رواية بديلة اختي الفصل السابع عشر بقلم خاتون الكعبي
تذكير
اوتار : وية نسر
___قراءة ممتعة____
تذكير
اوتار : وية نسر
محمد : وية منو
اوتار بتوتر : نسر
محمد بعدم استيعاب : يا نسر
اوتار بأحراج : نسر حفيد جدو ابو مالك سكت واني اسمع صوت انفاسة الحارة لحظات وجاني صوتة العالي وهوة يعيط بية بكول عصبية
محمد : وحضررتج ركبتي ويا بكل بسااطة موو
اوتار : باوعت ع نسر بأحراج وكلت
اوتار : يلة اترخص نوصل للبيت ونحجي باي كلت هيج وسديت التليفون بسرعة باوعت ع نسر بتوتر ورجعت عيني ع الجامة
ورة فترة يلة وصلنة للبيت جان عمو ابو محمد واكف بالباب هوة وكروري باوعلنة بستغراب وراح سلم ع نسر واني دخلت بسرعة للبيت شفت امي ومرت عمو بالصالة سلمت عليهن
ودخلت الغرفتي غسلت وصليت واخذت شالي شمرتة ع شعري ورحت للصالة شفت بس بيبي كاعدة بيهة اسبح ابتسمتلهة وسلمت عليهة ورحت اساعد البنات بالمطبخ دخلت وما اشوفلك غير محمد واكف بصف امي واعيونة ايجدحن شرار باوعتلي امي وكالت
ام اوتار بعصبية : اشون تعوفين ابن خالج وتجين وحدج ونسر شتعرفين منة انتي حتة تجين ويا هااا
اوتار بستغراب : شبيج مامة ترة ماكو داعي الكل هل عصبية وانتظرت محمد اهواي بس اتأخر وشافني نسر بالكلية سلم علية وحب ايوصلني لا اكثر ولا اقل وهم انتو تعرفو وتعرفون عائلتة يعني مو غريب اباوع ع محمد دفر الطبلة برجة وطلع من المطبخ
وامي بقت تباوعلي وتتوعد كلبت اعيوني بضوجة وصبيت غدة وية البنات ازلم بالستقبال والنسوان بصالة كملنة صب وتغدينة وسويتلهم جاي صبيتلهم ورجعت دخلت الغرفتي شمرت روحي ع الجرباية بتعب ونعاس البارحة الليل كولة واني اتكلب بنومتي واليوم كوات كعدت للكلية وهسة احس جسمي ايون علية من التعب مرت دقايق قليلة يلة غفيت و............
____________
تقى
مسلم : افكر
تقى : باوعتلة بصدمة احس اعيوني غرغرن بالدموع وهوة الحقير ايباوعلي ويبتسم بستفزاز معقول يعرف احبه زين اذا يعرف احبه ليش يصرف وياي بهل طريقة ليش محاول مرة يتقرب مني وهسة جاي يكول بكل بساطة افكر واستغربت اكثر ع عمة الي دتفكر بخطوبتة وامي ممار عله اربعينيتهة غير اسبوعين ومع انو هية جانت تحبهة وتعزهة اكثر حتة من اختهة معقول بهل سرعة نستهة كلت هيج واني اكوم بسرعة من مكاني وروح الغرفة بابة مسحت ادموعي واني ادك الباب وافتحة دخلت وشفتة ممطول ع الجرباية وصافن ع السكف باوعلي بيتسامة هادئة واشرلي بيدة بمعنة اجي قربت علي وحطيت راسي ع ايدة وحظنتة بدة يمسد ع شعري ويحجي وياي اذا بية شي او لا ابتسمت من بين ادموعي واني اكلة بصوت خافت
تقى : اشتاقيتلهة اباوع ع بابة امتلت اعيونة بالدموع وقربني علي اكثر دفنت راسي بصدرة واني اشهك بالبجي فعلاً هاي اكثر لحضة ممكن احس بيهة باليتم لمن اشتاقلهة وما الاكيهة
بصفي
لمن احنلهة وما اكدر احظنهة ما اكدر اشمهة ابوسهة افضفضلهة اهمومي لحضة ما ممكن اتنامهة العدوي
كتمت صوت شهكاتي واني ادفن راسي بصدر بابة اكثر اريد احس بالحنان بالدفو الجنت احسة بوجود مامة ولو للحظة لحظات قليلة ورحت بغير عالم و..........
