رواية الضابط فهد ومريم الفصل الثالث والعشرون بقلم مجهول
مريم: اخخ ييمة ضهري
فهد: ولجج شخبلج انتي شوكت تعقلين مريم
مريم: هسة تعال كومني ضهري انخسف اجة كومني وحط مخدة ورة ضهري وكعدت
فهد: رتاحيتي مريم شوكت تبطلين تصرفات مال جهال كليلي
مريم: هسة شسويت اني هية كمزة وبلاش
فهد: هية شنو بلاش خالي غير انتي مكسرة بس ماكوو فايدة لوو يجبسونج هم تبقين ع هاي تصرفاتج
مريم: ولله عاد بكيفي انتة لمكسر لو اني
فهد: اللهم طولج ياروح
مريم: اووي شكد معقد
فهد: مريم لسانج اكدريلة خليني بضيمي
مريم: سكتت تراا انتة اجيت علية روح زعلت
فهد: انتي لوو تعرفين المشاكل الفوك راسي متنكدين علية هيج
مريم :ايي انتة لوو تحجيلي جان مانكدت عليك بس انتة معتبرني غريبة
فهد: مريم شغلل ماريد ادوخج بهلسوالف اتركي
مريم: فهد واذاا شغلل ترا ماكو فرق اريد تحجيلي كلشي صدك لادوخة ولاا شيي اسمعك للنهاية واوكف وياك
فهد: عن شنو احجيلج مريم احس نفسي غركان خايف عليكم
مريم: فهد احجي منو شنو خايف علينة شصاير
فهد: مريم تدرين احنة طلعنة علمود التهديد جنت خايف عليكم من اروح للدوام انتو تبقون وحدكم انتي وامي بس ماا اكدر اعوفكم هنااك التهديد اصلاا جاي من بغداد يعني اهل الولد من بغداد عرفو انو اني طلعتكم دزو تهديد انوب
مريم: زين فهد انتة شمسويلهم حتة يهددوك عندك عداوة وية احد
فهد: لاا مريم بس ابنهم كاتلل واحد اثناء الواجب واهلة عشاير ومشتكين علي محولي محكمة يريدوني اشهد زور وياا ب المحكمة واحلف قران انو هوة جان قتل غير متعمد دزولي طلب من المحكمة حتة اشهد مارحت بيوم المحكمة شجابرني احلف قران واهجم بيتي علمود واحد صدك مجرم انحكم 15 لائن اكو ناس شهدو وياا جذب وخففو الحكم همة يدرون ب ابنهم ادبسز وطايح حضة خلو يتربة ب السجن
مريم: يعمري شايلل كل هذا الهم وحدك ومتحجي حتة متبين ل اححد بيك شيي
فهد: ماريدكم تخافون ماخلي شي يمسكم لو ادري اضحي بنفسي
مريم: لتحجي هيج فهد نشالله محد يصيرلة شيي
فهد :نشالله عود اني باجر التحاقي
مريم: الايام تركض ركض موو
فهد: بس هناك تصير اطول من عمري
مريم: نشالله ترجع ب السلامة
فهد: يلاا نامي خبلة
مريم: هاي منو الخبلل فهد
فهد: انتي
مريم: يااااه وتكولهة بوجهي هم
فهد: نامي بنيتي
مريم: مانام روح عنيي
فهد: هم راح تنوميني ب الكاع
مريم: ايي وبدون فراش
فهد: دنامي لا انومج برة
مريم: ماحبك روح
فهد: يعني قبل ماكلج جنتي تحبيني
مريم: يعني شوية
فهد: اههخخ يكلبي يعمي حتة لوو ربع شوية قابلل
مريم: حب اصدقاء تراا
فهد: يعني لازم تجفصين بمصاريني موو كرهتيني ب الصداقة اقسم ب الحمزة
مريم: هاي شبيك ضجت مو صوجك حتة صداقة ماحبك بعد
فهد: احسن اني طالع انتي نامي
مريم: وين
فهد: عندي اتصال
مريم: وية منوو
فهد: هاا شعليج مو متحبيني نامي اريد اخابر
مريم: فهد الزمك اسويك شاورماا واكلهة بكلل برود
فهد: العنيفة مالتي
مريم: مو مالتك
فهد: چاا شنو بوية
مريم: فهد هاي شنو يعني تخوني
فهد: ايي
مريم: جذب انتة كلت ماحب الخيانة وانتة كد كلمتك لحالك
فهد: هسة اجي بوية يم علي
مريم: تمام اني راح انام تعبانة كللش
فهد: نوم العافية يبعدهاا
مريم: راح فهد واني بس حطيت راسي نمت من التعب ولعلاج ينوم هم كعدت الصبح ع صوت ب الغرفة لكيتة فهد كاعد يحضر ملابسة جانت الساعة 7 وشوية
