رواية ليتني واجهتك الفصل السادس عشر
اتخبلت ماعرف شنو اسوي متت مثل المخبله صرت اضرب ع روحي ماتو اكيد ماتو
اسمع صوت صراخ وبجي دحكت ع روحي طفت بماي جسمي كله صاير ماي
ماحسيت غير شفت علي كدامي ويصيح مابينا شي والله مابينا
كمت اصيح ومنهاره اعصابي ع علي ومسكني وجع قوي
كمت اتكطع لؤي يبجي ويكول علي
لؤي؛:؛ بيك شي علي الخاطر الله
علي؛؛ والله مابيا شي
لؤي؛: جناتي وينها وينها
علي؛؛ ب بيتهم وصلتها وصار الانفجار لاتخاف مابينا شي
لؤي طلع يركض مثل المخبل ويصيح بل شارع
جناتي وينج
جنات
طلعنا اني وعلي من البيت علي كالي
علي؛؛ روحي جنو اني راح افوت ب كراج مال السياره اشوف سيارتي وهم انتظرج
جنات؛: ماشي علاوي هسا اجي ماطول
هستوني دخلت لبيت وصار انفجار قوي هز البيت طلعت اركض بره واخوتي يمسكوني واصيح علي ماات والله مات طكت عليه العبوه
اشويه ماشوف الي لؤي يركض بل شارع ويصيح جناتي دخل لبيتنا وشافني وحضني واثينا نبجي
جنات؛؛ لؤي علي مات مو
لؤي؛: لا لا ياعمر لؤي زين زين هو مابي شي
اووف الحمد الله
علي
وصلت جنات لبيتهم وكتلها فوتي لبيتكم اني راح اروح اشوف السياره مالتي
دخلت لكراج السيارات دا افحص السياره دنكت اشوف جوات السياره شكو لان سمعت صوت توي مدنك وصار الانفجار....
سدره
كمت اتكطع متت علي ركض عليه ويحضن بيا
سدره حبيبي
انت عايش مابيك شي
والله مابيا شي سدره ملابسج كلها ماي
علي علي دا اتكطع
علي؛؛ صهيب سدره صار عندها ولاده اركض طلع السياره
طلع صهيب يركض وشغل السياره وخطيه ميس واماني ركضو ميس اتلبسني العبايه واماني
سدره؛؛ امونه جنطتي مال ملابس الطفله
اماني؛: اي وينها
سدره؛؛ بل تخت مالها
امونه ركضت اتجيب الجنطه وطلعوني لسياره وعمتي معانا والعالم كلها ملتمه واني ابجي
سدره؛؛ اريد امي والله ماجيب اذا ما امي معايا
علي؛؛ سدره الخاطرالله وين انجيب امج هسا
سدره!؛ مالي دخل اريد امي ماجيب والله خابر عمر هو يجبها الله يخليكم
صهيب شال التلفون وخابر عمر مايجاوب
صهيب ؛: سدره مادا يجاوب
سدره؛: كتلكم اريد امي مالي دخل
علي كاعد يمي وماسك ايدي وعمتي من جهة الثانيه وصهيب يسوق ولؤي يمو
رجع يدك صهيب ع عمر اخر شي جاوب
صهيب؛: يمعود ماتكولي وين انت
اسو؛:؛ ها صهيب اني اسراء شكو
صهيب؛: سدره صار عندها ولاده وماخذيها ع المستشفى واتريد امها
اسو ؛؛ هسا هسا اكعد عمر يجبها جان موبايلو ع صامت وكعدت ع بنتي وشفت الموبايل
صهيب ؛؛ يالا يالا كعدي
اسو ؛: يالا فيمالا
صهيب ؛: الله وياج
وصلنا المستشفى واني اجر نفس شهيق وزفير ركبوني بل عربه واخذوني ع غرفه الولاده وفحصتني الدكتوره كالت يالا انجيبها كلشي تمام عمتي يمي واكفه وماسكه ايدي وهمه دا يجبوني ماما دخلت من شفتها بس اشرلها تجي تمسك ايدي. الثانيه وبدو الممرضات يجبوني متت متت الم مو طبيعي امي وعمتي فوك راسي ويدعون واني اصيح يالله ساعدني يالله مالي غيرك كمت. احجي مع بنتي
