رواية تحت ظل السعف الفصل السادس عشر 16 بقلم ميار

‌‌‏واتحدى البعد يجبرني يوم انساك

وعمت عين الصدف غيرك تشوفني

رغم بعد المسافه وانت ترس العين

والناس الشفتهم ماجزوا جفني

بخيالي شكد صور ماخذلك ولقطات...

من اشتاق كلش هو يسعفني....

__♕______

-التفتت من سمعت صوته وراي بعدني ما شايفته نسحبت

بقوة حط ايده جهاد على حلگي يسكتني خاتلين وره النخل

وصوت فراس يقترب يصيح بأسمي جسمي كله يرجف غير

اذا شافنه يفضحنا ويا ما يقترب اكثر صاحه وسام وكف گاله

وسام:: شسوي اهناي

فراس:: شفت ريام جت اهنا 

-امشي ولك شسوي ريام اهناي شنو شارب انت

فراس:: باوع لا تخليني اطلع قهري بيك دا اكولك شفتها طلعت من بيتكم واجت للبستان شمسويلها

اكيد تريد تنهزم منكم وخر رياااام وينج ريااام

ريام:: يمه شصار بحالي شطلعني راح يفضحني متت

خوف من كام يصيح باسمي وهذا جهاد صار نار ايدي

بيده توه حلها يريد يروح عليه لزمته وكوه احجي اهمس

همس حتى خاف يسمعني.. عفيه جهاد مو وكتها امشي 

رجعني لبيت عمي گبل لا يفضحنه هذا عوفه هسه فدوه

جهاد:: امشي 

-مشيت وراه وامشي على كيفي حتى لا اسوي صوت ويسمع

التافينه من وره البستان وصرنا بظهر بيت عمي مشيت

اريد ارجع سحبني جهاد دحكت عليه وجهه كوه اشوفه

جهاد:: اسمعيني ريام اني اعرف حجي امي شكد غثج

وأذاج بس والله ما جنت متوقع منها وريام اني شنو ذنبي

انت گلتيها لا تحمليني ذنب غيري واذا على امي فـ بيتنا

وحدنه لا تحاسبج ولا يمج لا عبالج اني اريد اتزوجج لان

اريد الزواج لا اني اريدج يا بنت الناس انتي تفهميني اني

عاشكج رايدج حطيها ابالج مستحيل يجي يوم واتخلى عنج

ولا يوم اسمح لإي بشر يهينج او يقلل منج صار اسبوع اجي

وخالي يرجعني ريام خلينا فرحانين والي تريدي يصير 

-ظليت ساكته ما جاي اكدر انسى كلام امه موقف صعب 

من واگفه وتدعي عليه رفعت عيني ادحك عليه يدحك

وينتظر جوابي كعدت بالكاع ما اعرف شقرر وشگول

جهاد::شبيج لخاطر الله ليش مصعبتها يابه اني حاجيت

امي وفهمتها عليش شايله هم بعد ما تحاجيج والله 

ريام:: خايفه جهاد خايفه انت تدري شلون امك تدعي عليه

شلون راح نتوفق وهي ما راضيه اني اريد ارتاح جابتني الدنيا

تكفخ اريد ارتاح حالي حال البنات ما مكتوبلي افرح واتونس

جهاد:: والله اخليج اسعد بنت كل شي تتمنينه احققه الج

وموضوع امي ابوي حجه وياها وانتي بيتج وحد لا يمج ولا عليها بيج

ريام:: هزيت راسي يس ما اريد امك تزعل منك

جهاد:: ما تزعل يابه بس انتي ارضي وكل شي اله حل 

-ضحكت على لهفته ادري بي شكد شايل هم وخايف 

يجبره عمي يطلگ كومني وسحب راسي وباسه وجهه

فرحان لفت الثامه ولزم ايدي بين ايده عگد حجابه من

شاف ايدي ما بيها الحلقه دحك عليه بخزره وگال.. 

