رواية الرجل الاخر الفصل الثالث والعشرون بقلم جوهرة
ﻻ ﺗﻜﻮﻧﻲ ﻋﺼﺒﻴﺔ !!
ﻟﻦ ﺗﺜﻴﺮﻳﻨﻲ ﺑﺘﻠﻚ ﺍﻟﻜﻠﻤﺎﺕ ﺍﻟﺒﺮﺑﺮﻳﺔ
ﻧﺎﻗﺸﻴﻨﻲ ﺑﻬﺪﻭﺀ ﻭ ﺭﻭﻳﺔ
🌷🌷🌷🌷🌷🌷
******
ﺍﻡ ﻧﺸﻮﺍﻥ ﺳﻮﺕ ﻏﺪﺍ ﻟﻴﻮﻡ ﺍﻟﺴﺒﻌﺔ ﻭﺟﺎﻧﺖ ﻋﺎﺯﻣﺔ ﺻﺪﻳﻘﺎﺗﻬﺎ ﻭﻛﺮﺍﻳﺒﻬﺎ ﻭﺍﻟﺠﻴﺮﺍﻥ ﻣﻤﺨﻠﻴﻪ ﻣﻤﺴﻮﻳﻪ ﺍﻟﻜﺒﺐ
ﻭﺍﻟﺪﻭﻟﻤﻪ ﻭﺍﻟﺘﻤﻦ ﺑﺤﺸﻮﺓ ﺍﻟﺒﺮﻳﺎﻧﻲ ﻭﺍﻟﻠﺤﻢ ﻭﺍﻟﻤﻘﺒﻼﺕ
ﺟﺎﻧﺖ ﺍﺧﺘﻬﺎ ﺍﻡ ﺭﺣﺎﺏ ﺍﻳﺪﻫﺎ ﻭﺑﺎﻫﺎ ﻭﻧﻮﺭﺓ ﺣﺘﻰ ﻣﻼﺫ
ﺳﺎﻋﺪﺗﻬﻦ ﺭﻏﻢ ﻣﻮ ﺫﺍﻙ ﺍﻟﺰﻭﺩ ﺑﺎﻟﻄﺒﺦ ﺗﻌﺮﻑ ﺑﺲ ﺷﻐﻼﺕ ﺟﺒﻴﺮﺓ ﻣﻮ ﻫﻠﻜﺪ .. ﺍﻋﺘﺮﺿﺖ ﻣﺎﺟﺪﻩ ﺍﺗﻜﻠﻬﺎ
ﺍﻧﺘﻲ ﻋﺮﻭﺱ ﻣﻴﺼﻴﺮ ﻭﺭﺍ ﺍﻟﺴﺒﻌﻪ ﺍﺷﺘﻐﻠﻲ ﺑﺲ ﻣﻼﺫ
ﻣﻘﺒﻠﺖ ﻻﻥ ﺷﺎﻓﺘﻬﻦ ﻣﺨﺒﻮﺻﺎﺕ ﻗﺒﻞ ﺑﻴﻮﻡ .
ﻓﻜﻌﺪﻥ ﺑﺎﻟﻤﻄﺒﺦ ﻓﺮﺷﻦ ﺳﻔﺮﺓ ﺑﺎﻟﻜﺎﻉ ﻓﺮﺍﺵ ﺍﻟﺒﻴﺖ ﺷﺎﻟﺘﻪ ﻧﻬﺎﻳﻪ ﻧﻴﺴﺎﻥ ﻭﺍﻟﺠﻮ ﻳﺨﺒﻞ ﺣﻠﻮ .
ﺍﻡ ﺭﺣﺎﺏ ﺗﻠﻒ ﺩﻭﻟﻤﻪ ﻭﻋﻴﻨﻬﺎ ﻋﻠﻰ ﻣﻼﺫ ﺍﻟﺠﺎﻧﺖ ﻣﻨﺪﻣﺠﻪ ﺗﺸﺘﻐﻞ ﻭﻳﺎﻫﻦ ﻭﻧﻈﺮﺍﺗﻬﺎ ﺍﻋﺠﺎﺏ ﺗﺸﻮﻓﻬﺎ
ﺣﻠﻮﺓ ﻭﻧﺎﺯﻛﻪ ﻳﺴﺘﺎﻫﻞ ﻧﺸﻮﺍﻥ ﻫﻴﺞ ﺑﻨﻴﺔ .
ﻧﺸﻮﺍﻥ ﻳﻔﺘﺮ ﺑﺎﻟﺒﻴﺖ ﻭﻛﻞ ﺷﻮﻱ ﺩﺍﺧﻞ ﻟﻠﻤﻄﺒﺦ ﻋﻴﻨﻪ ﻋﻠﻰ ﻣﻼﺫ ﻳﺸﻮﻓﻬﺎ ﺗﺸﺘﻐﻞ ﺧﺎﺑﺼﺔ ﺭﻭﺣﻬﺎ ﺍﺷﺮﻟﻬﺎ
ﺑﺮﺍﺳﻪ ﻣﻦ ﺷﺎﻓﻬﺎ ﺭﻓﻌﺖ ﻋﻴﻨﻬﺎ ﻋﻠﻴﻪ ﺟﺎﻥ ﺗﻌﻀﻠﻪ
ﺷﻔﺘﻬﺎ ﻣﺴﺘﺤﻴﺔ ﻭﺭﺟﻌﺖ ﺩﻧﻜﺖ ﺗﺤﺸﻲ ﺑﺸﺠﺮﺍﻳﺔ ﺻﻐﻴﺮﺓ ﺑﻴﺪﻫﺎ .
_ ﻳﻤﻪ ﺍﺷﻮﻓﺞ ﻣﺸﻐﻠﻪ ﺍﻟﻌﺮﻭﺱ .
