رواية خفايا القدر الفصل الخامس عشر بقلم انين الروح
زينب وصلت البيتنه
شفته منكلب ع حيله زلم ونسوان وعياط مالي المكان ما جنت متوقعه الخبر صحيح
كلشي جنت متوقعه اله هالخبر
فتت جوه ع امي اركضت الها ولج يمه صدك السمعته
وامي عاطت بعالي صوتها وللللللللج يبنت بطني موتوه اخووووج وتلطم وتملخ روحها وتعيط
لج ايوب ماااااااااات موتته ام السحوره هي واهلها
لج رباب انتوا متاكدين من الخبر منو كاللكم
اتصل واحد ع جراح وكله ايوب مسوي حادث بطريق الخارجي وياه مره وشاب
بعدين كله الحادث تره صار اثر انفجار صار مقابيله
عزه بعيني يمه اخوووووووويه نظر اعيوني راح بعز شبابه اها اها اها وكامت تلطم زينب ع وزها قوي وتنعي
ولج رباب المره والشاب بس لا ام واخو رهف
اي ولج
لا تجيبون اسم هاي النكسه اكبالي ولكم هي الكتلت اوليدي يمممممه ايوب
ولك يمه وين عفتني يمه مااشبعت منك
ولك يمه تعال شوف حالي بدونك يمه
رباب وين جراح
راح للمستشفى حتى يستلم الجثث
عزه وصخام بوجهي ولج تدرين رهف حاسه اكو شي كل اشويه اتكلي مخنوكه اريد ابجي اريد اعيط خطيه متدري بيهم
سوده عليه خويه بعدك بعز شباب يمه دكينه ولطمه ع ايوب
رهف طبخت غده زينب بس شلون طبخ الباميه اشويه نشفت وحتركت اطراف الجدر
والتمن ناسيه اخليله ملح
طبخت وفكري مو صافي جهزته كله
بس ماعرف اكو شي بداخلي يكلي ارجع البيت اعيالي
طفيت الطباخ لميت جهال زينب اربعتهم حنين وين اخوج علي
بالشارع يلعب
روحي صيحي
اي عمه
علي عمتي تريدك .كليلها بس يلعب هالكيم ويجي
لا روحي صيحي كليله نروح ابيت جدج
اجالي اخذتهم والطفله يقين بحضني مشينه بالشارع بيت زينب مو حيل بعيد عن بيت اهلها يعني بالفرع الثاني
امشي واشوف العالم تروح ع بيت اعيالي والسيارات متكومه اني اخذت وكمت امشي سريع يله ابساع امشو حنين لزمي خواتج وخلي نمشي سريع
والناس تباوع عليه نظرتهم تخوف دخلت
الحجيه .جيبولي ابني اريد اشوفنه عمت عيني عليه ما تهنه ابشبابه موتته بنت الفكر موتته بنت الجلاب كل يوم اتكله جيب امي اريد اشوفه
دزته حت تموته يمه كسرت ظهري بنت الجلاب ببني
جراح .لج يمه هي ما دزته انه كتله يروح البغداد يلم يجاراتنه من التجار
وهو كال يمرهم ويجيبهم وياه
يمه تره البنيه كسرتها اكبر لا تظلين تغلطين عليها اذا انتي فقدتي ايوب هي فقدت امها واخوها وزوجها
لا تجيب طاريها
اني شتردوني بهاي الحظه من اسمعت جراح يكول فقدت اهلها وزوجها
عطت عيطه يمكن عبرت حدود البصره كلها ولكممممممممممممممممم شتحجون منو مااااااات وردت اركض اطلع الحوش
ولزمني جراح بحضنه يده حتى ما يصير بيه شي
واني اعيط بصوت ولج ماما احمد ايوب لا لا لا لا لا لا انتوا تكذبون
رقيه .فات جراح علينه غير ملابسه لبس دشداشه وغتره سوده وراد يطلع
لزمته امي بعياط وصياح وبجي وتسب برهف
جراح وكف يحجي وياها وماندري غير رهف اتفوت للكراج وصارت وره جراح وسمعته شحجه
احنه جنه خايفين عليها لان وضعها تعبان وحبالتها صعبه
هي سمعت جراح لو عاطت عيطه اله فززت كل الموجودين ودكت ولطمت وتضرب بجراح ع صدره
جراح .ولكم زينب رقيه ياهو اليجي هاي وكعت وينجن ولكم مره اخوكم وكعت
ركضنه عليها واكعه والدم ماخذها
كام جراح
وامي تعيط وتسب برهف
جراح انه هسه المن اندار عليكم ع رهف ع الجثث وين البقيه وينهم ليش بس انه موجود بالبيت وين راحت الزلم فهموني
لك علي روح صيحلي واحد من زلمنه
اي خالوا
صلاح .ها جراح
ولكم وينكم ماتفهمني
اطلب خويه انه يمك
اخذ امك اختك ياهو الجان وحده من خواتي واخذ مره ايوب للمستشفى
صار من عيني بس خل يصعدنها بالسياره
جيب سيارتك فوتها للكراج
رباب اركضت جبت عبايه الزينب والي
صلاح فوت السياره احنه ماكدرنه نشيل رهف ..
