رواية دخيله الشيخ زين العابدين الفصل التاسع عشر بقلم أوتار حزينه
هيله
رديت ليوره وانا فاگه عيوني سمعت صيحه
زين بغضب
وولك عش تضربها
شهم لزمني من ايدي وجرني بقوه سحبتها
منو بقوه اكبر رديت ليورة خزرني
وصاح بصوت مكتوم
اااسري ولاتخليني امد ايدي
عليج
مديت ااايدك يبن العم
صحت به خواتي راحن يركضن لابويه الجان
مسافه عنا فزيت من سمعت
صوت يم اذني يهدر بغضب
گواااد عش ضربتها
ماشفت غير ايد ضربت شهم راجدي رد ليوره
زين بسرعه جرو من هدمو وضربو بوكس تلازمو اثنيهن وواحد كام يضرب اللخ
ابويه اجه يركض هوو عم عزام وغانم وجم
واحد من كاع الشيخ شعلان جروهم
بالگوة اسمع زين يفشر
علي ويجسر لان مد ايدو عليه وشهم
نفس الشي
سريت من يمهم كاتمه دمعتي گوة
عرفتو تصرف هيج لان شك بيه انا وزين
دشيت دارنا امي فزت من شافت
وضعي صاحت بخوف
وش بلااج ليش ابوج به شي
خواتج بهن شي
لاااا
صحت بقهر وورحت لغرفتي دشيت
شهگت بالبجي كعدت الوب من السواه شهم
امي وريمه اجني يمي صاحت بي
ووج مااتحجين شصاير
خواتي الصغار طبن ينهدن ويبجن ريهام
صاحت
شهم ضرب هيله
شنووو
امي صرخت بذهول وردت بغضب
عش يضربج تخبل هذااا شلون يمد ايدو عليج
مااعرف يمه هو هيج ضربها بدون سبب
كعدت يمي وسالتني
ووج عش ضربج ااحجي كولي تكلمي
مارديت ريمه سالت
من جان معكم من ضربها
محد بس زين بالشاخه يتصيد
امي سكتت للحظه بعدين كالت بخوف
عزه العزاني من وراه ضربج ووج شافج معه
وعباله اكو شي موو
سمعت هوسه بالهول وصوت شهم
طاغي على الكل
اااذبحو والله اجتلو اذا بعد شفتو يحوم حوالين هيله او تكلم معها
امي طلعت بسرعه خواتي وراها
ريمه ظلت يمي تدحك عليه بقهر ظليت
اسمعو يصيح ويهدد
مشوار سمعت صوت ابويه
يرزل به نهضت
مسحت دموعي بقوه سريت
اختي لزمتني وكالت
وين رايحه الحديده حاميه
سحبت ايدي منها ورحت للهول ،،،هو واكف
ينهد من غضبو عيونو صارت عليه خزرني
عمي انهد به
ولك كاافي تهدد بابن الشيخ راح تبلانا بمصيبه
ااابلاك يابه واسوي مصيبه جبيره مادام هالناقص
خله عيونو على شي يخصني
مااخصك انا عگب السويتو يااابن العم
اااسري ياهيله وعگبي
ابويه صاح بيه شهم
تقدم عليه وكف بصدرو وماخلوه
يجي عليه رد باعصاب
تتتخصيني غصبا مااعليج بنت عمي
وااريدج
صحت به
وانا مااريدك بعد
وجههو تغير صفن عليه صاح بغضب
ااالمن تريدين عجل ابن الشيخ موو
صفنت علي وگلبي يوجعني من السواه والي
تكلم به ابويه صاح بغضب
يااااشهم بسك عااد والزم حدك
عگب للبيت ولك ااسري وماتظل هينه لااا
والله ان جان سلمت منو ذيج
المرة ماتسلم هالمرة
عمي تكلم بصياح خالتي طبت تصيح وتغلط
هم تجاتلت،،،،،،،ويا من وراها للخاتوون خل
تاخذو ولكم انطوها الو وفضونا عاد
من هالسالفه
بسسسج عاد ياخيه بنتي مااهي
واكفه حد ابنج هووو الي رايدها وموكف
حالها
امي تلاطشت معها ابويه صاح بها
يااازهيرة ااخذي البنات ودشي جوة
خواتي تحركن بسرعه امي سرت وانهدت بيه
ااسري يبنت
دحكت لشهم يخزر بي تكلمت بغضب
انت الظاهر مااتعرف من انا ياابن العم
لجن انا اعرف روحي من واعرف انا
كد العهد الي كلتو انت بلسانك
لجن انت ماجنت گدو
وجهو انطعن مارد
سريت كاتمه شهكه صدري سمعت ابويه يرزل به ومارضه له السواه بيه اهله ذبو الصوج بيه لان واكفه يم زين وهم انهد بهم سوالهم زعله
وطلعو من يمنا
🌿🌿🌿🌿
زين العابدين
شفت هذا العار شلون ضرب هيله
لو تخبلت عقل ماظل بالراس هديت علي
تلازمنا وواحد طلع حقدو باللخ
گوة فگونا،،،،،، عبروني للگاعنا
فاقد واجسر علي واسمعو يجسر عليه ويفشر
هديت روحي من الگاضبيني اهدر من غضبي
وهي بين عيوني شلون صفگها راشدي