ﺭﺩﺗﻠﻪ ﻭﻫﻲ ﻣﺪﻧﻜﻪ ﻋﺎﻟﺠﺪﺭ ﺗﺤﻂ ﻭﺗﺮﺗﺐ .. ﻭﺍﻟﻠﻪ ﻣﺎﻣﺎ
ﻣﺎ ﺍﺩﺭﻱ ﺑﻴﻚ ﻫﻠﻜﺪ ﻣﺸﺘﺎﻗﻠﻬﺎ .. ﻛﻮﻣﻲ ﺣﺒﻴﺒﺘﻲ ﻛﻤﻠﻨﺎ
ﺭﻭﺣﻲ ﻟﺮﺟﻠﺞ ﻣﺘﺸﻮﻓﻴﻨﻪ ﺭﺟﻠﻴﻪ ﻃﺎﺣﻦ ﺭﺍﻳﺢ ﺭﺍﺩ ﻭﻋﻴﻨﻪ ﻋﻠﻴﺞ .
_ ﻫﻬﻬﻬﻬﻬﻬﻬﻬﻪ ﻓﺪﻭﻩ ﻷﻣﻲ ﺍﻟﺤﻠﻮﺓ ﺍﻟﻔﺎﻫﻤﻪ ﺍﺑﻨﻬﺎ .
ﻣﻼﺫ ﺍﺳﺘﺤﺖ ﺣﻴﻞ ﻭﻣﺎ ﺭﻓﻌﺖ ﺭﺍﺳﻬﺎ .
_ ﺻﺪﻙ ﻳﻮﻭﻡ ﺍﺣﺴﺒﻲ ﺣﺴﺎﺑﻨﺎ ﺑﺎﺟﺮ ﻏﺪﺍﻧﺎ ﺍﺑﺴﺘﺎﻥ ﻓﺎﺭﺱ ﻭﺍﻧﺘﻮﺍ ﺍﺧﺬﻭﺍ ﺭﺍﺣﺘﻜﻢ ﺑﺎﻟﺒﻴﺖ .
_ ﺣﺒﻴﺒﻲ ﺍﻻﻛﻞ ﺧﻴﺮ ﻣﻦ ﺍﻟﻠﻪ ﺑﺴﻴﻄﻪ ﻫﺎﻱ ﺍﺧﻠﻴﻠﻜﻢ ﺑﺤﺎﻓﻀﺎﺕ .
_ ﺍﻱ ﺍﺣﺴﻦ ﻓﺎﺭﺱ ﻣﺎﻗﺒﻞ ﻳﻜﻮﻝ ﻧﺎﺧﺬ ﻣﻦ ﺍﻟﻤﻄﻌﻢ .
ﺍﻋﺘﺮﺿﺖ ﺍﻣﻪ .. ﻻ ﻣﺎﻣﺎ ﺷﻨﻮ ﻫﺎﻟﺤﺠﻲ ﻋﻴﺐ ﻟﻌﺪ ﺍﻟﻤﻦ
ﻣﺴﻮﻳﻨﻪ ﻫﺎﻻﻛﻞ ﺧﻴﺮﺍﺕ ﻣﻦ ﺍﻟﻠﻪ .
ﺍﻟﺘﻔﺖ ﻋﻠﻰ ﻣﻼﺫ .. ﻫﺎﺍﺍﺍ ﻣﺘﻜﻮﻣﻴﻦ ﻋﺎﺩ .
ﻧﻮﺭﺓ ﻣﺪﻧﻜﻪ ﻭﺗﻀﺤﻚ ﺟﺎﻥ ﺍﺩﻏﻬﺎ ﺑﺨﺎﺻﺮﺗﻬﺎ .. ﻛﻮﻣﻲ ﺷﺒﻴﺞ .
ﻛﺎﻣﺖ ﻣﻴﺘﻪ ﺧﺠﻞ ﻳﺮﺑﻲ ﺷﻜﺪ ﻋﻴﺐ ﻫﺴﺔ ﺷﻴﻜﻮﻟﻮﻥ
ﻳﺮﻳﺪ ﻳﻨﺎﻡ ﻭﻳﺎﻫﺎ .
ﻏﺴﻠﺖ ﺍﻳﺪﻳﻬﺎ ﻋﺎﻟﺴﻨﻚ ﻭﻓﺎﺗﺖ .
_ ﻣﺸﻜﻮﺭﺓ ﻳﻤﻪ ﻫﻬﻬﻬﻬﻬﻪ
ﺭﻓﻌﺖ ﺭﺍﺳﻬﺎ ﻭﻏﻤﺰﺗﻠﻪ .. ﺍﺩﻟﻞ ﻳﻌﻴﻮﻧﻲ .
ﺑﺎﻟﻐﺮﻓﻪ ﺩﺧﻞ ﻭﺭﺍﻫﺎ ﺷﺎﻓﻬﺎ ﺟﺎﻱ ﺍﻃﻠﻊ ﻣﻼﺑﺲ ﺣﺼﺮﻫﺎ
ﻳﻢ ﺍﻟﻜﻨﺘﻮﺭ .. ﺗﺎﻟﻲ ﻭﻳﺎﺝ ﻣﻦ ﺍﻟﺼﺒﺢ ﻫﺎﻣﻠﺘﻨﻲ ﻭﻫﺴﺔ ﺍﻟﻌﺼﺮ .
ﻣﻨﻄﻴﺘﻪ ﻇﻬﺮﻫﺎ ﻭﺑﻴﺪﻫﺎ ﺩﺷﺪﺍﺷﺘﻬﺎ ﻭﺍﻟﻤﻨﺸﻔﻪ .. ﻧﺸﻮﺍﻥ
ﻭﺍﻟﻠﻪ ﺧﺠﻠﺖ ﺷﻨﻮ ﻫﻴﺞ ﺗﺤﺠﻲ ﻛﺪﺍﻣﻬﻦ .
ﺣﻀﻨﻬﺎ ﻭﺟﺮﻫﺎ ﻋﻠﻴﻪ ﻭﺧﻼ ﺭﺍﺳﻪ ﺑﺮﻛﺒﺘﻬﺎ ﺷﻤﻬﺎ ﺑﻘﻮﺓ ﻭﺑﺎﺳﻬﺎ ..
