رواية الدخيلة الفصل الثامن عشر بقلم مرج البحر
ﻭﻋﻠﮕﻨﻲ ﻣﺜﻞ ﺍﻟﺼﻮﻏﺔ ﺣﺘﻠﻮ ﻣﻌﮕﻮﺩ
ﺍﻃﺮﺍﻑ ﺍﻟﻌﻠﮓ ﺣﺮﻳﺔ ﻣﻦ ﻳﻨﺸﺪﻥ
ﻭﺍﺭﺳﻤﻨﻲ ﺣﻔﻨﺔ ﻣﻦ ﺍﻟﻮﺟﻊ ﺑﻴﻬﺎ ﺃﻟﻮﺍﻥ
ﺍﺷﻜﺎﻝ ﺍﻟﻮﺟﻊ ﺗﻨﻌﺎﺵ ﻣﺎ ﻳﻨﺮﺳﻤﻦ
.
.
.
ﺍﻟﺴﻠﻴﻤﺎﻧﻴﺔ ....
ﺣﻮﺭ : ﻃﺒﻌﺎ ﻋﺮﻓﺖ ﻣﻜﺎﻥ ﺭﻳﻢ ﻭﻫﻲ ﻫﺴﻪ ﻋﺪ ﺍﻟﺸﻴﺦ ﺍﺳﺪ ﺑﺲ ﻣﺎ ﺭﺍﺡ ﻳﺎﺧﺬﻧﻲ ﺍﻟﻬﺎ ﻻﻥ ﻫﺬﺍ ﺍﻟﺸﻲ ﺧﻄﺮ ﻋﻠﻴﻬﺎ ﻭ ﻋﻠﻴﻪ ﻭﻋﻠﺊ ﺍﻟﺸﻴﺦ ﺍﺳﺪ ﺭﺍﺡ ﺍﺭﻭﺡ ﻭﻱ ﺍﻟﻀﺎﺑﻂ ﺍﻳﺎﻥ ﻟﺒﻐﺪﺍﺩ ﺛﻘﻴﺖ ﺑﻴﻬﻢ ﻏﺼﺐ ﻋﻨﻲ ﻻﻥ ﻣﺎﻋﻨﺪﻱ ﻏﻴﺮﻫﻢ ﻳﺴﺎﻋﺪﻧﻲ ﻭﻫﻢ ﻟﻮ ﻣﻮ ﺧﻮﺵ ﻧﺎﺱ ﺟﺎﻥ ﻣﺎ ﺧﻠﺼﻮﻧﻲ ﻣﻦ ﺍﺑﻮ ﻓﺘﻨﻪ ﻭﻻ ﺣﻤﻮﺍ ﺭﻳﻢ ﻭﺳﺠﺊ ﺍﻟﻤﻬﻢ ﺍﻧﻲ ﺻﺎﻓﻨﻪ ﻭﺣﺎﺟﺎﻧﻲ ﺍﻟﺸﻴﺦ ﺍﺳﺪ ﺍﻟﻲ ﻳﺼﻴﺤﻠﻲ ﺣﻮﺭﻳﺔ ﻫﻬﻬﻬﻪ ...
ﺍﻟﺸﻴﺦ ﺍﺳﺪ : ﺑﻮﻳﺔ ﺣﻮﺭﻳﺔ
ﺣﻮﺭ : ﻫﺎ ﻋﻤﻮ
ﺍﻟﺸﻴﺦ ﺍﺳﺪ : ﺣﻀﺮﻱ ﻧﻔﺴﺞ ﻳﺒﻮﻳﺔ ﺍﻥ ﺷﺎﺀ ﺍﻟﻠﻪ ﺑﺎﺟﺮ ﺍﻟﺼﺒﺢ ﻧﻄﻠﻊ ﻟﺒﻐﺪﺍﺩ
ﺣﻮﺭ : ﻣﺎﺷﻲ ﻋﻤﻮ ﻣﺎﻋﻨﺪﻱ ﺷﻲ
ﺍﻟﺸﻴﺦ ﺍﺳﺪ : ﺍﻱ ﻳﺒﻮﻳﺔ ﺗﺼﺒﺤﻴﻦ ﻋﻠﺊ ﺧﻴﺮ
ﺣﻮﺭ : ﻭﺍﻧﺖ ﻣﻦ ﺍﻫﻠﻪ ﻋﻤﻮ
ﺭﺣﺖ ﻧﻤﺖ ﻋﻠﺊ ﺍﻟﺠﺮﺑﺎﻳﻪ ﻭﺍﻟﺸﻴﺦ ﻧﺎﻡ ﻋﻠﺊ ﺍﻟﺠﺮﺑﺎﻳﻪ ﺍﻟﺜﺎﻧﻴﻪ ﻭﺍﻟﻀﺎﺑﻂ ﺍﻳﺎﻥ ﺍﺑﺪ ﻣﺎﺣﺠﻪ ﺷﻲ ﻛﻞ ﺍﻟﻮﻛﺖ ﺳﺎﻛﺖ ﻭﻧﺎﻡ ﺑﺎﻟﻜﺎﻉ ﻣﺎﻗﺒﻞ ﺍﻧﺎﻡ ﺑﺎﻟﻜﺎﻉ ...
ﺍﻟﺴﻠﻴﻤﺎﻧﻴﺔ 7:00 ﺍﻟﺼﺒﺢ
ﺣﻮﺭ : ﻛﻌﺪﻧﻲ ﺍﻟﺸﻴﺦ ﺍﺳﺪ ﺻﺒﺤﺖ ﻋﻠﻴﻬﻢ ﻏﺴﻠﺖ ﻭﺟﻬﻲ ﻭﻟﻔﻴﺖ ﺍﻟﺤﺠﺎﺏ ﻣﺎﻟﺘﻲ ﻟﻜﻴﺘﻬﻢ ﺟﺎﻳﺒﻴﻦ ﺍﻟﺮﻳﻮﻙ ﻛﻌﺪﺕ ﺍﻛﻠﺖ ﺷﻮﻳﺔ ﻻﻥ ﺍﺳﺘﺤﻲ ﻣﻨﻬﻢ ﺧﻠﺼﻨﻪ ﻭﻃﻠﻌﻨﻪ ﻣﻦ ﺍﻟﻔﻨﺪﻕ ﻭ ﺭﺍﺡ ﺍﻟﺸﻴﺦ ﺍﺳﺪ ﻳﺴﺪ ﺍﻟﺤﺴﺎﺏ ﻣﺎﻟﺘﻬﻢ ﻭﺑﻘﻪ ﻳﻤﻲ ﺍﻟﻀﺎﺑﻂ ﺍﻳﺎﻥ
ﺍﻳﺎﻥ : ﻋﺪﻟﻲ ﺷﺎﻟﺞ
ﺣﻮﺭ ( ﺑﻐﺒﺎﺀ ) : ﺷﻠﻮﻥ
ﺍﻳﺎﻥ : ﺍﻛﻮ ﻭﺣﺪﺓ ﻣﺎﺗﻌﺮﻑ ﻋﺪﻝ ﺣﺠﺎﺑﻬﺎ
ﺣﻮﺭ ( ﺑﻐﺒﺎﺀ ) : ﺍﻱ ﻭﺍﻟﻠﻪ ﺍﻧﻲ
ﺍﻳﺎﻥ ( ﺑﻨﻔﺎﺫ ﺻﺒﺮ ) : ﺷﻨﻮ ﺍﻭﻝ ﻣﺮﺓ ﺗﻠﺒﺴﻴﻦ ﺣﺠﺎﺏ ﺍﻧﺘﻲ ﺷﺒﻴﺞ ﻳﺒﻮﻳﺔ
ﺣﻮﺭ : ﻭﺍﻟﻠﻪ ﺍﻧﻲ ﺍﻭﻝ ﻣﺮﺓ ﺍﻟﺒﺴﻪ ﻣﺎﺍﻋﺮﻓﻠﻪ ﺭﻳﻢ ﻣﺎ ﻋﻠﻤﺘﻨﻲ ﺷﻠﻮﻥ ﺍﺳﻮﻱ
ﺍﻳﺎﻥ : ﻭﻫﻮ ﻳﻮﻛﻒ ﻣﻘﺎﺑﻴﻠﻬﺎ ﻭﻳﻌﺪﻝ ﺑﺤﺠﺎﺑﻬﺎ ﻭﻳﺪﺧﻞ ﺧﺼﻼﺕ ﺷﻌﺮﻫﺎ ﺍﻟﻄﺎﻟﻌﺎﺕ ﻭﻳﻀﺤﻚ ﺑﺪﺍﺧﻠﻪ ﻋﻠﺊ ﺧﺪﻭﺩﻫﺎ ﺷﻠﻮﻥ ﺻﺎﺭﻥ ﻃﻤﺎﻃﻪ ﻣﻦ ﺍﻟﺨﺠﻞ
ﺣﻮﺭ : ﻣﻦ ﺗﻘﺪﻡ ﻭﺻﺎﺭ ﻣﻘﺎﺑﻴﻠﻲ ﺍﺭﺗﺒﻜﺖ ﻋﺪﻟﻲ ﺣﺠﺎﺑﻲ ﻭﺍﻧﻲ ﺍﺣﺲ ﻋﻀﺎﻣﻲ ﻛﻠﻬﺎ ﺍﻃﻚ ﻋﻀﻢ ﺑﻌﻀﻢ ﻣﻦ ﺍﻟﺮﺟﻒ ﻭﺧﺠﻠﺖ ﺣﻴﻞ ﺧﺪﻭﺩﻱ ﺻﺎﺭﻥ ﻃﻤﺎﻃﻪ
ﺍﻟﺸﻴﺦ ﺍﺳﺪ : ﺭﺣﺖ ﺍﺳﺪ ﺍﻟﺤﺴﺎﺏ ﺍﻟﺘﻔﺖ ﻭﺍﺷﻮﻑ ﺍﻳﺎﻥ ﻭﺍﻛﻒ ﻛﺪﺍﻡ ﺣﻮﺭ ﻭﻳﻌﺪﻝ ﺑﺤﺠﺎﺑﻬﺎ ﻭﻫﻲ ﺍﺑﺎﻭﻉ ﻋﻠﺊ ﺍﻳﺪﻳﻬﺎ ﻳﺮﺟﻔﻦ ﻭﺧﺪﻭﺩﻫﺎ ﺣﻤﺮ ﻫﻬﻬﻬﻬﻪ ﻭﻫﻮ ﺷﻠﻮﻥ ﻳﻌﺪﻝ ﺑﺤﺠﺎﺑﻬﺎ ﻛﺎﺗﻞ ﻧﻔﺴﻪ ﻭﺍﻟﻠﻪ ﻭﻭﻛﻌﺖ ﻛﻠﺒﻚ ﻫﻠﺤﻮﺭﻳﺔ ﻱ ﺍﻳﺎﻥ ﻭﺣﺮﻛﺖ ﻫﻞ ﻛﻠﺐ ﺍﻟﺤﺠﺮ ﻭﺍﺧﻴﺮﺍ ﺗﻮﺟﻬﺖ ﻋﻠﻴﻬﻢ ﻭﺣﻢ ﺣﻤﺖ
ﺍﻟﺸﻴﺦ ﺍﺳﺪ : ﺍﺡ ﺍﺣﻢ ﻳﻼ ﺑﻮﻳﺔ ﻧﺘﻮﻛﻞ
ﺣﻮﺭ ﻓﺰﺕ ﻭﺍﺑﺘﻌﺪﺕ ﻋﻦ ﺍﻳﺎﻥ ﻭﺍﻳﺎﻥ ﺍﺑﺘﻌﺪ ﻋﻨﻬﺎ ﺑﻜﻞ ﻫﺪﻭﺀ ﻭﻛﺎﻟﻪ
ﺍﻳﺎﻥ : ﻧﺘﻮﻛﻞ ﻳﺨﻮﻱ ...
