائلته براسي لازم أسد كل الطرق بوجه حتى يعرف شنو مسؤليه حتى يطلع للشغل
كافي تحملته هواي
وجدان...عفيه عليك تصرفك صحيح بس وامك
اسامه....امي كتلها يمتى ما تحبين تعاي اشيلج فوك راسي
بس احسان وعبير بعد مايدخلون بيتي
وجدان...هلمره تصرفك عين الصواب
اسامه...اريد اسئلج سؤال
وجدان...اي تفضل اسئل
اسامه...اذا تقدمتلج تقبلين
سكتت ماحجت شي بس اسمع صوت النفس
اسامه...وين رحتي اذا ما موافقه عادي كولي مراح ازعل منج
وجدان.... انت تريد تزوجني
اسامه...اي ليش مستغربه لو ما مقتنعه
وجدان...لا مقتنعه بس الرئي الاخير الاهلي
اسامه...اكيد لازم احجي ويا اهلج بس كلت اسئلج قبل لا أتقدم خاف ترفضين
وجدان.... بلعكس انت انسان محترم واتشرف بيك
اسامه...اخذيلي موعد من ابوج اريد اجي احجي ويا
وجدان...تمام اسئله وارجعلك خبر
اسامه...شويه ودزتلي مسج باجر بليل يفيدك هيج وكت
اسامه...باجر بعد العشى تلكيني يمكم
وجدان...بابا يكول خل يجي يتعشى عدنا
اسامه...مااريد احرجكم
وجدان...بلعكس ماكو اي احراج
جمانه السعيدي
ثاني يوم بليل اتأنقت وطلعت من البيت بعد صلاة العشى
وصلت دكيت الباب فتحتلي وجدان
لابسه ثوب طويله يخبل عليها مكياج هادي وعطر
عبالك ريحة فانله على بودره اطفال عطر هادء وراقي
دخلت لكيت ابوها كاعد ينتظرني طبعا هو معوق مايكدر يستقبلني بلباب
الصراحه سلم عليه سلام حلو كله احترام وتقدير عبالك يعرفني من زمان ولا كأنما هاي اول مره نلتقي
بعدين اجت امها سلمت عليه
ابو وجدان...تشرفنا بيك
اسامه..اليه الشرف
بدو ينقلون الاكل الاكل مرتب بشكل عبالك ترتيب مطاعم
كعدنا كلنا ناكل سوه وسوالف وضحك وكلام عن الاوضاع
ابد ماحسيت بينهم بلغربه عبالك اهلي واعرفهم من زمان
ولا عبالك هذا اللقاء الأول بينا
بعد ماكملنا الاكل وجابو الجاي
اسامه...اني جاي أتقدم الوجدان ووجدان تعرف كلشي عني بس اني اريد أوضح شي مهم
اني اجيت وحدي لان عندي خلاف ويا اهلي
بس بلمشيه راح اجيب زلم وناس محترمه
ثانيا اني قبل سنه وسبع اشهر زوجت اخوي الزغير ودفعتله
كل الفلوس الي مجمعهن ردته يستقر بلكت تتغير حياته
بس اني من بعدها ماكدرت اجمع مبلغ زين
لان المسؤليه عليه كبرت قبل بس امي واخوي صارو امي واخوي وزوجت اخوي وابنه
اني حاليا عندي بس ٣ مليون اعرف المبلغ قليل مو
المهر الي تستاهله وجدان طبعا اذا حضرتك وافقت على هاي الزواجه
تريد نقرا فانحه وتأخذ الفلوس وتنتضر اجمع عليهن بعد
مبلغ. اشوف لو ادخل سلفه لو اتقرض وبعدين نزوج
لو تتكرم عليه وتخليني ازوج بهاي الايام
واني مستعد اكتب اي ضمان انت تريده اي ضمان
الوجدان تضمن بي حقه
واذا وافقت نزوج خلال أسبوع لان اني وحدي بلبيت
واني موزغير عمري ٣٨ سنه اريد ازوج واستقر
هاي اني حجتيلك كلشي بصراحه والرائ الأول والأخير الك
ابو وجدان...ولله شكد حجتلي عنك وجدان حسيتك انسان محترم بس بعد كلامك هذا حسيتك محترم اكثر
طبعا الفلوس لا تقدم ولا تأخر زوجها السابق
جان صاحب جاه ومال ومابقى شي ما جابه بس طلع حشاك واحد ساقط الزلم هيه الي اجيب الفلوس
مو الفلوس اجيب الزلم