فهد: صباح الخير اسف كعدتج
مريم: صباح النور لاا عاادي متريك
فهد: لاا ولله
مريم: تمام كايمة اسويلك
فهد: لاا اكعدي اني اسوي هنة جايات
مريم: لاا اسكت اني اسوي
فهد: يلاا بوية انتي سوي
مريم: كمت غسلت ونزلت جوة نايمين كلهم حضرت الريوك وحطيتة ع الميز ب المطبخ جبت كراسي ثنين وصحت فهد اجة كعد
فهد: الله سديتي نفسي من الدوام اريد اتغدة من ايدج
مريم: من تجي نشالله
فهد: نشالله يلاا مدي ايدج
مريم: ماشتهي اكل انتة
فهد: شكلت
مريم: تمام شكد عنودي لخاطر الله
فهد: سمعتج
مريم: علساس خايفة
فهد: غصباعنج
مريم: اكل راح تتاخر كمل فهد راح بدل ياخي شكد ححلو من يلبس الزي مالتة بهذا الوقت اتمنى كل العيون تنعمي كمل وجاب جنطتة ورحت سلمت علي راد يطلع كلتلة
ديربالك ع نفسك #ڪــڔٰا̍ڕ
فهد: وانتي هم لضلين تكمزين جنج قرد
مريم: اني قرد موو ماشي فهد روح طلع وسديت الباب بكل قوتي وطبيت اني اعلمك فهد صعدت فوك سبحت وعزلت الغرفة صارت الساعة ب 10 نزلت لكيتهم كاعدين
صباح الخير
الكل / صباح النور
سعاد: يمة لعد وين فهد
مريم: خالة اليوم الالتحاق مالتة راح
سعاد: ياا يمة شو مادري
مريم: ماكعدناج كلنة خطية خليهة تكمل نومتهة
سعاد: ديالله تعاي اكلي يمة
مريم: لاا خالة تريكت وية فهد الصبح
افراح: اهاا مو اكول منو هجم البيت الصبح عبالي هجوم
مويم: سكتت ماحجيت ماريد اكبر راسهة الحقيرة بكلشي حاشرة خشمهة اباوع الزينب عيونهة مورمة وذبلانة شلون وياهاا هاي اخذتهة للغرفة وقفلت الباب
زينب شكاعد اسوين بنفسج انتي
زينب: مريم اليوم اليوم الحفلة مال خطوبتة شلون وزهراء تريدني اجي شلون اشوفة واكف وياهاا وهية شلون اشوفهة واكفة ب المكان الي حلمت بي
مريم: ماجان المفروض يصير هيج ابد تدرين ب الحب من طرف واحد شيسوي موو حتة لوو ماجربتي قبل لتحبي بس هوة من اسمة يقهر زينب
زينب: خلص اني لازم اصير قوية وراح اروح بس اريدج وياي
مريم: بس فهد شلون وهوة مانعني ماطلع
زينب: حاولي تقنعي ماكدر وحدي
مريم :نشالله كلبي هسة اخابرة مسحي دموعج حيوانة خلصن
زينب: تمام ماريد اضحك روحي
مريم: صعدت فوك راسلت فهد
مريم: 💬 فهودي
رد ورة نص ساعة
فهد: 💬 خير نشالله احجي من الاخير
مريم: 💬حبيبي عادي اطلب طلب
فهد: 💬اي شنو بالله
مريم:💬 لازم اطلع حباب وماروح لغير مكان جيرانكم احمد الي اليوم المهر مالتة حباب
فهد: 💬مريم اني موحجيتلج الوضع
مريم: 💬 وربي ماريد اروح ولاا ابالي اصلاا بس شغلة ضرورية وشخص محتاجني
فهد: 💬مريم مطولين وخلي همام يوصلكم
مريم: 💬يااي شكرا شكراا ياا احلاا بيست
فهد: 💬شلكيتي حضي اني روحي بوية لتقهريني تالي عمري اصير بيست مرتي
مريم:💬 ياا وذاا شبيك تتحسس من هلكلمة عابت يلاا بااي
فهد: 💬 وين بااي تعااي لبس تلبسين نفس متلبسين من تطلعين وياي المكياج اريدة مثلل لون وجهج موو تصبغين وجهج بوية الشال مينزل عن راسج تمام
مريم:💬 شوف تذكر الفستان الخليجي الشترينااه سوة ب الجهاز وجنت لاول مرة تحط نفسك وتباوع ع شيي راح البسة ولمكياج ترا تدري اني ماحط طوخ وشعندي اذب الشال واركص ابن عمي ابن خالي
فهد:💬 عفية حبيبي يلاا روحي عندي شغلل فوك راسي
مريم: 💬 الله يساعدك بااي وحطيت قلب وياهاا وسديت التلفون نزلت ع زينب طبيت لكيتهة ع نفس وضعهاا راح تخبلني ولله.
