رواية زوج اختي والماضي الفصل السادس عشر بقلم مجهول
حمزة" قبل العشة بربع ساعة ورة الصلاة المغرب نزلوا سيف ومرته راضوا أهلي وكالوا بعد من عزل وراح نرجع
مثل قبل بيت واحد وجدر واحد
فرحت حيل وأخيرا حققت رغبه اهلي كلها فرحت بهذا الخبر أمي باوعتلي مستغربة؟! شلون تغيروا وصاروا
خوش اوادم ورجعوا مثل قبل ؟
غمزتلها وضحكة ......خبيثه على شفايفي هي افتهمتها على الطاير كامت رشا واخلاص وسارة صبوا العشة رامي جاب السفرة مدها بالأستقبال
كعدنا ناكل امي خطيه فرحانة حيل أعرف بيها ماتكدر تفارك واحد من عدنا متعلقة بينه كلش وره مكملنا العشة
جابوا الجاي مشربت
كمت طلعت كعدت على الدرج طلعت حساب زهراء على تيليكرام جان محذوف ضجت وتالي وياها هاي من كلشي مامخليتلي خط رجعة بس أني الها بعد
أيام راح اشتغل عليها
طلعت أمي من المطبخ
حمزة كوم بدل راح نروح لبيت خالك
حمزة باوعتلها "
ربع ساعة واكون عندج
هي راحت دخلت الغرفتها واني صعدت فوك ابدل بسرعة بدلت ورشيت عطر باوعت على شكلي بالمراية حلو اخبل صاير
جا شبيج زهراء معميه العيون من
عندي ماتشوفين كل هل الوسامة والجمال نزلت جوه لكيت اخلاص شايله مصطفى فتحت ايديني كلت بضحكة
_ انطينياه خل ابوس
_امشي امشي ولك مخلي عطر يسطر لا يتمرض منوراك
_ شنو والعطر من شوكت يمرض ؟
_يمرض والله هو بعده طفل صغيرون ويرضع
حليب فٕ اخاف عليه يكرف من العطر
_يكرف شنو ؟
صاحت امي من عتبة باب غرفتها "
ولك مو زبرتك من العطر القوي هسه يكرف
مصطفى امشي اطلع بره امشي
حمزة _من وين جبتوا هالكلاوات انتو طفل
يكرف من عطر بس شنو يكرف ؟
اخلاص _ معناها يتمرض ويموت عرفت هسه
حمزة _ يمه يموت أعداء ابوك ولا تموت طالع يابه طالع
امي_هذا العطر ينشمر بالزبالة سمعتي سارة من
نرجع مااريد اشوفه بالغرفة
حمزة _ شتريته بالخمسين الف شنو تشمرينه بالزبالة
أمي _ انعل ابو الخمسين ألف هم شي عندي مصطفى
حمزة _ محد يقترب الاغراضي والعطر بعد ما اخلي منه وخلص
أمي _ ماشي ولك اطلع راح اختنك من وراك .. بس
أريد شلون ما تختنك من هل الريحة القوية
اخذته اخلاص ودخلت الغرفة أهلي سدت الباب سارة ورامي كاعدين واحد بصف الثاني على كرويتة ابوي
يباوع أخبار ولا على باله الروحة
حمزة _ متعود عليه انتظركم بره
طلعت بره شعلت جكاره اخذ منها نفس كملت الجكاره اجوي أمي وابوي شمرتها بالكاع فتحت ..... باب السيارة صعدت صعدوا ابوي بالصدر امي اليورة كعدت
اجه رامي فتح الباب ....نزلت السيارة سيارة ابوي جانت بره راكنها كبال باب سيارتي ادخلها أخاف من الجوارين
يسوون بيها كارثة لأن يطلبوني ثار قديم
طول الطريق أمي وابوي يحجون على رشا وسيف وتغيرهم المفاجئ واني اضحك ماكلت سويت شي وخوفتهم
كلت لكتوا كلتة لهم بحرف
الواحد ، صدكوا بسرعة وصلنا البيت خالي طبكت السيارة كبال الباب على الرصيف الشارع دكينه الباب طلع خالي سلمنا عليه دخلنا جوه عيوني تدور على محمد النذل
اجوي واخوانه الصغار ...... ومرام سلموا وامه كذالك سلمت احس بيها تعبانه خطيه جت مرام قدمت المي وراها جابت العصير بقوا يحجون عن مرض مرت خالي
كالوا راح تشيل المرارة مالتها لأن ملتهبه والعملية بعد اسبوع اجت كعدت بصفي على الكرويته مرام استغليت الفرصة وكمت احجي وياها بصوت هادئ لأن أمي بصفي كاعدة
على الكرسي واني على الكرويتة
_مرام محمد وين ؟
_محمد طلع بره صارلة نص ساعة
_تعرفي شوكت يرجع
_لاا وآلله ليش تسأل عليه
_ جا غير هو حبيب القلب
_مبين صارلك شهر كامل ما متواصل ويا خوش حبيب هذا
_ انجبي شمعرفج بظروفي
أمي _ لعد محمد وين ؟
ابوه لامحمد _ والله طلع صارلة نص ساعة يكول
عندي شغل بالاستوديو بالليل
أبوي _ احسله يشتغل ولا يطلع طلعات قذرة
ابو محمد _ اني ويا شوفت عينك ارزل بي واحجي مايفيد بس صارلة يومين مستعدل بالكت الله
يستعدل ويجر عدل
امي _ يعدل بس زوجة انت وشوف شلون تضبطة المره
ابوي _زوجه ليش مخلي هيج يوميه بمكان قذر يروح علمود.. استغفرالله بنية كبالي مكدر احجي
امي _ شوفوله بنت عالم وناس بلكت الله تعدله
ام محمد _ والله كلت يا رجال زوج للولد بلكت يكعد يم مرته ويسكت بس هو مي قبل شسويله أني
ابو محمد _ نفترض زوجته المره ماتريد تطب
وتطلع منين يجيبلها هو صايع بالشوارع
حمزة _ اقطع كلامك خالي بس محمد دا يشتغل بالاستوديو تصوير ورزقه خير من الله شلون تكول عليه صايع
بالشوارع لا هنا ما اسمحلك خالي
امي باوعتلي مستغربة وكالت "
