رواية زوج اختي والماضي الفصل الثامن عشر بقلم مجهول
دخلت وانظاري بالكاع دموعي بطرف اعيوني صايرين اقل زله ينزلون سلمت وانظاري بالكاع "
السلام عليكم
ردوا _وعليكم السلام
سلمت على امه واخواته وجانت وياهم مرام سلمت عليها رفعت راسي شفت محمد لابس بنطرون ازرق وتيشيرت موروني نصردان وحمزة لابس بنطرون أسود وقميص ابيض
مخطط بخطوط سوده عاموديه
من شافني ابتسم بمكر دنكت راسي وكعدت بصف اخلاص ومرام اريد ابلع ريجي ماكو قطرة مي من اصل يبس ريجي من الخوف والتوتر اللي صابي بهاللحظات
ابو سيف _شلونج يابه زهراء
رديت ونظاري بحضني "
الحمدالله بخير عمو
_ اسألج سؤال يابه وهاي كبال الكل اريد الرد منج
مو تخافين من احد ومجاوبين
رفعت راسي باوعتله بصفه كاعد حمزة وبصف
حمزة محمد يباوعولي
_تفضل عمو ؟
_ موافقة تزوجين حمزة من كامل اراتج لو احد جبرج ضغط عليج من أهل ... ترى هذا زواج وعشرة عمر مو مال يوم ويومين تاخذين وترجعين فهمتي مو
_ ايي عمو فهمت واني موافقة محد ضغط علية
_ خير ان شاء الله
بقوا يحجون بالحاظر والغايب حسين كال الريد المقدم ١٠ والمؤخر ٣٠ ابوي نزعج وكال لا ٨ بل ١٠
حسين مقبل كال اريد هيج وافق ابو سيف كال قابل احنا راح نطلق هنا فرحت شوي لأن اخوي خلة مؤخر والمقدم
مثل مايريد بدون تدخل أبوي
تفق على الذهب كال مااريد ذهب انفال يكون لاختي والغرفة كذالك اريدلها كلشي جديد وحسب الاصول
لأن هاي عروسة راح تصير
ام سيف كالت اني من البداية كلت كلشي جديد راح يجي لها مراح ابقي من علاك أختها لها الله يرحمها وبلأخر تفقوا على كلشي واني ساكتة كلمة وحدة ماتطلع من
الساني بس اخذ نفس بالحسرة
صعب لحظات عمري جانت هاي نزبزتني مرام وحجت بهمس
_هييي زهراء
_ نعم
_ شنو شعورج وانتِ داتنخطبين لزوج
أختج وحبيبج السابق ؟
حسيت بهالحظة الدنيا كلهاوكفت عندي سؤالها كان
صعب حيل ومالي جواب له
_ ماعندج الجواب صح
_صح
_ الله يكون بعونج يحلوة مجبورة مبينه
_لااا
_والخالق الكون كله مجبورة ودمعة بطرف رمشج
بلعت ريجي مرديت عليها حجت مرة لخ
_ جبروج عليه علمود ابن اختج وأنتِ بنية حالج حال أي بنية لا حولة لها ولا قوة يتقون عليها الظلام النفس
ستغربت هاي دا تدافع ودا نحجي كلام صح شنو
مقهورة علية لو بيها شي ؟
_ مقهورة علية أنتِ ؟
_ ايي والله مقهورة عليج لأن صعبة كلش شخص
ينجبر على شخص مايريده
_ آول مرة تحسي بشخص
_ صح جنت اضحك على العالم واشوف نفسي فدشي عظيم مالي مثيل بهذا الكون جنت مغرورة بنفسي بس
هسه وعيت ودركت الحياة صح
_ الهداوة من الله
_ الحمدالله هداني
_الحمدالله ... بس اني مامجبورة
_ انتِ مؤمنة وجنتي تدرسي علوم الدين وماتعرفي
الكذب ليش دا تكذبي هسه
_ مرات الانسان يحتاج للكذب ، صح مجبورة
والله بس آمانة عليج لا تكولي لاحد
_لاا والله مراح أكول بس حمزة يحبج ويريدج
_ماظن يحبني هذا ميعرف شنو الحب من أصل بس
يعرف شعور الانتقام والعذاب الناس
_ لاا لاا يحبج هو كلشي يكوله المحمد أخوي
_تريدين الصدك وبدون زعل محمد وحمزة نسخة
وحدة وظيفتهم تعذين الناس
_ئي ...
