رواية تحت ظل السعف الفصل التاسع عشر بقلم ميار
:شجاها الروح يمك ذبت الاسرار
وليش ارجف عليك وينخطف لوني
وحتى الناس كامت تعرف بهل الحال
مااعرف شكلهم من يسألوني يطبون
بصفنتي وعنك يدورون
ويلكوني افكر بيك يلكوني
ـــــــــــــــــــــــــــ♛ــــــــــــــــــــــــــــــــ
♛فاطمه ♛
دحكت نزل فراس ابن خالي حمدان من سيارته دگ گلبي بخوف وفرات وكف گباله
وظلو يتصايحون واحد يغلط على الثاني وفرات گوه لازم جهاد حتى لا يضرب فراس بس ذاك السانه زفر ما خله غلط ما غلطه وظلو ناس تعت بناس لحد ما فراس مدري منين
جاب المسدس ورفعه على جهاد وگع گلبي من صارو يتلاوون ويا حتى ياخذون المسدس سحبت ريام لحضني
من شفتها ترجف وتشاهك ما اريدها تشوف شي فزينه
اثنينه على صوت طلقه ثارت رفعت راسه ادحك من جامة
السياره الماميه شفت جهاد ينكث بيده والدم يجري طارت
روحي وخرت ريام نزلت اركض عليه واني وفرات مچلبين بي فرات جر شماغه ولف ايده ملتهين وبهلـ اثناء جفلنه
من شخطت السياره جهاد سحب ايده وركض كل الي ابالنه
اخذ ريام درت عيني علـسياره الحمد لله سيارة جهاد ركض
جهاد واني وراه فتح الباب سياره لكينه ريام كاعده جو الكشن فاقده سحبها جهاد بيد وحده وكعدها على كشن
اخذتها منه اضرب على وجهه اريدها تصحى درت عليهم
-جهاد خلونه انوديها للمستشفى
فرات:: امشي اصعد حتى انت هم يعالجونك لا تزمل
جهاد:: ما عليك بيه وديهن وتعال
فرات:: ورب الكعبة اذا الزمك امشيي اصعدد دمك خلص شبييكك زمالل ما تحس الناس تارسه مضيف
ابوك شيكولون امشيي اصعدد نعالج ايدك والله كريم
فاطمه:: صعد جهاد ينافخ وكل شويه يلتفت يدحك على
ريام الي بقت بحضني وفرات سوه الطريق عشر دقايق
وصلنه نزل جهاد راد يشيل ريام سحبه ما خلاه وهو دنك
شالها هي وعبايتها طبعاً طول الطريق الموبايلات ما سكتت
حطو ريام على السديه وقاسو الضغط وشكلو المغذي وجهاد ما ادري بي ظليت مگابله ريام لحد ما صحت
وبس كعدت رجعت تبجي وامبين الخوف بعيونه وكفت بسدها امسح بدموعها رفعت عيني على الباب من انفتح
ودخل معاذ وفرات وكفو يمنه وفرات يحاجي بريام يهديها
فرات:: شببح خويا عليش تبچين وحق هو الله ما اخلي واحد يمسج لو تنگطع هل رگبه اخيتي انتي
يلا شو امسحي دموعج انت بنت خالد مو مال تخافين
ريام:: منو تصوب اني سمعت الطلقه جهاد بي شي
-ظلينه واحد يدحك على الثاني
فرات:: ماكو شي خويا جهاد انضرب بيده بس والله ما بي شي الحمدلله اصابته طفيفه فضل من الله يلا خويه خليج سباعيه الناس ملتمه ببيوتنه على مودكم
فاطمة:: ظل يهدء ويطمنها واني من كلامه اطمئنيت على
جهاد طلعو الولد واني كعدت ريام سوادها عيونها مورمه
من البچي وبس صافنه وتجر النفس گوه شفت كلينس
اخذته ومسحت وجهه وعدلت حجابها زين وهي ولا يمها
ريام: فاطمه
-هاا عيوني
-الي صار يمكن سبب دعاء امج لو صاير شي لجهاد جان....