وخلاها بس صافنه علي
يااشيخ مو هيج العهد وينو
خرررب بالعهد خرب بگاعو للشيخ صگبان
وهو معها
انهديت بعم محمد فلاح كاعنا
سريت للسيارتي سحبت سلاحي انداريت
عم حميد صار بوجهي خزرني ولزم
يدي بقوه صحت بخبال
وووخر عم هذاااا العار مد ايدو على
هيله
اابن عمها مااخصك انت
جريتو منو ماخلاني هو وعم محمد الحرس
وكفو يمي وصارو حاجز يم الگنطرة
ظل لازم ايدي ويكرر
هدي يبن اخويه ولاتفجعني به هدي لخاطر
هالشيبه
لزم لحيتو شمرت السلاح بقوه
بالسيارة صحت بجنون
يااعم ضربها مد ايدو عليها
صفن بوجهي درتو منو اتنفس گوة جاوب
بهدؤ
هي بنتي وانا اخذ حگها من الي اليعيل عليها
دحكت للدارها وانا اغلي من الغضب
عگب يبعد عمك وطفي النار
مااهو كدها ياعم ماتلوك له
جابتو بقهر كررت
ماهو خيال بنت العرب ماهو ندها لهل العار
يازين قسمه بنتي يم ربها وانا ادعي من الله
ينطيها هي وخواتها الي يخافون الله بيهن
دحكت له وجهو مطعون وغادي دم
ماحجيت شي هو كمل
عگب يابه وجفي الشر تره البيه كافيني
ماتحركت ظليت ادحك للدار هو كمل
بهداوه
يازين لخاطر عمك عگب ولاتخليني بينك
وبين ولد اخويه انتو اثنينكم
غالين عليه يوجعني گلبي
اذا لفاكم بله او شر
لميت ايدي بغضب ومنظرها ماجاي
يروح من عيوني
رگبت سيارتي وحركت بسرعه
خاف لااتهور واروح اجتلو
لهذا الكواد
وصلت لدارنا دشيت ورحت لغرفتي وكفت
بنصها صفنت على كلشي
بيها اجه بالي ذاك اليوم شلون ردت اذبحها بالمحصر حالي ذاك مو مثل حالي هسه
نار شابه بگلبي بس مو نار حقد عليها
لااا نار حقد لخاطرها من ضربها جن ضربني
ااني مس شي يخصني ااني شي
احبو وعزيز عليه جثير
غمضت عيوني ونيت بصوت ناصي
اااخ يازين ااخ وش بلاك الله به
عشگت يالخايب حبيت بنت مااهي لك
سكتت درت وجهي للمرايه دم يم خشمي
وحالي حال رددت بقهر
شلون عقاب هذا ياربي قاسي وصعب
ويوجع وحگ الگعبه گلبي كام يوجعني من
الجاي احس به
وين اولي وين اروح وانا كاعد اشوفها بكل
مچان الفي به بالخيال وبالحقيقه
لجن هيي
اااااخ ياابه ااخ من قهر گلبي وقهرها
صحت بصوت مكتوم شفتها شلون دحگت له بذهول من صفگها الراجدي حاجيت
روحي
هي عزيزه نفس يااازين وماظنتي راح
تسامحو راح يخرب كلشي
هيله واعرفها ابيه ونفسها عزيزة
عليها وهو شك بها من شافها حدي يم الشاخه
مااظن راح تفوتها له عگب السواه بها
جان عندي امل هيله تخرب كلشي لان
اعرفها واعرف شكثر عزيزة نفس وكرامتها فوك الكل كلت راح تتركو وتفصخ كلشي
وذيج الساع تصير الي
ابويه عرف بالصار وگلي عگب لدارنا
عگبت وهم گلي مااعليك بشهم ابن عمها ورايدها
ماخصك ونفس الكلام سمعتو كلت
اي وگلبي يكول غير شي
🌿🌿🌿🌿🌿
مالك
وصلت بليل ليم بيتي نزلت ورحت نزلت
المسواك ضوه مال سياره اجه باتجاهي
صار عليه درت وجهي لان
عمى عيوني
خليت المسواك يم الباب رحت جبت الباقي دحگت للسياره وكفت يم باب بيت الحجي عرفتها هاي ام
شعر الاحمر نزلت ولا دحكت عليه شايله
سندانه زرع دنگت ذبيت المسواك
رفعت راسي دخت بلحظه
هويت على الباب لزمته بقوه الدنيا
افترت بيه ومااعرف شصار بيه وكعت على
رگبتي لمحتها ادحك عليه
سندت جسمي بايدي وكمت مادارت بال
ولا اهتمت ولا كالت هذا شبي طبت لبيتهم وسدت
الباب
جنت ماادري شبيه من العصر راسي
يوجعني وموتني اخذت مسكن هود شويه
وهسه هم تخربطت كلت تعب وارهاق وقهر
فتحت الباب طبيت جوه اختي طلعت
حجت
هلاا مالك الله يساعدك
هلا نوار تعالي وياي جبت مسواك
اي والله عفيه بيك لان تقريبا مخلصين
كلشي
صفنت عليه سالت بقلق
مالك بيك شي
راسي ذبحني يمكن ضغطي هابط
هسه اقيسه الك
طببت المسواك اني وياها ورحت كعدت
