رواية دخيله الشيخ زين العابدين الفصل السابع عشر بقلم أوتار حزينه
زين العابدين
نزلت من غرفتي بدارنا تريكت بالمطبخ سالت امي عن ابويه عبالي بالمضيف
ردت
لاا ابوك اخذ الهنوف وولدها وهاجر وراح
للمزرعه عازم بيت حميد ومسويلهم غده
رفعت راسي رديت
عم حميد ماغيرو
اي عمك حميد ابو هيله عييني
ابتسمت من نغزتني وكملت بضوجه
ماادكلي شفت منها اذكرها دعسه وسمينه كلش
غصن الخيزران اجه جدام عيوني وهي مفرعه بنص الگصب رديت
ماهي دعسه يايمه كبرت وحلوت
دحكت عليه بطرف عينها وكالت
وظلت فلاحه يبن امك
ماهو عيب شغلها اهلج فلح يايمه
ردت بغضب
احنا ملاااجين مانشتغل بكاعنا
واحنا شيوخ واشتغلنا بكاعنا
جدتي دشت وردتها امي سكتت نهضت حجت بسرعه
وين العزم
طالع بشغله
راح تروح لها موو
من يمه
هيله بنت العرب
ابتسمت دحكت لجدتي ردت
روح يبعد جدتك لاتظل هينه يم امك تره اليظل يمه يفگد نص عگلو
كاعده يمي ومافگدتي ياعمه
ردتها بضوجه وجدتي جاوبتها بابتسامه
انا فكدتو مرة يافضه وندمت ندامه العمر
وجان يوم اسود عليه
متى هذا اليوم ياعمه
تعرفي ياافضه
خربت ضحك من شفت امي ماافتهتمو جاوبت
قصدها من اخذتج لابويه
هااا هيج الحجي ياعمه
اي هيج يافضه وانت اسري واطلع عش واكف وشاك حلكك يمنا
ههههه طالع ياجده
سريت اسمع الهواش مالتهن واضحك وي روحي
ركبت سيارتي شغلت وحرس طلعو معي بعد الصار بيه ابويه خله حرس يمشون معي.. قصص وروايات عراقية كرار صلاح
طلعت للمزرعه وانا اريد اشوف السمره وصلنا بسرعه لان دست بها وهي اصلا مو بعيده عن دارنا نزلت ادور بعيوني سمعت
صوت ضحك البنات ورة البيت راسلت هاجر
هلو هجور انتي وين
انتظرت شويه ردت
هلا يازين انا بالمزرعه
اي ادري وين باي مچان
هااا بالحديقه ليش
من معج
ليش يازين
جاوبي يولي
بنات عم حميد
من كلهن
ااي كلهن ليش
هجور اخذي هيله للبستان عندي سالفه معها
مااكتبت اي شي
يولي جااوبي
يازين ابويه هينه وخااف تسوي شي لها يكدرو ويخلي يغضب عليك
يولي جفي شري وسوي الكتلج علي
تمام تمام
خليت جهازي بجيبي سريت بسرعه للبستان جان
وره البيت وصلت،،،،، له عينت ذيج تسري بهدواه وهاجر يمها تگربت والگلب اختلفت دكاتو جن ماتسري
على الكاع لااا تسري على گلبي صرت وراهن حجيت
شلونج ياهيله
اندارت عليه عكدت الحواجب والملامح تغيرت بلحظه دحكت لاختي
توترت من نظراتها
جاوبت بنترة
هلاااا
سرت تريد تعگب تكلمت
ياهيله
وكفت دارت وجهها عليه صفنت بالعيون والخلقه عيوني حدرت للشامه
بايسه الشفه كلت
مااريد گلبج يظل شايل عليه عگب السويتو معج
دحگت عليه بطرف عيونها جن شايفه واحد مايعجبها ردت
انا بريتك الذمه يبن الشيوخ عگب ماشفتك راح تموت
سرت ولحگتها وكفت جدامها رفعت عيونها
خزرتني تكلمت
اااحاجيج ياهيله
دارت وجهها مني وتكلمت بغضب مع هاجر
يبنت الشيوخ اعرف لو عمي الشيخ درة بالسويتي ماراح يسكت لج
هاجر خافت اجتي بسرعه لزمتني من زندي وكالت
يازين عگب لايلفنا بله من ابوك
دحكت لها تخزر بيه وبيها بغضب حتى غضبها
عشگتو عشگت كلشي بها والگلب تولع بها وصارت
هوجاس به
گلت
اتمنى
صفنت بعيوني كملت
يحس بشوگي لو ثواني
ابتسمت باستهزاء وردت
يااازين گلوبنا ماهي فناجيل قهوه نكرم بها كل من جانا مسير
سرت صحت
ياهيله خلي دربي سمح لاتزرعي شوگ يمكن يجي لك يوم وتمشين به حافيه
ماردت سرت وعگبت للحديقه هاجر تكلمت
بخوف
