رواية خفايا القدر الفصل التاسع عشر بقلم انين الروح
فهد ..اني قبل لا اروح الجراح ويطلع
رحت للكراج
وسئلت السواق ع مره حامل وجايه وحده ومسافره بغداد
شايفين تلاثه بس مو البغداد طالعات وحده للموصل وحده لديوانيه
بس كالولي اكو مره صعدت ويه سايق اسمه ابو حسين بس هاي المره منقبه
دورت ع ابوحسين
طلع مجاي اليوم للكراج
خليت ورجعت
مريت للمركز طلعوا الشباب ورجعنه للبيت بالمزيقه والهلاهل
والذبايح والكل فرحان برجعه جراح ورضا للبيت ونصبت السفره والرمي مله الديره ملي
لليل جراح ترخص الموجودين ودخل غرفته
..................
جراح ..نمت لان جنت حيل تعبان ماضايك حدي النوم
وصحيت ع صلاتي
جت عيني ع غرفه رهف وانه مشتاك حدي الها ضغطت ع يده الباب جيت افتحها وشوف نبض كلبي شلون نايم
بس تعوذت ابليسي ورجعت اسحبت يدي
من قبضه الباب
ورجعت غرفتي وتوجهت الصلاتي والشكر لله ع كل حال
طلعت القران وكعدت اقره ودموعي تصب من خشوعي ومن كلام رب العالمين
شكد الانسان ظالم النفسه
رهف ..صحيت الصبح مثل كل يوم
هم مشاكل اصياح وعياط رفيف وطه
شكد جنت غلطانه شكد جنت متصوره رفيف عايشه عيشه سعيده ومرتاحه
بس طلع شعوري اكبر غلط
صارلي خمس تيام يمهم ودائما اسمع طه يحجي ويه رفيف بخصوصي لو يتعارك وياها
مشيت ردت ادخل للمطبخ وسمعت طه
سمعي رفيف
اني اتحملت اختج خمس تيام بس ما مستعد اتحملها العمر كلها
هاي وراها ناس عشاير ما تفض وياهم بحجايه
واني مالي دوخه راس وياهم
فهمي اختج السوته غلط وعقليها وحجي وياها خل ترجع البيتها لا تظل ببيوت العالم كاعده
انه رجال اريد من ارجع البيتي ارجع اخذ راحتي مو اظل مكمط اكبالها
اريد امشي مصلخ بالبيت اريد اعيط اغلط شنو هي كاعده بزردومي
ناس متمكنه ويدهم واصله يكدرون يجيبوها سحل وياخذوها من عدنه
وكافي حالتهم الماديه ممتازه اشرايده بعد الخاطر الله من اتفكر ترجع البغداد ما فكرت منين اتعيش منو يصرف عليها لو هي بس فكرت تكعد بالبيت وتاكل هوه
رفيف ..كافي يارجال لتروح تكعد وتسمعك
لو انت بس حاب تتعارك وتطردها من البيت
طبعا لان هاي مو اختك وتحاميلها وتخليها ابيتك
هاي اختي وجودها يضرب كلبك
انت خايف ليروح يطلع فد الف زايد من جيبك
بس لتخاف مصرف اختي من جيبي يطلع مو جيبك
طه ..انجبي ولصمي حلج ياحيوانه شنو هالتفكير الفاشل المثلج
لج لو افكر بالمصرف جان راتبج اني اخذته منج وماخليج تصرفين بي بكيفج
والله دنعل هالتفكير يابنت الفكر
والله انت الفكر وابن فكر راتبي نصه الاهلك
حرام عليكم
طه ...كمت كسرت راسها لان حجت حجي زايد واني ما قصدت اطرد رهف
بس كل قصدي ترجع لعيالها افضل اهناك اتعيش لان هي وحيده وراح يصير عدها طفل يرادله مصرف ودوخه راس
المره مهما كبرت وعاشت وتوظفت
بس متكدر اتعيش وحدها الحياه صعبه ومذله
وهاي النكسه اتكلي انت خايف عالمصرف
كلبه بنت الكلب لج اني شايل هم اختج وهم الطفل الجاي
وانتي تحجين حجي فارغ
والله اليوم لشوفج شيسوي طه اني المسويلج بيت بكبر راسج ومأثثه من الخيط للابره ومصرفج انتي والجهال من عده الزايده والناقصه
تاليها تكولين اني كسيف وخاف ع المصرف
لزم رفيف ضربها كسر الغراض
رفيف ..عفيه بيك خلي الميشوف يسمع ماقصرت والله
خلي اختي تشوفك ع حقيقتك وتسمعك عدل شتكول
رهف ..اسمعت رفيف ولتشيلين همي كلام طه كله صح
طه ..رهف اني الحجيته كله المصلحتج تره يابنت الناس الدنيا مو حلوه الدنيا صارت لذيابه الشاطر ياكلها بالاول قبل الكل
لا تصورين هذوله يعوفوج الحالج انتي شايله ابنهم ابطنج
فلا تصورين راح يتركوه الج لو ياخذوه منج ويذبوج لو يرحمون حالج ويخلوج تربي
رهف...ميكدرون هذا ابني اخذه بالقانون
عزيزتي القانون ماتمشي وي العشاير يكلك هذا ابنهم وهم اعرف ابتربيته رجعي يبنت الناس وستهدي برحمانج ولا تتهورين وضيعين حالج ابساعه تهور
يله انه طالع الشغلي
اووووف ياربي اني اسويت ابحالي وين اروح افضل شي اروح البغداد وهناك اكعد واستقر
عالاقل بيت اهلي محد اله دخل بيه اكعد اربي ابني حتى اشتغل وحاول اكمل دراستي هذا افضل شي اسوي
رهف ...رفيف اني قررت امشي البغداد اسكن ابيت اهلنه افتح البيت وكعد بي
وعالمصرف
راح أأجر نص البيت لتشيلين همي
رفيف ..😡😡😡 شهالححي المخربط هذا ليش انتي تكدرين اسكنين وحدج
عبالج سهله
دشوفين وضعنه تسليب وتهريب وقاتل ومقتول
بس يسمعون انتي وحدج ساكنه
والله يغتصبوج ويكتلوج ومحد يدري بيج
اكعدي وسكتي لتصرفين من راسج احترمي حالج وكافي تهور
انتي مو صغيره خلي تفكيرج مره وحده يكون صحيح شوفي وين وصلتينه
وين وصلتج بله
ليش اني شنو سويته الج حتى هيج تحجين
انتي سويتي بلاوي اكو وحده لعد عاقله ومحترمه حالها تطلع من بيت اعيالها بدون علمهم لا والنوب تجي محافظه وحدها
تدرين اذا درو شراح يسوون يمكن
لا اكيد راح يجون لهنا ويحجون عليه وع طه عبالهم احنه الي مشجعيج ياثوله
عبالج طلعه البيت سهله والله لينعلون سلفه سلفاج
رهف ...اكو قانون
والله انعل ابو القانون التحجين بي
هي وينها الحكومه وينه للقانون لو اكو جان ما صار القتل والاغتيالات والنهب
انتي جاي تحلمين احلام ورديه فاشله
والله يارهف تزعلين ترضين لو ميته انتي ولا امي واحمد
من يوم يومج مأذيتنه
بتصرفاتج
رهف ..😭😭😭😭 والله اشكرج يا اختي ما قصرتي هيج تتمنين الموت الي
رفيف ..يله كافي بجي روحي اتريكي واني رايحه البيت اعيالي اجيب شغله واجي
ليش مراح اتروحين لدوام
يادوام مشوفين وجهي شلون مورم ابسبب ضربته هالحقير
راح اخابر واخذ اجازه اليوم