اشش سكتي شسالفه وين اكو ام تدعي على ابنها هاي شبيج ريام بعدين ماله دخل تره هذا الحيوان هو ظال
يمشي وراهم مستهتر لا تفكرين بشي جهاد وكل شي ما بي
-ما تدرين محد يدري بالبگلبي شنو من حمل شايل اني
مو جبانه بس اني كل ما اغمض عيني منظر ابوي وحارث
جدام عيني فاطمه تدرين شصار بحالي اليوم والله انعاد
الحادث جدامي منظرهم وهمه مدمين ما يروح من بالي
اليوم بسببي جان انعاد نفس الموقف ويا جهاد هم اني الي اخسر خفت خفت ارجع اعيش نفس الشعور ما اريد اني
ما اريد اعيشه هذا هذا فراس ما راح يعوف جهاد الا اني
اعوفه فهمي فهمي جهاد اني ما اريد اتزوج محد راضي
لا امكم ولا بيت عمي حمدان راح يخلونه نعيش بسلام
فاطمه:: ما اعرف شحجي وياها تحجي وتشهك وواضح
الخوف الله يعين گلبها احنه ما شفناهم ولهسه غضه بگلوبنا وفاة حارث وخالي سحبتها لحضني دخل جهاد
وامبين عليه سمعنه ايده ملفوفه ومعلگه بركبته وكف
يمنه وسحب ريام وهو وجهه يخوف من العصبيه دخل
وسام والولد وراه دحكت ريام عينها ما رفعتها وجهاد
ظل صافن امبين مقهور وخايف لا ترجع تقفل ما ترضى
سحب نفس بقوه وگال...
جهاد:: اسمعي ريام سالفة امي انسيها والي صار اليوم
ما اله دخل بدعاء ولا شي هذا جلب عباله يكدر ياخذج مني
بس وحگ راية ابو الحسنين ما يكدر واحد مخنث جبان
بس حلي يخلص العرس والله لا انسي حليب امه الزفر
هسه انكوم نروح وبالليل عود سون الحفله خوش
-هزت راسها وتمسح بدموعها نزلت من السديه ولد
خوالي بس عمر وزيادنه ماكو كلها موجوده وكف وسام
گبالها وبسده اخوته وفرات وعماد تقدم فرات يحاجي ريام
فرات:: شوفي خويا گبل يجوز جان يكدرون يأذوج وتخافين
منهم بس هسه عندج اخوه يسدون الج عين الشمس
وشحد الي يدوسلج على طرف ولا تفكيرين اذا لا سامح
صار شي ما عندج احد والله هذا جهاد اذا يوم فكر يزعلج
يلگانه كلنه جدامه بس احنه ندري بي زلمه حوك يستاهلج
وتستاهلينه يلا يا خوي ما نريد نشوف غير ضحكت اخيتنا
-ابتسمت موقفهم الحلو مشو الولد واحنه مشينه وراهم
صعدنه بسيارة وسام اني وريام ومعاذ حطت راسها على
جتفي ادحك الجو صار غروب شكد جنه فرحانين تعبنه
موقف من فرح انگلب لتعب خوف وما ادري شگالو للناس
✿تبارك ✿
من الظهر ننتظر بفاطمه وريام وماكو خابر معاذ ودز علينه
حتى نرجع للبيت اذن عصر وهنه ماكو جاي نلبس عبينه
وكفت عمتي امنه جدام النسوان ادحك وجهه اصفر گالت
امنه:: الله بالخير يحبايب عذرنه والله البنيات عاصين بالزدحام وصاير قدر وام الصالون متأخره
عليهن وخابروني ومثل ما تشوفن اني هم توه دريت
وراح نسوي الحفله بالليل وبيت ابو جهاد مسوي عشا
وينتظرنا تفضلو وان شاء الله وره العشه نلتم يم ريوم
سهام:: خير ان شاء الله ام وسام اهم شي هم بخير
وجلونه عليهم جان انطو خبر من وكت يلا يحبايب امشن حصل خير وماكو فرق بيت ابو وسام وابو جهاد
-طلعن النسوان ومروى وبنات خالي جاسم واني وراهن
بس شو ما اقتنعت بكلام عمتي بس ما حجينه وصلنا البيت
جانو الزلم تارسه الساحه الجدامنه وعلى صفحه الطباخين
للمغرب واحنه ننتظر بفاطمه ما جت عمتي هم شو لا هي
ولا بناتهاواكفين اني ومهى ورحاب ومروى يم باب المطبخ
ودخلن نسوان ما عرفتهن وزياد وراهم تلكتهن امي وخالتي
سهام وكف زياد عرف امي عليهن بنات ثلاثه وياهن مره جبيره طلعنه سلمنه عليهن ودخلن للاستقبال بس شنو من هيبه خرب حظي زياد توه يريد يطلع جلبت بي اسأله
-منو هذن شو ما شايفتهن من گرايبنه
زياد:: هههههههه انجبي ليش من شوكت كرايبنه عدهم هيج شكول المهم هذن نسوان بيت سيد محمد
-عليك الله
زياد:: وداعتج المهم هالله هالله بيهم خطارنه من.....
