رواية ليتك قدري الأول الفصل الثاني والعشرون بقلم رفل الكناني
نايمه وماكعدت ال عل د كت الباب بقوه فزيت بسرعه
منو
اني سلام فتحي الباب
فتحته شفته مخنز عليه وعيونهه كلهه غضب بدون تفاهم ولاسلام كال
اليوم منو جان يمج
اني النومه بعيني وهوه هيج شكله فممستوعبه شديكول جاوبته
شنو
شبيج متسمعين داكولج اليوم منو جان يمج
وانت شعليك
شنوووو شعليه لاعبالج مكعدج وحدج يعني مالي شغله بيج ترررره رااااسج اكسره
وليش دتصيح الجهال نايمه
لعد جاوبي بأدب اني رجلج لو نسيتي
مانسيت بس غير اعرف شنو قصدك من صاعدلي مزنبر ودكلي منو جان يمج اليوم
اي كولي منو جان يمج وصوت الضحك واصل ليجوه
هااااااا كولي هيج كولي شحنوك ودزوك عليه
انجبي طايحت الحظ شحنوني شنوووو
اي هذا الصياح شوف شكلك وانت تعرف حجي صحيح
لو لا
اراح تطلعيني من طوري تره
حذاااااااام جان يمي هسه رتاحت وإذا متصدك وكل يوم والثاني تصعد تحقق وياي فلاحسن شدلي كامره وريح نفسك بس العتب مو على الحشه براسك العتب عليك انت شلون تصدكهم الله اليعلم شكلولك يجوز كلتلك يمهه واحد
انجبي
اي هذا الصحيح وكرت عينك اذا اني عندي هيج سوالف ومبقيني عل ذمتك
حجيتهه وطبكت الباب بوجهه دكه مفتحته كال
اني اعلمج تسديهه بوجهي مووو اني اعلمج انعل ابوج لابوه حتى حذام وانعل والديج اذا مره ثانيه وصل ل هنا
كعدت وره الباب ابجي عل حظي لنطاني هيج رجال شعور حقير بمعنى الكلمه من رجلج يشك بيج وهوه يعرف انتي شنو يعني مجرد يسمع من من أحد يصدك هذي كارثه لان الرجال طبعه صعب وإذا صارت وحده من الثنين متعرفين شيطلع منه بسب شكه
دموعي تجري من القهر اني ادري الراحه مدوملي شلون العصر جنت مرتاحه وضحكت هسه طلعت من عيني للصبح ال نمت وماكعدت للظهر كمت باوعت عل نفسي عيوني مورمه ياربي شكد باجيه لعد كمت خلصت شكو شغل عني ووكلت الجهال وسبحتهم وخليتهم بلحجلات رحت شغلت الغساله وبديت اغسل لهناك وسمعت سركي الدرج نفتح باوعت سلام مبين جاي من الدوام لان بهدومه الجهال اجوي ركض بلحجلات عليه دنك عليهم يبوس بيهم بعدين شالهم نزلهم واخذهم للهول اني اراقب من بعيد بقيت اغسل والهي نفسي اريده ينزل ماكو آخر شي صاح
وووووينج هبه
استغفرالله شيريد شعنده حجه بعد غسلت ايده ورحت لكيته مدد بلكاع والجهال نايمين فوكله وهوه يلعب بيهم
هااااا
رفع راسه باوعلي كال شمسويه غده
ممسويه اني مااطبخ
ليش شنو متاكلين
اي ماكل
ذب الجهال وكعد لحيله كال
من هذا اليوم تحسبين حسابج يوم اني هنا ويوم جوه من اكون هنا تركبين حالج حال العالم
