رواية تحت ظل السعف الفصل الواحد والعشرون 21 بقلم ميار

‏يغالي شلون حالك.... وصفه اليه

وعوف الناس كلهة.... وصفه اليه

مريض وحبك صار... وصفه اليه

من اشوفك مايضل كل مرض بيه

ـــــــــــــــــــــــــ♕ــــــــــــــــــــــــــــ

فرات مضروب بسجينه

ريام: عزاا بعيني من ضاربه وين هو هسه 

تبارك:: ما اعرف ويامن متعارك بس هسة ماخذينه للمستشفى شتكولين لو نروح يم البنات نشوفهن

ريام: بكيفجن بس خلي اجيب عبايتي اذا ترحن 

-اي يلا روحي ما يصير هسة خطيه الله يدري شصاير بيهن

ريام:: ركضت جبت عبايتي ورجعت لكيت مروى واكفه تنتظرني جيت يمها اسألها على بنات ما يجن ويانه

مروى:: لا تبارك راح تظل يم فاطمه خاف يسمعنها حجي

-احسن ما تجي احنه هم نشوف البنات ونرجع بس منو يودينه خاف ما يقبلون نروح وحدنه وشيخلصنه من اخوج

مروى:: امشي نروح سريع دنيا ليل منو يشوفنه

ريام:: ويا طلعتنا شفنه عمتي امنه والبنات ومن شافتنه وكفن ينتظرنا سرعنه مشيتنا وصلنه تسالمنه ودخلنه

لبيت عمي جاسم جانت بس عمتي ابتسام وعمة جهاد 

امل شكد وجهه يسد النفس سلمنه وكعدنه ويا مهى

خطيه دمعتها ماوكفت وتعجبت بنسرين غير ملخت روحها

وعبالك امه مو مرت ابوه يمه تمرد كلبي من تدعي علـ ضربه

ظلينه ننتظر واحد منهم يجاوبنه ماكو ونسرين تغلط وما

افتهمنه غير بسام طليق فاطمه الضاربه وعمتهم امل من

تغلط نسرين ما ترضى وتظل تبررله تالي دحكت على عمتي

وگالتلها.. 

امل:: عمي محد فگركم غير بنت خالد قبل يومين 

جهاد تصوب واليوم فرات خيه غير گصته نحس علينا 

-زعلت عمتي منها وزكحت بيها 

امنه:: عيب عليج امل شنو هلحجي ريام شدخلها

امل:: اهاا دافعت تره مو بنتج لا ياخذج الواهس

امنه:: بنتي وغصب لا تظلن تشمرن بالحجي عليها

ريام:: كمت كعدت يم عمتي وكلتها عوفيها عمه لا تقهرين نفسج شيحجون خلي يحجون اهم شي جهاد واخوتي فرات والولد يعرفون اني شنو ما يهم بعد الناس شتحجي خلي تحجي وبعدين عمه ما تكولين ابن اخوج هو المو خوش ادمي يمشي وشال بيده سجين شنو عصابچي لو هو اصلا جان ناويها لفرات وكلنه نعرف فرات شخص ما يحب المشاكل گبل شويه ما ترضين من نحجي على ابن اخوج بس انتي عادي تحجين عليه والله احجي لجهاد كل كلامج عيب عليج بيت اهلي وتحجي عليه مو كل شي تحطنه براسي 

-ما عجبها كلامي وشالت عبايتها ومشت وعمتي ابتسام 

تتوسل بيها بس هي قفلت طلعت تهف بعبايتها عود زعلانه

دخلت عمتي ابتسام وجهه مگلوب من العصبيه جت عليه

وسحبتني من ايديه وتهز بيه وتغلط وتدعي اريدها تحلني

ما تحل البنات يجرن بيها وهي شكد ما مچلبه بيديها كامن

يحركني كوه سحبنها مني وكفت وتغلط على امي وعليه

ابتسام:: بنت الحيوانه ولج شلوون تحجين هيج ويا

امل اظفرها يسوه امج يا جلبه خزيتيني جدامها

امنه:: وهي شعليه عجل يرضيج من تحجي عليها

ابتسام:: قابل جذب وجه الفكر من يوم الصارت بي

ما ركالنه حال انوب ابتلى بيها ابني دحكي ولج والله 

تهددين تخربين ابني عليه والله اموتج على ايدي 

-ظلت تحجي وتدعي علي وتوعد ما تخليني ويا جهاد وعمتي ما تحملت لبست عبايتها وسحبتني اني والبنات لبسنه

