رواية الرجل الاخر الفصل الواحد والعشرون بقلم جوهرة
ﻓﺎﺭﺱ ﻛﺎﻋﺪ ﺑﻤﻜﺘﺒﻪ ﻭﺩﺧﻞ ﻋﻠﻴﻪ ﻣﺎﺯﻥ ﻭﻣﺤﻤﻮﺩ ﺧﻮﺍﻧﻪﻭﻋﻴﻮﻧﻬﻢ ﺑﻴﻬﺎ ﺷﺮ ﺣﺘﻰ ﻣﺎﺳﻠﻢ ﺑﺲ ﻣﺤﻤﻮﺩ ﺳﻠﻢ ﻋﻠﻴﻪ .
ﻣﺎﺯﻥ ﺭﻛﻊ ﺍﻟﻤﻴﺰ ﺑﻴﺪﻩ
ﺍﻧﺖ ﻣﻨﻮ ﺣﺠﺎﻙ ﻭﺗﺮﻳﺪ ﺗﺎﺧﺬ ﺣﺼﻪ ﻋﻤﺮ ﺍﻟﻠﻪ ﻳﺮﺣﻤﻪ ﺍﻟﻮﻟﺪ ﺍﺑﻦ ﺍﺧﻮﻳﻪ ﻭﺣﺼﺘﻪ ﻋﻨﺪﻱ ﻻﺩﺧﻞ ﺭﻭﺣﻚ .
ﻓﺎﺭﺱ ﺳﻨﺪ ﻇﻬﺮﻩ ﻋﺎﻟﻜﺮﺳﻲ ﻭﺷﺎﺑﻚ ﺍﺻﺎﺑﻴﻌﻪ ﻳﺪﺣﻚﻋﻠﻴﻬﻢ ﺭﺍﻓﻊ ﺗﻚ ﺣﺎﺟﺐ ..
ﺩﺍﺧﻞ ﻋﻠﻰ ﻳﻬﻮﺩ ﻣﺘﺴﻠﻢ...
ﺯﻳﻦ ﺟﻴﺘﻮﺍ ﺑﺴﺮﻋﻪ ﻣﻦ ﺳﻤﻌﺘﻮﺍ .. ﺗﻮﻗﻌﺖ ﻫﺬﺍ ﺍﻟﺸﻲ .
ﻣﺤﻤﻮﺩ ﺣﺠﻰ ﺑﻬﺪﻭﺀ .. ﻓﺎﺭﺱ ﻻ ﺗﺪﺧﻞ ﺑﺴﺎﻟﻔﺔ ﺍﻟﻮﺭﺙﺍﻃﻠﻊ ﻣﻨﻬﺎ ﺍﺣﻨﻪ ﻣﺎﻧﺎﻛﺮﻳﻨﻪ ﺑﺲ ﻳﻜﺒﺮ ﻭﻧﻨﻄﻲ ﺣﺼﺘﻪ .
ﻓﺎﺭﺱ ﻣﺎﻋﺠﺒﻪ ﺣﺠﻴﻬﻢ ﻳﻌﺮﻓﻬﻢ ﺯﻳﻦ ﺑﺲ ﻣﻄﻮﻟﻠﻬﻢﺧﻠﻚ ﺑﻤﺰﺍﺟﻪ ..
ﻣﺜﻞ ﻣﺎ ﺍﻧﻲ ﺍﺧﺬﺕ ﺣﺼﺘﻲ .
ﻣﺤﻤﻮﺩ ﺩﻧﻚ ﺭﺍﺳﻪ ﻻﻥ ﺍﻟﻜﻞ ﻳﻌﺮﻑ ﺍﻛﻠﻮﺍ ﺣﻘﻪ ﻣﺎ ﺍﺧﺬ ﺑﺲ ﺍﻟﺸﻲ ﺍﻟﺒﺴﻴﻂ .
ﻣﺎﺯﻥ ﻋﺼﺒﻲ .. ﺍﻧﺖ ﻣﻌﻠﻴﻚ ﺍﺑﻦ ﺍﺧﻮﻧﺎ ﺍﺣﻨﺎ ﺍﻭﻟﻰ ﺑﺤﺼﺘﻪ ﻧﺤﺎﻓﻆ ﻋﻠﻴﻬﺎ .
ﻛﺎﻡ ﻭﺍﻓﺘﺮﻟﻬﻢ ﺻﺎﺭ ﻭﺍﻛﻒ ﺑﻮﺟﻬﻬﻢ ﻓﺎﺭﺱ ﻃﻮﻝ ﻭﻓﺨﺎﻣﻪ ﻭﺷﺨﺼﻴﺘﻪ ﻗﻮﻳﺔ ﻣﻮ ﺑﺴﻬﻮﻟﻪ ﻳﺄﺛﺮﻭﻥ ﻋﻠﻴﻪ
ﻫﻤﻪ ﻭﺍﻋﻴﻦ ﻟﻬﺬﺍ ﺍﻟﺸﻲ ..
ﻭﻟﻚ ﻣﻨﻮ ﺍﺑﻦ ﺍﺧﻮﻙ ﻫﺎﺍ ﺍﻧﺖ ﺷﻮﻛﺖ ﻋﺮﻓﺘﻪ ﻣﺘﺪﺭﻭﻥ ﺑﻲ ﺷﻠﻮﻥ ﻋﺎﻳﺶ ﺩﺭﻫﻢ ﻣﺎ ﺻﺎﺭﻓﻴﻦ ﻋﻠﻴﻪ ﺟﺎﻱ ﻫﺴﻪ ﺍﻃﺎﻟﺐ ﺑﻲ ﻭﺑﺤﺼﺘﻪ
ﻓﺎﺭﺱ ﻣﺎﺣﺐ ﻳﺠﻴﺐ ﻃﺎﺭﻱ ﺩﻳﻤﺎ ﻷﻧﻬﺎ ﺗﺨﺼﻪ ﻭﺣﺪﻩ
ﻣﻴﺮﻳﺪ ﻳﺬﻛﺮﻭﻧﻬﺎ ﺑﻠﺴﺎﻧﻬﻢ ﻳﺤﺲ ﺑﻐﻴﺮﺓ ﺯﺍﻳﺪﻩ ﻋﻠﻴﻬﺎﻭﻷﻥ ﻋﺮﻑ ﺑﻴﻬﻢ ﺟﺎﻧﻮ ﻛﺎﺭﻫﻴﻨﻬﺎ ﻭﻣﻦ ﻳﻮﻡ ﺍﻟﺰﺍﺭﻫﻢ ﻭﺳﻤﻊ ﺷﺤﺎﺟﻴﺎﺕ ﻭﻳﺎﻫﺎ ﺑﻌﺪ ﻣﺎ ﻭﺻﻠﻠﻬﻢ ...
ﺍﺣﺠﻲ ﻟﻌﺪ ﺍﻧﻲ ﺷﻨﻮ ﻫﺎﺍ ﺍﻧﻲ ﻋﻤﻪ ﻭﺍﺑﻮ ﺍﻓﺘﻬﻤﺖ .
ﻣﺎﺯﻥ ﺑﻨﺘﺮﺓ .. ﻫﺎﻱ ﻣﺮﺗﻚ ﺍﻟﺤﺸﺖ ﻋﻘﻠﻚ ﺑﺠﺬﺑﻬﺎ .
ﻓﺎﺭﺱ ﻟﻬﻨﺎ ﻭﺑﻌﺪﻣﺎ ﻳﺴﻜﺖ ﻣﺪ ﺍﻳﺪﻩ ﻭﻋﺖ ﻳﺎﺧﺔ ﻗﻤﻴﺺﻣﺎﺯﻥ ..
ﻭﻟﻚ ﺍﻟﺴﺎﻧﻚ ﺍﻛﺼﻪ ﺍﺫﺍ ﺟﺒﺖ ﻃﺎﺭﻳﻬﺎ ﻓﻮﻙ ﺷﻴﻨﻚ ﻛﻮﺍﺕ ﻋﻴﻨﻚ .
ﻣﺤﻤﻮﺩ ﺑﺎﺭﺗﺒﺎﻙ ﻻﻥ ﻣﺠﺮﺏ ﻏﻀﺐ ﻓﺎﺭﺱ ﻣﺮﺓ ﺗﻌﺎﺭﻙ ﻭﻳﺎﻫﻢ ﺑﺰﻣﻦ ﺍﻟﻮﺍﻟﺪ ﺍﻟﻠﻪ ﻳﺮﺣﻤﻪ .
ﻭﻛﺴﺮ ﺳﺮﻣﺪ .
_ ﻓﺎﺭﺱ ﺍﻫﺪﺍ ﺷﺒﻴﻚ .
ﻣﺎﺯﻥ ﻣﺎﺳﻜﺖ ﻋﻼ ﺻﻮﺗﻪ ﻋﻠﻰ ﺍﺳﺎﺱ ﻣﺰﻭﺝ ﺳﺖ ﺍﻟﺤﺴﻦ ﻭﺣﺪﻩ ﺩﺍﻳﺤﻪ ﺳﺎﻗﻄﻪ ﺍﻡ ﺍﻟﺰﻟﻢ ﺿﺤﻜﺖ ﻉ .....
ﻣﺎﻟﺤﻚ ﻳﺤﺠﻲ ﻭﺑﺪﺕ ﺍﻟﺒﻮﻛﺴﺎﺕ ﻭﺍﻟﺴﻄﺮﺍﺕ ﺗﻔﺘﺮ ﻋﻠﻰ ﻣﺎﺯﻥ ﺍﻟﺠﺎﻥ ﻳﺮﺟﻊ ﺍﻟﻀﺮﺑﻪ ﻟﻔﺎﺭﺱ ﺑﺲ ﻣﻴﻜﺪﺭﻟﻪ
ﻻﻥ ﺷﻮﻱ ﺍﻧﻌﻢ ﻣﻦ ﻓﺎﺭﺱ .
