رواية الضابط فهد ومريم الفصل العشرون بقلم مجهول
فرح:💬 هوة ادري بس داحذرك انيي
علي:💬 لتوصين
وابتدت اول حكايتناا.
.........................
هديل: مرحبا استاذ فهد
فهد: اهلاا بيج ست هديل شهلصدفة
هديل: الدنياا صغيرة بس لحمدلله تجمعنة بناس مثلك
مريم: احمم فهد منوو
فهد: نسيت ماعرفتكم هديل اخت شخص جان ب السجن واني جنت المسؤل ع القضية مالتة ف هية جانت تجي للمركز لحد ماا بينت برائتة لحمدلله
مريم: تشرفت بيج عمري
هديل: الي الشرف ماعرفتينة
مريم: فهد عرفهة
فهد: احم مريم زوجتي
هديل: يااي حلوين سوة ربي يحفضكم
مريم: تسلمين
هديل: اي بهاي المناسبة ولانو اني ماجنت موجودة بعرسكم عازمتكم
فهد: نشالله اخذي رقم مريم واذا صارت فرصة ادللي
مريم: شلون تباوع لفهد عبالك مشايفة اخذت رقمي ضلت تلغي شوية وراحت
فهد.
فهد: هاا
مريم: اريد ارجع تعبت وماا اخذت علاجي
فهد: ايي امشي
مريم: اخذني فهد للسيارة صعدنة شوية ونزل يم محلل اجة جايب المحل كلة تقريباا
فهد لييش هيج
فهد: حتة افراح متكول جايب بس المرتة
مريم: ولله وطلعت خوش تفكر
فهد: لعد شكلولج علية
مريم: فهودي الذكي يلاا فضنة وحرك
فهد: بعد عيني متريدين كهوة البسج حزام الامان زين
مريم: ميحتاج حزام امان انت موجود
فهد: ماا استاهلج اني
مريم: فهد حتة لوو تصير بيناتنة مشاكلل نزاعلل مهماا حتة لوو حجيت عصبت كلتلك اكرهكك كلشي بوقت عصبية وجنت مقهورة تبقة انت رجلي مالي حق اعاملك هيج بس بعدة جرحك ماطاب
فهد: تدرين مريم بهاذة حجيج بردتي كلبي وفرحتيني
مريم: دومك فرحان
فهد: رجعنة للبيت طبينة كاعدين الولد وامي وبيبي كلت
الله بلخير
سعاد: الخير يصيبك يمة تعال اكعد
مريم: شوو مجمعين
افراح: كعدة عائلية
زينب: متحلة الكعدة بدون مرت الغالي مريوم
مريم: رحت كعدت يم زينب وكبالنة افراح تخوزر جنهة طاوة محروكة
زنوب حبيبي فهودي جاب تعلولة كومي شوفي شغلج
زينب: يماااي يفهد وين جنت خوماا نفس ذولاك الناس
علي: انتي ميغزر بيج لوو اضلل اوكل واجيب
زينب: شجايب ياخي شجايب ولله يالله محملنة مانية هية قوطية ام الربع
علي: ايي حتة الربع بعد متشوفي
زينب: فهد موجود عيوني موصدك فهد
فهد: دللي شجيب المريم اجيبلج
زينب: چاا خووش سمعت عليوي
علي: زينب راح اكوملج بطلي سخافة
افراح: علي القوطية خليهة الي
زينب: ايي ولج مرة متنبلع نفسج تماماا قبق ع الجدرية
مريم: ماكدرت احبس ضحكتي ضحكت ضحكة بحيث خليت فهد يخزرني خزرة تموت الشخص بمكانة وكلهم ضحكو ع ضحكتي
افراح: فهد تذكر من جنة نلعب سوة
فهد: لااا
افراح: ياا فهد تراا ماجنة صغار حييل تشاقة اكيد
فهد : شوكت مشاقيج اني
افراح: ايي جنت من احد يكتلني تروح تكتلة
مريم: هسة شكوو داعي تذكرون سوالف قبلل
افراح: ليش عمري تغارين
مريم: وليش اغار وهوة ملكي هسة
فهد:يهمس لمريم: بوية نضلل كاعدين هناا اشبع غزلل وحب منصعد فوك بعد
