رواية زوج اختي والماضي الفصل العشرون بقلم مجهول
أجمل ما قيل في الحُب:
أن الله إذا أرادَ أن يجمعَ بين قلبَين ، سيجمَع بينهُما
وإنْ كانَ بينهُما مِداد السّماواتِ
والأرضِ، فاطمَئن....🍂
بشلعان الروح يلا عافني نزلت ابجي هو يضحك ولا جن ولا يشوف حالتي شلون صايرة مايحس أبد هذا إنسان
بدون مشاعر أو احساس بالآخرين
رحت اركض على الحمام سديت الباب ودموع تنزل عشرة على عشرة وكفت كبال المراية اباوع على شكلي شعري
مخربط صاير وجي أحمر دم
من البجي عيوني حمرة كذالك فريت راسي اباع على ركبتي بيها مكانات صايرة حمرة وزركة وطبع سنونه
الله ياخذه شكد عنيف وقاسي
هسه قبل اسوي بي هيج واذي لاا اكيد ميقبل ختصاص هذا الانسان التعذيب فقط غسلت وجي بكل ألم الدنيا ضاكت بعيوني من هالحظة أني اكرهه حيل ياا الله
ليش هيج يسوي وياي مو
يعرف محبه واقرف منه بس هيج انسان مستحيل يقنع لو يحس بلي احسه من اكون قريبه من عنده كعدت بالحمام
شبعت بجي من كيفي فوك الساعة بقيت
كمت غسلت وجي اخذت نفس اكثر من مرة علمود اقوي نفسي كدامة طلعت رحت بوجي على الكرويتة تمددت
عليها بدون غطه باردة جانت الغرفة
_ هيييي زهورة
مرديت عليه سديت عيوني اسمع بي...
_مو احجي وياج .... وتالي ولج يالطرشة
مرديت بس..أخذ نفس بعصاب لو بايدي اكوم ابتلي بي لاا اشرب من دمه هم ميبرد قلبي
_ قبر الياخذج أنتِ هم حاسبة نفسج على النسوان ولج لو غير وحدة جان هسه نايمة بحضني بدون ما اكوللها تعالي
يحضي شبيج انتِ مصخمة...... امداج
عفته يحجي علية بكيفة كام يغلط ما هتميتله أبد أصلا محسبت هو موجود بالغرفة عبالك تجاهلته تماما هسه هو يبزع من روحه ويسكت بلأخر كام شغل التلفزيون علا الصوت خلاه على ( قناة ؟) جان طالعة ردة حسينية لملا عمار الكناني
(مجنونك ) زيد الصوت على مستوى
عرفت بي كام يخبث باوعتله بعين شبه مفتوحة شفت بي يزيد بالسبلت بالريمونت ...... صارت الغرفة باردة ثلج
كمت اطكطك بسنوني من البرد
باوعلي أخذ نفس طويل زفر راح على الميز جر المجر طلع باكيت الجكاير وشعل .... جكارة ارتجه على الميز يباوعلي وينفخ الدخان من خشمه وحلكه
كبالك غيمه .... بيضة صارت كبالة من ماهلكد يسحب نفس طويل منها بقيت أراقب بي بعين شبه مفتوحة لميت
جسمي صرت أرجف من البرد
مااريد اكوم اخاف منه يتحارش بي وهو متعصب ودا يذب حركة نار قلبه بالجكارة كملها شمرها بالحاوية
الزبالة كلت بقلبي ...
_ وهسه تشتعل النار بالغرفة شكد غبي يا الله؟!
سديت عيوني اريد استسلم للنوم لأن بعد متحمل
البرودة الجو الغرفة سمعت بي كال
_ شكد حارة اليوم
بيني وبين نفسي ( حارة الله ياخذك راح تجمدني
من البرد حيوان طفي السبلت )
اخلاص .. نومت مصطفى على الساعة بال ٢ وكلت خل انام أني هم باجر وراي دوام بالمدرسة وهاي عندي أوراق لأزم
اصححها مالات امتحانات الطلاب
باجر الصبح
دخلت علية أمي بدون ما تدك الباب باوعتلها جنت متربعة على الجرباية وايدي على الكاروك تهز بي
_ يمه اخلاص شعندج باجر ؟
_والله عندي تصحيح أوراق امتحانات
_ كلت اخذج ونطلع بره للسوك وي بيت عمج
_ ماكدر
_ يلا نأخذ حمزة يسوق بالسيارة
_ حمزة باجر يداوم كال
_ مو ابوه كاله اخذ اجازة يومين شعنده رايح
_ يكول دزوا علية علمود بلشت امتحانات الشهر الثاني
ولأزم يحدد للطلاب موعد للامتحان
_ وماكو غير حمزة
_ مو هو المدرس مالتهم... هسه هم الا باجر الصبح يطلعون ؟
_ مو يردون على الساعة بال ١١ الصبح
_خووب يبقون يومين شعدهم راجعين
_ يكولون عدنا شغل وحلال مربط بالبيت ولولد
ميكدر يسوي شي لوحدة
_ هم صدك خووب بالليل نطلع احسن
_كتلهم عمج يكول لا
_ليش ؟
_ يكول بالليل عالم اشكال ألوان تجي وأني
ماريد بنتي تطلع بالليل
_وعاد بنته اميرة يخاف عليها من العالم
_ هذا عمج واحد معقد مو زين منه جابها ويا هالمرة
