رواية الطاغية والمغرور الفصل الرابع عشر بقلم يارا الياسري
المن التفت شفته وهوو مسيطر على كل اطرافي
حااولت بكل قووتي لكن ماكدرت امنعه سحبني
للغرفة وضربني بالحايط بقووة اخر شي اتذكر دموع عيوني المتوسلة ووجع راسي
لشبه متهشمه ذراته بعد شكثر من الوقت مااتذكر لكن صحيت واعاين اني
خسررت اغلى ماامكن ومنوووو منووو لخسرررني ضربت راسي محاول اتذكر
وتذكررت الموووقف كتمت صررختي وانهياري بكف ايدي ورعش جسمي منتفض مع الم
بكل جسدي اريد اتنفس مااكدر ممااحس الا امينة فاتتت ويا فوووتها صررخت بشهكة
امينة : رحيققق ولطمت على وجهه وملخت صدرها بقهر وركعت يمي
وهي تهززني بيديها احيج واج منووو صخمج رحيق ااااحجي احجججي
تصرخ بوجهي بس اني مو يمها حسيت هالصدمة قطعت النفس والاحساس بية
مصدومة ومجفولة فاتحة عيوني بجفلة ودهشة وكلي ارجف ودمووعي عشرة عشرة
فتحت فمي ونطقت حرروفي بتعلثم ورجفة سلااام سلام .
امينة والدموع وحالتها يرثى لها شتكووولين وج يااهل الكون ضاق النفس بروحي
ورجعت لطمت ليش مااصرختي ؟
ياانذل ياخسيس ياعااار عااار كاامت وبقت تلطم على وجه
واني حسيت النار وروحي تتملخ خنجر يطعن بية بكل مكان ورجلية احسهم ماتن
وراسي حاااار تكول بركان يغلي بداخله ووجع اخترق كلشي فيني خليت فمي
على المخدة بقربي وصررررخت من اعماقي صرررخة تهد اركان البيت
كومتني امينة وهي تدوور على اثر للدم عذريتي بس مالكت غير بس قطرتين على الشرشف لمتغطية بي
خذتني سبحتني ويا دموعي لمانشغن وعيوني حومرن وامينة مو احسن مني لغت جسمي
وبدلتلي وغطتني لغلافة اميي واني ارجف ارجف وبقلبي اناجي ربي
أمينة : والله ادمره خلي يجون اذ مافضحت والله لخلي بالنعل يطمون .
اردفتلها ببرود عكس العاصفة لبقلبي منووو يصدك ؟؟ ومنوووو منوووو علت نبرتة صووتي
وصررت اصرخ اقوى واقوى امينة متصورة لصااار بية اني خسرت شررفي شررفي ومنووو
منووو زوج اختي لصير بعمر بنتة بقيت املخ بوجهي وكل قووتي تبددت واضرب روحي اااله يااخذ هالجمال
الله ياخذني ورغم الوجع لبية ركضتت للمطبخ واختي وراية لزمت سجينة ذبحيني امينة ذبحيني
وخلصوا من عاري ذبحيني وركعت بالارض ابجي .
امينة حضنتني وخلتني على صدرها ونبضات قلبها تنسمع اااخ ليلة حززن والم .
امينة بقت سهرانة يمي واني صخنت انتابتني صخوونه مانزلت اربع ايام ابر علاجات
مانزلت جسمي مثل جمرررر مشتعل مايطفى وكانها نيران قلبي منتفضة مطالبة بثأر لشرغي المنتهك
وامينة ماراحت لعيالها بقت طول هالايام بالليلة لزمت ايدي رحيق فكررت هواي
كلامن ماراح يغير شي الي فهمت هالكلب عد ادلة تثبت ان هوو بالولاية وضحى ضحى من سألتها كالت
مارجع الا بعد يومين من العرس يعني لو حجيتي ونزلن دمووعها محد يصدكج
مانغشم روحن اخوتج يذبحوج ومايصدكوج
اني فكرت بحل بس سمعيني زين اكو قابلة أعرفها واروحلها اذ تكدر تسوي شي
رحيق أومأت براسي بدون احساس احس روحي ميتة لو مادكة النبضات
مرت ايام وكدرت اتحسن وماكان الي غير ملجأواحد صلاتي وقراني ورب العباد
مرت ايام وايام بلشت اتحسن صحتي بس مو نفسيتي عطوول ساكتة صامتة واذ احجي
بغضب امي فقيرة عبالها مقهوةر لان نهى تزوجت قبلي هي ماتدري بنيران كلبي
ماتنقاس دوامت بس روحي مو وياية ومن يجي سلام صرت مااطلعلهم واختي من تجي
اباوعلها بنص عين تسأل وتكول ليش ماتمرين واني اردها مافارغة بيوم بيوم عزمن
نهى وكل خواتي بالبيت واجه كنت وراا البيت اخبز ومااحس الا اجه كنت شايلة قبق التنور هو مد ايده
على كتفي وبدا يحجي .
سلام بقرافة رحيق لصااار ماكدرت اقاومج واذ تردين اطلك اختج واخج .
انتي مو بنية لا والله صاروخ من يمت كبرتي وصرتي بهالجمال
خليت يحجي وبراسي يتكرر موقفة ووجع راسي مدت ايدي
جريت ايده بنعومة وبكل قووة وصلابة قلب لزكتها على التنووور وضغطت عليها
بالقبق واشووف عيونه صاارن حمر وصااح اااخ بقيت مقووية
ومن سمعت صوت خطواتهم شمرت القبق وسويت نفسي اصرخ
احتررك يبوووو لحكولي
اجت ضحى وامينة يركضن ضحى بقت تحجي
ضحى : شلون صار هيج عززا بعينج رحيق روح احد يصيح لمصعب ايده متنتهية
وهو لزمها وعود مايريد يصيح من الوجع عفتهم بهوستهم دخلوا طفيت التنور وككعدت منتجية على الحايط
شووية واجت امينة هسهست باذني عفية عليج والله انج قووية .
