رواية الرجل الاخر الفصل التاسع عشر بقلم جوهرة
ﻣﺎﺫﺍ ﺍﻗﻮﻝ ﻟﻪ ﻟﻮ ﺟﺎﺀ ﻳﺴﺄﻟﻨﻲ
ﺍﻥ ﻛﻨﺖ ﺍﺣﺒﻪ ﺍﻭ ﻛﻨﺖ ﺍﻫﻮﺍﻩ
ﻣﺎﺫﺍ ﺍﻗﻮﻝ ﻟﻪ ﻟﻮ ﺭﺍﺣﺖ ﺍﻧﺎﻣﻠﻪ
ﺗﻠﻤﻠﻢ ﺍﻟﺸﻌﺮ ﻋﻦ ﻣﺘﻨﻲ ﻭﺗﺮﻋﺎﻩ
......
......
ﺍﺣﺒﻪ ﻻ ﺍﺩﺭﻱ ﻣﺎ ﺍﺣﺐ ﺑﻪ
ﺣﺘﻰ ﺧﻄﺎﻳﺎﻩ ﻣﺎﻋﺎﺩﺕ ﺧﻄﺎﻳﺎﻩ
😁😁😁
******
ﻣﻼﺍﺍﺫ ﻻﺗﺨﻠﻴﻨﻲ ﺍﺿﺮﺑﺞ ﺍﻣﺸﻲ ﺍﺩﺧﻠﻲ ﺟﻮﺍﺍﺍ .
ﻛﻮﻟﺶ ﻣﻘﻬﻮﺭﻩ ﺣﺴﺴﺖ ﺭﻭﺣﻬﺎ ﺿﺎﻳﻌﻪ ﺑﻌﺪ ﻣﺎ ﺟﺎﻧﺖ ﺣﺎﺳﺔ ﺑﺄﻣﺎﻥ ﻣﺴﺤﺖ ﺩﻣﻌﻬﺎ ﻭﺳﺄﻟﺘﻪ .. ﻟﻴﺶ ﻣﺘﺰﻭﺟﺖ
ﺑﻨﺘﻬﺎ ﻟﺨﺎﻟﺘﻚ ﻭﺍﻣﻚ ﺭﺍﻳﺪﺗﻬﺎ ﺍﻟﻚ .
ﻃﻜﻚ ﻋﻴﻮﻧﻪ ﻋﻠﻴﻬﺎ ﻫﺎﻱ ﺧﺒﻠﻪ ﺷﻜﺎﻋﺪ ﺗﺴﻮﻟﻒ .
_ ﻛﻞ ﻋﻘﻠﺞ ... ﺍﺗﺰﻭﺝ ﻣﻨﻮ ﺑﺎﺑﺎ ﻟﺞ ﻫﺎﻱ ﺯﻋﻄﻮﻃﻪ ﺭﺍﺑﻊ ﻣﺪﺭﻱ ﺧﺎﻣﺲ ﺍﻋﺪﺍﺩﻱ .
_ ﺑﺲ ﺍﻣﻚ ﺭﺍﻳﺪﺗﻬﺎ ﺍﻟﻚ
ﺣﺲ ﺑﻐﻴﺮﺗﻬﺎ ﺷﻮﻱ ﺑﺮﺩﺕ ﻧﺎﺭﻩ
_ ﻣﻼﺫ ﺗﻌﺎﻱ ﻟﻠﺒﻴﺖ ﻧﺤﺠﻲ ﺑﺮﺍﺣﺘﻨﺎ
_ ﻧﺸﻮﺍﻥ ﻣﺎ ﺍﺑﻘﻰ .
ﺻﺎﺭ ﻛﺪﺍﻣﻬﺎ ﻳﻤﻨﻌﻬﺎ ﺟﺎﻧﺖ ﺗﺮﻳﺪ ﺗﻔﺘﺢ ﺍﻟﺒﺎﺏ .
_ ﺷﻨﻮ ﺍﻧﻲ ﻣﻮ ﺑﻌﻴﻨﺞ ﻟﻴﺶ ﺗﻌﺎﻧﺪﻳﻦ ﺗﻌﺎﻱ ﻓﻮﺗﻲ ﻟﻠﺒﻴﺖ
ﺷﻨﻮ ﺗﺒﻘﻴﻦ ﻫﻨﺎ ﻳﻼ ﺗﻌﺎﻱ .
ﺟﺮﻫﺎ ﻣﻦ ﺍﻳﺪﻫﺎ ﻭﻓﺮﻛﻬﺎ ﺑﻬﺪﻭﺀ ﺑﻘﻰ ﺍﺻﺒﻌﻪ ﻳﻀﻐﻂ ﻋﻠﻰ ﺭﺍﺣﺔ ﺍﻳﺪﻫﺎ ﺑﺤﻨﻴﺔ ﺧﻠﺘﻬﺎ ﺗﺒﺠﻲ ﻣﻦ ﺷﺎﻑ ﺩﻣﻮﻋﻬﺎ
ﻭﺷﻬﻜﺘﻬﺎ ﺟﺮﻫﺎ ﻟﺤﻈﻨﻪ ﻭﺣﺎﻭﻃﻬﺎ ﺣﺴﺖ ﺭﻭﺣﻬﺎ ﻣﺤﺘﺎﺟﺔ ﻟﺤﻈﻦ ﺩﺍﻓﻲ ﻣﺤﺘﺎﺟﺔ ﻳﺤﺴﺴﻬﺎ ﺑﺎﻻﻣﺎﻥ ﺧﻠﺖ ﺭﺍﺳﻬﺎ ﻋﻠﻰ ﺻﺪﺭﻩ ﻭﺟﺴﻤﻬﺎ ﻳﻨﺘﻔﺾ ﺑﺸﻬﻜﺔ .. ﺑﻘﺖ ﺍﻳﺪﻩ
ﺗﻤﺴﺪ ﻇﻬﺮﻫﺎ ﻭﺑﺼﻮﺕ ﺣﺎﻭﻝ ﻳﻄﻠﻌﻪ ﻫﺎﺩﻯﺀ .. ﻛﺎﻓﻲ ﻳﻌﻤﺮﻱ ﺍﺷﺸﺶ ﺧﻼﺹ ﺍﻫﺪﻱ .
ﺭﻓﻊ ﺭﺍﺳﻪ ﺷﺎﻑ ﺍﻣﻪ ﻭﻧﻮﺭﺓ ﺍﺑﺎﺏ ﺍﻟﻤﻄﺒﺦ ﺍﺷﺮﻟﻬﺎ ﺑﻴﺪﻩ
ﻛﻮﻟﺸﻲ ﺗﻤﺎﻡ .
ﺩﺧﻠﻦ ﻭﻋﺎﻓﻨﻬﻢ ﺑﺎﻟﻜﺮﺍﺝ .
ﺗﺤﺠﻲ ﺑﺼﻮﺕ ﻛﻮﻩ ﻳﻄﻠﻊ .. ﺧﻠﻴﻨﻲ ﺍﺭﻭﺡ ﻣﺎ ﺍﻛﺪﺭ ﻭﺍﻟﻠﻪ .
ﺑﻌﺪ ﺍﻧﻲ ﺣﻠﻔﺖ ﻣﺎ ﺍﺑﻘﻰ .
ﺟﺮ ﺣﺼﺮﺓ ﻭﺫﺑﻬﺎ ﺣﺴﺖ ﺑﻴﻬﺎ ﺭﻓﻌﺖ ﺭﺍﺳﻬﺎ ﻭﺩﺣﻜﺖ ﺑﻌﻴﻮﻧﻪ ﺟﺎﻥ ﺑﻴﻬﻦ ﺣﺰﻥ ﻭﺍﺿﺢ ﺧﻼﻫﺎ ﺗﺘﺄﺛﺮ .
ﻣﺪ ﺍﻳﺪﻩ ﻣﺴﺢ ﺩﻣﻌﻬﺎ ﻭﻫﻤﺴﻠﻬﺎ .. ﺩﻣﻌﺘﺞ ﻏﺎﻟﻴﺔ ﻟﻴﺶ
ﺗﺒﺠﻴﻦ ﺟﺎﻱ ﺗﺰﺭﻓﻴﻦ ﻛﻠﺒﻲ ﻭﺍﻟﻠﻪ .
ﺗﻮﺳﻠﺘﻪ ﻷﻥ ﺑﻌﺪ ﻣﺎﻟﻬﺎ ﻃﺎﻗﻪ ﺗﺘﺠﺎﺩﻝ .. ﺗﻌﺒﺖ ﻧﺸﻮﺍﻥ
ﻓﺎﻟﻠﻪ ﻳﺨﻠﻴﻚ ﺭﺟﻌﻨﻲ ﻻﻥ ﺍﺣﺲ ﺍﻣﻚ ﻣﺘﺮﻳﺪﻧﻲ .
