رواية الطاغية والمغرور الفصل السادس عشر بقلم يارا الياسري
ولي في غرابة الاقدار نصيب
انا التي في حكاية الجنون وكل ما لايتصوره العقل
بات قلبي قوي لايهاب شيئ وبتت أعلم انها ماكتب
في قدري لن يتغير مهما حااولت وليس لي غير الصبر والمجابههة
مااحس الا صررخت صووت مرموق وأيدها
كاتمة شهكتها .
أني طفرت من مكاني للحايط ولزمت الماسحة
اخاف تهجم أكسرها أسويها مرگة كسورر
سمر بغضب وعقلها طاار من رأسها شسويتي ؟!!
يا همجية ياماتعرفين للغسل يا حيوانة
الج هذاااا أغلى منج تعرفين شكدد سعره ؟!
لو عمرج گله تشتغلين ماتگدرين تشتري .
رحيق بقووة وبقلبها ميته ضحك واني شدراني
من التعب ضليت أخبط الوان عندي عشو ليلي
أشوف الاسود ابيض والاحمر أزرق.
يالله نمونة خيرها بغيرها هو قماش وملفوف
مثل بردة التسعينات .
اشتريلج قطع تلث بعشرة ووديهن للخياطة
تخيلطج ٣ منه عليمن صوتج مبحوح؟
سمررر ياااا حقيرة اليووم اموتج بيدي أجت
علية واني صرت اروح يمنى يسرى
ومااحس غير زلگت. بكعبها رگضت لزمتها
ربي ستر ماوگعت على راسها بس شوو هااي
فقدت الوعي متأثرة هوواي بالمسلسلات
انوب شثگلها وزينه بالباب تضحك
خزرتها وصحت بحدية حمااارة تعاية ساعديني
قاتحتلج مسرحية .
سندنها وطلعناها للصالة. بس زينة ميتة ضحك .
كعدت على طرف القنفة أحاول اصحيها وبهالموقف
الحلوو دخل شاب
زينة كبل كمزت وكالت
هلا استاذ ابهر
أبهر بخوف واضح ولهفو أقترب لسمر
أبهر: يووم يووم وباوعلي شكووو شبيها ؟!!
زينة ماكو بس الموت لفها قصدي فقدت الوعي
ابهر بخزرة قووية نارية وغضب عاط بية
وخرري عنها أبتعدي وصاح بزينة جيبيلي
عطررر ورشش على كفه وشممها فزت
وتنفست اني صرت عد راسها
حتى ماتشوفني أول ماتصحى
وهي صحت منه وهي صااحت وينهاااا هالهمجية
خرربتلي الفستان اااخ لو أملخها بسنوني
مارتاح
ابهر بغضب : شكووو يووم منو هااي ؟
وعلى كيفج على روحج ستوج صحيتي ؟
شنو تملخيها ؟ شنو فستان ؟
ويباوع لزينة منتظر الجوواب ظينة تأشرله
بسبابتها علية
هو رفع سبابته بوجهي وصغر عيونه وكال
أبهر : أنتي مووووو
سبقت بالحديث اي هي اني من فترة اجيت
ويا بيسان وحالياً تعينت بمركز خادمة
بقصركم العظيم .
هل ترضى علية جلالتك بسخرية كلتها قرب
اذن سمرر
الي دارت تصررخ كمزت وابتعدت خطوتين
عنها
سمر بتهديدلج اذ ما طلعتج منه ااخ منك شيراز
اخ منين جبتها نااقصني هم بهالبيت .
أبهر عصب ونهض شنو عمي شله دخل ؟
سمر بحرگة گلب عمك هووو جابها وكل
تشتغل بهالبيت وفرولها منام
أبهر : شنو فاتحين ملجأ دار عجزة
رحيق احتقنت منه بوضوح رديت شنو عجزه
هازه كاروك وملجأ شلاكيني أجدي يمك
راح اشتغل وبعرق جبيني منيتكم علىةشنوو ؟
وأذ ماتردوني اشتغل بلغوا أستاذ شيراز
أبهر بخزرة : مو لسان لا أشهد انه أحادية
امريكية ونقطة ثانية على اي أساس
عمي مشغلج هنااا؟؟
شنووو السبب معقولة تشتغلين بلا سبب؟
رحيق بثقة: أني هنااا حتى أوفي ديني اله
تنقاشوا وياا ولا تجرحوني أكثر
وعفتهم ورحت أندل طريق المطبخ رحتله
بس شنو ارجف مو خووف بس من الهبطة
أنهبطت گلت لو ضارب راسها بحايط بشي
وصار قدر عووزي بعددد عوززي ذنوب
أجت زينة وراية يمه يمة شكد لسان انتي
والله مو هينة .