_____________
مرسلين
عماد: تعالي ركبي وياي خل اوصلج
مرسلين : لا مشكورة متقصر يلة اترخص كلت هيج ومشيت بسرعة ناقصتك اني والله لو جدو شايفني واكفة وياك ايسويهة علية قيامة كلت هيج واني ادك باب بيت تقى طلعتلي مرة عمهة صبحت عليهة وسئلت علة تقى كلتلي انتظرتج اهواي الحد ما ايست واخذاهة ابن عمهة هزيتلهة راسي بأحراج واترخصت منهة ورحت بسرعة للمدرسة وصلت والدمعة صارت بطرف عيني واني اشوف بابهة مسدود لأن اتأخرت دكيت الباب بخوف وطلعلي الحارس اتوسلت بي حتة ادخل بس مقبل الة اجيب ولي امري يلة ايدخلني حاولت ويا اكثر من مرة وطلبت ايصيحلي المديرة او المعاونة بس عبث مقبل فعلاً اجيت ابجي بهل لحظة وهوة الحقير دخل وسد الباب بوجهي ظليت واكفة بالباب عسة ولعل تجي مدرسة معاونة ادخل
وياهة بس ماكو طارن بوكتهة فعلاً نزلاً ادموعي لأن اعرف الرزالة المنتظرتني اذا ارجع هسة للبيت بس شسوي معندي حل ثاني قابل اظل واكفة بالشارع كلت هيج وبديت امشي واني امسح بدموعي واسب بالحارس الحقير واغلط علي الحد ممريت من فرع بيت عمو ابو شاهين وما اشوفلك غير سيارة شاهين طالعة منة مبين رايح ادوامة حاولت اشكد ما اكدر مخلي ايشوفني او يلمحني بس للأسف ضاعت امالي واني اسمعة ايصيح بأسمي بعصبية غمضت اعيوني بخية امل ودرت علي اباوعلة نظرات الشك بعيونة حسسني اني شاردة او طالعة من المدرسة الغير مكان فعلاً ضوجني وقهرني بهاي نظراتة اتحمحمت بتوتر وكلت
مرسلين : صباح الخير
شاهين بشك : ليش مو بالمدرسة اشعدج تفرفرين بشوارع
مرسلين بعصبية مكتومة : اتأخرت ع الدوام والحارس مرضة ايدخلني الة اجيب ولي امري
شاهين بحدة : وليش حضرتج متأخرة مو اتعرفين عندج دوام من الصبح
مرسلين : راحت علية انومة يلة اترخص
شاهين برود : تعالي ركبي اني اوصلج
مرسلين : لا ماكو دا... قاطعني وهوة يكول بعصبية
شاهين : كللت اركبي
مرسلين : هزيت راسي بخوف وركبت بصفة اباوعلة فر الأستيرن بيدة واليد اثانية انمدت ع باكيت الأكلينكس اخذ اكلينكس وقربهة علية وكال
شاهين برود: امسحي ادموعج انتي مو طفلة ولا زعطوطة حتة كل ساعة وباجية
مرسلين بعصبية : اتوقع عندك مشكلة وية الأطفال
شاهين برود : وية الي مثلج اكيد
مرسلين : جريت منة الأكلينكس ومسحت وجهي بعصبية احس اخدودي اجرحن من كثر القوة درت علي وشفتة ايباوعلي ومبتسم تك خد ابتسامتة استفزتني ولو اشكد ما احجي ع كيمة الأستفزاز ابكلامة وبرودة مراح تتخيلو احسة انسان حقير وحقود الة درجة محد يكدر يتخيلهة
ومن هوة وازغير نحس ع كولشي ايخصة معرف اذا هذة تملك او غيرة وجان بنسة الي وما زال انسان غريب وغامض متكدرين اتحزرين تصرفاتة او اتفهمين افكارة لهيج جدي جان ايحبة بين الكل ويفضلة عنة كولنة حتة عن ولدة جان هوة اكثر واحد قريب الجدو ويشبهة ابدق تفاصيلة بس الفرق بينهم انو جدو جان يعصب بسرعة ويهدة بسرعة اما شاهين فجان بارد مثل الثلج اذكر لمن جنة كولنة ابيت جدو اسمع علي مصايب اصير بدوامة وبين اصدقائة وحتة بالبيت بس هوة ولا مهتم ولا ينطي اي رد فعل لهيج جان يستفز المقابل بهذة برودة والعصبية جانت عندة مراحل اذا وصل الأعلة درجة من هذي العصبية ممكن يقتل اي واحد ايشوفة كدامة بدم بارد
