رواية الطاغية والمغرور الفصل الثامن عشر بقلم يارا الياسري
خودان من شافتني صرخت مامي أني بعد
من شفت شيراز وعيونه شرر يتطافر منهن
ردت أرجع بس ألتفتت صوت ركضة خودان
ينسمع بقيت حايرة بين اروح ابقى
اباوع طفلة برئية ركضت لاحضاني
ومتسلط من صخر يخوزر كدامي خفت هوواي
بس بقيت واكفه خلاص يعني هي
شافتني فات الفوت ماينفع الصوت
قربت وحضنتني
بين هالطفلة وغضب ابوها حسيت بالم فضيع
براسي وماعرفةشتصرف تشتت
وخفت لكدامي واحد مامعروف شيسوي
ولا لبراس شنو واني عبارة عن وحدة ماتسوة
بنظره القلق زاد بضربات كلبي
وعيونه قاسية من اشوفهن احس بشي من
الاعتصار كأن هالعيون قيود تنقبض على
روحي .
دنگت وصرت بطولها شبگتني وقابلتها بنفس
الحضن هي رادت امان احضاني بس اني
منو ليكون أماني ويحتضني بنص هالوضع
ومااحس شيراز الا شلعها مني گوة وبقسووة
ملخها من ايدها وهي تبجي وتصررخ مامي
مامي ماكدرت أتحمل انقهرت عليها وعيوني
دمعن
وكلبي فرفح بغضب سريع حجيت
على كيفك وياها .
ترى طفلة مو محارب كدامك .
خزرني بأحتقار وتهديد راجعلج وصااح
فريااال قزح وينجن يحجي بكل غضب ؟؟
فريال أعرفها من اسمها السورية بس قزح
من قزح بعينك منو هااي ؟؟؟
واحس من تهديده لزمتني معدتي وخفت
توترت شي بداخلي مامرتاح .
ضياع كلشي احس بي ضياع غموض سراب
ووأوهام
اجت بنية عيونها خضر وحليوة مخرطه
ملامحها وگفت متصنمة بوجهي تباوع
وانجفلت وبتعجب
وتكرر جلبهاااار !!!!!
خزرها وفززها بغضبه أخذي خوودان قززح
اخذيها .
قزح مامصدكه ومبين احساسها بالصدمة
جلبهااار عايشة ؟!!!
شيراز وماتحمل بكل عصبية صااح أخذي خود
هي أخذتها منه بس خودان تصرخ وملخت
نفسها تملخ أنقهرت عليها هواي وحسيت
كلبي تكطع ردت أكولها
حبيبتي مو أمج اني لاتبجين هالكد علية .
بس خفت يصيرلها شي وردت أتجرء واخذها
منه بس ماادري وكفت بخوف اي خفت
واحد خبل مامعروف شيسوي مااكدر
اجازف شفته بالليل شسوه .
بقيت وأكفة بمگاني وخايفة اباوع مترقبة
شراح يسوي ودكات كلبي تنسمع .
شسوي شكول حايرة وخايفة
كلةاحاسيس القلق صابتني بلحضة
وهو يقترب وأني ارجع
لوراا وعيونه مخترقتني مثل ليزر ناري .
حسيت روحي بعد لحضات أموع گدامه
زين لو اعرف عليمن حابسني همات أرتاح
شوية بلعت ريگ وتشنج جسمي
من أتذكر شلون نزعني
كلشي يصيبني غثيان ودوخة بالمعدة .
واضطراب بكل أجهزة جسمي احس جسمي
يرتج مثل وحدة ستوها مكتولة
باقي جسمها ينتل شي بشي .
صفني للحايط وخله أيدي من حواليه وكال
وهو يكز على اسنانه وحروف كلماته .
والواضح من ملامحه أحساسه بالعجز على
الاغلب شوفة خودان الي هو العجز
الاقوى لان طفلة مراح اتميز الفارق بيني وبين
أمها.
هسهسه باذني ممزوج صوته بكرهه وگان
ماطايق اسمي ولا وجودي .
رحيق رحيق ررررحيق يا عاهرة مالج حل
بت النعال كلتلج انطمي وگعدي گاعدة
تفرفرين بيت لخلفج ؟؟عازمج ؟
لو الا أحبسج واقفل عليج
دحليها هسه مامصدك
يمته اخلص منج خليتي خودان تشوفج .
رحيق بخفة دم وترعش : ليش خليتني هنا
أذ لهدرجة مسببتتلك مشكلة تكدر تخليني
بشقة خاصة بيت خاص معقولة كل هالمال
وماعدك الا هالفيلا .