اجه جراح شالها ودخلها لسياره وصه صلاح عليها ..
رباب لاتروحين انتي خليج يم الوالده خل زينب وعمه صبحه وهديل يرحن وياها
صار خويه نزلت وهنه راحن .
طلع جراح
لزمته امي وحلفته يجيب ايوب تشوفه ابيتنه وبعدها ياخذه
جراح ما قبل بس جدتي عاطت بي وكالتله انه همات اريدن اشوفنه
جر جراح نفس وابوي ومشوا ساعه ساعتين جتي سيارات سدت عين الشارع طول بعرض
فوتوا السياره الشايله ايوب بتابوته للكراج وصار الطم والبجي الكل يبجي ويعيط
امي ملخت روحها تمليخ قرابه ساعه شالوا التابوت وخذوا روحنه وي طلعتهم من البيت
للمغرب مانعرف شي ع الراحوا يدفنون ولا ع رهف
الزلم نصبوا الجوادر وبدو يطبخون والتمت العشيره كلها لليل رجعوا من الدفنه
طبعا مكتلكم ام واخو رهف لان محد عدهم لا خوال ولا عمام بس عم واحد
و الي نعرفه سافر وعاف العراق ابسبب الظروف
لان هو رجل جيش جبير جان بزمن صدام يكولون خاف وطلع من العراق
علمود يسلم ع روحه وع ابنه واهله
ف اضطر جراح يدفنهم بالبصره يم ايوب
ويأمن الكاع عليهم الحد ما يشوف شلون او وين يدفنوهم
خابرت ع زينب ..ها احجي شلونها رهف
يمعوده شلونها فاقد الحد الان والنزف وكف وضع الطفل مو حيل زين لان امه وضعها تعبان وهاي ندعي والله كريم
المستشفى ماقصرت ويانه
جراح .رباب وين البنات ...هاااا...داكلج وين البنات هاي ويامن تحجين
ويه زينب ..تعاي انطيني خل افهم شصار وياها
الو هازينب شلونكم منو جاكم تعشيتوا
هسه انه جايكم لايظل بالج
هاج التلفون وروحي حضريلي الحمام خل اسبح واروح الزينب اخذلها عشه
سبحت وحس متوني شثكلهن اوووف ياضلع اكسرتني ايوب
اكسرتني المن مشيت وعفتني انه الجنت اتوجه بيك مثل عكازتي وكلت تشيلني بعازتي تاليك تعوفني وتمشي 😪😪😪 اوووف
يادمعه لا توكفين وضلي صبي
عالراح لاتوكفين ضلي صبي بدل الدموع دم اجري
اخذت سيارتي وطلعت للمستشفى تلكتني زينب وعيونها غركانه بالدمع
هااا خويه شلونها مره اخوج
موزينه يجراح موزينه صعبه عليها تلاثه من اعزاز كلبها يموتون
هاي بعد قسمه ربج يازينب نكفر قابل
كلنه انكسرنه الراح هم اخونه بس شنسوي لو نظل نبجي العمر كله قابل يردون
الحمدلله والشكر ع كل حال
اي والله يخوي امي شلونها
قابل شلونها مو احسن من رهف هم كل اشويه خربانه ومشربيها حبه الضغط والسكر
وابوي منتهي وانه هالتشوفيني
واكف بس بدون روح ماعرف شلون جاي امشي
اخذ بالك يالذيب لاتنكسر كدامهم تره جاي ياخذون قوتهم منك
وانه ..انه يازينب منين اخذ قوتي كليلي امنين
الله ينطيك القوه والصبر وتكون اقوه من الاول الخاطر نفسك واهلك
ربي يصبرج ويريح بالج زنوبه
جبتلج عشه الج والرهف خليها تاكل
تعال ادخل شوفها هي نايمه
ما اكدر من اشوفها خاف انهار
حقك يخوي
يله انه ماشي و اي شي يصير دكي علي حتى لو نص اليل
