جنات
اتكول
الحب مو كوه بس الفركه كوه
بعد ياهو الي يكلي شبيك زعلان
ويشاقيني ويكلي دموعي تسوى
💔💔💔💔💔💔💔💔💔💔💔
جنات اتكول ل لؤي بقلم مهند العزواي
تفاركنا
تفاركنا وتاكدت
الموت لايلغي ولانكدر نأخره
الوكت ماينفهم
يتقدم بغيبتك لو يرجع ليورى
شحجيلك عن القلق
والله الليله المضت
حسيت روحي طفل
وميته بمكبره ......💔
لؤي يكول لجنات بقلم يحيى العلاق
هذا المنه خايف جنت اكولكم
اجه الموت الكدر يبعدني عنكم
ابروني الذمه خومه زعلتكم
مو قصدي والله جنت احبكم
بعدكم ياترى تذكروني بخير
اني جوى التراب وبالي يمكم .....💔
علي يكول لسدره بقلم مهند العزواي
هم تدري شيحس الكلب من يريد اعزازه
ينجاب طاريك وافز واضحك بوجه اليستفز
واتحمل استفزازه
ماكدر ازعل واختلف
يادوب عندي شكم جتف بيهن انشال اجنازه
عمي اني كبلك فاركت شو بس عليك اتوازه
ذنبي يعشرتك ماخنتك
حبيبتك وماحسبت ب تالي هيجي اجازه .....💔
سدره اتكول
اريد ارجع بيا الوكت ليورى !!!!!!!!
مختار يكول بقلم الكاتبه مريم الطائي
لا بيج اترجعين الوكت ولابيا
شوازاني على الفرح اش سويت ؟
مدري من ايدج مدري من ايديا ؟
والله تهت وب تيهتي اخسرت!
سدره
حبيبتي جنات واكفه ادحك علينا وترجع ادحك ع مرايا حسيت بيها متوتر وخايفه
سدره؛:: ها جنو شبيج
جنات؛؛ سدره الشغله صارت من الصدك
اماني؛؛ خايفه مو
جنات؛: اي خايفه
سدره؛:: امشي امشي كدامي وينها الي جانت اتكول والله بس اصير بحضن لؤي ماخاف من عندو
هدير؛؛هههه جبانه هاي الي كدامج كلنا اتزوجنا سمعتي بينا متنا هذا لؤلا ولي
جنات؛؛ هههه بس فرحانه حيييل
سدره؛: فدوه حبيبتي لؤي بس يشوفج يتخبل عليج
هدير؛:؛لؤي ماضل شي يصل ياخذ جنات لمصور ونحنا نطلع لبيت كلنا
ميس؛: خوش
اشويه وجا لؤي وعلي معا بس كل واحد ب سيارتو
دخل لصالون شاف جنات ويضحك ويدحك عليها اول من وصلها حضنها كبل وباسها
جنات
اول من دخل لؤي وادحك عليه شنو من جمال شايل وترتيب واناقه حبيبي بعد
وصل ليمي وحضني وباسني وكالي
لؤي ؛: جا اليوم الي يتحقق بي حلمنا جناتي
ماتحملت من كال هيجي رجعت حضنتو وكمت ابجي لؤي حب عظيم بحياتي
مسح دموعي وباس خدي
لؤي؛:: ماريد اشوف دموعج جنو راحت كل ايام التعب والدراسه والتفكر وهليوم نبداء عمر جديد اني وياج
هزيت براسي واضحك ودموعي تنزل بفرح مسكني من يدي
لؤي؛:؛ يالا حبيبي نطلع
اخذني من ايدي وطلعنا لسياره فتح باب السياره وركبت وهو ركب يسوق واني يمو وشغل صوت المسجل ويطك بصبعتو ويغني ومسك ايدي يركصني معا
لؤي؛: جناتي
جنات؛: ها يروحي
لؤي؛: اني ناذر اذا اخذج اوزع جكليت بل نبي يونس (ع س) قبل ماتبداء الحفله
جنات؛: انروح هسا
لؤؤي؛: اوكي انزل ع سريع اوزع واصلي ركعتين والعصر واطلع نتظريني بل سياره
جنات؛؛ اي حبيبي انتظرك روح
لؤي؛: ماشي هليوم ب يدي انزعج فستانج الابيض
جنات؛:لؤووي (بخجل )
لؤي؛؛ياعيون لؤي لاتخجل ياحلو
جنات؛:هههه
سوى عمل الطريق كله وصلنا يم النبي يونس (عليه السلام)
وسحب من كشن الورى سله بيها جكليت ونزل وشغل عليه التبريد حتي لااحتر وطول تقريبا نص ساعه جنت اشوفه من بعيد يمشي ويوزع جان وكت صلاه العصر والمصلين دا يطلعون من الجامع وزعلهم ودخل جوى يكمل توزيع صلى لان كالي راح اصلي وبعد اشويه طلع يضحك
