رواية دخيله الشيخ زين العابدين الفصل الخامس عشر بقلم أوتار حزينه
هيله
كلشي صار بسرعه وبلمح البصر عقلي
مااستوعب الصار وكع وتلگيتو ادحك له تكلم بصوت مخنوك وهو يفتح ويسد بعيونو
ااابريني الذمه ياهيله
غمض وراسو هدل على جتفي
سمعت صياح ابوه المفجوع وابويه معو اجوي عليه اخذو مني وحظنو لصدرو وهو يصرخ
يااازين فتح يبعد ابوك وولكم
ولدي ااااانذبح الحكو عليه
ابويه وعيو رجعلو صاح
شدادا ولكم شداد
جنت خاله شال ثخين
على رگبتي فليتو وانطيتو الو شده
على جرحو والدم بعدو يفلت وهو فاقد الوعي
يااازين يبعد ابوك لااااتعلمها دحك علي
ولك فتح عيونك وولكم من ضربو
جتااالو انا اليوم
ابوه فقد وظل يصرخ بجنون ابويه صاح
بالحرس
يوولو شداد الولد راح يروح من ايدينا
واحد انطاه الغتره مالتو صاح بيه
يااهيله اكضبي هاي بگوة
خليت ايدي على شدادي والدم يفلت
منو دحكت علي الدم طافر لوجهوو ورگبتو
لجن يتنفس
ابويه شدها على جتفو
شالو هو والويا وتراكضو به ابوه
كام لحيله وكع لزمتو توچه عليه مشيت
به گوة يجر رجلي حجيت
يااعم مابه شي يتنفس
جتلو ولدي ياااهيله جتلو للزين
گلبي انمرد علي من شفتو كام يبجي ويحجي
كوة الي بكاعو تراكضو نكلو زين
للسياره طلعو به وابويه
معهم
حارس اجه اخذ ابوه من ايدي
واللخ جاب سياره ليمو ركب وهو مصدوم
من الصار والوجهه اصفر
طلعو من يمي ادحك للشارع العام سيارتو
تسري بسرعه وسياره ابوه وراه تكلمت وبريته الذمه
مبري الذمه ياازين
عگبت عينت عمي يم گاعنا ومايخلي لا شكر وغيث
يگربون عليه سريت ووياي عم
عزام وغانم الي اجوي من شافو الصار
ووياهم جم واحد
عبرنا الگنطرة ادحك لعمي خايف ووجهو
اصفر شكر سالني
من ضربو للشيخ زين
مدري جيله ثارت ومااعرف منين اجتو
رديت شفت امي محدرة بسرعه علينا ووياها
خواتي صاحت بخوف وهي
تبجي
وش صار ياهيله صدك جتلو زين
مدري يمه اخذوو يتنفس ان شاء الله يلحكون
علي
جاوبت وهي صاحت بفزع
يااويلي عش هالدم بايدج وهدومج
صفنت على ايدي شفت دمو بها وبهدومي
جاوبتها
منو يمه منو لزمت جرحو من ابويه شدو له
يااويل گلبك يااشيخ شعلان جتلو ابنك
جدام عيونك شراح يصير به لو راح من ايدو
هو وجدته واموو
عكب يااشكر انت واخوك اامشو لا يلفنا بله
من هالسالفه
عمي حجه بخوف وهو يدفع بولدو عرفتو خايف
من عركه شهم مع زين لجن هو
مو هنا ولا نزل باجازه
صارلو شهر
عش هالخوف مدري سحبهم من يمنا امي
رفعت ايدها للسما ودعت وهي تبجي
ياارب الطف بحال الشيخ شعلان واهلو
يارب عديها على خير ووكوم هالولد
بالسلامه
خواتي كالن امين وانا وياهن ماجنت اتمنى له
الاذيه يظل ابن عم شعلان الي احبو
واودو وبحسبه عم لي
شفتو شصار به من شاف الصار بابنو
تخبل وفقد العقل يريد يمشي
ماايكدر
هذا وحيدو يارب لاتفجعو به
اسمع امي تدعي له
ياهيله هايل محد يمو
دحكت لهايل يفتر بالعشب ومهرة يمو
عگبت عليها اريد اخذها للمحصر ريمه لحكتني
هي وهاله گضبتها ماتقبل تسري وهايل
يصهل
ااسري يولي مالي خلكج
جريتها بگوة هايل لحگها انطيتها لريمه
عگبيها للمحصر وانا راح اعكب هايل للمشعل
يمه جيبي يمنا الدنيا صارت مغرب من يعكب
ابوج هو يعكبو لهم
مسحت على بدنو اريد اهدي صفنت على
الدم الي به جان دم زين
ياهيله شوفي الدم
ساريه حجت بخوف وهي تبجي وكملت بشهكه
راح يموت زين
لاااتفاولين على الولد يااساريه
هاله انهدت بها كامت تبجي بعد اكثر
ماايموت اسكتي وخلنا نعگب
جاوبت وامي جرتهن من ايدهن عكبت واحنا
