رواية بديلة اختي الفصل الثاني والعشرون 22 بقلم خاتون الكعبي

تذكير

تماره بتوتر : مف.. مفتهمت شنو قصدك

عمار برود : شوفي هذة كلة ما يمشي يمي فكليلي من الأخير شنو تردين بضبط 

تماره بثقة : شاهين اباوعلة ابتسم بسخرية وهوة يحك لحيتة ويكول

عماد : اهنا الحجي وتردين توصليلة عن طريقي صح 

تماره بخبث : صح واي شي تريدة اني حاضرة

عماد : ههه شوفي يحلوة لا عبالج اني غشيم ومعرف عندج اخت وتكدرين تروحيلهة لأن ما شألله عدهة شقة اضرب من الجنتي بيهة بس سكتتلج بمزاجي لمن كلتلي ما عندي مكان اروحلة ردت اشوفج وين تردين توصلين وهسة ساعة بالكثر تفرغيلي الشقة وتنطيني المفاتيح واذا صار ولعبتي بذيلج فأقري ع روحج السلام 

تماره : ضليت مثل المصدومة ع كلامة اباوعلة عافني وطلع من الشقة مسحت طرف عيني قبل لا توكع دمعتي مو تماره التستسلم بهل سرعة و...........

_____________

مسلم

تقى بتوتر : ها لا مناسيتة كول شنو شرطك واني اسوي 

مسلم : اخطبج 

تقى بعدم استيعاب : شء شنو 

مسلم برود : اخطبج بس مو الخطوبة البالج لا خطوبة شكلية بس كدام العالم 

تقى : احس مثل الصاقعة وضربتني مدا افهم شي شنو يخطبني وشنو خطوبة شكلية رفعت راسي علي وشفتة يباوعلي بجمود تحمحمت وحاولت اشكد ما اكدر اطلع صوتي بوضوح واني اكول 

تقى : شنو قصدك بشكلية وليش

مسلم بجمود :امي داكة رجل صارلهة اسبوع تريد تخطبلي بت خالتي مريم ومشاعري ناحيتهة مو مال حب وايضاً اكو وحدة ابالي احبهة وهاويهة بس هسة ما اكدر اتقدملهة لضروف خاصة لهيج اكلج نخطب خطوبة شكلية كدام العالم وفترة وانكول متفاهمنة وننفصل

تقى بصوت متقطع : مموافقة.. وحتة لو خطوبة.. شكلية اشلون ..تريد اخطب ...وامي ممار ..غير  ..تلث تشهر ع وفاتهة 

مسلم : مو بكيفج مجبورة توافقين واني ما كتلج انسوي حفلة وكذا بس حتة اسكت امي اكلهة اريد اخطب تقى   ومنتظر اصير دورة السنة ع وفاة امهة وبوكتهة اكيد راحت تجي تسئلج اذا موافقة او لا وريدج تكليلهة موافقتج 

تقى : هزيت راسي برود وعفتة ودخلت بسرعة اشكد مفرحت لمن كال كلمة اخطبج اشكد منقهرت واني اسمعة يكول شكلية كدام امي وهوة يحب وحدة ثانية فركت وجهي بعنف ما اريد ابجي مرة ثانية وابين ضعفي و..........

______________

اوتار 

مر هل اسبوع واني مبتعدة عن محمد كل البعد وهوة ع اعصابة احسة لشوية يريد يهجم علية بس فعلاً احس براسي برد واني مبتعدة عنة لا مشاكل ولا غيرة ولا قهر او مغثة مثل قبل كمت اي شي يحجي اكتفي بالسكوت او بكلمة نعم او لا

واجة نهاية الأسبوع الي يصادف يوم حنة مرسلين وشاهين الكل جان متفاجئ وممحضر روحة الهل يوم والكل استغرب بس اكيد مكدرو يحجون شي لأن جدو جان موافق ع كولشي والفهمتة من امي انو هوة القرب موعد العرس وشاهين موافق علي بس استغربت اكثر شي ع مرسلين الي شبه تقبلت الموضوع وسكتت مع انو هية بالبداية جانت معارضة هل زواج

ورحنة الحنتهة من وكت قبل لا تجي المعازيم وشفهة الله يحفظهم طالعة عبالك لعابة وزايدة حلاوة سلمت عليهة وضليت اقدم وية وسن وزهراء الضيافة الحد مأجتني سارة وكفت بصفي وهية تهمس ببتسامة 

سارة بشماتة: لجج شفتيهة يا فشلتهة كدام انسوان 

اوتار بستغراب: يا هية وفشلتيش

سارة بخبث : مرسلين شبيج استوهة عمة كالت شاهين مراح يجي ولو اشوفين امهة وهية اصار بيهم من الفشلة