ترى استاذ ابهر حباب هوواي
رحيق: حيل حباب من دار العجزة .
زينة : ههههه صدوك غير متت ضحك يلوكلج
دار العجزة .
رحيق بعصبية سكتي لا ابتلي بيج
لج كلي ارجف هالمصخمة لو واكعة وصاير
بيها شي ذنبها برگبتي .
زينة : عليمن ترى هي أنضغطت منج وعبالها
أستاذ شيراز جابج واله علاقة بيج .
تنهدت وزفرت هموم أنفاسي ليش ضنت هشكل؟
زينة : لان بالعادة مايجيب هناا بنات يشتغلن
أنصدمت من جابج .
وبعدين هي حقيرة تجيها ساعات تخبث
من مايطيها استاذ شيراز وجه تتحرگن
رحيق عقدت حاجبي : وهي مو مرت اخو
زينة ضحكت اي وأبهر أبنها عدها بنية بس
زوجها مات من سنين وهي بعدها شباب مهتمة بروحها ولان مرت استاذ شيراز سافرت وحصلت
أقامة وماتريد ترجع هي تدتدك علمود ياخذها
وتكلج الخير خيرين .
رحيق : وابنها ؟!!
زينة والله بطرانة يا ابنها تلكيها محروگة
على الزواج لو مو. عيب كان خطبت لنفسها
وتزوجت وتمشي بالمثل ليكول حلاة
الثووب ركعته منه وبي .
رحيق انصدمت زين معقولة استاءشيراز
عد علاقة بيها ؟؟!
ومسويلها واهس ؟!
زينة لاا اااش وقربت علية
هسهت بخفوت لاحد يسمعج .
مرة سمعت أن هي معترفتله وكايلته
خلي نتزوج ونلم شمل هالعائلة
بس هو رافض وكايلها ابهر شاب واخته
والشباب ماحلوة نخلي هالحزازية بينهم
واني مالي نفس بيج لو كنت اريد من اول وفاة
المرحوم أخذج .
بربج شيباوعلها وهو من يسافر للخارج
يشووف هالمايصة والمتلصصة .
يفتح بنيد جديد مايريد عتيك .
ضحگت على گلامها ديلة يلة كملي .
زينة على كولتج خلي نكمل مادامج منه وبينه
ساعديني
كملن طبخ وترتيبات لليل صبت ثريا وزينه
طاولتهم مارحت ولا أحتكيت بعد بيهم
بقيت بالمطبخ أجت ثريا وزينة وگعدن
على الطاولة. زينة وهي تصب أكل النه
شفتي بيسان الخاتون طالعه وقافلة غرفتها
بحجة ناايمة
ثريا شلج بهالحجي عمة نشتغلةوبس ماعلينا
بيهم .
زينة قربتلي اگولج عوود صدوك ليش استاذ
شيراز طلب غرفتج لوحدج ؟؟؟
رحيق طبيعي لوحدي انتي وعمتج ماعوزجن
أزدحام ولان أرجع وأكول أني مطلوبة
فلوس لازم ارجعهم اله بشغلي .
زينة صح من وين انتي ؟؟
رحيق : من أرض الله الواسعة
زينة. يعني
رحيق : يعني من العراق .
زينة اهوو كولي ماتردين تكولين دوختيني
كملوا عسة وتعشيت وغسلت الصحون ويا
زينة عمتها گالتها اريد أرتاح .
خلصت وسالتها اگو رمز نت هنااا
زينة أي موجود هسة من أخذج لغرفتج انطيج
الرمز غراضج وين ؟
رحيق : ماعندي قصدي يعني نسيتهم بكرةاروح
واشتري شي .
