رواية العنودية والنقيب الشرس الفصل الثامن عشر بقلم مجهول
شهلاء ..وبهل لحظة سمعت صوت سيارة وجان يطب شاهين انصدم بيه كاعدة منتظرته ...
شاهين ..اول ماطبيت للبيت انصدمت بشهلاء واكفه بالباب منتظرتني ..كتلها ها حبيبي شكعدج مو جنتي نايمه
شهلاء ..ممكن اعرف وين جنت بهل وكت وليش كذبت عليه من كتلي راح انزل يم اهلي ها
شاهين ..هههههه هاااا بدينه الغيرة والاسئلة مال النسوان النكديات ..
شهلاء ..من حقي اعتقد ..كولي يارجال بليلة عرسة يعوف عروستو ويطلع خلسه بره ويرجع وره انصاص الليالي ها
شاهين ..اتقربت عليها وحظنتها وخليت وجهي برگبتها اشتعلت بنار افيششششش ..كتلها دمشي فوك لغرفتنه نتفاهم لحد يسمعنه هنا
شهلاء ..دفعته بقوة عني كتلو شاهين جاوب وين جنت
شاهين ..شبيج شهلاء داكولج امشي صعدي فوك دنحجي
شهلاء ..ماصعد اله تحجي هنا
شاهين ..متصعدين مو سهله ..شو دتعالي وجان اشيلها واصعد بيها فوك ..هيه ظلت اترافس برجليها واتدفع بأيدها هبله والله ههههههه
شهلاء ..نزلني لتسوي هيج هسه العالم تكعد شبيك خررب ..
شاهين ..اي سدي حلكج لتحجين ..صعدت وفتحت باب الغرفة وطبيت جوه نيمتها ع الجرباية وقفلت الباب
شهلاء ..حطني ع الجرباية كمت وكعدت وكتلو شاهين تحجي وتكول وين جنت لاوالله اروح لبيت اهلي بهل ليل
شاهين ..ماتكدرين تعوفين حبيبج شاهين
شهلاء ..لاوالله شكد واثق من نفسك ..صدك اعوفك لو جانت روحي بيدك ..لتكون واثق هواي تره تعرفني كوولش زين مايهمني شي ..
شاهين ..جانت تحجي واني صافن ع شفايفها جنت متشوق اخمطهن بين شفايفي واتفنن باللعب بيهن ..هل كلب ابن الكلب مخلاني اتهنه بليلة عرسي ولاشبعت من حظن مريتي عفتها ورحت اصفي حسابي ويا ..دفعتها ونيمتها ع الجرباية ونزعت ملابسي واجيت فوكاها كتلها ممكن تسكتين شوية خلي اطفي نار شوكي الي شعلتيها ياخاتونه ..
شهلاء ..كمت ادفعه واضرب صدرة العاري وعيني صارت ع الوشم الي بصدرو الي بي اسمي كتلو هل وشم امسحو لان كلو كذب انت خاين ومتحبني ..
شاهين ..جنت ابوس بيها وهيه تدفعني وتحجي وتدردم كمت اضحك من كالت خاين خررب بيومج ولج ويامن خنتج شبيج
شهلاء ..مادري اسئل نفسك وين جنت بنص الليل من اتسحبت من فراشي وطلعت ..
شاهين ..ماشي احجيلج بس بشرط
شهلاء ..شنو هل شرط انوب
شاهين ..دفنت راسي برگبتها وبقيت اشتم عطرها وكتلها خليني اخذ الاريدو وبعدين كوولشي احجيلج
شهلاء ..جنت اسمع صوت انفاسه الحارة دولبتني اتجاوبت ويا خررب عمي ماكدر اصدو ونسيت زعلي ونسيت حتى نفسي ووووووووووووو
شاهين ..فديييتج اوووووووف شكد احبج
شهلاء ..جذاب 😒
شاهين ..وداعتج ماعندي اغلى ولا اعز منج بعد امي بكل هاي الدنيا
شهلاء ..عجل وين جنت ليش متحجي ليش تتهرب من الجواب ..😒😒
شاهين ..شلتها وحطيتها ع صدري وبقيت العب بشعرها كتلها اسمعي دكات گلبي شوفيهن شلون يلهجن باسمج اسمعي انفاسي شلون يحتركن حرك من يمر عطرج ..انتي بنت هل گلب ووحدج متربعه بي ..وجوابي ع سؤالج شوفي يالغالية
شهلاء ..رفعت راسي وكتلو اي بله ..