زينب: بشري
مريم: قبلل
زينب: الحمدلله وهسة تعاي كليلي شلبس
مريم: رحنة ع كنتورهة لكيت عدهة فستان تسعين كللش ححلو لون وردي فاتح من يم الصدر مخصر ومن جوة الخصر كلوش وتول ناعم يعني ناازك بشكلل ضلينة نحضر ومخبوصين وشهد هم تروح ويانة للضهر بلشنة لبسنة وحطيت مكياج للبنات والي لفيت الشال خليجي طبعاا اني انسانة اعشق شي اسمة ستايلل خليجي حتة مكياجي هيج
زينب: وهسة رايحة لخبطة الانسان الحبيتة الانسان الي اني سنة ونص اراقبة وتمنى اضلل اباوع بوجهة الانسان الي بنيت احلامي وياا ادري تصرفي غلط ماجان لازم ابني احلامي وية شخص ماجنت ادري بي يحبني او لاا بس شدخلني كلبي هوة الي حبة كلبي السبب مادري شلون راح اتحمل الموقف شلون راح اتحمل اشوفة واكف وياهاا ومبتسم وفرحان ياارب صبرني ماريد دموعي تخوني
مريم: كملنة موو
شهد: ايي خلص مابقة شي شنحط انوب
مريم: فهد كال خلو همام يوصلكم
شهد :وينة همام امشو نشوفة
طلعنة لكيناهم كاعدين ب الصالة افراح ضلت فاكة حلكهة وتباوع متدري الضاهر
سعاد: يمة صلاوات عين الباردة عليجن
سميرة: يمة منو راح يوصلكم
مريم: خالة همام يوصلنة
همام: شنو ليش اني مندوب
مريم: هاا همام حتة ازوجك رايحة اشوفلك عروس
همام: يلاا ماضلل وكت موصارلي ساعة انتضركم
مريم: عزااا شوفوو شلون كلب 180 درجة
همام: تراا ابطل امشو احسن
زينب: همام مالي خلكك سد حلكك تراا دايخين امشي بدون حجي زايد
همام: همزين سمعنة صوتج يمعودة شهلغيبة مشتاقين
مريم: اي خطية كاعد تدرس للسادس اكيد مكتئبة
زينب: ايي ولله كللش روحي تعبانة
همام: الله يساعدج خية ولله مادري شكلج بس هوة حتة لوو ساعدج هم مراح تنجحين
زينب: هماااامم امشي عن وجهييي هوة اصلاا ادري اني ايشي اريدة ميصيرلي لحد يذكرني ادري
همام: هاا بوية ولله اسف مادري هيج راح تتحسسين من الموضوع
مريم: زينب تهسترت نفسيتهة كللش تعبانة تعرفون هلشخص الي تعبانة نفسيتة وبس يريد يبجي بحيث اي كلمة تغثة وتبجي زينب هيج طلعت حركتهة بهمام صارت تبجي وتعيط اجة همام وحضنهة طبعاا همام كللش حنين عليهة عبالك اصدقاء سكتت وهدئت طلعنة وطبعاا ماطلعنة بدون سم افراح بس من اليوم كلت اتجاهلهة تتعب وتسكت طول الطريق وزينب صافنة ع الجامة يكول رايحين العزة وصلنة طبعاا بيت العروس نص ساعة يلاا وصلنة لائن اكيد الحفلة هناك لازم تصير طبينة سلمنة ع ام احمد وزهراء بس هذولة نعرفهم اباوع الزينب عيونهة غوركت
مريم: لاا زينب لاا لتخربيهة صيري قوية ديربالج تضعفين اضحكي
زينب: مريم اريد ارجع حبابة ماتحملل بعد رجعيني للبيت
مريم: موهسة زينب موهسة لازم تواجهين الواقع انتي قوية ماعرفتج هيج اني
زينب: ولجج قوية شنو راح فرحة عمري اخذو منيي ولله محد يحبة نفسي ولله اريدة ماتحمل ياخذو مني كدام عيني
مريم: نزلت دموعي عليهة اخذتهة ع صفحة بعيد عن الناس وحضنتهة