جهاد:: ليش ذابتها صدك تحجين حقلتج وين

ريام:: لا جديتي اخذتها 

-ليش اخذتها؟ 

-رفعت كتوفي بمعنى ما ادري زرلتني تكول عيب البسها 

وافتر بيها جدام عمي وولده وسحبتها مني هي كلها هيج 

ضايجه مني وما فرحانين ما بقالي ذكرى حلوه من خطوبتنا

جهاد:: اصنع الج احلا ذكرى واحلا عرس وخلي تولي

الحلقه باجر اجيبلج غيرها ونخطب من جديد بذكرى

احلا انتي بس ظلي متونسه لا تهتمين يلا يابه لا يكعد

خالي ما بقى شي للسحور وباجر بس اكمل دوام اجيج

ريام:: هزيت راسي ودخلت للبيت لكيت وسام كاعد على

الصبه مالت الطرمه من شافني دخلت ابتسم وكام طلع

دخلت للبيت وعلى غرفتنا ذبيت الشماغ وتمددت وكلامه

براسي وابتسم ويا روحي شكد جنت متحلفه احجي كلهن

نسيتهن بعدني ما غافيه وانفتح الباب دخلت عمتي على كيفها رفعت راسي ما انتبهتلي وكمت عليها اني.. 

-هاا عمه 

امنه:: يااا كعدتج يمه

-لا عمه اني كاعده نسوي سحور هسه لو بعد وكت 

امنه:: لا يمه هم يلا وكعدي البنات وياج تره ريتاج تشلع الگلب كومن سوه بين ما اخبز خبز صاج 

- راحت عمتي واني كعدت يمهن رباب حياة گبل كعدت 

بس ريتاج سحلتها سحل يلا كعدت وبس تغلط علينه... 

ريتاج:: رجعنا لكعدة السحور اكثر شي اكره انام وواحد

يكعدني كعدت بالمطبخ كوه مفتحه عيوني مددت بالكاع

ما ادري بروحي غافيه حسيت نفسي ينفتح وينسد شهكت

خايفه لكيت وسام كاعد گبالي يسد بخشمي دفعته زعلانه

وسام:: كومي يا خبله اكو واحد ينام على الگاع

-وخر خلي اروح اتسحر يابه نعسانه گتلكم نتسحر وانام

وسام:: يا سحور يابه صلينه الفجر يا هبشه راح انام

-جذذذببب وشلوووون تتسحرون وتخلوني حتى مي ما شاربه والله حتى جوعانه ما تخافون الله اصوم بدون سحور

ظليت ادك والطم غير اني نمت جوعانه وهذا وسام واكف

ويضحك عليه واني بس بچي ما بچيت كعدت بالكاع الطم

على صوتي طلع ابوي وامي شافوني اضرب على رجليه صاحت بيه امي وعتتني من ملابسي تگومني وترزل بيه

امنه:: شبيج تخبلتي ولج شكو كاعده وتطلمين

ريتاج:: يمه شلون انطاكم گلبكم تتسحرون وتخلوني 

بالمطبخ نايمه مثل البزون واني گتلج راح انام جوعانه

الله اكبر حتى مي ما انطيتوني اشرب غير اموت من العطش

محمد:: دمشي تسحري يابه غير بعد ما حاطين لگمه

بحلگنه وهبطتينه ولج شو فدنوب صايره طگه ونص

-يعني ما تسحرتو وخليتوني؟ 

امنه: لا بعدنه امشي عابت هلـ شكول وگعتي گلبي يولي

ريتاج:: غير ابنكم خبث عليه الا الله يذبك بالنار تجذب وبرمضان وعود اشوفك وامشي للجنه فلا اساعدك

وسام:: لا عليج الله ساعديني دولي ضامنه الجنه 

وجه الصخله ساعه ادگين وتلطمين علمود الاكل

ريتاج::ذبيت شعري وره ومشيت ما مهتمه غسلت وجهي

وركضت كعدت اكل يمااااي شيصبرني على فراك الاكل 

راسي بالماعون اكل اكل واشرب مي غير ميته جوع 

حامد:: يابه على كيفج تره مو بعير وتخزنين بمعدتج

-عوفوني شعليكم يابه جوعانه حيرو بنفسكم عوفوني اكل 

وسام:: ولج بعدج ما صايمه وهيج انهرشتي تگول طالعه

من مجاعه سفگتي ماعون البيض ورجعتي على دهن الحر

ريتاج:: رفعت عيني على ابوي يدحك ويضحك وهمه كلهم

يدحكون عليه اشترت بعيوني لابوي بمعنى حاجيهم ضحك

وگاللهم... 