بس احنا متفقنه هيج
اكولج تره عيب عليج اني رجلج وهذا بيتي شنو تمنعيني منه بلبدايه اتفقنه جانت اعصابج تعبانه وعفتج صار كومه موكافي لو من يمي حرام ومن الناس التجي يمج حلال بيت مهند وحذام من يكون تطبخين وتضحكين ومتونسه ومن يم سلام لابسه الجينكوو
اخذت نفس اهدي نفسي وماكدر احجي لان فعلا ماكدر
امنعه من البيت وإذا منعته راح تصير مشكله وصوتنه يطلع والجوه يتشمتون بيه
هسه شتريد
سوي زقنبوت
حجاه ونزع جواريبه وشمرهن يم الباب وذب تشيرته هم واني عفته ورحت للمطبخ طلعت كبه وبورك وسويت زلاطه وديته خليته كدامه باوع عليه كال
شنو هاي
هذا العندي
مو تدرين اني ما اكل دهونات
اي واني هذا الكيته
كام خزرني ونزل كلت بعد احسن ان شالله عمرك ماصعدت بس همزين سويتلي واهس اكعد اكل كعدت طيرت نص الاكل يمكن من القهر من هاي تصرفاته فوكاهه يتآمر عليه دطير
وره ماكملت نومت الجهال وغسلت المواعين رجعت للهول شفت فانيلته وجواريبه شلتهن خليتهن عل درج هيج احسن حتى يشوفهن وينزلهن مويتعلم يخلي ملابسه فوك حتى يكوم يبدل هنا بلحضته بتسمت بمكر ههه هسه عمتي ومرته ماتن قهر من شافنه نازل من يمي وبدون ملابس اااااي خلي شويه يتفركطن ضحكت عل تفكيري الشيطاني وين راح طرت الأفكار من راسي ورحت للغرفه وخلص اليوم لليل وهم صعد راسن شلت جهالي وطبيت للغرفه وهوه واكف يباوع عليه وبيده علاكه عفته ودخلت وسديت الباب بس ممرتاحه وعيني متاخذ نوم وافكر نزل لو بعده واخاف اطلع وبعده كاعد لحد مصارت الساعه 2 بليل كمت عل كيف طلعت شفته نايم بلهول بس بشورت والفانيله رحت المطبخ داشرب مي فتحت الثلاجه شفت العلاكه فتحته بيه صدر مال دجاج معنى جابهه حتى اسوي اله مثل قبل جنت اشويلها هذا
نظام غذائي بعد عيني رجعته بمكانه وشربت مي ورجعت قفلت الباب ولفيت راسي ونمت للصبح كعدت هوه ماكو وخلص اليوم لحد وكت جيته من الدوام كاعده اني والجهال وداعلمهم كلمات كالو بابا كولو ماما وجان يدخل علينه همه عافوني وزحفوو عليه بسرعه وهوه شالهم واني صديت عل تلفزيون كعد وهمه بحضنه يدكون عل صدره يردون يرجع يشيلهم من شفته كعد اني كمت كال
تعاي اخذيهم
تقربت نزلت يوسف بس نور حياله مجلبه بي من فانيلته وهوه يضحك
لج بابا انزلي تعبان حبيبتي
متقبل دائمه البنيه تصير حياله اجر بيه مجلبه مبي كال
عوفيهه صبيلي اكل
باوعت عليه بستفهام لان اني ممسويه هوه كال يوم هنا
ويوم هناك والبارحه بايت هنا يعني اليوم هناك
شبيج هيج تباعين
اي غير اليوم هناك موهيج انت كلت