_ شكد اكره هيج تخلف دنطي شوي حريه لابنتك خانكها هي الخنكة مامخلينها خطيه تتنفس .... هاي كتلها تعالي يمه
نأمي مرته تكول لا عيني نخاف عليها
_بنية حقهم يخافون
_ ايي مو عدنا ذياب بالبيت من منو يخاف من رامي ؟! لو حمزة لو سيف أستغفر الله عمي مو صاحي أبد
_ مالنه علاقة وديري بالج تحجين وتكولين شي
مبينه حيل مشاكل ويا ماشي
_ ماشي
طلعت أمي تمددت على....... الجرباية سحبت الجرجف بلون الأزرق ومرسوم عليه ورد باللون الأزرق واخضر رن موبايلي جانت الرنة صافورة مالت إشعار الرسائل
جان مخليته بصفي على الطبلة بصف النبة على الشحن اخذته بايدي فتحت الموبايل جانت رسالة من
شخص مجهول أستغربت
فتحت بكل هدوء كاتب ( شلونج شخبارج خلوصة حبيبتي )
صدمتني أخر كلمة جانت (حبيبتي ) وكلمة الثالثة يناديني باسم الدلع اللي محد يكوله لي بعائلة مالتي نفسها بس صديقاتي جانوا ينادوني بهذا الاسم ؟
_ياربي منو هذا ؟ ، بنية لو ولد ارد ... لا ما ارد شلون
ياالله هسه أعرف منو صاحب هذا الرقم ؟
خل ارد وامري وجبري الله
رديت ( منو وياي ؟ )
بقيت انتظر ردة ثلاث دقائق ورد
( ليش معرفتي منو وياج ؟! أني لجنتي تحلمي
بي وتحبي بكل دقيقة وثانية
بلعت ريجي اخذت نفس بعصاب عرفت منو هذا طليقي صباح الله ياخذه شذكره بي .. بعد كل هاي الفترة
_ شتريد مني بعد السويته بي ؟!
رد بسرعة
_ اريد احجي وياج
_ ماكو شي ينحجي بي
_ أنتِ معندج بس أني عندي هواي وهواي حجي
اريد احجي لج خلوصة
_ الحجي لعندك خلي لك مريد اسمع منك أي شي ورجاءً
لا تكول خلوصة واحذف الرقم الموبايل
وبعد لاتراسل اوك
_لا مو اوك احجي وياج يعني احجي
_ اهووو ..ولك شبيك لازك هي الزكة افهم مريد احجي وياك
_ ما افهم إلا احجي وياج
_ ليش اطول بالحجي خل اخليك بالقائمة السوداء افضلي
_ انطيني حظر منا بس راح اطلعلج بالواقع
وكل يوم كبالج تلكيني خلوصة
مرديت..... انطيته حظر بس خفت منه هذا جاي البغداد أكيد مدام كال راح اطلع كبالج كل يوم شمرت الموبايل
بمكانه بقيت أفكر هذا شيريد مني
وشعنده وياي بعد مرجع للعراق ؟ ... بقت أسئلة كثيرأ تدور ب راسي ما اعرف اجابتها بس اللي اعرفه ماريد اسمع منه
ولا اريد اشوفه بعد السواه بي
زهراء بقيت ..كاعدة ما اجاني النوم أبد وحمزة خباثته اشتغلت وياي مشغل التلفزيون ومعلي الصوت أخر درجة وزيد
السبلت فوول خلاه يذب هوى ثلج
يمكن راح اتمرض اخذت نفس بفقدان اعصاب كعدت اباوع على الجرباية لكيته مبدل لابس بنطرون ثلجي تيشيرت نصردان اسود ودا يربط بقيطان الحذاء
باوعلي ابتسم "
صح النوم زهورة
_يانوم هذا التحجي عليه ولك أنت ماعندك رحمة تجاه العالم شكلت لنفسك من زيدت السبلت وشغلت التلفزيون
وخليته على أعلى صوته ؟!
_ بكيفي شبيج متعصبه
_شبيه ولك كول هاي الحيوانه تريد ترتاح ترتاح
_ ههه حيوانه اي حلوة منج .... يلا كومي بدلي وانزلي
كام طلع بره الغرفة وأني متعجبه بتصرفه شكد بارد ومستفز ما يحس أبد ولا جن جنت احجي ويا كمت اخذت
ملابس رحت سبحت وبدلت
خليت مكياج خفيف علمود ما اكل اهانه من عمتي أم سيف تحب تشوف البنية كشخه ومعدلة كبال الأقارب
تكول يعيبون على كلشي
نزلت جوه بوجي على المطبخ جان رامي دا يقرأ هو وسارة وأحد .... مكابل الثاني كبالهم كل واحد كلاص
مي وصحن فواكة
ابتسمت ... دا تقرون ؟
باوعولي بضحكة
رامي ... ايي والله دا نقرا
سارة _ امتحان عدنا باجر
زهراء _ تريدون مساعدة ؟
رامي _ شكرأ ماتقصري بس مريد أني معتمد على روحي
سارة _ وأني كذالك معتمده على روحي محب
اطلب المساعدة من احد
زهراء _ ايي عفية عليكم خليكم هيج معتمدين على روحكم
رامي _ ايي والله معتمدين على نفوسنا وعلى المحاضرات
زهراء _ اي احسن
سارة _ صدك زهورة حمزة باجر يروح على الدوام؟
زهراء _والله مدري
رامي _ لازم يروح باجر
زهراء _والله بعد مدري يروح لا
سمعت رد حمزة من عتبه الباب المطبخ ... رايح ...