محمد: يابه عوفو اخيتكم تاكل شعليكم بيها اكلي بابا

اكلي ما عليج بيهم همه يغارون منج شعندي غيرج

-بلعت اللكمه وشربت الجاي وتمددت تعبانه شكد ما اكلت

كملنا السحور وبين ما غسلن المواعين صاح امساك وكفت بسد الحب اشرب مي شربت ثلث طاسات احس

حتى نفسي لعبت شكد ما خبطتت كعدت بالحوش انتظر

يأذن صوت قرايت القران صح الجامع مو حيل قريب بس 

ينسمع شعور حلو تحس بريحة رمضان غمضت اتأمل صوته

الله اكبر... الله اكبرر اسمع الاذان وشعور بداخلي سعاده

ظليت استمع لحد ما كمل الاذان كمت توضيت من حوض

الي بالحوش ودخلت لكيتهن فراشين المساجد ويصلون

وكفت صليت واخذت قراني وبديت اقره اول جزء من 

القران كملت جزي وصدقت رجعته بمكانه ورجعت للغرفه

ريام نايمه ورباب هم تقره قران من دخلت كملت وراحت

ترجع قرانها تمددت ادحك على ريام صافنه بيها ملامحه

حتى وهي نايمه تحسها حزينه اكو شي بداخلها وحزن جبير

دعيتلها الله يعوضها بجهاد ويسعدهم غمضت ونمت.. 

كعدت الصبح ساعه 10ونص كمت اخذت ملابس سبحت 

وطلعت بين ما مشطت لبست حجابي حتى اقره قران سمعت صوت وسام وحامد طلعت يمهم يسولفون على 

حصاد وكفت يمهم ادحك حامد شفايفه بيض من ووسام

وجه مصوفر حار وصيام ما لحكو يحصدون گبل رمضان

-هاا الگوه خلصتو لا

وسام:: الله يگويج لا هسه حصدنا يلا نص بعد كاع عمي جاسم

-هاي مو بالليل هم حصدتو عوفو بالنهار تعب لا تحصدون

حامد:: يابه خما النه الحاصوده بعد گياعين خوالي بس

خالي احمد كمل گبلنا بعد اخوته وكاع عمي جاسم هم

ريتاج:: يلا عجل دسبحو ونامو شويه حتى قبل الصلاة

نكعدكم تصلون صدك حسين ما جيه حتى يساعدكم وكت طلعه

حامد: هو عوفو دياحه عود يريد يزوج شتفتهم منه

حرمته اذا هو وزياد كل اسبوعين وراحو لبيت سيد محمد 

وسام:: والله سيد محمد الواحد يستحي يرده جهاد 

كال ولا راضي على روحتهم منا جهاد ملتهي بشغل

بيته و زواجه ودوامه ويرجع يعين معاذ بالحصاد 

حامد:: ما يفيد يابه هذا روحه صايره بكرار ابن السيد

وسام:: اي والله يلا يابه اروح انام حتى ارتاح لان اريد

اروح اساعد الولد فرات بعده بالدوام وعمر حيل تعب

-راح وسام يسبح وحامد تمدد ينتظره حتى هو هم يسبح

وينام انقهرت عليهم امبين التعب عليهم رحت اخذت قراني

وكعدت اقره لاذان الظهر يلا كملت قرايه الحمدلله اذا ابقى

هيج اقره راح اختم من وكت كمت صليت ويا ما كملت دخل حسين ذب جنطته وذب انبطاح ميت تعب حتى ما بدل

اني اليوم عاقله ما احجي اخذت جنطته عبالي اغسل ملابسه بس شفتهن نظيفات ومعطرات علگتهن وطلعت 

اترس مبردة الاستقبال لان حسين وحامد اثنينهم نامو هنا

توه شلت السطل وجفلت على دكت الباب ويما درت اندفر

الباب ودخل عمي جاسم وحمدان وعمي جاسم يغلط ويسب اخوتي هم زين لابسه حجابي وكفت سلمت ما رد كال.. 

جاسم:: وين اخوتج الزمايل 

-نايمين ليش تغلط عليهم 

جاسم:: انجبي ولج ترادديني انعل والديج بنت الـ..... 