راح تخبر ابويه يازين
صفنت عليها وورديت
لااا ياهاجر هيله ماتسويها
اروح اعتذر منها عرفت انا جبتها حتى تتكلم معها
مارديت سرت من يمي تنهدت وكلت
صعبه ياهيله وراسج عنيده
صفنت للبعيد وكملت
اضرب على الصعب دايم والسهل خله
ما ياخذ السهل غير الهين الـعادي
رددت بحزم
خليتج براسي ياهيله وماراح اهدج الا وانتي لي اخذج يبنت لان ماتلوكين غير لي
سريت للمضيف دشيت ابويه دحك لي
سلمت
الله يساعدك ياعم
هلا يازين
حبيت عم حميد وكعدت يمو دارت الگهوة
سالني وعيوني الشيخ عليه ماسأل
اي شي
شلونك يازين وشلون صوابك
الحمد لله ياعم بخير انت شلونك وشخبارك
بخير اذا انت بخير
دومك بخير ياعم
ظلينا نتكلم عن الزرع والحلال وعن الصار بيه
الزاد تخله تغدينا وكمت طلعت بره.. قصص وروايات عراقية كرار صلاح
اشرب الجاي سريت للحديقه وبالي مشغول بالسمرة اعيل بلكي المح
طيفها
ساريه شافتني صاحت
بفرح
يااازين
اجتي تركض عليه هي وريهام وهاجر واكفه
تگربن اختها وكفت مسافه لجن ساريه
حظتني كامت تبجي وتردد
خفت ماتعگب
بستها ورديت
لاا عگبت وراح العب طوبه معج
صدك
جاوبتني بفرح وهي تمسح بدموعها
ااي بس راح تخسرين انتي والوياج
هههه نشوف
جرتني من ايدي سريت لعبت معهن وطلعن
مو شويه هدن حيلي لان سريعات
هاجر كعدت خربانه ضحك
تكلمت
اعلن انهزامي
كعدت بصفها وكفيت الدشادشه ليفوك
جاوبت
وانا هم
هههه غلبناك يازين
بصمت بالعشره فوك الثيل وجاوبت
بالعشرة
ههههه
هيله
تغدينا وانا مو مرتاحه لان برق الشر لفه
بالمزرعه اكلت شويه الهنوف تكلمت
ها ياهيله شبي الزاد مو طيب
لاا طيب ياام سالم لجن انا شبعانه من
الريوك
هاا بالعافيه
الله يعافيج
كمت غسلت وعگبت كعدنا نشرب جاي منتبهه للهنوف تصفن عليه مبتسمه وهاجر خجلانه مني لان كشفت وش سوت من اخذتني للبستان حتى يتكلم معي اخوها
ماغاب عني تصرفهن كلت اكيد من ورة اخوهن
لان حجه بيه ردت بس اعگب لدارنا
لان ماارتاحيت بكعدتي يمهم
وره ساعه عگبنا ،،،، تفاجأت من شفت برق
الشر كاعد بسيارتو وهو يريد يوصلنا لذيج
الجهه ابويه ركب يمو وامي ليوره خواتي يمها السياره ماكفت ردتها حجه حتى ماارگب
معه وهم ردت احجي وي ابوه
بالي كاعد اهوجس به
يابه عگبو انتو انا اسري لدارنا
عم شعلان تكلم
خلي مشعل يوصلج
لاا ياعم اسري انا لدارنا
الدنيا راح تمطر ياهيله
امي حجت
ماعليه شي يايمه اصل يله تمطر
جاوبت وانا اتجنب ادحك الو
عم شعلان تكلم
انا اوصلها يااحميد
ابويه هز راسو وكال لبرق الشر
يله يابه حرك خلي اصل الگاع ظلت وحدها
صار عم
انتبهت للشيخ صافن لابنو
من سرى باهلي عيونه صارت بعيوني حسيت به
خايف علي درت وجهي دحكت على
الحرس بعيدين مسافه
تكلمت
يااشيخ
سمي ياهيله
سم الله عدوك احاجيك بجلمه لجن
بيني وبينك
ركز بعيونو عليه رد
عهد الله مايطلع مني الي راح اسمعو منج
تنهدت درت وجهي دحكت للسياره زين
تسري ومعو حرس
ااحجي ياهيله وش نوحج
ياشيخ خذ حذرك من الشيخ صگبان
عكد حواجبو كملت
طبعو غدار وانت تعرفو كلش زين خبرتو قبل
جم سنه وش راد يعمل بك هو وازلامو
هز راسو باي سال
سامعه شي ياهيله
اشرت من بعيد لتل الگصب كملت
هناك ياشيخ لگيت فشگتين جديدات ماهن
قديمات وناس شافو واحد يسري
بسرعه من تصوب ولدك
من هوو عرفو
لا ياشيخ محد عرفو لجن الغدار انت تعرفو
جاوبتو وكملت
انا مااريدن ابلي احد عيوني ماشافت
