رواية لأنها اختي الفصل السابع عشر بقلم فاطمه حمود
زعلان
بس يا زعل لمّن ترد للصدگ
گبل المنادى اجي، وشلون جيّه اجي اركض ركض محترگ ! 🔥👌🏼
...........
صعدت وياه بالسياره ودليته على المستشفى وصلني
نزلت من سياره صار كبالي وهوه طالع من المستشفى
بهت لوني واني اشوفه احس انمرد كلبي مرد ودمعه غرغرت ب عيني
ولو عادي أي عادي اصلاً كلش عادي وجوده هنا لأن الي جوه اسمها محفور ب كلبه ما يعوفها ب هيج يوم
التفت الياسين واني ابلع غصتي
ملاك :- مشكور ياسين ما تقصر
ياسين :- ولو بالخدمه
تحركت سياره ياسين ومت انتبه ولا شافه النيار
الغصه ب بلعومي عيوني غوشت تريد تنزل دموعها ونفسي ما تسمحلي ابجي جسمي بده يرجف من العصبيه والغصه الي ب صدري
مشيت ب هدمه وفتت من يمه واني متجاهلته بس ايدي وكل جسمي احسه يرجف ودخلت للمستشفى
وإني امشي سريع امشي بدون وعي وما أ؏ــرف المن متوجهه والمن رايحه اني لأن ما اعرف همه ب أي طابق
اسمع اسمي وهوه يصيح عليه بصوت خافت يريدني اوكف وإني امشي وامشي اتجاهل وجوده وأحس ب جسمي يرجف من أعصابي
انسحب زندي ب قوه احس جسمي كله انخض قربني علي ب قوه صار ظهري على صدره صارت انظار الكل علينا لأن هو لابس الزي العسكري ومنظرنا يجذب النظر اسمع الهمسات الي صارت علينا
حجيت بعصبيه بصوت ناصي
ملاك :- عوفني نياااار
نيار :- شسوين نازله من سياره ياسين شعدج وياه ملاااك اني مو كتلج تشيلي من راسج هاا مو حذرتججج ملاااك
1 ت
ملاك :- هههههههههه
نيار :- ملاااك كم مره كايل الج استفزاز لــأ تستفزيني
ملاك :-ههههه ضحكتني تدري وهواي ضحكتني
حجه ب صوت عالي الكل انتبه
نيار :- ملاااااك
رديته ب هدوء وهو ردها الي ب خزره عيونه وعگده حاجبه
ملاك :- همك ليش نازله من سياره انسان محترم ومؤدب هذا همككك ؟؟؟ معقوله ؟؟؟
زين بله اكدر اسألك وتجاوبني وين كرامتك ها كلي وين كرامتك وانت جاي علمود وحده باعتك برخص ب رخص باعتك ب اقل من دينااااااررر كلللللي وينها كرامتك وينهاااا
3 ت
وهي فوك دا تجيب طفل الثاني الإنسان غيرك مو الك طفل راح يصير بحضن غيرك مو حضنك راح يصيح الغيرك بابا مو الك وانت جاي هنا علمودها هاااا وينهاااا كررررامتك كللي وين اذا ما عندك كلي حتى اشتريلك
ملاك :- روح اضحك على وحده غيري استاذ روح وانت جاي وساحل كرامتك ب الكاع حتى تشوفها
نيار :- كتلجججج ما جاااي عليهااا شبيج انتِ ما تفهمين
عيونه نطن وكلبن حمر من العصبيه وهو يحجي وياي بسرعه نترت ايده واني ارجعله كل خزره يخزرني ياها طلعت التيلفون ودكيت على ماما كالت الي همه وين
ملاك :- حرامات سلمت كلبي بيدك وحبيتك حرامات
توجهت واني اروح الامي اجا وكفني
نيار :- اوكفي خل افهمج ملاك
ملاك :- ما يحتاج عرفت وفهمت كلشي عوفني ب حالي
نيار :- يا صبر ترا فاهمه غلط ملاااك ماكو اي شي من الي دا تفكرين بي
ملاك :- لا تحجي ولا شي ما اريد اسمع شي هي كوووه خوما كوووه ما اريد
عت ايدي
2 ت
نيار :- كتلج خل افهمج عوفي تصرفات المزعطه هسه ماكو شي من الي دا تفكرين بي اني ما جاي على اختج ولا ادري بيها هنا ولا شي