وراها اسمعها تبجي وتدعي على
الضربو مدري ليش اجه
الشيخ صگبان
بالي
وسيم
مااكدرت ارجع لاختي ليان بعد العرفته
رحنا لبيتنا اني ورسول اول ماطبيت ضربت
مزهريه جبيرة بالكليدور وكسرتها
صحت بجنون
ااانفضحنا وراسنا صار بالطين اااخ
ولج اخ نزلتي راسنا يااااساقطه
صخمتينا لارااا وي هذا الكواد الي داس بيتنا
ولعب بعرضي
رسول يفتر يمي ويردد
هذااا شلون صار ولك وسيم هو مو رجل
ليان شلووون يسوي هيج شلون
راح اتخبل
لزمت من ايده الاثنين وصحت بجنون
مسدس اريد مسدس ولك رسول دبره الي
اريد اگتلها واكتله
صفن علي هز راسه بلااا وجاوب
ااهدا خلي نعرف نفكر لازم نبلغ الكبار هم يعرفون
يصرفون
ووولك شلون يصرفون اااختي طلعت من الطريق
تعرف شنوو معنى هذااا يعني صارت كحبه وسلمت
شرفها لوااحد وومو اي واحد ولك
رجل اختها رجل ليان
يااارب شااسوي راح اموت ولك راح اتخبل
هذا شلون ولييييش لييش سوت هيج مافكرت
بينا بابويه امي لييييان
صحت بخبال وكملت بقهر
لياان رسول راح تروح من ايدنا وتموت
ومن ورة منوو
من ورة لارا اااختي ولك اختي واختها
جهازه دك شافه حجه
هذا علي ديتصل
گلبي هبط صحت بخوف
راحت ااختي ماااتتت ليان
جاوبه
ها علي خير صاير شي
اشر ماكو شي كمل ويا
اسمعني زين هسه تاخذ ابويه على صفح
وتخلي يحجي وياي لاااتسال وسوي الكتلك علي
كعدت مهدود حيلي لزمت راسي جسمي
كله يرجف من الصار بينا هو راح للصاله حجه
لابوه كلشي ورجع كال
ابويه يكول اي تصرف مااريدكم تصرفون الشغله
جبيره وبيها دوسه عرض اني اتصرف
بس خلي تعدي هالليله على
خير
انفضحنا رسول راسنا صار بالطين
بجيت بصوت واني مغطي وجهي بايدي كررت
مااايغسل عاري غير الدم اگتلها هي ويا
مااخليهم بالقران الا اذبحهم
مالك
بليل ابو قاسم اجه استقبلته
وطلب يشوف البيت كلت لميس تكعد بغرفتنا
سالت
خير مالك شيريد عمو محمد
بعدين لميس اكلج
سديت الباب ورحت علي افتر بالبيت واشوفو
عجبه كلش راد ينزل بعد من السعر
ماقبلت لان نزلت خمس ملايين
الرجال سكت وكال
مالك البيت رايده وباجر باذن الله اجيبلك الفلوس
ان شاء الله عم
تفرغ اليه وتستلم الفلوس تمام
ادلل عم
يله اني اترخص
طلعت وراه سلم وراح لبيته رجعت لجوه طبيت
المطبخ لميس اجتي سالت بسرعه
مالك فهمني شجاي يصير
بعت البيت لعم محمد
شنوووو
صاحت بغضب عكدت حواجبي وجاوبت
ها خير لميس شبيج اشو كمتي تصيحين
مااالك شلون تبيعه بدون ماادكلي
رفعت حواجبي وجاوبت
تره كايلج راح ابيعه بس اشوف مشتري
مضبوط
ااي بس ااني ماريد ابيعه
جاوبت بنفاذ صبر وضوجه
لميس البيت بعته للرجال ومااتراجع بكلامي
ويا لو تنطبك السما على الارض
هذااا بيتي اني مو بس بيتك
لااااتصيحين ولج حسج لااا يعلى عليه
احترمي نفسج وخليني محترمج
والله ماااتبيعه مو على كيفك مااالك
هذا بيتي اااني هم
وبيتي هم وراح اكعدج بيت احلى منه بقاطات
وين المشكله مو جنتي ادكولين جبير
علينا ومتعبني مو كلتي
بيعه شجاج هسه غيرتي رايج لو هي بس
تريدن تسوين مغثه على الفاضي
مااتبيعه والله ماتبيعه هسه اخابر عمي هو
يتصرف
ذاااك الدرب روحي خابري وخابري اهلج
بدربج
جاوبت بروده كعدت ورثت جكاره هي راحت
تبجي اسمعها خابرت امها تحجي
يمه باااع البيت بدون ماادري اااي مثل
مااكلج خلي ابويه يكول لعمي هو يتصرف ويا
الله طولج ياروح بعد بعد ااحجي مكعدج
بالشارع اني
حجيت اجتي جايبه الجهاز صاحت
ااخذ خالد يريد يحجي وياك
خزرتها بغضب اخذت الجهاز جاوبت
هلاا خالد