عبينه ورجعنه لبيت عمي محمد ردت احجي وياها بس 

وين عمتي نار حتى رباب كالتها حتى ارجع لبيتي ما قبلت

امنه:: ما ترجع والله ما تخطي رجلها الباب اذا ما يرجع جهاد تايهتلها جدام الرايح والجاي تحجي عليها سكتت

البارحه لخاطر احمد وجهاد وحتى لا اخرب فرحة بنتي 

بس كافي ابتسام حجيها ما ينطاق وين اكو عمه هيج 

تحجي على بنت اخوها ولج والله احس كلامها نار بگلبي

ريام:: كعدت يمها ادحك عليها دمها محترك عليه مثل

الام على بنيتها وفعلاً تعاملها وياي تعامل ام حضنتها

وهي شبكتني وخرت من حضنها ومسحت دموعها

-عمه لا تظلين هيج تنقهرين والله دموعج غاليه ميخالف

شسوي هاي هم قسمتي وانتي مو تكولين اهم شي جهاد

وهذا جهاد حيل زين عليه ويوم الي يتغير جهاد عليه عندي 

اهل يوكفون وياي اني گبل من جنت بغداد حگي اخاف لان

جنت وحيده بس هسه الله عوضني انطاني احن ام واب واخوه شريد بعد من الدنيا عمه وجودكم هو الي نزع الخوف من گلبي واني ما راح اخلي حجيهم يخرب حياتي 

امنه:: يبعد عمري يا عمه شريد اني غير اشوفكم

انتي وخياتج واخوتج بخير ومتونسين كل شي بعد ما اريد وان شاء الله يمه جهاد ما يخيب ضنه بي ابد

-ان شاء الله 

امنه:: اكوم ارتاح شويه وبس يدك ابوجن جيبنه الي

ريتاج:: اي يمه روحي ارتاحي بس يخابر نكولج

- توه تريد تكوه لزمت معصم ايدي وصرخت متوجعه

امنه:: يمه شبيج أذيتج

ريام:: لا عمه مو انتي بس هي تأذيني

-شو خلي اشوف

ريام:: رفعت ارداناتي معصم ايدي صاير ازرگ واني هو جسمي ما يتحمل اقل ضربه يزرك بس عمتي عصرت 

معصمي بقوه مخنك الدم عمتي غدت نار من شافتهن

امنه:: هي هاي عمله شوفي شمسويه سوده علي يمه

بعدج عروس وزركت ايدج بس شسويلها عمتج مو بروانها

-ميخالف عمه هسه احطله ثلج ويصير زين روحي ارتاحي 

هزت راسي بأسف وراحت هي عدها ضغط ونخاف عليها

كعدنه بالحوش ورباب جابت ثلج وتحط على ايدي ونسولف

على شغلة فرات مدري شلون صار الولد محد يجاوبنه 

كاعدات وما نحس غير صوت اعياط بالساحه مالت بيوتنه

ومن بين الأصوات صوت جهاد هو الي بارز صوته ركضنه

كلنه للباب ريتاج فتحت شويه ورجعت سدته خاف انبين

ظلينه بس نسمع صوت جهاد وهو يسب ويلعن بسام 

وصوت عمه حاكم يغلط عليه اسمه گاله... 

جهاد:: اليوم انعل والديك بسام اطلع يا خنيث والله 

اليوم اشوفكم الويل اطلع اذا انت زلمه اطلع خلي 

انعل والديك ولكك كلب اب..... تحجي على اختي 

حلكك اشكه يا ناقص ابن ناقص والله ثم والله اليجيب

طاري خواتي انهي ادفنه وهو عايش تحجي باختي

ولك ما تسوه التراب التمشي علي يا ناقص غيرره

حاكم:: امشي ولي ولكك شوكت حاجي باختك بس

هذا ابن خالك دفعك علينه عمت عينك تكف ضد اهلك انت... 