بالصاله سالت
يولي وين تاليا مالها حس
ااسكت نامت هسه وراح تسويلي هوسه
بنص الليل
ابتسمت وهي راحت جابت جهاز
الضغط كعدت يمي قاسته وحجت بقلق
مالك ضغطك صاعد
شكد صاعد
10/15 راح اكوم اسوليك عصير برتقال وليمون
سووي بين مااسبح وابدل هدومي
يله هاا تره طلبت عشه من بره راح يخابر
عليك اطلع استلمه
تمام خلي اروح اسبح بسرعه واطلع
رحت لبنتي شفتها نايمه ومرتاحه ابتسمت
من ضحكت بنومتها صفنت عليها
والالم رجع يدك بگلبي بقوه
غمضت عيوني وانعاد المشهد براسي
عركتي وي امها ووطلعتي من يمها وهي زعلانه
عليه راحت وعاقبتني عقاب
قاسي
ذبيت حسره دحكت لبنتي بعيون مغورگه
حجيت بخنگه
جانت ماما تنتظرج تجين حتى تفرح بيج
تالي راحت وسكنت الگبور وماشافتج
والسبب اني
روحي اختنگت كملت بقهر
ااخ يابه ااخ لو يرجع الوكت بيه والله مااسوي السويتو ولا امشي بهل الدرب الي هجم بيتي
وخلاني بهل الحال بسشيفيد الندم بعد راحت امج
وعاقبتني شلون عقاب خلتني عايش
بالملامه من الكل والندامه
والحسرة تارسه گلبي
مااالك
سمعت صوت اختي تمالكت نفسي گوة
انداريت جاوبت
هاااا نوار
مااسبحت
هسه اروح
هاك اشرب هذا العصير بلكي ينزل ضغطك
اخذته منها شربته وانطيته الها
جهازي دك شفتو ابو التوصيل حجيت
اجه ابو التوصيل
ااي روح عليه
طلعت من يمها ورحت لبره استلمت الطلبيه
وانطيته حگها بعدني واكف بره
عم مصطفى طلع سلم
الله يساعدك مالك
هلا عم كل الهلا
سلامتك بابا شبيك ليان كالت قبل شويه
تخربطت ومالك خلك
والله ياعم ضغطي صعد شويه
صفن عليه وهز راسو جاوب
ديربالك على روحك بعدك شباب
داري روحك وعالجه من هسه
الله كريم عم
عيوني راحت الها من طلعت وحجت
يله بابا خلي نروح نجيب دواك ونرجع
ودواج بابا جبتي وياج حتى يشوفه
الصيدلي
جبته بابا
تحجي بدون ماادحك عليه
من رخصتك ابني
مرخوص عم
راح ركب يم بنتو طبيت سديت الباب
ورحت يم اختي للمطبخ حجت
اسبح حتى اخلي العشه
تمام
سبحت وتعشيت وياها رحت اتمدد بغرفتي
نمت من وكت وكعدت شبعان نوم
كمت من فراشي طلعت
للسطح وكفت ادخن فاتح جهازي
واشوف الرسايل تبع الشغل
سمعت باب سطح
بيت الحجي انفتح مادرت بال جاوبت بشير على
جم شغله
عكدت حواجبي من سمعت بجي
رحت ليم السياج دحگت للسطحهم
جان قريب على بيتنا بس
بينا مسافه الممر الي بيني وبينهم
شفت ام شعر الاحمر كاعده يم التانكي وتبجي
وره لحظه كامت،،،،بسرعه نزلت جوه وكعدت يم
السياج سمعت كلام وكف شعر راسي
🌿🌿🌿🌿
ليان
الايام ماداوت جرحي ولا خلتني انسى
الصار بيه بس حاولت اكون قويه كدام اهلي
وكدام الكل واني من الداخل كلي
انهيارات
الحزن حزني اني والقهر قهري
ودمعتي تنزل من عيوني اني مو من عيون
احد لا الايام ولا كلام الناس
كدرو يجبرون كسري
رجعت لشغلي وخليت واهسي بي
ردت شي التهي بي ومااظل افكر بالصار بيه
بس ماصار هذا الشي اشتغل
وبالي يروح لكل لحظه عشتها وي ايهم
ووالذكريات الجمعتنا بالمشتل
جانت تخليني اكعد بركن منعزل
ودمعتي تنزل بقهر
اكثر من مرة ابجي على حظي
والصار بيه اكثر من مرة انهار واتماسك بصعوبه
حتى بيت اهلي جنت اصعد فوك بالسطح
اكعد يم التانگي ابجي بعيد
عن عيون اهلي حتى
ماينقهرون
بيوم بنص الليل اختنگت من هاجت
الذكريات طلعت من غرفتي اريد الهوه فتحت
باب ااسطح طلعت ورحت يم
التانگي كعدت يمه ابجي
واشهك اردد
لييش ااني ليش اايهم
شفته كدامي هو واختي كمت احجي
وياهم من كل عقلي واتعارك
لييش اايهم ليش خليتني احبك ليش
اجيت وكلت احبج ليش
هالطعنه ووي منوو وي اختي
لارااا مالكيتي غير رجلي وولج ليش
مو زواجنا ماظله شي ليش
اخذتي فرحتي مو اني