مااحس الا صاح بوجهي فكس لعينج لحسدتني
لو عندي مليارات مااهون بعاهرة مثلج .
أكلي نعل وتحملي فترة هنا لا اطيح لحضج.
لو مشتهية الملاهي ماتحملتي فرگتهن يوم ؟؟
رحيق باوعتله بتكبر ونص عين
كلامك مرجوع الك لكن سلاطة لسان ممزوجة
برعشة خوف واحساس بالضياع
.
مااحس الا ضغط علية وجسمه صار ملزوكة
بية فتحت عيوني بوسعهن رافضة
هالحركة منه وكلت بكل أصرار وخر عني
مالك حق تلمسني بهالقذارة وهو يخوزر
هسهس بكز على أسنانه مو گلت لاتطلعين
لو الدودة لبيج ماترتاح .
عاجبج أنهيج أموتج .
رحيق بغرور : عليمن گاتلة امك أبوك بعدين
من حقي اعرف ليش حابسني عندك ؟؟
شيراز : أكحل عيوني بخلقتج شووية ونزلت
قزح مفزوعة تبجي .
قزح بخوف استاذ الحك خودان ضربت
ايدها بالطاولة وتنزف دم بفضاعة .
عافني وركض بخوف وملامح وجه
انكلبت وأصفر لونه
للطابق الثاني لحكت ومااحس
الا قزح دفعتني بحقد حسيت بكرهه وعدم
راحة الها مو مريحة لكن مو مهم خفت على
خودان وصعدت .
وبقلبي كلت بكل حقد كبر ليكبرج انتي وشيراز
شالها بسرعة ونزل بيها وقزح وياه
طلعت وراهم بس دفعني بكل كراهية
وكعت بالارض حسيت بذلة وأهانة وعذاب ضمير
تندمت لو ماطالعة ماصار بهالطفلة هيج .
نهضت بجسمي واجت فريال
تدعي وكومتني. وكفت يمها أنكت بملابسي
بس خايفة هووواي عليها وحسيت عذاب الضمير
ذبحني اذ صارلها شي شلون واذ لاسامح الله
تعوقت ايدها تخبلت لشوية
.
فريال ليش طلعتي يابنتي شوبدك تساوي هون ؟؟
رحيق مو بالاول أفهم اني حتى اجاوبج
واذ عاجبكم أسري قفلوا المخزن علية حجيتها
بغضب ونرفزة لان مابقت بيه طاقة تحملةصبر
صرت اي احساس يجي بداخلي اتصرف بي
بغضب بالام تعبت هوواي .
اقاوم بنص ريح عاتية وأراضي رملية تغرفني
لاسفلها .
رجعت وبس انفخ غضب وتوتر كلش لعبت
روحي من لديصير دوامة مالها نهاية
ووضع مامفهوم غموض بقيت بالمطبخ اصفن
وحايرة ساعة العب بلسجينة ساعة
اشكك گلنكس اريد اهدى شوية افصل أفكار
متشائمة ماادري غركت بيأس وقلق جبار .
وفريال كملت واجت سالتها أتصلتِ بيهم .
فريال : لا يابنتي هلا بتصل بقزح شوية واتصلت
وغلقت التلفون وكالت
فوتتها للعمليات يامسكينة هاابنت شو تعذبت
مابقى شي ماصار معها .
الله يرحمها لجلبهار گانت تعاملها گانها اميرة
وعطول بتضحكها هلا بالحزن أنهملت .
أخخخ فراق ألام شو بيذل .
رحيق الله يحميها حجيتها ببرود بس
بداخلي نار مشتعله عليها لو بيدي اروح
وأطمئن طيب ابوها موجود ليش
البنية هشكل حالتها ؟؟
أومات وگالت الك ابوها بيعطي أومر وبيجبر
الاكل بينفذها وفوق كل هذا اابنت ماعم تنسى
جثة أمها قدام عينها .
رحيق بجفلة وخلاص حسيت رجلية مايحملوني
بعد زاد خوفي من شيراز أكثر
شنوو شنوووو وتكز على حروفها
منو موتها شلون ؟؟؟
فريال ااخ يابتي شو خصك بهالحكي بنص
هالكلام واندك الجرس ومن بعده رجعت
فريال ومعها الشاب الي بالليل اجه لشيراز .
راغب : دخل وراها لفريال لكن قبل لايحجي
جمالها لرحيق سكته اردف بمشاگسة
قابلت تعجب رحيق . .
شنووو القطة البرية بشوراع المدينة .
باوعتله بحقد ممزوج بفزع وتشتت
واني على السنك مرتگئة تنهدت ودرت وجهي
بعدم اهتمام ماناقصني بعد مصيبة .
