رواية لست غجرية الفصل السابع عشر بقلم روز الحيدر
عينه على شارع بدون مايلتف رد بقهر
نسر :سفرات لو حفلات!
عضيت شفتي وغمضت عيوني اردد بگلبي
: اهدي وريدة اهدي لاتسويهاا
سحبت نفس وزفرته بهدوء.. بتسمت وباوعتله
وردة : أي طلعت حفلة أني وعزيز گلبي
شد على ستيرن بقوة لدرجة السيارة مالت شوي
وبعدين عدلها بسرعة رد بقهر
نسر: عزيز گلبج؟
ما التفتلي.. أعصابة مشدود وعروكه بارزة،رديت
برود
وردة: إي
ضحك ضحكة ما بيها ذرة فرح.
نسر: لا… أبد. بس دا أعرف شلون كلما تنذكرين الماضي… يطلع هذا الاسم أول واحد.
رفعت حاجبي بتحدي.
وردة: لأن هذا الواقع وماصار ماضي والدليل كلمة
غجرية ماتوكع من السانك
هالمرة التفتلي بسرعة، نظرة حادة
نسر: اي حجيتها لان تجبريني أشوف اسوأ شي
سكتت، بس ملامحي ما تراجعت.
وردة: وأنت شعليك؟كل هذا لان گتلك لاتدفع!...ترا
مأتقبل عطية من شخص
هز راسه بقهر
نسر :ها صرت شخص!
التفت له وبصوت أهدا
وردة:أسمع أني صريحة واحجيها طك بطك ماكو
شخص يشتري وينطي لوحدة من دون مقابل..واذا
تكول بدون مقابل فتكون صدقة واني مااتقبلها
نسر:هيج تفسريها؟
وردة:لان مالها تفسير ثاني
هز راسه وعينه على شارع وتنفس بعمق
نسر: منا ورايح… لا تجيبين اسمه كدامي
وردة: ليش؟
وكف السيارة فجأة على جنب، واستدار إلي لأول
مرة من طلعنا. عيونه كلها نار مكبوتة.
نسر: لأن رغم كل الأذية الي سببها ألج تذكرين اسمه بحنية
انحبس نفسي، وبقيت أباوعله ساكتة
نسر : جوري ـــ
قاطعته
وردة : لاتخاف كل واحد بيكم يأذيني بطريقته
اذا باهر بالخيانة
نظرتله صفح
وردة : فأنت بكلامك
رجع شغل السيارة وتحرك.
نسر: نرجع للبيت… قبل لا أحچي أكثر.. ولا تحجين
هاي الكلمة بوجهي.
برود
وردة : ياهي منهن؟ غجرية؟ كاولية؟ لـــــو عـ
قاطعني بغضب
نسر : كلهن
وردة: ليش؟ مو إنت الكلتها
التفتلي هالمرة بسرعة، بنظرة حادة ومكسورة
نسر: إي كلتها… وندمان عليها
سكتت ثواني، بس ما نزلت عيني
وردة: الندم ما يمحيها
رجع نظره للشارع، وتنفس بقهر.
نسر: أدري.
صار هدوء قوي ونظري راح على إيده شاد على
اعصابة بقوة
نسر: بس هم لا تخلين كلمة غلط گلتها بوقت غلط
تصير حقيقة بعينج
وردة: والحقيقة شنو؟
خفف السرعة شوي، وصوته نزل.
نسر: الحقيقة إنج كل ما ينكسر گلبج، تكسرين غيرج
وردة: مو هذا الصح؟يعني حلال عليك وحرام علية!
مثل ماتعاملني أعاملك
ابتسم بمرارة.
نسر: آني كل ما أغار… أجرح أكثر.
التفتلي بنظرة سريعة.
نسر: ولهذا لا تجيبين طاري "عزيز گلبج" مرة ثانية
لأن ما يعجبني شلون يلفظه أللسانج
بقيت أرمش أريد استوعب لي سمعته كال (أغار) لو
اني غلطانة! هاي ثاني مرة يحجيها معقولة؟!!
وردة : لـ..يش تغار؟
سكت ثواني يدور على اجابة
نسر : يمكن لان يملك شي أشوف صعب أمتلكة ولو
ردت أقرب يمنعني
سكتت ولفيت وجهي على شارع چن مافاهمته او ما
أريد أفهمه...لان مهما صار ودار ماممكن أني اوافق بي
حتى وان كان صادق ولو هو كالها : المثالي ماياخذ
كاولية...
لذلك يريد يتسله حاله حال غيره من يشوف وحدة
مألها سند يصير يستغل الفرص تبدي بحجت أغار
وغيور وبأول فرصة ياكلها الحم ويذبها عظم... بس
ويامن؟ وي وريدة!
ماحجينا لحد ماوصلنا للدار نزلت بهدوء اخذ غراض
دخلت للغرفة خليت الي كدرت اخلي بالجنطة وشلتها
وطلعت هو كاعد باصالة على قنفة مقابيل الغرفة
بس شافني نهض بهمه
نسر : شكو؟ وين؟
وردة : ماابقى بعد يمك دقيقة
نسر : ليش؟
وردة : لا مامسوي شي تنفث سم وتصيح شمسوي؟
اني. أني الغلطانة
اخذت الجنطة ومشيت لزمني
نسر : جوري
وردة : عوفنيييي...أرجع لهناك
نسر : ماتندلين
نترت أيدمنه
وردة : ليسأل مايتيه
نسر : زين بس فهميني سويت؟
وردة : ماسويت له كل خير
نسر : ماكو طلعه من البيت
اخذ الجنطة من أيدي ورجعها للغرفة
وردة : كتلك اروح يعني اروح
خله الجنطة على سرير والتفت
نسر : گلت ممنوع
وردة : ليش؟
نسر : صبري هل أسبوع مابقى شي
وردة : وابقى مكابلة وجهك الاسود اسبوع؟! غدي
رفع حواجبه بتسم
نسر : وجهي أسود؟
وردة : بأفعل راعية
تقدم
نسر : راعية؟ معيدي بالغيرة يمكن غيرتي تجرحج
بس الجرح هنا
اشر على صدر..
بصوت يرجف
وردة : شتريد مني؟ لاتخوفني
نسر :أريد ترحميني
خفت اكثر حسيت روحي نتهيت نقهرت على نفسي
دمع نجمع بعيني
وردة : حباب لاتسويلي شي.. ثقيت بيك
نصدم من رد فعلي
نسر : لاااا... جوري والله فهمتيني غلط
بلعت ريكي
وردة : ماصير اني والدنيا عليج...مو كلتها؟
رفع ايده
نسر : والله فهمتيني غلط.. مااسوي شي لاتخافين
وردة : لو اني لو انت مستحيل ابقى وياك
نسر : والله العظيم أعتذر مو قصدي بس ـ
صحت بقهر
وردة :قصدك وله موقصدك اخر همي بس كافي تعبت
منك ومن تصرفاتك الي ساعات تحسسني نفسك ملاك
وساعات تتحول شيطان..
فهمني شتريد مني؟ ليش هيج تسوي؟ موكافي علية
العشته؟
نسر : جوري أفهمي أغار..أغاار ولج گلبي يشب نار
وردة : ليش تغار؟
نسر : مااريدج تحجين باهر
قربت دفعته
وردة : شايفني نايمة بحضنه؟
قيدني بحضنه حاولت أدفعه، بس إيده كانت أقوى
مو ضغط مؤذي ضغط يثبتني بس ما يخليني أهرب
وردة: عوفنيي لا تسوي هيج!
ما جاوب فوراً، بس سحب نفس قوي من راسي نفس
يحاول يلم نفسه قبل لا ينكسر أكثر.
نسر : لاتروحين.. لاتعوفيني
سكتت لحظة وگلبي يدگ بقوة مو من الخوف بس
من الارتباك.
وردة : عوفني لاأستفرغ
رخى أيده شوي بس ماحررني منه.. رفع راسي له
اول مرة أشوف بعيونه خوف.. مرر أيده على شعري
بالطف
نسر : كل مرة تبتعدين عني احس روحي تطلع
بلعت ريكي بخوف وبتعدت عنه خطوة
وردة : المفروض تكون لي أمان.. مو خوف
نسر : اعرف تصرفي وكلامي وياج غلط بس...
والله مأكدر أسيطر ع أعصابي مو قصدي اخوفج
وردة : اذا عندي خاطر يمك تبتعد عني ولو تخليني
أطلع لو انت تطلع
سحب نفس
نسر : أعرف ماعندج ثقة ولا ممكن تثقين وهذا حقج
ماأكدر ألومج
سكتت...طلع من الغرفة بس وكف بالباب لتفت
نسر : الخوف العندج.. يخليج تظنين الطمأنينة
فخ.
هزيت راسي
وردة : بدايت الفخ الطمأنينة والثقة وأني شخص
بنفسه مايثق
سديت الباب بدون ما أقفله والتفت للمراية،وابتسامة
خفيفة انسحبت على شفايفي.
وردة: والله وگعت!
وما يهمني حبك صدگ لو جذب اللي يهمني أكسرك
وأرد الصاع صاعين
فتحت ظفيرتي واحس بشي من الانتصار
: بعدك بالبداية نسر! له أنتف ريشاتك ريشة ريشة
و أبديها وياك بحرب باردة
كملت أفتح شعري والتفتت للغراض.
گعدت أباوع شألبس… يمكن أهدي فكري ويخف
التوتر طلعت تراك أسود من اللي شتريتهم. لبسته
بس انصدمت موديل البدي گصير وبطني طالعة
وردة: كون حبوبتي تشوفه جان
گالت: يااااااع.. نعيلة أبو أصلي! ولج وريدة تريديلج
فحل
بجيت وضحك بنفس الوقت وسحبت القطعة الثالثة
البستها فوكه وسحبتها.. طلعت شعري من ظهري
المبايل فتحته خليته على شحن وطلعت اول مافتحت
الباب شفت نسر كاعد ومنزل راسه صحت
وردة : شتسوي هنااا؟
رفع عينه
نسر : هاا!
وردة : موگتلك لو اني لو انت... تدري خلاص اصلاً
مليت خليني أرجع
لفيت ورجعت للغرفة اجه يصيح
نسر : ولج العرمة وين اولي؟
وردة : كاع الله شكبرها.. موهاي بيوت فارغه نخمد بواحد منهن
نسر : كلها مقفلة
وردة : استغفرالله منك ي اللساني اااخ
عضيت اصبعي بقهر ضحك
نسر : احجيها لا تخليها تبربر بگلبج
بعدت شعري وتخصرت
وردة : خليها خليها اكو مثل سوري يكول خليها بالقلب
تجرح لا تطلع البرا وتفضح
نسر : جؤجؤ هيج قوية!
