روجداية ذاري النجوم الفصل العشرون بقلم زهراء السراي
اني أطيل حديثنا أذ يبتدي
وانا بطبعي لا اطيل كلامي
خير الكلام اقله في مذهبي
الا حديثك ملجئي وسلامي
:
:
:
:
:
:
ليل
✥━━━༺✦༻━━━✥
ليلة لو باقي ليلة بعمري
أبيه الليلة وأسهر في ليل عيونك
هي ليلة عمر
ليلة لو باقي ليلة بعمري
أبيه الليلة وأسهر في ليل عيونك
هي ليلة عمر هي ليلة عمر
يا الله يا الله يا الله
يا الله وش كثر إنت جميلة
يا الله يا الله يا الله
يا الله وش كثر أنا أحب أنا أحبك
أحلم وأحلم بك دايم جنبي
وأنا صاحي ونايم
يا اللي أيامي بدونك ما هي من العمر
ما هي من العمر
البنات حوالية يتمايلن ويسولفن
الاغنية اللي احبها مشتغلة واجواء
الفرح تشع من الغرفة مالتي
متجمعات اللي تمكيج واللي تلبس
واللي تسشور شعرها
اني عيني منهم مبتسمة عالفرحة اللي
حاساتها وياية
بنات خالة سهامة رغم حزنهم
وبنات خالة سنية وبناتهم اقرباء بابا
الكل حواليه وكل وحدة وگفتلها بيوم
اليوم واكفتلي بفرح يمنى تعدل خصل
شعرها مشتلي من شافتني صافنة گعدت
بصفي
-الياخذ عقلچ يتهنى بي
ابتسمت وضربت راسي براسها
-حماااااچ الافندي ماخذ عقلي
-والله وصادچ سيادته
دگ تلفونها قبل لاترد
-گوووومي للصالة
صاحت للبنات
-يابنااااااات يلا خابروني راح يوصلوووون
يمنى رغم هي من جهة العريس بس اختارت
توگفلي بهاليوم مثل اخت
غيد بصفي لزمت ايدي مبتسمة
-ليش ترجفين ليل
-شو خجلانة
-افرررحي هاليوم من العمر گووومي
گمت واجاني صوت هوسة بيبي
-مسووودن واخذله مدللة
ضحكو البنات وهي تهوس خلتهن يرگصن
اجتني لزمت ايدي
-لزمي لبسي هذا المحبس هم شذرته
زرگة من العين وهم بي اسم الله محفور
بست ايدها جرتني تهمس
-يابيبي لو مالابسة هاللون اسم الله
عليچ يشع شع لا تنطگين عين
-حلووو بيبي والله
-هو چيف حلو اخاف عليچ
باوعتلي بتمعن وابتسمت
-اختاره الچ المسودن موووو
-لا بيبي والله اني احبه
سحبتني من ايدي وطلعت بيه هي
والبنات للصالة گعدنا بأنتظار
جيتهم الصالة المزينة بالاضاءة الهادئة
والكوشة البسيطة اللي زينوها البنات
ورتبوها بالوان تناسب فستاني اصوات
الفرح
زوجات اخواني اثنينهم فارس اللي
ترك كل شي بتركيا واجه علمودي
وزوجته اللي مناك جابت الفستان على ذوقي
زوجة ضرغام اللي اخذت دور الاخت
وسوتلي تجهيزاتي ومخلتني ادوخ
جو من التفاؤل والراحة مالي المكان
واني واحبابي مجتمعين
بهاليوم احس نفسي مو مجرد عروس
حسيت نفسي قصييدة عراقية كاتبها
شاعر عاشق كل شي عالطريقة
التقليدية التوزيعات والضحكات
واللمة ماكو افراط وسوالف زايدة
ارتفع صوت البنات ويه صوت السيارات
ويمنى بسرعة خلت بيدي المرايا
باوعت لمكياجي لشعري المنسدل
على اكتافي ولون فستاني الماروني العميق
المايل للسواد
ينساب على تفاصيلي بقماشته الحرير
الناعمة بردن طويلة
من الدانتيل المشغول بدقة ونعومة
والفتحة اللي مزينة الظهر بنزاكة
شعري اللي ملونته الحنة
تركته يتمرد على كتفي
بتسريحة نازلة
ارتفع الصوت والهول انملى بالرياجيل
وصوت البنات فرحانات بين يوزعون
وبين اللي تفتر بفرح تنتظر كلام بابا
حتى نبدي العقد دخلو العمات وبقية
النساء من عوائلهم ماما ادت الواجب
وزيادة بس تصرفهم چان حقير ماسلمو
على بيبي بيبي كالعادة مامهتمة ودايستهم
بالسكتة بعد كلام واتفاقات صاح بابا
-ام ريحانة خلو البنية يم الباب
نتمم العقد
اخذوني البنات بجانب الباب خلو
على راسي اسدال ابيض مطرز
وبده الشيخ يلقي صيغة العقد
بهاللحظات تحديداً حسيت بمعنى
وبقدسية العقد الشرعي
العقد مو مجرد كلام لا
هذا ميثاق غليظ يتوثق بالسماء
قبل ميوثق بالأرض
اسمع صوت الشيخ يتردد بوقار
وصوت القرآن اللي يتلو يملي أركان المكان
سكينة وهدوء الا دگات گلبي اللي
چانت تدگ بسرعة مثل طبول الحرب
حربٍ چنت أعلم يقيناً أني الخاسرة الوحيدة بيها والرابحة بآن واحد خسرت التحدي
وربحت گلبه چان صوت هاجس ثابت
بثبات عسكري متمرس ومنحني شعور
أمان غريب واخيرا اطلق الشيخ السؤال
ورديت
-نعم قبلت
جاوبت وحسيت بقشعريرة تسري بكامل جسمي
هاجس بعد مو ذاك القريب المستفز
لو الجاثوم اللي يطارد احلامي
صار جزء مني فرض نفسه على گلبي
الى أن تملك مشاعري
بعدما ارتفعت أصوات الهلاهل والمباركات
شعوري چان غريب مزيج غامر من الخوف اللذيذ والمسؤولية العظيمة اللي مقبلة عليها
گوموني من مكاني يم الباب ورجعت غيد
ويمنى عدلو شعري وبيبي حواليه تقرا المعوذات
وصاحت عمته
-لبسو حجابكم اجه العريس
انفتحت الباب بهدوء ودخل عليه
بهيبته المعتادة ببدلة رسمية سودة
انيقة وقميص ابيض يعكس سماره
وجمال ملامحة وعيونه المتلاعبة چانت
تباوعلي وكأني نصره المنتظر
اللي مسبقه اله أحد
هدوء صاب روحي وهو يقترب
مني رغم ضجيج الحولي بس مااسمع
شي غير خطواته الرزنة
وهو يتوقف على بعد خطوة مني
مدلي ايده لزمت كفه ووگفت
وصار يتأملني من أخمص رجلي
لخصلات شعري
رفع حاجبه بابتسامة وگال
-ماشاء الله
وتقدم مقبل جبيني كدام الكل
تقدمت ماما وعماته بيدهم علب
الذهب خلوها عالميز وماما اشرتلنا كعدنا
والهوسة صارت اقرباءه يهوسون
والبنات يلتقطولنه الصور
تقرب مني وهمس
- هالحسن هذا كله وين چنتي ضامته
ابتسمت ورديت
-تحت الحجاب
تقربلي وهمس بخبث
-حجابچ اللگف مال العيارة
رفعت عيوني باوعتله صفح وضحك ضحكة
خافتة
-روضتچ وحققت الاريده
-سيادتك تعودت تروض الخصوم
مو الكلوووب
-الخصوم ننهيهم برصاصة
غمز وكمل بسخافة
-واني قررت اهزمچ بغير اسلوب
گالها ولمس طرف شفته
-تحللللم
-عبالچ هذا العناد يخلصچ مني اليوم
بالعكس هذا عنادچ اللي خلاني أحلف يمين إنچ
تتوسدين هالصدر وهالسنة
حسيت برجفة لذيذة تسري بدمي
اثر هالكلمات بس حافظت على هدوئي
-الحب ميجي بالفرض يجي بالاستحقاق
قطع حديثنا كلام عمته ام يمنى
-يلا عمة لبسها الذهب
فتحولة العلبة طلع الحلقة ولزم ايدي
خلة الحلقة وضغط كفي كأنه يعلن
انتصاره هووو