.
راغب مط شفة واخذ تفاحة ببرود اتصلت
بشيراز
كال خودان بالعمليات ومارضى اروح لعند
أجيت لهنا اشوف الاوضاع صدك بس لا خودان
شافتج ؟؟
خزرته بصمت رهيب عكس البركان ليغلي
بروحي هو بطران واني بالهم غركانه .
.
راغب شبيج خرسة ؟؟؟ لو طرشة ؟ بداعتي
لو طلعتي وحده منهن ايسي بعد يشتريج
شيراز يرجعج لسهيل. بالف ويل قبل .
باوعتله وحجيت بلهفه ماصدكت نطق
معناها يعرف سبب وجودي هنا ردت بس اعرف
ليش انت تعرف سبب الي أشتراني علمود
شيراز .
راغب بسخرية ههههه شلون مااعرف وأني
العقل المدبر والمخطط لهالمخطط كله .
بس جد رقصج فل زي الفل شنو حية شنو
رشاقة شنو خصر يذوب قلوب ..
وكالها بكل رغبة خلي ابالج مستعد أتزوجج
عرفي اول ماينهي شيراز شغله منج .
رحيق بجسارة شكد ماتستحي ورخيص
حسيت روحي ارخص من اارخيصة ياهو ليجي
لو تعاية نامي لو تعاية اتزوجج عرفي حقدت
على جنس ادم بشكل وعلى روحي لو ميتة
ولا هالذلة لعشتها من يوم ماطلعت من ذاك الكبر
تحولت حياتي لجحيم والف كبر أطلع من واحد
ادخل بثاني خنكة وحسرة وكل مشاعر السلبية
صارت جزء لايتجزء من حياتي لازم انهار
واتعب يله يرتاحون اريد افهم والحيرة ماكلتني
معقولة هالكون وهالاثنين قضياهم أدور بس على
رحيق قحط بنات ليل لو قحط نسوان .
مع ذلك ما بينت أستسللامي لو بداخلي مشتعله
لهيب ماابين الا قوة مو علمود شي بس حتى
أنطي لمقابل ايعاز بقوتي وجبروتي وماانتظر
شفقة منه ولا ذله ولا استغلال .
حجيت بقوة شنو شايف گدامك .
راغب بنت ليل من ملاهي جبنانج بس
لا شريفة تطلعين !!! وضحك بسخرية .
بقيت مصفنة وعيوني بنص عيونه وأبتسمت
أبتسامة جانبية مخيفة وسكتت رغم
بداخلي هواي غلط ورزايل لهيج واحد بس
مو وقت ولا مكان مناسب .
طلعت بغضب من المطبخ أوفف منو
هذا الثاني حقير بنص حقير وتحمليهم رحيق .
بقيت الوب والوذ بالمخزن لحد الليل ماكو حس
ولاخبر ولا اكل فريال ضاربها حزن على خودا
كلشي ماسوت بقيت اصفن بين حايط وحديقة
مو احسن من وضعها حيل قلقت وخفت
مااريد أحد بريء يتاذ بسبي كل مايجي
شكله بدمها وصريخها گدمي أتشقشعر
وتلزمني برده
لليل گولش أسمع صووتهم طلعت من المخزن
أنوب ترددت رجعت لايشوفني ويبقى يحجي .
ماعرف شنو مزاجه ولا اني عندي مزاج
أتحمله گلش احس نفسيتي برغم ألامل بس
هي متعبة .
رجعت كعدت على المندر وصافنة والف فكرة
براسي شلون اشوفها لخودان
مااحس الا
شيراز دخل مثل اعصار ودفرني بنص بطني
هي صرخة وهو نومني على الفراش
وأعتلى جسمي
وعيونه شرر ونيران يتطاير منهن ويتنفس بقوة
ولهيب انفاسه لسعني لسع .
لج أنهيج والله أنهيج لو جرالها شي بسبج
راح تتصرفين گانك أمها لمدة من الوقت
وتنفذين كلشي اكولج علي لحين ما تجز نفسها
منج وترفض بقاءج هنااااا
أفتهمتِ. ورجع صاااح بعلو صووته أفتهمتِ
حسج عينج تتصرفين بغير شي ابهذل احوالج
أسبوع ورفع أصبعه بوجهي حدج أسبوع تكرهيها
بيج ضربيها عنفيها كون خودان تجي وتكلي
مااريدها والا أبلغ كل عائلتج بعدج عايشة
وبملاهي بغداد تشتغلين ساعتها غسل عار
على البلادي يغسلوج .