رهف طلعت رفيف لعيالها همه بعيدين عن بيتها بمسافه تكسي
كمت ابساع كتبت
عذريني رفيف بس لدورين عليه رجاءا لان ما ارجع يمج بعد اني ادبر حالي مع السلامه
لزكتها ع باب الثلاجه وطلعت من البيت كبل اخذت تكسي وتوجهت للكراج
واني افكر وين اسافر ارجع للبصره ولذل والاهانه
لو اروح البغداد واسكن وستقر اهناك
ياربي شلون والله بهذلت روحي بروحي
اتمنيت جراح موجود حتى يرزلنه لان تصرفي بهذلني وعرضني للاهانه اكثر
ابو التكسي ..هاي وصلنه للكراج
اي شكرا
نزلت واني امشي متجهه لسيارات واسمعهم ينادون
حرت يا سياره اصعد ظليت مشوشه
اختي نفر كركوك
هااا لا لا
مشيت وصلت سيارات البصره
اهنا اختي نفرين بس بصره
خليت وصعدت وكعدت انتظر السياره اتقبط
واني صارت سلسله افكار كومه براسي استرجعت كلشي صار ويايه من جنت يمهم
لا لا لا ماريد
حسيت السياره اتحركت وراح يمشي يمكن قبطت واني ما ادري
عطت اوكف اوكف اريد انزل
ليش مو قبطنه راح نتحرك
لا اريد انزل ماروح للبصره اريد بغداد
الركاب ضلوا يحجون عليه واني دايخه
نزلني لتحرك السياره نزلني
ضلو يحجون واكو واحد غلط ما جاوبته
خليت ونزلت منهم
طلعت من الكراج كله اكعدت يم الباب ابجي 😭😭😭😭 اريد احد ينقذني من هالضياع
اني دا اضيع ومدا اعرف اصرف صح
فكرت ارجع البيت اختي بس شلون
طه مطايق وجودي بالبيت وكام يتحجج ويتعارك ويه رفيف
وعمتها كم مره سئلتها ع وجودي راح يطول لو ارجع لعيالي
لا ما ارجع الرفيف
ياربي دخت انصفني ياالله ساعدني
كاعده بس ابجي 😭😭😭😭😭
شاب اختي بيج شي ليش تبجي شنو متيه انتي
باوعتله لا مابيه شي بس تعبانه
تعاي امشي ويايه انتي بعدج صغيره وحلوه والف واحد من يشوفج هيج راح يطمع بيج امشي ويايه اخذج اني
وين نروح
اني اخذج المكان ترتاحين بي وشبعين اكل ونوم وراحه
وين هالمكان كلي
هسه انتي ليش تسألين امشي وبس مو تردين ترتاحين
اي اريد ارتاح ...كمت شال الجنطه
لا جيبها اني اشيلها
ماريد اثكل عليج
لا مو ثكيله هي خفيفه جيبها جريتها من يده بقوه
لان بيها كل ذهبي وفلوسي
يله خلي نعبر الشارع ومناك نصعد تكسي
ليش
مو علمود نروح للمكان البي راحه
بس اني اريد اروح البغداد
لا لا مكاني احلى من بغداد بهوااااي تعاي ويايه
مد يده ع طولها وخلاها ع كتفي ع طوله من اليسار لليمين
اني دفعته بقوه
انت شجاي اسوي وخر عني دفعته
بصوت عالي لج انتي ليش ادفعين يله امشي خلي نروح
وخر عني ماريد اروح وياك
وجرني من يدي بقوه
جريته منه ...هد يدي دا اكلك لا اعيط والم عليك العالم
لا حبيبتي هدئي ويله امشي نرتاح
عوفني وبتعد عني ..ياناس ياعالم الحكوني
كمت اعيط بالشارع اريد احد يساعدني
رجال هو وشاب جانو يمشوني سمعوني وكفوا وتقربوا عليه
هو شاف الرجال والشاب الناس بدت تجي والتمت
عافني وكام يركض ركض وراه الشاب يريد يلزمه
الرجال ..بابا هذا الشاب تعرفي يقربلج شي
لا عمو هو اجه عليه كلي اخذج المكان ترتاحين بي
انتي بخير
اي عمو اني زينه
بنتي انتي شجابج اهنا وين اهلج وليش وحدج
عمو اني اريد اروح البغداد
اي عمو فوتي للكراج اكو سيارات بغداد ليش يابنتي واكفه اهنا تره ولد الحرام اهواي يا باباتي
هذا الولد مو خوش ادمي راد ياخذج المكان محلو يا بنتي
كولي اهلج وين انتي حامل شلون وحدج تطلعين وين تردين تروحين
عمو اريد اروح البغداد
امشي بابا اني اصعدج سيارات بغداد
زين عمو شكد المسافه بين بغداد وخانقين
باباتي تقريبا ساعتي اكثر
اخذني الرجال وصعدني سيارات بغداد وطلعنه من الكراج الساعه ١١ اله ثلث
تمشي السياره واني تايهه بفكاري
٠٠٠٠٠٠٠٠٠٠٠٠٠٠
رفيف ..رحت لعيالي حتى احجي ويه عمتي اخليها تكعد تحجي ويه طه حتى ليظل يتعارك ويايه علمود اختي
هاي اختي وين اوديها خوما اعوفها وحدها تسكن بغداد
اني هم اخاف الله وخاف حجي العالم المترحم هم يكلك
ع اختها هالوحيده وما كدرت تتحملها
اوووف ياربي ساعدني لازم اخلي يرضه وتعيش رهف ويانه بعد
رحتلها لان الاتصال وياها ميفيد هاي متفهم السالفه وتروح اتخرب عليه
كلت اروحلها افضل هي تأثر ع طه
بعد ما حجيت ويه عمتي ام طه وقنعتها واخذت منها 👍👍
رجعت للبيت شفت الباب مغلق من الخارج دخلت اسمع صوت الجهال يبجون ميتين بجي
رهف وينج ليش هيج الجهال يبجون اركضت شلت عبدالله اسكته وياسر بحضني واثنينهم يبجون
اخذت لعبه ونطيتها الياسر حتى يسكت
هاي حبييي اخذها
سويت عالسريع ممه العبدالله
ياسر ..ماما داده بح (ماكو راحت)
ياسر عمره اربع اسنين كوه يحجي
حبيبي وين داده
دورت بالبيت صحت ماكو
رحت لثلاجه اطلع حليب باكيت الياسر يشربه
وشفت ورقه الرهف
كاتبه راح اروح لدورين عليه اني اتخبلت هاي الدماغ سز وين راحت هسه بله اني عليمن ادك
والله راح تجلطني ياربي شلون ابتلي بيها
اخذت تلفوني ودكيت ع طه
الووو طه رهف عافت البيت وطلعت
ماعرف وين
انتي وين جنتي
طلعت رحت الاهلك عندي شغله جانت
وتستاهلين هاي اختج مانشوف الخير منها بس التعب والمغثه من مصباح الله
هسه مو وكتك طه اكلك ماكو هي بالبيت شلون
ما لون هي هسه تتعب بالشوارع وترجع للبيت هاي تلكيها كاعده بمكان
صبري اشويه وترجع
يله عندي شغل
وين طه يمعود اختي تكول لدورين عليه
اي هي كالت لدورين معناها لدورين
طه انت مخبل 😱😱 وعيط
غلقه بوجهي
ياربي وين اروح عليمن ادك يالله هاي وين راحت
دكيت عليه مجاوب حاولت مره مرتين ثلاثه يدك وهي مجاوب
هسه اني وين اطلع ودور عليها لا كرايب اهنا لا تعرف احد
ياربي معقوله راحت البغداد مثل ما كالت
ربي شلون عليمن ادك اني هسه
ارجعت دكيت عليها الجهاز مغلق
شوف الحقيره غلقت الجهاز
........