ان شالله ما يصير شي روح بالسلامه يخوي
امشي عمه اردكم للبيت
ونعوف زينب وحده شلون يصير يابعد عمتك
يصير كلشي يصير
زينب ذيبه ماينخاف عليها امشينه عمه يله هديل
اي مشينه
جراح .ادخلت للبيت كبل الغرفتي الي اعزل بيها حالي من اكون تعبان ومهموم
صعدتلها من الباب الخلفي حتى ماشوف احد لان كوه طايق روحي ودمعتي بطرف عيني
الراح مو بس اخو هو صديق وحبيب وعضيد هو همي وشكواي اليوم حسيت انه اتيتمت
ايوب جان قريب ع كلبي حيل مرات جنت اكعد وياه وسولف احسنه اب مو اخ من يسولفلي ويشيل همي
..اوف انه المن بعد اسولف يايوب المن احجي المن اشكي تعال ولك تعال اكسرت كلبي يبن كلبي نمت بثكل
صبحت الصبح غسلت وبوجهي رحت للعزه المنصوب
شفت الولد واكفه بكل حيلها وانه احس نار وجاي تشب بضلوعي كل اشويه
واكف بصفني مناف سحبت الرشاش منه
شجاي اسوي جراح
لا تخاف بس اريد افرغ الرشاش احسن روحي راح اطك
والزمته ورحت ابعيد ضليت ارميييييييييييييييي الحد ما خلص كل عتاد الرشاش
اووووووف ياناري شيطفيج
اجالي اتصال من زينب
ها ولج خيرج اكو شي
لا لاتخاف بس الدكتوره سمحتلنه بالطلعه دزلنه واحد يجي ياخذنه
زين انه جايكم
خوش ننتظرك
شغلت وطلعت للمستشفى .اكبال الردهه اكو انتظار شفت البنوات كاعدات
جتلي زينب تركض حضنتني وكامت تبجي
زينب شكالت الدكتوره
ماكو شي ونطتنه مثبتات وكالت خلوها اتنام ع ظهرها
يله خوي امشينه لازم ارجع ابساع
رحت تقربت ع رهف
كومي يأم السبع البقيه بحياتج
هي بس صافنه وعيونها تجري دمع
لج زينب متاكده هاي البت زينه شو وجها مبلوع يخوف
اي خويه زينه بس حقها الراحوا تلاثه اعزاز
يله بويه رهف امشينه
كامت لزمتها زينب وتشحط بيها
طلعنه ظليت افر بيها الشوارع حتى احاول اغير من نفسيتها
بويه رهف بسج بجي كتلتي روحج كتل تره البجي مايرد الراح تردينه وتحبينه حافظي ع اوليده الي ابطنج
وامج واخوج ترحميلهم بعد ابوج لا تظلين تبجين
تره انت الدفنتهم مو ابزازين 😭😭😭
لابويه شني ابزازين غير اخوي هذا ضلعي الي انكسر
رهف تره جراح من خوفه عليج هيج حاجاج ليش يعني الماتنه مو اخونه
لازينب شو احسكم ما مهتمين
لا داده انتي متوهمه.......... ومتوهمه جثير
روحي للبيت وشوفي العزه المنصوب
هااااا وخاف عسبالج عزانه منصوب بس ع اخونه
لا احبيبه تره عزانه منصوب ع امج واخوج وايوب
كافي كافي فدوه كافي 😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭
وصلنه دخلت السياره جوه نزلن البنوات ورد رجع النحيب والطم
النوب امي شافت رهف لو اتهسترت عالبت تهستر
لج حيوانه كتلتي ورتاحيتي لج ام السحوره كتلتي فوختي روحج هسه ظليتي تزنين براسه اريد اهلي اريد امي من انتي حابه امج وماتكدرين ع فراكها عليش تزوجتي هاا عليش بنت الجلاب
كوه النسوان لزمن امي .