ﻣﺤﻤﻮﺩ ﻳﻔﺎﺯﻉ ﺑﻴﻨﺎﺗﻬﻢ ﻭﻳﺼﻴﺢ ﻣﻦ ﺷﺎﻑ ﻣﺎﺯﻥ ﻭﻛﻊ ﻭﻓﺎﺭﺱ ﺻﺎﺭ ﻓﻮﻛﺎﻩ ﺷﺒﻌﻪ ﻛﺘﻞ .
ﺩﺧﻠﻮﺍ ﺳﻌﺪ ﻭﺍﻟﻌﻤﺎﻝ ﻳﺘﺮﺍﻛﻀﻮﻥ ﻳﺴﺤﺒﻮﻥ ﻓﺎﺭﺱﺍﻟﺠﺎﻥ ﻓﺎﻗﺪ ﻓﻄﺴﻪ ﻛﺘﻞ ..
ﺟﺒﺎﻥ ﺳﻜﻂ ﻭﺍﻟﻠﻪ ﻟﺨﻠﻴﻚ
ﺗﻨﺪﻡ ﻋﺎﻟﻴﻮﻡ ﺍﻟﻨﻮﻟﺪﺕ ﺑﻲ ﻫﺎﻱ ﺍﻟﺘﺤﺠﻲ ﻋﻠﻴﻬﺎ ﺍﺷﺮﻑ ﻣﻨﻜﻢ ﻳﺎ ﻧﺎﻗﺺ .
ﺳﻌﺪ ﻭ ﻣﺤﻤﻮﺩ ﻛﺪﺭﻭ ﻳﺴﺤﺒﻮﻧﻪ
ﻭﻫﻮ ﺍﻟﻐﻀﺐ ﺑﻌﻴﻮﻧﻪ
ﻭﺟﻬﻪ ﺍﻧﻜﻠﺐ ﻳﺨﻮﻑ ﻓﺎﺭﺱ ﻣﻦ ﻋﺼﺒﻲ .
ﺩﻓﺮﻩ ﺑﻘﻮﺓ ﻋﻠﻰ ﻇﻬﺮﻩ ﻭﻋﺎﻁ ﺑﻤﺤﻤﻮﺩ ﺍﺧﺬ ﺍﻟﺠﻠﺐ
ﻭﺍﻃﻠﻊ ﻭﺍﻧﺘﻮ ﺷﺎﻫﺪﻳﻦ ﺍﺗﻬﺠﻢ ﻋﻠﻴﻪ ﺑﻤﻜﺘﺒﻲ ﻭﺍﻟﻠﻪ ﻟﺴﺠﻨﻚ ﻭﺍﻃﻴﺢ ﺣﻈﻚ ﻭﺣﺼﻪ ﻋﺒﺪﺍﻟﻠﻪ ﺍﺧﺬﻫﺎ ﻣﻦ ﻋﻴﻮﻧﻚ ﻭﺑﺎﻟﻘﺎﻧﻮﻥ .
ﻣﺤﻤﻮﺩ ﻳﺄﺷﺮﻟﻪ ﺑﻴﺪﻩ ﻳﻬﺪﻱ ﺑﻲ ﻭﻳﺴﺤﺐ ﺑﻤﺎﺯﻥ ﺍﻟﺠﺎﻥ
ﻣﻨﺘﻬﻲ ﻳﻼﻫﺚ ﻭﺟﻬﻪ ﻣﺰﻭﺭﻙ ﻣﺎﻳﻜﺪﺭ ﻳﺤﺠﻲ .
_ ﻓﺎﺭﺱ ﺍﻫﺪﺍ ﻭﺍﻟﻠﻪ ﺍﻟﻌﻈﻴﻢ ﺳﺮﻣﺪ ﻣﺎﻗﺒﻞ ﻋﻠﻴﻪ ﻭﺍﻟﺒﺎﺭﺣﻪ ﻫﺪﺩﻩ ﺑﺲ ﻣﺎﻳﺴﻤﻊ ﻛﻼﻡ ﻭﺍﻧﻲ ﺟﻴﺖ ﻭﻳﺎ
ﻏﺼﺐ .
ﺩﺧﻴﻠﻚ ﻓﺎﺭﺱ ﺍﻧﺖ ﺍﺧﻮﻧﺎ ﺍﻟﺠﺒﻴﺮ ﻻﺗﻮﺻﻠﻬﺎ ﻟﻠﻤﺤﺎﻛﻢ
ﻓﺎﺭﺱ ﺑﺪﻭﻥ ﻣﺎﻳﻠﺘﻔﺖ ﻋﻠﻴﻪ ﺍﺷﺮﻟﻪ ﺑﻴﺪﻩ ﻳﻄﻠﻊ ﻭﺭﺍﺡ ﻛﻌﺪ ﻋﺎﻟﻘﻨﻔﻪ ﺳﻌﺪ ﺟﺎﺑﻠﻪ ﻛﻠﻴﻨﺲ ﻭﻛﺎﻡ ﻳﻤﺴﺢ ﺑﻜﺼﺘﻪ ﻻﻥ ﺍﺗﻌﻮﺭ ﺑﻴﻬﺎ ....................... ﺟﺮ ﺣﺼﺮﺓ ﻭﺫﺑﻬﺎ ﺑﻘﻮﺓ ﻭﻋﻴﻮﻧﻪ ﺑﻜﺼﺘﻪ
ﻣﻦ ﺍﻟﻌﺼﺒﻴﺔ ﻭﺍﻟﻠﻪ ﻟﻮﻣﺎ ﺍﻟﺪﻡ ﺍﻟﻴﺮﺑﻄﻬﻢ ﻻﻳﻄﻠﻌﻪ ﺟﻨﺎﺯﺓ
ﻓﺎﺭﺱ ﺍﻧﻘﻬﺮ ﻷﻥ ﺣﺠﻰ ﻋﻠﻰ ﺩﻳﻤﺎ ﻛﻮﻟﺶ ﺗﺄﺛﺮ ﻭﻫﺬﺍ ﺧﻼﻩ ﻋﺼﺒﻲ ﻭﺍﺛﺮ ﻋﻠﻴﻪ ﻣﻦ ﺭﺟﻊ ﻟﻠﺒﻴﺖ ...
ﺗﻠﻜﺘﻪ ﺩﻳﻤﺎ ﻣﺒﺘﺴﻤﻪ ﻭﻣﻦ ﺷﺎﻓﺖ ﻗﻤﻴﺼﻪ ﻣﺒﻬﺬﻝ ﻭﺩﻛﻤﻪ ﻣﻔﺘﻮﺣﻪ ﻧﺺ ﺻﺪﺭﻩ ﻃﺎﻟﻊ ﻭﻛﺼﺘﻪ ﻣﺒﻴﻦ ﺑﻴﻬﺎ ﺍﺛﺮ ﺣﻤﺎﺭﺿﺮﺑﺖ ﻋﻠﻰ ﺻﺪﺭﻫﺎ ..
ﻳﻤﻤﻤﻤﻪ ﺍﺳﻢ ﺍﻟﻠﻪ ﺷﺒﻴﻚ ﻋﻴﻮﻧﻲ
ﺧﺰﺭﻫﺎ ﺑﻐﻀﺐ ﻭﺩﺧﻞ ﻟﻠﺒﻴﺖ ﻓﺎﺕ ﻟﻠﺤﻤﺎﻡ ﺳﺒﺢ ﻭﻃﻠﻊ
ﺭﺍﺡ ﻛﻌﺪ ﺑﺎﻟﻬﻮﻝ ﻭﺍﺟﻰ ﻋﺒﻮﺩﻱ ﻳﺮﻛﺾ ﻋﻠﻴﻪ ﻣﻦ ﺷﺎﻓﻪ
ﻛﺎﻡ ﻳﻜﻤﺰ ﻳﺮﻳﺪ ﻳﺼﻌﺪ ﺑﺤﻈﻨﻪ ..
ﺑﺎﺑﺎ ﺑﺎﺑﺎ ﻫﻮﺏ
ﺩﺣﻚ ﻋﻠﻴﻪ ﻭﺗﻨﻬﺪ ﺑﻘﻮﺓ ﺷﺎﻟﻪ ﻭﺣﻈﻨﻪ ﺷﻨﻮ ﺫﻧﺒﻪ ﻫﺎﻟﻄﻔﻞ ﺍﻟﻠﻪ ﺑﻼﻩ ﺑﻌﻤﺎﻡ ﺯﺑﺎﻟﻪ .
ﺑﺲ ﻻ ﻭﺍﻟﻠﻪ ﺍﻻ ﻟﺰﻭﻋﻬﻢ
ﺍﻟﺒﺎﻛﻮ ﻭﺍﺟﻴﺒﻠﻚ ﺣﻘﻚ ﺩﻧﻚ ﺑﺎﺱ ﺭﺍﺱ ﻋﺒﻮﺩﻱ ﻭﺷﻤﻪ ﺣﻴﻞ .
ﺩﻳﻤﺎ ﺟﺎﻧﺖ ﺗﺮﺍﻗﺒﻪ ﺩﺭﺕ ﺑﻲ ﻋﺼﺒﻲ ﺑﺲ ﻣﺘﻜﺪﺭ ﺗﺸﻮﻓﻪ ﺑﻬﺎﻟﺤﺎﻟﻪ ﻭﺗﺴﻜﺖ ﻛﻠﺒﻬﺎ ﺍﻛﻠﻬﺎ ﻋﻠﻴﻪ .
ﺗﻘﺮﺑﺖ ﻋﻠﻴﻪ .. ﺣﺒﻴﺒﻲ ﺷﺒﻴﻚ ﻟﻴﺶ ﻋﺼﺒﻲ .