وشكم مرة ومرة صار بسببة فصل عشائري لأن معتديلة او ضاربلة واحد والتعس من هذة كولة جدو الي جان يفتخر بهذة الشي شكلك حفيدي زلمة وما يسكت عن حقة حتة لو هوة ع باطل قاطع سلسلة افكاري شاهين وهوة يوكف اسيارة كدام مدرستي ويكول
شاهين : يلة نزلي وراي دوام
مرسلين : ماشي بس ما اتوقع يرضون ايدخلوك اباوعلة ابتسم بسخرية ونزل من السيارة نزلت وراه وهوة دك الباب طلعلة الحارس سلم شاهين علي ومدلة الباج مالتة واول مشافة الحارس دكلة تحية وفتحلة طريق باوعلي شاهين بطرف عيني وكأنما ديستهزاء ودخل للمدرسة دخلت وراه واشرتلة ع غرفة المديرة دك الباب ودخل واني وراه اول مشافتنة المديرة كامت وكفت وبدت تسهل وترحب رفعت حاجبي ع تغيرهة المفاجئ ودرت ع شاهين الي كلهة بكول وقاحة وكأنما ديأمرهة انو ادخلني هزتلة راسهة وكلتلة تأمر واشرتلة يكعد ع الكرسي الكبالهة كعد واخذت هية هويتة حتة تتأكد اذا بيناتنة قرابة اول مشافت الهوية ابتسمت وكلتلي اروح الصفي باوعتلهة
بستغراب واشكرت منهة وطلعت من الغرفة انتظرت شاهين يطلع بس ماكو ادري شنو حيخطبهة كلت هيج واني اصعد الصفي بضوجة و...
_____________
شاهين
كاعد ابمكتبي اكمل الملف حتة اسلمة للأمر وما شوفلك غير عمار داخل باوعتلة بحدة وكلت
شاهين : خيرك
عمار : مشتاقلك يل حبيب اسبوع كامل وانتة مختفي حتة الشباب فقدوك واشرف لمن عرف برجعتك البغداد حضرلك سهرة من العمر
شاهين برود : خابرلي اشرف وكلة يجيني
عمار بستغراب : ليش شمسوي
شاهين بحدة: كلت خابرة
عمار : هزيت راسي بتوتر وخابرتة الاشرف كتلة تعال للمركز بسرعة شاهين ايريدك وسديتة كعدت كدام شاهين احاول اعرف شيريد منة بس ماكو ميحجي وهذاكة الصكط اعرفة اذا ممسويلة مصيبة اكبر من راسي ما اطلع عمار ورة ربع ساعة تقريبن يلة شرف الأفندي واجة واول ما دخل شاهين صاح ع الشرطي وكال
شاهين برود : اخذة للسجن وكل النصر ايسوي ويا الازم وما اريدكم تقصرواً ويا بشي
الشرطي بأحترام : حاضر سيدي
عمار : اباوع علة اشرف اصفر وجهة من الخوف وظل ايصيح ويربد بالمكان الحد ما اجو الحرس وطلعو سحل باوعت ع شاهين وكلت
عمار : ليش شمسوي حتة سجنتة
شاهين برود: مالك علاقة اطلع منهة وخلي انفس عليك طيبة
عمار بعصبية : شاهين اشهل حجي شبيك وشمسوي ليش سجنتة صارلي شهر امراقبة مثل ما كلت وما شفتة سوة شي غلط او اترحك من غير علمنة
شاهين بحدة : كللت مالك علاقة مفهوم شغلة بيني وبينة واني احلهة بطريقتي
عمار : هاهية لعد استأذن سيدي كلت هيج وطلعت من مكتبة ورحت للسجن بسرعة شفت نصر واكف كدام الباب وبصفة الحارس واول مراد يدخلة وكفتة وكلت