رهف جنت بالسياره كاعده ودك تلفوني قريت الاسم طه مجاوبته
رجع دكت رفيف هم مجاوبتها
اشويه وطفه الجهاز طلع مخلص شحن واني ما منتبه عليه
.............
رفيف .جنت كاعده بالبيت ودا اوكل الجهال لان ميتين جوع وبجي وفكري يم رهف ماعرف وين اراضيها
وندكت الباب بس شنو من دك ياخذ الكلب
طفرت من مكاني
اكيد جابولي رهف ميته لان هاي مو دكت واحد عاقل دكت واحد صاير وياه شي لو مخبل
طلعت اركض بس اريد اوصل للباب
صحت منو
فتحي الباب ابساع
يمه هذا صوته يخوف ويعيط منو هذا
وصلت للباب
منو وره الباب منو جاينه
كتلج فتحي الباب انه جراح
يمه بس يسوي شي هذا شجابه اليوم
فتحي داكللللللللللللج 😡😡😡😡
فتحت الباب وهذا دفع الباب بقوته ودخل
وينها 😡😡😡😡
لج رهف طلعي
اوكف اوكف جهالي جوه يخافون من العياط
روحي صيحيها هين خل تطلع 😡😡😡
رهف مو بالبيت لظل اتعيط وتسمع الجوارين صوتك عيب
اسكتي لتخليني اجاسر عليج مو انتي التعلميني العيب امشي يصيحي رهف خل تطلعلي لا ادخل اكسر راسها
كتلك مو بالبيت رهف عافت البيت وطلعت اليوم من الصبح يمكن رجعت البغداد
انتي شتحجين لج 😡😡😡😡
مثل ما كتلك رهف تعاركت ويانه وطلعت
وانتي فرحانه وتحجيها يزود ما استحيتي
من تخلين اختج تطلع من بيتج بحجه تتعاركين وياها
واني شعليه هي متهوره وزعطوطه حصره تسمع احجايه كبل خلت ومشت
كاااافي 😡😡😡😡
لج حمدي ربج انتي وحدج بالبيت جان ادخلت جوه وكلبت عليكم عاليها واطيها بس الستر علكم رجلج طالع
شو هذا عاط بيه وطلع
اطلعت وراه واشوف سيارتين عاليات سود شخط السياره وطلع والتراب عججه وراه
..............
جراح ..بعد مادخلت غرفتي وضليت وكعدت قريت قران مكدرت انام لان الف تفكير براسي
جنت افكر شلون راح اوكع يكعوب هو هسه مهزوم ولازم اصيده
صارت ساعه ٦ كمت اطلعت للحديقه اتنفس هوه نقي شفت البنات يخبزن
صبحن عليه ورديتلهم اخذت كرصه متسويه زايد وكعدت اكل بيها وامشي بين الزرعات
مشتاق لزرعات والصوت العصافير ادخلت للبستان وتوجهت الكاسر
طلعته وصعدت ع ظهره ونطلقت وياه اركضنه مسافه بعيده
ورجعنه انه وياه مسدت ع راسه ورجعت للسطبل
ورجعت للبيت حدود الساعه ١٠
الحجيه ..هله بهالصباح فديت طلتك يمه شامخ مثل الجبل بدخلتك علينه
تسلمين يمه نزلت بست راسها وراس الجده
اي جدتي شو اليوم ساكته ما سمعت حسج
انه زعلانه منك
ليش ياستار زعلانه ينبض كلبي فديت الجده انه
حبيبتي زعلانه مني وماحابه تكلي ليش زعلانه
مارديت البت وكصفت عمرهاو راسها جدامه شلون هجي تشرد وتوطي روسنه وحنه شيوخ واهل مشايخ
🤨🤨 وكفت ع حيلي جده انتي عليمن جاي تحجين منو هاي الشارده من بيتي و بدون علمي
الحجيه ..لا تتعصب لاضغطك يرتفع فدوه
يمه اسكتي خل افهم انعل ابو ضغطي لابو صحتي
احجوووووا
😠😠😠😠😠 منو هاي
احجووا
الجده ..مكصوفه العمر ارهيف النزلت روسنه للكاع هي الشردت
ليش محد كللللللللللللي شنو اني طرطور
😡😡😡😡😡😡😡من اشوكت هاي شارده
وينج زينب رباب مو بالمطبخ تعالن اكبالي
😡😡😡
زينب 😮😮😮😮 رباب اكلج يمكن دره رهف ماكو
رباب والله يازينب اني خايفه
جاك الموت يلتارك الصلى
امشي امشي خل نشوفه
زينب .ها خويه
تعاي هينه انتي ليش ماكتيلي هاي بنت الكلب شارده
خويه .انه
انتي شنو بعياط يمه صوته تكولون اسد يزئر
وين فههههههههههد طااااارق مناااااف رضااااا وينهممممممممممم 😡😡😡😡😡😡
والله اليوم لنعل الخلفوها
مناف ..ها يالذيب سمعتك اصيح
لكمممم انتوا وين جنتوا من هاي النكسه تشرد
شني خال زلم بالبيت لو نسوان فهموووني
فهد ..اشمالك يجراح
وجاب جراح .. فهد بوكس ع وجهه وكعه بالكاع
فهد .طك خشمه دم يباوع ع ايده الملاها الدم وع جراح بس كلي اشمالك يجراح
لك وتسئل
شلون زعطوطه تشرد من بيتي ومالي علم بيهاااااااااااا
وين انت جنت
لك انت مو زلمه من تخلي زعطوطه تضحك عليكم وتطلع من طوركم ياوسفه عليكم عسبالي عايف ارجال ابيتي
ولكم مره
فهد ..جراح هي شردت من انت بالمركز
لك الصم حلكك ولا تحجي لا تسمعني حسك لا اطمك ابمكانك
لك مره تشرد
اذا غبت يوم واحد عالبيت ورد الكه زلم داخله ع نسوانه ومغتاليهم ع احسابكم فهموني
ولكم انه عندي عدو يتمنى هالصيده
اركض حيوان جيب السيارات خل نطلع
اليوم موتتها اعله يدي
اخذت اسلاحي وصعدت السياره وشخطتها
فهد .انت هسه وين طالع يجراح
باوعت ع فهد والشرار يطافر من عيوني
لك انت هم بيك خير وتسئل وين طالع خاب جان المفروض وانه ماكو
انت التروح وتجيبها من اذنها سحل مثل الخروف
مناف وطارق .انطلقنه وي جراح بس ماندري وين متجهين
هو ابسيارته يطاير وي الريح مانشوف بس خيال السياره
البصره حد خانقين سواها جراح ساعتين مو اكثر
نزلنه حد بيت
وفات جراح حدهم يرعد ويتوعد وشايط للحمزه
طلع وكال حركوا
وما تشوف بس العجاجه ورانه
وصلنه حد الكراج نزلنه كلنه وجراح يسئل عن اخر سياره انطلقت البغداد
السواق كالوا سياره صلاح GMC بيضه توها حركت صار نص ساعه
وردينه انطلقنه ابسياراتنه ع حدود خانقين
وهناك شفنه السياره جاي تمشي بالطريق الخارجي
...............