حجي حمزة صدك لولد دا يشتغل وهسه بنص الليل
ودا يشتغل معناها حس على روحة
حمزة _ جم يادوب يبقى قابل صايع ويركض وره سوالف المكسرة هسه اكيد ستعدل
ابو لامحمد _ الله يسمع من حلكك يابه
حمزة _ اسألوا عندة وحدة بالة لا قبل لا تدورون على بنية
ابو لامحمد _ وين اكو باله هذا بس حجار
حمزة _ شمدريك خالي لا تستهين بي
أمي _ حجي حمزة صح اسألوا للولد واعرفوا عنده
لا واذا ماعنده ندورلة على وحدة
_الله كريم
حمزة اجاني مسج طلعت الموبايل من جيبي جان محمد دازلي فتحت المسج جان كاتب تعال بره واكف
كبال الباب مالتنه
ابتسمت كمت امشي حجت امي وراي "
هاا وين كايم ؟
التفتت عليها"
عندي اتصال مهم ربع ساعة وراجع
مردت علية طلعت بره أمشي سريع وصلت كبال الباب فتحته ابيدي طلعت صار كبالي جان لابس بنطرون ثلجي
وتيشيرت وردي فاتح نصردان
_هااا حيوان اجيت ركض
_ايي ركض هههههه
حضنته وحضني باللهفة صدك احبه كوماات طلعت ماتوقعت بعد شهر هلكد يولد حب واشتياق بيناتنه بعد عني رحنا
وكفنه بصف السيارة مالتي
_ هاي السيارة ؟
_ايي شلونها
_حلوة ألف مبروك تستاهل ضلع
_الله يبارك بيك يوم لالك ان شاءالله
_وين اكو
_تفائل بالخير تلكاه كبالك
_نتفائل ونكول الله كريم
_الله كريم تونه بطاريك
_خير ان شاءالله كصوني وانطوا بي مثل كل مرة
_كنه لاهلك يشوفولك مره
_مره شلي بيها
_متريد تزوج ولك
_لا مااريد اتزوج هسه يمعود عوفني راسي بارد
_وليش الزواج مو حلو
_يلعب النفس حليب حفاضات مره تتحكم
براسك يمعود شلي بدوخة الراس
_صدك
_ايي والله ولا مفكر بالزواج هسه اريد اكون
حياتي يلا افكر بالزواج
_براحتك بعد بس أنت دا تمشي وره سوالف مكسرة
وكل المنطقة تعرف أنت شنو ومنو
_ أعرف وطزز بالمنطقة كلها مايهموني المهم أني اعرف
نفسي أحسن من بعض أهل المنطقة
_ اكو كوارث بالمنطقة وكل واحد منهم يطلع سيد
براسك يصير ودخل بيته وشوف شكو
_ تشوف هذا البيت اللي مطبق حجر
_ايي اشوفه شبي ؟
_ ابنهم الصغير نهب وي بنية من المنطقة وبالدفرات
يلا حلوها وهسه مزوجها ومنجب
_صدك ولك مو بيت الشيخ هذا اللي مرات يقرأ بالحسينية
_ ايي هو نفسه انوب كل مايشوفني يكول شوكت تصوم وتصلي وتصير خوش ادمي وتبطل سوالف المكسرة بهاي سوالفك تجيب العار لاهلك
_عمي هذا حاله حال بعض الأشخاص يسترون بالدين
_ايي والله
_وهسه ما تفكر تصلح وتترك الشرب والنسوان
_ والله تريد الصدك
_ايي
_ افكر اترك الشرب ونسوان واشتغل شغل ثاني علمود اجمع جم درهم اكون حياتي جم يادوب أبقى هيج عار
مو الجهال احسن مني صارت
_عفيه عليك وأني أساعدك بكلشي حتى اذا تريد شغل اخلي أبوي يشوفلك تعيين بلكت الله يطلعلك مثل ما تطلعلي
_والله يسوي فضل وينقذ رجل من الفساد
_ هههه فاسد ما تصيرلك جارة
_هههه وعاد انت سيد رسول الله دسكت
لا تخليني اطلعهن وازين شاربك
_ انجب حيوان خليهن نايمات
_ههههه نايمات والله ..ماكلتلي شوكت تجيب ام الصوفي
_اممم شتكول اجيبها بهل الشهر لو بغير شهر
_اني أكول جيبها بهذا الشهر لأن اخاف تاخذ
وتخليك أنت وصوفي
_ طلقه براس الياخذها مني
_كفو بيعد روحي
_ ولك اسمع اريد اوصللها هسه بس معندي أي وسيلة شلون اكدر اخوفها واخليها تقبل بي
_والله شغلتك يحتاجلها تفكير طويل
_اعرف لذالك اني عندك دورلي خطة معدلة مثل وجك المعدل
_ خل افكر بلكت تجي وحدة بالي
بقيت صافت علية ......بلكت الله يطلعلي بخطة حلوة وتجي بالمكان لأن مليت من الأنتظار ...
محمد _ولك لكيتها والله
_ياالله شنو هي
_ اعرف سحار هنا بالمنطقة يروب المي من ماهلكد شغلة قوي
_ استغفر الله انوب اسحور علية شتريد يكولون
علية ام عباس السحارة
_ شكو بيها اذا سويت سحر للبنية علمود تقبل بيك وتحبك
_ هو الله بعدها عني وتريد السحورة تردها لي
لا يابه لا مااريد أسوي سحورة
_ انجب لعد ماكو غير هاي الخطة
_ خلها على الله
_ونعم بالله بس هاي وسيلة سريعة والله واغلبية
الشباب دا يسوون عندة
_خلولي هذا واحد نصاب دا ينصب على العالم وياكل فلوسهم وين أكو سحورة تسخر القلوب وتخلي اللي يكره يصير
يحبك يابه هاي كلها خرافات واكاذيب
_ أني اصدك بي
_اذا تصدك بي سوي لاهلك بلكت يكومون
يحبونك ويشترولك كلشي تريده
_ هم فكرت بيها بس طلب ٥٠٠ ألف
_ هههههه ٥٠٠ ألف على شنو والك والله نصاب
هذا بس ياكل فلوس
_ هواي عالم سألتهم علية كالوا شغلة خرافي
وهواي مسويلهم أمور
_هذولة العالم تلكاهم من طرفه
_ولك لاا ..