يالا ماما يالا حياتي لاتموتيني يالا اطلعي وكحلي عيوني ب شوفتج اشويه ومجرد سمعت صوت البجي بنتي راح كل الوجع اخذت نفس
اوووف الحمدالله
كملت واخذو بنتي وماما راحت معاهم وعمتي ضلت يمي نقلوني ع الغرفه اتمددت وعلي ولؤي دخلو سلمو عليه مالحكت اجيب الكاميره عاد لؤي صور ب موبايلو شلون دخل علي الغرفه واتقدم عليه باسني من راسي
المستشفى جانت اهلي لهذا كدرو الويلاد يدخلون
الحمدالله ع سلامتج يانور عيوني خفت عليج
الله يسلمك حبيبي
شلون صرتي
الحمدالله اريد اشوف ماري
هسا اتشوفيها عمتي راحت اتجيبها
جان اكو ب يد ماري وحام دائره صفره امبين مال ليمون
جت ماما وب يدها بنتي الاصغيرونه المخبله
ماريه؛:هههههه اني مخبله
سدره؛؛ انتي حياة ماما وبابا انتي اول فرحتنا
ماريه؛؛ بس اني جيت ب يوم مو حلو
سدره؛؛ لابلعكس جيتي ب عيد ميلاد بابا يعني بابا تؤام روحج انتي صح كلشي بيج يشبهني بس طبعج علي الثاني بعدين ليش اتكولين يوم مو حلو
ماريه؛؛ مو لان عبوه طكت ب باب بيت جدو واكيد كالو عليه وجهي نحس
سدره؛: لاحبيبتي محد كال حسوني ماما شبيك زعلان
حسوني ؛: انتي كلو تحجين ع ماري واني ماتكولين بابا اش سوي من جيت لدنيا
سدره؛؛ ههههه وعد راح احجيلك بس اصبر عليه يالا هسا نامو
ماريه؛: ماما ماكلتي ليش طكت عبوه ب باب بيت جدو
سدره؛: اكيد همه نفسهم الدوله الاسلامه ( داعش)طكتها ع الجيش لان جان اكو نقطه مال جيش براس الشارع مالنا ونحنا بيتنا حييل قريب ع راس الشارع يالا ويلادي الحلوين نامو وباجر اكملكم تصبحون ع خير حبيباتي الحلوين
وانتي من اهلو ماما
بوستهم وطفيت الضو وجيت انام سمعت صوت الطياره شلون تفتر فوك راسنا دخيلك ياربي مالي غيرك ساعدنا واحفظلي ويلادي
قريت ايات وانفخ عليهم وكلت ميه مره ياحافظ احفظ احبابي خلصت ورجعت العب ب شعر ماريه لان طبعها مثل علي يحب احد يلعب ب شعرو جان ماينام اذا مافلي شعرو العب ب شعرها واتذكر واشياء جنت اكف عليها ماكدر احجيلها لويلاد اختصرلهم هيا
اخذ علي ماري وباسها من راسها جانت حييل حلوه وتنكرط باركتلي ماما وعمتي ولؤي الي ولعلي
وبعدها رضعتها وكتبولي خروج اطلع من المسشتفى جان الدنيا فجر خطيه عمر وصهيب واكفين بره اول من طلعت عمر اتقدم باس راسي وباركلي وبعدها طلعنا لبيت عمتي
اول من دخلنا شلون باب الحوش واكع والحايط نص هم واكع انقهرت حييل
علي؛: لا تنقهرين حبيبي هليوم انرجعو احسن من قبل
دخلنا جوى وميس واماني وجنات يركضون علينا يبوسون بيا ويباركولي عمي اتقدم عليه باسني من راس وباركلي واخذ بنتي وكام ياذن باذنها دخلنا جوى اريد انام تعبانه حيييل
كلشويه انام واكعد وعمتي اتكولي او ماما رضعي بنتج تعبت الي حد مصار الساعه 8 اماني وجنات كامو يحضرون الريوك
كل اشويه واحد يتصل ويبارك وخطيه وكامو يجون هم يسلمون علينا وهم يباركولي عمي دز الويلاد جاب ذبيحه ع مودي اني وبنتي وع مود البيت وصار الغده كلها جانت منجمعه خوات علي وعماتو وبيت عمو وبيت عمي كاعدين كلنا عمة علي كالت