ريتاج:: جن جنوني خبلني من سب ابوي عطت بي 

-هاي عود صايم وتسب بأبوي ما اسمحلك تحجي على ابوي

جاسم:: هاي عليمن ولج شو تعاي

ريتاج:: ما احس غير جرني وصفگني ذاك الراشدي ابو

الونه من قوته انضرب بالدنكه الي بالطرمه داخ راسي

وعلى صوته طلعو اهلي وابوي من شافني بالكاع يجه

يركض جرني لحضنه يابه غير راسي نفجر وجاسم بعده يسب ويغلط وخرني ابوي من حضنه وسحبتني امي 

وابوي راح على عمي سحبه من ياخته بعصبيه راد يضربه

ولزمه عمي حمدان والولد مجلبين بابوي بس وين ابوي نار 

محمد:: شلللوووون تضربها وابيتي تدخل تضرب بناااتي وراس الغوالي اطرك نصيه جاسم والله 

انهيك باي حق تفوت لبيت وتضرب بنتي شلووون

جاسم:: تريد تضربني علمود بنتك هاي تالي احترامك

بنتك ما متربيه تتجاوز على عمامه وتريدني اسكت

محمد:: حدددك بناتي متربيات احسن تربيه والله 

يا جاسم ان صار شي على ريتاج مووتك على ايدي

حمدان:: هاي تاليها تهين اخوتك لخاطر بنتك

اني واكف وبنتك تطردنه وتعلي صوته على عمها

بس شنترجى منك حالك حال خالد عاف امه لخاطر بنته 

-ادوس على خوتكم بناتي خط احمرر اذا ضناكم مو عزيز لا يابه اني ضناي اعز منه ماكو وشحده الي يمسهم والله اشوفه الويل جاسم اسكتلك بس الشغله

يم بناتي لا والله وراس ابوي ما اسكت شعدكم يمي

جاسم:: كافيي عاد وانت محمد ولدك نايمين وعمر

ظهره نكسر وحده وباجر تجي تريد حصه كامله 

وسام: عمي على كيفك تره ما صار ساعتين من رجعنا للبيت وهسه نصلي ونروح نساعده 

ريتاج:: طلع عمي كومني البنات ودخلنا للبيت الجو يصمط

صمط من الحر تمددت على رجل امي واسمع صوت ابوي

امي ظلت ساكته شتحجي دخل ابوي كعد يمي وسحبني

لحضنه واني طبعاً ما احب ادلل ظليت اتهدد واعاتب ابوي

محمد:: ما صار شي يا يابه هو راشدي وانتي ليش ما تبطلين تلاسنين عمج هسه سب اخوتج اسكتي يظل 

عمج الجبير واخواتج متعودين بويا ما اريدجن تتدخلن

-وخرت من حضنه وتربعت كتله يعني يسبك واسكت 

والله ولا اسكت يعني ترضاها فوك ما حشاك يحجي 

عليك يضربني شوف شوف ورم وجهي انيي يضربني 

محمد:: لا والله ما ارضى بس ما اريد يكولون بنات

محمد ما متربيات ويردن على عمهن صيري مثل

اخيتج شوفيها ما ينسمع الها حس ولا يوم جيه

واحد وشگالي منها بابا البنت حلاتها بعقلها مو بلسانها

ريتاج: يعني رضيت على عمي يضرب بنتك الصغيره وتسكت وهو هذا هم حظي محد يدافعلي وخرو اروح

انام والله لا اسويلكم فطور وكفت باب الغرفه وكتلهم

-خلو بنتكم العاقله هي تسويلكم الفطور اني خبله ما 

اعرف اسوي فطور مو تصيحوني والله ولا عليه بيكم

عفتهم ورجعت للغرفه وكف گبال المرايه اشوف وجهي

طبع اصابع عمي بخدي كله مدرن وازرگ الله لا يوفقه خرب

وجهي تمددت. احس تعبانه وجوعانه دخلت ريام مدري شبيها كعدت وحدها ردت احجي وياها بس انطتني ظهرها

