رواية خفايا القدر الفصل الواحد والعشرون بقلم انين الروح
مر ع فك حبستي عشر تيام واليوم اول يوم ادخل بي شهري بطني حيل كبرت
صرت كوه اتنفس كوه اتحرك من امشي مثل مشيه البطريق اروح يمنه يسره
حتى اضحك ع حالي من مشيتي
اغلب الوكت كاعده او امشي بالممر يكولون حتى ولادتي تسهل وتكون ميسره
وان شالله خير
جنه كاعدين بالمطبخ الي ينظف ولي يطبخ
الحجيه اشويه غيرت معاملتها ويايه
البنات رجعن يحجن ويايه
عمتي كالت اليوم تاخذني لدكتوره حتى نعرف وضع الطفل شلونه
شوفي رهف حظري حالج فد بالخمسه نطلع ياخذنه جراح
انه كتله
صار عمه اتحظر بالخمسه
الجده ..اكلج شوفي اكو جاي شو اريدن اشرب
اي بيبي اكو بس الوكت مو مال جاي بعد ساعه نصب غده
انتي ماعليج سوي الكتلج عليه صبيلي جاي
يله كومي هزي طولج
اي بيبي مشوفيني جني كونيه طحين كوه اكدر اتحرك
يله فضينه
كمت خليت القوري عالنار وحضرت الاستكان خليت الشكر
وصبيته لجاي شلت الصينيه ومشيت اريد اخلي يم بيبي حتى تشرب الطلبته
واني امشي مثل البطريق ولازمه الصينيه ما شوف اله انفتح باب المطبخ ع مصراعها كلها وفات جراح مثل الصراع من غير ماينتبهلي كلب الصينيه ع بطني ونصلخت بالجاي الحار
وجان اعيط
الحكولي انجويت
جني البنات عليه رفعن الثوب وشافن بطني
واني اعيط نجويت
شفتها صارت حمره
كامت عمتي جابت طحين جانت ضامته بالثلاثه وخلته ع بطني
والكل ضال مشلول البال ميعرفون المن يروحون الجراح لو الي
شفنه جراح دخل والدنيا طافره من عينه وعصبي نار ما يتحجه 😡😡😡😡
البنات يمه خل نروح نشوف جراح اشماله
ماعليجن اكعدن وسكتن
كومي انتي رهف
ها عمه وين اروح
...كومي وديله مي بارد الجراح
اني عمه .....؟😳😳😳
اي انتي
بس اني متوجعه من الجويه وجاي تحركني ما اكدر
كتلج كومي ولا تلحين
اوو😓وو😓وف ليش اله اني شنو حايط نصيص حتى حضره جنابه يرزلني وينهد بيه
ليش مدز بناتها تخاف لا يضربهم بس اضحي بيه عادي اني الحامل عادي انضرب من استاذ جراح
فتت شفته شامر روحه عالجربايه وفاتح يده ورجليه عالفراش وعيونه عالسكف ونازع بس الغتره من راسه
اباوع ع صدره يصعد وينزل سريع
دخلت واني اطكطك من الخوف
هذا اذا شافني والله بس يعيط بيه كبل ابول ع روحي ما بيها مجال
جنت يم الباب حمحمت سويت صوت ما سمعني
تقربت اكثر للغرفه دخلت والله ختمت الايات بدخلتي
تفضل الحجيه دزتلك مي بارد
كام كعد باوعلي وعيونه حمر يخوفن
واني ماده ايدي والصينيه والكلاص يرجفن
مد ايده
اني ابتعدت اشويه عنه
هاي اشبيج
ماكو شي تفضل
اي والله تشكرين
وصلت يمه انطيتله الكلاص
بلا زحمه بالمجر شريط براسيتول انطينياه
تدلل
رحت صرت ثوله تكي ماكو ادور بالمجر ما شفته
مو هاي المجر ...الثانيه
هااااا اي لكيته جبته اله ونطيتله حبايه شربها شفته غمض عيونه
وجر هوه قوي حيل
شنو راسك يوجعك
اي دايخ
تريد اقيسلك الضغط
اي جيبي الجهاز
جبته واخذت يده اليسره وقسته
حيل عالي يقره عندي
شكد قره
يقره ١٠/ ١٩ اكوم اسويلك شي اجيبلك حامض