_اشش سد على الموضوع وكولي سويت ماسويت بهاي الفترة
_كلشي مسويت من الأستوديو للبيت
ومن البيت للملاهي كاضيها
بقيت احجي ويا ما حسيت على الوقت إلا
طلعت مرام من الباب صاحت
مرام _حمزة تعال ادخل جوه اهلك يردونك
حمزة _ الله يلعن الشيطان شلون نسيت هسه يشكون
بي وياك ولك ولي منا بسرعة
محمد _ هو راح اولي ههههه جبان طلعت
حمزة _ مو جبان والله بس مااريد اطلع مو
خوش ادمي كبال ابوي
محمد _ هههه وعاد انت ادمي
حمزة _ ادمي بعيونهم
محمد _ أنت انكس مني بألف مرة
حمزة _ ومنو يدري
مرام _ اححم أني ادري
حمزة وكفت كبالها رفعت ايدي
حمزة _ اجيبج بطراك هسه
محمد _ جيبها وانطيك ألف
مرام _ هاي عود أنت اخوي هيج تكول المفروض تكسر ايده
حمزة _ حيوانه أني مو اخوج الثاني
مرام _ مو اخوي ابن عمتي
محمد _ اخوج وغصبا عليج ويلا طبي جوه
طنكرت طبت جوه حمزة ضحكت وكلتله
حمزة _ عفيه عليك والله صاكرها
محمد _ اصكر عشرة منها مثل ما أنت صاكر اخواتك
حمزة _ ويني مالي كلمة وياهم هسه
محمد _ شعجب ولك
حمزة _ البابا والماما مايقبلون أحد يحجي وياهم بكلمة وحدة
محمد _ اويلي من عمتي سندس صاكرة رجلها صكر ههههه
حمزة _ ولك حتى أني صاكرتني بس تخزرني اموت
من الخوف مدري عليمن طالعة تخوف
محمد _من اسمها سندس تخوف ههههه
حمزة _ ههههه ربي يديمها ويديم اعصابها علينا ههههه
محمد _ أمين هههههه رايح أني في أمان الله
حمزة _ الله وياك يابه
حمزة دخلت ...جوه سألوني ليش تأخرت ساعة كلملة كتلهم جنت احجي وي المدير المدرسة لأن عندة شغل
وراها حجيت وي واحد من ربعي
صدكوا وراها رجعنا على البيت كبل بدلت ونمت مرت اربع أيام طلعت من الحمام بطرك الشورت كعدت على
الجرباية انشف شعري بالمنشفة
ندك الباب صحت .... منو
امي _ اني يمة
_تفضلي يمة
دخلت سدت الباب وراها تباوعلي مبتسمه
_نعيما
_انعم الله عليج تفضلي عليش واكفة
كعدت بصفي نزلت ....المنشفة اباوعلها مستغرب شكلها بس يتبسم واحس بحلكها اكو كومة حجي
_يمة اريد احجي وياك بموضوع مهم
_اي يمة احجي شنو هالموضوع ؟
_ والله يايمة أريد اشوفلك بنت حلال تلمك وتلم وليدك وياك عرف هسه مو وقتها بس أنت رجال وعندك ولد والولد يرادله ام تداريه و جم دوب يبقى عندي وعند أختك
حمزة فرحت بقلبي الحمدالله طلعت منهم ولامني اني اخذت نفس سويت روحي حزين عود
_ شراح يكولون أهل مرتي مصدك ماتت بنتنه وكام يدور وره الاربعين على وحده غير لا يمه لا عوفيها وره
دايرة السنة احسن
_ مو حجيت وي أهل المرحومة الصبح
_شحجيتي وياهم ؟!
_ كتلهم أريد ازوج حمزة علمود وليده جم
يادوب يبقى من ايد الايد
_وشكالوا ؟
_ابوها كال من عندي المره الحمزة
_لحظة لحظة ابوها هيج كال ؟!
_ ايي والله هو هدالك وحدة من بناته الآثنين كال ابن اختهن وهن آولة بي من الغريب الغريبة شنعرف عنها تداري
ابن اختهن خل يجي ويختار وحدة منهن
حمزة بس ماردت اكوم اركص من الفرحة ماتوقعت أمنيتي راح تتحقق بهل السرعة وابوها بنفسه كال تعال
واختار لاا ما دا استوعب
_ احلفي
_ والنبي كال هيج روح اسأل ابوك هو سمع كلشي
بإذانه وكال نكول للولد والله كريم
_ مدام هيج كال أني موافق اتزوج....
_لحظة أني مخليه عيني على زهراء عجبتني من يوم الحنة مالتك وي المرحومة وتمنيت لو هي ماخذينها بدل المرحومة بقت بقلبي وشوف الله شلون دارها وجابها لي مرة لخ اختار زهراء احسن هذيج طفلة صغيرة عمرها ١٤ سنة
حمزة بس ماردت اكوم ابوس امي بس دكيت ثكل
ماتوقعت اختيارها مثل اختياري
_واني مخبل بعد أخذ وحدة طفلة هو أني هم كلت زهراء جبيرة بالعمر وفاهمه وداركة الحياة زين وثاني شي تحب مصطفى هواي وكل يوم تتواصل وي اخلاص وسارة
علمودة فا تداريه أكثر من غيرها
_ هسه اكول اختيارك بمكانه اجه ان شاءالله بعد
يومين ننطي خبر لابوها وراها الله كريم
_شي يومين يلا ؟
_ أبوها اليوم رايح الكربلاء زيارة ويباتون هناك
فـ كلت من يرجع انطي خبر
_اي احسن
كامت _ اني طالعة اسوي العشة
طلعت امي كمت بطولي طاير من الفرح ماعرف شسوي راح اوصل الزهراء بسهولة بدون ما اتعب روحي حتى لزمت الموبايل وخابرت محمد كعدت على طرف
الجرباية انتظرة يرد رد بسرعة
_ هاا ولك شعندك داك
_ أسمع ولك آحلى خبرية تسمعها بحياتك يمكن
_ يالله سمعني
_ام مصطفى راح تجي بهل الآيام
_ جذاب مصدك بيك
_والله العظيم دا أكول الصدك
_شلون قبلت بيك وهي تكرهك ومنا أنت رجل اختها
لحظة بس لا سويتلها سحورة وجبتها للدرب
_دنجب ياسحورة ابوها كايل لاهلي خل يجي
حمزة يختار وحدة منهن
_ ولك كاعد حظك والله ماصدك اكو هيج ابو
يهدي بناته لزوج بنته المرحومة
_الله يحبني هي كوه مايريد يعذبني هههههه
_ هو الخبيث من الله يحبه ويحقق كلشي له علمود يشوف
وين توصل ويا بلاخر بس هنيالك
والله كعد حظك وآخيرا
_وآخيرا راح اكسر خشمها اليابس واحطم كبريائها العالي
_ولك لا تعذب حياتها وياك خليك خوش رجال ودللها وانطيها حب ورومنسية وخليها تاج على راسك وبطل
سوالف الانتقام فدوة رحت الطولك
_ ولك شغيرك أنت
_ والله تغيرت وشفت الدنيا ما تسوى شي طلعت
_من شوكت أنت تفكر هيج
_من اليوم صرت أفكر هيج ولك قبل ربع ساعة شفت حادث صار كبالي شباب بعمري وعمرك راحوا جوه التراب بالمح بصر وطلعت الدنيا مبيها أمان وراح اصلح
واترك كلشي والله العظيم
_ ألف الحمدالله الله هداك أبقى تمشي بهذا الطريق