شاهين ..من رفعت راسها ضحكت يالله هل نسوان يموتن ع الفضول هههههه بستها من كصتها وكتلها باعي تتذكرين صوت الطلقات بعرسنة مو ؟!
شهلاء ..اي طبعا اكيد وسئلتك كتلي هيج ماكو شي
شاهين ..عفيه ..هل طلقات ياست الحسن والجمال مال مسدس ابن عمج المتيم العاشق ..
شهلاء ..جفلت من هيج حجه كمت اتلعثم بالكلام ..كتلو احم شتقصد منو ؟
شاهين ..جان جليل سكران ويضرب طلقات بره القاعة ..والحرس الي حطيتهم للاجرائات الامنية لزموا واني طلعت كلبجت ايدو بالشناطات وشمروا بالكرفان لحد ماخلصت الحفلة
شهلاء ..كمزت وكتلو صدك تحجي الله عليك
شاهين ..اي حبيبي صدك احجي واسئلي ستار اذا داكذب عليج ..
شهلاء ..اي وبعدين
شاهين ..بعدين من كتلج راح انزل يم امي وابوية جذبت عليج طلعت ورحت للمزرعة لان خابرت صديقي علاء وكتلو ودي لجليل لبيت المزرعة ورحت هناك وحجيت ويا ونطيتو كم كلمة بعظمو ماكدرت اضربو لان البي مكفي الي ديعيشو من عذاب وقهر جان كيفل اكبر درس الو ..ماردت ازيد عليه ..رجعنه سوه وصلنا لبيت اهلو واجيتج ..
شهلاء ..امممممم ماشي ..لزمت ايدو ردت ابوسها وجان اشوفها املخه مدمايه اصخام شاهين هاي شنو ايدك شبيها
شاهين ...لديرين بال حبيبي من عصبيتي ضربت الحايط والا جان وجه جليل اتفلش بهل ضربه هههههه
شهلاء ..اووووف منك متكولي شبقه بجسمك صاحي كلو متعور بسبب عصبيتك
شاهين ..رفعت راسها واخذت شفايفها وعضيتهن كتلها تره اكلج كافي نامي لو تريدين اتواكح وياج بعد هههههه
شهلاء ..شنووو لالالا يله نام ادري متقصر ههههههههه
رجعت نمت بحظنو وللصبح ..كعدت شفتو ديسبح
شاهين ..طلعت من الحمام ولفيت المنشفه ع خصري وشفت حبيبتي كاعدة كتلها ها ياكسلانة صباح الخير ههههه
شهلاء .. هههههه هلا يروحي صباح النور ساعة ابيش هسه
شاهين ..بل10 عيني اليوم سماح لان عروسة والبارحة تعبتي جثير 😉
شهلاء ..شلت المخدة وضربتو بيها كتلو عابتلك هههههههه ..كمت من فراشي طبيت للحمام سبحت وطلعت شفته مبدل وديمشط
كتلو شنو طالع
شاهين ..اي حبيبي عندي شغل متراكم لازم اكملو تدرين ذاك الاسبوع كلو جنت ملتهي بتحظيرات العرس وعفت كل اشغالي ..لازم اروح لمعمل الثلج ولازم اروح لبيتنه اكمل الكراج اطبكو شتايكر حتى بعد كم يوم نروح نعيش بمملكتج الجديدة 😉
شهلاء ..هههههه فدييتك يروحي ياملكي ..الله يخليك الي ولايحرمني منك
شاهين ..حظنتها بقوة وشميتها ترست ريتي ترس بعطرها ..كتلها ويحفظج الي ويخليج يابنض گلبي
شهلاء ..راح شاهين واني بدلت ملابسي ونزلت شفت شيماء كاعدة ويه عمتي ودتنظف البيت ..عزززة العالم كاعدين ومتريكين ودينظفون واني نايمة هنيالي هههههه
ام شاهين ..ها ياعروسة صح النوم هههههه
شهلاء ..ههههه صح بدنج عمتي حبيبتي بست راسها وكتلها اسفه اتأخرت بالنوم لان شوية سهرنه البارحة
ام شاهين ..اي يمه شكو بيها نوم العوافي انتوا عرسان بعدكم لازم اندللكم هههههه
شيماء ..لاعمة لتنطيها عين تره تصير تنبل ههههههه
شهلاء ..انجبي اشوفج صايرة شاطرة هنا يم امي جانت كوه تشيل فراشها 🙄
ام شاهين ..ايييي مو هنا بيت ستار لازم تصير شاطرة عيني هههههه
شيماء ..كرصتها وكتلها اني الج اله اكول لامي عليج ..