لؤي؛:؛, ها حبيبي خمه اتاخرت
جنات:: لاحياتي مامشكله
لؤي ؛: اكفي اخذلج صور قبل لااركب
جنات؛:هههه اوكي
اخذلي صور اني وبل سياره ورجع صيح جاهل جان يبع كلينكس وكالو اخذنا صور وخطيه الجاهل ياخذ صور ويضحك شال لؤي عشره الف من جيبو وانطى لطفل وركب بل سياره وطلعنا
لؤي ؛؛ من جنت بل سادس جيت على النبي يونس عليه السلام ونذرت لله عزوجل اوزع جكليت اذا طلعت معدل طب وياج واخذج
جنات؛: فدوه حبيبي الله حقق الي انريدو
لؤي ؛:؛ الحمدالله جناتي فرحتي ماتنوصف
جنات:: ولااني لؤلا
يدحك عليه ويضحك بس عبرنا الجامع رجع شغل اغاني ويركص معايا ويركصني خبصونا الويلاد كلشويه يتصلون يالا يالا وينكم وين صرتو
اخذنا جلسة تصوير وطلعنا وصلني لبيتنا وامي واهلي استقبلونا بل هلاهل وخطيه امي تبجي واتبوس بيا جا ابويا واخوتي يسلمون عليه وبابا لبسني قران ذهب اني جنت البنت الوحيده لهلي لهذا اهلي انقهرو من تزوجت
سمعت صوت الهورنات وصوت الشباب دا يدكون على الطبل ويسوون هوسات عرفت راح يجون ياخذوني كمت ارجف جسمي كله يرجف خوف على توتر على فرح دخل لؤي ويركص ويهز بجسموو كدامي والشباب وعمتي والبنات والكل تغني وتركص سحبني لؤي حضني وباسني وكام يركص معايا
واثنينا انهز ونركص ونضحك سلم على ابويا واخوتي ومسكني من ايدي وطلعنا وصلنا لباب الحوش وبعدها شنو الي صار ماتذكر ماتذكر خلص
💔💔💔💔💔💔💔
(يأسفني راح نكتفي بهذا القدر مع البطله جنات والكلام على لسانها)
سدره
لؤي اخذ جنات حتى ياخذون جلسه تصوير انطيت سويج سيارتي لميس وطلعت مع علي اني واخذت ماري امشغل اغاني صوتو فول اتكول هو العريس ماري تركص مع ابوها مثل ابوها مشاء الله اتموت على الطربكه وشلون ابوها يركص تركص معا
وصلنا لبيت ونزلت عالسريع على البيت خطيه حسوني اشتاقيتلو
اول من دخلت لكراج شلت الشال كبل من راسي
ودخلت لبيت عمتي كبل كامت اتصلي ع النبي واتهلهل
ام علي؛: حاوطج بايه الكرسي
سدره؛: حياتي امي قبان عيونج
خالة؛: دا اغشعي ياام علاوي اشقدحلوي اللهم صلي ع محمد
سدره؛: تسلمين خالي قبان عيونك انا اصيغ
ودخلت ميس والبنات ورانا وعمتي خطيه بس تقراء ايات وتنفخ علينا
دخلت جوى لكيت ماما امخليه حسوني بحضنها وكن بدلتو حبيب ماما
سدره؛: ها ماما اعذريني ضوجكي مو
ام سدره؛؛ لا امي فقيغ (فقير) بس من يجوع يبكي
سدره؛: حياة ماما خلي اعطينو صدغي قلبي دا يوجعني علينو عاشت ايدكي مامي
ام سدره؛:؛ تدللين حبيبتي
اخذتو بحضني ورضعتو وكملت ورجعت انطيتو لماما رحت احضرلو جنطه صغيره لان ضروري بل قاعه
سدره؛: ماري ماما لاتوسخين نفسج
ماري؛:اوتي (اوكي)
سدره ؛؛: عفيه حبيبة مامي
واكفه كدام المرايا بعد ماحضرت جنطة حسوني جا علي دخل وحضني من ظهري وخلى راسو بركبتي
علي؛:؛ شنو هذا الجمال هليوم طالع ياحلو انت
سدره؛: هذا كلو الك
علي؛: سدره لاتحجين هيجي مايعه ترى اسحبج على التخت
درت نفسي وحاوطت اركبتو وبستو بوسه خفيفه من ركبتو وكلتها بدلع
سدره؛؛ هليوم امحضرتلك سهره بل ليل
علي؛؛ وتركصين
سدره؛: تدلل اركصلك ههه وبطل بيره هم
وركضت وهو ضربني
علي؛: امشي اتريدلها بطل بيره الدكتوره استغفرالله
سدره ؛:هههه يالا حبيبي نطلع
علي؛:. يالا