بقهر
وردة : تشك الكاع
ضحك ولا چن القبل شوي بركان
نسر : لاااا دخليج خليها لاتبعريها
وردة : اااااااع
اخذت كارتون شمرته عليه صده وهو يضحك، رجعت
اخذته ارد اشمره مرة ثانية ركص واركض ورا طلع من
الباب يضحك
وردة : تعاال له انتف ريشاتك
نسر : يله خليت البيت ألج راح ابقى هنا
اشر على كراسي بالحديقة
نسر :وبالليل انام بالسيارة
وردة : تستاهل
سديت الباب بقوى.. ورجعت ادردم عليه شغلت
التلفزيون وكعدت بس اغير بالقنوات مدري شريد
أخر شي عفته وكمت رتبت ملابسي بس اريد ألهي
نفسي
شفت الساعة وقت العصر والدار هدوء فضيع
بعدما كملت..اذكر دائماً وقت العصر جدة جانت
تمشطلي وتعطر ونكعد اني وياها نشرب چاي
مشطت شعري وتعطرت و طلعت صبغ اضافر
اسود هسه شتريته صبغت اضافر رجلية
وبقيت انفخ حتى يجف...
حسيت بجوع رحت للمطبخ سويت چاي واكو
كعك وبسكت حظرت صينية
باوعت من الشباج شفته كاعد وساند راسه على
إيده وصافن ؏ منظر الجبال المتصل بعضه
وردة :شكو طردته! لو باقي هنا على اقل ابقى
اتناكر ويا هسه ويامن اتعارك!
بين ما جهز الچاي صبيت كوبين بالصينية وفتحت
الباب نتبهلي
نسر : هاا؟هم تمنعيني منا؟
بتسمت
وردة : تشرب چاي؟
بتسم
نسر :اي والله بوكته
خليت الصينية وسحبت الكرسي كعدت
وردة : حبوبتي دائماً تشرب چاي العصر مرة
سالتها شمعنا العصر؟ كالت چاي العصر بي
السعادة والنصر ومن يومها صارت عندي عادة
نسر : أي والله أني اذا ما أشرب چاي أخلاقي
تسيء
رفعت عيني عليه.. نتبهلي
نسر : اقصد بالأساءة هي العصبية لاتفهمين غلط
وردة : مافهمت
اخذت الكوب واغمس بسكت وچاي
وردة : حلو المكان
شرب الچاي وبتعد نظره للجبال
نسر : يهدأ الاعصاب
وردة : احممم....هم جاي قبل لهنا؟
نسر : لا
وردة : شلون مو تكول صديقي؟
نسر : أي
وردة : شعجب مااجيت لهنا؟
نظرلي ثواني.. تنهد وكال
نسر : ماعندي عزيزة گلب
وردة : شعجب؟
نسر : هاي بعد
سكتت ولتهيت أكل رفعت عيني له شفته يناظرلي
بس نتبهلي بسرعة بتعد
وردة : أموري
رجع لتفت بدهشة
نسر : أمووري!!شنو زعطوط گدامج!
وردة : لا حشا بس غير أدلعك
نسر : ماحب هل سوالف أمي ماتصيحلي أموري
وردة : بس أني مو أمك
نسر : أمير لو نسر
وردة : أمير
نسر : أمري
وردة : يمتى نرجع؟
نسر :هل اسبوع بس عندي شغلة اكملها
وردة : زين خلي ارجع وحدي
نسر : شتعرفين؟ خلاص صبري هل اسبوع مابقى
شي
سكتت.. رجع نظرلي
نسر : مو على اساس تردين تستأجرين هنا؟
وردة : لا هنا بعيد أريد ابقى قريبة على حبوبتي
صار هواي مارايحتلها وعلى اقل هنا اندل مو مثل
هنا
سكتت وتركت الكوب من ايدي
وردة : بس كتلها لاتخافين علية بس استقر أرجعلج
ماريد ابتعد عنها
نسر : هاي هي مثل ماتردين
وردة : مشكور
هز راسه
نسر : دللي
طلعت صبغ الأضافر من جيبي وصبغت اليسرة..
ونشفتها وهو ينظرلي بهتمام واني مطنشة ولاچن
شايفته بين مانشفت حرت شلون أصبغ الثانية
ايدي رجفت
صحت
وردة : يووو عضبيت
نسر : أساعدج؟
رفعت عيني
وردة : تعرف؟
نسر : أجرب
مديت أيدي اخذ الصبغ وحنى راسه يصبغ بتركيز
وردة : هاي هي لاترجع مرة ثانية يتكتل ويصيري
بي خطوط
مارفع عينه
نسر : هيج؟
وردة : اي.. طلعت خبرة
ضحك
نسر : لا طلعت سهلة
من لمس أيدي حسيت مو لمست سوء.. بس ضحكت
من قربها من شفافه وصار ينفخ حتى يجف الصبغ
سحبت گفي
وردة : مشكور والله
بتسم ورجع يشرب چاي
نسر : الجو برد دخلي للبيت
وردة : لا حلو
نسر : ياحلو غير صارت ثلج بس شكلج متعودة
وردة : اممم هناك أبرد يمنه
نسر : كومي.. كومي
نهضت اخذت الصينية هو نهض بدون كلام نظرتله
فهم قصدي
نسر : أكعد بالسيارة
مشيت اني دخلت وهو راح كعد بالسيارة.. غسلت
ورتبت المطبخ ورجعت اخذت المبايل نزلت العبتي
لعبة الطوبات
وبلشت ألعب بحماس والبداية تكون سهلة ماعرف
شكد مر وقت وأني ألعب بس وصلت مستوى كلشي
عالي... تركت من أيدي وكمت باوعت من الشباك.
دنيا الليل شفت الساعة ب9 ورغم الدفاية مشتغلة
بس اكو برودة حلوة
رحت شفت مشغل نار وكاعد يدفه عليها ضميري
أنبني.. فتحت الباب
وردة : أميرر
لتفت
نسر : محتاجة شي؟
وردة : اي تعال شوي
اجه وكف بالباب
نسر : خيرج؟
نزلت راسي
وردة : عادي ادخل الجو بارد
نسر : لا رتاحي اعتبر نفسي لازم واجب
لف راد يروح لزمت أيده ستوقفته
وردة : لا تروح
بتسم
نسر : بس اطفي النار
ضحكت ودخلت كعدت بالصالة ألعب لعبتي.. دخل
سد الباب ونزع القمصلة
نسر : اوووف دفو البيت ماكو مثله
عيني بالمبايل رديت
وردة : تعال دفه
نسر : لا رحم الله والديج دفيت
حجاها وضحك رفعت عيني له
وردة : والله ماتستحي قصدي تعال يم الدفاية
بس شلك مو وجهه رحمة
نسر : أي شبيج هو قصدي هم بس هيج ذكرت
شي وضحكت
وردة : لاتضحك لاتنطرد
نسر :أمري لله سكتت اذا كلشي تفسري على
كيفج
سكتت ورجعت ألعب
نسر : احممم راح اسوي عشا
وردة : شتسوي؟
نسر : بيض وطماطة
وردة : وخلي وياها بصل وفلفل ومن تكمل اثرم
كرفس ورش عليها تصير تجنن
نسر : صارت تبسي
وردة : والله طيبة شبيك
نسر : تعاي ساعديني
وردة : مو هاي المرحلة صعبة
اجه
نسر : نطيني اشوف
وردة : أسوي عشا بس كون طلعني منها؟
نسر : يله
نطيته المبايل ونهضت هو كعد بمكاني اول شي لميت شعراتي خاف طير وحدة منهن بالأكل ورحت للمطبخ
غسلت أيدي وبديت
وردة : أميييير
نسر : هممم
وردة : تعرفلها؟ اضرب الطوبة الملونه بلونها
نسر : عجلي بلعشا لان راح افوز
وردة : يله
الچاي على نار يتخمر براحة
ثرمت بصل ناعم وفلفل وحمستهم بزيت اخذو لون
ثرمت الطماطه وخليتها فوكهم رشيت ملح وغطيتها
حتى تذوب خبطت البيض وخليت فوكهم بعد ما ذابت ورفعت نار حتى تلجع..اما هو مقلص على مبايل ويلعب بتركيز
اخرها صاح
نسر : ولج جووري ربحت
ركضتله اشوف.
وردة : هههههههه سويتها ولك
دفعته بكتفه ضحكنا
وردة : كفو.. يله كوم جهز العشا بس جيب الصينية
نهض جاب الصينية خلاها بالكاع
نسر : تعاي هنا
وردة : مااشتهي بس على واهس أكل
نسر : والله شكلها مبين طيب طلعتي أم بيت
وردة : ولو شعبالك
كعدنا بالكاع قدملي خبز وصب الچاي وبدينا اول
لكمة أكلها غمض عيونه
نسر : وبطل صفين تخبللل عاشت أيدج
بتسمت بخجل
وردة : الف عافية
نسر : عليج الله سويلي منها دائماً لا يومية
وردة : هههه صار
نسر : شوفي اني ثنين احب طبخهن اموت عليّ
أمي وعمتي اويلي عمتي عليها نفس دخيل الله
لو خبز ومي من ايدها تكول لحم غزال
رفع عينه علية سكت ثواني كال
نسر : وانتِ صرتي الثالثة..
رجع ياكل
نسر : ابد ماتوقعت هيج طبخج طيب اصلاً ماتوقعت
تعرفين طبخين
وردة : ليش؟ شايفني مدللة ما تعرف غير الزينة؟
رفع عينه وابتسم بخفة
نسر : شايفج مشاكسة وعرمة
ضحكت
وردة : تره البنية من تعصرها الحياة تتعلم كلشي طبخ، شغل، وصبر.
خفف أكله، وباوعلي بتركيز.
نسر : الحياة معلمتج هواي
وردة : تسألني؟
نسر : اي
نزلت عيني على اللكمة
وردة : هواي علمتني وأكثر شي محد ينفع أحد بلاش
رفعت عيني له
وردة :وعلمتني ما أثق بأحد.. لأن أكثر الناس يلبسون الصدك حتى ياخذون اللي يريدوه
سكت وهو يباوعلي، اللكمة وكفت بين إيده والصينية
نسر : وإذا واحد صادق مايريد شي؟
ضحكت بخفة
وردة : هذا بس بالحچي.