شهلاء ..ههههه دمشي سويلي ريوك حبابه اختج جوعانه ..
شيماء .. هاي فوكاها اسويلج ريوك ..كومي سوي لروحج مو كافي سويت لرجلج ويه رجلي انوب اسوي الج والله يالله عندي كومه شغل اريد اغسل الملابس واكمل التنظيف ..
شهلاء ..اووي شكد حقنه انتي ملازم الله ليعوزني عليج ..
ام شاهين ..الجاي حار يمه وهذا الصمون والاجبان بالثلاجة واذا يعجبج بيض هم اكو ...
شهلاء ..ماشي عمة عاشت ايدج ..الله يادلال الاهل جنت انزل ماما اتحظرلي كل هل امور 😢..
فدوة اروح لايدج ماما اشتاقيتلها ...كتلها عمة شوكت نروح لاهلنه يعني العروس شوكت تكدر تزور اهلها
ام شاهين ..ها بيانج اشتاقيتي لاهلج ههههه
شهلاء ..والله اكذب لو كتلج لا 😓
ام شاهين ..حبيبة انتي اتزوجتي وبيتج هوه بيت زوجج مو لازم كل وكت اتروحين لاهلج مايصير ..خليها بالشهر مرة او مرتين
شهلاء ..شنوووو يعني شهر ماشوف اهلي ليش غير اموت
ام شاهين ..جان متنه احنه ..شوفي المراة من تزوج تتغير حياتها تصير حياتها هيه زوجها وبيتها واطفالها ..هاي سنة الحياة مثل ما امج عافت اهلها وعاشت حياة جديدة منفصلة عنهم ..انتي هم كذالك لازم تعيشين حياتج لان الزواج حياة جديدة ع البنية ومن يصير عندج جهال ان شاءالله راح تلتهين بيهم وبتربيتهم متلحكين تروحين لاهلج ..
شهلاء ..اممممممم اني احب الجهال احب يصير عندي ولد وبنية 😍
ام شاهين ..اي ان شاءالله يمه يصير عدكم مصيرج تخلفين ويجينه الحفيد الاول من ابني شاهين لان هذا وليدي الكبير واول فرحتنه ان شاءالله اشيل جهالو قبل ما موت ..
شهلاء ..عمرج طويل عمة ان شاءالله اتشيلين جهالنه كلنه ..
ام شاهين ..بعد گلبي بنيتي ان شاءالله ..
شيماء ..عمة كملت التنظيف شتريدين اسوي بعد ..
ام شاهين ..هاي هيه يمه عاشت ايدج روحي اتعدلي لابني كوولشي ماريد منج بعد لان تعبتي اليوم ..
شيماء ..تعبج راحة عمة ..رحت للحمام سبحت وصعدت لغرفتي لبست دشادشة تركية قصيرة ومكيجت واتعطرت واتمددت انتظر حبيبي ستوري 😍...
شهلاء ..كملت الريوك وغسلت المواعين وساعدت عمتي بالطبخ كملنه كوولشي ورحت سبحت ولبست سيت نوم بصلي كلو شغل نازك حلوو واتمكيجت وشسورت شعري واتعطرت وشلت التلفون ردت ادك ع شاهيين جان هوه يدك عليه فدووة لعمره الگلوب سواجي هههه.
