رواية بديلة اختي الفصل الثالث والعشرون بقلم خاتون الكعبي
تذكير
شهد بجي : عما..عماد.. ضربو.. هل أنذال.. ممبقين مكان... بجسمه صاحي .كسرو..تكسر .وبا..بابا .يكول ..هوة.بين الحياه ..والموت
هدى : بقيت مثل المصدومة مكدريت انطق بكلمة معقولة شاهين الة ايد بيهة لا لا مستحيل ايسويهة كلت هيج واني ابلع ريكي بخوف وصعدت كبل الغرفتي حطيت جنطتي بيهة ونومت نور ورجعت نزلت جوة اباوع ع البنات منتهيات من البجي وعمتي وعمي وحيدر بالمستشفى
دكيت ع حيدر اكثر من مرة بس ماكو ميرد للعصر يلة دك عمي وطمنة علي وكال باجر يخرجو بس حالتة كولش مدهورة الضاربة ممبقي عضمة ابجسمة صاحية
وفعلاً ثاني يوم بالدعش الصبح يلة اجوي طلعنة اني والبنات نستقبلهم واول مدخلة عمتي وراهة دخلو حيدر وعمي وهمة ساندين عماد اباوع ع وجهة مينشاف من كثر الضرب وايدي مجبسة ويعرج ع رجلة وهوة ايون من الوجع
كعدو ع الكرويتة وركضت عمتي اجيبلة امخاد والبنات واكفات ع صفحة مرعوبات من شكله بقة الفضول ياكلني حتة اعرف منو الضاربة وعمي غسل ورتاح وكعد يمة يحجي ويا يريد بس ماكو ميرد مبين مخوفي
انتظرت الحد متفرغ الأستقبال حتة اسئلة وفعلاً لثنعش راح عمي ايصلي وحيدر صعد فوك والبنات وعمتي دخلن للمطبخ يصبن غدة باوعت ع باب الأستقبال بتوتر خاف يدخل واحد
وقربت ع عماد وهمست بخوف : شاهين اسوة بيك هيج مو اباوعلة هز راسة بخوف بمعنة لا وهنا فعلاً اتأكدت انو هوة الضاربة فرت دمعة من عيني واني اكول الهل درجة حابهة حتة ضربا بهل طريقة المتوحشة
الهل رجة هامتة معقولة بهل سرعة كدر يدك كلبة الهة وينجذبلهة مسحت دمعتي واني ارجع ابتسم بخبث من المستحيل اخلي يتهنة هوة وياهة و..........
_____________
اوتار
محمد قاطعها وهوة يكول بصوت جهوري ؛ بسس كاافي ما اريد اسمع صووتج
اوتار بسخرية : ههه ليش لأن كلت الحقيقة متريد كرامتك تنه.. سكتت بوجع واني احس بأيدي حتنكسر من قوة ضغطة عليهة ونترهة بعصبية
وبدة يسوق بكل سرعة وصلني للبيت وشخط اسيارة وراح خبال اي والله ابتسمت
واني احس شي بداخلي منتصر ودخلت للبيت عبالهم جاية ويا الخط لهيج مسئلوني ع محمد سلمت ع بيبي وجدو ودخلة الغرفتي و.......
