رواية الإرهابي وذات النقاب الفصل الثاني والعشرون بقلم ام غايب
يسألونني ما معنى الضياع...؟
يا سائلي ان الضياع هو ان تؤلمك جراحك ولا تجد للجرح لمس
وانت تعلو اصوات الحياة ولا تسمع صوت للهمس
اول ماصعدنه بالسياره كام يضرررب بالستيررررن
خضر-جان املي الغشاء ميموووووونه ......جان املي الغشاء مطاطي
مااكدر اتقبلج ماااكددددر حتى اذا بعتي اهلج علمودي مااكدر استثني هذا الشي اااني مو مكررررن حتى اقبل كليلي ويامن غلطانه.....احجيلي مكاعد تدخل بعقلي من جنت طفله
ميمونه جاوبيني ..... تعرفين ليش حبيبتج
حبيت روحج محسيتج جذابه ابد حسيتج طفله بريئه بنظراتهه
مااتحمل اعيش وياج واني احسج جذابه
كليلي اعترفيلي
بجيت-مااعرف مااعرف والله........ وكمت ابجي حيل
ماادري خضر....... مااعرف اني هم مااعرف شكلك ....متصدكني شحجي متصدكني ........مااعرف شلون اخليك تصدكني
خضر-تعررفين شنووو الي اريده منج
ميمونه-واني ابجي كتله شنوو
خضر-صوتج ابد ابد مااسمعه بهاي اللحظه مااريد اسمعج والاحسن خل انزل من السياره احسن الي لان بعد مااكدرررررر
نزل وانتجه على السياره ويدخن
بقه ابد ممتحرك بال٣ساعات ساكت ويدخن واني متت بجي وحر حسيت نفسي راح اتخربط لان التبريد عطلان وبعدين ماادري من بعدين
اخر شي دست عل هورن هو دار وخر من السياره وجهه عليه
وصعد ..كبل كال
خضر-شفتي وسمعتي الدكتوره شكالت
كالت لازم اكو تقرير وين التقرير معقوله امج محاسبه حسابهه
الهاي اللحظه هيه وابوج
ميمونه-والله ماادري ...خضر من رحت وياك مخليتلي احد يحن عليه خليت اختي تكرهني وحتى اختي متصدكني
خضر-لتحجين لتحجين بابا .....كتلج لتحجين
ميمونه-راااااااح اموووووت والله
خضر-ياريت لووووو ميته ولا هاي السالفه لج اني راسي راح ينفجررررررررر ......
ميمونه-خليت ايدي على وجهي وهو اصلاً مغطى بالنقاب
موتني ...موتني وخلصني اصلاً اني شبه ميته عايشه هيج عل هامش على شنو ماادري ....مااعرف حياتي نهايتهه شنو
كل ذنبي حبيتك مااعرف الي كاعد تحجي ابد
كل الي اعرفه انت اول شخص بحياتي احبه واول شخص يلزمني
ومن حبيتك حبيتك بجنون بحيث عقلي انمحى وومااكدر افكررر
خضر-كافي لتحجين بعد
ميمونه-ماشي مااحجي ولا راح اسمعك واشوفك نفسي .....لزمت اليده مال سياره وفتحتهه ردت انزل كبل جرني وطبك الباب حيل
خضر-ووووووووووووووين
ميمونه-مالك علاااقه بيه .....راح تطردني بعد شكووو باقيه عل اقل اطلع بكرررامتي .
خضر-شلون تخليني هسه اكلب الدنيا على راسهه لج بابا شبيج شبيججج انتِ وبعدين تعالللي احجيلي من طردتج وين وليتي احجيلي راح اتخبل انت راح تخبليني
من طردتني بقيت افتر مثل المخبله ....وحجيتله كلشي صار
احتريت حيل شلت نقابي بعد مااتحمل اختنكت
باوع عليه ....