لبسني الگلادة وذب نفس وهمس
-يمتى تفضض وافرغلچ
لبسني السوار وخلصنا وارتفعت الهلاهل
والهوسات تقرب لأذني ورد
-اما عن الاستحقاق فآني
استحقيتچ من ذيچ اللحظة
اللي شفتچ بيها بوسط الموت
اليوم وگعتي بالفخ يا دكتورة وبإرادتچ
جهزي نفسچ للجاي
كتم ضحكته من شاف وجهي بهت
كحيت اجلي صوتي
وابتسمتله ببرود ظاهري وگلب يشتعل من
كلماته
-نشوف سيادتك الحرب لسه ببدايتها
رفع كف ايدي باسها من باطنها صايب
جلدي بقشعريرة
- والنصر دائماً من نصيب الأقوى
-مغرور
گلتها وايدة مرت بسرعة خاطفة
گرصت خصري ووگف ولا كأنه مسوي شي
استأذن ابو وجده وبابا دخلوا
وسلموا وباركوا واخذنا صور وطلعو
كلهم سويه وزعو البنات الضيافة
واستمرت الحفلة لقبل المغرب
عماته اللي چانو وجهم مگلوب
وام يمنى اللي كل شويه مگعدة
يمنى متخليها تتحرك كالو يلا
الزلم طلعو
بوستني يمنى وطلعت
رغم اصرار اهلي ان يبقون عالعشا
لكن رفضو فرغ المكان بعد ماالكل
بوسنا وسلم وبقو بس بنات خالاتي
يساعدون ماما رحت للحمام اغسل
تلفوني بيدي رن
-جاثوم
-ظلام
-مبروك عليك اني
ضحك ورد
-اليوم العشا يم الحب جهزي
نفسچ
-ليش وينك
-هنا جاي اغسل بره معزوم عالعشا
اكلچ حب
- محتاج شي
- شفايفچ
گالها وغلقت الخط واني صفنت
بالمرايا رجع اتصل
-ابوچ لييييش احبه لأن مثقف جدي قنعة
وگال عشاك انت وزوجتك بالصالة
وهو وجدي وابوي گاعدين بالحديقة
ابوچ عباله راح اتعشى تشريب
ميدري ببته وجبتي اليوووووووم
رجعت غلقت الخط وماما اجتني
مخبوصة
-الصالة جهزوها البنات روحي
يم زوجج ماما واني اجيب العشااا
-فدووووة فكرتمن هايه
-خالي ابو كمال
-زين خل اغير فستاني
-انچبي ابقي بكشختچ ماما
عروس انت تركي البجايم والتراكات
تركتني وراحت غيد اجت سحبتني
-تعاااي جددي الحمرة
مشيت وياها للغرفة جددتلي
الحمرة رشتلي عطر
-تووووكلي ياعروس
دگ تلفونها هدأت ورجعت رفعت الشاشة
گدامي
-شوووفي هم اتصل
-ردي علي والله وطن مؤدب اني اضمنه
الچ
-بعدني تعبانة
-ردييييي وانطي انفسچ مجال
دفعتني طلعتني للصالة فتحتها
ماكو احد گعدت اگلب بالجهاز
اباوع للصور اللي صوروها البنات
بجهازي
اندگت الباب ودخل وگفت آني
وهو دخل غمزلي وگعد بصفي بس هادئ
-بنت سلطاااان فحطتيني ورااااچ
ردت ارد وانفتحت الباب
دخلت ماما بيدها الصينية خلتها على ميز
الطعام اللي بنهاية الصالة بالزاوية
-تعشو ماما وتهنو اخذو راحتكم
واعذرنه حبيبي عالتقصير
-معدلين مابيكم قصور
گعدي ويانه عمة
-لا امي تتهنون
طلعت ماما وهو وگف اشرلي
-تفضلي دكتورة
گعدنا عالميز واحد بصف الثاني بس
مسافة ساد الهدوء
محمل بأنفاسي الثگيلة فتهديداته
السابقة مازالت عالقة بذهني
باوعت للطاولة عامرة بالاكل
بس حسيت عيونه جوعانة لشي
غير الاكل
أحاول أن أبين طبيعية
لزمت الشوكة بيد ترتجف شويه
أحاول اركز بصحني هربا من نظراته اللي
چانت تخترقني
هو گعد نزع ربطة العنق ببطىء
ورخى أول دگمتين من قميصه ونزع السترة
وكأنه يمهد لشي ماله علاقة بالاكل
حاولت ابين طبيعية
-شبيچ دكتورة شنو الأكل ما جاي يعبر ببلعومچ
لو خايفة من الجاي
گالها وهو يميل بجسمه ناحيتي
يراقب ارتباكي بأبتسامة
رديت وأنا أحاول أستعيد قوتي
-ما خايفة بس مالي شهية
ضحك ضحكة خافتة وترك الشوكة من إيده
دفع الصحن لبعيد واتكتف وسند ظهره على الكرسي
وعيونه سكنت بشفافي بنظرة خلت الحرارة تصعد لوجهي
-أني هم مالي شهية للأكل
شهيتي اليوم انفتحت على شي أطيب
توترت وحسيت الغرفة صارت هالگدوتها
-هاجس تعشى وبطل هالسوالف الناس بره
باوعلي ولمس خصلة من شعري وهمس
-طز بالناس
فجأة وبحركة سريعة گام من مكانه واجه وكف بظهري حسيت بحرارة صدره لامست ظهري وفستاني
اللي مفتوح بتول خفيف من الظهر انكمشت على نفسي وايدي حضنتني واني بالكرسي
وأنفاسه بدت تلعب ورا أذني
همس بصوت زلزل ثباتي
- تتذكرين وعدي
هزيت راسي بالرفض ورجع همس
- الجاثوم قرر ياخذ حقه
دار الكرسي بيه صرت وجه لوجه وياه
دنگ لمستوايه وحاصرني بأيديه على مساند الكرسي عيونه چانت تلمع بجرأة ومشاكسة خلتني أشهگ بخفة
-هاجس عفيه خلينه متحظرين عيييب
هز راسه ونظراته تلتهم وجهي
-اممممم متحظر اني حييييل متحظر
ايده امتدت ساندة راسي مثبتة وبالثانية
مرر إبهامه على شفتي ببطىء مستفز
وهمس وهو يقرب وجهه أكثر وأكثر
لحد ما اختلطت أنفاسنا
-كااااافي لغووووووة
گالها ووگفني ويا وبرجله طبگ
باب السلايد اللي يفصل غرفة الطعام
عن بقية الصالة
حسيت بروحي انسحبت لدوامة ما إلها مخرج
وگف گبالي وحاصرني وسد عليه حتى الهوى
إيديه القوية امتدت ورا ظهري
واستقرت على خصري
سحبني لجهة صدره بقوة خلتني أصطدم بي
لدرجة المسافة انعدمت وصرت أحس بكل دگة من دگات گلبه العنيفة وهي تسابق دگات گلبي
الخايفة
چان محاوطني مثل السياج
ذراعه اللي حول خصري حاوطة بأحكام
رفعت راسي بصعوبة وسط هذا الحصار
وجهه چان قاب قوسين أو أدنى من وجهي
أنفاسه اللاهثة بدأت تداعب بشرتي
إيده اللي على خصري بدت أصابعها تتحرك ببطىء وكأنه يرسل رسايل مشفرة لدمي بأن الجاي ماراح يكون سهل أبد
چنت ضايعة تماماً تحت هالاحتواء
حاولت ادفعه عني شدني اله وهمس
-هالحضن چان حلم وهسة بالحلال الا العب
جوووووولة
دفعته ولا تزحزح احاول ابعد نظراتي
عنه حتى مااستسلم رديت وصوتي اهتز
- الحلال ما يعني تكون همجي اهدأ شويه
ضحك ضحكة خافتة وقرب وجهه أكثر لحد ما طخت شواربه بخدي
-اليوووم اصييييرلج قمة الهمجية
شمررررت اخلاقي بره هالباب ودخلت
-هاجس الناس بره عيب
-طز بالناس
-جدو وبابا وعموووو
-ادرررري حبيبتي طززززززز بيهم
-ماما وبيبي وبنات خالاتي
-طززززززز حبي
اصابعة تلمست الگلادة وباوع لرگبتي وضحك
-شوفي رگبتچ شلون جاي تنبض لييييش خايفة
-غلطااااان
-اممممم صح
گالها وهو يباوع لشفافي
ماكو مفر محاوطني بالكامل بين ادي
نزل راسه وصارت أنفاسه تضرب وجهي
بهدوء من نظراته واضحة النية
همست قبل ليتهور