زهراء سويلي شي شياتين جوعان
زهراء التفتت عليه بسرعة واكف بعتبه الباب يباوع
بمكر مكدر اكول مكدر كبال أخوانه وافشله
زهراء _من عيوني
طلع بره المطبخ فتحت الثلاجة ادور شي انطيه له
يأكل طلعت جبن سارة حجت من مكانها
_ مايحب ياكل اجبان عصرية سويله طماطة لو بتيتع تقلاه
_ هاا همزين كتيلي
ابتسمت ..... رجعت تقرأ بالكتاب وأني مستغربه هذولة ليش يقرون بالمطبخ هذا البيت شكبرة وشكدة مالكوا غير المطبخ يقروون بي عجيب آمر هاي العائلة
سويت له بتيتة وجان الجاي حامي كملت له كلشي وسويت لرامي وسارة كل واحد لفة خطيه مبين عليهم
جوعانين دخلت عمتي
_ هاي واكفة على الطباخ ودا تسوي اكل
_ سويت أكل الحمزة خطيه جوعان
_الله لا شبعة حمزة اربع وعشرون ساعة يأكل
ومايسمن ليش سويتي أنتِ ؟
_ لعد منو يسوي
_جان كلتي لاخلاص لو رشا يسوون أنتِ بعدج عروسة
مايصير تشتغلين منا للسبعة مالتج يلا
_ لاا عمه ماكو داعي لهاي الشغلات أني أحب اخدم رجلي بنفسي ماكو داعي ازعج رشا واخلاص
_ عفيه عليج عمه هسه اصيحلة ياكل ابو كرش
كتمت ضحكتي من كالت ابو أبو كرش دقايق ودخل كالب خلقتة عابتله كعد ياكل حتى شكراً مكال طلعت رحت
كعدت يم اخلاص وبت عمها هديل
جانت بالعمر ٢٠ سنة تاركة ....الدراسة والدها مايخليها تكمل دراسة يخاف عليها مثل مكالت من جانت بآول المتوسط مهددين ابوه بالقتل لو الخطف
لذالك مبطلها خطية
كعدت يمهم...... جانت مرتجيه على المخدة وتقلب بالموبايل مالتها مكنكة اخلاص مخليه مصطفى على الفراش ويم راسة مخليه السلة مالت الحليب ولمي
كعدت بصف اخلاص حجينه شويه ودخلت مرت
عمها من عتبة الباب حجت وكالت_
_ كومي جهزي نفسج هدولة
باوعت لامها _ وين رايحين ؟
_ نفتر بره بالسوك
_ مو كلتوا الصبح نروح
_ غير رأيه ابوج
اخلاص _شعجب غير رأيي عمو ؟
_ حمزة كاله نطلع هسه أحسن علمود الصبح تطلعون
من وقت وتوصلون من وقت
اخلاص _ هم صدك حجيه
هديل _ منو يروح ويانه ؟
_ أني وابوج وعمج ابو سيف وحمزة وام سيف ورشا وابنها
اخلاص _ ما شاء الله كلها رايحة
_ تغارين ولج
اخلاص _ ههه من شنو اغار عمه ان شاءالله طلعة الهنه ولونسه
_ ان شاء الله... ديلا كومي شبيج لازكة بالفراش كومي
_ كايمة
.... دقائق وطلعوا بره البيت وأني كاعدة يم
اخلاص كامت اخلاص وكالت
_ عندي أتصال مهم دقائق وارجع ديري بالج على صوفي
_ اخذي راحتج
طلعت ......كابلت صوفي نايم مثل الملاك بقيت أتأمل ملامح وجه الناعمة والصغيرة امرر اصابعي على خديداته الناعمة جنهن قطعة قماش من الحرير الناعم
اجت ابالي .....أختي انفال نزلت دمعتي راسن مسحتها مريد أبجي بعد كافي عذب بروحي لصار صار وخلص
صرت مرت زوج أختي والماضي
مالتي عاد نفسه وثبت مكانة بالمستقبل بقوة هالمرة ماكو أي مهرب من الماضي شكد ما حاولنا ، كعد صوفي طكها
بجيه كمت اخذته بحضني اسكت بي
هو متعود على ...اخلاص صارلة ثلاث أشهر تقريبا واخلاص تأخرت فوك ١٥ دقيقة وكالت دقائق وأرجع كمت بي
ميسكت بشلعان القلب يلا سكت
اجت اخلاص دخلت جنت كايمة بي
_ سوده علية كعد
_ ايي كعد بلكوة يلا سكته
_ يفدوة مامتعود عليج بعده يستغرب منعندج .. انطينياه
_ ايي بعده لاا خلي عندي اريده يتعود علية بعد
جم يوم أخذه يمي
_ براحتج اروح اسوي العشة أني يتأخرون يلا يجون
دخل رامي شايل الكتاب دفاتر بايده ابتسم وكال
_ لتعذبين نفسج راح يشترون اكل من السوك
_منو كال ؟
_ أمي كالت قبل لاتطلع
_ بعد احسن والله ... كملت قراية
