رواية زوج اختي والماضي الفصل الثالث والعشرون بقلم مجهول
جنه كاعدين بالمطبخ حوالي الساعة بال١٢ ونص دخلت بنية لابسة ملابس مدرسة صدرية سودة وقميص أبيض حجاب أميرة باللون الأسود جانت بعمر ١٣ سنة
_ يمه وين أخوي ليش ما اجه اخذني
باوعت علية خجلت دنكت للكاع ردت امها بضحكة
_ راحوا عدهم شغل تعالي سلمي على زهراء
مره ابن عمج حمزة
رفعت راسها ابتسمت نزعت الجنطة جانت باللون الأسود خلتها على الكاونتر واجت علية حضنتني
سلمت بعدت كتلها
_شبيج متعصبه ؟
البنية _ والله اجيت مشي من المدرسة للبيت والطريق
يخوف حيل والجلاب طاردتني
امها ... عادي
زهراء_ تخافين
خديجة _ وعاد اللي يسمع راح يخطفون
ست الأحسن والجمال
البنية _ وليش مايخطفون والله بعد ما اروح
للمدرسة إذا مو احد يجي يأخذني
زهراء _ حقج يابة
امها _ مو كل يوم يجون بس اليوم عدهم شغل
البنية _ والله صارت المنطقة مالتنة بعيني جزيرة مهجورة وكلت بس لا يطلع شي يأكلني لو انخطف لو تاكلني
الجلاب يا يمة بعد أبد ما اجي لوحدي
امها _ لاتجين
اختها خديجة _ لو ماكلاتج وخلصانين منج
البنية _ بيش طالبتني بيج ان شاءالله ولابي
زهراء _بعيد الشر عليج
البنية _ اروح ابدل
راحت خربانين عليها من الضحك سألت على اسمها طلع اسمها زينب وبالصف الأول المتوسط بس هي من بين أخواتها
مخلينها تدرس البقية مبطلات
والصغيرة .وكلش يحبونها المدللة مالت أبوها جوي حمزة وعمه وابن عمه على الساعة بالواحدة الظهر تغدينا
وكمت غسلت الماعين وياهم
طكيت ميانه بسرعة وياهم ناس كلش طيبة والبنات حبابات أكثر من لأزم وياي شوفتني خديجة غرفة كالت هاي لكم لأن راح نبقى هنا لما تخلص سالفة الميراث
يعني راح نطول بالعمارة .......الغرفة جان بيها مبردة وبنكة بالسكف كنتور صغير أبو بابين بوفيه بيها فراش
ا لسكف مغطة بجرجف بالون
لابيض .....تول بي زخرفة بلون الذهبي حيطان الغرفة بيضة والحاشية جانت سيراميك فارشين ثنين دواشك
سفنج واحد بصف الثاني
ومخلين فوكاهم جرجف أحمر ومخدات حمر وبطانية وحدة بالون الاخضر كلت بقلبي مسوين أجواء رومنسية هههه
باوعتلي _ راح تبقون هنا لما يخلص حمزة الشغل ان
شاءالله تبقون اسبوع سبوعين
_ ليش ،؟
_ والله ضوجة هنا وحدي محد يطب علينا
وهاي فرحنه أني وامي بجيتكم
_واني أكثر والله
_ ديلا حبيبتي بدلي ونزعي العباية صارلج من
ماجيتي لحد هسه مانازعة العباية
_ استحي مناك اخوانج
_ خيه أخواني ماكو مثلهم ويعتبروج أختهم
_ وأني هم اعتبرهم خواني بس متعودة بعد
_ براحتج بعد عمري يلا اني اترخص
_مرخوصة يقلبي
طلعت سدت الباب وراها رحت وراها قفلت الباب بالمفتاح بدلت لبست دشداشة باللون البنفسجي كشمير بردان أطوال جانت خياطة من مالاتي القديمات
ندك الباب انتبهت ... منوو
_ اني
رحت فتحت الباب له وشال فوك رأسي مشمور
دخل سديت الباب وراها كال
_ قفلي بالمفتاح
قفلت التفتت عليه نزع التيشيرت شمرة بالكاع مثل الجاهل والحذاء كذالك فتح الحزام درت ظهري
له سمع بي كال
_ مطيتني ظهرها الثولة تعالي جري البنطرون
مادا يطلع من رجلي تعالي
_شنو ؟
_ تعالي جري ولج اريد ابدل
_ طلعة بنفسك مثل مالبسته
_استغفر الله وأتوب إليه... تعالي ولا
تخليني اعصب تعاي
خفت اخذت نفس زفرت بهدوء همست ( الله مطيني رجال لو زعطوط بنطرون مبي ينزعه التفتت عليه خترشت هذا نازع البنطرون واكف يم جعوب رجلي وبهيج
مظهر وويععع رأسن سديت
عيوني وكالت