ﺣﻮﺭ ﺍﻟﻄﺮﻳﻖ ﻛﻠﺶ ﻃﻮﻳﻞ ﺻﺎﺭﺕ ﺏ 12 ﺍﻟﻈﻬﺮ ﻭﺍﺣﻨﻪ ﺑﻌﺪﻧﻪ ﻣﺎﻭﺍﺻﻠﻴﻦ ﻧﺰﻟﻨﻪ ﺗﻐﺪﻳﻨﻪ ﻭﻧﻮﺏ ﻛﻤﻠﻨﻪ ﺍﻟﻄﺮﻳﻖ ﺗﻨﺎﻭﺏ ﺍﻟﺸﻴﺦ ﺍﺳﺪ ﻭﺍﻟﻀﺎﺑﻂ ﺍﻳﺎﻥ ﻋﻠﺊ ﺳﻴﺎﻗﻪ ﺍﻟﺴﻴﺎﺭﺓ ﻭﺍﺣﺪ ﻳﺴﻮﻕ ﻭﻭﺍﺣﺪ ﻳﺮﺗﺎﺡ
ﺧﻠﺺ ﻧﺺ ﺍﻟﻄﺮﻳﻖ ﻭﻧﻮﺏ ﺑﺪﺓ ﻳﺴﻮﻕ ﺍﻟﻀﺎﺑﻂ ﺍﻳﺎﻥ ﺣﺴﻴﺖ ﺍﻟﻄﺮﻳﻖ ﻛﻠﻪ ﻋﻴﻮﻧﻪ ﻣﻮ ﻋﻠﺊ ﺍﻟﺸﺎﺭﻉ ﻻ ﻋﻠﻴﻪ ﺿﻠﻴﺖ ﻛﻠﺴﺎﻉ ﺍﻋﺪﻝ ﺑﺤﺠﺎﺑﻲ ﺧﺎﻑ ﻣﺨﺮﺑﻂ ﻭﺍﻋﺪﻝ ﺑﻨﻔﺴﺒﻲ ﺧﺎﻑ ﺑﻴﻪ ﺷﻲ ﻭﺍﻟﻠﻪ ﺣﺴﺴﻨﻲ ﺑﻴﻪ ﺷﻲ ﻏﻠﺞ ﻣﻦ ﻛﺪ ﻣﺎ ﺑﺎﻭﻉ ﻋﻠﻴﻪ ﺟﺎﻥ ﺍﻟﺸﻴﺦ ﺍﺳﺪ ﻧﺎﻳﻢ ﻭﻣﺎ ﺣﺎﺱ ﺑﺎﻟﺪﻧﻴﺔ ﻛﺪ ﻣﺎﺗﻌﺒﺎﻥ ﻭﺍﻧﻲ ﺟﺎﻱ ﺍﻋﺪﻝ ﺑﺤﺠﺎﺑﻲ ﻛﺎﻟﻲ
ﺍﻳﺎﻥ : ﻛﺎﻓﻲ ﻳﺒﻮﻳﺔ ﺗﻌﺪﻟﻴﻦ ﺣﺠﺎﺑﺞ ﻋﺪﻝ
ﺣﻮﺭ ( ﺣﺠﺘﻬﺎ ﺑﺪﻭﻥ ﻗﺼﺪ ) : ﻫﺎ ﻻ ﻣﻮ ﺍﺧﺎﻑ ﺷﻌﺮﻱ ﻃﺎﻟﻊ ﻭﺍﻧﺖ ﻣﺎﺗﺮﺿﺊ
ﺍﻳﺎﻥ ( ﺍﻛﻮ ﻓﺮﺣﻪ ﺑﺪﺍﺧﻠﻪ ) : ﻫﻬﻬﻬﻬﻪ ﻻﻳﺒﻮﻳﺔ ﻣﺎﻃﺎﻟﻊ ﺷﻌﺮﺝ ﻭﺍﺫﺍ ﻃﺎﻟﻊ ﺍﻧﻲ ﺍﻛﻠﺞ
ﺣﻮﺭ : ﺍﻳﻲ
ﺍﻳﺎﻥ : ﻳﻼ ﺑﻮﻳﺔ ﻧﺎﻣﻲ ﻫﺴﻪ ﻭﺍﺭﺗﺎﺣﻲ ﻣﻦ ﻧﻮﺻﻞ ﺍﻧﻲ ﺍﻛﻌﺪﻛﻢ
ﺣﻮﺭ : ﻣﺎﺷﻲ
ﺧﻠﻴﺖ ﺭﺍﺳﻲ ﻋﻠﺊ ﺍﻟﺠﺎﻣﻪ ﻭﻏﻤﻀﺖ ﻋﻴﻮﻧﻲ ﺑﺲ ﺍﺣﺲ ﺍﻛﻮ ﺍﺣﺪ ﺩﺍ ﻳﺒﺎﻭﻋﻠﻲ ﺍﺗﺠﺎﻫﻠﺖ ﺍﻻﻣﺮ ﻭﺭﺣﺖ ﺑﺎﻟﻨﻮﻣﻪ ﺍﻟﻌﻤﻴﻘﻪ ﻫﻬﻬﻬﻬﻪ ﻭﺍﺑﺪ ﻣﺎﺣﺴﻴﺖ ﺑﺎﻟﻮﻗﺖ ....