اي عالي
لا ماريد اخذت حبايه اشويه ورتاح
انت ليش هيج تأذي حالك وتخلي يرتفع
مو بيدي رهف ضغط الشغل والعمل والعمال العندي والسواق تعبوني انه صاير الف قطعه المن الحك حتى الحك
تسمحلي ادلك راسك
تعرفين تدلكين
هههههههه 😋😋😋😋😋اي كلشي اعرف
هاااا😏😏😏يعني كلشي تعرفين
اني اخجلت لان حسيت سؤاله استفزازي
كعدت مقابيله عالجربايه هو اتمدد
واخذت ادلك كصته اسحبها من خشمه وصعدها ع راسه
انتي هم جنتي تدلكين ليوب
هااا لا مجان يطلب مني
لعد شجان يطلب
ميطلب شي....... ايوب جان هو يسويلي كلشي بدون ما اطلب
مثل شنو يسويلج
يعني يغنيلي يركصلي
يركصلج
اي من جنه نكعد نشغل تلفزيون عالاغاني نكوم نركص
اي حلو كملي
هاي يعني.... بعد طلبات عرايس
كملي ليش سكتي ...وميدري رفع يده جتي ع بطني وبمكان الجويه
اااااخ
هاي اشبيج
لا ماكو شي بس انت من فتت ما شفتني وكلبت الجاي عليه ونجوت بطني وصارت حمره
صدك تحجين ..زين متوجعه
اي والله
شو خل اشوف
ششوف اكلك بطني من يدي
هاااا اني اسف عبالي يدج
يله كملي
شكمل انتهت السالفه
كملي عن ايوب
انت ليش تسئلني عنه اصور هذا شي شخصي ميصير تعرف شي عنه
اوك كملي تدليك
ظليت ادلك الحد ما حسيت بي غفه وبدت انفاسه تهدء كمت سحبت الغطه وشغلت المدفئه طفيت الضوه وطلعت .
الحجيه ..هااا شلون صار جراح
نام عمه اخذ براسيتول
تعاي انه عندي احجايه وياج
دخلت الغرفه الجده كعدت الجده والحجيه حتى فطم جانت موجوده
كعدت يمهم
اي عمه تفضلي
اسمعيني عدل ولا تكاطعيني خل اخلص كل كلامي يله تحجين
انتي يتيمه ومالج احد بس اختك وهي مزوجه وعدها عائله
وعماتج ملتهيات كل وحده الها حياتها
وعمج هالعايش بره وماتعرفون عنه شي
صح كلامي لو انه غلطانه
صحيح كلامج
يايمه سمعيني عدل هاي دنيانه مو خوش دنيه البنيه صار فريسه سهله بحلك الذياب وياهو اليجي يريد بس ينهشه وياكل من لحمها
وانتي وحيده وبعدلج ايام تصيرين ام
ابنج يرادله
تربيه ومصرف واب يهتم بي
مايصير تظلين وحيده طول عمرج
شنو تقصدين يحتاج اب شنو ترديني ازوج يعني
اي يمه ليش لا الزواج نعمه من الله يستر البنيه ويحافظ عالولد
لا عمه لا.... يازواج يابطيخ اني ما ازوج بعد
اكعد ع ابني اربي وبس ما افكر بالزواج ترديني اجيب زوج ام يصير اب ع ابني
انتي شلون قبلتي وشلون جتلج عالفكره
اني جنت اتوقع منج انتي مترضين ازوجيني ولا تتخلين عني ابد
بس اطلعت اني غلطانه وغشيمه حيل
اثاري انتي اول الناس مفكره تبيعيني بس اجيب ابني
حيلج حيلج حيلج اكلتني بكشوري
فطم ..رهف افهمي بالاول احنه المن رايدج وبعدين احجي
رهف .المن ما المن اني زواج ما ازوج ولا اعوف ابني
الجده ..بسج عاد تزوجين ورجلج فوك ركبتج احنه ما جايين ناخذ رايج
احنه جايين نكلج انتي بعد يومين يجي الشيخ انتي و جراح يعقد عليج
يمه عزه 😲😲😲😲😲😲😲😲😲 تردوني ازوج جراح
لا لا لا اكيد انتوا غلطانين شنو جراح اني ما ازوجه ما مفكره بي انتوا شجاي تلعبون بحياتي اني ماريد ارجع الكم ماريد اظل وياكم ماريدكم