عفتها على راحتها بس ظليت ادحك عليها واضح اكو شي 

فاطمه 

واكفه العصر اطبخ الفطور اني والبنات وفطوم بنت معاذ

يمي تفتر كاسرين خطاري عفيه گلب ام لا ادز عليهم لا تسأل وهي تعلقت بمروى و مروى هم حيل تعلقت بنت معاذ حتى تنومها يمها كملت الطبخ وجاي اگلي كباب عروگ ودخل جهاد الوجه مصفر الشفايف بيض سوده علي من دوامه بس بدل ملابسه وراح للگيعان راح جهاد يسبح

حظرنه الفطور وبدينا ننگل الاكل على السفره التمينه

كلنه ننتظر يأذن عيني على عروگ سوده علي حارث جان

شكد يحبهن من وفاته بعد ما ظل الي نفس اكلهن اذن و

فطرنا ومثل كل مره ما تخله الكعده من عركات زياد وتبارك

زياد:: كون تغصين بيها جيبي كبايتي مهروشه 

تبارك:: تره الماعون متروس الا هاي الكبايه ما ظليت بيت السيد

زياد:: هو شنسوي عفنه الكمر وگابلنه البومه جنج بنت

خالي محمد سبحان الله نفس الچهره والسان طاح حظج

تبارك:: يابه شو ساكت انت وابنك الجبير ولا عبالك جاي

يغلط عليه هاي لو يحجي على مروى جان سويتو بيه فنه

- ضحك جهاد عليه وسحبها يمه وجر ماعون الكبه وحطه

گباله رفعت عيني شفت امي عينها عليه بس هو متجاهل

نظرات امي اله كملنا الفطور وبين ما لملمن البنات اني

صبيت الجاي دحكت جهاد ماكو سألت زياد عليه كال

زياد:: بغرفته كال تعبان يرتاح گبل الصلاة

-اخذت استكانته ورحت يمه دخلت للغرفه لكيته متمدد

ابتسم من شافني دخلت حطيت الصينيه على صفحه وكعدت يمه... شبيك جهاد اكو شي قاهرك بعدها ريام زعلانه تريدني احاجيها الك والله گلبي يوجعني من اشوفك ضايج 

جهاد:: لا حاجيتها البارحه بس القاهرني امي وانوب

جديتي هم غاثتها وساحبه الحلقه من ايدها احجايتها

ادك بگلبي من البارحه تكولي ما خلولها ذكرى تفرحها

فاطمه:: ميخالف تعوضهن بالحنه والعرس لا يظل بالك

ما نخلي بعد احد يغثها وان شاء الله من تنجمعون سوه

وتكونون احلا اثنين الله يسعدكم ويجمعكم على خير 

-آمين 

-جهاد 

جهاد:: هاا يابه

-من شوكت تحبها 

من سألته ابتسم وندگ وعينه على حلقته اول مره اشوف

عيونه تلمع والحب واضح على وجهه ونفس اللحظه حسيته استحى يرد عليه گبل غير السالفه وگال.. 

جهاد:: اذن اروح اصلي من ارجع ترحين وياي لبيت 

خالي هم نودي السياگ واشتريتلها موبايل تنطينه الها 

فاطمه:: اي خوش بين ما اتكملون صلاة واصلي اني ونروح انتظرك.. هز راسه وطلع واني شلت الستكانه

ورحت اصلي العشه والتراويح كملت الصلاه ادحك 

على امي كاعده انقهر عليها صار جم يوم ساكته وامبين

مقهوره جيت وكعدت گبالها احاجيها بلچي تقتنع بريام

ابتسام: شفتي فاطمه حتى ما يحاجيني من وراها 

اربي وتالي للنسوان امها حرمتني من خالد وهسه هي جت تريد تاخذ ابني زعلته عليه باجر اذا جت بيته

شسوي يجوز تاخذه وتمشي بنت استبرق شترجى منها وتگولون ليش ما تريدنها شوفي شلون غيرته

-يمه شغيرت منه تره جهاد زعل من كلامج يمه

انتي هسه ترضينها علينه وحده تجي تدعي علينه

وتكوللنه هيج كلام يمه ريام تبقى بنت اخوج وما

اذتنا ولا اذتج بشي يمه لا تحكمين عليها والله خوش

ابنيه وحبابه يمه سعادة جهاد اهم من الماضي كله

ابتسام:: هاي هي يمه شعليه هو اختار يتحمل

اختياره والله يسعده وهو بكيفكم اني شريد غير اشوفكم مرتاحين اني ما دايمه الكم الله يسعدكم