رديت الوووو
شاهين ..مشتاااااااقلج مووووت اريد ارجع بساع ميت ع حظنج ولج
شهلاء ..ههههههه🙈🙈
شاهين ..اااااخ يبنت ابراهيم دولبتي گلبي شعوطتي اتشعوط ..ولج اشتغل وبالي يمج مكدرت اشتغل شلون بله بيج ماخذه كل عقلي ها..
شهلاء ..ياروحي اني هم مشتاقتلك ولارحت من بالي وهسه ردت ادك عليك انت دكيت عليه ههههههه
شوكت ترجع
شاهين ..كملت مابقه شي ان شاءالله شغلة ساعة واني بحظنج 😉
شهلاء ..ان شاءالله حبيبي يله منتظرتك اني 😊..
لبست روبي وشالي ونزلت ردت اكعد بالمرجوحة ضجت اجه امجد من الكلية مالتو سلم وكعد يمي جان يسولف ع بنات الكلية كتلو شكد جان يعجبني اكمل كلية هندسة بس اوووف من اخوك ولاقبل اكمل ...راكب راسو اكعد بالبيت بعد ماكملت السادس
امجد ..ههههههه تعلميني بشاهين الحمدلله ماعدنه اخت جان شكمها خطية وبطلها من سادس ابتدائي مو اعدادي
شهلاء ... هههههه هل شاهين سالفة شكبرها محد يكدر يوكف جدامو
امجد .. بس انتي كدرتيلو ترا والعالم متخبله شلون خليتي يركض وراج لعلمج شاهين محد جان يصدك يحب ويتزوج
شهلاء ..ههههههه والله عاد شمدريني شلون خليتو يركض وراي ..من تحب ذاك الوكت تعرف شلون اخوك حبني وتزوجني ..
امجد ..هههههه لا مالي خلك للحب لان يعذب صاحبو ..يله افوت للبيت اروح اسبح واناملي ساعة
شهلاء ..ماشي خيي اخذ راحتك ..راح امجد طب جوه وبهل لحظة اندكت الباب كمت رحت افتحها صحت منو ؟؟
جليل ..اني
شهلاء ..انكمش گلبي لايالله شاهين ع جية خرررب يومو شجابو هذا هسه ..عسريع فتحت الباب وردت اطب وجان يصيحلي شهلاء ..جسمي كام ينتفض مثل السعفة اوووف ياربي مالي خلك مشاكل والله انداريت وكتلو نعم
جليل ..ليش تتهربين مني شمسويلج ترا مراح اكلج ..انتي بنت عمي يعني حتى لو ماصرتي من نصيبي لتبخلين عليه بسلامج ...
شهلاء ..اوووف خررب كتلو احم هلا جليل شلونك
جليل ..من شفتج صرت زين انتي شلونج شخبارج ان شاءالله كدر شاهين يسعدج
شهلاء ..اللهم طولج ياروحي ..كتلو الحمدلله زينه يله عن اذنك
جليل ..دقيقه شبيج تريدين تنهزمين ..اني مباركتلج ولو متأخرة بس مبرووك ان شاءالله شاهين يكدر ينطيج الي ماكدرت اني انطي الج ويسعدج ..

شهلاء ..اشكرك الله يبارك بيك خفت شاهين يجي ع غفله والله لايسوي عززة بهل بيت ..ركضت عفتو وطبيت جوه سمعتو يصيحني ياعمي داسلم ع حالك تريد شاهين يجنزك مثل كل وكت ..
جليل ..حسيت انسلبت روحي مني من شفتها اااااااه يگلبي الله يكون بعونك ...
طبيت جوه شفت مرت عمي سلمت عليها وسئلتها وين ستار
ام شاهين ..والله بمكتبو بعدو مجاي
جليل ..اهاا عندي شغلة ويا تخص القضايا وحاير بيها ردت استشيرو دكيت عليه تلفونو مغلق عبالي جاي للبيت
ام شاهين ..لا والله اتأخر اليوم يمكن عندو قضية بالمحكمة ..
