رواية ليتني واجهتك الفصل الواحد والعشرون
علي
نزلنا لؤي بكبرو وانذب عليّ التراب وكلها تبجي على كبرو لؤي جان غالي لؤي اخويا وقطعه مني مابس اخ جان جان روحي الثانية ونصفي الثاني وهسا ضعت بدونو
بعد مادفنا وبدت الناس نتسحب ضليت اخر واحد اني وعبدالله
خليت راسي على كبرو وبجيت بحركه عمري ماباجي هيجي بجي
عبدالله؛؛ كااافي ياعلي ادعيلو بل رحمه
علي؛: لؤؤي ولك اخخ يااخويا شلون راح اعوفك جوات التراب وامشي شلون يهون عليه فهمني ولك عبود لؤي كسر ظهرنا والله كسر ظهرنا
عبدالله؛: اتوكل بالله علاوي اشجالك
علي؛؛ ولك مادا اصدك الى حد الان لؤي صار جوات التراب بلحك هسا هو بغرفتو ومع عرستو مو بكبرو ياعبود مو بكبرو كابوس وحق الله الي دا يصير هذا كابوس مادا اصدك
جا عبدالرحمن يركض ويصيحني
عبدالرحمن؛: الحك علاوي عمي وكع وشالو على المستشفى
بست التراب الي على كبرو وكمت ماهان عليه اعوف اخويا جوات التراب بس هاي حال الدنيا كلنا على هذا الطريق
رحت اركض ركبت بل سيارة وعبدالله يسوق ولحكت ابويا على المستشفى من وصل كالنا الدكتور مريضكم ضغطو مرتفع وضربتو جلطه ومايكدر يمشي بعد
هاي جانت فاجعه ثانية ابويا ......
اشكد عشنا ايام فرح وضحك هسا صار وكت الحزن وكامت اتكول السما تمطر حزن علينا
سدره
من طلعو لؤي جنات اغمي عليها بل كوه كدرنا انصحيها كعدت وسوت عمل ملخت روحها شكت ثوبها صوتها راح اشكد ماصيحت عمتي اتعس منها ونحنا اتعسين اني بين صدمة اخويا وبين صدمة لؤي الله يرحمو
كامت جنات وطلعت فوك لغرفتها
سدره؛: جنات وين رايحه
مسكتها ودفعت ايدي امها ماخلتها تطلع فوك وصارت اتصرخ على امها
جنات::؛ عوفيني شنو اتريدون مني عوفوني بحالي اريد اضل وحدي
ام جنات؛: ياامي جنات لاتطلعين فوك
جنات؛: لاتدخلين بيا لااحد يدخل اني ميته اني جسد بلا روح لؤي جان روحي وراح متت من بعدو تعرفين شنو متت
طلعت فوك واماني لحكتها واشويه ونزلت اماني كالت اتريد اتنام
سلوى؛: الله لايوفقك يامختار ان شاء الله ربي يعدموك يكون
عمة علي؛: ان شاء الله كون انشوف فاتحتك قبل فاتحة لؤي
اكبر كسره انكسرتها بحياتي يويلي بيت عمتي ويويلي اخويا
رجعو كل الزلم وبلغونا عمي ضربتو جلطه اويلي ياربي مصيبه ثانية اتخبلو البنات اتخبلنا وجهنا مايتفسر من الدك والطم والبجي وبداء صوت الزلم يرتفع ابو عبدالله يكول انصبو بيت الشعر وعلي ومحمد يريدون يقتلون مختار واني من اسمع الويلاد متحلفين يقتلون مختار اكوم ارجف كلبي يروح هذا اخويا والي راح يقتلو زوجي واخر شي شفنا ابويا دخل ومعا شيخ من شيوخ عشيرتنا لان نحنا من عشيره وعلي من عشيره وجابو شيخ هم من عشيرة علي وانجمعو وبعد حجي طويل وصياح انتفقو موضوع مختار ينسد لان الشيوخ هيجي رادو الي حد مايصير زين عمي ويكوم بل سلامه وبيت الشعر ينصب والفاتحة تمشي على اصولها
ابو عبدالله كال لابويا ماتدخل بيت اخويا بغيابو وابويا راح طلع
واكف بصفحة ابجي ماحسيت غير سلوى هجمت عليه وصارت تضربني
سلوى ؛: حقيره نذله بسبب اخوج عمي هسا بين الحياة والموت ولؤي صار جوات التراب
اماني؛: سلوى احترمي نفسج وابتعدي عنها هيا مالها ذنب
سلوى؛: وانتي ياهو الي مات مو اخوج ولاابن عمج
اماني؛: الي ماااات جاااان اعز من اخويا ولاتحملين سدره ذنب افتهمتي
واماني واسماء يحجزون بينا وهيا مثل الثوله هجمت عليه تضرب بيا واني مانطيت اي رده فعل لان اصل ماجان بيا اي حييل ادافع عن نفسي
عبير؛: انتي شكو ضاله هينا ولي مثل مابوج انطرد يالا اتطلعين انتي واسماء مانريدج ب بيتنا