______________
مرسلين
شاهين : شبيج شكو من الصبح متخلين الواحد اينام
مرسلين بخجل : ها لا بس خفت عبالي
اتأخرت ع مدرستي
شاهين : فركت وجهي واني اشوف الساعة صارت بالستة ونص كمت من مكاني وكلت
شاهين : حضريلي ملابس الدوام وتحضري بسرعة حتة اوصلج قبل لا اطلع الشغلي
مرسلين : لا ماكو داعي مدرستي قر.. مكملت كلامي واني اشوفة يدور ظهرة بكول برود ويدخل يسبح ضربت رجلي بالكاع بغيض ع تجاهلة المستمر ودورت ع ملابسة بأخر خانة يلة لكيت بدلتة العسكرية معلكة اخذتهة واخذت وياهة منشفتة وديتهن الة وطلعت ملابسي حطيتهن ع الميز وبديت ارتب بالجرباية ورة ربع ساعة يلة طلع اباوعلة طالع بس بالبنطرون والمنشفة حاطهة ع ركبتة دنكت راسي بسرعة احس وجهي انصبغ بألحمر واخذت ملابسي بسرعة ودخلت للحمام سبحت ولبست ملابس المدرسة وتوضيت ع السريع وصليت اول مكملت صلاتي انتبهت ع شاهين واكف يلبس بساعتة وعينة علية اول محس بية خلصت طلع برة الغرفة وهوة يكول
شاهين برود : كملي ولحكيني
مرسلين : كتلة ماشي ولميت المصلاية ونزعت جادر الصلاه ورجعتهن بالكنتور ولبست شالي واخذت جنطتي ونزلت بسرعة وراه شفتة مترئس الطاولة واخوانة وسام ومصطفى بصفة وعمة وياهم وسمر دتصبلهم جاي صبحت عليهم والكل رد معدا طبعاً كعدت كدام عمة الي باوعتلي بعتب وكالت
ام شاهين : ادري متوازية يبنيتي من هسة اداومين حتة ميصلح بعدج عروس
مرسلين : والله عمة مو بيدي اهواي فاتتني مواد والمدرسة انطتني انذار يعني اذا غبت بعد احتمال انفصل
ام شاهين : معرف بعد يمة براحتج بس اليوم لازم ترحون لزيارة ابو اجوادين (ع)
مرسلين : باوعتلهة بتردد والتفتت ع شاهين الي شرب جاية وهوة يكول
شاهين بهدوء : ان شألله اروح بس مو اليوم عندي شغل يلة خلصتي
مرسلين : هزيت راسي بأي وكمت غسلت وشلت جنطتي واول مردت اطلع وراه باوعلي بحدة وكال
شاهين : وين عباتج
مرسلين بتوتر : ها هسة اجيبهة كلت هيج وصعدت بسرعة خرب على هل نسوة طلعتهة من الكنتور لبستهة بسرعة ونزلت سئلت عمتي علي كالت سبقج للسيارة سلمت عليهة وطلعت وراه شفتة راكب سيارتة ومبين ع ملامحة النزعاج وصلني للمدرسة وانطاني مصرف وكال
شاهين : هاج هذة واي شي اصير وياج دكي علي من المديرة حاط رقمي عدهة ومشاكل ورعونية ما اريد مفهوم
مرسلين : هزيت راسي بنرفزة ونزلت من سيارتة اباوع ع البنات يدخلاً للمدرسة واعيونهن علي من حلاتة ع اساس كلت هيج واني ادخل للمدرسة رحت الصفي واول مشافتني تقى سلمت علية و حظنتني وبداً يجن البنات يباركلي ع الزواج اكتفيت بكلمة شكراً وكعدت بصف تقى وكتلهة
مرسلين : بلة شطونة تحاضير
تقى بملل ؛ خير من الله واليوم عدنة امتحان شهري قارية لا
مرسلين فتحت اعيوني ع وسعهن واني اكول : لا بربج صدوك تحجين لج كولشي مقارية جاية بس بالجدول
تقى : شبيج لا تخافين امتحانا بمادة ست سلوى وانتي تعرفيهة اشلون حبابة واكيد حتأجلج يا اذا حاجيتيهة
مرسلين بسخرية : كملت اسبحة
تقى بستفهام : شنو
مرسلين : هيج يلة رايحة احجي وياهة ادعيلي اتوافق اتأجلي يا
تقى: ان شألله يعمري
مرسلين : ابتسمتلهة بتوتر ونزلت للأدراة شفتهة كاعدة هية وامل احياء قربت عليهن بتوتر واني اكول
مرسلين : صباح الخير ست
سلوى برود : صباح انور نعم تفضلي
مرسلين بهدؤ : بس ع الأمتحان عادي أجل ..
سلوى قاطعتها وهية تكول: ماكو تأجيل واذا متمتحنين اخليلج صفر
مرسلين : اباوع ع امل احياء مدري شهمستلهة خلتهة تتنرفز اكثر وهية تكول بصوت عالي
سلوى : واذا ازوجت شسويلهة خل تكعد ابيتهة وتسكت
مرسلين برود : ماشي ست شكراً كلت هيج وعفتهة وطلعت من الأدارة عرفت علتهة وين وصعدت الصفي و.......