جليل ..ماشي عمة من يجي خلي يجيني للبيت شغلة ضرورية فدوة
ام شاهين ..صاار يمه ان شاءالله ..اكعد شكو وكفت خلي اصبلك جاي
جليل ..لا عمة عندي شغل والله يله سلميلنه ع عمي والولد مع السلامة ..طلعت ودافتح باب الحوش جان يصير شاهين بوجهي
شاهين ..ها ولك شو داير هواك علينه اليوم خير ياطير شعندك هنا
جليل ..لتكول ولك افتهمت عندي شغلة ويه ستار يله اريد اروح وخر
شاهين .. من سمعتو هيج جاوبني احترك دمي لزمتو من ياختو ودفعتو ع الحايط وخنكتو بيدي الثانية اتكطعت دكم قميصو كتلو من تتكلم وياي ثمن كلامك لاوحق الكعبة ادفنك بكاعك ياكلب ..
جليل ..صرخت بوجهو شيل ايدك عني وخر الله لايبارك بيك
شاهين ..هذا البيت بعد لاتعتب عتبتو واذا شفتك مرة ثانية هنا اكسرلك رجلك واخليك مكسح ...
جليل ..مجاي لبيتك هذا بيت عمي زين ..راد يضربني بهل لحظة طلعت مرت عمي تركض فكتني من ايدو المتوحش ..عدلت نفسي وصكيت سنوني وطلعت
ام شاهين ..يمه شبيك ع الولد عوفو بحالو ترا مو غريب ابن عمك ومن حقو يجي لبيتنه ..
شاهين ..يمه اذا جليل دخل للبيت اخذ حرمتي واطلع من البيت وبعد متشوفون وجهي ابد
ام شاهين ..انعل الشيطان يمه دفوت طب الله يهديك
شاهين ...اوووف هذا شوكت راح اخلص من جايتو للبيت لازم استعجل واشيل من بيت اهلي واسكن ابيتي ماريدو يوميه ناطلي هنا وشهلاء بالبيت ..طبيت للبيت صعدت لغرفتي شفت شهلاء امدده ع الجرباية ودايره وجها من الصفحة الثانية ..نزعت ملابسي واتمدد وراها وحظنتها هيه فزت ..كتلها شنو جنتي نايمة ولج.
شهلاء ..ههههه فززتني والله ..شوية غفيت مادري
شاهين ..شبيج شو لونج مخطوف صاير شي ..
شهلاء ..احم شنو لا شكو شصاير يعني ..اوووف الله شهل كابوس الي داعيشو ..كتلو حبيبي شوكت نعيش ابيتنه
شاهين ..ليش شهلاء احجي شصاير ترا احرك البيت هسه
شهلاء ..حطيت ايدي ع حلكو وكتله اششششش لتصيح شبيك مصاير شي والله بس اضوج هذا جليل كل وكت ينط هنا بحجة ستار واني اليوم الي فتحتلو الباب والله ماجنت اعرف هوه وشافني
شاهين ..اووويلي يالكعبة عرفت شايفج الكلب هففففففف احترك دمي ...لا ان شاءالله استعجل ماظل شي ويكمل الكراج واذا حتم عليه الامر انشيل حتى لو مو كامل
شهلاء ..لا حبيبي خلي يكمل ماريد اروح انوب عماله وهوسه ع راسي
شاهين ..الله كريم خما سمعج لغوة هل كلب
شهلاء ..احم .ها لالا بس سلم عليه واني رأسا عفته وطبيت جوه للبيت
شاهين ..اي عفيه
بعد مرور شهرين من الزواج ..
انتقلوا شاهين وشهلاء لبيتهم الجديد بس شيماء بقت ابيت عيالها لان ستار شغلو مو شي ميكدر يفتح بيت وحدو خطية ..
شهلاء ..بيوم جنت نايمه بحظن شاهين والعب بشعر صدرو كتلو حبيبي شو اني ماحبلت ليش
شاهين ..ههههههههه طكيت ضحك كتلها شبيج حبيبي تره ذاك اليوم احنه اتزوجنه شبيج مستعجلة ع دوخة الراس .
شهلاء ..حبيبي شسوي انت من تلتحق لدوامك اني ابقه اسبوع يم اهلي لو عندي جهال اقل ابقه ابيتي والتهي بيهم وماطلع ..