عصب
ليش اني البارحه شتسممت يمج غير خلقتج المكلوبه مو حتى العشه جبته مسويتي ونمت بدون عشه
مناقشته مالي خلكه داشيل يوسف هوه ذب نور وطلع وهيه تصرخ لان عافهه وصل يم المحجر دينزل شاف فانيلته وجواريبه جابهن بيده واجه واجه عليه
طبعن انتي صدك متسحين
ليش
وجماله تسئلين لج شكد عينج صلفه شنو اني البنكالي مال الخلفج انكل الج والجهالج وتالي تشمرين ملابسي هيج عل محجر
اي غير حتى تنزلهم جوه يعني انت مونسيتهم البارحه ونزلت
بنت القندره نسيتهم وين بشارع غير بيتي هيج تذبيهم اني اعلمج منا وهيج
حجاهه ونزل شايلهم صحت وراه
ليش تغلط مجاوب نور تصرخ بدون وعي ضربته انوب تخبلت ويوسف يباوعلي مخترع العبره خنكتني مدري لان غلط عليه مدري لن ضربت نور وهاي اول مره اسويهه صدك بجيت ويوسف بجه عل بجاي صرنه تلاثته نبجي بس الفرق اني احمس بكلبي وبس الدموع تهمل وهمه لايصرخون شكد ماعدهم صوت هذا الشي الوعاني ولميتهم الحضني وشلتهم غسلتهلم وغسلت اني هم وجبتهم شغلت قناة الأطفال اريد يسكتون ماكو الشهكه ملازمتهم لحد منامو لو متت قهر بقيت مكابلتهم وابجي لحد ماتعبت بيومه هوه مااجه ولاصعد وبقى أكثر من اسبوعين مااجه بس الجهال خلدون يجي يكولي سلام يريدهم ياخذهم ساعه واني اضل متشعوطه وافتر واخاف من مرته عليهم واتصنت عل صوتهم ماكو وره شويه يجيبهم خلدون وبيدهم علاكه أشكال الحلويات بس يجيبهم يبجون و يكلبون البيت من البجي من سلته وين جانو كال ويه سلام ومن ينطيناهم اجيبهم الج بيجون عليه عرفت جهالي تعلموو عليه وهذا الشي تعبني يوميه يضلون يبجون من يرجعهم لحد مينامون كم مره مدزيتهم سولفت الخلدون كايله مقابل دازه روح جيبهم عاد أخذهم ومن اجوي هوه صعد شايلهم ذبهم بلهول دينزل فرفحو كام مدد بلكاع وخلاهم كلمن عل ايد لحد منامو وشلتهم خليتهم بسريرهم وهوه راسن نزل جنت مرتاحه لان هوه تاركني بحالي
ثاني يوم جان جمعه كعدت من الصبح جنت ناويه اروح الأهلي لان خطيه امي شنو ذنبها ماروح اشوفه والله شنو عصام ومرته اضوج منهم وهيه خطيه كل مااخابرهه دكلي يمه مستاقتلج ومشتاقه للجهال عاد خابرت حذام وبدلت ولميت ملابسي واجه حذام اخذني خطيه امي طارت بينه تبوس بيه وبجهال سلمت وكعدت واساور بدال متسل عل احوالي تسلني عل ضرتي عود دتذكرني تره رجلج متزوج عليج
هااا هبه شلونهه ضرتج
باوعت عليهه بتعجب.
واني شمدريني شلونه وتسلني
اي شلون متدرين موياج بلبيت
لا والله حبيبتي انتي متوههمه اني بيتي وحد ومشايفه شكولهم
اي خوش لعد هسه نجي نشوفه.