انطاني عكس ايدو ومسكتها وطلعنا ونزلو لؤي من فوك الشباب وكلها ادك وتركص اصدقائو سووا عمل كلبوها كلب ونحنا نركص بصفحه طلعنا لؤي ركبنا كلنا بل سيارات اخذنا فره بل منطقه حسوني عفتو عند ماما واخذت ماري معايا ركبتها من ورى وتركص معانا وعلى الاغنيه
عمي يسوق وعمتي كاعده يمو حمودي يسوق وميس يمو لؤي وحدو بل سياره يسوق ويهز باكتفو ويصفك بيدي كيس جكليت فتحت الجام وكمت اذب جكليت على لؤي
اخذنا فره بس على مود التصوير لان المصور دا يصور وصلنا بيت جنات نزلنا كلنا والويلاد ماسكين دنبك ب يدهم ويدكون ويغنون هوسات عراقيه ولؤي يركص هذاك الركص ويهز باكتوفو اول من شاف جنات جنات وكفت سحبها بحضنو حضنها وباسها وكام يركصها بعدها سلم على ابوها واخوتها وابوجنات كالو
ابو جنات؛: انطيتك وحيدتي واريدك اتحافظ عليها مثل روحك
لؤي؛: واكثر ياعمو هاي جناتي هاي بعد الصبر والتعب الله كرمني بيها
ابوجنات؛: روحو حبيبي الله يوفقكم ويرضى عنكم
لؤي وجنات باسو ايدو وطلعو من البيت وصلنا يم باب الحوش علي شال لؤي على كتفو وكام يركص بي علي اضخم من لؤي لؤي ضعيف وخفيف لهاي علي كدر يشيل لؤي على كتفو ولؤي يركص وفرحان واني اركص مع جنات
وكلنا انهوس اخذنا شمعة بيتكم الحجي بعد مايفيدكم
وصار مختار يضرب طلقات
سمعت صوت طلقه طلقتين وعم الهدوء كانما الكل جمد كانما الحياة انتهت وكانما شنو اوصف شعوري بهذاك اليوم شنو اوصف احساسي مختار ايدو ضلت جامده لفوك ب يدو السلاح ورافعها جمدت
احساسي جان كابوس لؤي واكع بل كاع وطايف بل دم يعني شنو يعني يعني لؤي مات يعني خلص لؤي راح عريس ياربي عريس فرحان اخذ حبيبتو محد بينا كدر يحرك ساكن من الصدمه الي فززنا كلنا صوت عبدالله وهو هجم على مختار ويكتل بي ويصيح
عبدالله؛: حقير نذل كتلتو غبي هليوم انعل ابوك
وعبدالله ولسانو الزفر جنات صار التصرخ وتبجي وكعت ع لؤي وتحضن بيا واتصيحح
لؤؤؤؤي حبيبببي لاتعوفني لؤؤؤؤي نظر عيني انت لاتروح
علي؛: لاااااا ياربي دخليلك لاااا ياربي ولج بالج
وعلي دفع جنات وسحب لؤي من حضنها الصفكه صارت لطمه والضحكة صارت دمعه والاغنيه صار نعي اتخبلنا مانعرف شنو انسوي عمي وكع ابويا اتخبل امي وعمتي يلطمون ويبجون الدنيا انقلبت عمر نفس اللحظة سحب مختار من ايدو وركبو السيارة وطلع بي اني مصدومه الي حد الان صهيب والشباب وحمودي لحكو علي بل سيارات بل مستشفى الجيش والشرطه نفس اللحظه انجمعو احس اني الي بي كابوس وراح اكعد من عندو اي متأكده كابوس اني اعرف هذا حلم هسا راح اكعد ولؤي مابي شي اماني حاضنه جنات وتبجي وتصرخ معاها جنات ايدها وفستانها كلو صار دم ادحك على ايدها وتبجي وترجف واتصرخ
لؤؤؤؤؤي لؤؤؤؤي مايموت لؤؤي ملازم يموت حبيبي مايعوفني افتهمتو لاتبجون كتلكم لؤي ماراح يصير بي شي
جت اسماء اتقربت عليه وتبجي وصارت اتصرخ بوجهي
وتحضني
اسماء؛:سددددره مختار قتل لؤي سدددره
صارت اسماء اتهز بيا وتبجي حسيت على روحي فزيت من صدمتي وصرت اضرب على نفسي واصرخ ركضت على جنات واحضن بيها وامها اتريد تمسكها اتخبلت جنات ماتمسك واتصيح لؤؤؤي واتريد تروح معاهم على المستشفى اخوتها وابوها مسكوها دخلوها جوى شالو عمي شيل ودخلو جوى