واختج طلعتها من حياتي ومسحتها ومسحت كلشي وياها من حياتي من لمن حجيت وياها بيتكم قبل لا تولد وشلتها من كلبي هسه هي مجرد بنت عمتي لا أكثر خوووش
1 ت
والأهم من هذا كله اني اريدج الج ما أريدها هسه اني اريدج وشاريج الي بس منتظر الوقت المناسب
ملاك :-ههههه ضحكتني تدري هواي ضحكتني اكولك ترا انت اشتريت الكل بس اني ما اشتريتني ف لا تكول اريدج وتبيع هل سوالف ب راسي هسه من بـ؏ــد ما شفتك وشفت وضعك تكوليها مسحتها من حياتك لــأ كلللش صدكتك
نترت ايده ومشيت توجهت يم امي الي كانت خايفه ومتوتره
أم ملاك :- شنو وينج صار ساعه من خابرتي وين صرتي
ملاك :- وين مثلا وين قابل مستشفى وازدحام قابل اجي ب طياره علمود ست دانيا ومثلاً شنو تحتاجون مني حتى جايبيني ها اشو انتِ موجوده وأم قيسوقيس اني شنو داعي وجودي وهم هو مو طفل الأول حتى هل كد خايفين وجايبتني قابل راح الزم راسها لــوو شسوي
2 ت
أم ملاك :- وانتِ شبيج أعصاب وجايه محمله هموم وذبين حركتج يمي ترا ملاكك ما طايقه روحي اني هسه ف لا طلعيني عن طوري ب نص العالم هسه خل يجي قيس ويجيبلج أكبر واشوف منو يوديج للبيت واخلص منج ومن دوخه الراس مالتج
ملاك :- اي احسن خل يجيبه واني اروح بتكسي واخلص ما اريد منيه احد يوديني
أم ملاك :- اسكتي يمه من السانج يمه هسه شبيج جايه متخبله ابتليت خابرت عليج
سكتت ما حجيت شي صفنت شبيه هل كد معصبه يسوه هيج اعصب علموده ؟
مرت 10 دقايق وأجا نيار
نيار :- ها عمه هاي انتِ هنا خيرج
1 تع
ام ملاك :- نيار !! والله دانيا دا تجيب
نيار :- الله يكومها ب سلامه الدانيا عمه
أم ملاك :- الله يسلمك حبيبي يوم الك واشوف ابنك ابحضنك
نيار :- أن شاء الله ب وجودج طبعا
أم ملاك :- شنو يمه قلقتني بيك شي حتى جاي لل مستشفى وشمدريك احنا هنا ؟؟؟
نيار :- والله عمه ولد صاحبنا تصاوب وجبنا للمستشفى خطيه واني وياه وشفت ملاك اجتي ف عبالي بيكم شي
أم ملاك :- أن شاء الله يكوم ب سلامه الولد ويرجعه الاهله سالم
نيار :- ان شاء الله عمه امانه محتاجه شي كولي مدام موجود اذا تريدين شي
أم ملاك :- والله يا عمه اجيت والله جابك يا ريت اتاجر الهاي المخبله تكسي حتى تروح للبيت هي وابن دانيا لان طفل ملازم يبقه ب المستشفى مناعته قليله ويتمرض
نيار :- على شنو تكسي عمه اني موجود هسه اخذها وياي اذبها وارجع للبيت ارتاح
نترت بي
ملاك :- ما يحتاج شكرا ما اريدك توصلني اجر تكسي واروح انت عدك شغل مهمممممم اكيددد
نيار :- وعلى شنو تاخذين تكسي رجال غريب وهاي سياراتنا هواي تسد عين الشمس واطمني ما عدني شغل ست ملاك اوصلج
أم ملاك :- أي يبعد عمتك اروح فدوه هل طول الحلو ما عليك بيها متخبله مدري شبيها ولو راح تتاخر شويه يا بعد عمتك وانت تعبان بس خل يجي قيس يجيب الطفل وصلها ولو نتعبك
نيار :- تعبج راحه عمه شعندي غيرج اني مثل امي انتِ تومريني امرر
اباوع علي شلون يجامل ويختار الكلام ويسوي نفسه الملاك الخدوم الطيب واني شايطه ب ناررري ما اريد ارجع وياه وبس أحــچي امي تكرصني شبعت فخذ رجلي تكرص
2 ت
صرت بس اخنزر علي هوه ساكت ومغلس عني عصبني سكوته اكثر