_ انزع بنفسك يحظي شبيك استحي
_ وأستغفر... تجين لو اكلب الغرفة على راسج
تستحي الثولة من رجلها
_ والله استحي مو بايدي
_سدي عيونج وتعاي
_ وشلون اشوف
_ششوفين ولج
_ أستغفر الله جاية
فتحت عيوني بس بلكاع اباع كعد هو على الفراش مد رجلية لي ميته من الخجل جريت وحدة ورحت على
الثانية كومة اجر بيها
_ ولج جري بسرعة شكد فاهية
_ شسويلها أني رجلك جبيرة
_ رجلي جبيرة خلف الله عليج يابنت الناس .. دكومي
شلعتي قلبي شلع فوك كاهو مشلوع
كام هو ضجت منه فوك ما ساعده مقابل انطيته ظهري بدل واجه كعد حسيت بي حاولت اكوم جرني من
ايدي رجعني بمكاني
_ وين
جريت ايدي _ اروح انام
_ ماتنامين هنا ؟
_وين هنا يمك ؟
_لعد وين ؟
_ من كل عقلك تريدني انام وياك بفراش واحد وغطة واحد؟!
_ مو رجلج وحرام على المرأة تعزل فراشها عن فراش رجلها
_ الحرام قابلة بي وقابلة بعذاب الله لي
_ هه بس اني مقبل
_ واني امشي بكيفك
_لعد بكيف منو تمشين
_بكيف نفسي والله واسوي اللي يعجبني
ابتسم بمكر نام على ظهره باوعلي وكال ... وتريديني أني حمزة أسمع كلامج أنتِ واخليج براحتج
_ غصبا عليك تخليني براحتي
_ هههههه غصب علية صدك
_ ايي
جرني من ايدي بكل قوة شمرني بصفه وكال .... ماكو شي غصب وياي اغصب وما انغصب فتهمتي
_ دومك تأذي لواحد علمود ترضي نفسك
_ غير أنتِ تأذيني
_لك عوفني
_وين اعوفج تعالي شلعتي قلبي شلع من يوم العرفتج
_دا تسوي حمززة
_وجع نيمج بحضني
سحبني بحضنه ضجت منه حيل أقاوم اضرب بي بدون فائدة خذني بحضنه حاصرني ماخلاني اتحرك يمنى
أو يسرى عطت بستسلام
_ حمزة عوفني عليك الله
_ انجبي خليني اعرف انام
_ ليش تجبرني عليك ليش ؟
_ بكيفي
_شنو بكيفك ولك عوفني عوفني
_ شكد تلغين انحمي
_شنو انحم وأنت حاصرني بحضنك ولك عوفني الخاطر الله
_ يتمنون البنات انيمهم بحضني وأنتِ ماعاجبج
_ منو هذني ولك عوفني عوفني مو مليت ....
روحي طكت منك اااه ولك شيل رجلك
_ اممم
_ ولك ما تسمع أنت كافي جسمي صار يوجعني عليك الله عوفني اريد انام تعبانة
_ راحتج من راحة رجلج انجبي بعد مريد اسمع حسج
_ الله يأخذك
_ مال الله ياخذج أنتِ
_اللهم أمين
_ بحلامج هاي هههههه
_ والله اعضك وخر
_ دعضي إذا ماخليج تكلبين الغرفة بالعياط والصراخ
مثل أول وليلة لأنه وأكثر
سكتت .كلمة وحدة بعد مطلعت أعرف بي يريدها من الله علمود يقترب لي ، هو ضحك مرديت أبد أحاول أنام وأني بين
ايدينه القذرة اكرهه أحد المووت
اكره ريحة عطره. اكره كلشي بي وربي، هو بقى
يشم بي نفسي لعبت عطت
_دا تسوووي
_ أخذ حقي
_ياحق هذا بعد ولك شبيك نحرفت عليه
_ انجبي انحرف شنو غير أنتِ مرتي وحلالي
_بس على الاورق مرتك لا تصدك مرتك من صدك
أخذ نفس وزفر على اركبتي همس ... شلون راح تخليني اطلع قهر البكلبي كله بيها ، وأقسم بالله إذا طلعت كلشي
بقلبي محد يكدر يخلصج من جواي
_ أني شعلي تذب نار قلبك بي
_ لعد منو عليه إذا انتِ أقرب الناس لي ماتحس بي و
لا تنطيني حقوقي الشرعية والقانونية
_ أنت تدري ليش
_ الماضي أنسي وفتحي صفحة جديدة وياي
_ ماكدر أنسى والله
_ تحملي لعد شراح يجرالج مني
_ شراح تسوي
_ اسوي كلشي مايعجبج
_لاا عليك الله لا تسوي شي والله اكعد عاقلة
بس فدوة عوفني ممرتاحة هيج
_بس أني مرتاح
_ تفكر براحتك ومتفكر براحة غيرك
_اهم شي راحتي والله ... اسكتي بدون كلام تعبان
كلش والعصر وراي كومة شغل