ولا سمعت شي،،، جنت حد ولدك من تصوب
لجن الي اعرفو الشيخ صگبان مايودك
ولا يود زين
سكت صفن لابنو من بعيد رد
اعرفو والله لجن ماعندي دليل علي
اي ياشيخ لو اكو دليل علي لو لزمو الصوب ولدك جان حگيتو يم القاضي واخذت حگك منو لجن هساع الحذر منو واجب
صفن عليه وسال مبتسم
تخافين على زين ياهيله
جاوبتو
اخاف عليك ياعم اخاف على زعلك شفتك شصار بك من تصوب ولدك
ابتسم وهز راسو رد
الضنه غالي ياهيله
الله لايشوفك مكروه ببزرك ياشيخ
اللهم امين
من رخصتك اسري
خل اوصلج يبنت الغالي
تسلم ياعم احب اسري بين الزرع
حدرت بنص زرعهم سلمت على عم
محمد ،،،،،، من بعيد عينت اهلي حدروو
لدارنا ابويه وكف يدحك لي من
بعيد بعدين حدر لبيت
الماطور
من عگب زين نزلت راسي وتجنبت ادحك
له هفيت بالمشي حتى اصل
بسرعه
هون من گرب مني وحجه
خلي اوصلج الدنيا راح تمطر
ماارديت كملت مشي رجع ليوره وكف
عيوني راحت له تكلم بصوت متغير
أمَطرت وامطر شعوري لك قصيدة
ليتك مع رش السحايب تجيني
جابتو واني اسري
يازين كاعد تهوجس بشي ماهو لك
سمعت باب السياره انفتح عرفتو حدر
تكلم
ياهيله لاتخليني على باب الرجاوي واكف
وانتي خابرتني عزيز مااترجى احد
درت روحي يدحك عليه بملامح متغيره
نظراتو ماهيه كلشي اختلف
به رديت
عجل خلك عزيز النفس ولا تطلب حاجه
ماهي لك يبن الشيوخ
يولي اااني وين وهو وين انا شيخ
ياهيله وتعرفين شاكدر اسوي لج
خزرتو رديت بغضب
تسووي كلشي الا شي واحد
صفن بعيوني رد
وش هوو كولي
انك تصير زلمه مثلو يازين
عكد حواجبو وخزرني كملت
ماكل واحد تعلى بالصيت والمال
كدر يوصل لاعجابي يبن الشيوخ
الغضب ترس ملامحو رد بصوت مخنوك
الله لايحدنا على اللي مايودنا يبنت العرب
من شاف نفسو فوق حنا بعد ثقال النفس
ونشوفهم تحت
ابتسمت باستهزاء ورديت
الحين انت زين الي اعرفو
وجهو انطعن درت روحي تكلم
ياهيله انتي من بره جامع
لجن گلبج من جوة معبد يهود
ااسري يبن الشيخ الدنيا مطرت
مارد ولا دحكت له وصلت للگنطره ابويه واكف
سال عاكد الحواجب
وش به زين تكلم معج بشي
يسأل عن ذاك اليوم اذا عرفت شي
صفن علي من بعيد هز راسو وكال
هم سالني من لفه يمنا بالمضيف
سريت وهو معي
🌿🌿🌿🌿🌿
مالك
جان لازم ادوس على نفسي وارجع لشغلي
لان بشير مايدبر شي الشغل جثير
ولازم اتابعو ويا
كاعد بيت اهلي الريوك جدامي بس
مالي نفس افك ريگي صافن لبنتي بحظن
امي وتهز بيها حجت
يمه فگ ريگك وجهك غادي اصفر
هزيت راسي باي مديت ايدي للجاي
حجيت
يمه ديربالج على تاليا واي شي يصير خابريني
لاتخاف يمه مابيها شي ان شاء الله
نوار اجتي اخذتها منها وكعدت تبوس بيها
امي سالتني
يمه شراح تسوي بيتك
ذبيت حسره وكرهت حتى تجيب سيرته لان
تعارگت وي لميس من وراه ووراها ماتت
رديت
ابيعو يمه مااخلي نفسي بعد ماتريدو
سكت نوار سالت
وين راح تكعد انت وتاليا
بيتي بحي الجامعه
كمتلو يمه يعني خلصتو لو بعدو
كاعدين يشتغلون بي مابقى شي ويخلص
صفنت على بنتي كملت
بس يكمل اشيل الو ونوار تجي يمي حتى
اداري تاليا
الله كريم يمه
اخوتي اثنينهن جانو خاطبين وراح يزوجون
بس تمر فتره على وفاه لميس يعني
امي ماراح تظل وحدها بالبيت
كلت اخذ اختي يمي
حتى اداري بنتي
طلعت وره مشوار رگبت سيارتي
دحگت بالمرايه صفنت لاول مرة على شكلي
عيوني منگرة وجهي ضعفان ووشعري
عالي حجيت بقهر
يولي شسويتي بيه رحتي واخذتي عافيتي
وياج