ﺧﺰﺭﻫﺎ ﺑﻌﻴﻨﻪ ﺧﺎﻓﺖ ﻭﺭﺟﻌﺖ ﺧﻄﻮﻩ ﻟﻠﻮﺭﺍ ﻭﻳﻪ ﻧﻔﺴﻬﺎﺻﺨﺎﻡ ﺷﺒﻲ ﺍﻟﺮﺟﺎﻝ ﺍﻟﺼﺒﺢ ﺷﻤﺤﻼﻩ .
_ ﺷﻌﻨﺪﻩ ﻣﺎﺯﻥ ﻳﺠﻴﺐ ﻃﺎﺭﻳﺞ ﻭﻳﺤﺠﻲ ﻋﻠﻴﺞ .
ﻓﻜﺖ ﺣﻠﻜﻬﺎ ﻣﺴﺘﻐﺮﺑﻪ ﺗﺮﻳﺪ ﺗﺤﺠﻲ ﻣﺘﻌﺮﻑ ﺷﺘﻜﻮﻝ
.. ﻋﺎﻁ ﺑﻴﻬﺎ ﻭﻋﺒﻮﺩﻱ ﻓﺰ ﻛﺎﻡ ﻳﺪﺣﻚ ﺑﻮﺟﻬﻪ .. ﺍﺣﺠﻲ .
ﺩﻳﻤﺎ ﻣﺘﺪﺭﻱ ﺷﺘﺤﺠﻲ .. ﻳﻲ ﻳﺎﺍ ﻣﺎﺯﻥ .
ﺫﺏ ﻋﺒﻮﺩﻱ ﺑﺎﻟﻜﺎﻉ ﻭﻛﺎﻡ ﻋﻠﻴﻬﺎ .. ﺟﻢ ﻣﺎﺯﻥ ﺗﻌﺮﻓﻴﻦ .
ﻓﻜﺖ ﻋﻴﻨﻬﺎ ﻣﺼﺪﻭﻣﻪ ﻣﻦ ﻛﻼﻣﻪ .. ﻗﺼﺪﻙ ﺍﺧﻮﻙ ﺷﻌﻨﺪﻱ
ﻭﻳﺎﻩ ﺍﻧﺖ ﺗﺪﺭﻱ ﻳﻜﺮﻫﻮﻧﻲ ﻭﺣﺠﻴﺘﻠﻚ ﺑﻮﻛﺘﻬﺎ شنو ﻣﻌﻨﺎﻫﺎ ﺣﺠﺎﻳﺘﻚ ﺟﻢ ﻣﺎﺯﻥ ﺍﻋﺮﻑ ﺛﻤﻦ ﻛﻼﻣﻚ ﻓﺎﺭﺱ .
ﺩﻗﻖ ﺑﻌﻴﻮﻧﻬﺎ ..
ﻭﻟﻴﺶ ﻳﻜﺮﻫﻮﻧﺞ ﻟﻴﺶ ﻣﺤﺪ ﺳﺄﻝ ﻋﻠﻴﻜﻢﺍﺣﺠﻲ .
ﺩﻳﻤﺎ ﺍﻧﻘﻬﺮﺕ ﻻﻥ ﻋﺮﻓﺖ ﺗﻠﻤﻴﺤﻪ .. ﻗﺼﺪﻙ ﺍﻧﻲ ﺟﺬﺍﺑﻪﻭﺍﻛﻮ ﺳﺒﺐ ﺣﺘﻰ ﻳﻜﺮﻫﻮﻧﻲ .
ﻧﺘﺮ ﺑﻴﻬﺎ .. ﻣﺎ ﺍﺩﺭﻱ ﺍﻧﺘﻲ ﺍﻋﺮﻑ ﻳﻼ ﺍﺣﺠﻲ .
ﺩﻳﻤﺎ ﺑﺄﺣﺒﺎﻁ ﻷﻥ ﺣﺴﺖ ﺑﻲ ﻣﻘﺘﻨﻊ ﺑﺎﻟﺤﺠﻲ ﺍﻟﺴﺎﻣﻌﻪﻭﺍﻟﻲ ﻣﺘﺪﺭﻱ ﺷﻨﻮ ﻫﺎﻟﺤﺠﻲ ..
ﻓﺎﺭﺱ ﻭﺍﻟﻠﻪ ﻣﺎﺍﺩﺭﻱ ﺳﺒﺐ
ﻛﺮﻫﻢ ﻭﺍﻧﻲ ﺷﻜﺪ ﻋﺸﺖ ﻭﻳﺎﻫﻢ ﻭﺍﻟﻠﻪ ﺍﻗﻞ ﺍﻟﺜﻼﺙ ﺍﺷﻬﺮ .
ﺧﺰﺭﻫﺎ .. ﻛﺎﻓﻴﻪ ﻛﻮﻟﺶ ﺣﺘﻰ ﻳﻌﺮﻓﻮﺝ .
ﺯﻣﺨﺖ ﺑﻲ .. ﺷﻨﻮ ﻗﺼﺪﻙ .
ﻟﺰﻡ ﺯﻧﺪﻫﺎ ﻭﺿﻐﻂ ﻋﻠﻴﻪ ﺟﺎﻧﺖ ﻻﺑﺴﻪ ﺭﺑﻊ ﺭﺩﻥ .. ﻭﻟﺞ ﻳﻜﻠﻲ ﻫﺎﻱ ﻭﺣﺪﻩ ﺩﺍﻳﺤﻪ ﻭﺳﺎﻗﻄﻪ ﻭ ... ﺍﺳﺘﻐﻔﺮ ﺍﻟﻠﻪ
ﺷﺤﺠﻲ ﺑﻌﺪ ﻭﻟﺞ ﺍﻧﻲ ﻳﺠﻲ ﺟﻠﺐ ﻣﺜﻞ ﻣﺎﺯﻥ ﻳﺠﻴﺐ ﻃﺎﺭﻱ ﻣﺮﺗﻲ ﺑﺎﻟﺸﻴﻨﻪ ﺷﻠﻮﻥ ﻳﺘﺠﺮﺃ ﻭﻳﺤﺠﻴﻬﺎ ﺑﻮﺟﻬﻲﻟﻮﻣﺎ ﺷﺎﻳﻒ ﻋﻠﻴﺞ ﺷﻲ .
ﺧﻠﺼﺖ ﻣﺤﺎﻭﻟﺘﻬﺎ ﻟﻜﺒﺖ ﺍﻋﺼﺎﺑﻬﺎ ﻭﻋﺎﻃﺖ ﺑﺤﺮﻛﻪ .. ﻭﻟﻚ ﺍﻟﻠﻪ ﻻﻳﻮﻓﻘﻚ ﻻ ﺍﻧﺖ ﻭﻻ ﺍﺧﻮﺗﻚ ﻋﻠﻰ ﻫﺎﻟﺤﺠﻲ ﺷﻠﻮﻥﻫﻴﺞ ﻳﻜﻮﻝ ﻭﺍﻧﻲ ﻋﺮﺿﻜﻢ ﻣﺎﻳﻮﻡ ﺍﻧﺪﻛﻴﺖ ﺑﻮﺍﺣﺪ ﻣﻨﻬﻢ ﻭﺣﺠﻴﺖ ﻭﻳﺎ ﻷﻥ ﺍﺳﺘﺤﻲ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ
ﺍﻟﻠﻪ ﻳﺎﺧﺬ ﺣﻮﺑﺘﻲ ﺍﻥ ﺷﺎﺀ ﺍﻟﻠﻪ .
ﻛﺎﻣﺖ ﺗﺒﺠﻲ ﺑﺼﻮﺕ ﻭﺗﺸﺎﻫﻚ .. ﻭﺍﻧﺖ ﺷﻠﻮﻥ ﺍﺗﺼﺪﻛﻪ
ﻣﻮ ﺻﺎﺭﻟﻚ ﻓﻮﻙ ﺍﻟﺸﻬﺮﻳﻦ ﻣﻌﺎﺷﺮﻧﻲ ﺷﻔﺖ ﻋﻠﻴﻪ ﺷﺒﺪﺭ
ﻣﻨﻲ ﻏﻠﻂ ﻭﺳﻔﻪ ﻋﻠﻴﻚ ﻋﺒﺎﻟﻲ ﺑﻴﻚ ﺣﻆ ﻃﻠﻌﺖ ﺣﺎﻟﻚ
ﺣﺎﻟﻬﻢ ﻟﻴﺶ ﻻ ﻣﻮ ﺍﺧﻮﻫﻢ ﺷﻌﺘﺐ ﻋﻠﻴﻜﻢ .
ﻋﺒﻮﺩﻱ ﻛﺎﻡ ﻳﺒﺠﻲ ﻣﻦ ﺷﺎﻓﻬﺎ ﻣﻨﻬﺎﺭﻩ ﻭﻛﻌﺪﺕ ﻋﺎﻟﻘﻨﻔﻪ .
ﻓﺎﺭﺱ ﻭﺍﻛﻒ ﻋﻠﻰ ﺭﺍﺳﻬﺎ ﻭﻋﻴﻨﻪ ﻋﻠﻴﻬﺎ ﺣﺲ ﺑﻐﻠﻄﻪ
ﻭﺗﻬﻮﺭﻩ ﺟﺎﻥ ﻻﺯﻡ ﻳﻠﺰﻡ ﺍﻋﺼﺎﺑﻪ ﺑﺲ ﺍﻟﻜﻠﺐ ﻣﺎﺧﻼﻟﻪ
ﻋﻘﻞ .
_ ﻣﺎﻣﺎ ﻣﺎﻣﺎ ﺍﻭﺍ
ﺷﺒﻜﺖ ﻋﺒﻮﺩﻱ ﻭﺑﻌﺪﻫﺎ ﺗﺒﺠﻲ .
_ ﻛﺎﻓﻲ ﺧﺒﻠﺘﻲ ﺍﻟﻮﻟﺪ .