ﺑﻜﻞ ﻫﺪﻭﺀ ﻓﻬﻤﻬﺎ .. ﺍﻣﻲ ﺻﺮﻳﺤﻪ ﺑﻜﻼﻣﻪ ﺍﻟﻴﻌﺮﻓﻬﺎ ﻣﻴﺰﻋﻞ ﻣﻨﻬﺎ ﻭﺍﻟﻠﻪ ﻳﺎ ﻣﻼﺫ ﺑﺲ ﺗﺘﻌﻮﺩﻳﻦ ﻋﻠﻴﻬﺎ ﺗﺤﺒﻴﻬﺎ
ﺻﺪﻛﻴﻨﻲ .
ﻣﻼﺫ ﻓﻜﺮﺕ ﺑﻜﻼﻣﻪ ﺑﺲ ﺑﻘﺖ ﺳﺎﻟﻔﺔ ﺑﻨﺖ ﺧﺎﻟﺘﻪ ﺗﻨﻐﺰ ﺑﻜﻠﺒﻬﺎ .. ﻭﺑﻨﺖ ﺧﺎﻟﺘﻚ .
ﺍﺑﺘﺴﻤﻠﻬﺎ .. ﻭﻟﺞ ﻭﺍﻟﻠﻪ ﻫﺎﻱ ﻣﻮ ﺑﺎﻟﻲ ﻛﻮﻝ ﻋﻘﻠﺞ .. ﺍﻧﺴﻲ ﺍﻟﺴﺎﻟﻔﻪ ﺍﻧﻲ ﻟﻮ ﺍﺭﻳﺪﻫﺎ ﺟﺎﻥ ﺧﻄﺒﺘﻬﺎ ﻣﻼﺫ ﺍﻧﻲ ﺍﺭﻳﺪﺝ ﺍﻧﺘﻲ ﺍﻓﻬﻤﻲ ﻟﺨﺎﻃﺮ ﺍﻟﻠﻪ ﻻ ﻳﻈﻞ ﻫﺬﺍ ﻣﻘﻔﻮﻝ .. ﺍﺷﺮ ﺑﻴﺪﻩ ﻋﻠﻰ ﺭﺍﺳﻬﺎ . .. ﻫﺴﺔ ﺍﻣﺸﻲ ﻧﺮﺗﺎﺡ ﺑﺎﻟﻐﺮﻓﻪ .
_ ﻣﺎﺍﺍ ﻣﺎﺍﺩﺧﻞ ﺣﻠﻔﺖ ﺣﺘﻰ ﺣﺮﺍﻡ .
_ ﺍﺳﺘﻐﻔﺮ ﺍﻟﻠﻪ ﺻﺪﻙ ﺗﺤﺠﻴﻦ ﻭﻳﻦ ﺗﺮﺣﻴﻦ ﺑﻬﺎﻟﻠﻴﻞ ﻋﻤﻲ ﺻﻮﻣﻲ ﺛﻼﺙ ﺍﻳﺎﻡ ﻟﻮ ﺍﺩﻓﻌﻲ ﻛﻔﺎﺭﺓ .
_ ﺍﺗﺮﺟﺎﻙ ﻻﺗﻀﻐﻂ ﻋﻠﻴﻪ .
ﺑﻘﻰ ﺻﺎﻓﻦ ﻋﻠﻴﻬﺎ ﻭﺷﻠﻮﻥ ﺍﻟﺤﺰﻥ ﻭﺍﻻﻧﻜﺴﺎﺭ ﻭﺍﺿﺢ ﺑﻤﻼﻣﺢ ﻭﺟﻬﺎ ﻣﺤﺐ ﻳﺸﻮﻑ ﻫﺎﻱ ﺍﻟﻨﻈﺮﺓ ..
ﻃﺨﺖ ﺑﻌﻘﻠﻪ .. ﺧﻼﺹ ﻻ ﺍﺩﺧﻠﻴﻦ ﺍﻟﻠﻴﻠﻪ ﺑﺎﺟﺮ ﺍﺭﺟﻌﺞ
ﻟﻬﻨﺎ ﻛﺴﺮﺍﻥ ﻟﺤﻠﻔﺞ .. ﺍﻧﺘﻈﺮﻱ ﺩﻗﻴﻘﺔ .
ﻋﺎﻓﻬﺎ ﻭﺩﺧﻞ ﻟﻠﺒﻴﺖ ﺑﻘﺖ ﻋﻴﻨﻬﺎ ﻋﻠﻴﻪ ﺗﺪﺭﻱ ﺑﻲ ﺟﺎﻱ ﻳﺨﻔﻒ ﻋﻨﻬﺎ ﻭﺣﺒﺖ ﻫﺎﻟﺸﻲ ﺑﺲ ﺍﻟﻘﻬﺮﻫﺎ ﺍﻣﻪ ﻭﺣﺠﻴﻬﺎ
ﻓﻀﻴﻌﻪ ﺧﻠﺘﻬﺎ ﻣﺤﺮﺟﻪ ﻭﻫﻲ ﺗﺴﻤﻌﻬﺎ ﺗﺴﻮﻟﻒ ﺑﻮﺿﻌﻬﺎ
ﻭﻃﺮﻳﻘﻪ ﺯﻭﺍﺟﻬﺎ ﻳﺠﻮﺯ ﺑﺎﺟﺮ ﺗﺒﻘﻰ ﺗﺴﻮﻟﻒ ﺑﻴﻬﺎ ﻛﺪﺍﻡ ﺍﻟﻨﺎﺱ ﻗﺎﺑﻞ ﺷﻤﺪﺭﻳﻬﺎ ﺑﻄﺒﻌﻬﺎ .
ﻧﺸﻮﺍﻥ ﺭﺍﺡ ﺟﺎﺏ ﺳﻮﻳﺞ ﺍﻟﺴﻴﺎﺭﺓ ﻭﺷﺎﻑ ﺍﻣﻪ ﻭﻧﻮﺭﺓ ﻛﺎﻋﺪﺍﺕ ﺍﻣﻪ ﺳﺄﻟﺘﻪ .. ﻫﺎ ﻣﺎﻣﺎ ﻗﻨﻌﺘﻬﺎ .
ﺗﻨﻬﺪ ﺑﻘﻮﺓ .. ﺍﻱ ﺑﺲ ﺣﺎﻟﻔﻪ ﻣﺘﺒﻘﻰ ﻫﻨﺎ ﺭﺍﺡ ﺍﺧﺬﻫﺎ ﻟﺒﻴﺖ
ﻓﺎﺭﺱ ﻭﺑﺎﺟﺮ ﺍﺭﺟﻌﻬﺎ ﻛﺴﺮﺍﻥ ﻟﺤﻠﻔﻬﺎ .
ﻛﺎﻣﺖ ﻭﻫﻲ ﺗﻜﻮﻝ .. ﻣﺎﻣﺎ ﺧﻞ ﺍﺣﺠﻲ ﻭﻳﺎﻫﺎ ﻫﺎﻱ ﻣﻮ ﻧﻮﺭﺓ ﺗﻌﺮﻑ ﻃﺒﻌﻲ ﻣﺘﺰﻋﻞ ﺍﻧﻲ ﺍﻋﺘﺮﻑ ﻣﺮﺍﺕ ﺍﺣﺠﻲ
ﺍﺯﻋﻞ ﺍﻟﻤﻘﺎﺑﻞ ﻫﺴﺔ ﺍﻧﺖ ﺷﻌﻠﻴﻚ .
_ ﻳﻮﻭﻡ ﺭﺣﻤﻪ ﻷﻫﻠﺞ ﻫﺎﻱ ﺩﻣﺎﻏﻬﺎ ﻣﺮﺍﺕ ﻳﻘﻔﻞ ﻭﺍﻧﻮﺏ ﺍﻧﺖ ﺗﻜﻠﻠﻴﻠﻬﺎ ﺭﺩﺕ ﺑﻨﺖ ﺧﺎﻟﺘﻪ ﺍﻟﻠﻪ ﻋﻠﻴﺞ ﻫﺬﺍ ﺣﺠﻲ ﺗﺮﺩﻳﻦ ﺗﻬﺠﺠﻴﻬﺎ .
_ ﻫﺴﺔ ﻛﻠﻤﻪ ﻭﺍﻧﺤﺠﺖ
ﻋﻠﻴﺶ ﻓﻠﻔﻠﺖ ﻳﻤﻪ ﻣﻦ ﺍﻟﺒﻨﺎﺕ
ﻫﺎﻱ ﻣﺒﻴﻨﻪ ﺗﻤﻮﺕ ﻋﻠﻴﻚ ﻭﺟﺎﻱ ﺗﺴﻮﻱ ﻫﻴﺞ ﻓﻠﻢ ﺍﺟﺮﺏ
ﻏﻼﻫﺎ ﻋﻨﺪﻙ .
ﺿﺤﻚ ﺑﺪﻭﻥ ﺧﻠﻚ .. ﻫﻬﻪ ﻳﻤﻪ ﺣﺒﻴﺒﺘﻲ ﻋﻮﻓﻲ ﺍﻟﺴﺎﻟﻔﺔ ﺍﻧﻲ ﺍﺣﻠﻬﺎ .