مريم : شوف لتخليني اكوم افلش راسهة مثلل ماتفلش راسي من وراك انتة شنوو مهند وكلة طايرة وراك اخلص من وحدة يجن عشرة
فهد: ليش بوية ماعجبج اني لوو تريدين واحد من العصابة
مريم: اذا اكو ليش لاا انتة مرايدني اصلاا
فهد: اكو واحد ميريد روحة بوية
مريم: ايي اضحك علية بهاي سوالفك
همام: تكدرون تصعدون فوك منحتاجكم
سيف: ايي صدك اخذو راحتكم
فهد: لاا عاجبني اكعد هناا عندك اعتراض
افراح: لاا موقصدة اعتراض بس لائن تتهامسون سمعونة شتحجون
زينب: حطت كورهة الزركة بابة سوالف مزوجين ليش تفشلين نفسج
افراح: زينب انتي ليش تكرهيني شمسويتلج
شهد: هية متكرهج تشاقة وياج
افراح: شو وياجن متشاقة هيج
زينب: ولله عاد بكيفي شلون ماريد احجي حلكي لو حلكج
افراح: ديلاا عااد شلون حلك
زينب: تروحيلي فدواا يلاا اكلي وشوفيني عرض جتافج روحي نامي
افراح: ماحجي وية زعاطيط
زينب: ايي اكيد اكعدي احجي وية بيبي لائن انتي تلاثينية جادة
فهد: كافي زينب اسكتي
زينب: لخاطر فهد راح اسكتلج
مريم: فهد اريد اصعد فوك تعبت
فهد: كومي
مريم: تصبحون ع خير
الكل عدا افراح: وانتي بالف خير
صعدت وية فهد الساندني طبينة للغرفة اخذ ملابس وطب يسبح مادري ليش انتبهت ع تلفونة حاولت ب الرمز طلعت مواليدة طبيت ع المحادثات ماعندة بس اصدقائة طبيت ع الصور جانن بس صورة بس بلاخير شفت صورة لبنية سبحان الخالق يعني اني بنية وغرت منهة بعدين تذكرت فهد من مال ملاك تشبه الكرديات صفنت ع الصورة وحسيت ع دموعي ينزلن ماضجت من فهد لائن ماحاذف صورهة لائن الصور ب الاخير هوة شمدري بس كل وحدة تنقهر من تشوف صور حبيبة رجلهة سديت التلفون وصفنت ماحسيت ع فهد من طلع
فهد: شبيج صافنة وليش عيونج حمر
مريم: مابية شي
فهد: مريم شبيج
مريم: اوعدني متعصب اذاا كلتلك
فهد: وععد بس احجي
مريم: ش شفت صور ملاك بتلفونك بس مازعلانة لائن اكيد مشايفهن هنة ب اخر الصور
فهد: مريم رجعي ع التلفون وحذفيهن
مريم: لييش مو حبيبتك بس صدك تشبه الكرديات مثل ماا وصفتهة #ڪــڔٰا̍ڕ
فهد: عندي التسواهاا شيفيد جمالهة وهية خاينة ورخيصة
مريم: ميحتاج تحجي هيج تراا متفهمتك ميحقلي ابجي ع علاقتك الي جنت بيهة قبل متعرفني بس سوالف نسوان بعد انسة
فهد: قصدج غيرة نسوان
مريم: تكدر تكول هيج
فهد: ابوس اليوم الشافتج امي بي
مريم: شسمة رايحة اسبح
رحت اخذت ملابس طبيت سبحت طلعت لكيت فهد نايم رحت نشفت شعري ومشطتة حطيت عطري اكيد وكعدت كبالة اول مرة اركز هيج بملامحة من ينام يتحول طفلل بريئ مامنشف شعرة نازل ع عيونة تجرئت مديت ايدي شلت شعرة عن عيونة فززني من فتح عيونة
فهد: بوية لييش تتحرشين ادري بنفسي ححلو بس خليني نايم
مريم: تراا استخطيتك وخرت شعرك عن عيونك
فهد: ايي شلونهن عيوني
مريم: يدوخن. حسيت ع نفسي شكلت حطيت ايدي ع حلكي من الصدمة خطية حتة هوة مصدوم
فهد: ضهر الحق واخيراا
مريم: لتصدك نفسك اصلاا موحلوو
فهد: جاا عيون منو يدوخن بوية
مريم: عيوني.