رحيق : هذا ولاشي من روحي المحترقة لو بيدي اذبحة واكطعه وصلة وصلة كل باله اغتصبني راح
أكون لكمة سهلة وأسكت شافني سكتت والله لعلمه مو كل سكوت رضى أكو سكوت أنتقام واذى
تنهدت وزفرت انفاسي ريت نفس تعبت تينة الماضي اوجااعه تهزز كياني عوفج من التفاصيل
تينة : اوووف صدووك لعشتي مو قليل الله يخليج كملي .
رحيق بلعت ريكي ومطيت شفتي بعدهااا مرت اشهر واني الحزن مكتسيني ومالي غير ربي
الصلاة والقران ماتتصورين شكد خففت حجم الصدمة عندي بالعادة او المفروض كلمن تتعرض
لصدمة تحرش حاد او اغتصاب واذ من شخص قريب فنتكون حاجة ماسة للطبيبة نفسية لكن
بحكم مكاني وعادتنا وبحكم الهمجية لكون بيها ماكنت اكدر اروح الصدمة بدت تقل
كل مااحاول انساها وعلاجي قران وايماني تخيلي حتى مافكرت من بعد ليلتها بالانتحار بالعكس
استمريت بقراءة سوورة البقرة كل يوم كل يوم كاملة بعد اشهر حسيت مي بااارد على نيران روحي
وطفتها بعده لسوويت سلام بطل وقل جياته وكل مايجي احاول ابين اقووى ماانطيت فرصة يعيد
الكرة وحتى امينة هدددت وكلتله اذ انعادت روحك اخذها وهاي اهم نقطة لان المتحرش او المغتصب
أذ شاف خوف الضحية راح يقووى أما اذ شاف قووتها هدمومها انها قادرة على اذيته بسجينه بحرك
باي شي راح يخاف .
مرت اشهر وكملت سنة ونجحت وهنا اقارب النه تقدموولي الولد دارس لكن همات ماكدرت اخاطر
واعترف يفهمني يصدكني ماكدرت اجازف بشرف أهلي وروحي عززت علية روحي وانفاسي
وهنااا ماكان بيدي الا أمثل اني اعاني من الصرع
تينة بشهكة شنوووو ؟؟
رحيق : اي كانت بت جيران تعاني منه وشفته نوباتها وهناك لان مكان صغير ويطش الخبر
وناس تخاف يكلك يصير بيها شي ماناخذها اكو ياخذون بس الاغلبية يفضلون الصاحية
بيومها كدام النسوان واني اقدم العصير سويت نفسي انصرعت بعد مادربت على النوبة لوحدي
بالغرفة ضبطتها والنسوان ردوا خبر مايرددوني وكررت الحالة بمرة ومرتين ومرته اخوية ماقصرت
بحقدها طشت الخبر حتى لماعر ف عرف لو بيدها على الشرقية نيووز تنشرها مرة مرتين تقدموا وانوب
طشت الناس صارت تتفادى يتقدمولي وهالشي
كااان من صالحي .
مصعب ثائر زادت مشاكلهم وياياه ومرات يضربوني الووحيد ااخ الوحيد حبيب قلبي مصطفى
نزلن دمووعي وشهكت مصطفى حنون وحنيتة ماااكو منها بالاساس هوو عاااش نص عمره
بالولاية يم خالي يجي مرات قليلة بس بجيته اااخ يادية تطير فراشات فرح حنية
كذب من حنيتة اشووف بعد اخ وسند وحاولا ياخذني ويا بس خفت ماردت ابعد عن أمي
ب2014 نزلن دمووعي وحسيت لساني انربط
تينة بخووف اجت قربت يمي شصااار ؟؟؟
رحيق شهكت وتناشغ صرت ابجي بقهر
واحس كلبي يريد يطلع بعد ربع ساعة دموع وبجي
كدرت اكملها لصااار مصطفى تنهدت
بسابيكر جريمة الي انقتلوا بيها أبرياء العراق
الجريمة الشنيعة لهتزت الها السماء السابعة مصطفى كان واحد من الي راحوا بيها غفل
وبغدر كمت من كثر القهر
نيران بنص هالبرد شبت بية رحت للشباك
اباوع وفتحت الشابك
حسيت الهووة البارد سيطر علية وتغلل
بذراتي بس هيهات
يبرد اللهيب لبروحي مستعر .
بقيت نص ساعة وتالي رجعت ماادري ليش هاللساعات حسيتها جلسات علاج الانسان
المن يتذكر اوجاعه ويتذكر كيف
أن كدر يقاوم ورغم صعوبتها تخطاها
يشعر بشعوور قووة ثقة أن راح يقاوم ألاصعب والخيبات والاوجاعه تزيد قووة وشراسة .
تنفست بعمق ورجعت أكمل وتينة ماتعرف بشنو تواسيني غير انها تمسد على كفي
وتكلي قدر ومكتوب لكل منه قصة تكسر الضهر .