ﻧﻮﺭﺓ ﺍﺩﺧﻠﺖ .. ﺍﻟﻠﻪ ﻋﻠﻴﻚ ﻧﺸﻮﺍﻥ ﺧﻞ ﺍﺣﺠﻲ ﻭﻳﺎﻫﺎ ﻭﺍﻟﻠﻪ ﻣﺒﻴﻨﻪ ﺣﺒﺎﺑﺔ ﺑﺲ ﻓﺸﻠﺖ ﻻﻥ ﺧﺎﻟﻪ ﻫﻴﺞ ﺣﺠﺖ .
_ ﻣﺎﻣﺎ ﻭﻟﻴﺪﻱ ﻋﻮﻓﻨﺎ ﻫﺴﺔ ﻧﻘﻨﻌﻬﺎ ﻭﺑﻌﺪﻳﻦ ﻭﺍﻟﻠﻪ ﺍﻟﻌﻈﻴﻢ
ﺍﺫﺍ ﻃﻠﻌﺖ ﻣﻦ ﺑﻴﺘﻲ ﺯﻋﻼﻧﻪ ﻫﺎﻱ ﻋﻴﺒﺔ ﺗﻨﺤﺴﺐ ﻋﻠﻴﻪ .
ﺍﺷﺮﻟﻬﻦ ﺑﻴﺪﻩ .. ﺭﻭﺣﻦ ﺧﻞ ﺍﺷﻮﻑ .
ﻃﻠﻌﻦ ﻋﻠﻴﻬﺎ ﺟﺎﻧﺖ ﻭﺍﻛﻔﻪ ﺟﻨﻄﺘﻬﺎ ﺑﺎﻟﻜﺎﻉ ﻭﺣﺎﺿﻨﻪ ﺭﻭﺣﻬﺎ ﻭﺻﺎﻓﻨﻪ .
ﺭﻓﻌﺖ ﺭﺍﺳﻬﺎ ﻣﻦ ﺷﺎﻓﺘﻬﻦ ﻭﺗﻔﺎﺟﺄﺕ ﻣﻦ ﺣﻈﻨﺘﻬﺎ ﺍﻡ ﻧﺸﻮﺍﻥ .. ﺑﻨﻴﺘﻲ ﻻﺗﺰﻋﻠﻴﻦ ﺻﺪﻙ ﺟﺬﺏ ﺍﻧﺘﻲ ﺑﻌﺪ ﺻﺮﺗﻲ
ﺑﺘﻨﺎ ﻭﺍﻧﻲ ﻣﺜﺎﺑﻪ ﺍﻣﺞ ﺗﻘﺒﻠﻴﻦ ﺗﺰﻋﻠﻴﻦ ﺍﻣﺞ .
ﻧﻮﺭﺓ ﺿﺤﻜﺘﻠﻬﺎ ﻭﻃﺒﻄﺒﺖ ﻋﻠﻰ ﻇﻬﺮﻫﺎ ﻭﻫﻲ ﺑﻌﺪﻫﺎ ﺑﺤﻈﻦ ﺍﻡ ﻧﺸﻮﺍﻥ .. ﻭﺍﻟﻠﻪ ﺧﺎﻟﻪ ﻭﺭﺩﻩ ﻭﻛﻠﺒﻬﺎ ﻃﻴﺐ ﺑﺲ
ﺑﻌﺪ ﺻﺎﺭﺕ ﻫﻬﻬﻬﻪ ﻳﻼ ﻣﻼﺫ ﺷﻮﻓﻲ ﺧﺎﻟﻪ ﺷﻠﻮﻥ ﺣﺎﺿﻨﺘﺞ ﻭﺍﻧﻲ ﺍﺑﺪ ﻣﻤﺴﻮﻳﺘﻬﺎ ﻭﻳﺎﻱ ﺑﺲ ﻭﻳﻪ ﻭﻟﺪﻫﺎ
ﻭﻫﺴﺔ ﺍﻧﺘﻲ .
ﺍﺑﺘﺴﻤﺖ ﻣﻼﺫ ﺑﻬﺪﻭﺀ ﻭﺑﺎﺳﺖ ﺭﺍﺱ ﻣﺎﺟﺪﻩ ﺍﻟﻜﺎﻟﺖ .. ﺭﺟﻠﺞ ﺿﺎﻳﺞ ﻋﻠﻴﺞ ﺑﺲ ﻣﺴﻮﻱ ﺭﻭﺣﻪ ﻣﻤﻬﺘﻢ ﺍﺑﻨﻲ ﻭﺍﻋﺮﻓﻪ ﻳﻼ ﺗﻌﺎﻱ ﻟﻠﺒﻴﺖ .
_ ﺧﺎﻟﻪ ﺍﻋﺬﺭﻳﻨﻲ ﻫﺴﺔ ﻣﺎﺍﻛﺪﺭ .
_ ﺧﻼﺹ ﺍﺩﺭﻱ ﺣﻠﻔﺘﻲ ﺷﺒﻴﺞ ﺭﺃﺳﺎ ﺗﺤﻠﻔﻴﻦ ﺑﻌﺪ ﻻﺗﺘﻬﻮﺭﻳﻦ ﻭﺍﻧﺘﻲ ﺭﺍﺳﺞ ﻳﺎﺑﺲ ﺗﻮﺭﻃﻴﻦ ﺭﻭﺣﺞ ﺑﺎﻟﺤﻠﻒ .
ﺿﺤﻜﺖ ﻧﻮﺭﺓ .. ﻫﻬﻬﻬﻪ ﺧﺎﻟﻪ ﻭﻻﺗﺒﻄﻠﻴﻦ ﺳﻮﺍﻟﻒ ﻟﺘﺮﻭﺡ
ﺗﺰﻋﻞ ﺍﻧﻮﺏ ﻭﺗﻌﺎﻟﻮ ﺭﺿﻮﻫﺎ .
ﻣﻼﺫ ﺍﻟﻔﻬﻤﺘﻪ ﻣﻨﻬﻦ ﻭﻣﻦ ﺧﻼﻝ ﺗﺼﺮﻓﻬﻦ ﻭﻛﻼﻣﻬﻦ ﻫﺬﺍ ﻃﺒﻌﻬﺎ ﻭﻣﺒﻴﻨﻪ ﻧﻮﺭﺓ ﻣﺘﻌﻮﺩﺓ ﻋﻠﻴﻬﺎ ﺳﻜﺘﺖ ﺳﻤﻌﺖ ﻧﺸﻮﺍﻥ .. ﻳﻼ ﺍﻣﺸﻲ .
ﺳﺄﻟﺘﻪ ﺍﻣﻪ .. ﻋﻴﺐ ﺷﻴﻜﻮﻝ ﻓﺎﺭﺱ ﻋﻠﻴﻨﺎ .
ﺍﺑﺘﺴﻢ ﺍﻟﻬﺎ .. ﺍﻃﻤﻨﻲ ﻟﻴﺶ ﻣﺘﻌﺮﻓﻴﻦ ﻓﺎﺭﺱ ﻫﺴﻪ ﻳﻜﻌﺪ ﻳﻨﺼﺐ ﻋﻠﻴﻪ ﺭﺍﺡ ﻧﺮﻭﺡ ﻧﺘﻌﻠﻞ ﻳﻤﻪ ﻭﻧﺮﺟﻊ ﺑﻌﺪ ﻭﻛﺖ
ﺍﻧﻲ ﻛﻠﺖ ﻧﺒﺎﺕ ﺑﺲ ﺍﺷﻮﻑ ﻧﺴﻬﺮ ﺷﻮﻱ ﻭﻧﺮﺟﻊ ﻭﻫﻴﺞ ﻳﻨﻜﺴﺮ ﺣﻠﻔﻬﺎ ﻟﺪﻛﺘﻮﺭﺓ ﻣﻼﺫ .
ﺩﺣﻚ ﻋﻠﻴﻬﺎ ﻧﺰﻟﺖ ﺭﺍﺳﻬﺎ ﻣﺤﺮﺟﻪ ﻻﻥ ﺍﻭﻝ ﻳﻮﻡ ﺩﺧﻠﺘﻠﻬﻢ ﺻﺎﺭ ﻫﻴﺞ ﻭﻳﺎﻫﺎ .
_ ﻭﺍﻟﻠﻪ ﻣﺎﻣﺎ ﺍﺣﺴﻦ ﺷﻲ ﺳﻮﻳﺘﻪ ﻟﻌﺪ ﺭﻭﺣﻮﺍ ﺍﻟﻠﻪ ﻭﻳﺎﻛﻢ .
ﺍﺷﺮﻟﻬﺎ .. ﺭﻭﺣﻲ ﻏﺴﻠﻲ ﻭﺟﻬﺞ ﻣﻨﺎ ﺍﻟﻤﻐﺴﻠﻪ .