اوتار : باوعتلهة بخزرة وعفتهة ورجعت للصالة علينة الديجي بعد محنوهة وبدينة نركص اني وبنات خوالهة ونسوان اخوانهة ودخلناهة بنص ويانة ورة فترة يلة اجت اختهة يا الله اشكد اكرهة اباوعلهة كامت تهلهل وتبارك المرسلين عود فرحانة وهية الكل سمع بيهة لمن رجلهة انسجن شلون ذبت روحهة ع شاهين ورادت ترجعلة بس شاهين صداهة 

اباوعلهة اجت سلمت علية وحظنتني سلمت عليهة برود وعفتهة ورجعت ركصت ويا البنات ولليل يلة خلصت الحفلة ورجعنة البيتنة بدلة فستاني وسبحت بسرعة ورحت للصالة شفت امي واختي كاعدات ويحجن عن تحضيرات الحفلة مبقن شي منتقدنة شنو مكياجهة شنو بدلتهة شنو الكيك شنو المهر الحد ما بيبي زمخت بيهن يلة سكتن 

ابتسمت ع شكلهن ورحت للمطبخ سويتلي لفة جبن وجاي واول مكعدت ع الطالولة دخل محمد اباوعلة لابس قاط نيلي وقميص ابيض وعطرة ايعط مبين يريد يروح الحنة الزلم باوعلي وكال ببتسامة وهوة يعدل بياختة 

محمد : شلوني 

اوتار : زين 

محمد : بس 

اوتار : لعد شكولك مثلاً 

محمد : لا تكولين شي بس روحي صبيلي اكلاص جاي دايخ 

اوتار : هزيتلة راسي برود ورحت صبيتلة جاي وحطيتة كدامة ع الطاولة ورجعت المكاني شربت جاي وكلت بمكر

اوتار : اكول 

محمد : كولي 

اوتار بسخرية ؛ شنو شعورك وانتة رايح بحنة حبيبتك 

اباوعلة مثل الضايق وعافني وطلع مبين زعلان ع فراكهة زفرت انفاسي بخنكة ورجعة الغرفتي نمت بسرعة من التعب 

وللصبح يلة فزيت ع صوت امي وهية تستعجلني حتة اكعد لأن الزفة حصير ابيتنة كمت سبحت وصليت وبدينة انظف اني وسارة وابتهال وللدعش يلة خلصنة وانسوان بدة تجي حتة الحجية ام مالك وجناينهة اجني من البصرة استقبلناهن احسن استقبال وبقينة اني والبنات بالمطبخ انسوي جاي للزلم وانسوان ونقطع بالحم والمسواك للطباخ وللثنتين يلة خلصنة من كولشي وبخرنة البيت ومسحنا لأن بالأربعة حصير ازفة 

وصعدت بسرعة سبحت من ريحة الأكل ولبست فستان طويل خردلي وشال اسود ومكياج خفيف برونزي وأخذت كعب اسود ونزلت بسرعة لمن سمعة بصوت الهلاهل يعني اجت مرسلين دخلة للأستقبال وشفتهة سبحان الله طالعة تخبل بيبيتي وكفت كدامهة وبدة اصلي ع محمد من اعيون انسوان وتقرة المعوذات ورة فترة يلة اجة ازفة ودخل جدو وشاهين اباوع ع جدو باس مرسلين وباركلهة وحط ايدهة بيد شاهين ومكدرت اكمل الباقي واني اطلع من الأستقبال حتة الحك البس حذائي قبل لا تفوتني الزفة لبستهة بسرعة واني اباوع ع شاهين ومرسلين طلعو وانسوان وراهم وصار صوت رمي عالي مال طلق وكفت بنص اطرمة واني حاطة ايدي ع اذاناتي من الخوف والباب مفتوح ع حيلة فتحت اعيوني ع كيف لمن حسيت بالرمي اتوقف وما اشوفلك غير نسر صار اكبالي يباوعلي وهوة مبتسم ع خوفي وكال 

نسر : بيج شي

اوتار توتر : ها لا بس اشوية خفت من صوت الطلق 

نسر : ههه وكفو تعالي ه.. 

اوتار : قاطعا صوت محمد اليرعد من وراه وهوة يعيط علية بصوت شبه عالي ويكول

محمد بعصبية : وينججج انتي امجج صارلهة ساعة منتظرتنج وحضرررتج واكفة اهناااا 

اوتار : باوعتلة بخزرة واترخصت من نسر ببتسامة وعفتهم ورحت ركبت بسيارة النسوان ورحنة اول شي للمصور طكو صور العرسان وضلو يفرون بينة بشوارع بغداد الحد مصار المغرب وزفيناهم للفندق ورجعنة للبيت عشينة المعازيم وللتسعة يلة بدو يخفون 

واني والبنات بدينة انظف وحضرنة غرفتين فوك للحجية ام مالك والنسوان الوياهة لأن اكيد ميكدرون يرجعون بهل الليل للبصرة وتقريباً الحد مصارت بثنعش يلة كملنة تنظيف وغسل احس رجلية صارن اخيوط من التعب واول مدخلة الغرفتي كبل ذبيت روحي مثل الميتة ع الجرباية من كثر التعب و.....

