رواية حفيدة منسية وقاتلة ماجورة الفصل الخامس عشر بقلم يارا محمد
ماراي
انا ست البيت ده دلوقتي و انتوا ضيوف مجرد ضيوف و بس يعني اعمل اللي انا عايزاه انتي سامعة خمس دقايق و يكون المكان نضيف .
ماراي مسكت الفوطة اللي مش نضيفة و رمتها عليها انتي من دلوقتي مجرد خدامة عندي امسكي و نضفي.
شهيرة بصتلها بغل و غضب و كانت هتهجم عليها بس دليلة رمتها ع الأرض بقسوة .
دليلة
اياكِ تقربي منها فاهمة زي ما قالت ليها الحق تتحكم ف كل حاجة حتي انتي نضفي يالا و الا هشوه وشك بمية نار .
عمران
دليلة كفاية احنا مش خدم هنا اخدتوا نص كل حاجة تقعدوا بادبكم و الا هنسحب منكم كل حاجة .
ماراي بصتله بابتسامة و خبث ل شهيرة قربت منه و مسكت ايده و طلعت بيه غرفتها .
شهيرة
استني سيبي جوزي انتي عايزة مني ايه انتي و امك عايزين تقهروني .
شهيرة كانت هتقوم بس دليلة داست ع أيدها برجلها خلاها تألمت بقوة و صرخت و دليلة بتزود ف أنها تدوس ع أيدها لدرجة أن شهيرة سمعت صوت كسر أصابعها.
دليلة نزلت لمستواها
علشان تاني مرة تعلي صوتك انتوا خلاص بقيتوا مالكوش لازمة ف البيت ده فاهمين اقولك ع سر انتي هتبقي خدامة لوالدتي ف حين أن عمران بيه هيرجعها لعصمته و هتكون ست الكل هنا .
شهيرة بألم و بتتكلم وسط دموعها
و انت مش هسمح بده ع جثتي حتي لو اضطررت ادخل السجن فيكم انتوا الاتنين فاهمة .
دليلة ضربتها بالقلم
ف احلامك قبل ما تقربي مننا هتكوني راسك متفجرة برصاصة رخيصة زيك كده .
أما ف اوضة ماراي كانت واقفة مع عمران .
ماراي
بقالك يومين من ساعة ما جيت و انت مش بتطلع فيا مش وحشتك راي يا عمران انا جيت علشانك انت و بس ليه ما حميتش بنتنا امانتي ليك .
عمران بضعف
معرفتش يا راي ابويا و شهيرة كانوا ضاغطين عليا يا اعاملها وحش و الا اتمنع من ورثي و اهو مش هاخده بسبب انتي واخدة نص الأملاك .
ماراي بتلاعب
و انا مستعدة اعطيك اكتر من نصيبك ف أملاك ابوك بس بشرط واحد .
عمران بطمع و تفكير
اكتر من نصيبي موافق من غير ما اسمع .
ماراي
لا لازم تسمع يمكن مش يعجبك .
عمران
اسمع لو كان الشرط ع هوايا .
ماراي
لا هو ع هواك انا مستعدة اديك نصيب اخوك الميت و امنع مراته و ابنه من الميراث ف مقابل تتمرد ع ابوك و ف السر تطلق شهيرة غيابي و بالنسبة لابوك ارفع عليه قضية حجر علشان تاخد نص أملاكه التاني و انا مستعدة اساعدك يبان قدام الناس أنه غير قادر ع إدراة أمواله معاك يومين تفكر و تيجي تقلي باي .
عمران بسرعة
لا استني موافق ع شرطك دي فرصة مش تتعوض ابدا وبعدين انتي ع ذمتي من زمان انا رجعتك ليا ف السر متخافيش و ع فكرة وحشتيني .
ماراي ابتسمت ليه و قرب منها و قضوا وقت لطيف مع بعض ف حين أن تحت الدنيا مولعة و دليلة بتذل ف شهيرة .
تاني يوم البيت كان مشحون بالتوتر شهيرة بتتوجع من أيدها وقلبها اللي اتكسر بعد ما بلغتها ماراي أنه عمران رجعها و حاليا هي ف المطبخ بتعمل الفطار بقلب مفطور و دموعها علي خدها و دليلة بتراقب تحركات دالي المكلفة بقتله و صفوان حاسس بتعب برغم ادويته و رويد مش هاممها حد غير بنتها اللي راحت بلجيكا من يومين و مش سمعت صوتها .
الحال ده فضل شهرين الحال تدهور ف البيت و السبب دليلة و ماراي الشركات ف النازل بسبب الصفقات الخسرانة ماراي بتمارس التهريب ف كل فروع الشركة و بدأت ف خطة الاسهم و عمران مهمل شهيرة مش قرب منها غير مرة واحدة لما ماراي كانت ف سفر شغل و دليلة بجانب مراقبتها لدالي كلفت بمهمات تانية بتنفيذها بهدوء من غير ما حد يكشفها و صفوان حالته ف النازل و سمعته اتدهورت بسبب الي حصل اما رويد بنتها مختفية بقالها شهرين .....