وفوتت رهف للغرفه
زينب ابوس يدج اريد تلفون
جا ولج شسوين بي
اريد اخابر رفيف 😭😭😭😭 يا صدك احنه ما كناله للبنيه
انتظريني اجيبلج تلفون جراح
طلعت زينب واني ملخت روحي تمليخ
لا شعر لا وجي
ولج يمه ليش عفتيني ورحتي ولج يووووووووم تسمعيني
ماما ردي خل اشبع من شوفتج ما شفتج ولج يووووووم
ااااااااخ حمودي شلون انطاك كلب اتعوف اختك من غير متشوفها ااااخ ياكلبي
ولكم نار نار كلبي ع فركاكم ايووووووب وينك تعال شوف حالي بلياك ايوب تسمعني
زينب .جبت تلفون جراح ورجعت الغرفه رهف شفتها املخه روحها تمليخ وتعيط بساميهم
اركضت الزمتها وطشيت عليها ماي جان يمها كلاص
وهاك يابجي ونحيب ..
.ولج كافي فدوه بطنج راحت
الطفل شنو ذنبه
زينب عوفيني زينب محد يوصل ناري
زينب اريد اموووت المن عافوني
لا اسنغفري ربج انتي انسانه مؤمنه وهذا قدر ربج لتكولين هيج
زينب اتيتم ابني وهو ما جاي لدنيا
هاي بعد قسمته تعترضين يا اختي
زينب اريد امووووت واها وتضرب ع وجها وبطنها
لا ولج لا ع بطنج تره ما ارضه تأذين الطفل
ولج شلي بالطفل اذا ابوه مات وتركني
استغفر الله ..هاج هاج جبتلج تلفون جراح
وينه زينب .
جراح مخلي ع رقم طه .دكت زينب عليهم مره مرتين طلع طه
الووووو
اشلونك خويه
كل الهله ....منو
انه زينب اخت ايوب ..زوج رهف
هاااا يا اهلا وسهلا بختي
فدوه انطيني رفيف
اي صار من عيوني
الوووو
شلونج احبيبه
هله زنوبه انتي شلونج
انه صخام ولطام لوني داده
خير اشبيج
هاج اختج خل تحجي وياج
اي انطينياها
شلونج رهوف
ولجججججججججججججججججج بصياح
ولج رفيف شلوني ولج صخام بعيوني ولج
شكو رهف يمعوده احجي ليش تعيطين وتبجين
ولج رفيف تيتمنه يارفيف 😭😭😭😭😭😭
شنو مدا افهم شتحجين
شتفهمين الطمي ع حالج ولج رفيف
رهف بس هدئي وحجي صوتج ما ينفهم منه شي
اهمداني وتلطم ع وجها
دجيبي يمعوده
الوووو
منو ويايه
اني رشا بنت ام علاء جوارينكم
هلو رشاوي شلونج ..فدوه اشبيها رهف شو بس اتعيط وتبجي
رفيف .البقيه بحياتج امج واخوج وايوب زوج رهف انطوج عمرهم البارحه
شنووووووووووووووووو..؟ انتي اشتحجين رشا
تعاي رفيف للبصره شوفي حال رهف
وجرته من اذني رهف
ولج رفيف ماتوا اهلنه ماتوا صرنه يتامه لج راحت شمعتنه وضوانه
وعياااااااط هز البيت هز
وشمرت رهف التلفون وصار طشار وتملخ بروحها
رحت لميت الجهاز والشريحه وكعت منه
وزينب لازمه رهف ويبجن
الفجر ثاني يوم العزه وصلت رفيف وزوجها وعمتها اخت ابوهم
واول ما دخلن يبوووو رجع انصب العزه من جديد وهاجن لطم ما لطم
رهف .ولج عمه تيتمنه ابونه وامنه وخونه عمه منو ظلنه بهالدنيا
ام رائد عمتهن ..تبجي وحاضنتهن اثنينهن وتقره ايات ع روسهن
رفيف ..عمت عيني عليج يوووم
ليش عفتينه امي رجعي ما شبعنه منج يوووم
رهف .كل اشويه متخربطه وراكضين بيها مستشفيات
النوب شافت رفيف وما قصرن
وهم صار عدها نزف وركضنه بيها مستشفى
وضعها صار حيل متعب اكثر من قبل
وهاي احنه مدري نعزي مدري نركض مستشفيات
ساعه عمتي ام جراح ساعه رهف والنوب لحكتهم رفيف
مو اسبوع مر علينه وانما مجزره تعب وضيم
...........