عمار : انتظر اشوية اريد احجي ويا
نصرت : تأمر سيدي
عمار : اشرت للشرطي يفتحلي الباب فتحلي يا ودخلت اباوعلة كاعد بخوف ومتكرفص ع روحة عرفتة امسويلة بلوة شافني وكام بسرعة تقرب علية وكال
اشرف بخوف : عمار بشرفك كلة يعبرلي ياهة بس مرة والله ما جان ابالي راح ايصير هيج الفلوس عمتني وا.. قاطعة عمار بعصبية وهوة يكول
عمار : للك شمسوي متكللي حتتة وصللت بيي ايسجنكك هاا
اشرف بتوتر :ءء شس..شسمة فتحت بيت
عمار بشك : بيت شنو
اشرف بخوف : هوة مو بيت شقة اصغيرة ابمنطقة ال****
عمار : مال دعارة مو اباوعلة هز راسة ودنك رفعت حاجبي بستغراب وكلت
عمار : زين شنو الجديد بالموضوع مو انتة دايماً تفتح هيج ابيوت وما اتوب وحتة مرات يجيك شاهين ليش هل مرة بالذات عارض وسجنك
اشرف : بس هل مرة غير لأن الكفنة وصارت كبسة ع الشقة من ورة الكلب حزام وءء..
عمار : اباوعلة سكت وهوة يبلعم بريكة عطت بي وكلت
عمار : كملل ليش سكتت
اشرف بخوف: ولمن اخذونة للمركز مو شاهين جان بالبصرة فا لمن حقق وياي الضابط معرف اشون طلعت من حلكي وكلت اني بس مأجر الشقة والنقيب شاهين هوة صاحبهة
عمار : لا يا كللب كملل والضابط اسوة اكيد ما صدكك
اشرف بتوتر : اي وخابر شاهين حتة يتأكد منة وشاهين كلة اي مالتي
عمار : لعدد طبكك مررض يا عار علة هاي اسوايتك لو ايدفنك ابمكانك هم ما احجي كلت هيج وعفتة وطلعت و...........
_____________
اوتار
للأربعة العصر يلة فزيت من نومي ع صوت تليفوني ايدك فتحت اعيوني بنعاس واخذت التليفون شفت فجر المتصلة جاوبتهة بنعاس وحجيت وياهة اشوية عن تحضيرات خطبتهة ونيشانهة وترخصت منهة وسديت التليفون رجعت حطيتة ع الميز وكمت غسلت وجهي حتة اصحصح واخذت شالي لبستة وطلعت سويتلي اكلاص جاي شربتة وكعدت اشوية وية البنات وراهة رجعت الغرفتي وبدية اقرة وللمغرب اجاني كرار يركض كلي محمد ايريدج بغرفتة وطلع رفعت حواجبي بستغراب ومردت اروح بس الفضول جان اقوة مني بحيث جريت شالي بسرعة ولبستة وطلعت شافتني مامة صاعدة فوك وسئلتني وين توترت من سؤالهة وكتلهة محمد ايريدني علة مود شي ايخص المحاضرة باوعتلي بشك وهزت راسهة بمعنة اي عفتهة
وصعدت فوك واني الوم نفسي الف مرة ع استعجالي وفضولي الزايد ورغم هيج رحت الغرفتة ودكيت الباب وسمعت صوتة وهوة يكول ادخلي دخلت بتردد وشفتة واكف ع المراية يرتب بشعرة وباوعلي ببتسامة مثل الجان متأكد اني راح اصعدلة فعلاً بهل لحظة ندمت وردت ارجع انزل بس مردت ابين ضعفي كدامة وباوعتلة بجمود وكلت
اوتار : تفضل كرار كالي صحتني
محمد : اي ردتج تكويلي قميصي عندي طلعة
اوتار برود : وليش مصحت ع وحدة من اخواتك تكويلك يا
محمد : ماكو داعي الهن وانتي موجودة بنهاية انتي اجنتي قبل الي تكوين وتحضريلي كل ملابسي
اوتار : هم صح تدلل خوية
محمد : شنو
اوتار بستفزاز : دا اكلك تدلل خوية لأن اكيد انتة معتبرني مثل وحدة من اخواتك لهيج دصخرني صح
محمد : .............