ويلادي ضيعت ويلادي وينهم صرت مثل المخبله اركض امي وكعت وماعرف منو سحب حسوني من حضنها
رحت ادور عليهم واركض مثل المخبله وابجي وادور ب بيت جنات على ويلادي واخيرا لكيتهم بل مطبخ سماء وطارق يبجون فايتين جوى الميز وحاضنين حسوني وماري وكلهم يبجون
ركضت عليهم سحبت ماري وحسوني بحضني واسكت بيهم وابوسهم وابجي من هذيجه اللحظه اتاكدت وعرفت اني خسرت كلشي
سحبت سما وطارق واحضنهم
سدره؛:؛لاتبجون حيااتي
سما؛: خايفين على لؤي سدره شفتي مختار كتل لؤي
طارق ؛؛ يعني لؤي راح يموت
سدره؛: اشش لاتحجون هيجي ادعولو للؤي ان شاء الله مابي شي روح طارق عالبيت شوف اكو احد بي.
راح طارق ركض ورجع كال نصهم بل بيت
سدره؛؛ اخذو ويلادي وروحو اكعدو بغرفتي واقفلو الباب على نفسكم بين ماجي
سما وطارق اخذو ويلادي وراحو ورحت امشي ادحك على عمتي مغمي عليها وامي بس تضرب على نفسها الكل تبجي وتصرخ ومانعرف لؤي مات لو عايش
دخلت لغرفه الي بيها جنات شفت هم مغمي عليها ودا يكعدون بيها اماني وامها واقاربهم ملتمين فوك راسها يكعدون بيها يالا صحت امها رادت اتنزعها الفستان ماقبلت صارت اتصرخ وتبجي ومسكت ايد امها
جنات؛: لااااا ديري بالج هذا الفستان محد ينزعني هو غير لؤي لؤي هسا يجي اني متاكده هسا يجي وانكمل عرسنا حبيبي مابي شي لؤؤؤي مايعوفني محد بيكم يتجرأ ويطخ فستاني لؤؤؤؤؤؤؤي حبيبي وينك
ورجعت اتصرخ وتبجي واتصيح لؤي صارت تنفظ فستانها من الدم
جنات؛: لا ليش وسختو ها ليش ماريد لؤي يشوف فستاني وسخ ليش
اماني؛: جنات جنات فدوه لاتسوين هيجي جنو
جنات؛: هههه شوفي فستاني حلو مو امونه ومكياجي اني طالعه حلوه هليوم ولؤي عجبتو حيييل
جنات فقدت وصارت تضحك وتمسح بدموعها وميكاجها الي غطى وجها من البجي وتنفظ على فستانها وتمسح بوجها واماني تضربها على وجها اتريد اتصحيها من الي دا اتسوي احس روحي جثه دا امشي بينهم ماكدر اتقدم مصدومه مابيا اسوي اي شي ام جنات من شافت بنتها هيجي صارت ادك وتلطم على راسها وتبجي
ام جناات؛؛ يمه راحت بنتي يمه جنات لاتسوين هيجي بروحج الله يخليج ابوس ايدج ياامي لاتسوين هيجي
اسماء من شافت منظري هيجي واكفه مصدومه بس دموعي تنزل سحبتني من ايدي واخذتني على بيت عمتي بعد ماالكل رجع هناك دخلتني ع الغرفه فتحت تسريحتي ولفت شعري اشون ماكان ونزعتني ملابسي ولبستني دشداشه وجابت كلينس مرطب تمسح بوجهي وتبجي وابجي معااها
علي💔💔💔💔
اخخ منظر جان الى حد هذا اليوم اكول كابوس ومن اتذكرو يخنكني ب يدي جنت رافعو واركصو وفجأه شنو الي صار لؤي غركان بل دم
سحبتو من ايد جنات وشلتو وركضت بي لسياره وركبت السياره واسوق مثل المخبل اريد بس اصل
علي؛: لؤؤي حبيبي اتحمل ابوس ايدك لؤي لاتموت
لؤي؛: ع
علي؛: لاتحجي شي لؤي حبيبي بس اتحمل وصلنا المستشفى راح اتعيش لؤي راح اتعيش
لؤي؛: ج جناتي ا مان ه
وسكت التفت عليه لكيت عيونو مفتوحه ودم طلع من حلكو لحظتها عرفت لؤي مات بس كذبت احساسي وعيوني جانت اعصابي كلها ترجف واسوق واصرخ على لؤي لايموت
وصلت المستشفى وصرت اصيح كل قوتي مثل المخبل وطلعو يركضون عليه اخذو لؤي وادحك السيارتي الي ورايا انكلبت المستشفى كلب ب ويلادنا كلها تبجي على حال لؤي دقايق وطلع الطبيب وركضنا عليّ