والاصوات ارتفعت ودخل محمد وكام يصيح
محمد؛: شنووووو هاي الصياااح انتو ماتستحون على نفسكم كاعدين تتعاركون
رغيد؛: خلي تاخذ اختها وتطلع من البيت ب سبب اخوهم كل الي صار
ميس؛؛ حراام عليكم الي دا تسوونا لاتحملون سدره ذنب مختار
محمد؛: اششش ولاكلمه زايده اسمع الكل اتخلي نع.....على حلكها وتسكت ورب الكعبه وروح لؤي اذا سمعت صوتكم اكسر راسكم
صار محمد يصيح عليهم وكامت هدير اتصيح وتبجي وتشهك بثوبها
هدير ؛: والله الي اسمو الله وتراب اخويا اتطلعون سدره من هذا البيت هيا واختها
محمد:؛ ولج مو وكتها هسا مو وكتها اشجالج
هدير ؛: امبله اخوها قتل اخونا تعرف شنو اخونا مانريد نشوف ولاواحد من هاي العائله
محمد؛: هددددددير سكتووها لااطلع قهري بيها
وكامو النسوان يسكتون بيها ويمسكوها وهيا اتصيح لو يضل اخر يوم بعمري ياسدره ماخليج اتضلين بهذا البيت
زين اني شعليه ليش يحملوني ذنب اخويا والله اني احبهم لؤي جان اخويا وصديقي وسند جنت احبو حييل حتى مختار يموت على لؤي وهو ولؤي اصدقاء
محمد اتحلف اذا سمع صوت مره وحده مايسكتلهم بعد اماني سحبتني ودخلتني لغرفتي
اماني؛: سدره اسكتي شنو من يحجون اسكتي واتحملي هسا جرحهم حار
سدره!: اماني مو بالي شي امونه لؤي راح اخونا وصديقنا خسرانه
اماني؛: ولج سدره كلبي دا يتكطع
اماني خلت راسها ع كتفي ونبجي اني وهيا ونشهك وتذكر كل ايامنا شلون عشناها
ضلت ب بالي جنات كمت اروح اشوفها صعدت على الدرج حاولت افتح الباب مال غرفه لؤي الله يرحمو مقفول دكيت الباب ماكو صيحت جنات ماكو صوت
نزلت اركض واصيح خايفه
سدره؛: جنات جنات
ام جنات؛: شنو بيها بنتي احجي
سدره؛: قافله الباب على نفسها وماكو صوتها
ام جنات كامت اتصيح وطلعو ركض على غرفة لؤي يدكون بل باب جا علي
علي؛شكو اش صاير
سدره؛: علي جنات قافله الباب على نفسها وماكو صوتها
طلع علي يركض فوك ولحكتو وكام يضرب بل باب وكسرو ودخلنا ركض ماكو بل غرفه فتح علي باب الحمام وشفنا جنات كن كصت شرايين ايدها وغركانه بل دم
عمر
اول من صارت ومختار قتل لؤي سحبتو من ايدو واخذتو معايا لسيارة لازم يسلم نفسو لؤي عاش او مات مختار لازم يسلم نفسو حتى تخف العقوبه عنو
عمر؛: انت لازم اتسلم نفسك مختار افتهمت شبيك ساكت جاوبني
مختار مصدوم وبس يصفن طلعت بي على مكان جول ونزلتو من السياره وصرت اضرب بي بوكسات واصيح بوجهو
شبيك مصدوم ماتحجي
مختار؛. ل لؤي
عمر؛؛: غبي قتل لؤي ياحيوان اش سويت ول
اضرب بي وهو مصدوم وكعت بل كاع اعصابي انهارت دك
عليه هيثم يبجي
هيثم؛: ول عمرررر ياعمر رراااح راح الغالي مات لؤي اخوك قتلو
جانت صدمة عمري لؤي ومات لؤي غالي على قلب الكل وكلها اتحبو
عمر؛: مختار لؤي مات
مختار اتخبل كام يضرب على راسو ويبجي ويصيح قتلتو ب يدي ب يدي قتلو شوازاني اش سويت الله يلعن الساعه الي قررت اضررب بيها طلاقات
سحبتو من ياختو واثنينا نبجي على لؤي ودفعتو بل سياره
وصرت اصيح بوجهو
عمر؛: انت لازم اتسلم نفسك افتهمت مختار شنو دا اكول
ويلاد عمتك ماراح يخلوك عايش
مختار؛: اني لازم اموت مثل مالؤي مات لاززززم اموت
عمر؛: ولاكلمه حيوان شنو اتموت واخذتو على مركز وذبيتو بل توقيف وطلعت لفاتحة
مختار
اني مختار اخو سدره وكلكم عرفتنو اكيد من خلال سدره اني جنت ضحيه جبيره عشت سنين بعذاب ضميري ماعرفت شنو طعم النوم وطعم الاكل كل مانام احلم بلؤي وغركان بل دم وب يدي هذوله الاثنين قتلتو والله ماجان قصدي اقتلو جانت من فرحتي ب صديقي واريد اتونس ضربت طلقات ماجنت متوقع راح يموت احد..... يتبع