_____________
مرسلين
كملت دوامي بشكل عادي واول مدك الجرس للبيت لميت كتبي وطلعنة اني وتقى من الصف واول موصلنة الباب الخروج الي اكبالة اصير الأدارة ومن الجهة الثانية اساحة صاحتني ست سلوى ابتسمتلهة وكلت التقى اروح اشوفهة شتريد كلتلي ماشي ورحت الست سلوى جانت احسن مدرسة عدنة واكثر مدرسة محبوبة وتضحك وية الطالبات وعمرهة بنهاية العشرين بس بعدهي ممزوجة حتة استغربت لمن عرفت من تقى انو بعدهي ممزوجة اشو شابة وحلوة ودارسة يعني اي واحد يتمناهة بس عيبهة الوحيد جان انو تنحج بعض البنات بفلوس يمكن خطية حالتهة المادية ضعيفة او دتعين اهلهة وقربت عليهة وكلت
مرسلين : نعم ست اتفضلي
سلوى بتودد: حياتي انتي بس ردت رقم ابن عمج الي اجة وياج الصبح ع ما اتوقه ضابط او نقيب
مرسلين بستغراب : ليش
سلوى: عندي مشكلة اتخص واحد من اقاربي وخطية صارلة اهواية منسجن وعايف عائلتة وبيتة مسجون ظلم بسبب واحد ميخاف ربة كلت بلكي يكدر ايساعدة
مرسلين : انقهرت علي وهية تحجي عن وضعة وعائلتة صحيح اول مرة شكيت بيهة بس بعدين لا صدكتهة لمن حجتلي عن وضع ارجال وهمين اني اعرفهة حبابة ومالهة بهل اسوالف ومدري ليش من يوم الأخذت رقم شاهين من مرة اخوية بقيت حافظتة ع كلبي برغم اني محفظ اي رقم حتة ارقام مامة وبابة انطيتهة ارقم واني اباوع ع البتسامة شكت حلكهة ابتسمتلهة وترخصت منهة ورجعت التقى الي اول مشافتني كالت بفضول اشرادت منج كتلهة رادت رقم شاهين ع مود زلمة خطية مسجون من اقاربهة كلت هيج وما شوفلج غير تقى تغم بية وتكول
تقى : لو يجي مدري ياهو تبقين ثولة ديلة خل انولي أتخرنة ما تسوة الوكفة
مرسلين : باوعتلهة بستغرب اتوقع عبالهة انعجبت بشاهين لهيج طلبت مني رقمة بس الست سلوى معروفة بأدبهة واخلاقهة كلت هيج واني امشي
وراهة طلعنة من المدرسة وصلت تقى البيتهة واني رحت البيتنة دخلت وشفت اخواني وبابة ديصلون بالستقبال ابستمت ع شكلهم ورحت للمطبخ شفت البنات ومامة كاعدات ايصبن غدة سلمت عليهن وصعدت فوك غسلت وبدلت ملابسي ونزلت جوة اتغديت وياهم وسويت جاي صبيتلهم واخذت علوشي وصعدت فوك سديت الباب ليطلع علوش وحطيتة بالكاع وجبت اوراق واقلام يمة وكعد ايشخبط بيهن واني هم طلعت جنطتي وبدية ادرس من وكت لأن باجر عدنة امتحان كلت اخلص واجباتي اول شي حتة ابدي بالأمتحان ومنة للخمسة يلة خلصت اقراية ومراجعة وبديت اقرة يالأمتحان واول مفتحت الكتاب دك تليفوني فزيت فزة من مكاني اباوع ع علوش فز وياي بعد مجان شبه غافي كمت اخذت التليفون من الشاحنة واني اتأفف بضوجة شفت شاشت التليفون وعقدت حاجبي بستغراب واني اشوف رقم شاهين تحمحمت بتوتر قبل لا اجاوبة وفتحت خط وكلت
مرسلين : ليش متصل
شاهين برود : وعيكم السلام
مرسلين : الة يحرجني الحقير اتلافيت الموضوع واني اكول بعدم مبالا
مرسلين : ورحمة الله تفضل رايد شي
شاهين برود : انتي مطية رقمي المدرستج
مرسلين ببتسامة : اي اني
شاهين بحدة :....................