كلةالموقف بس خوف ورجفه باحساسي بس من
كال اهلج هنا حسيت بشي بحجرة وقفت انفاسي
بحيرة صرت سكتت وبس بداخلي ضجيج
سكتت لان ماكو ولا شي يوصف لحسيت يعني
انصدمت اسال منين تعرف قصتي لو ليش
تريد أسوي لبنتك هيج لووو شنوو
اني نفسي ماجاي افهم ليصير احس بشفتي
ترجف ويابسه وراسي صدع .
وكلشي بداخلي خايف خايفة لحضات من خوف
والقرار بداخلهم ضياع شختار والا هوو أكو
خيار ماكو خيار هو يا اكول لاهلج زين
منين يعرف اهلي بنص هااضيم خلاني بحيرة
ضلمة مظلمة بقيت ساكته وهو كام عني
بكل برود مصحوب برجفة خوف على بنيته
شيراز بتوتر باعي كلامي مرة مرتين ماينعاد
خودان حتكرهج خلال اسبوع والا نحضر
دفنج بعد هالاسبوع .
وخلاني بصدمتي وطلع أحر ماعندي أبرد ماعنده
گعدت ورجعت شمرت راسي على المخدة
ورفعتهاةمن جوه راسي خليتها فوك راسي
وخليت فمي بالمندر وصررخت بقووةة ودموع
ليششش ياربي ليش ليش كل ماكول فرجت
أرجع لبشر ماادري من ياملة وين اروح
وين أنطي الوجه مابقى ضيم ماشفت والله تعبت
ياربي فرجها عاد ارحمني مو روحي ماضل صبر
بيها بقيت أون وصافنة بس دموعي تجري
شسوي وشنو نهايتي گلشي يتجول براسي
ودمر كل اعصابي هيج أحس اعصابي يردن
ينفجرنّ ويطلعن مثل دود يمشي بيهن .
من كثر التعب نمت وغفيت ماحسيت الا أيد
نمدت علية فزيت مخروعة وصرخت المن
شفتها فريال تنفست بعمق وتنهدت .
أوف خالة خرعتيني لزمت قلبي ليصعد وينزل
بجنون وراسي مصدع رفعت كفي ضغطت
راسي. راسي راح ينفجر .
فريال شو بكي لك بنتي ؟؟
رحيق بعيون مورمة من الدموع راسي فدوة
علاج شي راح ينفجر افتح عيوني بالكوة
كرهت كلشي حياتي وكلشي كلشي ردت بهاللحضة
اروح واكوله خلاص بلغ اهلي خلي اموت
وأخلص مو متتت الف موته والف ذلة امد هيج
عيشة بين الانذال .
جابتلي حباية وشربتها وطلبت منها شال اي
شي جابتلي شيله خفيفية سودة لفيتها
على. راسي وعصرته وحطيت على المخدة
ولازمته اعصر بي شسوي ياربي.شسوي ؟
بعد مااخذت الحباية مفعولها رجعت غفيت
وماصحيتالا على صوت قزح يكعدني
قزح بكل غرور وكره واضح كومي كعدي
كومي بنتر واعصاب .
رحيق رفعت راسي وبعده مصدع ومغوشة عيوني
خير شتردين رديت بكرهه .
قزح خاتون صدكتِ روحج مطمورة
باوعتلها بحقد كرهتها يعني هسه
شتعرفين عني وتتصرفين بهالنذالة وفوكها راسي
موتني مامتحملة حرف يعني لو مو شوية
مرعتدها لبية مكفيني كمت وياها انتبهت
لملابسها لابسة فستان تركي طويل بالون
زيتوني وكعب ولابسة شال بس مطلعه كذلة .
كمت وشوية وباوعتلي بقرف. .
قزح ويع شهالريحة .
حيل ضجت يعني شايفتني جاية من جاكوزي
محبوسة بنص مخزن وطايح حظي وهاي
تتبطر ماكدرت اسكت والله عيني ريحتج
الفايحة ومعطرة المكان .
قزح بغضب والغيرة بقلبها لج احترمي
لا اطيح لحضج اني هنا الكل بالكل .
ولا تفرحين بشبهج بجلبهار مراح يغير شي
امشي لبسي ملابس مثل البشر وتصرفي
بكلام شيراز وكرهي خودان بيج .
تنهدت ومامصدكة كلامهم من كلةعقلكم
شنو اكرهه بيه شنو هالتخبيص شايفيني
ممثلة بمسرح الوطني ترى بشر مثلكم بعدين
لفهمت هي معتبرتني امها ليش حتى أكرهه
بامها حجيتها بعقدة حاجب وفاتحه عيوني
بشكل مخيف .
قزح والله وطلعلج صوت عاد سوي لكال شيراز
لو تتحملين العقاب .
