رواية ليليان الفصل الخامس عشر 15 بقلم زينب نور

                                                    

سامي ،، الوجه نفسه اي هيه ..

بعد سنين ..

                                

انتبهت ع سوارهه ..

نفس سواري ..

معقوله هي دازتلي واحد ..

                                

ليليان،، هذا ليش لابس مثل سواري ؟؟

خفت ،، ماعرف ليش ..

                                

بس لا يكون هو نفسه ..

لا مستحيل ..

                                

رجعت باوعت بموبايلي ..

اظاهرت بأنشغالي بي ..

شفته يمشي بأتجاهي ..

                                

سامي ،، رجعت ذاكرتي ..

لهذاك اليوم ..

                                

جنت يم صديقي ياسر ..

بلباب مجمعين ويا اصدقائنه ..

                                

اجاني شخص ،، عامل توصيل ..

انطاني علبة ،، استغربت ..

اصدقائي بدوا يشاقون ويايه ..

                                

هاي منين الهديه ،، شسمهه الحبيبه ؟؟

واحنه عبالنه فقير ..

                                

فتحت العلبه ..

لكيت سوار بي اسمي مكتوب ..

وياه ورقه ..

                                

" دائماً البس هذا السوار، ابد لا تنزعه "

                                

ضليت صافن ..

هاي شنو ، مقلب !!

                                

ضليت لابس هذا السوار ومانزعته ..

ماعرف ، تعلقت بي وحلو شعندي نازعه ..

                                

هسه هيه دزتلي هاي الهديه ..

لا ماعتقد تطلع منهه ..

                                

مشيت ورحتلهه ..

اريد افتهم منهه وافهمهه ..

                                

هسه هيه هم شافتني لابسته..

وعبالهه من عندي ..

                                

- هلوو ليليان ..

- ليليان،، رفعت راسي وجاوبته ،، هلوات سامي 

- شلونج ؟

- بخير ، اتفضل اكعد 

                                

سامي ،، كعدت ..

ماتحجي شي ، شنو خجوله ..

خلي اني احجي بلموضوع ..

                                

- اسوار حلو 

                                

ليليان،، باوعت عليه صفح ..

معقوله الي ديحجيه ..

شنو سوار حلو ..

                                

هذا شبي ، ليش مو هو جابه ..

ولهذا اجه كعد يمي يسولف ..

ع شنو يبيع ثكل ، مادري ..

                                

- تسلم 

- من وين اشتريتي ؟

- هديه والله 

- صدك ؟!

- اي والاحلى مثل سوارك 

- اي صدفه

- وانت من وين اشتريته لو هم هديه ؟

- اي والله هم هديه

- عجيب 

- شي صدك عجيب 

                                

هذا صدك يحجي ..

ياربي مالي خلكه ..

كلمه زايده وانفجر عليه ..

                                

سامي ،، مو هي الدازته الي ..

حته ماكاعده تستلطفني شلون اتقدملي هديه ..

                                

بس الاكيد الي دزلهه هو نفسه الي دز الي ..

ولازم اعرف منو هو ..

                                

- ليليان !!

- نعم ..

- منو انطاج هاي الهديه ؟

- وانت شعليك ؟

- اووو ليليان احجي عاد !!

- ماعرف 

- شنو متعرفين ؟؟

- ماعرف داكلك ،، شفتهه اباب بيتنه وعليهه اسمي 

- اهااا ..

- ايي هسه ارتاحيت ؟!

- اني هم اجتني هاي الهديه بس ماعرف من منو..

                                              

                                                    

ليليان ،، يعني مو هو ..

اووف لعد منو ..

                                

واصلاً محد يعرف اني اعرفه ..

بس جمانه وماعتقد اسويهه ..

لا ابددد ..

                                

- منو الممكن يعرفك ويعرفني ،، لان لثنينه دزلنه هذا السوار نفسه !!

- ماعرف ،، واصدقائي مايسوهه ومايعرفوج 

- لعد منوو ؟!!

- ماعرف وع شنو احنه نفكر عادي انسي الشغله 

- مو خاف يسوولنه مشاكل او شي اني ماريد سمعتي تخرب من وره سوالف تعبانه اني مالي شغل بيهه 

- لا ،، لا تخافين مايصير شي 

- ان شاء الله 

- اتشرفت بمعرفتج ليليان 

- اني اكثر 

                                

كاعد يباوعلي بنظرات ..