سكتت مرديت عليه أبد هو هم مسوه شي بس دفن راسه بصدري بقيت بس ابلع بريجي واحجيه عليه بيني
وبين نفسي نفسي صارت تلعب منه
شوكت اخلص منك مدري ؟ والله بعد متحمل قربك لي ، هي كوه خوب كوه تجبرني عليك ، يا أخي
أفهم لامريدك
شبعت بجي .من كيفي فوك الساعة احاول أنام مايجيني النوم حسيت بي نام باوعت عليه جانت الغرفة مضية
بالكامل مامطفين الضوه جان نايم
فرحت..... حيل كدرت احرر ايديه بسهولة هذا نايم بسرعة استسلم للنوم شلت ايده من فوك خصري بصعوبة
يامثكلها صارت عظم رجال بعد
، اخذت نفس علمود ارفع رأسه من فوك صدري خليت ايديه الآثنين بحذر بس فزيت هذا رجع حضني بإيديه
الاثنين وضمني الصدرة
خررب بس لا جان كاعد ودا يمثل عليه النوم ضمني الصدرة بقوة همس يم اذاني.... ماكو مهرب مني مدامج مانايمة مايجيني النوم
_ حمزة بعد عني كافي صارلك ساعة وياي
_ هو أني شمسوي ؟ وكافي واللب يسمع ..
_ اسكت لا تكمل راح أنام والله
_ ههههه نامي
كلمة مطلع حبست دموعي بعيوني مااريد.كل دقيقة ينزلون ويفضحوني كباله راح يفكر أني ضعيفه الشخصية وجبانه بس لأزم لكه حل يخلصني من عنده بيى ثمن كان
ماحسيت .على روحي إلا هو يلعب بشعري فتحت عيوني باوعت شفت بس صدرة وفالينة السودة مالته
رفعت راسي كلت .
_ شيل ايدك دا تسوي
_ عوذ بالله من الشيطان الرجيم.. شبيج خرعتيني
كعدت بالفراش ... ليش تلعب بشعري
_ هه ليش لعب بشعرج هذ هم سؤال ينسأل بشرفج
كمت من يمة شعري مفتوح بطوله اكيد هو فتحه
... ايي محب أحد يلعب
بشعري بدون أذني
خله ايديه جوه رأسه يباوعلي بضحكة
_وأني مو أي احد رجلج رجلج يلعوبه
_ وإذا
_وإذا شنو امشي بدلي وتعاي وراي يم بيت عمي
كام لبس تيشيرت بيجي نص ردان مشط شعره رش عطر جانت اكو مراية معلكة بالحايط شمر علية المشط
_وراي لكاج خلال ثواني
مرديت نزلت أخذت المشط بإيدي طلع وسد الباب وراه وأخيرا أخذت راحتي وحريتي ولو للحظات ، شكد غثيث وشايف نفسه شوفه بس اريد اعرف شحاسب نفسه هذا حمزة
عبالك عنده خدامة مو مرته
بدلت توني طلعت العباية دخل حمزة من شافني
خليت العباية على راسي كال
_لاتلبسين عباية كبال بيت عمي هم مثل أهلج لا تحرجيني مقابيلهم لبسي شي محتشم اوك
أخذ الساعة، مالته وطلع مستغربه ؟ عفتها بطن الكنتور باوعت بالمراية الدشداشة مالتي جانت رصاصي كشمير
لأن حارة جدأ جانت بالعمارة
عريضة زين ماتبرز مفاتني نزلت الشال على صدري مريد يبرز وأكل رزالة من المصخم حمزة طلعت بالصالة
صادفت خديجة من شافتني أبتسمت
_ مساء الورد
_ مساء الحب
_ ههه حمزة كعد قبلج ودا يأكل
_شياكل؟
_ عصرية وي الولد وابوي وأنتِ تعالي أكلي ويانه
بالمطبخ اكيد جوعانة
_ مثلنا أنتو بالصيف عصرية
_ خيه كلها هيج الصيف طويل ويجوع
_ ايي والله صدك
_ خيه تعالي ناكل
ههه...... راحت وراها جانوا مخلين صينية بالكاع ومسوين طماطة تقلاه وكاسة روبه خاثر أموت عليها أكلتي
المفضلة كعدت أكل وياهم
ما استحيت منهم أبد البنات يذكروني بهند وخبالهاوامهم تذكرني بأمي حسيت بيناتهم أني بنص أهلي
كملوا غسلوا الماعين
اجه حمزة المطبخ البنات ستحوا منه هو متعود
ما يستحي أبد وكال
_ زهراء أني طالع و إذا تردين تطلعين وي البنات اطلعي
_ شوكت ترجع ؟
_ يمكن للمغرب .. عمه ديرب بالج عليها بعد ماوصيج
الحجيه _ اشيلها بعيوني لا توصي عليها وليدي
حمزة _مشكورة عمه تردون شي
زهراء _ سلامتك
الحجيه _ سلامتك قابل شنريد وليدي
أبتسم وطلع كلت بقلبي ...