خضر-شوووو وخرتي النقاب مو ناس تروح وتجي
ميمونه-من طردتني بشعري وطرك دشداشتي وحافيه مكلت الناس تشوفهه .......بقه يباوع عليه وساكت طلع جكاره وكعد يدخن
شويه وشغل السياره عبالي راجعين
باوعت دخل المنطقتنا باوعت علي
ميمونه-هاي وين خضر جايبني
خضر-اريد شي يبرئج عقلي مكاعد يقتنع هذا هنا خرررررا مكاعد يكدر يقتنع انت وصخه انت بعيوني شي ثاني ....اريد اي دليل يبرأج ميموووونه ....اي شي
ميمونه-ارررجع بلله درو عمامي اني اجيت
خضر-يانعال هذااااا محد بالدنيا يهمني
ميمونه-كم باكيت جكاير خلص ونار يلوب ومبين علي اللوبه
الدرجة ايده ترجف
وصلنه ونزل البيت خاله.....جنت خايفه كلش ...بيا عين اشوف خاله وقاسم ممعقوله يسكت
دك خضر الباب بقوووه
ام قاسم-منوووو شنو القصه جيت ....من فتحته شهكت
ميموووونه
ميمونه-مكدرت اخلي عيني بعين خاله
ام قاسم-منووووو هذا الي وياج
خضر-اني زوجهه دخلي حجيه خل نسولف
ميمونه-ارتبكت خاله وعينهه عليه ممفتهمه شي وتخزر بيه واني كل ماتخزرني ادنك
خضر-حجيه بت ااختج ميمووونه مسويه حادث من جانت طفله
ميمونه-كامت تباوع عليه خاله وشرحتله الحادث ارتاحيت حسيت مي بارد نزلت على كلبي بس بقه الشك من كالتله الدكتوره مالت مابي شي غشائهه ....طبعاً هيه حجتله بدون متفهم
خضر-الدكتوره كالت لازم تقرير
ام قاسم-اكو تقرير بس ماكو
خضر-ههههه يعني شلون ششايفتني كدامج اوراقهم وين فلك وين
كالتله فلك تزوجت وطلعتلي خاله الاوراق كلهن. اخذتهن بسرعه مثل المخبله ابجي وادور ورقه ورقه
اريد شي يبرئني وادعي يارب الكاهه ملكيتهه رفعت راسي
خاله بعد اكو اوراق هواي عدنه
ام قاسم- يم اختج فلك
خضر-وين عنوان فلك
ام قاسم-منعرفه
خضر-متعرررفو ماادري هواي اشياء غريبه دتصير منكم
ميمونه-كمت ...واحجي ويه خاله
ام قاسم-وين جنتي ....مجنتي مخطوفه انهزمتي وياااا مووووو جنت شاكه والله بس فلك تحاول تغطي بس معبرت عليه للاسف عليج دا فكرتي بأم ولا بأب ولا بأخت تفوووووو عليج
ميمونه-كلامهه وجعني وحقهه كل واحد بيهم شيسوي بيه حقه
كتلهه ....خاله ادري زعلانه مني ....بس دوري وياي اريد حل بيتنا من راحت فلك منه خاف ورقه مجبتوهه او ورقه ضاعت
ام قاسم-كل الاوراق جبناهن ولا ورقه بقت وفلك هواي معاملات واوراق يمهه
خضر-عاد عندج رقمهه ......انطيني رقم فلك
ام قاسم-ياااااا فدوه ولو منا ولووووووو تريدين نوب تهجمين بيتهه
ميمونه-خاله فدوه اروحلج لتتخلين عني بس انت املي اني ميمونه
ام قاسم -ولي ميمووونه لا بارك الله بيج ان شاء الله شتررريدين راجعه بكل صلافه ....شتررريدين لا وتكول زوجهه هيج ربيناج احنه هيج مو هذا علساس الحرامي عرفته من وصفج اله من وصفتي روووحي
خضر-انطيني رررقم فلك كتلج الشغله مهمه ... ليش متهاوووونه بيهه
ام قاسم-شتريدون منهه مو انت اخذتهه ورحت شنوووو متخافون انتو وجايين للبيت لج مسمونه انت شنوووو مالج رداد الدنيا تايهه الج