-هاجس عفيه
طلعت الكلمة مني مخنوگة
توسل ممزوج بضياع وترقب
ابتسم وميل راسه
وهمس وهو يحاول بأن يهديني
-شنو ليش العفيه ماكو شي
باوع بعيوني بمكر وفجأة
وبدون سابق إنذار نفذ وعده
إيديه اللي چانت مثبتتني
تركت خصري وارتفعت بغابة شعري
لف أصابعه بخصلاته وجر راسي
والتحمت انفاسنا بجرأة منه وخوف مني
سحبت نفسي مرتجفة خوفا من اي يدخل علينة
احد
رغم الضياع اللي چنت بي
ورغم أنفاسي المخطوفة حاولت ألملم بقايا كبريائي رفعت عيني لعيونه بسخرية وگلت بصوت حاولت أخليه ثابت رغم رجفة شفافي
-همجييييييي
ابتعدت عنه واني اعدل شعري
وانظم انفاسي صغر عيونه ونظرة التحدي
اللي بيهم صارت أشرس ضحك ضحكة مكتومة
وهز راسة وگال
-البوسة الأولى چانت مجرد تحية عسكرية
هسة راح أعلمچ شلون يكون الاحتلال
بلمحة بصر وبحركة ما انطتني مجال حتى ارمش
ما انطاني مجال أرد استلم زمام الامور
ببوسة خاطفة گطعت انفاسنا
ابتعد متلذذ باللي سوا وهمس
-عاندي بعد خلي أشوف هالعناد وين يوصلچ
رجعت إيده لفكي لزم وجهي بقبضة وحدة وجبرني أباوعله گال بأستفزاز
-گولي استسلمت
هدأت عاصفة شعوري واني اباوع
لعيونة خصلات شعري تمردت وحاوطتني
يرتب بيهن لمس خدي گوه نطقت
-هاااجس
باوعلي وعيونه اكتستها نظرة راحة
-حبيبتي
مسح على خدي بعد ذيج العاصفة والجنون
هدأ كل شي حوالينا وتناغمت دگات گلبنا
هدأت وذبيت راسي على صدره
ملامحة ذابت فجأة تراخت قبضته القوية على خصري وتحولت لمسة إيده من تملك لاحتواء دافي سحبني لوسط حضنه بكل هدوء
ولف ذراعه حواليه وكأنه يلم شتات روحي اللي بعثرها بلمساته
دفن وجهه بشعري وشم ريحة الحنة بنفس عميق وطويل
-حنننننة يابنت الكلب
-لاتغلط
لمني اكثر بين ادي وضحك يفسرلي كلامة
-بفاتحة خالتچ صعدتي للسيارة
وانملت ريحة حنة بليلتها مانمت
مشط خصلات شعري بيده
واطراف اصابعه مسحت على رگبتي
بحركة حنينة وهادئة تمحي أثر الخوف والتوتر اللي چان بيه ذبيت نفس وسندت نفسي
كلي لحضنه نزل راسه بمستوايا
- وين العناد شو صرتي مثل الطيرة المبللة بيدي
گالها بصوت ناصي بس هالمرة چان خالي من الاستفزاز
ضربته على صدره ضحك ورفع راسي باوعلي
-نيلز شلووون طول
-انت نخلة اني شعليه وبعدين اني طولي ١٦٢
بلمحة بصر حسيت بالهوى من تحت رجلي
رفعني بسرعة من الگاع تمسكت بأكتافه بقوة وصرخت بخفة گعدني عالميز وحاوطني بإيديه صار وجهه بمستوايا بالضبط وعيونه بدت رحلة استكشاف بكل تفصيلة بوجهي ردت أحچي باوعلي بحدة ومكر
-لتلغين خل اشوفج عدل
تجولت عينه على وجهي مكياج بسيط
مسكارة وسحبة عين بسيطة
وحمرة نود اشك ان باقي
منها شي بعد اللي سوا
شعري خليت حنة لونته
بلون غامق ماروني
وفستاني بگصة تول عالصدر
امتدت ايده مسح على رموشي
-عيوووون عذبة العرمة
-ليكون مو عاجباتك
-يكتلن كتل
تقرب لوجهي تراجعت
-الميززز راح ينگلب بينه
-رجعي لمكانچ لچ
رجعت باوعلي
-شنو اخضر حشيشي شهاللون
عيون لو ملعب تارتان
-زيتوني سيادتك
مد ايده لزم كفوفي وقارن بياض إيدي بسمار إيده الخشنة
- وشدعوة هالبياض
-اعترررررض على خلقة الله بعد
-لوووونيش يتوصخ بسرعة
يرادلة مداراة
ضحكت واخذت زيتونة من صحن الطرشي
خليتها بحلگه
-تعشششى وبطل تصنيف
وراها روح لبيتكم نعساااانة وأريد أنام باچر وراي دوام
أكل الزيتونة وهو يباوعلي بمكر
وفجأة سحبني من الميز ورفعني بين إيديه
-بوووسيني خل أوووولي يلا
لا تخليني أغير رأيي وأفرش هنا بالصالة
بست خده باوعلي رافع حاجبه
-شننننني بويه اني اخوچ
بوسي عدل
نزلت نفسي من بين ايدي وعدلت
فستاني
-كااافي تعشششى
غمزلي وگعد
-الجايات هووووايه
گعدنا ناكل
ونسولف نص ساعة ووگف
-باوعي خوما بيه حمرة
-لا ماكو شي
بيدي كلينكس مسحت شفافه احتياطاً
مسحت خدوده وجبينه
رفعني بسرعة صرت بمستوى
مدلي شفايفه
-شنوووو
-نگريني بوووسة خل اروح
بسته بخفة ونزلني
-يلا حب محتاجة شي
-سلامتك بس سؤال
-جواب
باوعت بعيونه مبتسمة
-ليش حبيتني
نقر جبينه بجبيني وضحك
-لأن الأقطاب المتشابهة تتنافر والمختلفة تتجاذب واني وياچ الشي وعكسه
اني نار وأنت مي
اني حرب وأنت سلام
واني جاثوم وأنت ليل لذلك ………
نفخ نفس طير گذلتي وكمل
-لذلك حبيتچ واعتبارات ثانية
هم
نزل عيونه بوقاحة يتفحصني
دفعته ناحية الباب وهو يضحك
قبل ليفتح الباب ويطلع مد إيده لخصري وگرصني گرصة خلتني أفز
-همممممممجي
- مبروووك عليچ أني
ومبروك عليه هالمصيبة
گالها باس عيوني وطلع بسرعة
طلع وبقيت أني ألملم شتات گلبي
اللي على غفلة مني دگ لجاثوووم
رحت شلت الصحون وطلعت بره
للهوسة ماما والبنات وبيبي كلهم
بالهول يتعشون
بيبي عالطبلة لأن متگدر
تگعد بالگاع اشرتلي
-تعاااااي
-ها بيبي حبيبتي
-لا حبيبج المسودن انا بيش الكيلو
حضنتها بست راسها شاورتني
-المحابب خلي للعرس لا تتوازين
ضحكت وهمستلها
-بيبي مو اني هووو سرسري
-مسودن روحي يابعد
روحي غسلي وتعاي
رحت غسلت وغيرت ملابسي
وگعدت يمهم البنات وبناتهم شابات
تبارك الله اغلبهم جامعات
لمة حلوة ضحك وسوالف وذكريات
خالة سهامة حاضرة بينه
لنص الليل الكل نام البنات
يرحون لبغداد واني عندي دوام
نص بغرفتي ونص بالصالة
غيد يمي عالسرير عينها بتلفونها
صافنة وتبتسم
-شدزلچ الخبل
-بزونته شوفي
يبوووو هاي مسميها فدعوس
-ههههههههههههه والله مخبل
-وحنون ومااااكو مثل گلبه
ابتسمت وردت علي
واني تركتها حتى انام رن التلفون
يم راسي فتحت الخط وهمست
-الوو
ذب نفس مرتاح وگال بهدوء
- الطعم لهسه احس بي
-شعبالك طبخ ماما لا يعلى عليه
-لا مو طبخ ماما
طبخ بتهاااااا طعم ككاو رهيب بالحمرة
-سخيييييف
-وزيدي عليها همجي ومسووودن
مثل ماتگول عذبة
-كون متحظر
-اوك لازال طعم شفاهكِ بفمي
-ههههههههههههههههههه
-اووووويلي
-ليش متنام وترتاح
-شو عبالي من اخطبج ارتاح طلع العكس
-هيج صارت
-شوفي وحكمي
دزلي صورة عالماسنجر
واني گاعدة من الجانب شعري
على كتفي وطالع جزء من ظهري ورگبتي