ﻛﺎﻣﺖ ﻭﺍﺑﻨﻬﺎ ﺑﺤﻈﻨﻬﺎ ﻭﺧﺰﺭﺗﻪ ﺑﻌﻴﻮﻥ ﻣﻠﻴﺎﻧﻪ ﻏﻀﺐ ﻭﺩﻣﻌﻬﺎ ﻳﺠﺮﻱ ﻋﻠﻰ ﺧﺪﻫﺎ ..
_ ﺍﺑﻨﻲ ﻭﺍﻋﺮﻑ ﺍﻋﺎﻣﻠﻪ ﻻﺗﺘﺪﺧﻞ .
ﻓﻚ ﻋﻴﻨﻪ ﻭﻧﺘﺮ .. ﺍﻧﺠﺒﻲ ﻟﺞ ﻻﺗﺨﺮﺑﻄﻴﻦ ﻃﻠﻌﻲ ﻋﺒﻮﺩﻱ ﻣﻦ ﺍﻟﺴﺎﻟﻔﻪ .
_ ﻟﻴﺶ ﻣﻮ ﻫﻮ ﺍﺑﻦ ﺍﻟﺪﺍﻳﺤﻪ ﻭﺍﻟﺴﺎﻗﻄﺔ ﺍﻟﻲ ﻛﺎﻋﺪﻳﻦ ﺗﺘﻬﻤﻮﻫﺎ .
_ ﺗﺮﻯ ﻛﻮﺓ ﻻﺯﻡ ﺭﻭﺣﻲ ﻻ ﺗﺴﺘﻔﺰﻳﻨﻲ ﺍﻧﻲ ﻣﺎ ﺣﺠﻴﺖ ﻋﻠﻴﺞ ﻛﺘﻠﺞ ﻟﻴﺶ ﻭﺍﻧﺘﻲ ﻋﺼﺒﺘﻲ .
ﺑﻌﺼﺒﻴﺔ .. ﻃﺒﻌﺎ ﺍﻋﺼﺐ ﻣﻦ ﺍﺷﻮﻑ ﺍﻻﺗﻬﺎﻡ ﺑﻌﻴﻨﻚ ﻻﻥ
ﻣﺼﺪﻙ ﺍﺧﻮﻙ .
_ ﻻ ﺗﻠﻔﻴﻦ ﺍﻟﺴﺎﻟﻔﻪ ﺍﻧﻲ ﺳﺄﻟﺖ ﻭﻣﻦ ﺣﻘﻲ ﺍﺳﺄﻝ ﻭﺍﻋﺮﻑ
ﻣﺎﺿﻴﺞ ﻭﻳﺎﻫﻢ
_ ﺍﺷﻜﺮﻙ ﻓﺎﺭﺱ ﻭﺭﻭﺡ ﺍﺳﺄﻝ ﺍﺧﺘﻚ ﺍﺫﺍ ﻋﺪﻫﺎ ﺣﻆ ﻭﺑﺨﺖ ﺗﺤﺠﻴﻠﻚ ﺑﺲ ﻻ ﺗﻄﻠﻊ ﻣﺜﻠﻜﻢ ﻻ ﺣﻆ ﻭﻻ ﺑﺨﺖ
ﻭﺍﻥ ﺷﺎﺀ ﺍﻟﻠﻪ ﺗﺒﻴﻦ ﺣﻮﺑﺘﻲ ﺑﻜﻠﻤﻦ ﻳﺠﻴﺐ ﺍﺳﻤﻲ ﻭﺳﻤﻌﺘﻲ ﺑﺎﻟﺸﻴﻨﻪ .
ﻃﻠﻌﺖ ﻟﻠﻐﺮﻓﻪ ﺫﺑﺖ ﻋﺒﻮﺩﻱ ﺍﻟﻬﺪﺃ ﺷﻮﻱ ﺭﺍﺣﺖ ﺳﺤﺒﺖ ﺍﻟﺠﻨﻄﻪ ﻣﻦ ﺍﻟﻐﺮﻓﻪ ﺍﻟﺜﺎﻧﻴﺔ ﻭﺟﺎﺑﺘﻬﺎ ﺑﺪﺕ ﺗﺨﻠﻲ ﻣﻼﺑﺴﻬﺎ ﺗﺤﺠﻲ ﻭﻳﺎ ﺭﻭﺣﻬﺎ .. ﺍﻧﻲ ﺍﻟﺜﻮﻟﻪ ﺍﻻﻧﻌﻤﻴﺖ ﻋﻠﻰ ﻛﻠﺒﻲ ﻭﺣﺒﻴﺘﻪ ﺍﻣﺪﺍﻳﺔ ﺍﻧﻲ ﻣﺎﻝ ﺣﺐ ﻭﺍﻟﺮﺟﺎﻝ ﺍﺩﻧﻰ ﺣﺠﺎﻳﺔ ﺍﻧﻜﺎﻟﺖ ﺟﺎﻧﻲ ﻓﺎﻳﺮ .
ﺩﺧﻞ ﻓﺎﺭﺱ ﻭﻣﻦ ﺷﺎﻓﻬﺎ ﺍﻃﻠﻊ ﺑﻬﺪﻭﻣﻬﺎ ﻭﺗﺬﺏ ﺑﺎﻟﺠﻨﻄﻪ
ﻋﺼﺐ ﻋﻠﻴﻬﺎ ﻭﻛﻤﺰﺕ ﺟﻨﻮﻧﻪ ﺭﺍﺡ ﺟﺮ ﺍﻟﻤﻼﺑﺲ ﻭﺷﻤﺮﻫﻦ ﺑﺎﻟﻜﻨﺘﻮﺭ .. ﻭﻳﻦ ﺗﺮﺩﻳﻦ ﻣﻮﻟﻴﻪ
ﺟﺎﻧﺖ ﻓﺎﻗﺪﻩ ﻭﻣﻨﻬﺎﺭﻩ ﺑﻌﺪ ﺍﻟﺴﻤﻌﺘﻪ ﺣﺴﺖ ﺭﻭﺣﻬﺎ ﻭﺣﻴﺪﻩ ﻭﺍﻟﺪﻧﻴﺎ ﺗﻠﻄﺶ ﺑﻴﻬﺎ ﻭﻛﻤﻠﻬﺎ ﻋﻠﻴﻬﺎ ﻣﻦ ﻛﺎﻝ .. ﺗﺮﺣﻴﻦ ﻟﻌﻤﺘﺞ ﺍﻟﺒﺎﻋﺘﺞ ﺑﺎﺭﺑﻊ ﻣﻼﻳﻴﻦ .
ﻛﺄﻧﻤﺎ ﺿﺮﺑﻬﺎ ﻃﻠﻘﻪ ﺑﻜﻠﺒﻬﺎ ﻣﻦ ﺣﺠﺎﻫﺎ ﺑﻘﺖ ﻓﺎﻛﻪ ﻋﻴﻨﻬﺎ
ﻭﺩﻣﻮﻋﻬﺎ ﺗﺠﺮﻱ ﻋﻠﻰ ﺧﺪﻫﺎ ﻭﺗﻌﺒﺮ ﺗﻮﻛﻊ ﺑﺼﺪﺭﻫﺎ ﻣﻨﻈﺮﻫﺎ ﺧﻼﻩ ﻳﺘﻨﺪﻡ ﺍﻟﻒ ﻣﺮﺓ ﻋﻠﻰ ﻫﺎﻱ ﺍﻟﺤﺠﺎﻳﻪ
ﺷﻬﻜﺖ ﺑﻘﻮﺓ .. ﻋﻔﻴﺔ ﻋﻠﻴﻚ ﻓﺎﺭﺱ ﺫﻛﺮﻧﻲ ﺍﻧﺖ ﺍﺷﺘﺮﻳﺘﻨﻲ ﺣﺘﻰ ﺗﺬﻟﻨﻲ ﺑﻴﻬﻦ .. ﻣﺎﻋﺘﺐ ﻋﻠﻴﻚ ﺍﺫﺍ ﻋﻤﺘﻲ
ﻗﺒﻠﺖ ﻋﻠﻰ ﻫﺎﻟﺸﻲ ﺑﺲ ﻻﺗﻨﺴﻰ ﺗﻬﺪﻳﺪﻙ ﺗﺎﺧﺬ ﺍﺑﻨﻲ ﻣﻨﻲ ﺍﺫﺍ ﻣﺎﻗﺒﻠﺖ ﺑﻴﻚ ﻭﻳﺎﺭﻳﺘﻨﻲ ﻣﺎﻗﺒﻠﺖ ﺣﺘﻰ ﻻ ﺍﺷﻮﻑ ﺍﻟﺬﻟﻪ ﻣﺘﻨﺪﻣﻪ ﻭﻣﺘﺤﺴﻔﺔ ﻷﻥ ﺣﺒﻴﺘﻚ ..
ﻣﻮ ﺍﻧﻲ ﺍﻻﻧﺬﻝ . ﺭﺟﻌﺖ ﺍﻟﻤﻼﺑﺲ ﻭﺭﺟﻊ ﺷﻤﺮﻫﻦ ﺯﻛﺢ
ﺑﻴﻬﺎ .. ﻛﺎﻓﻲ ﻋﺎﺩ ﺍﻣﺸﻲ ﻏﺴﻠﻲ ﻭﺟﻬﺞ ﻭﺍﺷﺮﺑﻲ ﻣﻲ
ﺭﺍﺡ ﺗﺘﺨﺮﺑﻄﻴﻦ ﻣﻮ ﺯﻳﻦ ﻋﻠﻴﺞ ﻭﺍﻧﺘﻲ ﺣﺎﻣﻞ .
ﺟﺎﻧﺖ ﺗﺤﺠﻲ ﻭﺗﺮﺟﻒ ﺍﻭﺿﺎﻋﻬﺎ ﻣﺘﺨﺮﺑﻄﻪ .. ﺧﺎﻳﻒ ﻋﻠﻰ ﺍﺑﻨﻚ ﻭﺍﻧﻲ ﻣﺨﻔﺖ ﻋﻠﻴﻪ ﻣﻦ ﻫﻴﺞ ﺗﻘﻬﺮﻧﻲ .