ليش كلهه ندم ..

                                

هذا شبي تخبل انوب ..

أثر عليه السوار ..

ههههه ..

                                

سامي ،، ماعرف هاي البنيه شكد حبابه وفقيره ..

بس كتلهه كلمتين اتغيرت،، مادري مزاجيه ..

                                

رقيقه،، الله اليعلم شصار بيهه من عرفت نفسهه راح تموت ..

انظلمت وتعذبت و وياهه عائلتهه بسبب لامبالاتي ودهائي ..

                                

عيوني جانت تحجي الي بكلبي ..

لأول مره احس هيج ندم ..

                                

اني صدك عديم المسؤوليه مثل ما كال ابويه بلضبط ..

عمري حيصير ثلاثين واني بعدني مامزوج ولا مكون عائله .. 

                                

الى متى راح اضل هيج ..

لازم اخذ الحياه بجديه ..

                                

ليليان ،، خوفني ..

صافن وكاعد مايتحرك ..

                                

- عفواً ،، سامي !!

- اهاا آسف ،، اني حروح مع السلامه سعدت بشوفتج 

- ابتسمت وكتله ،، اني اكثر 

                                

راح ويمشي ع كيفه ..

هذا شبي تخبل الولد ..

                                

ضليت كاعده لحد ما اجتي ميان ويا صديقاتهه ..

شفت اذكرت نفسي ويا صديقاتي اول سنه ..

                                

اووف يا كلبي ..

شكد فقدانهن صعب ..

اكثر مما اصورت ..

                                

ماكدر انسه حتلو عشت ..

وشكد ما تماشيت ويا الحياة ..

ماكدر اتخطى بعض العقوبات والاشخاص ..

                                

اثرهم صعب ينمحي ..

وصعب نسيانه او تجاهله ..

                                

حجيت وياهن شويه ..

وخابرت جمانه ..

                                

اوو جمانه حوريه هاربه من الجنه ..

صديقه ماتنوصف ضلت ويايه بكل المراحل ..

                                

بكلشي ضلت باقيه ويايه وابد ماتركتني ..

حته من ازوجت ماقطعت عني ..

                                

وهيه اصلاً تتصل اكثر مني ..

مرات انشغل وهيه ترجع تتصل ..

شكد احبه قطعه من روحي ..

                                            

                                              

                                                    

- هلوو جوجو 

- هلاوات ، شنو هلصوت اليوم كله تفاؤل !!

- ههههه وين اكو ؟ بلعكس حزري منو شفت اليوم ؟

- اممم منو ؟ بس لا ..

- بس لا منوو؟

- لا كملي ..

- ساامي!!

- صدك ؟؟

- ي شبيج مامصدكه ؟!

- لا هيج 

- شكو ولج ؟

- ماكو شي 

- اكيد ؟؟

- ايي،، شصار ماصار ؟

- ماصار شي حجينه شويه 

- وبعد ؟

- شفته لابس نفس سواري ، تصدكين ؟

- ياا نفسه نفسه؟

- نفسه بلضبط !!

- منين جايبه ؟

- هديه من شخص مجهول وكذلك اني 

- لوشه !!

                                

كمت من مكاني ..

ورحت لغير مكان بعيد ..

                                

- خرررب لا جوجو ،، صدك تحجين انتي ؟

- شبيج لهدرجه مفضوحه اني ..

- اووف منج غبيه ليش هيج سويتي ؟

- شبي الولد ولج حليو ماشاءالله عيني بارده عليه

- انجبي ولج تخبلتي انتي ؟

- ايي مو البيبي خبلني 

- جذابه ؟؟ حامل؟؟

- ايي ولج يله ازوجي اريد اشوفج ام

- وين اني طريقي طويل خلي اتخرج اول 

- لا هسه اشوفين 

- اي مو هو بكيفج ، تعاي ع المصيبه هسه شلون عباله بلبدايه اني دزيتله؟

- هههه باعي يريدج ،، شنو شلون روحي احجي وياه 

- شنو يريدني بكيفج انتي شو ،، شحجي ؟

- اي شي شعليه اني ولج خوش ولد لا تخسري ..