جهاد:: اششش انت تسكت ما اسمع حسك وابن خالي الي ما يعجبك يسوه عشر زلم من ولدكم 

حميد:: شوو انت ما تعرف تحجي عاجبك احمد

جهاد:: عاااجبه عاجبه حميد بسااام وينن شوف حميد اذاصار شي على فرات اذبحكم بسجينة ابنك وحك فاطمه اخذه من بين عيونكم وانعل الساعة العرفناكم بيها اكلللللاابب والله عيب على شواربكم ابنكم يمشيويسولف ابنت اخوكم بس ما بيكم واحد زلمه ويأدبه بس هينه والله هينه اذا ما اشوفكم نجوم الظهر اني مو ابن ابوي والله احركم حركك ولاتشوفوني ساكتيووم الي اتأكد بي الكم ايد بموت حارث والله لحرك بيوتكم على روسكم اني ويااااكم والزمن طويل 

حاكم:: امشيي ولليي تجيب وتذبت بلاويكم علينه

معاذ:: عوفهم امشيي جهاد ايدك مخيطه لا تتاذه

حاكم:: روح روح دور وره الي صوبك وحاط عينه على مرتك ههههه عود ماخذ مره الله اعلم هسه تطلع مثل امها هي الي ذبت روحه عليك مثل..... 

-ما كمل وصار اصواتهم بعد اعلى ولان حيل قريبين على

بيت عمي فتحت الباب شويه اوايج ملتمين مايبين زين

بس شفتهم سحبو جهاد يم مضيف عمي محمد كعدو 

صار ظهرهم علينه واسمع معاذ يگوله... 

معاذ:: ولكك ايدك ايدك تنزف 

زياد:: نعله على حضكم ولك جهاد انفتح جرحك

جهاد:: عوفونيي مابيه شي شوو وخرو مني 

ريام:: كعد بالكاع رايحه روحه واخوته واكفين يمه وكفت 

سيارة نزل عمي محمد وحامد جو يركضون عليه وكف عمي يحاجي يريد يفتهم منه ثنى على ركبه گبال جهاد وكال

محمد:: شدعواك يا خالي شگتلك اني مو كتلك عوفوهم يابه نشتكي عليه ونطيح حضه ولك تحرك

بروحك عليش هذا فرات وما بي شي وفاطمه وابيتك

عليمن تكاون بيهم كوم خالي كوم غسل وارتاح 

محمد:: شدعواك يا خالي شگتلك اني مو كتلك عوفوهم يابه نشتكي عليه ونطيح حضه ولك تحرك

بروحك عليش هذا فرات وما بي شي وفاطمه وابيتك

عليمن تكاون بيهم كوم خالي كوم غسل وارتاح 

زياد:: لا خالي خلي ناخذه للمستشفى ايده تنزف

محمد:: ولك كل عقلك والله عرفت شفتح جرحك

معاذ:: بروسي غير گضبلك عمي حاكم ولعب ويا ملاكمه 

جهاد:: اكوم العب وياك تره واصله حدها والله 

أحمد:: كافيي كوم خلي يضمدون ايدك ونتفاهم بعدين

على عصبيتك وتصرفاتك كووم معاذذ اخذ اخوك خلي يشوفون جرحه وارجعو للبيت اكو امور لازززم تنفاهم بيها

معاذ:: تأمر يابه يلا كوم جهاد 

- كامو واحنه سدينه الباب لا يشوفونه ظليت افتر گلبي يوجعني على جهاد بس سمعت صوت عمي وحامد 

ركضت للبيت استحيت يشوفوني جت وراي ريتاج تغم بيه

ريتاج:: وجع شكو شبيج 

-ولي استحي منهم روحي شوفيهم شيكولون على فرات

و تعالي سولفيلي بس مو تروحين وما ترجعين انتظر ج

ريتاج:: هزيت وعفتها ورحت لكيت ابوي وحامد كاعدين

بالهول وامي توه طلعت من غرفتها واستلمتهم اسئله 

امنه:: يمه طمنوني شلونه فرات وشلون وضعه 

محمد:: لا على كيفج ما بيه شي الحمدلله ضربه مو حيل قويه بس مأذيه شي بسيط من الكبد بس الدكتور

كال مو خطر بس ينرادله مداره واعتناء الحمدلله عدت على خير وكع گلوبنه وهل جلب غادر بي

رباب:: زين يابه شوكت يطلع اذا ماكو شي خطر 

محمد:: باجر بخير وسلامه يشوفه الدكتور اذا زين

يطلعونه يلا يابويه كومو نامو تأخر الوكت باجر ورانه

كعده من الصبح حتى نروح نشوف فرات يا الله يلا تصبحون على خير 

-وانت من اهلوو.. 