وتره جهاد يمشي ويوصي بيهم بعد تعرف ناس مرموقه
-دروح ابو المرموقه عفت البنات ورحت كعدت قريب
من البنات بعدهن لابسات العبي خرب شكد نظيفات
يلمعن وراس جد امي السبع الحجيه امهن لزمتها
امي وتحجي وياها ادحك عليهن يدحك عليهن يدحكن
وينزلن عيونهن الا عيوني الصلفه تالي ما تحملت جيت
وكعدت بسد وحده منهن واستفسر على اسمائهن
-ما عرفتني شسمجن
حجت وحده امبينه هي الجبيره
-اني زينب وهاي اختي الصغيره رقيه وهاي جنتنه
هبه وانتي شسمج وشتصيرين من جهاد وزياد
تبارك:: العبب تعرف اخوتي يا هلا ومرحبا
اني تبارك واصير اختهم الصغير ومدللة البيت
زينب:: هههه بيج اكثر وعاشت الاسامي حبيبتي
تبارك:: ابتسمت بوجهن ما عرفت ارد ترخصت
وكمت ركض يم البنات ملتمات يم فاطمه نسيتهن
من شفت فاطمه وجهه تعبان وكفت يمها وهي تسولف للبنات بصوت ناصي على الصار وياهم
مروى:: وهسه جهاد شلونه وهو وريام
فاطمه:: لا زينين جهاد طلعو الطلقه وما رضى يظل هم
عيب ما تشوفين الناس الملتمه اخذو لبيت فرات يرتاح
وريام بيت خالي محمد وعمتي والبنات ظلن يمها بين ما
ترتاح واني بس اسبح وابدل اروح ارتب. مكياجها وشعرها
تبارك:: فاطمه تدرين بيت سيد محمد هذا الي يروحلهم
زياد وجهاد يمنه بناته وجنته ويمكن حرمته هم بالاستقبال
فاطمه:: ادري بيهم يجون گالي جهاد اهتمن بيهن ولا
امي موجوده بس انتن هم انتبهن يلا اروح اسبح واتحظر
راحت فاطمه واحنه التهينه بالعشه واني ومروى والبنات
اكثرنه ما تعشينه يلا لحكنه نكشخ مروى كملت گبلي
وخطيه هي وكشختها تشتغل لل8 كلها مشت لبيت خالي
وبس دخلنه ونشعل الجو بالهلاهل اني وخواتي وفاطمه
شغلت الدي جي على اغنيه سمعونه هلاهل وكفنا جدام
ريام ونصفگ ونركص والبنات ويانه صح مكياجها بسيط
وبس ذابه شعرها وملبستها التاج بس ملامحه هي حلوه
ادحك اول مره اشوف فاطمه هيج فرحانه وهي عليها
جسم يخبل من تهز جتف تجنن كلها صارت عيونهم عليها
خاصه بنات عمي حميد وحتى بنات السيد يدحك عليها
✧مهى✧
للعشره وحفلة الحنه ما خلصت الا عمتي سهام صاحت بينه
حتى نرجع للبيت علمود ترتاح ريام وهي امبين عليها التعب
الله يساعدها موقفهم صعب لو صاير شي لا سامح الله على
جهاد الحمدلله عدت على هيج طلعنا كلنه سوه والبنات
جلبن بينه حتى نروح وياهن ومدري شعجب امي رضت
دخلن العجايز فرشنه بالحوش وكعدن جاي نفتر بالحوش
والولد شغلو الطبگ رغم جهاد كايللهم ما يسوي حنه هو
غير طارت ارواحتنه انريد نشوف دبجتهم صاحتلنه فاطمه
فاطمه:: امشن بنات نصعد على السطح طفت الگلوبات نشوفهن بس مو تسون صوت اصعد
-ركضنه كلنه وفاطمه صاحت بنات السيد ولحكنه واكفنه
اندحك عليهم ولدنه كلهم مصطفين يدبجون والي براس
ما عرفناه لازم بيد وسام وبس فرات وجهاد واكفين على صفحه شكد حلوه دبجتهم ادحك زياد منلطق ويا الي لازم
الراس وتبارك كل شويه تسأل عليه تالي ضربتها فاطمه
فاطمه:: وجع شبيج انهرشتي شعليج بيهم شوفي واسكتي الا تعرفين منو هذا ومنو ذاك أصدقاء الولد
-ضحكنه عليها ولا اهتمت الا زينب گالتلها
زينب:: يمعود سكتي هذا اخوي ليث زوج هباوي والي بصف
زياد هذا كرار ابن اخوي والي بسده حيدر اخوي ارتاحيتي
تبارك:: خرب حظج ولج شتخلفون بزازين هو انتي جمالج
كافي انةب ماخذه سيد واحلا واحد باخوته وين امج تدعيلي يصير عندي هيج عايله واهم شي يطلع سيد
-هههههههه
هبه:: شمدريج دعاء امي هو الي انطاني رجال
-عجل دعائي وهو هذا ما يجيبه بس دعاء ليلة القدر