نزل نظره
نسر : يعني من البداية محكوم عليّ؟
وردة : مو محكوم…بس متأخر
رفع عينه إلي أول مرة أشوفه ساكت وما عنده رد جاهز
نسر : ومنو أخره؟
تنهدت
وردة : ناس قبله… يشبهوله
شد فكه، وباوع بعيد
نسر : وليش تعاقبي على غلط غيره؟
وردة : مو عقاب…هذا احتياط
سكت لحظة، رجع نظره إلي بهدوء
نسر : الاحتياط مرات يكتل الشي قبل ما يبدأ
نزلت عيني اخوط الچاي
وردة : وأحياناً البداية تكتل صاحبها
صار هدوء ثواني، بس هدوء مشحون مو مريح
نسر : يعني إذا أريد أقرب.. لازم أتحاسب على شي
ما سويته؟
رفعت كتفي بخفة.
وردة : مو لازم… بس لازم تفهم الشخص شنو عاش
هز راسه ببطء، كأنه يستوعب مو بس يسمع
نسر : وأني شلون أدري عن اللي عايشته؟
رفعت عيني له شوي، وبقيت ساكتة ثواني
وردة : مو مطلوب تعرف كلشي بس مطلوب ما تستهين بيه
ورجع نظره للصينية بيننا
نسر : ما استهنت
ضحكت ضحكة قصيرة بعدم تصديق
وردة : كل واحد يدافع عن نفسه ويگول ما استهان
رفع عينه إلي بسرعة.
نسر : شلون حكمتي؟
سكتت شربت چاي ورجعته
وردة : من التجربة… مو من الحكم
سحب نفس، وصوته نزل شوي
نسر : التجربة مرات تجذب إذا جانت ناقصة
رفعت حاجبي
وردة : أو يمكن تكمل الصورة بس إنت ما تريد تشوفها
ثبت نظره علي، هالمرة أطول من قبل
نسر : زين.. خلينا نشوفها سوا بدل ما كل واحد يشوفها وحده.
وردة : سوا؟
ابتسمت ابتسامة خفيفة مو مريحة
وردة : وانت منو كالك أني أريد أحد يشاركني شوفتي؟
رفع كتفه شوي، وصوته ظل هادي
نسر : مو مشاركة… فهم.
وردة : الفهم هم مرات يصير تدخل
سحب نفس،كأنه يحاول يضبط نفسه
نسر : وإنتِ شنو تريدين؟ أبقى اتفرج من بعيد؟
نزلت عيني شوي، صوتي صار أهدأ.
وردة : أريد أكون بمكاني بدون ما أحد يحاول يغيره.
سكت لحظة، بعدها رجع نظره إلي
نسر : وإذا وجودي ما كان تغيير؟ كان بس… تثبيت؟
رفعت عيني له وبقيت ساكتة
وردة : هذا اللي الوكت يقرر مو إحنا
ابتسم ابتسامة خفيفة، مو فرح، بس قبول.
نسر : زين… خل الوكت يحچي. بس لا تکولين بعد "محكوم عليه" إذا بعده ما بدا.... وشكلي رح اتعب
بس تسوة التعب
بلكوة بلعت الكمة وسكتت مااريد أحجي ومااريده
يحجي شي خلينا الموضوع متعلق.. كسر الهدوء
نسر : خلاص رح أعتمد هاي الأكلة وماأكلها غير
هيج
بتسمت وماحجينا لحد ما كملنا اكل وكمت اخذت
الصينية على سنك وهو دخل الغرفته
البيت هدوءه رجع طبيعي بس داخلي بعده مو راكد
صوت الماي ويدي تتحرك تلقائي، وأنا أردد بصوت
شبه مسموع .. غنية جدةجانت ترددها
ألحن الكلمة من أرددها
وردة : عد وأني أعد... ونشوف ياهو أكثر أهموم
من عمري سبع سنين وگليبي ملجوم
راحوا ويلي.. راحوا بعد ماردو احبابي
عندي وتخاف عليك ودورك أمك.. موش بسواد
العين بصبيها أضمك
لتفت واشوف واكف وضام أديه بجيبه ميل راسه
من شافني استقام
نسر : غنية أكبر من عمرج!
بتسمت
وردة : كل اللي عشته أكبر من عمري
كملت الماعين وغسلت ايدي
نسر : بس للأمانة صوتج حنين وبي وجع
ضحكت
وردة : گلبي هم حنين وبي وجع..
ضحك نزل راسه ومدري شتمتم.. بعدين نظرلي
وردة : تدري جنت انام على رجل جدة جانت
ترددها وتمسد على راسي.. مدري تقصدني بيها
حيست عيني متلت دموع سيطرت عليهن بس
ماكدرت أسيطر على نبرة صوتي
وردة: بس مو من عمري سبع سنين...
من أول يوم وگلبي ملجوم.
سكت لحظة، وحسيت بنظره علية أطول من قبل
نسر: جوري…ليش مادورينها؟
رفعت عيني عليه، وبعدين ابتسمت بوجع،رحت
وكعدت بالصالة
وردة: شسوي بيها؟
أگلها ليش ذبيتيني وما سألتي عني؟
لو أگلها شلون نطاج گلبج وتحرميني من حنانج؟
سكتت لحظة، وانكسر صوتي، ودمعة نزلت بدون
ما أمنعها
وردة: ليش ذبيتيني عند ناس ما ترحم؟
شنو تتوقع تگول؟
قرب وكعد يمي بهدوء.
نسر: لاتبجين.
هزيت راسي بصعوبة، وطلعت الكلمات مكسورة
وردة:ريتني غجرية.. أهون من هالحقيقة المرة
هو حاول يقرب إيده شوي، وبعدين سحبها بسرعة
كأنه متردد
نسر: مو قصدي أأذيج...
مسحت دموعي بسرعة
وردة:اعرف مو ذنبك بس.. برأيك شنو تكول؟ غلطت طيش؟ مراهقة؟
هي لا كدرت تتحمل مسؤوليتي ولا اللي ضحك عليها.
سكت.
هو باوع علية، وإيده تحركت شوي كأنه يريد يقرب وبعدين بتعد لزم كفوفه مع بعض ولتفتلي
نسر: أدور عليها؟
هزيت راسي بسرعة.
وردة: لا… ما أريد أسمع طاريها بعد
وأتمنى الله لا يهنيها بيوم
سكتنا ثواني مسحت عيوني
نسر : كومي غسلي
نهضت غسلت وجهي وطلعت لاكاني بأيده خاولي
ومكينه ايده على الحيته
نسر : برأيج ألحلقها لو هيج أحلى؟
رفعت كتفي بدون ما أباوعله، وصوتي هادي ومطفي
وردة: بكيفك
سكت لحظة، حسيت نظراته علية بس ما رفعت عيني
هو تنهد شوي وخفف يده.
نسر: زين…
ما كمل كلامه مشيت للغرفة بدون ما ألتفت وراي وكأن الموضوع انتهى عندي بهاللحظة دخلت للغرفة واول شي
سويته سحبت ميز يم السرير خليته ورا الباب
خاف اغفى ولاسامح الله يدخل عاد افز على صوت
اخذت موبايلي وبقيت العب خفت انام وتغفى عيني
وافتحها بحضنه.. الدنيا والناس مو أمان قاومت لحد
ما طر الفجر
كعدت بعدت الميز وطلعت شفته واكف يصلي. دخلت
غسلت وطلعت لكيته كاعد على سجادة
وردة : صباح الخير
بتسم وحفرة خده برزت اكثر من حلق الحيته
نسر : صباح الورد.. تصلين؟
ضحكت
وردة : لا ماتدري أبن الزنا لو يصوم ويصلي
دهر كامل مايدخل ولايشم ريحة الجنة
سگت ماعرف يجاوب.. بصوت باهت
وردة : عادي اطلب منك تدعيلي؟
يمكن تكون أقرب مني الرب العالمين
نسر : الله ما يقيس الناس بأصلهم يقيسهم
بگلوبهم.. وإذا أحد لازم يخاف من رحمة الله
فهو اللي آذى مو اللي انأذى
نزلت عيني مارديت
نسر : ولاتعيدين هل حجي على نفسج.. الله
يسمع للكل سواء قريبة منه او بعيدة تصلين
او ماتصلين
هزيت راسي سكت طلع مفاتيح
نسر : هاج مفتاح البيت خليج يمج لان رح
اطلع واخذي راحتج ونامي
رفعت عيني بصدمة شلون عرف مانمت
نسر : ومن ارجع اجيب قفل للباب حتى ماتتعذبين
وتخلين ميز
بتوتر
وردة : مو كلت خاف ينفتح ونومي عبث
هز راسه
نسر : رح اطلع تحتاجين شي؟
وردة : وين تروح؟
نسر : شكم شغلة بلكت اكملهم وارجع
وردة : تتأخر؟
رفع عينه ألي
نسر : تسهيل من الله ماعرف حسب
هزيت راسي
نسر :نطيني رقمج اني اخابرج لايظل بالج ولاتخافين
هزيت راسي
وردة : مااخاف
رحت جبت المبايل سجل لرقم
نسر : وممنوع الباب ينفتح
وردة : خوش
اخذ قمصلته لبسها وطلع قريب الباب يلبس برجله
فتح الباب وقبل مايطلع صحت
وردة : أميرر
لتفت
وردة : نتبه على نفسك
ابتسم وهز راسه.
نزل للسيارة، ومن شافني بعدني واكفة أشر بإيده
أدخل. ضحكت وسديت الباب وقفلته.
رحت للمطبخ، جبت كلاص كزاز وخليته بقبضة الباب احتياط إذا أحد حاول يدخل، يوكع وينكسر، يصير مثل جرس تنبيه.
رجعت للغرفة، جبت الوسادة والغطا ونمت على القنفة
حتى إذا طاح الكلاص أسمعه.
غفيت وغطيت بالنوم ماعرف شكد وماكعدت غير على
صوت المبايل فتحت تك عين رديت بصوت ناعس
وردة : هلا
نسر : صح النوم عيني
وردة : الله يصحيك
ضحك
نسر : كومي فتحي الباب صار ساعة ادك
وردة : هاا اجيت شبسرعة؟
نسر : ياسرعة ولج!.. الساعة ب4 العصر
وردة : ااااااعع لا بربك
ضحك
نسر : هسه شنو ابقى على باب!
وردة : اجيت
سديته وشفت الساعة ب4 العصر...