رجعت ليوره صفنت بجمود على الشارع
ذبيت حسرة ورددت
يالله منك الصبر
ظليت كاعد رصافن تماسگت ورجعت لروحي
اخذت نفس طويل وشغلت سيارتي طلعت طول الطريق صافن وافكر بحياتي الي تغيرت بين
ليله ويوم
جان لازم اروح للشغل بحي الجامعه اشوف بيتي والمشتملات الشغل شلونه وصلت نزلت وكفت يم سيارتي باوعت للبيت ماباقي شي ويخلص هو والمشتملات ،،،، باب جيراني انفتح طلع حجي مصطفى صفنت علي شكله متغير وتعبان كلش ماانتبه عليه
الله يساعدك حجي
انتبه عليه وجاوب
هلاا يابه
وكف على صفحه سيارة طلعت من الكراج
مشيت لبيتي وكفت يم الباب من طلع ولد يشتغل بالكهرباء سلم واخذ من خاطري وكف يحجي
وياي على الشغل عيوني
راحت لبنيه بالسياره شعرها احمر
سانده راسها على الجامه وشكلها تعبان
كلش
درت وجهي وطبيت ويا لجوة كتله على جم
شغله وبعدين رحت للمكتب
بشير شافني واجه عليه حظني وكال
هلا اخويه شلونك ان شاء الله زين
الحمد لله
دحك بوجهي والحزن مبين بوجهو كال
شكلك تعبان
ابتسمت بالم وجاوبتو
ااي مرتي ماتت شلون تريدني اصير
الله يكون بالعون
ذبيت حسرة وغيرت الموضوع
جنت بحي الجامعه
شفت الشغل توب موو
اي عاشت ايدك مثل مااردنا مسوي
كعدنا صب جاي سالته
بشير بيت الحجي حجو شي من ورة الشغل
لاا ماحجو شي واصلا هم ماادري شبيهم
دحكت الو سالت
خير سامع شي
والله يامالك سمعت كلام من العمال ماادري
صدك ماادري جذب
عكدت حواجبي رديت
خير يول شسامع
صار حجي بين العمال يكولون سمعنا
صياح بيتهم من جانو يشتغلون بالممر الجانبي
بين بيتك وبينهم بنتهم ماادري شمسويه
اااستغفر الله يعني كاسرة رگبه اهلها وهادرين دمها
فكيت عيوني واني مذهول رديت
ولك صدك تحجي
اي والله اني جنت يمهم وسمعت الحجي كله
منهم ،،كالو صياح ابنهم وصل ليمهم يهدد يگتلها
هي والصخمت روحها ويا
ياساتر يارب ،،،،زين منوو هي اعتقد هن اثنين
ماادري والله بس اني شفت وحدة ذاك اليوم شعرها احمر طلعت تمشي
بصعوبه وي اخوها وشكلها
تعبان كلش
وام شعر الاسود
يمكن هي الي كاسرة رگبه اهلها
اجتي بين عيوني خفيفه ومو راحه كلت هي ماكو غيرها زين واختها شبيها ليش
مريضه يجوز من وراها تمرضت تذكرت من شفتها بالسياره تعبانه ومبين عليها مريضه كلش
الله يستر على بناتنا
اللهم امين
جاوبتو والتهينا بالشغل
🌿🌿🌿🌿🌿
ليان
فكرة الانتحار صيطرت عليه وظلت تتكرر بعقلي ردت اموت حتى اخلص من الكاعد احس بي ردت اصير اسم مكتوب على گبر
تمحي الايام والسنين واصير منسيه اهلي حسو بيه ودخلو انذار من ورايه خالتي ظلت يمنا هي وارؤى بنتها الي كعدت يمي بالغرفه نار مشتعله بصدري والم فتت روحي وگلبي
وخلاني احس الموت قريب مني وباي لحظه راح اسلم الروح لخالقها
ليان اكلي شي
باوعت لارؤى صافنه عليه بحزن مارديت
دموعي تنزل وماامسحها هي مسحتها
رددت بوجع وبصوت مخنوك
ارؤى اريد اموت ليش الموت ماجاي يجيني
ليش ماامتت من سمعت السمعته
شااريد احجي وشاريد اجاوب مااكول غير
الله يصبر گلبج على الصار بيج
سكتت من شهگه طلعت رددت
ااختي ولج ااختي خانتني وي رجلي الغدر اجاني من اعز الناس اليه
ليان ااسكتي مو زين عليج تسوين بروحج
هيج ووج احنا ماصدگنا الله فكج من
هاي الذبحه
ضربت گلبي بايدي لزمتها وهي تتوسل بيه
لاااا لاتاذيني روحج من ورة بشر مايسوه
ااخ اايهم اااخ منك ومن السويته ولك ماالگيت