اجا قيس تسالم وي نيار سلام بارد مال شكليات انطاني اكبر نايم
ام ملاك :- وسم من الله كله من ابوج واخوانج كبرو هذا راسج اني الج خل ارجع اله اكسره الج امشي يلا روحي
ملاك :- يمههه
أم ملاك :- كومي لــأ تخبليني ملااااك
كمت بعد ما شبعت كرصات ب زندي من امي وهي تحجي على بابا واخوني لأن نفس ما تكول كبرو راسي
من شافني كمت ضحك ومشه ومشيت وراه هوه يمشي برود وب استفزاز واني أعصابي تتلف أكثر واكثر
صعدت ب سياره هوه مدري وين راح انداريت ورى شفت دم على الكشن يعني كلامه صحيح جايب صديقه وما يعرف ب دانيا
1 تع
نيار :- شبيج هل كد أعصاب ديري بالج لا يطكلج عرج وابتلي بيج هسه وين اوديج
ملاك :- مدخلك انت مدخلكككك
نيار :- ترا اتوقع وضحت الج وبينت الج انو مجاي علمودها ف ما اله داعي كل هذا
ما رديت علي
نيار :- ليش ما تحجين ترا دا احجي وياج ملاااك لا تنرفزيني واني طالعه روحي ترا مو عبالج أكعداتوسل بيج حتى ترضين لن اني وضحت الج ما جاي لل مصيبه للبلوه الي وكعت على راسي ما جاي على اختج
ملاك :- اي طبعا
نيار :- اللهم طولج ياروح (حجه ب نبره هادئه) ملاك شاريج ما بايعج افتهمتي صح متاخر اجيت بس شاريج
1 ت
ملاك :- ههههههه ضحكتني شاريني بله بشنو شاريني ممــكن توضحلي هههههه نيار رحمه للميتين لا تخليني احجي لأن حجي مالي ما راح يعجبك
ف خليني ساكته وتجفه شري
نيار :- احجي ليش سكتي أحــچي اني اريد شرج أحــچي
انداريت علي ب عصبيه
ملاك :- تكول الي شاريني وانتِ الي وانت كل تصرفاتك تثبت العكس وإني متحمله وساكته علمود شنو ها علمود شنو
اشو تكولي اخذتي مبتغاج يعني تحبني بس ماكو اي دليل انُ انت تحبني ماكووو واني كل يوم اثبت انُ اني احبك خابرت كلت لا تنخطبين الفلان كتلك تومر امرا وطاعه
2 ت
كلت انتِ بس الي سكتت وما حجيت شي كلت الي دانيا نسيتها كلت اي ملاك كال نسيت وغصبت نفسي حتى اصدك بس انت بعدك ب نفس النقطه الي تركتك بيها وعافتك بعدك ب نفس النقطه نياااار
اشو تكولي اخذتي مبتغاج يعني تحبني بس ماكو اي دليل انُ انت تحبني ماكووو واني كل يوم اثبت انُ اني احبك خابرت كلت لا تنخطبين الفلان كتلك تومر امرا وطاعه
كلت انتِ بس الي سكتت وما حجيت شي كلت الي دانيا نسيتها كلت اي ملاك كال نسيت وغصبت نفسي حتى اصدك بس انت بعدك ب نفس النقطه الي تركتك بيها وعافتك بعدك ب نفس النقطه نياااار
متحمله كل شي بس انتو كلكم جذابين من تحبون جذابيننننن من انت الحامد وشيل ايدك ترا ماكو فرق بينكم ابدا هوه مثلك هم كال نسيت مريم بس هذاك هوه دا يفتر ورى مريم حتى تطلك ويرجع يخطبها وعباله راح تركض اله وتوافق
نيار :- مختصر الكل هذا الحجي الي حجيتي شنو المطلوب مني وشنو تومرين ؟؟
ملاك :- مختصر ههههه اي طبعا مو دوختك طبعا
ملاك :- شنو اريد !؟؟ سلامتك ما اريد شي بس صدك راح تندم وتعض اصابعك ندم لأن محد راح تتحملك وتتحمل خبالك و شكوكك ودوامك وانت تفهم قصدي شنو ما يحتاج اوضح الك
ترا معاشرتك واعرفك واحب اكول الك من هاي اللحضه انتهى كل شي وملاك أنساها بحح (صفكت ب ايدي ) انسه اكو وحده اسمها ملاكك خوووش
3 ت