اريد اختي رجعوني الاختي
طلعت من الغرفه ابجي وعيط ذبحوني ولتزوجوني اذا علمود الطفل
ماريد ابنكم اخذو ما اريده بس لزوجوني لحد ماريد ماريد
زينب ..هاي اشبيج ليش هيج تصرخين
تعاي زينب اسعفيني ترضين جدتج وامج يردون يزوجوني
زينب ..شنو هالحجي منو كلج
هسه امج هي وجدتج حاجني بالموضوع
عبالك اني مالي رأي او مجرد لعبه وهمه يتحكمون بيه وبمصيري اني وابني
زينب ..اصبري خل افهم من امي المن تريد ازوجج شلون تصرف هيج من حالها غير تشورنه تشور جراح
رهف ..هو العريس اخوج جراح
انتي صدك تحجين يردونج الجراح يمه
😃😃😃😃😃 كرت عينج بي والله او زين ما اختارت امي
فديته الاخوي الذيب اليوم اروح ازف الخبر بلولايه كلها
تعاي تعاي وين اتروحين اكلج ماريد ازوجه
ليش عيني تلكين احسن منه فدوه رحتله رجال ومالي روحه
والله امي طلعت ذيبه وراح تزوجه
هو شكد قافل عالزواج
زينب اشبيج اكلج ماريد ليش اتخبلوني والله حروح احرك روحي شنو ازوج حمايه والنوب رجل مزوج وعنده طفله
لا حبيبتي هو مطلك وحتى اذا مزوج تلاثه هم يحقله يزوج الرابعه
بنات وينجن تعالن سمعن الخبر
هاااااا زينب خير
تعالن وباركن المره اخوجن الجديده
البنات ..واخيرا خطبوا الرضا وراح نفرح ونهلهل اشويه
لا ولجن مو الرضا بس ان شالله نخطبله ونزفه
امي خطبت الجراح رهف
البنات ......شنوووووو .....؟
رهف ..اباوع عليهم واني مصدومه اني رحت استنجد بزينب وهاي ما صدكت من سمعت الجراح راحت وزفت الخبر بالبيت كله
اباوع عليهن اكو الفرحن واكو الضاجن وكامن يحجن
زينب .كامت اصفك طلعت عمتي وفطم والجده تمشي بعوجيتها وكفن يم باب الغرفه وفرحانات
واني غركانه بدموعي شنو ديصير هذوله شديحسون
منو انطاهم الاوكي حتى يحتفلون
هاي شكو شعدجن شنو هالصوت العالي والحفله
تعال خويه راحت زينب ورقيه لزمن يد جراح ويركصن وياه
ويكولن كولات
زفيناه وخلصنه منه باجر عكبه الاصغر منه
ودخل الحجي وفهد ورضا شو ذوله مصدكوا عبالك جاي يزفون عزابي لعد وايوب شنو انسه هيج ابساع
شو مدا افهم هاي العائله شنو طبعهم
كدام الناس حزانه وبالبيت ناسين الميت العدهم
اباوع عليه هو عبالك فرحان وراضي
اني عفتهم ورحت الغرفتي دخلت وغلقت الباب عليه وظليت ابجي 😭😭😭😭
شنو اني ماريد ازوج
قابل الزواج كوه ماريد اريد اظل عايشه بس الابني
وذا فكرت بالزواج ماريد منهم اريد من غير مله ما احبهم ياربي انقذني يارب
لليل واني افكر وابجي حتى اكل ما اكلت
لا لازم اطلع احجي ويه جراح وكله اني ماريدك ولا اريد ازوج لا انت ولا غيرك
انتظرت حد نص الليل حتى اخذ راحتي بالكلام ويكون الكل نايم
صارت الساعه ٢ بليل اعرف جراح يسهر
طلعت رحت للاستقبال شفت الضوه طافي
تقربت ماكو احد بالغرفه
دورت عليه بالهول المطبخ حتى للحمام رحت
هو ماكوووو شنو ع حضي اليوم هو مسهران ماعنده شغل
ارجعت الغرفتي باوعت ع غرفته ضواها طافي
خرب حضي اله اليوم ياجراح اتنام لان ردت احجي وياك
فتت وتمددت ع فراشي تقريب بالساعه واني اتكلب يمنه يسره حتى اتعبت من التفكير