شاهين ..الله كريم حبيبي ان شاءالله تحبلين ويصير عدنه كومه جهال لحد ماتكومين تتعاركين ويايه من وراهم 😂 ..وثم الجهال ياخذوج مني ويحرموني منج راح تلتهين بيهم وتعوفين حظن شاهين حبيبج
شهلاء ..هههههه محد يلهيني عن حظنك بس الموت ..اذا اني متت ذاك الوكت ماكدر احظنك ولازم تعذرني بوكتها
شاهين ..اشششش وجع شنو هل حجي لتجيبين طاري الموت ولا الفراق تره مابيه والله يكفي 4 سنوات انحرمت منج ومن حظنج وبقيت بين 4 جدران اصارع الاشتياق ..اووويلي الله ليعودها ذيج الايام شجان يصير بحالي شلت ايدها وحطيها ع حلكي وكمت ابوس بيها كتلها جنت يوميه احلم بيج واتخايلج بحظني مثل هسه اااااخ متت لحد ماتحققت
شهلاء ..ههههههههه اي يعني صرت بالنسبة الك صعبة المنال 😌
شاهين ..اي ولج مو بس منال حتى نظال واقبال وانفال 😂
شهلاء ..ضربتو ع صدرو كتلو عابت ابو النسوان هذني اكيد صديقاتك
شاهين ..اي اشمدريج ولج
شهلاء ..اهووووو لتخبلني تره والله اعوفك وانام هسه
شاهين ..😂 امووت عليج من تتعصبين وتنشخطين ههههههه ..
غير احبج واشاقيج واداهرج ..ولج اموت ولا زعلج ولا تعوفيني شو تعالي ولج اليوم ميبستها عليه مو حبيبج جاي من دوامو وعطشان لحظنج ولشفايفج شبيج بخيلة وبقيت ابوس بيها وادغدغها ..
شهلاء ..هههههه لالالا الله عليك اغار لتدغدغني حباب كافي كافي بطني كامت توجعني كااافي عااااا 😂
..
ومرت الايام ومر ع زواجنه 4 اشهر ..بيوم جنت دانظف بيتي ودك موبايلي شلتو جانت اختي شيماء الووو
شهلاء ..هلا حبيبتي شلونج
شيماء ..الحمدلله خيتي وعندي الج بشارة اتجنن 😁
شهلاء ..اي ولج بشريني خير ان شاءالله
شيماء ..اختج حاااامل 🙈
شهلاء ..بالرغم ما انصدمت من الخبر بس فرحت لان هاي اختي واتمنالها الخير ..مانكر شوية انقهرت لان اني لحد هسه ماحبلت وبقيت كل شهر انتظر وماكو فايدة ..كتلها الف الف مبروووك حبيبتي ان شاءالله ربي يتمم عليج بالخير وتكومين بالسلامة حياتي ..ستار شسوه من سمع الخبر 😁
شيماء ..اوووووو طاير من الفرحة وشالني وحطني ع الجرباية وحذرني اشتغل بس اني وين اكدر هههههههه
شهلاء ..ياروحي فدووة والله وراح انشوف زعاطيطج ههههههههه
بشرتي اهلنه
شيماء ..اي اول شي خابرت ماما وبعدين خابرتج
شهلاء ..اي عفيه متروحين الخميس لاهلنه انبات لان مخنوكه لان شاهين يلتحق للوحدة مالتو يذبني يم اهلي ويروح ...
شيماء ..والله مادري اشوف ستار شيكول اخاف ميقبل ابات اذا قبل اروح اني هم ضايجة .
شهلاء ..ماشي حبي عجل انتظر تلفون منج ..
سديت الخط واتنفست بعمق وكمشت بطني كدام المرايه وكلت شوكت تشيلين طفل شاهين و وكفت دمعه بطارف عيني مخليتها تنزل مسحت عيوني ورحت كملت تنظيف وطبيت سبحت ولبست دشداشة نوم خفيفه ومكيجت ومشطت شعري وشلته ليفوك ..سمعت صوت الهورن مال سيارة شاهين ..نزلت وفتحت باب الهول وطب وحظني وباسني كال شبيج حبيبي شو احسج مو ع بعضج ..