ﺭﺍﺣﺖ ﺟﺎﻥ ﺗﻮﺍﻟﻴﺖ ﺧﺎﺭﺟﻲ ﻭﻣﻐﺴﻠﻪ ﻏﺴﻠﺖ ﻭﺿﺒﻄﺖ
ﺣﺠﺎﺑﻬﺎ ﻋﺎﻟﻤﺮﺍﻳﺔ ﻣﺎﻟﺖ ﺍﻟﻤﻐﺴﻠﻪ ﻫﻤﺰﻳﻦ ﺍﻟﻤﺴﻜﺎﺭﺓ ﻣﺘﺴﻴﻞ ﺟﺎﻥ ﺍﻧﺒﺪﻉ ﺑﺤﺎﻟﻬﺎ .
ﺑﺎﻟﻄﺮﻳﻖ ﺍﺗﺼﻞ ﻋﻠﻰ ﻓﺎﺭﺱ ﻭﻓﻬﻤﻪ ﺟﺎﻳﻴﻦ ﻳﺰﻭﺭﻭﻧﻪ
ﻓﺎﺭﺱ ﺭﺣﺐ ﻭﻫﻼ ﻛﻴﻒ ﺑﻨﺸﻮﺍﻥ .
ﺟﺎﻥ ﻳﺴﻮﻕ ﻭﻟﺰﻡ ﺍﻳﺪﻫﺎ ﻳﻄﻤﻨﻬﺎ ﻭﻳﻄﻤﻦ ﻋﻠﻴﻬﺎ .. ﻳﻜﻠﺒﻲ
ﺧﻔﻔﻲ ﻣﻦ ﻫﺎﻟﻌﻨﺎﺩ ﻭﺍﻟﻠﻪ ﺗﻌﺒﻴﻦ ﻣﻼﺫ ﺍﻧﺘﻲ ﻣﺘﺪﺭﻳﻦ ﺑﻐﻼﺝ ﻋﻨﺪﻱ ﻓﺘﺤﻲ ﻛﻠﺒﺞ ﺍﻟﻲ ﺻﺪﻛﻴﻨﻲ ﺗﺮﺗﺎﺣﻴﻦ .
ﺍﻟﺘﻔﺘﺖ ﻋﻠﻴﻪ ﻭﻛﻠﺒﻬﺎ ﺍﺭﺗﺎﺡ ﻟﻜﻤﻴﺔ ﺍﻟﻠﻄﻒ ﻭﺍﻟﺤﻨﻴﺔ ﺍﻟﺒﺼﻮﺗﻪ .. ﻧﺸﻮﺍﻥ ﺻﺪﻛﻨﻲ ﻣﺠﻨﺖ ﻫﻴﺞ ﺍﻧﻲ ﺑﻄﺒﻌﻲ ﻫﺎﺩﺋﺔ ﺑﺲ ﻋﻴﺸﺘﻲ ﻭﻳﻪ ﻋﺼﺎﻡ ﺧﻠﺘﻨﻲ ﻫﻴﺞ ﺍﺗﺼﺮﻑ
ﻷﻥ ﺍﻧﻔﺮﺽ ﻋﻠﻴﻪ ﻣﻘﺒﻠﺖ ﺑﻲ ﻭﺍﻧﺖ ﺗﻌﺮﻑ ﺍﻟﺒﺎﻗﻲ ﻭﺗﻌﺮﻑ ﺗﺼﺮﻓﺎﺗﻪ .
_ ﺧﻼﺹ ﻳﻌﻤﺮﻱ ﺍﻧﺴﻲ ﻭﻻﺗﺰﻋﻠﻴﻦ ﻣﻦ ﺍﻣﻲ .
_ ﻻ ﺑﻌﺪ ﻋﺮﻓﺖ ﻣﺒﻴﻦ ﻫﺬﺍ ﻃﺒﻌﻬﺎ ﻻﻥ ﻧﻮﺭﺓ ﺗﺘﻘﺒﻞ ﺳﻮﺍﻟﻔﻬﺎ .
_ ﻫﻬﻬﻬﻬﻪ ﺍﻱ ﻟﻮ ﺗﺸﻮﻓﻴﻬﺎ ﻣﻦ ﺗﻌﺼﺐ ﻋﻠﻰ ﻧﻮﺭﺓ ﻭﻫﻲ ﺍﻟﻔﻄﻴﺮﺓ ﺗﺒﻘﻰ ﺗﻮﺯﻉ ﺍﺑﺘﺴﺎﻣﺎﺕ .
ﻣﻼﺫ ﺍﻣﻲ ﺧﻂ ﺍﺣﻤﺮ ﺍﻧﺘﻲ ﻣﺘﻌﺮﻓﻴﻦ ﺷﻜﺪ ﺗﻌﺒﺖ ﺑﺤﻴﺎﺗﻬﺎ ﺣﺘﻰ ﺗﻮﺻﻠﻨﺎ ﺍﻟﻮﺍﻟﺪ ﺍﻟﻠﻪ ﻳﺮﺣﻤﻪ ﺗﻮﻓﻯﻯﺒﺤﺎﺩﺙ ﺳﻴﺎﺭﺓ ﻣﻦ ﺣﺎﻥ ﻋﻤﺮﻱ ﺍﺭﺑﻊ ﺳﻨﻮﺍﺕ ﻣﺘﺨﻠﺖ ﻋﻨﺎ ﺍﻧﻲ ﻭﻫﻤﺎﻡ ﺣﻴﻞ ﻣﺘﻌﻠﻘﻴﻦ ﺑﻴﻬﺎ ﻓﺎﻻﺭﻳﺪﻩ ﻣﻨﺞ ﺗﺘﺤﻤﻠﻴﻦ ﺳﻮﺍﻟﻔﻬﺎ ﺗﺮﻯ ﻫﻲ ﻣﻮ ﻫﻴﺞ ﺑﺲ ﺻﺎﺭﺕ ﺑﻌﺪ ﻳﻤﻜﻦ ﺣﻈﺞ
ﻣﻼﺫ ﻋﺎﺗﺒﺘﻪ .. ﺑﺲ ﺍﻧﺖ ﻣﻘﺼﺮﺕ ﻋﺼﺒﺖ ﻋﻠﻴﻪ ﻭﺍﻟﻠﻪ ﺧﻔﺖ ﻣﻨﻚ ﻛﻠﺖ ﺭﺍﺡ ﻳﻀﺮﺑﻨﻲ .
ﺟﺮ ﺍﻳﺪﻫﺎ ﻭﺑﺎﺳﻬﺎ .. ﺍﺍﺍﺥ ﻣﻨﺞ ﻭﺍﻟﻠﻪ ﺟﻨﺖ ﻛﻮﻩ ﻻﺯﻡ ﺭﻭﺣﻲ ﻻ ﺍﺗﻬﻮﺭ ﻭﺍﺍﺫﻳﺞ .
ﺳﺤﺒﺖ ﺍﻳﺪﻫﺎ ﻭﺿﻤﺘﻬﺎ ﺑﺤﻈﻨﻬﺎ ﻣﺮﺗﺒﻜﻪ ﻣﻦ ﻫﺎﻱ ﺣﺮﻛﺘﻪ
ﻭﻛﻠﺒﻬﺎ ﺩﻙ ﺳﺮﻳﻊ ..
ﺷﻮﻱ ﻭﻛﻔﺖ ﺳﻴﺎﺭﺗﻪ ﻳﻢ ﺑﻴﺖ .. ﻫﺬﺍ ﺑﻴﺖ ﻓﺎﺭﺱ .
_ ﻗﺮﻳﺐ ﻧﻔﺲ ﺍﻟﻤﻨﻄﻘﺔ ﻣﻮ .
_ ﺍﻱ ﻧﻔﺲ ﺍﻟﻤﻨﻄﻘﺔ ﻳﻼ ﺍﻧﺰﻟﻲ ﻭﺍﺗﺼﺮﻓﻲ ﻃﺒﻴﻌﻲ .
_ ﺍﺳﺘﺤﻲ ﻧﺸﻮﺍﻥ .
_ ﻳﺎﺑﻪ ﻋﻠﻴﺶ ﻣﺴﺘﺤﻴﺔ ﺯﻭﺟﺘﻪ ﺣﺒﺎﺑﻪ ﻫﻬﻬﻪ ﻋﻠﻰ ﻛﻼﻣﻪ ﺍﻧﻲ ﻣﺸﺎﻳﻔﻬﺎ ﻻﻥ ﺻﺎﺭﻟﻪ ﻗﺮﻳﺐ ﺍﻟﺸﻬﺮﻳﻦ ﺍﻗﻞ ﻣﻦ ﺗﺰﻭﺝ .
_ ﻳﺎﺍﺍ ﻳﻌﻨﻲ ﻋﺮﻳﺲ ﺟﺪﻳﺪ .
_ ﻫﻬﻬﻬﻪ ﻭﺍﻟﻠﻪ ﺣﻠﻮﺓ ﻋﺮﻳﺲ ﺟﺪﻳﺪ ﺭﺍﺡ ﺍﺣﺠﻴﻬﺎ ﻟﻔﺎﺭﺱ
ﻟﺞ ﺍﻧﺰﻟﻲ ﻫﻮ ﻳﻮﻣﻴﻪ ﻋﺮﻳﺲ .