وسمعت صوت بالبيت كمزت بلكي جراح
طلعت باوعت اهووو هذا الحجي راح للحمام
ولصبح اني ع هالمنوال ياهو اليطلع افز وراه اكول بلكي جراح ويطلع مو هوه
واني نايمه وبتعب لان نمت وجه الصبح واسمع صوت نسوان عالي بالبيت عياط وغلط
اسمع ورجع اغفه
ارفع راسي ومن الثكل ارجع اريد اكوم اريد اركز عالصوت بس مكدرت
ظليت مفتحه عيني ومتمدده عالجربايه
وصار الصوت حيل عالي
استغربت هاي منو الجاي هيج تعيط بالبيت وتغلط
الساعه جانت حدود ١١ الصبح كمت بيه ما بيه
يمكن اني مصخنه من كثر القهر والبجي مال البارحه
تقرب الصوت العالي يم غرفتي
فتحت باب غرفتي وصارت رباب بوجهي ادفع بيه ودخلني جوه
لج فوتي الغرفتج بس فوتي ودفع بيه
فتنه وجان تغلق الباب وفقلته بالمفتاح
يمعوده شكو فهميني منو هاي الي اتعيط
هاي ازهار جايه ترعد لان جراح راح يزوج
ازهار ..بعياط دخلت البيت عمتي اعيالي
وينهم وين عمتي
السباعيه الي تريد ازوج ابنها وحده دايحه كح........به
شردت من البيت والله اعلم وين راحت وبحضن منو نامت
العمه الي نست موتت ابنها ايوب وتريد تفرح بجراح
وبعياط كح.......ه وينج طلعي من غرفتج
حقيره ساقطه مكفاج ايوب تردين تاخذين جراح
كل الموجود بالبيت طلعن ع اعياط ازهار وغلطها
الحجيه ...لج انتي شسوين اهنا حقيره جلبه
وع شنو جاي اتعيطين وتصرخين
احنه ابكيفه نعرف اشوكت نحزن وشوكت نفرح
محد عنده يمنه حاجه
والناس مالها دخل بينه ولا انتي انه يعجبني ازوج ابني وفرح بي
هو زلمه وبكيفه المن يزوج مالج شغل انتي
امشي طلعي بره
والله ما اطلع اريد اشوف النكسه ام السحوره سحرتلكم حتى تحبوها وتزوجوها زوجي
الجده...اسكتي الصفيره جراح ماهو رجلج
جراح طلكج وطردج انت مو مرته ومالج دخل بالزلمه بعد
انتي عجوز الكوم مالج دخل من احجي انه انتي تسكتين .
جراح زلمتي وابو بنتي
الجده ..اكلي نعل بنت الجلاب لابارك الله بيج ولا بتربيتج النكسه وسفه قحطان خلف هيج نغله
شوفي انه اصبرتلج لاتخليني اكومن بعوجيتي اكسرها ع راسج
والله والكل يسمعني وحاضركم يبلغ غايبكم جراح ما يزوج رهف لو ع كص ركبتي وذا فكر يزوجها اله اااااخذ.........
وجابها براشدي وضرب جلاليق وجر من شعرها
ما انطاها سجه تحجي ابد بس ضرب صارت ازهار بس عباره عن دم واختها تحاول اتفكها من يد جراح ومتكدر
العياط بالبيت الصار يجيب التايه البيت انكلب جحيم اعياط وغلط ومسبه
لج انتي منو وجاي تحجين وبيتي منو الي ما تخلينه يزوج
لح هو اني فديوم باوعت الجهرتج حتى هسه اسمع الرعونيتج
والمن تاخذين يعني ان ازوجت
لج احد كلج انه طرطور لو ما اعرف اكضب مره وكسر راسها
انت مراجلك بس عالنسوان
جراح ..انه من اسمعت ازهار هيج كالت لو نكلبت وحش
اركعت راسها بالكاع وصرت فوكاها لازم اخوانيكها
كوه كامت تجر الهوه وتعيط جوه يدي بصوت مخنوك
حمووووووت ح ح ح ح موت جراح
لج منو هذا المو زلمه
جريت الخنجر من محزمي
افتحت حلكها بيدي بقوه وجريت السانها بيدي