_ لا والله بعدني بس تعبت وكلت اخذ استراحة
وبالليل ارجع أكمل القراية
_ اقرأ زين
_ هو دا أقرأ زين والله
قبل الاذان المغرب بنص ساعة دخلوا جوه جانوا جايبين دجاج مشوي ونفرات كباب ردت اساعدهم بالمطبخ مقبلت
عمتي كالت رشا تجي وياي أنتِ روحي
اكعدي يم صوفي هاي عمتي مبين عليها خوش مره وطيوبة بس ما أحكم أني .من المضاهر بالبداية لأن البداية
دومها مخادعة أشوفها
اذن صليت بغرفة عمتي وحمزة صعد فوك جان جايب غراض ماعرف شجايب ماجايب ... ورة ربع ساعة صبوا العشة كعدنا كلنا على سفرة وحدة
حمزة كاعد بصفي كل دقيقة خازرني معناها اكلي وأني استحي اكل كبالهم وآلله مامتعودة شلون هسه راح
أموت من الجوع اكيد
كملت قبل الكل يحسرتي كلشي ما أكلت متت من الجوع اكلت جم لكمة فقط الخجل كاتلني كتل شوكت اتعود
عليهم واصير مثلهم ما استحي أبد
غسلوا الماعين البنات كالت عمتي وديتلج اكل بالغرفة اكلي بعدين ادري بيج ما اكلتي تستحين سوت فضل والله جنها أمي تفكر بي شنوالله انطاني عمه مثل أمي هاي نعمة يمكن من الله يعوضني بشي زين وحلو ويخليني
شوي عندي امل اطول
حياتي وي حمزة إذا تبقى هيج وياي زينه وطيوبه وحنونه علية يالله تبقى هيج طول العمر بره طلعوا الزلم كعدوا واحنا.بالصالة اني كاعدة بحضني صوفي اجت كعدت بصفي هديل
_ زهراء سؤال اذا مبيها زحمة
_ ماكو أي زحمة تفضلي
_ شلون قبلتي بزوج أختي الله يرحمها ؟
من كالت هيج طلقه بنص صدري فاتت مزقت لحم صدري ودخلت بنص قلبي تلبكت معرف شرد وشكول
حجت مرة لخ
_ سؤالي ازعجج أسفة
_ لا مازعجني قبلت بي علمود هذا الملاك ..باعي مو
يستحق اقبل اتزوج ابوه واربي واصيرله ام
_ ايي والله يستحق يفدوة صايرة نسخة ثانية من ابوه ربي يحفظه الج واله يتربى بعزكم ان شاءالله
_ ان شاء الله.. وانتِ سمعت بيج مخطوبة
_ لا يابة بس كلام ماكو خطبة
_ لمنو ؟
_ لمنو غير الشفية ابن عمي
_ ماراضيه
_ رضيت ولمارضيت منو سامع كلامي هو هاي احنا هناك
البنية لابن عمها لو لابن خالها ماياخذها الغريب
_ ايي والله هذا التخلف بعده موجود لحد الأن مع أسف العالم وين وصلت واحنا نرجع ليورة عبالك
_ صح كلامج دا نرجع ليورة وآول دليل زواج القاصرات
مثل قبل يزوجون الجهال خطيه
_ ايي خطيه كلشي ميعرفون من الحياة الزواج مسؤولية جبيرة ويرادلها وعي وفهم وعقل ناظج مو عقل أطفال
بعدهم بأول عمرهم كلشي مشايفين ...
آول مايبدون يزهرون بهالحياة يلكن انفسهم يم رجال وعيال وجهال خطيه كلشي مايفتهمون من حياتهم عجبتي أهل
صاروا ينطون بنات ما كاملات بعدهم
_ ايي وآلله هاي جوارينة انطت بنتها ١٢ سنة لواحد عمره ٣١ سنة خطيه مكاملة بعدها يكولون
_ أستغفر الله بلا هاي شتفتهم من الحياة بعدها طفلة صغيرة ويرادلها مداراه مو تداري رجال شكبرة وشكدة ترى الرجال صعب حيل ومطالبة يمكثرها شلون راح تلبي له كل
المطالب والاحتياجات وهي طفلة ؟!
_ الله ينتقم من أهلها
_ خيه الأهل صاروا بدون رحمة عبالك البنيه حمل جبير عدهم ويفرحون اذا انطوها وخلصوا منها عبالك عدهم احنا البنات علاكة سودة مو رحمة من الله لهم
_ صح كلامج ... شنسوي هاي هي حال المجتمع العربي دوم المرأة مظلومة من قبل أهل لو المجتمع كلها ضدها
_ شوكت يتغير هذا المتجمع مدري
_ خيه نموت ومايتغير هههههه
_ هههههه
شوي بكلامها خففت عني متدري أني جبل من الهموم والأحزان نايم جوه قلبي الصغير معرف قلبي شلون بعده ماحمل كل
هاي دا اتعجب ميوكف قلبي فديوم .