مسحت عيوني ورجعت أكملها لازم تعرفين كلشي حتى هناا وبعد ماتسأليني أي شي
عن ماضي دفنت بالويل . هنااا مااات مصطفى وبوقتها من هوول الموقف امي ضربتها جلطة
خفيفة اني ماادري اذ بقيت واعية كل الي اتذكر
ايامي وليالي صراخ ودموووعي مانشفن تخيلي كبررر اله مالكينه تخيلي كل يووم كل يوم
اركض واكول يرد كل يوم اكول الخبر كذب عايش مصطفانا عايش بالف ويل طلعت
فوك كل همومي فقد الحنيني وخلصت سنة بهم وحززن وكل وقدر والمؤمن مبتلى
وأني مو افضل من السيدة العقلية الي خسرت أخوانها وتيسرت على طغاة الظلم
وصصرت ادعي شووية منص بر زينب لقلبي العليل كولي بالف ويل كدرت اشوية اطلع
من الصدمة بسنة 2015 شهر الرابع
اكو حملة زيارة لكربلاء راحت أمي
وأمينة اختي وسندي أمينة
رغم اكبر مني بس هي اقرب خواتي الي روحي وتؤامي سالفتي عدها وسرها يمي
من تجي مانفترق من راحوا لكربلاء بالطريق الرجعة تعرضوا للحادث من كثر
الوجع لاارد\يا صرخت وشهكت بقوتي تينة
تينة اجت يمي حضنتيني اااش اهدي اهدي هسة عرفت شكد كلبج كاتم حزن وليش
صرخاتج تهز الحجر ااااش اهدي صدكي بهالكوون محد خالي من الهموم كلمن وجعه شكل
انتي مؤمن واذ اهل البيت والانبياء كان لهم من المشقة حيف فكيف واحنهب شر عادين
لكل حزن وال م اجر .
رحيق بدموع وكانها دمووع تغسل حزنها المتناثر تعبت تينة تعبت من كثر الفقد مؤمنة وادري
الي اجر بالصبر بس تعبت ماشبعت من بابا وماات وماشبعت من حنية اخوي ومات وماشبعت
من حنية امينة وراحت من ايدي ماصرت قووية وشرسة الا لان روحي تعبت اذ سالتيني شتردين
أكولج وحددة وبعد عن ضجيج وعن كل هالبشر
ابقى بسجادة وقربي من رب البشرية وامي حواليه
عيني عليها مااريد شي ماعشت مثل كل هالبنات ولاردت زوج ولا عشق كلشي ردت راحة بال
موت أمينة صدمة خلت عقلي يطير من راسي
وليالي وايام افز اصرخ باسمها
لسة ماطلعت وكلت يالله
من صدمة مصطفى اجتني صدمة أمينة وخذت
نص حيلي واللطم خلة جسمي
يصير ازرك وحتى من كثر البجي عيوني
ايام اشكي منهن واشهر بقيت بحالة
من الجنون لكن للمرة الثاني يقيني بالله نقذني من محيط الاكتئاب وقبلت بحكمة ربي
وهونت على نفسي بانهم راحوا للرحمن الرحيم وخلصوا من عفن هالدنيا
واتخذت من الصلاة والقران ملاذ لروحي الحزينة وتصبيرة لذاتي
ولان أطفالها بقوا يمي بنية واثنين ولد
اهتميت بيهم وصاروا مواساتي لكن سرعان
ما انتهى هالحلم ومصعب رجعهم لبوهم بحجة
ابوهم اولى توسلت وبجيت بس
منو يسمع لرحيق كولي بعدها ردت أي شي
يشغلني ولان بطلوني بس نجحت
من السادس علمي صااار البيت وحيطان يكبسن على روحي صرت أدرس طلاب بالبيت
همات التهي وبالليل اتعب وانام ومااتذكر اي عزيز كضيتها بين صلاة وصيام وبين
ادرس الطلاب لحد مااجت 2017 هنا بعصرية من العصريات
جنت كاعدة اقري بابن اخوي يله عمري حل
غلط ماما وين الاكبر نفتح الحلك علي
شوف مو صارلي ساعة اشرح لو طوبة ميسي وببسي تفتح اربع ويلات عليهم .
علي : مو ببسي ولاميسي انه ريالي .
ديله يله ريالي كاتل روحك عليهم
وهم مايدرون بهوه داركم هي مال تشجيع
بهالزلك منتخب العراق مااشجعه بقى واهس
علي: اهوو شكد گىئيبة خاطر الله ماتلام امي
تكول بيج عقد نفسية من كد ماتقرين .
تذمرت بهمس طاح حظ امك واخوها
كلي لبيه منهم هي لتشيل حمل وهم مثل همي يبقالها واهس ضحك
علي: رجعتي تبسبسين .
عمتك لو اختك الصغيرة اقرأ يله ياصلات محمد حليت صح واخيراً
علي: عندي حفظ علوم
شكم مرة كلتلك اعتمد لنفسك
انت الزم التلخيصات وراجعهن احفظ
ادري راديو اني فصل كامل ارجع اراجع الك
وتقرا وراية هم بشر ارحمني الك لاخوك
ليجيني بس يفكر بالاكل
علي: عمه يومية نفس اللاسطوانه واني مااعرف
الا واحد يقريني .
بعصبية والقلم بيدي ضربته على راسه
حل واللة لليل ابقيك أذ ماتحل صح طلاب
اخر وكت وانت واعاين على ورقة
ابن اخوية حل .
ومااحس غير انطرق الباب حلوا وعيونكم
بأورقكم أفتح الباب حس عينه ليتحرك
لبست شالي وطلعت افتح مرت اخوية المسعدة بغرفتها .
والشغل والكرب كله علية هذا نصيبي رضيت وبالحمد والشكر مشيت ايامي منووو .
_ اني خالة اني ام محمد خالتج .