وانه خانكها
لج اكص السانج هسه ومايرفلي جفن عليج يابنت الجلاب
اخت ازهار لازمه جراح من دشداشته وتجر بي وتعيط
خويه فدوه رحتك لا تسويلها شي هي مخبله وتحبك جتي حتى تردها الك
خويه ابوس يدك لا تذبحها
الحجيه ...كامت تحجي وبصوت عالي
عوفها يمه هاي نكسه ما تستاهل اتلطخ يدك بدمها
يمه عوفها فدوه
اقبال ..جراح ابوس رجلك اترك اختي بعد ما اخليها تجيكم صدك ياخويه
فهد ..كاعد بالعلوه انه وطارق و رضا انزل الحموله الجتي علينه
ودك تلفوني شفته رقم
ماهميت اله
رد رجع اتصل فتحت الاتصال
فهد الحك فهد الحكنه
لج انتي منو والمن الحك
انه رباب الحك جراح راح يكتل ازهار
وين جراح هو
ابيتنه وجاي يضرب ازهار
فهد .سديت الخط وركضت
طارق هاي وين ...رايح البيت عمي كابه عركه بالبيت جراح يكلك يريد يكتل ازهار خلاص
جوي الولد صعدو بكيه الحمل ونطلقنه
اول ما وصلنه للبيت طفر رضا من السياره جان صاعد ليوره
وركض جوه
دخلنه وراه
شفنه جراح لازم ازهار وخانكها ومخلي الخنجر اكبال وجها ولازم حلكها يريد يذبحها
لزمناه وكومنه جراح منها
هو يرافس ويضرب بس نريد نسيطر عليه ماكو تكلون اسد وجاي يزئر علينه
طارق .خايب بس اسكت اهدء كلها مره شجاك
لللللللللا 😡😡😡😡 ولك مو مره هاي مراره انه اليوم ناوي عليها اله ادزها لخوها ميته
هدوني لحد يمشيها
فهد ..طارق شال جراح من ازهار جان كاعد ع اخوانيكها ويريد يموتها
انه الزمت ازهار كومتها هي كوه كامت الدم مالي وجها وشعرها نصه بالكاع كوه تجر النفس
عطت بيهم
ليش ماوحده فكتهم ليش ما جريتوا ازهار منه
رقيه ..ما كدرنه شتعرف جراح انت احد يكدر يكربله هو شايط
اقبال لزمت ازهار وكامت ادك وتلطم وتبجي
فهد ..بسج عاد اقبال توج حسيتي ع اختج تريد اتموت
يله لفي شالها وخل ارجعكم للبيت
اخذهم فهد وطلع
طارق ..ماتكلي اشمالك لك انت الزين الينحلف براسك ع قوه صبرك بالمعارك واخذ الامور برويه
اليوم اشوفك هاد ع حرمه
لك طارق ذبحتني كل يوميه جايه ومعاركه النسوان
وانه اضربها وطردها ومرات اسكت وكول هي راح تحس وما تعيدها بعد
وترد ترجع تعاركهم طلكتها وكلت اخلص وما فاد هاي اله تموت يله ترتاح
بس هدي يجراح بدون اعصاب لا يصيبك شي يخوي
طارق انه اتعبت اريد ارتاح اطلع للشغل مشاكل
اجي للبيت مشاكل كلي اشوكت ارتاح
لا والنوب محد يريدني افرح الكل متنغص علي فرحتي
شني انه وحد.... الله خالقني من غير طينه
شو كلها تزوج وطلك وما يصير هيج وياها
بسك يله خلينه نطلع
طارق اخذت جراح وطلعنه من البيت
............
شوف طارق خابري الولد خلهم يجون ويرحون للبيت للحديقه الجبيره ياخذون كلشي ويزينوها كلها بالاضويه وينصبون سماعات ابكل مكان وشكو مطرب بالبصره يحجزه اليله ويجيبه النه اريد العشه لا صار ولا دار
اريدن الكل يحجي ومتفاجاءه من يطلع من بيتي
اكبر عرس اليوم راح اسوي
طارق هاي صدك تحجي جراح
اي صدك ما جاي اضحك انه وياك
يله كوم
طارق .كمت وخابرت الشباب وكتلهم كلشي طلب مني جراح
.....