-هههههههه
رقية:: هههههههه والله عليج سوالف عمي ناخذج لحيدر
تبارك:: دحكي المن انطتني هذا جنه فرات شكله حلو بس
اذا تعصب يشوفج الموت ويرجعج للحياة لا اريده رومنسي
زينب:: هههههههه يااا وين اكو سيد و رومانسي وين لكيتيها
تبارك:: لا تسدين نفسي خلنه اندحك خرب احلاهم اخوي
مهى:: هااا سكتت تبارك والله اخوتي احلا الشباب كلها
فاطمه:: دمشن امشن ننزل فضحتنه واكفات وتتخيرن
بالشباب ولا واحد حلو بيهم يلا ننزل احسن ما نترزل
-نزلنه وكعدنهويا العجز لكيناهن كل وحده منهن متذكره
ايام عرسها وطبعاً عمتي ابتسام استلمتهن تسولف على
زواجها وشلون جدي ما راضي وعمي احمد مكاون الكل
وماخذها كل شويه وكالت حارب الدنيا واخذني ههههه
حتى بناتها شكد ما تحجي بيها حافظاتها للسالفه ظلينه
لل12 ونص اخذت موبايل جديتي ودكيت على فرات
-الووو ها جده
مهى:: هاي اني مهى
فرات: هلا گلبي كولي
-يعمري انت اني بيت عمي احمد تجي ترجعني امي ورحاب
من زمان رجعنه واني جيت ويا البنات وهسه اريد ارجع
-يلا اگفي بالباب جايج
مهى:: سديته ورحت اخذت عبايتي وكفت انتظر فرات
انفتح الباب واني عبالي اخوي جريت الباب وصار معاذ
بوجهي رجعت وره وهو دخل محد بالحوش كلها دخلت
تنام صفن بوجهي مستغرب وكفتي واني لابسه العبايه
معاذ:: شكوو واكفه اهناي شنو مطروده
-ما عليك اريد ارد لبيتنه
-انتي شبيج السانج ليش هيج صاير والله اكسر راسج
-معاذ عوفني مو كل ما تشوفني تغلط عوفني يا اخيي
معاذ:: خوه تكسر اعضامج لا تكولين اخي لا اطيح حظج وحظ خوتج وتره صابر وطول خلگي وياج بس..
-لا بس ولا شي يلا روح مناي لا يطلع احد يشوفك واكف
يمي لا تجيبلي سالفه ما ناقصه اني وين ظل فرات
توه راد يحجي وطلعت فاطمه شافتني محتركه من العصبيه
وهو بس يريد يكاون دفعته حتى يروح لبيت جهاد كوه راح
وهي رجعت يمي تحجي عليه لان اكاونه واني اغلط عليه
فاطمه:: ولج السانج شبيج هاي تظلون هيج كل ما تتشاوفون تتعاركون مو عيب تغلطين عليه يصير هيج
-فهمي لا يحاجيني يقبل هسه اخوتي يحاجون وحده منجن
فاطمه:: ديلا عمي يلا اني احاجي هسه تسوي اخوتها ملائكه وانتي وين تريدين تظلي باتي وهو باجر العرس
-لا ارجع علمود ملابس هم غير مره عود يجوز باجر ابات
-براحتج حياتي
مهى:: ظلينه نسولف تاخر فرات شكد رادت ادخل للبيت
ما رضيت دك الباب فتحته صار بوجهي فرات مبتسم طلعت
ما انتبه لفاطمه ولا رفع عينه عليها هي سلمت عليه وگالت
فاطمه:: فرات شلون صارت ايدك
فرات:: يلا بويا امشي
افتهمته ما يريد يحاجيها طبت و سدت الباب بقوه رفع عينه على الباب متفاجئ وعرفها انقهر وزعلت ظل واكف الا اني
سحبته حتى نمشي وكل كل شوية يلتفت وكفنه بنص الساحه اريده بس يمشي يمسح بوجهه انقهر عليها من تصرفه وگال
فرات:: اني ليش هيج سويت هذا تصرف مهاوي ترجعين تشوفينه اني اكفلج بالباب شوفيها وتعاي
مهى:: مو اخوها ينتظرها تره ظلت واكفه من وراي
فرات:: يلا امشي
-بس وصلني وراح لبيته بداخلي احجي ادري شبسرعه تندمت شو اني جاي ادوس ابطن معاذ ما اتندم انت شبيك
❀ريتاج❀
كعدتنه امي من الفجريات نظفنه بيتنه وريام بعدها الجذابه
الليل كله انام واكعد الكاها تحجي ويا جهاد وتكول لعب بعقلها احلف عليها هي الي لعبة بعقله ولا جهاد يحب ويتزوج ادحك عليها شلون نايمه برائه انوب من حفت حواجبها غير صارت تموت ما تحملت چطيت عليه احبب
بخدوها وهي كعدت تضرب بيه حتى اعوفها واني اكرص بخديداتها...