علي؛:. ها دكتور بشر اخويا عايش مو
دكتور؛: والله ماعرف شنو اكولكم بس المريض اتوفى البقيه بحياتكم
من كال هيجي الدكتور هجمت عليه والويلاد يسحبون الدكتور من ايدي
علي؛: هسا هسا اترجعو واتخلي عايش افتهمت اخويا مايموت صارلو سنين ينتظر يوم عرسو تجي انت اتكول ماات
الدكتور؛: استغفرالله يااخويا كول يالله وادعيلو بل رحمه اخوك جبتو وهو متوفي
وكعت بل كاع وصرت ابجي واصيح
لؤؤؤؤي حبيبي وين عفتنا ورحت لؤؤؤي
اصدقائي والشباب اتلمو علينا ادحك على محمد اتعس من حالي واكع بل زوايه ويبجي كمت احبي على رجليي ليمو احس ماعندي حتى رجلين امشي بيهم وصلت محمد وحضنتو
علي.... محمد لؤي مات ياحمودي اخونا الاصغير مات سندنا وعزوتنا مات
محمد::ولك عللللللي انكسسسسر ظهري ولكمممممم اخخخخ انكسر ظهري انكسسسر والله الي شرب من دمك يامختار والله والله
الكل تبجي فقدنا اني ومحمد احس الدنيا انضلمت بعيوني احس الدنيا صارت كلها كابوس رفعت نفسي بل كوه وركضت على الغرفه الي جان بيها لؤي
شلتو وحضنتو قوي وابوس بيا
علي؛: لؤؤؤي كوم يااخويا كوم حبيبي شبيك اشجالك كلي اصيرلك فدوه بس لاتروح وللكككككككك لؤؤؤؤؤي كسرررررت ظهرنا لؤؤؤؤؤؤي اشجالك ولك هليوم عرسككك يالؤي عرسسككك اتروح ب يوم عرسك فهمني هيجي هانو امي وابويا عليك بداعت جناتك اتكوم دا تنظرك جناتك ولك شلوووووون كدرت تكسرها فهمني شلون مو هاي حبيبتك مو هاي كل حياتك شلون هانت عليك اتعوفها ب يوم عررسسسكممممم جاوبني شبيك ساكت لؤي
عبدالله؛: كااافي ياعلي عذبتو كااافي
علي؛: عبود لؤي راح ياعبود
اني وعبدالله واحد يحضن بل ثاني ونبجي متنا جانت صدمه جبيره النا جانت كابوس
سدره
طلعت من المغسل غسلت وجهي وسمعت صوت لاله الى الله محمد رسول الله من سمعت الزلم دا يصحون هيجي انصدمت ضليت مصدومه
من دخلو وشايلين جنازه لؤلا عمتي غمه عليها مره ثانيه من شفت الجنازه وكعت بل كاع وصرت اضرب ايديا على كاع واصرخ وابجي ب هستيريا
سدره؛؛ لااااا ياربي لااااا لؤي عمت عيوني يااخويا من بعدك
النسوان كلها ملخت نفسها وتبجي واتصرخ نزلو لؤي بل كاع عمي وكع على جنازتو ويبجي مثل الطفل
ابو علي؛: لؤي حبيبي وليدي وين رحت وليدي وين كولي صارلك سنين اتكولي يابا اريد اتزوج ويوم تزوج انزفك على مكبره رحت اركض على جنازه لؤي والي ماكو مجال الكل ملتمه على جنازه عمتي صحت ومن صحت شكت ثوبها من فوك لجوى على سريع ام عبدالله ركضت جابتلها ثوب لبستها عبير ورغيد وهدير ماتو ماتو يحضونو بجنازه لؤي ويبجون ويلطمون
اماني
صدمه جبيرة جانت النا كلنا من لؤي انضرب طلقه اهدي ب جنات جنات اتخبلت ماتقبل انزعها الفستان بس اتصيح واتكول لؤي هو كالي اني راح انزعج الفستان ب يدي
وفجأه سمعنا صوت الزلم اتصيح لااله الى الله واجوي النسوان يركضون ويكولون لؤي مات انصدمت جانت صدك صدمه جبيره لؤي جان اخ وصديق وعزوه لؤي جان ماكو مثلو بكل الوقت شنو اتريدوو يصير الك جان سند حقيقه ما شفت غير جنات شالت فستانها وطلعت تركض بل شارع وانريد نمسكها ماتنمسك وصلت لباب حوش اهل علي وعبدالرحمن اخو عبدالله مسكها
عبدالرحمن؛؛ جنات جنات اهدي كولي يالله
جنات؛: و... وي نو ...