ريتاج:: راح ابوي ينام امبين عليه تعبانه وحامد هم راح

للاستقبال يجلطوني ينامون وتعالي انتي غطيني رحت

جبتله جرجف غطيته ورجعت للغرفه رباب تفرش فراشها

وريام متربعه وبيدها موبايلها جيت حطيت راسي بحضنها

ريام:: روحي نامي بمكانج شكو بحضني

-ريام ليش احس تغيرتي رغم البارحه عرسكم 

-اغمج هسه شبسرعه تغيرت ما تعوفيني بضيمي

ريتاج:: والله مو صوجج صوجي اغيرلج جو ظلي حايره برجلج تره بعد ما شايفه شي هو عيشته يكاون بالناس

رباب:: انجبي ريتاج ما عليج بيها ريام والله خوش زلمه جهاد 

-هو اني كايله مو خوش بس ما شفتنه اكو واحد يضرب عمه

ريام:: اوو عوفنه بنات تره والله گلبي يوجعني ما يرد عليه

رباب:: لا تخافين والله يجوز لان زلم يمه هسه هو يتصل بيج من يصير عنده مجال تعالي ريام نامي تعبنا اليوم 

ريام:: نامن بنات اني ما نعسانه 

ريتاج:: تمددت بفراشي وادحك على ريام عينها بالموبايل 

خطيه غير طارت روحها همزين ربي ما تزوجت غير شلعان

گلب عايف حرمته محروك گلبها وهو حايره يكاون بالرايح

والجاي لل2 ونص وهي تلوب واني من وراها ما اخذت عيني نوم كمت كعدت يمها وهي بس شافتني حضنتني 

وبجت يابه كون جهاد يمي الا اطخ راسه بالحياط وخرت 

عدلت كعدتها وحطت راسها على جتفي وعينها على موبايل 

-خاب ريام نامي خلي يطير شلع گلبج ولج ما يستاهل تبجين عليه لا كال اشوف عروستي حاير بفرات وهذا ابوي

كال فرات كل شي ما بي وضعه زين بزلمتج هو ما ينجرع

ريام:: انجبي ريتاج يجوز هو تعبان ما سمعتي معاذ كال ايده تنزف لو يجوز رجع وابوه زعل وخرت من حضنها كتلها

-ريتاج بس لا تعاركو هو وابوه وما جاي يرد عليه 

ريتاج:: عمي كل شي توقعي اوويي شنو من عيشه كشره

فلان كاون وفلان زعل احنه عشيرة تعيسي وداعتهم 

ريام:: شمدري يلا خلي انام وانشوف بلجي الصبح يخابر

ريتاج:: تمددت توه نريد نغفه ودك تلفونه جفلنه يمه احس

گلبي وكف من الجفله كامت هي خطيه ما صدكت يدك عليها سحبت الموبايل وفتحت سماعه وهي تجر بي وهو يصيح... 

-الووو الووو ريام 

ريام: احم.. الوو 

جهاد:: هلا عيوني هاي شبيج ساعه يلا تردين

ريتاج:: فتحت حلكي على رده شاورتها كتلها كوليله هو منو ساعه يلا يرد وهي تأشر بيدها وهو ثبرنه الو ما الوو

ريام:: لا توه غفيت وانت دكيت وبعدين هو منو الي ما يرد

اني لو انت شفت شكد اتصلت بيك وانت ما كلفت نفسك

ترد تشوفني بس كول حاير بنفسك وما ابالك اني شصار بيه وجاي زعلان والله يا الله فوك حگه دگه انوب انت ابوالراهي

جهاد:: هاي يا وسواس الخناس كاعد يمج ويعلم بيج كوليله تره سمعناه بسم الله كامو يخربون بيناتنه ما عليج منها

ريتاج:: صغرت عيوني ادحك عليها انتظر ترد عليه وهي

جلبه غيرت السالفه وظلت تسأل على ايده وعلى فرات

جهاد:: لا يبوي سالفه ايدي سهله واخوج كل شي ما بي بس فارع بطنه وخيطناها اله وباجر الصبح يطلع 

ريام:: الحمدلله زين انت وين هسه 

جهاد: وين يابه غير بالمستشفى ليش انتي وين 

-جهاد اني بيت عمي محمد من ترجع تعال اخذني

جهاد:: وليش صار شي احد محاجيج رياام منو وياج

ريام:: لا ماكو شي بس رحت ويا مروى لبيت عمي جاسم شفنه البنات خطيه متأذيات على اخوهن