اختج
اكو وحده هيج تسوي باختها ليش هالغيره
ليش لارااا اذيتني وخليتني
اموت باللحظه الف مرة
شهگت بالبجي افتريت لازمه
راسي رددت
ااخ ااخ يارب ليش ماامتت بذاك اليوم
ليش گلبي رجع يدك ليش
ماارحت يمك ياربي
والله انت ارحم من هذوله البشر
لياان
درت روحي من شفت اخويه
مسحت دموعي بسرعه اجه ليمي حجه
بصوت مخنوك
كافي بجي لايصير بيج شي
باوعت عليه والحزن تارس وجهي وگلبي
وروحي رحت لحظنه لمني بي
ردد
لااتبجين وتقهريني ليان صحتج اهم من
الكل فكري بروحج وااانسي
مااكدر وسيم
جاوبته بشهكه رددت
ااختي هااي ووي منوو رجلي
سكت حسيت بجسمه تشنج سحبت روحي
منه رد
حسبي الله عليهم اثنيهم السوه بيج
وبينا اريده يطلع بيهم بااابشع انتقام
غمضت عيوني رددت بدموع
اريد اشوف هذا الانتقام اليوم قبل باجر
حتى يبرد
كلبي
🌿🌿🌿🌿
هيله
مانمت ولا غفت عيوني من قهري من شهم
والسواه بيه والحجاه جدام الكل
شك بيه انا عندي شي وي زين العابدين
ونسى انا منو ثبت هو مايعرفني ولا يعرف اخلاقي ولا قدر انا شلون واكفه بوجهه الكل لخاطرو
اتگلب بفراشي كاتمه دمعتي وقهر گلبي
السواه بيه ظل بين عيوني وكل
ساع ينعاد بعقلي
يااهيله نامي واغفي
ريمه اختي حجت مارديت
كعدت ودحكت لي بقهر خواتي جانن نايمات
بالهول وبس انا وياها بالغرفه تكلمت
نامي ياخيه وريحي عيونج
نامي ياريمه انا انام
كعدت سندت روحي على الحايط
تگربت حدي ردت
ماايجوز له يضربج ياهيله
هزيت راسي وگلبي ممرود من السواه بيه
كملت
عش شك بيج وهو يعرف انتي من وشلون
واكفه ويا وكاعده تتنظري يوفي
بجلمتو معج
نامي ياخيه
ياهيله اسمعيها مني للمرة الالف شهم
ماهو بزلمه حگ
مارديت كملت بقهر
يولي انا خيتج واريد صالحج ابن عمنا
مايلوك لج ولا راح ترتاحين معه
شهم سامع شي وتصرف هالتصرف
اي سامع من خالتج العگربه
صفنت عليها حجت لي
هي كالت له احنا رحنا لدار الشيخ من عزمنا
ذاك اليوم وكايل له انتي جنتي
واكفه وي زين بنص الزرع وهو اجه
يريد يتكلم معج وشافج
يمو گرب الشاخه وتصرف هالتصرف
سكتت وكملت
ياهيله شهم عربانه تدفعها خالتج شوكت
ماتريد وماعندو چلمه يم اهلو هاي شوفه عينج
يشوف الزين يحوم حواليج ويريدج
وهو ولا تحرك ولا كال
خل اعقد واگطع علي الدرب هو والشيخ
صگبان
دحكت لها كملت
اي عرف شهم عرف هم الشيخ صگبان رايدج
وهم ماراح يتحرك الا
خالتج ادكولو وهي ماتريدج
عش نضحك على اروحنا
اجتي هينه وسمعنا شحجت وشطلع
بگلبها
من بلغج بهل السوالف
شكر ياهيله خبرني من لفه وي اخوه
سالتو وكلي بالصار
سندت راسي ليورة وصفنت هي كملت
ياهيله اخذي اليودج ولا تاخذين الهاملج
خزرتها كملت
اريد صالحج ياخيه شفتي للزين شلون
هد عليه وجتلو لان مد ايدو عليج
ريمه لووو يظل زين اخر الرجال مااخذو
صفنت عليه ردت بضوجه
وشهم ياخيه تظلين عليه عگب السواه
مارديت هي كالت
عشگك هذا ماهو للزلمه الصح يبنت ابويه
مارديت
ياهيله شهم مااذبح روحو ولا عارك اهلو
حتى يوفي بعهدو لج لجن زين سوه
كلشي وهو يعرف انتي كارهتو
وماتودي
درت وجهي عليها خزرتها مادارت بال
كملت
كتلج اخذي اليحبج ولاتاخذين الي تحبي
كوومي من يمي وخليني انخمد
صفنت عليه هزت راسها بعدم رضى
عگبت لفراشها وغفت وره مشوار ماكدرت انام
كمت قبل الفجر وطلعت بره كعدت على
سرير بره صافنه للگمر
والنجم
روحي مخنوكه اشم الهوه ومااحسو يترس
صدري كاتمه البيه مااريد اطلعو بدمعه مااريد انكسر وانا گويه سمعت صوت ابويه
يكول
يالله
عرفتو راح يروح للجامع كمت وسريت للمحصر
مااريدو يشوفني بهل الحاله نام مقهور
من وره شهم والسواه ومن ورة
عمي وخالتي الي بينو له