رحيق بلهفة وابتسامة وضحت بثغري فتحت
الباب وبالاحضان أخذتها وفرحت
وكان فراشات كلبي تطير من شفتها وياها اطفال اختي المرحومة بوستها تفضلي
خالة تفضلي البيت بيتج .
قربت علي كنتها بت ابنها الثاني
هلاو رحيق شلونج مشتاقتلج ولاتمرين .
_ واني اخذها بالاحضان والقبلات وابرر بحجة الوقت مايكفي دخلن للاستقبال استأذنت اضيفهم وطلعت مرت اخوي لبنى .
_وهي تثاوب ومبينة النعاس بعيونها
ضحكت بكلبي دنيا ابقالها شي وتغورب
وهي نايمة تكلمت بقلبي
لبنى: هارحيق منو اجه وانركع الباب .
رحيق: هاي خالتي ام محمد
يله تاخرت أروح أجهز شي رحت لمطبخ
حضرت دولكة مي وجهزت عصير برتقال هذا الاكياس الصغار خبطته بالخلاط وية ثلج ياهلا وميت هلا بخالتي نور البيت .
خالتي بيج يابعد بيتي أمج وين؟!
رحيق: عد ضحاوي يم بيت عمي .
گعدت مقابيلها متربعة والفرحة تلمع بعيوني وااقتربت بنت اختي لاحضاني العب بشعرها أي شلونكم شخباركم .
ام محمد : الف الحمد اللة كلنه بخير
نشكر اللة انتي شلونج .
الحمد الله واردفت لبنى بغيض
لبنى :ليش شعليها شو كاعدة مدللة
اكل وشرب تريد بعد انصبها منصب رئيس .
ماتكلمت ولارديتها مو ضعف بس المشاكل
مو حلوة وعيب من خالتي
تلاشيت الموضوع واني اسال خالتي
شلون الاطفال وياج؟
وهمات متعبينج ؟
ام محمد هزت راسها بعدم رضا الحمد اللة .
رحيق: منو يقريهم؟
ليش ماتدزيهم يوميه اقريهم هذولة
من ريحة الغالية وشهكت من ريحة عزوتي .
ام محمد : الله يرحمها فدوه لقلبج
لاتفتحين مواجع وجروح واني اليوم
جايتكم علمود هالموضوع وانتبهت
لكنتها ضحكت بفرح .
لبنى : وهي تفتح عيونها ياموضوع ؟؟
رحيق: بدهشه وعيوني لوحدهن أنعقدنه
بتساؤل خير خالة .
ام محمد : يمة اني العمر اخذ حيفه مني ومثل مااشوفين اخيتج المرحومه اطفالها 3
وماعندي احد البنات كلهن متزوجات
هاي ورد لو تجي بالاسبوع مرة لو ماتجي
ونسوان ولدي كلمن حايرة باطفالها
ومحمد كال شوفيلي مرة فكرت ومالكيت
على هالايتام احن منج عليهم
حاجيت أمج من اجت ذاك الاسبوع وماعدها
مشگلة
وأنتي همات الزمن جار عليج
ونصيبج توقف .
كلامها صعقني وبقاني بجفلة شنو
لسمعه زواجيج وبقلبي ينزف جرح
ماطاب واني المنتهك بيه كلشي
يازواج ليسترني ااخ امينة
وين رحتي؟
وبقيتيني بنيران بحركة ليفسرها خجل
بس اني مو داعي خجل هبطت براسي
والدمع تلحلح من مقلاة عيوني مارديت بشي
مرخصتج خالة وتحركت بسرعة خطواتي
بوسع امشيهن اخذتني لغرفة الاطفال الي ابقى
بيها قفلتها وبدت شهكاتي
تعلى ماسيطرت لا على صوتي ولا دموعي
اتكئت على الباب ونيران من عيوني تتهبب
على وجناتي مرت سنين العمر بدموع
ابجيهن بس ناري مطر الدنيا مايطيفها
بقيت بكعدتي ومتكرفصة
وابجي احساس الوجع مر واحساس الخسارة
أي خسارة اني لخسرت اغلى مااملك بغفلة
اني لخذوا عافيتها غفل بين طر الفجر
وخيوط البتل لكت نفسها باحضان العار والقهر
مثل وردة انقطفت مو باوانها سرعان ماذبلت
وأهترت ألوانها .
سرعان مااسمعت صوت لبنى وهي تطرق الباب .
شنو القضية نمتي كل هذا خجل واللة زين همات المصروعة طلعت تخجل
وتبيع ثكل يول احسن حل تزوجي
هو منو يكلبج وسالفتج طشت بالقرية منو يباوع لحالج بعد
مالي مزاج ارد وأذ فتحت الباب على الاعصاب
لعندي اتعارك وياها ولليل تصير مشكله
بقيت ساكته خلي تفكر نايمه ولامشكله تلحلحت وتمددت بفراشي
وأيدي جوة راسي والظموع مااتوقفن غفيت وانفزعت على صوت الباب ينطرق بقوة وصوت مصعب الخشن وهو ينادي .
رحيق: ادري نايمه لو ميته افتحي الباب .
تحركت بخطوات متثاقلة فتحته
واني افرك بعيوني حتى اصححح الله يساعدك خوية .
ويساعدج هاي شنو نومتيج .
غلست مارديت اجت لبنى يله اخوج جوعان
روحي كملي العشة بين مايبدل
وراح هو وياها لغرفتهم وهي تتغمز الحمد الله والشكر شوية حياء بكلبي
صدك لستحوا ماتوا رحت اكمل العشة
صبيته ورة تقريبا ساعة يلة طلعوا كعدنه نتعشة .
واشوف مصعب يرمقني بنظرات تفكيري
بقيت اكل اردف .