وعمه امنه كالت اجي وياها ومن ترجع تجي تاخذني

-يصير خير بويا باجر من الصبح نتفاهم انتي نامي 

هسه ولا يظل بالج خوش كل شي ماكو يلا حبيبتي 

ريتاج:: عزاا صار بيها حبيبتي وهي گبل سدت السماعه

وكامت تحجي وياه شويه وسدته وجت گبل لفت رأسها 

تريد تنام واني مددت يمها كل شويه اندسها بيدي واكوللها

-حبيبتي هاا حبيبتي 

ريام:: ريتاج خليني انام تعبانه 

-حبيبتي روحي نامي هااا شبسرعه صاررت بيها حبيبتي 

ريام:: استغفرالله رتوج اريد انام انتي بعدج اصغيره على

هاي السوالف نامي راح يطر الفجر وتجي عمتي تكعدنه

ريتاج:: عفتها تنام خطيه صدك تعبنه واني هم لفيت راسي

ونمت ما كعدت على صوت تمي ترزل بينه رفعت الغطى

من راسي وامي واكفه يمنه وترزل بيه درت راسي البنات

ماكو يعني بس اني نايمه كتلها.. يمه البنات مو كاعدات

امنه:: دكومي ولج ريام والله ماا تشتغل بعدها عروس

واختج وحدها كومي ابوج يريد يروح للمستشفى على فرات واني هم ما يصير ما اروح واشوف جديتج وعمتج

- عافتني وراحت واني كوه مفتحه كمت غسلت وجهي

ولكيت البنات بالمطبخ دحكت الساعه سبعه شعدنه

من هسه والله بنفسي نومة الضحى ظليت بس واكفه

وهنه سون الريوك شلت صينية الستكاين ورحت كعدت

محمد:: ها بنيتي كعدوج 

-يابه غير لو تشوف امي انت تغيب نص ساعة على البيت

تنگلب مرت اب علينه وهي من ساعة الجت بيها بنت اخوك

ما تشوف غيرها تضربني وترزل بيه هاي مو نسرين مو مثلها

-هههههههه 

-ضحك ابوي على سالفتي وجرني لحضنه ودار على امي كاللها... 

محمد:: هاا اموون ليش هيج ويا بنيتي صايره مرت اب عليها هي رتوج تستاهل واحد يزعلها شو مونستكم بالبيت

-مو بالله والله اضحك بيهم حتى ريام البارحه كتلتني

ريام:: يا جذابه سمعتج صباح الخير عمو

محمد:: هلا ببنيتي صباح النور تعالي عمو اني اكول بيتنا منور طلعت ريومه منورته هلا ببنية الغالي 

-كعدت ريام بسد ابوي وابوي مو تكول ريام صارلها يومين 

الا جانت مسافره اسنين يسويله اللفات ويوكل بيها واحنه

محد عبرنه وحامد كل شويه وصد عليها وگاللها... 

حامد:: يا هلا باخيتنا يا جثير الهلا 

ريام:: بالمهلي خويه ربي يحفظك 

-كملنا ريوكنه وامي وريام تهيرن يرحن على بيت عمي جاسم وابوي واكف ويخابر ويرزل بجهاد وحامد يضحك كال

حامد:: يابه مو كاللكم ليث جهاد مستشيخ علينه ما ترضون 

محمد:: ديلا يلا ننتظركم عمي 

-سد الاتصال ودار على حامد وگاله

محمد:: صدك مستشيخ لا اكدرله ولا شي بس الحمدلله طالعين عليش نروح ننتظرهم بالمضيف تعال حامد

-ادحك امي بس سمعت بيهم طالعين راحت لبست الصايه

وريام هم تهيرت وياها واني حطيت روحي قنعت رباب تطبخ الغده والبيت نظيف ركضت لبست العبايه بدون ما اكوللهم طلعت لكيتهن واكفات بالباب ينتظرن حامد شافتني امي متسغربه لبستي للعباه وكفت يمهن وامي كالت... 