اشكد بنتج وجه نحس
رجعت خالتي كبل كالت
ليش عيني حجيه ليش وج نحس دحكي عليها كمر
عشتو امكيفين ب بنت هيا بنت
سلوى ؛؛: والله اني كلت من اول خطيه علي صار ابو فلانه وييي ياسدره هو ولد ماكدرت اتجبين ولد لابن عمي
اني شنو صار بيا اريد اتكطع بلا شي الحامل من تجيب يصير بيها كآبه وانوب هذوله يحجون هيجي
ام علي؛؛ اول شي انتو كاعدين ب بيتي والي يكعد ب بيت يحترم اهل البيت وبعدين حفيدتي وجها مو نحس واهم والاخير ياسلوى ابن عمج هو راد بنت وطاير من الفرح واذا جان صار هليوم ب سبب ماري جت لدنيا فابل يوم الف طفل ينولد والف مفخخه اطك بل عراق هذا معناها الاطفال وجهم نحس واذا ع ولد بعد عمرهم صغير ويكدرون يخلفون مكان الواحد عشره مو هيجي ام عبدالله
ام عبدالله ؛؛ والله صحيح كلامج ام حمودي
ام عبدالله كبل خنزرت سلوى
عمة علي ؛؛: اني كاعده ب بيت اخويا احترمي روحج ماريه
ام علي؛: بيت اخوج هذا بيتي واني ماقبل احد يتجاوز ع واحد من بيتي وعائلتي جنتي جايبه جديد والي يجي يبارك ياهلا وسهلا بي والي جاي مايبارك وجاي بس يسمع حجي الله معا
عمة علي:: تطرديني يعني ياماريه
اني كلت الي جاي يسمع حجي ويذب سم الله معا وكل واحد يفتهم الحجي بل مكلوب خلي يفتهم وانتي كبل اخذتي ع نفسج ليش انتي جايه تذبين سم وتطلعين
ليش اني حيه
ام جنات؛؛ كولو يالله ياجماعة الخير شبيكم المره كن ولدت جديد وخلي نفرح ب حفيدتنا
لا لا اكفي خلي اوكفها عند حدها امبين اخويا ماكن علمها
وصار حجي وصياح بين عمتي وعمة علي
جنات
واكفين بل مطبخ والويلاد يشتغلون بره خطيه ناس تذبح واتوزع وناس كاعد تبني الحايط وصوت النسوان ارتفع وصيحهم جا علي يركض
يمعود جنات شكو كوليلهم خلي ينصون صوتهم
جت عبير تركض
علي صيح ابويا امي وعمتي اتذابحوا
شبيهم الخاطر الله عمتي ماتكعد راحه
سمعت سدره حجي لان جابت بنت وامي ماقبلت
علي ضاج وطلع صيح عمي وعمي فات جوى
سدره
دخل عمي جوى والصياح مشتغل بينا اختو وعمتي واخت عمي اكلت عمتي اكل ماضل شي تضربها
ابو علي: شكوووو اش صاير هينا
الكل سكت
عمة علي ؛: تعال شوف مرتك شلون تطرد بينا
ابوعلي؛: ام محمد صحيح هذا الحجي من يمته نحنا نطرد الضيف
ام علي؛؛ نحنا نطرد الضيف الي مايحترم نفسو الي يدخل ب بيتي ويحجي ع جنتي او اي واحد من عائلتي مايشوفني شكلو ب باب الحوش اختك ياابو محمد جت وتحجي ع سدره شلون جابت بنت
عمي كال
الي يدخل بيتي يحترم اصحاب هذا البيت وشيخه بيتي ام حمودي هليوم طلبتكم لبيتي لانكم اهلي واحبابي واريد اتشاركوني فرحتي ب حفيدتي والي صار البارحه قدر مكتوب جان ومكتوب بي بنت علي تجي لدنيا هذا اليوم ناكل ونشرب ونضحك ونتونس واتضل الذكرى الحلوه. مو قال وقلت الي يجيني شاركني فرحتي اخلي ع راسي ومثل ماكالت ام حمودي الي يجي يسوي مشاكل بيتي يتعذرو وماشوفه ب باب حوشي
كلها كالت ابو حمودي انت اخونا وجاين انشاركك فرحتك