ﺍﻳﺎﻥ : ﻗﺒﻞ ﻻﻧﻄﻠﻊ ﻣﻦ ﺍﻟﻔﻨﺪﻕ ﺭﺍﺡ ﺍﺳﺪ ﻳﺴﺪ ﺍﻟﺤﺴﺎﺏ ﻣﺎﻝ ﺍﻟﻔﻨﺪﻕ ﺣﻮﺭ ﺟﺎﻧﺖ ﻭﺍﻛﻔﻪ ﻳﻤﻲ ﺑﺲ ﺍﻛﻮ ﺷﻌﺮﺍﻳﺎﺕ ﻃﺎﻟﻌﺎﺕ ﻣﻦ ﺍﻟﺤﺠﺎﺏ ﻭﻣﺒﻴﻦ ﻋﻠﻴﻬﺎ ﻣﺎﺗﻌﺮﻑ ﺗﻠﺒﺲ ﺍﻟﺤﺠﺎﺏ ( ﺩﺍﺭ ﺍﻟﺤﻮﺍﺭ ﺍﻟﻲ ﺑﻴﻨﻬﻢ ﻭﺍﻟﻲ ﺫﻛﺮﺗﻪ ﺳﺎﺑﻘﺎ ) ﺑﻌﺪ ﻣﺎﻃﻠﻌﻨﻪ ﻣﻦ ﺍﻟﻔﻨﺪﻕ ﺗﻨﺎﻭﺑﻨﻪ ﺍﻧﻲ ﻭﺍﺳﺪ ﻋﻠﺊ ﺳﻴﺎﻗﻪ ﺍﻟﺴﻴﺎﺭﺓ ﻣﻦ ﻳﺠﻲ ﺩﻭﺭﻱ ﺍﺳﻮﻕ ﺍﻭﺟﻬﻪ ﺍﻟﻤﺮﺍﻳﺎ ﻋﻠﻴﻬﺎ ﻭﻋﻴﻦ ﻋﻠﺊ ﺍﻟﻄﺮﻳﻖ ﻭﻋﻴﻦ ﻋﻠﻴﻬﺎ ﺣﺴﻴﺘﻬﺎ ﻣﻼﻙ ﻃﺎﻫﺮ ﻣﻨﺰﻫﻪ ﻣﻦ ﺍﻱ ﻏﻠﻂ ﻃﻔﻠﻪ ﺑﺮﻳﺌﺔ ﻋﻔﻮﻳﺔ ﻃﻔﻮﻟﻴﺔ ﻫﺎﺩﺋﺔ ﺑﻴﻬﺎ ﻛﻞ ﺍﻟﺼﻔﺎﺕ ﺍﻟﺤﻠﻮﺓ ﺣﺴﻴﺖ ﻧﻔﺴﻲ ﻣﺘﻌﻠﻖ ﺑﻴﻬﺎ ﻣﻦ ﺍﻭﻝ ﻣﺎﺷﻔﺘﻬﺎ ﻋﻴﻮﻧﻲ ﻏﺼﺐ ﻋﻨﻲ ﺗﺒﺎﻭﻉ ﻋﻠﻴﻬﺎ ﺍﺣﺲ ﻧﻔﺴﻲ ﻣﺴﺆﻝ ﻋﻨﻬﺎ ﻭﻋﻦ ﻛﻠﺸﻲ ﻳﺨﺼﻬﺎ ﻭﺍﻟﺸﻲ ﺍﻟﻲ ﻣﻔﺮﺣﻨﻲ ﺍﻛﺜﺮ ﺍﻥ ﺭﺍﺡ ﺍﺧﺬﻫﺎ ﻭﻳﺎﻱ ﻟﺒﻐﺪﺍﺩ ﺍﺧﻠﻴﻬﺎ ﻋﺨﺪﻱ ﻭﻛﺪﺍﻡ ﻋﻴﻨﻲ ﺍﺣﺲ ﻋﻴﻮﻧﻲ ﻣﺎﺟﺎﻱ ﺗﺸﺒﻊ ﻣﻦ ﺷﻮﻓﺘﻬﺎ ﺗﻌﻠﻘﺖ ﺑﻴﻬﺎ ﻣﺎﺩﺭﻱ ﺷﻨﻮ ﻫﺬﺍ ﺍﺑﺸﻲ ﺍﻟﻲ ﺑﺪﺍﺧﻠﻲ ﻣﻦ ﺍﺷﻮﻓﻬﺎ ﺍﺣﺲ ﻧﻔﺴﻲ ﻣﺮﺗﺎﺡ ﻣﻌﻘﻮﻟﺔ ﻫﺬﺍ ﺍﻟﺤﺐ ؟ ﺍﻟﻤﻬﻢ ﻛﻠﺘﻠﻬﺎ ﻧﺎﻣﻲ ﻭﻫﻲ ﻣﻦ ﺻﺪﻙ ﻧﺎﻣﺖ ﺑﺴﺎﺑﻊ ﻧﻮﻣﻪ ﻣﺎﺗﺤﺲ ﻋﻠﺊ ﺷﻲ ﺍﺑﺪ ﻭﺻﻠﻨﻪ ﻣﻨﻄﻘﻪ ﻓﺎﺭﻏﻪ ﻳﻌﻨﻲ ﻗﻠﻴﻞ ﻛﻠﺶ ﺳﻴﺎﺭﺍﺕ ﺗﻤﺮ ﺑﻴﻬﺎ ﺗﻌﺒﺘﺖ ﺣﻴﻞ ﺑﻌﺪ ﻣﺎﻛﺪﺭ ﺍﺳﻮﻕ ﻭ ﺍﺳﺪ ﻧﺎﻳﻢ ﺍﺳﺘﺨﻄﻴﺖ ﺍﻛﻌﺪﺓ ﻛﻠﺖ ﺍﻭﻛﻒ ﻫﻨﺎ ﺍﺭﺗﺎﺣﻠﻲ ﺳﺎﻋﻪ ﻭﺍﺗﺤﺮﻙ ﺻﻔﻴﺖ ﺍﻟﺴﻴﺎﺭﺓ ﻋﻠﺊ ﺟﻬﻪ ﻭﺳﺪﻳﺖ ﺍﻟﺠﺎﻣﺎﺕ ﻻﻥ ﺍﻟﺴﻴﺎﺭﺓ ﻣﻀﻠﻠﻪ ﻋﻴﻨﻲ ﺑﺪﻭﻥ ﺍﻱ ﺗﻔﻜﻴﺮ ﺭﺍﺣﺖ ﻋﻠﻴﻬﺎ ﺿﻠﻴﺖ ﺻﺎﻓﻦ ﺑﻮﺟﻬﻪ ﻛﺎﻥ ﺍﺭﻳﺪ ﺍﺣﻔﻆ ﻣﻼﻣﺤﻬﺎ ﺑﻌﻘﻠﻲ ﻭﺍﺧﻠﻴﻬﻦ ﻋﻠﻄﻮﻝ ﻛﺪﺍﻡ ﻋﻴﻨﻲ ﺍﺧﺬﺗﻠﻲ ﺑﺎﻟﺮﺑﻊ ﺳﺎﻋﻪ ﺍﻧﻲ ﺻﺎﻓﻦ ﺑﻮﺟﻬﻪ ﻣﺎﺣﺴﻴﺖ ﻋﻠﺊ ﺍﺳﺪ ﻣﻦ ﻛﻌﺪ ﻛﺎﻟﻲ
ﺍﻟﺸﻴﺦ ﺍﺳﺪ : ﻫﺎ ﺿﺎﺑﻂ ﺍﻳﺎﻥ ﻣﻄﻮﻝ ﺑﺼﻔﻨﺘﻚ
ﺍﻳﺎﻥ : ﻓﺰﻳﺖ ﻣﻦ ﺻﻔﻨﺘﻲ ﻫﺎ ﺍﺳﻮﺩﻱ ﻛﻌﺪﺕ
ﺍﻟﺸﻴﺦ ﺍﺳﺪ ( ﻭﻋﻠﺊ ﻭﺟﻬﻪ ﺍﺑﺘﺴﺎﻣﻪ ) : ﺍﻱ ﻋﻴﻨﻲ ﺍﻳﻮﻥ ﻛﻌﺪﺕ
ﺍﻳﺎﻥ : ﺍﻳﻲ ﺻﺢ ﺍﻟﻨﻮﻡ ﻳﻼ ﺗﺠﻲ ﺗﺴﻮﻕ
ﺍﻟﺸﻴﺦ ﺍﺳﺪ : ﻻ ﻋﻴﻨﻲ ﻛﻤﻞ ﺻﻔﻨﺘﻚ ﺣﺒﻴﺐ ﻛﻠﺒﻲ ﻻﻥ ﺍﻟﻮﺿﻊ ﻋﺎﺟﺒﻚ ﻛﻠﺶ
ﺍﻳﺎﻥ : ﺷﻬﻞ ﺍﻟﺤﺠﻲ ﺍﺳﺪ ﻣﺎﻋﺎﺟﺒﻨﻲ ﺷﻲ ﻭﻳﻼ ﺗﻌﺎﻝ ﺳﻮﻕ ﺧﻠﻲ ﺍﺭﺗﺎﺡ ﻭﻫﻮ ﺍﺻﻼ ﻣﺎﺑﻘﻪ ﺷﻲ ﻭﻧﻮﺻﻞ ﺷﻲ ﺳﺎﻋﺘﻴﻦ ﻭﺍﺣﻨﻪ ﺑﺒﻐﺪﺍﺩ
ﺍﻟﺸﻴﺦ ﺍﺳﺪ : ﻭﻟﻚ ﻭﺍﻟﻠﻪ ﻣﺎﺗﻌﺒﺮﻫﻦ ﻋﻠﻴﻪ ﻋﻤﻲ ﻛﺎﺷﻔﻚ ﻭﺍﻟﻠﻪ ﺑﺲ ﺍﻧﺖ ﻣﺎﺗﺮﻳﺪ ﺗﻌﺘﺮﻑ ﺑﺲ ﻳﻼ ﻳﺠﻲ ﻳﻮﻡ ﻭﺗﻜﻠﻲ ﺍﻟﺤﻜﻨﻲ ﻭﻛﻜﻌﺖ ﺑﺤﺒﻬﺎ ﻭﻣﺎﻋﺮﻑ ﺷﻠﻮﻥ ﺍﻛﻠﻠﻬﺎ ﻫﻬﻬﻬﻬﻬﻪ