وردة: اااععع ولج وريدة مو نومة غيبوبة
نهضت الكلاص بعده بقبضة الباب ضحكت وفرحت
لان حتى ماحاول يجرب ويفتحه
فتحت الباب واكف ومبتسم
نسر : كعدتج؟
وردة : اي والله غيبوبة مو نومة
دخل وخله اغراض على ميز
نسر : جبت أكل اذا جوعانة
وردة : عاشت ايدك..بس كلشي موجود لاتعب نفسك
تثاوبت وأنا أفرك عيني، وشعري منفوش بكل اتجاه
ضحك وهو يباوعلي
نسر: واضح النوم ساحگج سحگ
عقدت حواجبي
وردة:لاتستهزئ… أول مرة أنام مرتاحة من زمان
سكت لحظة، ونظرته مرت على الكلاص اللي بايدي
واشر
نسر : شنو؟
وردة : گلت خاف يجيني حرامي حتى اذا فتح الباب
يوكع الكلاص وأفز
نسر:واضح مرتاحة!
نزلت عيني بسرعة
وردة:احتياط… مو أكثر
هز راسه، لا ضحك ولا علق
نسر: حقج
هاي الكلمة وحدها خلتني أصفن بيه ثواني.
لفيت حتى أهرب من نظراته
وردة:زين… شجبت؟
فتح العلاكه وطلع أكل.
نسر:اكلتج المفضلة
طلع بيتزا ابتسمت بدون ما أحس
وردة: لو تدري شكد جوعانة جان جبت خروف
ضحك، وحفرة خده بينت.
نسر: إذا تأمرين، المرة الجاية أجيب مطعم كامل
ضحكت وركضت غسلت أيدي وجهي صحصحت
ورجعت فتحتها واخذت قطعة اكلها
وردة : امممم عااااشت أيدي اموري.. ااقصد أمير
ضحك
نسر : هسه اجه دوري أدخل اسبح وانام ومن أكعد
أصلح قفل باب غرفتج
هزيت راسي.. نزع قمصلته شمرها على قنفة شاف
مكاني التفت
نسر : نايمة هنا؟
وردة : اهمم.. ومدري يمكن تعبانة مافزيت من دكيت
الباب
نسر : لااا همزين مادكيت حيل گلت خاف تفز مخروعة
دخل للغرفة واني مدري شبية تبسمت ورجعت اكل
شوي وطلع دخل للحمام اني طلعت كعدت بالباب
اشوفها زحمة ابقى بين ما كمل وطلع صاح
نسر : شكو؟
لتفت شفت الخاولي على ركبته دخلت
وردة : نعيماً
نسر : أنعم الله عليج بالصحة والسعادة
بتسمت
نسر : ليش طلعتي ترا الجو مثلج لاتتمرضين
وردة : لا بس شميت هوى
نسر : ها وهنا ماكو هوى؟
نزلت راسي بخجل
وردة : لا مو زحمة تسبح واني هنا
بدهشة
نسر : شنوووو! قابل سبحت هنا!
رفعت عيني بصدمة شلون يحجي هيج!
شو هز ايده ودخل للغرفة وسد الباب حتى
مااخلاني اتعارك
اخذت قمصلته شمرتها على قنفة الثانية.. ورجعت
العب لو اتابع مسلسل اخلص الوقت.. يمكن غفيت
والمبايل بأيدي لان فزيت على صوت
فتحت عيوني بسرعة شفته يصلح بالباب كعدت
شفت الساعة ب7
لتفت
نسر : صح النوم
وردة : يمتى كعدت؟
نسر : قبل شوي وسويت الباب حتى تقفلي براحتج
وردة : مشكور تعبتك
نسر : دللي
اخذت فراشي ورجعت للغرفة سمعته يحجي اتصال
تركته ورجعت مددت بس ماغفيت..
لليل حسيت بجوع طلعت جان بغرفته حميت لي تبقى
من البيتزا.. ورجعت للغرفة اكلتها
ماطلعت الثاني يوم الصبح كعدت على صوته يصيح
بعصبية... واركض فتحت الباب وطلعت
وردة : شكو؟
بدون مايباوع
نسر : ماكو شي لاتخافين مشاكل بالشغل
لبس قمصلته وطلع من البيت.. رحت اباوع من الشباج
مابتعد بس طلع المبايل وكمل اتصاله واضح من ملامحه
شكد معصب.. أني من يمي خفت وقلقلت شكد ادوس
بطنه بس ولا شفته هيج ابد
بقيت متوترة افرك بأيدي واروح وارجع وهذا بعده
يتعارك بالموبايل
وردة : يارب حباب لاتضيعني
رجع فتح الباب بقوى صاح
نسر : وينـــــــج..
وكفت كدامة وصوتي كلع يرجف
وردة : ها؟
بحدية
نسر : لمي ملابسج ويله
بصوت خافت
وردة : وين؟ وين اروح؟
نسر : وياي
حجاها ومشى للصالة لحكته
وردة : شكو صاير؟
نسر : ماكو شي بس يله اخذج وياج
وردة : فهمني وين وياك؟ وليش اروح؟
نسر : موكتها اكعد وافهمج
وردة : شنو يعني موكتها؟ شايفني لعبة بأيدك؟
تحركها مثل ماتريد وابقى ساكته؟
نسر : ترحين وياي الأهلي
بأستغراب
وردة : ليش؟
نسر : أفضل ألج وأأمن
فتحت عيوني
وردة : رند ومصعب شتكو علية؟
نسر : لا.. لااا ابد ولا ذكروج
وردة : كول والله
نسر : والله العظيم
وردة : كول ليش اروح وياكو؟
كعد على قنفة منزل راسه
وردة : أمير... حباب لاتخوفني شصاير؟
رفع عينه شاف أيدي ترجف.. نهض لزمني كعدني
نسر : لا ماكو شي لاتخافين
وردة : ليش تريدني اروح وياك؟
بدون ميباوع
نسر : أكلتي؟ يمكن سكرج نزل
نهض للمطبخ
نسر : جبت عسل أكلي شوية
نهضت ورا فتح القوطية واخذ خاشوكة
وردة : شبيك حجيت الحجاية ونسحبت فهمني؟
اخذ عسل ومدلي أيده
نسر : فتحي حلگج
قربت فتحت حلگي وكلني وعيوني عليه رجع اخذ
نسر : بعد وحدة بس
أكلتها ورجع اخذ وأكل
نسر : طيب مو!
وردة : أمير
بدون مايباوع
نسر : شلون وماشتريت جهاز قياس السكر
يله بس اطلع أشتري
لزمت أيده ستوقفته
وردة : احجي صاير؟
بتسم
نسر : ماكو شي كتلج مشاكل بلشغل لان تأخرت ولازم
ارجع كم يوم ارتب وضعي وبعدين نرجع
وردة : خلاص أرجع انت لاتنظر بسببي
سكت ثواني عيونه مانزلت من وجهي كال
نسر : ترحين وياي؟
سكتت ماعرف شرد! ... اروح ويا بصفتي شنو؟
واني كلش زين اعرف ناس مثل أهله او مجتمعه
شنو يفكر بية
هزيت راسي وبتعدت
وردة : لا... ماكدر
نسر : فترة بس
وردة : ولا حتى يوم واحد
نسر : ليش؟ عتبريها سفرة والله بس فترة واذا
نزعجتي نرجع
هزيت راسي
وردة : لا.. مااروح
نسر : ليش؟ مثل ماحجيتلج تعاي احجي
وردة : بصفتي شني اروح؟
سكت ماكدر يجاوب
وردة : خلاص روح واصلاً اول وتالي أظل وحدي
لاتخاف اكدر ادبر نفسي
نسر : وليش ماتجين؟ اذا ترحين وياي اطمأن اكثر
وردة : نبقى على اتصال وأحجيلك كل شي يصير
قربلي وملامحة بدت تعصب
نسر : ليش تعاندين!
بتسمت
وردة : موعناد والله
نسر : اعنااااد.. شكوووو شيي أكوله تسوين عكسه
وردة : ليش تصيح؟ مااسمحلك كتلك روح لاتنظر
بسببي وعوفني اقلع شوكي بأيدي
نسر : جوووري ـــ
وردة : لهنا وكافي خلاص وفيت بوعدك وطلعتني
من القرية وصفيت حسابك وياهم رجعني اني ادبر
حالي
نسر : صدككك تحجين!
وردة : شتريد اسوي؟
نسر : ترحين وياي
ضحكت بقهر
وردة : وكتلك مااروح عندي استعداد أرجع للقرية
ولا اروح وياك..
لزم زندي.. غمصت عيوني بقوة
وردة : مااريد منك شي بس عوفني
نسر : أعنادج شلون بي!
فتحت عيني نظرتله
وردة : مو عناد كرامة...
مااروح الناس اعرفهم شيحجون بگفاي
ضغط على أيدي بخفة
نسر : شلون عرفتي يحجون؟
دفعته هو بتعد عني
وردة :أعرف شيكون وحقهم ابنهم جاب وحدة من
الكاولية كـ****واذ مو اهلك يحجوم المجتمع اللي
حولهم
سكت يعرف كلامي صح
وردة : شوف جدة دائماً توصيني تكول ابن ادم عنده
نكطه بگصته تسمى كرامة اذا نزاحت هل نگطة مابقى
شي اسمه كرامة ويذل نفسه للرخيص
رفع عينه إلي
نسر: والكرامة مو بس بالبعد.. مرات تكون تثقين بواحد يستاهل.
ضحكت بسخرية.
وردة: هو أنت تعرف بية مو غجرية واللسانك مثل السم أهلك والمجتمع الي عشت بي شلون!
تنفس بقهر، وقرب خطوة.
نسر:إي… غلطت وغلطتي بعدج تحاكميني بأسوأ كلمة طلعت مني.
سكتت.
نسر: إذا جرحج لساني مرة… ليش كل يوم ترجعين تجرحين نفسج بيها؟
وردة :حتى ماانساها... أضربني بسوط ولاتضرني
بكلمة
سكت مكانه، وكأن الجملة ضربته فعلًا.
نزل عينه، ومرر إيده على جبينه.
نسر :لهالدرجة وجعتج؟
رفعت حاجبي بمرارة.
وردة :الكلمة إذا طلعت من شخص مأمنته
توجع أكثر من ألف ضربة.
وباوعلي بندم واضح.
نسر :زين… إذا السوط يروح أثره،
شلون أمسح أثر كلمة؟
وردة: ماينمسح...
يبقى… بس يبهت إذا الشخص تبدل.
