رواية خفايا القدر الفصل الثامن عشر بقلم انين الروح
انتظرت ربع ساعه
حتى من اطلع اشوفه كايم
كمت فتحت الباب ع كيفي وبهدوء وسيويت حالي اريد اروح للحمام حتى اتوضه ورجع اصلي
طلعت مشيت الممر ع طارف اصابيعي
البيت هدوووووء توكع الابره تندل مكانها
بس صدمني ضوه الديوانيه مفتوح
زين موعد الصلاه مر عليها نص ساعه واكيد جراح كام وصله وهسه هو بغرفته
ليش هذا الضوه مشتغل
مشيت للديوانيه مديت راسي 😮😮 هذا شعنده كاعد الحد هسه يا الله بس لا دره بيه اريد اطلع منهم وظل يتاني طلعتي وبعدها يكتلني
دارجع عود الغرفتي من غير ما اخلي يحس بيه التافيت
وجلبت ردني باليده مال الباب وطلعت صوت
لا يالله كون ماحس 🤫🤫🤫🤫 ولا سمع الصوت
هاي منو اهنا 🤔🤔
وشافني احاول اطلع ردني من يده الباب
ها رهف شمصحيج و شعندج واكفه هين
اسفه والله طلعت اريد اتوضه حتى اصلي وشفت ضوه الديوانيه عالك
جيت اشوف منو بيها و اطفي حيل اعتذر منك
ولا يهمج اني كاعد هين
شعجب ظال كاعد مو وقت متاخر حيل شنو ماصليت
اي مجاني نوم اكو تفكير براسي واني من اساسه حاس اليله اكو شي راح يصير
يمه الزمت كلبي فعلا خفت اكيد هذا حاس اني اريد اطلع من البيت وجاي ينتظر مني انطقها
بشنو حاس يعني فهمني
ماعرف شنو بالضبط بس اكو شي اموترني ولاعب بفكري
يعني انت شاك بأمر
🤔🤔🤔 اشتردين تكولين اكو شي وضامته انتي عليه
لا لا بس انت تكول متوتر غير
اني ذيب يرهف ماتفوتني الفايته واليوم راح اكشف المستور
والعب لعب بيهم الحاولوا يبيعوني
عسبالهم جراح انكسر او وكع بعد مامنه رجعه
بس يحلمون اخليهم يرتاحون
لصير مثل الذيب متربصلهم بكل زاويه
مفهمت قصدك اكو شي يعني
ننتظر ونشوف يرهف
طبعا هو يحجي واحس كلامه كله الغاز ماعرف شيقصد
يعني تريد انتظر وياك لو اسويلك شي مثل جاي اكل لو ارجع الغرفتي
لا مشكوره رجعي الغرفتج مالي شغل بيج وجودج او غيابج مراح يأثر بشي
زين لعد اني اترخص
عفته ورجعت غرفتي ..يمه الزمت كلبي والله كمت اتنفس سريع احس بدكات كلبي طلعت خارج صدري
لا لا خل أأجل الطلعه اليوم اخليها غير وكت خاف هذا متربصلي ويروح يأذيني خل اتحمل بعد يوم يومين مطايره الدنيا
رحت اخذت المصلى وكعدت اصلي انتهيت من صلاتي وكمت اريد ارجع انام
وسمعت اصوات زلم بس بعيده
فتحت الشباك
واسمع اصواتهم
لازم تمشي ويانه انت وابوك واخوك
مايخصنه ابن شيخ ابن مسؤول
امشي وهناك عود نتفاهم
طلعت مشيت ابساع وصلت للمطبخ وباوع هذوله شرطه وسيارات وخبصه
ردت افتح الباب ودخل رضا
هاي شكو رضا
يمعوده وخري عن دربي
بس احجي خل نفتهم
عافني ودخل جوه
رجع دخل جراح
ابو يقين شكو ليش هالشرطه واكفه ابابنه
ماكو شي فوتي جوه لا تطلعين
بس جاوبني عفيه
وينك رضا بصوت عالي
اي جايلك
هاي كل الاوراق
يله امشينه
رضا ابو يقين
بس فهموني شكو ما حجوا ولا كلمه خلوا وطلعوا ويه الشرطه واخذوهم بسياراتهم
كعدت رباب والحجيه
جوي عليه لان اني جنت واكفه يم باب المطبخ وباوع عليهم شلون كلبجوهم وطلعوهم جراح ورضا
هاي شكو رهف شنو هالسيارات
والله ماعرف محد حجه بس راح وياهم جراح ورضا
يمه عزه ولطام ولدي راحوا
يمه فدوه كولي يا الله هسه نخابر ع عمامنه ونعرف شكو
راحت رباب كعدت عمي ابو جراح
واني حجيتله الشفته
هو كبل سوه اتصالاته وبدت السيارات تجي والعمام تلتم
بعدها الكل طلع بقت بس النسوان موجوده بالبيت
رقيه ..والله مصايره هاي .....انفظ من شغله نوكع بضرب من الثانيه
اشوكت راح اتفض ويانه
سوينه اكل للموجودات لان من غبشه الله جني علينه
اني كل اشويه وتجيلي فكر اطلع وعوفهم ماطول ملتهين بس المشكله الكراج مجاي يفرغ من الناس الفايته والطالعه
خلي بس يفرغ واني كبل اطلع وما ابقه ساعه اكثر
.......