امنه:: خيرج يمه وين 

ريتاج:: وياكم يمه رباب راح تطبخ الغده والبيت نظيف خلي اجي اشوف جنتج وصديقتي مهاوي عيب يزعلن مني واجب

هذا يصير ما اروح يلا امشن حبيبات گبل لا يصلون الزلم

ريام:: هو ينكدرلج خيه دمشي يلا عمه 

-طلعنا جان عمي وابوي واكفين يم المضيف وخالي احمد

هم شفته جي يتمشى وصلنا دفعنه الباب وطبينه ويماااا

لكينه العكارب كلها ملتمه من نسوان خوالي جاي نسلم

سلمت على حرمه ما عرفتها اول مره اشوفها بس امي

وريام اثنينهن عبرنها ما سلمن كعدت امي وتسأل عمتي 

نسرين على فرات ريام بس سلمت طلعت اني هم لحكتها

طبينا للمطبخ سلمنه على البنات ودخلن بنات خالي احمد

تبارك:: هلااااا بچنتي الحلوووه 

ريام:: هههههههه هلا بحماتي الحلوه

مهى:: هاا بدت العنصريه جنتي وحماتي تعالي ام السان

تبارك:: لا يمه فدوووه مهاوي الورد شلونكم بناتي

رحاب:: انوب صرنا بناتها هلا هلا بتبارك شلونج شخبارج 

تبارك:: اني الحمدلله دام سمعت ابو علاوي زين اني زينه

مروى:: اكوللجن شنو واني ارجع يعني شو محد سلم عليه

ريتاج:: يمه گلبي تعالي يبعد شراينو تعالي ابوسج فدوووه

ريام:: كل شي ولا حمواتي بنات اكفن سلمن عليهن بالدور

-هههههههه 

مروى:: ولج ريام كلت هسه لليل وترجعين 

ريام:: والله عمتي ما خلتني وخابرت جهاد ما 

رجعت هسه ارحع وياجن فطوم شلونها 

مروى:: زينه والله ظلت تطبخ الغده والجهال ظلو يمها

تبارك:: اكوللجن منو هناي 

مهى:: مرت عمج حاكم وعمتج امل وام ابو جابر ومرت عمي حمدان فوتن سلمن وتعالن نكعد هينه نتسولف

تبارك:: جذذذبب مرت حمدان هناي ومحد كالي 

رحاب:: اي جت من الصبح صدك ريام سلمتي عليها 

ريام:: لا ولا اسلم شعندي اسلم عليها 

رحاب:: ليش مر ربيتي يمهم واربع اسنين مدارينج وحتى 

دراسة مدرسينج هسه هي بحسبت امج لو ما يغزر يمج

مهى:: ضاجت ريام من كلام رحاب وتجاهلتها ما ردت وهمزين جو الولد يمه طك گلبي اريد اشوف فرات بس

راح للمضيف وجيه عمر شافنه واكفات باب المطبخ 

عمر:: شنو سالفتجن شكووو واكفات گبال الصخام

-يااا شبيك عمر غير ننتظر فرات تره طك گلبي عليها والله 

عمر:: لا تخافيني زين ما بي شي اكفي جوه وصوتجن

لا يطلع بعدنه بالباب وصوت ريتاج يلعلع نصن صوتجن

مهى:: بعدني ما راده وطلعت ريتاج بدون سلام تحجي عليه وهو عقله يطير من مره ترد عليه بس ريتاج شيسكتها

ريتاج:: منوو التلعلع انييي تروح فدوة لصوتي وانت شكو هيج مركز بصوتي كومة نسوان من دونهن اني صوتي امبين 

عمر:: ولج مو اكسر ضظهرج امشيي فوتي جوه 

صدك من كال صوت المره عوره عابت هلوجه 

ريتاج:: تعيب على وجهي شوف وجهك حاركته الشمس تروحلي فدوه تايهتلكم تكسرون بظهري

عمر:: انجبيي لجج طبي جوه لا والله انعل خيرجج

-لا تغلط عليه والله اكول لابوي عليك شتريد مني

بكيفي اويي شكد نفسيه عابت ولا ينجرع هلزلمه

مهى:: جلبت بي طلعته خارج باب المطبخ هو غير لو

يهد يغلط عليها وعلى اخوتها واني اريده بس يروح

عمر:: ما تشوفين السانها حيوانه شكو تطلع وتحجي وياي 

مهى:: ميخالف بعدها صغيره صدك جذب عمر والله يزعل عمي تعرف ما يقبل على بناته روح خلي عماد يجي ياخذ الجاي.. كوه قنعته وراح ورجعت للمطبخ لكيتها تغلط عليه

ريتاج:: مهى والله اخوج هو الحيوان تره سمعته 

-ريتاج ما يصير تغلطين تره اكبر منج وانتي تعرفين عمر 

يضوج من صوت المره امشن هسه خلي نحظر الجاي

ريام:: اني احظره وانتن درين للنسوان ما اطب اني يمهن

مروى:؛ يلا خوش عجل كملنه بين ما اسلم واجي اخذه

مهى:: سوينه الجاي جيه اخذه عماد ومروى دارت للنسوان وكعدنه نسولف بالمطبخ الغده جان حاظر