______________

هدى

دخلة الغرفتي القديمة البيت اهلي واني احس مثل النار وهابة بكلبي  ودموعي ما سكتن الحقيررر سواااهة سوواهة وزوجهة زفهة كدامي وهوة يبتسم ويشمت بية وهية الحقيرة فرحاانة بعرسهة ونافشة ريشهة علية وليش متفرح وهية مززوجة النقيب شااهين ع سن ورمح رحت اخذت تليفوني بعصبية ودموع واول شخص اجاة ابالي هوة عماد دكيت علي ظل يرن لحظات قليلة يلة جاوبني وهوة يكول بسخرية واضحة 

عماد : هلا والله بمرة اخوية شلونج 

هدى بعصبية : لككك حقيررر كلللب ***** زفاااهة زفااهة كددام اعيوني وهوة يشمت و..

عماد قاطعها وهوة يكول بخبث : صدكيني مراح يتهنون بهل يوم اذا منكلب عليهم عززا ما اطلع عماد 

هدى ابتسمت واني امسح ادموعي واكول : ليش اسويت 

عماد بمكر : توصلج الأخبر وهسة اني يم جماعتي تردين شي 

هدى : لا روح سديت الخط واني احس مي بارد ونزل ع كلبي واول مردت انزع شالي انتبهت ع نورة مفرفحة من البجي تأففت بملل واني اخذهة ونزلهة عد امي مالي خلكهة و..........

_____________

مرسلين 

مرسلين : باوعتلة بخوف ودنكت راسي جانت ملامح وجهة كفيلة انو ترعبني وتخلي اطرافي كولهة ترجف من الخوف واني اسمعة يكول 

شاهين : جان عندج اي اتصال بألي اسمة عماد من قبل 

مرسلين ؛ اباوع ع ملامحة واحاول الاكي اي تفسير او شي بوجهة بس ماكو مرسوم البرود ع ملامحة وحواجبة المعكودات بعصبية كفيلة ع انو تبينلي الى اي مدا واصلة عصبيتة دنكت راسي بخوف من ذكر اسم عماد وكلت بصوت حاولت اشكد ما اكدر ابينة طبيعي 

مرسلين : ءاي بس مو الي اب.. قاطعني وهوة يكول بصوت جهوري عالي 

شاهين : وين تليفونج 

مرسلين جاوبتة بخوف واني أشر ع جنطة الملابس : اه..اهناك بالجيب الأكد.ام اباوعلة راح بسرعة جر اجنطة فتح اجيب اخف التليفون وشمرهة وكعد ع الكرويتة وفتح التليفون ولأسف جنت لا حاطتلة رمز ولا ماسحة ارسائل البيني وبين عماد او المكالمة اباوعلة اعيوني صارت بكصتة وهوة يفتح التسجيل الدزالي يا عماد ويسمعة وبحركة سريعة شمر التليفون ع الحايط اباوع ع التليفون صار وصل غمضت اعيوني بدموع واني اذكر اشكد لحيت ع بابا حتة يجيبلي تليفون وبعد الحاح طويل يلة جابلي يا كهدية بنجاحي من الثالث واجا هسة هذة الحقير وكسرة بكول بساطة فتحت اعيوني بدموع واني اشوفة يتقرب مني بخطوات بطيئة كلت بدموع واني ارجع ليورة

مرسلين بدموع : ليش..كسرتة وانتة شفت المراسلة م..

شاهين قاطعها بحدة وهوة يكول : شكلالج 

مرسلين بخوف : مكل.. 

شاهين رجع زمخ بيهة وهوة يعيط بصوت اعلة من قبل : اااشكلاالجج

مرسلين برجفة : والله.. مكال شي بس راد ينبهني منك ومن..هدى 

شاهين بسخرية : مني 

مرسلين : هزيت راسي وسكتت اباوعلة فرك وجهة بعصبية وهوة يكول 

شاهين : وحضرتج اشكلتيلة 

مرسلين بخوف : كتلة.شعجب.مسمعتة الأخوك..كال ما..اكدر ..سئلتة اذا .لازمة علي ..شي وكلية..ءاي.. وبس

شاهين بشك : بس 

مرسلين وهية تسمح ادموعهة بطرف ايدهة : اي وداعة بابا اباوعلة عافني وطلع برة الحقير شلون كسر تليفوني رحت شلتة من الكاع اباوع علي الشاشة صايرة بصفحة وخريطتة بصفحة حطيتهن ع ميز ورحت فتحت الجنطة اباوع ع البس ماكو قطعة بيهة خير معقولة اي وحدة تزوج تستهتر بهل طريقة 