عبدالرحمن؛؛ جابو
دفعت عبدالرحمن وفاتت تركض ونحنا نركض وراها
سدره
عمتي وعمي والبنات وعلي ومحمد نامو ع جنازه لؤي كتلو روحهم يحضنون بي ويبجون منو بيهم مابجى بهذاك اليوم فاتت جنات كالو وصلت جنات سووا مكان ابتعدو الشباب عن الجنازه الي همه ويلاد القارب واصدقاء لؤي
لؤي جان بل صاله امخلينو جنات من دخلت ضلت مصدومه بمكانها وادحك على الجثه ابوها حضنها وخرت ابوها عنها وصارت تمشي على كيفها وصلت لحد الجثه وصارت تملس خد لؤي وشعرو
جنات؛: لؤي حبيبي يالا كوم انروح لدوام ليش نايم
كلنا انصدمنا من جنات حجت هيجي امها حضنتها كبل
ام جنات؛: ماما جنات شبيج
جنات؛: ههه اكعد لؤي شوفي اشكد حلو نايم حبيبي لؤلا كوم
علي بهاي الحظه كبل ضرب جنات براشدي ومسكها من كتفها ويهز بيها
علي؛: لانفقدين عقلج اصحي على نفسج لؤي مات هذا مو نايم مات افتهمي تسمعيني زين مات مات
بهذيجه الحظه عرفنا جنات مادا تسوعب الصدمه وبدت تفقد عقلها علي من ضربها وصار يصيح بوجها جنات كامت تهمس
جنات؛؛مات لؤلا مات
ادحك ع علي وترجع ادحك على الجثه وترد تسال علي
جنات؛: مات حبيبي مات
علي؛؛ اي ياجنات مات لؤي مات
صرخت صرخه حتى الطيور الي بلسمه سمعتها
جنات؛: لاااااا لااااااا لؤي مايموت لؤي مايعوف جناتتووووو
صارت تصرخ وتبجي وتحجي مسكت جثة لؤي وصارت تصرخ فوكها
جنات؛؛ لؤؤؤؤي لؤؤؤؤي حبيبييييي ياعمري لؤؤي انت ماتموت انت وعدتني ماتعوف جناتك يالؤي الله عليك حباب حيااتي فدوه لاتعوفني هليوم عرسنا لؤلا انت انت مو كتلي قبل اشويه ياجنات جا اليوم الي راح انحقق حلمنا بي مو كتلي ليش رحت شوف شوف حبيبي اني اني ماقبلت احد ينزعني الفستان لان انت انت كتلي بيدي راح انزعج الفستان هليوم حبيبي لؤلا شوف الكل جاي حتى يفرح لعرسنا لؤي وكلها منجمعه حتى يشهدون على زواج لؤي وجنات مو يشهدون على جنازه لؤي لا حبيبي لا انت ماتسويها واتعوف جناتك انت وعدتني انت وعدتني يالؤي ليش تكذب ها جاوبني ليشششش فهمني ليشش عمرك ماكذبت عليه عمرك ماكتلي شي واذا مانفذتو وهسا وهسا كذبت عليه وعدتني تضل معايا طول العمر لحد مانشيب لحد مانكبر بل عمر اني وياك وين احلامك الي وين وعدك وين فهمني انت كذاب كذاااب اي كذبت عليه يالؤي وعمري وزمااااني ماراح اصدك بيك غدرت ب جناتك اني جنو اني جنو يهون عليك اني اتعوفني وحيده بهاي الدنيا وتمشي
سحبت جنازه لؤي بحضنها وصارت اتصرخ باسمو
لؤؤؤؤؤي حبيبيييييي انت ابويا انت اخويا انت صديقي وزوجي انت حب مراهقتي وانت صديق الطفوله انت امي انت سعادتي انت فرحي انت ضحكتي ونستي انت كوني انت انفاسي وعساها كون ماتت جناتك بعدك عساها لاعاشت بعدك يالؤي والله والله متت يالؤي
جنات تحجي هيجي وكلها تبجي عليها وع حضها اندارت على الكل وصارت تحجي معاهم