غير اختي تخوني وياها ليييش ولك لييش عقلي ماجاي يستوعب السوه
انهاريت للمرة الالف كلت خلي اقهر روحي خلي اصيح بلكي تجيني ذبحه اللخ وتصير القاضيه اصيح بخبال
ليييش ولكم لييش لارااا شسويتي بيه وج انتي ااختي من لحمي ودمي شلون
انطاج گلبج تسوين بيه
هيج امي طبت هي وخالتي ابويه وراهن حجه وياي
بتوسل وعيونه مغوركه
كاافي بابا راح يصير بيج شي
اايهم خااني بابا وووي منوو وي اختي ليش شبيه ااني ولكم احد يجاوبني ليش
كسرني وويامن وي اختي
امي كعدت تبجي وتضرب على رجليها
فهميني مامااا اني شبيه مووو حلوه ليييش
انغدر ثلاث مرات لييش الفرح قليل
عليه ليش بابا الانسان الي
حبيته طعني ووي منو ووي اختي
ولكم ااختي ااني ووين بيتي وبفراشي
انهاريت ليوره من اختنگت امي كامت تعيط
وابويه انهار يمي مي صار بوجهي
وخالتي خلت حبايه بحلگي بلعتها بصعوبه
واني اون
جسمي كله كام يرجف انتظرت الموت مااجه
ولا اخذني خلاني بهل العذاب الي
راح يظل طول عمري وياي
🌿🌿🌿🌿🌿
ايهم
السويته جان لازم اتحمل خطأه وادفع ثمنه من روحي وعقلي وجسدي عرفت اني بعد السويته
بليان مستحيل تصير اليه كلشي انتهى قصتي وياها انتهت ومن ايدي اني صرت زوج وقشمر لوحده كحبه وساقطه كدرت تضحك عليه بجسمها مشيت وره رغبه وشهوه وخليتها تدمرحياتي واخسر انسانه ماراح الكي مثلها طول عمري كاعد وحدي بغرفتي صافن واتذكر كل لحظه مرت عليه اني وليان سوالفنا ضحكتنا طلعتنا خجلها وشلون جانت ماتقبل الزمها الا وهي بيتي وزافيها اليه
ضربت راسي بالجربايه بقوه دمعتي نزلت صحت بصوت مكتوم
اااخ مني ومن السويته اااخ ليان ضيعتج من
رگضت ورة شهوتي ورغبتي
بجيت من تذكرت شلون طلگتها وعقدت على ذيج بجيت دم من عفت الشريفه واخذت وحده گحبه ذبت تهمه براسي وحلفت
بالقران اني خدعتها واعتديت عليها الكل صدگها بس امي واخوتي وابويه ماصدگوا بس ما ابايدهم شي ولا بايدي لان الفضيحه صارت جبيرة والتهديد مابطل لا عليه
ولا عليهم ماعدى شغلي ورتبتي وسمعتي بالشغل جان لازم اعقد عليها لهاي الساقطه وعقدت وطلبو مني مااطلكها ابدا وبس اسوي هيج ينهدر دمي ودمها الباب انفتح طبت امي تمشي گوة باوعت
عليه شافت حالي اجتي ليمي كعدت حجت بصوت مخنوك
كافي يمه تسوي بروحك هيج
جاوبتها بخنگه
ماظلت روح يمه وراحت وي ليان
بجت رددت
من اايدك يايمه ولااا انت مقدم وشكبر اسمك
شلون خليت هاي الساقطه تضحك عليك
سكتت لان الملامه تعبت گلبي هي هم سكتت
افنان طبت تباوع بقلق عليه وعلى امي كامت وسالتها
خير شبيج
تعالي جوه يريدج ابويه
عكدت حواجبي وسالت
اجتي موو
جان المفروض يجيبون لارا اليوم بعد ماعقدت عليها بيت عمي وبوجود خوالها ورجل خالتها والشيوخ من الطرفين كمت لحيلي امي لزمتني حجت بخوف
وين رايح يمه
سحبت ايدي منها حجيت بروده
عوفيني يمه مااسوي شي
مشيت وهن ورايه نزلت تحجي
يمه ايهم لاتسوي شي تره اخذو تعهد من ابوك
واخوتك انت مااتأذيها ولك باوع عليه وكفت يم نهايه الدرج كاعده وابويه واخوتي
يمها خزرتها باعصاب دارت وجهها مني امي لزمتني مرة اللخ سحبت روحي بقوه
ردت اروح اگبرها اقتلها وخلي شيريد يصير يصير
ابويه وكف بصدري هو اخوتي وصاح
ووين مولي وشتريد تسوي
ياابه هاااي مااريدها بهل البيت
ااي مو هي على كيفك هاي صارت مرتك والاتفاق تجي يمنا وبيتنا تعيش
صحت بخبال
وااااني مااريدها اخذوها من وجهي تره راح اقتلها وابتلي بيها لهاي الساقطه