بكلبي كتله لاهلا ولا مرحبا اكيد انتي محابتني وتجين بس تريد تشوفين شلون عايشه كمت بدلت وبدلت ال جهالي وداضم ملابسهم وجان يدك فوني سلام ترددت اجاوب بس امي يمي ماريدهه تدري شلون علاقتي وياه وره مارجعت حتى لاتنقهر جاوبت
الووووو
هاي وين انتي
ليش
شنو ليش لتخليني اكفر واليوم جمعه أصعد ماالكاج ودكليلي ليش
يم اهلي
انعل اهلج اليوم شنو تروحين واني مادري اني كوا. ....... اطلعين ومدكليلي
ضليت باهته وامي يمي كمت منها عل صفحه
وووووووينج خرسيتي
شبيك سلام
وشبت بيج لج شنو اطلعين بدون مدكليلي
حذام اجه اخذني وانت جوه وين الكاك حتى اكولك
اني اعلمج بسيطه تجين ويصير خير
سكتت
شوكت تجين
مادري غير ابات صار هواي مجايه
بليل تجين سمعتي
مجاوبت
سمعتي لو لا
اي اي سمعت
سديته واني ادكطع ليش مديعوفني بحالي هسه موتزوج ليش ديتحكم بيه انوب هاي موده جديده متعلم يغلط عليه هديت نفسي وحاولت شكد مااكدر اكون طبيعيه اني جايه افضي روحي لو ضوجهه سمعت صوت جهالي عاطو ركضت ابن عصام لاطخ نور وراسه بسرعه عنجر وزرك شلتهه اركض للمغسله غسلتلهه وهيه مفرفحه
ليش عمه حبيبي انت بكدهه
عمه والله ردت اشيلهه
عيني همه جهالج فركاس مينكاس
اساور شنو هل حجي هوه ملاشيهه قابل شوفي هوه لاطخه باعي كصتهه
اي والله يمه متذيه اكولج عيني بعد لاتجيبيهم من تجين لايصير عليهم شي شيخلصنه من أهلهم
عزززززه هاي تحجين صدك لو تتشاقين وين اعوفهم يعني
والله اني اكول لو ماتجين احسن مدام بيتج وحدج اسلمي عل جهالج وكعدي
كالت هيج لو روحي شاطت بس هم احجي وتصير مشكله بلعتهه وسكتت بنتي وردت بس اليوم يخلص اني صدك شيجيبني موكاعده بيتي وساكته صدك اليطلع من دراه يقل مقداره حتى الغدا طلع عليه سم وحذام الضهر كمله
اكولج هبه شلون بيه
شكو
يمعوده روحي طكت اريد هديل
هااا حذام رجعنا
يابه شسوي غير احبه
ومنيلك تزوج
الله يدبرهه بس خل يوافقون
لا والله حبيبي دبر حالك بعدين فكر بزواج هاي عمتي ماديه وانت هذا حالك شلون ينطوك
اني كملت دراسه بلكت تطلعلي وظيفه واتعيين والله كومه مقدم
ادري حذام بس لاتعتمد عل الدوله اعتمد عل نفسك
شسوي اكثر كاعد اشتغل عماله وطايح حضي شبيدي بعد
لعد يا عيني شكو مورطت روحك هاي هديل تقبل بهذا شغلك بس متطلباتها راتب كامل ميكفي
معليج بهديل هيه قابله بس امه الغضب اااااخ لوتموت ونخلص منهه
هههههه شيموتهه هيج نماذج متموت
هسه شلون دحجيلي ويه سلام
ماكدر هوه اني وياه حرب
لخاطري هبه بروح ابويه
حذام ماكدر انت متعرف البيني وبينه
اعرف كولشي اعرف وادري بي دينام جوه من رجعتي لحد الان
خجلت هاي اكيد هديل تسولفله شكد متستحي
هبه انتي هم ساعديني
والله حذام اذا اكدر مااقصر بس هسه اعذرني الوضع بيني وبين سلام حيل مشحون حتى هسه عاركني من اجيت