هلا مالك خير شكو شصاير
حجيتله الصاير وشلون اريد اخذ بيت
بحي الجامعه بنائه جديد وحديث الولد سكت
وجاوبني وره ماكملت
مابيها شي هذا خير وين المشكله
ماادري والله كول لاختك
انطينها لهاي الغبيه
ااخذي
نترت بيها اسمع اخوها يرزل بيها وامها هم
رجعت للغرفه تبجي كمت طبيت
للغرفه بدلت وهي
تبرر الهم
طلعت يم باب المطبخ صاحتني
وين رايح
للگبور السود التاخذني بلكي اخلص منج
لحكتني لزمتني من ايدي بالكراج حجت
بعصبيه
راح تروح تشرب موو وادور نسوان بالقران اااذا
سويتها مالك فلااا اظل بالبيت
صفنت عليها والغضب تارس
صدري جاوبت واني اكزكز من غضبي
ماااجنت اريد اروح لان بطلت بس والله
ماادام حجيتي هيج الا اروح واضوجج مثل
ماضوجتني
سحبت ايدي منها بقوه طلعت اسمعها تبجي
وتحجي عليه ماسويت الكلت علي
رحت كعدت بكوفي ادخن
اركيله وره ساعه جهازي دك هي ماجاوبت
رجعت دكت مادرت بال سويته
مغلق ولبست الوضعيه گلبته حتى مااشوف
اي شي طلعت وره نص ساعه ركبت
سيارتي حركت اريد ارجع
للبيت جريته جهازي
من الكشن فتحته عكدت حواجبي من
شفت امي داكه واخوتي كلت
كبرتها للسالفه ونقلتها لاهلي
هو بايدي دك محمود
جاوبت
هاا محمود خير شبيك شصاير
مالك انت وين
جاوبني بسرعه
عكدت حواجبي وجاوبته
خير شصاير
تعال للمستشفى الكرخ الاهلي بسرعه مرتك
مو زينه وماجاي تكدر تولد وحولها
للعمليات
شنووو شجاي تحجي انت
مثل مااسمعت تعال بسرعه على المستشفى
جاااي
سديت الخط ورحت بسرعه على المستشفى
ازدحام ذبحني وماوصلت الا وين خابرت
اني بالطريق كالو بعدها جوه
وصلت نزلت امشي بسرعه خابرت محمود
دلاني هم وصلت للمكان الهم بي
شفت امي كاعده وامها واخويه محمود وخالد
اخوها صحت
خير شبيها لميس شجاها
ماكو شي لاتخاف هسه تجيب وادكوم
بالسلامه
اخويه جاوبني بهدؤ وكفت يمه ادحك للباب
اني واكف بالممر وسيم ابن حجي مصطفى فات
من يمي يمشي بسرعه هو وواحد شكله مااعرف شبي ماانتبه عليه سمعته يحجي
بعصبيه ووجهه مطعون
اذا صار شي بليان ماارحم ايهم ولا لارا اذبحهم اذبحهم
ظليت ادحك اله التفت ومااعرف وين راح مادرت
بال لان لميس طولت جوة والقلق خلانا نتوتر كمت اروح واجي اسال امي كل ساع
يمه شنو السالفه طولت جوة جثير
مدري يمه مدري
جاوبتني بخوف وخالتي كالت
خالد اختك خاف صار بيها شي
كولي الله يمه هسه يطلعون ويطمنون عليها
من بعيد اجوي دكاتره يمشون بسرعه طبو
للصاله عيوني راحت لخالد صفن
بوجهي حجيت بخوف
يولو مرتي ليش ماطلعت لميس وينها ليش
هيج تأخرت جوة
مشيت للصاله دكيت الباب محد جاوب
امي كامت يمي هي وامها صحت بخبال
ووولكم واااحد يطلع ويكلي شجاي يصير
جوه
امن اجوي علي من سمعوني اصيح وكفوو
يمي دكتور طلع وجهه مايتفسر حجه
يعني مااعرف شاكول بس هذا امر الله
واحنا سوينا الي علينا بس قدر الله بعد
ويريد يصير
گلبي هبط لزمته من هدومه صحت بي
شدكوول مرتي ولك مرتي شبيها ااحجي
محمود جرني خالد صاح
ااحجو اختي شبيها شصار بيها
دكتور على بختك بنتي شبيها ماجابت كلي
اريد روح اشوفها واشوف بنتها
حجيه البقيه بحياتكم
فكيت عيوني امي عاطت هي ووامها صحت
بصوت مخنوك
شجااي تحجي انت لميس ماماتت ولك مرتي
طيبه وراح تطلع هسه هي وبنتي
وخر خلي اشوفها ولكم
ووخرووو اريد اشوفها
فقدت اهد على الصاله ويلزموني اسمع عياط امي
وامها اصيح بخبال واريد اطب عليها
لزمني اخويه وجم واحد
ولج لميس اكعدي تااخذج للبيت انتي
وتاليا ووولكم عوفووني من خرب بيكم اريد