ﻧﺰﻟﺖ ﻣﻼﺫ ﻣﺴﺘﻐﺮﺑﻪ ﺣﺠﺎﻳﺘﻪ .
.......
ﻓﺎﺭﺱ ﻣﻦ ﺍﻧﻬﻰ ﺍﺗﺼﺎﻟﻪ ﺑﻨﺸﻮﺍﻥ ﺧﺒﺮ ﺩﻳﻤﺎ ﺭﺍﺡ ﻳﺠﻮﻧﻬﻢ
ﺿﻴﻮﻑ ﻧﺸﻮﺍﻥ ﻭﺯﻭﺟﺘﻪ ﻭﻫﻲ ﻛﻴﻔﺖ ﻻﻥ ﻣﺤﺪ ﻳﺪﺧﻠﻠﻬﻢ ﻓﺎﺭﺱ ﺍﺧﺘﻼﻃﻪ ﻗﻠﻴﻞ ﺑﺎﻟﺠﻴﺮﺍﻥ ﺑﺲ ﻭﻳﻪ ﺍﻟﺰﻟﻢ ﻣﺘﺪﺭﻱ ﻻﻥ ﻣﻦ ﺩﺧﻠﺖ ﻟﻠﺒﻴﺖ ﻣﺤﺪ ﺯﺍﺭﻫﻢ ﺑﺲ ﺑﻴﺖ ﺧﺎﻟﻪ .
ﻓﺘﺤﺖ ﺍﻻﺳﺘﻘﺒﺎﻝ ﺍﺻﻼ ﻧﻈﻴﻒ ﻭﻣﺮﺗﺐ ﺷﻐﻠﺖ ﺍﻟﻤﺒﺨﺮﺓ
ﻛﻮﻟﺶ ﺗﺤﺒﻬﺎ ﻭﺭﺍﺣﺖ ﻟﻠﻤﻄﺒﺦ ﻋﺎﻟﺴﺮﻳﻊ ﺣﻈﺮﺕ ﺍﻟﻀﻴﺎﻓﻪ ﻋﺼﺎﺋﺮ ﻭﺍﻟﻜﻴﻚ ﻭﺧﻠﺖ ﺍﻟﻘﻮﺭﻱ ﻋﺎﻟﻨﺎﺭ ﻭﻧﺼﺖ ﻋﻠﻴﻪ .
ﺍﺧﺬﺕ ﻋﺒﻮﺩﻱ ﺍﻟﺠﺎﻥ ﻳﻠﻌﺐ ﻳﻢ ﻓﺎﺭﺱ ﺑﺎﻟﺼﺎﻟﻪ ﺑﺪﻟﺘﻠﻪ
ﻭﻋﻄﺮﺗﻪ ﺍﻧﻄﺘﻪ ﻟﻔﺎﺭﺱ ﺍﻟﺼﺎﻓﻦ ﻋﻠﻴﻬﺎ ﺗﻔﺘﺮ ﺑﺎﻟﺒﻴﺖ ﻋﺎﻟﺴﺮﻳﻊ ﻭﺭﻯ ﺷﻮﻱ ﺍﺟﺖ ﻛﻌﺪﺕ ﻳﻤﻪ ﻛﺎﺷﺨﺔ ﺑﻘﻔﻄﺎﻥ ﻣﻐﺮﺑﻲ ﺍﺧﻀﺮ ﻣﻄﺮﺯ ﺑﺨﻴﻮﻁ ﺫﻫﺒﻲ ﻭﺷﺎﻝ ﻛﺮﻳﻤﻲ ﺑﻲ ﺧﻄﻮﻁ ﺍﺧﻀﺮ ﺑﺤﺎﻓﺘﻪ ﺟﺎﻣﺖ ﻃﺎﻟﻌﻪ ﺩﻣﺎﺍﺭ .
ﻓﺎﺭﺱ ﺍﻟﺒﻘﻰ ﻣﻔﻬﻲ ﺍﻧﺘﺒﻪ ﻭﻫﻲ ﺗﺴﺄﻟﻪ .. ﺧﻞ ﻧﻜﻌﺪ ﺑﺎﻟﻬﻮﻝ ﻭﺍﻧﺘﻮﺍ ﺑﺎﻻﺳﺘﻘﺒﺎﻝ ﻧﺎﺧﺬ ﺭﺍﺣﺘﻨﺎ ﺍﻛﺜﺮ .
ﺣﻚ ﺭﺍﺳﻪ .. ﻫﺎﺍﺍ ﺍﻱ ﺳﻮﻱ ﺍﻟﺘﺮﺩﻳﻨﻪ .
.....
ﺭﺣﺐ ﺑﻴﻬﻢ ﻭﺳﻠﻢ ﻋﻠﻰ ﺯﻭﺟﻪ ﺻﺎﺣﺒﻪ ﺑﻜﻞ ﺍﺣﺘﺮﺍﻡ .
ﻭﻧﺸﻮﺍﻥ ﻧﻔﺲ ﺍﻟﺸﻲ ﺩﺧﻠﻮﺍ ﻟﻼﺳﺘﻘﺒﺎﻝ ﻛﻌﺪﻭﺍ ﺷﻮﻱ ﻭﺩﻳﻤﺎ ﺟﺎﻧﺖ ﻛﻮﻟﺶ ﻣﺴﺘﺤﻴﺔ ﻣﻦ ﻧﺸﻮﺍﻥ ﺍﺷﺮﺕ ﻟﻤﻼﺫ
ﺍﺧﺬﺗﻬﺎ ﻟﻠﻬﻮﻝ ﻭﻫﻲ ﻣﺎﺻﺪﻛﺖ ﻻﻥ ﻣﺘﺎﺧﺬ ﺭﺍﺣﺘﻬﺎ
ﺍﺫﻛﺮﺕ ﻫﺬﺍ ﻧﻔﺴﻪ ﻓﺎﺭﺱ ﺍﻟﻨﺸﻮﺍﻥ ﺧﺎﺑﺮﻩ ﻭﺍﻟﻠﻪ ﻣﺒﻴﻦ
ﻋﻠﻴﻪ ﻣﻮ ﻫﻴﻦ .
ﻗﺪﻣﺖ ﺩﻳﻤﺎ ﺍﻟﻀﻴﺎﻓﻪ ﻭﺭﺟﻌﺖ ﻛﻌﺪﺕ ﻳﻢ ﻣﻼﺫ ..
_ ﺍﺗﻔﻀﻠﻲ ﺣﺒﻴﺒﺘﻲ ﻛﻞ ﺍﻟﻬﻼ ﺑﻴﺞ
ﺷﻜﺮﺗﻬﺎ ﻣﻼﺫ ﻭﺍﺧﺬﺕ ﺍﻟﻌﺼﻴﺮ ﺷﺮﺑﺖ ﺷﻮﻱ ﻭﺭﺟﻌﺘﻪ .
ﺩﻳﻤﺎ ﺣﺒﺖ ﺗﻜﺴﺮ ﺍﻟﺴﻜﻮﺕ .. ﻓﺎﺭﺱ ﻛﻮﻟﺶ ﻣﺘﻌﻠﻖ ﺑﻨﺸﻮﺍﻥ ﻭﺩﻭﻡ ﻳﺬﻛﺮﻩ .
_ ﺍﻱ ﺑﻌﺪ ﺍﺻﺪﻗﺎﺀ ﺍﻟﻠﻪ ﻳﺪﻳﻢ ﻣﺤﺒﺘﻬﻢ .
ﺍﺟﻰ ﻋﺒﻮﺩﻱ ﻋﻠﻴﻬﻦ ﻭﺭﺍﺡ ﺑﺤﻈﻦ ﺍﻣﻪ .. ﻣﻤﻤﻤﻤﻪ
_ ﺣﻴﺎﺗﻲ ﻳﺠﻨﻦ ﺗﻌﺎﻝ ﺣﺒﻴﺒﻲ .
ﻋﺒﻮﺩﻱ ﺍﺳﺘﺤﻰ ﻣﻨﻬﺎ ﺩﻓﻦ ﺭﺍﺳﻪ ﺑﺮﺟﻠﻴﻦ ﺩﻳﻤﺎ ﺍﻟﺸﺎﻟﺘﻪ
ﺧﻠﺘﻪ ﺑﺤﻈﻨﻬﺎ .
ﻣﻼﺫ ﺍﺳﺘﻐﺮﺑﺖ ﻫﺎﻟﻄﻔﻞ ﻣﻨﻴﻦ ﻭﻧﺸﻮﺍﻥ ﻳﻜﻮﻝ ﺻﺎﺣﺒﻪ
ﻋﺮﻳﺲ .
ﺳﺎﻟﺘﻬﺎ .. ﺍﺑﻦ ﻣﻨﻮ ﺍﻟﻠﻪ ﻳﺨﻠﻲ ﻣﺘﻌﻠﻖ ﺑﻴﺞ .
