رواية حبيبتي وضل الاسود الفصل السابع عشر بقلم مرج البحر
جان المكان بي غراض قديمه والعاب مكسرة ... وسرير بي سلاسل 😳 يالله مشينه شوية وجان اشوف وحدة حالتها تبجي الكافر 😱😱 ..
جانت مربوطه بالسلاسل وشعرها منكوش وملابسها مبهذله وتعبانه ووصخه ... وجانت مكرفصه نفسها بطارف السرير ونايمه ...
سلطان ...لزمت نورهان وكتلها اوكفي حبيبي خليني اني اروح اشوفها اول شي لتتقربين ..
اتقربت منها ولمستها جانت حالتها مزرية ...صحت عليها كتلها خالة .. خالة ... خالة سحبتها داعدلها جان تصرخ بوجهي وتصيح عوفني وخررر ماريد شي اطلع اطلع عوفني ...
اجتي نورهان تركض عليها لزمتها كتلها اصبري حبيبي .... كتلها خالة لتخافين احنه جايين حتى نساعدج خلي افتح القيود مالتج شفتها خايفه خطية ومروعبه من عدنه ...
ونورهان كوه لازمه نفسها تريد تشمر نفسها بحظنها واني لازمها ... ردت اتأكد اخاف هم مسويلها سحر وممسوسه وخفت اتأذي نورهان بدون متدري ...
حجيت وياها وطمنتها ورحت جبت كاسر اقفال وكسرت القفل مال القيود ...كتلها خالة خما بيج شي مريضه تعبانه كولي حتى انوديج للمستشفى ...طبعا جانت تتقن اللغه العربية مثل نورهان وافتهمت عليها من حجت
بيسان ... من صار الحريق بالبيت الدخان خنكني و وكعت اغمى عليه وماحسيت اله ع صوت رجال ديكعدني ويكول خالة ... بدون وعي صرخت بوجها لان خفت لا احد جاي يقتلني 😓 ..
من حجه ويايه شفته انسان طيب ويريد يساعدني ... وشفت يمه بنية مامبين شكلها لان ظلمة ...
كتله الله يخليك خلصني من هل مكان الي سجنوني بي ... والبارحة صار الحريق الحمدلله مامتت ربي ستر عليه وطفوا النار ...
نورهان ...شفت حال امي وعيني مابطلت بجي وبعد ماظل صبر بيه كوه كامشة نفسي ولك سلطان وخر اوويلي الله وجان اشمر نفسي بحظنها وكمت اشمشم بيها وطكيت بجي وكتلها ولج يمه حرموني منج ومن حظنج ولج يمممه يتموني من صغري وماشبعت من حليبج اووووف ياريحتج يايمة ريحة الجنة ماينشبع منها ...فدوووة رحتلج يايمه اووووف هل كلمة حرموني منها اسنين وانتي عايشة ...واخذوني من حظنج وبعدوني عنج يممه حظنيني فدوة اريد اشبع من حظنج ...يمممه ولج اني نورهان بنتج الي جبتيها واخذوها منج وحرومنه من بعض الميخافون الله
بيسان ... من جنت احجي ويه الرجال ع غفلة البنية ركضت وشمرت نفسها بحظني وبقت تبجي وتحجي حجي ماستوعبته منو هاي ليش هيج حاظنتني ودتبجي ....ومن كالت اني بنتج نورهان حسيت صاعقة ضربتني ع راسي ردت افقد الوعي متحملت الصدمة .... معقولة هاي بنتي الي ولدتها قبل 18 سنة هسه بحظني نايمه .... صرخت صرخة طلعت كل الألم المكبوت جواية مال 18 سنة ...انشك زردومي واتجرحت بلاعيمي ......كتلها سوده بوجهي ولج انتي بنتي وماعرفتج انتي بنتي الي ضيعتها وماشبعت منها اووووووف ربي .. وحظنتها بكل قوتي وبقيت اشمشم بيها وابوسها من كل مكان بوجها ...
سلطان ... الموقف ايخلي الكافر يبجي .... بدون ماحس شفت عيوني غوركن مسحت عيني وكتلهم يله خلي نطلع من هل ظلمة واوديج للمستشفى حتى يفحصوج ....
بقت نورهان سانده امها وحاظنتها معافتها صعدن الدرج سوه وطلعن بره بالضوه مال الشمس جانت امها عينها تعبانه من كثر الظلام الي محبوسة بي كامت عينها توجعها كتلها سدي عيني لتفتحيها كلها رأساً موزين ....
اخذنه تكسي ورحنه للمستشفى .... سمعنه خبر وفاة مرت خالها .... الله يرحمها راحت لدار حقها الله يجازيها بعد ...
اخذوها الدكاترة لام نورهان ... سوولها فحوصات وتحاليل طلع عدها ضعف بالنظر .....