صار الليل صعدت فوك قبل حمزة جانت جايبتلي لفتين كباب جاهزات أكلت وحدة ونص ميته من الجوع فتحت الشباك البلكونة شمرت النص بالحديقة هناك يجون
بزونات يأكلون خطيه
وثاني شي مريد حمزة يشوفها ويتمسخر علية يكول أم كرش لو أم نفس الدنية بدلت على السريع لبست تراك
سود وردي لحد الركبة
بردان اطول وديت البطانية تذكرت ماجبت فراش لي خررب راح اجيب باجر الصبح واحد تمددت على الكرويتة
اريد انام ماكدرت تغفى عيني
ما دا ....يجيني النوم أبد ولا عيني تقبل تغفى قبل لا يجي حمزة سمعت جاي عنده محمد ابن خاله وهو صديقة العزيز وبير اسرارة والخباثه الثانية من بعده
اجت بألي غالقة الموبايل مالتي من البارحة وهسه أهلي اكيد دكوا علية علمود يطمنون بس مراح أفتح بعدني
زعلانه منهم انطوني له من الصالون
مخلوني أودعهم واودع بيبي حبيبه قلبي عبالك، عار عليه ابوي مقبل تصير الزفة من بيت اهلي انفال قبل بس أني
لا مقبل الله ياخذه شكد كرهته
وشلت بقلبي عليه ،ّ
حمزة راح محمد .....على الساعة بال ١١ بالليل وعمي راح نام كلها راحت تنام صعدت فوك دخلت للغرفة سديت
الباب وراي وكعت عيوني على
زهراء كاعدة على الكرويتة الشعر مفتوح بطولها صاير باللون البني مخليه ايديها على راسها مدنكة للكاع
ويلي مو شعر يخبل ياخذ العقل
_هييي شبيج ؟
أخذت نفس باوعتلي بملل ... شتريد ؟
_سلامتج ... اهلج خابروا وكالوا جهازج مغلق
فتحي وخابري عليهم بالهم يمج
_ ما افتح
تمددت على الكرويتة سحبت البطانية تغطت حتى راسها غطته استغرب تصرفها تجاهلتني تماما ولا عبالك كبالها
ودا احجي وياها !؟
_من احجي وياج باعيلي مو تسوين روحج منحمة
_ مااريد احجي وياك روح نام باجر وراك دوام
_ ههه عبالك خادم عدها مو رجلها
همست _ شكد بطران
حمزة اخذت نفس بطول خلك وياها مال اعوفه بكيفها هاي سالفة منتهين منها رحت يمها جريت البطانية
وكعت هي والبطانية بالكاع
_ اااه شبيككك
_ وجعع كومي انحمي يمي على الجرباية مو عازلة روحج
_ ما أنام يمك لو ينزل الوحي
كعدت على البطانية مطنكرة شعرها مفتوح كاعد وياها شكلها كلش حلو من تزعل وتعاند كعدت كبالها
باوعلها وكاتم ضحكتي
_زهراء
_ ان شاء الله اموت شتريد
_ اموت وياج هههه ... صدك أنتِ ليش هلكد حلوة
_من الله جكمه موحلوة شتريد
_ لاوالله حلوة وتخبلين بس أنتِ شوي عناد وخبال عندج يحتاجلهن علاج وتصيرين مره معدلة
_ مالت اصير زينة وياك هاي كطنة وطلعها من اذانك
كامت قبل لا تنهض بجسمها جريتها من ايدها
كعدتها بمكانها بعصاب
_من البارحة لليوم متساهل وياج وعايفج براحتج بس من هل لحظة راح اشوفج وجي الثاني وهو الحقيقي
_ وجك الثاني اسوء وجوه خلق الله الله يلعنك عوفني
اخذت نفس زفرت عفت ايدها مسحت وجي اريد اهدي لأن كلامها سم وزقنبوت على القلبي دا ينزل كامت كمت بنفس اللحظة لكامت بيها صرت كبالها
_وخرر
_اللهي اعطني الصبر والقوة
_ مو دا اكول وخر من كدامي اريد انام
_ مكان نومج على الجرباية مو هنا
اشر على .... الجرباية باوعت عليها جانت عليها فرشة
بيضة مالت العرس ابتسمت بمسخرة
_تريدني انام يمك ؟
_لا يم جدي احسن بالقبور السودة
_ ايي والله احسن انام بالقبور ولا يمك ... وهسه
وخر ولك وخر شبيك ؟!