شهلاء ..ها لا مابيه شي حبيبي روح اسبح حتى نتغدة سوه
شاهين ..ماشي يروحي ..ادري البيها بس اتضم عليه اكيد اختها بشرتها مثل ماستار بشرني بحمل شيماء ..واكيد مقهورة لان هيه ماحبلت ليهسه ..بس شبيدي عليج ياعمري هذا كلو بيد الله احنه مالنه يد بي ..رحت للحمام سبحت وطلعت حطيت المنشفه ع راسي وبقيت انشف شعري جان تحظني من وره شهلاء كالت حبيبي مضايج انت
كتلها لاحبيبي ليش اضوج وحبيبة عمري بحظني ..انداريت عليها وحظنتها وبستها من خدها كتلها شبيج يابعد اهلي وناسي ليش اشوف الحزن بعيونج ...اذا كدرتي اتضمي ع العالم كلها ماتكدرين اتضمي ع شاهين لان انتي نفسي الي بين ضلوعي واحس بيج بس ادحج بعيونج ..احجيلي شنو المزعل غزالتي الحلوة
شهلاء ..😔😔😔
شاهين ..الله كل هذا قهر بكلبج وساكته ..ولج احجي كولي لتخليني الطم شنو الي مقهرج
شهلاء ..حبيبي شوكت راح اصير أم 😔😔
شاهين ..اوووف منج يعني الله عليج هذا موضوع تنقهرين من ورا ..متعرفين هل شي بيد ربنه وهوه وحدو الي يرزق الذرية لبني ادم
شهلاء ..ونعم بالله 😔
بس اريد اصير أم احب يكون عندي طفل من صلبك ويملي عليه البيت هوسه وعياط وصياح ولعب اريدو يشبهك ونفس ملامحك وشراستك
شاهين .. هههههههههه لالالا كوولشي اله شراستي الولد يتعذب بحياتو خلي ولد هادئ وحلوو ع امو 😉
شهلاء ..ههههه ان شاءالله حبيبي ..بس ادعيلي هل شهر احبل 😔😔
شاهين ..لتضوجين يگلبي ترا اموت والله ماريد اشوف دمعة عينج تراها عزيزة هل دموع ..انتي بس كولي يالله وان شاءالله ربنه يجبر بخاطرنه وتحملين هل شهر ونفرح كلنه بيج ..
شهلاء ..ياااااا الله 😢
شاهين ..دفنت راسها بصدري وكامت تبجي ورفعت راسها كتلها شكلت اني مو ماريد اشوف دموعج ..ولج قابل احنه صارلنه شكد مزوجين يمعودة اكو ناس سنين ومفاقدين الامل برب العالمين شبيج اصبري ..وخلي املج بالله كبير
شهلاء ..مسحت دموعي وابتسمت كتلو ان شاءالله حبيبي ..يله تعال انزل حتى نتغدة
شاهين ..سحبتها عليه وحظنتها كتلها ماكو شي قبل الغدة يعني 🤔
شهلاء ..شي مثل شنو يعني 🤔
شاهين ..مثل هذا يعني .. شلتها ونيمتها ع الجرباية وووووووووووو
شهلاء ..هههههههه اووووف منك ولاتكعد راحة دكوم يله ..
شاهين ..شسويلج انتي كوه تتحارشين بيه 😂
شهلاء ..اصخام اني اتحارشت بيك شكد جذاب
شاهين ..كومي صبيلنه الغدة تره اكلج هل مرة😂
شهلاء ..اصخام ..
كمزت من فراشي طبيت للحمام سبحت ونزلت حضرت الغدة واتغدينه وصعدت حظرت جنطتو لان راح يلتحق اليوم
شاهين ..طبيت سبحت ولبست بدلتي العسكرية وكتلها يله كملي حتى اوصلج لبيت اهلج
شهلاء ..ماعندي شي كملت هاي جنطتك هم حظرتها
شاهين ..عاشت ايدج حبيبي ..يله امشينه
شهلاء ..صعدت بالسيارة وصلني لاهلي وراح هوه لدوامو طبيت شفت شيماء هم هناك باركتلها مرة ثانية ع حملها ..