اشوفها ولكم هدوني مرتي جوه
اريد اشوفها
الدنيا انگلبت علينا هديت على الدكتوره ووياها حمايه امن من طلعت
اصيح واهدد
گتلتيها ولج مرتي ماااتت جوة ايدج مااعوفج
والله مااعوفج لااا انتي ولا الوياج
اخوها انهار يم امها ملخت روحها وهي وامي
واني شبه فاقد انفض روحي
ويلزموني
حيلي راح ورجلي بعد ماااتشيلني وكعت
على رگبتي وكمت ابجي بصوت
راااحت لميس ماالك راحت بنتي خابرتني
تبجي ودكلي هم راح للنسوان ليش
يمه لييش حركت گلبها بنتي
ماتت من وراك
ماارحت مااتصخمت عفت كلشي لخاطرها هي
وبنتي ماارحت والله ولكم ماارحت
كمت الطم على وجهي اخويه لزمني حظني
يبجي واني ابجي ويا
الشيخ شعلان
كاعد بره
وادحك للصاله العمليات انتظر واحد يطلع ويگلي
ابنك طيب مابها شي حيلي راح وانهد عگب
الشفتو ابني انا يتصوب چدام عيوني
ومااعرف من صوبو الكل يمي المستشفى
انترست اوادم لجن انا ساند روحي
على حميد الي ماعافني
وظل يمي يدعي ويتوسل برب العالمين
زين يطلع مابه شي
يااحميد ولدي بطا جوة
كول الله شيخ ادعي معي يطلع سالم من
هالشده
يارب اريدو منك هذا ولدي الوحيد لاتفجعني
به
اامين اللهم امين يارب لانسالك رد القضاء لكن
نسالك اللطف بنا يارب الطف بينا وطلع
زين سالم من هالشده
اسمعو يدعي وانا اردد معو ساعه وطلع
دكتور فزيت والخوف ترس گلبي ماكدرت احجي
چلمه هو كال
الحمد لله عدت على خير والطلقه ماامأذيه
اي جزء حيوي من جسمه
يالله
الكل صاح رحت له وحميد ساندني
سالتو بتوسل
يعني ابني مابه شي يادكتور طيب موو
اي شيخ اطمن ابنك طيب وبعد شويه نطلعه
للغرفته
نزلت بالگاع سجدت وحميد معي خنكتني
العبره ماعرفت شلون اشكر ربي بس ظليت اردد
الحمد لله والشكر لك الحمد يارب
كمت حميد حظني باسني من جتفي تكلم
بصوت مخنوك
الحمد لله على سلامتو للغالي
حظنت اخويه وجاوبتو
الله يسلمك يبو هيله
الكل تحمد لي بالسلامه وره ربع ساعه
طللعو ولدي على السديه اخذو لغرفه خاصه
خلوه بفراشو حميد معي
يااشيخ اكعد وارتاح الصار هد حيلنا
ارتاح من يكعد زين
جابوتو ادحك لابني يريدون يكعدو من البنج
فتح يذب من حلكو ويگح
يالله يارب
حميد طلع يخابر وانا ظليت يمو
اكعد يااولدي وفتح عيونك
حجيت معو فتح وهو يون لزمت راسو بستو
منه وتكلمت بصوت مخنوك
بيه ولا بيك ياولدي عساها بيه هالجيله
ولا اجتي بك
هيله
صفنت علي من ذكر اسم بنت حميد ظل يون
تكلم گوة
اانا احبج ياهيله
رفعت روحي وظليت ادحك له درت راسي
للباب خاف ابوها يعكب ويسمع شكاعد
يهذي به ممرض ضحك وتكلم
معي
ابنك عاشك ياشيخ
مارديت الويا جابو مبتسم
طلع الي بگلبه وكله صدك
حميد دش وكال
بشرت ام هيله خطيه دگت عليه جثير
وهي تسال عن زين
هزيت راسي باي سمعت صياح بره طلعت بره
دحكت للممر فضه تسري بسرعه وهي
ووياها الهنوف يبجن والوجهه
مخطوف لونو
مابه شي لاتخافين
صحت ومشيت لها نسابتي جانو معها
وينوو زين طيب
صاحت بخبال جاوبتها
اي طيب مابه شي تعالي هينه
طبت معي للغرفه حميد طلع من يمنا شافتو
يون كامت تضرب على صدرها راحت
له ماخلوها الممرضين
حجيه مو هيج لايتاذه جرحه
صاحت وهي ادحك له
من ضرب ولدي من ضربووه ياشيخ وشلون
ياابه شلون انضرب زين
اشرت لاحد يحجي عيوني على زين كعد
وووعي رجعلو الدكتور طب حجه
معه
زين العابدين تسمعني
ماجابو رد كرر الحجي
هز راسو باي
الحمد لله والشكر
الدكتور تكلم وبعدين كمل معي
شيخ شويه هدؤ يمه تعرف طالع من عمليه
ويحتاج راحه يعني مايصير هيج