خوش أمثل دور المرأة المثالية مع زوجهاا
البنات تلاغوا
خديجة _ اليوم تجين وياي
زينب _ لا والله ما اجي اني عندي امتحان صعب
خديجة _ كامت تتهرب
زينب _ والله مااتهرب عندي امتحان رياضيات وكلش صعب
خديجة _ وهسه منو يطلع وياي
الحجيه _ أني اطلع وياج
زهراء _ وين ؟
خديجة _ عدنا هوايش نطوللهم بره بالكاع
وأني ما اطلع لوحدي أخاف
الحجيه _ أني اطلع وياج
زهراء_ عمه اكعدي أنتِ أني اطلع وياها
الحجيه _ وين تطلعين شيكولون الناس جايه خطار
مطلعينها للحلال لاعيني اكعدي
زهراء _ عمه شعلينه بحجي الناس وشكو بيهالو طلعت ساعدت خديجة أني أحب أشوف كلشي عن حياة الريفية
خديجة _ خيه تعالي لعد وياي
الحجيه _ وين
زهراء _ عمه اطلع وياها وين قابل
الحجيه _ شيكول رجلج من يدري مطلعينج للحلال
زهراء _ هو مو كال اطلعي إذا تردين وحمزة مراح يكول شي أعرفه أني واحد متواضع وماعنده من سوالف
بعض أهل المدينة
الحجيه _ مدام هيج اطلعي
خديجة _ لبسي عبايتج وتعالي وياي
زهراء_ هسه
رحت لبست العباية متحمسه حيل جيت وياي الموبايل جان مغلق عزززة هسه أهل كلها دكت علية وأني عايفته
مغلق فتحته وكلت من ارجع احاجي عمتي
وأهلي واسأل على عيالي ومصطفى طلعت بالمطبخ لكيت خديجة لافه العبايه على خصرها
_ هيج لأبسة العباية ؟
خديجة _ لعد شون ؟
زهراء _ مثلي
خديجة _ ماأحب لبسها مثلج متعودة هيج
لبسها يلا تعالي وراي
طلعنا من باب المطبخ شفت الجلب خفت .. خديجة الجلب
خديجة _ خيه هذا لا يهش ولا ينش حاله حال البزونة
زهراء _ يعني هادئ
خديجة _ وأكثر
زهراء _ هاا .. لعد وين الأبقار؟
خديجة _ هناك
أشرت على مكان جان بي سقيفة وبيها باب
يعني جان مثل البيت هههه عجبني
_ عدهم بيت
_ طبعا
_ شكم وحدة ؟
_ تلاثه وعجل واحد
_ هاا جبير أو اصغيرون
_ صغيرون عمره شهرين تقريبا أو اكثر بعد مدري بالضبط
_ مايأذون ؟
_ لا ليش يأذون قابل
_ بس سؤال لأن مامقتربة لهم أبد
_ ماعدكم
_ لا وين أكو أني عايشة بالنجف الاشرف بيتي قريب عن الامام وتزوجت بغداد بالمنصور بعد وين أشوف وين عندي
هاي مرات اشوفهم بالشوارع دايحات
_ هههه دايحات صح بس هذني مثقفات
_ ههههه
_ طبعا هههههه
فتحت الباب دخلت وراها شفت ثلاث بقرات وحدة باللون الأبيض ولاسود وحدة حمرة وحدة سودة عجل
صغيرون باللون لابيض واسود شكله كيوت
_ هذني هوايش مالاتنه
_ حلوات ونظيفات كلش مو مثل البشارع
_ جا بعد هوايشنة لأزم يكونون نظيفات ...