سكت يباوعلي، وكأنه يدور على معنى بكلامي.
نسر: يعني بعد اكو مجال؟
رفعت كتفي بخفة.
وردة :مدري… يعتمد على صاحب الكلمة
أخذ نفس طويل، وكأن حمل انزاح شوي.
نسر : زين… أني أصبر.
وردة : روحه وياك مااروح
هز راسه
نسر : فهمتج..
التفتت أروح، بس صوته وستوقفني.
نسر : بس لا تسدين الباب بوجهي قبل لا
أحاول أصلح الغلط.
رفعت اكتافي ودخلت للغرفة وسديت الباب
بقيت كاعدة على حافة السرير، أباوع للباب
وكأنه بعده واكف وراه.
شنو أصلًا يريد يصلح؟
كلامة المثل السم؟
لو شي انكسر من زمان وماينجبر؟
سحبت نفس طويل، وضميت ركبتي إلي.
وردة : ياربي ماعندي غيرك لاتضيعني
حضنت ثوب حبوبتي وبجيت لحد ماتعبت
عيوني ونمت...
فزيت على صوت الباب
نسر : ورد جوري...وريدة
وردة :اجيت
بعدت الغطا وكمت فتحت الباب واكف ومبدل ملابس
طلعة
نسر : تعاي اريد احجي وياج
راح كعد على قنفة رحت كعدت مقابيله احك براسي
المكفش صفن بوجهي ثواني بتسم ونزل راسه
وردة : كول؟
رفع عينه وبنبرة هدوء
نسر : يعني ماترحين وياي؟
وردة : هئ... لاتحاول
تنهد
نسر : زين.... الـ
حك راسه ماعرف شلون يحجيها
وردة : الـ! شني؟
نسر : الـشي لي خليت بي جهاز التتبع بعده موجود
وردة : لا والله حركته وي الملابس
فتح عيونه
نسر : ليش!!
رفعت كتافي بلا مبالاة.
وردة : شسوي بي بعد!
نسر : وشلون اعرف وينج!
وردة : مو هل مگابلتك وكاعدة وين مولية!
خله إيده على جبينه وغمض عيونه ثواني
يحاول يهدأ.
نسر: جوري… انت متعمدة ترفعين ضغطي؟
رفعت حاجبي.
وردة: لا، بس متعمدة أفهم شنو هوس السيطرة
العندك!
نزل إيده وباوعلي بحدة ممزوجة قلق.
نسر :مو سيطرة… احتياط.
وردة :فرق چبير؟
تنهد بقهر
نسر : إي فرق… لأن السيطرة أريد أقيدج
والاحتياط أريد أعرف إذا صارلج شي
وردة :ما راح يصيرلي شي لا تخاف ماأشرد
ولا اتحرك خطوة من دون ماتعرف
سكت فجأة، ونظرلي نظرة طويلة تغيرت بيها
ملامحه.
نسر: هو أني خايف منج تهربين؟
نزل صوته
نسر : اني خايف عليج… مو منج.
ارتبكت بس حاولت أبين عادي.
وردة : نفس الشي.
هز راسه ببطء
نسر :لا… فرق السما عن الگاع
الشارد أركض وراه… والغالي أخاف عليه.
ألتفت بسرعة حتى مايبين وجهي.
وردة : يعني مافهمت اكو شي صاير يبربر بگلبك
بس ماتحجي
هز راسه
نسر : لا ماكو ش... كتلج حتياط
وردة : صدك مايصير أكثر من الصار وماعندي مشكلة
حتى أذا اموت لان ماعندي شي أخسرة وماعندي عزيز
ينحرك گلبة علية
رفع عينه إلي بحدية
نسر : لا تعيدينها.
عقدت حواجبي.
وردة : شنو؟
نسر : هالحچي… لا تكولين ماعندج عزيز.
ضحكت بمرارة.
وردة : وينه؟ دليني عليه.
نزل عينه
نسر : يحچي وياج من ساعة… وإنتِ مصرة
ما تسمعين.
سكتت وتجمد الهوا بيناتنا... حكيت راسي بتوتر
وردة : شني تروح؟
هز راسه بأيجابية
وردة : ترجع الأهلك؟
تنهد
نسر : لا نحلت المشكلة بس اروح عندي شغلة هنا
اخلصها وأرجع
وردة : اممم
نهض نهضت ويا
نسر : اطلع وارجعي نامي واذا حتاجيتي شي اتصلي
وردة : تتأخر؟
رفع عينه وبتسامة لاحت شفته
نسر : لا ما تأخر
سكتت.. راح لبس برجلة واني واكفة وساندة نفسي
على كاونتر
نسر : تردين شي؟
وردة : سلامتك
نسر : اي شي تردين اتصلي
وردة : ان شاءلله
طلع ورجعت سديت الباب مثل ذيج المرة خليت
الگلاص بقبضة الباب.. ورجعت طلعت ملابسي
ودخلت للحمام
بعدما كملت لبست بنطرون أسود وقميص اسود
يغطي الورك.. طلعت شريت ملابسي وكفت امشط
شعري وعجبني أسوي سرح هم أخلص وكت
لحد ماخلصت شعري صار حرير واطول من قبل
شفت نفسي بالمراية كون تشوفني جدة
وردة : ااااع ولج وريدة ترديلج فحل!
شني بس احرك راسي شعراتي يتحركن قبلة فرحت
بيهن وبقيت اكمز واسوي حركات كدام المرآية هم
زين محد اكو جان كال تسودنت
رجعت رتبت الغرفة وفتحت الشباك وصفت صفنه
على منظر نسيت روحي واني افكر شراح اسوي
بس اطلع منا وشلون ارتب حياتي مثل مااريد...
وماصحيت له على صوت عصافير بطني تزقزق
من الجوع.. رحت اكلت الموجود وكعدت اكمل
مسلسلتي...
يمكن شفت اربع حلقات .. يله اتصل رديت
وردة : هلا
نسر : خو مونايمة؟
وردة : لا والله
نسر :اني بالباب اجيت طلعين نتغدا؟
وردة : بكيفك
نسر : يله طلعي منتظرج
وردة : يله ثواني
كمت بسرعة عدلت شعري وتعطرت واخذت جنطتي
والمبايل ولفيت الوشاح على ركبتي ونزلته اطرافه
على صدري وخرت الگلاص وطلعت
شفته كاعد بالسيارة وعينه بالمبايل ركضت فتحت
الباب صعدت
وردة : خو ماتأخرت
سديت الباب ولتفت له..واني اربط احزام الأمان
سكت ثواني عيونه تتنقل بوجهي.. تنهد كال
نسر : شعرج
وردة : شبي؟
نسر : لمي لاتصيبج عين
وردة : والله محد يحسدني غير عيونك المزرزرات
عض شفته وضحك
نسر : عيوني مزرزرات!
وردة : والله كلما شفتني وكفشتني وهلستهن وهن
شعرايتي.. تكلي لااا وين شوفي شعرج تارس جف
ايدي
قهقه وشغل السيارة ترحركنا
نسر : جذابة طردين عين وين شعرايتين؟ غير اكبر
من راسج
وردة : عليك الله لاتتعارك اليوم والله تعبانة وماريد
انقهر
نسر : هههه اني اتعارك لو اللسانج؟
وردة : هاا شوف خو انت بديت!
نسر : لا جاي نسولف
وردة : لاتسولف اسكت وبس
نسر : لخاطر سواد الليل أسكت
طلعت شعري من وراه ظهري وهو كل حسرة يذبها
ولا الثاني عين علية وعين على طريق اخرها شغل
غنية
وردة : لا لاااا طفيها هسه اتخرفن
نسر : شنو؟
وردة : اتخرفن شياطيني يهزون على اغاني
نسر : ههههه أي عاد أشهد شلون تهزين
وردة :اتخرفن فد نوب
ضحك
نسر : هاي ألج سمعي
رفع الصوت الغنية
شعرك سواد الليل بالهوى طاير
نسر : حسنك يروح الروح خلاني حاير
هزيت شعري صاح لان طخ وجهه
نسر : يمعود لا نسوي حادث
بطلت وضحكت صرت ابعد شعري عن وجهي وارتبه
وردة : لا تزعلني ترا والله امطلك بنص الشارع
نسر : اي... وشتسوين؟
وردة : أخونگك تخونك وادوس بنص بطنك
رفع عين الي بتسم
نسر :يله...اريدلي واحد أتماطل ويا
غوصت عيوني باعتله ضحك
نسر : اي ولج غير نتعارك!
سكتت ودرت وجهي عنه خفف لتفت
وردة : هذا مطلعم؟
نسر : لا اكو واحد لكدام احلى واطيب
وردة : يكلي مااندل وهسه تطلع مكسر كحوف
الدنيا على راسك
نسر : هههههه لا والله خلف الله على جي بي اس
وصلنا صف السيارة ونزلنا
وردة : صدك حلو
نسر : ولو قابل اغشج
كعدنا طلب أكل
وردة : أمير بين ميوصل الاگل كوم صورني حباب
نسر : هااا
وردة : حباب
ضحك مد ايده نطيته المبايل ونهضنا اكو منظر
حلو وكفت
وردة : حلوة؟
من كل گلبة حجاها
نسر :وبَطل صفين تخبلين
ضحكت
وردة : يله
خليت ايدي على وجهي صاح
نسر : ايدج شكو؟
وردة : مدري اشوف البنات يصورن ويخلون
ايدهم على وجهم
ضحك وهز راسه
نسر : ولج بابا هذول ينشرونهم عام انتِ وين
تنشريها!
وردة : يله عادي هم نشرها عام
نسر : شلون تريد امطلها هنا!
ولج عدهن صفحات وينشرن انتِ شعندج!!
وردة : هسه صور بدون لا دردم
نسر : شو مراضية؟
بتسمت
وردة : لااا اموري.. أقصدر أمييير
عض شفته
نسر : يله... ضحكي علية ضحگي قابل
ضحكت.. قرب لي عدل شعري
نسر : هيج ارتب
رجع اخذلي صور كومة.. بعدين طلع موبايله
نسر : موبايلي كامرته حلو خلي اخذلج بي
هم صورني.. رحت اشوفهن
نسر : الحلوة ام شعر الليل تقبل أخذ وياها صورة
بتسمت بخجل ورمشت بسرعة
وردة : أي موافقة
دفع راسي ورجع سحبني خله راسه على راسي
واخذ بعناد خربت الصور غمضت ولميت شفافي
رجع اخذ وهم خربتها عيبت وهو خرب ضحك
نسر : هذني صور ابتزج بيهن طلعن وجهج الحقيقي
وردة : هههههه يله... يله اخر مره
اخذ صور ماباوعت للكامرة باوعت الغمازته اخذ
القطة
نسر : اويليييي دوخ هاي
وردة : لا والله حلوة
نسر : هههههههه أي ولج قصدي من حلاها
وردة : شوف شلون وجهه فدوة للخلقني
نسر : عبالي تتغزلين بيه
وردة : لا هم حليو لان وكفت يمي عكست من
حلاوتي وجمالي عليك
رفع حواجبه
نسر : شهل غرور!