نيار :- كتلج من البدايه اني مو نيار القديم الي تحطو تحت الأمر الواقع وتسلمون الي يريدها كلبه الواحد ثاني وكتلج انتِ الي وهاي هي تخلين هذا شي ابالج وتنجبين وتكعدين كاافي ترا دوختيني وكل ساع اعيد احجايتي تكافي ما تملين ترا طالعه روحي ودايخ تكافي
ما حجيت شي وصلني للبيت فتحت الباب مال سياره
ملاك :- انتهى كل شي اني لا الك ولا الغيرك فهمتتتتتت لووو لا
حجيتها ب عصبيه ونزلت وبحضني أكبر ركعت باب سيارته ب قوه مشيت وفتحت الباب البره وهوه سيارته بعدها سديت الباب ودخلت طلعت المفاتيح وفتحت الباب ب صعوبه
انفتح الباب البره دخل هو توجهت لغرفه امي عفت أكبر وغطيته وطلعت كاعد ب مطبخ بيده كلاص مي دا يشرب
توجهت للباب مال مطبخ وفتحته
ملاك :- رجاءا بلا مطرود ممكن تطلع من البيت لان ما اريد اشوفك
تقرب مني ولزم معصم ايدي ب قوه وشاله من يده الباب ودفع الباب دفعه قويه وسداه وتقرب مني اكثر
رجعت ليوره صرت ب زاويه مال باب والحايط المسافه الفاصله بيني وبينه اصبعين صرنا نتنفس نفس الهوه دموع تجمعن اختنكت من قربه وخفت منه
نيار :- منو الي اطردي من البيت بزونتي
نيار :- مو احجي وياج بزونتي شبيج هيج نخرستي مو صار الج بلساعه
تمسلتين ومن كوه تجمعين الكلمه عامي شامي بدون فهم وتحجين وهسه شنوانربط السانج ها كليلي بويه بويه انوب العيون مدمعه كل هذا على شنو ها على شنو كليلي على شي خلقتي منا من هذا السوسه
(وهوه يأشر على عقلي )
قربه مني بهذل احوالي عطره اختلط وي أنفاسي غمضت عيوني غصب
ونزلت دمعتي
بنفس الوقت احتقرت نفسي بعد كل الي صار بين ضعفي كدامه مرا ثانيه اول مرا ب خطبته وهاي ثاني مره اضعف هيج كدامهه واصير رخيصه يمه
1 ت
ما حسيت الا بشفايفه باست عيوني حسيت ب رطوبه دموعي الي صارت على شافيفه وبخشونة شاربه الي لامس وجهي
باس عيني الثانيه واني اتبهذل وضعي من قربه رجلي كوه شايلتها سند جبهته على جبهتي صار رمشي وي رمشه وخشمه على خشمي شفايفه الي يبسن ورطبهن ب السانه ب صعوبه ونفسه الحار يلهف وجهي عيونه الخذرانه كلشي تخربط بينه
ما وعيت الا لمن تقرب يريد يبوسني وعيت على نفسي وبسرعه دفعته وهوه ما مستوعب الي صار وكف ب صدمه
ملاك :- انت صدك خسيس شلون تحاول
ضميت شفايفي ب كف ايدي باوعي ب مكر
نيار:- ليش شسويت اني
ملاك :- اطلع بره نيار اطلع بره
نيار :- كولي شنو سويت
ملاك :- اطلع بره ترا انت وإني نعرف كلش زين شنو سويت لا تكعد تخشم ب نفسك اطلع بره وترا نعرف اني وياك من أول يوم نولد بي الطفل الي نايم جوه إلى هذا اليوم شنو سويت تحملت كلشي بس مال انو تتقربلي لا ب هاي الحاله اعرفك منو ملاك الحقيقيه اطلع برررره نيار اطلع بره
طلع من الباب وباوع علي
نيار :- راح اطلع بزونتي اطلع بس ها عود مو تتصرفين تصرفات الجهال
وتقبلين ب أي واحد يجيج خوووش ترا انتِ مالتي وحلم بليس ب الجنه اقبل تصيرين الغيري من بـ؏ــد ما بشمه مني ذبتي بين ايدي
رفعت حاجبي واني معصبه شلون استغل هذا شي ودا يعيرني بي اريد استفزه اريد امحي ابتسامه المكر الي على شفته حجيت ب غيض وعصبيه