زين بيج حيل تسحبي وحدة وياي
باوعت لهم أبتسمت ... ايي بي اريد السودة
_ السودة أفقر وحدة بيهن
_ لعد جيبيها لي
_ ماشي
راحت حلت الحبل مالتها جابتها لي تضحك وكالت
.. بيج لو مابيج فايدة
_والله بي
_ أخاف تطلعين جبانه
_ افاا منو جبانه زهراء لا يعني قوية
_ عجبتيني ههههه
اقتربت مني آول مرة بحياتي ما أخاف أبد كلت بقلبي ( مايخوفون ذني من خلق الله ومستيحيل يأذون شخص مايأذيهم مو مثل البشر يأذون أقرب الناس لهم
أخذت الحبل بإيدي بس صارت بي خوفه
بداخلي مبين لها كالت... هاا
_ ماكو شي جيبي الثانية
_ ماشي
جريتها امشي كبالها أخاف تضربني التفت الها مبين عليها ما تأذي وهادئه كلش وكيوت طلعت بيها هي طلعت
وراي كمنا نضحك ويه بعض
الحمدالله ماسوت لي شي... فتحت الباب الورة البيت طلعت طلعت وراها واااو جانت المنطقة تخبل الكاع كلها خظار والبساتين تجنن بقيت سارحة بالمناظر الخلابة
_ هيي زهورة يلا
_ ولج نصدمت هاي شكد حلوة المنطقة
_ حلوة بنظرج
_ ليش موحلوة بنسبة لج ؟
_ حلوة والله بس بيت عمي وخوالي يتخبلون منها يكولون عيشة العرب تلعب النفس
_ خليولون شمفهمهم هذني بالعيشة الحلوة بالعرب
_ يكولن المدينة راحة بال وطبة وطلعة
_ وين أكو طبة وطلعة واصلا المدينة تلعب النفس محبوسة بربع حيطان وين أكو مثل هذا المظهر
والجمال الطبيعة
_ والله صدك
دكت لهم ثبتان بالكاع وأني أراقب وابتسم كملت كامت كالت
_ رايحة اجيب الثانية تجين لو تبقين .
_ ابقى روحي وتعالي بسرعة
_ ماشي
راحت ....رقبتها دخلت جوه طلعت الموبايل من جيب الدشداشة مالتي كمت اصور كلشي
عجبني كلش كلت
_ مال الله يهدي حمزة ونعيش هنا بالعمارة
والله أحسن من بغداد
شفت بنية تباوع علية من الجهة الثانية واكفية بين الكاع وكاع الثانية لابسة دشداشة حمرة وعباية على الخصر اجت
خديجة شايلة منجل بإيدها
وتجر بالبقرة اشرت بإيدها البنية وصاحت ... هااا ولج
ردت _ هاا خدوج شلونج
خديجة _ على الله أنتِ شلونج
_الحمدالله بخير زينب وين اليوم ماكو وياج
خديجة _ دا تقرأ
_ جا صرتي مثقفة وتكولين دا
خدبجة _هههه علمني حمزة هههه
_حمزة من ؟
_ابن عمي شبيج
_هااا حمزة الزرك هاي منو البنية
خديجة _ هاي مره ابن عمي حمزة من أهل النجف
_ اهاا من بغداد وطالعة وياج ؟
خديجة وصلت بعيد عني ردت
... وإذا عايشة بغداد شكو بيها يعني
_ ستغربت بنات بغداد من كلشي تلعب نفسهم وهاي عادي عدها
كملت خديجة كامت اجت بصفي وردت ...