-الملعوووونة الصورتچ حرگت ابووووها
على هالصووووووورة
طلعي من دماغي يمعودة خل انطمر
-هسة اني لازمتك احذف الصورة ونام
-وشيحذفها من بالي
همست بخبث
-خليييييها ساكنة بالك هذا المطلوووب
بست التلفون وگلتله
-تصبح على خير سيادتك
سديت الخط والرسالة اجتني بشعر
فاااحش
-اشتهييتك كووون
بس ياكووون
ارررريد الكون تتحقق
ااااااخ يابنت الحباااااابة اخخخخ
-بلوووووووووك
-اجيج بخفارتچ حظچ اطيحه
دزيتلة ايموجي بوسة وطلعت
من المحادثة حتى انام
غفيت وصحيت بتعب على ايد
ماما
-لچ ماما متأخرة گوووومي
وراج دوام
گعدت بسرعة غيرت ملابسي
لبست وطلعت لبيبي بغرفتها
بس شافتني
-تعاي ارقيچ
قرت المعوذات بستها وطلعت
بنص الطريق واتصل بيه
-صباح الخير
-صباح الخير حب هااااا
لازم تفكرررين بيه
ضحكت ورديت
-وليش مااافكر بيك
-اااااااخ يابه وبعد
-وبعد راح اندعم واصير عروسة
الجنة
-متأخرة اليوم
-اي اكو واحد سهرني
-رووووحي ليصيرلج قدر
من يصيرلج مجال دزيلي رسالة
-اوك
ودعني وراح دخلت المستشفى
اخر اياااااام الاقامة المرحلة هايه
مجهدة جداً خفارات مستمرة
تعامل مع حالات حرجة تعب وجهد مضاعف
انشغلت بالشغل لحد العصر اتصلت بي
واني متمددة عالسرير بغرفة الاستراحة
-الوو
-هلاااا ومسهلا شو تاخرتي
-الشغل مضاعف هاي اخر
الايام ورايا كووومة شغل
-گال نوح نتوزع للأطراف
يعني يادكتورة راح تبتعديييين لاخر
الدنيا واني بعدني ماشبعان منچ
-تلحگ
-مااااالحگ
صدر صوت صرخة عالي وهو يحاجيني
-شنوووو جاي اتعذب احد
-تحقيق حب
-تحقيق لو تعذيب
-مستحق خلي يربووووو
-شصاير
-هو صاحب مولدة وناس موديله ابنهم
الصغير بيدة الفلوس
گايم معتدي علي ومحاول يخنگة
بس بنفس اللحظة طاب ابو الطفل اللي
اساسا چان بالشغل گايلتله زوجته دزيته
يودي الفلوس لاحگ ابنه
من طالعله هذا مستعجل ساد الباب عالطفل
والطفل المسكين گايم يصرخ
-لاحووووول الله شگد حييييوان
-مو اگلج مستحق هسه استلمو
الشباب ربو المهم خل يولي
فرغيلي نفسچ للعقد مال المحكمة
-ماالحگ هالايام شوف بس اسبوع باقي
تخلص الاقامة وراها امور ادارية واوراق
ينطوني انفكاك فد كم يوم وتتدلل
-تمام اتفقنا
-تدري جووووعانة ونسيت نفسي
مااكلت
-جايچ
سد الخط واني صافنة شغلة
ساعة ودگ التلفون فتحته وهو يسالني
-وينچ
-بالطابق السادس بغرفة الاستراحة
صعد ورة دقايق اتصل طلعتله
بباب المكتب ابتسم
ودخل
-احلى فقرة
-شنوووو
خلة الاكل عالمكتب وفتح ادي
مشيتلة اخذني بحضنه
-فقرة الشعر المضموم بالحجااااب
رفعتلة راسي باوعتله صفح
-عبالي فقرة الحضن
-لا هاي منتهين منها
رجعت سندت راسي على صدره
باس راسي وابتعد
-جووووعان وكليني
فتحنا الاكل وهو ويايه ياكل باوعلي
-بالله اليشوف حجمج هذا يصدگ
بيچ تضربين ثريد
شلت لگمة خليتها بحلكه
-لتحسدني
اكلنا وگمت غسلت بداخل الحمام بالغرفة
دخل ويايه المكان هالگدوته
صار ورايه مد ايده حواليه واشرلي
-غسليلي
غسلت ايده سند راسه على كتفي
اشرلي
غسلت شفافه ورجع وكف
طلع تلفونه واشرلي
-اضحكي لچ
ميلت راسي وابتسمت التقط الصورة
والتفتت علي
-خنگتني
كفخني وطلعنه بره ايده
بسرعة سدت البردة الصغيرة عالباب
وطگ القفل اليدوي بي
-شكووووو
-اريد شغلة صغيييرة
رفعت اصبعي بوجها
-مكاااااان شغل ميصير
-انعل ابو الشغل
سحبني ولزم وجهي حيل زم شفايفي بيده
وگزگز عليه عض خدي على كيف
-ايييييي ليش
حاوط وجهي بيده
-هاااااجس عفيه لا
لزم وجهي بأحكام وهمس بهيام
-لذة البوسه يخايب من تگلك عفيه لا
وبدون ما ينطيني مجال أرمش
أخذ اللي يريده وچانت عبارة عن زلزال بوسط هدوء المستشفى
بعد وجهه عني
لزم فكي بأيده الخشنة ورفع راسي لفوگ وهمس
-اجيييت علمود تحية المساء
لذني
گالهة وتلمس شفافي
-احممم كافي هاجس
يعني جاي تخوفني هاي بعد
كل منلتقي تبقى بهالسوالف
-لاااااا اكييييد
-عفييية بالحباب
كلتها وگرصت خده ابتسم
وحاصرني بين صدره وبين المكتب ورد بتلاعب
-بعد اسوووي الاعمق من نلتقي
كالها وشمرلي بوووسة
-معزوووومة عالعشا باچر اتصلت بأبوچ
جهزي نفسچ
-تمام
-هالمرة نكهة الحمرة بيها فلفل
-تنفخ الشفايف
ضحكت علي وهو باوعلي
-وبعد شتنفخين بنت الحباب
-شويه تغييير
-اي لا تغيييرين تزيدين حلا وتخربييين ام
الافكااااار
وگف بباب المكتب فتحه
-ولتطوخين الحمرة منا وجاي
-تددلل
-وبعد
-ومن عيوني
-وبعد
-انفضحناااااا بعد احنه بالمستشفى
شمرلي بوسة بالهوا وطلع مودعني
كملت الخفارة بتعب ورجعت للبيت
لگيت البنات رايحات والبيت فرغ
من اصواتهم الحلوة بيبي تصلي
الظهر وماما بالمطبخ وبابا بالمجمع
اللي فتحة
رحت لماما مجهزة الغدة گعدت اكل باستعجال
بس اريد انام
دخلت بيبي وگعدت بستها
وخلت گدامي گلاص مي
-لاتغصين بيبي اكلي بهداي
-اررريد انام تعبانة بيبي
-خابري على غيدة ردتها تظل بس
ابوها مارضى
-ان شاء الله بيبي
طلعت لغرفتي غيرت ملابسي
وغطيت بالنوم بلا احساس
للعصر ماما تگعد بيه بسرعة
-لچ مييييييتة الولد بالصالة
منتظرج مو متفقين تتعشون بره
ثواني استوعبت الكلام گمت
بسرعة غسلت وجهي لميت
شعري ليفوگ ورحتله
-السلام عليكم
-لك هلا بجعفرررر
گعدت بصفه بعدني نعسانة وبراحة
سندت راسي على كتفه
امتدت ايده حوالين كتفي
تمسح بهدوء غمضت عيني
وهمس
-غيرت رأيي
-شنو
-احلى فقرة هاااايه
رفعتله راسي وشفت ابتسامة تجنن مرسومة
على شفته
-من اشوفچ گدامي بلا تكلف
ومن تستندين عليه تدورين راحة
كلامة الدافي خلاني غمرت راسي
بصدره باس راسي ورد
-هو صح اني ارتاح بس
هم بعدني ساقط طالعة تشگين
بهالتراك ونعسانة ووجهج يشع
حمار ودفو وترديني اگعد مؤدب
فزيت ووگفت
-راح اغير ملابسي
-يلا منتظرج
طلعت محترمة نفسي غيرت ملابسي
وطلعتلة بيبي يمه والقصف بينهم متبادل
-اي لاعبالك لخاطرك ولخاطر جدك
اطيتك بنيتي
-ولخاطر من بالله عذبة خانم
-لخاطر ابوك كمال مأدب احبه
وعادته وليدي
-خل اگلچ شغلة عذوووبة
-عذبوك بنار جهنم