مصعب: الحمد الة شبعت رحيق صبي جاي
وتعالي ارد احاجيج .
غصيت بالكمة عرفت من نظرات لبنى
كايلته عفية نسوان ماينضم حرف يمهن تنهدت وكمت صبيت واخذت اله.
هو كاعد منتجي على المخاد بضهر والجكارة
بيده اردف وهو يطفي الجكارة .
مصعب اكعدي ارد احاجيج .
كعدت مقابيله متوترة واعصر باصابعي
وعيوني بيهن غيض دنكت راسي
منتظرة يتكلم .
مصعب احم احم خوية انتي كل العشيرة
الكل عرف بموضوعج ومن صغرج قسمتج
توكفت بس دام خالتي رايدتج
الج اجر همين تربين جهال اختج
مو كتلتي روحج عليهم ومارضيتي تنطيهم
هالجتج فرصه لرجليج تبقين يمهم
وتصيرين ام الهم .
رحيق : اسمع كلامه وملتزمة الصمت
وبداخلي بركان يغلي خوف ورهبة لطلع عني
من اشاعات لا شي امام الحقيقة
والخافي اعظم منو يصدكني
لو تكلمت انتهكتني رجفة على اثرها
أيديدي صارن يرجفن لكن تشجعت وتقويت
أي اني تعلمت اكون قوية واواجه
وقوتي مااجت من عبث قوتي اجت من مجالس الحسين ومعرفتي بصبر العقليه
لكل ماضاق علية زماني اتخذت من صبرها قدوه ومن شجاعتها طبع .
تنهدت ورفعت راسي بس ماموافقة
ورافضة اتزوج كلكم تدرون بهالشي .
مصعب منجفل من ردي وبالاحرى حس بخطر
على مخططاته بنبرة استهزاء وغضب
بله عليش ماتردين الزواج
مو زين منه وقبل يكدر يتزوج غيرج بس
اختارج بحجه خالة الجهال .
رحيق :رفعت راسي وكمت تعيرني مصعب تعيرني نعمه الله عليك
ياولد امي وابوية والف عافيه
ويتهنى يختار ليريدها واذ حمل جهال اختي
صعب يدزهم الي مامتعاجزة
وتذكر انت لرجعتهم اله غصب عني .
مصعب اشو توافقين غصب ماعليج .
_ لا غلطان مااوافق مو صغيرة وعمري
فات العشرين واعتقد هالعمر اني
ولية نفسي واعرف ليناسبني مالك ولاية علية .
اجه قرب بعصبيه وبطرف اصبعه يضرب براسي افتهمي لج الزواج ستر الج.
لو عاجبج تضلين عالة كله عمرج .
ضحكت باستفزاز عالة ياعالة
شو بيت ابوية وربع منكم مااشوف وعايشة على تدريس هالاطفال.
حتى بالمسواك ادزه مني بعد منيتك على شنو؟
واذ مامتحملني مشكلتك اطلع لوحدك
مصعب بنفاذ صبر والسبحه بيده رحيق
لاتخلين ابليس يصعد لراسي ليش ماتردين ؟ انطيني سبب مقنع ؟
رحيق : بتوتر ملحوظ والغصة خانكتها مثل بلاع الموس لاتكدر تحجي مصيبتها
ولاتكدر توافق وتنهي هالشكوك
ماكو سبب بس مو الكل مشاها علي
المصروعه ام الصرع وسنين محد دك
بابي شمعنه هسه رادني من صار بحاجة
مرة تلفي وارجع واكول جهال اختي
بعيوني يخليهم عندي بس مرة اله
ولالغيره اصير الزواج كطنه وشلتها من اذني
مو علمود هالموضوع ضلموا بختي وصيحوني بالصرع ومصروعه .
تركت بسرعه ورحت لغرفتي .
صوته وهو يصيح راح تقبلين غصب ماعليج
واني رايح لعمي اخلي بالامر الواقع .
فصلت عن عالمهم وكعدت على جربايتي
قدمت روحي هدية للحسين واتخذت على عاتقي منهجه وصرت اطلع وية ملايةجيرانه
واتعلم منها من صغري تعمق الايمان
بربي بجوفي صرت ارتاح بمصلايتي
وصلاة الليل ماتفاركني ورغم كلشي اسمعه
احس براحه عدية واشكر ربي نعمه الثقة
بالله نعمة مايتوقها الا ليحبه الله
لان هالثقة تمنع الانسان من الحزن والالم
والتحسر وتبدلها بفرح وقبول القدر
بكل مصاعبه بقيت سرحانه وحايرة شلون
اخلص نفسي من اهالمأزق شلون اقنعهم
زواجي راح يكلب الدنيا علينا
شلون ياربي أنت أماني أجعل لي
مخرجا كمت صليت صلاة الليل
وسبحانه ربي اجلى الخوف من جواتي
نمت مرتاحة وثاني يوم اجوا اخوية الثاني
وعمي ومصعب ونفس النقاش وعجزت اقنعهم برفضي اخر شي مصعب.
كال اني اتصلت بخالتي وزوجها وانطيت موافقة
اني كمت بحيلي كدام الكل متعصبه
مالك حق مو بكيفك شنو انطيت موافقة
منو ليتزوج انته لو اني .
وكام بكل غضب راد يضربني وسحبتني
لبنى واختي ضحى من ايده
خذتني ضحى لغرفتي وهي تلوم بية
ضحى :وهي تفتر بالغرفة وتنطي محاضرة
بحماس والج وبعدين وياج غير نعرف
السبب ليش ماتقبلين والله محمد
حباب ماتذكرين امينة شكد مرتاحة وية
ولا تضلين خدامه يم لبنى كل عمرج .