_ ليش احجي واكول
جريتها من ايدها وهي تصيح ... عوفني ولك .. دا
تسوي حمززة عوفني ... حمززة
شمرتها عالجرباية باوعت يمنى يسرى شفت شال مالتها باللون البيجي على الميز رحت جبته ورجعت لكيتها كاعدة
وتريد تنزل كعدت يمها لزمت ايديها
_ ولككك دا تسوي تخبلت حمزززة ... لا تربط حمززة
ربطت ايديها الآثنين ورة ظهرها شمرتها على بطنها
والسانها متبري منها وما تسكت أبد
_ الله ياخذك هذا لكدرت عليه تربط ايديه ولك
حل ايديه كاموا يوجعوني حمزززة
كمت طفيت الضوه واجيت عليها عمياوي ما اشوف شي بس الظلام بين انظاري صاير ، شغلت افلاش الموبايل اشوفها تزحف على الجهة اليمين تحاول تنزل جريتها بايدي
نمت بصفها اضوي بوجهها عيونها كلهن دموع بس ما تبجي كبالي سدت عيونها الفلاش اذاها
_بعده دا تأذيني
طفيت الفلاش شمرت الموبايل على الفراش الجرباية يم
رجلية أحس بيها تحاول تفك رباط ايديها
بس ماتكدر اخذتها بحضني
_ مالت تفكي العقدة هاي مستحيلة
_ ولك عوفني حرام عليك تجبرني على شي
ماريده حمززة عوفني عليك الله
_ اششش خل ننام بهدوء
_ ولك شتحس وأنت تجبرني
_أحس بطعم حلو
_ الله ياخذك وياخذ الطعم الحلو عوفني ايديه
يوجعوني حيل كاموا
_ تحملي منا لصبح
_ما اتحمل والله ابوس ايدك حل رباط ايديه يوجعون حيل حمززة فدوة رحتلك حل ايديه
_ هاا صرتي تتوسلي هسه قبل شوي تحجي علية شصار ولج
_ جنت عوبه فدوة حل ايديه
جريتها عليه اكثر مديت ايديه وره ظهرها فكيت قيد ايديها
بسرعة ضميتها الصدري هي تحاول تتخلص منعندي تحجي وتلغي بكيفها كامت تبجي
ولا اهتميت..... لها سويت الشي ليعجبني وغصبا على شخمها العالي تريد تمشيني بكيفها هاي حلمانة بحلامها
الوردية مراح تمشي حمزة بكيفها
منو أني ... ومره تمشيني بكيفها وتمنعني من الاقتراب عليها صح مراح اخذها هسه لأن مريد اطلع كذاب كبال
أهلي كايلتلهم الدورة الشهرية عدها
٧ أيام يعني وره السبعة بيوم يلا اخذها ،اكيد اخذها وراح اتحمل هل أيام مو لخاطرها ...... لا علمود ما ابين
كبالهم ضيعف الشخصية ومو رجال
مرت الآيام بسرعة .. وكالعادة اجبرها تنام عندي اكوم بالليل لكاها شاردة نايمة على الكرويتة اتعارك وياها ما اكو
أي فائدة مرات تجي بألي اضربها
أتعوذ الشيطان اكول .... بلكت تستعدل وياي ورة ما اخذها جوي أهلها الصبح خالاتها وعماتها سيارتين ، جايبيلها
كومة اغراض الغرفة صارت هوسة
شكد اكره الهوسة كعدت يمهم طايرة من الفرحة وأني كاعد على ناار يم ابوها واخوها حسين ورة الغدة راحوا بقت تعزل بالاغراض كتلهم ودوهم للغرفة الثانية
مريد الغرفة هوسة وبيها افراش سمعت الكلام اجت تنام على الساعة بال٢ ونص الظهر مبين عليها التعب والإرهاق
جنت كاعد على الجرباية
اشوف اخذت ملابس طولت يلا طلعت جانت سابحة كعدت تنشف بشعرها كبال المراية كملت تنشيف صارت
تمشط بي وأني انظاري عليها
بكل دقة أتمنى لو أني بإيدي امشط لها
اكعد يمها احجي وياها مثل أي عرسان جدد بس هي متقبل بعدها متأثرا بالماضي وكارهتني كلش كلش شلون أغير الفكرة
المرسومة بدماغها علية أني واحد نذل ومنحط وسافل مايهتم لكرامتها وشرفها وهسه أني اريدها لي كِ مرأة
وأم لأطفالي بالمستقبل
كملت مدت الفراش بالكاع نفخت هوى اففففف هاي شلون وياها ياربي ماترتاح إلا تعزل فراشها مني ، خل اعرفها اليوم براحتها ويجي باجر أني اعلمها بعد
، شلون تعزل الفراش
بالليل هم ...... عزلت فراشها عفتها براحتها لمدة يوم كامل محجيت وياها ولا تجادلت ثاني يوم
الصبح رحت على الدوام
زهراء يوم كامل وحمزة كلمة وحدة محاجي وياي ولا جبرني أنام ويا بنفس الفراش أخذت راحتي و أتمنى يبقى
هيج طول الوقت ماله أي علاقة بي
طلبت اخذ صوفي بس عمتي مقبلت كالت ماشفتوا شي من أيامكم الأولى واليوم ان شاءالله ياخذج عود ورة ثلأث أيام انطيكم مصطفى شلون هسه يالله ؟ عمتي وكل البيت يدري اليوم حمزة ياخذني وأني أصلا مااريده
ولا اريده يقتربلي وكل هاي الأيام جنه نمثل عليهم شلون راح اطلع منهاي الورطة ؟ للظهر رجع حمزة من الدوام جهزت له ملابس بالحمام مريد يتعارك وياي ويلكاها حجه علية سبح وصلة نزل جوه صبيتله الغدة أكل وصعد فوك
ورة دقائق رجعوا اخلاص .......جهزت لهم الغدة طلبت مني عمتي اصعد فوك للغرفة يم رجلي الشفية عود
أخذت بكلامها ..... صعدت وراه لكيته نايم على ظهرة لابس برمودة باللون الموروني وفالينة أسود يفرك بصفحة من رأسه يباوعلي بنظرات ما تبشر بالخير أبد