كامت وجاوبتني بكل صلافه
اني صرت مرتك عيب عليك ادكول عليه ساقطه
ااكعدي وااسكتي ولاتحجين اي كلمه
زهير انهد بيها وامي كملت بهده
الج عين تحجين بعد السويتي بابني واختج
مااسويت شي ابنج هو الي ضحك عليه واعتدى عليه بيت اختي
ووولج گحبه بعدج تجذبين بعدج تحجين هاي السالفه وانتي تعرفين بروحج
شسويتي حتى اخذج واتلبس بيج
مااسويت شي انت السويت
انهدت بيه هديت عليها گوة لزموني امي صاحت باختي
ااخذيها مناا خلي تولي من وجهه شااحصل اذا راح من ورة گحبه
مشت وي اختي تهددنا بعين گويه بالشيوخ وبالقانون
كعدت مهدود حيلي لزمت راسي الي راح يطك من الوجع ابويه صاح بغضب
شفت شجبت النا ولك شفتها شلون تحجي بعين گويه وتهدد
اروح انعل والديها لهاي الگحبه
زهير صاح بغضب اياد جاوب
اكعد واسكت اخذو تعهد علينا من الصفحتين
هم قانون وهم كلمه يم ااشيوخ
ااخ ولكم اااخ
صحت وشگيت قميصي امي لزمتني انهارت تبجي اياد لزمني من كمت اضرب على گلبي واردد بخبال
اااخ ااني الجبتها لروحي ووولكم بدلت الشريفه بالگحبه
انهاريت بذاك اليوم من اجتي هاي الساقطه
بيتنا وماكدرت اظل هناك رحت لبيتي افتر بي مثل المخبل
كل شي يذكرني بليان
هي اختارت ميز الطعام واختارت التخم الي بالصاله والبردات صفنت عليهن بقهر لزمتها وجريتها بقوه شمرتها بالگاع واني اردد
كلشي ضاااع ولكم كلشي ضاااع وخسرتها للابد
امي تفتر وياي واياد يحاولون يهدوني مااكو عقل ما اظل براسي من ورة السويتو بروحيو وبليان حلفت وي روحي لارا ماارحمها الا ااخليها تعيش بعذاب ومهانه ماراح ارحمها والا اطلع السوته بيه اني واختها على جلدها وهذا الصار
رجعت لبيت اهلي واني ناوي اعيشها بجحيم
وعذاب،،،،،هي اختفت من كدام عيوني كم يوم كاعده بغرفه جوه وماتطلع
اهلي دخلو انذار من ورايه اياد جاب مرته وكعد ويانا من وره خوفه لااسوي شي
مو زين دوامت لان بعد مااكدر اخذ اجازه اطلع من الصبح وماارجع لنص الليل،،،،،، اخذ منوم وانام
لان بعد السويته بروحي وليان حتى النوم جافاني
بيوم الصبح نزلت متاخر على الدوام رحت للمطبخ وكفت من شفتها كاعده تتريك ،،،وماخذه راحتها ،، شافتني كامت تباوع عليه بنفس ذيج النظرات الي جذبتني بيها وخلتني اغلط وياها لميت قبضه ايدي بقوه حجيت واني جاز على سنوني عاادي عندج عايشه وتاكلين بعد السويتي
تره انت هم سويته وياي
جاوبتني بصلافه تقدمت حجت بسرعه
ااي شي تسوي اليه اروح اشتكي عليك يم الشرطه
ابتسمت وجاوبت بهدؤ قاتل
تره اني الشرطه خاتون
اايهم لاااتاذيني تعرف اني سويت السويته لان احبك
واني مااحبج وللموت راح اظل احب ليان
وجهها تغير للحقد والكره الجمال تحول لقبح وهسه يله شفته هسه يله عيوني شافت شلون هي تكره اختها وتغار منها افترت
داير مداير الميز صاحت بحقد
اني مرتك هسه وليان انتهت قصتك وياها
اااااانتي مو مرتي خدامه بهل البيت صرتي
صحت بجنون
اايهم
امي صاحت اجتي بسرعه لزمتني هي واختي الجتي وراها انهدت بيها
مااكتلج لاتطلعين الا يروح للدوام
شنووو تريدون تحبسوني هناااا والله اروح ااشتگي عليكم يمم
دفرت الميز بقوه عليها ضربها ووكعت ليوره
جريت روحي من امي
واختي وهديت عليها،،،،،
الكاتمه بگلبي زمن طلعته بيها بخبال اضرب بدون وعي واني اريد اموتها
امي تجرني هي واختي وارجع اضرب بيها فلتت من ايدي من جروني من عدها بقوه وانهزمت للجوه لحگتها للصاله طبت الغرفه