سايق ال GMC انه سايق خط خانقين بغداد اسمي صلاح
جنت ماشي بسرعه 120 ومنطلق حتى احاول اوصل من وكت قبل لا يعترض طريقي الامريكان
امشي وباوع من امرايتي الاماميه والجانبيه سيارتين سود يرمشن ويدكن ورنات
انه الصراحه اتوترت وخفت ...هذول اكيد سلابه وجاين يسلبونه ويكتلونه
زيدت السرعه 160 خليتها واني كل ما ازيد سرعتي هم يزيدون سرعتهم
الحد ما وصلت السياره بسدي طلعلي واحد ايده ويأشر اوكف وعاط بصوت قوي
اوكف ع صفحه ونطلق كدام سيارتي وعكس سيارته كطع الشارع عليه وكف
........
رهف .اني جنت كاعده وعيني عالطريق اباوع ع منظر الاشجار والطريق فارغ الصراحه يخوف يعني اذا وكفتنه سلابه يموتونه ومحد يحس بينه ولا يدري واني كاعده واسبح بيدي باوعت عالسايق حسيته متوتر عينه يمنه يسره وزاد من سرعه السياره
النوب خطفت من يم صفحتي سياره سوده عاليه يأشرو بيدهم ويحاولون يوكفون السياره
الركاب كلهم كامت تعيط ع هذوله سلابه لا توكف الهم
واكو بنات كدامي ظلا يشاهدآ
اني هم اشاهدت والخوف ركبني من راسي الجدمي
شفت السياره كطعت طريقنه
وضطر السايق يوكف
نزلوا زلم من السيارات وجهوا اسلاح ع سيارتنه والسايق
ونفتحت باب سيارتنه
اني جنت كاعده بالمقعد الوسط بس يم الجامه
من انفتحت الباب شفت الزلم الوكفتنه
عطت يمه ولصمت حلكي بيدي
😬😬😬😬 هذا جراح
عاط بصوت نزلي
فهد اتقرب عالسياره
نزلي ابساع
الركاب كلها اتباوع عليه وع جراح والزلم الي وياه
جراح ..انزلي لاتخليني انزلج بالقوه
واحد من الركاب ..اخي هاي حرمه شرايد انت منها خلينه نمشي
طارق وجه اسلاحه عالشاب وكله اسكت لا تحجي
البنات الي بصفي كامن يبجن
الناس الويايه كالولهم عوفوها شتريدون من مره مراجلكم طلعوها عالامريكان مو عليها
وجان يعيط بيهم جراح
هاي مرت اخوي محد يدخل الكل تسكت ماجايب عليكم بس عليها
نزلي كتلج
البنات عفيه نزلي الله يخليج والركاب كلهم كاموا يحجون ويكولون نزلي وفضينه
كمت نزلت وجان يجرني فهد من كتفي لزم ثوني من ردني ونزلني سريع
السايق كبل حرك ونطلق واني
اخذني فهد الجراح
اول ما وصلت يمه ...جابني براشدي طرش اذاني كمت ما اسمع بس وشه بيها
عطت ردت اوكع بس ماعرف شلون سيطرت ع وكفتي
بضربته فر راسي ع صفحه اليمنه
باوعتله جابني براشدي ثاني مرني عاليسره
ولزمني بقوه من شالي جر بيها حتى شعري
لج انتي وحده انكس من نعالي
وحمدي ربج حامل لجان دفنتج برضج
ماكو ولا عاشت التشرد من بيتي وانه عايش
حتى من اموت ماتكدر تشرد
وجابني براشدي ثالث خله دمي يطفر من خشمي
لزمني من زندي بقوه وجرني وبهذلني ويعيط عليه
لج من فكرتي تشردين مافكرتي راح الكاج وكتلج
لو عسبالج جراح هين ويسكت ويعوفج تلعبين بحل شعرج
لج انه جراح السلف كله يحجي بأسمي ومن ينذكر بغير ديوان تكوم كله ترتعش
انتي الخايسه تردين تذليني
انه اعلمج يرهيف
وصعدني السياره والدم مله يدي والشال مالي
واني ابجي 😭😭😭😭 وما حجيت ولا كلمه
تردين ترجعين البغداد هين... هين يارهف
انه راح ارجعج وشوفج شلون اتكون الحياه والطاعه
لشوفج ايام ابعمرج ماتمنيتي تشوفيها
تردين اتعيشين وحدج وتاخذين ولدنه
وتربي ع مزاجج وما يعرف عمامه
بسيطه رهف
لشوفج التحلمين بي شلون يكون
عسبالج تشردين وانه ما اندلج ولا الكاج وردج
يارهف لخليج تتمنين الموت كل يوم
ونطلقنه بالسياره وماعرف وين جراح ياخذني او ع شنو ناويلي
يتبع
#بارت....20
#انين_الرووح
#خفايا_القدر
رفيف ..مر الوكت ودخلنه عالعصر تقريب ساعه ٤ العصر
واني ما اعرف رهف وين حل بيها الدهر ياترا جراح شافها وصللها
ادك ع تلفونه مغلق
ادك ع طه ميجاوب حرت بزماني
ماعندي رقم جراح حتى ادكله وعرف الصار
ظليت النوب اكل بروحي
اني ليش منتظرت وأجلت روحتي العمتي
جان للعصر اروح وحجي وياها
اني ليش ما اخذتها ويايه ورحنه سويه
اني ليش ما اسكتت وظليت بس اسمع الطه جان ما ضربني ولا رهف سمعت مشكلتنه ولا صار الصار
هسه اني منين ادري رهف وينها
احجي ويه نفسي
ودخل طه للبيت
ها الله يساعدك عفيه ريحني اسمعت شي عن رهف اعرفت وين هي
تره صدك اكلك جراح اجه البيتنه وجان حيل عصبي وسئلني ع رهف
هو سوالج شي من دخل
لا بس يعيط ويكلي طلعي رهف
كتله مو يمي راحت البغداد
وانتي شمدريج راحت البغداد
مو هي من انت اطلعت كامت تحجي وتبجي وتكول اني ما ابقى راح ارجع البغداد اعيش ابيت اهلي
اي وبعدين
بعدين طلعت اني رحت الاهلك
اي هو اهنا انتي شعندج رحتي الامي اذا ماجنتي ناويه اداومين
رحت حتى احجيلها عنك وخليها تقنعك اظل رهف عايشه ويانه
زين شتضحلج من كلامي مو كتلج هذوله مو سهلين واختج لو اتروح للمريخ يلحكوها ويرجعوها
كتلج لو لا
بابا افهمي اختج شايله ابنهم
وهمه ماينطون ابنهم غريب يربي
بس هي امه شنو غريب
يابنت الناس افهمي
الغريب يعني منو راح يصرف ع طفل
يمكن بعد فتره اختج يتقدملها واحد وهي مربيه هالولد وحله وكبر بعينها
راح ترضه تتنازل عن الطفل
وهمه راح يرضون غريب يربي ويصرف ع ابنهم
رفيف هذوله الناس بابه عرب وعدهم تقاليد واعراف مايتنازلون عنها
وخلي في بالج
اهل الجنوب اذا مات ابنهم ميردون المره لهلها تبقى ساكنه ويه اعيالها اتربي جهالها وذا فكرت تزوج ثاني
تترك الجهال يم اهلهم وعمامهم
وتروح تزوج مالهم دخل بيها بعد
بس اهم شي بزرتهم يمهم فهمتي
شحصلتي هسه من خلتيني امد يدي عليج وضربج ابسبب السانج المتبري منج هاااا
اني اسفه مجنت فاهمه الي انت حجيته عبالي كل همك اتريد تخلص من اختي
مو هذا عقلج الصغير
بس هسه شلون طه ماعرف هي وين
لتخافين اني من كتيلي طلعت من البيت كبل سديته منج وخابرت ع جراح
كلت هو يجي ياخذها ويردها الهم
لان هاي طايشه وعبالها العيشه وحدها سهله متدري اتموت بالبيت وحدها ومحد يدري بيها
عاد كمت اتصلت بي وكتله ع رهف والسوته
كلي رمشه عين واني تلكاني يمك
انطيتله العنوان
وجالج للبيت
بس ما كتلج لان فكرت خاف ترجع هاي المصكوعه للبيت ومن تسمع منج جراح جاي فعلا
اسويها و تنهزم من البيت
يعني هي هسه يم جراح
اي خابرني وكلي جانت راكبه سياره ولحك ع السايق نزلها وخذها
يعني هسه رجعت للبصره
اي رجعت للبصره
خوما ضاربها مسويلها شي
ماعرف بعد بس كون ضاربها حتى بعد اجوز مثل ما انتي محتاجه ضربه حتى بعد متنسين زوجج بدون لكمه
اسفه والله بس التهيت بسالفه رهف وخوفي عليها بس اريد اعرف وين صارت هي
حكوم اصبلك غده
لا تعاي متغدي ...امشي للغرفه خلي اتغده بيج
اوووي طه شنو هالسوالف
اوي عيوني لعد اروح ادور حرام افضل مو
لا شنو حرام غير اذبحك
دتعاي خل اكتل الوحش مو موتني شو انتي عالكتله صايره حيل حلوه
هاي لعد يوميه راح اكتلج حتى تحلوين اكثر بعد
عابتلك بدل ما تجي وتبوسني تكلي ارجع اكتلج
روح عني ما حبك بعد
تعاي حبيبي تعاي
ما روح ماريدك
تعاي بطتي .....ما ..ما ..دتعاي هي مال لواكه ودلع
اكلها واصله حدها تكلي ما متدري اني اموع ع هالحركات اكثر
بنت الذينه
.......