______________
شاهين
صافن ع استكان الجاي والأول مرة احس افكاري مشتتة ومجاي تثبت ع رئي محدد زفرت انفاسي بضجر واني اشوف عمار يدخل للمكتب ويكول
عمار. : هلا والله بعريسنة اول مرة اشوف عريس يجي ثالث يوم عرسة للدوام واني الجنت فرحاً كلت منا الشهر يلة انشوف خلقتك
شاهين برود: يا تنجب يا تطلع برة
عمار ضحك وهوة يشمرلة مفاتيح الشقة ويكعد اكبالة ويكول : هاي مفاتيحك نسيتهن وما لكيت وكت مناسب حتة انطيك ياهن وطلعتهة من الشقة وحذرتهة اذا تلعب ابذيلهة شيصير بيهة
شاهين بسخرية : لازم سوتلهة شي
عمار وهوة رافع حاجبة : شحدهة المهم ما كلتلي شلونك بالزواج
شاهين برود : زين
عمار بملل: شاهينن
شاهين وعينة بالملف : همم
عمار : جنت شايل فكرت الزواج من بالك ليش ازوجت وليش هية بالذات
شاهين : ميخصك
عمار : شاهين المرة وحدة جاوبني بجدية وبلة هل حجي اني وياك اصدقاء من الطفولة وما يوم واحد ظم ع الثاني شي
شاهين رجع الملف ع المكتب وهوة يباوعلة ويكول : شتريد
عمار : ليش ازوجتهة هية بالذات
شاهين : اصدك اذا اكلك حتة انتقم
عمار : ههه لا مسويهة صديقي واعرفك
شاهين برود ؛ بس سويتهة
عمار سكت وهو يحاول يستوعب الكلام السمعة وكال : سويتهة بس مو ع مود تنتقم سويتهة ع مود شي ثاني
شاهين برود : يمكن
عمار : زين ندمان
شاهين :هههه يمكن راح تضحك اذا اكلك خايف مو ندمان
عمار زغر اعيونة وهوة يكول : هه انت وخايف لا اكيد جاي احلم ومن شنو خايف النقيب شاهين
شاهين برود : من شغلة وهسة برة
عمار : هزيت راسي بتعجب واني اطلع برة احس كلامة غريب مثل الشيفرة ما اكول غير الله اليسترنة و......
_____________
مرسلين
امتحنت امتحاني وجاوبت ع كد العرفة زين اذا طلعتلي درجة نجاح الحقيرة حتة تقى كومتهة من يمي وطول الأمتحان وهية تباوعلي بحقد اليكول بايكة رجلهة كملت هل يوم بألف يا ويلاه من التعب والحجي الي مثلل سم من ست سلوى وكم ابنبة واخذت كل التحاضير الأسبوع الفاتني من تقى الي احسهة مو طبيعية حاولت افتهم منهة اصاير بس محجت شي الحد مدك الجرس ودعتهة وطلعت من المدرسة عبالي شاهين منتظرني بس ماكو عقدت حاجبي بستغراب واني اشوف مصطفى يأشرلي من جامة سيارتة بمعنى اجي رحت ركبت ويا وكلت
مرسلين بستغراب : شعجب انت الأجيت
مصطفى ببتسامة: اسلام لله خوية وشاهين كلي اجيبج وياي لأن يتأخر اليوم بدوامه
مرسلين بأحراج : السلام عليكم واسفة منتبهت بس جنت مستغربة اشوية
مصطفى : ههه وعليكم السلام ولا يهمج خوية
مرسلين : ابتسمتلة بأريحية والتفتت ع الجامة وصلنة للبيت دخلت وشفت عمو وسام كاعدين بأصالة وكبالهم عمة سلمت عليهم وصعدت فوك غمضت اعيوني براحة واني احس برودت السبلت اول مفتحت الباب وبدلة ملابسي وغسلت ونزلت جوة ساعدت سمر بالأغدة واول مبدينة انصب سمعة صوت هورن بالباب طلع مصطفى يفتح الباب واني اباوع من شباك المطبخ دخل شاهين السيارة بالكراج ودخل للصالة اشوية وطلع منهة وصعد فوك وهوة يصيح بأسمي باوعتلي سمر بستغراب وكالت
سمر : شبيج مو يصيحلج متروحيلة
مرسلين : ها اي رايحة كلت هيج واني اغسل ايدي بالسنك واصعد فوك دخلت للصالة بس ماكو دخلة للغرفة وشفتة واكف ينزع بقميصة وهوة يكول
شاهين : حضريلي ملابسي بسرعة اريد اسبح