رهف .اني ما ابقه اهنا رفيف اروح وياج واني وانتي نرجع نسكن ابيتنه الي بغداد
بعد ما اتحمل اعيش وياهم
واصلا ما ضلي شي عدهم خسرت كل احبابي ابسببهم ماريدهم رفيف
ان شاء بس خلي نشوف شلون راح ننقل امنه واخونه البغداد
طه اني اريد انقل اهلي ماريدهم يندفنون اهنا ماعدنه احد يمهم
اي ميخالف خل اشوف جراح وفتهم منه شلون انقلهم
الله بالخير
خويه جراح اني اعرف مو وكتها بس هاي بعد لازم تفظ
اي كول ابو ياسر تفضل
والله البنات يردن يحولن جثمان امهن واخوهن البغداد ..يصير هالشي لو لا
شوف ابو ياسر انه جنت متوقع هالشي ومفكر بي ومن دفنتهم امنت عليهم الكاع
بس ياخوي انت المن محولهم شو لا انت ولا رهف عايشين بغداد حتى ترحون وتزوروهم
عالاقل اهنا تكدر رهف و انتم من تجونه ناخذكم الهم تزوروهم
وتعال هسه الجو يجوي جوي شلون راح اطلعهم وتوديهم بغداد ليش هي عبرت شط
١٠ ساعات يله توصل وذا كابلك رتل سلملي يطير النهار وانت ماواصل وبعد بكيفك انت حر
انه العليه كتلك وفهمتك باشي الصح وبقت يمكم انتم
هنه بناتها وحرات وين يدفنن امهن واخوهن
اي والله يالذيب كلامك ذهب وعين العقل راح احجي ويه البنات واشوف ردهن
اي شوف ردهن واني حاضر وبالخدمه
خادم ربك ياذهب
حجيت ويه جراح والرجل كلي تأمر التريده يجرالك بس هو كلامه جان صح
اولا همه صارلهم اسبوع من اندفنوا وهسه الجو حار
وثانيا يكول شعدكم ابغداد منو الكم اهناك من تردون تزوروهم هاي همه اهنا مدفونين
رفيف ..شلون يبقون اهنا غير ندفنهم يم بابا خوما هو يبقه وحيد بالكاع شكبرها
لا اني ما ارضه لازم نحولهم
رهف .ليش منو النه ابغداد ياطه
غير اني رفيف راح نرجع نسكن بيتنه بغداد
لا لا لا رهف اني ما اترك شغلي وعملي وبيتي وامي واجي اسكن بغداد
رفيف ساكنه ابيته ومستقره انتي تردين تجين اسكنين بغداد شي راجع الج
بس احنه لا عذرينه
ليش هيج طه تكول لعد انعوف بيتنه للغربه ..
واني شلون ترضه اعيش وحدي ابيت شكبره وشعرضه
رهف .انتي هاي عائلتج وانتي عايشه ابنصهم ومستقره ليش تردين ترجعين البغداد وتسكنين بيها
طه انت متعرف شصار بيه اهنا
تره محد يحبني بهذا البيت الجان يحبني مات وعافني المن بعد ابقه يمهم للمذله
لا والله ابد اني اروح وياكم وبس اجيب اخذ ابني واسكن بغداد ابيتنه
طه .والله ماعرف شكلج بس انتي اخذتي رايهم كتيلهم راح اسكن بغداد
ماعليك بيهم همه اصلا ما يهتمون الوجودي يعني مراح غيابي يأثر عليهم بشي
ميخالف لازم تاخذين رايهم قبل لا تطلعين من البيت
اي ان شالله عود اكللهم
خل اطلع اشوف جراح بلكي يدبرلي سياره اسعاف حتى ننقل الجثث
رهف .اكلج هذا اشبي رجلج شو شال هم من سمع راح اجي وياكم شنو عباله راح يكعد يصرف عليه وع الطفل
لا رهف بس انتي وضعج تغير وهسه تعبانه شلون اطلعين
اني ما ابقه كتلج يمهم ارجع وياكم ومناك عود اروح بغداد لتشيلين همي زين
شلون ما اشيل همج وانتي حامل وحالتج حاله
رفيف .اني اذا ابقه اهنا اموت صدكي ما اكدر ابقه قبل جنت ساكته الخاطر ايوب