وصلنه للبيت حدود الساعه ٩ باليل فاتت السياره بالكراج
نزل واجه من صفحتي
يله لج نزلي
نزلت هوه يمشي كدامي واني امشي وراه وخايفه حيل من رده فعل الكل
لان ماعرف شناوين عليه
دخلت للمطبخ ..جان فارغ ..صاح منو هين
طلعت رباب
هاااا خويه محتاج شي
اي وين امج خواتج
موجوده بس رقيه
امي راحت ابيت زينب تكول مختنكه عود باجر ترد
روحي انتي ورقيه حضري الغرفه الفوك الانه اكعد بيها نظفيها وطلعي كلشي يخصني منها
اي صار خويه
صعدنه انه ورقيه انظف الغرفه مثل ما راد جراح
رهف .الله يخليك لتخليني انام فوك وحدي والله اخاف ابوس يدك
اشششششششش ما اسمع حسج
اهنا اتخافين اتنامين وحدج والبيت مليان نسوان وزلم
بس مافكرتي من ترحين بغداد وتعيشين ابيت طول بعرض والوحدج ماخفتي جنتي شجاعه
لصمي حلكج ولا تسمعيني صوتج لان والعباس كارهج كره بس الله يدري بخبره
وذا نطقتي بحرف ثاني يمكن الزمج هسه وما ارحم حالج
ف كرميني سكوتج ولا تشوفيني جهرتج واضح كلامي
رباب ...هاي جراح نظفناها
سمعي ماريد وحده منجن تسمعها كلام خله تفوت وماعليجن بيها عسه تهجم الباب هجم
وصي امي لا تنسين
اي خويه
يله لج كدامي امشي صعدي
بس 😪😪😪😪😪 والله جراح
كتلج اسكتي لا ابتلي بيج
صعدت الغرفه وفتت بيها
هاي بعد غرفتج منا وجاي ما تطلعين منها اله بأمري انه
ون سمعتج تصيحين او تدكين قوي بالباب صدكي اصعد ادميج وما يرفلي جفن عليج فهمتي لو اعيد
هزيت راسي بمعنى اي افهمت
ماريد تهزيلي راسج
كولي نعم افهمت صار امرك مطاع
اي افهمت وامرك مطاع اني احجي ودموعي تنزل
معقوله جراح هيج يعاملني
معقوله هلكد يكرهني ومطايقني ..ليش لعد رجعوني جان خلوني اهناك حد ما اجيب ونطيهم الولد
ليش يعذبوني ويهينوني ع طول الوكت
😪😪😪 هاي اولهم جراح باجر البيت كله يسمعني مزيقه
اشوكت اخلص منهم اشوكت الى متى اظل هيج اعاني اني ليش هيج حياتي اني شنو سويت بدنياتي وهيج جاي اتعذب صدك طفرت روحي
طلعت جراح وغلق الباب وراه
مشيت بالغرفه اكو مرايه معلكه
رحت باوعت ع حالي صارلي شكد مشايفه حالي بالمرايه
هاي شنو ولا جن اني هاي اكيد وحده ثانيه شو مسوده وضعفانه واليرسوا مالي عيني ليش هيج صاير بيه شكلي متغير حيل
عفت المرايه ونزعت عباتي ورحت مددت ع الجربايه حتى ارتاح من عناء السفر
ويمكن من دون ما اشعر غفيت ودخلت ابحلمي العاشر
حسيت ع واحد يكعدني
افتحت عيوني بكثل
هاج العشه كومي اكلي
رباب ماريد عفيه خليني انام
ورجعت غفيت
اسمعت صوت خشن
لج كومي مالي خلك انوكل بيج للمستشفيات ازقنبي ورجعي نامي
اسمع الصوت يحجي بس ما اكدر ارد احس لساني ثكيل وعيوني اثكل
مو دا احجي وياج كومي 😠😠
ماريد والله خلوني انام
حسيت رفعني من كتفي اباوع الكمه كدام حلي
فتحي حلكج
اكل وعيوني مسدوده عبالك الله ذب عليه بنج او مخدر خلاني خدرانه
يله اكلي
اكل بس ماعرف منو جاي يوكلني
اخر شي شربت مي ورجعت خليت راسي عالمخده وماحسيت بعد
الصبح حسيت انفتحت الباب دخلت رباب لا سلام ولا كلام خلت صينيه اكل وطلعت
اوكفي رباب خل احجي وياج
ما سمعتني ولا وكفت كبل طلعت وغلقت الباب
كمت غسلت الغرفه ببها حمام داخلي
طلعت اكلت كم لكمه رحت فتحت الشباك مال غرفه
ورجعت مددت عالجربايه
ما اسمع شي ولا اعرف شكو بالبيت
صار الغده هم صعدولي صينيه وميحجون ويابه
وباليل كذلك ماعرف شكد الوكت
سمعت الباب انفتح دخل جراح
شافني ما حجه كلمه راد يطلع صحته
عفيه شكد راح ابقه اهنا
مجاوب خله وطلع وغلق الباب
وثاني وثالث يوم كذلك بس اكل
وما اشوف احد ولا احجي مع احد
خلال هالاسبوع جنت احس ع جراح من يدخل للغرفه
يجي يوصل يمي اني جنت اسوي حالي نايمه هو يجي يلزم راسي يتحسي حرارتي يظل يباوعلي يلزم يدي او يلعب بخصله من شعري يباوع ع اكلي ماكلته لو لا
حبيت اهتمامه حيل
حسيته مثل اب وجاي يهتم ابنته اكلها شربها نومتها كعدتها حيل حبيت هالشي
واني اصلا جنت فاقدته ومن زمن بعيد
من زمن ممات بابا
ماحسيت ويه ايوب هالاحساس
ايوب جان مجرد زوج
ماحسسني بالابوه واني جنت فاقده
اتمنيت منه اشعر هو اب مو بس زوج فقط
ماعرف ليش صار عندي احساس اكوم اكتب
فد بيت شعر
ضمني بلحضن وعن برد الشته دفيني
اذا صارت الدنيه جليد
ضمني بيدك ولصدرك ونطيني حبك يلغيرك ما اريد
لشوكت اصبر حبيبي وانت عن عيني بعيد
ما نمت ولا جفني غفه وكل ما اشوفك
يشتعل بركاني الك وأشواقي تزيد
كتبتها وعفتها عالطاوله الي يمي وحاولت انام بس مجاني النوم
ظليت فتره طويله كاعده حتى جراح اليوم من دون الايام مادخل ولا شافني ولا اطمن عليه
ليش اشعجب شنو صاير جوه الخله جراح اليوم ميجي يشوفني
ظل بالي يمه اليل كله غفيت ويه وجه الصبح
رقيه فوتتلي الاكل سألتها ع جراح
ماعرف هو ملتهي بشغله
ماعجبني جوابها
لليل هم انتظرته ماكو ثالث يوم كذلك
زاد الخوف البكلبي عليه احس اكو شي وضامين عليه
كمت اضوج حيل لان اتعودت ع وجوده وخوفه عليه واهتمامه بيه اريده يرجع يهتم وميغيب عني
غفيت وهناك حسيت الباب انفتحت بس سويت حالي نايمه حتى اعرف منو دخل
علك الضوه وجاب الكرسي وكعد اكبالي ظل صافن عليه
حتى من صفنته خفت
........