هزيت راسي
وردة : أتخرفن بحب نفسي.. عليك الله شوف
الرموش سهم لو الخشم مسقول
رفع عينه علية وصفن يتمعن بملامحي واني مبتسمه
نسر : والشفايف… لو مو أخلاقي جان سويت بيهن جريمة.
فتحت عيوني وتقربتله
وردة : شنو ولك؟
نسر رفع حاجبه، وسوّى روحه بريء.
نسر : نجبي شنو ولك؟
وردة : لا تلفها، سمعتك حجيت حچي مال أدب!
سز يامتربي، تحچي بالأخلاق وكل أخلاق ماعندك.
نسر عض شفته حتى لا يضحك.
نسر : لا ولج فهمتي غلط… گلت بصورة عامة
الرجال ينسى تربيته.
وردة : بصورة عامة لو بصورة شفافي؟
قهقه ورجع خطوة.
نسر : هااا هاي إنتِ جبتي طاري الشفايف مو أني.
وردة : جذاب.
قرب شوي، وصوته نزل حتى ما ينسمع
نسر : إذا أريد أكون صادق.. الكلام كله قليل عليهن.
وردة : تأدب وخليني محترمتك
نسر : مو بيدي اتخرفن گدامج
ضحكت
وردة : بهاي حقك لان لي كدامك غجرية
اختفت ضحكته مباشرة، ونظراته ثبتت بعيني.
قبل مايحجي شي رجعت كعدت مقهورة كل
مايطلع لازم يسمم مزاج بكلامة
اجه سحب الگرسي وگعد
وردة : ممنوع تحجي شي وياي بعد مااريد ازعل
نفسي بسبب كلامك
نسر : بس ماحجيت شي
لفيت وجهي عنه وتنفست بنفاذ صبر... نزلوا الأگل
طلبنا سمج شوي وتمن ونزلو ويا مقبلات
اخذت الخاشوكة أخذ السمج واكلت شافني صار
يفلس ويخلي كدامي
وردة : لاا أمير... أگدر
نسر : ليكون تلعب نفسج من أيدي؟
ستحيت اكول أي رغم هو نضيف يلمع لمع
وردة : لا مو هيج
اشو نهض كعد بصفي واخذ سمج
نسر : فتحي حلكج
وردة : ياا شبيك!!
نسر : أعرف تلعب نفسج بس والله اذا مافتحتي
حلكج اهلس شعفاتج
ضحكت
وردة : عيب منا ناس
نسر : امسقط ومااستحي اخر همي الناس يله
فتحت حلكي وغمضت عيوني.. دحس الكمة بحلكي
نسر : يله أني اوگلج وارد اشوف شلون تلعب نفسج
بعد
وردة : كافي حباب.. يله أقبل تفلس
نسر : ابد والله واذا ماتفتحين حلگج أزفر شعرج
وردة : اخر لگمة؟
نسر : اي.. يله
وكلني واخذ ماعونه بقى كاعد يمي يفلس ويخلي
كدامي
وردة : مشكور
نسر : عوافي
كملنا وغسلنا ورجعنا كعدنا نزل طبق الحلو ويا چاي
اكلنا وسوالفنا هل مرة بدون مشاكل
نسر : وين تحبين نروح بعد ؟
وردة : نرجع
نسر : ها؟.. خاف زعلتي
وردة : لا مااسمحلك تزعلني ولو ردت ازعل.. ازعل
بمزاجي
نسر : ههههه... هم زين الحمدلله
سكتت ومشيت صعدنا بالسيارة
نسر : ليش ماتردين ترحين لغير مكان؟ مثل مدينة
الالعاب؟
هزيت راسي بنفي
نسر : شعجب نقطة ضعفج المرجوحة والمزليكة
نزلت راسي
وردة : شتاقيت الحبوبتي صار هواي مارحتلها
سكت ماعرف شيرد
وردة : رجعني
شغل السيارة وتحرك سندت راسي على جامه
وبدون مااباوعله
وردة : تدري.. شتاقيت حتى للبنات الكعدتنا وسوالفنا
الماتخلص وكل وحدة تحجي همومها للثانية
تنهدت
وردة : ومرات نصنف ونصحك على همومنا ومرات
نرگص لحد ماننسى شنو مزعلنا...يالله شكد شتاقيت تكول صار مفاركتهن سنين مو هل يومين
التفت له
وردة : تدري سمر هي اجت گالتلي أشردي رند تريد
تشوه وجهج
نسر : لاتفكرين ولا تشتاقين هل شي انت ردتي من
البداية
وردة : صح.. ردته بس ماردته هيج.. ردت على اقل
محبوبتي وياي بس حتى هي عافتني
نسر : تتعودين بعدج بالبداية.. بس لما تأسسين
حياتج وتعيشين صح تنسين ويخف الشوك
وردة : اي.. اتمنى اعيش حياتي مثل مااريد
نسر : ان شاءلله واحسن..
وردة : ان شاءلله ربي يسمع منك
نسر : هسه ماغيرتي رأيج؟
بتسمت
وردة : لا تعبانه خليها غير مرة
نسر : صار
قبل مانرجع صف يم صيدلية اخذ جهاز قياس سكر
ورجعنا وكل واحد راح الغرفته بدلت ملابسي لبست
تراك..
سمعته يحجي اتصال ماطلعت رجعت اكمل المسلسل
لليل طلعت هو كاعد وكدامة لابتوب
وردة : شتسوي؟
نسر : أكمل شغلي
وردة : محتاج شي؟ چاي ماي؟
نسر : خاف أكو چاي وازحمج!
وردة : لا ولو دلل
نظرلي مبتسم. رحت للمطبخ سويت الچاي بين ما
جهز صبيت كلاصين ورحت قدم له
نسر : عاشت أيدج تعبتج
وردة : بالعافية ماكو تعب
نسر : كعدي
وردة : لا ارد اكمل المسلسل
نسر : تمام على راحتج
وردة : تصبح على خير
نسر : اصبح عليج.. ااوانتِ من اهله
هزيت راسي ورجعت للغرفة ادردم
وردة : اذا مايحجي شي مايرتاح
قفلت الباب ورجعت اكمل سهرتي وي المسلسل
لحد ما طر الفجر نمت...
فزيت على صوته يصيح بعصبيه
نسر : سواها الکلب.. يله جييت
فتحت الباب
وردة : أميررر شكو؟
نسر : ماكو شي لاتخافين شي خاص هسه اروح
وماتأخر تمام
وردة : وين تروح؟
نسر : مو بعيد كتلج ماتأخر لاتخافين
وردة : تمام
اخذ السلاح خلا بظهره وطلع بسرعة بقيت واكفة
بالباب.. لتفت ورجعلي يرگض
لزم راسي بسرعة بدون ستأذان طبع بوسه بجبيني
نسر : جوري
رفعت عيني له
وردة : ها؟
تنهد وعيونه حجتها بس اللسانه ستصعبها بقى لازم
راسي وعينيه بعيني.. ماتوقعت هيج صعبه رغم كـل
ذرة بي جان تصيح له صوته ماكدر
هنا عرفت شكد هو شخص قوي وبنفس القوة ضغف
وكبرياء
نسر : لا تخافين
وردة : خايفة عليك
بتسم ونزل راسه على جبيني وتنهد
نسر : اااخ جوري
وردة : شبيك چن واحد يودعني لاتخوفني عليك
نسر : عادي أضمج مرة؟
ماحجيت بس رفعت راسي له قربني له بهدوء
ولف أيده علية بقوى خفيفة راسي الصدره اسمع
نبض گلبه عرفت بهاي الضمه
يحاول يثبت گلبه لي وده يطلع من بين أضلاعه
دفن وجهه بشعري وكل نفس يسحبه يشك الصدر
بتعدت عنه
وردة : ترا خوفتني!
نسر : لاتخافين بس..
وردة : بس شنو؟
لمس خدي
نسر : خليج جوري القوية
هزيت راسي وگلبي معصور من كلامة
وردة : أرجع بسلامة مااريد شي
بتسم
نسر : ان شاءلله.. يله فوتي..
هزيت راسي ودخلت.. اباوع من الشباج شفته
صعد السيارة مستعجل.. طلع من المجمع وأني
بقيت بقلق
مر الوقت ببطء والثانية صارت علية بساعة
اخاف اتصل بي خاف اشغله.. بقيت احرك
بروحي
رحت مددت لا اكلت ولا شربت لحد ما حسيت
نفسي فد مرة راح اوكع
كمت اكلت بدون نفس بس حتى اشد روحي
ومااوكع...
صار الليل وهو ماكو وگل ساعة تمر گلبي ينعصر
بقيت أدعي وأبجي بس ربي يرجعه بسلامة ماريد
شي لحد ما صارت الساعة 10دك المبايل من اول
رنه رديت ملهوفة
وردة : الووو
نسر : شلونه الحلو
نهضمت
وردة : أميرر... والله خفت عليك ليش هيج تأخرت
نسر : يله اجيت..
وردة : جهز نفسك امطلك
نسر : هههههه يله جاهز لو امطلج لو تمطليني
وردة : انت زين؟ شو صوتك تعبان
نسر : من سمعت صوتج الحلو صرت هواي زين
ضحكت
وردة : منتظرتك
نسر : يارب جعل محد غيرج ينتظرني
وردة : يله باي
ضحكنا وسديت الخط أخيراً كدرت اتنفس كمت
رتبت شعري وسرحته واخذت الوشاح على كتفي
وطلعت بالباب انتظره
خليت المبايل على طاولة بالحديقة وبقيت اروح
وأرجع وعيني على باب المجمع المكان هدوء لدرجة
صوت الهوى ينسمع والاشجار حوال كل دار بالمجمع
فجأ طلع ظل من بين الظلام
حسيت الگاع لزمت رجلية وماكدرت
اتحرك ولا خطوة ولا كدرت انطق حرف
عيوني اتوسعت فجأة
شفته…واكف بطوله كدامي.