هم مايردوني لشهم
دشيت مهرة شافتني صهلت رحت حدها
خليت وجهي يم رگبتها تهز بها بفرح
تكلم بصوت بغصه
مخنوگه يامهرة وضايج خلگي شهم ذبحني
من مد ايدو عليه وشك انا ممكن اخونو
ومع من مع برق الشر الي يعرفني كلش زين انا اكرهو واموت منو
كامت تضرب بالارض رددت بخنكه روح
ااخذيني من هينه يامهره خل نسري بعيد
عن عيون اهلي ونظراتهم
جهزتها كاتمه الدمعه طلعت بها امي
محدره شايل اكل للدواب حجت بقلق
وين يايمه
اسري بها شويه واعگب
صفنت عليه بقهر مادرت بال رگبت مهره
وطلعت بها سرت بسرعه وعفتها براحتها هونت
وره دقائق تمددت وخليت راسي على بدنها
وانا مغمضه عيوني عدلت حالي وصفنت للبعيد
مااعرف بشنو كمت اهوجس شهم بين عيوني والسواه بي واهلو وشلون يحجون عليه
وبين هم مايردوني الو
بنص هوسه عقلي شفت زين
شلون هد علي من شافو ضربني وتجاتل معه تذكرت من تصوب شلون جرني
علي وهو خايف عليه
انا واكفه بالبريه ادحك للشمس علت
فوك بالسما تاكدت زين يحبني وماجان يجذب
بهل الشي تصرفاتو كلامو وياي وهو يريد جلمه مني تبرد خاطرو كلها دارت بعقلي اعرفو
عزيز نفس ومغرور ومستحيل
ينزل نفسو لاحد لجن نزل روحو جثير
اليه وراد شي مااكدر انطي
له لان انا مااحبو ولا اودو
غمضت عيوني بتعب والي عرفتو مااهمني
بشي اكثر ماهمني شهم والسواه
بيه
الضربه التجي من التحبو توجع وتترك اثر
جبير بالروح والجسد وانا عگب السواه
كمت مااعرف شلون افكر
ولا بشنو احس
عتب وزعل ثكيل صار بگلبي علي وماعرفت
اذا جنت راح اكدر اسامحو لو لاا
غصه صارت بگلبي من هون وخلاني علج
بالحلوك وكمت اسمع الحجي من اهلي قبل الناس الغرب
عگبت افكر بالصار وصلت كاعهم مادحكت
لها ولا درت بال لخالتي من
شفتها واكفه يم دارهم سريت لدارنا نزلت
من مهره لزمت لجامها اريد
اسري للمحصر
هيله
وكفت بمچاني من سمعت صوت شهم
مادرت روحي علي تكلم بخنگه
سااامحيني ياملي
عضيت شفتي بقهر مارديت سريت بها
صار جدامي لابس زيو العسكري
والجنطه بايدو تكلم بوجهه
مطعون
غيرتي عمتني ياهيله
التزمت الصمت تقدم وكمل
اغار عليج ياملي من الهوه واعرفو
هالعار خال عيونو عليج ويريدج اعرفو
غني وشيخ وانا ضعيف الحال ولا شي وااخاف
لاا
سكت ذب حسرة دار وجهو مني
مقهور ومخنوگ كمل
ياهيله تعبت من الجاي يصير بيه وماجاي
اعرف منين اتلكاها من اهلي لو من
هذا الي خال عيونو عليج وهو
مو شويه
گلبي انمرد علي بس ماحجيت شي
هو ردد بقهر
لوو مكسوره ايدي ولا مادها عليج ياملي
تنهدت خليت عيوني بعيونو تكلمت
علت يبن العم وعيلتك جبيره وخلت اثر
بروحي
حگج على راسي يبنت العم والسموحه منج
رديت بثقه
من انا ياشهم
صفن عليه كملت
انا هيله بنت العرب الي ماتنسى عهدها
ولو خلوه بايدها كنوز الدنيا ولو
اجاها سلطان مو
شيخ
وجهو تغير كملت
جان المفروض تعرفني انا من وماتشك
بيه ولا تسوي السويتو
غرت ياهيله عيوني عمن وعقل ماظل
براسي من شفتو گريب منج
يگرب يبعد هو ولو غيرو انا عهدي معك
انت مو مع غيرك
ابتسم ورد
وانا على عهدي ياهيله وبس اعگب
بهل الاجازه شوفي شراح اسوي
مارديت لان نفسي انكسرت منو ومن وعدو
الي سمعتو اكثر من مرة
امي طلعت ادحك لنا شافها سلم عليها
من بعيد ردت كمل معي بتوسل
ادعيلي ياملي ادعي اعگب
واامورنا كلها سهله
الله وياك يبن العم
سريت من يمو انا ومهرة حسيت عيونو تلاحكني
بس ماانداريت ظليت ادحك
لامي صافنه عليه وعلي والقهر تارس
ملامحها
ثاني يوم بنص الليل نايمه فزيت
من سمعت صياح ابويه
ووولكم الحكووو نار شبت بالحنطه
طلعت اركض وشالي مدري شلون لبستو
بنص الحديقه وكفت مصدومه ادحك
للحنطه شابه بها نار وتمشي
