رواية اغتصاب في صمت الفصل الخامس عشر
آسر بتعجب : خير يا دكتورة منى ؟!
مني برسمية : دكتور آسر لو سمحت عوزاك في حاجة في مكتبي.
آسر: طب اتفضلي.
ذهبا الي المكتب وجلسا قبالة بعضهما لتقول منى باحراج مدام نورين كانت جاتلي عيادتي قبل كدا.
آسر بتعجب: امتي؟
مني بتذكر من حوالي خمس شهور.
آسر : لا اكيد حضرتك غلطانة احنا متجوزين من ثلاث شهور بس.
مني: لا انا متأكدة أن الفترة كانت اكبر من ثلاث شهور.
آسر بتفكير: طيب هي كانت جيالك ليه؟
قصت عليه مني ما حدث وقتها فحدث آسر نفسه يعني نورين كانت بكر ومكذبتش عليا في حاجة آدم هو اللي كذب عليا في كل حاجة عشان كدا هو مكنش موافق اني اتجوزها طب هي فعلا اللي زقته انا مش عارف بجد افكر بس انا دلوقتي مبسوط مبسوط ان نورين مكذبتش عليا احمدك واشكر فضلك يارب.
استفاق علي صوت منى : دکتور آسر دکتور آسر.
اسرهه ايوه يا دكتورة مني شكرا لحضرتك على المعلومة دي عن اذنك.
مني : طب. قاطعها رنين هاتف أسر الذي فتحه ولم يتمكن من الاجابة للهجة صديقه الأمرة : تعالي حالا يا آسر
بسرعة.
آسر بقلق : حاضر .
لم يقل أسر شيئا بل انطلق مسرعا الي غرفة رامي ونورين
في المطعم:
نورها فهمتي كدا؟
روجیدا اه بس احنا ليه بنلبس حجاب وبنغطي رجلينا ؟
نور : لان المفروض انك بتكوني محتشمة ومفيش حاجة تظهر من جسمك خالص ولا تكون مجسمة دي
البناطيل او شفافة وبعدين الحجاب وتغطية الرجلين دا فرض على كل مسلمة.
روجيدا: يعني المفروض اني البس حجاب واغطي رجلي ؟ طب والبناطيل ؟
نور: ممكن تلبسي بناطيل واسعة متكنش شفافة ولا مجسمة وتلبسي الحجاب عادي وتغطي رجليك.
روجیدا اها فهمت تعرف اني كنت بشوف مامي بتعمل كدا وانا صغيرة بس لما هي ماتت مش شوفت حد
بيعمل كدا ولا حد علمني.
نور مواسيا مشجعا : انا هعلمك بس عايزك تستجيبي تمام؟
روجيدا بطفولة : تمام.
في المشفي:
وصل أسر الغرفة رامي ركضا ولكنه لم يجد نورين فسال بلهفة : فين نورين يا رامي ؟
رامي بهدوء : اضطريت انقلها اوضة عادية بعد اما اديتها مهدئ.
أسر بصدمة : مهدى إليه ؟!
رامي بهدوء : تعال هوريك.
جلسا امام الحاسوب وفعل رامي الفيديو ليظهر حدث قبل قليل بعدما غادر اسر الغرفة :
مشوفتش دكتور آسر؟
تدلف ممرضة غرفة الدكتور رامي بعدما استيقظت نورين لتقول الممرضة : دكتور رامي حضرتك
رامي : كان هنا من شوية ومشي ليه خير؟
الممرضة : اصل استاذ آدم اخوه فاق وطلبه ضروري.
رامي: طب ممكن تشوفيه على بوابة المستشفى.
الممرضة : حاضر عن اذنك.
رامي : اتفضلي.
كل هذا ونورين مستمعة جيدا الي كل ما قالته الممرضة لقد استيقظ آدم اذن هو ما زال حيا قاطع شرودها رامي نورین نورين انت كويسة ؟
نورين بجمود ایوه
شعر رامي بشيئ غريب في حديث نورين فهي كانت تبكي منذ قليل والآن ملامحها جامدة تماما فقرر ان يتخذ طريقا آخر لتشخيص حالتها رغم انه مخالف لمهنته ولكن عليه بذلك لمساعدتها.
اقترب رامي من نورين قليلا بكرسيه ثم قال بمغازلة مصطنعة بس آسر فعلا عرف ينقي زوجة جميلة
ورقيقة زيك.