جراح اتصلت عالحجيه وكتلها اليوم عرسي حدزلكم الولد يشتغلون انه بلغتهم
لا تشيلون هم شي كله جاهز والشباب يكملونه
رديت خابرت ع زينب
اكلج حضري رهف اليله عرسها جيبي وحده معدله تحضرها وين رقيه
هاي وياك
ها خويه
اكلج راح ادزلج مناف ياخذج لسوك تشترين بدله عروس وكلشي يخص العروس بس مال زفه اليوم لا تكثرين عودن غير وكت اخذها وشتريلها
اي خويه صار تدلل
زينب ..دكيت ع صاحبتي الحفافه ام بسمه كتلها فرغيلي حالج اليوم بس النه عدنه عروسه
ماردتني وكالت بس مسافه الخط
امي طلعت ولبست هاشمي مذهب نست ايوب ميت صارله كم شهر بس
يمه مو ايوب ميت شو انتوا ما خليتوا حرمه للميت
حبيبتي الميت حزنه بكلوبنه مو بثوبنه وانه ميته الف موته لان لبست الذهبي ع ثوبي الاسود
بس انه ما جاي اهلهل ولا ادك ولا اركص كل هذا السويته حتى اغيض ازهار الي ما احترمتني ولا احترمت حرمه البيت وجايه تغلط وتحجي وما احترمتني واني عمتها اخت ابوها تسب وتغلط بعد اسوايتها هي واخوها من ساعدته ونطته مفاتيح العلوه وهو حركه لا ومجاز النوب حرك اخوج رضا والعمال
علياء ..زينب اكو مره تسئل عليج تكول اني ام نسمه
اي اي فوتيها هاي الحفافه
اخذت ام نسمه دخلتها ع رهف
هاي بعدج شنو تتريكين
اي توني اكلت مو جانت قايمه القيامه عدنه ابسبب ازهار
يله كومي غسلي وتعاي ابساع
ليش شكو
ام نسمه ..وين العروسه زينب
هي هاي العروس عيوني
ياااا شو هاي حامل قبل العرس
هي مره اخوي المرحوم واليوم يزوجها الذيب مالتنه جراح اخوي الجبير
ام نسمه ..بس هالشي مايجوز يازينب المره حامل واكيد لازمه عده
هذا اخوج شلون يقرر هيج يزوج شني ما يفهم بالعادات والتقاليد يداده هو مو شيخ وكل الامور بيده لاتكليلي هذا الشي مايعرفه ويحرمه عالناس ويحلله ع روحه وبس يخيه
زينب ..والله ما اعرف يا ام نسمه اخوي شلون جاي يصرف انه هم مثلج بس انه رسول ومامور علي اسمع ونفذ والباقي همه عليهم
انه ان حجيت اطلع موخوش ادميه خليني لاصمه حلكي وساكته يخيه
صرت مثل بلاع الموس لابيه اطلعه ولابيه ابلعه
ام نسمه ..الله يساعدكم يخيه
رهف ..شنو شنو شنو يازواج يابطيخ منو كال اليوم عرسي منو انطاكم الحق والموافقه
زينب انتي شتخربطين
رهف مو بيدي ولا بيدج جراح خابرني ونطاني الموافقه وكلي اليوم حضريها لان اليوم يتم عرسنه
اني كم اعيط وصيح ..ماريد هو مو زواج بالغصب ماريد ازوج اعتقوني منكم ماريدكم
ام نسمه ع كيفج احبيبه لا يطكلج عرج انتي حامل وبطنج هالعلاتها ونازله جنج راح اجيبين اكعدي وتهدي برحمانج
ماعليج انتي لا دخلين روحج بيه
كومي طلعي من غرفتي لا امكيج ولا احف ولا ازوج
اعيط دخلن النسوان عليه واني تهسترت ماريد
ردت اطلع البيت ولزمتني فطم
يمه اكعدي ولا تسوينه سالفه انتي ماتكدرين عليهم هذول ياكلوج بكشورج
وجراح هالتعرفينه كلمته مايكصها السيف
انتي بعد من قسمته وهو راح يكون الج الزوج والاب والحبيب يهتم بيج وببنج يايمه
خاله انتوا ليش متفهموني اني ماريد ازوج ماريد ارجع الهم
اريد اولد ابني ورجع البغداد
يمه انتي اشترجعين عندج احد اهناك يهتم بيج يداريج لو عسبالج راح ينطوج ابنج تربي وحدج خايب انتي جاي تحلمين و.........مكشف تستري ع ريشاتج
كمت ابجي وعيط ماريد ازوج حتى اذا مارحت البغداد ماريد ازوج
طلعن شو ماريد وحده تظل هين 🤨🤨
طلعن البنات كلهن
شو سكتي سمعيني حسج خل اسمعج شتردين
جراح اني ماريد ازوج والصراحه .......وسكتت
اي كملي الصراحه شنو
ماريد ازوج وخلص
لا انه اريد الصراحه وسكتي شنو اكو واحد تحبينه ورايدته
لا لا شنو هالحجي اني اصلا وين شايفه هالواحد واني محبوسه يمكم لا طبه ولا طلعه
جا شني الصراحه احجي 😠😠😠😠
كتلك ماريد ازوج
جانت عينه مبحلكه بعيني اني جنت اباوعله بس بخوف ورجفه
اتقرب عليه
سمعي عدل اني حكون رجلج
انتي بعد شويه راح اتشيلين اسمي
وراح اتصيرين ملكي..