_ ﺧﻼﺍﺍﺹ ﺣﺠﺎﻳﻪ ﻭﺍﻧﻜﺎﻟﺖ ﺷﺠﻠﺒﺘﻲ ﺑﻴﻬﺎ ﻟﻮ ﺑﺲ ﺗﺮﺩﻳﻦ ﺣﺠﻪ .
_ ﺍﻱ ﺍﺩﻭﺭ ﺣﺠﻪ ﻋﻔﻴﻪ ﺑﻴﻚ ﺑﻌﺪ ﺍﺷﻤﺮ ﻋﻠﻴﻪ ﺍﺷﻤﺮ .
_ ﻣﺎﻣﺎ ﻣﻤﻤﻪ ﻣﺎﻣﺎ .
ﺩﺣﻜﺖ ﻋﻠﻰ ﻋﺒﻮﺩﻱ ﻭﺭﻓﻌﺖ ﺗﻚ ﺣﺎﺟﺐ ﺗﻨﻬﺪﺕ ﺑﺤﺼﺮﺓ ﺷﺎﻟﺘﻪ ﻭﻃﻠﻌﺖ .. ﺍﻭﻭﻭﻑ ﻳﺎﻣﺎﻣﺎ ﺷﻜﺎﺳﺮ ﻇﻬﺮﻱ
ﻏﻴﺮ ﺍﻧﺖ .
ﻓﺎﺭﺱ ﺳﻤﻌﻬﺎ ﺭﺍﺡ ﻭﺭﺍﻫﺎ ﻳﺪﺭﻱ ﺑﻴﻬﺎ ﻭﺑﻌﻨﺎﺩﻫﺎ ﺷﺎﻓﻬﺎ
ﺗﺤﻂ ﺣﻠﻴﺐ ﺑﺎﻟﻤﻤﻪ ﻭﺧﻈﺘﻬﺎ ﻭﺍﻧﻄﺘﻬﺎ ﻟﻌﺒﻮﺩﻱ ﺧﻠﺘﻪ ﻋﺎﻟﻘﻨﻔﻪ ﻭﺍﻟﻤﻤﻪ ﺑﺤﻠﻜﻪ ﻣﻘﺒﻞ ﻳﺮﻳﺪ ﺑﺤﻈﻨﻬﺎ ﺟﺎﻧﺖ ﻣﺪﻧﻜﻪ ﺣﺎﺿﻨﻪ ﺑﻄﻨﻬﺎ ﺑﻴﺪﻳﻬﺎ ﻋﺒﻮﺩﻱ ﺑﻘﻰ ﻳﺒﺠﻲ
ﺟﺮﺗﻪ ﺑﺤﻈﻨﻬﺎ ﻭﺧﻠﺖ ﺍﻟﻤﻤﻪ ﺑﺤﻠﻜﻪ ﻣﺴﺤﺖ ﻭﺟﻬﺎ ﻭﺍﺳﺘﻐﻔﺮﺕ ﺭﺑﻬﺎ ﺗﺪﺭﻱ ﺑﻲ ﻭﺍﻛﻒ ﺑﺎﻟﺒﺎﺏ ﺍﻟﺪﺍﺧﻠﻲ ﻳﺮﺍﻗﺒﻬﺎ ﻣﻠﺘﻔﺖ ﻋﻠﻴﻪ . ﺧﻼﺹ ﻣﻮ ﻣﻴﺮﻳﺪﻫﺎ ﺗﻄﻠﻊ ﻣﻦ ﺍﻟﺒﻴﺖ ﺻﺎﺭ ﺍﺩﻟﻞ ﻓﺎﺭﺱ .
ﻋﺒﻮﺩﻱ ﺍﻳﺪﻩ ﺑﺼﺪﺭﻫﺎ ﻳﺮﺿﻊ ﻭﻳﺮﺟﻊ ﻳﺠﺮﻫﺎ ﻣﻦ ﺣﻠﻜﻪ ﻟﻠﻤﻤﻪ ﻭﻳﻀﺤﻚ ﺷﻮﻱ ﻭﺷﺒﻊ ﺑﻘﻰ ﻳﻠﻌﺐ ﻭﻳﺸﻤﺮ ﺑﺮﺟﻠﻴﻪ
ﻭﻫﻲ ﺻﺎﻓﻨﻪ ﻣﺎﺣﺴﺖ ﺍﻻ ﻭﻓﺎﺭﺱ ﻳﺸﻴﻞ ﻋﺒﻮﺩﻱ ﻣﻦ ﺣﻈﻨﻬﺎ ﻭﻧﺘﺮ ﺑﻴﻬﺎ .. ﻣﻮ ﺍﻛﻠﺞ ﻻﺗﺨﻠﻲ ﺑﺤﻈﻨﺞ ﻣﺘﺸﻮﻓﻲ
ﺷﻠﻮﻥ ﻳﺪﻓﺮ ﺍﺑﻄﻨﺞ ﺷﺒﻴﺞ ﻫﺎﻱ ﻫﻢ ﻳﺮﺍﺩﻟﻬﺎ ﺗﻌﻠﻮﻡ .
ﻫﺰﺕ ﺭﺍﺳﻬﺎ ﻭﺍﺑﺘﺴﻤﺖ ﺗﻚ ﺧﺪ ﻣﺴﺘﻬﺰﺋﺔ ﺑﻜﻼﻣﻪ ﻭﺩﺣﻜﺖ ﻋﻠﻴﻪ ﻭﺍﻛﻒ ﻓﻮﻙ ﺭﺍﺳﻬﺎ .. ﻋﻠﻰ ﺍﺳﺎﺱ ﺧﺎﻳﻒ
ﻋﻠﻴﻪ ﻟﻮ ﺧﺎﻳﻒ ﻋﻠﻰ ﺍﺑﻨﻚ .
_ ﻻﺗﺨﺮﺑﻄﻴﻦ ﺗﺪﺭﻳﻦ ﺯﻳﻦ ﺑﻤﻌﺰﺗﺞ ﺍﻧﻲ ﺧﺎﻳﻒ ﻋﺎﻻﺛﻨﻴﻦ .
ﻛﺎﻣﺖ ﺻﺎﺭﺕ ﺑﻮﺟﻬﻪ ﻻﻥ ﻭﺍﻛﻒ ﻗﺮﻳﺐ ﻋﻠﻴﻬﺎ .. ﺟﻨﺖ ﻣﺘﻮﻫﻤﻪ ﺑﺲ ﻫﺴﻪ ﺻﺤﻴﺖ ﻋﻠﻰ ﻧﻔﺴﻲ . ﻋﺎﻓﺘﻪ ﻭﺭﺍﺣﺖ
ﺩﺣﻚ ﺑﻮﺟﻪ ﻋﺒﻮﺩﻱ ﻭﺭﻓﻌﻠﻪ ﺗﻚ ﺣﺎﺟﺐ .. ﺍﻣﻚ ﺭﺍﺳﻬﺎ ﻳﺎﺑﺲ ﻳﺮﺍﺩﻟﻪ ﺗﻜﺴﻴﺮ .
ﻋﺒﻮﺩﻱ ﻳﺠﺮ ﺑﺸﻌﺮ ﻓﺎﺭﺱ ﻭﺑﻬﺮﺑﺖ ﺳﻮﺍﻟﻒ .
ﺑﻘﺖ ﺩﻳﻤﺎ ﻣﻄﻨﻜﺮﺓ ﻟﻠﻴﻞ ﺣﺘﻰ ﻋﺸﺎ ﻣﺘﻌﺸﺖ ﻋﺎﻟﺮﻳﻮﻙ
ﻣﺎﻟﻬﺎ ﻧﻔﺲ ﻟﻜﻠﺸﻲ ﻛﺎﻋﺪﻩ ﻭﺣﺪﻫﺎ ﺑﺎﻟﺼﺎﻟﻪ ﻭﺭﺍ ﻣﺎ ﻧﻴﻤﺖ
ﺍﺑﻨﻬﺎ ﻓﺎﺭﺱ ﻛﺎﻋﺪ ﺑﺎﻟﻬﻮﻝ ﻳﺸﻮﻑ ﺍﻻﺧﺒﺎﺭ ﻭﻫﻲ ﻻﺯﻣﻪ
ﺍﻟﻤﻮﺑﺎﻳﻞ ﺗﻜﻠﺐ ﺑﺎﻟﻴﻮﺗﻴﻮﺏ ..
ﺗﺬﻛﺮﺕ ﺍﻟﻌﺼﺮ ﻣﻦ ﻃﻠﻊ ﻓﺎﺭﺱ ﺩﻛﺖ ﻋﻠﻰ ﺣﻤﺎﺗﻬﺎ ﺭﻓﻞ
ﻣﻦ ﺯﻣﺎﻥ ﻣﺤﺎﺟﻴﺔ ﻭﻳﺎﻫﺎ ﺭﻏﻢ ﺭﻗﻤﻬﺎ ﺑﺎﻟﺠﻬﺎﺯ ﺑﺲ ﻫﻲ ﺗﺘﺼﻞ ﻋﻠﻰ ﻓﺎﺭﺱ ﺗﺎﺧﺬ ﺍﺧﺒﺎﺭﻫﻢ ﺩﻳﻤﺎ ﻣﺘﺮﻳﺪ ﻋﻼﻗﻪ
ﺑﻴﻬﻢ ﻛﺎﻓﻲ ﺍﻟﺸﺎﻓﺘﻪ ﻣﻨﻬﻢ .. ﺣﺠﺖ ﻭﻳﺎﻫﺎ ﻋﺎﻟﺼﺎﺭ
ﻭﺍﻟﺒﻨﻴﺔ ﺗﺨﺒﻠﺖ ﻣﻦ ﺳﻤﻌﺖ ﻭﻃﻤﻨﺘﻬﺎ ﺗﺤﺠﻲ ﻭﻳﻪ ﻓﺎﺭﺱ
ﻋﻠﻰ ﺳﻮﺍﻟﻒ ﻣﺎﺯﻥ ﻣﻘﺒﻠﺖ ﺷﻠﻮﻥ ﻫﻴﺞ ﻳﺤﺠﻲ .