رحيق فار دمي شنو اتحمل غير أفتهم ليش ؟؟
وشلون اكرهه بيه .
سهل الانسان يكره أم .
قزح سهل أذ عذبتيها وضربتيها وخليتها تكرهج
وماتطيقج وضيعتي الامان لتحس ويا امها
رحيق تكتفت واذ ماسويت هيج ؟؟
قزح بجدل : شيراز يرد عليج ساعتها امشي كدامي
مشيت كدامها وصعدتني لغرفتها على الاغلب
أثاثها حلو بالون الذهبي انطتني فستان تركي
باللون النيلي وحذاء رياضي ابيض وشال .
لبستهم واخذتني كالت هنا وكفتني يم غرفة
انتابتني قشعريرة رجفه لازم أمثل علىىطفلة
اني امها زين شنو ذنبها تعيش بكذبه شنو
غايتهم لا مااكدر هالتراجع والمشاعر بقلبي
بس الثبات واضح بشكلي فتحت الباب دخلت
لكيتها نايمة وايدها خطية كلها ملفوفة
مخليتها على مخده وهي نايمة قهرتني .
والله حسيت كلبي انمرد بعدها شمفهمها
بالجرح اووي من تخيل الجرح يصل عليها
رجفت من يمي وحسيت الوجع بجسمي.
شوية ورجعت قزح هسهست ترى منطيها مهدئه
قوي بوقت متأخر ماتكعد .
باوعتلها بخزرة وانتي شكووو ؟؟
اريد ابقى يمها أجت عليه قزح كرصتني دفعت
ايدها ايدج لاتمديها افتهمتِ
قزح معصبة وكارهه وجودي هددت بشيراز
غلست عبالها اخاف عادي هالخد تعود على
اللطم شرد أسوي بقيت عاجزه بنص هالهوامير
رحت أمشي باوعت من البلگونه للاسفل شفت
أبهر أجه وگعد يم شيراز جووه بالحديقة .
بس الواضح من شكله معصب وأكو شي مضايقه .
بالاسفل
شيراز بفرحة كام ابهر ابن اختي زين وتذكرت
تجيني .
ابهر بعصبية : خالو سؤال انت ورا تهديد عمي؟
شيراز بضحكة أنتصار. مو شرط اني غيري
هواي ضده ليش وجهت السؤال الي؟
استريح وارتاح بدون اعصاب هاي سياسة
والبقاء للاقوى عمك انتهى وقته
وأني بلش وقتي شنو. الربط ويا التهديد
ابهر بعصبية أكثر : خالوا شنو الربط انت
ملاحظ مخليني بحيرة بين عمي وخالي
مافكرت لو عمي درة انت ورااا هالسالفه
شيصير ليش هالتصرفات اذ مال فانت
عندك أموال وجاه شنو الرايده بعد؟؟
شيراز رفع حواجبه وكتم مشاعر الغضب
لجتاحت وتنهد بتنفيس لكن ماكدر
يضم احساسه بحب السلطة ورد كلام
صريح السلطة يابن اختي السلطة هي غايتي
وليش گل هالغضب عمك غلط واحنه
استفادينة ماعلية بلصار وليش تحاورني
وگان بس اني بمگانة ضد عمك وبعدين
عمك تهددد بشي هو مسوي اني شنو خصني
كايل اغلط علاقتي بهالموضوع شنووو؟؟؟
أبهر : خالي اعرف أنك تحاول تصعد بس
لاتصعد على اجتاف عائلتك .
وكلشي ينكشف لاتخلي السلطة تعميك .
هنا عصب شيراز وكام بعصبية أبهر نسيت
لكدامك خالك مو زعطوط ولا بعمرك أحترم
ولو تحجي بكلام بي حظ لو لاتتدخل
من يومك يومك سياسة ماتخصك شغيرك
ابهر بحدية وبعدني بنفسرالعقلية بس من اعرف
خالي مهددد عمي يوكف الشعر براسي ..
شيراز ضرب بكل عصبية كوب الكهوة بكف
ايده منو وصلك هالكلام منو كلك هددته ؟
ابهر بأنتصار ترى مو بس انت عندك أذان تسمع
من الحيطان بين يومين يقرر عمي ينسحب
بيسان تنخطف. عمي يقررر بليلة وضحاها
بيع الفيلا يامني على بنته گل هذااا وخالي
المفروض يكون عون مختفي وفوك كل
هذااا خالي بجهه ضده عمي وتريد تقنعني
انك مو ورااا گل هالخططط خالو أعرفك
زين وأعرف تفكيرك بس ماتوقعت السلطة
توصلك لهالمواصيل .