-يماااا شلوون اخدود يمه فدوه وفداوي
ريام:؛ ولج عوفينيي يا خبله اخخ مو هيجج
-عسللل والله عسللل احلا عروس بالدنيا
ريام::طيحتي حظ العروس وانتي تخلين بيها عروس
ريتاج:: والله مو صوجج غير احبج وكزكزت عليج
ريام:: هههههههه ولج ما نايمه هسه تجيني فاطمه
-رفعتلها حجابي اركص بي ليش عيني ما نايمه
-انجبي هو اصلا كل عروس ما تنام تظل تفكر بمستقبلها
رباب:: قصدج تظل تتغزل بزوجها هههههههه
ريتاج:: ههههههه
ريام:: انجبن
ريتاج:: جهاد خفت عليك اوويي
رباب:: غير متت خوف لو صاير عليك شي امووت ما اتحمل
ريام:: جذابات ما كلت هيج ولن تره ازعل وين عمتي
ريتاج:: هههههههه استحت عافتنه وانهزمت وامي صاحت
بينه لل9 ونص راحن امي وريام وفاطمه للصالون ويا وسام
واحنه كملنا تعزيلات وجيه حسين اخذ الجنط وانطاهن
لزياد ودوهن لبيتهم واحنه اخذنه ملابسنه مالت العرس
بجطنه نبدل وره الغده لبسنه فساتين عاديه ورحنه للبيت
خالي طبينه للبيت وصوت الأغاني ومن بداية الشارع ينسمع عفنه غراضنه على صفحه وكفنه نركص ونصفگ
وجتنا عمتي سهام تحجي ترزل بينه لان نركص گالت
سهام:: يمه شكو تمركصن ادبچن هذا ركص شنو
ريتاج:: وشنو الفرق يا عمه بس لخاطرج تأمرين انتي
-عفية يمه يلا تونسن بنياتي
-راحت عمتي ولزمنه الدبچه دحكت بنات السيد واكفات
عفت الدبجه وكفت يمهن حبيتهن سلمت وكفت احاجيهن
شنو مخلصات دراسه لو بعدجن
هبه:: اني ثاني مرحله كليه
زينب:: اني هاي السنه اتخرج
-وانت رقرق
رقية:: هههههههه لا اني ثالث مرحله
-اووو كلجن اكبر مني انوب بنات السيد بعد وه مروه نحترم
زينب:: ماكو فرق حبيبتي اكول شوكت تجي العروس
:-والله ما ادري بس هنه حجزهن ب11 والزفه كالو العصر
رقية:: تروحن بالزفه لو ما يقبلون
-طبعاً نروح هو احلا شي بالعرس الزفه تصير تعالن ويانه
هبه:: خلي اخابر ليث واكوله نروح وياكم شتكولن بنات
زينب:: اي كوليله بس عايني مو تلحين ويزعل والحسين
يذبحج لان كاعد ويا الزلم راسلي بالاول اذا قبل نروح
- ضحكت ما مهتمه ودكت عليه وكفت على صفحة
هي حلوه وكصيرونه ملابسهن شكد حلوه ولا حاطات
قطرة مكياج ظلينه نسولف وصاحونه علمود الغده
غدونه من وكت تغدينه واني عفت كل شي وركضت
ابدل وارتب بنفسي وره شويه كلهن التمن بغرفة البنات
حتى زينب خواتها ومحد منه حط مكياج شكد جان بنفسي
بس احترمت روحي وحتى هم لا يحجون على روحتنا للزفه
كملت وطلعت بالحوش واكفين الولد ويا عمتي سهام شكد
يضوجن خالاتي حتى لو من غير ام بس يبقن عمات لا وكفن
صفكن لا دبجن على الاقل تلكن ابن اخوج بهلهوله طب
جهاد يبدل ويا فرات ومعاذ وزلمه شاب ما عرفته مشى وهو
يحجي على ولد لان سادين باب بيته الخارجي وهو طب وسام جلبت بي اريد حتى اتأكد منه انروح لو لا وهو بس يريد يتلفت مني
وسام:: شبييج ولج ومو مناي الولد
-انت وعدتني نروح بالزفه
-شكو شكو رايحات كلها زلم اكعدن هنه نجيبها ونجي
بعدين مو عيب عليجن تحظرن زفت اختج يلا ولي
-هااا هاا عيب عجل وانت اكو واحد يزف اخته و اكوو...