الغرفه متروسه ناس
دكتور ابني راح يصير زين
اي حجيه يصير زين بس اهدأي وخلوه
يرتاح
جاوب امو وكمل
واحد يظل يمه ورجاء خلي يرتاح
انا ابقى يمو
فضه تكلمت وراحت ليمو حظنتو وهي تبوس
به وتبجي
يبعد امك لو صاير بك شي انا اموت وراك
الهنوف راحت يمو باستو ورددت
الحمد لله على السلامه زين
هز راسو بتعب ورجع غمض
طلعت بره عمامي ووولدهم وكل ربعي وناسي
حوالي صاحو
يااشيخ من ضرب ولدك كول واحنا ناخذو ثاروا
هساع وبهل اللحظه
من ياشيخ جنتو بگاعكم واكيد الجيله اجتو
غدر من الشيخ صگبان لو واحد
من ازلامو
اااي هو مااغيرو ظل عمروو يهدد بك وطلعها
بولدك
نار وگابه بيهم ومشتعل حالي حالهم لجن العقل
بهيج مواقف مطلوب اشرت بايدي
يسكتون تكلمت
يالربع ااانا مااتهم احد لان ماشفت من الضرب
زين
ياشيخ هو ماغيرو
ابن عمي عوف تكلم بغضب جاوبتو
يابوو عبد الرحمن مااريد اتهم احد لان عيوني
ماشافت من الضربو
يااشيخ هوو يكرهك وهددك اكثر من مرة
مااتذكر شجان يريد يعمل بك قبل
سنين
ابن عمي تكلم هزيت راسي باي وجاوبتو
يابن عمي طفي النار مااريد اخذ ثاري ظلم اعرفو من وانا اخذ ثاري منو مربع قصص وروايات عراقية كرار صلاح
ياابو هيله
عوف صاح حميد جابو
سم ياخويه
سم الله عدوك انت ماشفت من ضرب ولدنا
لااا والله ماشفت
من جان معوو من تصوب
بنتي جانت واكفه يمو بس
مااظن شافت اي شي لان ظهرها جان علينا
جاوبو وهو يدحك لي تكلمت
ياولد لا البنت ولا احنا شفنا من ضربو لولدي
انت ماشفت ياشيخ لجن اكيد احد شاف
الردي الغدار الي ضربو للشيخ
زين
الولد صاحو بغضب
ندور ونشوف ماايروح منا هالغدار نگضبو
ونشوفو من احنا وبيمن اندك
ضربت العصا بالارض تكلمت بحزم
هسااع مااريد اي احد يتصرف من راسو خلو
هالجم يوم يعدن بخير علي زين وعلينا
وبعدين نكعد ونشوف من
تجرا وضرب ولدي
الكل سكت كملت بهدؤ
يالربع انا مااريد احد يتصرف منكم ويجيب
البله لروحو والنا هدو يبعد حيلي وخلونا
هساع بالولد
تبشر يااشيخ ماانطلع من شورك وجلمتك
على راسنا
راسكم سالم ومااتقصرون
هيله
لليل خابر ابويه بشر امي بسلامه زين اسمعها
تحجي معو
صدك تحجي يابو هيله الحمد لله قدر ولطف
گرة عين الشيخ شعلان بسلامتو
راح تظل هناك يمو براحتك
مااعلينا شي لاتشيل همنا الله
وياك
ساريه سالتها بخوف ودموع هي
وريهام
يمه زين طيب
اي يمه طيب وعدت على الخير
كامن يبجن وهن يضحكن صفنت عليهن خواتي
الصغار يحبن برق الشر وهو هم يحبهن
ظلن يحجن وي امي شلون تصوب
ووكع عليه
اسم علي وعليج يايمه لو جايه الجيله
بيج انا شااحصل
امي حجت بخوف وجاوبت
قدر ولطف
جاوبت ريمه سالت
يمه من ضربو للزين يكولون الجيله اجتو
من گاعنا من صوب تل الگصب
عكدت حواجبي وسالت اختي
من كال ياريمه
كالها غانم وعبد الله
دحكت لامي صافنه عليها ماحجيت شي
وره مشوار خواتي راحن للغرفه
حجيت معها
يمه اهوجس شي
كولي يمه تااشوف نفس الي افكر به
مدري بس احس الشيخ صگبان عملها وغدر زين
سكتت سالت
صاير شي تعرفين شي
حجيتلها شلون هددو جدامنا انا وابويه
دكت صدرها وكالت
لااتحجين شي ياهيله ،، ابوج يروح بها شفتي
بعيونج شكاعد يعمل هالشويب بنا
يمه كتلج اهوجس ماشفتو بعيوني ولا
اعرفو هو السواها
يسويها يمه غدار وطبعو نجس راد يجتل
ابوه ماايجتل ابنو
عجل عش كاعدين بكاعو مادام نعرفو هيج
خلنا نسري منها ارض الله واسعه
وين ماانحط نحط والرزاق
الله
اسمعيني زين يايمه ابوج هم مل وكره
الشغله بكاعو وملحتو بيج وكال بس احصد