ﺍﻳﺎﻥ : ﻏﻮﺩ ﺫﺍﻙ ﺍﻟﻮﻛﺖ ﺗﻌﺎﻝ ﺍﺣﺠﻲ ﻫﺴﻪ ﺍﻧﺰﻝ ﻭﺗﻌﺎﻝ ﺳﻮﻕ ﻭﺧﻠﻴﻨﻲ ﺍﻧﻄﻤﺮ
ﺍﻟﺸﻴﺦ ﺍﺳﺪ : ﻫﻬﻬﻬﻪ ﻳﻼ ﺗﻌﺎﻝ
ﺗﺒﺎﺩﻝ ﺍﻳﺎﻥ ﻭﺍﺳﺪ ﺑﺎﻟﻤﻜﺎﻧﺎﺕ ﻭﺑﺪﺓ ﺍﻟﺸﻴﺦ ﺍﺳﺪ ﻳﺴﻮﻕ ﻭﻳﻔﻜﺮ ﺑﺎﻟﻤﻼﻙ ﺍﻟﻲ ﻋﺎﻓﻪ ﺑﻴﺘﻪ ﻭﺍﻟﻲ ﺷﻐﻠﺖ ﺑﺎﻟﻪ ﻣﻦ ﺍﻭﻝ ﻣﺮﺓ ﻣﻦ ﺷﺎﻑ ﻋﻴﻮﻧﻬﺎ ﻭﻳﺘﺬﻛﺮ ﻫﺪﻭﺋﻬﺎ ﻭﺟﻤﺎﻟﻬﺎ ﻭﻧﻌﻤﻮﻣﺘﻬﺎ ﻭﻃﻔﻮﻟﻴﺘﻬﺎ ﻣﻦ ﺗﺮﺳﻢ ﺍﺑﺘﺴﻢ ﻭﻫﻮ ﻋﻴﻨﻪ ﻋﻠﺊ ﺍﻟﻄﺮﻳﻖ ﺑﺲ ﺑﺎﻟﻪ ﻳﻤﻬﺎ ﻭﺍﻟﻀﺎﺑﻂ ﺍﻳﺎﻥ ﺍﻛﻴﺪ ﻧﺎﻡ ﺍﻣﺎ ﺣﻮﺭﻳﺔ ﻑ ﻣﺎ ﺣﺎﺳﻪ ﻋﻠﺊ ﺍﻱ ﺷﻲ ﻏﺎﻃﻪ ﺑﺴﺎﺑﻊ ﻧﻮﻣﻪ ﻫﻬﻬﻬﻬﻪ
ﺍﻟﺸﻴﺦ ﺍﺳﺪ ﻭﺻﻠﻨﻪ ﻟﺒﻐﺪﺍﺩ ﺗﻘﺮﻳﺒﺎ ﺍﻟﺴﺎﻋﻪ ﺏ 8 ﺑﻠﻴﻞ ﺍﻳﺎﻥ ﻭﺣﻮﺭ ﻧﺎﻳﻤﻴﻦ ﻭﻣﺎﺣﺎﺳﻴﻦ ﻋﻠﺊ ﺷﻲ ﺍﻟﻤﻬﻢ ﺭﺑﻊ ﺳﺎﻋﻪ ﻭﻭﺻﻠﺖ ﻟﻠﺸﻘﻪ ﻣﺎﻝ ﺍﻳﺎﻥ ﻃﺒﻜﺖ ﺍﻟﺴﻴﺎﺭﺓ ﺑﺎﻟﻜﺮﺍﺝ ﻭﻛﻌﺪﺕ ﺍﻳﺎﻥ ﻛﺘﻠﻪ ﻭﺻﻠﻨﻪ
ﺍﻟﺸﻴﺦ ﺍﺳﺪ : ﺍﻳﺎﻥ ﺍﻛﻌﺪ ﻭﺻﻠﻨﻪ
ﺍﻳﺎﻥ : ﻫﺎ ﺍﻟﺤﻤﺪﻟﻠﻪ ﻉ ﺍﻟﺴﻼﻣﻪ
ﺍﻟﺸﻴﺦ ﺍﺳﺪ : ﺍﻟﻠﻪ ﻳﺴﻠﻤﻚ ﻳﻼ ﺍﻧﺰﻝ ﻭﻛﻌﺪ ﻭﻳﺎﻙ ﺣﻮﺭﻳﺔ ﺍﻧﻲ ﺭﺍﻳﺢ ﻟﻬﺬﺍ ﺍﻟﻤﻄﻌﻢ ﺍﻟﻲ ﺑﺮﺍﺱ ﺍﻟﺸﺎﺭﻉ ﺍﺟﻴﺐ ﻋﺸﻪ ﻭﺍﺟﻴﻜﻢ
ﺍﻳﺎﻥ : ﻣﺎﺷﻲ
ﺭﺍﺡ ﺍﻟﺸﻴﺦ ﺍﺳﺪ ﻟﻠﻤﻄﻌﻢ
ﺍﻳﺎﻥ : ﻧﺰﻟﺖ ﻭﺭﺣﺖ ﻓﺘﺤﺖ ﺍﻟﺸﻘﻪ ﻭﺭﺟﻌﺖ ﻧﺰﻟﺖ ﻟﺴﻴﺎﺭﻩ ﻓﺘﺤﺖ ﺍﻟﺒﺎﺏ ﺑﺎﻭﻋﺖ ﻟﺤﻮﺭ ﻫﺴﻪ ﻣﻦ ﺍﻛﻮ ﺍﻓﺠﺮ ﺍﻟﻤﻜﺎﻥ ﻣﺎﺗﻜﻌﺪ ﺷﻠﺘﻬﺎ ﻭﻳﺴﺪﻳﺖ ﺍﻟﺒﺎﺏ ﻭﻗﻔﻠﺖ ﺍﻟﺴﻴﺎﺭﺓ ﻭﺻﻌﺪ ﺑﻴﻬﺎ ﻟﻠﺸﻘﺘﻲ ﺩﺧﻠﺖ ﻛﺒﻞ ﻟﻠﻐﺮﻓﺔ ﻣﺎﻟﺘﻲ ﺧﻠﻴﺘﻬﺎ ﻉ ﺍﻟﺠﺮﺑﺎﻳﺔ ﻭﻏﻄﻴﺘﻬﺎ ﻭﺭﺣﺖ ﻟﻠﻜﻨﺘﻮﺭ ﻃﻠﻌﺖ ﻣﻼﺑﺲ ﺍﻟﻲ ﻭﻣﻨﺸﻔﻪ ﻭﺑﻮﺟﻬﻲ ﻟﻠﺤﻤﺎﻡ ﺩﺧﻠﺖ ﺳﺒﺤﺖ ﻭﺧﻠﻴﺖ ﻣﻼﺑﺴﻲ ﺑﺎﻟﺴﻠﻪ ﻣﺎﻝ ﺍﻟﻤﻼﺑﺲ ﺍﻟﻮﺻﺨﻪ ﻭﻃﻠﻌﺖ ﺍﻧﺸﻒ ﺑﺸﻌﺮﻱ ﻟﻜﻴﺖ ﺍﺳﺪ ﺟﺎﻱ ﻭﻣﺨﻠﻲ ﺍﻻﻛﻞ ﻉ ﺍﻟﻄﺒﻠﻪ ﻣﺎﻝ ﺍﻟﻄﻌﺎﻡ
ﺍﻟﺸﻴﺦ ﺍﺳﺪ : ﻧﻌﻴﻤﺎ ﺍﻳﻮﻥ
ﺍﻳﺎﻥ : ﺍﻟﻠﻪ ﻳﻨﻌﻢ ﻋﻠﻴﻚ ﺷﻴﺦ
ﺍﻟﺸﻴﺦ ﺍﺳﺪ : ﻳﻼ ﺗﻌﺎﻝ ﺍﺗﻌﺸﻪ ﺑﺲ ﻭﻳﻦ ﺣﻮﺭ ﺷﻮ ﻣﺎﻟﻬﺎ ﺻﻮﺕ
ﺍﻳﺎﻥ : ﻧﺎﻳﻤﻪ ﺑﻐﺮﻓﺘﻲ
ﺍﻟﺸﻴﺦ ﺍﺳﺪ : ﻫﺎﺍﺍ ﻳﻼ ﺗﻌﺎﻝ ﻧﺘﻌﺸﻪ ﻧﺨﻠﻴﻠﻬﺎ ﺍﻛﻞ ﻣﻦ ﺗﻜﻌﺪ ﺗﺎﻛﻞ
ﺍﻳﺎﻥ : ﺍﻳﻲ ﻳﻼ
ﺍﺗﻌﺸﻪ ﺍﻳﺎﻥ ﻭﺍﺳﺪ ﻭﻛﻤﻠﻮﺍ ﺭﺍﺡ ﺍﺳﺪ ﻳﺴﺒﺢ ﻭﺍﻳﺎﻥ ﻧﻀﻒ ﺍﻟﻄﺒﻠﻪ ﻭ ﻋﺰﻝ ﺍﻛﻞ ﺣﻮﺭ ﻭﺩﺧﻞ ﻟﻠﻐﺮﻓﻪ ﻟﻜﺎﻫﺎ ﻉ ﻧﻔﺲ ﻧﻮﻣﺘﻬﺎ ﺍﺑﺘﺴﻢ ﻟﻤﻨﻀﺮﻫﺎ ﻧﻮﺏ ﺭﺍﺡ ﻃﻠﻊ ﻓﺮﺍﺵ ﻋﻠﻤﻮﺩ ﻳﻨﺎﻣﻮﻥ ﻋﻠﻴﻪ ﺑﺎﻟﺼﺎﻟﻪ ﻻﻥ ﺍﻟﻐﺮﻓﻪ ﺍﻟﺜﺎﻧﻴﻪ ﻣﺎ ﻣﺮﺗﺒﻬﺎ ﻻﻥ ﺟﺎﻥ ﻣﺎﻳﺴﺘﺨﺪﻣﻬﺎ ﺍﻟﻤﻬﻢ ﻓﺮﺵ ﺍﻟﻔﺮﺍﺵ ﻭﺗﻤﺪﺩ ﻃﻠﻊ ﺍﺳﺪ ﻣﻦ ﺍﻟﺤﻤﺎﻡ