بسرعه
ابويه لازم بطانيه وبنص اانار يطفي ويصيح
ااافزعو يااالربع الحگونا يااااهل الرحم
رحت اركض علي واسمع امي تعيط هي
وخواتي
عگب يااحميد راااح تحترك
تخبلت اركض للساجيه اشيل سطل مي
واطشو على النار الزلم تفازعت علينا من كل
گاع يطفون بها ماكو شبت بها واكلتها
على الاخر النار علت بالسما وكامت تلهب
الكل تراجع خايف على رحو
الا انا
افتر مثل المخبله ادور على ابويه وااصيح
يااابه وينك يبو هيييله وينك
تخبلت من مارد كلت احترگ بنص هاللهبه
اركض بنص الجمر وادور علي
اسمع صياح الزلم وعياط امي
عگبي يااهيله النار راح تحرگج
مارديت عليهم اختنگت من الدخان والنار لفحت
رجلي وايدي شفتو واكع حد الساجيه
ومختنك ونار شابه بدشادشتو
رحت علي اركض
سحبتو للمي وكمت اطفي به وبروحي
ياابه سند روحك علي وخل نطلع من النار
اشر لي اعگب
مااعكب الا وانت معي
صحت به سند روحو عليه سريت به
وي الساجيه حتى اذا لاحتنا النار اطفي روحنا
بها وكع اكثر من مرة واتلكاه وصلتوو گوة
لبر الامان كعدتو يكح ومخنوگ
دحكت للگاع والمرشات
نار مشتعله بهن وماخلت شي هويت على الارض
ابجي وصافنه بقهر عليها
تعبنا ضاع بلحظه
الكل اجه يتراكض علينا شالو ابويه ورگضو به
نسوان جرني من نص النار واخذوني
لدارنا ادحك لها تسري
وتاكل كلشي جدامها مااكدرنا انطفيها لان
الحنطه جان عودها يابس وبسرعه
شتعل
عيوني عليها وعلى امي الي ملخت روحها
هي وخواتي ويبجن ابويه كعد بالكاع صافن
على الصار ووجهو مطعون ويردد
ضااع كلشي وانهجم بيتي ياارب طفيها من يمك
عبدك عاجز ويطلب الغوث منك
والنار ماطفت الا وهي ماكله الاخضر واليابس
وجه الصبح يله همدت
من ذهولي والصدمه مااحسيت بالوجع
الا من كالت ريمه وهي تبجي
ووج هيله انتي محروكه
سحبت ايدي صفنت عليها مبطبطه اثنينهن
ورجلي هم حيلي راح وكعت بالگاع
على رگبتي ادحك
لابويه يلوب من القهر وامي تبجي
وحالنا حال زرع بالملايين ومرشات بالملايين
كومه فلوس احترگت بهل الحريقه
وكلها برگبتنا
عمي يفتر فوك راسنا ويصيح
عش مااحصدتها ياحميد عش عفتها الما لفاها
البله
محد جاوبو ابويه لازم راسو وامي تبجي
ريمه جابتو بشهكه
ابو الحاصوده تاخر علي
ياارب وش هالبله وشراح يعمل بيك
الشيخ صگبان
اسمعو ينوح يمنا واحنا حالنا حال خالتي
اشرت الو راح يمها مدري وش حجت
معه الخوف ترس ملامحو
دحك للكل وكال
بس لايلفنا بله من الشيخ صگبان
بس لااا يذب هالبله براس واحد منا
الكل صاحو
واحنا وش خصنا بالصار فوك الزين مالنا اجينا
نطفي بگاعو
صارت هوسه يمنا وعمي الي علكها ابويه
كام وتكلم بصوت رايح
محد خصو بالصار الكاع انا مسؤول عنها
وانا الي راح اتحمل كلشي
امي لطمت صدرها اكثر من مرة
ابويه انهد بها بغضب
وووش بلاج ياحرمه من ماات حتى تلطمين
خالتي تكلمت بغضب
ماتريدها تلطم ياحميد وبيتك انهجم
الله راد هيج وش اسوي اعترض على حكمو
جاوبها بقهر عمي رد
وولك هاااي ملايين يبن الخايبه ملاييين
ياحميد وصارت براسك شلون
راح تفك روحك منها ومن راعيها
هذا الشي يخصني انا وهو ماخصك انت
ياخويه
ااي مااخصو لاخوك منيلو هوو حتى
يفگك من الشيخ صگبان
خالتي ردت امي دحگت الها بقهر بس
ماحجت شي
انسحبت لغرفتي كعدت هناك ابجي
حالنا وحال ابويه الي انكسر ظهره بهل المصيبه
اختي گابلتني تبجي وتخلي دهن لايدي ورجلي
لفتهن بشاش وانا صافنه شلون
هيج صار وشلون النار شبت
بالحنطه وشلون راح نفك اروحنا من هالمصيبه
وهي ملايين موو شويه
🌿🌿🌿🌿
زين العابدين
جدتي ظلت تحن على ابويه تريد تروح عمرة
لمكه وسوها الشيخ واخذها هي وامي
وسلمني الشيخه من بعدو كاعد
بالمضيف الربع من حولي