شيراز غمض عيونه وكتم مشاعره وكل
مشاعر غرور وتكبر بالنهاية حصلت على الي
اريده ورحيق كانت الوسيلة .
ختم الكلام هاي سياسة وأعمال ماخصها
بالعائلة .
أبهر اني مااجيت حتى أحاسبك اعرف سياسة
اجيت حتى بس افتح عينك على نقطة
الدنيا تدور يوم الك ويوم عليك والله من خيرة
انطاك لا تتكبر وتطغى اكثر .
ترى كلشي مدفوع حسابه بهالدنيا .
وهمات اجيت ابلغك أمي تريد تجي فترة
هناااا اذ سمحت .
شيراز : اول شي هالبيت يبقى بيت امك
والها حق بي وبيتك وانت تبقى ابن اختي
ومستحيل افكر أذيك. وماغلطان بشي حتى
اتحاسب هذا عالم الاعمال .
الشاطر يربح والغبي ويخطأ يخسر .
وعمك مو جديدة يعرف اني بمكانة ومركز
وحزب معاكس لحزبهم شنو الجديد ؟؟
ابهر تنهد وهو معصب الجديد انك مامديت
ايدك وساعدته .
شيراز مااتصل ولا طلب شلون اساعده .
ابهر بس عرفت هو طالبين منه يبيع الفيلا
والا يفضحوا بالفديوهات لعدهم .
تنهد شيراز هاللبيت مفتوح الكم واله ماراح
ارد احد تعرف هالشي .
ابهر : ابتسم بسخرية خالوا لكدامك مو قشمر
معةالسلامة .
شيراز مااهتز لان لاعب لعبة صح ولا اهتم
فهو حقق ليريده .
ببيت شيراز بو لاصف .
بيسان تبجي وايدها على خدها شنووز معنى
هالتهديد عمه يعني شنوو بابا بين ليلة ويوم
سافر وشنو اطلعوا منه فهميني ؟
هيج بلحضات كل حياتنا تنگلب ؟
سمر. ليش متوترة كلناةنعرف على ابواب
انتخابات .
بيسان بدموع وانهيار بس ماتوقعت تنكلب
براسنّ شنووو صاررر ؟؟
سمر بموساة حبيبتي باعي هالشي
احترازي تعاية وياية ونروح ببيت اخوي
على ما اخوج يرجع وابوج وتصفى الاوضاع
ماتردني وياية ابقى بشقة ابهر ويا .
ليش مصعبة الوضع اعتبري فترة تغير روتين
بيسان تخبلت عمه تغيرج روتينج منتبه
لصار بينه بابا يتصل ويكول طلعوا منه
سمر تنهدت وصبرها خلص ملت وهي
من الليل تواسي وتصبر وتتحمل دلعها لبيسان
وهي نفسها مافاهمه شي وشنو لغير وضع
حماها .
اتصال ولقاءواجتماع واحد أصدف عن تغير
گامل بحياة هالعائلة ومحد بيهم يعرف
هالمخططط من اشهر أبتدا وبحبگة قوية .
أجت ثريا معلنة على أكتمال جمع أغلب الاغراض
المهمه من ضمنهم ملابسها لبيسان لكثرهم
ترس جنط
سمر وهي تتحضر وتجر نفس هي متحمسة
ترجع لبيت اخوها البيت الي قبل لاتنتقل
هي وابنها بقت بي فترة طويلة وماتنسى
أن اخوها اشرف على دراسة ابهر مما جعل
شخصية أبهر تختلف عن شخصية أصف .
وأكثر مسؤلية منه .
سمر رجعت بتكررر السؤال بيسان تبقين ويا
أبهر لو تجين ويايه .
بجت وعصبت عفية كلمن اله حياته امي اصف
وبابا من حصروا فلت محد.فكر ببيسان
شسوي وين تولي ؟؟!!
سمر كافي اكلتي كلبج لحم امج اتصلت وتوسلت
تعيشين براا وياها انتي ماقبلتِ
هسه لا تتورين وتعاية ويايه بيت اخوي شايفته
شكد مريح وكبير مراح تحسين بفرق
وحتى زينة وثريا راح اخذهم ويايه متعودة
عليهم وازمة وتعدي ويرجع ابوج يصلح
المواضيع .
لاتصعبين كل الامور ..
بيسان بتعب ومامقتنعه وحاسة بحقد وضوجة
قبلت تروح بعد ماكملوا جمع اهم الاغراض
انتقلوا بسيارات مع حماية لبيت شيراز ..
ببيت شيراز قبل وصول سمر وبيسان .