رحيق: أرمقتها بنظرة الخيبة مضمونها
اووف والفزع بداخلي شلون
لو انفضح سري الله يرحمج امينه
وحدج جنتي تعرفين والحل كان قريب
بس الموت خذاج وخلاني اصارع بهمي فزززني صوت ضحى .
ضحى : والج وين صفنتي ردي؟ .
رحيق: أووف هلي لو دريتو بهمي
مااضنه تفرحون بتزويجي
وهلي يام ردت احجي عن لبية بس وقفتني
اعرافكم القبلية .
رحيق : كعدت وشهكت احجي
يامصيوبة شمصخمه ومن كلامج
هذا السالفة مبينة كبيرة .
رحيق: وبذات الثقة والجمود
تتكلم بكل برود وكان التبلد نال منها
واليقين بربها هو مصبرها هناك قصة انعرفت
ببلاد فارس قصة ثريا .
كانت اطهر من الطهارة لكن ماتت رجماً
بحجة انها زانية كان الشهود احدهم شيخ
والباقين كذبوا لكن قتلت باسم الشرف
وتم لعنها بحجه انها عار وزانية
اما هنا فدفن الكثير بتل المخطئات وهن برئيات
ضحى : يامصيوبة وتخرط بوجهه
كلامج يدل على ضيم اسود
وتلطم على جهه والج كولي ياملطمه منو صخمج والج صفا والج انطقي .
رحيق : بعيون هملن بالدموع هل يتم تصديقي لو قلت من الذي اعتدى عليه واخسرني اغلى مااملك ؟هل يتم تبراتي لو قلت حدث غصب عني ؟ولم اكن اعلم ماحصل هل يتم اعطائي الحق؟؟؟؟ .
ضحى: والج كولي من يمته يامصخمه
ومنو هالنذل والج رحيق
ليش اخر من يعلم اني والج مالكيتي وقت
الا من انطوا قبولهم لزواجج والج شنحجي لو عرفوا بضيمج .
رحيق : افتخر بنفسي وافتخر لو قتلوني بجريمة شرف لان يم الله عقابهم يكون نار جهنم واموت
واني مبرية ذمتي وياربي واذ عن هالموضوع ماحجيت لان حصل من وكت بعيد وجانت امينة
تعرف وهي قررت تساعدني وجانت
تدور على حلول بس الموت تسارع واخذها
واصلاً جنت مطمئنة لان الناس انكطعت رجلهم عن خطبتي بعد ماطش خبر مرضي .
ضحى وتلوب وتلوذ ودمها نار واحترك وهسة شسوين .
رحيق: راح اصارحه بكلشي صار اذ رجال يكون
سند الي واذ ذكر يفضحني
واني لحد الان رافضه بس مصعب اخخ يامصعب لورطني ووافق .
ضحى بتعجب !!!
والشهكة بوجه والج شهالبرود بيج
والج اكو وحدة تحجي عن هالسالفة مثل سالفه توسلف بيها .
رحيق: من كان يقينه بالله لن يحزن على مايصيبه فيكثر بشكر الباري احتركت روحي
وانطفت باول الموضوع وحاليا رماد بقى جنت متوقعه اول وتالي انعرف بس جان املي
بمحد يطرق ويخطبني بس اذ الله كتبلي هالنصيب مالي غير الخضوع
ذروة سنام الإيمان أربع خلال: الصبر للحكم، والرضا بالقدر، والإخلاص للتوكل، والاستسلام للرب عز وجل.
ضحى: كامت وهي ترعش ايديها عمي الله ينطيني برودج اروح احجي وياهم بلكت يحيدج يرفضون
قبل لا يطيح الفاس بالراس وتصير سالفتج بكل لسان .
طلعت ضحى وكمت وراها توضيت وفرشت سجادتي ولزمت القران اقرا بي على ملىء وجهي
فتحت سورة يوسف عليها السلام وكعدت اقرا بيها وشفت بكل ايه من اياتها تتجلى عظمة الخالق
كيف ان يبلي وينقذ رفعت ايديه بخشوع الهي يامن أي وخرجت يوسف من عمق البير خلصني من عمق
هالفضيحة يالله انت اعلم بماجرى لي يالله ادعل لي من لدنك سلطانا نصيرا ينصرني
خلصت ورحت لكيت الكل طالع حتى ضحى رايحه لعيالها ويه زوجها
وعمي عدت يومين سكته بلا صوت ومصعب ماخليت يشوف خلقتي ثالث يوم كعدت
كالعادة من الصبح وعلى ذات الروتين
تنضيف ترتيب للبيت وكمت للمطبخ سويت الغدة
ولبنى مثل خاتون كاعدة رجل على رجل
وتخابر امها وخالتها بنص الهول
دخلت عليها لبنى ارد احاجيج .
لبنى تحرك عيونها بمعنى بعدين .
رحيق بعصبيه لا هسه قبل لايجي مصعب .
لبنى بنبرة احتناقية اووف يله باي بعدين اخابرجن خير شكو كطعتي السالفة
رحيق : قربت منها وهي كاعدة
واني واكفة وايدي على خصري لبنى
حاجي مصعب قنعي يرفض الله يخليج .
لبنى : رفعت حاجبها ليش بله حتى
تبقين منغاصتني كل عمري
ومااكدر اخذ راحتي ببيتي وبعدين
اني شكو اخوج يريد يزوجج .
رحيق : تتفافات اخرته هالشي مو زينه الله يخيلج بروح ابوج قنعي .
لبنى : كامت بحيلها وعينها شرارة شنو تهدديني باعي لاتحلفيني برح ابوي
منج لاخوج والله خوش تريد تخليني كدام المدفع يله ولي كملي الغدة.