جمانه السعيدي
شايف كل الخير هاي ٣ مليون كافي اني قابل بيهن
ومااريد اي ضمان اني اشتريت رجال وبهذا الوكت صعب تلكه رجال تكدر تعتمد علي
اسامه...الله يحفظك هذا كلامك اعتز بي وشرف اليه
قدرت وضعي وقبلت اكون زوج بنتك
ابو وجدان....نقر الفاتحه وبعد اسبوع تعال اخذ عروستك
وسام...اني مااكدر اسوي عرس وزفه لان مااريد
اتكلف علمود شي مايسوه بس فلوس العرس
نروح اني وياها نتونس تختار المكان الي يعجبها واخذها
ابو وجدان...هاي هيه اتفقنا خل نقرا الفاتحه
اسامه.. قرينا الفاتحه وثاني يوم اخذت ثنيين من اصدقائي
وصاحب المحل الي اشتغل بي وولد عمي ثنيين
ورحنا البيت ابو وجدان كطعنا مهر وانطيتها ٣ مليون
حتى تجهز نفسها بيهن
هذا الأسبوع اخذت اجازه من الدوام رحت اشتريت غرفة
نوم تركي بمليونيين بلقسط
وجبتها نصبتها بغرفتي
وجبت بلازما وثلاجه زغيره وبرده جاهزه جديده
بعدها بيوم اتصلت عليه امي
كلت ايجوز تباركلي علمود العرس
اني كلت اللو هلو يمه
وهيه انهدت عليه غلط وحجي
امي....رايح تزوج وحده مطلكه هاي تالية صبرك
اكيد هيه هاي الي جانت تحرضك علينا
هيه الي كلتلك اشمر اهلك بلشارع مااريدهم
تاليتها تاخذ مطلكه امداك وامده حظك
اسامه...الله يبارك بيج ويطول عمرج
امي...المن مطول عمري حتى اشوف ابني الجبير
صاير عار شمرني اني واخو علمود وحده مطلكه تضحك علي
اسامه....شكرا ما قصرتي ليش تحجين على بنت الناس وانتي ما تعرفينها
امي...شعرف بعد لو بيها خير ما طلكت ضحكت عليك
تريد بيت وحدها كالتلك عوف امك واخوك
طلعهم حتى تكعد وحدها بلبيت
اسامه.... مثل ماعبير الي ماتسوه نعال تريد بيت وحدها
على الاقل هاي مدرسه وبت ناس محترمين
اتشرف بيها وبنسبها
امي...الله لا يوفقك بكد ماحركت كلبي
اسامه...الله يحفظج ويطول عمرج اليه
سدت التليفون بعصبيه ميخالف لازم تتعرف بيوم على وجدان وتعرف اخلاقها
قبل العرس بيوم اجا حمودي جايب سياره ياخذ غرفة احسان ومالابسه والتلفزيون الي بغرفته
حتى حمودي مثكل وجها عليه لان مادزيت علي بلمهر يروح ويانا اليزعل خل يزعل شو هاي العالم عبالك
اشتغل عدهم كل واحد يريدني بكيفه
جمانه السعيدي
اجا يوم العرس الصراحه اني ماسويت عرس
بس جماعتي ماعافوني سوالي احلى زفه من بيت العروس البيتي وهما الي جابولي عشى جاهز وعصير وفواكه وكرزات ومسواك يكفيني اسبوع
جمعو بينهم واشترولي الف شكر الكل شريف وكف وياي وساعدني الناس الغربه واكفه وياي وأهلي مايردوني
دخلنا الييتنا
فتحت البركع اول مره اشوف شعرها
شكد حلو طويل وعبالك متموج وعطره يخبل
اسامه..مبروك الف مبروك
وجدان...الله يبارك بيك
اسامه...اول مره بعد هذا العمر كله انجمع اني وشريكة حياتي اني يمكن مااعرف اغازل او احجي كلام حلو
لان ماعندي تجارب سابقه
بس اريدج تعرفين اني ليش حبيتج
وجدان...ليش ( كالت ليش وابتسمت ابتسامه تخبل )
اسامه....اولا اني كنت اعتبرج صديقه حسيتج تفهميني بسرعه وقريبه من احاسيسي بعدين بديت اتعود على وجودج وصرتي مقربه مني حيل
ساعته اتأكد اني احبج
تعرفين كنت اهدد اهلي بلزواج وكنت خال عيني عليج