نفشت الملابس نفش وكولشي ماكو اخر شي يلة الحمد لله لكيت امي حاطتلي ليجوة دشداشة قصيرة رصاصية وبيهة وردي يلة هم زين صحيح قصيرة بس استر من غيرهة كلت هيج واني اجر ابدلتي بتعب وادخل للحمام نزعتهة بصعوبة وضليت فوك انص ساعة انزع ابماشات التسريحة حست شعري تكطع بدية وفتحت ادوش وصرت جوا غمضت اعيوني بتعب واني احس المي بدة ينزل ع راسي احس جسمي كولة ايون علية من التعب كملة سبح وطلعت نشفت شعري ومشطتة وشاهين بعدة مجاي باوعت ع العشة سفري حاطي ع الطاولة حتة مأجاني نفس اكول شي عفتة ودخلة للغرفة البسويت وابتسمت بسخرية واني اشوف مرسوم قلب الحب من الورد ع السرير جريت الحاف وشمرت كول الورد بالكاع وتلفلفت بالحاف بنعس وتعب وغمضت اعيوني واني اتنمنة اكعد اصبح والكة كول هذة حلم 

بس لأسف خابت امالي مثل كل مرة واني احس بضوة قوي صاير ع اعيوني فزيت من نومي بنعاس واني افرك اعيوني باوعت ع الساعة المعلكة ع الحايط بعد وكت استوهة بثمانية كمت بكسل واني الملم بشعري وطلعت بصالة وشفت شاهين نايم ع الكرويتة وشامر سترتة بالكاع عقدت حاجبي بستغراب واني اشوف مثل قطرات الدم ع قميصة

كلت يمكن عصير او منجرح بشي وعفتة ورجعت للغرفة ع كيف طلعتلي ملابس ودخلة سبحت ولبست فستان طويل لون اوف وايت ومن الخصر بي احزام جوزي وطلعت من الحمام واني انشوف بشعري اباوع ع شاهين كاعد ويفرك بعيونة صبحت علي بتوتر واول مأجيت ادخل للغرفة كال 

شاهين : حضري نفسج بسرعة نص ساعة ونطلع 

مرسلين : حاضر كلت هيج ودخلة للغرفة مشطت شعري شون ما كان وحطيت مكياج خفيف ولبست شال جوزي بالون الحزام ورجعت رتبت ملابسي بالجنطة واول مطلعت من الغرفة شفتة طالع من للحمام وهوة يسد بدكم قميصة دنكت بخجل واني اكول 

مرسلين : خلصت اباوعلة هز راسة برود وراح مشط شعرة ع المراية وهوة يكول 

شاهين : امسحي هل خرابيط العلة وجهج 

مرسلين بضوجة ؛ بس خفيف 

شاهين: كللتت امسحي 

مرسلين : باوعلة بملل وجريت الأكلينكس مسحت المكياج وباوعتلة وكلت 

مرسلين بسخرية : وهسة 

شاهين برود: زين بس احزامج افتحي مخصر جسمج تخصير

مرسلين : لا والله اباوعلة عاف الفرشة وهوة يتقرب علية ويكول بتهديد من نبرة صوتة 

شاهين : اولاً كلامي ميتكرر ثانياً ماكو اعتراض كلشي اكولة تكولين تم وثالثاً المكياج بعد ممنوع والعباية تلبس بس اليوم سماح لأن عروسة 

مرسلين : نهة كلامة بسخرية وشال الجنط وطلع ضربت رجلي بالكاع بغيض من ورة كلامة وطلعت وراه دخلنة للمصعد وشفت بنات اثنين واكفات بي اباوعلهن كصنة كص بعيونهن وهوة ولا مهتم نزلنة للريسبشن وهوة راح انطة مفاتيح الغرفة وطلعنة برة الفندق صعدنة بسيارتة والطريق كولة وهوة ساكت واني كذالك احس كاعدين بعزا مو صباحية عرسنة الحد مباوعتلة بملل وكلت 

مرسلين : شاهين 

شاهين ؛ همم 

مرسلين بطفولية ؛ ترى ضجت من هل اسلوب ومدام اتفاهمنة اني وياك فليش منصير اصدقاء او اخوان المهم يروح هل برود البينة اباوعلة ابتسم بسخرية وهوة يتمتم بكلمة اخوان 

وظل ساكت الحد موصلنة البيتهم اباوع ع المنطقة مليانة ملي سيارات ادري مو خلص العرس ع شنو بعد كول هل هوسة التفتت ع شاهين واني اسمعة يكول

شاهين : دنكي راسج بسرعة ودخلي مفهوم 

مرسلين : هزيتلة راسي وسكتت اباوعلة نزل من السيارة واجا بجهتي فتح الباب واشرلي بمعنة انزل استغربت ع حركتة ونزلت ويا لزم ايدي واول مردنة ندخل للبيت اخو ذبح ذبيحة جوة رجلينة غمضت اعيوني بخوف ولزمت بقميصة بقوة من وره صاح ع اخو ايشيل اذبيحة ودخلني بسرعة يم انسوان ورجع طلع يم ازلم

اباوع ع امي وعماتي كولهن موجودات استلمني دك بوس اليكول صارلي سنة غايبة عنهن وكل ساعة وحدة سائلتني خو ممتأذية واني ابتسملهن بغباء واكول لا عادي مبية شي 