ﺩﻳﻤﺎ ﻭﻫﻲ ﺗﺒﻮﺱ ﻋﺒﻮﺩﻱ .. ﻫﺬﺍ ﺍﺑﻨﻲ
ﺗﻔﺎﺟﺄﺕ ﻣﻼﺫ ﻭﺻﺎﺭ ﻋﺪﻫﺎ ﻓﻀﻮﻝ ﺗﺴﺄﻟﻬﺎ .. ﻧﺸﻮﺍﻥ ﻛﺎﻝ
ﻋﻠﻴﻜﻢ ﻋﺮﺳﺎﻥ .
ﺿﺤﻜﺖ ﺩﻳﻤﺎ .. ﺍﻱ ﻭﺍﻟﻠﻪ ﻣﺼﺎﺭ ﺷﻬﺮﻳﻦ ﻣﻦ ﺍﺯﻭﺟﻨﺎ
ﻫﺬﺍ ﺍﺑﻨﻲ ﻣﻦ ﺯﻭﺟﻲ ﺍﻟﻠﻪ ﻳﺮﺣﻤﻪ ﻭﻓﺎﺭﺱ ﺣﻤﺎﻳﻪ ﺍﻟﺠﺒﻴﺮ
ﺍﺍﺍﺥ ﻗﺼﺘﻲ ﻗﺼﺔ ﻣﺎﺭﻳﺪ ﺍﺩﻭﺧﺞ ﺑﻴﻬﺎ .
ﺗﻌﺎﻃﻔﺖ ﻣﻼﺫ ﻭﻳﺎﻫﺎ .. ﻋﺎﺩﻱ ﻋﻴﻮﻧﻲ ﺍﺣﺠﻲ ﺑﻌﺪ ﺻﺮﻧﺎ ﺣﺒﺎﻳﺐ .
ﻋﺒﻮﺩﻱ ﺿﺎﺝ ﻛﺎﻡ ﻳﺮﻓﺲ ﺑﺮﺟﻠﻴﻪ .
_ ﻫﺎ ﻳﺮﻭﺣﻲ ﺗﺮﻳﺪ ﻣﻤﻪ ﺗﻨﺎﻣﻴﻦ ﺍﻭﻱ ﻓﺪﻭﻩ ﻟﻌﺒﻮﺩﻱ
ﺗﺒﻘﻰ ﻳﻢ ﺧﺎﻟﻪ ﺍﺳﻮﻳﻠﻚ ﻣﻤﻪ ﻭﺍﺟﻲ .
ﻛﺎﻣﺖ .. ﺍﻋﺬﺭﻳﻨﻲ ﺩﻗﺎﻳﻖ ﺍﺳﻮﻳﻠﻪ ﻣﻤﻪ .
_ ﺍﺧﺬﻱ ﺭﺍﺣﺘﺞ ﻋﻴﻮﻧﻲ .
ﻋﺒﻮﺩﻱ ﻳﻔﺘﺮ ﺑﻘﻰ ﻳﻢ ﻣﻼﺫ ﺣﺒﺖ ﺷﻜﻠﻪ .. ﻓﺪﻭﻩ ﻟﻠﻪ ﺷﻠﻮﻥ ﺣﻠﻮ ﻭﻧﻈﻴﻒ .
ﺷﻮﻱ ﻭﺩﺧﻠﺖ ﺩﻳﻤﺎ ﺷﺎﻟﺘﻪ ﺑﺤﻈﻨﻬﺎ ﻭﺧﻠﺖ ﺍﻟﻤﻤﻪ ﺑﺤﻠﻜﻪ
ﺭﺿﻊ ﻭﺍﻳﺪﻩ ﺍﺟﺮ ﺑﻔﺘﺤﻪ ﺻﺪﺭﺍﻟﻘﻔﻄﺎﻥ ﻳﺪﺧﻞ ﺍﻳﺪﻩ ﻋﺎﻑ ﺍﻟﻤﻤﻪ
ﺑﻘﻰ ﻳﻠﻌﺐ ﻋﺼﺒﻲ ﻣﺎﻣﺎ ﻣﺎﻣﺎ
ﺩﻳﻤﺎ ﺗﻔﻬﻢ ﻋﻠﻴﻪ ﺍﺧﺬﺕ ﺍﻳﺪﻩ ﺍﻟﻤﺪﺑﺪﺑﻪ ﺍﻟﺒﻴﻀﻪ ﻭﺣﻄﺘﻬﺎ
ﺑﺼﺪﺭﻫﺎ .
ﺭﺟﻊ ﻳﺮﺿﻊ ﻣﺮﺗﺎﺡ ﻭﻋﻴﻨﻪ ﻋﻠﻰ ﺍﻣﻪ ﺍﻟﺒﺘﺴﻤﺘﻠﻪ ﺑﻜﻞ ﺣﺐ ﻭﺣﻨﻴﺔ .
_ ﺍﻟﻠﻪ ﻳﺨﻠﻲ ﻣﺒﻴﻦ ﺫﻛﻲ .
_ ﺗﺴﻠﻤﻴﻦ ﻋﻴﻨﻲ .
_ ﻋﻨﺪﺝ ﻏﻴﺮﻩ ﻟﻮ ﺑﺲ ﻫﺎﻟﻮﺍﺣﺪ .
_ ﺑﺲ ﻋﺒﺪﺍﻟﻠﻪ
_ ﺧﻄﻴﻪ ﺑﻌﺪﻩ ﺻﻐﻴﺮ ﺷﻮﻱ ﻳﻜﺒﺮ ﺳﻮﻳﻠﻪ ﺍﺥ .
_ ﻓﺎﺭﺱ ﻛﺎﻝ ﻫﺎﻻﺳﺒﻮﻉ ﺯﻭﺍﺟﻜﻢ ﺷﺎﻳﻔﻴﻦ ﺍﻟﺨﻴﺮ .
_ ﺍﺷﻜﺮﺝ ﺣﺒﻴﺒﺘﻲ .
_ ﻫﺎ ﺷﻠﻮﻧﻬﺎ ﺩﻳﺎﻟﻰ ﺣﺒﻴﺘﻴﻬﺎ .
ﺍﺑﺘﺴﻤﺘﻠﻬﺎ ﺣﺠﺖ ﻣﺠﺎﻣﻠﻪ ﻻﻥ ﻛﻮﻟﺸﻲ ﻣﺸﺎﻓﺖ ﻣﺼﺎﺭﻟﻬﺎ ﺳﺎﻋﺎﺕ ﻣﻦ ﺍﺟﺖ .. ﻣﺒﻴﻨﻪ ﺣﻠﻮﻩ ﺑﺄﻫﻠﻬﺎ .
ﺿﺤﻜﺘﻠﻬﺎ ﺩﻳﻤﺎ .. ﺍﻧﺘﻲ ﺍﻻﺣﻠﻰ ﻳﻌﻤﺮﻱ ... ﺷﻮﻓﻲ ﻋﻴﻨﻲ ﺍﻋﺘﺒﺮﻳﻨﻲ ﺍﺧﺘﺞ ﺍﻱ ﺷﻲ ﻣﺤﺘﺎﺟﻪ ﺍﻧﻲ ﺣﺎﺿﺮﻩ ﺑﺎﻟﻤﺴﺎﻋﺪﻩ .
ﻣﻼﺫ ﺣﺒﺖ ﺩﻳﻤﺎ ﺍﺳﻠﻮﺑﻬﺎ ﻛﻮﻟﺶ ﺣﻠﻮ ﺑﺎﻟﺤﺠﻲ ﻭﻣﺎﺷﺎﺀ ﺍﻟﻠﻪ ﻋﻠﻴﻬﺎ ﺷﻠﻮﻥ ﺟﻤﺎﻝ ﻭﺍﻧﺎﻗﻪ ﺣﺘﻰ ﺍﺑﻨﻬﺎ ﻃﺎﻟﻊ ﻋﻠﻴﻬﺎ
... ﺩﻳﻤﺎ ﺣﺠﺖ ﺳﺎﻟﻔﺘﻬﺎ ﻟﻤﻼﺫ ﺍﻟﺘﻌﺎﻃﻔﺖ ﻭﻳﺎﻫﺎ ﻭﺍﻧﻘﻬﺮﺕ
ﻋﻠﻴﻬﺎ
_ ﺍﻛﻴﺪ ﻳﺤﺒﻜﻢ ﺗﺮﻯ ﻣﺒﻴﻦ ﻣﻦ ﺧﻼﻝ ﺍﻻﻫﺘﻤﺎﻡ .
_ ﺻﺤﻴﺢ ﻓﺎﺭﺱ ﻳﻤﻮﺕ ﻋﻠﻴﻪ ﺑﻌﺪ ﻋﺮﻓﺘﻲ ﺳﺎﻟﻔﺘﻨﺎ ﻫﻬﻬﻬﻪ
_ ﻫﻬﻬﻬﻬﻪ ﻣﻼﺫ ﺑﻘﺖ ﺗﻀﺤﻚ ﻣﻦ ﺍﺫﻛﺮﺕ ﻣﺨﺎﺑﺮﺗﻪ ﻟﻔﺎﺭﺱ ﺍﻟﻔﺠﺮ .