ﺍﻳﺎﻥ : ﻧﻌﻴﻤﺎ
ﺍﻟﺸﻴﺦ ﺍﺳﺪ : ﺍﻟﻠﻪ ﻳﻨﻌﻢ ﻋﻠﻴﻚ ﺣﺒﻴﺒﻲ
ﺍﻟﻴﻮﻡ ﺍﻧﺎﻡ ﻫﻨﺎ؟
ﺍﻳﺎﻥ : ﺍﻳﻲ ﻭﺍﻟﻠﻪ ﺷﻮﻓﺖ ﻋﻴﻨﻚ
ﺍﻟﺸﻴﺦ ﺍﺳﺪ : ﻋﻤﻲ ﺍﻣﺮﻧﻪ ﻟﻠﻪ
ﺍﻳﺎﻥ : ﻫﻬﻬﻬﻪ ﺩﻳﻼ ﻧﺎﻡ ﻭﺍﺳﻜﺖ
ﺍﻟﺸﻴﺦ ﺍﺳﺪ : ﺑﺎﺟﺮ ﺍﻥ ﺷﺎﺀ ﺍﻟﻠﻪ ﻣﻦ ﺍﻟﺼﺒﺢ ﺍﺭﺟﻊ ﻟﻠﺒﻴﺖ
ﺍﻳﺎﻥ : ﺍﺑﻘﻪ ﻳﻮﻣﻴﻦ ﺷﺒﻴﻚ ﻣﺴﺘﻌﺠﻞ
ﺍﻟﺸﻴﺦ ﺍﺳﺪ : ﻭﺍﻟﻠﻪ ﻳﺨﻮﻱ ﻣﺎﻛﺪﺭ ﺍﻧﺖ ﺗﺪﺭﻱ ﺍﻟﺸﻴﻮﺥ ﺍﻟﻜﺒﺎﺭ ﻣﺎ ﻣﻮﺟﻮﺩﻳﻦ ﻭﺍﻟﺪﻳﻮﺍﻥ ﻣﻔﺘﻮﺡ ﻭﻛﺎﻋﺪ ﺑﻲ ﺷﻬﻚ ﺓﺣﺴﻴﻦ ﻭﺧﻄﻴﻪ ﻋﺪﻫﻢ ﻫﻮﺍﻱ ﺍﺷﻐﺎﻝ ﺗﺮﻛﻮﺍ ﺍﺷﻐﺎﻟﻬﻢ ﻭﻛﻌﺪﻭﺍ ﺑﻲ ﻭﺍﻟﺸﻴﻮﺥ ﺍﻟﻜﺒﺎﺭ ﻫﻠﻴﻮﻣﻴﻦ ﺭﺍﺟﻌﻴﻦ
ﺍﻳﺎﻥ : ﺗﻮﻛﻞ ﺑﺎﻟﻠﻪ ﺣﺒﻴﺒﻲ
ﺍﻟﺸﻴﺦ ﺍﺳﺪ : ﺗﺼﺒﺢ ﻋﻠﺊ ﺧﻴﺮ
ﺍﻳﺎﻥ : ﻭﺍﻧﺖ ﻣﻦ ﺍﻫﻠﻪ .....
ﺣﻮﺭ : ﺑﻌﺪ ﻣﺎﻧﻤﺖ ﺑﺎﻟﺴﻴﺎﺭﺓ ﻣﺎﺣﺴﻴﺖ ﻉ ﺷﻲ ﺍﺑﺪ ﻓﺰﻳﺖ ﺍﻟﺴﺎﻋﻪ ﺏ 2 ﺑﻠﻴﻞ ﺍﻭﻝ ﻣﺎﻓﺘﺤﺖ ﻋﻴﻮﻧﻲ ﺷﻔﺖ ﻧﻔﺴﻲ ﺍﻧﻲ ﺑﻐﺮﻓﻪ ﻏﺮﻳﺒﺔ ﻋﻠﻴﻪ ﺭﻓﻌﺖ ﺭﺍﺳﻲ ﻏﺮﻓﻪ ﻛﺎﻣﻠﻪ ﺍﺳﺘﻐﺮﺑﺖ ﺑﻌﺪﻳﻦ ﻛﻠﺖ ﻳﻤﻜﻦ ﻭﺻﻠﻨﻪ ﺑﻐﺪﺍﺩ ﺑﺲ ﺷﻠﻮﻥ ﻭﺻﻠﺖ ﻟﻬﻨﺎ ﻣﻨﻮ ﺟﺎﺑﻨﻲ ﻟﻠﻐﺮﻓﻪ ﺍﻭﻭﻭﻳﻠﻲ ﻳﺒﺎ ﺑﺲ ﻻ ﺍﻟﺸﻴﺦ ﺍﺳﺪ ﺷﺎﻳﻠﻨﻲ ﻟﻬﻨﺎ ﻋﺰﺯﺍ ﻟﻮ ﺍﻟﻀﺎﺑﻂ ﺍﻳﺎﻥ ﻳﺎﻓﺸﻠﺘﻲ ﻛﻌﺪﺕ ﻋﺪﻟﺖ ﺣﺠﺎﺑﻲ ﻭﺻﻔﻄﺖ ﺍﻟﺸﺮﺷﻒ ﻭﻋﺪﻟﺖ ﺍﻟﺠﺮﺑﺎﻳﺔ ﻭﻛﻠﺖ ﺧﻠﻲ ﺍﻃﻠﻊ ﺑﻠﻜﻲ ﺍﻟﻜﻲ ﺷﻲ ﺍﻛﻠﻪ ﻻﻥ ﻣﺘﺖ ﻣﻦ ﺍﻟﺠﻮﻉ ﻓﺘﺤﺖ ﺑﺎﺏ ﺍﻟﻐﺮﻓﻪ ﻉ ﻛﻴﻒ ﻭﻃﻠﻌﺖ ﺑﺎﻭﻋﺖ ﺑﺎﻟﺼﺎﻟﻪ ﺍﻟﺸﻴﺦ ﺍﺳﺪ ﻭﺍﻟﻀﺎﺑﻂ ﺍﻳﺎﻥ ﻧﺎﻳﻤﻴﻦ ﺑﺎﻟﻜﺎﻉ ﻭﺍﺣﺪ ﺑﺼﻒ ﺍﻟﺜﺎﻧﻲ ﺭﺣﺖ ﻟﻠﻤﻄﺒﺦ ﻟﻜﻴﺖ ﻋﻼﻛﻪ ﻉ ﻃﺒﻠﻪ ﺍﻟﻄﻌﺎﻡ ﻓﺘﺤﺘﻬﺎ ﻟﻜﻴﺖ ﺻﺎﺝ ﻭﺑﻴﺘﺰﺍ ﻭﻓﻨﻜﺮ ﺭﺣﺖ ﻟﻠﺜﻼﺟﻪ ﻟﻜﺴﺖ ﻋﺼﺎﻳﺮ ﻭﺑﺒﺴﻲ ﻭﻛﻠﺸﻲ ﺑﻴﻬﺎ ﻣﻠﻴﺎﻧﻪ ﺣﻠﻮﻳﺎﺕ ﻭﺧﻀﺮﻭﺍﺕ ﻭﻣﺸﺮﻭﺑﺎﺕ ﻏﺎﺯﻳﺔ ﻭﻋﺼﺎﺋﺮ ﺍﻟﻤﻬﻢ ﺍﺧﺬﺕ ﻗﻮﻃﻴﻪ ﺑﺒﺴﻲ ﻭﻛﻌﺪﺕ ﻉ ﺍﻟﻄﺒﻠﻪ ﺍﻛﻞ ﻛﻤﻠﺖ ﺍﻻﻛﻞ ﺿﻤﻴﺖ ﺍﻻﻛﻞ ﺍﻟﻲ ﺯﺍﺩ ﺑﺎﻟﺜﻼﺟﻪ ﻭﻧﻀﻔﺖ ﺍﻟﻄﺒﻠﻪ ﻭﺭﺟﻌﺖ ﻧﻤﺖ ......
ﺍﻟﺒﺼﺮﺓ ﺍﻟﺴﺎﻋﻪ 8:00 ﺍﻟﺼﺒﺢ
ﻛﻌﺪﻭﺍ ﺍﻟﺒﻨﺎﺕ ﺟﻬﺰﻭﺍ ﺍﻟﺮﻳﻮﻙ ﻭﺍﻧﻄﻮﺍ ﻟﻠﺸﺒﺎﺏ ﺣﺘﺊ ﻳﺘﺮﻳﻜﻮﻥ ﻭﻫﻦ ﻛﻤﻠﻦ ﺭﻳﻮﻛﻬﻦ ﻭﻛﻞ ﻭﺣﺪﺓ ﺭﺍﺣﺖ ﺑﺠﻬﻪ ﺗﺸﺘﻐﻞ ﻭﺗﻨﻀﻒ ﻋﻠﻤﻮﺩ ﻻﻥ ﺍﻟﻴﻮﻡ ﻳﺠﻲ ﺍﻟﺸﻴﺦ ﺍﺳﺪ ﺣﻀﺮﻥ ﻛﻠﺸﻲ ﻭﻛﻤﻠﻦ ﺻﺎﺭﺕ ﺍﻟﺴﺎﻋﻪ ﺏ 10:30 ﻛﺎﻣﺖ ﺍﺻﻴﻞ ﻭﺭﻳﻢ ﻳﻄﺒﺨﻦ ﻭﻃﻠﻌﺖ ﺭﻳﻢ ﺍﺑﺪﺍﻋﺎﺗﻬﺎ ﺑﺎﻟﻄﺒﺦ ﻃﺒﺨﺖ ﺑﺮﻳﺎﻧﻨﻲ ﻭﻣﻄﺒﻚ ﺳﻤﺞ ﻭﺳﻮﺕ ﻣﺮﻙ ﺑﺎﻣﻴﺎ ﻭﺍﺻﻴﻞ ﺳﻮﺕ ﺍﻟﺤﻠﻮﻳﺎﺕ ﻭﺍﻟﺰﻻﻳﻂ ﻭﺍﻟﺤﺒﺸﻜﻼﺕ ﻛﻤﻠﻦ ﺍﻟﺴﺎﻋﻪ ﺏ 12
ﺍﻟﺪﻳﻮﺍﻥ ....