فهد: بهاي الحجاية صدك يلاا بوية تعاي نامي
مريم: وين انام كوم نام بلكاع شجابك هناا
فتح ادية بمعنى تعاي نامي
فهد كوم مانام هناا
فهد: يلاا بدون لغوة زايدة
مريم: رحت يمة لف ادية ع خصري ونام مادري لييش كطعت النفس بوكتهة نمت بعد معانات لائن ضهري بعدة ياذيني كعدت الصبح لكيت فهد متحضر
فهد: يلاا بوية كومي حضري نفسج
مريم: وين
فهد: ...
توقعاتكم ??
................................................
(نجي لفرح وعلي )
فرح: سمعت عياط برة اريد اكوم ماكدر حسيت رجلية نشلن اجتي اختي علية تركض
ياسمين: ولج فرح كومي سرمد كلب الدنياا وفضحنة
فرح: حسيت براسي ثكيل من كالت هيج كلت خلص مراح يتم هليوم ليش هيج ياربي تمم هليوم ع خير ماعندي غيرك كمت شفت عمي جابر يجر بسرمد وهاذة متخبل ويصيح دقايق وطب اخو عمر ورجل عمتي فؤاد اخذو وصار هدوء اني ماحجيت اي كلمة الساعة 10 لازم اروح للصالون اصلاا نسيت الصالون علي كال اني اجي اخذج بس عمي كال اني اخذهة شيكولون علينة الناس من تعقدون تكدر تاخذهة وين متريد المهم اجة عمي جابر ونهاريت ب البجي
فرح: عمي الله يخليك لتخليهم يزوجوني لسرمد ولله اكتل روحي ولاا اعيش وياا
جابر: بوية لييش البجي شنو متثقين بية عيب علية اضلم امانت اخوية
فرح: حضنتة واني ابجي. هاي وكفتك بس الاب يسويهة ماراح انسالك هلشي طول عمري
جابر: يلاا بنيتي روحي حضري نفسج ماضلل وكت
فرح: ربي يحفضك النة نشالله، ،رحت بدلت لبست بس بشت فوك ملابسي وشال طلعت لكيت عمي ينتضرني وزينب موجودة يمنة
فرح: زنوبة شوكت اجيتيي
زينب: چاا غير رجلج كلي روحي وياهاا امهة تضلل ب البيت تحير ب الخطار
فرح: فديتة شلون يفكر
زينب: ديلاا خية بطلي تمعشك راح نتاخرر هاي اذاا ستقبلوج
فرح: احبج زنوبتي
زينب: حياتي القردة
فرح: عابتلج ماحبج بعد
طلعنة وصلنة للصالون كملت العرايس القبلنة وبلشت بية ولمساعدة مالتهة بلشت بزينب ردت شيي بسيط لائن اني البس قفطان سوتلي تسريحة بسيطة رفعت شعري طلعت خصلل برم من كدام شعري الرفعتة نص سوتة برم ولباقي عافتة كملت مكياجي وكلشي باوعت ع نفسي صراحة كللش ححلو شغلهة اول مرة اشوف نفسي بهيج شكلل
زينب: ولجج شنو هاي راح دوخين عليوي يابة الله يساعدك
فرح: لجج اسكتي توترت
زينب: تراا مراح يزفوج بس تعقدين
فرح: دنجبي عااد يربي شلون تهبط المعنويات
زينب: يمة فديتني شوفي الجمال شكد حضة كاعد الي راح اصير من نصيبة اكيد عندة خرزة حتة يحصلل هيج جمال واناقة ولباقة
فرح: وتفاهة
زينب: تفاهة لوو برتقالة
فرح: شوفي هذاا دليل
زينب: ديلاا شوف اني شجابني وية هيج شكولات تخبلل
فرح: محح
زينب: لوو سمحتي يجوز فارس احلامي ميقبلل غير تسالين ب البداية
فرح: هذاا علي اكيد يريد ينتقم مني ودزج وياي
زينب: ايي كلي عذبيهة