محجيت ويا رحت بتجاه الحمام وكفت على صوته كال
_ اوكفي
وكفت التفتت علية ... تفضل
_ هذا الفراش شيسوي هنا
التفتت على فراشي أبتسمت رجعت التفتت
عليه .... فراشي ...شبيك مستغرب ؟
_هذا الفراش ينشال بعد وتجين هنا يمي
_ ليش ؟
_ أستغفر الله العظيم انوب تكول ليش شبيج أنتِ
غبية لو دا تستغبي كدامي
_ حمزة رجاءً عوفني بحالي مالي خلك عرايك
دخلت للحمام ميته... من الخوف الله يستر من هذا اليوم ان شاءالله يعدي على خير وسلامة دقائق وطلعت
هو نايم مغطي راسه فرحت
رحت نمت بفراشي بدون صووت ،
العصر جنه .....كاعدين بالصالة وي عائلة كلها من عده سيف ورامي جانوا طالعين رن الموبايل عمي رفع الخط
واسمع بي يكول .. ألوو هلا أبو صاحب شلونكم اخباركم .. ايي الحمدالله .. بخير هاا ان شاءالله يجون .. والله أني مكدر اجي اعذرني هههه ... عندي شغل موتدري بي وبظروفي .. ان شاءالله خير مرة الجاي . اخذها مني هالمرة بس يخلصون أمتحانات رامي وسارة اجي يمكن وأبقى
أسبوع على قلبك نايم ... ههههه
كلشي مفهمت ومنو هذا ابو صاحب؟ كمل المكالمة وكال بضحكة مرسومة على وجه
_ ابو صاحب عازم حمزة وزهراء على العشة يمهم
عمتي _ بالعمارة
عمي _ ايي وكلتله يجون
عمتي _ ايي مبيها شي يرحون
حمزة _ نروح مو زهراء
زهراء أني كلشي معرف ومنو هذا كلت ... رأي رأيك حمزة
حمزة _ مبين عليج متعرفي منو هذا ابو صاحب
عمتي _ خطيه منين تعرف .. هذا يكون أخو عمج
الصغير عايش بالعمارة صارلة سنوات
زهراء _ هاا
حمزة _ تذكرين النسوان لجوي بالفاتحة بقوا عدنا بأخر يوم
زهراء _ ايي اتذكرهم هم ؟
حمزة _ ايي همه
بقوا يحجون طلبنا من عمتي واخلاص يجون ويانه مقبلوا كالوا بس انتو روحوا واني بلعت ريجي روحة بس أني
وحمزة بيها وياطول الطريق للعمارة
شلون راح يعدي اليوم راح يجي وي حمزة ؟
صارت الدنيا .......المغرب صعدت فوك مبقى شي وراح يجي الليل وهاي ليلة كل أهل بيت عيالي وأهلي منتظرينها وأني الوحيدة اللي خايفة منها
ومامستعده لها من أساس ، معرف شلون راح تعدي ؟ راح اكدر احافظ على نفسي كبال حمزة لو راح ياخذني بس
عقلي وقلبي يرفضونه بشدة
اذن صليت.... وقلبي نقبض حيل كبالك ايد قوية دا تعصر بي عصر الخوف اسرني اسر والقلق والتوتر كلشي بي
صار يخاف علامات الخوف والتوتر بدت
تظهر على ملامح وجي دزوا علية سارة
فتحت الباب دخلت جنت كاعدة على الكرويتة
_ تعالي تعشي
_ بالعافية قلبي ما اشتهي
_ ليش ؟
_والله مالي نفس اكلوا أنتو
_ براحتج حبيبتي
أبتسمت بأخر جملتها وطلعت سدت الباب وراها كمت كبال المراية واكفه فليت ربطة شعري خليتها على الميز
جانت باند باللون الأسود شعري
نزل على كتوفي يمطوله شكد أحبه لأن ربه وياي من نعومة طفولتي وهواي معتنيه بي جنت، بقيت امشط
بشعري والخوف ما اكلني اكل
احجي وي نعكاس نفسي بالمراية ....
هاا زهراء ... مو جنتي تحلمي تكوني أميرة لشخص تحبي ويحبج ... مو جنتي تكولي مراح أقبل أحد يجبرني على شي مااريده ... وراح أعيش آول ليلة لي وي شخص أحبه وأتمناه وتكون هاي ليلة أبد مراح تنسي
أشو هسه ختلفت كل الأمور راح تعيشي آول ليلة لج وأنتِ متزوجة من شخص تكرهي وتقرفي من قربة
لالج وتتمني له الموت
والله الحياة لعبت وياج لعبة خطيرة وبلأخر هي لغلبتج وخلتج بهيج مواقف مؤالمة ومحرجه كولي هسه شلون راح تخلصي نفسج من بين ايدين الوحش حمزة ؟
حمزة كملنا عشة ومتحمس فوول لشوفه وجه زهراء اليوم ما اخذها يعني ما اخذها حتلوه تطلب القوة راح استعملها
وياها رحت صعدت فوك
على الساعة بال١٠ على الدرج امشي امي وكفتني
بحجيها وراي تمشي
_حمزة يمه اوكف
وكفت صارت كبالي تماما واكفة ؟
_ هاا يمه شتريدين ؟
_ يمه اريد احجي وياك بلأول وانوب وي زهراء
_بشنو ؟
_ اسمع يمه كلامة زين ... دير بالك عليها ولا تأذيها خطيه
ترى بعدها بنية ومتعرف شي وهي ....
خجلتني بكلامها شايفتني امي وحش مخليتها
تكمل كلامها وكتلها ..
_يمه شنو هاي
_غير احجي وياك
_ وشايفتني جديد على هاي الأمور مو جنت متزوج
منقبل واعرف بهيج امور كلش زين
_ اعرف والله بس لأزم أكول ديلا أبقى بره الغرفة هسه
خل احجي وي البنية وافهمها
_شتفهمينها ؟
_ وأنت شعليك
زهراء جنت امشط بشعري وحجي وي روحي ندك الباب وكع المشط بالكاع كمت مفزوعة قلبي صار دمام يدك بقوة
أحس بي راح يطفر من صدري
صاحت عمتي منورة الباب ....يمه زهراء
خليت ايدي على صدري هديت شوي زفرت
هوى كتلها .... تفضلي عمه
دخلت مبتسمه سدت الباب وراها باوعتلي .