جراح . جنت مسافر ثلاث ايام البغداد عندي شغله وصيت البيت مالهم دخل برهف بس ينطوها اكل ما يحجون وياها حتى من تسئل ما يردوها بجواب
ارجعت اليوم تعبان حيل دخلت غرفتي حاولت انام ظليت اتكلب عالجربايه بس كلبي ما انطاني انام من غير ما اشوفها
صارلي تلث تيام ما شايفها
كمت جانت الساعه وحده بالليل ودخلت الغرفه اكعدت وظليت صافن ع وجها
من اشوفها احس نفسي وراحتي ترد ليه لو اكون بقمه التعب والانهيار
وانه صافن عليها
انتبهت ع الطبله اكو ورقه فوكاها قلم كاتبه وراسمه بيها
قريت الكاتبته كلام كلش حلو
بس المن هذا كاتبته يارهف
باوعت عالرسمه هي مثل الزغرفه بالورد ولسلي (شوك) دققت بيها هواي ونتبهت راسمه اسمي بشكل ورد وطالع منها سلي وبكثره
استغربت شتقصد بهاي الرسمه منو الورد ومنو السلي
الزمت القلم وجوه الرسمه وكتبت
غرامك يا ترف وليه ... ولانه
وبچينه ماكسر گلبك ... ولانه
طبيبي ماعرف علتي ... ولا انا
بسبب فرگاك مدري اصار بيه
ضلوعي بطيحته الغالي حناها
واحس انهدم من داري حناها
چفوفه العاذل بكسري حناها
وتسولف گامت الشمات بيه
بعد ما كتبت سحبت ايدها الي وبستها هاي اول مره اسويها ابحياتي كلها ما فد يوم سويتها وي مره كلهم هنه اليجن ويتوسلن ويبوسن الايادي حتى ارضه عليهن
بس هاي هي
الجابتني وخلتني انزل وبوس اجفوفها
بس الورد ينحنيله سلطان
اوووف يارهف لو تدرين وتسمعين البكلبي جان عرفتي شكد انه احبج
لج تعرفين انه تمنيتج قبل ايوب بس الله ماراد
يارهف هذا مايدك بس الج وبأسمج
ليل ونهار افكر بيج
انتي عالمي الوحدي
اوووف ياكلبي اشوكت تضمها الك وترتاح
كمت اريد اطلع
رهف ..حبيت كل كلامه الكاله وحبيت لزه ايده الي
افتحت عيني شفته كام ويريد يطلع
ارفعت نفسي
جراح ارجوك لتطلع ارجع
انه من صدمتي التفتت عليها وماحجيت ولا كلمه ضليت بس اعاين عليها
سمعتك من جنت تحجي ويايه واني تره حاسه بيك كل يوم من تجيلي صرت انتظر الليل حتى تدخل الغرفتي واحس ابوجودك
خوفك عليه جان ينطيني الامان ونام مرتاحه وما اخاف ابد
تعال جراح لتطلع خلي نكعد نحجي اشويه عفيه
جراح ..نامي رهف الوكت متاخر السهر مو زين عليج هواي انتي ماباقيلج شي وجيبين
ارتاحي قدر الامكان
بس جراح اني عندي كلام وياك
غير وكت عود رهف اني تعبان اريد ارتاح ونام
يله تصبحين ع خير
لا جراح فدوه
طلع وغلق الباب وراه وعافني الوحدي غركانه بالدموع 😪😪😪😪😪
الصبح فاتت زينب عليه للغرفه يله كومي نزلي بعد رجعي الغرفتج وحالج من حالنه
شنو يعني جراح قبل انزل جوه
اي يله كومي عافتني وطلعت
يعني شنو يعني بعد ما اشوفه ولا يجي يكعد يمي واحس بالامان ابوجوده
صح جنت محبوسه وما اشوف احد ولا احجي واكعد مع احد
بس كنت فرحانه وسعيده وحاسه بالامان والاهتمام
ماريد اخسر الامان ورجع انزل وسمع كلام الكل والنوب راح يزيد ع انتي انهزمتي وما خفتي وما احترمتي اووووو كوم كوم حجي راح يحجوه
كمت غسلت ونزلت دخلت للمطبخ صبحت عالجميع شفت جراح كاعد يتريك
من شافني كبل نزل الاستكان من يده وكام طلع حتى مارد السلام عليه
الحجيه ..تعاي اهنا
رحت عليها
شكد صار ع حملج
عمه بعد عشر تيام و ادخل بشهري
اخذي بالج عالطفل اريد يجي بصحه زينه
عمه كلشي بيد الله مو بيدي
لا ترادديني ..الام هي الي تحمي ابنها من المرض
من تتغذه زين ومن تتحرك عدل ومن تسمع النصيحه وماترادد احد حتى ما تنكتل
من تلكه رداد اليحكمها ومايخليها تشرد من بيته
ان شالله عمه كلامج مسموع
كعدت اكو حليب اكبالي ظليت اباوعله وذكرت بيوم من جراح جبرني اشربه وبتسمت ☺️☺️
جريت الباكيت يمي وصبيت اكلاص وشربته كله
وتريكت الحمدلله ما اسمعت كلمه من احد يمكن جراح موصيهم ميحجون ويايه او يفتحون الموضوع من جديد
كمت توجهت لسنك اريد اغسل الماعين
رباب ..عوفي من يدج تريكتي روحي الغرفتج
هاي اشبيج رباب ليش كلامج معلك ويايه
ماحجيت شي وياج كتلج منريد خدمتج روحي الغرفتج وبس
حاضر كلامج مسموع رايحه الغرفتي بس بعدين مو تحجون عليه
محد يحجي عليج ..وما شالله انتي تعرفين شلون تردين
او اكلج كبل عود شردي لان هذا افضل اختيار الج
رباب كلامج محلو وعيب
يااااا صدك هسه حسيتي كلامي محلو وعيب
زين مسويتي اسوايتج هاي
مافكرتي بالعيب مافكرتي بينه
مافكرتي بيه اني البعدني ابنيه شراح يحجون عني وع اخوتي
من يعرفون زوجه اخونه الله يرحمه شردت
شلون حيكون تفكيرهم بينه احنه نسوان البيت
بس الحمدلله اهلي مشايخ واخوتي زلم من ظهر زلمه يسدون عين الشمس
محد يكدر يجيب طارينه بالعاطله
بس اني ماجبتلكم الحجايه العاطله كل السويته ردت ارجع البغداد
بس اريد اسئلج سؤال واحد .ماخفتي ع حالج من اتاخبرين ع جواد وتطلبين منه المساعده
ما خفتي يروح يحجي شي او يفلت بحجايه كدام اخوتي و عمامي
والله ياست رباب الاعرفه الشخص الي نحبه المفروض نعرفه عدل ويكون مالين ايدنه منه ومن ثقتنه بي
مو ع حس الطبل خفن يرجليه
اذا صار بيج شي او سمع عن اخوتج شي وراح حجه للعالم هذا حشاج ما اشتري بنعال
لان مو صاحب سر ولا يخاف عليج وع سمعتج فهمتي ست رباب
اني اعرف جواد اكثر من روحي واثقه منه متطلع الحجايه بس مرات اصير زله للسان وماكو واحد معصوم ع الزله ياست رهف
رهف ..عفتها ورحت الغرفتي مابقه عليه غير اصغر وحده بالبيت والله يا الله
..........................