ملاك :- لو اني مثلك اروح اخطب اين كان حتى ما ابين انُ احب فلان كان قبلت ب صديقك وحزام ضهرك لمن خطبني ب خطوبتك وعيوني اني مو زعطوطه فهمتتتت
1 تع
سديت الباب بسرعه بقوه وقفلته وهوه مصدوم من كلامي صاح
نيار :- شنو قصدج ملااااك فتحي الباب وفهميني شنو قصدججج
ملاك :- نفس ما فهمت وهم همه ترا همه خوش صياغ يعرفون يختارون الذهب ويميزون بين الصافي والمخشوش مو مثل غيرهم من رخصتك وعود سد الباب ب طريقك
عفته وهوه يهدد بيه يريد افتحله الباب ما فتحته الا ان مل وراح
شفت تليفون دا يدك كانت منى
منى :- ها بشري جابت اختج
ملاك :- ما ادري
منى :- ليــش مو رحتي
ملاكً:- نيار رجعني اني واكبر
منى :- ليــش هوه شنو يسوي هناك
ملاك :- اول ما وصلت شفته هناك
منى :- ها شكتلج اني
كعدت تحجي عليه الا ان تعبت وسديته من عدها مر اليوم ب الليل طلعو دانيا وجابوها للبيت جايبه بنيه سمتها تمارة
مرت الأيام خلصت امتحانات ونيار اختفه من بعد ذاك اليوم لا حجيت وياه ولا هو حجت وياي فاتخذت السكوت موقف على كل الي صار
اليوم اجتي أم قيس وأبو وقيس حتى يسلمون على اهلي وترجع دانيا وياهم
كاعده اني وماما وأم قيس ودانيا ب صاله والزلم ب الاستقبال
أم قيس :- أم حسن عيوني احنا أهل ومو غربه وما بيناتنه رسميات أن شاء الله بس اني عندي طلب واتمنا ما ترديني لا انتِ ولا ابو حسن
2 تع
أم ملاك :- انتِ كلتي احنا أهل وإن شاء الله إذا اكدر على طلبج ف العين ترخصلج وما اردج
أم قيس :- والله يا ام حسن ابني أحمد كبر ونريد نزوجه ونفرح بي وإني من زمان أريد ملاك اله وما الاكي مثل نسبكم الطيب وها هسه ما عدكم اي عذر البنيه كملت سادس وخلصت مرحله أولى
كمت من يمهم وإني ضايجه وامي اتاشرلي ب عيونها حتى اكوم لان عيب صعدت الغرفتي واني اسمع ماما ترد عليها
أم ملاك :- والنعم منكم داده وإن شاء الله اشوف رئي البنيه واخوانها
وارد الج خبر وبعد هي كلها قسمه ونصيب واحنا ما نلكه احسن منكم وأحسن من أحمد الملاك
شفت منى دا ادك رديت عليها بنتر
منى :- شكو شبيج هيج طاكه اخبالج بعدني حتى ما حاجيه شيي
ملاك :-لا ماكو سلامتج بس كاعد يخطبوني جوه وعود لازم اكون البنيه المستحيه الفرحانه
منى :- هههه منو بله يا تعيس الحظ الجاي على وحده طكه ونص مثلج
ملاك :- حماها الدانيا قابل منو يدور يدور ويرجع عليه قله نسوان حتى جايلي
منى :- ههههههه شبيجج غيرج اطك اصبع انتِ ما عاجبج العجب ولا صيام رجب
ملاك :- اهووو صرتيلي امي الثانيه
منى :- عوفج منه هسه صحيح دانيا راح تروح وإني بعدني ما اجيت
1 ت
ملاك :- أي خيه هسه راح تروح وياهم وانتِ ما راح تشوفين اخوي وحبيب قلبج ابشرج
منى :- يلا شنسوي هذا الحال من زمان مو جديد دائما ما اكدر اشوفه قابل جديد
ملاك :- ها راح تبديلي ب موال الارمله وطاكها ظيم
كملت كلام وي منى اختفه صوتهم نزلت كانت دانيا رايحه والكل كاعد ب الإستقبال دا اشيل بلضيافة وحجت امي
أم ملاك :- عيوني أبو حسن اليوم أم قيس طلبت ملاك ال أحمد وهي من زمان تلمح والولد دره مال الله وبشهاده دانيا
أبو ملاك :- أي ليش لا الولد خوش ولد
ام ملاك :- اي ف انتَ شنو تكول عيوني