زينة أي روحي أشتري ولازم زيج موحد
بنطلون اسود وقميص اسود لو ابيض
والشال كذلك .
رحيق نبقى بيهن طول اليوم ؟؟
زينة أي مرات اغلس مالبسهم هههه.
رحيق : ليش ؟
زينة عود طبقة مخملية وكذااا كلاوات
العوبات هههههه .
رحيق يله أمشي. أخذتني لغرفة بين
غرفتها هي وعمتها والفاصل بينه حمام
الغرفة بيها غرفة اخشاب حلوة باوعتلها المن ؟
زينة مو لبشر ست بيسان دلوعه امها من
سنة ونص غيرت موديل غرفتها وخلتها هنااا
عوود خاف يعجبها ترجعها لان حيل حيل
عزيزة عليها
وهسه راح تنامين انتي على هالجرباية
باوعت الغرفة اخشاب ىاسود وذهبي تنهدت
ناس بالضيم وناااس تبذر بالخير
رادت تطلع زينة وقفتها والرمز ؟
زينة ردتلي فسجلت وطلبت منها سجادة
وتربة جابتلي خليتهم على الميز
گعدت على السرير
وماحسيت الا عيني غفت
وأني بنص طيف وداير مايدور دخان أركض
وسهيل يركض ورااي وگان الناس مختفين
وبنص هالرعب انضربت برجال أشبه بشكله الصخوري ناگع بالمي ويطشر منه مثل
غرگان فززيت مخرروعة جرريت نفس قوي
اعوذ بالله من الشيطان الرجيم
بسم الله الرحمن الرحيم تنفست بعمق
ولزمت راسي لكيت نفسي عركانة
گمت وأني اقرا أيات رحت للمطبخ شربت مي
وتوضيت واجيت للغرفة.
فرشت سجادتي وبديت أصلي رفعت أيدي
بالدعاء وكثرت أستغفار بعدني بالمحرم
فتحت الشباك هووة بااارد والسمة صاافية
سندت راسي على الحايط لبقرب الشباك
وغمضت عيوني وصرت أتنفس بتأمل
بقيت هوواي بالوگفة ذاتها بعدها رجعت نمت
مر أسبوع بنفس التعب والشغل
والغريب شيراز مابين بس لاحضت أكو
شي توتر شي مو طبيعي بهالببيت وخاص
سمر وأبنها مثل ليتناقشون بقضية حاولت
أتسنط بس ماكووو ماعرفت شي
لكن بقيت مركزة بگل تصرفاتهم ومن ضمنهم
بيسان الشي لمحد يعرف وهاملي أن
بيسان تطلع بدون ماحد يعرف من باب
خلفي بالجهة الثانية غير عن البوابتين
الاساسيتين بوة من الليالي أجه شيراز بيها
لكن ماأنطى أي اهمية وصعد فوك يتناقش هو
وأبهر وأني بالمطبخ لاحضت نزوول
بيسان وهي تتلفت وبعدها راحت دالحكها وأجت
زينة
زينة : أگولج هذولة يردون جاي ومعجنات
ولايشبعون قبل شوية أكلوا
أبتسمتلها عادي أني ارتبهم وأنتي أخذيهم ابتسمت
زينة بفرح سويتهن وصعدتهن
خذت تلفوني ورحت برااا گعدت من باب المطبخ
للحديقة الخلفية .
خطر أبالي أخابر ضحى بس الليل متأخر .
بعد الجهاز بيدي ورن كمزت رقم غريب
فتحت الووو منوو
فجر بلهفة : الووو رحيق هااي اني فجرر
رحيق بفرحة ومتعجبة گمت وايدي على صدري
فجر فجرررر انتي بخير ماصارلج شي
شلونج أخبارج اهلج خما سوالج شي؟؟؟
فجر بضحگة. جرري نفس بهدوء كلشي تمام
خابرت أسلم عليج واطمئنج وصلت بخير ةسلامة
بالاول أهلي عصبوا بعدها من تأكدوا من عذريتي
وضعهم زين .