هسه المن اظل واسكت
لا لا ما ابقه والله
ميخالف حبيبتي ميخالف ناخذج ويانه
طه .رفيف جراح عنده احجايه وياج
اي وينه
لا امشينه احنه لديوان
رفيف لتكولين الجراح اني راح اروح وياج هسه فدوه
صار ليظل بالج
السلام عليكم
وعليكم السلامه .هله خويه تفضلي
اي ابو يقين تفضل
اسمعي اختي ..انتي انسانه واعيه وفاهمه راح احجي وياج بالعقل وبقت يمج
اي تفضل
خويه اهلج صارلهم اسبوع صح انه مأمن عليهم الكاع بس انتي تعرفين الطريق مو امان وامريكان مالين الشارع والجو حار يكتل كتل
وانتوا من تنقلوهم المن شو انتي ابخانقين ورهف يمنه وما ترد بعد البغداد شلكم بدوخه الراس
من تردون تعاي انتي واخذي اخيتج او روحي زوريهم
عالاقل تشوفين اختج واهلج
مو ..بس
خيتي لا بس ولا شي عوفيهم مدفونين ومرتاحين هين اخير من غير مكان
بس والدي وحده مدفون ابغداد
خيتي ابوج صار اسنين ميت الله يرحمه خوما جان منتظر امج واخوج يموتون حتى يندفنون وياه بنفس الكاع هاي وحده
اثنين منو غيركم راح يذكرهم شو لا عم ولا خال وانتن بس بنات اثين
وتعال هسه اذا طلعتيهم وبسياره خاص او سياره مستشفى منو يكول توصلون بأمان اذا ما وكفوكم الامريكان والسيطرات وتعال سين وجيم وكتابنا وكتابكم
ياخويه فكري عدل ولا تأذيهم اكثر تره روحهم طايفه خليهم يرتاحون
طه ...كافي رفيف الرجل كلامه صح
همه ندفنوا بعد الله يرحمهم طلبيلهم بس الرحمه هسه وخليهم يرتاحون
تره حرام عليكم اتعوفوهم معلقين بأمانه الكاع صارلهم اسبوع تره متأذين
اوك اني موافقه يبقون مدفونين اهنا الله يرحمهم برحمته الواسعه ان شالله
زين وعلمود موضوع رهف
جراح .اشبيها رهف
اريد اخذها ويايه تجي اتعيش يمي ابتي
لا خويه حدج رهف بتنه هذا بيتها وبيت ابنها
ما تطلع من هالبيت ابد اتعيش بي معززه مكرمه
بس ابو يقين .منو الها اهنا بعد زوجها والله يرحمه
شنو منو الها خيتي ليش احنه مو اهلها هين شني البنيه من يموت زوجها بعد كافي انتهت حياتها وي اعيالها
لا خويه اذا انتم عدكم هيج
عدنه ما تنصرف هاي السالفه هي كاعده اهنا معززه مكرمه هي وابنها ان شالله
اوك ابو يقين خير يصير ان شالله
رهف .هذا كلام جراح ماقبل تمشين ويانه ابد يكول هذا بيتها هي وابنها ما تطلع منه ابد
بس رفيف ماريد اظل اهنا والنبي اموت لج امه تكرهني النوب ازهار تتمنى تشرب من دمي وطلعتني سحاره وماعرف شنو ويوميه تهمه ويوميه مشكله عبالك اني الوحيده الي يزوجها رجال من غير محافظه
كل سالفه وكالو بنت بغداد لو كل سالفه وكالوا شنعرف عنها
ماريد رفيف ابقه
خلص رهف خل يجي طه ونحجي وياه ونشوف شيكول
...............
زينب .ها خويه شو وحيد
هله خيتي تعاي كعدي
خويه اشوفك مهموم وشايل الدنيا ع راسك
اووووف يازينب لج الراح كسرني
واخبرك بسهر اليل............... ونياب
وبقيت اصرخ بعالي لصوت.... ونياب
بغيابك طلعلي اسنون ...............ونياب
غيابك يبو ذات رديه............