زنوبة حبيبي هاهية مسحي دموعج يلاا وصيري قوية لخاطر نفسج مو لخاطر احد يلاا لتخلين احد يشمت بيج لو يحس عليج يلاا حياتي هدئت زينب وعدلت مكياجهة وطلعنة ونكلبت الهلاهل طبت العروس وزينب تباوعلهة بس ابد ماا باوعت بحقد لاا نضراتهة ذبلانة وتعبانة كللش طب وراهاا احمد وكف يمهة وزينب لزمت ايدي حييل
مريم: زينب اضحكي
زينب: ماكدر مريم الله يخليج كلبي ملجوم احترك كلبي طلعيني مناا
مريم: هسة دقايق انتضري
زينب: شتريديني اشوف اكثرر
مريم: زينب شوفي الهوسة وين اطلعج هسة انتضري بس خلي يخفون شوية
زينب: تمام ،اباوعلة واكف يمهة وهية ماشالله حلوة عرف يختار مبين فرحان حييل جابو الحلقات ولبسهة وهية هم لبستة باسهة من راسهة وهناا تمنيت نفسي ميتة ولاا شايفة هلموقف كدامي طلعت برة حتة النسوان دفعتهن اختنكت شفت زهراء طلعت وراي هية ومريم
زهراء: زينب شبيج شصاير
زينب: شصاير كلة منج كلة بسببج لييش ماكلتيلي لييش الله ياخذكم كلكم
مريم: زهراء اعذريهة نفسيتهة تعبانة عدهة مشاكلل
زهراء: عادي عمري مصار شي
مريم: شهد اخذت زينب ع صفحة وخابرت همام كال اني برة سوة طريق وطلعنة صعدت ونفس الحالة تباوع ع الجامة وبس دموعهاا تنزلل وصلنة للبيت نزلنة طبت زينب كبل الغرفتهة اني سلمت كعدت شوية يمهم اترخصت ورحت ع زينب لكيتهة سابحة كلتلهة مبينة احسن
زينب: احسن شنوو بعد الشفتة
مريم: هذا الواقع لازم تقبلين بي
زينب: ماريد اقبلل شيي ماريد مريم بس اكول نشالله تسعدة ومتعبة بحياتة والله يديمهم وربي محاقدة عليهة ابد بس اتمنى تحبة اكثرر منيي
مريم: نشالله يعمري وهوة لو مكتوبلج جان صار الج صدكي الله يحب عبده ويحب الشي الزين اله ودوم يودي ع طرييق الصح مع انو هوه غافل بس ونبي هذا الشي خير الج ونشاء الله تلكين الافضل وع كولتههم لو كان خير لبقى
زينب: اهخخخ ع هلشعور ماتمنى لعدوي
مريم:وداعتج تتخطين ويجيج الاحسن
زينب: ماكدر اتخطى نص عمري راح ويا 💔،
مريم: فترة صعبة وتعدي
زينب: الفترة هااي كسرتني وزعلتني واخذت مني اكثر عمري واحلامي زعلتني هوااي تعبت اقاومهاا ماكدر
اتبكين على حب قد مضى؟
ولو كان يحبك لبقى
افيقي قليلآ ايتها الجميله
هل سمعتي بميت قد اتى؟
مريم: بعد حوار طويل نامت زينب طلعت اساعدهم وسوينة عشة تعشينة وسوينة جااي ولمواعين اني وشهد غسلناهن هذيج العوبة حاطة التلفون وكاعدة وجه الطاوة وتتفيك كملنة شربنة جاي وطبعاا زينب طلعت واكلت ويانة حسيتهة احسن بعد ما حجيت وياهاا صعدت فوك اخذت تلفوني لكيت مكالمات من فهد ورسائلل
فهد: 💬 مريوم اني رايح واجب ع الحدود وراح اقفلل تلفوني ماكدر اتصلل عليج لتخافون ولتكولين الامي اذا كالت ليش ميرد كليلهة ماخذين تلفونات لو دبريهة المهم متعرف دربالج عليهة وع نفسج اخذي علاجج ب الوقت (احبج مريمي) .
مريم: كملت الرسالة واني اشهك من البجي حسيت غصة بكلبي لائن مارديت علي وهاي اخر رسالة منة راح اشوفهة لهذاا السبب كالي احبج فهد يحبني ايي مثلل ماا اني احبة ياا اللهي لتحرمني منة بعدني هسة يلاا عرفت يحبني رجعلياا سالم ومابي شي ضليت طولل اليل كاعدة مانزلت صارت الساعة 2 الفجر طبت زينب تبجي اني هناا اذا تلزموني متلكون قطرة دم بية ....