ردت اطب اكمل عليها بس
الساقطه قفلته ضربته بجنون وامي تعيط هي واختي
ساااقطه دااايحه وج الكحبه بالملهى اشرف منج اافتحي الباب ولج اافتحي سااقطه
اياد طب من بره جرني بالقوه منه وصاح بيه
كاافي ولك كاافي فضايح
اخذني بالقوه واني انفض بروحي واريد بس الزمها حتى اعدمها العافيه وهذا الشي تكرر لارا مارحمتها يوميا تنكتل لو تنهان عندي سويت حياتها جحيم مثل
ماخلتني عايش بنار تحرك بيه على البطيء
🌿🌿🌿🌿🌿
زين العابدين
بعد السمعتو من هيله خليت كرامتي فوك حبي
كلت مو انا الي يركض وره وحده
ماتحبو وعاشگه واحد وراح
تصير الو
حبها ادفنو بصدري وادوس علي ولا اخلي
ينزل من قدري جدامها
بمضيف ابويه كاعد حمد يمي سال
مانحدر للمزرعه
لاااا
صفن بوجهي من جاوبتوو بنترة
وش بلاك صاير شي
مارديت دحكت لابويه صافن وهو عاكد الحواجب
عرفتو كاعد يهوجس بالكاعد يصير
بالبلد عم نصار سالو
هاا يبن اخويه اشوفك صافن وكاعد
تهوجس بشي
والله ياعم دايخ بالكاعد يصير الوضع
مايبشر بخير ولازم الواحد ياخذ حذرو
ماكو شي ياشيخ تعودنا كل فترة تهب ريح
وتهفت وره جم شهر
واحد من الربع جاوبو ابويه هز راسو
بلااا وجاوبو
مااظنها ريح ،،،،زوبعه راح تلفنا كلنا
والله اليستر منها
جنت اسمعو يحجي بدارنا ويكول لازم ناخذ
حذرنا من الجاي والكل يتجهز بالسلاح
والعده خاف ننغدر من عدو
مانعرفو
دحگت له عيونو صارت بعيوني وكمل
الي اريدو يالربع الكل يتجهز ولدكم وي ولدي
يكفون حوالين الديره مااريد يغفل عنكم
شي الي تشوفو والي تسمعو تخبروني
به انا لو ولدي
العيون صارت عليه جاوبو
تبشر ياشيخ
حمد مال عليه وتكلم
يعني وش راح نسكن الفلاه
نسكن وش عدنا
جاوبتو رد
والمزاج يابه نعوفو
دحكت له بغضب وجاوبتو
يول ماكاعد تشوف البله الي لفانا
مااشوف ولا اعرف وش بله عمي الشيخ
ولا ليش هيج كاعد يهوجس بشي
بس هو شايفو
عيوني راحت لابويه جاوبتو
ابويه الي يهوجس به يطلع صح
بومه وجه الفگر ماتعيل خير تهوجس بالشر
انت وابوك وجايبين البله گوه
من ذيلو
يول لادوخني ماتريد تسري معي اكعد هينه
وانجب
جاوبني بضوجه
اي عايزة اروح معك واسكن الفله واهد
راحتي ومزاجي ااكلك اخذ صعب
ابتسمت ورديت
خاف يلفاه الذيب
سكت وصفن ملامح وجهو تغيرت
عكدت حواجبي سالتو
خير وش بك
ابتسم وتكلم
تذكرت هيله والسوتو باابو سرحان من لفه يمنا وراد يغدر هالاثول
سكتت والگلب حن لشوفتها اجه بين عيوني
خيالها شهم شفتو حدها ادحك له
وتبتسم عكدت حواجبي
وضجت من الشفتو والي حسيت به
وش بك
صفنت بوجهه حمد رديت
مابي شي
مدري اذا عقد عليها ابن عمها لو بعدو
وش تريد به اذا عقد عليها ولا ماعقد
سكت ركزت بعيوني علي صافن وملامح وجهو تغيرت رد
هالبنت يازين ماتلوك له
مارديت ظليت ادحك له وانا عاكد الحواجب
كمل بنهدة
هيله خيالها مو شهم
من عجل تكلم
جاوبتو بنتره صفن بوجهي رد
شبلاك بسك تنتر بي
نهضت ابويه دحك لي اشر براسو اجلس
جلست عيونو عليه تكلم
يازين العابدين
سم ياشيخ
سم الله عدوك ياولدي من باجر تاخذ ولدنا
وشوف من يطلع معك من ولد الديرة تحدرون جنب الوادي وحوالي وعينكم لاتغفل
عن اي غريب يلفي بديرتنا
تامر ياشيخ
سلاحكم معكم وخليكم جاهزين لاي شي
يحدث يعني لاتغفل ياولدي عن
اي شي يصير
تامر شيخ من باجر اخذ السباع واسوي
الكلت علي
بارك الله بيك وبيهم