الحنطه تبعو واخذ ربحي منها منو
اسلم له الشغل واسكن بغير
ديرة
هزيت راسي باي هي كملت
نكعد بمجان يدبرو ابوج منا الما نشوف وصله
گاع صغيره نشتريها بالي عدنا ونكعد بها
صفنت عليها مهرة اجتي بين عيوني
سالت
ومهره يايمه وين اوديها انا مااكدر بليها
نخليها يم بيت عمج هي والهايشه مالتنا وحلالنا وبعدين من ناخذ الكاع نجيبهن يمنا
سكتت وهزيت راسي باي
ليان
فتحت عيوني گوة واني اون مااميز اي شي الم بكل جسمي وعبالك واحد ضاربني
بقوه على گلبي حسيت القفص
الصدري متكسر وكوة
اتنفس
رفعت ايدي اريد الزم مكان الالم ماكدرت
لان وجعتني كلش دورت بعيوني
بالغرفه حجيت بصعوبه
اني وين وشصاير
حلگي وجعني
حواسي مو هي ولا داعرف شصاير احس
روحي تايهه ومضيعه شي
وحده طبت شافتني كاعده اجتي
بسرعه عليه حجت
ليان تسمعيني
هزيت راسي باي طلعت جهازها وخابرت
اسمعها تحجي
اي دكتور صحت المريضه ليان مصطفى
اني يمها اي دكتور اعرف
سدت الخط اجتي فحصت الاجهزه
سالتني من تقربت عليه
ليان شتحسين اكو وجع بكلبج
هزيت راسي وسالت
اني وين وشبيه
صفنت عليه رددت بتعب وبصعوبه
اهلي وين ماما بابا وينهم وسيم اخويه
لاا
سكتت غمضت فتحت صوره صارت بعقلي
و كلام تردد بقوه بي
سلمتك روحي
اي واخذتج ااخذتج لارااا
صفنت بوجههاا مو مستوعبه السمعته
رجعت غمضت شفتهم بيتي سمعت كلامهم
تردد بعقلي وهز روحي جسمي كام يرجف والشي
الشفته والسمعته تكرر بصوت خلاني
ااصيح بصوت مكتوم
مووووو حلم هذاااا صدك اايهم لااارا
ااختي ووزوجي ااااخ اااااخ
عطت بجنون واني ومغمضه
بقوه ولازم الفراش بايدي الاثنين
جسمي كله كام يرجف هزيت راسي بلاااا
صرخت
لااااااا ايهم لااا
ااهدأي ليان موو زين عليج التسوي
ليان ااهداي لااتسوين بروحج هيج
فتحت اخويه صار كدامي موو هوو
مكلوبه خلقته ويبجي صحت بجنون
وووسيم غدروووني ولك لاراااا
اايهم
ماكملت جسمي نفض ليفوك
وولك صيح الدكتور
خالتي صاحت بخوف
ماكدرت اكمل اختنگت اريد النفس ماكوو
كمت الوب اخويه كام يصيح بخبال
ووولكم ااالحگو عليه
قناع صار بوجهي والدكتور الي اجه صاح
بالكل وطلعهم من يمي رجفه جسمي ظلت وكل
ساع افز
بعد العرفته
انهد عالمي بلحظه وكلت ياريتني متت
وماظليت عاايشه
ابره مهدا خلتني انام وافصل عن العالم
وسيم
طلعت بره اتنفس گوة ومااشوف دربي علي
سندني كعدني خالتي طلعت تبجي
وتدعي على لارا وايهم
حسبي الله عليكم وعلى السويتو بينا وبيها
يمه رحمه لاهلج ااسكتي تره راح ننفضح
كعدت تضرب على رجلها وتردد بقهر
ولك عليمن اباوع على هاي البنيه الي
انضربت ذبحه لو على ابوها الي وكع من طوله
بعد السمعه لو اختي الفقدت وبعد
ماتعرف شلون تصرف
كله من ايدها خااله
صحت بصوت مكتوم
هي السبب دللتها دلال مو صاير وكلما جنت
احجي وياها كلمه تكب بوجهي وماتقبل
احاسبها
ضااعت وضيعتنا كلنا
جاوبتني تبجي
ابويه بعد ماعرف وكع من طوله لا حس
ولا حركه كلت انضرب جلطه بنفس المستشفى
البيها ليان نام بغرفه ضغطه صاعد كلش
ومهدد تضربه جلطه باي
لحظه امي انهارت
وملخت روحها وجهها كل خرمشته وشكت
ثوبها بعد الفضيحه الي جابتها
النا لارا الي عرفت
من رجل خالتي هي ختلت يم بيت ايهم
هديت مرتين عليها اريد اذبحها هي وذاك بس
خوالي الي اجوي وعم هادي ابو رسول واخوته
ماخلوني كالو خلي نلم
الفضيحه بمعرفتنا مااريد اي احد منكم
يتصرف
افتر بالممر واباوع للغرفه،،،، البيها اختي اريد
الدكتور يطلع ويطمنا عليها گلبيخلص من الهبطات مااعرف منين اتلكاها ولا اعرف عليمن اروح
طلع ورحت علي وبگلبي خوف سالته
ها دكتور شلونها اختي
شوف اخويه اني مااعرف هي بشنو مرت
يعني هيج حاله اول مرة تمر علينا
بنيه صغيره وماعدها تاريخ
مرضي بمرض القلب تضربها ذبحه على
غفله شلون هذا صار ماادري بس الي اعرفه
هي مصدومه بشي كلش جبير وخلاها
هيج تصير
نزلت راسي وكتمت البيه خالتي سالته
دكتور على بختك كلي بنت اختي راح تصير
زينه راح ادكوم من هاي الشدة
خاله هسه مااكدر احجي اي شي البنيه
مصدومه وضاربتها ذبحه قويه يعني حالتها
بعدها خطره اذا ظلت كلما تكعد
تذكر الصار بيها
فقدت ولزمت الدكتور صحت بي
دكتوورر كلي شااسوي حتى ليان ماااتتذكر
السووو
سكتت وصرخت
ااااخ وولكم اااخ شااحجي البيه راح يگتلني
علي سحبني منه ضربت الحايط بوكس
رسول اجه من بعيد يركض صاح
ولكم شكو ليان بيها شي
ماكو شي لاتخاف
الدكتور جاوبه وظل صافن عليه رسول حجه
علي اخذه واطلع بي بره
سحبني من يمهم واني اردد
ولكم انكسر ظهري اي حيل ماظل بيه
ايهم
حابس روحي بغرفتي واون من ورة السويته
امي يمي تبجي وتلوم بيه افنان طبت
شايله عصير ليمون حجت
ايهم اشرب هذا
ضربته من ايدها وصحت بجنون
ماااريد اي شي ولكم مااريد خلوني اموت
خلوني اروح واخلص من السويته
اختي ظلت تباوع
عليه دموعها نزلت حجت بقهر
ايهم شسوويت بروحك وبليان
ااسكتي واطلعي من يمه
امي جاوبتها بصوت مخنوك وكملت
كولي لابوج خلي هاي الساقطه تطلع من بيتي
مااريدها اشوفها كدام عيوني
اخذها احمد قبل ساعه لبيت عمو وميض
امي ضربت وجهها اكثر من مرة افنان لزمتها
صاحت بقهر قصص وروايات عراقية كرار صلاح
من الله لاينطيج وكعتي ابني وخليتي ياخذج
يااكحبه ياابربوك وهو رجل اختج حسبي
الله عليج حوبته وحوبة اختج
ماتفوتج
ابويه طب الغضب تارس ملامحه وويا اياد
صاح بيه
اسمعني زين ولك السويته تتحمل خطأه
كمت لحيلي وجاوبته بغضب
مااتحمل ااي شي هي ذبت روحها عليه مااجبرتها
على شي هي وحده كحبه وخلتني اغلط
وياها
ابويه تقدم عليه اياد لزمه وامي وكفت
يمه حجت
ابو زهير على بختك هي الوكعته وولكم هي
ذبت روحها عليه
البنيييه حلفت بالقران هو اخذها لبيته
على اساس تساعد اختها وهناك
ابنج الكواد معتدي عليها
جذااابه اني احلف بالقران مااصار الكالت
علي
صحت بخبال وكملت بتوسل
ياابه اني مرتي ليان هي وبس مرتي
اياد صاح بيه
انساااها ايهم انتهت ليان شتريد يابه بعد
العرفته والشافته ترجع الك ولك اااصحى،انت
ماخذ اختها وبيتها
ووولكم ضحكت عليه تصخلت كدامي
وصار الصار
كاافي تصيح ولك وهي كلمه وياك وحده تسويها
انت ابني مااتسويها اتبره منك ليوم الدين
سكتت ابويه كمل بغضب
تزوج هاااي الادبسزز وتستر عليها
فكيت عيوني وصحت
المن ازوج هااي الساقطه
مستحيل ااسويها ااذبحني يابه اذبحوني
وماسويها
زهير طب وجاوبني بغضب
لااا تزوجها لان هيج اتفقنا وي اهلها هم تبرو
منها وكالو يطلق ليان ويزوجها للهاي
الادبسزز
جسمي كام يرجف من العصبيه صحت
بخبال
مااطلق والله مااطلق ليان هي مرتي
غيرها لااا
خشمي طك دم امي صاحت بخوف
كاافي ولكم كاافي راح يروح من ايدي
عساااه بالموت من عساه ماايطيب لابنج
فضحتنا ايهم حسبي الله عليك ونعم الوكيل
ولك اني بهاي شيبتي يغلطون عليه
ومن ورة منو من وراك انت
وذيج الساقطه الي خليتها تضحك عليك
بكم كلمه حلوه ورحت صخمتها وصخمت روحك
وياها
يااابه
موو ابوك اذا مااسويت الي كلت علي
كاافي ابو زهير يسووي الي تريدو بس
عوفو يرتاح
ردت اطلع اهج اياد لزمني هو وزهير ابويه دفعني
وصاح بيه
اايهم ااذا طلعت انسانا اني وامك واخوتك
متبرين منك ليوم الدين اذا طلعت
وماسويت الي كلت علي
ملخت قميصي وصحت بخبال
ووولكم شلووون تيريدوني اااخذ هاااي
وهي وحده ساقطه ذبت
روحها عليه شلون تريدوني اطلك ليان واني
روحي بيها
انهاريت وفقدت كمت اضرب بروحي اخوتي
لزموني واني اردد
ولكم مااطلك ليان روحي بيها اموت اذا
سويتها حسبي الله عليج يالساقطه ضيعتني
وضيعتي فرحتي وي اختج
مالك
فصلت عن الدنيا ومااعرف منو التصرف
وكمل الاجرائات مال الجنازة واكف بره المستشفى اروح واجي بمكاني وصافن هيج
مااشوف شي
بس عيوني شافت تابوتها طلع واخوها
شايلها يبجي مشيت هويت لزمني ابويه وكال
بصوت مخنوك
مالك گوي گلبك واذكر الله
جريت روحي منه رحت لتابوتها من نزلو بالگاع
وكعت يمها وخرت الغطه لزموني
صحت
عووفني
وخرو مني جريتها من لحدها لحظني
حظنتها وكت انود بيها واني فاقد بجيت
بصوت وردد
ليش هيج ولج ليش هديتني ومشيتي بعد
وكت لميس المن عفتني وعفتي بنتج
بستها من راسها اكثر من مرة
وكررت بصوت رايح
والله عفت كلشي لخاطرج ولخاطر بنتنا
ردت اعيش وياج مثل مااتردين
والله لميس ردت اعوف
كلشي لخاطرج
وعفتو تالي تهدين كلشي وترحين
ليش ولج لييش
صحت بخبال اخوتي جروني منها سحبوني
واني اصيح بجنون وشبه فاقد
ولكم راااحت مرتي وانهجم بيتي
وكعت بحظن ابويه يبجي وياي ويصبر بيه
شالوها جدام عيوني واني اي حيل
ماظل بيه طلعنا بيها لبيت
اهلي وصلنا اسمع العياط تارس المنطقه
لزمت راسي بقوه وكنت اون واني
ابجي
نزلوها امها طلعت ملخ روحها هي وخواتها
فاقدات ويعيطن شالوها لجوه مشيت وراهم ماادري شصار بي رحلي بادن وحيلي
راح
لزمت الحايط اخوتي لزموني بسرعه وكعدوني
على كرسي اسمع العياط وطنين باذني
راحت لميس راحت ام بيتي
رددت بخنكه واني ابجي
طلعوها وره مشوار والعياط وراها اخذنها
للمقبره الكرخ السياره تمشي واني اردد
راح تروحين وماترجعين مثل كل مرة رحتي
لميس وخليتني وحدي اني وتاليا
يم كبرها انهاريت نمت علي واني مو مصدك
هي هاهيه بعد مااشوفها كوة
كومني منها رجعنا لبيت اهلي طبيت من الاستقبال
اختها الجبيرة اجتي عليه وصاحت بيه وهي
فاقده
هاااي الردتها مالك اختي راحت من ورة قهرك
صفنت عليها بجمود عمي الجبير انهد
بس كااافي الولد شعلي
هووو السبب هوو ابو النسوان قهرها بسوالفه
ماجاوبتها امها كاعده ملخه روحها
ظلت تلوم بيه
هاا مالك دفنت لميس خليتها بكبرها
ذبيت التراب عليها وخلصت منها روح هسه
براحتك العب،،،، قهرت بنتي الشريفه
وخليتها بكبرها من وره النسوان الي
تعرفهن
كعدت ابجي واسمع الملامه منها هي
وخواتها
خالد طب لازم عمي وحجه
كومن عزانا بيتنا
شنو هالحجي يابه خالد عزة اختك بيت
اهل رجلها
عمي الجبير حجه وجاوبو بصياح
ااي رجلها الي ماااصانها والي ماعرف قدرها
فهد جاوبو
ليش مااعرف قدرها اخويه دلل اختك دلال مو صاير وانتو تعرفون هذا كلش زين
اااي دلل خوش دلال من شربه والنسوان
الي عرفهن عليها
هو يصيح وحگه اخته الراحت واخوتي تلاغو
ويا واني حالي حال الم صار يدك
بگوة براسي كمت مااشوف
فتحت غمضت اريد
وعي يرجعلي ماكو ظلااام صار بعيوني
كمت وصحت
كااافي ااسكتو ولكم كاافي والله بطلت كلشي
لخاطرها والله بطلت اااخ يابه
لزمت راسي بايدي الاثنين اريد
اشوف ماكو اخوتي لزموني كعدت مهدود
حيلي صحت
ولكم مااجاي اشوف عميت