فرح: بطلت رايحاا اغسلل
زينب: تعاي عيب ب البيت اني اغسلج ام الصالون ماعدهم ميي ماصعدو اليوم
فرح :وانتي شمدريج
زينب: لجج شوفي بيتهم شلون تراب
فرح: اي هم صدك يلاا امشي ب البيت اغسلل بس اول شي اخذ صور ماضيع لفلوس ع الخالي بلاش
زينب: يمة متتت فرح اطلكت قبل متعقد
فرح: لضحكين علية عابت
زينب: امشي خية موزين علي اخذج
فرح: لعد ياخذ منوو
زينب: البنات هوااي قابل وين رايحات بس تغسلين نعقدلة ع وحدة من كرايبنة لائن همة جايبين سيد وعازمين ف لحالج خية
فرح: يمة حبيبي فرح انجبي صار مغص ابطني مانطي عليوي الية
زينب: ديلاا امشي خية تراا طكت مرارتي راح الزمج هناا ابسطج اسويلج مكياج افريقي
فرح: سكتت بس زوجوني عليوي
زينب: امشي يلاا ولاا حرف
فرح: رحنة وصلنة للبيت موو هوااي من كرايبنة جايين بس خالاتي لائن عمامي اتبرو
كعدت انتضر اجوي الزلم وكرايب علي اجتي امة سلمت علية
سميرة: يمة عين الباردة عليج ولله وعرفت تختار عليوي ربي يحرسج من العين
فرح: ضليت كاعدة يمهم شوية ونفتح باب الديوان وكالو هلهلو ونكلبت الهلاهل اني هناا مادري شصار بية ضليت بس صافنة يعني خلص ماكو خوف من احد بعد صرت حلالة اجوي كرايبة سلمن علية واني مويمهن بالي كلة يم علي اريد ابجي بس شيكولون علية شوية وكالو يلاا اجة السيد رحت وكفت ورة الباب بس احس راح اوكع وربي مداا ابالغ شعوري بوكتهة بس الي مزوجة ع حب تعرفة المهم حجة السيد وكال
هلل تقبلين بعلي ابن فلان وفلان زوجاا لكي
فرح: نعم وانت وكيلي وكذلك علي سئلة نفسي صديت عليهم وعيوني ادمع انكلب البيت ب الهلاهلل وشغلن الديجي وضلن يركصن طب علي حسيت صار مغص بطني اجة وكف يمي باس راسي وكال
علي: مبروك صرتي حلالي
فرح: علي اسكت لاا ابتلي بيك راح اوكع من طولي
علي: شبيج مريضة
فرح: لاا لاا متوترة كلة من وراك ليش خطبتني
علي: جاا شسوي عيني شبيج
فرح :اسكت حباب
علي: موو صوجج
فرح: علي اطلع برة روحو مازوج طلكني
علي: اللهم طولج ياروح بوية شبيج تخبلتي اطلك شنو
فرح: يمة راح اتخربط
علي: تعاي اكعدي هنيالي هاي عقد وهيج اذا ازوجتج شلون
فرح: روح مازوج ماحبك
علي: ماتعبج اذا ماتكدرين تحبيني اني احبج
فرح: علي
علي: عيونة وروحهاا لعلي
فرح: تضلل تحبني موو
علي: شوفي من يجيبوني ب الجفن الابيض بهذيج الساعة لتكولين مات حبج حتة من اموت حبج يندفن وياي
فرح: سمالله عليك يروحي ربي يحفضك الي طول العمر يومي قبل يومك
علي: يفرحتي الححلوة
فرح: اخذنة صور وركصنة سلو اني وياا ساعة هيج شيي وراحو ضلن بنات خالاتي ينضفن جان احلاا يوم بحياتي رغم كل الخوف بس هوة وخر هلخوف منيي ماكدر اوصفة يعجز لساني عن هلشي ربي عوضني بعلي بعد ماجانت حياتي بدون معنى هسة حسيت بنفسي عايشة صارت الساعة 10 بليل وشفت تلفوني وصلتلة رسالة فتحتهة وشفت؟