وسام:: يمعوددده اوديج بس خليني اروح
-يلا روح
عافني وطب لبيت جهاد واني ركض اخذت عبايتي والبنات
كلها التمت يمي فرحة من البنات وافق اخوهن يجن
سألت مروى على كوستر دائماً يأجرونها كالت
مروى:: خيه ما قبل جهاد وفرات كايل بسيارتهم ومو كلها
تروح عاد احنه هسه سألت زياد كال توزعن بسيارات الولد
مهى:: منو تجي وياي راح اروح ويا فرات
ريتاج:: اني اجي تجن بنات
مروى:: اني ورحاب نروح ويا معاذ ويانه خاله سهام
رباب:: واني وتبارك ويا حامد ويانه خاله امل وواحد من الولد
ريتاج:: عجل وانتن بنات تعالن ويانه
زينب:: لا خيه دخيلج اخوي ليث يودينه كوه اقتنع
مروى:: اهم شي تجن هسه تشوفن شلون تتونسن
رقيه:: ان شاء الله متشوقه والله كلش
ريتاج:: واكفين ننتظر صاحو بينه حتى نصعد صعدنه اني
ومهى بسيارة فرات وگبالنه سيارة العريس واكفه ننتظر
يطلع مروى وتبارك بس طلع ودكنها بهلهلوله وهو يخزر بيهن بعده ما حاجي وجت عمتي ابتسام وهلهلته وطشت
جلكيت وهو مثل التفاجئ دنك على رجلها وجدام الكل
حبه وهي جرته تحبب بي وتباركله وصار الهلاهل بفلس
ما تعرف منو يهلهل صاح بيهم خالي حتى يمشون صعدو
واشتغلت الاغاني والهورنات فرات مشغل اغنيه عريس وربعه يزفونه هو وسام الي كاعد يمه ولا عبالك بنت عمهم
العروس احنه ماخذات راحتنه نصفك والمكان جبير ردت
اطلع ايدي من الجام بس ما يفتح قافله من يمه الدكمه
ردت من مهى بعدين خفنه يعيطون بينه سكتنه وصلنه
الصالون ما رضو ننزل ظلينه كاعدات بالسياره بين ما طلعو
العروس غير طارت روحي بس اريد اشوفها بس وين مغطينها والعبايه فوكاها مدري شلون تمشي لازم بيدها جهاد صعدو العروس ومدري شبيهم ننتظر بفرات ووسام
واكفين ويا جهاد وفاطمه مدري شبيهم عافوهم وسام وجيه يضحك صعد هو من جوه لجوه يضحك شفت فرات
وفاطمه جو صعدت فاطمه وضربت الباب بقوة كسرته
وهو بس صعد فرات امبين كابه بينهم للستار دار علينه وكال..