وان شاءالله الموفقية من الله
_ان شاء الله وأنت اذا تزوجت فدوة رحتلك عاملها بحب واحترام تره أنت المذنب والله وخليتها تكرهك
بالماضي لا تنسى هذا الشي
_ حرامك اذا مسويلها شي
_ حرامك زين اذكرك لو لا
_ههههه لاا
_لعد انجب وخليك خوش أدمي واكعد راحة وعش
حياتك وي الانسانة اللي تمنيتها قبل
_منو كال جنت اتمناها
_لا تغشمر بروحك أني ادري بكلشي ترى
_ مدامك تدري مكدر انكر بعد .. أنت وين هسه
_بالشغل والله .. لحظة جاي .. حمزة راح افصل
الخط عندي شغل
_ اوك باي
_بايات حبيبي بايات
زهراء رحنا ..... ويه بيت أبوي لزيارة الكربلاء المقدسة نبقى هناك يومين الله جانت الزيارة من العمر من زمان مرايحين لكربلاء والزيارة صارت على حساب أبوي
متفاجأين كلنا هاي .....آول مرة يطلعنا لمكان وعلى حسابة كلشي وحتى انطه مصروف لامي ٥٠ ألف وبيبي ٧٥ ألف لي ٢٥ ألف ريتاج هم انطاها ٢٥ ألف
اجرنه فندق .....اني وبيبي وامي بغرفة وبيت ابوي بغرفة ريتاج وحسين اجروا غرفة لوحدهم بالليل نزلنا
اني وأمي بيبي كالت ما أنزل تعبانة
رحنا على السوك اشترينا ملابس بلون الأسود لأن احنى راح نلبس أسود لسنة كاملة ..... على أختي الله يرحمها اشتريت ساعة الهند ولاختي شال ورجلها تيشيرت رصاصي
نص ردان والجهال ملاعيب
اذكرهم مثل ما يذكروني وحلويات كذالك اشتريت وراها رجعنا على الفندق على الساعة بل١٠ .....ونص بالليل راسن نزعت العباية ونمت قبل امي تعبانة حيل
مرن اليومين بسع .... بسع رجعنا الصبح على النجف الاشرف كلمنا راح على بيته بدلت وسبحت أمي راحت تسوي الغدة ريتاج تمددت على الجرباية حسين
كعد بالأستقبال يتابع اخبار على التلفزيون بيبي نامت تكول تعبت برغم الطريق قصير حيل بين النجف وكربلاء
كعدت اعزل بالاغراض كلمن واغراضة
طلعت حلويات .. لبيت عمي اذكرهم مثل مايذكرونا كلما طلعوا لمكان لبست العباية وطلعت وديت لهم الأغراض ورجعت حسين توه يلا شافني لابسه العباية
_وين جنتي ؟
_ ههه توك يا شفتني
_اي والله توني وين جنتي
_وديت اغراض لجبناهم لبيت عمي
_ هاا فدوة زهراء جيبيلي عصير بارد اشو ستحريت
_هسه
نزعت العباية وديتها بالغرفة علكتها ورة الباب جنت مخليه تعلاكة اعلك بيها ملابس طلعت سويت كلاص عصير جبير الحسين وديته ورجعت أساعد أمي بالمطبخ
العصر جنه كاعدين بالاستقبال كلنا ندك الباب كام
حسين فتح ودخل هو وابوي جان يكول
_السلام عليكم
ردينه _وعليكم السلام
_شلونج يمة
بيبي _الحمدالله يمه بخير تفضل
كعد واني كمت جبت مي قدمتله شرب خليت الصلاحة مي كبالة حسيت ....... المبردة خلصت مي كمت طلعت جريت
الصوندة وكفت بصفها اترسها مي
نترست جريت الصوندة خليتها على الحديقة صدك حارة برغم الدنيا العصر جانت الساعة بال ٦ دخلت جوه ويه كعتي سمعت ابوي كال راح يجونكم خطاب باجر ان شاءالله على زهراء
زهراء من كال هيج حسيت قلبي ايد وعصرته عصر بلكوة كام يدك دكاته ردت أمي قبل لكل
امي _خطاب منو يجي هسه خطاب واحنا حلوكنا
متروسة دم مصارلنا شهرين من دفنه بنتنه
ابوي _ المات مات والله يرحمة والدنيا ما توكف على احد
حسين _ شتقصد يابه بهالكلام
بيبي _ صدك جذب عود انت الجبير هيج تحجي ولك هاي بنتك مصارلك شهرين من دفنتها ودا تريد تزوج أختها
أبوي _ مو دا اكول الدنيا ما توكف على الميت هسه انفال ماتت والله يرحمها واحنىالأزم ننسى ونكمل حياتنا
ونشوف نصيب بناتنا
بيبي _منو هذا لاجه خطاب ؟
أبوي _ بيت أبو سيف يريدون زهراء الحمزة
رجل انفال الله يرحمها
زهراء فتحت عيوني على وسعهن ....... من الصدمة ماكدر أستوعب شلون ابوي وافق بزوج أختي وشلون يتجرئون يتقدمولي ويتوقعون أوافق
بيبي _شلووون ؟!!
حسين _صدك هذولة مخابيل مابراسهم عقل
امي _ ما انطي بنتي أني لرجل اختها
أبوي _ وامشي بكيفج أني البنية بنتي مثل
ما بنتج وأني انطيت كلمة لهم
امي _كلمة شنو انطيت ؟
ابوي _ موافق وشوكت مايجون هلا بيهم المره صارت مرتهم
بيبي _ وانت شلون تقرر من كيفك
حسين _ شلون تأخذ القرار من كيفك ليش ما كلتلنا
قبل لا تكول لهم ....شنو رأيي البنية تقبل لا
أبوي _ اعتقد زهراء مراح تكسر بكلام ابوها وتنزل من هيبته كبال العالم وثاني شي مابيها شي لو اخذت رجل أختها المرحومة وثالث شي تاخذه علمود تربي ابن
اختها هي آولة بي من غيرها
زهراء .. كلام ابوي مثل السم وينزل على بلعومي كوه ابلع الكلام ومكدر ارد عليه لو اصرخ بنص وجه أخاف منه وثاني شي احترمه لأن أبوي لجابني على هاي الدنيا
كمت بسرعة رحت . ركض على الغرفة سديت الباب بهدوء ودموعي تنزل مثل الشلالات المفتوحة كلام أبوي
مثل الدوامة احسه يفتر فوك راسي
اسمع تعاركوا صياح ابوي صار عالي ويكول ، البنية بنيتي والله ولاسمه الله هسه اسحبها منكم بس تحجون كلمة وحدة ،يمه أنتِ ماعليج أني ابوها وأريد مصلحتها
ومصلحة أبن اختها
نزلقت للكاع كعدت على ركبي ابجي خليت يديني على وجي وابجي بصوت منخفض اسمع بيهم تعاركوا خليت
ايديتي على اذاني مااريد اسمع
ابوي كام يغلط ويسب بأمي وحسين بيبي حجت جم كلمة وراها سكتت ابوي كال بصوت عالي
_ باجر يجون علية وانتهى الموضوع
وراها أختفى الصوت تماما صار هدوء يعم المكان كله خفت لا صار شي بس ماهتميت بقيت بحزاتي ومشغولة
بالبجي اريد بهالحظة اموت واخلص
حسيت للحظة انفتح الباب وانوب انسد شخص اجه كعد بصفي