وللثنعش يلة صبو غدة احس مصارين بطني حتتكطع من الجوع من البارحة مماكلة شي واول مردت اكل اباوع ع اعيون النسوان كولهة علية حتة استحيت اكل كدامهن واول مكالت مرة اخوية زهراء اصعدين فوك هزيتلهة راسي بسرعة وصعدتني فوك اباوع علة البيت حلو واسع وصلنة الغرفة اصير بأخر الطابق ومعزولة عن البقية وكدامهة باب ع ما اتوقع باب السطح اشرتلي زهراء عليهة وكالت 

زهراء : وهاي غرفتكم دخلي ارتاحي وناميلج اشوية قبل لا انسوان تجي تباركلج 

مرسلين : هزيت راسي ببتسامة ودخلة للغرفة او الشقة ع ما اعتقد جانت واسعة وجبيرة صالة وغرفة وياهة حمام كاملة من كولشي بس مدري ليش اختنكت من الوانهة الغامقة واخذت ملابسي ودخلة سبحت وصليت قضاء واول مردت انام سمعت باب الصالة ينفتح ورة لحظات انفتح باب الغرفة ودخل شاهين باوعلي وكال برود 

شاهين : حضري ملابسي اريد اسبح 

مرسلين بهمس : بدة التأمر 

شاهين وهوة رافع حاجبة: شكلتي ما سمعت 

مرسلين بتوتر : كلت تريد اطلعلك اتراك مو اباوعلة هز راسة ودخل يسبح 

اتأففت بنعاس واني اكوم من الجرباية وافتح بالخانات ادور ع ملابسة الحد ملكيتهن طلعتلة تراك اسود سادة وبي علامة صح ودكيت الباب علي بأخجل فتح الباب ومد ايدة اخذ الملابس ورجع سدة واني رجعت دخلة للغرفة 

تمددت ع الجرباية وصفنت ع السكف وابتسمت بسخرية واني اذكر نفسي وين جنت وين صرت واول مسمعت اباب الحمام انفتح غمضت اعيوني بسرعة حسيت بحركتة داخل الغرفة بس مهتميت وضليت بمكاني الحد منمت وللعصر  يلة فزيت ع صوت دكت الباب طلعت بسرعة فتحة وشفة زهراء اكبالي كلتلي تحضري بسرعة نسوان خوالي اجن يباركلج هزيتلهة راسي بمعنة اي ورجعت للغرفة اباوع ع شاهين ماكو رفعت حواجبي بستغراب وطلعتلي قفطان مغربي بنفس لون الفستان لصبح لبستة ولبست شالي ونزلت جوة اباوع ع النسوان تارسات أصالة وأول مشافني بداً ايهلهلان باوعتلي ام شاهين ببتسامة ولزمتني من اجتافي وبدت تعرفني عليهن سلمت ع الكل وكعدت بصفهة وللمغرب يلة بداً يروحن ودخلو عمامي وجدو للصالة باوعت ع بابا والأبتسامة شكت حلكي من الفرح 

رحت بسرعة حظنتة ودفنت راسي بصدرة لو شميسوي مكدر احقد علي او الومة احس بدونة اني ولا شية مكسورة الجناح وضعيفة اباوع ع اعيونة مليانات ادموع باس راسي وكال مبروك واشرلي اسلم ع جدو رحت سلمت علي وبست ايدة 

وكعد يم بابا بصالة وسئلتة ع اخواني ليش مأجو بس مجاوبني واول مرفعت راسي عنة شفت شاهين كاعد بصف جدو وخازرني باوعتلة بستغرب ع شنو الخزرة مثلاً واترخصت منهم ودخلت ويا البنات للمطبخ بس مقبلان اساعدهن لأن عروس ضحكت واني اسمع سمر زوجت وسام اخو شاهين تكول 

سمر : هسة اكعدي وبس تطلع اسبعة ان شألله نبدي نكرب عليج 

زهراء : ها ها ترى ما اقبل ع حماتي 

مرسلين : ضحكت ع كلام زهراء وبدية اقطع وياهن الزلاطة وصبينة العشة والتمينة كولنة ع سفرة وحدة زلم ونسوان كعدت بصف بابا واني اباوع ع شاهين يسولف ويتبسم هوة وجدو 

اكلت اشوية وكمت احس انسدت نفسي لمن سمعت ابابا يكول الماما حضري نفسج اشوية وروح وفعلاً اول مكملو عشة راحو وراحو وراهم عمامي وجد وبقينة اني وسمر نغسل مواعين اباوعلهة شخصيتهة مرحة ومبينة طيوبة بس للأسف جدو ميحبهة لأن اصير بت اخت عمة وهوة جان رايد ابتهال الوسام لهيج صارت مكروهة من قبل الجميع مع انو هية حبابة وبعمرهة ممأذية احد كملنة غسل المواعين وترخصت منهة وصعدت فوك دخلة للغرفة وشفت شاهين كاعد بصالة يشتغل بالابتوب نزعت شالي وكعدت كدامة واني اكول 

مرسلين بتوتر : شاهين 

شاهين برود : احجي شعندج

مرسلين : الخميس خلصت اجازتي وءباجر احد واذا ما ادوام ححصلي انذار ثاني من المدرسة لأن كثرت غيابتي بهل سنة 

شاهين : مداومين منو لازمج 

مرسلين بفرح: يعني تقبل ادااوم باجر بس خاف عمة متقبل لأن عروس جديدة وميص..