رحيق : مسلمتكم بيد الله ياخذ حقي والحق مو عليج عليه لعتبرتج بشر واحاجيج .
لبنى : بسيطة اني اعلمج اذ ماخليت اليوم قبل باجر يزوجج ويزفجج لمحمد ويكسر راسج
فلاااتسمى لبنى تدعين علية الج حيوانه المصروعة ام صرعة صار براسها خير .
رحيق :رحت للمطبخ واعصابي تنتفض الهي وتالي وياهم ماخايفة على نفسي
كد ماخايفة على الفضيحة الي تلزك بكل بنية بهالعائلة من بعدي كله احنه نعرف
لتموت بقضية شرف يبقى العار والسمعة لاجيال اجيال للوحدة
اجه مصعب صبيت الغدة وكعدت اتغدة
وياهم شوية واردف مصعب .
مصعب : لبنى اليوم اخذي رحيق جهزيلها باجر عقدها على محمد وزفة وهوسة ماكو فد اسبوع
ونزفها سكته همين عيب من العالم يكولون ماخذة زوج اختها المرحومة ودك وركص .
رحيق : وكعت الملعقة من ايدي حرام مصعب عليك لاتكسر بختي مااريد كلتلكم ضحى
مو حاجتكم لخاطر الله عتققوني
من هالزواج بروح ابوية عليك حلفتك بالغوالي لسكنوا المكابر .
مصعب : رفع راسه وخزرها اسمعي كلمه وطلعت مني ووافقت لا تضلين تتمضيكين
اتزوجي وانستري حتى ولد عمي
كالوا موافقين والا يصير وياج حجي ثاني .
غوركنه عيوني بدموع الكمد ومالي
غير الله ملجأي شبعت بجي شراح يصير بية
اجه العصر وخذتني لبنى للمرة يمنه تجيب ملابس وشغلات فاتحة محل
واشترتلي شغلات منها فستان ابيض
جرجيت للعقد ماسوينه حفلة وهوسه ثاني يوووم اجني خالاتي مالجميع التمنّ وبنات عمي وعماتي وخوات لبنى ونسوان اخوها
اخت لبنى هي اكبر مني بس مو ذاك الجمال
وححتى اسلوب ماعدها وقحه بشكل
اصلاّ هواي ناس ماياخذون جمال كد
مايدورون اخلاق ذوق ابتدت تبسمرني والله ولاتوقعنه تتزوجين.
الله يرحم امينة ماتت وعافتلج مكانها
وطكتها ضحكه .
بكل برود واني كاعدة وضحى تمكيجني مكياج خفيف رديت عليها رد صاعق
لكن محترم
الذوق زهرة لا تنبت في كل الحدائق وكذلك الأسلوب الجميل نعمة لا يمتلكها أغلب الناس
والرد على فاقد الذوق كالبحث عن ابرة بين القش .
خليتها بفشلتها تحير وين تودي روحها وضحى تناظرني وتبستم بفخر
بس ابتسامتها منغصة بحزن وخوف
أي خايفين لاانكشف وتكون نهايتي طعن بشرفي وشماته كل مكان ردودي وثقافتي
مااجت من فراغ درست ووصلت للسادس الاعدادي وعلى اثرها بطلوني.
لكن اني جنت اطلع ويه ملاية جيرانه
وعدها بنات مكملات دراسه وكنت اطلب
منهن كتب اثقف بيهن
كملنه واجت خالتي يله يمه كومنّ
كمت وياهم وبين هلاهل وكولات وبسامير الحقد اجه مصعب
وكال الشيخ يريد يسمع موافقتها
قربوها على باب الاستقبال قربوني والكل وراية وانفتح الباب شوية هو بي بردة من جهه الهول اسمعني الشيخ كليشة
العقد المعتادة وطلب الاجابة بالقبول او الرفض اغمضت عيون خايلت مستقبلي المحتوم
بعد القبول هو القتل اجبت بنعم موافقة .
ابتدت التباريك والهلاهل فات محمد
وقبلني براسي لكن كله ذرة بداخلي ترجف رعب
تم التجهزات على مهر قدره 3 مليون رفضت
يشترون وكيثرون ملابس
لكوني اعرف نهايتي واجه اليوم المشؤؤم
حتى حنه ماسويت بالليتها اجت ضحى
واني كاعدة بغرفتي
مثل لعدها عزاء على مصلايتي
والقران بيدي دخت علية .
ضحى : قبل الله .
رحيق:منه ومنج كعدت مقابيلي وتربعت ولزمت كفوفي ورفعت وجهي من حنجي
ضحى منو لسواه بيج هيج؟!
منو لخذ شرفج ؟
مااصدك انتي سلمتي نفسج!!!
انتي منصغرج متدينه ومستحيل هيج غلط منج جاوبيني وريحي كلبي .
رحيق بهدوء :همست لو عرفتي
منو هالعديم الشرف مستحيل
يبقى عقل براسج غمضت عيوني
ونزلت دموع خاينه خليني
اموت واخذ سري معي .
ضحى :خلي اهربج منه روحي منه ولا يقتلوج مدامج برئية.
سحبت كفي من كفوفها وطبطبت عليها الهروب حينزل روس الكل الافضل اواجهه
واعترفله بكولشي اذ الله كتبلي عمر
راح ينقذني من ايدين عزرئيل وا كتب اجلي فيامحلاه الموت للمؤمن سعادة كومي نامي وارتاحي .