فاطمه:: گمت بست راسها وطلعت بدلت ورتبت نفسي 

واخذت عباتي انتظر بجهاد لل 9ونص يلا جيه طلعنه 

نتمشى وصلنه بيت خالي دكيت الباب وجهاد وكف على

صفحه دكيته اقوى يلا فتحن الباب صارت ريام بوجهي

ريام:: هلا والله هلا فطوم جريتها ابوس بيها صارت فتره 

ما شايفتها وكفت اسولف ومنطلقه اسأل على البنات 

فاطمه: الاخت نست نفسها بعدنا بالباب واستلمتني

ريام:: اي وينج يلبذات مشتاگتلج زين جيتي جاي اسوي

حلويه تفوتج والله تاكلين اصابعج وراها بس برمضان اسويها 

-حياتي تسلمين شنو خالي والولد ماكو بالبيت 

-بلي موجودين بس ليش شنو تستحين من ولد عمو

فاطمه: لا خيه بس جهاد واكف بالباب جيه عليهم

ريام:: صدددك والله 

فاطمه:: شو هاي ما صدكت مدت راسها تتأكد ضحكت

على تصرفها ضحكت من شافته اول مره اشوف ريام تشاقي ولا ويا منو ويا جهاد تگول عبالك صار سنين سوه

ريام:: هلا بأبن عمتي 

جهاد:: هلا بخطيبتي الخبله

ريام:: منو خبله هسه انت تريد اطير حسناتي توني

مكمله صلاه اردها الك وره العيد وصدك ما كتلك

-كولي ولج خايف من طباگاتج 

ريام:: هههههههه لا باجر النتائج حظر روحك ويا الهديه وعيب جيب هديه حلوه حتى لا يحجن عليك البناات يشكولون خطيبها ما جابلها هديه تقبل يحجون هيج وانحرج مو ما ترضى ادري بيك والله 

جهاد:: هو انتي انطي مجال نحجي يلا فوتي صيحي الولد 

فاطمه:: بعدنه بالباب وطلع وسام يصيح على ريام

وسام:: هاي وين صرتي عبالي انخطفتي يا هلا بفاطمه هلا باختنا الغاليه تفضلي شو مخليتها واكفه بالباب تفضلي تفضلي عذريها باجر النتائج وشخطت 

فاطمه:: ضحكت على ملامحه طبينا اني وياها وسام راح

على جهاد وخالي بس سلم راح للمضيف يم جهاد هو وعمتي هم تريد تسلم على جهاد كعدنا ريام راحت تكمل حلويتها ورباب تحظر الجاي بس اني وريتاج كاعدين وهي