-بعد روحي اني وياج سوووه
سمعيني
حفيدتچ عاشگتني
هزت ايدها بيبي ووكفت
-صخونة لهالحلگ
ضحك واشرلي
-يلا حبيبببببتي امشي
-حبتك حيييية
باوعتلي وهمست
-مو يضحك عليچ ويگلج تعاي
اشوفچ بيتي
سمعها وخله راسه بينه
-لا حجية الزلم من تريد تفعل وضع
الشيطان ماتحتاج بيييييت
فتحت عيوني وخزرته وهي ضربته بعصاتها
-تاخدها وتردها صاغ سليم
سمعت
اشرلها على عيونه وطلعنا
فاتح التبريد مد ايدهوشغل اغنية
راشد الماجد ويارا وكلماتها الرقيقة
تناغمت ويه حالتنا وكفة غمر كفي بهدوء
محاوطني
-انا جيتك يالحبيبة قبل موعدنا بدقايق
و كنت منتظره و كان الجو رايق
رحت اسولف عن شجوني
و عن احاسيسي و ظنوني
وقلت لك اني احبك
ياللي ماليتن عيوني
كل هذا كان في لحظة غفيت
وفجاءه من نومي صحيت
و مالقيتك يالحبيبة
يدندن وياها واصابعه تتلاعب بكفي
خلتني اخجل
-وين تحبين نروح
-بكيفك انت
-مكان هادئ ونتسوفل
-شگلتلك بيبي
-ااااااخ عذبة لاترحم بالماضي
ولا المستقبل
ضحك وكمل
-لا نروح مطعم عالشط براحتچ
-تمام
مشت السيارة لحد مااستقرينا
بالمطعم طاولة هادئة وسكون
لا موسيقى ولا فوضى
طلب عصير وگعدنا نشرب عينه
مني
-تدرين شگد كرهتج
-الشعووووور متبادل
-اجه وقت ردت اكفخچ راشدي اعدل
ملامحچ
-واني نفذت وشبعتك راشديات حتى
تصحى
-البربوگ ادري بيچ
-تدري مرت لحظات گلت تموت
-يگول نوح اجيت منتهي
بعده يحچي ودگ تلفونه
اشرلي
-دقيقة
فتح الخط ورد
-ها عمو
مااسمع بس صرخة مريه ووهو وگف
-شكوووو جااااايكم دقيقة
وگف واشرلي
-شكوووو هاجس
-بت صديقي شاربة علاج وفاقدة
الوعي
مشيت ويا بسرعة دفع الحساب وطلعنه
-هاي روان
-اييييييي
ماعلقت عالموضوع لحد موصلنا بنفس منطقة
بيت هاجس بس بالنهاية
مشتمل صغير دگ الباب وطلعت عمتها
اني شايفتها وجهاا احمر
-شكوووو ليش مانقلتيها
للمستشفى
-متقبل لحد مفقدت الوعي
ورجعت صحت هسه
اشرلي
-ليل شوفيها
دخلنا وعمتها اشرت
-ادخل عيوني مغطاية وملبستها الحجاب
دخلت وياهم غرفة صغيرة بيها
سرير وكنتور ومكتب
وهي عالسرير بس الموجود عكس
الگالته العمة الشعر متمدد بصفها
وايديها الحنطية بارزة من الربع ردن الاسود
وحتى جزء من بطنها مبين
ماعقبت بس هاجس استغفر وطلع
واني مشيتلها
-جيبي مي خالة
بااااااارد كون
جابت المي مااعرف شبيه ضجت
لزمت المي طشيته عليها
نزت وفتحت عيونها بتعب
-وين العلاج اللي
شربته
انطتني اشرطة ثلاثة فتحتهن
برياكتين
استغفر الله انتحاريش هذا
ضربت على خدها
-تسمعيني روووووان
- همممممم
كامت تهمهم
-يلا نلبسج للمستشفى يسوولج
تغييير دم حبيبتي لأن دمج متسمم
تعمدت اكذب مبينة تريد تثير الانتباه لنفسها
-ااااااي راسي
-ضروري لتدخلين غيبوبة احتمال نغسل
معدتج
بچت وكوة ردت
-احس نفسي احسن
-لا ضرووووري ناخذج
-لا بس شسمه ……
-شنو حبيبتي
-بس سويلي شي هنا بالبيت
-گومي للحمام تقيئي ضروري
كامت للحمام اسمع صوتها رجعت
للغرفة عمتها تسندها
-ها شلونج
تتماوع وگعدت عالسرير ساندة نفسها
على عمتها
صاح هاجس
-تاخررررتو يابه
طلعتلة اني وسألني
-ووووووينها
-جايه
صفن بوجهي
-شنو جايه يعني مابيها شي
-لا
دخلت لابسة عباية اسلامية
وشامرة الشال باوعلها
-ليش عمو هالتصرف
وگعت دموعها
-ماما تعاركت ويايه
-والتتعارك ويا امها تنتحر
شهكت وگامت تبجي مد ايده
طبطب عليها
-مو گتلج سمعي امج وتفاهمي
وياها
-متفهمني عموووو محد يفهمني بس انت وبابا
-كافي مسحي دموعج
شتكولون اخذكم للنجف تزورون ابوج
الاسبوع الجاي
هزت راسها بالايجاب
-خالة اعذرنا گطعنا عليك طلعتك سودة عليه
-اسفة عمو
هز راسه وطلعنا صعدنا بالسيارة
وهو يسسألني
-نرجع لنفس المكان
-مااااريد
-تمام يعني غير مطعم
-لا رجعني للبيت
التفتلي
-والعشا
-مااشتهي اكل بعد
مشى مسافة واني دايرة
وجهي للشارع
توقف وسحبني
-شو ديري وجهج ونحچي
ليش مطيتني ظهرج
درت وجهي وتكتفت
-يلا نحچي
باوعلي بتمعن وابتسم
-غيرانة والله
-من شنووو اغار
-لان طبطبت على رواااان
رفعت حاجبي وسألته
-يعني انت حاس اكو شي
يستوجب الزعل والغيرة
-لا ماكوووو
-تمام
-لتطنگررررين شسوي بالزعاطيط
وعندي نيلز
-شتفسر تصرفها بالله
عمتها تگول مستورة
ومن ندخل حتى بطنها طالعة
-فسرتة بأنها دفعت اللحاف
وبعدت الغطة
-اها وتريد تقنعني بهالكلام
اسمممممع البنية نظراتها الك متعجبني
وقبل كم يوم من حچينه گتلك
حتى اتصالاتها بيك غير مبررة صح لو
لا
-وهسه نتعارك لخاطر طفلة
-ياطفلة بنية بالجامعة
-بعيني طفلة وبنت صديقي
لچ ربت گدامي
-جيد
مشى بالسيارة وتوقف بباب مطعم
-ماااااانزل
-دسويها وشوفي شلون مااشيلج
وانزلج
اندار للباب فتحها ونزلت
مشى بصفي لزم ايدي
دفعتها رجع غلغل اصابعه
باصابعي وهمس
-اعصاااابج لچ
دخلنا واني ساكتة طلب
عشا جابو اكلت شي بسيط وگعدت
دفع الحساب وطلعنا
بالسيارة هم ساكتة
-حب
مارديت رد گال
-ظلام
-نعم
-بت عذبة فكي
النونة سالفة بسسسيطة ماتستدعي
الزعل
-مااحب تصرفاتها ابببببد
-لتحبين اي شي بس حبيني
ابتسمت وهو دگ هورن قوي
-يممممممه فززتني
-ضحكة تستحق الاحتفال
بقى بسوالفه السخيفة وتصرفاته
الى ان صالحني بورد ورجعنا
للبيت دخل سلم ومن طلع بالباب
وكف يم بيبي
-هاي رجعتها صاغ سليم
-غصبا عليك وعلى جدك
-عذبة البربوگ
گالها وطلع وهي ضحكت
-ها حبيتي بيبي
-چا شمسويلي بيبي
دخلت سبحت جهزت ملابس
دوامي لثاني يوم خابرني قبل
لا اانام
-حب
-عيوني
-هاي الطلعة مامحسوبة
تطلبيني وحدة وبافخم مكان
-ومنو گالك اريد اماكن فخمة
گعدة اني وياك عالشط كافية
جيتك لمكتبي ونسولف ولو لدقايق كافية
-تتدللين عالاثنين وين متحبين اوديج
ووين مترتاحين اني ارتاح
نامي ارتاحي تصبحين على خير
ودعتة وغلقت الجهاز الخلفية
صورة ايدينه بالحفلة ابتسمت
منوووو يصدگ هالخبل اللي
اني ويا مثل توم وجيري راح يكون
نصيبي
غمضت عيني راجعة لقبل شهرين
لذاك الوقت
:
:
:
:
:
:
:
بعد رجعتنا من عزة خالة سهامة