نظرت له نورين بغضب وكورت كلتا يديها ولاحظ رامي ذلك فاستمر قائلا : دلوقتي آسر مشى وفيه اوضة
استراحة تحت ما تيجي اما .........
نظر لها من اعلي الي اسفل فقامت نورين بصفعه بشدة وهي تمسك بتلابيب ثيابه صارخة : مش هتستغلوها ثاني انا همنعكم یا کلاب محدش هيقدر ياذيها طول ما انا موجودة انا هقتلكم كلكم هقتلكم كلكم.
ضغط رامي بصعوبة علي زر علي المكتب ليحضر سريعا مجموعة من الممرضات والممرضين امسكوا بنورين وخلصوه منها حتي اعطاها مهدئا ثم نقلها الي غرفة بالمشفي.
عودة الي الواقع :
آسر بصدمة : يعني ايه !!
رامي بهدوء : يعني نورين مراتك عندها انفصام في الشخصية.
اسر : ودا نابع من ايه؟
رامي بحذر دا نابع من استغلال اعتدائي حصل لها وهي صغيرة معتقدة انها مقدرتش تساعد نفسها فتولدت شخصية ثانية بتحميها.
اسر: بس الموضوع عدي عليها كتير جدا ونورين كانت صغيرة جدا دي كانت خمس سنين هي ازاي لسه
فاكرة ؟!
رامي : الاطفال عند بداية الخمس سنين بتتفعل الذاكرة عندهم وبالاخص بيتذكروا الاحداث الاليمة اللي عاشوها وخاصة السيدات عندهم قدرة علي تذكر الأحداث الاليمة لفترة طويلة وخاصة اللي خلتهم
يبكوا.
آسر بحيرة طب والحل ؟
رامي احنا دلوقتي المفروض نعرف اسم الشخصية الثانية عشان نقدر نتواصل معاها ويا تري هي بتحبك زي نورين ولا بتكرهك والاهم من دا اننا نبعد آدم عنها لان الشخصية الثانية بتحاول تنتقم منه.
آسر طب هي ليه منتقمتش من زمان؟ يعني آدم موجود في مصر من خمس سنين.
رامي : آدم فعلا كان موجود في مصر من خمس سنين ولفترة سفره كانت الشخصية الثانية منعزلة عن شخصية نورين لان الوظيفة اللي هي متولدة عشانها وهي حماية نورين من المغتصب مكنتش موجودة وبالتالي هي كانت مطمورة لاعتقادها بامان نورين حاليا.
آسر : طب ولما آدم رجع؟
رامي : كنت بتلاحظ ان نورين بتتكلم معاه بطريقة مش كويسة او بتتجاهله ؟
اسر بتذكر اه لما كنا في إسكندرية كانت متجنباه خالص ومش بتكلمه ويارا كانت قالتلي انها كلمته
بطريقة وحشة في المستشفي قبل كدا.
رامي بتفكير دا كان دليل على عودة ظهور الشخصية الثانية من جديد لعودة آدم لكن طول فترة سفرك زي ما انا فهمت ان آدم مكنش بيختلط بيها كثير يعني يعتبر وظيفة الشخصية الثانية مش متفعلة لفترة
طويلة وكانت شخصية نورين الاصلية بتحاول اخفائها.
آسر : يعني نورين عارفة بوجود الشخصية الثانية ؟
رامي : الاعتقاد الاكبر لا بس لو نورين عرفت و قدرت تقاوم الشخصية الثانية باعتبار انك موجود
وهتحميها من أي مستغل يحاول يقربلها وهي تطمئن لوجودك جنبها دا هيساعدنا جدا في العلاج وبكدا
نقدر ننقذ حياة مراتك وحياة اخوك.
اسر بحزن ان شاء الله طب واحنا هنبدا العلاج امتي؟
رامي : بكرا ان شاء الله بعد اما نورين تفوق من المهدئ.
في اليوم التالي صباحا في غرفة نور:
استيقظ منذ ساعتين منتظرا اتصالها كالعادة ولكنها تاخرت وهو قرر الانتظار حتي اتصلت واجاب
مسرعا : الو
روجيدا : الو نور تعال كمان ساعة عشان هنروح المول نعمل شوبينج
نور : تمام مسافة السكة هكون عندك.
ارتدي نور ملابسه ووضع العطر المفضل ونظر لنفسه برضا ثم انطلق بسيارة والده الي منزل روجيدا ليجدها منتظرة في الحديقة مرتدية بنطال اسود واسع وقميص كحلي باكمام ونظارة شمسية سوداء وقبعة كبيرة تغطي شعرها باكمله نظر لها نور بنظرة اعجاب فهي لاول مرة ترتدي ملابس محتشمة كهذه
اقتربت منه بخطوات هادئة ناظرة للارض ثم قالت بهدوء : سلام عليكم
نور باعجاب وسعادة : وعليكم السلام ورحمة الله وبركاته.