ادحك عليه ادري بيها مستحيه من وره سالفة ذاك اليوم 

جيت ريتاج كعدت گبالي عود. خجلانه ادري بيه حياله

ريتاج:: شوفي فطامي اني اسفه والله لان انقهرت على

ريام لو تشوفين حالتها ما تزعلين وادري مو صوجج بس

ساعه غضب وانتي اختنا الجبيره تتحملينه فدوة لهلوجه

-لا ازعل ولا زعلت وحقكم يعمري الكلام الي نگال مو هين

ريتاج:: والله انتي تفتهمين يلا عجل اروح اتصنت عليهم

واجيج حتى لا تفوتنه الاخبار انتي تونسي ويا البنات هسه 

فاطمه:: طلعت الخبله ما يفيد وراثه عدنه الفضول ما ينلام

جهاد من يگول بكل بيت عدنه جهاز تنصت ظليت وحدي

شويه وجن رباب وريام وكعدنه نسولف وبس كامت رباب

چلبت بريام اريد تحجيلي شنو الشي البينها وبين جهاد 

ريام:: شوفي هو اني اعرفه من جان يجي على ابوي

وجنه نتعارك لا هو يطيقني ولا اني بس بابا جان دائماً 

من تصير عنده شغل يدز عليه لو على فرات او مرات

اثنينهم يجون يظلون يمي هههههههه ويكعدون بالچول

-وهيج صارت علاقتكم بس تقنعيني رادت لان يعرفج

من جنتي اصغيره شبيج ريام اني اختج الجبيره احجيلي

ريام:: ماشي اسمعي هو اني ما عليه جنت ابنيه حبابه

بس هو لعب بعقلي و وافقت اتزوجه ولا اني فقيره ما 

عندي هذه السوالف كله من جهاد لعب بعقلي بسوالفه

فاطمه:: عزززااا بعيني شنو لعب بعقلج شسوه ما افتهمت

ريام:: هاي شبيج فاطمه عليش تلطمين مو هيج قصدي

-عجل شقصدج ولج احجي وگعتي گلبي

ريام:: تربعت وچن البنات وكعدت اسولفلهن من اول

مره التقينه الى يوم من اعترفلي وحاجاني على موضوع الزواج وشلون يريد يفاتح عمي ويطلبني منه ردت فاطمه 

فاطمه:: يا چلبه وتصيحين لعب بعقلج احلف عليج انتي

اللاعبه بعقل اخوي يمه كل هذا. واحنه يا غافل الك الله

ريتاج:: ولا واكفه وتصيح تطلگني وتگول طلگني يا موج خذني معك ويا بحر غرگني هههههههه اغنيه تخبل

رباب:: استغفرالله ريتاج رمضان وكت اغاني طاح حظج 

ريتاج:: هااا هااا راح صيامج غلطتي عليه 

فاطمه:: ومنو توه جان يغني 

ريتاج:: لا مو ريام ذاك اليوم جدام ابوي تقلد هاي الاغنيه

ريام::يا جذابه شوكت قلدتها 

فاطمه:: بس واني اگول اخوي رايح بيها صاير مثل العشاگ

طلع عايشين قصه وسوالف واحنه ما ندري ولج ام الصداقه 

ريام:: اشش كافي والله بعد ما احجيلجن بعدين احنه

ما جان قصدنه ردت اساعده ويساعدني بس اخوج ما تحمل

-هههههههه 

رباب:: ولج مثل قصص الافلام 

ريتاج:: مثل حب حمد وجواهر هههههههه 

فاطمه:: ظلينه ناصبين على ريام سمعت صوت رساله

اخذت موبايل ما انتبهت جايني اكثر من رساله بس شفت

رسالة جهاد گاتب حتى اطلعله كمت سلمت على البناات

وانطيت لريام موبايلها وطلعت اندك الباب عبالي جهاد 

واول ما فتحت الباب صار بوجهي فرات جفلت وهو هم

فز ظلينه واحد يدحك بوجه الثاني استحيت ونزلت راسي

رفعت عيني من سمعت وسام واكف يمنه ويتحمحم وگال

وسام::احممم هاا خويا وين ظلي ما شفناج اني ارجعج عود

فاطمه:: بعدني ما راده عليع صار جهاد وراهم واني البنات 

واگفات يدحكن علينه من باب المطبخ اريد بس فرات يوخر

حتى اعبر ما انتبه الا من صاح عليه جهاد فز ودار وجهه 

فرات:: هلا ابو الجود جيت ادورك حتى نشتغل بيتك

فاطمه:: ادحك جهاد خازر بفرات وعبر من يمه وسحبني 

ودار على فرات وحجه ويا بنتر واضحه عليه العصبيه گال

جهاد:: راجعلك 

-سحبني نمشي سريع احس نفسي انگطع عبرنه على بيته

فتح الباب وسده بقوة وعيونه صارن شراره واني جسمي يرجف خايفه منه رفع اصبعه بوجهي ونتر بيه بحده 

جهاد:: شنووو هذا فاطمه شنوو هذا واكفه بالباب

ولا مهتمين لووو مرره جلب من عمامج ما تصير سالفه 

-على كيفك والله مو مثل ما فهمت تره فتحت الباب عبالي 

انت والله وهو خطيه تفاجئ ما قصده يدحك والله ارتبكت

جهاد:: خرررب بخطيته ولجج واكف وصافن بيجج

شوفي ديري بالج بعد المحج فاتحه باب وما تخلين

فرات يلمح اضفرج افتهمتييي يلااا على البيت امشي

-عافني وطلعت واني كعدت بالگاع ابجي خايفه ادري بي

راح على فرات هسه يتعاركون كمت مسحت عيوني ورجعت لبيت ابوي... 

الفصل السابع عشر من هنا