ﺩﻳﻤﺎ ﺑﻘﺖ ﺻﺎﻓﻨﻪ ﻋﻠﻴﻬﺎ .. ﺍﺳﺘﺤﺖ ﻣﻼﺫ ﻣﻨﻬﺎ .. ﺍﺳﻔﻪ
ﺑﺲ ﺍﺫﻛﺮﺕ ﺷﻐﻠﻪ ﺿﺤﻜﺘﻨﻲ .
_ ﻋﺎﺩﻱ ﻛﻠﺒﻲ ﺍﺿﺤﻜﻲ ﺍﻟﻠﻪ ﻳﺪﻳﻤﻬﺎ ﻋﻠﻴﺞ ﺍﻥ ﺷﺎﺀ ﺍﻟﻠﻪ .
.....
ﻳﻤﻬﻢ ﺑﺎﻻﺳﺘﻘﺒﺎﻝ ﻧﺸﻮﺍﻥ ﺣﺠﻰ ﻟﻔﺎﺭﺱ ﺍﻟﺼﺎﺭ ..
_ ﺯﻳﻦ ﺳﻮﻳﺖ ﺗﺼﺮﻓﻚ ﻋﺠﺒﻨﻲ ﺗﺮﻯ ﺧﻄﻴﺔ ﺗﺤﺲ ﺭﻭﺣﻬﺎ ﻭﺣﻴﺪﺓ ﻻﻥ ﺑﻌﺪﺕ ﻋﻦ ﺍﻫﻠﻬﺎ ﻭﺧﺎﻟﺘﻲ ﻣﺎﺷﺎﺀ ﺍﻟﻠﻪ ﻣﺎﻣﻘﺼﺮﺓ ﻭﻳﺎﻫﺎ .
_ ﺑﻌﺪ ﺍﻣﻲ ﺗﻌﺮﻓﻬﺎ ﻣﺘﺨﻠﻲ ﺳﺎﻟﻔﻪ ﻣﻀﻮﺟﺘﻬﺎ ﺑﻜﻠﺒﻬﺎ ﻻﺯﻡ
ﺗﺤﺠﻴﻬﺎ ﺑﺲ ﺻﺎﻟﺤﺘﻬﺎ ﻭﻣﻼﺫ ﺗﺒﻴﻦ ﺳﻜﺘﺖ .
_ ﻣﺒﻴﻨﻪ ﻫﺎﺩﺋﻪ ﺍﺳﺘﻐﺮﺏ ﻣﻦ ﺗﺴﻮﻟﻒ ﻋﻠﻰ ﻋﻨﻮﺩﻳﺔ ﻭﺭﺍﺱ ﻳﺎﺑﺲ ﻳﺎﺑﻪ ﺗﻌﺎﻝ ﺷﻮﻑ ﺍﻟﺸﺮﺍﺳﺔ ﺍﻟﻌﻨﺪﻱ ﺑﺲ ﺍﻧﻲ ﻣﻨﻄﻴﻬﺎ ﺍﻟﻌﻴﻦ ﺍﻟﺤﻤﺮﺍ ﺍﻋﺼﺎﺏ ﺍﺻﻴﺮ ﻫﻴﺔ ﻣﻦ ﺗﺸﻮﻓﻨﻲ ﻣﻌﺼﺐ ﺗﺒﻘﻰ ﺍﺩﻭﺭ ﺭﺿﺎﻱ ﻭﺗﻬﺪﻱ ﺑﻴﻪ .
_ ﻫﻬﻬﻬﻬﻬﻬﻪ ﻭﺍﻟﻠﻪ ﻋﻠﻴﻚ ﺳﻮﺍﻟﻒ ﺑﻌﺪ ﺍﻧﺖ ﺧﺒﺮﻩ ﻗﺎﺑﻞ
ﺍﻧﻲ ﻣﺜﻠﻚ .
_ ﻧﺸﻮﺍﻥ ﻋﻠﻴﻨﺎ ﻋﻠﻰ ﺍﺳﺎﺱ ﻣﺎﻋﻨﺪﻙ ﺳﻮﺍﻟﻒ .
_ ﻳﻤﻌﻮﺩ ﻧﺼﻲ ﺻﻮﺗﻚ ﻭﺩﺍﻋﺘﻚ ﺻﺎﺭ ﺳﻨﺘﻴﻦ ﻋﻔﺖ ﻛﻮﻟﺸﻲ ... ﻫﻬﻬﻬﻬﻪ ﺍﺳﻤﻊ ﻫﺎﻱ ﺗﻜﻮﻝ ﺧﻄﻴﻪ ﻧﺰﻋﺠﻬﻢ
ﺻﺎﺣﺒﻚ ﻋﺮﻳﺲ .. ﺑﻌﺪﻫﺎ ﻣﺎﺗﺪﺭﻱ ﺑﻴﻚ ﻓﻨﺪﻕ .
_ ﻫﻬﻬﻬﻬﻬﻪ ﻻﺑﺸﺮﻓﻚ ﺧﻞ ﺗﺴﻤﻊ ﺍﻡ ﻋﺒﻮﺩﻱ ﻋﻤﻲ ﺑﻌﺪﻧﻲ
ﻋﺮﻳﺲ ﺍﻟﻴﻮﻡ ﺍﺣﺘﻔﻞ ﻋﻠﻰ ﻫﺎﻟﺤﺠﺎﻳﺔ .
ﻧﺸﻮﺍﻥ ﺩﻓﺮﻩ ﺑﺮﺟﻠﻪ .. ﻋﻠﻰ ﺍﺳﺎﺱ ﻣﻤﺤﺘﻔﻞ ﺟﻨﺎﺑﻚ ﺍﻟﻠﻪ
ﻳﺴﺎﻋﺪ ﺍﻟﻤﺴﻜﻴﻨﻪ ﻋﻠﻴﻚ .
ﻏﻤﺰﻟﻪ ﺑﻌﻴﻨﻪ ﻭﻫﻮ ﻳﻜﻮﻡ .. ﻭﻳﺴﺎﻋﺪ ﻣﺮﺗﻚ ﻫﻢ ﻫﻬﻬﻪ
ﺍﺭﻭﺡ ﺍﺟﻴﺒﻠﻚ ﺟﺎﻱ .
ﺍﻟﺴﺎﻋﻪ ﺏ١١ ﻃﻠﻌﻮﺍ ﻧﺸﻮﺍﻥ ﻭﻣﻼﺫ ﺍﻟﺠﺎﻧﺖ ﻣﺮﺗﺎﺣﻪ ﻛﻮﻟﺶ ﺑﻌﺪ ﻣﺎ ﺳﻮﻟﻔﺖ ﻭﻳﻪ ﺩﻳﻤﺎ ﻋﻠﻰ ﻫﻮﺍﻱ ﺍﺷﻴﺎﺀ
ﺣﺴﺘﻬﺎ ﻗﺮﻳﺒﻪ ﻋﻠﻴﻬﺎ ﻭﻛﻠﺒﻬﺎ ﺍﺭﺗﺎﺣﻠﻬﺎ .
ﻣﻦ ﺩﺧﻠﻮﺍ ﻟﻠﺒﻴﺖ ﺟﺎﻥ ﻫﺪﻭﺀ ﺍﻟﻈﺎﻫﺮ ﻧﺎﻳﻤﻴﻦ ﻓﺎﺕ ﻟﻐﺮﻓﺘﻪ ﺟﻮﺍ ﻭﺳﺪ ﺍﻟﺒﺎﺏ ﻗﻔﻠﻪ ﺍﻟﺘﻔﺖ ﻋﻠﻴﻬﺎ ﻧﻮﺭﺗﻲ
ﺍﻟﻐﺮﻓﻪ ﻣﻼﺫ ﺍﺳﺘﺤﺖ ﻭﺑﻘﺖ ﻋﻴﻨﻬﺎ ﺗﻔﺘﺮ ﺍﻟﻐﺮﻓﺔ ﺣﻠﻮﺓ
ﻭﻣﺮﺗﺒﻪ ﻭﺍﻻﺧﺸﺎﺏ ﻛﻮﻟﺶ ﻓﺨﻢ .
ﻣﻦ ﺷﺎﻓﻬﺎ ﻫﻴﺞ .. ﻫﺎﻱ ﺍﻟﻐﺮﻓﻪ ﺫﻭﻕ ﺍﻣﻲ ﻭﻫﻤﺎﻡ ﺍﻧﻲ ﻣﻌﻨﺪﻱ ﻣﺠﺎﻝ ﻛﻞ ﺍﻟﺘﺠﻬﻴﺰﺍﺕ ﻋﻠﻴﻬﻢ ﻋﺠﺒﺘﺞ .