شاهين قاطعها وهوة يكول : اني احجي وياهة 

مرسلين بفرح : شكرراً كلت هيج وعفتة ودخلة بسرعة للغرفة اتصلت بتقى حتة اخذ الواجبات منهة بس ماكو مترد دكيت ع صديقتي اثانية ونفس الحالة ماكو اباوع ع الساعة حصير بدعش يمكن نامن طلعت جنطتي الي الحمد لله اول محضرت غراضي حطيتهة وياهن وحضرت بس الجدول وطلعت ملابسي علكتهن وكلت باجر اخذ اتحاضير من البنات واول موخر الحاف عن الجرباية واجيت انام دخل شاهين للغرفة وتمدد ع الجرباية باوعتلة بستغراب وكلت 

مرسلين : حتنام اهنا 

شاهين برود : ششوفين

مرسلين : لعد وين حنام اني

شاهين بسخرية: فوك راسي 

مرسلين : عدة الشقة وين انام نعست وباجر وراية دوام صباحي

شاهين : الجرباية مو كدامج متنامين عليهة 

مرسلين بصدمة: وياكك 

شاهين بحدة : يا اطفين الضوة وتجين اتنامين يا اطلعين برة اختاري ترى مالي خلكج 

مرسلين : هزيت راسي بخوف من نبرة صوتة ورحت طفيت الضوة بسرعة ورجعت المكاني وخرت الحاف ونمت ع طرف الجرباية احس اريد ابعد عنة اشكد اكدر ضليت ثابتة بمكاني بتوتر اخاف اتحرك وقرب اناحيتة الحد مغفيت و.............

_______________

هدى 

كعدت من الصبح حتة اروح البيت اعيالي وشوف عماد من البارحة واني الفضول ياكلني حتة اعرف اسوة وكلت الأخوية حسين ايرجعني ومحجة شي وكالي اتحضري حتة اوديج صعدت بسرعة فوك لمية غراضي ولبست صايتي ونزلت جوة شلت نور ودعت امي وانسوان اخوتي بسرعة وداني حسين البيت اعيالي وصلني للباب ودعني وراح دكيت الباب بسرعة والبتسامة شاكة حلكي شوية وفتحتلي يا شهد اخت حيدر واعيونهة مورمة من البجي عقدت حاجبي بستغراب ودخلة الجهال وجنطتي وسئلتهة شكو اصاير اباوعلهة انفجرت بالبجي وحظنتني وهية تكول 

شهد بجي : عما..عماد.. ضربو.. هل أنذال.. ممبقين مكان... بجسمة صاحي .كسرو..تكسر .وبا..بابا .يكول ..هوة.بين الحياه ..والموت 

هدى :.............

________________

اوتار 

كعدت من الستة الصبح واني اراجع بأمتحاني كملت ودخلة سبحت وصليت ولبست فستان طويل لون بيجي وشال وردي فاتح واخذت ملزمتي وجنطة ازغيرة وطلعت صبحت ع الكل وكعدت اتريك ورة فترة يلة نزل محمد صبح ع الكل وكعد كدامي يتريك دقايق وسمعة صوت هورن عالي بالباب اباوع ع محمد عقد حاجبة بستغراب ابتسمت بمكر وكمت بسرعة كلت الماما 

اوتار : يلة ماما حروح اجاني الخط كلت هيج واني احس بعيون محمد حتنط من العصبية واول مأجة يحجي عفتة وطلعت بسرعة لأن اعرفة اذا اعترض اكيد جدو حيوكف بصفة ومحيخليني اركب بالخط وركبت ويا ابو الخط الي الحمد لله جان رجال جبير بالعمر ومبين علي حباب سلمت ع البنات وكعدت بصف فجر الي سئلتني بفضول واضح اول مصعدت 

فجر : بشري اسوة 

اوتار : مسوة شي عفتة وطلعت بسرعة كلت هيج واني افتح بملزمتي وابدي اراجع امتحاني وصلنة للكلية ورحنة اني وفجر بسرعة للقاعة قبل لا نتأخر وتوالت علينة الأمتحانات بشكل عادي بس الغريبة محمد الي دخل بمحاضرتة وطلع ولا باوع بوجهي مثل كل مرة ولا حجة شي تخيلتة اول ميوصل للكلية حيطلبني المكتبة ويرزلني او يعيط علية مثل كل مرة بس كولشي مسوة كلت يمكن منتظرني ارجع للبيت ويحجي وياي او ديخطط الشي لأن ممعقولة يسكت واول مكملت محاضرتي الأخيرة كلت الفجر 