رحيق زين شلون شلون يعني شلون رجعوج؟؟
فجر : هااا من بعد يوم من أجيتي وشفتج
اجه ضابط ويا بنية دكتورة كالوا حفضي لنگول
ومن يسألوج أهلج نفس الكلام كولي
رحيق : اي وشنوو هوو؟؟
فجر أن أنخطفت من قبل مرة وحاول بمداهمة
يخلصوني وعلى أثرها تعرضت لحادث .
وصار عندي فقدان ذاكرة مؤقت وبقيت عند
الدكتورة لعالجتني
رحيق: وأهلج صدكوا هالكلاوات ؟؟
فجر بالاول لا بس بعدين اي يعني انطوهم اوراق
وثبوتات على أني كنت بالمستشفى .
رحيق زححت حسرة من قلببي فرحتلج يعمري
الف حمد وشكر على سللامتج.
فجر بتردد: وأنتي رحيق وين صفيتي؟؟
رحيق تنهدت :
و كَيفَ اَهرُبُ ممما جرى ،اِنَهُ قَدَري
هَلْ يَملِكُ النَهرْ،تَغييراً لِمَجراهُ
بأختصار حبيبتي مكملة بمشووار مواجهتي
ادعيلي لو رحتي وزرتي ادعيلي الدعاء
يغير الاقدار .
فجر : يله حب بعدين اخابرج أختي تريد تلفونها
رحيق هالرقم حسجله عندي خاف يضيع التلفون
فجر : براحتج مع السلامة .
گمت أتمش واعاين للنجوم
والسمه بقيت أمشي هوواي مرت
ساعة وراها دخلت خذت من زينة
ورقة وقلم سجلت رقم فجرر حبيب ميار مانسيت يوزره والرقم براسي صار بي خربطة .
فتت ضميتهن وطلعت ونسمات الهوة تداعب
روحي وتنقيها
ومااحس الا صوتت شهكات
وخشخشة بين الشجر
مشيت بهدوووء أكوو احد هناااا؟
منووو هنااا؟؟؟
والصووت صاار أعلى رحت
أدور بين الاشجار وشفت
بيسان بين شجرتين كاعدة
وحالتها يرثى لها
ووضعها مزري رفعت وجهه صاير لوحة
من الدموع وشفتها تنززف
دنكت عليها وكعدت ركبة ونص
بيسااان شبيج ؟؟
بيسان بخووف وتشهك
عفية لاتكلليله لاحد وتبجي بقهرر حالتها مو طبيعية
مثل المصدومة من شي
وفستانها مشكوك وضعها مريب
گدمات واضحه على أيدها .
تمام مااكول لاحد بس لازم ادخلين جوو بارد وتتمرضين .
بيسان بخووف بس خلي الكل
ينام كلهم كااعدين شلون أدخل ؟؟
رحيق ولايهمج كوومي دخلي بغرفتي وعلى ماينامون اصعدج لغرفتج
على كيفج كومتها وسندت جسمها
علية وهي ترجف كبل فوتتها للحمام ليم
غرفتي
وفتحت دوش دافي سبحي بين مااجيج .
جبتلها تراك قذيفة من الي اشتريتهم
وفتحت الحمام خليتهن الها لزمتهن
بسرعة شووية وطلعت تعرج بالكووة
خذتها بسرعة للغرفة مالتي
وقفلتها شوووية دقايق ومااحس
الاندك الباب صحت منوو ؟
هي شهكت وايدها على فمها كاتمة انفاسها ردت زينة
زينة :هااي اني شبيج انتي كنتي تسبحين ؟؟
رحيق : اي سبحت واريد انام
عندي مغص الشهرية تعبانه هوواي
زينة هااا تمام براحتج .
لزمت أيد بيسان لترجف ودموعها مانشفت
مخذولة ومگسوررة حضنتها بقووة وهالحركة
فتحت مجال لشهگاتها بحضني وترجف
رحيق : أهدي مهما جرى مالك ذنب نحن أبرياء
من أفعالهم النجسة .