مرسلين : هزيت راسي بأحراج ورحت طلعتلة ملابس معقولة حشوفة بهل منظر كل يوم غمضت اعيوني بخجل واني اسد باب الخانة ورحت انطيتة ملابسة ونزلت جوة كملت صب ويا سمر ولتمينة كولنة ع الطاولة اباوع
ع وسام مكعد بنتة امنة بحظنة وسمر هم مكعدة بحظنهة ابنهم يوسف الي عمرة ميجواز السنة ونص اشكد احبهم شكلهم حلو وبريئين
كلت هيج واني ارفع راسي ع جهة ادرج ببتسامة اول مشفتة نازل اختفت ابتسامتي ودنكت راسي بسرعة ع الماعون كعد يمي وبدة يأكل اكلتلي اشكم لكمة ونسدت نفسي بس مكدريت اكوم الحد مشفت سمر كامت تغسل لأبنهة يلة كمت وياهة غسلت ايدي وهدرت الجاي ورجعنة لمينة المواعين ورة مخلصو بس مقبلت اغسل اوياهة لأن عروس جديدة وميصير فضليت كاعدة يمهة الحد متهدر الجاي صبيتلهم يا وديتة للصالة انطيت العمو والعمة واول منطيت الشاهين خزرني وهوة ياخذ الصينية من ايدي وينطيهة المصطفى حتة يكمل توزيع باوعتلة بأحراج ورجعت للمطبخ شفت سمر مكملة كولشي بس باقيلهة المسح مسحتة عنهة وصعدت فوك دخلت واني اذب شالي بخنكة ممتعودة حتة بالبيت البسة ودخلت سبحت ولبست اتراك بيتي بارد ورفعت شعري ذيل احصان واول مشغلة التلفزيون دخل شاهين مهتميتلة ورجعت كعدت ع الكرويتة
اكلب بالريمون اباوعلة دخل للغرفة دقايق وطلع وهوة شايل الابتوب مالتة وملف اسود كعد ع الكرويتة البصفي وبدة يشتغل ع الأبتوب هذة كولة واني اباوعلة من جوة الجوة اخاف ينتبه علية ورجعت التفتت ع التلفزيون اقل من ساعة وحسيت بنفسي نعست باوعلي شاهين وكال
شاهين : دخلي نامي بالغرفة
مرسلين بنعاس : لا اهواي تحاضير فايتتني لازم اكملهن
شاهين : ما راح تفتهمين شي وانتي نعسانة نامي واكعدي اقري
مرسلين : هزيت راسي بنعاس واول مردت ادخل للغرفة اندك الباب كام شاهين فتحة واني اباوعلة من ورة شفت سمر واكفة بالباب باوعتنة بأحراج وهية تكول
سمر : اسفة خوية ع الأزعاج بس اجتي امي وتريد اسلم ع مرسلين وتباركلهة
شاهين : لا خوية عادي هسة تجي وراج
مرسلين : اباوعلهة هزت راسهة ونزلت جوة باوعلي شاهين وهوة يكول
شاهين ؛ حضري نفسج
مرسلين بنعاس : بس نعسانة خلي بعد اشوية انزللهة هية اكيد تبقة لليل
شاهين : ماكو هسة نزليلهة عيب تظل منتظرتج
مرسلين : هزيت راسي بتعب ورحت لبستلي فستان زيتوني وشال بيجي باوعلي شاهين من فوك اليجاي قبل لا اطلع وهز راسة بعدم اقتناع عفتة ونزلت جوة شفت مرة تقريبن بكد عمة كاعدة وبصفهة بنيتي وحدة تقريبن بكد هدى واثانية ازغر منهة سلمت عليهن وكعدت بصف عمتي اباوع الأمهن امبينة حبابة بس بناتهة مو كولش عكس سمر تماماً واول مدخل مصفطى سلم عليهن شفت الزغيرة نطت اعيونهة بفرح وكامت سلمت علي اما الجبيرة فعينهة ع الدرج مرة ساعة كاملة ع هل وضع الحد منزل شاهين وهوة مبدل وكاشخ سلم ع خالتة الي هية اصير ام سمر وبناتهة الي عرفتة من سمر وحدة اسمهة ايه واثانية مرام ايه الجانت تباوع المصطفى ومرام الي مبينة معجبة بشاهين هذة الي انتبهت علي لمن نزل وسلم عليهن بس هوة مبين ممنطيهة وجه بحيث سلم عليهن واترخص وطلع معرف ليش بس مثل الي فرحت لمن شفتة طلع بسرعة ومبقة يمهن