عمي كمل حجيو وطلع بره اختو ماعجبها الحجي
جنت ضايجه حييل ب سبب حجيهم ع بنتي ليش بنتي وجها نحس والله جنها كمر شنو اسوي اذا طكت عبوه ب باب بيتنا هو كل العراق صاير هيجي
الى المغرب ماضل احد وكلها راحت الي خلى ب صدر ماري شغله ذهب والي خلى فلوس
ماخليت امي اتروح جا بابا سلم عليه وباسني من راسني واتحمدلي بل سلامه وبارك لعلي وكال هديه بنتج عندي حجول ذهب طبعا الجهاز ماري كله امي سوته ماقبلت نحنا طبعنا اول طفل ع اهل الام كلو علي جان مايقبل وعمتي هم تحجي اتكول نحنا انسوي بس امي بس عرفت بنت راحت ب اربع ايام خلصتهم كلهم
جنات خطيه هيا واماني ماعافو ميس ب شغل البيت كملو وراحو لبيتهم
جا ابو عبدالله يسلم عليه دخل هو وعمي وعلي ولؤي وحمودي
ابو عبدالله؛: الحمدالله ع سلامتج
سدره؛: الله يسلمك عمو
ابو عبدالله؛ انريد ولد ها مو اتروحين اتخلفين بنت ثانيه
علي؛: عمي اني احب البنات اكثر من الويلاد
ابو عبدالله؛: قشمر مثل ابوك دحك ع اخوك. عندو ثلاث ويلاد وانت فرحان ب بنت
حمودي ؛ والله اني اتحسر ع بنت عمي واتمنى لو صفاء جان بنت
طبعا ميس سمت ابنها صفاء جان عاجبهم هذا الاسم يسمون اذا طلعت بنت بس من شافو ولد ماغيرو الاسم
ابو عبدالله؛؛ هينالك قصي
عمي يضحك من ابو عبدالله يحجي هيجي يضحك ع عقلو شكو فرق بين البنت والولد
بس طلع ابو عبدالله خليت ايدي ع وجهي وكمت اشهك وابجي كبل علي جا يحضني يبوس بيا
شبيج ياعيني تبجين
كلبي محصور
ابو علي؛: ليش يابا ليش بنتي
سدره؛: كلهم يحجون لان ماري جت ب لحظه من صار انفجار لان بنت اني شنو ذنبي الله راد تجي بهذا اليوم
ابو علي؛؛ والله الي يجيب طاري حفيدتي اطيح حضو وماخلي يدخل بيتي هاي حياة جدو جيبوها عندي
كام لؤي شالها وانطها لعمي وعمي يحجي معاها
انتي نور بيتي انتي حفيدتي الحلوه الله يرضى عنج
لؤي؛: انتي الكبد لان اسمج ع اسم مرتي
الكل؛:هههههه
ابو علي؛: هم فرحانه جدو عندج عم اثول اول مره يحجي شي صحيح بحياتو ههههه
لؤي؛: بله يابا شايف دكتور اثول
علي؛:: اي كومه واولهم انت
لؤي؛؛اخخخخ اخويا الجبير ماكدر احجي
علي؛: يعوز والله تحجي هم
ابو علي؛؛ ايي هذاك اليوم جنت امخلي ابوج بحضني مثل هاي الشيله الدنيا تركض ركض
ام علي؛؛ اي ياوالله ياقصي تذكر هذاك اليوم جانو سدره وعلي صغار هسا اتزوجو وصار عندهم بنت
لؤي؛: وكل اشويه سدره تغلط ع علي وتجي تركض قبل ماعلي يكتلها تجي تشكتي ع علي وتبجي
علي؛؛ جانت قتلني وبكا وسبقني واشتكا
الكل؛:ههههههه
ام سدره؛:الله يحفظكم ولايحرمكم من بعضكم
الكل؛: اللهم امين
نفس اليوم اهل المنطقه كلها فزعت وبنو كل حايط كن اتضرر وباب واكع والجام الي اتكسر بيت عمتي رجعو مثل قبل واحلى
ماري جانت ماتخليني انام بل ليل بس تبجي ومن تبجي ابجي معاها اخلى صدري بحلكها تسكت بس اشيلو تبجي دمرتني صار اربع ايام ع هاي الحاله تعبت علي جان ينام بل استقبال وامي وعمتي ينامون يمي امي ماخليها اتروح