مو كل اصابعج سوى خيه
زهراء _ هاي منو
خديجة _ بنت خالي خيرية
زهراء_ _ هااا
خيرية _ والله بعد مدري ولج شو جدمي
لعندي خل اشوفج عن قريب
زهراء _ عادي أروح
خديجة _ عادي خيه
رحت وي خديجة تقربت عليها باوعتلي من فوك ليجوه وكالت.. لابسة عباية جبيرة ؟ وأنتِ من المنصور
زهراء _ وإذا
خيرية _ ستغربت خيه عذريني لأن مشايفة من قبل بس سامعة
زهراء _ معذورة
خيرية _ شكد عمرج ؟
زهراء _ ٢٣ سنة
خيرية _ بعدج صغيرة شلون قبلتي برجل اختج الميته ؟
زهراء طلقة وبنص قلبي نضربت ياهو ليشوفني
يكول شلون قبلتي بلعت ريق وكالت
زهراء_ شكو بيها
خيرية _ مابيها شي بس استغربت وحدة بجمالج وحسنج شلون تقبل برجل اختها مليون
واحد يتمناج والله
خديجة _ خيرية شبيج عدلي كلامج
خيرية _ وشكايلة أنه
خديجة _ مكايلة شي خيه يلا مرخصتج لأزم نرجع
زهراء مرديت عليها شبعت قهر بقلبي صح والله ما ناقصني شي ولا بي عيوب علمود أخذ رجل أختي الميته شعدعي عليه يابه من شمرتني وخليت الناس تحجي
خيرية _ الله وياكم
رحنا من يمها لمسافة بعدنه كالت خديجة
_ لا تاخذين بخاطرج منها
_ لا عادي أصلا مااهتم هاي الناس كلها تحجي
شكل ناس تلوم وناس تحمد
_ صح حجيج والله
_ شلج بالمنجل
_ تعرفينه
_ ايي اعرفه
_ احش حشيش للعجل
_ أني احش له حشيش فدوة
_ أخاف تجرحي ايدج ؟
_ لا أعرف استعمله عدنا واحد بالبيت استعمله بالحديقة
_ هاا لعد هاج
_ جيبي
_ أخذته منها كعدت احش حشيت بسهولة بي
واضحك وتضحك وياي تكول
_ هنيالة حمزة بيج متواضعة وحبابة وقلبج طيب معرف حمزة
شمسوي يم الله ورزقة بوحدة مثلج
بدون وعي كتلها _ لأن خبيث
_ لاههههه
_ ههههه اشاقه
_ أدري خيه حمزة طيوب كلش وحباب ماكو
مثيله أبن عمي هذا
_ ايي
أخذت المنجل من ايدي شالت الحشيش بإيدها رجعنا على البيت انطت اله الحشيش كام يأكل فدووة كالت
لحظة خل اطلع الدجاج
_ عدكم
_ أنواع بط دجاج وز علي شيش رش
_ أنواع الحيوانات عدكم
_ جا لعد مو عايشين بالعرب لأزم كلشي نجني
_ اي والله حلو واحد يجني كلشي هاي كلهاهيج تجني هنا
_ لا مو كلهاهسه عندج بيت خالتي وبعض
عماتي دجاجة معدهم
_ عود ليش ؟
_ مايحبون
_ هسه أتمنى لو اعيش هنا
_ صدك
_ ايي والله العيشة حلوة هنا وبيها راحة
البال مو مثل هناك بالمدينة
_ يكولون المدينة تخبل
_ بيها أماكن حلوة وبيها أماكن مو حلوة
مو كلشي بيها حلو والله
_ خيه مثلنا كولي
_ ايي مثل الشي فقط هناك أسواق ومولات ومطاعم وزدحامات السيارات والهوسة هنا أمان وراحة البال
وراحة هنا ترد الروح
_ ايي تروحين للشط
_ الشط؟
_ ايي
_ موجود هنا
_ بعيد عن هنا مسافة خل حمزة يوديج كوليله
_ بس يجي اكوله والله
حلت بقية الحيوانات طلعوا يخبلون أبدا ماخفت منهم لأن مايأذون مدام أني ما أمثل لهم خطر كملت كل شغلها
رجعنا على البيت غسلت نزعت العباية
كعدت يمهم بالأستقبال ربع ساعة دك الموبايل طلعت عمتي طلعت بالصالة احجي وياها خابرت على عمتي وسألتهاعن أحوال البيت كالت كلها بخير شسويتي ماسويتوا
كتلها بخير والله مدري حمزة شسوة ماسوه عمه
_ من يرجع اسألي
_ ان شاءالله.. شخبار صوفي
_ هوينه يمي نايم على الجرباية
_ فدوة
_ عمج خابر حمزة وكال راح تبقون بالعمارة مدة أيام
_ ايي هم كال
_ شلون لكيتي العمارة شلون رحبوا بيكم بيت عم حمزة
_ العمارة جنة الأحلام عمه رحبوا بينه بكل حب واحترام حاسبينه من أهل مو خطار
_ ايي هاي هم بيت ابو سعيد يكرمون ظيف من يوم يوهم
_ اي وآلله
_ سلميلي على أم سعيد وبناتها هواي هواي
_ يوصل عمه
_ ديري بالج على نفسج وعلى وليدي حمزة بعد ماوصيج عمه
_ ان شاءالله عمه
_ في أمان الله
_ الله وياج عمه
فصلت الخط رحت يمهم كتلهم عمتي تسلم عليكم كالوا وعليكم السلام كامت تسأل ام سعيد عن أحوال بيت عمي وشلون عمتي تداري بي هم تفرق بيني وبين بناتها
أستغرب سؤالها لصراحة
بس عندي كول أجوبة لاسألتها جانت عمي مثل أمي من يوم الجيت بي لهم وهي حاسبتني وحدة من بناتها وحالهامن حال امي تداري بي وتوصي بحمزة علية
تفاجأت محبيت اسئل لأن أخاف منعدها اجوبه لاسألتي ويجوز عمتي بالماضي جانت وكحة لذاك يخافون
منها حسب ظني بس ههههه
شكلها لاعمتي يخوف صح بس إذا تعاشرها راح تعرف ماكو أطيب من قلبها وقلبها فطير مايحمل حقد أبد بس
عدها خط أحمر أولادها وإذا أحد منهم
كسر بكلمتها هاي الله لكتبها عليه .