جنات؛: يابا ياب الله يخليك كول للؤي كوم ومايعوفني كولو هو مطيع الك ويسمع كلامك دائما يابا كولو يكوم كولو جناتك ماتكدر اتعيش من دونك
عمي خلى ايدو ع وجهو واكتفو تنهز ويبجي بدون صوت
جنات؛: يوم يالا كولي للؤي يكوم كوليلو انتي مو امو فهمييييييني انتي مووووو امووو ليش مايسمع كلامج ويكوم ويدحك على حالنا لؤؤؤي حبيبي شوف عمتي شوف شنو صاير بحالها انت مو جان همك ماتشوف امك ضايجه شوفها عمتي شنو صاير بيها
سلوى ماسكه عمتي وبنت عمي هم وعمتي بل كوه كاعده كل اشويه اتريد تكع
ام علي؛: اخخخخ ولككك يمه لؤي اخخخ ولك ابني وين رحت وعفتنا
جنات؛؛ صهيب حباب الله يخليك انت ولؤي مو اصدقاء بلكي يسمع منك خلي يكوم اني اني صح احبو من ينام بس ماحب هاي نومتو
صهيب كام يبجي وطلع بره يصيح واسمعه صوتو صيحو
صهيب؛: يااااااربي ليييشششش ليششش يالله اخذتو ب يوم عرسو ب يوم عرسو ياربي ياربي والله كسرتنا والله
جنات تحجي مع واحد واحد حركت كلب الكل جا اخو جنات عليها
اخو جنات؛: كاافي ياختي كومي عذبتي حرام عليج
جنات؛؛ لا لا عوفوني اني ماعوف لؤي اني ماعوف حبيبي وحدو ابد اني متاكده راح يكوم راح يرجع يعيش حبيبي حبيبي ماميت اني متاكده علي حمودي هذا مو اخوكم الاصغير ليش ماتحجون معا واتكولو لايروح ويعوفنا
علي ؛:؛ولج حجينا وكلنا وصيحنا بس لؤي راح لؤي ماااااات كسر ظهرنا كلنا
محمد؛:؛بس جنات بس عذبتي عذبتي روحو
جنات؛: لا لا لؤي مالازم يموت مالازم شبيك لؤي شبيك ساكت كولي ها جاوبني
صارت تضرب لؤي على صدرو ونحنا نسحبها بس مايفيد عمي كام يصيح بس الخاطر الله عذبتي بس شيلو شالو لؤي على الحمام وجنات اتخبلت ومسكت لؤي من ايدو وضلت مجلبه بي وابوها يسحبها وامها وهيا اتصرخ
جنات؛: لااااا لااااا الله يخليكم لاتخذون حبيبي الله يخليكم عفيه حباب بابا كولهم لاياخذون حبيبي
حبببييييي لؤؤؤؤي
وكعت جنات أغمي عليها واخذو لؤي لحمام حتي يسبحو اني واماني وحده تحضن الخ
سدره؛: امونه راح صديقنا واخونا يااماني
اماني؛؛ الله يخليج سدره كوليلي الي بي نحنا كابوس مو حقيقه ياسدره كوليلي اخخخخخ يمه لؤي
ام اماني؛؛ كولو يالله ادعولو ياامي سدره دحكي على امج على عمتج
سدره!؛ اخخخ ياخاله هليوم جان عرسو طلعنا عريس من هذا الباب ودخلنا جنازه
جنات دخلوها على غرفه عمتي نزعوها فستانها ومسحو وجها وفلشو تسريحتها شلون ماكان ولفو شعرها ولبسوها عبايه وتقريبا هيا نص ساعه غامي عليها فاقده صحت وشافت امنزعيها الفستان لو اتخبلت صارت تضرب نفسها وتسحب ب شعرها
جنات؛: اني مو كلتككككككم لؤؤؤؤي هو يسوي كل هذا الشي مو كتلكم ليش نزعتوني فستاني ليششش هيجي لؤي مايموت مايموت
سدره!؛ جنات جنو يروحي فدوه فوضي امرج ل الله
جنات؛؛ لا الله مايريد هيجي الله مايريد الظلم وهذا ظلم والله ظلم
حضنها وانهدي بيها طلعو لؤي من الحمام امكفن وخلو بل كاع