ﺍﻋﺘﺮﺿﺖ ﺿﺎﻳﺠﻪ .. ﺍﺟﺎﻱ ﺗﺸﺘﻢ ﻛﻮﻟﻨﻲ ﺭﻳﺤﻪ ﻃﺒﺦ .
ﻧﺸﻮﺍﻥ ﻣﻤﻬﺘﻢ ﻟﺤﺠﻴﻬﺎ ﻭﻳﺒﻮﺱ ﺑﻴﻬﺎ .. ﺟﺬﺍﺑﺔ ﺭﻳﺤﺘﺞ ﻃﻴﺒﻪ .
ﺣﺎﻭﻟﺖ ﺗﺪﻓﻌﻪ ﻣﺘﻜﺪﺭﻟﻪ ﻗﺎﻓﻠﻬﺎ ﺑﺤﻀﻨﻪ ..
ﺷﺎﻭﺭﻫﺎ ﻓﻜﺖ ﻋﻴﻨﻬﺎ ﻭﺭﺟﻌﺖ ﻋﻀﺖ ﺷﻔﺘﻬﺎ ﺗﺪﺭﻱ ﺑﻲ
ﻣﻦ ﻳﺮﻳﺪ ﺷﻲ ﺍﻻ ﻳﺎﺧﺬﻩ .
...........
ﻳﻼ ﻭﻳﻨﺞ ﻣﻮ ﺟﺎﻱ ﺍﺣﺠﻲ ﻭﻳﺎﺝ ... ﻋﺎﻁ ﺑﻴﻬﺎ ﻣﻦ ﺷﺎﻓﻬﺎ
ﻣﻤﻬﺘﻤﺔ ﻟﻠﺮﻭﺣﻪ ﺍﻡ ﻧﺸﻮﺍﻥ ﺑﻨﻔﺴﻬﺎ ﺧﺎﺑﺮﺗﻪ ﺍﻛﺪﺕ ﻋﻠﻴﻪ
ﻳﺠﻴﺐ ﺩﻳﻤﺎ ﻭﻫﺎﻱ ﺍﻡ ﺭﺍﺱ ﺍﻟﻴﺎﺑﺲ ﻣﻌﺎﻧﺪﻩ .
ﻗﺒﻞ ﻳﻮﻣﻴﻦ ﺣﺴﻬﺎ ﻻﻧﺖ ﺷﻮﻱ ﻣﻦ ﺗﻤﺮﺽ ﻋﺒﻮﺩﻱ
ﺑﺲ ﺟﺎﻥ ﻏﻠﻄﺎﻥ ﺑﻌﺪﻫﺎ ﻛﺎﻟﺒﻪ ﺍﻟﺨﻠﻘﺔ ﻭﻣﺎﺩﻩ ﺍﻟﺒﻮﺯ .
ﻳﺎ ﻋﻤﻲ ﺷﺴﻮﻳﻠﺞ ﻭﺍﻟﻠﻪ ﻛﻠﺒﻲ ﻣﺠﺎﻱ ﻳﻨﻄﻴﻨﻲ ﺍﻗﻬﺮﻫﺎ .
ﺗﻘﺮﺏ ﻋﻠﻴﻬﺎ ﻭﺟﺮﻫﺎ ﻣﻦ ﺫﺭﺍﻋﻬﺎ ﺣﺠﻰ ﺑﻌﺼﺒﻴﻪ .. ﺍﻟﻤﺮﺓ
ﺍﺗﺼﻠﺖ ﻭﻋﺰﻣﺖ ﺷﻨﻮ ﻣﻌﻨﺎﻫﺎ ﻫﺎﻱ ﺍﻟﺘﺼﺮﻓﺎﺕ ﺍﻣﺸﻲ
ﺑﺪﻟﻲ ﺣﺘﻰ ﺍﻭﺩﻳﺞ . ﺩﺧﻠﺖ ﻟﻠﻐﺮﻓﻪ ﻭﺍﺧﺬﺕ ﻋﺒﻮﺩﻱ
ﺷﻮﻱ ﻭﻃﻠﻌﻠﻪ ﻣﺒﺪﻝ ﻗﻤﻴﺺ ﺳﻤﺎﺋﻲ ﻭﺑﻨﻄﺮﻭﻥ ﻛﺎﺑﻮﻱ
ﺍﺯﺭﻙ ﻭﺣﺎﻃﺘﻠﻪ ﻓﻴﻮﻧﻜﻪ ﺣﻤﺮﺍ ﻃﺎﻟﻊ ﻳﺠﻨﻦ .
ﻣﻦ ﺷﺎﻓﻪ ﻓﺎﺭﺱ ﺍﺗﺨﺒﻞ ﻋﻠﻴﻪ ﺷﺎﻟﻪ ﻳﺒﻮﺱ ﺑﻲ .. ﺍﻓﻔﻔﻒ
ﻳﻬﺎﻟﺮﻳﺤﻪ ﺍﺧﺮﺭﺭﺏ ﻋﻠﻴﻬﺎ ﻳﺒﻮﺱ ﺑﻲ ﻭﻋﺒﺪﺍﻟﻠﻪ ﺧﺮﺑﺎﻥ
ﺿﺤﻚ .. ﻫﺎﻱ ﻣﺎﻣﺎ ﺧﻠﺘﻪ ﺍﻟﻌﻄﺮ ﺍﻟﻴﻮﻡ ﺍﻛﻠﻚ ﻫﻤﻤﻤﻴﻪ
ﻣﺨﻠﻲ ﺭﺍﺳﻪ ﺑﺼﺪﺭ ﻋﺒﻮﺩﻱ ﻭﻋﺒﻮﺩﻱ ﻳﺠﺮ ﺑﺸﻌﺮﻩ ﻭﻳﻀﺤﻚ .
ﺭﻓﻊ ﺭﺍﺳﻪ ﻣﻦ ﺣﺲ ﻋﻠﻴﻬﺎ ﺻﻮﺕ ﺣﺬﺍﺋﻬﺎ ﻳﻄﻚ ﺑﺎﻻﺭﺿﻴﺔ .