- ديله روحي باي عجوزه

- ههههه باي 

                                

سديته وضحكت ..

ماحسيت غير شخص ..

قريب كلش علي يكول ..

                                

- منو العجوز ؟؟

                                

فززني ،، بسم الله ..

خليت ايدي ع كلبي ..

وغمضت عيني ..

                                

سامي ،، من اشوفه واحجي وياهه ..

احب ابقه يمهه بس هيه تطرد الواحد ..

ماتخليني اتقرب منهه ،،شبيهه ..

                                

كعدت بحديقه ،، شكد حلوه الجامعه ..

خابرتني امي ..

                                

- هلو حبيبتي 

- امم هلوات 

- شبيج حجيه ؟

- بيت اهل اسيل هنا 

- اهاا ..

- ايي 

- وشنو يعني مفهمت ؟

- بعدهه مازوجت 

                                

فكرت بسرعه واجتني وحده ابالي ..

احصلهه وارتاح واخلص من كلام امي هم ..

                                

- ماما !! اني عندي وحده اريدج تخطبيلهه الي 

- صدك يمه ؟

- ايي 

- منو هاي ؟

- وحده انتي معليج بس عليج تخطبيهه بس كون توافق 

- اكيد اني اخطبهه الك وماتوافق شلون يابني ..

- مااشي لعد 

- ايي ضل يم اختك لعد 

- محتاجه شي؟

- لا ابني روح الله وياج 

- مع السلامه ..

                                

وهسه اروح اشوف شغلي ..

رجعت للسنتر ..

                                

ليليان ماكو ..

رحت دورت قريب ..

                                

شفت كاعده بوحدهه ..

تقربت ، سمعتهه تحجي ..

                                

كلت خلي اسمع ، ايجوز عدهه حبيب ..

سمعتهه مبين تحجي ويا بنيه ..

                                

افهمت من كلامهه كاعدين يحجون عليه ..

بس ع شنو مادري ..

اجيت قريب عليهه وكتلهه ..

                                

- منو العجوز ؟

                                

شو هاي فزت ..

خطيه رعبتهه ..

                                

- اسم الله ،، سوري فززتج 

- لا عادي بس ماحسيت عليك 

- ايي 

- شو رجعت؟

- مارجع اليوم شو وحته انام هنا

- واني شعليه ؟

- ليش تسألين لعد؟

- فضول !

- ماااشي ،، هسه دوري اني اسألج ؟

                                

ليليان ،، باوعت عليه ..

هذا شكوله ، يله عادي اسايره بلموضوع ..

                                

- اي تفضل اسأل ..

- بيتكم نفس مكانه ؟ 

                                

اتفاجئت بسؤاله ..

انوب يكول نفس مكانه ..

يعني يعرفه بس يريد يتأكد اذا بعدنه بي او لا ..

من وين يعرفه ؟

                                

- اي بس انت من وين تعرفه ؟

- اعرفه من الطبلة مالتج بلمستشفى 

- حييل قبل اربع سنين !!

- ايي 

- ذاكرتك قويه ماشاءالله 

- هههه اي 

                                

صار عندي فضول بهللحظه ..

اعرف شصار بلضبط ..

لسعني ماعرف ..

                                

بوقت التحليل مالتي شصار..

وليش طلع غلط ..

ومرتين هم مو مره ..

                                

ضل يحجيلي عنه وعن الي صار ..

عرفت بي شكد مهمل، ياربي ..

الله يساعد اهله عليه ..

                                

سامي ،، اتعجبت ليليان تسألني ..

وتحجي ويايه ، كيفت ..

                                

ضليت احجيلهه وهيه عادي ..

عبالي ماتحجي ومو اجتماعيه ..

                                

لحد ماخابرت أيه ..

واتريدنه نرجع من وكت ..

ومن ردت اروح كتلهه ..

                                

- اكو شي عود بوكتهه اذكريه ، لا تخلين شكر هواي 

                                

عفتهه بتسأئلهه ورحت ..

                                

ليليان ،، خابرته اخته ..

ووكف وقبل مايروح ..

                                

كالي لا تخلين شكر هواي وبوكتهه راح تعرفين شنو معناتهه ..

هذا مو مخبل ، بس المخابيل عليه ..

شنو قصده !!