اوتار : حروح اغسل ادمرت اتراب واجي وراج 

فجر : اوكي بس مو تتأخرين ترى ابو الخط قنقينة وميقبل وحدة تتأخر 

اوتار : ههه لا متأخر كلت هيج ورحت بسرعة للحمامات غسلت ايدي وعدلة حجابي ورحت للمكان اليوكفن بيهن الخطوط واول مردت اركب السيارة وكفني ابو الخط وهوة ايكول 

: بنيتي اوتار تعالي اشوية اريد احجي وياج

اوتار : باوعتلة بستغراب وكلت ها عمو 

: اعتذر منج عمو بس البنية الجانت تصعد وياي وبطلت اليوم رجعت و..

اوتار قاطعتة واني اكول بشك : فهمت عمو بس عندك اثنين مقاعد فارغة غير هل مقعد 

بتوتر : لا عمو اليوم طلعت ناسيهن وهسة يجن 

اوتار : هزيت راسي بأحراج واشرت الفجر تنزل باوعتلي بستغراب ونزلت بسرعة وهية تكول 

فجر : شكو شبيج 

اوتار بعصبية مكتومة : وياج بالخط بنات غير هذني لليوم اجن ويانة 

فجر : لا ابد ليش 

اوتار : بعدين افهمج يلة باي كلت هيج ورحت بسرعة للكراج شفتة واكف يم سيارتة ويباوعلي ويبتسم بستفزاز قبضت ع ايدي حتة اكاتم عصبيتي ورحت بتجاهة بسرعة اباوعلة عافني وركب ركبت ويا وسديت الباب بقوة ودرت علي وكلت 

اوتار بحدة : ااانت االحجيت وياا ابووو الخطط موو 

محمد بستفزاز : اي ليش

اوتار بعصبية : وشكلتلة 

محمد ببتسامة : احبج 

اوتار بعصبية : دا اكللك اش.. سكتت واني استوعب الكلمة الكالهة وباوعتلة بعدم فهم وكلت

اوتار : شنو 

محمد بثقة : احبج 

اوتار : معرف ليش اجتني موجة من الضحك واني اسمع هاي الكلمة منا حتة مكدريت اكتمهة وفعلاً طكيتهة بضحكة قوية واني احاول احط ايدي ع حلكي حتة اكتمهة بس ماكو مسكتت كمت اهفي بيدي ع اعيوني الي انملن ادموع من الضحك وباوعتلة عاقد حواجبة بعصبية متنرفز من ضحكي وكال 

محمد : شبيج ع شنو هل ضحك 

اوتار وهية تحاول تضبط ضحكتهة : ههههه مو ع شي بس فعلاً ضكتني هل كلمة هههههه احبج ههههه ترى اضحك

محمد بعصبية مكتومة : وشنو اليضحك بيهة 

اوتار : قبل كم يوم جنت تكولي مثل اختي شوكت لحكت تحبني وشنو تعرف عني حتة تكولي احبج تعرف شنو احب 

شنو اكره شنو اليقهرني شنو اليفرحني اليضوجني ويضيق خلي اباوعلة سكت ابتسمت بسخرية واني اكمل كلامي 

اوتار : هذة الفرق بيناتنة اني لمن حبيتك حبيتك بكل جوارحي وتقبلتك بكل اعيوبك اصدك حتة سيئاتك صارت بنسة الي حسنات وصرت اعرف عنك ادق تفاصيلك اما انت ممكن دتحاول تنقذ كبريائك وخسارتك بمرس....

محمد قاطعها وهوة يكول بصوت جهوري : ................

______________

اوتار 

كعدت من الستة الصبح واني اراجع بأمتحاني كملت ودخلة سبحت وصليت ولبست فستان طويل لون بيجي وشال وردي فاتح واخذت ملزمتي وجنطة ازغيرة وطلعت صبحت ع الكل وكعدت اتريك ورة فترة يلة نزل محمد صبح ع الكل وكعد كدامي يتريك دقايق وسمعة صوت هورن عالي بالباب اباوع ع محمد عقد حاجبة بستغراب ابتسمت بمكر وكمت بسرعة كلت الماما 

اوتار : يلة ماما حروح اجاني الخط كلت هيج واني احس بعيون محمد حتنط من العصبية واول مأجة يحجي عفتة وطلعت بسرعة لأن اعرفة اذا اعترض اكيد جدو حيوكف بصفة ومحيخليني اركب بالخط وركبت ويا ابو الخط الي الحمد لله جان رجال جبير بالعمر ومبين علي حباب سلمت ع البنات وكعدت بصف فجر الي سئلتني بفضول واضح اول مصعدت 