أريد ألف وأهرب، بس احس جدمي ثگل ماكدرت
اخطي خطوة، بس لساني انعقد. رفع عينه عليّ
وكال بهدوء مخيف:
باهر : تتوقعين تخلصين مني بهالسهولة؟
أنه صبرت سنين.
بلعت ريكي بصعوبة.
حسيت كأن إبر مغروزة بحلكي.
رجعت خطوة للخلف…وهو تقدم خطوة.
بصوت يرجف سألت:
وردة: شـ..شلون طلعت؟
عيونه جانت مثل الجمر.
يحاول يبين هادئ… بس أني أعرفه.
وأعرف الابتسامة اللي يضم بيها غضبه.
كال:
باهر : خايفة؟
هزيت راسي بنفي…
مع أن الخوف ياكلني أكل.
درت عيوني بالمكان يمكن أحد يشوفنا.
ماكو أحد.بس لمحت بين الأشجار ظل
يتحرك بسرعة… اختفى .
مو هو… متأكدة.
لفيت راسي وعدلت شعري حتى أشوف منو.
قبل لا أستوعب لي شفته صاح
باهر : باعيلي.
التفتت بابتسامة خفيفة.
بهاللحظة…حسيت خطوات خلفي.
بسرعة اتقيدت …وإيد انحطت على خشمي وحلكي.
حاولت ما أتنفس، كطعت نفسي… صرت أقاوم بعد
ثواني...
حتى أوهمه إن المخدر بلش مفعوله
رخيت جسمي كله.وگلبت عيوني وغمضتها مثلت
الأغماء،... أيده بعدت شوي.
حسيت بيدين تسندني…
وقبل ما أفقد التوازن، انحضنت بقوة.
عرفته هو عطره… أعرفه من بين ألف
شخص...
دفن وجهه بشعري وهمس:
باهر : إنتِ جبرتيني.
جاني صوت ثاني بسرعة
_يلا بسرعة قبل ما يجي.
انشلت بين إيديه.
وقتها… فعلاً بلشت أحس بدوخة خفيفة من أثر
المخدر، سمعت باب السيارة ينفتح
نومني بالمقعد الخلفي، وسد الباب بسرعة.
ركبوا…سمعت صوت السيارة ترحكت شخطت
الكاع..
جنت أسمعهم يحجون… بس صوتهم صار بعيد.
المخدر بدأ يثگل حواسي، حتى جفوني، صارت
ثگيلة.
اتوقع فقدت فترة لان مااذكر شي غير حسيت على
خضه قوية وألم براسي خفيف
واضح الطريق الي سلکة طريق وعر وهل شي خله
الخوف يسيطر علية أكثر.. ماحجيت ولاتحركت
على اقل اعرف وين مااخذني
اذا يعرف بيه ممكن يرجع يخدرني او يسوي بيه
شي واني ماعرف على اقل خليني واعية لليصير
حولي
مايقارب مشى ساعتين غير لي جنت فاقدة بيهن
الى ان صف السيارة ونزل باهر فتح الباب ونزلني
حسيته دفر باب برجله ودخل أحس واسمع بس
مااشوف
حسيت نيمني على قنفة وراح من يمي فتحت تك
عين بدرجة 20 اشوف هذا البيت!!
: نفسه الي يكول عنه بيتنا يعني رجعني لهناا! شكد
نمت ياربييي
حسيت اجه رجعت غمضت قرب مني لمس وجهي
باهر : جوريتي...
حسيته طبع بوسه برگبتي شمأزيت
باهر : ياوجع گلبي
بديت افتح عيوني ببطء وافرك وجهي
وردة : أبهر
باهر : ياوجع گلبه أبهر
كعدت نهض من الكاع كعد يمي وحضني
باهر : مااعوفج سويت كل شي حتى اطلع
بتعدت عنه
وردة : شلون طلعت؟
ضحك بشر
باهر : هههههه... طلعت بس نسر وكع بالفخ
وردة : شسويتله؟
باهر : بعدني ماسويتله بس راح أسوي
وردة : أبهر.. لا
لمس شعري
باهر :ليش مغيرة تسريحة شعرج؟ شافها! گلج حلو؟
هزيت راسي بنفي
باهر : هسه...حسيت بشعورج
نزلت راسي
وردة : ليش هيج سويت؟
صاح
باهر : لأني غبي.. ضيعتج وغبي لان خنتج
وغبي لان ثقيت بواحد گلب طلع مخبر دمر
حياتي.. واخذج من بين أيدي
لمس وجهي وعيونه جمر
باهر : بس مو بعد اليوم..
وردة : لا تجيسني
قرب اكثر
باهر : شنو مااجيسج!.. طلعت بس حتى اخذج
نهضت بسرعة
وردة : شنوو؟
باهر : أنتِ ألي... جوريتي وجع گلبي مستحيل
اعوفج له
وردة : شنو تعوفني له اني مو لعبة بأيدك!
باهر : اعرفج متحبي تردين تنتقمين مني اعرف
طبعج لي شربج المر تشربي سم
وردة : لا.. لااتخاف ماانزل لهيج مستوى واقذر
نفسي حتى اخذ ثاري منك ومن كـ ***
باهر : أعرف.. أعرف تحبيني بس ماتحجيها لان
اني جرحتج..
تقرب لمس رگبتي بتعدت
وردة : عوووفني
لزمني بقوة
باهر : شوفي هذا بيتنا عجبج؟ كلشي سويته
مثل ماتردين
وردة : وجعتني عوفنييي
رخى أيده وبتعد
باهر : تعاي اشوفج الغرفة مالتنا
راد يسحبني فلتت نفسي منه وركضت بتجاة
الباب مقفول.. رجعت اركض للجهة الثاني ماكو
البيبان كلها مقفلة
وهو مأمن ماحاول يمنعني.. اخر شي ركضت
للمطبخ عيوني دور على سجين سحبت سجينه
وخليتها على رگبتي
وردة : والله ما أخليك تلمسني بالحرام… غير
جثة.
وگف مكانه ورفع إيده شوي، يحاول يبين هادي.
باهر: تمام… أهدي.
إيدي رجفت أكثر من شفته قرب خطوة.
صحت بوجهه، وصوتي متكسر من الخوف والقهر
وردة : عندي استعداد أموت نفسي… ولا أسوي
مثلها، فهمت؟ ما أخليك تلمسني بالحرام، وأروح
أخلف نغول وأشرمهم!
ثبت مكانه، ونظراته انتقلت من السچين لعيني
باهر : جوري… نزليها.
دفعت السچين أكثر على رگبتي، وحسيت نجرحت
وردة :خطوة وحدة بس… وتشوف شلون تضيعني
من إيدك للأبد.
باهر : ما جبتج حتى أذيج.
ضحكت بمرارة، ودمعتي نزلت.
وردة : انت دمرتني.. أول كسرة بحياتي أنت رغم
اول مرة أسلم گلبي البشر وأثق بي
تقدم خطوة بتجاهي
وردة : ديربالگ.. لاتقرب والله أذبح نفسي
باهر : تمام.. ماقرب بس نزليها من أيدج
هزيت راسي
وردة : لو اموت ولا سلمك نفسي بالحرام يعني
خاطفني وجايبني لهنا شتردي مني مثلاً!
باهر : نتزوج... هسه نروح نتزوج بس نزليها من
أيدج
صحت
وردة : ماااريددددككك.. تلعب نفسي منك قذر
تقرب أكثر
وردة : أرجعععع والله اذبح نفسي..
باهر :جوري لاعندي صبر عليج بعد ولاعندي وقت
أمشي نعقد هسه
هزيت راسي بنفي تقرب لزم أيدي بقوى نزع مني
السجين وحضني يجيت.. نهاريت سندني
باهر : اششش كافي والله مااسويلج شي بالحرام
هسه نروح نعقد وتصيرين مرتي
بصوت يرجف خوف
وردة : عوفنيييي
باهر : أختاري تجين وياي نتزوج لو...
قبل مايكمل كلامة
وردة : أي أجي بس لاتلمسني بالحرام حباب لاتشوهني
مثلها مااريد أصير مثل أمي
باهر : يله امشي هسه يأذن الفجر خلي نروح للجامع
يعقدلنا شيخ
هزيت راسي بتعد عني بس بقى شابك جفي بجفه
سحبني وطلعنا للسيارة صعدني ورجع صعد وبس
دموعي تنزل
طلع للجامع قريب بالمنطقة بقينا ننتظر لحد ماكمل
صلاة نزل وبقيت بالسيارة وقفلها.... ادور على شي
يساعدني ماكو عجزت
وردة : ياربي...حباب لاتعوفني.
شفته رجع فتحلي الباب
باهر : يله ياعروس
بخوف
وردة : شنو؟
باهر : وافق يعقدلنا
نزلت لزم أيدي باسها ومشينا اكو مكان مثل المكتبة
او غرفة صغيرة بصف الجامع دخلنا باهر يحجي ويا
واني عيني على باب منتظره جيته ويكدر يخلصني
ورا المكتب گعد شيخ جبير لحيته بيضة ونظراته
هادئة. رفع راسه إلنا.
الشيخ: تفضلوا
كعدنا.
الشيخ: الهويات
طلع هويته ونسخة ورقة.
باهر:هويتها ضايعة… عندي استنساخ.
أخذهن الشيخ وباوع بيهن.
الشيخ :أبوها؟ ولي أمرها؟
رد بسرعة
باهر : هي يتيمة وعمرها فوك السن القانوني
رفع الشيخ عينه علية ثواني، وبعدها صاح اثنين من المصلين اللي بره. دخلوا وكعدوا يمه جان عمرهم
متوسط
الشيخ: تكونون شهود على العقد؟
الأول: إي نعم.
الثاني: إن شاء الله.
سجل أسماءهم بالورقة، وبعدين التفت إليّ صوته
صار رسمي.
الشيخ: بنتي قبل لا نبدأ… أريد أسمع منج إنتِ
إنتِ حاضرة بإرادتج؟ محد مجبرج؟
بلعت ريگي باهر شد على جفي
الشيخ لمح الحركة.
الشيخ: خليها على راحتها
ترك إيدي فورًا الشيخ رجع باوعلي
الشيخ: جاوبيني بصراحة.
صوتي اختفى عيني راحت للباب منتظره دخوله
وصوته يصيح لاااااا.
بس ماصارت ومااشفته إذا رفضت شراح يصير من
نطلع؟ مهما يكون يلمسني بحلال الله وشـرعة ولا
أسوي مثل سوايتها السودة
نزلت عيني للأرض.
