رواية الطاغية والمغرور الفصل التاسع عشر بقلم يارا الياسري
قاوم°حتى آخر زفـير_منك
لاتهزمك أضغاث الحياة التي
تتشبث بك أينما ڪنت !
قـاوم حتى ولو طالت المسافات"
بينك وبين ضالتك"
وتروى صوتك خلف عجزك"
هدهـد أمـنياتك"
تحسس بقايا قوتك "
ٲجعل منڪ شيئاً مخلداً💦
رحيق ماتحملت الصدمة وكفت والدمع يترقرق
بعيوني روحي أحسها مخنوكة وبنار محروكة
ليش هالخداع ؟؟
ليس هالتمثيل شسويتلهم؟؟
ليش أسوء بشر واجهت ؟
ليش مارحموني ونهشوا بلحمي ؟
كمت وروحي تدور نفس أختكت
مقهورة اااخ بقلبي عتب ولوم بس
على منووو منووو أعاتب ؟؟
عتب على ابن عمي لكسر بختي لو على أهلي لمارحموني لو على هالبشر
أنهاريت وأحس نار ونصبت على راسي
وحرارة بجسمي
فقدت أعصابي وصرت أصيح
ليششش شمسويتكلم ؟
ليش أستغليتوني؟
احجي وأبجي وجسمي يتراجف وباللخص
أعصاب ايدي
شنوووووو لسويت الك ماتعرفوني بنية
وطحت بين ذياب ليش ماحاولتوا تساعدوني
أني شكووووو بمخططتكم
ليش ياانذال ليشششششش ياحقراء
ليشششش ياحيوانات بشكل بشر
ليششش صرت أبجي بأنهيار بكل برود
گدامي يكولون مخططط يعني لو ميتة
عادي أهم شي مخططهم مايهم حياة
البشر لكدامهم .
وأصيح ماجاي اصدك وكلبي
وانفاسي تصعد وتنزل
وارجف ودموعي تنزل كرهتهم ومتمنية
لو بيدي سلاح أقتلهم وأخذ أروحهم
بسنوني أكطعهم مثل مانهشوا بية ومارحموني
وعيوني مغوشات بالدمع ومشاعر الكره والحقد
لبدنيا گلها تجمعت بكلبي علي .
ردت أصرخ بعلووووو صوتي أكرههه أكرهه
واريد أقتل بيدي لو اشرب من دمه مايبرد
غليلي لسوا مو قليل لك نهوني .
وشيرازز ببرود ولا اهتزت شعره بي
وراغب يباوع مثل متفرج
برودهم ونيراني اثنينن بنفس المكان
خلاني أتخبل اكثر .
شلت المزهرية لعالطاولة وركعتها بقووة للكاع
الك شتردوون مني وشنو لبراسكم
لا تتتصورون اساعدكم بي لو مو تموتني
مااراح انفذ لتردونه
وفتحت قفل الباب وطلعت بعصبية
نزلت من الدرج اركض
ودموعي تنزل ومصدومة طلعت لبرااااا اركض لبوابة اريد اخلص منه
لو بالشارع أنام بس أريد أخلص منهم
بعيوني شفت كل وساخة ونذالة
وتعذبت تدمرت وأنتهيت مابقى
صوواب ماجاس رويحتي
لو صخر همات ينهار مو قلب من دم ولحم
مو زين وبعد ينبض وماوكف من الصدمات
لزمت كلبي وهو يكرصني وبجيت بحركة مقهورة واريد اخذ حقي اريد شي يبرد
هالغليان لبوسط مهجتي أريد شي يبرد ويخفف عني
ومااحس الا حواليه الحماية حديت عيوني وبدمعهن وبعصبية حجيت عوفوني اطلع
واحد منهم اتفضلي لجووة
أستاذ شيراز منطي أمر نرجعج
ماتحملت صرت أصرخ الك للله
ياخذ موووت يلفك
ياشيراز الله أكبر علي شيريد مني شتردون مني
الله ينتقم منكم خذيتوا كلشي مني بعد شتردون مني شتردووووون
أحجي يبعصبية وبأنهيار
خلاص حسيت فصلت
بصرخة صرت ادعي الله ياخذكم يا ظلام
ومااحس الاصوت أبهر لانطاهم أمر
الي مأعرف يمته رجع واجه .
رفعت عيوني اله متوسله بي وحجيت بتوسل وتعب تعبانة روحي منهمكه من كمية
الوجع والصدمات توسلت بي ساعدني
الله يخليك ساعدني الله يخليك
حجيتها بتوسل ودموع تجري وذلة
ـأبهر على كيفج بخوف حجى
أهدي شصاير وياااج شجابج لهناااااا ؟؟؟
واندار عليهم روحوا لشغلكم أني أتصرف .