لان ابوي من الصبح ذبح طلي وركبنا اني وامي ظلينه

ننتظر للعشره يلا جيه فرات للبيت تلكنه امي وجديتي

نسرين:: الحمدلله يمه الحمد لله على سلامتك 

فرات:: الله يسلمج خاله 

حسنه:: تعال يمه شلونك هسه فوت فوت ارتاح

فرات:: لا جده بس جيت اسلم عليكم وارد اتمدد بيتي 

حسنه:: هاا يلا بكيفك عجل 

فرات:: وين البنيات

مهى:: طلعت واني خانكتني العبره وهو جرني لحضنه يضحك عليه لان ابجي وجت رحاب صرنه كل وحدة من طرف 

فرات:: ههههه شبيجن بويا ما بيه شي سهله مو اياني جدامكم الحمدلله عدت على خير بالريش ما تخوف

مهى:: الحمدلله الله يحفظك النه يبعد عمري 

-ويحفظجن عيوني انتن 

ريام:: الحمدلله على سلامتك ابو علاوي 

-طلعت ريام هو شافها ابتسم وخرنه من حضنه وكاللها

فرات:: الله يسلمج ريومه الغاليه شلونج خويا 

ريام:: الحمدلله بس خوفتنه عليك

فرات:: لا الحمدلله سهله ان شاء الله كل الهلا بيج خيتي العزيزه فرحت بشوفتج ظلي يمنه لا ترحين

ريام:: هههه تسلم اخوي اني مو بعيده اجي انوب ان شاء الله اهم شي اطمنه عليك واي شي تحتاجه اختك

ريام موجوده بس دز علاوي تلكاني يمك اخوي الغالي

فرات:: الله يسلمك ما تقصرين من رخصتكم اروح ارتاح 

مهى:: بعده ما طالع طلعن عماتي والحبايب سلم عليهن

وراح لبيته ومروى وريلم وتبارك هم اخذهن جهاد وراحن

ظلينه بس احنه واكو خطار بالمضيف وظلت ريتاج تساعدنه

مروى:: وره ما جيه فرات وسلمن عليه جيه علينه جهاد 

سلمنه على البنات وطلعنا وادحك عمتي امنه ما مقتنعه

برجعت ريام او خايفه من امي لا تغثها انوب طبينا للبيت

وهمه راحو لبيتهم واني وتبارك طبينه لبيتنه ظلت بس 

امي بيت خالي كالت هي ترجع تلكتنه فاطمة تسأل على

ريام رجعت لو لا وتحاول ما تحيب طاري ادري بيها گلبها

على فرات بس تكابر وتحاول ما تبين مهتمه اله وكفت

اساعدها جاي اثرم الزلاطه وجت امي جايبه عمتي امل وياها سلمن ودخلن يم جديتي واحنه ظلينه نحجي عليها

تبارك:: والله اذا دره جهاد البارحه عمتي وامي محاجيات 

ريام الا يسوي عمل بيهن شكد اضوج منها وجه الحيه

فاطمة:: عوفنه منها مروى روحي كولي لجهاد وريام 

اهناي يتغدون تره ابوي من البارحة يسأل عليهم كومي

-عفت الزلاطه وغسلت ايدي ورحت الجو يصمط بالجول

وكفت بالطرمه اصيح ومحد يرد وكفت ادك باب المطبخ

-ريااام جهاااد وينكم

-هااا مروى تعالي

-ريام وينكم ساعه اصيح وصل صوتي لمضيف خالي 

ريام:: جنت اعدل دشداشة جهاد طب يسبح تعالي فوتي

مروى:: لا مو اروح اساعد البنات بس فاطمة تكول تعالو 

اهناك تغدة ننتظركم فاطمة طابخه شلون تشريب لحم

ريام:: بالعافية عمري اني اهناي هسه اطبخ بس اكول لجهاد اخاف هو يريد يتغده وياكم اني ما اطبخ لنفسي

-صدك جذب ريام والله فاطمة تزعل وتره ابوي من البارحه

يسأل عليج وحتى ما رضى ترحين لبيت خالي بس احنه كلناله عمتي اخذت ريام لا تزعلين من امي تره والله هي