كلمتي تمشي ع الزغير والجبير...
فديري بالج تنشفين راسج وياي
والله وسماه ما ارحمج
بعد شويه راح يجي الشيخ ونكتب الكتاب
.. واريدج توقعين وبهدوء وماتسوي شي يخليني اندمج عليه
ولا تكولين لا.
.لان هاي الكلمه محد كالهه الي.. كبل..ولا راح تنكال اليه.
.راح اروح واطلع حتى احضر حالي العرسي
وانتي حضري حالج عروسه الي فاهمه يرهف
اشويه كعدي و رتاحي راح تدخلج زينب اتعدلج ولا تخافين لسويلج عرس يحجون بي العمر كله
غمزلي بتك عين
وفتح الباب وراح وسدة وراه
اني كعدت عالكاع وكرصت نفسي
ردت اعرف اني بحلم لو علم.
كمت ابجي 😭😭😭😭وضرب ع وجهي
جان يدخلون امه وخواته.عليه
وياهم نسوان عمامهم يهدوني ويحجون ويايه ويقنعوني
كامن يهلهلن ويطشن جكليت
عمتي كعدت بصفي.
كالتلي وهي تشاورني رهف .انتي تعرفين جراح انسان واعي مثقف يغار عالمره وع عرضه وبيته
هو خوش زلمه وما يحتاج احجي اكثر لان اعماله كدام عيونه يسويها
وايده سخيه وبابه ماتنسد كدام احد
راح يكتب عليج وتصيرين زوجته وحلاله تعرفين شراح يصير وراها
بنتي ما اوصيج بجراح كوني اله الزوجه والحبيبه
كسبي الج اعرف ماتردين تزوجين
بس ابني زينه رجال الديرة
صح عصبي وما يتحمل
بس كلبه طيب اطيب من كلب الوالده ع ولدها
اني مكدرت الزم روحي كمت ابجي
عمى يريد يعقد عليه ويزوجني مو برضاتي ولا رايده ازوجه
ترديني يجي عليه واكله تفضل هذا حقك
لزمت يدي اول مره احس عمتي هيج طيبه وحنينه ويايه
بنتي هاي قسمتج
انتي مكتوبه اله وهوة مكتوب الج.
الله كاتب ع كصتج تزوجين ولدي اثنينهم
وانتي تعرفين اوليدي رجال ومايعوف اهله حملهم طارح
انتي بعد كم يوم تجيبين وبنج يرادله اب تربيه الظنه صعبه
تربيته يايمه
صح صعبه عليج ترضين تتزوجين حماج مثل ماهو صعبه عليه يزوج مره اخوه بس هاي يايمه عوايدنه ظنانه وابنه مانعوفه للغير
رهوف يمه فهميني ابمرور
الايام و الوكت راح تتعودين عليه
وتحبي من تعرفين اطباعه وكلبه الطيب
يله يمه مدي اديج وخلينه نقره الفاتحه مالتج..ع ابني جراح
اني بقيت مبهوت🙁🙁🙁 وما اعرف شحجي وشاكول
.