ﻭﺳﺄﻟﺘﻬﺎ ﻋﻠﻰ ﻋﺒﺪﺍﻟﻠﻪ ﻭﻋﻠﻰ ﺍﺧﺒﺎﺭﻫﺎ ﻭﻳﻪ ﻓﺎﺭﺱ
ﺣﺠﺘﻠﻬﺎ ﺑﺲ ﻗﻠﻴﻞ ﻣﺘﺮﻳﺪ ﺗﺎﺧﺬ ﻭﺗﻨﻄﻲ ﺑﺎﻟﺤﺠﻲ .
ﺩﻳﻤﺎ ﺑﺰﻋﺎﻧﻪ ﺭﻭﺣﻬﺎ ﻭﻛﺎﻋﺪﻩ ﻋﻠﻰ ﺍﻋﺼﺎﺑﻬﺎ ﻭﻳﻦ ﺗﺮﻭﺡ
ﻭﺗﺨﺎﻑ ﻳﻬﺪﺩﻫﺎ ﻳﺎﺧﺬ ﺍﺑﻨﻬﺎ ﻣﻨﻬﺎ ﺷﻜﺪ ﺍﻟﺪﻧﻴﺎ ﻗﺎﺳﻴﺔ
ﻭﻳﺎﻫﺎ ﺟﺎﻧﺖ ﻣﺮﺗﺎﺣﻪ ﻛﺎﻟﺖ ﻫﺎﻱ ﻫﻴﻪ ﺑﻌﺪ ﻣﺎﻛﻮ ﻫﻢ ﻭﺣﺰﻥ ﺍﺛﺎﺭﻱ ﺍﻟﻬﻢ ﻛﺎﻋﺪﻟﻬﺎ ﻭﻣﺘﺮﺑﻊ .
ﻓﺎﺭﺱ ﺑﻌﺪ ﻣﺎﺣﺠﻰ ﻭﻳﺎﻫﺎ ﻻﻥ ﻳﻌﺮﻓﻬﺎ ﻣﻌﺼﺒﻪ ﻣﻮ ﺑﺴﻬﻮﻟﺔ ﺗﺮﺿﻰ
ﻃﻠﻊ ﺷﺎﻓﻬﺎ ﻻﺯﻣﻪ ﺍﻟﻤﻮﺑﺎﻳﻞ ﻭﻛﻒ ﻳﻤﻬﺎ ﺣﻚ ﻟﺤﻴﺘﻪ
ﻭﻋﻴﻨﻪ ﻋﻠﻴﻬﺎ .. ﻟﻴﺶ ﻛﺎﻋﺪﻩ ﻭﺣﺪﺝ ﺗﻌﺎﻱ ﻳﻤﻲ ﺑﺎﻟﻬﻮﻝ
ﻣﺮﺩﺕ ﻋﻠﻴﻪ ﻋﻴﻨﻬﺎ ﺑﺎﻟﻤﻮﺑﺎﻳﻞ .
ﺿﺎﺝ ﻣﻴﺤﺐ ﺗﻌﺎﻣﻠﺔ ﺍﺑﺮﻭﺩ ﻋﻼ ﺻﻮﺗﻪ .. ﺩﻳﻤﺎﺍﺍﺍ
ﺭﻓﻌﺖ ﺭﺍﺳﻬﺎ ﺑﻘﻰ ﺻﺎﻓﻦ ﺑﻌﻴﻮﻧﻬﺎ ﺟﺎﻧﺖ ﻣﻮﺭﻣﻪ ﻣﻦ ﺍﻟﺒﺠﻲ ﻭﺍﻟﺤﻤﺎﺭ ﻭﺍﺿﺢ ﺑﻴﻬﻦ ﺗﻨﻬﺪ .. ﺷﻠﻮﻥ ﺑﻴﺞ ﺷﻨﻮ ﻫﺎﻟﺮﺍﺱ ﺍﻟﻴﺎﺑﺲ ﻻﺗﻘﺒﻠﻴﻦ ﺗﺤﺠﻴﻦ ﻭﻳﺎﻱ ﻻ ﺗﻜﻌﺪﻳﻦ ﻳﻨﻲ
ﻻ ﺍﻛﻞ ﺗﺎﻛﻠﻴﻦ ﻋﻤﻲ ﻗﺎﺑﻞ ﻻﺗﺤﺠﻴﻦ ﻭﻳﺎﻱ ﺑﺲ ﺍﻗﻠﻬﺎ
ﺍﻛﻠﻲ ﻟﻜﻤﻪ ﺩﻳﻤﺎ ﺍﻧﺘﻲ ﺣﺎﻣﻞ ﺣﺮﺍﻡ ﺍﻟﺠﺎﻱ ﺗﺴﻮﻳﻨﻪ .
ﻛﺎﻣﺖ ﻭﻫﻲ ﺗﺤﺲ ﺑﺮﻭﺣﻬﺎ ﺣﻴﻞ ﺗﻌﺒﺎﻧﻪ ﻻﻋﺒﻪ ﺭﻭﺣﻬﺎ
ﻣﻦ ﻛﻮﻟﺸﻲ ﻛﻠﺒﻬﺎ ﻣﺠﺮﻭﺡ ﻭﺗﺤﺲ ﻛﺮﺍﻣﺘﻬﺎ ﺗﺒﻬﺬﻟﺖ .
ﺩﺧﻠﺖ ﻟﻐﺮﻓﺘﻬﺎ ﺣﺘﻰ ﺗﻨﺎﻡ .. ﻓﺎﺭﺱ ﻳﻔﺘﺮ ﺭﺍﻳﺢ ﺟﺎﻱ
ﻛﻞ ﺷﻮﻱ ﺩﺍﺧﻞ ﻟﻠﻐﺮﻓﻪ ﻛﻠﺒﻪ ﻋﻠﻴﻬﺎ ﺷﺎﻓﻬﺎ ﻧﺎﻳﻤﻪ
.. ﻫﺎﻱ ﻧﺎﻣﺖ ﺑﺪﻭﻥ ﻋﺸﺎ ﻭﻏﺪﺍ ﻣﺘﻐﺪﺕ ﺧﻞ ﺍﺟﻴﺒﻠﻬﺎ
ﺷﻲ ﺗﺎﻛﻠﻪ ﻏﺼﺒﺎ ﻋﻠﻴﻬﺎ .
ﺳﻮﺍﻟﻬﺎ ﻟﻔﺔ ﻛﺒﺎﺏ ﻃﺎﻭﺓ ﺑﺎﻗﻲ ﻣﻦ ﺍﻟﻌﺸﺎ ﻭﺯﻻﻃﻪ ﺧﻼﻫﻦ ﺑﺼﻤﻮﻧﻪ ﻭﻃﻠﻌﻠﻬﺎ ﻋﺼﻴﺮ ﺩﺧﻞ ﻟﻠﻐﺮﻓﻪ ﺧﻼ ﺍﻟﺼﻴﻨﻴﻪ ﻋﺎﻟﻄﺒﻠﻪ ﻭﻛﻌﺪ ﺑﺼﻔﻬﺎ .. ﻛﻮﻣﻲ ﺩﻳﻤﺎ ﺍﺩﺭﻱ ﺑﻴﺞ ﻛﺎﻋﺪﻩ
ﻛﻮﻣﻲ ﺍﻛﻠﻲ ﻣﻴﺼﻴﺮ ﺍﻟﺠﺎﻱ ﺗﺴﻮﻳﻨﻪ ﺍﻧﺘﻲ ﺟﺎﻱ ﺗﻌﺎﻗﺒﻴﻨﻲ ﻋﻤﻲ ﻋﺎﻗﺒﻴﻨﻲ ﺍﻟﺮﻭﺡ ﺍﻟﺒﻄﻨﺞ ﺷﻨﻮ ﺫﻧﺒﻬﺎ .
ﺩﻳﻤﺎ ﺍﺳﺘﻐﻔﺮﺕ ﺭﺑﻬﺎ ﺑﺰﻋﻬﺎ ﺭﺍﻳﺢ ﺭﺍﺩ ﻓﻮﻙ ﺭﺍﺳﻬﺎ ﻭﻫﻲ
ﻫﻢ ﺣﺴﺖ ﺑﺪﻭﺧﻪ ﻻﻥ ﻣﻤﺎﻛﻠﻪ ﻛﻌﺪﺕ ﺑﺎﻟﻔﺮﺍﺵ ﺧﻼﻫﺎ
ﺍﻟﺼﻴﻨﻴﻪ ﺑﺤﻈﻨﻬﺎ ﻭﺻﻔﻦ ﻋﻠﻴﻬﺎ .
ﻋﺪﻟﺖ ﺷﻌﺮﻫﺎ ﺟﺎﻥ ﻣﺤﻠﻮﻝ ﺩﻓﻌﺘﻪ ﻭﺭﺍ ﻇﻬﺮﻫﺎ ﻭﻣﺪﺕ ﺍﻳﺪﻫﺎ ﺍﺧﺬﺕ ﺍﻟﻠﻔﻪ ﻭﻛﺎﻣﺖ ﺗﺎﻛﻞ ﺑﻬﺪﻭﺀ ﻋﻠﻰ ﻛﻴﻔﻬﺎ
ﻭﺷﺮﺑﺖ ﻋﺼﻴﺮ ﻣﻴﺰﻭ ﺑﺮﺗﻘﺎﻝ .