ﺍﻟﺴﺎﻋﻪ ﺏ 9:00 ﺍﻟﺼﺒﺢ
ﺣﺴﻴﻦ : ﺷﺒﺎﺏ ﺧﺎﺑﺮﻧﻲ ﺍﻟﺸﻴﺦ ﺍﺳﺪ ﺍﻟﺒﺎﺭﺣﻪ ﻭﻛﺎﻝ ﺍﻟﻴﻮﻡ ﻳﺠﻲ ﺭﺗﺒﻮﻟﻲ ﺍﻟﺪﻳﻮﺍﻥ ﻭﻛﻮﻟﻮ ﻟﻠﺒﻨﺎﺕ ﻳﺤﻀﺮﻥ ﺍﻟﻐﺪﺍ
ﺟﻮﺩ : ﻣﺎﺷﻲ
ﺭﺍﺡ ﺟﻮﺩ ﻛﺎﻝ ﻟﻠﺒﻨﺎﺕ ﻭﺭﺟﻊ ﻟﻠﺪﻳﻮﺍﻥ ﺭﺗﺒﻮﺍ ﺍﻟﺪﻳﻮﺍﻥ ﻭﻧﻀﻔﻮﺍ ﻭﺳﻮﻭ ﻛﻬﻮﺓ ﻭﻛﻌﺪﻭﺍ ﻣﺮ ﺍﻟﻮﻛﺖ ﻭﺻﺎﺭﺕ ﺏ 12 ﻭﺻﻞ ﺍﻟﺸﻴﺦ ﺍﺳﺪ ﻟﻠﺒﻴﺖ ﻭﺩﺧﻞ ﻟﻠﺪﻳﻮﺍﻥ ﺍﺳﺘﻘﺒﻠﻮﺍ ﺍﻟﻮﻟﺪ ﻭﻛﻌﺪﻭﺍ ﻭﺿﻠﻮﺍ ﻳﺤﺠﻮﻥ ﻭﺑﻌﺪﻳﻦ ﺍﺗﺼﻠﺖ ﻧﻴﺮﺍﻥ ﻉ ﺟﻮﺩ
ﻧﻴﺮﺍﻥ : ﺟﻮﺩﻱ ﺣﺒﻴﺒﻲ ﻳﻼ ﺗﻌﺎﻟﻮﺍ ﺗﻐﺪﻭﺍ ﻛﻤﻠﻨﻪ ﻛﻠﺸﻲ
ﺟﻮﺩ : ﻣﺎﺷﻲ ﻧﺎﺭﻭ ﺟﺎﻳﻴﻦ
ﺟﻮﻭﺩ : ﻳﻼ ﺷﺒﺎﺏ ﺍﻟﻐﺪﺍ ﻛﻤﻞ ﺗﻔﻀﻠﻮﺍ
ﻛﺎﻣﻮﺍ ﺍﻟﺸﺒﺎﺏ ﻭﺩﺧﻠﻮﺍ ﻟﻠﺒﻴﺖ ﻛﻌﺪﻭﺍ ﻋﻠﺊ ﺳﻔﺮﺓ ﻭﺣﺪﺓ ﻭﺍﻛﻴﺪ ﺍﻟﻤﺘﺮﺍﺳﻬﺎ ﺍﻟﺸﻴﺦ ﺍﺳﺪ ﻭﻋﻠﺊ ﻳﻤﻴﻨﻪ ﺟﻮﺩ ﻭﻋﻠﺊ ﻳﺴﺎﺭﺓ ﺫﻭ ﺍﻟﻔﻘﺎﺭ ﻭﻧﻮﺏ ﻋﻠﺊ ﺍﻟﺠﻬﻪ ﺍﻟﻴﺴﺮﺓ ﻳﺘﺮﺗﺒﻮﻥ ﻭﻟﺪ ﻋﻤﻬﻢ ﺭﺿﺎ ﺣﺴﻴﻦ ﻭﺍﺷﻢ ﻭﻫﻤﺎﻡ ﻭﻣﺤﻤﺪ ﻭ ﺍﻣﻴﺮ ﻭﻧﺎﺯﻙ ﻭﻣﻼﻙ ﻭﻋﻠﺊ ﻳﻤﻴﻦ ﺍﻟﺴﻔﺮﺓ ﻭﻟﺪ ﻋﻤﻬﻢ ﺣﺴﻦ ﺷﻬﻢ ﻭﻛﻴﺎﻥ ﺍﺻﻴﻞ ﻭﻧﺠﻤﻪ ﻭﺗﺮﻑ ﻭﺩﻳﻤﻪ ﻭﺷﻤﺲ ﻭﻧﻮﺏ ﻧﻴﺮﺍﻥ ﻭﺿﻲ ﺍﻟﮕﻤﺮ ﻭ ﺭﻳﻢ ﻛﺎﻋﺪﺓ ﺑﺎﻻﺧﻴﺮ ﻻﻥ ﺗﺴﺘﺤﻲ ﻭﻫﻲ ﺍﺻﻼ ﻏﺼﺐ ﻣﻦ ﺍﻟﺒﻨﺎﺕ ﻧﺰﻟﺖ ﻭﻳﺎﻫﻢ
ﻛﻤﻠﻮﺍ ﻏﺪﺍﻫﻢ ﻭﺟﺎﺑﺖ ﺷﻤﺲ ﺻﻴﻨﻪ ﺍﻟﺠﺎﻱ ﻭﺻﺒﺘﻪ ﻭﺍﻧﻄﺘﻬﻢ ﻭﺭﺍﺣﺖ ﻭﻱ ﺍﻟﺒﻨﺎﺕ ﻟﻠﻤﻄﺒﺦ ﻧﻀﻔﻦ ﻭﻛﻤﻠﻦ ....
ﺍﻟﺸﻴﺦ ﺍﺳﺪ : ﺷﺒﺎﺏ ﺍﺗﺮﺧﺺ ﺍﻧﻲ ﺗﻌﺒﺎﻥ ﻛﻠﺶ ﻣﻦ ﺍﻟﻄﺮﻳﻖ
ﺣﺴﻴﻦ : ﺭﻭﺡ ﺍﺭﺗﺎﺡ ﺷﻴﺦ ﺑﺲ ﻻﺗﻨﺴﻪ ﺍﻟﻴﻮﻡ ﻋﺪﻧﻪ ﻛﻌﺪﺓ ﺣﻠﻮﺓ ﻣﻦ ﺍﻟﺒﺎﺭﺣﻪ ﻣﺘﻔﻘﻴﻦ ﻋﻠﻴﻬﺎ ﻧﻜﻌﺪ ﺑﺎﻟﺪﻳﻮﺍﻥ ﻭﺍﻟﺒﻨﺎﺕ ﻭﻳﺎﻧﻪ
ﺍﻟﺸﻴﺦ ﺍﺳﺪ : ﻫﺎ ﺣﻠﻮ ﺍﻥ ﺷﺎﺀ ﺍﻟﻠﻪ ﻣﺎﺍﻧﺴﻪ ﻣﺎﻋﻨﺪﻱ ﺷﻲ
ﺷﻬﻢ : ﺭﻭﺡ ﺍﺭﺗﺎﺡ ﺷﻴﺦ
ﺍﻟﺸﻴﺦ ﺍﺳﺪ ﺭﺍﺡ ﻳﺮﻳﺪ ﻳﺮﺗﺎﺡ ﻭﺻﻠﻞ ﻟﻐﺮﻓﺘﻪ ﻭﻣﺮ ﻣﻦ ﻳﻢ ﻏﺮﻓﺘﻪ ﺍﻟﺒﻨﺎﺕ ﺷﺎﻑ ﺭﻳﻢ ﻭﺍﻛﻔﻪ ﻳﻢ ﺍﻟﻤﺮﺍﻳﺎ ﺗﻀﻔﺮ ﺷﻌﺮﻫﺎ ﻭﺗﺪﺭﺩﻡ ﺗﺮﻳﺪ ﺗﻜﺼﻪ ﻛﺎﻟﻠﻬﺎ ....