قبل لا تكمل .... جملتها كال ابو سيف خل نقرأ الفاتحة قروها بعد محجيت وياها ولا كلمة وحدة ورة ماخلصوا كال
ابو سيف اليوم نبقى هنا
وراح نكطع مهر بلامام العصر شتكولون وافقوا أهلي .....وهاي اصعب لحظة جانت عندي اريد ابجي واصرخ واكول مريده مريده خلصوني منعده بس منو راح يسمع لي منو ؟
كلها ايديها مربطة كمت كامت وراي اختي فاطمة كالت راح نطبخ الغدة والله طبخت اني وياها كملنا كلشي وره
الأذان كلها راح صلت
من عداي أني مصليت بقيت بالمطبخ مطنكره كارها روحي راح اكون زوجة لزوج أختي وحبيبي السابق الخاين اللي
راح يشوه سمعتي بالماضي
ورة الغدة محد قبل ينام كلها بقت كاعدة تسوالف واني كاعدة بالغرفة وي اختي الصغيرة وسارة بحضنها مصطفى
شكد مشتاقتله وشكد اتمنى اخلي
بحضني اشم بي ...... وابوس بس مالي نفس اصلا ما اخذته بحضني ولا بسته هو السبب اني راح اتزوج ابوه حمزة كمت اكره مصطفى الطفل الرضيع
منوراهم سارة رادت تكون تنطي لي كتلها من مكاني
_ مااريده يمعودة ابعدي عني
ستغربت وكالت _ ليش متردينه ؟
_فلاونزة بي اخاف عليه يتمرض
_هاا همزين كلتي
أختي الصغيرة شكت بالموضوع كامت اجت كعدت
يصفي على الجرباية بيبي همست
_كرهتي صوفي منوراهم مو
_لاا
_ صح كرهتي لا تلفي وتدوري ادري بيج مابيج شي
ولا فلاونزة بس هاي جانت حجه
_ايي كرهته هو السبب اني راح اتزوج زوج أختي
_ اسمي بسم الله يمعودة شلج بهاي السالفة هو شعلي
ترى خطيه يتيم الام ومالي احد
_ ليش يتيم دباعي كومة عالم من حوالية شيريد بعد
_ زهراء هاي شبيج صايرة وحدة غير شجاج
وصرتي بدون قلب ؟
_هم السبب سوو قلبي حجر
_ استغفر الله لتكولي هيج اكيد بيها
صالح لج الله مايظلم عبادة
_ الله كاتبلي بس الضيم بهالدنيا
_ زهراء ارجعي مثل قبل ايمانج قوي بالله وكافي هيج تسوين
_ ما اظن ارجع مثل قبل
كامت منو يمي ضايجة كعدت بصف سارة يلعبون ب مصطفى مخلينه بالكاع اباوعلهم ولا جن هذا مصطفى
اللي جنت كل يوم اتواصل
وي عماته علمود اشوفه هسه صار لاشي كبالي ولا جن ابن اختي الوصتني بي.وخلته أمانه عندي والله هم السبب خلوني اكره نفسي وكره هذا الطفل الرضيع
والله للعصر على الساعة بال٦ كالوا هم يلا نروح نكطع مهر واني بس اريد اشوف حمزة على انفراد مادا اكدر
علمود احجي ويا واتفق
بس على . الأوراق كلها بدلت لبسن عبي وحجابات لبسن اخوات حمزة باعلهن كل وحدة شكبرها وشكدها مبيهن
حيل يلبسون حجابات وفوك
كلشي. يصومون ويصلون عود يعرفون الله موجود لو يعرفون الله وشنو فرض علينا احنا النساء بالقرأن الكريم
الستر لازم تزين بي المرأة المسلمة
مو تتعرى وتطلع بفاتنها وخصلات شعرها هاي كلها من المحارم لو مني منهن ما اصوم ولا اصلي لأن الا صوم ولا صلاة تنقبل ردت لبس عباية سودة صاحت بي أختي فاطمة
_ لا تلبسين اسود هاج هاي العباية البيضة
استغربت منين جابتها ، ... منيلج هاي ؟
_ جبتها لج البارحة من السوق
خلتها على كتوفي مستغربه كلش ... وشلون عرفتي
راح تصير الخطبه بره بلامام ؟
_ خابرتني اخلاص وكالتلي ادبرلج وحدة
لبستها هزيت راسي _ هااا
طلعت .....مجان اكو أحد منهم كلها بره طالعة طلعت وياهم امشي جان الباب مفتوح رفعت راسي هذا حمزة بملابس
الصبح وي الكل وجانوا بيت عمي هنا
وهند كذالك جايه وريان تفاجأت هذولة شجلبهم وليش مكالت هند راح تجي كلها كامت تباوع علينا اجت علية
حضنتني وكلت بهمس
_ اجيت علمودج والله اعرف راح تكون هاي اصعب لحظة بحياتج كلها الله يكون بعونج
مرديت عليها همست ام سيف لي ... روحي خلي
ايدج بإيد حمزة مو تمشين ويانه
باوعتلها مستغربه طلبها اني اخلي ايدي بإيده لا اموت ولا اسويهاا اشرت له اجه وكال
حمزة هاا يمه
امه _ هاي شبيك واكف يم الزلم تعال لزم ايد
عروستك وامشي وياها
ابتسم وكال _ ان شاء الله
طبك بصفي ردت اطفر بس .... عيب اسويها كبالهم كلهم لزم ايدي بإيده بخفه رجفت أيدي اكره لمساته القذرة
كلش حركت أيدي ردت افلتها
هو قبض على ....ايدي بإيده بقوة ومشينه ومشه الكل احنا بالنص صرنا حسيت اصابع ايدي راح تتكسر بين
اصابع ايده ماهلكد جان قابض علية
همست بوجه .. حمزة ايدي
باوعلي مبتسم ... هو المطلوب
ماهتملي بقى يباوع كدامة واني دنكت دموع كامت تنزل من عيوني قطرة قطرة من ألم ايدي وألم قلبي وألم حظي
النحس لشمرني عليك مرة لخ
وصلنا شارع الطوس راسن رخه ايده على ايدي ولزم ايدي بشكل طبيعي ارتاحيت شوي كال بهمس