ﺍﺭﺗﺎﺡ ﻛﻮﻟﺶ ﻣﻦ ﺷﺎﻓﻬﺎ ﺗﺎﻛﻞ ﻣﻦ ﺧﻠﺼﺖ .. ﺍﺟﻴﺒﻠﺞ ﺑﻌﺪ ﻟﻔﻪ ﻃﻴﺐ ﺧﻮﺵ ﻛﺒﺎﺏ ﻋﺎﺷﺖ ﺍﻳﺪﺝ .
ﺷﺎﻟﺖ ﺍﻟﺼﻴﻨﻴﻪ ﺗﺮﻳﺪ ﺗﻮﺩﻳﻬﺎ ﺍﺧﺬﻫﺎ ﺧﻼﻫﺎ ﻋﺎﻟﻄﺒﻠﻪ
_ ﺟﻴﺒﻴﻬﺎ ﺍﺭﺗﺎﺣﻲ ﺣﺒﻲ .
ﺭﺟﻌﺖ ﺭﺍﺳﻬﺎ ﻋﺎﻟﻤﺨﺪﻩ ﻭﺍﻧﻄﺘﻪ ﻇﻬﺮﻫﺎ ﺻﺎﺭﻟﻪ ﻣﺠﺎﻝ ﻋﺎﻟﺠﺮﺑﺎﻳﻪ ﺍﻧﺤﺸﻚ ﺑﻈﻬﺮﻫﺎ ﻭﺟﺮﻫﺎ ﺑﺤﻈﻨﻪ ﻣﺠﺎﻧﺖ ﻋﺪﻫﺎ ﻃﺎﻗﻪ ﺗﺮﻓﺾ ﺑﻘﺖ ﺟﺎﻣﺪﻩ ﻣﺤﺴﺖ ﻋﻠﻰ ﺭﻭﺣﻬﺎ
ﺍﻻ ﻏﺎﻓﻴﺔ .
ﻭﺭﻯ ﻓﺘﺮﺓ ﺗﺄﻛﺪ ﻧﺎﻣﺖ ﻳﻼ ﻋﺎﻓﻬﺎ ﻃﻠﻊ ﻛﻌﺪ ﺑﺎﻟﻬﻮﻝ ﻓﺘﺢ
ﺍﻟﺘﻠﻔﺰﻳﻮﻥ ﺟﺎﻧﺖ ﺍﻟﺴﺎﻋﻪ ١١ ﺿﺎﻳﺞ ﺍﻟﺼﺎﺭ ﺍﻟﻴﻮﻡ ﻗﻬﺮﻩ
ﺣﺲ ﺑﻨﺪﻡ ﻻﻥ ﻓﺮﻍ ﻏﻀﺒﻪ ﺑﺪﻳﻤﺎ ﻣﺠﺎﻥ ﺣﺎﺏ ﺍﺳﻠﻮﺑﻪ
ﻭﻳﺎﻫﺎ ﺗﻨﺪﻡ ﺧﺎﺻﻪ ﻣﻦ ﺷﺎﻓﻬﺎ ﺷﻠﻮﻥ ﻣﻘﻬﻮﺭﻩ ﻭﻣﺨﺬﻭﻟﺔ
ﻭﻣﺎﺯﻥ ﺿﺎﻣﻠﻬﻴﺎ ﺍﻻ ﻳﺘﻮﺑﻪ ﻋﻠﻰ ﺳﻮﺍﻟﻔﻪ ﺍﻟﻌﻮﺝ .
ﺭﻥ ﻣﻮﺑﺎﻳﻠﻪ ﻋﻜﺪ ﺣﺎﺟﺒﻪ ﻣﻦ ﺷﺎﻑ ﺍﺳﻢ ﺍﺧﺘﻪ ﺗﻮﻗﻊ
ﺧﻮﺍﻧﻬﺎ ﻣﺨﺒﺮﻳﻬﺎ ﻻﻥ ﻳﻌﺮﻓﻮﻥ ﻋﻼﻗﺘﻬﺎ ﺑﻲ ﻗﻮﻳﻪ
ﺩﺍﺋﻤﺎ ﺑﻴﻨﺎﺗﻬﻢ ﺗﻠﻴﻔﻮﻧﺎﺕ .
ﺳﻠﻤﺖ ﻋﻠﻴﻪ ﻭﺳﺎﻟﺘﻪ ﻋﻦ ﺩﻳﻤﺎ ﻭﻋﺒﻮﺩﻱ .
ﺍﻧﺘﻈﺮ ﺗﺤﺠﻴﻠﻪ ﺑﺲ ﻣﺘﻮﻗﻌﻬﺎ ﺣﺠﺖ ﻏﻴﺮ ﺷﻜﻞ ﻓﻬﻤﺘﻪ
ﺳﻮﺍﻟﻒ ﻣﺎﺯﻥ ﻛﻠﻬﺎ ﻣﺎﻝ ﻧﺴﻮﺍﻥ ﻻﻥ ﻳﻨﻄﻲ ﺍﺫﻧﻪ ﻟﻤﺮﺗﻪ
ﺍﻟﻲ ﻣﻦ ﺩﺧﻠﺘﻠﻬﻢ ﺩﻳﻤﺎ ﺷﺪﺕ ﻭﻳﺎﻫﺎ ﻭﺍﻟﺒﻨﻴﺔ ﺳﺎﻛﺘﻪ
ﺗﺨﺎﻑ ﺗﺤﺠﻲ ﺗﺘﺮﺯﻝ ﺑﻘﺖ ﺗﺴﻮﻟﻒ ﻭﻳﺎ ﺑﻌﺪﻫﺎ ﻭﺩﻋﺘﻪ
ﺷﻤﺮ ﻣﻮﺑﺎﻳﻠﻪ ﻭﺧﻼ ﺭﺍﺳﻪ ﺑﻴﻦ ﺍﻳﺪﻳﻪ ﺟﺮ ﺣﺼﺮﺓ ﻭﺫﺑﻬﺎ
ﺑﻜﻞ ﺣﺮﻛﻪ .. ﺍﺍﺍﺥ ﻳﻔﺎﺭﺱ ﺳﻮﻳﺖ ﺑﺮﻭﺣﻚ .
*****
ﻧﺮﺟﻊ ﻟﻠﻌﺮﺳﺎﻥ ﺑﻨﻬﺎﻳﻪ ﺍﻻﺳﺒﻮﻉ ﺍﻟﺨﻤﻴﺲ ﺟﺎﻥ ﻋﺮﺱ
ﻧﺸﻮﺍﻥ ﺳﻮﺍﻫﺔﺑﺎﻟﻘﺎﻋﻪ ﺗﺮﺗﻴﺒﺎﺕ ﻓﺎﺭﺱ ﻗﺎﻡ ﺑﻴﻬﺎ
ﺗﻜﺎﻟﻴﻒ ﻋﺮﺱ ﻧﺸﻮﺍﻥ ﺣﻠﻒ ﻫﻮ ﺍﻟﻴﻘﻮﻡ ﺑﻴﻬﺎ ﺍﺗﻔﻖ ﻭﻳﻪ
ﻣﻄﻌﻢ ﻳﺠﻬﺰﻫﻢ ﺑﺎﻻﻛﻞ ﻭﺭﺗﺒﻮ ﺍﻟﻘﺎﻋﻪ ﻳﻮﻣﻴﻦ ﻳﻔﺘﺮ ﻭﻳﻪ
ﻫﻤﺎﻡ ﺍﻭﻟﺪ ﻋﻤﺎﻣﻬﻢ .
ﻧﺸﻮﺍﻥ ﻋﺎﺯﻡ ﺟﻤﺎﻋﺘﻪ ﺍﻟﺠﺎﻧﻮ ﻓﺮﺣﺎﻧﻴﻦ ﺑﻲ ﻭﻣﺎﻫﺮ ﺍﻭﻟﻬﻢ
ﺣﻈﺮ ﻭﻳﻪ ﺯﻭﺟﺘﻪ ﻭﻭﻟﺪﻩ ﺍﻟﻌﻘﻴﺪ ﺍﺣﻤﺪ ﺟﺎﻥ ﻣﻮﺟﻮﺩ
ﺻﺎﺭﺕ ﻛﻌﺪﺗﻬﻢ ﻋﻠﻰ ﺟﻬﻪ ﻭﺍﻟﻨﺴﻮﺍﻥ ﻋﻠﻰ ﺟﻬﻪ ﺛﺎﻧﻴﻪ
ﻣﻼﺫ ﺟﺎﻧﺖ ﻃﺎﻟﻌﻪ ﺣﻴﻞ ﺣﻠﻮﺓ ﺑﺪﻟﺘﻬﺎ ﺍﻧﻴﻘﻪ ﻭﺍﻟﺤﺠﺎﺏ ﺯﺍﺩﻫﺎ ﺭﻗﻪ ﻭﻫﻴﺒﻪ ﺟﺎﻧﺖ ﺛﺮﻳﺎ ﻣﻮﺟﻮﺩﻩ ﻫﻲ ﻭﺍﻧﺲ ﺍﺑﻨﻬﺎ
ﻻﺯﻡ ﻳﺒﻴﻨﻮﻥ ﻟﻠﻨﺎﺱ ﺍﻫﻠﻪ ﻣﻮﺟﻮﺩﻳﻦ ﻫﻲ ﺟﺎﻧﺖ ﺍﺑﻴﺖ ﻃﻼﻝ ﺍﻟﻔﺮﺡ ﺑﻴﻬﺎ ﻭﺑﺪﺍﺧﻠﻪ ﺣﺼﺮﺓ ﻻﻥ ﻫﻮ ﺳﺒﺐ ﺗﻌﺎﺳﺘﻬﺎ ﻭﻳﻪ ﻋﺼﺎﻡ ﻻﻥ ﺛﺮﻳﺎ ﺣﺠﺘﻠﻪ ﻛﻮﻟﺸﻲ ﻻﺯﻡ ﻳﻜﻮﻥ ﻋﻨﺪﻩ ﻋﻠﻢ .