ابو عبدالله؛: ياجماعه ابرو الذمه صار بدار حقو وادعولو بل رحمه يااام حمودي يابو حمودي ادعولو
ام علي؛: وللللكم اريددد الله ياخذ حقو ولكم مابيكم رجال جاب راس مختار
ابو علي؛: والله والي اسمو الله بيت الشعر ماينصب اذا مامختار راسو ب يدي ب يدي اخذ ثار ابني اطلع من بيت يامحمد اطلع انت وعائلتك
ابو سدره؛: ياابو حمودي لؤي ابنا
ابو علي؛؛ مايشرفني تدخلون بيتي اطلع
جان الموت اصعب عليه واهون من اشوف ابويا بهذا المنظر ابويا انطرد من بيت عمتي
وفجأه دخل عمر
عمر؛؛ مختار خليتو يسلم نفسو لشرطه
علي؛: ومنو سمحلك مختار مالازم ينسجن مختار لازم يموت مثل مالؤي مات
عمر؛: لؤي غالي علينا كلنا وروحي دا تكطع على لؤي وماوصفلك مختار شنو جان من عفتو بس الي صار مانكدر نسوي شي بعد
علي ؛: جاي بكل عين وقحه اتكول الي صار صار انت صحيح ماتخجل ولاتستحي من نفسك ولك كواد هذا الي مات ابن عمتك تعرف شنو بس حقك الميت مو اخوك الميت اخويا والقاتل اخوك
وعلي هجم ع عمر ويضربو وعمر مارجع الضرب لعلي لان يعرف الجرح والموقف الي علي بي وتركو يضربو والكل يريدون يسحبون علي عن عمر وبل كوه سحبو ابويا اخذ عمر وامي والكل وراحو بس اسماء مارضت ضلت يمي ودزت ويلادها مع ماما
ابو هيثم ؛؛ ياابو حمودي اكرام الميت دفنو خلي ندفن المرحوم وبعدين لكل حادث حديث
محمد؛: يابا خلي دفن اخونا حرام يضل هيجي
عمي هز براسو يعني شيلو همه بدو يشيلون لؤي البنات وعلي وجنات جلبو ب جثة لؤي وعمي يصيح عليهم وابو جنات والكل ويريدون يشلونو بعد مااكو جلبو ب لؤي
علي؛: ولكم وين ماخذين الغالي ولكم شلون يجي من كلبي اخلي ينام جوات التراب هليوم
جنات؛؛ محد ياخذ لؤي مني محد اخذوني معا اخذوني لاتعوفوني حبيبي جوات التراب لؤي ماهذا مكانو
ابوجنات؛: ياااعمي حرام عليكم الي دا اتسوونا جنات بابا ادعيلو
جنات؛؛ لا بابا لا لؤي مايروح مني ماعوفو ماعوفو حبيبي
والله حركت كلبي جنات بل كوه كدور يسحبون لؤي من ايدهم اخذو لؤي وطلعو وراح كلشي مع لؤي راحت ايامنا راحت ضحكتنا وراح لؤي ابو ضحكة الحلوه ابو الهوسه راح كلشي مع لؤي ادفن لؤي وكلشي ادفن مع لؤي .....يتبع
من جنت طفله صغيره جنت اسمع عمتي تكول
خلي الواحد ينام مهموم ولا ينام ندمان
جنت مافتهم شنو تقصد وليش شنو الفرق بين الندم والهم
من كبرت عرفت الندم هو تاذي الشخص المقابيلك
والهم شخص الي مقابيلك ياذيك
نام مظلوم ونام تعبان ونام وانت تبجي من قهر الي ظلمك
لان اكو قهار فوكه راح ياخذ حقك
بس اذا نمت ندمان وكل ليله تمر تعض اصبعك ندم
من صار لؤلا جوات التراب دفنت كل السعاده الي شفتها مع علي
عبدالله وعدني ماياذيني بعد ومايتقرب يمي واول مره يكون صادق معايا
بس القدر جان ضام شي اكبر جان ضام اخويا يقتل اخو زوجي ويدمر حياة الكل بسبب طي