_ هاي الدخلة الثانية النه هنا سوه لازمين ايدين
سوه ونطلب نبقى سوة للابد
تذكرت من اجينا بوقتها جان يوم الجمعة لهنا اني ويا سوه نطلب نبقى للابد وي بعض من الامام علي (ع )
كرهت روحي .....هاي اني شخبصت قبل وياوشلون لزمت ايده بالحرام واجيت ويا لوحدنا لهنا صدك ثولة جنت مفكرت
بأهلي ولا بشرفي ولا خوفي من الله
جنت بس افكر بحبي وقلبي والله الحب يخلي واحد يصير أناني ولا يكدر يميز .........من الصح ومن الغلط ومن حلال والحرام كلشي كباله يصير حلال وصح
مرديت اخذت نفس رفعت راسي اباوع عالم كلها تباوع علينا وتبتسم وناس تضحك عبالهم خطبه عن حب لو
خطبه حلوة بوافقة الطرفين هم
ميدرون اني بها لحظة جاي احس نفسي جنازة ودا
يزورونها الامام زيارة الاخيرة لها
هم لابسه ابيض بهالحظة هي للمرة مرتين تلبس لابيض يوم موتها ويوم زواجها واني احس لبسته للمرة آولى لموتي وزواجي محسبت هاي البسة على الاثنين
دخلنا الصحن كال ابوي اني مرتب كلشي ونطيت خبر الشيخ هنا اعرفه وكال نكطعلهم مهر حزنت حيل من هيج كال ابوي مستعجل على زواجي كلش
بس يريد يخلص مني عبالك جريت ايدي من ايد حمزة هو راسن لزمها مرة لخ وكال بهمس
_ ماكو هروب مني بعد راح تصيري مرتي وحلالي خاتونه
رديت _ هي الجنازة من سابع المستحيلات تكدر تهرب
من الكبر لافها لافها بلاخر مو صح
ابتسم وكال _صح والله شايفتلج مكبرة ترجع ميت عاد هسه اني من المستحيل ارجعج مثل قبل راح اخذج اخذج
_ تشبه نفسك بالمقبرة ؟
_ انتِ مو تكولين شايف جنازة شبهتي نفسج بالجثة واني شبهت نفسي بالمقبرة والمقبرة تحضن الجثة للأبد
وتبقى محافضة عليها
سكتت هذا منين ما اجي ويا يجي وياي عبالي راح احزنه بكلامي هذا طلع هو الحزني بكلامة
دخلنا غرفة ... بالصحن كعدنا واحد بصف الثاني بالكاع على فرشة باللون الاحمر وكلها كعدت ورانه الشيخ دخل
جان لابس دشداشة بيضة وعمامة بيضة كذالك
عباية سودة على كتوفه طالع هيبه عمرة بعمر ابوي الشفية بلعت ريجي علمود ......استعد بنطق شهادة موتي مو شهادة موافقتي على هذا الوحش البصفي كاعد
سلم وكعد كبالنة على كرسي كبالة طبلة وكام يجي بالمقدم والمؤخر ويكول الحمزة قبلت حمزة كال نعم قبل
هلهلت امه وراها كالي
هل تقبلين بحمزة و بمهر مقدم ١٠ مليون ومؤخر ٣٠ مليون
اخذت نفس طولت مدة ثواني دموعي نزلت حسيت حمزة كرص ايدي توجعت خررب بيومك شكد نذل
هسه مال اصرخ واكول لا ما قبلت
بس كلت .... نعم قبلت
صارت الهلاهل وطش الجكليت حسيت بهاي لحظة السعيدة لهم اني نزلوني بقبري وراد ينسد للابد علية وراح يبدأ الحساب والكتاب وياي باركولنا واني ساكتة مثل الجثة يحضنون بي ابوي اجه حضني وباركلي ماحسيت بي اصلا حتى بيبي
وامي اختي هند محد حسيت بي وياي
واكف الدنيا كلها صارت ضدي طلعنا الغرفة رحنا زرنا الامام وراها رجعنا على البيت ايدي بايده طول الطريق ويهمس لي أنتِ صرتي مالتي وحلالي وحلال كلشي اسوي بيج
واني ساكتة مال هسه... اذبحة وادفنة بإيدي بهاي المقبرة الجبيرة لفت هواي شباب حلوة وشريفة وخلت بس العارات واشباه الرجال يا حسافة والله
اني بيك حمزة والله حسافة
دخلنا البيت ... عاف ايدي رحت دخلت جوه مابجيت ولاشي تماسكت روحي اجت هند علي سدت الباب كعدت يمي على السرير عباية بعدها على كتوفي
_ زهراء شلونج
مدنكة مرد عليها
_ زهراء اعرف بيج تتمنين الموت هسه بس شسوين هذا المكتوب لج بعد واقبلي بالواقع واسكتي
باوعت عليها وابتسامة وزيفة على شفايفي ...والله قبلت بالواقع وراح اتقبل بي كا زوج
_ ايي عفيه اتقبلي بلكت الله يستعدل وياج
ويصير خوش ادمي
_ ان شاء الله
_ ان شاء الله يلا بدلي واني هم يلا بعد ارجع على البيت
_ ابقي وين رايحة هند
_والله يمنا خطار بيت خالته مكدر ابقى
_هااا ماشي
كامت باستني وكالت ..._ديري بالج على نفسج بعد
ماوصيج وخليج شاطرة مثل قبل
هزيت راسي بمعنى ايي طلعت سدت الباب وراها نزعت العباية شمرتها بالكاع كمت امسح بايدي وايدي الثانية بقوة
اريد ازيل لمسات حمزة عنها
_ الله ياخذك ريحتك لازكة بايدي ريحة مقرفة مثل ريحتك تفوو على اليوم العرفتك بي حمزة
حمزة جان .... اسعد يوم بعمري وآخيرا زهراء صارت حلالي وصارت مرتي بعد أيام تكون بحضني وابين ايديني
محمد طاير من الفرحة
طلعنا بره واكفين يم ........ السيارات الوحدنا الدنيا صارت المغرب وراح تغرب الشمس واحنا لازم نرجع
على البيت بعد ابتسم وكال ...