بيوم اللي گال منتظرج وفعلا
لكيتة منتظرني بالگراج مال المستشفى
وبعد حديث وصد ورد
جهزي نفسچ هاليومين
التفتتلة ورديت بتحدي عيوني بعيونه
-لشنوووو
نزلت عينه لشفافي
سكنت نظراته هناك لثواني
همس بكلمتين بصوت ناصي وغمز
- لشفافچ الرطبات انشف مايهن
گال الكلمة ومشى بسرعة تاركني
مذهولة بالگاله
دخلت المستشفى وهالكلمتين السخيفات
يرن بدماغي شيريد هالمجنون
بالليل وقت الخفارة انتظرت
كالعادة يدز رسالة مادز شي
ومر هاليوم والثاني والثالث
لحد مااجه يوم الخميس سبعة
خالة سهامة بابا اتصل بي عمو
كمال واتفقو نروح بنفس السيارة
وطن يسوق واني وبابا وبيبي وياهم
طلعنا الطريق بابا وعمو يسولفون
وبيبي تسبح وتلفوني مسكت من الرسائل
واني متعمدة ماارد
اخر شي فتحت الرسائل
اشعار وروابط اخر رسالة كاتب
-حتى صببببباح الخير تستخسرين
تگوليها بس هييييين ملحوگة
-تهدد
-هلا والله طلعلچ لسان
-قابل شبية خرسة
دزلي ايموجي حية وكتب
-تنگطين سم المهم
وين وصلتو
-شويه ونوصل ان شاء الله
-تمام اذا وصلتي سلميلي على أسماء
هوووايه
-تمام تتدلل
-وگليلها الرقم يمها خل تتصل
-مع السلامة
-انچبي جاي احچي
وانعل ابو اسماء مشتاقلچ
ابتسامة بلهاء غبية انرسمت على
شفتي وسكتت رجع كتب
-مامتواصل وياچ
عدنا فوضى بالشغل وجماعات
جاي نقبض عليها ودوخة راس
بس هذا مايمنع تسألين بعيدا عن الاعجاب
والمشاعر وحتى صلة القرابة بينا
صداقة وتواصل صح لو لا
-صح اني آسفة بس
دماغي مشوش
-ريحي دماغچ هو رد واحد
تبادليني الاعجاب لو اديور وارجع
-ديور وارجع
دزلي ضحكة وكمل
-انچبي المهم
-لتغلط
-جوابچ وصلني بس ترجعون
يصير خييير
بقيت افكر ومارديت شيريد يسوي
بالضبط
وبعد مسافة تعب وصلنا البنات مجموعات
وعوائل اقربائنا غيد تفتر بس بتعب
ومالها خلگ اي شي گعدتها يم بيبي
واني صرت اشتغل بدالها صاحو البنات
عليها نجيب الخبز من الخبازة
والتمر مجهزته الهم بنية هم غيد
موصيتها لبست واني وياها رادت
تتصل بأخوانها او واحد من ولدهم
ماخليتها
-امشي اني اتصل بوطن
اتصلت بي واجانه طلعتله گعدت يمها
وهو سلم عليها
-شلونچ غيد
-الحمد لله
-ابوج ابو النسوان شلونه
اني صفنت وغيد ضحكت من كلبها
ورجعت سكتت خجلانة وهو برر
-عذريني بس واقع حال
ذبت حسرة وكالتله
-معذور والله
مشينه اخذنا الخبز ورجعنا مسافة ثلث ساعة
نجيب التمر اخذنا ورجعنا للبيت عينها
عالطريق فجأة التفتتلي
-تدرين اول البارحة جاب زوجته وولده بالبيت يعزوني تخيلي
-الله عليچ
-والله واني اللي بعدني ماانام
كل يوم الا بفراشها
هو هجر الغرفة وكاعد بالصالة
مااكذب واگول مو حزين بس اغلب
حزنة ندم لأن هوووايه اذى ماما
سألها وطن بشكل جاد
-غيد
-ها
مسحت دموعها وردت
-عدكم سم فار
-اي ليش
-بالليل بستكان چاي سمي للوالد
رجعت ضحكت ومن گد مضحكت
دفنت راسها بحضني
وهو يباوع بالمراية ضحك بهدوء
ورد عليها
-غيد شگد عمرچ هسه
-٢١
-ووالدتج الله يرحمها
-٦٢ المفروض يصير بعد شهر
-ربي يرحمها غيد عندچ ذكريات
وياها
-هوووووايه كل ذكرياتي وياها حلوة
ابتسم وبده يشرحلها بطريقة دافية
ومنطقية اللي يدور بباله
-تعرفين غيد اني هسه داخل عال٢٦ سنة
وماعندي اي فكرة امي شلونها
صفنت غيد وهو كمل
-امي توفت على ولادتي
كل ذكرياتي وياها هي عبر الاخرين
ابوية جدي عماتي هاجس
حتى نوح ذكرياتة قليلة وياها
ورغم هالشي اني سعيد لأن عندي ام
سيرتها طيبة
ويكفيني صورتها الراسمها بمخيلتي
يكفي من اذكرها الناس تگول الله
يرحمها
ورغم كلامي عن ابوچ مزح بس هم
ابوچ عايش حزن حالياً
كوني وياه ومااگلچ لتحزنين حزني
وابچي بس لتوگفين حياتج يكفي
عندج مخزون ذكريات وياها يكفيج
حتى تحچينه لأحفادچ
وگعت دموعها وابتسمت هازة راسها
موافقة على كلامه
ضحك وباوعلي وغمز بالمرايا
قبل لنوصل باوعلها
-اريد اسمع عنچ اشياء حلوة للمستقبل
-ان شاء الله
شكرا على كلامك اللطيف
هز راسه واحنه دخلنا بيدنا التمر
والخبز رجعت اجيب العلاگة
الثانية لكيته جايبها
-ماااااعرفتني واني لطيف وفيلسوف
-ربي يريح بااااالك مثل ماريحتها بكلامك
-تذكرررري ابقى اطلبج خدمة ظلاااام
-عيوني الك
دخلت للبيت
بلشنا تجهيز الخفايف لان جايبين
طباخ المغرب خلو ميوزة وكراسي
بره تعشت الناس وقرت الفاتحة
بثواب خالة وبالليل بيبي جمعت
البنات ومخليتني اني وغيد منا ومنا
وكعدت تسولفلهن اشياء حلوة
عن خالة والبنات كل وحدة تحجي
شي حلو وتحولت الگعدة لذكريات
وابتسامات انتهت بنص الليل
ونمت اني وغيد بغرفتها
اجتني واني اتصفح رسالة من وطن
-ليل ليووووولة ليالي
-ادخل بالموووووضوووع
-فااااهمتني
-اكيد
-عادي اضيف غيد لكيتها
بحسابج عالفيس
-دقيقة
هي بصفي تتصفح
وتنزل ختمة لخالة بگروب
-غيودة
-ها حبيبتي
-وطن يگول عادي اضيفها عالفيس
باوعتلي
-هو عادي بس خاف عيب
-دضيفي ودخلي الحساب توگعين من
طولج من الضحك سوالفه ومقالبه
واصدقائه
وافقت ودزيتله رسالة
-تگول عادي
دزلي اوك ودزلها طلب وافقت
علي
اما اني فنمت الصبح من وقت
تجهزنا وبعد سلام وكلام وتوصيات بيبي
لزوج خالة سهامة باوعتله
-اسمعني احسبني اختك خالتك
ولو مابينه فرق بالعمر
ضحك وكملت بيبي
-حتى لو مرتك الجديدة آدميه
تبقى مرت ابو لاتكسر گلب بنياتك
وتجيبها خوش شو ماعندك واحد بالبيت
بس هالبت والبت مثل الخطار
باچر يجيها ابن الحلال ياخذها
بذيچ الساعة عود يصيرلها حل
-حچايتچ على راسي
باست غيد وشاورتها
- انتِ ذيبة هذا بيتچ سمعتي
وكملي كليتچ وتعاي تونسي
يمنا بعد روحي وگتلچ تلفون امچ
لا تسدينه خابريني منه
-ان شاء الله بيبي
-يلا سبعة بنيتي
ودعانهم وطلعنا للبيت
يوم سبت گضيته نوم الاحد
من الصبح للدوام توجهت
دخلت باب المستشفى ودگ تلفوني
جاثوم
-صباح الخير
-صباح الورد جايچ
ابتسمت وسكتت
-منتظرتك
-اووووويلي يابه
سد الخط وگعدت سويت كم شغلة
ضرورية ودگ تلفوني دليته مكاني
دخل عليه بيده علبة اكل
فتحها طلع وردة برتقالية جوري