بيسان بتعلثم ومناشغة : لا لا رحيق اني رحت
برجلية شگد حذرني سامان حتى قبل لايخطبني
وكال ترى عمي واحد شهواني ومايهمه الا
شهوته ويومية ويا بنية شكل بس اني
وصارت تضرب على راسها بگفها أني غبية
حبيته ولكيت بي حنان بابا لفقدته
خسرت سامان لكن من اول مراهقتي يحبني
وگان أقرب صديق الي تحول لعدو
وشخص يگرهني وركضت ورااا لرادني جسد
مو روح .
رحيق بمواساة : حسبي الله بي أهدي گلشي
يهوون وبيدج تاخذين حقج وتفضحي .
بيسان مااريد ينذگر أسمه بحياتي لا أفضح
ولا أوصل يم بعد ولو قربلي والله ابلغ
أبهر وأخلي ياخذ حقي .
رحيق هنا انتبهت لثقتها بأبهر أكثر من ابوها
والسبب واضح أبوها رغم سلطة مال
لكن خالي من الحنان القرب بيسان تضل بعمر
مؤاهقة أو ماصارلها هوواي منوطالعة من
هالمرحلة الصعبة وعلى كللم زينة أمها مسافرة
من زمان وأصلاً أبوها أبسط شي هنا صارلي
اسبوعين مأجه الا اليوم ونسووا هاي البشر
تحتاج حنان حضن دافي من أب أم
ردت أتاكد أذ صاير بينهم أكثر من تحرش
وسألتها بيسان أذ تجرء أكثر تكدرين تحجين
مدام بعده گلشي جديد تعرفين اكو تحليل
يضهر هوية المغتصب من خلال تحليل
من المادة لدخلت جسمج .مااحس
بيسلن الاةأنتفضت وصرخت لاااا ماقربلي
دفررته دافعت عن نفسي وماخليت يلمسني
بس النذل گدر يشلع شفتي وشكك هدومي
بدت السهرة عادية گعدن وسولفنّ وكلتله
لازم يضغط على سامان حتى مايتزوجني
مرتجى بغرور وگاس الوسكي بيده وشنو يعني
خليى يتزوجج ونستمرر بلقاء قابلىأني غريب
عم لسامان .
هنا ماتحملىعقلي أنتفضت وكمت بعصبية
أحجي شنوو تقصد شنو بت ليل كدامك
شمتخيليني مرتجى رخيصة بگل حضن أنام
بعدين وين وعدك الي ؟؟؟
هاااا ماتحجي وين ليكلي بنيتي عمري انتي
جنتي واني سندج ياسند لاول ماوكع
مصيلبتي تخلى عني من هسة كوول تريدني
تعال اخطبني والا اعتبرني متزوجته لسامان
وأسوي كلشي حتى يرجع يحترمني مثل قبل .
مرتجى بصوت متشحرج ومبحوح ويطوطح
قرب الي حبيبتي على كيفج ليش التهديد
بيسان دفعت عني أهدد وأنفذ مو لعبة بيدك
شفتني ساكتة كلت أستغلها گااافي .
مااحي بعدها الا حاول يتهجم وهنا ثبتت گل
شگوكي وكلام سامان عنه واحد وسخ
طول الطريق أتذكر قرافة شگله ومقهورةشلووون
شلوون كدرت افكر بواحد بهالقذاؤة
وأكبر من أبوي لجج حتى شگله گرشه الشيب
لبوجه گلشي بي مايناسبني الحقير
عرف يخدعني يستغل نقاط ضعفي .
رحيق : القوة أن نتغلب على مشاعرنا أنهيارنا
ونثبت بگل مرة سقوط نحن أقووى نعيش
الالم ونبگي الدمووع ونلوم أنفسنا عن الاخطاء
حتى لانعيد الخطأ مرتين لگن ناخذ قرار
جديد مع يوم جديد أن الماضي مضى
والمستقبل مجهول لدينا حاضر نعيش بقووة
وفرح نتغلب على گل حزن وموقف تعيس
أفتخري بنفسج بيسان أنج قووية ونقذتي
نفسج من وحش بشري.
وأني ويااج لاتخافين أعتبريني خدامة صديقة
كاتمة سرج .
وأنثى مثلج التحرشات وجنس أدم أصابوها
بالجنون .