ماجنت اريد اكوله بس حرجني وهوه يتوسل ساعديني ميدري بيه اني واخوهه شلون واحد يعامل الثاني عاد عافني وسكتت بيومه حيل نغثيت من سلام واساور وهسه حذام لو مجايه احسن لليل كتله وديني حتى ماقبلت اتعشى سلمت عل امي وطلعت وحذام الطريق كوله يخابر وصلنا وصعدت لبيتي وهوه شايل الجهال جانوو نعسانين بسرعه اخذتهم للغرفه بدلتلهم وسويت ممات ورضعت وكل شويه ا صيح حذام لاتروح هسه جايتك بس دانوم الجهال لحد مانامو فدنوب طلعت باب الهول مسدود يااا بس لا راح ركضت فتحت الباب وياريت مفتحته ياريت صحت كحيت طلعت صوت نصدمت بهديل وحذام نايم فوكاهه ويبوس بيه وهيه دفع بي نفس لقطت المستشفى بيوم الجبت انعادت شفتهم
لو نجنيت لطمت عل وجهي أكثر من مره وهديل تعدل بنفسه وهوه كعد وخله ايده عل راسه ودنك صديت عل هديل
انتي وحده أدب سزز ورخيصه وحتى ميشرفني تكونين زوجه ال اخويه وانتي منطيته نفسج قبل الزواج شبقيتي النفسج لعد هااا شبقيتي للعرس وين الوعد لنطيتينى
ووووين
هههب
اشششش ولاكلمه اطلعي من بيتي اطلعي بررره
هبببببببه
اسكت انت ولاكلمه انت متستحي لك شلون تسوي هيج بيتي لو صاعد سسسسلام شيكول عليه فاتحته مكو. ..........مسويه بيته مكو. .......لاخويه واخته
هيه نزلت تركض وهوه كام وكف كبالي
شنو هذا الحجي شلون هيج تتلفظين كدامي
ليش عيب احجي شنو عيب لعد الجنت اتسوي شنووو كولي
مسح وجههه كال
اني رايح
روح وهديل اني اعلمه عل هاي السوايه والله حتى سلام لكوله
اهووو وو هسه انتي شعليج
ولك شلون شعليه انت شلون مامن بيهه شفتهه شلون نايمه جواك هاي لاخاطبين ولاعاقدين ولابينكم شي بعدين شصعدهه يمي من نزلت لحد الان ولامره صعدت انت متخاف عليه متفكر بيه
اني كتلها اني خابرتهه وكتلهه
اي اي ابقى دافعله ابقى بررله دشوف ليون تاليه نوصل
لزواج وداعتج والله العظيم اني قاسمله مااخذ غيره وهيج منطيتني مجال
والله لو باجر عرسك عليهه هم الدتسوي غلط حذام المره على فرس خيالها وتصيح يانصيب شمدريك تصير الك وإذا مصارت تره هاي سواياتكم كله حرام وحتى لو تزوجتو تبقى هسه حرام
دنكك وطلع لاسلمت عليه ولا ابد هيج احسن وهاي هديل اني اعلمه اعرف شلون اتصرف وياهه لتروح تبلي اخويه خصوصا شفته شلون فاقد هوه وفوكاهه دمي محروك وافكر شلون صعدت وينهم منهه بذات عمتي شلون مشافتهه وافكر لو صاعد سلام وشايفهه هيج والنبي حتى اني يذبحني وره ميذبحهم دافكر هيج وصعد سلام كالب وجهه كلت كملت رحت لغرفت الجهال حتى ماصير كدامه لحكني داسدهه دفعه هديتهه
شوكت اجيتي
قبل شويه
ليش نايمين الجهال
نعسو وناموو
ليش طلعين واني مادري
سكتت
هاي المره عديتته مره الثانيه متعرفين شسوي
مجاوبته هوه يحجي واني افرغ بجنطه الملابس الجنت ماخذتهه لهلي
بعد متروحين يوم الجمعه
باوعت عليه ورجعت نصيت
اي الجمعه استراحتي كل جمعه أصعد الكه الغدا صارير
هزيت راسي
عافني وطلع شويه وطلعت وراه عبالي نازل لكيته نايم عل تخم يعني راح يبات هنا رحت غسلت وجهي بردته من قهر هديل وحذام وهسه الأستاذ هم يتآمر عليه اويلي عل كلبي شكد ديتحمل رجعت حطيت راسي ونمت لنص اليل ندكت الباب بهدوء كمت فتحته سلام
نايمه
فركت عيوني
ااااااا هبه اريد حقي
خزرته
اي انتي مرتي وأريد حقي
سديت الباب خلا رجله
واخررر اطلع الجهال نايمين
لعد اسكتي وخليني افوت
رجعت دفعت الباب راسن دفعني
وصار وره وطك القفل .