كعدت بل ليل ع صوت ماريه وامي اتريد تنطيها مامه وماتقبل تاخذ
ام سدره ؛؛ سدوره بنتي كومي رضعي بنتج
سدره؛؛ اي ماما انطيني هيا
اخذتها وكمت ارضعها بس خلصت انطيتها لامي رجعت كام تبجي وكمت ابجي معاها
ام علي؛ شبيج ياامي تبجين
سدره؛: يوم شوفي شلون تبجي ماتسكت اني شلون اربيها
ام سدره؛: طفله بنتي يعني طفل مايبجي
سدره؛: الليل كلو تبجي وماتسكت
ام علي؛؛ بس بل نهار اتنام بلكي من تطلع من الاربعين تغير
خطيه امي وعمتي يضلون سهرانين عليها واني هم معاهم مايجيني نوم
مرت ايام وماريه شعلت كلبي ماتقبل اتنام بل ليل والنهار كله نايمه واني كلبي متعذب اخذوها ع طبيب امي وعلي عمتي كالت ماحاجه اني ويلادي كلهم هيجي بس اني اصريت وكالت بكيفكم اخذوها ونفس الكلام الدكتور كال مابيها شي
جنت بل ليل نايمه ماحسيت غير علي دا يلعب ب شعري ويهمس قزومتي
هممم ها حبيبي
كومي معايا
وين
مشتاقلج تعالي اشويه بحضني
اريد انام عفيه
بس اشويه تعالي يالا
اي
كمت رحت معا ع الاستقبال اول من دخلنا سد الباب وكام يحضن بيا ويبوسني
مشتاقلج ماتحسين بيا
علي تعبانه
ليش يروحي
التربيه صعبه ماتوقعت هيجي بنتك اليل كلو ماتنام دمرتني
شال ايدي باسها
قبان عيونج الحلوه حبيبي لاتضوجين اني اساعدج والله
احضني
ليش ضايجه
ماسكتني كابه كلبي محسور دفيني بحضنك
حضني قوي وعصر جسمي اشكد جنت فرحان لان جبت بس جنت بكدها كآبه مو طبيعيه
خلى راسو بركبتي يشم ويبوس بيها
ضل يبوس بيا ويعض واني ابادرو الي حد فد مره طفيت اريد انام حضني ونمنا كعدت ع دكه الباب امي ادك بل باب
سدره ماما بنتج اتريد ترضع
اي عمه هاي جتج كومي سدروه حبيبتي
اي كمت
كمت رحت رضعتها وماخلتني انام الى الصبح الصبح نامت واني هم نمت معاها حسيت ع ماما باستني
ها ماما اتروحين
اي والله بنتي خطيه ابوج وسماء وطارق صغار واسراء هم بيتها و ويلادها
براحتج ماما منو راح يوصلج
علاوي يوصلني راح اكولو تجين عدنا
فد اسبوع الثاني واجي هسا العالم واصدقاء علي دا يجون
براحتج حبيبتي يالا مع السلامه دير بالج ع نفسج وخطيه عمتج ماتقصر بس خطيه هيا هم علمي علي يساعدج بيها
هو كالي راح اساعدج ماما ماسكتني كآبه بس اريد ابجي
كبل كمت ابجي
شبيج يابنتي تبجين
ماعرف ماما ضايجه
هسا اكول لعمتج دقيقه. ام حمودي بله ماتجين
اي ام عمر
سدره ماسكتها كآبه مال ولاده خلي بعدين ابو حمودي يقرالها
ميخالف بعيني تدلل بنتي
سلمت وبوستني ماما وطلعت اشويه وعمي جا كام يقرالي واني بس ابجي واشهك طكيت بل بجي وهو بس يتثاوب
ابو علي؛؛ عين ياستار من العين وخوفه هاي الي يوم الي طكت العبوه خفتي وعين كن صابتج يوميا بنتي شغلو سوره البقره ولاتسمعين اغاني ديري بالج هسا انتي انفاس بينج وبين الموت شعره شغلو قران بل بيت دائما وماريد اي اغنيه بل بيت هسا مرت اخوكم انفاس مو زين عليها
جاب بطل ماي وكام يقراء علي وشربني هو وكالي يوميا اشربي من عندو الفجر وبل ليل ...