كاعد بمكتبه انطى أمر بجلب رحيق
رحيق بقيت على البلكونه أباوع وفززني
دكت الباب هسهست فريال بهدوء كمت وياها
خير !!
فريال استاذ شيراز يريدج .
تنهدت مغصتني بطني عبالك عندي امتحان
مادارست شيريد مني ؟!! اووف ياربي
راح تخافين رحيق امشي واجهي وتحملي
رحت وياها ودكت باب المكتب فتن .
اشر وطلعت فريال بقيت قرب القنفه لمقابل
مكتبه وقريبة على الباب كعدت على حافتها
رفع عيونه وخزرني ونزلهن للحاسبة يديدك .
صمت رهيب اعتصر كلبي وشل حركتي بتوتر
هسه عصب عيط وخليني اروح مو مخليني
بقيد التنفيذ وقلقانه .
بقيت كلساعه متنهده بصوت عالي ومتأففف
واتنفس بصوت مسموع وهو مغلس .
تنهد ورفع راسه باعي خمس قوانين حفضيهن
هناااا الاول انتي هنااا مربية لخودان
جبتج بالليل لعد مالكيتج بالشارع تتسولين .
الثاني لبسج محترم مو مالةبناتةليل .
الثالث كلامج قليل ويا كل ليجون وماضيج
سكته محد يعرف حرف عنه
الرابع قسور ابني من يجي ديري
بالج تختلطين بي .
الخامس خودان لازم تكرهج خودان لازم تكرهج
خودان لازم تكرهج وكل ماكرهتج اسرع
خلصتِ من هالمكان اسرع اااه نسيت
لاتحاولين تمارسين دعارة هنااا لو تتحارشين
بالضيوف لو احد يجي وقتها ماارحمج .
وخلص الكلام حسج عينج تكسرين منهم
حرف مو قاعدة وقتها .
بتيزاب اسبحج مو بمسبح مي .
ولي من خلقتي .
رحيق بالكوة بقيت لازمة اعصابي بس اذ
أنفجرت مااعرف شراح يسوي .
بس ردت اسال زين بعد مااقنع خودان بكرهي
وين توديني ؟!!
شيراز وغمز بحواجبه على الملهى ليعجبج .
رحيق : حصرتني دمعه وغصة زين شتريد
مني غير خودان .
شيراز شلج دخل بالليل تعرفين ليش ردتج ؟؟
يله طلعي ولي لاتلزكين يمي .
عفته وطلعت ولزمتني دوخه بقيت واكفه ولازمه
راسي ضلمت الدنيا بعيني اريد اندل
الباب بس الزمه اسند نفسي علي ماكو ضلمت ماحسيت الا نمل راسي وخدر
وصوته ترردد براسي وقت دلعج بعدها فقدت
فتحت عيوني على راجديات سطرني سطر
ووجع وايده الثانية للزمه كفي من منطقة
النبض اولةمافتحت عيوني تنهد وكام
مشاعر وتصرفاته غريبة كام وباوع بنظرات
من ركزت عليهن شفتهن نظرات صقر
مجروح ومتسلط يحاول يخفي كل مشاعره
ويبرز بس البرود .
حاولت اكعد صاح بغضب
ابقي متمددة شووية وطلعي منه .
وعافني وطلع رفعت عيوني للسكف بحيرة
فريتهن وبعدين ويا حضي المصخم
اووف مرت لحضات لو باقية كان غفيت ونمت
بسابع نومة بس حسيت وكمت
واني امشي فوق وتيهت انزل اروح
لغرفة خودان سمعت صووت ضجيج تررددت
انزل وكملت طريقي لممر لبي غرفة خودان
دخلت عليها بعدها نايمة خطية تنام ولا تكعد
وتحس بالوجع بوستها سبحان الله .
هالوردة عند شوكة مثل شيراز .
وكمت وكفت من شفت صور تشبهني ركزت عليهن
موجودت على ميز خودان صور هي وحده
تشبهني نسخة مني عرفتها امها بس شيراز
مو بالصورة هزيت راسي ادري من خلفتي
من هيج واحد ماكلتي شلون طفلي يعيش
جربايتها لخودان واسعة خذت شوية
من الطرف نمت علي بس هيج خليت
راسي على المخدة دخت ومااحس الا الباب
انفتح بقوةةةة
وهي فتحه وهي صرخة بووجهي
بيسان بخرعة خوووا وسكتت رحيق؟!!
شسوين هنا حسيت بتعجب صدمه هاي
اختفت من يوم الخطف وهسه هنااا الكاها
لج رحيق شسوين هناااااا؟!!!