وفعلاً للمغرب يلة راحن صعدت فوك بسرعة بدلة الفستان البرمودة سودة لأن طلع وتوضيت وصليت وطلعت كتبي نثرتهن بالصالة وكعدت اقرة ساعة ودكت سمر علية الباب صاحتني ع العشة كتلهة ما اشتهي وكملة اقرايتي وكل التحاضير الفاتتني وانكسر ظهري بالكتابة الحد مخلصت رفعت راسي ع الساعة بتعب واني اشوفهة صارت بالدعش ونص وشاهين ماكو رفعت حواجبي بستغراب يمكن هوة دائماً يتأخر هيج لميت كتبي وحضرت الجدول ونظفت الغرفة وعطرتهة هية وصالة لأن الصبح يمكن مالحك انضفهة جريت الكتر عن شعري بنعاس واني ارجع راسي ع الكرويتة واول مأجيت اغثة دخل شاهين للغرفة كمزت من مكاني بخوف واني اشوف اعيونة صايرات حمر دم وريحة قوية بي
عرفتة صدوك يشرب مثل مكالن نسوان عمامي اباوعلة ذب تليفون واسلاحة ومحفظتة ع الميز ودخل بسرعة للحمام غمضت اعيوني بقهر ع هل حالة الوصللهة ورحت طلعتلة ملابس حطيتهن ع الجرباية ولبست روب طويل ولفيت شالي شلون مكان ونزلت بسرعة للمطبخ دخلت وبدية ادور ع الكهوة الحد ملكيتهة بالكاونتر اجوة طلعتهة وطلعت الدلة سويتلة ياهة ع السريع وصبيتهة بكوب وصعد فوك دخلت للغرفة وشفتة كاعد ع الكرويتة ويفرك راسة بوجع قربتهة علي واني اكول بخفوت
مرسلين : تفضل اشربهة حتريحك اباوعلة ضل صافن علية الحد ما اخذ الكوب وكال بهمس
شاهين : شكراً
مرسلين : لا عادي كلت هيج واني اشوفة يشربهة ويعقج وجهة من طعمتهة حطهة ع الطاولة وهوة يكول
شاهين بقرف : شنو هااي مررة
مرسلين : احسن حتة اتريحك اباوعلة فرك وجهة ورجع يشربهة غمضت اعيوني واني اكول بسخرية
مرسلين : ريحاك
شاهين برود : منو
مرسلين فتحت اعيوني واني اكول بقهر : هل سم الدتشربة ودياكل بجسمك وبعافيتك ريحاك نساك الي عشتة كدر يخليك تكره هدى او اتبطل تحبهة
شاهين :.............
______________
تقى
كاعدة اقرة وبين دقيقة ودقيقة اصفنلي ساعة واني اذكر كلام مسلم معرف ليش بس احس اكو دافع غير الي كالة من هاي الخطوبة او ممكن فعلاً الهذة اسبب خطبني بس ردت اجذب نفسي واني احاول ادورلة مبررات مرات من كثر حبك للشخص تحاول ع اي غلط ايسوي تلاكيلة مبرر او عذر بس للأسف
هل مرة ملكيت اي دافع او مبرر ع السوا فزيت من صفنتي واني اسمع الباب يدنك صحت ادخل اباوع دخلت عمتي باوعتلي وابتسمت واجت كعدت كدامي ع الجرباية وبدة تسئلني عن دراستي وصديقاتي الحد موصلت للموضوع الجايتني ع مودة وكالت
ام مسلم : شوفي بنيتي اعرف مو وكتة وجرحج جديد ع فراك المرحومة بس الحياه متوكف ع افراك شخص و...
تقى قاطتعها وهية تكول بسخرية : حتة لو جان هل شخص امي
ام مسلم :..........
____________
اوتار
كاعدين بصالة واني احس بعيون محمد مخترقتني بس مبدية اي رد فعل فقط مدنكة ويا كرار ع الأيباد ونلعب بي رفعت راسي ع امي وبيبي الي احسهم مثل المتوترين وجدو بدة يحجي عن اخو ابو مالك وع ولدة واحفادة الحد مباوعلي ببتسامة عرفت وراهة مصيبة وهوة يكول
الجد : اوتار بوية اكيد سمعتي بنسر متقدملج
اوتار بستغرب : اي جدو سمعت وعرفت بيك رافضة
الجد : خو ما زعلتي لأن رفضتة
اوتار بأحراج : لا جدو بالعكس تعرفني مبالي فكرة الزواج بهل فترة واريد اخلص كليتي
الجد بمكر: جا خوش بوية اليوم رجع نسر وتقدملج وحتة كليتج موافق تكمليهة
اوتار : انصدمت من كلام جدو بس الصدمني اكثر رد فعل محمد وهوة ينتفض من مكانة ويعيط بصوت جهوري
محمد :..........