ابتسمت
-لووو اعرف ليش مصر تجيب ورد
برتقالي
-شفتچ مرة ناشرته گلت هذا وردها المفضل
-راح يصير المفضل
گعد مترهي عالكرسي گبالي
وفتح علبة الاكل بيها لفتين شاورما
ومقبلات
-شاورما الصبح
-اكييييد شناكل كرواسون
-غير ريوگ
-هذا ريوگ السباع اكلي
مديت ايدي اكل وهو يسولف
-شوفي دكتورة
الموضوع صار معلن والاعجاب متبادل
هسه ننتقل للمرحلة البعدها
-وهي
-الحب وسوالفه
-اشوفك مستعجل
رفع حاجبه وباوعلي
-هوووواي مستعجل
كملي اكلج عندي موضوع وياج
كملت اكل غسلت ورجعتله
-الموووضوع
-الموضوع وطن
-بي شي
-اجاني حچالي عن بت خالتچ
نسيت اسمها البنية
-غيد
-بالضبط مااعرف حسيت معجب بيها
بس الصراحة احس اعجابه مجرد
ان شاف انكسارها على امها مو اكثر
وهو گلبه رچيچ ……
-رچيچ شلون يعني
-حساس دكتووورة گلبه حساس
هز ايده ضاحك عليه
-المهم اذا حچيتي ويا هم جسي
نبضة يگلي اكو احتمال اطلب البنية
احساسي يگول يريد ينهي
اللي بگلبه ناحية البنية الچانت ويا
بالجامعة
-لا ممنوووع شنو يعني مخليها مجرد
مساحة تمحي ذكرياته
-مااعرف بس هو يحب يحچي وياچ
افتهمي منه
-تمام
-يلا اني اتوكل باجر انتِ بالبيت اكيد
-اييييي
-العصر اريد چاي من ايدچ الحلوووة
صفنت علي
-شنو
-جدي يريد يزوركم واني وياه
-هلا بيكم
سلم وطلع واني توجهت لشغلي
ثاني يوم رجعت نمت ومگدرت اگللهم
جايين
العصر اندگت الباب ماما طلعت
وبس دخلو هاجس وابو وجده
ماما استقبلتهم وبيبي كذلك
اتصلنا ببابا اجه وويا ضيافة الهم
دخلت وياهم سلمت وگعدت بعد ماقدمت
الچاي جدو وبيبي عالقنفة يسولفون ويسألها
عن بيت خالة سهامة وابو هاجس ويه
ماما وبابا وهاجس گبالي غمز وكح
انتبه ابو ورد
-ياالله خويه ابو ضرغام
اليوم جيتنة تختلف احنه
بحمد الله اخوان برغم سوالف
الماضي الاني اعتذرت عليها بكل
صدفة شفتك بيها يشهد الله
ومن سنين رغم عدم التواصل انك
مامقصر بأي مناسبة تخصنا
وحاسب نفسك واحد من عدنا
وهالشي النا الشرف بي طبعا
واليوم وعشم بطيب اخلاقك
وسمعتك الطيبة جايين
وكلنا فخر نطلب ايد ……
بعدهم ممكملين اني انهزمت
وگلبي مثل الطبل يدگ بخووووف
ومفاجئة سمعته يكمل
-نطلب ايد كريمتك دكتورة ليل
تصير زوجة لهاجس وبنت اليه
وحفيدة لوالدي واخت لبقية اولادي
بابا بأسلوبه الحلو رد
-اتشرف بيكم وبجيتكم وكل كلمة
گلتها على راسي ووسام على صدري
رد الجد
-من گالي هاجس گتله زين مااختاريت
بنية خلق واخلاق ونسب
-يسعدني كلامكم والله لوعليه
اگلك گبع واخذ بس تعرف هذا
زواج ورأي البنية هو الاهم
بنفس الثانية وصلتني رسالته عالماسنجر
-عود رفضي وشوفي شلووون مااطيح
حظج
مگدرت ارد علي بيبي دخلت عالخط
-والله مالت الله كمال وليدي
ويامحبته بگلبي يشهد الله
واذا اريد اطي البت لخاطره
-وانا ام ريحانة مالي خاطر
-على راسي
سكتت بيبي وبقو يسولفون
بعد ماطلب عمو من بابا الرد
خلال يومين
وبيبي گاللتهم احنه حزانى على
سهامة الجد كاللها واحنة هم حزاني
وماطالبين فرح هسة بس ردونه الخبر
ودعوهم وطلعو ورجعو للبيت دخلو ماما
وبابا
بابا اجاني للغرفة ضاحك
-عووود كبرتي وتجيچ خطابة
ابتسمت بخجل وطلع من عندي
محچه شي وعرفته راح يسلط
عليه ماما وبيبي
وفعلا لليل لزمتني ماما وبيبي
اسئلة واجوبة واني ماانطيت
رد لحد منام الكل اتصلت بي
رفضة واتصل
-هلاااا
-لييييش تفاجئني
-سمعي انت متنحكمين اذا مو شي
رسمي
-وتجي هيچ تخطبني فجأة
-فجاة بتحضير المهممممم النتيجة
شگلتي
-ماااااريد
-ماترديني لو الفكرة ككل رافضتها سواء
اني او غيري
-هاااا……
تغيرت نبرته لنبرة جدية وكال
-اني مو صغير ولا حتى انتِ
شوفي مبدئيا وبصراحة
عندي قبول يمچ
-بغض النظر عن ……
-ادري سفالتي وسوالفي
-لا موو هيج
-هسة انت شعليج اني زلمة سافل
ادري كملي
-بغض النظر عن كل شي اي
-عندج شي ناحيتي
سكتت وهو كسر الصمت
-خصم الحچي موافقة مبدئيا
سكتت شوية وفكرت ورديت
-بس مو خطوبة رسمية
-نقرة الفاتحة شگلتي
-مو بسرعة صار كل شي
-صار سنة وشويه نعرف بعض
وين الاستعجال
-شتشوف
-اشوف عيونج
ضحكت وهو رد
-اشوف نقره فاتحة وگدامي شهررررين
اخليج تحبييييني
-وووواثق
-جداااااا وتحدي
-والخاسر
-يدفع ورقة للرابح
-جهز جيبك للخسارة
-تماااااام باجر اريد الموووافقة يمي
غلق الاتصال واني كلبي يدگ
كأني چنت اررركض بميدااااان بسرعة
ثاني يوم الصبح گعدت للدوام
رحت لببيبي للغرفة تصلي
تمددت على رجلها باست راسي
-بعد روحي احچي شعندچ
-شلون عرفتي
-اهجس السالفة گبل لا تگولينها معلگة
بگلبي انت
-بيبي اني موافقة
ضربتني على خدي على كيف
-ها ولچ طحتي على وجهج ويه المسودن
خجلت ارد بوستها ووگفت
-بيبي انت گلي لماما استحي اني
ودعتها وطلعت لدوامي للعصر
اتصل بيييه
-حيااااااهم الله اجت الموووافقة
-شلونك
-فوووگ الغييييم
-شدعوووة
-من تخسرين الرهان راح تعرفين
الاحساس يله ياحلووو
عندي شغل جهزيلي نفسچ بعد يومين
جاااااايچ
سد الخط وفهمت علي
بين الدوام والبيت حل اليوم الموعود
بابا جهزلنا كل شي نحتاجه
ضرغام حاضر وزوجته ويايه
اجو العصر تفاجئنا بعماته وبناتهم
وهو وابو وجده وعمة ونوح ووطن وازواج
عماتهم گعدة ودية يم الرياجيل
بس يم النسوان ميستحن مسلمن
على بيبي بس من بعيد گالن شلونج عمة
عاد بيبي شلونها ولا اهتمت وبقت تسولف
ويانه ويه يمنى
-شني بيبي هذا حسنچ علينه
-صدگ بيبي
التفتت بيبي لنهاد ام يمنى وردت
-اي والله ماتشبهين امج
-وشبيهة امها عمة
-مابيج شي بس تشبهين اهل امچ
-الي الفخر طالعة عالباشوات
-ياخالة ياباشوات غير سقطت المملكة
وهسه جمهورية
ماما ردت
-كل الناس خير وبركة
ردت ميعاد عمة هاجس
-اي احنه هم من گال هاجس يريد
بتج گلناله ولو مو من ثوبنا بس هم كل
الناس خير وبركة
ماما ماردت بيبي ردت
-شبي ثوبچن يابعد روحي
شو ماخذين عييين الگلادة دكتوووورة
ليل مو ياهي الچان
ردت ام يمنى
-اي عالخير وابنه هم رتبة
-اي حبيبة سكتن العروس للعريس