جراح .انه كاعد وراسي مفتر الف حسبه تدور بفكري
هذا لازم اصله ماناوي يجيبه البر خال راسه براسي
عسباله الخدم تصعد وتصير اسياد
لا واليكتلك جيل البارحه توه طلع اسنون يريد يصير براسنه مشيخه
بس لو الزمك يفاضل صدك ما ارحم ابحالك لا انت ولا يعكوب الجلب
شيخنه جتي الحموله
اي يعباس روح انت ورضا وزعوها عالمحافظات كلمن دزوله ع كد طلبيتهم بس اتأكدو من الوصولات اريدها كله مختومه وموقعه
صار تأمر شيخنه
جراح ..دك تلفوني الحجيه
هله يمه شخبارج
انه لا مارد هسه عندي شغل حد راسي
يمه اشمالج كتلج عندي شغل جثير
عود امرلج بليل
هاااا يعني سالفتج ما تتأجل لليل
...شهالسالفه الجايده العندج الي ماتتأجل
يله راح امرلج هسه
طلعت من العلوه ورحت بوجهي للبيت لان الوالده الحت حيل علي اجي حسيت اكو سالفه قويه ورايدتني بيها
دخلت للمطبخ كبل وصارت رهف اكبالي جاي تشرب مي
ماهميت ابوجودها دخلت للحجيه
رهف طلعت من غرفتي حسيت بالجوع والعطش رحت للمطبخ فتحت الثلاجه اطلع فاكهه اكلها واشربلي مي
توني شربت المي وشفت جراح دخل للمطبخ
سلمت عليه ..ماردلي السلام بس باوعلي وفات جوه
هذا اشبي ليش هيج يعاملني بجفاء شكد حلو جان البارحه
وين كلامك وين احساسك وين مشاعرك
شنو كلامك باليل يمحي النهار
مدا افهم طبع هذا الرجال
شخصيته عجيبه بالنهار مثل السيف كلمن كدامه يكصه وبليل مثل البلسم يشفي العليل
جراح ..السلام عليكم
الجده ..هله بنظرالعيون تعال يالذيب اكعد بسدي خل اشبع من ريحتك الفواحه
افييييييييييش ياريحه الحبايب يكعدون بالكلب ويخلونه ذايب يمه ياعطر جسمك ونفاسك
يامنظر نظافتك وهندامك
كون الماتشوفك بيوم يصيبها العمه بعيونها
لان ما شافت حلاتك وترتيبك ونظامك
خايب يجوريح لو انه بت وما يجمعنه دم ولحم
لخلينك ولف لكليبي الملهوف
اشطالع تخبل ولك وردايتي
ردتك ملكي وهاي جانت غايتي
ياروحي ترفه وسوالفك
خضر ورد بشفايفك
صدرك حبيبي ولايتي
يفراشك سحر كون انام وياك للفجر
هلله هلله اليوم الجده جاي اتبدع عالكه عدها اليوم الدنيا شني جده ادورين رجل هههههه
خير اشو اشم ريحه عشك وحب طابخين
جده هههههههههه ترانه زلمه وذوبن ابساع عالكلام الحلو والعشك المسموع
كليلي اذا وصلت حدها وين انطي وجهي
الحجيه ..يمه ان شالله كل خير يجيلك ويجينه
اي يمه احجي شعندج ......سالفتج اليوم ابد مو خاليه
يمه حبيبي كل خير شتدري عني انه ما اجيبلك الخير
هو انتي كل الخير ياوجه الخير
اي يمه اسمعني للاخير ولا تكاطعني تره سالفتنه ماهي حسبه يوم يومين
صارنه جثير انه وجدتك نفكر بيها
يمه خيرج وكعتي كلبي شني سالفتج احجي
يمه اوليدي انه وجدتك فكرنه وقررنه نزوجك
شننننني شكلتي تزوجوني ههههههههههههه والله ضحكتوني
حاس نفسي طفل وجاي تسجلوني بالمدرسه وانتي وجدتي تقررون وتفكرون عني
خايبه يمه انتي جاي تعرفين اشتحجين
شني مراهق انه وتقررون ابمكاني لا والنوب تزوجوني
خاب منو كللكم اريد ازوج وله اجيب مره تدخل غرفتي وحياتي
انه ماصدكت افتكيت من ازهار هم ارجع وجيب مغثه اكبالي تصير
يمه اوليدي انت مافكرت بروحك
ماريد افكر بروحي ماجيت لحد وشكيت انه ماحب المره منو كاللكم انه بحاجتها
جراح انت مافكرت بروحك بس هاي بنتك محتاجه اليهتم بيها
البيت ماشالله ما يخله من النسوان والكل مهتم ابنتي هي ما بحاجه ام
امها موجوده
جراح انت لا رحمك ولارحمه الله عليك
شنو قصدج يمه 😠😠😠
يعني لا تخلي الطفله ياخذوها الامها تشوفها
لان انه هم ما اقبل تعيش الطفله بعيد عنه وخارج بيتي
ولا تجيب مره تهتم بالطفله هذا مو حجي يجراح
هسه المطلوب يمه شتريدين
اريدك تزوج
لا والعباس انتن صدك فارغات وماعدجن احجايه عدله
الجده ..خاب اكعد وركد انت غير تعرف احنه المن نريد نزوجك
لا والنوب مختارت زوجه الي وانه مثل الاطرش بالزفه بس اجي ازوج ونتهى الموضوع مو يمهاتي
بله مني هاي الجايباتها
الحجيه ..رهف
شننننننننننننننننننننننننننننننننني .....؟
انت شجاي تحجن
انه ازوج رهف مره المرحوم ايوب
لا صدك انت تخبلتن
يمه شلون فكرتي بيها
شلون ازوج مره اخوووووي انتي واعيه من حجيتيها وفكرتي بيها
لج يمه هذا اليوب
اعرف يايمه وانه لان ايوب ردت تزوج زوجته
المره حامل اخذها ولم لحم اخوك وستر عليها ليش يجي الغريب يقشمرها ويتزوجها يايمه حتى ما تطلع من شورنه ولاتاخذ ابنه ....تجيب الولد وانت تسجله بسمك
يمه لو اموت ما اخذ مره اخوي وتنام بحضني وع فراشي
انه حتى ما اكدر اباوع بخلقتها ترديني ازوجها يايمه
اوليدي لا تمسها خلها بس مره امسجله ابجنسيتك ييمه
لا تحجيها يمه والله ما الزمها ولا ادنس عرض اخوي
اجريح اوليدي شدنس عرض اخوك
اخوك مات وشبع موت يمه وابنه باقي كم يوم ويجي لدنيه مايريدله اب يصير ع راسه مايريد ينطق كلمه يابه