.. هاا اليهساج ما مجهزة روحج
بس مردت ابجي هنا اقتربت ناحيتي صارت كبالي مايبعد بيناتنه سوء ثلاث خطوات قدم مرديت عليها
_ جنتي تجهزي بروحج وأني خربت عليج
_ عادي عمه
_ دخيل الله شعرج يخبل عين الباردة عليه اللهم صل على محمد وآل محمد مو شعر جنه حرير
_اشكرج عمه
_ تعالي اكعدي اريد احجي وياج
رحت وياها..... كعدنا على طرف الجرباية وأني
معرف شراح تحجي وشراح تكول ؟
_ أسمعي كلامي كلش زينه يمة ... هاي ليلة مهمة كلش
لكم انتو الاثنين والنه احنا هم
بلعت ريجي هاي ليلة كلها منتظرتها طلعوا ،
_ تعرفين بعد اهميتها عدكم انتو لأن هاي مفتاح باب
حياتكم الجديدة وبداية المستقبل ...
_ ادري عمه
_ بعد ما اوصيج يمه خليج حبابه واسمعي الكلام ، حمزة ولا تخافي وتتلبكي من هاي ليلة ترهطى الشغلة
عادية وماتخوف أبد
بلعت ريجي مرتين ركزت علية وكالت ..
. والله جكة ابره شبيج كمتي تبلعين
بريجج من هسة !
خجلت حيل من كالت جكة ابره معرفت شرد عليها هو أصلا أني كره حمزة شلون راح اخلي يقتربلي ويأخذ
الشي لجان يريده من سنوات
راح اعمل المستحيل علمود مخلي يقتربلي واخدعهم كلهم بشغلة مثل ما جانوا يسوون بالفلام والمسلسلات التركية
هاي جانت تدور براسي أني بهالاثناء
دقائق من الكلام والنصائح انطتها لي وأني بالي مو يمها أبد بالي كلة شلون أكد طلعت ورة شوي دخل حمزة
ماباوعت عليه كاعدة
على الكرويتة شابكة ايديه وي بعض بخوف متلبكة
كلش معرف شيوي بهالحظات
حمزة دخلت ورة مطلع أمي اباوعلها جانت شابكة ايديها وي بعض انظارها بحضنها حسيت بيها دا تفكر شلون تطلع من
هاي الورطة بنسبة لها ورطة جبيرة
رحت كعدت يمها على الكرويتة شافتني كعدت
زحفت من يمي ضجت منها
_ شبيج كلما احاول اتقربلج تبعدي ،؟
مردت رادت تكوم ويه نهضه جسمها جريتها من
ايدها بقوة كعدتها لمكانها مرة لخ
_ من احجي وياج تباعيلي وتسمعين الكلام
وتردي علية مو تجاهليني
باوعتلي وايدي بعدها لأزمة زندها
_شيل ايدك
عصرت زندها بايدي قوي
... ما اشيل
خلت ايدها على ايدي محاولة ابعادها لكن بدون أي جدوا اخذت نفس اريد اتحكم بعصابي لأن لهناا وكف حدها وياي بعد ما اتحمل هذا التجاهل من ناحيتها لالي
_ مالت اعوفج براحتج هاي كطنة وطلعيها من أذانج من اليوم كلشي اريده منج ينتفذ بالحرف الواحد
_ ما أنفذ
جريتها علية بقوة وجهها صار مقابل وجي .
.. تنفذي وغصبا على راسج
_ وآلله العظيم مراح أنفذ
_هه ليش تحبين تجبريني اسوي شي ماريد اسوي من أصل
_ بعد ولك أنت خليتني أوصل لهذا المستوى تذكر
جنت شسوي بي بالماضي تذكر
_ايي أتذكر وماندمان أبد
_ واحد مثلك حيوان اكيد مراح يندم هدنيي
_ حيوان بسيطة زهراء تغلطي عبالك راح افوتها
لج لاا ماكو تفويت بعد
_ وانكس من الحيوانات هماات هدني ولك هدني
ما تحملت تغلط جبتها براشدي فريتها فر .... إذا سمعتج مرة لخ غالطة علية راح اكسرلج راسج وراس الخلفوج مو شفتي
عايفج براحتج بهاي الفترة اخذتي راحتج
عفت ايدها لزمت خدها بايدها صارت تبجي أي شفقة بقلبي ناحيتها ما كو تذكرت الماضي كله شلون جانت تجاهلني وتحجي علية هي وهند
فقدت اعصابي تماما ، حجت
_ الله ينتقم منك هذا اللي كدر عليه الضرب
_لو اضربج منا لصبح هم مراح يبرد قلبي على السويتي بالماضي أنتِ وهند مو عبالج ناسي تره لا مااناسي أبد
وكل كلمة منكم ترن بأذاني لحد هالحظة
_وأني هم ما اناسيه أبد الماضي وتصرفاتك القذرة
وياي الله يلعن الوكت اللي جمعني بيك
_ وهسة راح يبدأ الانتقام