_ مبين عليها مامجبورة
_ ايي
_ لأزم بعدها تحبك ومشاعر القديمة رجعت
_ طبعا مشاعر القديمة تتحرك
_ الله يهنيكم مع بعض
_ رحم الله والديك يوم لالك اشوفك عريس
_ الله كريم شوكت نرجع
_ هسه روح صيح لهم خل يجون بعد هم يلا نرجع واني متت من الحر بملابس الصبح لازك بيهن
_ دباع مظهري صار يخرب ضحك ههههه
_ ريحتك طلعت ابو الوسخ ههههه
_ مثل ريحتك جنها ريحة حيوان ميت
_ ريحتي اني تعال وشم من ريحته اطيب من
الثاني ابو الوسخ المحمض
_ اذا ماكل فلوس الراتب كلها على العطور شلون ما تصير ريحتك طيبة خل اروح اصيحلهم احسلي الحجي
وياك مابي اي فائدة
_ دروووح
زهراء سمعت .. بيهم راحوا فرحت شوي رحت نزعت ولبست دشداشة زركة نصردان كشمير كعدت بفراشي اندب بحضي اجت فاطمة حجت وياي شوي
وكالت باجر أمر بيج علمود اخذلج كم شغلة
من السوق على حسابي الخاص
الليل اني مطنكرة .......عشة ما أكلت أبد كرهة الدنيا كاعدة بفراشي باوع على جروح ايدي بعدها بيها الدم يابس بلون الجوزي بس اشيل منه شوي
تكوم تنزف دم...... الخيوط كلها واكعة بس صار بي نزف لأن اذيت نفسي البارحة بالليل ثاني يوم الصبح رحت وي فاطمة للسوق اشترتلي اغراض من حسابها الخاص واني ساكتة مثل الجثة لا مشاعر ولاشي ولا جن دا
يجهزون ليوم عرسي كملنا ورجعنا على .... البيت طلعت الأغراض الهم واني رحت بدلت وكعدت بالغرفة احسب يوم يوم ساعة ساعة لي بهذه البيت وبهاي المحافظة
وراح افارق اعز شي ...... عندي اهلي والامام علي (ع) وهند وكلشي شي احبه هنا بعد بالسنه حسنة اجي لهنا
حسيت الدنيا انتهت بنسبة لي
مو عبالك راح تبدأ حياتي من الصفر وي حمزة معرف ؟ شمنتظرني هناك ؟ وشراح تكون معاملة حمزة لي ومعاملة
أهله لي شلون راح تكون ؟
مرت ثلاث أيام طلبوا نجي نجهز من بغداد اني مقبلت كلت منا اخذ الجهاز كالوا ماشي وراح يجون بعد يومين نجهز لكلشي ونهاية الاسبوع الجاي العرس
يعني يصادف يوم الاحد الحنة ويوم الاثنين العرس
بالليل كاعدة على الدرج الواحدي اهلي نايمين جنت اصفح فيس بوك اكلب بملل كلشي ماكو حلو وجديد طكت
روحي اريد شي يحله بنظري ماكو
تذكرت اني مطيه بلوك لحمزة خل افتحه واحجي ويا قبل فوات الاوان دخلت على قائمة الحظر طلع هو آول واحد بالقائمة رفعت عنه الحظر ودزيتلة رسالة ...( هلاو حمزة اريد
احجي وياك ) انتظره يرد علية ؟
حمزة جنت .......ممطول على ظهري وبايدي الموبايل اراسل محمد اجاني إشعار من زهراء ابتسمت
_ واخيرا اشتاقت ورفعت الحظر لأزم اكو شي ؟
نهيت المراسلة وي محمد انتظرت خمس دقائق
على نار جانت وراها رديت
_اهلا زهراء شلونج
ردت بسرعة _ الحمدالله بخير اريد احجي وياك
_ تفضلي احجي ؟
_ شوكت نكطع مهر محكمة ؟
_ مهر محكمة نكطع بعد يومين بس ليش هالسؤال ؟
_ هاا اريد اتفق وياك قبل كطعان المهر
_ تفاق ؟
_ ايي اتفاق
_ خير ان شاء الله شنو هذا الاتفاق ؟
_ الاتفاق يكول اني وياك يكون زواجنا بس
على الاورق ماكو زواج حقيقي
حمزة من اجاني ردها ما استغربت أبد لأن اعرف بيها مراح تتقبلني بهل سهولة بس اني مو غبي علمود اكوللها
ما موافق واخليها تطفر مني
_ موافق
_صدك ؟
_ هو اني ماتزوجنج علمود ارضي نفسي ورغباتي وياج اخذتج علمود مصطفى خطيه معنده امه ترعاء
_ احلف دا تكول الصدك
_ ماكو داعي احلف والله اني من اكول شي معنه صح
_ اوك مرخصتك
_ويين رايحة خل ادردش وياج شوي
_ تفضل
_ شنو جان شعورج من لمست ايدج وشنو جان شعورج من دخلتي علية ومن كعتي بصفي كبال الشيخ ؟
_ شعور الميت من يموت وراح يبدأ حسابه بقبرة
_ واااو شعور مؤالم جدا
_ ايي مؤالم جدا جدا
_ وليش هلكد تخافين من عندي ترى مو وحش
وراح اكلج بس تكونين عندي بالغرفة
_ أنت انكس من الوحش
_ الله يسامحج زهورة اني انكس من الوحش اني
_ لعد أني تذكر شسويت بالماضي وراح تعرف
الوحش ارحم لو أنت
_ والله الوحش ارحم
_ وهاي عترفت بعضمة لسانك الوحش ارحم منك
_ جنت واحد طايح حظ بوقتهاوهسه كبرت وعيت وشفت الدنيا بعين اصغيرة من راحت مرتي حبيبتي
من بين ايديه
_ هاا الدنيا بعين صغيرة ومرتك حبيبتك راحت انت
من شوكت معتبر المرحومة حبيبتك ؟
_ ليش من شوكت ؟ اني احبها حيل والله
_ مصدك بيك أبد
_ ليش يابه متصدكي بي
_ اذكرك لو تذكر
_ ذكريني ذكريني ما اتذكر شي أني ترى ؟
_ وتسوي روحك غشيم حمزة مو عليه هاي السوالف ادري بيك دا تحجي هيج علمود تطول الحجي
بيناتنه في امان الله
_لحظة
_ خير شكو
_ اني راح اتزوجج علمود تكوني مربية لابني مفهوم
_ واني مو مربيه مالت أطفال ماربي ابنك لو تموت
ومالي أي علاقة بي طزز بيك واببنك
_ولج ابن اختج هذا
_ واني شكو بأختي ماتت وشبعت موت وهذا ابنك انت
انت دير بالك عليه عوزي لو اصير
مربيه اطفال في امان الله
طلعت من الماسنجر طفيت النت كمت رحت خليت الموبايل على الشحن ولفيت راسي ونمت كعدت الصبح كالعادة
نظفت البيت وكعدت بالغرفة اقرأ قرأن
العصر رحت ويه واحد من ولد الجوارين بعمر ١٠ سنوات للمقبرة مالت ابو سيف جانت قريبة على الامام كلش نص ساعة مشي وصلنا للمقبرة انطيته فلوس يشتري لي مي ورد وبخور
واني كعدت يم قبر انفال قريت الفاتحة لها بكل حركة وجع قلب نزلت دموعي شبعت بجي وعتاب وياها طلعت
كلشي بقلبي لها وكتلها شلون
جبروني على رجلها امها وابوها واني مريده ومالي نفس بي والله مااريدة انفال هم جبروني عليه حاولت انتحر والحكج بس ما تقدرلي الموت ابوي هو ابجبرني عليه
وامج هم ويا جانت بكل خطوة وحتى الاسود ذبوه مني مخلوني احزن على موتج مخلوني انفاال سامحيني
سامحيني فدوة
شبعت بجي سمعت الولد يكول .. عمه هاي المي .... رفعت راسي ودموع تجري بعدها اخذت نفس مسحت دموعي وخشمي بالعباية مالتي
كمت اخذتهن منه .....غسلت القبر أختي وخليت البخور داير مداير قبرها بقيت صافنه على القبر اتخيلها شلون جانت بنية حلوة مرحة وتضحك وتحجي
وهسه مالها اي أثر بالحياة عبالك جانت حلم قصير فقط مو اختي العايشة وياي وحبيبتي صدك الدنيا غدارة
تغدر بيك بدون متدري
بس كلنا على هذا الطريق كل نفس ذائقة الموت .