ﺷﺠﻌﻬﺎ ﻋﻠﻰ ﺯﻭﺍﺟﻬﺎ ﻭﺗﻤﻨﺎﻟﻬﺎ ﺍﻟﺨﻴﺮ ﻭﺍﻟﺴﻌﺎﺩﻩ .
ﻭﻫﻮ ﺍﻟﻄﻠﻌﻬﺎ ﺑﻴﺪﻩ ﻭﻳﻪ ﻧﺸﻮﺍﻥ ﻭﺻﻌﺪﻫﺎ ﻟﺴﻴﺎﺭﺓ ﺍﻟﻌﺮﺱ . ﻓﺎﺭﺱ ﻫﻮ ﺍﻟﻴﺴﻮﻕ ﻧﺸﻮﺍﻥ ﺣﺐ ﻳﺴﻮﻕ ﺑﺲ
ﻣﺎﻗﺒﻞ ﻓﺎﺭﺱ ﻛﺎﻟﻪ ﺍﻧﻲ ﻣﻮﺟﻮﺩ ﻭﺣﺎﻟﻒ ﺍﺯﻓﻚ ﺑﺴﻴﺎﺭﺗﻲ
ﻭﻓﻌﻼ ﺯﻓﻪ ﺑﺴﻴﺎﺭﺗﻪ ﻣﻦ ﺑﻐﺪﺍﺩ ﻟﻠﻘﺎﻋﺔ ﺍﺑﻌﻘﻮﺑﺔ ﺩﻳﻤﺎ ﺟﺎﻧﺖ ﻭﻳﺎ ﻃﺎﻟﻌﻪ ﻃﻠﺘﻬﺎ ﻣﻠﻜﻴﻪ ﻓﺴﺘﺎﻧﻬﺎ ﺳﻤﺎﺋﻲ ﻣﺸﻐﻮﻝ
ﺑﻜﺮﺳﺘﺎﻝ ﻭﺍﻟﺤﺠﺎﺏ ﻭﺍﻟﻤﻜﻴﺎﺝ ﻫﻲ ﺭﺗﺒﺖ ﺭﻭﺣﻬﺎ ﻻﻥ ﺗﻌﺮﻑ ﺑﻬﺎﻱ ﺍﻟﺴﻮﺍﻟﻒ
ﺍﺻﻼ ﺧﺒﺮﺓ ﺑﺎﻟﻤﻜﻴﺎﺝ ﻭﺍﻟﺘﺴﺮﻳﺤﺎﺕ ﻻﻥ ﺟﺎﻧﺖ ﺗﺸﺘﻐﻞ
ﺑﺼﺎﻟﻮﻥ . ﺑﺪﺍﻳﻪ ﻣﺮﺍﺩﺕ ﺗﺼﻌﺪ ﻭﻳﺎ ﻓﺎﺭﺱ ﻻﻥ ﺻﺎﺭﻟﻬﺎ ﺛﻼﺙ ﺍﻳﺎﻡ ﻧﺎﻓﺮﺗﻪ ﻭﻫﻮ ﻳﻔﺘﺮ ﻋﻠﻴﻬﺎ ﻳﺮﻳﺪ ﻳﺸﻮﻑ ﻧﻈﺮﺓ ﻣﻨﻬﺎ ﻣﺎﻛﻮ ﺣﺘﻰ ﻣﺪﺣﻚ ﺑﻮﺟﻬﻪ ﺳﻜﺖ ﻋﻨﻬﺎ ﺧﻞ ﺷﻮﻱ
ﺗﻔﺮﻍ ﺷﺤﻨﺎﺕ ﺍﻟﻘﻬﺮ .
ﺍﺧﺬﻋﺒﻮﺩﻱ ﺑﺤﻈﻨﻪ ﻫﺎ ﺣﺒﻴﺒﻲ ﻫﺴﺔ ﺗﺸﻮﻑ ﺍﻟﻌﺮﻭﺱ
ﻭﺍﻟﻄﺮﻳﻖ ﻛﻠﻪ ﻓﺎﺗﺢ ﺍﻏﺎﻧﻲ ﺭﺩﺡ ﻭﻋﺒﻮﺩﻱ ﻳﺮﻛﺺ
ﺩﻳﻤﺎ ﻧﻬﺎﺋﻲ ﻣﻔﺘﺤﺖ ﺣﻠﻜﻬﺎ ﺗﺘﺼﺮﻑ ﻣﺜﻞ ﺍﻟﻐﺮﻳﺒﻪ
ﻓﺎﺭﺱ ﻭﺍﻋﻲ ﻟﺘﺼﺮﻓﻬﺎ ﺗﺎﺭﻛﻬﺎ ﻋﻠﻰ ﺭﺍﺣﺘﻬﺎ ﺑﺲ ﺍﻟﻰ ﻣﺘﻰ ﻭﻓﺎﺭﺱ ﺧﻠﻜﺔ ﺿﻴﻚ ﻣﻦ ﺗﺘﺼﺮﻑ ﻫﻴﺞ ﻭﻳﺎﻩ .
....
ﻧﺸﻮﺍﻥ ﻳﺠﻨﻦ ﻃﺎﻟﻊ ﺑﺎﻟﻘﺎﻁ ﻭﻛﻞ ﺷﻮﻱ ﺟﻤﺎﻋﺘﻪ ﻭﺍﺻﺪﻗﺎﺋﺔ ﻣﺎﺧﺬﻳﻦ ﺻﻮﺭﺓ ﻭﻳﺎ ﻓﺎﺭﺱ ﺭﺍﺡ ﺟﺮﺓ ﺭﻛﺼﻮﺍ
ﺟﻮﺑﻲ ﻣﺠﻤﻮﻋﻪ .. ﻣﻼﺫ ﻋﻴﻨﻬﺎ ﻋﻠﻰ ﻧﺸﻮﺍﻥ ﺍﺗﺨﺒﻠﺖ ﻋﻠﻴﻪ ﻣﻦ ﻛﺎﻡ ﻳﻠﻌﺐ ﺟﻮﺑﻲ ﻻﻥ ﻛﻮﻟﺶ ﻋﺠﺒﻬﺎ ﻭﺍﻡ ﻧﺸﻮﺍﻥ ﺧﺒﺼﺔ ﺍﻟﻘﺎﻋﻪ ﺑﺎﻟﻬﻼﻫﻞ .
ﺍﺧﺘﻬﺎ ﺍﻡ ﺭﺣﺎﺏ ﻭﻳﺎﻫﺎ ﻣﻦ ﺳﻠﻤﺖ ﻋﻠﻰ ﻣﻼﺫ ﻫﻲ ﻭﺑﺘﻬﺎ
ﺟﺎﻥ ﻧﺸﻮﺍﻥ ﻛﺎﻋﺪ ﺑﻮﺳﺘﻪ ﻭﺑﺎﺭﻛﺘﻠﻪ ﻫﻮ ﻭﻣﻼﺫ ﻭﺭﺣﺎﺏ
ﺳﻠﻤﺖ ﻣﻦ ﺑﻌﻴﺪ ﻋﻠﻴﻪ ﻭﺑﻮﺳﺖ ﻣﻼﺫ .
ﻧﺸﻮﺍﻥ ﻋﺮﻓﻬﺎ ﻋﻠﻴﻬﻦ .. ﻭﻳﻪ ﻧﻔﺴﻬﺎ .. ﺍﺧﻴﺮﺍ ﺷﺎﻓﺖ ﺭﺣﺎﺏ ﻣﺒﻴﻨﻪ ﺯﻋﻄﻮﻃﻪ ﻣﻦ ﻟﺒﺴﻬﺎ ﺑﻨﺎﺗﻲ ﻭﺗﺼﺮﻓﺎﺗﻬﺎ
ﻛﺬﻟﻚ ﺑﺲ ﻫﻲ ﻣﺎﺷﺎﺀ ﺍﻟﻠﻪ ﺣﻠﻮﺓ ﻭﺷﻮﻳﻪ ﺿﺨﻤﻪ ﺍﻛﺒﺮ ﻣﻦ ﻋﻤﺮﻫﺎ .
ﺍﻧﺘﺒﻬﺖ ﻟﻨﺸﻮﺍﻥ ﺩﻧﻚ ﺷﺎﻭﺭﻫﺎ ﻛﺎﻧﻤﺎ ﺣﺲ ﺑﺘﻔﻜﻴﺮﻫﺎ ..
_ ﻭﻋﻴﻮﻧﺞ ﻫﺎﻱ ﺍﻟﺤﻠﻮﺓ ﺑﺲ ﺍﻧﺘﻲ ﺑﻨﺺ ﻫﺎﻟﻜﻠﺐ ﻭﺍﺷﺮﻟﻬﺎ ﻋﻠﻰ ﺻﺪﺭﻩ .
ﺍﺑﺘﺴﻤﺘﻠﻪ ﺑﺤﺐ ﺑﺪﻭﻥ ﻣﺘﺤﺠﻲ .
ﺗﻘﺪﻣﺖ ﻧﻮﺭﺓ ﻭﻛﻔﺖ ﻳﻤﻬﺎ ..
ﺣﺒﻲ ﻣﺤﺘﺎﺟﻪ ﺷﻲ .
_ ﺗﺴﻠﻤﻴﻦ ﻳﻌﻤﺮﻱ .
ﺑﻌﺪ ﺍﻟﻌﺸﺎ ﺍﻟﺠﺎﻥ ﻓﺪ ﺷﻲ ﻓﺨﻢ ﺯﻑ ﻓﺎﺭﺱ ﺍﻟﻌﺮﺳﺎﻥ
ﻟﻠﺒﻴﺖ ﺣﺘﻰ ﺍﻟﺼﺒﺢ ﻳﻄﻠﻌﻮﻥ ﻷﺭﺑﻴﻞ ﻧﺸﻮﺍﻥ ﺣﺎﺟﺰ ﺍﺳﺒﻮﻉ .
*******