وردة: موافقة.
ظل ساكت يباوعلي.
الشيخ : بوضوح أكثر. العقد لازم لفظ صريح.
حسيت دمعتي حارة بعيني.
الشيخ : اسمج ورد جوري عادل؟ وعمرج كامل؟
هزيت راسي.
الشيخ : إذا موافقة، كرري وراي:
قبلت الزواج من باهر تشوان، على المهر المسمى بيننا وعلى سنة الله ورسوله.
طلعت الكلمات مثل الشوك من حلگي.
وردة : قبلت… الزواج من باهر تشوان … على المهر المسمى بيننا… وعلى سنة الله ورسوله.
تنفس باهر بقوة، كأنه رجعتله الروح
الشيخ التفت إله.
الشيخ : وأنت باهر تشوان، قبلت الزواج من ورد جوري عادل على المهر المسمى؟
بدون تردد
باهر : نعم.. قبلت.
هز الشيخ راسه وقرأ صيغة العقد، رفع إيده بالدعاء
الشيخ : اللهم ألّف بينهما بالمعروفواجعل بينهما مودة ورحمة واصرف عنهما الشر والفتن وبارك لهما وبارك عليهما.
بعدها كتب البيانات، ومد الورقة.
الشيخ : وقعوا هنا.
إيدي رجفت وأنا آخذ القلم.
وقعت اسمي وهو أخذ القلم بعدي ووقع بسرعة
وبعدنا وقع الشاهد الأول والثاني.
ختم الورقة، وابتسم ابتسامة خفيفة
الشيخ : تم العقد. الله يبارك لكما وعليكما.
باهر التفت إلي ابتسامة غريبة بوجهه، بيها انتصار
أكثر من فرح.. باركلنا وطلعنا من الجامع ماترك أيدي
لتفتلي والضحكة تارسة روحه
باهر : لو ادري من زمان خاطفج جان هسه أبنه
يمشي وحامل بالثاني لا والله يمكن الثالث
ماحجيت منزله راسي وامشي.. ماحس له نرفعت
شالني ويفتر
باهر : يهووووو
وردة : ولك أبهررر
نزلني وبقى ساندني له
باهر : ياروح أبهر ونبضه
بتعدت
وردة : عوفني
ضحك
باهر : شعوف؟ نوصل للبيت وتنطيني حقوقي
الزوجية
وردة : لاتخليني اسيء الأدب وياك
ضحك وغمزلي
باهر : ياريت سيئي شكد متكدرين
وردة : نجب
باهر : هسه نوصل بيتنا انجب بحضنج
وردة : ديربالك تسوي شي غصب عني
باهر : أبد والله
صعدنا بالسيارة ولسه عندي امل بقيت اتلفت بس
ماشفت له وجود
وردة : شلون عرفت مكاني؟
لزم ايدي باسها
باهر : من اول ماصعدتي ويا عرفت
وردة : شلون يعني شفتني؟
باهر : بيومها رحت حتى اتفق ويا مهرب كلت اخذج
ونطلع التركيا.. ودزيت صديق ثقة ياخذج هو شافج
وراقبكم
وردة : و.. ويمتى طلعت؟
باهر : صار يومين
سكتت وشغل غنية
باهر : لليلة من العمر رايد أنا وياك نتلاكة وأكلك
شوف هاي الروح على شوفك مشتاكة
اخذ ايدي باسها
باهر : تدرين انتِ حلمي
وردة : جنت حلمي بس افعالك شوهتك بعيني
سحبت أيدي ولفيت وجهي عنه سكت لحد ما وصلنا
دخلنا نزع ستره وسحبني.. طخيت بجسمه
رفع راسي
باهر : مبروك عروستي.
وردة : لاتصدك روحك عريس!
باهر : كلش ندمان ماسويتها قبل..
وردة : عوفني تلعب نفسي منك
باهر : ليشش!
بتعدت رجع سحبني ضم راسه برگبتي يشمشم
باهر : مشتاقلج.. ميت عليج
دفعته
وردة : شمازيت منك ومن قرفك
بتعد عني
باهر : أسبح بكلور
وردة : هم ماتنظف
سحب حزام البنطرون
باهر : نجرب
رجعت بخوف
وردة : ديربلك
باهر : لا تخافين مااسوي شي وأمني صرتي حلالي
يعني الي يصير حق لو راد يصير
سكتت
باهر : كعدي لاتخافين
كعدت على قنفة فتح الثلاجة وطلع منها ككاو اجه
وفتح وقدمها
باهر : وجهج شاحب.. اكليها خاف سكرج ينزل
اخذتها من ايده وأكلتها ككاو عادي شيصير يعني!
باهر : كومي شوفي البيت
وردة : مألي خلك
باهر : رح أسبح وشوفي شنو تردين كلشي موجود
خاف سُكر يزل تردين بعد؟
وردة : لا هاي كافي... تاكل؟
بتسم
باهر : لااا أني سُكري مفول بدون شي
سكتت وبقيت أكلها وعينه مانزلت عني لحد ماكملتها
نهض
باهر : أرد اسبح وانام البيت بيتج
وردة : أمممم
دخل للحمام نهضت من شفت مبايله اشو بس فتحته
اخذلي صورة وكل مااحاوا افتحه يصورني ومايفتح
وردة : يبووو
عفته ورجعت اشوف البيت عبارة عن صالة جبيرة
مفتوحة وعلى جهه مطبخ.. مأثث أثاث يجنن مثل
ماجنت أريد
اكو غرفتين وحده فارغة والثانية بيها غرفت نوم
دخلتها وشفت الحمرة مالتي لي اخذها على ميز
لفيت واشوف لوحه البنية واكفه ورافعة أيدها لفوك
كأنها ترگص وبس ضهرها واضح مالابسه شي بس
خط حاملة صدر وتنورة
مررت أيدي عليها خط ظهرها مبين واسفل ظهرها
غمازات ثنين...
ماعرف شصارلي… حسيت نبض گلبي صار سريع كأني أركض مع إني واكفة مكاني. ورغم الجو البارد والثلج جسمي كله عرق.... وحرارة غريبة صاعدة من صدري لوجهي.
وكفت ثواني أحاول أفهم شنو اللي يصيرلي، بس كل ما أحاول أرتب أفكاري يزيد الارتباك أكثر شعور مو خوف
ولا راحة… شي بين الاثنين ثگيل وما له اسم واضح...
سمعت صوت الباب نفتح توترت أكثر.. وكفت كبال
المراية.. خدودي صارت حمرة والعرك يند مني معرف
شسوي فتحت دكم القميص واهفي
دخل باهر للغرفة ينشف شعره ومالابس غير شورت
من شفت رتبكت أكثر
عيوني صارت جسرة ومانزلت عن تفاصيل جسمه
ستغربت نفسي.. ودركت فعلي بسرعة لفيت عنه
امرر أيدي على رگبتي
باهر : شفتيها حلوة؟
بتوتر
وردة : شـ..نو؟
اشر على الوحة
وردة : طبعاً نسيواني
ضحك وقربلي احس نفسي صار سريع أسرع من لازم
بللت شفايفي وغمضت عيني ستنشقت عطرة
شدني من خصري له
باهر : شوفيها زين تعرفيها
فتحت عيوني
وردة : مستحيل تكون رند ماعدها هيج
باهر : لاتجيبن هل قذارة على السانج
مرر أيده على خط ظهرها وعيونه تتأملها
باهر : هاي وجع گلبي اصبح وأمسي عليها
وردة : شـ...
لتفت ومثل ما مرر أيده على لوخة مرر على ظهري
بالطف غمضت عيوني ورجف
باهر : هاي أنتِ ياوجع گلبي
فتحت عيوني وبلعت ريكي بصعوبه
وردة : باااهرر
باهر : أموت بصوتج
وردة : شنو أني
بتسم
باهر : أي أنتِ خط ظهرج واضح وأسفله بصمتين
أخذن عقلي
بصوت يرجف
وردة : وو.. ووين شفتهن؟
باهر : مو مهم
بتعدت، بتسم شمر المنشفه وفتح أيده يستعرض
بجسمه
باهر : سويتلج جسم أحلامج
قربت وعيوني مانزلت عن جسمه وگلبي وضعه
تلخبط أكثر من قربت ومررت أطراف أصابيعي
على صدره
بتعدت بسرعة كأن مو أني الي تسوي هيج حسيت
رغبتي تتحكم بية.. بتعدت
وردة :حااارة..
ضحك
رفعت شعري لقيته ماحس له سحبني ضمني بقوى
وردة : باااهر.. شبيك!
ضم راسه برگبتي
باهر : كافييي... خليني أطفي بيج نيراني
قيدني بحضنه ماكدرت اتحرك بس شعور الاشمازاز
والرغبة، توتر وخوف ماعرف اسمي الي عشته بهاي
الحظة
رفع راسي عينه على شفافي ضميتهن عرفت نيته
لزم فگي
باهر : بس مرة.. خليني أضوك
گلبي رجف ومعدتي نعصرت جسمي صار نار ومعدتي
تلهب
قبل مايقرب ويبوسني خليت أيدي على حلكي ودفعته
ركضت للحمام.. ستفرغت بشكل مخيف
كل جسمي صار يرجف ودموعي تنزل كأن صحيت
على حالي
: ياربي ساعدني مالي غيرك لاتعوفني انت هم
اجه
باهر : شبيج؟
وردة : عوفني.. عوووفني
رجعت أستفرغ رغم ماكو شي غير الككاو معدتي خالية
رحت دفعته وقفلت الباب
وفتحت الدوش وكفت تحته اني وملابسي نزل ماي
بارد ثلج...شهكت حتى أصحي نفسي
متأكدة الككاو لي اكلته بي شي وله مستحيل اتقبل
باهر بهذا السهولة
دك الباب
باهر : فتحي الباب شوو
مارديت صاح بعصبية
باهر : جوووري أفتحي الباب اذا اكسره يصير لي
مايرضيج
وردة :عوفني حباب والله معدتي صارت نار
مارد بس صار يدفع بالباب اخر شي دفعه بقوى نفتح
شافني مبللة بتسم وتقرب مني
باهر : ليش هيج تسوي بيه وتعرفين احبج
بخوف
وردة : باهر حباب لا
ماسمعني تقرب أكثر شألني بسرعة حاوطت رگبته
صرنا ثنينا تحت الماي
باهر : خلينا نتمم زواجنا