طارق ..اتصلت عليه زينب
ها خويه شكو شنو سالفتهم جاي ادك ع فهد بس مجاي يردني
اي خويه لا تشيلون هم ماكو شي شغله بسيطه ساعه ازمان وتفض ونرجع للبيت
ان شالله خويه بس لا تبطي علينه كل اشويه دك وطمنه
صار تدللين
الحجيه ..ها يمه اخوتج وين
يمه اطمني ساعه ويردون للبيت
رهف .اني نضربت بكلبي من سمعت زينب اتكول راح يرجعون
زين شلون اطلع منا ياربي ساعدني
حاولت بقدر الامكان اطلع مكدرت
رباب ..رهف عفيه محتاجه تلفونج
شسوين بي
اتصل ع جواد افتهم منه شكو
هااااا لا عوفيها رباب مو وكتج خاف تنكشفين نسوان عمامج طابه طالعه صدكي يصيدوج
ماعليج انه اعرف وين اختل بس انطيني يمعوده خل اتصل
لا والله عذريني رباب ما اكدر بالاخص هسه
هاي شدعواج رهف همزين مطلبنه منج روحج
والله طلبي روحي ولا تطلبين هالطلب
ليش عيني اكو شي لو خايفه من شي
رهف ...لا لا شضم بس كتلج ناس داخله وناس طالعه يكشفوج والنبي ستري علينه بس اليوم
ماشي شكرا ما بحاجتج اني
خلت ومشت رباب ...
.اني منطيتها لان خفت لا ذاك الي اسمه جواد يكللها اكو ابنيه خابرتني اول البارحه وتريد تعرف منين تصعد محافظه بغداد
والله اذا صارت هالسالفه بحلك رباب اله هي بيدها توصلني المشنقه جراح
طبعا لظهر ماكو اي خبر عن الزلم محد يرد ع اتصالاتنه
نصبنه الغده .وبعدها اجانه اتصال من فهد وطلب من زينب تفتح باب الديوان لان عمي
وضعيته متخربطه
صاعد عنده الضغط والسكر وتوهم جابوه من المستشفى
رهف.وينج .
هاااااا رقيه
اكلج جيبي شهاده وفاه زوجج
ليش
يردوها الشرطه بالمركز شوفي شعدهم بيها
اي هسه اجيبها
الي فهمنا من فهد
لاكين اسلاح وعتاد مامرخوص بي بعلوتنه مختلي ويه الزرع الجاي يدزونه للمحافظات وعود يردون يهربونه
وهسه لازمين جراح ورضا وابوهم عود وحابسيهم ع ذمه التحقيق
بس عمي لان وضعيته حيل ادهورت طلعوه
بقه بس جراح ورضا وابن عمهم طارق لان هو شريك وياهم بالعلوه
زين فهد ..راح يطلعوهم لو يبقون
الله اعلم ياخيتي
هذا الضابط الازم قضيتهم كلب ابن كلب
ماجاي نوكعله ع طينه
رهف .عفيه فهد هاي اوراق تثبت وفاه ايوب لضيعها عفيه دير بالك عليهن تره صعب نرجع نطلع بدل ضايع عليهن
ولا يهمح خيتي بالحفظ والصون
يله انه اترخص ..اخذن بالجن من عمي وكلشي يصير دكن عليه انه اجي عليكم
زين رقيه لا تنسين
اي خويه ان شالله تروح وتردون كلكم للبيت
ان شالله ادعونه
اودعناكم
رهف ..بعد هذا السمعته والصار كدامي مكدرت اطلع من البيت
خلي الامور تهدء اشويه والناس اتخف
وهسه صار وكت العصر مترهم اطلع بعد طريق بعيد
اذا ماردو اليوم الزلم باجر من الغبشه اطلع ومحد اخلي ينتبه ع غيابي
لليل وماكو خبر بطلعت الزلم
راح يوقفوهم ع ذمه التحقيق ويحققون منو وره هالشغله
لان عشيره ال (.......) والحجي جبار والعمام وجراح ناس معروفه ع صعيد البصره شيوخ من ظهر شيوخ وعدهم ناس واصله بالدوله
بس ما يعترفون بالقانون عدهم قانون العشاير هو الساري عالجميع
اله بحالات نادره يلجئون للقانون
لليل سويت شوربه العمي وتشكرني لان اهتميت بي ابد ما عفته وحده كل اشويه اجي اطمن ع حالته
والحجيه مكابله النسوان وساعه تبجي وساعه تحجي
البنات مطشرات كل وحده بيدها فد شغله
سحر بعد ما شوفتنه وجها من هذيج السالفه
باوعت الوكت ساعه ١١ بالليل سويت حالي تعبانه واريد اكوم انام
حجيت ويه البنات جانت موجوده رقيه وزينب
كتلهم راح ادخل انام لان تعبانه حيل
واني يوميه يقين اتنام يمي لان رباب نومها ثكيل متحس عليها من تبجي نص الليل ف تحججت كتلهم ما اكدر انوم يقين يمي
لان حيل تعبانه وخاف ما حس عليها خلوها يمكم انتوا موجودات بالبيت
بس جنت متوتره اريد اعرف جراح ورضا يرجون للبيت اليوم لو لا
توني كمت ودك تلفون زينب جان فهد