الحارس أس تاذ شيراز طلب نصعدها اله
أبهر بعصبية وكز بسنونه: امشي من يمي اني أتصرررف ماتفتهم بالحجي
صرت أبجي لزمني من معصمي
وكال امشي على كيفج اهدي
اخذني كعدني على كرسي كعدت
وصرت أبجي بتعب ومنهارة
اشهك واحس سهام تنغرس بروحي اني انتهيت وكعت بيدهم وبعد ماجاي افهم شلون اطلع
اجيت لهنا وماردت بس مكان أشتغل وأعيش بي بعد مالدنيا جارت علية
مابقى شي ماصار وياية
كل يوم بيد واحد وكل يوم مستغليني
صرت أحس نفسي بمسلسل أمثل وكل يوم دور
بس المصيبة الدور واحد
والله مااعرفهم ولا الي بيهم يومية بمصيبة
تعبت اني همات بشر
ماكووو رحمة شطالبة
أبهر ضاربها صفنة يسمعلها خلصتي أرتاحيتي
رفعت عيوني اله وأنتبهت بتوتري وأنهياري
حجيت كلشي بقلبي
باوع مااريد بس تعوفوني بحالللي لو بشارع انام وبنص جلاب ولا ابقى بيديهم
أبهر تنهد : شسولج وووصلوج لهالحالة شنو صااار لخلا كل كبريائج ينهار .
أنفجرت بنوبة بجي وانهيار وارتعش واناشغ
واني اتذكر كلشي تازمأت حالتي
وحجيت بتعب وبحة كلشي يخطر براسك
صارلي كلشي مابقوا مكان بروحي ما طلقوا نيرانهم بي
اني مصابة بكل كتر مني
أقاوم بنص حرب خسرانه وداير ميدور كلهم ضدي
لو أحجي لصارلي تبجي على حالي .
أبهر بحزن وأسئ :ليش ماحجيتي؟
ليش ماطلبتِ مني أساعدج من أول ماشفتيني
باوعتله بدموع خفت تكون مثلهم خفت ولمثلي فقدت ثقتها بكل ابشر
أبهر تنهد وكام بشموخ بشنووو مهددج خالي
سكتت وانوب حجيت مااعرف
صابني شي من الامل تاملت أن راح يغير من وضعي
بعصبية رجع سأل احجي بشنووو مهددج ؟؟
وشنو طالب منج ؟؟؟
رحيق عضيت شفتي ومسحت دموعي مااعرف ماادري مااادري والله ماادري
ماااادري .
أبهر بشهامة تمام أبقي هناااااااا لاتتحركين
وكفت وبخوف كلت حروفي شراح اسوي ؟؟؟
التف بعيونه حدية والم تعرفين بعدين .
دخل وأني بقيت مترقبة بمگاني وبس أناشغ
وبقيت اعاطس على الاغلب أخذت برد .
أبهر
رحت لخالي من سمعت دموعها بجيها
حسيت بقهر قهر هووا ي
مو شر ط حب كد ماهو انسانية هالبنت ليش لحتى تذبل بهالعمر لان وكعت بيد خالي
لو لان ماكو أيد تنمد الها
ليش رحمة ماااكو حسيت بقهر بانتفاضة
من طول عمري اساعد المحتاج
وواوكف ويا المظلوم ماكدرت أتحمل أبقى
صامت كاني حجر عديم أحساس
ابهر بغضب صعدت شفت قزح
تنزل من الدرج خالي وين ؟؟
قزح بتعجب بالمكتب صاير شي؟؟
أبهر بنفاذ صبر : مايخصج رحت للمكتب
فتحت الباب ودخلت بتوتر
وغضب خااالي رايد أحاجيك .
شيراز بعصبية ملتهي بعدين ؟؟
أبهر لا هسة بحدية
شيراز رفع حاجب ولعق شفة السفلية بسرعة
شكو شصاير وياك اذ على سالفة عمك
لاتفتحها ولا تجيب طاري بيها .
أبهر لا بسالفة رحيق الله يحفظك ويرعاك
محد خلصان من شرك مو شيراز شرشبيل
بخخططك .
شيراز بعصبية أبهر الزم حدك لكدامك خالك
زعطوط كدامك ماعاجبك شري سوالفي
مامدخلك بيهن خلك بحالك .
ابهر. زفر انفاسه :
خالووووو فهمني وين ناوووي توصل هالبنية
لجووا شتريد منها من يومين جابها عمي
واختفت اجت عندك
فهمني السطلة خذت عقلك وضميرك
شنووووة رايد منهاااااا جاااوبني ؟؟؟
راغب بتدخل حبيبي ابهر انت مافهم الوضع صح .