ابو ملاك :- بيها الخير بنيتي الحجي صار يمج بعد انتِ فكري وردي خبر الامج البين ما نسال على الولد زين بـ؏ــد زين ونعرف اطباعه
حسن :- لا يابه ما يحتاج تفكر ولا نتعب نفسنه ونروح نسال ردو الهم خبر بلرفض وكولو كلشي قسمه ونصيب ومو من نصيبه ملاك
4 تع
ابو ملاك :- شتقصد حسن ؟؟
حسن :- كل الخير يابه بس اني كلت خل تكمل دراسه وافاتحكم بالموضوع وتصير السالفه رسميه
أبو ملاك :- منو هذا طالبها ؟
حسن :- الغالي على كلوبنا يابه نيار طلبها مني ب يوم العزيمة وكال انو يكون عندي علم انو يريدها خاف تروح الغيره وكال ردنا ناسب الغربه بس ما رهمت الكريب احسن واوله من الغريب
2 ت
واكفه مصدومه واني اسمع كلام حسن لا اكيد هذا حلم أي معقوله طبعا حلم ما يسويها ابدا ما يسويها بس رد بابا صدمني خلاني استوعب الي دا اسمعه صحيح
ابو ملاك :- الغاليه للغوالي نفس ما كال حسن ردي الهم وكولي كلشي قسمه ونصيب
وصعدت الغرفتي الكل راح المكانه حتى محد راد انو يتعشه واني باقيه مصدومه وكا ساع اكرص نفسي اريد استوعب انُ هو سواها صدك وطلبني بس مدا استوعب
صارت الساعه ب10 دكت علي دانيا استغربت مكالمتها
ملاك :- ها دانيا
دانيا :- بعدج عندج علاقه وي نيار مووو بعدددج ما تبتي من عنده
3 تع
ملاك :- العفوو مفهمت شدا تحجين انتِ
دانيا :- فهمتي كلش زين حجي عندج علاقه وياه مو ولا تنكرين وتكولين لا لان لو لا شنو راح يكون جوابج على تصرف وخطبته الج
ملاك :- انتِ شدخلج اذا عندي علاقه وياه أو لا انتِ شنو هامج اهتمي بقيس وبجهالج ولا تدخلين ب كل شي خووش
دانيا :- امي دكت علي وكالت الي وهي ميته خوف تكول ما اريد انطيها خاف عندة نية ثانيه من بـ؏ــد الي سويتي بي
ملاك :- بشري امج وكولي الها انو ابن اخوها يحبها البتها لا أكثر والزلمه ينعرف من حجاينه يوفي ب حبه ب حلقه صح لو لا مثل ما قيس سوه صح لو لا
دانيا :- لا انتِ تخبلتي رسمي حبج عمه عيونج كلللش
ملاك :- وانتِ شبيج هيج محروك دمج لو ما اعرفج تحبي القيس كان كلت حنت النيار ورادته ههههههههههههه لــچ خاف صدك حنيتي لــچ دانيا صارو عندج جهال ثنين توبي توبي خيه
5 تع
دانيا :- تولي ولي مو صوجج صوجي اني الي خايفه عليج
ملاك :- رجاءا لا تسوين نفسج الأخت الحنونه وانتِ سبب كل شي بسبب
انانيتج صار كل شي بيه من أول ما نولد ابنج وإني بدت قصتي إلى أن كدرتي انُ تحولين حياتي بسبب غبائج الى جحيم وهسه ردات تنكلب لل احسن بعد ما اعترف انو ما يريدج ويريدني تريدين أنهي كلشي وما أوافق
دانيا :- خليج على هذا تفكيرج اني أريد مصلحتج والله لو تاخذين حمايه يفرشلج الكاع ذهب
ملاك :- تريدين مصلحتي ههههههه ترا شفتج شلون بس اول يوم انقهرتي عليه وعفتيني ووانطيتيني كفاج وما سالتي عني ولا شي وها عود خلي قيس يفرشها الة مو انتِ اختاريتي وحاربتي الكل حتى تحصلي اني هم أريد نيار وراح أحارب أي واحد يمنعني انو اصير اله مع السلامه اوووووختييي
سديته منه وإني أحس صايره أعصاب فوك التشوش الي صاير ب عقلي
من تفكير بتصرفاته الي محد يكدر انُ يفسرها شنو يعني صارله