ميمونه-خاله مااريد شي بس رقم فلك والله مااأذيهه بشي ....بس اريد التقرير
جرتني من ايدي وسحبتني كبل لزمني ....خضر
ام قاسم-اررريد احجي ويه بت اختي ......شنوووو تمنعني
خضر-احجي وياهه كدامي
ام قاسم-امشي اخذهه واطلع بره لعد
ميمونه-خضر خليني احجي وياهه دخلت جوه وياهه كامت تضرب بيه بوجي
ام قاسم -حقيررره لج شلون تسوين هيج تدرين اختج باعت نفسهه علمود متبقه بالشارع بسببج ...بسببج عمج صار رجال ويقرر ويحكم
ومحد بالمنطقه يقبل يبيعلهه حتى ولا واحد يقبل يشغلهه اله اذا يريد شرفهه لج شلون هيج تسوين
ميمونه-دنكت واني ابجي ....خاله فدوه
ام قاسم-خاله لتخلخل عظامج ان شاء الله ...عوفي اختج بحالهه ميمونه
ميمونه-والله ماريد شي منهه بس التقرير خاله اني مو بنيه طلعت
شهكت خاله ودكت على صدرهه
ام قاسم-شتحجين انت
ميمونه-والله محد لازمني قبله خاله والله تزوجني يالله طخني والله
ام قاسم-لج يلعوووبه لج يلخبله جذاب هوووو اخذ شرفج لان شافج رخيصه رحتي وياااا ....كلج انت مو بنيه يمعزززايه لج انت شنوووو فهميني وتفلت عليه
ميمونه-لا والله لا ...لو هيج جان مأجه وياي ويدور
ام قاسم-ووين جنتو هالمده
ميمونه-هو جان بالسجن ...خاله صدكيني فدوه والله محد طاخني
ام قاسم-مااعرف شكلج بس انت مو طبيعيه جايه بعد اسهر من كل عقلج امداااج هاي الله عاقبج
ميمونه-اعرف والله وممعترضه شيسوي بيه رب العالمين وشتسوون بس اريد برائتي
خضر-ميصدك مو ،...امداج اامدددداج شتريدين هسه
ميمونه-كتلج رقم فلك كلشي ماريد بس خل تدور عل تقرير فدوه خاله ماعندي مكان وماعندي حل غير خضر يصدكني
اندك الباب فجأه لان الباب طبكنا من دخلنا رأساً باوعت على خاله
ام قاسم-ولج يمه عزه بعينج اجه قاسم ....يمه يصلافتج الجابتج ولج انت شنووووو
شالت موبايلهه وانطتنيا ....بي رقم فلك اخذذذي حتى اخابرج علي ولج يالمعززززايه ....وولي منا لايجي عمج يذبحج
وراحت ركض لكيت خضر فاتح الباب همزين مو قاسم بس وحده من الجيران انصدمت من شافتني وكامت تباوع عليه باحتقار
خضر باوع عليه كتله بصوت ناصي يلله خل نروح
طلعنه اني ويا اول مطلعنه كلي شنوووو هسه
ميمونه-جبت رقم فلك
خضر-تعالي يمعوده صعدي بسرعه وصعد بالسياره صعدت يمه اخذ الموبايل بسرعه وبحث على فلك طلعله
بس ماكو رصيد ....طلع بينا ويم الاسواق نزل يعبي رصيد مااحس اله قاسم دخل ورا. للاسواق شويه وطلع قبل خضر باوعت صار كبالي قاسم باوع عليه كبل درت وجهي للجهه الثانيه خفت خاف يعرفني من عيوني وسويت روحي ملتهيه اسد بالجامه
درت وجهي ردت اشوفه راح باقي يباوع عليه ....توترت اكثر همزين طلع خضر من الاسواق كبل رجعت درت وجهي
اول مصعد
خضر قاسم ابن خالتي كبالك لتباوع فدوه بسرعه سووق
مشفته شلون تبقه بالاسواق
خضر-وشكوو خايفه شيويله يعني
ميمونه-خضررر بسرررعه الحد ما طلع خضر كلبي راح حسيته قاسم شك اني لان منقبه وبعد ماادري