. وانا الله وانا اليه راجعون )
راح يجي يوم واكون بمكان .....انفال مثل ماهي نايمة هسه وماتكوم اني هم راح انام مثلها في امان الله انفال رجاءً سامحيني والله مجبورة
انطيت ظهري للقبرها وقلبي مقبوض روحي بقت يمها تحوم وتبجي حيلي كله نهد يم قبرها التفتت اتمنى منها
تطلع من قبرها وتحجي وياي كلمة
بس نامت بعد .....وماكو كومة حالها حال هاي العالم النايمة صارلها سنين باوعت على قبر جان مكتوب
عليه مقالة كلش عجبتني
يا واقف عند قبري لا تتعجب من امري بالامس كنت
مثلك وغدا تكون مثلي !!
رجعت على البيت حتى مرحت زرت الامام بوجي سبحت وبدلت كعدت بالغرفة اقراء قرأن لانفال وصليت لها ركعتين وطالبت من الله يغفرلها وان شاء الله تسامحني وترضه علية اكيد هسه ماراضية علية
لان راح اخذ مكانها وابنها ورجلها ؟؟
ورة العشة حجيت .وي بيبي شوي مالي نفس حتى احجي وي أهلي نفسي لاعبة على الساعة بل١٠ فرشت فراشي
ونمت صاير واهسي بس نوم
جنت كاعدة بغرفة انفال لابسة بدلة العرس وكبالي كاروك بي مصطفى جاي يبجي واني مالي نفس اكوم اشوف شبي يبجي اصلا ما منطيته أي هم
اريد انزع البدلة متخبله من حالتي حمزة دخل متعصب راح على الكاروك بسرعة شال مصطفى
بحضنه وكال بصيح
_ شبيج أنتِ مادا تشوفي يبجي مبيج حيل تكومي
تسكتي وتهزي كاروكه ؟!
كمت بطولي متعصبه حيل ... طبه طب خل يبجي اني شكو هذا ابنك مو ابني اني امشي اخذه واطلع بره الغرفة
اريد اخذ راحتي
اشرت بايدي على الباب اخذ مصطفى وطلع متعصب حيل واني نمت على ظهري واضحك بصوت عالي ههههههه حسيت الباب نفتح دخلت انفال لابسة كله ابيض حتى حجاب من شفتها تعجبت راسن كعدت على طرف الجرباية
متفاجأة من جيتها وهي ميته
عيونها براسها صايرات كمت حجيت وياها
_ انفال أنتِ عايشة ؟
وكفت بعيد عني.... كبال كاروك ابنها خلت ايدها عليه تتلمس الكاروك بكل حب وحنان اقتربت منها احولت
لزم ايدها مخلتني بعدت
_ انفال شبيج ؟
نزلت دمعتها مسحتها بايدها نقهرت عليها
_ انفال دا تبجين ؟
صارت تبجي بصمت ودومع تنزل دمع دمعة على خدودها قتربت منها حاول احضنها ابتعدت عني مرة لخ
_ ليش دا تبتعدي عني شسويتلج اني؟
لحظة عينها علية ولحظة على كاروك ابنها اشرت
على الكاروك باوعت عليه
_شبي الكاروك ؟
_ مصطفى
_شبي مصطفى ؟
_ جان يبجي
_ ايي واخذه ابوه هسه اكيد سكته
_ خليته أمانه عندج أنتِ مو عند ابوه ليش
خنتي الامانة زهراء
_ ماخنت الامانة والله بس هم خلوني هيج اسوي جبروني
على رجلج واني ماريده وكرهوني بإبنج
مسحت ادموعها باوعتلي بعيون تلمح من
الدموع البيها ابتسمت وكالت
_ أنتِ مجبورة صح بس قلبج ينبض الحمزة ولابني
اشر على صدري مكان قلبي .. اني احب حمزة وهذا قلبي يدك له لا والله ماكو هيج شي واني احب ابنج حيل وأكثر من روحي بس دا اعذب حمزة عن طريق مصطفى
_الامانة صارت لعبة الانتقام
_ لاا
_ ابني امانة عندج أنتِ حافظي على
الامانة ابعدي عن الانتقام
انطتني ظهرها راحت على الباب جريت ايدها سحبتها وكالت ... لا تلمسيني أنتِ خنتي الامانة زهراء ماراضية عليج أبد طلعت من الباب بسرعة البرق كمت اصيح اعيط
بصوت عالي وردد
والله مخنت الامانة انفال جبروني جبروني هيج اسوي انفاال تعالي خل احجي كلشي لج انفااااال ماحسيت إلا شخص ينده بي فتحت عيوني راسن فزيت وكعدت بفراشي ابجي شفت كبالي أمي راسن حضنتها وكمت ابجي وردد كلام بصياح
_ انفال مراضية علية يمة
_ اسم الله الرحمن بنيتي شبيج ياا انفال ؟
شابكتها بقوة وابجي _ اختي تكول خنتي الامانة
_ ياا امانة هاي
بعدتني عنها كبالها كاعدة اشهك ... قبل لا تموت خلت
ابنها امانة عندي وهسه تكول خنت الامانة
_ هاي شوكت خلت مصطفى امانة عندج وليش مكلتي ؟
_مكلت بعد بس هسه هي مراضيه علية يمة مراضيه
_ شكالتلج بالحلم ؟
_ كالت خليت مصطفى امانة عندج ليش خنتي
الامانة زهراء مراضيه عليج اني
_ انتِ شسويتي ؟
رفضت مصطفى وكلت الحمزة مالي علاقة بمصطفى هو ابنك انت مو ابني وين ماتريد ودي ماريده بعد الزواج
_ وانتِ شلون هيج تكولي لج هذا طفل يتيم من يوم اللي اجه الدنيا ماله أم المفروض تكوني له ام وسند مو هيج
تسوي مثل قليلات الشرف والاخلاق
_ غلطت يمة
_ اي غلطتي وهسه اختج ضايجة منج ودا تشوف
كلشي يصير كومي غسلي وصلي لها ركعتين
وان شاء الله ماكو شي
_ متريدني لمسها حتى
_ من حقها اذا مخليه ابنها عندج امانة وانتِ خنتيها من آول لحظة شتريدين تتلكاج بالاحضان مثلا
_ شلون اخليها ترضه علية ؟