بس ما متأكد راح تقبلين بيه لو لا
وجدان...اصلا اني الي محظوظه اخذت واحد راقي مثلك
ماكنت مصدكه من طلبت ايدي
تعرف اني يمتى حبيتك
اسامه...اليله ليلة الاعترافات يالله
وجدان...حبيتك من اول مره كعدنا ورا المدرسه
من كعدت بصفي وسمعتني وصدكتني وانت ماتعرف اي شي عني صدكتني ووكفت وياي
ما تخليت عني رغم انت سمعت عني كلام موزين
وكفت وياي ضد كل واحد يحجي عليه
زرعت بيه الثقه والثبات من هاي اللحظه حبيتك
من بعدها كنت اتحجج حتة احجي وياك
واتخيل مجرد تخيل ممكن اني وياك نكون سوه بيوم من الايام
اسامه...الله شنو هلحجي الحلو اول مره واحد
يدعمني ويحسسني بقيمة نفسي اول مره احس نفسي مهم
وجدان...انت تستاهل كل خير
زواجنا كان ٢٠١٩
أخذنا اجازه اسبوعين وطلعنا نتونس بيهن
مابقى مكان ما رحنا علي بس رجعنا من سفرتنا بيت عمي حضرولنا عزيمه رحنا اتعشينا عدهم
ام وجدان...مشتاقه الوجدان خل تبقى عدنا اليله
اسامه...اي ماكو اي مشكله بس اني ابقى وياها
مستحيل ارجع للبيت وحدي شلون اتحمل البيت وهيه ماكو
ابو وجدان...لا بابا ارجعي وياا زوجج البيتكم
جمانه السعيدي
اما حال امي واحسان اجرو بيت جبير
ايجاره غالي بس اهل عبير كعدو وياهم بنفس البيت
على اساس يتقاسمون الاجار بينهم
بس كل يوم مشكله بينهم وبين اهل عبير ام عبير وكحه
ماتريد امي وياهم كل يوم تتعارك ويا امي
بعدين عافو هذا البيت لان مايكدرون على الايجار والامبيرات والنت
اجرو بيت زغير بي غرفتين وحده اخذها احسان وعبير
والثانيه ام عبير وبناتها وامي تنام بلمطبخ
بس ما خلصت من كلام ام عبير كل يوم عركه وكل يوم مشكله الحد لكيتها بيوم ادك بابي
شكلها تعبان ووجها اصفر كاتله الجوع
تبجي تكول عبير طردتني من بيت ابني
اسامه.. هله وميت هله العين أوسع من الكاع
وجدان...هله خاله الف هله
اسامه.. اخذتها وجدان دخلتها للحمام سبحتها
واني رحت اشتريتلها ملابس جددد وعطور
طبعا وجدان خالته وتباوع عليها بس تفتح حلكها تركض الها ركض خوب اذا اتمرضت تكابلها وتكعد
اما احسان مااجه ولا سئل عنها ولا حتى مكالمه
اخير شي سمعنا ام عبير تشتغل بلباله ومشغله احسان وياها تكله لو تشتغل لو تطلع بلشارع
ماعندي مطعم تاكل وتنام وتأخذ الراتب منه تدفعه ايجار للبيت
يكولون واكف واكفه يبيع وياها وما تخلي يلزم فلوس
كلشي بايدها كام يمشي مثل الساعه بعد كل ذاك الدلال والنوم
احسان صارت عنده بنيه بس اني الحد الان ماشفتها
اما اني صار عندي ولد ثنيين وبنيه
كلما اجيب وجدان امنعها ترضع الطفل حتى يصير حمل ثاني اريد هواي جهال اني بقيت محروم طول عمري
طبعا وجدان تاخذ اجازة امومه
قبل لا تخلص الاجازه تكون جابت مره ثانيه
بس الطفل الاخير سنتين بعد أخته وصار
اني اريد بعد جهال بس هيه تكول كافي ٣ كافين علينا
وما احجياكم علاقتها باامي
اكثر من علاقة ام بتها اما امي تطمن على احسان بلتليفوم
بس هو ابد مايسئل عنها ولا يذكرها حتى بمكالمة
كلما تعاتبه
يكول عندي شغل مافارغ ووكت احسان يشتغل وما فارغ
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