ﺑﻠﻊ ﺭﻳﻚ ﻳﺮﺑﻲ ﺷﻠﻮﻥ ﺑﻴﻪ ﺭﺍﺡ ﺗﻤﻮﺗﻨﻲ ﻫﺎﻟﻤﺮﺓ ﻛﻠﺒﻪ ﻳﺪﻙ
ﺑﻘﻮﺓ ﻃﺎﻟﻌﻪ ﺍﺟﻨﻦ ﻻﺑﺴﻪ ﻧﻔﻨﻮﻑ ﺻﻴﻔﻲ ﺍﺳﻮﺩ ﻭﺑﻮﺭﺩ ﺍﺣﻤﺮ ﺛﻼﺙ ﺍﺭﺑﺎﻉ ﻭﺭﺟﻠﻴﻬﺎ ﺑﻴﺎﺿﻬﻦ ﻳﻤﻮﺕ ﻭﺷﺎﻟﻬﺎ ﺍﺣﻤﺮ
ﻭﻣﻜﻴﺎﺝ ﻣﺮﺗﺐ .. ﺍﻧﺴﻄﺮ ﻭﺩﺍﺥ ﺑﻴﻬﺎ ﻳﺪﺭﻱ ﺑﻴﻬﺎ ﻣﺘﻌﻤﺪﺓ
ﺗﺮﻳﺪ ﺗﻘﻬﺮﻫﺎ ﻫﻲ ﻣﺘﺨﻠﻲ ﻣﻜﻴﺎﺟﻬﺎ ﺩﺍﺋﻤﺎ ﺑﺴﻴﻂ ﺑﺲ
ﺷﺎﻳﻔﻬﺎ ﺗﺘﻜﺤﻞ ﺩﻭﻡ ..
ﻧﺰﻝ ﻋﺒﻮﺩﻱ ﺍﻟﺮﺍﺡ ﻳﺮﻛﺾ ﻭﺟﻠﺐ ﺑﺮﺟﻞ ﺍﻣﻪ ﺣﻴﺎﻝ ﻳﺪﺭﻱ ﺑﻴﻬﺎ ﻃﻠﻌﻪ .
ﺗﻘﺮﺏ ﻋﻠﻴﻬﺎ ﻭﺍﻧﻔﺎﺳﻪ ﺿﺮﺑﺖ ﺧﺪﻫﺎ .. ﺍﻗﻬﺮﻳﻨﻲ ﺍﻗﻬﺮﻳﻨﻲ
ﺟﺮ ﺣﺼﺮﺓ ﻭﺫﺑﻬﺎ ﻭﺑﻘﺖ ﻋﻴﻨﻪ ﺑﻌﻴﻨﻬﺎ ﺧﺎﺯﺭﺗﻪ ﻭﻋﻴﻮﻧﻬﺎ
ﺑﺎﻟﻜﺤﻞ ﻭﺳﺎﻉ ﺑﺎﺭﺯﺍﺕ ﻣﻮﺗﺘﻪ ﻭﻫﻮ ﻣﻮ ﺍﻟﻲ ﻳﻔﻮﺕ ﻓﺮﺻﺘﻪ ﺍﺑﺪ ﺳﺤﺒﻬﺎ ﺍﻳﺪﻩ ﻋﻠﻰ ﺭﻛﺒﺘﻬﺎ ﻣﻦ ﻭﺭﺍ ﻭﻟﺜﻢ ﺷﻔﺘﻬﺎ ﻟﺜﻤﺔ ﻗﻬﺮ ﻟﺜﻤﺔ ﻣﺤﺮﻭﻡ ﻭﺍﻟﻠﻪ ﻓﺮﺟﻬﺎ ﻋﻠﻴﻪ
ﺍﺧﺘﻨﻜﺖ ﺗﻄﻠﺐ ﺍﻟﻬﻮﺍ ﻣﻌﺎﻓﻬﺎ ﺍﻻ ﺣﺴﻬﺎ ﺑﺎﺩﻟﺘﻪ ﻳﻼ ﻫﺪﻫﺎ
ﻓﺎﻛﻪ ﻋﻴﻮﻧﻬﺎ ﻭﺷﻔﺘﻬﺎ ﺍﻟﻔﻮﻙ ﻣﻮﺭﻣﻪ .
ﻋﺎﻓﻬﺎ ﻭﻓﺎﺕ ﻟﻠﺤﻤﺎﻡ ﻻﻥ ﺑﻌﺪ ﻣﻴﺘﺤﻤﻞ ﺩﺧﻞ ﺳﺒﺢ
ﻭﻫﻲ ﺭﺍﺣﺖ ﻟﻠﻐﺮﻓﻪ ﺗﻌﺪﻝ ﺭﻭﺣﻬﺎ ﻭﺗﺮﺗﺐ ﻣﻜﻴﺎﺟﻬﺎ ﻻﻥ ﺍﻟﺤﻤﺮﺓ ﺍﻧﻤﺴﺤﺖ ﻭﻟﻄﺨﺘﻬﺎ .