خله ايديه على كتوفي حجه بصوت حنون
_زهراء اسكتي لا تبجين أني اخوج ومراح اخلي
ابوي يزوجج لشخص متردينه
رفعت راسي باوعت بعيونه كلها حنان وحب راسن حضنته وصرت ابجي .بصوت عالي هو يهدئ بي
ويطبطب على ظهري
_ أستغفر الله العظيم هسه شدعي عليك يابه
شدعي من هيج سويت بينه وبتك
وره دقايق بعدت عن ... حضنه ابجي حجه وياي وكالي كلام ينطيني أمل مراح يقبل يخلي أبوي ينطيني الحمزة وراها
طلع اجت امي وبيبي ريتاج
لعندي بالغرفة يحجون ....... وياي أمي تبجي حالها من حالي تكول ،مالي كلمة وياي والله حاولت احجي سكتني وكال بنت بنتي وراح اسحبها بس ما توافقون
بيبي مثل شي تكول مالي كلمة ويا حجيت جم كلمة كام يصيح ويهرج مثل الثور الهايج تكول هو اللي منطيج لهم بيت
ابو سيف ماكايلين نريد مره منك
يعني أبوي هداني مثل مايهدون الهدية لأي شخص اني ابو شمرني بين ايدين حمزة بين ايدين لشخص اكرهه شخص دمرلي حياتي بالماضي
شخص جان يحاول ينزع أغلى شي عندي ينزع شرفي شلون هيج تكسر بي وتقدمني على طبق من ذهب الحمزة بكل هالسهولة شلوون يابه شلوون ،؟
صار المغرب كمت توضيت وصليت بقيت اقرأ قرأن دخلت امي وكفت كبالي ملامح الحزن واضحة على
ملامح وجها الشاحب
_ كملي وتعالي تعشي
هزيت راسي لها بمعنى ماريد اخذت نفس طويل زفرت وكالت
_أستغفر الله
وراها طلعت كملت قراية قرأن (صدق الله علي العظيم
كمت خليت القرأن بالمكتبة لمعلكة بالحايط
رجعت لفيت المصلاية
رحت على البوفية جريت الفراش والمخدة بطانية خفيفه نزلت الغرفه جان الجو حلو لاهو بارد ولاهو دافي المبردة والبنكة مسويات جو الغرفه حلو كلش بس ما مستمتعة بي
نطمرت بفراشي احاول انام مكدر ورة ساعة مدري
أكثر دخلت بيبي اسمعها تكول
_الله لاينطيك ابو حسين ليش هيج سويت وكسرت
قلب بنتك بيش طالب البنية بيش
من هيج كالت نزلت .دمعتي صار الليل وحشة علية لاني اكدر انام ولا كاعدة ارتاح من التفكير صارت
بي عيوني انفال
تذكرت كلامها من كالت ابني امانة عندج ديري بالج عليه زهراء ما امن عليه الا عندج أنتِ، رجعت تذكر تصرفات حمزة وياي
اريد تصرف حلو واعي علمود اخذ نظره حلوة عنه بعقلي
ماكو شي كل اوراقة عندي سودة مصخمه
ماكو ورقة بيضة
اذن اذان الفجر كمت صليت وقريت قرأن رجعت نمت مكعدت احد من أهلي مكدر اخلي عيني بعين واحد منهم
واحزنهم الصبح كعدت غسلت
اصلا عيني ما غفت .. دقيقة واحدة طول الليل
سهرانة بفراشي ودموع تهل
اخذت نفس طويل زفرت بتعب اباع بيبي وريتاج امي دا ياكلون الريوك بالاستقبال صاحولي مالي نفس أكل كتلهم
ماريد حجت علية امي وبيبي
ماكو أي فائدة وياي طلعت بره بالحديقة كعدت كبال شتلة الورد باللون الوردي صغار اقطف ورد واشمر بالكاع
انتبهت على ايد على جتفي
_ زهراء شبيج
التفتت جانت ريتاج
_ مبي شي
كعدت بصفي وكالت
ادري بيج مقهورة علمود عمي هداج الحمزة وادري بيج متريدينه ومالج نفس برجل اختج
_ لو احجي منا الباجر محد راح يسمع
_ صح محد راح يفكر بيج غير أهلج بس هم
ايديهم مربطة هسه
_ اي اعرف بس هذا قرار مرته والله ادري بيها
تريدني اخذ حمزة علمود ابن انفال
_وانتِ شعليج بالطفل
_ هاهية بعد شافوني متعلقة بي هو هم متعلق بي
كالوا ننطيها له تصير أمه
_ تريدن الصدك حمزة خوش ولد امانه الله ليش متقبلي بي
باوعتلها مصدومة من كلامها
من كل عقلج دا تحجين ؟
_ اي والله
_ مالي نفس بي شلون تقبلينها ازوج زوج أختي
شلون واكون بمكانها
_ مبيها شي هواي نسوان اخذوا ازوج اخواتهن وثاني شي خطيه ابن اختج منو له اذا حمزة اخذ وحدة غريبة
تعذب الطفل وياها
_ كل همكم الطفل يتعذب ماهمكم اني اتعذب
_ والله العظيم مو هيج بس حمزة واهله ناس طيبين كلش وراح يدللونج مراح تتعذبي بشي
_ لا اتعذب اذا قبلت
_ ليش تتعذبي قابل حمزة يكرهج
كمت وكتلها بدون وعي
يمووت من عندي
مشيت من يمها دخلت جوه بالبيت صارت الدنيا العصر اخذت العباية وطلعت الوحدي لزمت شباك الامام وبقيت
ابجي وادعي يخلصني من حمزة
ويهدي ابوي علية ويبطل ما ينطيني الحمزة ساعة ورجعت على البيت وي.دخلتي للاستقبال لكيت اختي
فاطمة وجهالها يمنه
من شافتني كال _ اهلا بزهورة تعالي
رحت عليها حضنتها هي وكاعدة _شلونج فاطمة
ردت _الحمدالله أنتِ شلونج اخبارج
فاطمة _ وين جنتي ولج
نزعت العباية كعدت بصفها على الفراش رديت عليها
_رحت ازور
_ زيارة مقبولة حياتي
_تقبل الله اعمالج
_ سمعت جاينج خطاب
_سمعتي لو تعرفي
_ لا اعرف وابوي كالي البارحة بالليل
_ خابرج ؟
_لاا اجاني هو ومرته والله
_شعجب ذكروج
_ ذكرني بعد وكال أنتِ رافضة حمزة متريدين تزوجين هسه علمود مصار هواي على موته انفال الله
يرحمها صح
_آولا نعم بسبب مصار هواي على موتت اختي وثانيا
شلون لي نفس برجل أختي
_ ترى الحياة متوكف ورة الميت هو راح الدار حقه
واحنا من بعدة نكمل حياتنا ..
_لحظة لحظة انتِ موافقة ؟!'
_اني حجيت وي بيبي وامي وحسين وكتلهم حمزة خوش ادمي وثاني شي ابن اختج لمن تعوفينه بلا تعوفينه
جوه الايدين ؟ كولي
_ صدك جذب أنتِ وياي لو ضدي واني شكو بابن
اختي مو عندي أهل....
_ انجبي شنو عنده أهل هسه هو من ايد الايد اخلاص مدايمة مو اليوم باجر تزوج وامه مره جبيرة بالعمر وينها وين المدارة مصطفى ويعني واذا زوج اختج قابل آول وحده
لو اخر وحده بهل الكون ...
_بس اني ....