ﻣﻼﺫ ﺣﺒﺘﻬﺎ ﺣﺴﺘﻬﺎ ﺑﻴﻬﺎ ﺩﻓﻮ ﻣﺘﻌﺮﻑ ﻟﻴﺶ ﻫﻴﺞ ﺍﺣﺴﺎﺱ ﻣﺮ ﺑﻴﻬﺎ .. ﻋﺎﺷﺖ ﺍﻳﺪﻳﻬﻢ ﻛﻮﻟﺶ ﺣﻠﻮﺓ .
_ ﺗﻌﺎﻱ ﻟﻌﺪ ﻧﺠﺮﺑﻬﺎ ﺍﻟﺒﺎﺭﺣﻪ ﺷﺪﻭﻫﺎ ﻭﺭﺗﺒﻮﻫﺎ ﻳﻼ ﻛﻠﺒﻲ
ﺗﻘﺪﻡ ﻋﻠﻴﻬﺎ ﻭﺣﺼﺮﻫﺎ ﺑﻴﻦ ﺍﻳﺪﻳﻪ ﻭﺑﺪﺍ ﻳﺒﻮﺱ ﺑﻴﻬﺎ
ﻣﻼﺫ ﺍﻧﺘﻬﺖ ﻭﺍﻟﺪﻡ ﻛﺎﻡ ﻳﻀﺦ ﺑﺠﺴﻤﻬﺎ ﺗﺤﺴﻪ ﺣﺎﺭ ﻧﺎﺭ
ﺑﺎﺩﻟﺘﻪ ﺍﻟﺒﻮﺳﺔ ﺣﺎﻧﺖ ﻣﺤﺘﺎﺟﻪ ﻗﺮﺑﻪ ﻣﺤﺘﺎﺟﻪ ﺗﺤﺲ ﺍﻻﻣﺎﻥ ﺑﻴﻦ ﺍﻳﺪﻳﻪ ﻛﻞ ﺍﻟﻤﺸﺎﻋﺮ ﺍﻟﺤﻠﻮﺓ ﻣﺮﺕ ﻋﻠﻴﻬﺎ .
ﻧﺸﻮﺍﻥ ﻓﻘﺪ ﻋﻠﻴﻬﺎ ﻭﻫﻮ ﻳﺸﻮﻓﻬﺎ ﺫﺍﻳﺒﺔ ﻣﻨﺘﻬﻴﺔ ﺑﻴﺪﻩ
ﺍﻻﺛﻨﻴﻦ ﻣﺤﺴﻮﺍ ﺑﺎﻟﻮﻗﺖ ﻭﺗﺮﻛﻮﺍ ﻣﺸﺎﻋﺮﻫﻢ ﻭﺍﺣﺎﺳﻴﺴﻬﻢ ﺗﻘﻮﺩﻫﻢ ﻭﺟﺎﻧﺖ ﺍﺭﻭﻉ ﻭﺍﺣﻠﻰ ﻟﻴﻠﻪ ﻟﻨﺸﻮﺍﻥ ﻭﺍﻭﻝ ﺍﻋﺘﺮﺍﻑ ﻟﻤﻼﺫ ﺑﺤﺐ ﻧﺸﻮﺍﻥ ﺟﺎﻧﺖ
ﺫﺍﻳﺒﺔ ﺑﻴﺪﻩ ﻭﻫﻲ ﺗﻌﺘﺮﻓﻠﻪ .. ﺍﺣﺒﺒﺒﺒﺒﻚ .
ﻧﺸﻮﺍﻥ ﻋﻴﻨﻪ ﺑﻌﻴﻨﻬﺎ ﻭﻣﻦ ﺣﺠﺖ ﺩﻓﻨﻬﺎ ﺑﺼﺪﺭﻩ ﻭﺑﺎﺱ ﺭﺍﺳﻬﺎ ﺗﻨﻬﺪ ﺑﻘﻮﺓ .. ﻭﺍﻧﻲ ﻣﻮ ﺑﺲ ﺍﺣﺒﺞ ﻣﻴﺖ ﻋﻠﻰ ﻗﺮﺑﺞ .
ﺧﻠﺖ ﺑﻄﻦ ﺍﻳﺪﻫﺎ ﻋﻠﻰ ﺷﻔﺎﻳﻔﻪ .. ﺍﺳﻢ ﺍﻟﻠﻪ ﻻﺟﻴﺐ ﻃﺎﺭﻱ
ﺍﻟﻤﻮﺕ .
ﺑﺎﺱ ﺍﺻﺎﺑﻴﻌﻬﺎ ﻭﺷﺪﺩ ﺑﺤﻈﻨﻪ ﻋﻠﻴﻬﺎ .. ﺍﺍﺍﺥ ﻣﻼﺫ ﺟﻨﺖ ﻣﻨﺘﻈﺮ ﻫﺎﻟﻜﻠﻤﻪ ﻣﻨﺞ ﺷﻜﺪ ﺭﺍﺱ ﻳﺎﺑﺲ ﻟﺨﺎﻃﺮ ﺭﺑﺞ .
ﻣﻼﺫ ﺍﺳﺘﺤﺖ ﻳﺬﻛﺮﻫﺎ ﺑﺴﻮﺍﻟﻔﻬﺎ ﻭﻳﺎ .. ﻧﺸﻮﻭﻭﺍﻥ .
ﺩﻧﻚ ﻋﻠﻴﻬﺎ ﻭﺑﺎﺱ ﺧﺪﻫﺎ .. ﻋﻴﻮﻥ ﻧﺸﻮﺍﻥ ﻭﻛﻠﺒﻪ .
_ ﻋﻠﻴﻚ ﺍﻟﻠﻪ ﻻﺫﻛﺮﻧﻲ ﺑﺴﻮﺍﻟﻔﻲ .
ﺿﺤﻚ .. ﻫﻬﻬﻪ ﻻ ﻣﺎﺫﻛﺮﺝ ﺍﺑﻘﻲ ﻫﺎﺩﺋﺔ ﺷﻤﺤﻼﺗﺞ .
ﺣﻜﺖ ﻭﺍﺻﺎﺑﻴﻌﻬﺎ ﺗﻠﻌﺐ ﺑﺸﻌﺮ ﺻﺪﺭﻩ .. ﺍﻥ ﺷﺎﺀﺍﻟﻠﻪ
ﺣﺒﻴﺒﻲ ﺍﺭﺟﻊ ﻣﺜﻞ ﻗﺒﻞ ﻛﻮﻟﺶ ﻫﺎﺩﺋﺔ .. ﺭﻓﻌﺖ ﺍﺻﺒﻌﻬﺎ
ﻣﻬﺪﺩﻩ ﺑﺲ ﻫﺎﺍﺍ ﻻﺗﺴﻮﻱ ﺳﻮﺍﻟﻒ ﺗﺨﻠﻴﻨﻲ ﺍﻋﺼﺐ .
ﺟﺮ ﺍﺻﺒﻌﻬﺎ ﻭﺑﺎﺳﻪ ﻭﺭﺟﻊ ﻋﻀﻪ ﺧﻔﻴﻒ .
_ ﺍﻭﻭﻱ ﻳﻮﺟﻊ .
_ ﻫﻬﻬﻬﻪ ﺍﻱ ﻣﻜﻠﺘﻲ ﺷﻨﻮ ﺍﻟﺴﻮﺍﻟﻒ ﺍﻟﺘﻌﺼﺒﺞ .
ﺍﺑﺘﻌﺪﺕ ﺷﻮﻱ ﻋﻦ ﺣﻈﻨﻪ ﻭﺩﺣﻜﺖ ﺑﻮﺟﻬﻪ .. ﻳﻌﻨﻲ ﺳﻮﺍﻟﻒ ﻧﺴﻮﺍﻥ ﺍﺭﻳﺪ ﺑﺲ ﺍﻧﻲ ﺑﺤﻴﺎﺗﻚ .
ﺭﺟﻊ ﺟﺮﻫﺎ ﻭﻗﻔﻠﻬﺎ ﺑﺤﻈﻨﻪ .. ﺍﻧﺘﻲ ﻛﻞ ﺣﻴﺎﺗﻲ ﺍﻧﺘﻲ ﻭﺑﺲ .
ﺣﺒﺖ ﻫﺎﻻﺣﺎﺳﻴﺲ ﺍﻟﻌﻴﺸﻬﺔ ﺑﻴﻬﺎ ﻧﺸﻮﺍﻥ ﺣﺴﺖ ﺭﻭﺣﻬﺎ ﻃﺎﻳﺮﺓ ﻓﻮﻙ ﺍﻟﻐﻴﻢ ﺗﺤﺲ ﺭﻭﺣﻬﺎ ﺧﻔﻴﻔﺔ ﻭﺣﺒﺖ ﻗﺮﺑﻪ ﻣﻨﻬﺎ ﺩﻟﻠﻬﺎ ﺣﺴﺴﻬﺎ ﺍﻧﻮ ﻫﻲ ﺷﻲ ﺛﻤﻴﻦ ﻳﺤﺒﻪ ﻭﻳﺨﺎﻑ ﻋﻠﻴﻪ .