فرات:: بنت الاوادم هو هيج تركعين الباب
فاطمه:: بكيفي محد طلب منك تجيبني وياك
فرات:: فااطمه ورب الكعبة اذا لا حول ولاقوة الابالله
فاطمه:: واذا شنو هاا هسه انت شنو اني حاجيت اخوي واحجي بكيفي ليش تدخل بيناتنه هاا
فرات:: يعني حظرت جنابج موگفه الزفه لان ما عاجبج
تصعدين وياي شنسويلج ناكلج وهاي البنات وياج بعد شكوو
-سكتت فاطمه وتمسح بدموعها خلتنه واحد صافن بوجه
الثاني مدري شبيه ودحكت فرات عيني بالمرايه يدحك عليها
فرات:: احم عمي ماكو شي يستاهل تبجين عليه هسه ليش تخربين فرحتج باخوج امسحي دموعج يابه خلي نشغللكم
شي شتكول وسام هو كل يوم معرس جهاد خلي نفرح بي
وسام:: حجيك ذهب ابو علاوي ديلا يا خويا عليش زعلانه
مهى:: يلا فطوم لا تظلين زعلانه واحنه ننتظر فرحتج
وتالي تكضينها بجي لخاطر جهاد وريام ما يستاهلون
نفرح بيهم عمري انتي امسحي دموعج وفرات شغل أغاني
فرات:: تدللن
-ضحكت ام گلب ما تكدر تظل زعلانه وصلنه نص الطريق
وشغل فرات أغنية وكفو السيارت يم منطقه مفتوحه
ونزلو الشباب كلهم وكامو يدبجون نزل فرات اخذولهم
شويه وصاح بيهم زلمه جبير بالعمر رجعو صعدو وفرات
بس صعد شغل اغنيه ام ثوب احمر نص اردان مالت قاسم
السلطان ويغني وياها ومندمج اني ومهى اثنين دحكنه على فاطمة لابسه فستلن احمر وهي عرفت يقصدها والله خدودها صارن حمر وادحك صوته حلو يدحك بالمرايه ويغني رفع صوته من المطرب كال
يالحلو يالحنطاوي.. طولك مدفع نمساوي
كلبك مستشفى اليرموك وبها طبيب يداوي
يام ثوب احمر يابنيه يام خدوده الوردية
ادعي من الله اتانيني وبلجي تحنين عليه
سكت وظل بس الأغنية من وصل يم هذا الكلام رجع يغني
ويا المطرب وصوت الأغنية عالي بحيث كل من يمر سمع
يغني وكن يقصد الي يكوله وعيونه ما نزلت من المرايه
خاصه من گال
فرات:: يا حليوه هونج هونج بس ردنه نكول
شونج لو حبيتينه نص ياونج بعد الروح و ريه
فاطمه مدنكه وخجلانه وهو ولا يمه رايح مسلطن
وصلنا للبيت ونزلنه ركض حتى نشوف عروستنا ريام
♔ريام♔
بعد الموقف شجعت روحي لازم انسي واعيش حالي حال
البنات وكلام جهاد يدك براسي اني متلي ذنب ومو منبوذه
واحط ابالي بس سعادتي راح اتزوج ونكون عائله مثل باقي
الناس واعيش ويا انسان يحبني واكفه جدام المرايه بدلتي
شعور ملخبط توتر وخوف ونفس الوقت فرحانه اني راح
يصير عندي عائله زوج وبالمستقبل اصير ام فاطمه الي
ما اعرف شحجي على وكفتها الي من اول ايام تجهيزاتي
وياي اخت وصديقه ولا عمتي الا يجوز لو امي موجوده
ما تكفلي وتفرحلي هيج خلصت مكياج والحجاب اني
ردته لبسني العبايه من وصلو دخل جهاد ما ظلينه اخذني
وطلعنه وساعدني اصعد السياره صعدت عمتي وجهاد
من الطرف الثاني واني شكد ما مخطين وجهي اختنكت
ماصدكت وصلنه ساعدني انزل وصوت الهلاهل وجكليت
كل شويه تنركع براسي خرب حظي جتني البجيه انوب بس
وخرن البركع عموني بالبخاخ مالت الاعراس وكعدنا ادحك
كل شويه وجت وحده وطگتني لعب حتى روحي نسيت نفسي عروس ايدي بيد جهاد اريد احجي هو ما مهتم تالي
نبتت اضفري بأصبعه دار عليه نزل راسه قريب مني وكال
جهاد:: خرب يومج ولج شبيج
-راح اظل كاعده اهناي لليل
دحك عليه وضحك ما افتهمت قصدك السخيف
جهاد:: ميخالف اذا عاجبج نروح لبيتنا هسه
ريام:: توه ردت احجي لان فتحت عيوني عرفت قصده
وهو جر ايدي ودار وجهه و يهمس درت وجهي على
الناس يمه شو هذا هيج يفكر شويه وكام طلع واني
ظليت افكر شلون انهزم لو انام واخلي لو افكر اقفل