للمغرب اجه حمزة جان يضحك عو عمه وأبن عمه كعدوا بالاستقبال اجت ام سعيد للمطبخ جنه كاعدين
اني وبناتها بالكاع على سجادة
_ حالين المشكلة بدون مشاكل
زهراء _والله
ام سعيد _ ايي والله عمه ان شاءالله باجر يجي
عمج ويقسمون الحصة مالته
زهراء _ الحمدالله
خديجة _ شون قبلون بهالسهولة ؟
ام سيعد _ المحكمة تحجي ترى
خديجة_ مفهمت ؟
ام سيعد _ مهددهم حمزة يغيم عليهم دعوة ويأخذ الفوائد مال سنوات منهم إذا ما انطول بدون مشاكل
خديجة _ عززة لعب عليهم لعبة خلاهم يرجفون من الخوف
ام سعيد _ شيسويلهم لعد يخليهم ياكلون حقهم هي
هاي الزلم تأخذ حقها من حلك السباع
خديجة _ ايي
عفتهم ......وطلعت بره بالصالة شفت حمزة
يخابر بالموبايل ويضحك
_ مو كلتلك خلها علية وشوف شلون احلها مثل الورد ... ههههه ... صراحة خافوا حيل ... ايي ... ان شاءالله باجر جاي ... أمي هم جيبها وياك .. الله كريم ... باي
كمل المكالمة أنتبه علية أبتسم وكال "
ابوي وامي باجر هنا
_ صدك
_ ايي
_ شعجب يجوون ؟
قترب ناحيتي صار كبالي بعد مسافة ثلاث أقدام أبتسم وكال ...
_ ماكالتلج ام سعيد ؟
_ كالت ألف مبروك
_ الله يبارك بيج كصتج جانت خير علية
_ ليش خليتها على كصتي .؟
_ ايي كلت خل اجرب على كصه البوما بلكت الله
تطلع برأسها خير ، وفعلا طلع براسج خير
_ أني بوما
_ ههه لعد أني منو كرط اركان
_ منو كرط انفال
_ أني شعلي الله خذاها
_ وأني شعلي هو هم الله أخذه لا تتهم الناس
وانت أول متهم ترى
_ متشابهين هههههه
عافني ودخل جوه _واني مستغربه من تصرفه يحجي علية ويكول بوما وهو أكبر بوما على الكره الارضية
وأكبر ذئب بشري
وره العشة رحت كعدت بالغرفة شمرت الشال دخلوا البنات يمي تفاجأوا بطول شعري بقوا يمشطون بي ويحجون وأني اضحك عليهم ليش البنات يحبون الشعر الطويل ؟
خديجة _ لأن حلو
زينب _أتمنى لو شعري مثل شعرج طويل
خديجة _ انجبي كلما طال جابت المكص وجت
تركض لي كصي وهسه تدور شعر
زهراء _ مثل هند
زينب _ هند منو ؟
زهراء _ بت عمي وصديقتي وأختي
خديجة _ ربي يحفظكم البعض
زينب _ مزوجة
زهراء _ ايي
خديجة _ صدك زهراء خل نشوف صور عرسكم
أنتِ وحمزة وعرس هند
زهراء همست بيني وبين نفسي (غير لو عندي
صورة وحدة لعرسي بالموبايل )
_ معندي صور لي بس الهند
خديجة _ شعجب ؟
زهراء _ مجان عندي موبايل بوقتها
زينب _ ليش مجابلج بالخطوبة
زهراء _ لاا وره العرس يلا جابلي
خديجة _وبيت اهلج ماعندج موبايل
زهراء _ عندي بس جان مكسور لذالك ما أخذت بي صور
زينب _ حرامات تكدرين تنقلين الصور من البنات
زهراء _ ايي كلت انقلهم
زينب _ يلا اطلعي صور هند خل نشوفها حلوة
جكمه رجلها اجكم لا