يابه الزلم راح يبقون بالموقف ليباجر لا يظل بالكم احنه كلنه يمهم
اني اتاكدت البيت اليوم يكون فارغ من كل رجال بس عمي ونايم بالديوان يعني ما يشوفني ولا يحس بيه من اطلع
دخلت الغرفتي مددت عالفراش وظليت اباوع عالساعه اشوكت تمشي وتخلصني من هالتعب
كوه يمشي الوكت صارت بالثنتين طلعت الكل نايم
دخلت اقره قران حتى ما اظل متوتره وخايفه
باوعت ساعه اربعه هم طلعت ماكو احد
ارجعت صليت وظليت ادعي الله يساعدني وطلع من البصره ورجع الاختي والبيتنه
ورجع ذكرى اهلي الي اندفنت ويه دفنتهم
صارت ساعه خمسه الفجر ضوه الدنيا بده يكشف وراح تبدي اشعه الشمس اتمد اشعتها ع الدنيا
البست عبايه وشال ولبست خمار (نقاب)
حتى محد يعرفني لان بيتهم داير مدايره العمام
طبعا اني ماعندي نقاب بس هو شال سويته نقاب
لبست الجنطه وطلعت امشي ع اطرافي الحد باب المطبخ
امشي وتلفت خاف اكو احد كاعد
طلعت الباب وما رديتها لان من تنرد اطلع صوت وخاف يسمعون
مشيت الكراج كله لزك بالحايط
بابهم اسلايت سحبته ع كدي وطلعت ورجعت سديته
بس شنو تردون مني ميته بدمي موت ارجف واعرف هذا تصرفي غلط في غلط
بس اني صرت حبيسه الكلامهم الجارح وتصرفهم الغثيث امهم مترحم بالكلام
وجراح ما ينطاق بتصرفاته ويايه ومحاسبته الي
مشيت سريع ادور ع تكسي
بنهايه الشارع يله حصلت وكفته وصعدت
وهذا ابو التكسي ما صدك عبالك يعرفني
ع انتي منين ومن يابيت وياعمام وليش رايحه للكراج وجيب يا اسئله
بس اني ولا جاوبته ظليت ساكته حتى ما باوعت ع وجهه
وصلت للكراج نزلت والكل يصيح
بأسماء المحافظات ويأشرولي عالسياره
عبالك مو ناس وحوش بس يردون صيده
سمعت واحد يصيح نفر ديالى
رحت عليه
انت رايح لديالى بس اني اريد خانقين عفيه
اي بويه صعدي ديالى ومن توصلين صعدي خانقين
مو خاف يصير الطريق طويل عليه
اكيد طويل بويه انتي جنج حامل ليش وين هلج شني ما جاي احد وياج
عمو اني مو من البصره اني من بغداد بس اجيت خطار اهنا واريد ارجع لاختي
جا انتي تكولين بغداد شجابج ع ديالى
اي عمو مو اختي ساكنه ديالى خانقين
واريد اوصللها
عفيه عمو الله يحفظك وصلني واني بأمانتك وانت هالتشوف حالتي حامل وخاف ادخل شهري و اجيب اهنا بالبصره واني ماريد اريد اخلف ابغداد
بويه صعدي والله كريم ان شالله نوصل وما يأخرنه شي بالطريق
اي فدوه عمو اني اشكرك
الشكر لله ابنيتي يله صعدي
صعدت واني بداخلي ختمت القران من الخوف وتلفت يمنه يسره لخاف احد حس بيه وجالي للكراج
باوعت لساعه ٦ الصبح اكيد هسه كعدو
بس مراح يعرفون اني طالعه
اله من اتفوت الساعه ٨ الصبح واني مطالعتلهم
بس باب المطبخ شلون راح هي تكشفني
ياربي سهل امري يارب يسر ولا تعسر يارب
وشغل السايق السياره وبدت تتحرك متجه نحو بوابه الخروج
وانشوف من الجام سيارات سود مثل العدنه مال جراح و ولد عمه بيهن بالاربع او خمس سيارات
فاتن للكراج وكفن كل السواق ولا سياره تطلع
يمه الزمت كلبي احس كبل سهلت بطني وصار عندي مغص قوي
جيت ابول ع حالي من الخوف
اباوع نزلوا زلم ضخام ومشوربين والله خلقهم يكطع الخلفه وبيهم ملثمين
يخوووفون حيل
واحد بيهم كال فتشوا السيارات كلها قبل لا تطلع
اني ردت اخرب كوه لازمه نفسي حتى المره اليمي حست عليه
يمه اشبيج ليش هيج ترجفين
لا خاله ماكو بس يمكن لزمتني البارده
يمه يا بارده الجو نار يكتل كتل
خاف تعبانه يمه
كومي ردي البيتج والغي سفرج
لا خاله مابيه شي اني زينه
وباوع عليهم المشكله كلهم لابسين نظارات شمسيه واكو بيهم ملثمين
ما اعرفت ولا واحد بيهم
السياره اليفتشوها يطلعوها
وصلوا السيارتنه يكرم وعذروني عن الفظه
صرت اسهال يموت
فتشوها كلها
واحد منهم باوعلي وعيونه تجدح شرار
كلي نزعي لثامج
اني من الخوف والتوتر والعرك غمه عليه من كلي نزعي الثام