_كومي اذكريها وستغفر الله ١٠٠ مرة وصلي على محمد ورجعي لعقلج وصيري خوش ادميه وصوني الامانة لا
تخونيها مهما كان مفهوم
هزيت راسي طلعت وعافتني ابجي كمت مسحت دموعي توضيت صليت لها ركعتين وقريت الفاتحة لها
ستغفرت الله ٢٠٠ مرة بدل ل ١٠٠مرة
وكلت لأزم اصون الامانة واكون أم المصطفى وأكثر هو طفل مالة أحد غيري وغير ابوه عمامه وعماته وبيبيته وجده مدايمين له بس اني دايمة له وابوه
واني راح...... اخذ حمزة علمودة هو الله ياخذني شلون هيج سويت شلون وصرت وحدة حقيرة وانأنية شلوون طول
عمري حساسة واحب الاطفال البشارع
شلون مارف قلبي على ابن اختي اليتيم الامانة عندي
قبل لا يجي على هاي الدنيا
اجه اليوم اجوي نكطع مهر الحكومة حمزة جاي وامه وابوه بس محد جاي بعد وياهم اخلاص باقيه يم مصطفى
وسارة ورامي عدهم امتحانات
رحنا ....على المحكمة كطعنا مهر ورجعنا على البيت واني بحلك مسدود مااحجي شي كرهانة حمزة أكثر من قبل فرحان
عبالك هاي آول مرة
بيها يكطع مهر...... بحياته كلها ولا جن جان منقبل كاطع مهر على أختي اشتروا هو وحسين الغدة من بره واني
ما أكلت رحت سبحت وكعدت بالغرفة
اجت ام سيف كالت .....العصر نروح نشتري الذهب وانطيج فلوس تشتري أنتِ بنفسج الجهاز
_ماشي
_ اريد اسبح كومي جهزيلي الحمام يمة
كمت _ هسه
راحت جهزت لها ...الحمام خليت ملابسها وكتلها جاهز راحت تسبح دخل علية حمزة جنت كاعدة على الجرباية متربعة
انظاري على الكاع بنظرات فارغة
_ بششش
رفعت راسي اخذت نفس طويل ... تفضل شعندك جاي لهنا
_ انجبي ولج اني هسه رجلج صرت احترمي
نفسج من تحجين وياي
_ شتريد ؟
_ اريد اسبح
_ هسه عمتي دا تسبح خل تطلع وطب وراها
_ من تطلع أمي خلي ملابس لي بالحمام
وهذني غسليهن بنفسج
_ اغسلهن انت اني عليش
_ هه اني اغسل ملابسي صدك تحجين ولج لعد
شلي بيج ماخذج غير تخدميني
_ ما ماخذتك انت علمود اخدمك ماخذتك علمود مصطفى
_ هااا مصطفى ولج مو كلتي مالي علاقة بأبنك
ولا اريده هسه صارتي تردينه
_ ايي اريده هو ابني هسه صار
_ عجيب أمرج والله كل ساعة براي اكلج شي
بدون زعل أنتِ مريضة نفسية
_منوراك صرت مريضة نفسية
_واني شكو هو أنتِ من يوم يوج مريضة نفسية هسه
كافي لغوة من تطلع امي جهزي الحمام
وصيحيلي فتهمتي
مرديت عليه طلع عاف الباب مفتوح وكعد بمكانه بصف بيبي جاي اباوع عليه من الباب هو يباوع علية ويضحك كمت
سديت الباب مريد يباوعلي
ابو عيون .....القذرة طلعت امه طلعت ملابس له من الجنطة مالته خليتهن بالحمام رحت كلتله الحمام جاهز
، ابتسم وكام يسبح
انتظرته لما يخلص اغسل ملابسة دقائق وطلع مشط شعره بالحمام ريحة الشامو ملاته تفع مو ريحة شامبو.عبالك عطر خردل هذا كلشي يستعمله غالي وفخم
امداه مخلص..... فلوسة على هاي الشغلات يحب الفيكة من يوم يومة راحت شمرت ملابسة بالغسالة طلعت ملابس
امه من المجفف جانت هي غاسلتهن
شريتهن ورجعت واكفة الغسالة شمرتهن بالمجفف بدون تشطيف المي تذكرت انوب شطفتهن بالمي
وشمرتهن واحجي عليه
الله ياخذك حيوان من آول يوم النه كاطين مهر ومحكمة شغلني حيوان ماتصيرلة جارة ما حسيت إلا هو وراي يحجي
حيوان ما تصيرله جارة
التفتت _ هاي انت شسوي هنااا ؟
_ نصدمتي حيوانه ليش تغلطي علية والله هواي مسويه
غاسلة ملابس هسه لو اخرطج براشدي
هم احد يلومني
_ اكسر ايدك
_ منو يكسر ايدي اشو عيدي تكسري ايدي
اخذت نفس بنفاذ صبر ... اطلع بره الحمام اريد
اكمل شغل ونعسانه حيل
_ ابعدي لو ينفذ صبري واسوي شي غلط وياج ابعدي
راسن بعدت فتح غلق باب المجفف هو وتشتغل طلع البنطرون مالته طلع حجاب بلون الجوزي خلاه بيج البجامة
مالته لابسها جانت سودة
_هاي شنو ؟
التفت علية _مالج دخل ابعدي
طلع من الحمام اراقب بي وكف فتح الحجاب جان يطلع ورقة بيضة ملفوفة بتيب ابيض اخذ نفس أبتسم و
رجعة بمكانة وكمل طريقة
واني بقيت حايرة هذا شنو جان عنده وناسيه بقيت اطم بروحي واحجي امداني امداني شلون ما فتشت اغراضه وعرفت شنو هذا الحجاب ؟
طيب ليش ماتلف مو انغسل بالغسالة أكيد جان ضابه زين علمود لا يدخل له المي طلعت ملابسه شريتهن على الحبل ورجعت لكيت كلها نايمة حتى هو نايم بالهول وي حسين باوعت بكره عليه رجعت السلة بالحمام
رحت كعدت بفراشي جانت الغرفة شبه الظلمة جوها بارد مشغل السبلت بيها بيبي جابت واحد قبل فترة لأن
كلش حارة تصير الغرفة المبردة
ماتبرد من كثرة الحرارة تصعد عدنا وهسة بالبدلية وهيج حارة لعد لو نصل بنص الصيف شيصير بينه ؟مطلت سحبت البطانية تغطيت وتذكر شنو جان بالحجاب شنو
؟ اجت بالي سحر ؟!