والملامز للمتاعيس محد اله كار
الوليد والبنية راضين
سكتن بعد ماردن وبعد مااخذو
الضيافة ارتفع صوت ابو هاجس
-نقرأ سورة الفاتحة على نية
التوووفيق ان شاء الله
ارتفعت الايدين بقراءة
الفاتحة وبابا رد عليهم
-ونرجو المعذرة منكم ولمدة شهرين
يلا نگدر نتمم اي مظهر فرح
اختنا العزيزة متوفية وتعرفون
وفضت الگعدة على هالكلام
بعد شهرين العقد
وثاني يوم اجاني للمستشفى
واتصل
-طلبلتج زمنية ساعتين
-جايه
نزلت لگيته منتظرني بره
تمشينة للگراج ووكفت بباب السيارة
-وين رايحين
-مااخطفج
صعدت وتحرك بينه التفتلي
-اول شي مبروووك
ابتسمت خجلانة مارديت علي ابد البارحة
-الله يبارك بيك
-دائما متعودين ننطي فلوس قريان
فاتحة بس اني مقرر شي
وگف يم محل ذهب نزل بسرعة ورجعلي
بيده علبة فتحها گلادة بيها زنجيل قصير
حلوو وبي فص ازرگ حلووو وثلاثة ناعمات
صغار خلاها بيدي
-مبروك
-كلش حلوة
-تلبسيها بالعافية
التفت مبتسم
- جبتها زرگة من الحسد
شنو هاللطافة استحيت اردها
-حلوووة ونازكة شكرااا هوووايه
وعدددد بس نخلص التحدي البسها
ضحك وتحرك بينه واني رتبت حجابي
بالمراية الجانبية ورشيت عطر
رفع جامات السيارة باوعتله
-ليش مو عطري يخنگ
التفت غمزلي
-بعديين احچيلچ شغلة العطر
طلع بيه لمكان هادئ شربنا عصير
ورجعني لدوامي
ومن هالليلة لازمني نحچي ونتناقش
نضحك نتعارك نسمع اغاني على ذوق بعض
واكتشفت ان بين نعم ولا
خيط رفيع وبين العداوة والحب
مسافة چنت أتخيلها مستحيلة
بس هي أگصر مما چنت أظن
بالبداية چان اسمه يسببلي ازعاج
وملامحه چنت أشوفها تجسيد لكل شي أكرهه
چانت نظراته اليه تحدي وكلماته رصاص
يحاول يخترق دروعي ويستفزني بكل لقاء
چنت أبني بيني وبينه جدران من الكبرياء والصد
اكتشفت إن المشاحنات اللي بيننا چانت هي أكثر شي يخليني أتحمس
ذيچ العصبية والحدة چانت تخفي
وراها اهتمام مرعب بكل تفصيلة يگولها
چنت أحضر ردودي اله بحماس
يشبه حماس المحبين بس چنت أسميها دفاع
الاكتشاف الحقيقي ما بده من گال معجب
لاااااا قبلها لمن لگيت نفسي وبدون وعي أدور على عيوبه حتى أكرهه زيادة
وفشلت لگيت إن عيوبه هي اللي تجذبني
استفزازه عصبيته سوالفه لسانه اللي ميسكت
وإن العداوة ما چانت إلا غلاف سميك
لقصة اعجاب بدت قبل ما أحس بيها
وهاي اني بعد شهرين تواصل ولقاءات
عرفت إن المعركة انتهت
مو بخسارة واحد منه
بس باستسلام گلبي لواقع جديد
ان عدو الماضي صار حبيب المستقبل
بهاليوم اتصل بيه بالليل واني بالبيت
فتحت الخط وذب نفس مرتاح
- خلصن الشهرررين ياحلووووة
-باجر يخلصن
سكت ثواني وطول سألتة
-وييين رحت
-بس جاوبت رسالة
-روووان اكيييييد
ضحك ورد
-اعترفييييي تغارررررين
-ماااغار بس جديات يعني مأڤورة
ليل نهار وياك عالخط
-لا مو لهالدرجة
-هاجس
-يانعممممم
-احب انوووه على شي اذا تحب
تحجي وياها روح لا كل شويه
ساكت ترد عالخاتون
ماااعرف شبيه انفعلت وبسرعة گتله
-تصبح على خيييير
-اجمعين
-متتتتتتت قهر بهالدقيقة
مااااعرف شعور مو حلو يصيبني ناحيتها
وهو شلون مهتم لكلامي وغلق الخط
سكتت ونمت بعدم راحة
ورجعت لدوامي يوم والثاني
احساس الأشتياق چان مززززعج
ممرتاحة واحس بنقص مسوي
هووووة عميقة بروحي لأن هو ماكو
قررت اكسر هالكبرياء شويه واتصلت
رد بثگل
-ياهلا
-عاش من سمع صوتك
-التزامات
-تمام اسفة عالاتصال
-بس غلقي وشوووفي حظچ شلون
يطيح
-لتغلط
-مشتاقلچ
ابتسمت بغباء كالعادة
وگتله
-اريدك ……
مخلاني اكمل بسخافة رد
-ااااااخ ترديني
-خل اكمل لتقطع كلامي
على مزاجك
-گولي ياحلوة
-اريدك باچر بمطعم ال……
-سهلة وبعد
-سلامتك
ودعته وگعدت كااااااافي تردد
هسه اني اعلنها لنفسي وبكامل قواي
العقلية اني احب هاجس
المسووودن مثل متسمي بيبي
ليششش وشلوووون مااادري
ثاني يوم بعد انتهاء الدوام مرجعت
للبيت طلعت للمطعم دخلت
لگيته اساسا منتظرني ابتسم
من شافني
-ياهلااااا
-شلونك
-الحمد لله
گعدت وعيني بعينه باوعلي بترقب
-خلص الموعد وويا صبري
شنووو الرد ليل
ذبيت نفس فتحت جنطتي
طلعت الورقة مديت ايدي
دفعتها ناحيته رفعت كفي
وابتسامة تجنن انرسمت على شفافه
باوعلي صوتي ارتجف ميلت راسي
بخجل رديت
-الظاهر اني خسرت التحدي
ايده امتدت لكفي غمره
واي كلمة ماگال غير لمسة
دافية وصلتلي احساسه بالكامل
لدقايق سحبت ايدي بخجل منه
-هسه شنو
-بكيفك
-خطوبتنا الاسبووووع الجاي
-لا
-يمتة
-فد شهر بعد
ضحك واتصل بنفس الثانية بأبو
-هلا يابه اگلك بلغ ابو ضرغام العقد
الاسبوع الجاي
ماعندي شي جاهز غلق الخط ورد
-مو گتلك شهر
-اگلج صار شهور نثرد سوووالف
يااااشهر هالاسبووووع گولي تم
-تم
اشر للويتر جابو عصير
وعينه عليه مشالها ابد سحب الورقة خلاها
بجيبة وغمز
-احلى ربح بحياتي
طلعنا اني راجعة للبيت وهو
لدوامة بالليل اتصلت بغيد
بعد ما بابا بلغنا باتصال عمو اله
خلال هالشهرين هي تتصل ودائما
قلقلة من كثر تواصلها بوطن اللي
اعلنها وكلها ان ممكن يتقدملها
-وليش خايفة
-ليل شگد هو محترم وللأمانة
معجبة بي بس مااعرف احساس
غررريب بداخلي يحثني انو
ماا اكمل
-گلتيله
-يگلي اتقدملج
-وانت شنو رأيج
-بعدني ليل ممرتاحة واحس
حياتي مخربطة بعد ماما
-انطي مجال
-الله كريم
وبعد هالليلة استعجلت وصيت
فستان من تركيا اشترته زوجة فارس
هدية اليه واجو
وبلغنا الكل بالحفلة وصار اللي
صار واستمتعنا بلمة اهلنا والفرحة
غفيت بعد رحلة ذكرياتي الحلوة بذيچ
الأيام راجعة لحاظري واني على
ذمة هاجس
:
:
:
گعدت ثاني يوم لدوامي ومرن أسبوعين على
خطوبتنا وتعودت كل يوم من اطلع اتصل
اني لو هو يتصل
اتصلت وانرفعت السماعة
بهدوء گلتله ولأول مرة
-صباح الخير حبيبي
رد صوت بنية وگالت
-هلو ليل عمو بالحمام دايغسل
هاي راح انطي المنشفة وأگله يرجع
يتصل بيچ
بلعت ريگي وعرفتها روان
غلقت الخط وصابتني قشعريرة
وشعور مو حلو
مچنت أعرف
أن أحساس المرأة دائما
بمحله
وان ماكو دخان
من دون نار