صحيت ع المره ادير مي ع وجهي وصحيني
يمه يبنيه انتي وين هلج شو ما تردين خايبه ردي
خل نردج الهلج
فتحت عيوني اباوع ماكو الزلم يمي
كمت ابساع اكعدت
خاله وينهم
يمه راحوا ...جانو يدورون ع ازلمه بايكهم ومتعدي ع عرضهم
وكل الي بالكراج فتشوهم
حتى النسوان خاف هوه متنكر بثوب مره
وانتي لان جنتي ملثمه وجهج طلبوا منج تشيلينه عن وجهج بسج انتي رحتي وخربتي يمه حاسه بشي
اي خاله اريد اروح للحمام
اكو حمام نسائي بالكراج دخلتله كملت حاجتي وغسلت وطلعت
رحت لسياره اصعدت
المره ..يمه وجهج اصفر نوميه
اي خاله اشويه وتحسن
يمه يوجعج شي
شاورتها بذنها ...خاله بطني سهله صارت شلون اريد افلاجين
اي يمه انه هاي جنتي خاله بيها كل الادويه شوفي ياهو تفيدج اخذيها
اي والله خاله ...نطتني والحمدلله لكيت باقيه هي اخر حبايه بالشريط كله
خاله هاي انتهى الشريط عود اشتري منه وضمي للطوارىء يفيدج
اي يابعد خالتج
ونطلقنه
اووووووف هسه يله تنفست السعداء
يمشي واني ادعي من الله يعبر كل هاي المسافه بسرع وكت
باوعت لساعه ٩ الصبح
هسه اكيد حسوا اني ماكو بالبيت وطلعوا يدورون عليه
................
زينب صحينه كلنه انه اخذت العجين واريد اطلع اخبز شفت باب المطبخ مفتوح استغربت 😳😳😳
بس شفت بالكراج واكف فهد وجاي يحجي بالتلفون
اكيد هذا فهد فاتح الباب وناسي يسده لان جاي يحجي بالتلفون
مشيت هو انتبه عليه رفع يده يسلم
هله بفهد ها طمنه اليوم اشلونهم
وصلت العجين اشويه ولحكني فهد
اكلج اريد تحضرون تريوكه للشباب خل اخذلهم ما ماكلين من امس
اي روح جوه تلكه رقيه كاعده هي ورباب
خليهن يسون كلشي بالثلاجه خطيه اكيد الزلم صوفرت معدتهم اذا من امس ما ماكلين
اي زين وانتي لحكي خبزيلج كم كرصه خبز
اي انه سريعه ثواني وخبزلك صفطه
نص ساعه وجهزآ البنات صينيه من حب كلبك وشتهى وزينب خبزت الخبز
يابه لفن الصينيه بالجرايد او جرجف خل اشيلها
طلعتها وخليتها داخل السياره وصعدت اريد احرك وذكرت جراح راد مني اجيبله ملابس داخليه ودشداشه وخاولي
ارجعت
يابه وحده منجن تروح اجيبلي ملابس داخليه ودشداشه والخاولي الجراح
كامت رباب
راحت وردت بالملابس
هاك هاي العلاكه كلشي بيها
اخذتها وطلعت بوجهي للمركز
كمنه وكلنه الجهال ريكناهم كلهم والكبار ايضا
و عزلنه البيت وطبخنه فاصوليه يابسه للغده
زينب ..هاي شنو الساعه ١٢ شبساع ما حسيت بالوكت والله
شو ما كامت رهف شني مناويه تكعد
هم النوم الهواي يكسر البدن
ما رحتن عليها شفتنها
لا والله
خايبات اشمالجن يمكن البنيه متمرضه لو فاقده الوعي غير وحده منجن تروح تشوفها انتن مو تدرن هي تعبانه صحتها
رباب ..اني الصبح مريت من غرفتها شفت بابها مسدود وماكو اي حس بالغرفه
اي وانتي فرحانه لان مسدود
غير تفوتين تشوفيها لو ما تعرفين مو استاذه بس للفوايين استاذه
كافي زينب هسه حكوم اشوفها شني هي طفله ونظل نراقبها لا توكع
اي طفله كعدي كعدي ام اللسان انه كايمه اشوفنها
زينب ...رهف رهف يله صحي النوم ياحلو
دخلت غرفتها
وصلت لجربايه لان شفت الفرشه عاليه عسبالي بعدها نايمه
اصيح يله كومي وجريت الفرشه
واشوف المكان فارغ مابي رهف
دورت بالغرفه خاف واكعه صاير شي بيها
صحت رهف وينج
اطلعت للحمام فارغ مابي احد افتحت غرفه جراح كلت خاف داخله
بس هم مالكيتها
ارجعت للمطبخ سألت شفتن رهف
لا انتي مو توج كمتي تكعديها من نومتها
اي رحت بس مالكيتها بغرفتها دورت عليها ماكو
تعال علي محسن باقر شفتوا عمه رهف
لايوم لا خاله ماشفناها
امشو دوروا عليها ابكل البيت
كمنه ندور ونصيح
عسبالك فص ملح وذاب
مالها اي اثر
ارجعت الغرفتها افتحت كنتورها ملابسها موجوده
يعني مطالعه من البيت بس هاي وين راحت
ظلينه ندور ماكو لا حس ولا خبر
..