جاتريده يبقه يتيم وحيد لا اخ لا اخت يسنده بدنياه تريدهم يعيشون تايهيين يمه
لا تكفريني شني يصيرون تايهين ليش همه وين مو عايشين ابيتنه
اي صح اوليدي بس المره تحتاج اليظلله
مو بس الينشد اعليه
يمه ماتقبله نفسي اشمالج ماتفهمين الاكوله
انه من اشوفنه اشوف وجي ايوب بيها
ابني المره تريد اليسندها واليحافظ عليها واليسترها ماتريد بس اليصرف عليها
هي زغيره وحليوه والف واحد يتمناه خلها تجيب الولد
وخلنه نردها لختها او عماتها مايصير نظلم بختها يبني افهمني مادام مالك نفس بيها
يمه مو جنت مراضيه عليها ويوميه تدكين طبل ع كتلت اوليدي
الحد ما خليتي البت تشرد شنو الغيرج
يمه جنت غلطانه وسبحان الي ما يغلط
يمه هذا حجيج وين جان قبل صار ثلاث اشهور من مات ايوب
ماكلتوا نريد نزوجها
ليش هسه حجيتوها
الجده ..بسك يجراح ترانك مصختها لا انت اول اليزوجون مره اخوه ولا انت اخر اليزوجون
بتنه مانردها تبتعد عنه البت ماشفنه منها العايزه صح هي اغلطت من شردت بس ما سمعنه عليها الكلمه الزايده
وهاي احنه كلنه نغلط
وعفا الله عما سلف
احنه نريدك تكون زوجها هي تربيلك ابنيتك وانت تربي اوليدها
ويجمعهم كون الله والعباس اخ ثالث
انه كتلك اريدآ هالطفل يشيل اسمك
يمه تره حجيج جاي يشكني شك 😡😡😡😡انتي شجاي اتخربطين
ابن ايوب يجي ويشيل اسم ابوه يمه
لو تردينه يندثر للابد مثل ما اندثر ابنج
لا والعباس يمه مو هذا تفكيري بس هاي بنت بغداد كويه ومحد يكدرلها بس انت
من تتزوجها راح تركد وما تطلع من شورك وابنها يظل يمنه وما تكدر تسوي شي ولا تكدر تاخذه وتشرد
كافي يمه تره وصلت وياي حدها كلمه ثانيه احرك البيت كله
اهلي ضايقوني بزاويه كطعوا عن ريتي الهوه
صرت اتنفس كوه
صح انه احبن رهف من قبل لا تزوج ايوب وجنت متمني تكون الي موش ليوب
بس الله ماراد
هسه يردوني اخذها وتكون زوجتي .........!
لا صعبه علي اخذها وخليها تنام بحضني
طلعت وانه اضرب اخماس بسداس
اضرب كف ع كف
لا هذول صدك اتخبلوا يردوني اخذ مره اخوي
شلون اكدر اطخها وعاين ابوجها وشوف عيونها
لا خلوني بس بالعشك هايم
لا تخربون العشك ....وبالحب اكون ظالم
امشي وانه دايخ بالسلف شلون رهموها
طارق توني دافوت البيت عمي ونضربت بجراح شكل ضربه اله راسي افتر
خاب اشمالك ما تشوف طيرت خشمي
اكلك اااااااااا انت الفايت..... انه شدراني ...... اكو اثول وره الباب وجاي يفوت علينه
اشمالك يجراح شو جنك دايخ بيك شي
شو كوه حجيت
🙁🙁🙁🙁🙁
اشمالك جراح شو اصفنت ابوجهي
شو تعال طارق وياي
وين رايحين
للكبور ...؟ يعني وين راح اخذك عندي سالفه اريدك تسمعني وترشدني
هااااا صدك يجراح
لا اتمضحك عليك شايفني تمشي لو اروحن الفهد
خاب امشينه جن سالفتك جايده
كعدنه يم الشط اكو كافتريه بسيطه
اكلك هلي يردوني ازوج مره المرحوم لان حرمه وحدانيه وعدها طفل ومايردونها تروح للغريب يكولون هي صغيره ومانريد نكسر بختها لو تزوجها لو ياخذونه ولدها ويفكونها بس انه مالي نفس بيها يطارق ما اكدر اخذها هي مره اخوي وضلعي دبرني ورشدني يخوي انه تايه
طارق .. انت الترشد الناس وتحل مشاكلهم ماتكدر تحل سالفتك والله حجي اهلك هو الحجي الزين
انه شايف البت معدله ونادره ولليوم ما سمعنه عنها فد احجايه غير هاي سالفتها الاخير
بس تجي للحق انت اوله بيها من الغريب عالاقل هي تبقه هينه الابنها تربي وكدام عيونك انت وتحت طوعك
لان ياخوي انتم ما ترضون ابنكم يعيش بعيد عنكم
جراح اكيد ما نرضه ابنه يعيش بعيد عنه
هاهيه يخوي اتوكل بالله وتزوجها ولا تضل تفكر بالموضوع
طارق هي مره اخوي
واخوك وينه يجراح ...خويه العايش احق
والمات الله يرحمه
لا انت اول اليزوجون ولا اخرهم فكر عدل بالبت وبنها
ولو انه ابمكانك اي ازوجها وستر عليها وكونلها سند
جراح ..كلام طارق ظل براسي وبس افكر بي اليل كله ما نمت ولا هدالي جفن
وانه متمدد ع الكرويته بالحديقه وشوف الفجر شلون يطلع والشمس شلون تمد اشعاعها وصوت العصافير يرن بذني
الحجي ..يصبحك الله بخير شعندك كاعد هين وبهيج وكت شنى ما نمت من امس
هله يابه اتفضل لا والله ما نمت طارت نومتي
شني سالفتك احجيلي وانه ان شالله اريحك
يابه انت تعرفها سالفتي
ابني انه الاعرف انت ذيب وكدها ما تعصي بيدك شغله
بويه هاي مو شغله وتنحل ابساع
هاي زواج ومن من
من مره اخوي الله يرحمه
جنك يجراح طولت بالسالفه
خاب انه ابوك ومزوج تلاثه وهالعايشات انت اشمالك
انه يابه ازوج عشره مو تلاثه بس من يكول هي ترضه تزوج
خاب جراح انت من صدك تحجي شني ترضه ما ترضه هي عليها تنفذ وبس منو الها غيرنه
وان جان عليها يابه انه احجي وي البت وشوف ردها واله اخليها هي تجي برجلها وتكلك انه موافقه
هاااا شكلت نحجي وياها ونفضها