_انجبي زهراء وفكري بلآول بضنه أختج قبل لا تفكري بروحج
_ وليش افكر بالطفل اهم شي نفسي والله
كمت تباوعلي كتلها بعصاب
ماريد حمزة فهموا
_ليش متردينه ؟
_اكرها حيل
دنكت اخذت عبايتي دا امشي وجان ترد علي
باية قرأنية من سورة البقرة
_وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون
وكفت التفتت عليها ورديت "
صدق الله العلي العظيم صدق قول
الله بس حمزة شر لي
دخلت جوه اسمع بيها تحجي وي أهلي تكول هاي خبله لو بيها شي شبيها تكره حمزة هيج شمسوي الرجال قابل
ابتلى طلب ايدها بالحلال
سديت الباب بقوة شمرت العباية بالكاع بقوة راح انجن شلون أهلي كلها صارت بصف حمزة البارحة كلها جانت
طابكة وياي شسالفة ؟
كعدت على الجرباية اهز برجلي روحي طاكة احس الدنيا كلها صارت ضدي ماكو أحد يدافعلي حسين امي بيبي
ريتاج كلها تكول اقبلي
ياربي شنو انقلبت الاية وصارت عكس اخذت نفس طويل كمت افكر شلون أهلي قبلوا ؟ شلون
شسوة حمزة علمود أهلي وافقوا بي ياربي وين انطي وجي اذا جبروني عليه وانت اعلم هو شلون يكرهني وحاقد علية واني اكرهه حيل ومكدر اتقبله أبد
يارب ضاقت بي الدنيا افرجها علي ماعندي غيرك ملجأ طلعت ملابس من الكنتور اروح اسبح ودنيا اسمع فاطمة تكول
_أبقي راسج يابس ابقي طول عمرج عانس
مرديت عليها بس مردت أبجي اهلي ساكتين عبالك نسدت حلوكهم للابد ميكدرون ينطقون بكلمة
واحده دخلت للحمام
سديت الباب كعدت وراه ملابسي بحضني صرت ابجي بكل حرقة وألم شبعت بجي كمت علكت ملابسي نزعت كلشي وكفت جوه الدوش نزل مي بارد
احس مي ينزل من جسمي دافي حرارة جسمي ارتفعت من البجي دموع تنزل وي قطرات المي للكاع طولت
بالحمام فوك نص ساعة
كملت سديت المي نشفت جسمي لبست ملابسي جنت جايبة دشداشة كشمير سودة بردان اطوال وكفت كبال
المراية عيوني حمرة دم منفخة
جوه عيوني صاير سمار وجي شاحب لا هاي مو اني هاي وحدة غير تذكرت كلام أختي نزلت ادموعي مرة لخ
خليت كصتي على المراية
وابجي من كل قلبي شهكات صارت تخنكني ماكو احد يحس بي ويعرف ...... شنو شعوري شنو شعور شخص مايريد شخص شنو شعور شخص يكره شخص
اختي كل همها تزوجني ماتريد تشوفني بدون زواج وتحب تسمع الكلام الناس وأهلي ماعرف ليش تغيروا علي
هيج وافقوا شختلف بالموضوع
أبوي كل همه ينطيني لزوج أختي علمود اربي ابن أختي مايريد وحدة غريبة تربي هو ابوي بعمره ماحس بي
ولا هتم لامري شلون اريده
هسه يسمع كلامي ويهتم بي ويقدر مشاعري ويخليني أختار شريك حياتي ، الدنيا هواي ظلمتني من يوم طفولتي
، مصدكت فرحت
من انخطبت لاركان وكلت راح اخلص من حمزة واعيش حياتي مثل أي بنية بهالدنيا اعيش مرتاحة البال بس ماجنت
متوقعة راح يتركني اركان بآول الطريق ويرجعلي حمزة من جديد وهالمرة خوش سلاح لازم
بايده مصطفى الطفل الرضيع بالحظات نهاريت نفسية وجسدية كرهت روحي لدرجة كامت تجيني افكار انتحر واخلص اريد اكض دموعي مكدر اكضهن
صارن ينزلن شبعت بجي من كيفي طلعت مدنكة راسي اسمع بيهم يحجون بموضوعي بيبي سمعتها من بين الكل
كالت كلمات كرهت روحي منوراها
_موافقة اني زهراء تزوج حمزة
راسن دخلت الغرفة سديت الباب كل قوتي دموع كامت نزل بحرقة بيبي جانت واكفه وياي شلون هسه نكول
موافقة ياربي اهلي شبيهم
تغيروا كلها بيوم واحد ؟ ربي ساعدني وخلصني ربي اخذ امانتك فدوة اخذني لعندك وخلصني اريد ارتاح انت تدري بحالي تعبت حيل تعبت من هالحياة التعيسة ولمملة مابيها فرحة وحدة تجي بعيني
رحت كعدت يم الحايط ارتجيت عليه وابجي نفتح الباب وانوب انسد سمعت صوت أختي
_زهراء شبيج تخبلتي بس تبجين
مرديت حضنت نفسي دفنت راسي بين رجلي
وابجي بدون صوت أو ونين
_ زهراء والله البجي مايفيد بشي هاي ابجي منا الباجر مراح تغيري شي ابوي منطي كلمة لهم ليش متقبلي
وتفضي المشكلة
مرديت حسيت بيها كعدت بصفي اخذت نفس وزفرت خلت ايدها على راسي تمسح بايدها على شعري
_ والله جنه رافضين بس ابوي بتهديده خل الكل
تسكت وتوافق شنسوي قابل كولي
رفعت راسي باوعلها مكدر اشوف شكلها بوضوح عيوني مقوشة نظرها من كثرة البجي والدموع البيها
_بيش هددكم ؟
غمضت عيونها فتحتهن وكالت "
يبيع البيت ويطلع أهلي كلها منه وياخذج أنتِ لعنده
زهراء ماتوقعت ابوي هيج يسوي وينزل
لهالمستوى القذر والمنحط
_ احلفي
_ بغلات زوجي واولادي دا اكول الصدك
_ شنو تخبل
_ لعد عاقل هو يمشي بكلام مرته
_ الله ينتقم منها ومن حمزة
_زهراء ليش تكرهين حمزة والله خوش
ادمي جان مدلل انفال ...
قطعت كلامها"
منو كال جان مدللها ؟
_ هي تكول واحنا جنه نروح ونشوف بعيونه
_ مو كلشي ينسمع مرات يصدك السمع ومو كلشي
ينشاف بالعين معناها الصدك
_ زهراء تعرفين شي احنا منعرف عنه ؟
_ ماريد انبش بقبر أختي خليها نايمة بسلام
هنيالها ماتت ورتاحت خلصت خلصت
_ شنو خلصت خلت وراها طفل بالكماط هسه
تلكيها بقبرها وشايله هم لابنها
_ ماظن
_شدراج أنتِ بقلب ام اسمعي الكلام وافقي وجفي شر ابوي والله اذا عصب راح يطرد اهلج من البيت منو لهم
وين يرحون فكري بيهم
زهراء _ ميسويها امه وين تروح اذا طرد أهلي
_ راح ياخذها عنده انتِ وياها ويطرد حسين وامي وريتاج
_ ابوي ينزل لهالمستوى الوضيع علمود ما اقبل بحمزة ولج حمزة منو ؟ وليش ابوي هلكد جاي يلح عليه ويريدني أقبل بي برغم مصار شهرين على موتت انفال كولي اريد جواب
_ علمود ابن انفال مايبقى بعيد عنهم وانتي خوش بنية وتعرفي الأصول وقلبج طيب وحنون وابوي شايفج اكثر
من مرة شايلة مصطفى ...