ﻣﺘﻨﻜﺮ ﺗﺄﺛﻴﺮﻩ ﻋﻠﻴﻬﺎ ﺧﺎﺻﻪ ﻫﺎﻟﻔﺘﺮﺓ ﻭﺑﻌﺪ ﻣﺎﺣﻤﻠﺖ ﻣﻨﻪ
ﺭﻭﺣﻬﺎ ﻻﻳﺒﻪ ﻋﻠﻴﻪ ﺑﺲ ﻻﺯﻡ ﺗﺤﻄﻠﻪ ﺣﺪ ﺣﺘﻰ ﻻﻳﻔﻜﺮ
ﻳﺠﺎﻭﺯ ﻋﻠﻴﻬﺎ ﻣﺴﺘﻘﺒﻼ ﺍﻟﺤﻴﺎﻩ ﺻﻌﺒﻪ ﺷﻤﺪﺭﻳﻬﺎ ﺷﻀﺎﻣﺘﻠﻬﺎ ﻣﺮﺍﺕ ﺗﻨﻘﻬﺮ ﻋﻠﻴﻪ ﻣﻦ ﺗﺸﻮﻓﻪ ﻳﻠﻮﺏ ﻋﻠﻴﻬﺎ
ﺗﺪﺭﻱ ﺑﻲ ﻳﻜﺪﺭ ﻳﺎﺧﺬ ﺣﻘﻪ ﺍﻟﺸﺮﻋﻲ ﻣﻨﻬﺎ ﺑﺎﻟﻘﻮﺓ ﻭﺳﻮﺍﻫﺎ ﻗﺒﻞ ﻛﻢ ﻳﻮﻡ ﻭﻣﻦ ﺷﺎﻓﻬﺎ ﺑﺠﺖ ﻋﺒﺎﻟﻪ ﺍﺫﺍﻫﺎ ﻭﺍﻟﻄﻔﻞ ﺑﻲ ﺷﻲ ﻟﻌﺪ ﻣﻐﺼﺒﻬﺎ .. ﺗﻌﺮﻑ ﺍﻟﺠﺎﻱ ﺗﺴﻮﻱ
ﻏﻠﻂ ﻭﺣﺮﺍﻡ ﻋﻠﻴﻬﺎ ﻫﻴﺞ ﺗﻌﺎﻗﺒﻪ ﺑﺲ ﺷﻠﻮﻥ ﺑﻴﻬﺎ ﻣﻦ ﺗﺬﻛﺮ ﻛﻼﻣﻪ ﺗﻤﻮﺕ ﻗﻬﺮ ﻭﻫﻮ ﻳﻌﻴﺮﻫﺎ ﺑﺎﻟﻔﻠﻮﺱ ﺍﻻﺧﺬﺗﻬﻦ ﻋﻤﺘﻬﺎ ﺟﺎﻧﺖ ﻣﻘﺮﺭﻩ ﺷﻲ ﺣﺘﻰ ﺗﺮﺩﻟﻪ ﺣﺠﺎﻳﺘﻪ ﻭﺗﺮﻳﺢ ﻧﻔﺴﻬﺎ ﻫﻢ ﻭﻫﺴﻪ ﺟﻲ ﻭﻛﺘﻬﺎ .
ﺷﺎﻓﺘﻪ ﺩﺧﻞ ﻭﺍﻟﻤﻨﺸﻔﻪ ﻻﻓﻬﺎ ﻋﻠﻰ ﺧﺼﺮﻩ ﺧﺠﻠﺖ ﻣﻦ ﻧﻔﺴﻬﺎ ﻻﻥ ﻫﻲ ﺍﻟﺴﺒﺐ ﺣﺎﺭﻣﺘﻪ ﻣﻨﻬﺎ .
ﻃﻠﻌﺘﻠﻪ ﻣﻼﺑﺲ ﺑﻨﻄﺮﻭﻥ ﻛﺎﺑﻮﻱ ﻭﺗﻲ ﺷﻴﺮﺕ ﺍﺳﻮﺩ ﻭﺑﻲ ﻋﻼﻣﻪ ﺑﺎﻻﺑﻴﺾ .
ﻟﻤﺤﺘﻪ ﻳﻠﺒﺲ ﻭﻋﻴﻨﻪ ﻋﻠﻴﻬﺎ ﻛﻤﻞ ﻭﺗﻌﻄﺮ ﻭﻟﺒﺲ ﺳﺎﻋﺘﻪ
ﻭﺣﺒﺴﻪ ﻛﻠﺒﻬﺎ ﺩﻙ ﺳﺮﻳﻊ ﻣﺘﻜﺪﺭ ﺗﺒﻌﺪ ﻋﻴﻨﻬﺎ ﻋﻨﻪ .
ﺍﻧﺘﺒﻬﺖ ﻟﺮﻭﺣﻬﺎ ﻫﻮﺍﻱ ﺳﺎﺣﻠﻪ ﻧﻔﺴﻬﺎ ﻋﻠﻴﻪ ﻋﻮﺩ ﻣﺴﻮﻳﻪ
ﺭﻭﺣﻬﺎ ﺯﻋﻼﻧﻪ ﻭﻳﺎ .
ﻓﺘﺤﺖ ﺧﺎﻧﻪ ﻗﺎﻓﻠﺘﻬﺎ ﺑﻴﻬﺎ ﺫﻫﺒﻬﺎ ﻭﻃﻠﻌﺖ ﻋﻠﺒﻪ ﺳﻮﺍﺭﺍﺗﻬﺎ
ﺍﻟﻘﺪﻳﻤﻪ ﻭﻣﺤﺎﺑﺲ ﺍﺛﻨﻴﻦ ﻭﻛﻼﺩﻩ ﺍﺗﺬﻛﺮﺕ ﻋﻤﺘﻬﺎ ﻣﻦ ﺗﻜﻠﻬﺎ ﺑﻴﻌﻴﻬﻦ ﺧﻞ ﻧﺠﻴﺐ ﺳﺒﻠﺖ ﺭﻓﻌﺖ ﺗﻚ ﺧﺪ ﺑﺴﺨﺮﻳﻪ ﻋﻠﻰ ﻭﺿﻌﻬﺎ ﺟﺎﻧﺖ ﻣﺼﺮﺓ ﻣﺘﺒﻴﻌﻬﻦ ﻭﻫﺴﺔ
ﺗﺘﻤﻨﻰ ﻓﺎﺭﺱ ﻳﻘﺒﻞ ﺑﺪﻝ ﺍﻟﻔﻠﻮﺱ ﺍﻟﺪﻓﻌﻬﺎ ﺍﻟﻌﻤﺘﻬﺎ ﺗﺮﻳﺪ
ﺗﺤﺲ ﺭﻭﺣﻬﺎ ﺣﺮﺓ ﻣﻤﺸﺘﺮﻳﻬﺎ .