ﺭﻳﻢ : ﻛﻤﻠﻮﺍ ﺍﻟﺒﻨﺎﺕ ﻭﺍﻧﻲ ﺻﻌﺪﺕ ﻗﺒﻠﻬﻦ ﺳﺒﺤﺖ ﻭﻧﺸﻔﺖ ﺷﻌﺮﻱ ﻭﻭﻛﻔﺖ ﻳﻢ ﺍﻟﻤﺮﻳﺎ ﺍﻣﺸﻂ ﺷﻌﺮﻱ ﺣﻴﻴﻞ ﻣﺘﻌﺒﻨﻲ ﺍﺣﺠﻲ ﻭﻱ ﻧﻔﺴﻲ
ﺭﻳﻢ : ﻳﺒﻴﻮﻩ ﻭﺍﻟﻠﻪ ﺗﻌﺒﻨﻲ ﻣﻮ ﺷﻌﺮ ﺷﻄﻮﻟﺔ ﻭﺭﻓﻌﺖ ﻛﺼﻴﺒﺘﻬﺎ ﺑﻌﻠﻲ ﺍﻟﻪ ﺍﻛﺼﺞ ﻭﺍﻋﺒﺮ ﺫﺍﻙ ﺍﻟﺼﻮﺏ ﻭﺍﻧﻌﻞ ﻳﻮﻣﺞ ﻭﺍﻟﻠﻪ ﺗﻌﺒﺘﻴﻨﻲ
( ﻛﻞ ﻫﺬﺍ ﻭﺍﻟﺸﻴﺦ ﻭﺍﻛﻒ ﻳﺒﺎﻭﻋﻠﻬﺎ )
ﻣﺎﺣﺴﻴﺖ ﺑﺲ ﻉ ﺻﻮﺕ ﺍﻟﺸﻴﺦ ﺍﺳﺪ
ﺍﻟﺸﻴﺦ ﺍﺳﺪ : ﺣﺘﺊ ﺍﻛﺺ ﺍﻳﺪﻳﺞ ﺑﺲ ﺗﻜﺼﻴﻦ ﺷﻌﺮﺍﻳﻪ ﻭﺣﺪﺓ ﻣﻨﻪ
ﻭﺩﺍﺭ ﻭﺟﻬﻪ ﻭﺭﺍﺡ ﻟﻐﺮﻓﺘﻪ ﺩﺧﻞ ﺳﺒﺢ ﻭﺻﻮﺭﻩ ﺭﻳﻢ ﻛﺒﻞ ﻋﻴﻮﻧﻪ ﻣﺎﺗﺮﻭﺡ ﻛﻤﻞ ﻣﻦ ﺍﻟﺴﺒﺢ ﻧﺸﻒ ﺑﺪﻝ ﻣﻼﺑﺴﻪ ﻭﺷﻤﺮ ﻧﻔﺴﻪ ﻋﻠﺊ ﺍﻟﺠﺮﺑﺎﻳﺔ ﻭﻧﺎﻡ ﻣﻦ ﻛﺜﺮ ﺍﻟﺘﻌﺐ ﻣﺎﻝ ﺍﻟﻄﺮﻳﻖ
ﺭﻳﻢ : ﻛﺎﻟﻲ ﺍﻛﺺ ﺍﻳﺪﻳﺞ ﺑﺲ ﺗﻜﺼﻴﻦ ﺷﻌﺮﺍﻳﺔ ﻭﺣﺪﺓ ﻣﻨﻪ ﺭﻛﻀﺘﻪ ﺩﻳﺖ ﺍﻟﺒﺎﺏ ﻭﺿﻠﺖ ﺍﺩﻙ ﻋﻠﺊ ﻭﺟﻬﻲ ﻭﺩﻣﻮﻋﻲ ﺗﺼﺐ ﺍﻧﻲ ﺷﺴﻮﻳﺖ ﺑﻨﻔﺴﻲ ﺷﻜﻮﻝ ﻟﺮﺑﻲ ﻟﻴﺶ ﻣﺎﺳﺪﻳﺖ ﺑﺎﺏ ﺍﻟﻐﺮﻓﻪ ﺍﻟﻠﻪ ﻻﻳﻮﻓﻘﺞ ﺭﻳﻢ ﻉ ﻫﺎﻱ ﺍﻟﺪﻛﻪ ﻭﺿﻠﻴﺖ ﺍﺑﺠﻲ ﻟﺤﺪ ﻣﺎﻏﻔﻴﺖ ﻉ ﺍﻟﺒﺎﺏ ...
ﺍﻟﺒﻨﺎﺕ ...
ﻧﻴﺮﺍﻥ : ﺑﻨﺎﺕ ﺗﺮﺍ ﺍﻟﻴﻮﻡ ﺍﻟﺸﺒﺎﺏ ﻛﺎﻟﻮﺍ ﻧﻜﻌﺪ ﻛﻠﻨﻪ ﺑﺎﻟﺪﻳﻮﺍﻥ ﻧﺴﻮﻱ ﻛﻌﺪﺓ ﻣﺎﻝ ﺷﻌﺮ ﻭﻛﺬﺍ
ﺍﺻﻴﻞ : ﺍﻳﻲ ﺣﻠﻮ
ﻧﺎﺯﻙ : ﺟﺎ ﺧﻠﻲ ﻧﺴﻮﻱ ﺣﻠﻮﻳﺎﺕ ﺑﻌﺪ ﻭﻛﻴﻚ ﺣﺘﺊ ﺗﺼﻴﺮ ﺍﻟﻜﻌﺪﺓ ﺣﻠﻮﺓ
ﺿﻲ ﺍﻟﮕﻤﺮ : ﺍﻱ ﻭﺍﻟﻠﻪ
ﻭﺭﺍﺣﻦ ﺍﻟﺒﻨﺎﺕ ﻳﺴﻮﻥ ﺑﺎﻟﺤﻠﻮﻳﺎﺕ ﻭﻳﻀﺤﻜﻦ ﻭﻳﺘﺸﺎﻗﻦ
ﺩﺧﻞ ﻋﻠﻴﻬﻦ ﻫﻤﺎﻡ
ﻫﻤﺎﻡ : ﺍﺣﻢ ﺍﺣﻢ
ﺍﻟﺒﻨﺎﺕ ﻟﺒﺴﻮﺍ ﺍﺣﺠﺒﺘﻬﻢ ﻭﺗﺮﻑ ﻛﺎﻣﺖ ﺍﻃﻜﻄﻚ
ﺍﺻﻴﻞ : ﺍﺩﺧﻞ ﺧﻮﻳﺔ ﻣﺤﺪ ﻏﺮﻳﺐ
ﻫﻤﺎﻡ : ﻫﺎ ﺑﻨﺎﺕ ﺷﺘﺴﻮﻥ
ﻧﻴﺮﺍﻥ : ﻭﺍﻟﻠﻪ ﻳﺎﻛﻠﺒﻲ ﺷﻮﻓﺖ ﻋﻴﻨﻚ ﺍﻧﺴﻮﻱ ﺣﻠﻮﻳﺎﺕ ﻋﻠﻤﻮﺩ ﻛﻌﺪﺓ ﺍﻟﻴﻮﻡ
ﻫﻤﺎﻡ : ﺍﻳﻲ ﻋﻔﻴﻪ ﻋﻠﻴﺠﻦ ﺣﺘﺊ ﻧﺎﻛﻞ ﺣﻠﻮﻳﺎﺕ ﻳﺎﻋﻴﻨﻲ
ﺍﻟﺒﻨﺎﺕ : ﻫﻬﻬﻬﻬﻬﻬﻬﻬﻪ
ﺍﺻﻴﻞ : ﺗﺮﻑ ﺟﻴﺒﻲ ﻣﻲ ﻋﻄﺸﺖ
ﺗﺮﻑ ( ﺑﻴﻨﻬﺎ ﻭﺑﻴﻦ ﻧﻔﺴﻬﺎ ) : ﻋﻔﻴﻪ ﺍﺻﻴﻞ ﻣﺎﻛﻮ ﻏﻴﺮﻱ ﺗﺼﻴﺤﻲ ﻛﺪﺍﻡ ﻫﻤﺎﻡ ﺗﺮﻳﺪﻱ ﻳﺬﺑﺤﻨﻲ ﺑﺲ ﻳﻠﻜﻔﻨﻲ
ﺗﺮﻑ : ﺍﺍﻱ ﺍﻱ ﺣﺎﺿﺮ
ﻭﺭﺍﺣﺖ ﺗﺮﺳﺖ ﺳﺮﺍﺣﻴﻪ ﻣﺎﻝ ﻣﻲ ﻭﺍﻧﻄﺘﻬﺎ ﻭﺿﻠﺖ ﺗﻨﻄﻲ ﻟﻠﺒﻨﺎﺕ ﺍﻧﻮﺏ ﺍﻭﺻﻠﺖ ﻟﻬﻤﺎﻡ
ﺗﺮﻑ : ﺕ ﺗﺘﻔﻀﻞ
ﻫﻤﺎﻡ ( ﺧﺰﺭﻫﺎ ﻭﻫﺰ ﺭﺍﺳﻪ ﻳﺘﻮﻋﺪ ﺍﻟﻬﺎ ) : ﺷﻜﺮﺍً
ﺗﺮﻑ : ﺑﺎﻟﻌﺎﻓﻴﻪ
ﻫﻤﺎﻡ ( ﻭﻫﻮ ﻳﺒﺎﻭﻉ ﻟﺘﺮﻑ ) : ﺷﺮﺑﺖ ﺍﻟﻤﻲ ﻭ ﻛﺘﻠﻬﻦ ﺍﻭﻳﻠﻲ ﺳﻮﻥ ﺣﻠﻘﻮﻡ ﺻﺎﺭ ﻫﻮﺍﻱ ﻣﺎﻣﺎﻛﻞ ﻭﻛﻠﺶ ﻣﺸﺘﻬﻲ