كاعدين يحجون بامور جثيره صعب دش
سلم وكعد جنبي تكلم بعد ماشرب
گهوة
مااعرفت الصار
خير وش صار
جاوبتو بدون اهتمام رد
كاع الشيخ صگبان احترگت وراح الاول والتالي
دحـكت له بذهول وسالتو بسرعه
وش دكول يااصعب
مثل ماسمعت تعب مله حميد كلو ضاع
بلحظه والرجال حالو حال عگب الصار به
فزيت الكل دحك عليه ماايصير اكوم من
مجلسي والضيوف كاعدين وماطلعو رجعت كعدت عم نصار سال
خير يااشيخ وش نوحك صاير شي
صعب تكلم
گاع الشيخ صگبان احترگت كلها وضاع
المحصول كلو
يااا هاي شوكت
اليوم بنص الليل صار هالشي
يااساتر يارب يااساتر ووالرجل الطيب وش
صار به تاذه هو لو اهلو
مدري ياعم بس يكولون بنتو شويه لاحيتها
النار
گلبي فز بخوف سالتو بصوت مخنوك
من هي ياصعب
هيله بنت العرب
غمضت عيوني بقوه ونيت بصوت مكتوم
فتحت صعب يدحك بوجهي
وهو عاكد الحواجب
تمالكت روحي گوة رجال جبير بالعمر اسمو
الجد نواف تكلم
راح يكع بيها هالرجال المسگين ومارح يهدو
الشيخ صگبان
طلعت جهازي خابرت عم حميد يدك
مايجاوب دكيت مرة اللخ هم دك وفصل ومجاوب
حجيت گوة
ياصعب
سم يااشيخ
سم الله عدوك حدر هساع للعم حميد
شوفو وتطمن علي هو وعيلتو وردلي الخبر
بساع
صفن عليه كملت بنفاذ صبر
تحرك يااخوي
صار ادلل
كام وسرى من يمنا دكيت هم ماكو عفت
جهازي وظليت اسمع الزلم تحجي ومقهوره على
عم حميد الجان كلها تحبو لان زلمه طيب
وصاحب دين
🌿🌿🌿🌿🌿
مالك
السمعته من ام شعر احمر ظل براسي
اشتغل بالمكتب اصفن واني مو مصدك السمعته
منها
معقوله اختها خانتها وي رجلها معقوله
السمعته يعني اني شفتها خفيفه بس ماتوصل لهيج
شلون دنت نفسها على رجل اختها
وشوكت قبل ايام من عرسها
ااستغفر الله ياربي هااي شجاي يصير
بهل الدنيا
هاا مالك شبيك اسمعك تستغفر
صفنت على رفيجي شمرت القلم
سندت ظهري على الكرسي جاوبتو
ولك والله مااعرف شجاي يصير بهل الدنيا
صفن عليه رد
ها خير شسامع
ولك تذكر من كلتي على ذيج السالفه
مال ام شعر اسود وشلون كاسرة رگبه اهلها
اي اتذكر خير صاير شي
ولك شااحجي هاي البربوك الساقطه طلعت
خاينه اختها ام شعر احمر وي رجلها
بشير فك عيونو وسال وهو مذهول
شنوو وي رجل هاي ام شعر الاحمر
اااي ولك ويا وهو عرسه وياها بعد جم
يوم
لاااا بله صدك تحجي انت
مثل ماسمعت الكواد خاينها وي اختها وبيتها
شفت هيج كواده
رفيجي صفن عليه مذهول رد
لخاطر الله هاي شلون ظلت عايشه لحد هسه
اجه بالي من شفت وسيم بذاك اليوم
الاسود من ماتت لميس
فات من يمي يردد
اذا صار شي بليان اذبح لارا وايهم
سمعتها كالت ليش مامتت من وكف گلبي
رديت
ولك هاي وكف گلبها بذاك اليوم
شنووو
حجيتله الي اعرفو ظل صافن مذهول
ومو مصدك جاوب
المسگينه اكيد شافتهم اكيد عرفت ووكف گلبها
هزيت راسي باي
هي بالي شلون شفتها عروس وفرحانه بالعقد
مالتها ومن طلعت ويا ووكفت يمو
هذاك ابو البرادو هو الي
خانها وي
اختها
🌿🌿🌿🌿🌿
هيله
الشيخ صگبان بعد ماعرف بالصار بگاعو
لفه هو وازلامو يهدر من الغضب ويهدد بابويه
عش مااحصدتها يااحميد عش اتأخرت
هيج ااحسن راح كلشي وخسرت ملاييين
يااشيخ الذنب مو ذنبي
تكلمت معك حجيت كتلك الف مرة
اشتري حاصوده بس انت مااقبلت وخليتني
اركض وره هذا وذاك حتى بس يجون يحصدون الحنطه
هااا ياحميد اشوفك ذبيت الصوج بيه
واكفه بالهول انا وامي وخواتي ونسمعو
شلون يصرخ على ابويه وماامحترمو
امي كعدت تندب حظنا
انهجم بيتنا ولجن انهجم بيتي وهذا ماراح
يفك ابوجن ولا يعوفو
يااحميد تخسررر كلشي انا سلمتك ملاييين
واريدهن كلهن هساع وكاااش
منين اجيبلك هالملايين ياشيخ تعرفني
ضعيف الحال واجير عندك