دخلت زينب والمره وياها وبدن يحفن وجهي ويمكيجولي سوتلي شعري وعطرتني
دخلت رقيه جايبه فستان مال حوامل ابيض بس بي ورده حمره
كالت مالكيت فستان ابيض ساده
وشكد دورت بدله للحوامل فريت عكه ومكه ومالكيت ابد بدله للحوامل
ضحكن البنات
ولج هي وين اكو بدله للحوامل هاي منو الجايزه من نفسها تحبل قبل لا تزوج
رهف ..اني الي حزوج وبطني الخشمي واصله
لا انتي تختلفين وضعج غير
زينب اني بس اريد اعرف ليش اله اليوم نزوج ليش ما صبر وره ما اجيب وبعدها عود انقرر عالزواج
حبيبتي اليوم او باجر هو بعد كله اسمه زواج
وهو سواها بعناد ازهار واختها لان الحقيره ازهار حجت احجايه راد جراح يطشر راسها لوما اتلاحكله فهد وطارق وجره منه الخنجر
رهف ..يا عزه هيج واصله المواصيل واني ما ادري
يله كومي لبسي فستانج
كمت لبسته وساعدني البنات بي
اوووووي يجنن حيل حلو عليج طلعتي بطه والله
ابيض ومورد مثل لون خدودج وقصير
فدوه جنج لعابه
والله جراح من راح يشوفج اله ينجلط
كملني البنات وراحن يبدلان هنه هم صارت الساعه ٤ العصر وسمعنه صوت الطبل بده يدك بالكراج طلعن كلهن يتراكضن والتمت العمام والخوال البيت انمله زلم ونسوان والهلاهل انطلقت والرمي
اتعجبت ع ناس نست المرحوم خلال اشهور
طلعني وكعدت بالديوانيه والنسوان داير مدايري
اتوزعت الشرابت والكيك
بعدها كالولي الشيخ راح يبدي يعقد عليكم
هو يحجي وانتي سمعي الحد ١٢ مره وبالاخير كولي موافقه
عمي ابو جراح هو صار وكيلي
عاده الكلام بالاخير كلت موافقه
انطوني العقد
اخذته بايدي اللي جانت ترجف.
حتى اوقع على حياتي الجايه
ومصيري المستقبلي المجهول ويه جراح لان هي من اولهه غصب وبدون رضاتي .تاليهه وياه شلون.
اني جنت صافنه واتمتم ويه روحي.. كالولي..وقعي
ايدي كامت ترجف
وعاين بالوجوه اشوفها كلها ساكته وصافنه عليه
الخوف الزمني وسيطر عليه شي خرافي
عبالك اول مره ازوج
لا اني مزوج اني اسرعت بعدامي
اجه كعد بصفي ولزم ايدي وسحبني عليه وشاورني بهمس
وقعي مراح تندمين اخذتي رجال يحميج ويسندج انتي وبنج ويضمج برموش عيونه كلمتين وبس منه طلعت من حلكه
سحرني ..وخدرني.
اخذت القلم منه وقعت عالورقه
..ابتسملي بفرحه
كلهه فرحانه وكامت تهلهل وصار الرمي عملان برنو ع تفك ع رشاش ما ينعرف
اني صرت ضايعه..
هاي اني شسويت. بحالي ما مفتهمه.. فرحانه لو لا ..
العصر كله ركص وغاني ودبكات وهلاهل وكولات
جراح اباوعله اول مره اشوفه هيج فرحان ويركص ويدبك عبالك هذا عرسه الاول
نصبوا العشه والكل اتعشه وبعدها زفوه حتى يدخلوه جوه
والكولات مالتهم مشتغله
دخلتني بالاول زينب اني للغرفه
الغرفه منصوبه جديد الفرش.
.بفرشه بيضه مالت عرس ستن يلمع
اليشوفها بدله عروس
...عجبتني كلش حيل حسيتهه مالت ملوك.. ومخلين مخاد مثل الجكليته وبنصهم كلب احمر وهي كلها بيضه
امي بهتت هذا كله اشوكت حضروه وشتروه ونصبوه
اني يوميه بالبيت ما شفت احد يدخل شي للبيت
كلشي جان موجود بالغرفه..
حسيت عبالك همه ماخذين ال 👍👍 ان العروسه بالموافقه
عافتني زينب بالغرفه وحدي وطلعت ردت الباب وراها
وسمعتهم جابوه للباب ويهتفون
بنت الشيخ لبن الشيخ جبناها
ونفتحت الباب ودخل جراح
يتبع
ملاحظه ...اكيد الكل راح ينصدم من الموقف شلون حامل تزوج وشلون ملازمه عده
وحرام وميصير
بالبارت القادم اكو توضح للامر واتمنى من الجميع التفهم للامر والصبر اشويه