ﻣﻼﻙ : ﻳﻤﻪ ﺑﻌﺪ ﺍﺧﻴﺘﻚ ﺗﺪﻟﻞ ﺍﻟﺤﻠﻘﻮﻡ ﻣﻮﺟﻮﺩ ﺑﺲ ﻛﻮﻡ ﺍﻛﻞ
ﻭﻫﻲ ﺗﺒﺎﻭﻉ ﻝ ﺗﺮﻑ
ﺍﺻﻴﻞ : ﻭﻟﺞ ﻣﻠﻴﻜﻪ ﺍﻛﻌﺪﻱ ﻭﺍﺳﻜﺘﻲ ﻻﺗﺠﻔﺼﻴﻦ
ﻣﻼﻙ : ﻫﺴﻪ ﺍﻧﻲ ﺷﺤﺠﻴﺖ ﻛﺘﻠﻪ ﻣﻮﺟﻮﺩ ﻳﻌﻨﻲ ﻗﺼﺪﻱ ﺑﺎﻟﻤﺤﻞ ﻳﺮﻭﺡ ﻳﺸﺘﺮﻱ ( ﻭﻫﻲ ﺗﻀﺤﻚ )
ﺷﻤﺲ : ﺍﻭﻳﻠﻲ ﻣﻨﺞ ﻭﺝ ﺧﻴﻪ ﺣﺎﻓﻈﺘﺞ ﺍﻧﻲ
ﺩﻳﻤﻪ : ﻣﺎﺷﻲ ﺧﻮﻳﺔ ﺍﻧﻲ ﻫﺴﻪ ﺍﺳﻮﻳﻠﻚ ﺗﺪﻟﻞ
ﻫﻤﺎﻡ ( ﻳﺒﺎﻭﻉ ﻉ ﺗﺮﻑ ) : ﻻ ﺩﻣﺪﻭﻡ ﻣﺸﻜﻮﺭ ﺍﻧﻲ ﺣﻠﻘﻮﻣﻲ ﻣﻮﺟﻮﺩ ﺑﺲ ﻣﻮ ﻫﺴﻪ ﺍﻛﻠﻪ
ﻧﺠﻤﻪ : ﺑﺎﻟﻌﺎﻓﻴﻪ ﻋﻠﻴﻚ ﻫﻤﺎﻡ ﻫﻬﻬﻬﻪ
ﻫﻤﺎﻡ : ﺍﻟﻠﻪ ﻳﻌﺎﻓﻴﺞ ﻧﺠﻮﻣﻪ ﻳﻼ ﺑﺎﻱ
ﻃﻠﻌﺖ ﻫﻤﺎﻡ ﻭﺗﺮﻑ ﻛﻌﺪﺕ ﺑﺎﻟﻜﺎﻉ ﻳﻤﻪ ﻭﺍﻟﻌﺒﺎﺱ ﻫﻤﺎﻡ ﺍﺫﺍ ﻟﺰﻣﻨﻲ ﻳﺬﺑﺤﻨﻲ ﺧﻠﺺ
ﻧﺎﺯﻙ : ﻳﺎ ﻭﻟﺞ ﻋﻠﻴﻤﻦ
ﺷﻤﺲ : ﻣﺘﺤﻠﻔﻠﻬﺎ ﻣﻦ ﻫﺬﺍﻙ ﺍﻟﻴﻮﻡ ﻣﻦ ﺷﺎﻓﻬﺎ ﺑﺎﻟﺤﺪﻳﻘﻪ ﻫﻲ ﻭﺿﻲ ﻭﺟﺎﻥ ﺩﺍﺧﻞ ﻫﻮ ﻭﺍﺷﻢ ﻭﻣﺤﺬﺭﻫﺎ ﻣﺎﺗﻠﺒﺲ ﻫﻴﺞ ﻟﺒﺲ ﻭﺗﻄﻠﻊ ﻟﻠﺤﺪﻳﻘﻪ
ﻧﺎﺯﻙ : ﺣﺤﺤﻴﻞ ﻭﻳﺎﻫﺎ ﻛﻮﻥ ﻳﻜﺮﺻﻬﺎ ﺧﻮﺵ ﻛﺮﺻﻪ
ﺗﺮﻑ : ﻟﻴﺶ ﻭﻟﺞ ﺣﻘﻴﺮﺓ ﺷﻤﺴﻮﻳﺘﻠﺞ ﻭﺗﺪﻋﻴﻦ ﻋﻠﻴﻪ ﻫﻴﺞ
ﻣﻼﻙ : ﻫﻬﻬﻬﻬﻬﻪ ﻭﺍﻟﻠﻪ ﺗﺴﺘﺎﻫﻠﻴﻦ
ﺿﻲ ﺍﻟﮕﻤﺮ : ﻻﺗﺨﺎﻓﻴﻦ ﻫﻮ ﻣﺸﺘﻬﻲ ﺣﻠﻘﻮﻡ ﺑﻮﺳﻲ ﻭﻫﻮ ﻳﺴﻜﺖ ﻣﺎﻳﻌﺎﻗﺒﺞ
ﺍﺻﻴﻞ : ﻛﻔﺨﺘﻬﺎ ﻋﻠﺊ ﺭﺍﺳﻬﺎ ﺍﺗﺄﺩﺑﻲ ﻭﻟﺞ ﺷﻬﻞ ﺍﻟﺤﺠﻲ ﻋﻴﺐ ﻣﺎﻳﺼﻴﺮ
ﺷﻤﺲ : ﻫﻬﻬﻬﻬﻪ ﻫﻮ ﺍﻧﺘﻦ ﻣﺎﻝ ﺗﻜﻔﺦ
ﺗﺮﻑ : ﻛﺎﻋﺪﺓ ﻳﻢ ﺍﻟﺒﻨﺎﺕ ﻭﻫﻤﺎﻡ ﺩﺯﻟﻲ ﺭﺳﺎﻟﻪ
📩 ﻫﻤﺎﻣﻲ : ﺗﻌﺎﻟﻲ ﻟﺒﻴﺘﻨﻪ ﻫﺴﻪ ﺍﻟﺞ ﺭﺑﻊ ﺳﺎﻋﻪ ﻓﻬﻤﺘﻲ
ﺗﺮﻑ ﺭﻓﻌﺖ ﺭﺍﺳﻬﺎ
ﺗﺮﻑ : ﻭﻟﺠﻦ ﺍﻟﺤﻜﻦ
ﻧﻴﺮﺍﻥ : ﻫﺎﺷﺒﻴﺞ
ﺗﺮﻑ : ﺷﻮﻓﻲ
ﻭﺷﻮﻓﺖ ﻧﻴﺮﺍﻥ ﺭﺳﺎﻟﻪ ﻫﻤﺎﻡ
ﻭﺍﻟﺒﻨﺎﺕ ﻫﻢ ﺷﺎﻓﻨﻬﺎ
ﺷﻤﺲ : ﺭﻭﺣﻲ ﺗﺮﻑ ﻗﺎﺑﻞ ﻫﻮ ﺷﺮﺍﺡ ﻳﺴﻮﻳﻠﺞ
ﻧﺎﺯﻙ : ﻭﺍﻟﻠﻪ ﻻﺗﺨﺎﻓﻴﻦ ﻣﺎﻳﺴﻮﻱ ﺷﻲ ﻳﺠﻮﺯ ﻛﻠﺶ ﻛﻠﺶ ﻳﺮﺯﻟﺞ ﻭﻫﺎﻱ ﻫﻴﻪ ﻭﺍﻟﻠﻪ ﺍﻟﻌﻈﻴﻢ ﻭ ......
ﻟﻬﻨﺎ ﺧﻠﺺ ﻫﺬﺍ ﺍﻟﺒﺎﺭﺕ ﺍﺗﻤﻨﺊ ﻳﻌﺠﺒﻜﻢ ﻭﺍﻋﺘﺬﺭ ﻋﻦ ﺍﻻﺧﻄﺎﺀ ﺍﻻﻣﻼﺋﻴﺔ ﻭﻛﻠﺶ ﻛﻠﺶ ﺍﻋﺘﺬﺭ ﻋﻦ ﺍﻟﺘﺄﺧﻴﺮ ﺑﺲ ﻭﺍﻟﻠﻪ ﺍﻧﻲ ﻛﺎﺗﺒﺔ ﺍﻟﺒﺎﺭﺕ ﻭﻣﺤﻀﺮﺗﻪ ﻭﻉ ﺍﺳﺎﺱ ﺍﻧﺸﺮﺓ ﻣﻦ ﻭﻛﺖ ﺑﺲ ﻭﺍﻧﻲ ﺩﺍ ﺍﻧﺸﺮﺓ ﺑﺪﻭﻥ ﻗﺼﺪ ﺣﺬﻓﺘﻪ ﻭﺍﻟﻠﻪ ﻓﺪ ﺍﻧﻘﻬﺮﺕ ﻛﻠﺶ ﻻﻥ ﺗﻌﺒﺖ ﺑﻲ ﻭﻧﻮﺏ ﺭﺟﻌﺖ ﻛﺘﺒﺘﻪ ﻣﻦ ﺟﺪﻳﺪ ﺍﺩﺭﻱ ﺑﻴﻜﻢ ﻣﻨﺘﻀﺮﻳﻦ ﺍﻟﺒﺎﺭﺕ ﻳﻨﺰﻝ ﻉ ﺍﺣﺮ ﻣﻦ ﺍﻟﺠﻤﺮ ﺑﺲ ﻭﺍﻟﻠﻪ ﻫﺬﺍ ﺍﻟﻲ ﺻﺎﺭ ﻭﻳﺎﻱ ...