هيله
بليل انا اشتغل المطبخ هاله اجت
حجت
هيله شهم اتصل على امي ويريد يحجي
معج
گلبي فز بفرح لان صارلو فترة مانزل
ولا اتصل رحت للهول امي جالسه وتحجي معه
اشرت لي اجي يمها سريت
وهي تكلمت
هاي هيله ياشهم
اخذت جهازها خواتي يدحكن عليه ويضحكن
حسيت بالخجل رحت وكفت يم الشباج
تكلم بخنگه
شلونج ياملي
هلا ياشهم
سكت سمعتو تنهد جاوب
اشتاگيت لج ياگلبي
ماجاوبت رجع كال
زينه ياهيله
الحمد لله انت شلونك
الحمد لله انا بخير وصرت گريب عليكم
هاا ووين
بالولايه يم الحدود
گريب علينا يعني راح تحدر وتنزل باجازه
ااي بس اقبض راتبي انزل
عبالي يحجي بسالفه العقد لجن ماحجه
كمل
هالاسبوع احدر اظل جم يوم واعگب
تجي بالسلامه ياشهم
الله يسلمج يله اروح الزم واجب
الله وياك
ياملي
ابتسمت وجاوبتو
هاا يبن العم
تعرفيني احبج جثير
مارديت وحسيتو متوتر وضايج من شي
كمل
تحبيني ياهيله
مارديت ذب حسرة سمعتها كمل
يعني ماراح اسمعها ابد
عيوني راحت لامي ادحك عليه وهي مكدرة
سمعت واحد صاحو رد
جااي اروح ياهيله
الله وياك
سد الخط وديت الجهاز لامي تكلمت بغضب
كتلج امرو مو بايدو
عكدت حواجبي وصفنت عليها ريمه سالت
خير يايمه حجه لج شي
سكتت وبلعت السالفه ريمه دحكت لي اشرت
اساليها تكلمت
خير يمه صاير شي
مااصار وسدو السالفه
يمه اختي ماهي بايره اذا اختج ماتريدها
اكو غيرو يريدها وشيوخ بعد وهم
مو شويه بالديره
ريمه انهدت بغضب امي دحكت لها
بخزرة ردت
عيب ولج ادكولين ااختج نسيتي هي خالتج
مااهي خالتي عگب الكاعده تحجي به بالبيوت
علينا
امي سكتت والقهر ترس ملامحها هي
كملت بخنگه
يمه تره لا اختج ولا عمي يريدون هيله لشهم
عش عجل اجويه وگضبوها الو
امي انهدت بها هي ردت
اجويه من جان ماعندهم شي وهم يعرفون ماراح نطلب منهم الجثير وهيله ترضى بالقليل لجن هساع عمي صار عندو گاع وشهم راتب وحالهم تبدل وشافو روحهم علينا
مااهيج الحجي ياريمه
رديت انهدت بي
عجل وش ياهيله لان خلفه امي بنات موو
احجي تكلمي كولي وش هو الي مخلي شهم ماايجي ويسد حلوك
الحجت بيج
مارديت امي صاحت بها
ااسكتي عاااد وسديها لهاي السالفه اختج
ماهي بايره ولا دشت بالعمرين
الف واحد يتمناها
يمممه شهم ماعندو چلمه يم اهلو روح
روح تعال تعال
كااافي
صحت بها بغضب سكتت خزرتها تكلمت
ااسمعيني ززين اليريدني هذا بيت ابويه
والمايريدني يولي والهوة بظهروو ولووو جان
عزيز وساكن الگلب
ماحجت شي نفضت ايدي بغضب وسريت
من يمهن طلعت امي صاحت
وين ياهيله الدنيا ليل
مادرت بال رحت للمحصر سرجت مهرة
وطلعت بها امي تلكتني صاحت بي
يابنت احاجيج وين رايحه بهل الليل
يمه خليني اهج واشم شويه هوه
ليل يايمه وين تردين ترحين
هينه ماابعد
رگبت مهرة وطلعت بها اسمعها ترزل بريمه
رگضت بها خانگه الدمعه مااريد ابجي ماردت تنزل دمعتي وتكسرني مثل مااكسرني
شهم من هون جم مرة وماا
عقد وسد حلوك اهلي قبل
الاوادم
مااعرف شكد سريت بها بس شفت الوادي
لاح جدامي هونت صفنت لليل والنجم العالي بالسما وانا اتذكر عهدنا معا
انتي برگبتي كلاده
وانا برگبتج ذمة
غمضت عيوني تكلمت بقهر
جن هنت عليك يبن العم
من شفتك راضي بحالنا
ذيب عوه من بعيد مهرة صهلت بصوت
بعدنا جثير والفله ماهو بامان
خلنا نعگب يامهرة
درتها سريتها بها وكفت من شفت من بعيد
ضوه سيارات محدارت عليه جانن
جثيرات تلثمت وهوجست
واخذت حذري منهم