يمكن جان شايل عمل شيطاني ؟! الله اعلم بسوالفه هذا لأن سد حلوك الكل وهسه محد يجي ولا كلمة عنه
كلها تكول خوش ولد
_ ماكو غير سوه عمل وسد حلوك الكل حتى أني حلكي مسدود منيمه صايرة مو هلكد احجي عليه الله ياخذك شكد
قذر واطي لهنا وصلت وياك
بسيطة الا اخذه واخربه اني اعلمك ابو السحورة
العصر جهزت روحي نروح نشتري الذهب وبالي كله يم الحجاب مالته طلبت من ريتاج تجي كالت مبي حيل دا
احس الحمل مضايقني بهاي الفترة
بقت عند بيبي اجت فاطمة وياي وأمي وحسين وابوه وهو حاظر بكل وقت دخلنا لمحل طلع لنه كومة موديلات
واني مالي نفس حتى اختار لو اباوع
اجه وكف بصفي وكال _ مالج نفس تشتري ولا تباعي اعرف روحج لعبة مني ومن هل الدنيا بس شسوين الله
كاتبلج تلتقين بحبيبج وتزوجي
_ منين تطلعلي
_ من كل مكان اطلعلج شعجبج ؟
_ كلشي معجبني واصلا مااريد ذهب ولا جهاز منك
_ تريدين تفضحيني كبال العالم اني راح
اختار أنتِ معندج ذوق
مرديت ...عليه هو بقى يباوع اشر على تخم جان معلك جان ضخم نزلة وكال ...شوف شكد الوزن
ام سيف _ حلو يخبل هذا
مرديت عرفت بي راح ياخذه لأن كلت لاختي محلو وضخم كلش طلع السعر ٦ مليون هو كال ناخذه عجبني
اخذوا والله .....هذا مستعد يصرف كومة فلوس بس علمود يزعجني وياخذ الشي لماريده يفرض رأية من هسه
مبين عليه
خلاه بالعلبة ...... اخذته امه وطلعنا صعدنا بالسيارة هو جان يسوق رجعنا على البيت انطتني الذهب اخذته شمرته بالكنتور شمر طلبني احجي ويا على انفراد بره بالطرمة
_ زهراء اعرف الذهب معاجبج بس عجبني اني
وهذا المهم رأيي قبل رايج
_ ايي
_ وراح انطي فلوس لامج علمود الجهاز واريد تشتري شي حلو وعلى الموضة مو تشتري مالات عجايز مثل هذا
لبسج يلعب النفس
_ لبسي وعاجبني انت شكو بي
_ ماعاجبني والله وراح تغيري وتلبسي
على كيفي اني مو بكيفج
_والله ما اغير لبسي لو شيصير
_ زهراء لا تختبري صبري وياج ترى والله اشوفج شي
بعمرج مشفتي تنفذي المطلوب بحرف الواحد
_ والله منفذ
مشيت من يمة يريدني لبس على ذوقه هذا شكد بطران صدك اني راح اكون مرته كعدت بالغرفة مطلعت إلا
راحوا ثاني يوم الصبح رحنا
نشتري الجهاز مشت وياي فاطمة وهند واني امشي وياهم بس كلشي ما اختاريت خليتهم هم يختارون على ذوقهم
لأن مالي نفس وكارهة نفسي
راح اكون مرته ويتحكم بي براحته اربع ساعات يلا رجعنا اصلا ماشفت جابن ماجابن رحت سبحت وبدلت لكيتهم يشوفون الجهاز لامي وبيبي وريتاج ومرت عمي
مرت الايام بسرعة واجا يوم العرس حنة مسوينه علمود حزينين.... العرس رحت على الصالون اجرولي بدلة
من بغداد جابوها الصبح اخلاص وحمزة
واهله كلها اجت وبيت خاله ابو محمد وأهل ريتاج محد جاي وياهم بعد اجت وياي اخلاص وفاطمة هند للصالون
كالت شتختاري مكياج
كتلها خلي بكيفج ...اخلاص مقبلت
_شنو بكيفها اني راح أختار
اختارت المكياج اخلاص ساعة وكملت مني وكالت باعي باوعت بالمراية شكد حلوة طالعة أني حرامات هذا الجمال
كله بحمزة الحيوان حراماات
كمت ابدل اجت وياي فاطمة وهند لبسوني البدلة
ماجنت شايفة شلونها جانت صلوخ
_ هاي شنو ؟
فاطمة _ بدلة شنو
زهراء _ملبس هيج كلها صلوخ اريد شي محتشم
هند _ شتلحكين تاجرين وحدة غير هم مجرين هاي من بغداد لبسي واسكتي وهاي وياها غطاوة
فاطمة _ الغطاوة تسترج لبسي وكافي عناد زهراء
سكتت لبست البدلة صدري نصه مبين جانت البدلة تعلاكة بخيوط الظهر مكشوف نصه مطلعتني مخازي
كرهت نفسي أكثر بهاي البدلة
_انطيني الغطاوة خل استر روحي
اخذتهالبستها خليتها على راسي طلبت حجاب محد جايب لي عبالك ما احجيه .... ولاكايلة هيج وهيج اريد محد
يسمع كلها تنفذ أوامر حمزة النذل
بقن ياخذون صور ومكياج خلت اخلاص هند مخلت مكياج واختي فاطمة هم ربع ساعة اجت السيارة كالت حمزة
جاي وي اهلي ناخذ كم صورة.