_ اي شافني هواي وكال تصلحين تصيرين امه بس
اني مااريده حمزة والله ماريده افهموا
_ اعرف بيج متردينه بس هذا بعد قرار ابوي اقبلي
بقسمتج الخاطر اهلج
_ ترديني اضحي بحياتي
_ ايي ضحي واسكتي احنى النسوان ماعدنا لاحولة ولاقوة نقبل بالمطلوب ونسكت قابل احنى زلم نسوي أي شي يخطر بالنة ولج البنية مكروهة بهل الدنيا مكروهة اقل زلة منها لا تنكتل لو تنحرم من كلشي فهمتي علية
هزيت راسي بمعنى نعم فهمت باستني من كصتي وكالت
_ فدوة اروحلج وافقي واسكتي الخاطر حسين وامي وهاي ريتاج خطيه حامل اذا طردهم من البيت وين يرحون وين ينطون وجههم وين ؟
مرديت دموع تنزل مسحت دموعي وكالت
الدموع ماتسوي شي بس تهدي القلب لتبجين كافي راح تعمي عيونج الحلوات كافي بجي كومي غسلي واكلي وفكري زين بكلامي ولا تغلطين غلطة عمرج وتبقين طول
عمرج تعضين اصابيع الندم
كامت ، اني رايحة هسه وان شاء الله اسمع اخبار حلوة
طلعت وعافتني بألامي وباحزاني اجت بالي اكتل روحي واخلص من حمزة واخلص أهلي من حكم ابوي الظالم
كمت مسحت دموعي بإديني
_ هذا احسن حل اكتل روحي ولحك انفال واخلص
من حمزة واخلص اهلي من ابوي الظالم
كمت ادور شي بالمجرات ملكيت شي فتحت الكنتور مالكيت غير المقص نزلت دمعتي فزعت على صوت
رن موسيقى الموبايل مالتي
عفت المقص بمكانه رحت على الموبايل جان رقم مجهول عرفت بي حمزة فتحت الخط بسرعة بس اسمع
مرد اريد اعرف منو ؟
رد _ الوو زهراء
عرفت هو اخذت نفس طويل ورديت
_ نعم زهراء شرايد داك ؟
_ تعرفين شرايد
_ تريدني مو اصير مره لك وحققلك كل رغباتك وحتياجاتك واربيلك ابنك واصير خدامة لاهلك مو
صح لو غلطانة
_ كلهن صح من عده خدامة اني راح اجيبج چنة
مو خدامة للبيت
_ليش متفهم اني مااريدك اكرهك اكرهك يابشر اكرهك
_ عادي تحبيني بعد الزواج
_ شنو من بشر انت جاي اكولك ماريدك
اكرهك ليش مادا تفهم ؟!
_ راح انطيج ثلاث اختيارات وأنتِ اختاري واحد منهم
_اختيارات شنو ؟
_اسمعي الاختيار الأول
مرديت عليه عرفت راح ينطي خيارت صعبه اخذ نفس طويل حسيت بي من خلال سماعة
الموبايل وكال ...
الاختيار الاول ' ترفضيني و يطلع الماضي مالتج كله كدام أهلج وكدام العالم كلها ' الاختيار الثاني ' تقبلين بي بالحلال الاختيار الثالث ' اخذج بالحرام وبعدها القانون والعشائر ينطوني
ياج فوق طبق من ذهب يلا اختاري
واحد منهن زهراء
بلعت ريجي خياراته واحد اصعب من الثاني صرت ابجي حاصرني النذل ماخلالي اختيار سهل اختاره
علمود الفرار منه
زهراء_ اختياراتك كلها قذرة مثل قذارتك
مابيهن واحد براسه خير ،!!
_ اممم انطيج اختيار سهل وتكدري عليه اكيد اسمعي ياهو منهن( خير الامو اوسطها )
_ لو تمووت مااقبل بيك
_ طيب ليش تجبريني اخذج عروس بالحرام واشوه
سمعتج كبال ليسوى ولمايسوى
_ مستعدة اروح عروس لوادي السلام ولا اصيرلك
عروس بالحلال لو بالحرام
سديت الخط بوجه نهاريت تماما الدنيا كلها صغرت بعيوني هذا مخليني براسه مخليني مراح يجوز مني ابد اذا
متت راح يجوز مني اكيد
سديت عيوني اخذت نفس طويل زفرت بقوة همست
_ربي سامحني اعرف راح ارتكب ذنب كبير بحق نفسي وبحق الاسلام بس والله مجبورة وانت جاي تشوف
بعيونك وتسمع كلشي
تعبت حيل منه حاولت اخلص بس مكدرت ابتليتني بعبد من عبادك ماخذ صفات هواي من الشيطان راح اقتل روحي واني مستعدة للحساب والعذاب اكون من أهل النار
ولا اكون عروس الحمزة
رحت على الكنتور ..... مديت ايدي على المقص لمحت الشفرة ازالة الشعر بلون الوردي تركت المقص بمكانه
اخذتها بايدي اباوعلها بحزن
اخذتها حجيت وياها جنت استعملج بازالة الشعر وهسه راح استعملج علمود ازيل روحي من جسمي جريت اردان الدشداشة بسرعة بدون وعي ماكو اي فكار براسي فقط فكرة الانتحار وخلاص من هاي الدنيا راح اعوفها الحمزة يستمتع بيها
جرحت ايدي بكل قواي كطعت الشرايين توجعت حيل رجعت على الثانية بالكوة كدرت اجرحها وجان الجرح
بسيط مكدرت استعمل ايدي اليمنى
دم صار ينزل من ايديني مثل حنفيه المي واني مستمتعة بطعم الالم والعذاب الجسدي صح يوجع حيل بس مو مثل وجه حاله النفسية وجع الداخل أكثر يوجع والخوف
اذا ألم من جروح الجسم
نفتح الباب انتبهت جانت أمي من شافتني هيج لطمت على خدودها وعاطت
_ عزززز العزاج زهرااااء
هنا راسن ..... حسيت بالدوخة من البارحة ماماكلة شي وفوك كلشي قطعت شرايين ايديني وكعت للكاع ماحسيت
على نفسي بعدها
بديت افتح واسد بعيوني بالكوة فتحت عيوني شوي مكدرت اشوف كدامي كلة مقوش رجعت سديتهن
سمعت صوت أمي
_سودة علية بنيتي راح تروح من ايدي الله
لايوفقك ابو حسين
فتحت عيوني هالمرة كدرت اشوف جان كدامي حسين واكف باوع للمكان غريب علية باوعت شفت مغذي معلك بايدي
حاولت اشيل ايدي مكدرت توجعت عطت ، اااه
انتبهوا علية بسرعة امي كامت تحجي بسرعة خطيه
_ يمة زهراء شلونج شيوجعج ليش هيج سويتي
ليش تريدين تموتين وتعوفينه
حسين _ زهراء شلونج
زهراء احاول ابلع ريجي حلكي جاف تماما كلت بهمس
_مي
حسين سمع وكال _ مي
امي _مسمعت شكالت شتريدين يمة
زهراء _مي اريد
طلعت بطل مي من الجنطة مالتها رفعت راسي وشربتني ميته من العطش شربت نص البطل رجعت راسي على المخدة سدت بطل المي خلتة بالجنطة اجه حسين بصفي وكال
_ هسه يجي الدكتور ويخرجج بس لتخافي
مراح يصيرلج شي واني بالوجود
أمي _ وابوك شلون ويا هسه متعصب حيل ويكول هسه العالم شتكول بنته مو شريفة طلعت وحاولت تنتحر
حسين _ اشش يمه اسكتي راح تفضحينه هو يدري ليش حاولت تنتحر كله منوراه ومن وره مرته الحية هي
كوه تريد تزوجها خوب كوه
من سمعت هيج ابوي كايل تمنيت لو ميته تمنيت لو محد ناقذني ليش نقذوني لو عايفيني لوحدي انزف
اخر قطرة دمي بجسدي أفضل
من هالعيشة ادري الله جابني لهاي الدنيا لمن لظيم التعاسة ؟ والله ماعرف الله شضاملي بعد ؟
اجه الدكتور جان جبير بالعمر طمن علية وكال دقائق ونسوي اجرائات تسجيل الخروج والله دقايق وطلعنا اجر
حسين سيارة ورحنا على البيت
تلكونة بيبي وريتاج ماكايلين لاحد مبين لأن مجان احد بالمستشفى يكولون بس ابوي جاي دقائق وراجع
للبيت مالته واني خايفة حيل منه
تعبانه حيل واحس بالدوخة ودتني ريتاج للغرفة نمت بفراشي غطتني كلمة وحدة محجت وياي بيبي اجت يمي
كعدت على جرباية ريتاج طلعت
بيبي _ رتاحت الدودة مالتج هسه بيبي .. ليش هيج تسوين مو حرام عليج تقتلين نفسج هيج علمتج الحوزة تقتلون نفسكم من واحد يجبركم على شي متردونه
بس فهميني مافكرتي بينه من بعدج شراح يصير ويانه مفكرتي بالناس شراح تكول من بعد موتج اكيد راح يكولون
مو شريفة وقتلت روحها
ولج بيبي الناس مترحم احد وهاي ابوج متخبل
وضال هسه لو يجي يشبعج كتل والله
مرديت عليها ابد بقيت اسحك قهر واتمنى ماراجعة للبيت لأن ماتغير شي بقى كلشي على حالة هاي ابوي نزعج
مني اكثر من قبل
ومعرف اذا اجه للبيت شراح يسوي بي يجوز يضربني لاول مرة بحياتي ؟ اجت امي رزلتني الكاع ردت واني مرديت بقيت بحلك مسدود معندي جواب ارد بي واذا رديت من
وراح يسمع ومنو راح يحس بي
اذا هم حالهم من حالي ايديهم مربطة ميكدرون يدافعون عني بس يدافعون ينطردون من البيت واذا نطردو
ا وين راح ينطون وجههم ،
ثاني يوم الصبح كاعدة بفراشي امي جابت الريوك بالصينية وخلتة كبالي كعدت كبالي تسويلي لفات وتوكل بي
اكل على كيفي معجبها وضعي وكالت
_ اكلي سريع ابوج راح يجي
من سمعت ابوي راح يجي ختنكت كمت اكح شربتني مي وكالت
_ اسم الله يمة اشربي مي مرة لخ
شربت مي حسيت للكمة تنزل بلعومي عبالك بيها اشواك وتمزق بلعومي ابوي صار مصدر رعبي وخوفي اكيد راح
يجي يرزلني لو يضربني ؟
كملت اكل كامت اخذت الصينية .... اجت ريتاج كعدت يمي حجت وياي جم كلمة دك تلفونها كامت تخابر بيبي كاعدة بالاستقبال مزيدة الصوت
التلفزيون جان دعاء سمعت الباب اندك جسمي صار يرجف مثل السعفة نخل يهزها الهواء بقوة معرف شمتنظرني
سمعت امي تكول
_تفضلون
اسمع ابوي يكول ...
وينها المحروسة وينهاا
بيبي _ دكعد بلآول اشرب مي وانوب
اجيبلك بنتك المحروسة
ابوي _ اكعد اكعدي ام حازم
طلعت مرته جاية ويا بعدت البطانية برجلي كرفصت
بفراشي وانظاري على الباب بخوف دقائق واجت
امي وكفت كبالي
_ابوج يريدج
_شيريد
_شيريد قابل دا يشوفج ويحجي وياج
_اخاف اطلع
_ لتخافين ماراح يسويلج شي حسين موجود هنا
_ اوعديني مراح تخلونه يضربني
_اوعدج كومي
كمت ميشت كم خطوة كبال المراية لبست الشال عدلتة ايديه وجعني كلش اخذت نفس وطلعت وره أمي امشي
هي طلعت قبلي وكالت
_اكعدي
انظاري بالكاع كعدت بصف حسين ارجف ابوي حجه
ابوي _بارك الله بيج رفعتي راسي بهاي عملتج ولج مال اكطع الحزام على ظهرج وظهر الخلفوج شكتي النفسج
من كطعتي شرايين ايدنجج
زكح بي راسن ختلت وره حسين كلمة وحدة
مرديت ولا احد رد من أهلي
ابوي _ تخافين وتختلين وره اخوج لو تخافين
جان مسويتي هاي الدكة الناقصة
مرت ابوي _ هدي ابو حسين هدي يجوز البنية
جانت خايفة من شي
ابوي _ من شي شنو ومن شنو تخاف ..
مرت ابوي _ يا عيني بعد الصار صار وانتهى الموضوع ليش تحرك بدمك واعصابك موزين عليك وانت مريض هسه
السكر مالتك يرتفع
ابوي_ خل كل تسمع راح اكول العالم بعد اسبوع يلا يجون يكطعون المهر هسه ماريدهم يجون لأن مكسورة الركبة مكطعة ايديها واذا شافوا ايديها هيج راح يفكرون
بغير شي ويبطلون فتهمتوا
زهراء كلها ساكتة كلمة وحدة ماكو وهاي مرت ابوي عبالك هي تتحكم بي هو لعبة كبالها يسمع كلامها بسرعة طلعت منورة حسين ردت احجي ادافع على نفسي
زهراء _ ياا ...
ابوي _ انجبي كلمة وحدة ماريد اسمع منج كومي من كدامي ماريد اشوف شكولج مبي حيل افقد اعصابي
وابتلي بيج كومي
زهراء كمت بسرعة رحت ركض على الغرفة ودموع تهل من عيوني هذا مو والد هذا وحش كرهته
حيل وكرهت روحي ألف مرة
أهلي ايديهم مربطة ميكدرون يسوون شي بس يدافعون ينطردون من البيت البيت باسمه مسجل هسه صفيت لاحولة ولاقوة مثل لعبة بايد ابوي صار يتحكم بي وبحياتي مثل مايحب ويمشيني بمزاجه وين مايشر
أني امشي بحلك مسدود
لا الحياة الحلوة شفت بحياتي ولا الموت قبل بي معرف بعد شلون راح تكون حياتي ؟!