رحيق اشتغل هناااا ماانكر كل ملامحي تنطق
دهشة وبقلبي اكول وراية مااخلص منكم
مثل السرطان هالعاىلة وكعت بنصهم منو ليخلصني
منهم ؟
اجت سمر وهي تهسهس لا تصيحين بيسان
بيسان للتفتت بحماس الها عمه رحيق تشتغل
هنا فهموني شنوووو ؟؟
سمر رفعت اصبعها اششش طلعنّ براا
واجت قربت باست خودان بهدوء ياعمر
عمتج سودة عليه اووف الجرح ليكرهوج .
بقلبي هيه يالله طفلة منو يكرهه هاي همات
تعلس .
طلعتنّ سمر وكالت لبيسان
اي اعرف مو خابرت وشرحت لشيراز عن
رحيق وشلون بنته حجت كال اني
احاجيها واخليها تشتغل بالبيت وعلى الاغلب
محاجي ابوج بس شفتي بهاليومين
شكم مصيبة وكعت بروسن .
رحيق تسرعت وحجيت صح اجيت لهنا
بتوصية من والدج .
بيسان وهالتوصية خلتج تطلعين بلاية تلفون
من بيتنا ؟؟؟
رحيق نسيت ولان البارحة تعبت وماعندي
رقمج استحيت اطلب من ابوها لخودان
يخابركم علموده .
بيسان تنهدت ومامصدكة بكيفكم فخار يكسر
بعض عمه وين غرفتي ؟!! اريد ارتاح
من الصدمات شووية رحموني .
اخذتها سمر بقيت واكفه اجت قززح مثل حية
صفرة
قزح شنو هالميانة بينج وبينهن ؟
باوعتلها بنص عين روحي الله يخليج لا اطمس
ملامح وجهج .
قزح لزمتني من كتفي بقووة لا بالله احجي .
رحيق زفرت اووف بقوتي حبيبتي وخري
ايدج لااكسرهاااااا الج لبيه موصلني لمرحلة
الاخبال يعني مابقى شي براسي صاحي مخبلة
فوخري مني .
قزح تخوصرت كسريها يله لزمتها من ايدها ولويتها
ومااحس الا صوت شيراز جفلني
رحيق بعصبية رجت المكان ررررحيق وصوت ضحك
رجولي خلفه .
انداريت علي اطك سن بسن وخايفة نعم
ولورا انتبهتله راغب الحقير يضحك ومتكتف
وقزح تباوع بغرور واني مثل الفارة لوكعت
بنص المصيدة .
أشرلي بيده تعاية وراية ومش مشيت وراا
دخل للمكتب ورا راغب واني واشر لراغب
قفل المكتب عززا راح بالي غاد من امريكا
شيردون يسوون بيه كعد على مكتبه وأشر
لراغب وبقيت واكفه اني
التف راغب الي كعدي ليش واكفه قصاص
استريحي .
الوكفه لبو رجلين مطين مو الج .
كعدت على. نفس القنفه وبطرفها وشيراز
شغل جكارته وصار يفتر يمين يسار بكرسيه
شكد متمنية اصعد بكرسيه والعب بي بيبي سريع
باقي حسرة بقلبي .
راغب بتساؤل هسه تريد نصورلها لو بمكان
ثاني اني أكول لو نتفق ويا اعلامي احسن
يضهرها شتكول؟
شيراز باوع ورجع نصور فديو عادي هنااا بعدين
اذ ماجاب نتيجه قووية نصور بالاعلام بس
ابو اصف من تهديد فديو واحد خاف وأرتعب
وقر ينسحب .
راغب أنتَ كلتها قررر وبعد اكو مجال أحتمال
مايخاف لو يحضر حل .
ضحك شيراز بغرور مستحيل فديو بي وحده
تركص على اجتافه وطالع سلاج لو
بالغرفة نايم عليها ويهدد بيها ومايعرف
احنه ورا كل هذا وخلين يطلكها يعني اذ أشتهر
يمزقون ربع الانستا والفيس يدمرونه .
من غير فضيحة مصلخ ماكو امل يرجع .
رحيق أسمعهم وطخت براسي معناها المخطط
هاللعبة شيراز هسه فهمت كلشي
كلشي رجعت كلشي براسي
بشكل شريط قووي صدع
راسي ولزمت وصحت راسي.
من خطفي من لوليتا حتى تينة الي قنعتني
لا مستحيل اني لعبة بيده من البداية مستحيل
حسيت روحي راحت ماجاي اتصور اني مثل
دمية بيده نفذه كلشي بيها بدون مااحس ردت
اتخبل كمت مامصدكة اباوعلهم
ومامركزه بيهم مثل لصابتني نوبة هلع
أتنفس بقووة وفاتحه عيوني