ميمونه-ااانت ليش هيج تسوي يذبحوووني اهلي وانت ولا يمك
ليش هيج خضر ليش فهمني
خضر-شحده الي يطخج واني موجود
ميمونه-باوعت علي بحزن ...معقوه خضر مراح يخذلني هالمره ويصدكني ....وكف السياره ولزم الموبايل
خضر-ميمونه راح اتصل احجي وياهه كانما اني مااسمع
فهمتي ...فهممممتي
ميمونه-باوعت علي اي
طلع من العلاكه مي وانطا الي ...هاج شربي
اخذته منه ورفعت نقابي وشربت مي جنت كلش عطشانه رجع طلعلي كيكيه
ميمونه-مااريد ....رجعهه للعلاكه
واتصل على فلك وفتح سبيكر جاوبت جان صوتهه مخنوك مبينه باجيه
فلك-ها خاله حبيبتي
ميمونه-فلك
فلك-خاله لو ....وسكتت
ميمونه-عليج الله لتسدين التلفون فلك فدوووه سمعيني
فلك-بعدج عايشه شرجعج يم خاله متخافين انت لج شنووووو من صلافه صلافتج
ميمونه-بجيت حيل
فلك-تدرين كم ذله نذليتهه بسببج لو متدرين وبكل صلافه تجين وبكل صلافه تتصلين شترررريدين
ميمونه-الاوراق فدوه دوريهن حياتي متوقفه على هذا التقرير فلك
فلك-ويامن متوقفه ويه الارهابي المجرم امداج اي والله هو هذا مستواج ارهابي
باوعت على خضر اعصاب صار بس محجه أشرلي احجي
فلك التقرير مموجود بذني الاوراق وخاله تكول اكو تقرير والدكتوره هم كالت لازم اكو تقرير
فلك-حبيبتي تقريرج الي تكولين ميفيد مكلتلج خاله انت الدكتوره كالت مابيج شي
وبعدين حبيبتي التقرير مابي اي اثبات لان انت بس مجروحه بس مكلتيلي لفاج هذا الساقط لو لا والله عمي انهزمتي وفضحتينا ولعبتي لعب وبكل صلافه تتجولين واني محبوسه
وبعد كااافي لتتصلين طلعيني من قاموس حياتج انسيني
وهذا الي بعتينه علموده هو اخذ شرفج مطيه وكلج انت مو شريفه اذا مااانت سلمتي نفسج وجايه تتمسكنين كدامنه حتى نحن عليج شنحن نحن على وحده عار مثلج الحد قبل شويه انحجه بشرفنا بسببهه انت شنو من صلافه وقلة حياء ميمونه كمت اكرهج والله
كل لحظه اتذكر راح اخسر ابني بسببج اكرهج اكثر
وبعدين شعبالج انت الي تسلم روحهه حتى العار يصير شريف براسهه
كبل خضر جر الموبايل مني ...جنت مصدومه من كلامهه حاقده وتكرهني الهاي الدرجه ولا عبالك اختي وين لحظات المحنه الي جانت بيناتنه اختي وسندي جان مفروض العالم كله يصدك اني وحده مو زينه اله هيه ......انصدمت بحيث كل الكلام اختفه
والحسرات اكلتني اكل
خضر-اااانت منو حتى تحجين عليه وعليهه يا ك......يا ام الزلم
لج ذاك اليوم شفتج بشي مصاير ولا داير كلبه جوه رجل وحده وصخه
انت منووووو حتى تحجين اذا مااصدكهه كو لان انهزمت وياي
لان عدهه اخت مثلج
ولج هو لو مو اني جان انت الحد هاي اللحظه .............
وانكطع رجع دك طلع مغلق
اني هنا احس الدنيا توقفت .....اريد ابجي اريد اصرخ صدمتي بأختي جانت اكبر صدمات حياتي معقوله هاي فلك اختي
لو...لو الي كاعد تعيشه بسببي هو الي خلاهه تحقد عليه وتكرهني
اي ....اي اكيد
خضر-اختج محجت عليج هيج اله اذا تعرف شي
ميمونه-باوعت علي حتى الدموع اختفت من عيني
محد يصدكني ....يعني كلهم ميعرفوني ولا يعرفون اني شنو كلهم رافضين يصدكوني ....زين شلون اني شلون خسرت غشائي
شلون معقلوله اني جنت موزينه معقوله اني مااعرف روحي وكلهم يعرفوني حسيت بضياع مينوصف وحيده مظلومه وماعندي اي دليل يبرئني اني مو زينه
اني كل الي سويته الاول مره بحياتي احب واصدك بس الي صار حبيت الانسان الغلط وراهه صرت مو زينه
خضر-اااااااحجي راح اتخبل لج اهلج يحجون عليج لج ليش الحد الان اريد شي يبرئج ليش راح اتخبل
ميمونه-اني وحده مووووو زينه وسلمت شرفي الواحد
يلله اررررتاحيت ااااااااكتلني ....اكتنلي وخلصني يلله شمنتظر
كام يخزر بيه
ميمونه-مو تريد هذا الجواب صدددكته هسه يعني لوووووو اكلك اني بايعه شرررفي حتى تصدددك ومن اكلك محد لازززمني غيرك متصدددكني ياريتني مصدكتك وانهزمت وياك
ياريتني تزوجت واحد محبيته ووثقت بي وصدكته ويكتلني من يشوفني بلا شرف كبل
ياريتك لو بذاك اليوووم ذابحني خلاص خضرررر ولا هسه كاعد تذبحوني بكلامكم طلعتوني بلا شررررف اني شررررريفه
شريفه يا ناس محد ماخذ شرفي بالحرام
واذا تكولون مو زينه اني مووووو زينه فعلاً من حبيت واحد مثلك وانهزززمت ويا ومفكرت باهلي
خضر-واني ماارتاح بعدددد راحتي راحت وراحتي بموتج يا ميمونه لا اكدر الاشمرج بعد ولا اكدر الاخذج
اني متتت انتِ موووووتيني انعل الساااااااعه الي شفتج بيهه وحبيتج
انعلهه والله
فتحت باب السياره ونزلت وهو محرك ساكن
نزلت امشي سريع بدون وعي واتذكر كلامهم محد يصدك بيه
كل الي اعرفه تاهت روحي بعيده عني وكل ما اره داير صامت و من الوحشه منحوت فغدوت امشي بلا روح واعيش بلا حياة وكل حواسي في غياب تام
.......................
لم أعد أشعر بشيء سوي أن خنجر يدُب في أوصالي من ظافري إلي أخمص عيني ... لم أري سوي الظلام يحيط بي من كل جانب ... لم أسمع سوي صوت الرعد في أذناي ... فأنا خائفة ، وحيدة ، منكسرة ، مُحطمه علي وشك السقوط من أعلي حافه ... أصبح قلبي كالرماد لنهاية حرب مدمرة ... دمرت حياتي بأكملها ليس فقط قلبي ... لا أعلم شيء .. وأنا لا أريد أي شيء ... فاصبحت أفكاري متجمدة... ومشاعري متهتكه ... وفي النهاية .. أصبحتُ قوية ، شرسه ، قاسية ، لا أحد يوثر بي على الاطلاق ... لأنني أصبحتُ أُنثي بلا قلب .
فلك-سديته بوجهه وغلقت الموبايل وكمت ابجي ......اني شكااااعد اسوووووووي شكاعد اسوي جان يسمعني من جنت احجي على اختي
شلون تخلي يسمعني شلوووووووون
شسويت اني صرت انسانه ماعندي اي رحمة احس نفسي مااعرف نفسي معقوله اني فلك شكاعد اسوي ياربي
رحت ال بابا رأساً فتحت الباب وشمرت روحي علي
بابا تسمعني ....بابا اني ماادري مكاعد اعرف نفسي والله ....بابا كوم ....كوم واوكف على رجلك وخلي حياتنا ترجع طبيعيه
والله بس تكوم كلشي ينحل
كوم حبيبي ....كوم بابا ....كوم اني احبك والله
بابا ضعت وكلشي بيه كاعد يضيع. ...
بابا ضاعت روحي بعيد والله صرت غير انسانه ...كمت اكره الفكر الي وصلني ....كمت افكر بس اريد اصيرررر
شلون اصير فهمني شلووووون
بابا كووووم ....كوم محتاجيك اني وميمونه والله ....خليت راسي على صدره وكمت ابجي مااحس اله انفتح الباب
باوعت هيفاء ....وكفت عدل رأساً
هيفاء-مشفتي غسوقه
فلك-مسحت دموعي مااعرف شكللهه
هيفاء-غسوقه شفتهه دخلت للغرفه مشفتيهه
فلك-طلعت
هيفاء-اوووف ياربي تضحك عليه هاي غيرووقه كل مااريد امشطلهه لو اسبحهه هيج تسوي
وطلعت طبكت الباب ...باوعت عليهه انكسر خاطري عليهه
طلعت وراهه تدور عليهه وره البرده وجوه الجرابي
هيفاء-اوف تدرين غسوقه شتعنيلي الدنيا كلهه
اكثر وحده باطفالي احبهه محد كدر ياخذ مكانهه هسه من تشوفيهه انت هم تحبيهه
هيفاء-غسق ماماتي حبيبتي وينج ه
بعدين دخلت للغرفه وجان تصيحني
تعالي تعالي عليج البه شوفيهه
فلك-دخلت اللحظه ماادري حسيتهه من تحجي صدكت غسق موجوده حتى كلامهه ميدل عل جنون دخلت وراهه تغطي باللعابه بس راسهه مبين
هيفاء -شفتي بلله عليج كل مااريد اسبحهه الكاهه نايمه هنا
فلك-وكفت مثل المخروعه اول مره اشوف هيج بحياتي كتلهه هاي لعابه
هيفاء-لا غسق هاي
فلك-لا والله لعابه ....وكعدت كبالهه ...شوفي هاي لعابه ردت الزمهه لزمت ايدي حيل
هيفاء-بحديه هاي غسووووووووقه مو بكيفج انت
فلك-من شفت حديتهه واصرارهه خفت كمت من يمهه غطت غسق
ولحكتني
هاااي غسق فهمتي
فلك-اي اتشاقه وياج
هيفاء-هاي غسق
فلك-اي مو كتلج اي
هيفاء-يعني تصدكيني
فلك-بخوف اي ليش مااصدكج
هيفاء-تعالي خل اشوفج ملابسهه من جانت طفله
فلك-ها اي بكيفج
ماادري بوقتهه انقهر عليهه لو اخاف منهه
كامت تطلعلي ملابس بتهه من اول منولدت .....وتحجيلي مواقفهه
وتشوفني صورهه عدهه اطفال اثنين غيرهه وهم ميتين بس متأثره بغسق بشكل مو طبيعي ماادري ليش
فجأه بجت ....اشتاقيتلهه هواي
باوعت عليهه ....يعني تعرف هيه ميته بس خفت احجي حسيتهه مو طبيعيه ....ماعولت اطلع من يمهه
نسيت كلشي بهاي اللحظه وافكر بيهه ....تعرف بتهه عايشه معقوله كاعد تمثل وجفصتهه يمي يمكن ....عائله غريبه
والله ولا افهمهم
رجعت دخلت الغرفتي ورود ماكو وحسين جوه همزين مصعد
الله ياخذك ان شاء الله ويخلصني منك
امدايه بيوم فكرت اكسبك
وابني خليت ايدي على بطني
من تصير هنا راح تعرف اني بعتك بس والله مو بيدي
لو بيدي ابقه حتى اخذم بالبيوت واخذمهم بس ابقه يمك
بقيت لازمه بطني واباوع عليهه وابجي
واتذكر ميمونه شلون حجيت وياهه رجعت دكيت على خاله
مغلق ردت اكلهه وين ميمونه هسه
ماكو
رجعت دكيت على قاسم جاوبني
الووو
فلك-هلو قاسم لونك
قاسم-الحمدلله انت شلونج
فلك-الحمدلله لعد خاله وين موبايلهه ليش مغلق
قاسم-تكول واكع منهه
فلك-ياااا شوكت
قاسم-بقيت ادك علي جان يدك وفجأه صار مغلق يلله هو عادي وسيمكارتهه باجر راح اروح اسحبه
بعدني احجي فتح الباب حسين .....ارتبكت مااعرف ليش
كتله ماشي قاسم سلملي عليهه وسديته
حسين-ليش مكملتي المكالمه
فلك- هذا قاسم
حسين-مسألتج منو كتلج ليش مكملتي المكالمه
فلك-لان خليت المكالمه ردت اسأله على خاله ليش مغلق كلي جهازهه ضايغ
حسين-على ااااااي اساس تكولين ال ورود شلون تبقين ويا هااا انت منو حتى تحجين بحياتنا وتنصحين
فلك- كلتهه كردة فعل من الي سمعته مااقصد تعوفك وبعدين اني سمعتهه هيه تريد تروح قبل لا احجي
حسين-متحججججججين ومتنصحين انتِ منوووووو حتى تنصحيهه وتفهميهه فلك اختصررررج الطريق كله متوصلين للي تريدي ابدددد اني احب ورود مو لان بسببي خسرت امومتهه
احبهه لان هيه روحي
فلك-الله يخليكم البعض بس اني شعليه هيه روحك لو شنوووو
اني محد يهمني بالدنيا غير ابويه ...وكل الي خايفه منه تاخذ ابني
حسين-هو اني راح اخذه
فلك- باوعت علي بانكسار
ماشي فهمت تاخذه
حسين-ااانت حامل
باوعت علي باستغراب
حسين-انت حامل لو شنوووو فهميني خاف تضحكين عليه حامل وتكولين اجتني الدوره الشهريه
فلك-لا
حسين-باجر اخذج نحلل لعد
فلك-عافني ونزل ....بقيت كاعده بعدين اختنكت وكفت اباوع عل حديقه كلت اني ليش ماانزل اكعد بيهه
وتذكرت وقت علاج عهيفاء انطيتهه العلاج ونزلت هو جان بالغرفه ومقفل البيبان .... رحت للمفتاح اخذته
وجنت افتح الباب مااحس اله ورايه
حسين-شكاعد تسوين
فلك-درت علي ....اريد اطلع بالحديقه مختنكه
حسين-شكو مختنكه
فلك-هو كلي هيج واني صارت بيه حاله هستيريه مال ضحك
بقه يباوع عليه واني اضحك بلا سبب وهو بس يباوع عليه
الى ان بجيت اختنكت حيل
حسين-شبيج تخبلتي ساعه تضحكين وساعه تبجين
فلك-روحي موجوعه والله
حسين-بطلي هاي السوالف
فلك-ررررررررروحي مووووجوعه اررريد اطلع اشم هووووا
حسين -طلعي بس للتأخرين بالحديقه اريد انام
فلك-فتحت الباب جنت كلش مختنكه من نفسي اريد نفسي القديمه ترجع مااريد احقد على اختي
احبهه حيل ....بس وضعي وتفكيري بحراماني من الطفل الي حيصير ديوجعني شحال من يروح والله يوجع
وهو الطفل من يعرف امه باعته شلون يعيش وهو مبيوع علمود الفلوس كمت اتخايل يكبر ويعاتبني
اختنكت .....اختنكت يا ناااااااااس
جنت ثانيه رجلي على صدري ومغطيه راسي وابجي
مااحس اله صوته يفززني
فلك كومي كافي دخلي جوه
رفعت راسي ....انت شلون تكدر هيج تعيش وانت موجع كل الناس
رفعني من ايدي وكومني
تعالي دخلي ليش هالبجي هذا
فلك-عوووفني خليني ابجي مختنكه حيل
دخلني للبيت وهو لازمني من ايدي
حسين-مكاعد اكدرررر اصدكج ابد....تعرفين ليش
فلك-اعرف لان كلكم عبالكم احنه موووو زينات
لان نشتغل لان نخدم النسووووان لان ننظف وصاختهن
حسين-لان باول نص ساعه بعتي قطعه من روحج
شلووون كدررررتي فهميني
لج اني جاي وجنت اكول هذا عمهه ساقط باعهه حتى اذا سألت عليج مو زينه عرفت عندج اخت مهزووومه كلت يجوز بسببهه سمعتج زفت لان اعرف المجتمع ميرحم ويخلي الكل غلط
بس مال تبيعين قطعه من روحج هاي ووووكفت عقلي وكفته
فلك-ابويه ....ابويه يموت تعرف يعني شنو ابويه يمووووت
حسين-فلك ابوج شبه ميت
فلك-بس يتنفس ....هددني اموته ويموته ماعدهم رحمه
والله لو بيدي ولو وحدي انام بالشارع
اني راح امووووت اني مجرد اتخايل نفسي اعوف الطفل امووووت
بساعتهه مااعرف جنت عبالي عادي ماانقهر لان ابويه اعز بس لكيت الاثنين صعب عليه اعوفهم
.................
ميمونه-بعد مانزلت امشي ماكو ملحكني ابد مسمعت صوته
درت وجهي ردت اشوفه راح يعني هم تخلى عني
لكيته واكف يم السياره ويباوع عليه
رجععت درت وجهي وكملت طريقي
ماادري وين اروح ووين انطي وجهي محد يصدك بيه
وكفت ردت اعبر توني عبرت الشارع جانت كومه سيارات واني فكري مو يمي رأساً لزم ايدي خضر
خضر-ام تك وتك ....اكو واحد يعبر السريع هيج
ميمونه-باوعت علي معقوله راح يصدكني
كبل رجعني وهو لازم ايدي ....بدون ميحجي ....رجعنه للسياره فتح الباب وصعدني وطبكه حيل
خضر-تعرفين ليش مخليتج تروحين
ميمونه-ليش