نطوها علاج واخذتهم للفندق ونورهان طببت امها للحمام كعدت غسلتلها غسلة مال عمر ههههه وراها رحنه اشترينالها ملابس وكعدنه نسولف وياها ونورهان حجتلها ع كوولشي وحجتلها شلون ابوها مات وشلون انهزمت وشلون اني لكيتها وطلعت بنت خالي وشلون غابت عن الوعي 3 اشهر بقينه نسولف للصبح .... هيه بقت مثل الوحدة المصدومه من السمعته لان شي ابد مينعقل الي مرينه بي ....
اني خليتهم ينامون بجنب بعض ع الجرباية واني نمت بالكاع عفت حبيبتي بحظن امها ....
الحمدلله الي قدرني وكدرت اسوي شي يخليها تفرح ..... بس هسه لازم نلكي طريقه اطلعلها بي جواز وجنسية حتى اكدر اخذها للعراق ويانه بس شلون 🤔🤔 ...
وراها غفيت ونمت ماحسينه من التعب اله ساعة بل1 الظهر ......
كعدت جسمي امكسر اوووف رحت للحمام غسلت وجهي وطلعت شفت نورهان نايمها ع بطنها ودتحوص اتقربت عليها مديت ايدي ضربت خلفيتها كتلها كومي ولج بل 1 الظهر ههههههههه
هيه كعدت كالت بصوت ناصي ولك اشش لتكعد امي خررب عوفها نايمة خطية هههههه
وجان تكعد امي وشمرت نفسي بحظنها لان ماشبعت منها ليهسه .....كتلها صباح الخيير يا احلا ام بهاي الدنيا 😘
بيسان ... يسعد صباحكم حبايبي فدووة لگلبكم شكد حلووين ولايكين لبعض 😊😊
سلطان ... فدوة لعمرج عمتي الغالية .... بعد اصيحلج عمة لان اني نسيبج بعد احم احم هههههه
بيسان ... والله ونعم من هل نسيب فدوة لطولك بعد بيتي ههه
نورهان .... الله يخليكم الي ويحفظكم ويتمم هل فرحة يارب .....
سلطان ... اميين ... اكول عمة اريد نرجع للعراق وانتي ماعندج اي مستمسكات شلون ....
بيسان ... لا ابني ليش عندي موجودات ..
سلطان ... صدك !!؟ وين
بيسان .... خالك ابو نورهان الله يرحمة جان مخلي كل مستمسكاتي وذهبي بقاصة بالبنك والرقم السري جان مواليدي ومواليدة اذا انروح نفتح القاصة اكيد يخلونه لان بأسمي هيه ....
سلطان ... اي يالله الحمدلله هاي هم اتسهلت ...
العصر انروح للبنك حتى نفتح الخزنه وناخذ متعلقاتج كلهن لان بعد مالج عيشه هنا مابقالج احد لازم تجين يم بنتج تعيشين .....
بيسان ... الله يرحم امي وابوية ويجازي الي كان السبب بتفريقنه عن بعض ... ان شاءالله ابني كمل اجرائات الفيزا والحجز حتى اسافر وياكم ...
طلبت غدة اتغدينه وكملنه وصار العصر حظرنه نفسنه ورحنه للبنك طبت ام نورهان حجت ويه المدير كللها هل خزنه قبل سنتين اجه استاذ طه خله وديعه بيها وبعد مشفنا
كلتله جنت مسافرة وزوجي اتوفه وهسه رجعت حتى افتحها واخذ متعلقاتي ....
اخذوني الموضفين للخزنه وفتحتها بكلمة السر الي كلي عليها طه واخذت كل ذهبي وجان حاط فلوس هم مبلغ كبير والمستمسكات حطيتهن بجنطه وطلعت ....
نطيت الجنطه لسلطان حتى يشيلها اخذها وطلعنه .....
وبدينه بأجرائات الفيزا والحجز كلونه اسبوع وتطلع ..
بقينه بالفندق لحد ماتطلع الفيزا مال ام نورهان ... واني ماخليت بنفسهم شي ...جنت يوميه اطلعهم واونسهم عمتي جانت فرحانه بيه وتكولها لنورهان ابد متلكين رجل يصونج ويحبج مثل سلطان ....
سلطان ... حبيبي اني حطلع اتريدون شي اجيبه ويايه
نورهان لاحبيبي روح الله وياك بس لاتتأخر تره اضوج ماشوفك 😁
سلطان .. يدلل الحلوو عيني 😘
بيسان ... فدوة حبايبي ربي يحفظكم لبعض وعساني لابجيتكم بيوم ...
سلطان ... فداج الكون عمتي الغالية ويحفظج ربي ويخليج خيمة ع راسنة ..
نورهان .. طلع سلطان وبقيت اني يم امي ونمت بحظنها لان ابد ماشبع من هل حظن الي انحرمت منه كل طفولتي ....
كتلها ماما حبيبتي سولفيلي شلون حبسوج خالي ومرته وخالي شلون نطاه گلبه اذاج هيج وسجنج وحرمني منج راح اتخبل عود هذا اخوج
بيسان .. هسه اسولفلج ..