ماااخصني
صاح به بصوت عالي طلعت الغضب
تارس ملامحي صحت به
لاااتصيح يااشيخ الصار قدر الله وقدرو
محد يكدر يردو تكدر انت بجبروتك هذااا تمنعوو
صفن عليه سريت وكفت يم ابويه كملت
بعصبيه
حكك مااايروح يم مله حميد وانت تعرف
هذا كلش زين
حگي اريدو من ابوج يبنت حميد ولا يهمني
ان جان مله ولا دكاك دف بملهى
حشه حشه
فك عيونو وكملت بغضب
حشه ابويه ماهووو دكاك دف خلها
للتعرفهم ياشيخ
قصدت ولدو وشلون دايرين بدبي بملاهي دبي
من تقصدين ولج
ياااشيخ ماتقصد احد
ابويه تكلم وخزرني مادرت بال كملت
يااشيخ نشتغل بكاعك بلاش جم حول ونسد الي علينا
ضحك باستهزاء فر ايدو ودحك لازلامو
ضحكو معه رد
سمعتو كلامها تسدني بشغلهم جم حول
وهنا ملاييين
ياشيخ اشتغل بلاش واعوضك عن كلشي
لااا ياحميد ااريدهن هساع كل الخساير
الي خسرتها بهل الگاع انت تعرف ثمنهن وتعرف
انت شكد لازم تنطي اريدهن بهل
اللحظه ماانقص منهن فلس
دحكت له بغضب خله عيونو بعيوني
درت وجهي منو وسريت للدار عگبو وره ساعه
بعد ماابويه شبع تهديد وكلام يسم البدن
طب مكسور الظهر كعد بالگاع سند
روحو على الحايط وصفن علينا
وجهو مطعون وغادي دم
رجله محروكه مثلي ومبطبطه امي كعدت
اگبالو تبجي سالت
وش راح نعمل ياحميد
مدري ياازهيره عاجز انا والامر لله
ظلينا داخين بالصار بينا وحدنا محد
اجه وسندنا عم عزام ماجان المسؤول على
الكاع بس فلاح ويشتغل بكاع الشيخ
صگبان ياخد اجرتو ويعگب
لدارهم مسافه عنا
عمي اجه جم مرة وظل يلوم ابويه ويذب
الصوج بابويه لان تاخر بالحصاد
بليل احنا كاعدين وصافنين على
الصار ودايخين به جهاز ابويه دك طلعو من
جيبو فتح الخط وكال
هلاا يازين
جان صوت جهاز ابويه عالي سمعتو كال
هلا ياعم شلونك وشااخبارك
ووش هذا الي سمعتو
قدر الله يابه وبعد صار
انتو شلونكم خبرت متاذي اانت ووبنتك
ماابنا شي ياولدي لايظل بالك
ياعم كول تكلم انا عند عينك اذا بكم
شي اجي اخذكم للمستشفى
لاا يابه مابنا شي حرك بسيط وعدنا علاجو
سكت بعدين تكلم
الشيخ صگبان عرف بالصار بزرعو
اي يابه عرف
ااي وشكال غثك بچلمه حگك بالزرع
كول ياعم انا سداد اذا طالبك بحگو
امي اشرت اله خزرها وسكتت رد
مااحگني ياازين
ابويه مسح وجهو وكرر بهمس وهو داير
وجهو
استغفر الله استغفر الله
ياعم انا عندك وعند عيناك اذا تحتاج شي
كول عيوني لك
تسلم عيونك ولدي الحمد لله مستور وما محتاج
غير لله سبحانه وتعالى
زين سكت بعدين كمل
الله لايحوجك لاحد
امين يسمعها منك ربنا
اروح ياعم وتذكر انا مثل ولدك
واي شي تحتاجو انا حاضر له روحي
ترخص لك
سالم يبعد عمك هالكلام يكفيني
وبارك الله بيك
مع السلامه
سد الخط امي حجت بعصبيه
عش ماكتلو عش ماحجيت
ابويه انهد بغضب
ااالمن ااكول يازهيره وشتردين اطلب ملايين
من زين العابدين موو مليون
يولي ملايييين تريدين اكلو انطيها
اليه تااسد طلبي
بجت بصوت هو سكت ظل يستغفر
الله اكثر من مرة كمل
يهدأ الشيخ صگبان وانا
احلها معه
والشيخ ماهدأ وظل يهدد بابويه وره اسبوع
لفه مره رابعه ابويه طلع له
نفس الكلام انعاد نشتغل لك بلاش
الما نسدك ادحك له من الشباج والغضب
تارس گلبي لان هان ابويه
جثير وتجاوز حدو
هذااا الحجي ماايعجب ياحميد
كول غيروو
جاوب بغضب ابويه سكت واحد من
ازلامو تكلم
ياحميد وحده بوحده
ابويه رفع راسو رد
وش تتكلم ماافتهمت
صگبان رد
شووف ياحميد هذااا كلو
اشر على المحروك من الزرع والمرشات وكمل
اعوفها لخاطر وحده
من ياشيخ ووش تقصد
نص الراح اريدك تسددو الي تشتغل بلاش
جم حول وتسدهن والنص الثاني مهر بنتك هيله تسوي الي اريدو اعوفك مااتسوي احبسك ياااحميد