كلت ماكو داعي بس محد سمعلي مع أسف
حمزة جنت انتظر شوفتها على ناار شلون طالعة بالبدلة لختاريتها لها ؟ طالبة بدلة مستورة وحجاب اني مقبلت
كلت لا تلبس على ذوقي واني اختار لها كلشي
اني اخليها ......تمشيني بكيفها لا والله الا كلشي راح يكون بذوقي وعلى كيفي مو بكيفها
دخلت للصولون ويه أمي ونسوان أقاربي طلعت زهراء جانت تمشي بصفها فاطمة واخلاص مدنكة للكاع قلبي صار دك بسرعة مامصدك وصلت لهاي لحظة
وراح احصل .... على زهراء بلأخر قتربت عليها وكفت كبالها ابتسمت رفعت الغطاوة عن وجهها شوي شفت شكلها جانت طالعة اية من الجمال
بستها من كصتها وحضنتها وكتلها بهمس "
الف مبروك برفاه والبنين طالعة
تخبلين زهورة
بعدت عنها لزمت ايدها وطلعنا صعدنا بالسيارة محمد يسوق جان وأمي بالصدر مخليه مصطفى بحضنها عرس
جان سكتاوي لا هلهولة ولاشي
نزلنا يم استوديو التصوير اخذنه كم صورة وي أهل واقارب وصور الوحدنا جانت المصور بنية طلبت كوه
خليتها تنزع الغطاوة
أويلي مو جسم عليها جان مالت الكبر طالعة تخبل خبال ما جنت متوقع هيج راح تطلع جميلة وجذابة ماتحمل شوكت نوصل على البيت واخذ راحتي وياهاا
كملنا التصوير كملنا طريقنا البغداد اجت وياها فاطمة أختها وهند ريان اجا وياهم بسيارته اصلا مامرينه بيت
أهلها علمود يودعوها
هيج جان طلب ابوها الزفة تصير من الصالون يكول مريد الناس تحجي علينا وصلنا على البيت على الساعة بال٢ الظهر جان الجو حار والطريق شو بعيد
وصلنا للبيت نزلنة هلهولة ماكو صدك عرس الهدوء وسكتاوي محلو أبد مبي طعم عرس عبالك عرس ادمي
جبير مو شباب بعمر الورد
كعدنا سوه بالصالة باركولنا وراها اخذن زهراء للغرفة مالتنا فوك شلون مفاجأة محظرلها وره ربع ساعة زفوني عليها
ولد أقاربي وحبيب قلبي حمودي
دخلت سديت الباب قفلته بالمفتاح التفتت عليها جانت كاعدة والغطاوة بعدة على جسمها نظارها بالكاع
_ ليش انظارج بلكاع باعي علية
زهراء كرهانه روحي ولا طايقة شي وجاي افكر شلون اخلص من هاي لحظة وصارت الدخلة الظهر وأختي وهند جاي ينتظرون ياخذني علمود يرجعون للبيت
مالته قبل سوادالليل وهذا اجه لعندي يحجي وكف كبالي اخذت نفس شمرت الغطاوة عن راسي بقت بس على
اكتوفي باوعت بعيونه مباشرة شلون راح تخلي
الكل تقنع انت ماخذني ؟
ابتسم _ راح اخذج وانطيهم الدليل الحقيقي
كمت بطولي _ شتكوول ؟
_اخذج أنتِ هسه صرتي مرتي وحلالي وحلال علية اقتربلج
_ اقتل روحي بس تقتربلي حمزة
_ اهوووو بدت تلغي زايد
_ حمزة انت مو كلت مراح اقتربلج ابد شغيرك هسه
مديت ايدي جريت الغطاوة عنها شمرتها بالكاع باوعلها باللهفة تلمست زندها بصبعي فزت من مكانها
_ كلت بس ماوعدت أنتِ من كل عقلج راح اعوفج
هو اني صار سنوات منتظر هاللحظة
زهراء بعدت عنه كم خطوة _ شيل ايدك القذرة
_ايدي قذرة صار زهراء
_ من يوم يومك قذر ومابيك شي طاهر ونظيف
لزمني من كتوفي بايديه بقوة حسيت اظافره
غرزت بالحمي توجعت حيل
_ اااه حمزة دا توجعني
_ بعدج مشايفة الوجع على أصوله
دفعتة بإيديني. الاثنين من صدرة بقوة بس مكدرت
اسوي شي مكدرله جان اقوى مني بهواي
شال ايديه بسرعة لزمني من ايديه بقوة بإيديه احاول اسحب ايدية من عنده دا اتوجع حيل وجروح بعدها مطايبة
تأذينة أقل لطة لي
حمزة احاول اقترب لها وهي متقبل بس اليوم اخذهااخذها حتلوه بالجبار مايهمني شمرتها على الجرباية شفت
دم بأيد باوعت على كف ايدي جان بي دم باوعت عليها مستغرب منين اجه هذا الدم جانت وحدة من ايديها تنزف دم وهي تبجي