أبهر انتَ مالك دخل ماوجهت سؤالي
الك أنتَ منو وترد ؟؟
هالبنية راح تتركها بحالها خالي
ارحم هالناس كااافي جبروت وغرور
شتريد منها فهمني
شيراز بلع ريك وحاول يسيطر على غضبه
شنو الي أريد منها
بينه عمل ينتهي وتروح بحالها
بعدين معقولة تهد على خالك علمود وحدة مامعروف فصلها منين
أبهر خالووو مو غريب هالبنية من فترة يم عمي وجابها تشتغل عدنه
صح مافاهم بالضبط
المصيبة لمدخلها بيها
بس واثق هالبنية الها علاقة بتهديدك لعمي
فبداعت ربك لخلقك عوفها بحالها .
شيراز : شدعوة هالكد مهتم الها لو ماكنت اعرف
أخلاقك گلت منطيتك ريج ومخليتك مخيل
عليها .
ابهر بغضب خالووا لا تستفزني بهالاسلوب
كافي جلبهار لماتت مظلومة من ظلمك .
خاف الله بالبشر شووية .
كلمات خلت شيراز يتعصب ويتنزفز ويصيح
بغضب أطلع برررا ابهر اطلع بررررا قبل
لا أزعلك مني عووووفني بحالي .
أبهر طلع بهدوء وهو يعرف داسله بطرف
حساس بس هو شاهد على لعاشت جلبهار
وحاول يساعدها بس قدر الله وماشاء فعل
ماكان بيده شي
نزل لجووا وبراسه تساؤلات لرحيق
أبهر اجاني بغضب وتورت باوعيلي زين
واحجي كلشي صااار والا انسي
أساعدج حرف أذ كذبتي بي
مااسال ولا احرك جفن لو يذبحج خالي
رحيق بخووف: كمت واعتصرت روحي بين فرحة امل ان يساعدني وبين خووف
أن يستغلني واكو فاينة براسه
رجع بعصبية كااال
هاااشقررتي تحجين لو تضربيها الصامت
رحيق بخوف وعلثمه اي احجي
شتريد تعرف ؟
كلشي كلشي تحجين بالحرف الواحد فهميني شنوووو علاقتج بعمي وشنو لجابج لخالي
والمخططط لسوااا الج علاقة بي ودريتي بي لو مجرد لعبة
رحيق من كال هيد بجيت وحلفت واللله مالي علاقه مااعرف شي اني وكعت بيد
سيهل صاحب ملهى وبعدين وداني
لعمك وتزوجني عرفي وبقيت بالبيت عدكم
أبهر شنووووو شنوووو؟؟ يعني هالتصوير لشفت متزوجين
لو شنووو
رحيق مااعرف شنو شايف انت بس عمك مالمسني وقتها لان هربت ووو
كملي لاتصكتين كملي خلي افتهمممممم
كملت بعدها رجعت لكاني وكال راح ابقى خدامه عنده لحين مااوفي فلوس الي اشتراني بيهن
تنهد ابهر وتنفس بعمق وبعددددد كملي
بعدها من كم يوم تعرضن لاختطاف اني وبيسان ووقتها فتحت لكيت نفسي مرجعيني
لملهى سهيل وبنفس اليوم انطوا امر
أتجهز وجابوني لخالك
وأني مو فااااهمة ولا شي والله
ماادري بي والله هم الي لعبوا بحالي
أبهر زين وخااالي شطلب منج ؟
ماطلب بالبداية شي لحد ماشافتني بنته
ووقتها صار لصار بيها وكال
لج مدة اسبوع تكرهيها بيج
شنووووو تخبل
ضرب على افخاذه بعصبية وحركة ومبين القهر بي
وبعددد وبعد مساع صاحلي وشغلوا المقاطع وصااار يحجي
وهنااا عرفت أن خالك مخطط لشي
كبير من خلالي والخوف تملكني انهاريت
وطلعت اركض ردت بس أخلص من هالجهنم
وانتَ اجيت والله مامكذبة وكل حرف
اقسم الف مرة علية حقيقي وصااار سااعدني وخلصني منه عسى مااصيرلك خدامة
ابهر استغفر الله أستغفر الله واتوب اليها
أبقي أسبوع هناااا مارضى تطلعين ويايه
وبعد هالاسبوع أشوفلج مكان ثااني
تكعدين بي .
باوعتله بتوسل وحجيت برجاء ماتگدر هسه
تطلعني منه فدوة .
أبهر هز راسه برفض خالي كال عنده شغل وياج
لمدة أسبوع بشنو مدخلج ؟؟!
باوعتله شدراني هو خالك الاكشر مخططات هواي .
ضحك بتك خد گومي أرتاحي .
گمت ورجعت التفيت علي شگراً گلتها باحساس
رد بهدوء العفو .
رجعت سالته ليش تساعدني ؟؟؟؟
ابهر تنهد وكان أكو حسرة بقلبه وكال كلمتين
لاني أنسان .
وعافني وراح دخلت على كيف باطراف أصابعي
صعدت وأتلفت يمين يسار ومااحس الا شيراز
گدامي أبتسمت بوجه ابتسامه غباء .
هو كال لراغب مع السلامة تندل الدرب .
وخزرني بس تعداني راغب مااحس الا شيراز
ملخني واني أخترعت وخرررر ايدي عوفني
جررني جررر شمرني بالمكتب. على القنفة
هالقنفة صارت تعرفني كلساعه ملزوكة بيها
شووية تنشب علاقة غرامية بينه ..
عدلت گعدتي وخفت والله شكله يخوف انوب
برود شكل وغضب بالاحساس .
انتجى على الميز ويلعب بسبحة بيده
ولايستقر شيخ العشيرة .
حجى بخفوت وهسهس اي رحيق شنو نمتي
بحضن أبهر وضل بال عليج ؟؟؟
شهكت بصدمه عززا لعزاك ياحضن ياصخام
صخمك
أنتَ شبيك قافل على النوم وألاحضان .
زفر انفاس حااارة غير شكلج يثير المطي مو
بس البشر وبعد هززاتج الغجريات مايلحگنج .
باوعتله وحجيت بتحدي ولو ندمانه على كلماتي
بس كلتهن ردت أحرك كلبه .
وشمعرفك بالغجريات بس لاامك تهز وياهن
من گلت هيج تخبل مااحس الا هجم علية
وصاار فوكي وشبعني راجديات أريد
أوخرررره أدفع بي مااكدر حاولت أحمي
وجهي بايدي وأصررررخ بعلوووو صووتي .
على هالصووت والصريخ مااحس الا ابهر دفر
الباب وبالگوة سحب شيراز عني وصااح بية
طلعي برااااااا وهو بعد يتهدد الكلب يريد
يموتني غير كاتله امه وماادري .
طلعت الوجه أحس يوزع اشعاعات نارية كد
مو حاررة وأنفاسي تلهف وبداخلي أحساس
بذلة واهانه ليش كلةهالاهاين والذلة
شماخذه منكم الله ياخذكم حقدت بدت
مشاعر حقد تتشعشع بداخلي ولحضتها
لو بيدي ارجع واضربه وأخذ حقي
رحت لغرفة خودان وسديت الباب وانتجيت علي
ماادري بيها كاعدة من شافت وجهي
البنية شهكت .
خودان مااما شبيج ؟!!
باوعتلها سودة علية هو انتي بيا حال حتى تفكرين
بية بس ارد افهم هيج واحد متوحش .
شلون خلف هالفراشة الرقيقة .
رغم دموعي وكسرتي سكتت رحت يمها
كعدت بطرف الجرباية وبوستها وأحس وجهي
خدران نمل والله مدري شنو صار بي .
وقلبي دقاته ماجاي تنتظم عبالك مشغليها محرك
واوي من سرعت انفاسي .
بوستها وكلتلها شووية وارجعلج طلعت
من الغرفة أدور أريد حمام أغسل خلقتي أجر
نفس لاگني ابهر وهو وطالع من مكتب
شيراز
شو طالع متنرفز واجه ثاير علية
باوعتله مااحس الا صيح بوجهي شكد
جذابه وحقيرة انتي مدام خالي متزوجج
وبموافقتج على شنو هالتمثيل
أذ رايده فلوس گولي بس مو گاعدة
تبجين كدامي مسوية روحج ألاميرة المظلومة .
من صدك أنقهرت عليج وأحترك كلبي
تالي يطلع تمثيل منج علمود شكم فلس .
منه معصبة وستوي مشعول جدي السابع عشر
وهذا مصدك خاله حجيت بعصبية ونار قلبي
خاب صدك أنتم مو زلم وعيب كلمة زلم بيكم
يامخانيث مو صوجك صوجي
اني وثقت بيك أذ خالك شيراز العار وعمك
شيراز المشتهي شتطلع مثلنا .
امام جامع لو الغيرة تنشال بسطل منك
هي بقت على خالك خلي ياخذ
حيف مني بس والله
والاسم الله أذ مااخذ حقي منه أضعاف
وثالث ومثلث مااطلع بت الناصرية
اني مندمجه أحجي ومامنتبها لشيراز لواكف
وراية وسامع كل رزايلي والغلط لحد ماگال بصوت جهوري واضح