تركتها تطلع صح عندي ايمان بربي بس اكو خوف بداخلي نمت واني ادعي الله يرحمني ثاني يوم
كعدت رحنه لثالون قريب علينا والفستان ملبوس اجرت منها مو ذاك الزود اجه من الصالون اخذني
لبيتهم ماعزموا هواي ناس بس الاقارب
سوالهم عشة وبين ركص خواته بس اني ارعش
خوف شوية وفوتني لغرفتي كالنه راح يزفون العريس اجته ضحى
تحضن بية وخايفة علية بس اني بقيت ادعي
واكرر بقلبي اني مغلوب فانتصر شوية
ودخل علية محمد صاحب جسم
هو منتسب بالجيش وطولة تقريبا 185
يشبه الممثل غالب جواد بس شوية وجه اضعف
ودخل علية سلم وگعد
هاي ليلتي المفرروض
اكوون فرحانه لو بغير وضع بس الخووف
معتليني والدمع مغورك عيوني سلم بهدوء
وكعد علىةطرف الجرباية واردف بفحيح
رجولي ونبرة راغبة بية وهو ينزع السترة
ويفتح دكم القميص الفوك ويتنفس بقووة .
اعررف زواجنه غير مقبول عدج بس هو الافضل
الي والج .
كال نكوم نصلي ارتاحيت صليت
ورة بس بطني مغص من الخوف
بعدها سحبني من ايدي وكعدني جنبه وعيوني مدنكات اردف بهمس .
اعرف متصعبة الوضع
واعرف بعلاقتج بامينه موبس اخت واقرب من روحج بس هذا الشرع
وتعرفين لازم هالليلة طقوسها تكمل بقيت
اومأ براسي بس الخوف متملكني ردت احجي
انطق بس احس شي ربطني مااحس الا سحبني
وانطفى الضوة سحبني لصدره
وهو يتلمس بية بس دموعي نزلنه بصمت كمل وتحرك من يمي
وشغل الضوة واجه علمود ياخذ النيشان
بس من شاف ماكوشي انجفل وصاح بصوت
زئير الاسد وعيوني تخزر هاااااااااااااااااي شنووووووووووووو ررررحيق
ياعااااااااااااااااار المن مسلمة روحج .
وسترتي نفسج بيه الج المن بااايعة روحج .
بقى يفشر ويرزل وبعدها سحلني من شعري
للارض ودموعي عشرة عشرة دك ركبة للكاع
ورفع وجهي بكفه احجي منوووو؟!!
حطيت عيوني بعيونه والله اغتصبني والله
مامسوية شي غلط محمد بروح أمينة أسترني
فدوة
وأذ تريد خلني خدامة للجهال بس لاتفضحني
بس هيهاات يسمعني شبعني ضرب وهو يكلي
أحجي ماعرف شكول وبعدها كبعني واخذني
لاهلي وشبعوني دك يسألون وأني أعرف
اذ جاوبت مراح يصدكون بالاضافة حتى
لو عرفوا منو فهم يقتلون البنية والولد والرجال
ياخذون فصل منه رغم ان القران بعقاب الزنا
مافرق بين مراة ورجال لكن للاسف
گلبوا كل قوانين القران ياخذون ليعجبهم
ويحورون بي على ليرهم الهم .
بعدها قررورا يدفنوني حية .
تينة شنوووووو؟!!
رحيق: بلعت ريكي اي دفنت واني حية واتنفس
بعدها ابن عمي اخو سلام نقذني .
وطلع يعرف بسواية أخو بس سكت لان
يخاف يحجي وتصير هوسة وشرفهم يوكع بالوحل
كولي خلصت من الناصرية واجيت للزيارة
وها تورطت ويا وحده ماتخاف الله ومنها لحد
ماوكعت بيد سهيل وهاي هية كل قصتي .
تينة تثاوبت ودمعة بعينها الله يعينج اني
لو ماكنت شايفة هموم بكدج كنت
انصدمت بس صدكي كل بشر هم لراسه
ويجي يووم والله ياخذ حق كل مظلوم
رحيق فركت عيوني خلي أنام تعبت هواي
وحسيت صدع راسي رحت أدور برسيتول
أخذت حباية وتمددت وتينة راحت بغرفة صفاء
نامت ثاني يووم صادف جمعة بدلت
وريكت الاطفال وطلعت للشغل جوو بارد وحتى
ضباب بالجوو وندى بعد شهر واحد يجرش
خلصت وطلعت من المركز التجميل
بعد ماانتهيت من اخر زبونات جوو بارد
شهر الواحد لفيت روحي بالكوت وفركت
أيدي محاولة أدفيهم بحرارة بعضهم
أمشي واتلفت خاف أحد لاحكني
انداريت أباوع لكدامي جكسارة سوودة
تقريبا مسافة اربع بيوت عني من شفته
واحد منهم نازل ويخووف بضخامته
انداريت راجعه عن طريقي بدون مايشعرون
شوية مشيت وانوب رگضت مااحس الا وصووت
ركضهم وراية
وواحد لزمني وكتفني من ورا .
ارد اصررخ الم العالم ماكو
مخلي ايدي على حلكي
طلع صاحب محل بعد عنه
صاح الي لازمني ماعليك
شرفنا ونريد ننضف
بقيت اسوي حركات بعيوني لا تصدكه
سحبني سحب وشمرني بالسيارة بقيت
ارافس واقاوم انطه صوته للسايق
أقفل البيبان وحرك .
ورجع اندار علية خليج عاقلة ياحاته
سيادته يريدج
بدهشة واني اعدل گعدتي منوووو تقصد
وأرجف منووو تقصد؟!!
انتم منووو؟!
ضحك بحقارة وكال
تنوصل وتعرفين ياحلوةةة.