الباب عليه يمكن ما ظلت فكره براسي ما فكرت بيها
جت فاطمه تضحك وياها بنات اول مره اشوفهن گالت
فاطمه:: عروستنا هاي بنات سيد محمد اكيد عرفتي
حسين وزياد دائما يسولفون بيهم ومن البارحه هم خطارنه
ريام:: هلا بيج حبيبتي
هبه:: الف مبروك ان شاء الله الذريه الصالحه
-حبيبتي شكراً يوم الكم ان شاء الله
رقيه:: حددي يوماً النه تنزوج نخلف
ريام:: هههه الي ما متزوجه تتزوج والمتزوجه تخلف
فاطمه:: هههههههه خوش دعاء
ريام:: سلمن وراح واني جلبت بفاطمه تعبت من الكعده
لوره المغرب يلا كومني للبيت والبنات الحيواناات بس
دخلني وسمعن بالعشا انهزمن وعافني بس فاطمه ظلت
كعدت على الجربايه شكد حلو مرتبين الغرفه التهيت
ويا فاطمه نسيت السالفة وهي وكلامها الطيب بس خربتها
عمتي سهام ونسرين وغيرهن دخلن عود يسلمن وتفاجئت
من حجيهن ولا يستحهن عود وحده من عمات جهاد حجيها فشك كله بالخط العريض والله خلتني ارجف كل شويه وتغمزلي وتذب حجايه اخذتها عمتي سهام وطلعن
فاطمه:: ما عليج بيهن هذا الحجي كله جذب لا تفكرين
بحجيهن هاي ليلة العمر وجهاد يحبج فكري بس بهاي
ماكو واحد يأذي الي يحبه والزواج مو شي يخوف انسي
هذن رادن يخربن عليج ديري بالج تسمعين منهن خوش
ريام:: هزيت راسي وظلت فاطمه تنصح ساعه اقتنع ساعه
الخوف يسيطر عليه رتبت مكياجي ونزعتني الحجاب واني
بس افكر اذا اريد انهزم شلون الحك البس حجابي وبدلتي
شلون امشي بيها افكار غبيه بس مقتنعه بيها كل الي بالي
الذهب الابسته ابيعه واعيش بي وبعدين اجي ارضي جهاد
ونرجع أصدقاء فزيت على صوت الدفوف واصواتهم طلعت
فاطمه واني وكفت استعداد عبالك توترت دكت الدف بگلبي
اسمعهم من يدكون بالدف ويصلون على النبي شعور غريب
يرددون...
اللهم صلي على المصطفى نبي الرساله وبحر الصفا
اللهم صلي على الهاشمي نبي الرساله ابا القاسمِ
اللهم صلي على المصطفى نبي الرساله وبحر الصفا
-دخل جهاد وسد الباب وهمه بعدهم ينشدون شوي وراحو
اني ظليت على وكفتي وهو واكف ويدحك مبتسم تقدم
وكف گبالي وعيونه تحجي فرحته حتى اني نسيت نفسي
نزع شماغه وخلاه على راسي وسحبني باس راسي من فوك
الشماغ وهمس..
-يا احلا من شافت عيني يا طفلتي المدلله الي بقيت
سنين انتظر تكبر وتعذبت لحد ما لكيتها ما مصدك
روحي بيوم الكل صدك موتج گلبي ما رضى يصدكهم
لان بنته وسلطانته اميرته المدلله ما تعوفه ريام
وكفتج گبال عيني وبدلة العرس اشبه بحلم او معجزه
شفتي رغم كل هاي المشاكل صرتي الي مرتي وحبيبتي الله يقدرني واسعدج ولا يرحمني من وجودج
-دنكت خجلانه من كلامه وگلبي فرشات وهو حس عليه
جهاد:: تعالي نصلي البسي شي على رأسج وهذا باب الحمام توضي وتعالي انتظر نبدي حياتنا برضى الله
-هزيت راسي واخذت الملابس الي حظرتهن فاطمه ودخلت
كوه ذبيت البدله ولبست الملابس وتوضيت وطلعت حايره
ومستحيه بس هو زين ما رفع عينه عليه سحب العبايه من
الزاويه وجان اكو شال هم لفيت راسي وهو وكفت جان فارش المساجد وكفت وراه وصلينه احس ارتاحيت من
سمعته يدعي كام وكمت اني كوه عليه ذبيت العبايه
واشجع روحي بكلام فاطمه وعمتي كعدت على الجربايه
وهو كعد بسدي لزم ايدي وبدا يسولفلي على ايام گبل
ورجع يسولفلي على حبه الي سحب راسي باسه......
جانت ليله من العمر مع انسان حنون وعيشني حب وحنانه
خلاني انسى كل الخوف احتواني بكلماته وتعامله الراقي
وصرت مرت جهاد حاطه راسي على ايده ونمت واني الفرح
والابتسامه على وجهي نوم بعد شعور بالامان والحب...