اووووف ياخويه الله يساعد كلوبنه ويصبرنه ع افراكه ياخوي شنسوي هذا قضاء الله وقدره مانكدر نكول شي
اعرف......والله اعرف يزنوبه بس الدفنته ابني مو اخوي
مو بيدي احس روحي تجوه كل يوم بغيابه الف جويه
زينب 😭😭😭😭😭😭 يصبرك ويصبرنه كوم يابعد بيتي كوم ارتاح وناملك فد ساعه ساعتين جسمك تعبان والشحوب مالي وجهك
كمت والحيل هاد
اكومن وما بالحيل كوه
ع امتوني اشيل الثوب كوه
اجاجن يالحايه الشيب كوه
بعدنه اصغار عالهم والاذيه
هوانه اسويت عذبني زماني
استغفر ربك يخوي احنه جاي نتقوه بيك شلون انت تنهد كدامنه
اخذته وفتنه جوه البيت
عمتي رجعت بعد الثالث لان هي موظفه تدقيق بالامانه
طه رهف احنه صارلنه عشر تيام هم يالله نرد لبيوتنه ورانه شغل وعمل
لا فدوه لتعوفوني وحدي اهنا اخذوني وياكم فدوه
والله ع عيني اخذج وشيلج بس سمعتي رد جراح من كناله ناخذ رهف ما قبل تخطين خطوه خارج البيت
ماعليكم بي هو هيج يحجي من حاله اني ما ابقه وحدي اهنا مالي بعد غيركم
فدوه رفيف اخذيني لتعوفيني فدوه
والله اتمنى اخذج اني ما بقالي من اهلي غيرج بس راح احاول احجي ويه جراح مره ثانيه بلكي يقبل تجين ويانه حتى لو بس فتره وترجعين
اي فدوه رفيف قنعي والله اموت اذا عفتوني وحدي هذوله ذياب ياكولني 😭😭😭😭😭😭😭😭
صار صار كافي بعد لتبجين خلي اكوم اشوفه وين حتى احجي وياه
طه خل نطلع نحاول نحجي وياه بلكي يوافق
اي عيوني انت ابو ياسر حاول اثر عليه فدوه رحتلك
جراح ..لا ما تطلع من هين هذا بيتها
والطفل ما ينولد بعيد عنه خلص ابو ياسر ماريد ينعاد الكلام العندي كلته انه الك خلص
رفيف والنبي كومه حجينه وياه وهو قافل ما تطلعين هذا البيت بعد شسويله
رهف .بس اني ماريد ابقه فهموني ماريد
طه فدوه رحتلك اخذني من غير ما يدرون نطلع الفجر وهمه نايمين
لا والله عذريني رهف ما اسويها الرجال ما قصر ويانه وشالنه اشيول اجي انه اكل من ماعونهم ورجع اكسره عذريني حيل ما اسويها
رهف كعدت وظليت ابجي متت من البجي ماريد ابقه يمهم وهذا جراح مجلب بيه ماعرف شكو
اسمعت حسه دخل للببت كمت عالسريع طلعتله
لو سمحت ياريت توكف عندي احجايه وياك
اي تفضلي
انت ليش متقبل اروح ويه اختي اني ماريد ابقه اهنا
اني كلت طلعه من هين ماكو عفتها ومشيت ..😠😠😠🤨🤨🤨 حسيت شي سحب يدي
التفتت عليها الزمت يدها بقوه اله هي عاطت
ااااخ يدي راح تكسرها
مره الثانيه ان مديتي يدج هاي اله اكسرها انه مو جاهل اكبالج وهيج تلزمينه
لج زلم مشوربه اتخاف توكف اكبالي مو هسه انتي تلزمين يدي وتوكفيني
ابو يقين بس اسمعني عفيه
انجبي وسكتي حسج ما اسمعه ما تطلعين وان طلعتي تحسبين احساب الله ما خلقج فاهمه
اذا اعتراضك عالطفل بس اولده ادزه الكم صدك
عفتها ودخلت الغرفتي
رهف ..عافني وحدي بالممر ودخل غرفته
اني انهاريت بالبجي 😭😭😭😭😭😭هذا شيريد مني ليش ميخليني اسافر ويه اختي لا اني اختهم ولا اقربلهم بشي ليش ياربي ميخليني اروح
رفيف صبح الصبح حدود ساعه ٧ شفت البنات كاعدات يخبزا وريحه الخبز اجنن كعد طه وكعدت رهف وحجايه مني وحجايه من رهف
ونباوع من الجام حركنه السياره وطلعنه
ورهف