زهراء كمت طلعت الموبايل من الجنطة جانت هند داكة ثلاث مرات أبتسمت.. ذكرتج طلعتي ذاكرتني
زينب _ شنو
زهراء _هند داكة علية أربع مرات
خديجة _ خل نشوف الصور وخابريها
زهراء كعدت يمهم فوك الفراش طلعت استوديو الصور طلعوا صور عرس هند كاموا يباعون تفاجأوا بيها كالوا حلوة
تخبل ورجلها بعد أحلى منها
خربت ضحك عليهم لو يدرون بسالفة هند ويه ريان جان كلبوها ضحك عليهم كضوها بالمشاكل والعرايك والكره
والحقد وبلأخر رتبطوا سوء للأبد
ندك الباب طلع حمزة دخل باوعوا البنات بخجل كاموا طلعوا انتظرهم يطلعون يلا اجه لعندي باوعلي
_جانوا شيباعون بالموبايل ؟
_ صور عرس هند
_ هاا كومي طلعي ملابس اريد اسبح
هسه طلعت ملابس خليتهم على كتفي سديت باب الكنتور كال..
_ خليهم بالحمام
طلعت وديتهم بالحمام ورجعت هو طلع خابرت على هند حجيت وياها شويه كالت زي الصور اخذتهن للمنطقة كتلها ماعدهم الإنترنيت مع أسف
كملت حجي وياها عفت الموبايل على الشحن باوعت على موبايل حمزة جان يرن نصدمت شفت المتصل
بنية اسمها سارة ليل ؟
_ سارة ليل منو هاي ؟
اووي أني شعليه بي طبه ألف
مرض أبو النسوان
رحت كعدت بالفراش عزلت فراشي عن فراشة نزلت بطانية من فوك الفراش لي عوزي لو أنام بحضنه القذر مثل الظهر أخذ راحته تمددت جوه فراشي بس مطلعة رأسي حسيت الباب انفتح انتبهت عليه طلع هو سد الباب باوعلي
_ رجعت حليمه العادتها القديمة
_ماعليك
غطيت راسي اسمع بي يكول ...
ايي طبج ألف مرض عاد أني ميت عليج
كلت بقلبي _ ألف الحمدالله طلعت ماميت وهذا اللي اريده
حمزة ما انكر طكت روحي منها مالي خلك اتعارك وياها هنا من نرجع اعلمها شلوت تعزل الفراش مشطت رشيت
عطر رحت على الموبايل شفت
سارة ليل متصلة مرتين باوعت على زهراء .
. بس لا شافت الإتصال وطنكرت هههه
_ هاي سويرة الحلوة ذاكرتني اليوم يبعد قلبي
زهراء اسمع بي يحجي ويععع لعبت نفسي اكيد هاي من الملاهي وبنت ليل مدام كاتب سارة ليل همست
_ امدة حظي يكول سويرة الحلوة هسه تطلع جكمة
ومصلخه صلوخ بنت الملاهي
حمزة جنت واكف فوك راسها الثولة متدري صوتها رعيدة عالي حتلوه تهمس سمعت شكالت خربت ضحك هاي اكيد
غيرانة ودا تحجي عليها
رحت كعدت بفراشي اباوع عليها مطيتني ظهراها وطابكة فراشها وي الحايط دكيت على سارة كمت احجي
وياها بحب وعزل مدام هاي حارمتني
خل شوي احرك قلبها
زهراء أسمع بي يحجي وياها بالحب والغزل كلام غير لائق صار كرهت نفس شنو هذا معنده احترام لنفسه هو رجال مزوج وفوك كلشي معنده احترام لي
أني موجودة بالغرفة وعيب عليه يحجي وي ساقطة على الموبايل ويمي بالغرفة دمي فار من سمعت ضحكاتها
وردودها ويا جان فاتح مكرفون
واسمع كلشي !!....