ﺗﻘﺮﺑﺖ ﻋﻠﻴﻪ ﻭﺍﻧﻄﺘﻪ ﺍﻟﻌﻠﺒﻪ ﻗﺪﻳﻔﻪ ﺣﻤﺮﺍ .
ﺭﻓﻊ ﺗﻚ ﺣﺎﺟﺐ ﺑﺪﻭﻥ ﻣﻴﺴﺄﻝ .
_ ﻫﺎﻱ ﺫﻫﺒﻲ ﻻﺗﺨﺎﻑ ﻣﻮ ﺍﻧﺖ ﺍﻟﺸﺘﺮﻳﺘﻪ .. ﺍﻋﺘﻘﺪ ﺍﺫﺍ ﺗﺒﻴﻌﻪ ﻳﻮﺻﻞ ﺛﻼﺙ ﻣﻼﻳﻴﻦ ﻳﺒﻘﻰ ﻣﻠﻴﻮﻥ ﺍﺩﺑﺮﻩ ﺑﻌﺪﻳﻦ .
ﻓﺎﺭﺱ ﺧﻼﻫﺎ ﺗﻜﻤﻞ ﻭﻋﻴﻮﻧﻪ ﻓﻜﻬﻦ ﻋﻠﻴﻬﺎ ﺑﻌﺼﺒﻴﻪ
ﺯﻣﺦ ﺑﻴﻬﺎ .. ﻭﻟﺞ ﺷﻠﻮﻥ ﺗﺘﺠﺮﺃﻳﻦ ﻭﺑﻌﻴﻦ ﺻﻠﻔﻪ ﻫﻴﺞ
ﺗﺤﺠﻴﻦ ﻭﻳﺎﻱ ﺷﻔﺘﻴﻨﻲ ﻣﻴﺖ ﻋﺎﻟﻔﻠﺲ .
_ ﻣﺎﺣﺠﻴﺖ ﺷﻲ ﻏﻠﻂ ﺍﻧﺖ ﻋﻴﺮﺗﻨﻲ ﺑﻔﻠﻮﺳﻚ ﻭﺫﻫﺒﻲ
ﻫﺬﺍ ﺑﺪﺍﻟﻬﻢ .
ﺟﺮ ﺍﻟﻌﻠﺒﻪ ﻣﺸﺎﻳﻔﻬﺎ ﻓﺘﺤﻬﺎ ﺷﺎﻑ ﺳﻮﺍﺭﺍﺕ ﺳﺘﻪ ﻧﻮﻉ ﺛﻜﻴﻞ ﻳﻌﺮﻑ ﺑﺎﻟﺬﻫﺐ ﻣﻮ ﻏﺸﻴﻢ ﻳﻮﺻﻠﻦ ﺍﻛﺜﺮ ﻭﻳﺎﻫﻦ ﻛﻢ ﻗﻄﻌﻪ ﺳﺪﻫﺎ ﺑﻘﻮﺓ ﻭﺷﻤﺮﻫﺎ ﺑﺎﻟﻜﺎﻉ ﻭﺭﻓﻊ ﺍﺻﺒﻌﻪ ﻳﻬﺪﺩ
_ ﺍﻛﺴﺮ ﺭﺍﺳﺞ ﺍﺫﺍ ﻋﺪﺗﻴﻬﺎ ﻣﻮﺑﺤﺎﻟﻬﻦ ﺍﻧﻲ ﻭﺍﻟﺤﺠﻴﺘﻪ
ﺍﻋﺘﺬﺭﺕ ﻋﻨﻪ ﻛﺎﻓﻲ ﻋﺎﺩ ﺻﺎﺭﻟﺞ ﺍﺳﺒﻮﻋﻴﻦ ﻛﺎﻟﺒﻪ ﺍﻟﺨﻠﻘﻪ
ﻛﻔﺮﺕ ﺣﺠﻴﺖ ﻟﻮ ﻋﺎﺟﺒﺞ ﻭﺿﻌﻨﺎ ﻫﺬﺍ ﻻ ﻋﺒﺎﻟﺞ ﻣﺮﺗﺎﺡ
ﻭﻟﺞ ﻣﺘﻨﺪﻡ ﺑﻜﺪ ﺷﻌﺮ ﺭﺍﺳﻲ ﻻﻥ ﻗﻬﺮﺗﺞ ﺑﻬﺎﻱ ﺍﻟﺤﺠﺎﻳﺔ
ﺑﺲ ﺍﻧﺘﻲ ﻋﻨﺎﺩ ﻭﻳﺒﺎﺱ ﺭﺍﺱ ﻛﺎﺍﺍﻓﻲ ﺩﻳﻤﺎ ﺗﺮﻯ ﺻﺒﺮﻱ ﻛﺎﻋﺪ ﻳﻨﻔﺬ ﻭﻳﺎﺝ .
ﺩﻳﻤﺎ ﺣﺴﺖ ﺑﻲ ﻭﺍﺻﻠﻪ ﻋﻨﺪﻩ ﻭﺧﺎﺻﻪ ﻫﺴﺔ ﻣﻦ ﺷﺎﻑ
ﺍﻟﺬﻫﺐ .
ﻓﺰﺕ ﻣﻦ ﻧﺘﺮ .. ﻣﻮ ﺑﻌﻴﻨﺞ ﺍﻧﻲ ﺷﻨﻮ ﻫﺎﻻﺳﻠﻮﺏ ﺍﻟﻤﺮﻳﺾ
ﺗﺮﺩﻳﻦ ﺗﺮﺟﻌﻴﻦ ﺍﻟﻔﻠﻮﺱ ﺗﻌﺎﻣﻠﻴﻨﻲ ﻏﺮﻳﺐ ﻋﻨﺞ
ﻭﻟﺞ ﺍﻧﻲ ﺳﻨﺪﺝ ﺍﻧﻲ ﺍﻟﺮﺍﺡ ﺍﺣﺎﻓﻆ ﻋﻠﻴﺞ ﻭﻋﻠﻰ ﺍﺑﻨﺞ
ﻋﺎﻓﻬﺎ ﻭﻃﻠﻊ .