روجيدا بابتسامة هادئة : يلا نمشي ؟
نور بابتسامة واسعة : يلا.
استقلت في المقعد الخلفي وهي غير عادتها فهي تجلس بجواره علي المقعد الأمامي ولكن نور لم يعلق بل
ابتسم ابتسامة جانبية ثم ادار المحرك وانطلق باتجاه السنتر التجاري.
مرت ساعة ونصف وهما يتجولان في السنتر التجاري تشتري روجيدا ملابس كثيرة تتضمن فساتين طويلة واسعة وتنورات وبلوزات قصيرة تلائم التنورات وكلما سالت نور عن رايه اجاب مبتسما
بالعبارات حلوة ، جميلة جدا، برافو ذوقك رائع
انتهت من شراء الملابس ثم اتجهت لشراء الحجاب فقال نور بتعجب: انتي هتتحجبي ؟!
روجيدا بهدوء : اه فيه اعتراض ؟!
نور بابتسامة مسرعا : لا لا اتفضلي.
انتهت من التسوق ولكنها لم تجلس بالمطعم كعادتها لان العصر قد أذن وهي تريد الصلاة في وقتها. كانت طوال سيرها تسير بخطوات متزنة هادئة ناظرة لاسفل ولا ترفع عينيها الا لتوجيه طريقها وقد أعجب بها نور كثيرا وردد في سره سبحان الله مغير الاحوال"
في المشفي : كانت تنظر الي البقعة الفارغة امامها تتساءل لم تركها أسر الي الآن ولم يات حتي لرؤيتها كانت شاردة
كانت طوال سيرها تسير بخطوات متزنة هادئة ناظرة لاسفل ولا ترفع عينيها الا لتوجيه طريقها وقد أعجب بها نور كثيرا وردد في سره سبحان الله مغير الاحوال"
في المشفي :
كانت تنظر الي البقعة الفارغة امامها تتساءل لم تركها أسر الي الآن ولم يات حتي لرؤيتها كانت شاردة عندما قطع شرودها صوت دقات الباب ودخول الطبيب رامي بابتسامة مشرقة : صباح الخير.
نورين بابتسامة هادئة : صباح النور.
رامي : عاملة ايه دلوقتي يا نورين؟
نورين : الحمد لله بس انا ايه جابني هنا مش كنت المفروض اروح مع أسر وبعدين هو فين؟
رامي بحذر : نورين انتي آخر حاجة فكراها ايه؟
نورين بتذكر انك نيمتني مغناطيسيا وانا استرجعت ذاكرتي القديمة وبعدين لما صحيت لقيت نفسي هنا بس دا اللي انا فكراه
رامي : اممم طيب انا كنت جاي اناقشك في حاجة فقدت الوعي الظاهر ان الذكريات كانت شديدة عليك فققدت وعيك.
نورين بتهرب اه ممکن بردو هو حضرتك كنت عايز تناقشني في ايه؟
رامي بهدوء : في حكاية المغتصبين.
نورین بدهشة : افندم؟!
سحب رامي كرسي بهدوء وجلس عليه قائلا : المغتصبين بالنسبة لحكاية آدم اخو آسر انا بقول انك تنسيها احسن وتعيشي حياتك مع أسر عادي لان مواجهتك المغتصبين مش هتفيد بحاجة يعني مش هيتبطل
الاغتصاب في البلد.
نورين بغضب : طبعا ما حضرتك لازم تقول كدا ما حضرتك راجل زيهم.
رامي موضحا انا راجل مش مغتصب.
نورین بغضب : لا مغتصب وخاين كنت بتخون صاحبك امبارح لما كنت بتحاول تعمل علاقة مع مراته ولما آسر يجي هقوله.
علم رامي الآن انه يحادث الشخصية الأخرى وليس نورين فابتسم بسخرية قائلا : مش هتعرفي تقوليله لانك مش هتشوفيه اصلا.
نورين بصدمة : ايه !!
نظرت له نورين بدهشة فقال موضحا: اصل انا حبسته عشان آخد راحتي معاك يا جميل.
ضحك رامي ضحكات سخيفة وتفاجا برد فعل غير متوقع !!!!!!!!!!!