بعد ما تعرفج وامي تره عدها اعصاب وهاي عمتي تظل 

تحش براسها تعالي ويانه على واعس نتغده وانتي بعدج 

عروس مو حلوه انتي طبخين لو تريدين اصيح فاطمة 

ريام:: لا لا يلا راح اجي وصدك مروى لا تحجن جدام

جهاد على سالفة البارحه اني ما كتله ما يحتاج سالفه وراحت مو حلو يزعل على امه وانتي تعرفينه تعبان 

مروى:: ماشي گلبي هسه اني هم اكول للبنات يلا 

اروح اني وانتي اسبحي وبدلي وتعالو اره ننتظركم

-تمام عمري هسه نلحكج 

-رجعت للبيت فهمت البنات حتى لا يسولفن جدام جهاد 

اذن الظهر صلينه ودرنه الاكل وابوي كل شويه يسألنه

احمد:: وين مرت اخوجن 

فاطمة:: هسه يابه توني خابرت جهاد كال هسه يجون

-خوش يابه 

-ويا ما كعدنا دخلو جهاد وريام واني وتبارك اثنين تكحزنه

نسويلها مجال بينه وهي ويا ما تريد تجي سحبها جهاد 

جهاد:: وين امشن ولن تكعد يمي انتن شكوو

تبارك:: كمت سحبتها منه جيبها تكعد بيتك من

تحي يمنه تصير النه تره صديقتي شكو ماخذها

جهاد:: تعالي ريام خلي تولي هاي بكل شي تشاركنه

تبارك:: دحكت عليه بنظره عود حزن ما اهتم اخذ مرته

وكعدو ويا فاطمة يتغدون رجعت لمكاني اكل وكل شويه

انطي ريام لحمه وهو يضرب ايدي وظلينه متعاركين عليها

احمد:: يابه ما تعوفنه للبنيه تاكل 

تبارك:: يابه غير نحبه ونريدها تاكل هاج بعد روحي 

جهاد:: انجبي هاج هاي اطيب ريوم اكلي اكلي حبيبتي 

زياد:: العببب جن ما نسمع كمل اخوي عمي اكلي 

شتريدين بعد اكل ودلال وحبيبتي قابل مثل حضي

-خطيه البنيه غدت دم من المستحاه كوه تبلع اللكمه

وامي وعمتي يخزرن من جوه ليجوه تالي ابوي كاللها

أحمد:: شو وخرو تعالي بابا تعالي اكعدي يمي كوم زياد اكعد يم اخوك خلي يوكلك هذا يريد يعيش شعور الابوهمن هسه كوومم وانتي بنيتي تعالي اهناي اكلي

تبارك:: ادحك اثنيهن مصدومه ريام وجهاد كامت كوه

وكعدت يم ابوي امبينه خجلانه تاكل بس تمن وابوي كام

يفلس لحم ويحط جدامها اني بعمري ما مفلسلي لحم 

بس حضوض كملنا اكل واول وحده كامت ريام ولحكها 

جهاد واني حتى يفوتني مشهد ركضت وراهم لكيتها واكفه

وادردم لان خجلها وهو ميت ضحك عليها تالي كالتله

ريام:: هو شلون جدامهم تكولي حبيبتي مو عيب 

خجلتني جهاد يا حب يا بطيخ ردت ابجي من الفشله

جهاد:: ليش فشله صدك عجل انتي مو حبيبتي ومرتي

ريام:: جهااادد مو جدامهم شفت زياد شيكول 

-خلي يولي هذا ما يحتاج تستحين منه 

-اي اي ظل العب بعقلي بعد لا تخجلين هيج هو 

اني وحدنه اخجل من سوالفك انوب جدام اهلك

جهاد:: هههههههه هاي هي بطلت عيوني انتي لا تزعلين شعندي غيرج وازعلج تعالي ابوسج ارضيج 

تبارك:: يمااا صار بيها بوس ضربت الباب وطلعت وهمه

ابتعدو من بعض ما يستحون بالحوش يريد يبوس معوز 

بوس اخوي غسل جهاد ورجع للغرفه وريام وراه شلنه

الصياني وكعدنه حتى نشرب جاي عمتي امل مشت اهم

شي اكلت لحم الجوعيه صبيت فاطمة الچاي وانطته لابوي

وابوي جاي يسولف عن فرات وراها جاي يسولف عن عمام

ابوي ساكنين بغير محافظه ويا ما فاطمة جاي تنطي اي

لجهاد كبته بالگاع من ابوي گال.... 

-يردون فاطمة لابنهم.........