بيسان : جرت نفس تدرين من أول ماشفتج
حسيت بيج شي غرريب حنية قووة
ماادري شنوو الببيج بس الي اعرف بهاللحضة
أنج أحن واقربلي من هوواي ناااس .
تدرين خاابرت بالطريق على أمي ردت ابجي
وأطلب منها تجي ردة .
الو هلا ماما بيسان شعندج بهالوقت متصلة
ملتهية بس افرغ اخابرج .
بوقتها بقيت أصرخ بالسيارة وأبجي ماسمعت
شهكاتي ماحست بتعب صووتي .
حضنتها بقووة وناممت بالغرفة يمي صرت
اقرا يمها م سور قرانية نامت وثاني يوم
كعدت باوعت ماكووو بيسان طلعت من الغرفة
صبحت على البنات بالمطبخ باوعت الساعة
ب٨الصبح أشتغلت منه لل١١ صعدت لغرفة
بيسان شفتها حاضنه اللحاف ونايمة .
عفتها وطلعت للضهر گعدت لابسة جينز وبلوزة
بهاري ومامخلية مگياج أكلت بگثرة .
مثل الي تنتقم منونفسها خليتها براحتها
نحتاج طريقة ننفس عن الغضب الخوف
عن كل مشاعر سلبية بالصراخ بكثرة اللكل
بالرسم باي شي الي المن نسووي بعدها
نحس ولو بشووية تحسن طلعت من المطبخ
طلعت وراها لگن بعدني ماوقفتها علمود نحجي
ودخل أبهر وسمر معهم طفلة سبحان لصورها
وأبدع وگان من أميرات الاساطير مخلوقة
ماكدرت أنطي عمر الها بسب نعومتها
بيسان أول ماشافتها ركضت عليها وهي تصيح
خودان راحت حضنتها بقووة بقيت متصنمة
لغرابة الاسم .
وتسائلي منو هالبنية ؟؟؟
خزرتني سمر وانطتني أمر .
سمر : رحيق صعدي رتبي غرفة خودان .
باوعتلها وين الكاها ؟؟
بيسان بلهفة الغرفة ليم غرفتي .
عمة ليش ماكلتي حتجيبنها ؟
أقلها نحضر غرفتها .
ابهر رد : صار الامر فجاة وخالي عايفها لوحدها
مع الخدم من شفناها ماتحملت جبتهاةويايه .
بيسان گل عقله شيراز يسوي هشكل عمة
لا تضوجين مني بس بين شيراز ابوي وشيراز
أخوج أكو فرق بين السمة والارض شهالقساوة
ويا هالملاك وحضنت خودان .
سمر عفية لا تكررين كللم أبهر تعبت واني
احجي وياا مليت أصلاً الحايط يتززحح
ويسمع وشيراز اخوي مايسمع .
ياريت لو يشبه أفعال ابوج مثل ماأخذ أسمه
اقلها شوية أرحم.
اني بقيت بمگاني فززني صووت سمر لصاحت
سمر بعدددج هناااا شمنتظرة طيارة تصعدج
فوك .
رحيق لا عليمن أمشي مشي خليها تاخذني
لغيؤ دولة .
أبهر ضحك ببتك حاجب .
صعدت ومامفتهمة شي شنو شيراز يعني
الي افتهمت أكو شيراز ثاني يصير أخو
سمر وهالبنوته بنته .عفية بينا عادة
بالعائلة الوحدة نلكى الاسم متكرر أكثر
من عدد الاطفال .
بس البنية أبداً ماركزت بيه مثل خايفة
رغم ركزت بملامحها بس لان سمر تصيح
خطية حتى مارفعت راسها .
گملت ترتيبها واسمع صوت بيسان بس خودان
ماحجت ولاحرف من وقت وصولها رغم
لهفته بيسان الها وتبوسها أنفتح الباب ودخلت
خودان وبيسان وراها .
ومااحس خودان الا فتحت عيونها الزرك
بكبرهن وصرخت مااااامااااااا ماااماااااا
وبيسان شهكت وصررخت أبهررررررر عمة سمررر
لحكو خودان حجتتتتتت..