ﻋﻀﺖ ﺷﻔﺘﻬﺎ ﺑﻘﻬﺮ ﻻﻥ ﺍﻟﺤﺠﺎﻩ ﺻﺤﻴﺢ ﻣﻨﻮ ﺑﺤﺎﻟﻬﺎ ﻣﻨﻮ ﺍﻟﻤﺪﻟﻠﻬﺎ ﻣﺤﺴﺖ ﺑﺎﻟﺮﺍﺣﻪ ﻭﺍﻟﺪﻻﻝ ﺑﺲ ﻭﻳﺎ
ﻣﻨﻮ ﺍﻟﻬﺎ ﻏﻴﺮ ﻓﺎﺭﺱ .
ﺷﻮﻱ ﻭﺳﻤﻌﺖ ﺻﻮﺗﻪ ﺻﺎﺡ ﻋﻠﻴﻬﺎ .
ﺷﺎﻟﺖ ﺍﻟﻌﻠﺒﻪ ﻭﺿﻤﺘﻬﺎ ﻭﺍﺧﺬﺕ ﺟﻨﻄﺘﻬﺎ ﻭﻃﻠﻌﺖ .
ﻭﺻﻠﻮﺍ ﻟﺒﻴﺖ ﻧﺸﻮﺍﻥ ﻭﻗﺒﻞ ﻣﺘﻨﺰﻝ ﻃﻠﻊ ﻇﺮﻑ ﺍﺑﻴﺾ
ﺍﻧﻄﺎﻫﻴﺎ .. ﻫﺬﺍ ﺍﻧﻄﻲ ﻫﺪﻳﺔ ﻟﻠﻌﺮﻭﺱ ﺍﺧﺬﺗﻪ ﻭﺧﻠﺘﻪ
ﺑﺠﻨﻄﺘﻬﺎ ﻣﺤﺠﺖ ﺑﻘﺖ ﺳﺎﻛﺘﻪ .
ﺍﺗﺼﻞ ﻋﻠﻰ ﻧﺸﻮﺍﻥ ﻳﻄﻠﻌﻠﻪ ﺣﺘﻰ ﻳﺮﺣﻮﻥ ﻟﻠﺒﺴﺘﺎﻥ .
ﻧﺰﻝ ﺳﻠﻢ ﻋﻠﻰ ﻧﺸﻮﺍﻥ ﻭﻋﺒﻮﺩﻱ ﺑﻴﺪﻩ ﺗﺒﺎﻭﺳﻮﺍ .. ﻋﺎﻟﺨﻴﺮ ﻳﺎﺑﻪ ﻋﺎﻟﺨﻴﺮ
_ ﻫﻬﻬﻬﻬﻬﻪ ﺍﻟﻠﻪ ﻳﺒﺎﺭﻙ ﺑﻴﻚ ﺿﻠﻊ .. ﻭﺍﺧﺬ ﻋﺒﻮﺩﻱ ﻭﻛﺎﻡ
ﻳﺒﻮﺱ ﺑﺨﺪﻭﺩﻩ . ﻓﺪﻭﻩ ﻟﻠﻪ ﺷﻠﻮﻥ ﺧﻠﻘﻪ ﻭﻟﻚ ﻓﺎﺭﺱ
ﻫﺬﺍ ﻣﺤﺠﻮﺯ ﻣﻦ ﻫﺴﺔ ﺻﺎﺭ ﻧﺴﻴﺒﻲ .
_ ﻋﻤﻲ ﺧﻞ ﺗﺠﻲ ﺍﻟﻤﺤﺮﻭﺳﺔ ﻭﺍﺩﻟﻞ .
ﺩﻳﻤﺎ ﺳﻠﻤﺖ ﻋﻠﻴﻪ ﻭﺑﺎﺭﻛﺘﻠﻪ .. ﻣﺒﺮﻭﻙ ﺍﺧﻮﻳﻪ ﺷﺎﻳﻒ ﺍﻟﺨﻴﺮ .
_ ﺍﻟﻠﻪ ﻳﺒﺎﺭﻙ ﺑﻴﺞ ﺍﺧﺘﻲ ﺗﻔﻀﻠﻲ ﺗﻔﻀﻠﻲ .
ﻓﺎﺭﺱ ﺍﺧﺬ ﻋﺒﻮﺩﻱ ﻭﺻﻠﻪ ﻟﻠﺒﺎﺏ ﻭﺷﺎﻭﺭ ﺩﻳﻤﺎ .. ﻻﺗﺒﻘﻴﻦ
ﺷﺎﻳﻠﺘﻪ .
ﺭﺟﻊ ﻋﻠﻰ ﻓﺎﺭﺱ .. ﻫﺎ ﻧﻤﺸﻲ
ﺍﺭﺟﺘﻰ ﻓﺎﺭﺱ ﻋﺎﻟﺴﻴﺎﺭﺓ .. ﺍﻫﻞ ﺍﻟﻤﺮﺓ ﻫﺴﺔ ﻋﻠﻰ ﺟﻴﺔ
ﺍﺳﺘﻘﺒﻠﻬﻢ ﺑﻌﺪﻫﺎ ﻧﺎﺧﺬ ﺍﺑﻮ ﺍﻧﺲ ﻭﻳﺎﻧﻪ ﺧﻞ ﻳﻐﻴﺮ ﺟﻮ ﻻﻥ ﻫﺎﻱ ﺍﻭﻝ ﻣﺮﺓ ﻳﺠﻲ ﻟﺪﻳﺎﻟﻰ .
ﻛﺎﺩﺗﻪ ﺑﻴﺪﻩ ﻭﺩﺧﻠﺖ .
ﺍﺳﺘﻘﺒﻠﺘﻬﺎ ﺍﻡ ﻧﺸﻮﺍﻥ ﺗﻬﻠﻲ ﻭﺗﺮﺣﺐ ﻭﺷﺎﻟﺖ ﻋﺒﻮﺩﻱ
ﺑﻮﺳﺘﻪ .. ﻓﺪﻭﻩ ﻟﺤﺒﻴﺒﻲ ﺍﻟﻠﻪ ﻳﺤﻔﻈﻚ .