رهف ..صحيت ع المره اتكعدني
يمه الساعه ١ وصلنه للمطعم خل ننزل نتغده ورانه طريق شطوله
اني الطريق كله
نايمته ماحاسه بشي من التعب اول البارحه والبارحه مانمت هسه ذبيت روحي اجنازه
كمت حسيت بالجوع نزلت ويه المره امشيت كعدنه اني وياها ع طاوله
فتت غسلت وطلعت طلبت كباب نص نفر هي هم طلبت اكل
كعدنه اكلنه وشبعنه ...شربنه جاي استكانين
اني ماعرف شي هي شتكلي المره اني اسوي اتكول ناكل اكل اتكول نشرب اشرب
رحمه هاي المره دزها الله الي لو وحدي جان ماعرفت ادبر شي
لان اول مره اسافر بيها وحدي ومحافظه بعيده وبوضع كله امريكان ومفخخات وقتل وتسليب
طلعت اكو صيدليه دخلت اشتريت ادويه
مضر بالحامل لان راسي دمرني الدوخه بيه مو طبيعيه
طلعت اشتريت علج مي وبطل مي ورجعنه صعدنه ننتظر البقيه يصعدون
بالنص ساعه وبعدها الكل صعد وتحركت السياره
خاله بعد اشكد ونوصل
يمه بعد اربع خمس ساعات خلصت اربعه وبقن اربعه
الله كريم خاله
يمه انتي عندج احد بديالى
اي خاله بيت اختي اهناك عايشين
اي زين يمه عسبالي ماعندج احد كلت اخذج يمي تباتين
شكرا خاله جزاج الله الف خير
.....
زينب ..كلبنه البيت كله ندور ع رهف حتى بالبساتين دورنه ماكو
ماخلينه مكان يعتب علينه صغار اكبار ادور
لساعه وحده وماكو اخر شي ملينه كمت اتصلت ع فهد يجي علينه
حجيتله بالصار هو ما صدك يكول دوروا
اكلك ماخلينه زاويه تعتب علينه
الحجيه ...اي هاي الصفيره مو كتلكم تريد تموتنه هاي نهزمت من البيت وخذت ابني وحك الحسين الماجبتوه اله انه ادور عليه وشرب من دمها
انه ما انسه من كالت رادت ترجع وي اختها
رقيه ...معقوله رهف اسويها وحدها وتسافر البغداد
الجده ...موش احنه من جنه فروخ اهاليتنه تكول
الكحب....ه بفعالها ....وهي بينت فعلها خذت الفرخ وشردت
الحجيه ...لا والعباس ما اسكتلها اله ارده اردود
وخليها خدامه البيتي وما اخليها تعتب باب البيت
واله ازوجها جراح حتى يكسر خشمها شافت مالها رادود استخفت
بسيطه يرهيف انه اعلمج
ابو جراح ..بويه لا الوادم تسمعكم ونصير علج بحلك اليسوه والمايسوه اسكتن خل نعرف نفكر هاي الجلبه وين راحت صخم الله وجها
روح عمي فهد دور عليها بس لاتنطي خبر الاحد خلها سكته
وانتن اسكتن واليسئل كولوله مريضه ونايمه غرفتها الحد ما نلكاها
احنه الشيوخ تجي وحده مثل ارهيف تصخم وجوهنه ياعيبه العيبه
لاعمي لا تحجيها انه موجود ساعه ازمان وجيبه لك من جوه الكاع اله اخليها تبوس انعالك
زينب بس جيبيلي صوره الها
زينب ..رحت جبتله صوره الرهف وانه امشي تذكرت الصبح من شفت باب المطبخ مفتوح
صدك انه شلون فاتتني
هي الباب تكون مقفوله من جوه وانه اول وحده كعدت بالبيت ورادت تطلع
شلون شفت الباب مفتوح وفهد جاي يحجي
رحت عليه
فهد اكلك الصبح من شفتك بالحوش اتخابر انت افتحت باب المطبخ
لا انه جيت وشفته مفتوح
صدك تحجي خايب هاي صدك طالعه من البيت
شلون عرفتي
انه من شفتك شفت الباب مفتوح
وهو ينقفل داخل وانت تكول ما فتحته
اذن منو غيرها الفتحه وطلع
فهد ...طلعت وفكر هاي وين راحت ومنين ابدي ادور
بالاول رحت الصاحبي هذا ثقه وما تطلع منه الاحجايه لو ع كص ركبته
بدينه ندور بالمستشفيات القريبه علينه الفنادق ماكو بالحدايق العامه
اكلك فهد ماكو حل غير انعمم اسمها وصورتها بالسيطرات
لابويه لا ......شني اتريد تشهرنه انت
غير عمي اذا سمع ينجلط ويموت
يابه هاي مو بس سمعه ابنيه لا سمعه عشيره كامله
يروح يكلك اشيوخ وكلامهم سيوف عالوادم يحكمون ويشرطون
ماكدروا يضبون مره بويه انسه السالفه
رهف صارت الساعه ٥ ونص العصر ودخلنه حدود ديالى الحمدلله والشكر تأخرنه ابسبب الامريكان اليطلعون اكبالنه
نزلنه بكراج ديالى والمره ظلت ويايه اشويه
جانت تنتظر ابنها رادت مني اروح وياها
كتلها انتظر اختي ...
يمه الوقت هواي تقريبا ساعتين او اكثر بين خانقين وديالى شلون تبقين وحدج يايمه اهنا
لا خاله همه هسه بالطريق كتلهم من وصلت
ها خوش بس هاج هذا رقمي
انطتني رقمها وكالتلي خاف ماكو احد يجيلج اتصلي بيه انه اجي اخذج
وشكرت منها هواي لان وكفتها جانت حلوه حيل ماعافتني وحدي ابد
صدك لو كالوا
لو خليت قلبت ..هم بعد اكو ناس طيبه وخدومه ورحومه الحمدلله
رحت لابو المحل اشتريت رصيد ونزلته
دكيت ع رفيف
الووو شلونج رفيف
هلو حبي انتي شلونج
مو زينه رفيف الحكيلي متت من التعب راح اوكع
ماكو احد يمج شنو البيت فارغ لا عمه ولا ابنيه يمج
لا رفيف اني مو بالبيت
لعد وين انتي
اني جيت لديالى هسه وصلت للكراج
لج شنو تحجي صدك لو تشاقين
والله رفيف اني هسه بديالى واكفه بالكراج اريدج تجيلي ابساع عفيه
انتي ومنو وياج
اني وحدي رفيف
صخام الصخم وجهج لج هاي صدك تحجين
مو وكتج رفيف اكلج راح اوكع تعاي ابساع نقذيني
لج عالاقل ساعتين يله نوصلج
شوفي اكو فد مطعم كعدي بي بين ما نوصل يمعزايه
اي اكو مطعم اكبالي اسمه (....) راح اكعد وهناك انتظركم
يله باي
ولك مشتاك غربت وما لكينه مكصوفه العمر هاي فهمني بعد وين ندور حتى نلكاه
انه مخايف عليها هي بالجهنم بس خوفي من ردت جراح اذا سمع
والحمزه يخلي البرنو براسها ويجتلها خلاص
وتعال ياعمي خلصنه
هاي اول مره اصير مره تطلع من بيتها ومحد يعرف عنها شي
مشتاك ...امشينه فهد خل نمر عالشباب ونشوف اصار بسالفتهم
رهف صارت الساعه ٧ اله ربع ومحد بين
لا طه ولا رفيف وبديت اخاف واجوع
وصيت من المطعم ع لفه
اكل وعيني عالدرب بلكي يجون
رفيف ..من خابرتني رهف واني متخبله ومتعصبه شلون هاي جايه وحدها لديالى وبهيج وضع
كتله الطه وكبل شغل سيارته وطلعنه
وصلنه ساعه ٧:١٠ دقايق فتنه ع المطعم شفتها كاعده اركضت عليها
رفيف ...رهف حبيبتي
رفيف 😭😭😭😭 همزين اجيتوا والله ردت اموت من الخوف الوكت تأخر حيل
واني كاعده انتظركم
طه ..الحدلله ع سلامتج رهف
الله يسلمك ابو ياسر
يله رهف خل نمشي لازم نلحك قبل لا تضلم وين الجنطه
مشايله بس هاي الي ع كتفي
اي خوش يله لعد
صعدنه وتحركنه وبلشت رفيف سؤال و جواب
بس انتي تصرفج هذا غلط رهف ميصير اطلعين من غير علمهم صار شي عليك تعرضلج احد بالطريق وكتلوج منو راح يدري عنج
محد لان محد يعرف انتي وين اراضيج
وشي ثاني انتي حامل
صار شي عالطفل عبالج حيسكتون ويعوفوج
هذوله عشاير وماتفض شغلتهم اله بالفصل او الدم
واكيد مالنه احد حتى يفصلوه ف يكتلوج افضل شي الهم
هاي لازم كلها اتخليها ابحساباتج
صح تكولين مليت وتعبت ومينطاقون اني وياج
بس لتصورين اكو وحده كاعده مرتاحه
الكل اتعاني
اني من الناس هم عندي مشاكل بالدوام والجهال هاي هو كدامج شكد نتعارك اني وياه ع ابسط الامور
وليش عبالج عمتي ساكته كل خدمتي وربع راتبي الها وهم ما اتكف عن الحجي
طه ..رهف انتي وما مصوره الزواج والعيال لعبه من اتحبين تلعبين ومن تضوجين تبطلين
لا اختي الحياه مسؤليه وكل شخص اله دور بالمسؤليه
قبل كنت مسؤله عن رعايه زوجج الله يرحمه
بعدها تكونين راعيه الابنج
بعدها راعيه العمج وعمتج
هي هاي سنه الحياه
لو كل الناس مثل تفكيرج عمي صدكي الله وكيلج محد يزوج
ع عمتي وعمي والحجيه وتعبانه وما اكدر
يابه شوفي الناس وين وصلت واحنه بعدنه كالت العمه حجت الجنه اكعد بغرفتي واسكت لا احد طالب منج ايجار لا عيشه يابه روحي شوفي الزلم شنو تشتغل حتى تجيب القوت الجهالها
والله ياطه اني مالي علاقه بحد
همه الي ميتركوني بحالي
كلهم ضدي
واحدهم تشوفه بس يريد يشرب من دمي
رهف حسني معاملتج وياهم همه يتحسنون وياج
والنبي والله العظيم اني خادمه الكل واحترم الكل
الاحترام وحد والمعامله وحد رهف خوما اني الزلمه اعلمج شلون اتعاملين عمتج
رفيف ..يله مددي عالكشن اكيد تعبتي من الكعده
اي والله اصلا تكسرت
فهد رحنه للشباب وخذنالهم عشه حجينه وياهم
جراح .ولك انه ماضايج لان دخلت مركز
بس القاهرني ومدمر اعصابي عندي زلم بره ما لزمت الي سوه اسوايته
ااااااخ الله بس خل اطلع اله املص ركبته بيدي مثل ملص الحمام
فهد شفته حيل متعصب 😡😡😡😡
ماكتله ولا جبت طاري اله عن الصار ابيتهم
زين خويه الضابط مكلك شي ما حجه وياكم
وحق للعباس هذا الضابط متأمر وياهم
لان الكل شهد ماكو اسلاح بالعلوه لليل ليش ظهر بس الفجر
معناها ملعوبه ومدروسه صح
زين الكامرت ليش اتعطلن كلهن بهذك اليوم شني جانن متفقات يعني يعطلن كلهن
مشتاك ..انت بيمن شاك
جراح ..هو ماكو غيره ...! يعكوب
بس وين طاير
حتى اذا يطر يرد وصيده وشوفه الامهات شتجيب
بس جراح انت ماعندك دليل عليه
عندي ويجي وكت اكشفه للدليل وبشرط اوصله للمشنقه
والله كلامك خطر يجراح
حتى تعرف يامشتاك ماكو احد يكدر يلعب ع جراح ويحاول يكسره
وصلنه للبيت حدود ساعه ٩ بليل دخلت رهف تسبح
حضرت العشه
طه ..تره تصرف رهف غلط بغلط وراح تفتح علينه باب احنه مو بكدها
اعرف طه .بس شسوي
كعدي واحجي وعقلي اختج
ان شالله بس خل اتعدي هاي اليله بسلامه
رفيف عفيه بس دشداشه محتاجه
اي رهف هسه اجيبلج
الحجيه ...ها ولكم مالكيتوها
لاعمى بس لاتخافين تنلكي وعيونج وجيبها الج وبشرط زحوف ع اركبها
ولكم انه خايفه لا تروح اطيح الولد ويروح ابن ايوب مني
الجده .اسمع انت افهيد وي صلاه الفجر تطلع للكراجات تسئل السواق هم صعدو وياهم اوحيده حامل
هاي البت ينخاف منها تسويها وترد البغداد
صار جده تأمرين امر انتي
الحجيه .اكلك ولدي يمته يطلعون
ان شالله ياجر حجيه هذا الضابط معند ماجاي نفهم سالفته
يله انه اترخص
مرخوص اوليدي
رباب ..ضليت احوص صار يومين مسامعه صوت جواد ولا اعرف اخباره هاي الحقيره كطعت بيه والله
حاولت اخذ تلفون البنات من ينامن
رحت اسحبت تلفون رقيه ودخلت غرفه رهف
دكيت ...الووو جواد هاي انه رباب
هله بصوت الكناري
هله بيك ..والله ميته شوك عليك بس اريد اعرف اخبارك
انه تمام ...انتي شخبارج
انه اسكت كل المشاكل جاي تنزل ع روسنه وحده وره الثانيه
خير شعدكم
اخوتي ملزومين بمركز الشرطه
ومره اخوي الله يرحمه مانعرف وين اراضيها
شنو انخطفت
لا بس يمكن مهزومه البغداد
ليش هي من بغداد
اي يمعود ...صمنه صمنه وفطرنه ع بصله
اكلج هي عدها احد بديالى
اي بس شمدريك انت
قبل اربع تيام اجالي اتصال من الرقم الدوم تتصلين بي
انه عسبالي انتي
ارفعت الخط حاجتني بنت كالت هي كرايبكم وتريد تعرف منين تصعد البغداد او ديالى وشكد تطول بالطريق
لا بربك صدك تحجي
اي والله
زين انت ليش ما خبرتني قبلها بيوم
شلون اخبرج وانتي ما عندج تلفون
اي هم صحيح
وهسه شلون جواد
شنو عيون جواد كلب جواد
يمعود مو وكتك ..شلون اكول الاهلي هي سافره البغداد
لج ثوله لا تحجين ولا تفتحين حلكج والعباس ينسوها ويجلبون بيج وهاك ياكتل ع منين عرفتي ومنو كلج
اكعدي وسكتي ضلي بس اسمعي وتفرجي لا ادخلين حالج
انت من كل عقلك اكله البيت مكلوب عليها وامي خايفه منها لا تروح اسقط الطفل او اسوي بحالها شي ويموت ابن ايوب
اي اي يلغبره روحي روحي فتحي ع وجهج نار جهنم ونكتلي بدالها وكليلهم جواد كلي
لا هاي اشبيك اوصلها الهم بطريقه غير مباشره
اسمعيني عدل رباب انه حذرتج اياني اياج تجيبين اسمي بالنص والحمزه اعوفج ولا جن اعرفج لو تجين عليه تزحفين ع ركبج
شكد غثيث هاي بدل ما انت اشجعني اروح اكللهم وين دروبها
لا حبيبتي اذا انتي مخايفه ع ريشاتج
انه اخاف ع ريشاتي وماريد احد يصلهن فاهمه يله روحي عندي شغل
ياشغل بنص اليل
كتلج روحي لا تعصبيني اكثر
رهف ..صبحت الصبح واني ابيت رفيف بس ما نمت مرتاحه احلام وكوابيس اليل كله والف سالفه مرت براسي
اكيد هسه درو اني طالعه من البيت وعايفتهم
الله اعلم اسوو او وين راحوا يدورون عليه
بس والله حيل.... حيل بيكم شكد اذتوني وسمعتوني كلام
هاكم ضوكوا من اذيتي
جراح ..خمس تيام جنه ع ذمه التحقيق وبعدها طلعنه بكفاله ٢٠ مليون
بس انه اسكتت وتحلفت اليعكوب والضابط
رجعت للبيت انصبت المزايق ونذبحت الذبايح والناس الملتمه
عبالك جنت بسجن مؤبد وهسه يله اطلع منه
العمام ماقصرو ابد وكفاتهم حلوه وتنذكر بفخر
ادخلت رادن يسلمن عليه النسوان والبنوات
ارفعت يدي بمعنا اوكفن
يابه عذرني بس افوت اسبح وزين لحيتي صارت شعلاها وطلعلجن
ام جراح ..حضنته وظلت تبجي ع صدره
يمه انه ما يهمني ريحتك ولا شكلك
اليهمني رديت الي الحضني افييييييش ياريحه الحبايب يمه البيت من دونكم انت ورضا ظلمه عليه
وحضننه خواته ويبوسن بي هو ورضا كطعوهم من التبوس والتحضن
فات سبح وتعطر وبدل وطلع سلم عالجميع وباس راس الحجيه والجده
وطلع لديوان يم العمام والزلم ورضا وياه يمشون مثل السيوف التلمع وكفتهم هيبه ابن ناسهم واهلهم ونصبت السفره بالجفنات الحلوه والزاد اليغطي عيون الشمس الفقير والغني اجه واكل منها الصواني انصبت بالشوارع صغار اكبار تاكل
جراح من كثر التعب الشفته هناك والسهر الحرمني من طعم النوم
تمنيت بس احد ياخذني الغرفتي ادخل ونام فد اسبوع
صارت ساعه ١٠ باليل اترخصت منهم
يابه اني اترخص اسمحولي جسمي حيل تعبان
الكل ردله مرخوص وغالي
وفتت جوه للبيت
كابلتني زينب
هاخويه ها نظر عيني
هله زنوبه
اسويلك جاي اجيبلك فواكهه
لا يسلمج ياورده راح ادخل انام بس ماريد احد يدخل عليه يصحيني وكليلهم خل ينصون اصواتهم
صار من عيوني خويه
مشيت عنها والرجعت التافيت
زينب ......ها خويه
شو ما شفت رهف وينها شني تعبانه لو معاجبها تجي تسلم عليه كوليلها تره السجن لزلم
هااااا اي اي تعبانه ونايمه اكللها ميخالف يله خويه فوت ورتاح ولا تشيل هم
بله اذا سئلني مره ثانيه عنها شكله
ربي ان شالله يسئل غيري ماريد اكون اكباله من يسئل
جراح .نمت ماحسيت بالدنيا وين صارت من التعب ذبيت نفسي اجنازه بس الفجر تقريب ساعه ٥
كمت اطلعت اروح للحمام كملت وغسلت ورجعت صارت اكبال عيني غرفه رهف
صابني احساس الهفه والشوك الها اريد اشوفها مشتاك وشوكي تعده الحدود
تقربت للباب الزمت يده الباب ونزلتها جوه حتى تنفتح واشوفها وهي نايمه وملي عيني بشوفتها
اليعطش ما يعطش الماي
يعطش شوك اليحبهم
افتحت الباب