فجر : بشري اسوة 

اوتار : مسوة شي عفتة وطلعت بسرعة كلت هيج واني افتح بملزمتي وابدي اراجع امتحاني وصلنة للكلية ورحنة اني وفجر بسرعة للقاعة قبل لا نتأخر وتوالت علينة الأمتحانات بشكل عادي بس الغريبة محمد الي دخل بمحاضرتة وطلع ولا باوع بوجهي مثل كل مرة ولا حجة شي تخيلتة اول ميوصل للكلية حيطلبني المكتبة ويرزلني او يعيط علية مثل كل مرة بس كولشي مسوة كلت يمكن منتظرني ارجع للبيت ويحجي وياي او ديخطط الشي لأن ممعقولة يسكت واول مكملت محاضرتي الأخيرة كلت الفجر 

اوتار : حروح اغسل ادمرت اتراب واجي وراج 

فجر : اوكي بس مو تتأخرين ترى ابو الخط قنقينة وميقبل وحدة تتأخر 

اوتار : ههه لا متأخر كلت هيج ورحت بسرعة للحمامات غسلت ايدي وعدلة حجابي ورحت للمكان اليوكفن بيهن الخطوط واول مردت اركب السيارة وكفني ابو الخط وهوة ايكول 

: بنيتي اوتار تعالي اشوية اريد احجي وياج

اوتار : باوعتلة بستغراب وكلت ها عمو 

: اعتذر منج عمو بس البنية الجانت تصعد وياي وبطلت اليوم رجعت و..

اوتار قاطعتة واني اكول بشك : فهمت عمو بس عندك اثنين مقاعد فارغة غير هل مقعد 

بتوتر : لا عمو اليوم طلعت ناسيهن وهسة يجن 

اوتار : هزيت راسي بأحراج واشرت الفجر تنزل باوعتلي بستغراب ونزلت بسرعة وهية تكول 

فجر : شكو شبيج 

اوتار بعصبية مكتومة : وياج بالخط بنات غير هذني لليوم اجن ويانة 

فجر : لا ابد ليش 

اوتار : بعدين افهمج يلة باي كلت هيج ورحت بسرعة للكراج شفتة واكف يم سيارتة ويباوعلي ويبتسم بستفزاز قبضت ع ايدي حتة اكاتم عصبيتي ورحت بتجاهة بسرعة اباوعلة عافني وركب ركبت ويا وسديت الباب بقوة ودرت علي وكلت 

اوتار بحدة : ااانت االحجيت وياا ابووو الخطط موو 

محمد بستفزاز : اي ليش

اوتار بعصبية : وشكلتلة 

محمد ببتسامة : احبج 

اوتار بعصبية : دا اكللك اش.. سكتت واني استوعب الكلمة الكالهة وباوعتلة بعدم فهم وكلت

اوتار : شنو 

محمد بثقة : احبج 

اوتار : معرف ليش اجتني موجة من الضحك واني اسمع هاي الكلمة منا حتة مكدريت اكتمهة وفعلاً طكيتهة بضحكة قوية واني احاول احط ايدي ع حلكي حتة اكتمهة بس ماكو مسكتت كمت اهفي بيدي ع اعيوني الي انملن ادموع من الضحك وباوعتلة عاقد حواجبة بعصبية متنرفز من ضحكي وكال 

محمد : شبيج ع شنو هل ضحك 

اوتار وهية تحاول تضبط ضحكتهة : ههههه مو ع شي بس فعلاً ضكتني هل كلمة هههههه احبج ههههه ترى اضحك

محمد بعصبية مكتومة : وشنو اليضحك بيهة 

اوتار : قبل كم يوم جنت تكولي مثل اختي شوكت لحكت تحبني وشنو تعرف عني حتة تكولي احبج تعرف شنو احب 

شنو اكره شنو اليقهرني شنو اليفرحني اليضوجني ويضيق خلي اباوعلة سكت ابتسمت بسخرية واني اكمل كلامي 

اوتار : هذة الفرق بيناتنة اني لمن حبيتك حبيتك بكل جوارحي وتقبلتك بكل اعيوبك اصدك حتة سيئاتك صارت بنسة الي حسنات وصرت اعرف عنك ادق تفاصيلك اما انت ممكن دتحاول تنقذ كبريائك وخسارتك بمرس....

محمد قاطعها وهوة يكول بصوت جهوري : ................

______________

مرسلين

كعدت الصبح واني امط بجسمي بنعاس احس نفسي نايمة ع شي صلب كسر ركبتي عقدت حاجبي بنزعاج واني اتلمس بي الحد مرفعت راسي عنة واني اباوع ع نفسي نايمة ع صدر شاهين ودافنة راسي بركبتة من برودة اسبلت ضليت ارمش بعيوني بصدمة الحد منتبهت ع نفسي ودفعتة بقوة وفزيت من مكاني اباوعلة كعد يفرك بعيونة بنزعاج وهوة يكول 

شاهين : شبيج شكو من الصبح متخلين الواحد اينام 

مرسلين :....................