وسلمت عليهم وكعدت ..
شيماء ..ها شاهين التحق خطية
شهلاء ..اي والله خطية ..احجيلي شخبار بطنج
شيماء ..الحمدلله زينه بس شوية عندي وحام قوي تلعب نفسي من اكل معين ..
زهور ..اي يمه عادي بس بأول الاشهر الاولى شوية قوية الاوحام بس بعدين اتخف وتصيرين احسن
شيماء ..اي صحيح ماما الدكتورة كلتلي من وداني ستار راجعتها
شهلاء ..شسمها الدكتورة اريد اروح اجيك نفسي
شيماء ..دكتورة بان هنا قريبه ع اهلي والله خووش دكتورة وحتى لازم حجز
زهور ..ادري ابنتي بداخلها مقهورة لان اختها اصغر منها حبلت وهيه لا خفت تتأذه كتلها تريدين يمه اوديج
شهلاء ..ها .. والله مادري مكتلو لشاهين .
شيماء ..عادي حبي اتصلي عليه وانطي خبر
شهلاء ..هيج اتشوفون يعني ..
زهور ..اي يمه يله اتصلي عليه حتى نحجزلج يمها وشوفي شوكت تنطيج رقم
شهلاء ..ماشي 😁 طلعت تلفوني واتصلت ع شاهين رد عليه الووو كتلو هلا حبيبي ردت اطلب منك طلب ممكن
شاهين ..عيوني الج حبيبي كولي
شهلاء ..سالمة عيونك يغالي ..ردت اروح للدكتورة حتى افحص شتكول
شاهين ..امممممم ..ماشي حبيبي روحي اذا هل شي يريحج وديري بالج ع نفسج ابوية ..
شهلاء ..ان شاءالله حبيبي صااار يله توصل بالسلامة ان شاءالله
شاهين ..الله يسلمج يروحي ..
شهلاء ..يله شيماء انطيني رقم الدكتورة حتى اشوف الحجز شوكت تنطي الي
شيماء ..اي حبي خلي اطلع تلفوني خازنته بي ..طلعت تلفوني ونطيتها رقم الدكتورة بان ..وخابرتها ماما ونطتها موعد الحجز عكب باجر ساعة ب5 العصر ..
شهلاء ..الحمدلله زين يعني بعدني هنا يمكم
زهور ..اي يمه ان شاءالله اوديج ويصير خير يارب ..
شهلاء ..ان شاءالله خير ..كمنه ويه ماما انحظر العشه اجه بابا وليث من بره وكعدنه كلنه اتعشينه ..تالي الليل اجه ستار ع شيماء ماخلاها تبات اووف منكم ولد عمو جاسم يموتون ع نسوانهم هههههههه
راحت شيماء وبقيت بس اني يم اهلي كعدت يم ماما ونمت بحظنها كتلها مشتاقه لحظنج ماما اريد افضفضلج الي بگلبي
زهور ..اسم الله يمه اشبيج طبعا اول مجيتي عرفت انتي مهمومه ..
شهلاء 😢
ماما خايفه لا اطلع ماخلف وشاهين يتزوج عليه😭
زهور ..اششششش ياستار اشبيج امفولة ع نفسج يمه كولي يالله قابل صارلج شكد متزوجه انتي
شهلاء ..ماما هسه مو شيماء حبلت ليش اني ماحبلت فهميني😔
زهور ..لا يمه ميصير هيج تحجين حرام لان هل شي بيد الله والارزاق الله وحدو يوزعها ومندري شوكت ينطيج رزقج انتي اصبري وكولي يالله وان شاءالله ربج ينطيج الذرية الصالحة
شهلاء ..امييين يارب
وصار موعد الحجز وبدلت ورحت اني وماما ودخلنه للدكتورة وكلتلي نعم بنتي من شنو تشكين
شهلاء ..دكتورة صارلي تقريبا اكثر من 4 اشهر مزوجه ومصار عندي حمل
الدكتورة ..ماشي نامي ماما ع السرير حتى افحصج ..
نمت وجنت خايفه وگلبي يدك خايفه من النتيجة ومن الي راح اتكوله الدكتورة شنو سبب تأخري بالحمل ..