مده طويله حاجزني من حسن وهوه لا يحجي وياي واصلاً ولا مبين هذا اكيد بي شي عقله اكيد بي شي راح يخبلنييي
صارت ب 11 ونص ضبط رن تليفوني نيار كنت اني أريد ادك علي
لان عاجبني احرك دمه نفس ما كان يحرك دمي طول هاي المده وهوه ضامن وجودي اله بس ما يريد يحجيلي
ملاك :- هلا
نيار :- هسه صار عندج علم انُ اني خاطبج من حسن من العزيمة وانتِ الي واني شاريج
ملاك :- أي واذا يعني واذا خاطبني ترا كل شي قسمه ونصيب مو شرط كل وحده تخطبها لازم تكون الك ويمكن اني مو من نصيبك ليــش هل كد واثق من نفسك ؟
1 ت
نياار:- ههههههيييي شدا تحجين انتِ لا تخليني اجي إكسر سنونج ب حلكج
بدال هل حجي الماصخ الي جاي تحجي
1 ت
ملاك :- عوفله ملح اذا ماصخ وتقبله ترا اني كلت الحقيقه شمورطني ارتبط ب واحد ما معروفه تصرفاته اذا حب او كره أو مدري شنو واني الف واحد يتمناني وصراحه يعني عاجبني أخذ انسان مدني حتى ما ينحرك دمي من دوامه ومنصبه احسن والله مثل حمه دانيا او مثل ياسين
نيار :- ملاااااااك دا تستوعبين شنو دا تحجين لو لا وحق ربج هسه اجي اذبحج ب ايدي شنو تريدين هااا دا تحركين ب أعصابي لو شنو ترا وربج هسه أطك عندي وغصب اتزوجج وافرك حلكج اذا حجيتي او رفضتي احترمي نفسج واحجي عدل ترا صارلج فترا تخوطين وتخربطين ب الحجي ومتحمل اكول مشي وخطيه وما تفهم بس مال هسه جايه ما عاجبج
دوام ومدري شنو ولج شايفتني ان** ب شارع لو ما ابوج واخوانج كلهم ب هذا مجال هسه صاير تستشرفين ب راسي
ملاك :- عوفنا من گل هذا عود اذا صدك تريدني فسرلي تصرفاتك وعود ساعتها نتفاهم
نيار :- عن شنو تريدين تحجين ؟
ملاك :- عن كل شي انت مو ما تريدني ؟ هسه شعجب رايدني ؟؟؟
نيار :- هممم شوفي راح احجيلج بس قبلها من بـ؏ــد ما تسمعين كلشي خلي ب بالج الي راح كان طيش مني وغلط واني اعترف انُ غلط خوش ؟
2 ت
ملاك:- كمل
نيار :- هوه كل شي تغير من اجيت الج للجامعة وشفتج كاعده وي الكروب كان ب وقتها عدنا شغل ب جامعه بس اني لمن شفتج ذبيت كل شغل ورى ظهري
وبقت عيني عليج همه يسولفون وياج ويضحكون وانتِ تبتسمين مراح اكلج شنو صار بيه بس اكولج حسيت بنار ب صدري ب وقتها اجيت الج وسحبتج ولمن حجيت وياج كلتي الي ليش وليش
بوقتها محمد اجاني خله الولد يطلعون من الجامعه ب سيارته وأجا سحبني وتزانك وياي وضربني واني ما مستوعب شنو دا يسوي
1 ت
محمد :- لك انت ما عندك غيره ما عندك شرف تفوو على غيرتكك وعلى اخلاقك
2 ت
اذا هل كد ما تحبها وما طيقها وتكرها ولك احسب احساب السمعتها سمعتها من سمعتك احسب احساب الاهلها المعتبرينك اعز من ولدهم
ولك ابوها حاسبك ب معزه ابنها كان حسبت احساب السمعه ابوها وهي طالعه من الكراج ب وقت الدوام وتبجي
شنو معناها ها لك كووول يل خسيس يل نغل شنو معناها كلي مو معناها جانت وي واحد كوا* تكو** وياه هااا مو هيج نحسبها احناااا كللللي مووو هيجججج
2 ت
نيار :- شدا تحجي انت منو هاي شبيك وشلون تضربني ساق*
محمد :- هسه تسال وين شفتها اطمن اطمن ولا تخاف اني مو ناقص غيره مثلك حتى اسويلها شي بس طم نفسك من اني رحت ختلتها ورى سيارات