_ ﺗﺴﻠﻤﻴﻦ ﺧﺎﻟﻪ ﻭﻋﺎﻟﺨﻴﺮ ﺯﻭﺍﺝ ﻧﺸﻮﺍﻥ ﻳﻮﻡ ﺍﻟﻮﻟﺪ ﺍﻟﺼﺎﻟﺢ ﺍﻥ ﺷﺎﺀ ﺍﻟﻠﻪ .
_ ﺗﺴﻠﻤﻴﻦ ﺑﻨﻴﺘﻲ ﺍﻟﻠﻪ ﻳﺒﺎﺭﻙ ﺑﻴﺞ ﺗﻌﺎﻱ ﺗﻔﻀﻠﻲ ﻣﻨﺎ .
ﺩﺧﻠﺖ ﺍﻡ ﻧﺸﻮﺍﻥ ﻟﻼﺳﺘﻘﺒﺎﻝ ﻭﻋﺒﻮﺩﻱ ﺑﺤﻈﻨﻬﺎ
ﺳﻠﻤﺖ ﺩﻳﻤﺎ ﻋﺎﻟﻨﺴﻮﺍﻥ ﻭﻛﻌﺪﺕ ﺷﻮﻱ ﻭﺩﺧﻠﺖ ﻣﻼﺫ
ﺳﻠﻤﺖ ﻃﺎﻟﻌﺔ ﺍﻣﻴﺮﺓ ﺟﻤﻴﻠﻪ ﺣﻴﻞ ﻻﺑﺴﻪ ﻓﺴﺘﺎﻥ ﺍﻭﻑ ﻭﺍﻳﺖ ﻭﺷﻌﺮﻫﺎ ﺍﻻﺳﻮﺩ ﺭﺍﻓﻌﺘﻪ ﻭﻣﻨﺰﻟﻪ ﺧﺼﻞ .
ﺭﺣﺒﺖ ﺑﺪﻳﻤﺎ ﺍﻟﺒﺎﺭﻛﺘﻠﻬﺎ ﻭﻛﻌﺪﺕ ﻳﻤﻬﺎ ﺷﻮﻱ ﻭﺍﻧﻄﺘﻬﺎ
ﺍﻟﻈﺮﻑ ﺍﻋﺘﺮﺿﺖ ﻣﻼﺫ .. ﺗﺴﻠﻤﻴﻦ ﻋﻤﺮﻱ ﻭﺍﻟﻠﻪ ﻣﺎﻗﺼﺮ ﺍﺑﻮ ﻋﺒﺪﺍﻟﻠﻪ ﻭﻳﺎﻧﻪ .
_ ﻋﻴﻨﻲ ﺍﺻﺤﺎﺏ ﻭﻋﺸﺮﺓ ﻋﻤﺮ ﺍﻟﻠﻪ ﻳﺤﻔﻈﻬﻢ .
ﺑﻘﻦ ﻳﺴﻮﻟﻔﻦ ﺍﻻﺳﺘﻘﺒﺎﻝ ﻣﻠﻴﺎﻥ ﻧﺴﻮﺍﻥ ﺻﺪﻳﻘﺎﺕ ﻭﺍﻗﺮﺑﺎﺀ ﺍﻡ ﻧﺸﻮﺍﻥ .
ﺍﺟﺖ ﻧﻮﺭﺓ ﺻﺎﺣﺖ ﻣﻼﺫ .. ﺍﺟﻮﻱ ﺑﻴﺖ ﺍﺧﻮﺝ ﺗﻌﺎﻱ .
ﻓﺰﺕ ﻛﺎﻣﺖ ﻃﻠﻌﺖ ﺑﺮﺍ ﺻﺎﺣﺘﻬﺎ ﻧﻮﺭﺓ .. ﻭﻳﻦ ﻳﻤﻌﻮﺩﻩ
ﻫﺎﺝ ﻫﺬﺍ ﺍﻟﺸﺎﻝ ﺫﺑﻲ ﻋﻠﻰ ﺭﺍﺳﺞ ﻭﺻﺪﺭﺝ ﺷﻴﺨﻠﺼﺞ
ﻣﻦ ﻧﺸﻮﺍﻥ .
ﺷﻬﻜﺖ ﻣﻼﺫ .. ﻫﻰﺀﺀﺀ ﺻﺪﻭﻙ ﻭﺍﻟﻠﻪ ﻣﺸﻜﻮﺭﻩ ﺣﺒﻴﺒﺘﻲ
ﻭﺍﻟﻠﻪ ﻣﻤﻨﺘﺒﻬﻪ ﺍﺧﺬﺕ ﺷﺎﻝ ﻣﻦ ﻧﻮﺭﺓ ﻭﺷﻤﺮﺗﻪ ﻋﻠﻰ ﺷﻌﺮﻫﺎ ﻭﻏﻄﺖ ﺻﺪﺭﻫﺎ ﺷﻮﻱ ﺟﺎﻥ ﺑﺎﺭﺯ ﻣﻦ ﻓﺘﺤﻪ ﺍﻟﻔﺴﺘﺎﻥ .
ﺑﺎﻟﻜﺮﺍﺝ ﻻﻛﺘﻬﻢ ﺑﻮﺳﺘﻬﻢ ﻛﻠﻬﻢ ﻭﺟﺎﻧﺖ ﻋﻼ ﺟﺎﻳﻪ ﻭﻳﺎﻫﻢ
ﺷﺒﻜﺘﻬﺎ ﻭﻛﺎﻣﺖ ﺗﺒﺠﻲ .. ﻋﻮﺑﻪ ﻣﻜﺎﻧﺞ ﺧﺎﻟﻲ ﺗﺪﺭﻳﻦ ﺑﻴﻪ
ﺑﺲ ﺍﻧﺘﻲ ﺻﺪﻳﻘﺘﻲ ﻭﺍﻟﻠﻪ ﻣﻴﺘﻪ ