رواية حبيبتي وضل الاسود الفصل السادس عشر بقلم مرج البحر
وصلنه لبيت اهل امي نزلنه باوعنه ع البيت اصخام هاي شنووو شصاير هنا ...
البيت جان عبارة عن هيكل محروگ وديطلع منه دخان ... يعني الحريق جديد احتمال بالليل محروكين ياستار ياربي
شصاير بيهم ....البيت فارغ مابي احد
سلطان ... سترك ياربي شنو هل قدر
نورهان ...ركضت ع جوارينه دكيت الباب جنت مرعوبة من المنظر وارجف ....فتحتلي المراة اسمها سنجين سلمت عليها وعرفتني ... سئلت ع الي صار شنو هذا ووين بيت جدي شصار بيهم احجيلي فدوة ...
كلتلي تعالي طبي داسولفلج ...
طبينه اني وسلطان ...كعدنه جابولنه جاي ومي ... جان اتكول البارحة بالليل سمعنه صريخ ابيتكم احنه كمزنه من مكانه ركضنه طلعنه بره شفنه النار شابه بالبيت واهلج جوه بداخل البيت وانحبسوا مكدروا يطلعون ....
لان ضغط الحرارة مال النار قفلت البيبات .. عسريع اتصلنه بالاطفائية والاسعاف ....احنه والجوارين كلهم طلعوا بقينه انكسر بجام البيت حتى يطلع الدخان .. اجوي الاطفائية وره 5 دقايق طفوا البيت وطلعوا جثتين متفحمة من البيت جانت لببيتج ولخالج و مرت خالج بالمستشفى بين الحياة والموت ....
اني سمعت هيج كمت ادك والطم لاااااا ياربي فدواتك ماريد اضيع الخيط الي لزمته بمعرفة امي اريد اشوفها وينها دخيلك ربي ارحم بحالي ودليني شسوي .....لزمني سلطان وبقه يهدء بيه وكلي امشي نروح للمستشفى حتى نشوف مرت خالج بلكت تكدر تحجي ونفتهم منها ....
اتشكرنه من المراة ودلتنه ع المستشفى وطلعنه ....
اخذنه تكسي للمستشفى وصلنه سئلنه وين قسم الحروق دلونه بالطابق الخامس ....
صعدنه وسلطان سئل عن اسم المريضه نطيته اسمها الكامل دلونه بغرفة 4 هناك وركضت لكيت الغرفة طبيت انصدمت من المنظر اوووويلي الله شهل منظر البشع استغفر الله اللهم لا شماته 😣😣😣 ...
شفت مرت خالي محروق جسمها كله وحتى وجها ضايع معالمه ممبينه وكوه تتنفس ....
جانوا حاطيها بمكان منعزل ومحوطيها بستائر بلاستك لان يخافون لايتلوث او يتسمم دمها بسبب الحرق ....
اتقربت منها شافتني كامت تبجي وتريد تحجي ويايه بس كوه ينسمع حسها ....
اشرتلي بيديها يعني تعالي اتقربي اكثر اني خفت بس سلطان كلي لتخافين اني يمج روحي شوفيها شتريد بلكت صحى ضميرها وتريد تحجيلج شي ...
اتقربت منها واني كوه لازمه نفسي ارجف .....
خطواتي جانت بطيئه وصلت يمها كلتلي نورهان سامحيني اني سويت ذنب كبير وظلمتكم كلكم وهسه الله عاقبني ع شر اعمالي وصار هل قدر بيه وربنه انتقم مني 😔 ....
نورهان ... احجيلي فدوه احنه شسوينالج حتى تكرهينه هل كره شنو جان ذنبه حتى اتدمرينه بسحرج واعمالج الشيطانية ....
كلتلي ..اني جنت اغار من امج غيره قاتله .... لان حظها احسن من حظي اخذت ابوج الي يحبها واني اخذت خالج غصب عني اهلي شمروني شمرة الجلب وماسئلوا عني ....وابوج اشترالها قصر لامج كبير وحلوو واني جنت عايشه ابيت جدج القديم التعبان والصغير ... جنت حاقده عليها بسبب النعيم الي جانت عايشه بي ... واني الي خليت جدج وببيتج يجون يكعدون يم امج حتى اخذ البيت كله الي واصير ملكة البيت وكمت امارس اعمال السحر والشعوذة حتى ابعد ابوج واستولى ع البيت لحد ما حققت الي اريده سويت عمل لابوج اتمرض ومات وسويت عمل الج اريد اخبلج حتى يصفى البيت بس الي واكون اني صاحبة القصر كله ....