الحد ما اجوك الولد واجرت الها تكسي وراحت
وهي شرفك وعرضك بس فهمني ما خفت الشباب يشوفوها ويعرفوها شراح يحجون ورى ظهركم
اخت افلان وعلان طالعه من الكراج تبحي تلكي صاحبها خاتل وياها وماخذ المقسومم مو هذا حجينااااا هاااااا مو هذااا أحــچي كوووول
3 ت
نيار:- محمددد شنو هذا الحجي لا اطلع اخبالي هسه عليك وحق ربك اموتك هسه بيدي
محمد :- والله حرنه وياك تحبها وتغار عليها يا أخي اخطبها بدال ما باقي منا ومنا واذا ما تحبها وجنت تلعب عليها ب سوالف الحب خلها تروح بحال سبيلها
نيار :- شعرفك انو اني عندي علاقه وياها ؟؟ ها شعرفكككك
محمد :- ههه مو أني وياك دافنيها سوه السوالف نيارر عليه اني وترا مبينه البنيه هايمه بيك من لمن اكلت طن الغلط مالك والرزايل وبلعتها وسكتت ومنتظره الحجايه طيبه منك ومن لمن ب خطبتك شفتها تبجي ولك خوش بنيه ذهب صافي ومنك وبيك هيج تغاليت عليها وما ردتها لك مو احسن من الغريبه الي طلعت أكبر ساق** ب المنطقة
نيار :-انت ما تعرف أي شي ف لا تحجي وإني ما احبها ماكو هيج شي
محمد :- هههه تروح بابا لعد لمن سحبتها من نص أصدقائها مو يسموها هاي غيره هااا لــوو جاي تبيعها ب راسي
ب وقتها وعاني محمد على شي اني اصلاً كنت ما اعرف بي
تدرين استمريت اجيج مرات للجامعة وانتظر تصرف منج ما يعجبني
حتى العب بيج خلقه بس مشكله ما أشوف أي تصرف
ما لكيت نفسي الا ساحب حسن وحاجي وياه عنج وكلت اله الحد ما تخلصين جامعه الا ينفتح هذا الموضوع وعود
اذا اجا شخص وابوج وافق علي ساعتها ينفتح هذا الموضوع وياكم ويحجي حسن
ملاك :- اكول شنو احنا عايشين ب فلم لو أني دا احلم شنو هذا الفلم الي مسوي هاا زين وسالفه المستشفى ليش ما حجيت ب وقتها وما دام انت رايديني وهم عود ليش ما تحجي وياي اذا انت طلعت رايدني بـ؏ــد عليش متجاهلني ؟؟
نيار :- على شنو احجي وياج هو انتِ الي وحاجزج يعني مطمن
ما تصيرين الغيري وسالفه مستشفى ترا هاا بعدني ما ناسي سالفه ياسين من وصلج واحسابج يمي أما على أم أكبر ف ترا صدفة بس لا بعدج تكولين جاي على مودها
ملاك :- لا شفت الدم مال صاحبك ب الكشن الورى
ملاك :- على أساس هسه انت مهتم لأن تعاركت وياك اني تلفت أعصابي وانت كانو ماكو شي احر ما عندي ابرد ما عندج
نيار:- تدرين صدك كنت ما مهتم لان مطمن ناحيتج بس لمن شفت دموعج
وعيونج السود المكحله تخربط كل حالي ومن ذبتي بين ايدي تخربط وضعي كله
ملاك :- انت شارب شي شنو هل حجي شبيكككك
نيار :- شنوو شبيج شرب شنو ملاااااك كم مره صاير منبهج على حجيج ويااااي
ملاك :- ما اعرف بس ما دا اصدك انو انت نيار خاف مبدليك ؟
1 ت
نيار :-والله آنتن نسوان مو مال عيني واغاتي تروحي مو صوجج صوجي اني الي كاعد احجي وياج
1 ت
سد الخط ب وجهي وإني مثل مصدومه أحس هذا حلم وعلى لحضه أكعد من هذا الحلم
نمت وإني طايره ب السمه حتى لو كان كل الي صار حلم خل أعيش لحضاته قبل لا يروح
ثاني يوم كعدت كلي نشاط نزلت جوه ماما دا تتريك كعدت يمها بديت اكل
أم ملاك :- راح ارد خبر الحسن يكول النيار انو انتِ ما تقبلين بي تعتبري مثل اخوج ما اسمع كلمه منج