من كمت اسمع سوره البقره واشرب هذا الماي صرت احسن الحمدالله الكآبه وضوجه كلها راحت مني
بس ماريه دمرتني اليل كله تبجي عودتها ع ممه ومرات احس عليها تبجي مابيا حييل اكوم اني اكعد علي هو يكوم يسويلها حليب ويرضعها ومرات خطيه حتي هو يبدلها مرات اتعب فدمره عمتي اتكول جيبها يمي
انطيها لعمتي رحت لبيت اهلي ضليت عندهم اسبوع جانت غرفتي القديمه مثل ماهيا كن ضلت محد يلعب بيها جنت كل ماروح لبيت اهلي انام بيها بس بابا جاب تخت لماريه وكنتور جنت اكثر المرات اخابر علي يجي ينام ب بيت اهلي مايعجبني ابتعد عنو
الحمدالله طلعت من الاربعين وعمتي سبحت ماريه ب اربعين طاس ماي كلبي كام يوجعني بس جانت اتخلي اشويه اشويه بل طاسه وتصب ع راسها
ورجعت مشطتها ب مشط بي اربعين سن ورجعنا حلقنا راسها صفر صارت كرعه هههه حياتي ماري بيضه مثلج ومن عمتي سبحتها صارت طماطه اخذتها وطلعت من الحمام ورضعتها ونامت فدوه بنتي اشكد حلوه جا علي من بره باسني وباس بنتو وطلع من جيبو تراجي ذهب ومحبس لبسني المحبس وباس ايدي
اشكرج حبيبتي جبتيلي بنوته كمر واشكر كل تعبج الي تعبتي واتحملتي الم الولاده والحمل هذا شي بسيط مايوافي ربع تعبج
خليت بنتي بل تخت ورحت علي حضنتو
اشكرك انت حياتي انت عمري وايامي وكل سنين ربي لايحرمني منك
ولامنج حبيبتي انتي..... هليوم ناخذ بنتنا ونزرف اذنها ولبسيها التراجي
اوكي حبيبي
هيا ونايمه ضحكت وبينت عندها غمازه ضحكنا اني وعلي
شوفي قزومه عندها غمازه الحمدالله الله حققلي امنيتي
ههه فدوه حبيبة ماما علي اشكد حلو الضنه
يخبلون صحيح نسيت ابلغج وقعت عقد مع قناة ...... وراح اطلع بيها ان شاء الله
صحيح الف مبروك حبيبي
الله يبارك بيج كلبي
العصر اخذنا ماري ورحنا زرفنا اذنها وكامت تبجي اكلت الدنيا بل بجي واني ابجي ع بجيها اخذتها بحضني واهدي بيها ماجا من كلبي اخليها بحضني خليتها بحضن علي وزرف اذنها
اشش اشش ياماما حبيبي قبان عيونج اصير
اخذتها كبل ع سياره رضعتها ولحكني علي ركب
ها بعدها تبجي حياة بابا
لا سكتت
ادحك ع المحبس الي ب يدي الي جابو علي ا ب ولادة ماري واكول اي ياعلي ضليت بس ذكرى ماتنسي طول العمر ايامي جانت حلوه معاك ليش هيجي اتغيرنا وكل واحد صار بينا يبتعد عن الثاني
شلت الغطا عني ونزلت جوى امشي وامسح بدموعي غطيت ويلادي زين ونزلت لحديقه اشتم اشويه هوى اختنكت
ها كاعده
انت اش دا اتسوي هينا
الي جابج جابني
ضميرك
سدره تعبت مليت ضميري موتني مادا اعرف انام اليل اني السبب بكلشي صار
مع الاسف هاي الحقيقه يامختار انت السبب بكلشي صار بينا وماكدر اجاملك بشي
ماحسيت غير صار انزال ع بيتنا وداعش كلبو الدنيا ب بيتنا كمت ارجف اريد اركض فوك ويلادي
الداعشي ؛ وين المرتد عمر
سدره؛: ما ما نعرف
الداعشي ؛؛ من هينا ثلاث ايام اذا ماجا سلم نفسو البيت يصادر يالا حجي امشو
اني ارجف وميته من الخوف بس واحد منهم عرفتو من عيونو اي هو متاكده اني هو اعرفو مانسى مانسى صورتو ابد هذا الي دمر حياتي اني انتبهت عليه اعرفو هذا صديق الطفوله شلون انسى شكلو جان ملثم بس عرفتو من عيونو
طلعو من البيت بدون تفتيش ومختار يحضن بيا ويهديني واني ابجي الى متى انضل تحت رحمه داع... ش ......يتبع