نورهان ... مراح ادعي عليج ولا احجي شي لان يكفي ربي اخذلي حقي وحق بابا منج ...
جان تكولي اريدج تساميحتي وتغفريلي ع الي سويته بيكم 😓.
كتلها ماشي اسامحج بس بشرط ..
مرت خالي ... وشنو هل شرط
نورهان ... تكوليلي الحقيقه ... امي عايشه لو ميته اترجاجج بس احجي وكولي وريحيني لان داموت اني وصدكي وعد مني بس تحجين اسامحج واحللج هم ..
مرت خالي ... زين انتي ع شنو استندتي امج عايشة ... احنه مو كنالج من كبرتي امج ماتت من ولدتج ..
نورهان ... اي انتوا كلتولي هل شي بس الحقيقه غير شي ... اني داحلم يوميه نفس الحلم ديتكرر عليه ... ابوية ديجيني بالحلم يكولي الحكي امج مخنوكه ومحتاجه مساعدتج .....فهميني شنو معناتها الله يخليج 😭
مرت خالي .. 😔 ..
هل ذنب بالذات دمرني و وصلني لهذا الحال
نورهان ... ليش جاوبي فدوة احجي ... شفتها كوه تتنفس حسيتها اختنك .. لا يالله فدوة اروحلك مد بعمرها خليها تكمل حجي دخيلك ربي بجاه محمد واهل بيته ساعدني خلي اعرف الحقيقه قبل لتموت 😭😭😭
كلتلي امج عايشة مماتت مثل مگلنالج ...
نورهان ... 😳😳 ... باوعت ع سلطان كتله سلطان امي عايشه ولك دتكول امي عايشه مميته
سلطان ... يالله الحمدلله والشكر دكوليلها وين نلكاها عسريع ....
نورهان ... كملي فدوة اروحلج وين امي بيا مكان هسه هيه اريد اشوفها اريد احظنها حموووت احجي .
.مرت خالي ... اول ما ولدتج اتفقت اني وخالج ناخذها ونحبسها بالسرداب مال بيت جدج القديم حتى نتخلص منها وفعلا بنفس اليوم اني اخذتج ... وخالج اخذ امج للبيت القديم وربطها وسد حلكها وشمرها بالسرداب وبقت هناك طووول هاي السنين جان خالج يروحلها يوديلها اكل وشرب ويشوفها شمحتاجه ويرجع ... وكذبنه ع ابوج وببيتج وجدج كنالهم ماتت اول مجابتج ....
نورهان ... اصخام الصخمج 😱😱 ..
ولج انتي شنو من بشر ... لا انتي شيطان ماكو اي صلة بينج وبين جنس البشر ... حسبي الله عليج يامجرمة حرمتيني من حظن امي و وهمتينه انو هيه ميته وهاي اني طول هل سنين باقية بحسرة شوفة امي ليششش الله ينتقم منج 😭😭😭......
بس فرحت والله من ربي انتقملي منج ... ومانسه فضله ابد ....
كتلها هسه بعدها بلسرداب زين الحريق شلون يالله اخاف ماتت ... كتله لسلطان امشي عسريع نرجع للبيت اوووويلي خررب حظي ..
طلعنه ورحنه للبيت وصلنه نزلت وطبيت للبيت واني جسمي كله يرجف مثل السعفه البيت مرعب من قبل انوب هسه محروك صاير انكس يخوف ....
اختنكت من ريحة العطابة والدخان ....
سلطان جان حاظني ويمشي كتله تعال السرداب جوه الدراج هناك ...
وصلنه شفنا بي قفل سلطان جاب حديدة وكسر القفل .... فتح الباب ونزلنه جوه شغل افلاش التلفون لان ظلمة هندس .....
حسيت بقشعريرة حسيت جسمي ثلج دمي جمد بشراييني .....سلطان كلي حبيبي قوي قلبج لتخافين اني يمج امشي ....
نزلنه بأخر درجه وصلنه للكاع بقه سلطان يضوي المكان بضوة الفلاش ... جنه كوه نشوف المكان ... جان المكان بي غراض قديمه والعاب مكسرة ... وسرير بي سلاسل 😳 يالله مشينه شوية وجان اشوف 😱😱 ..
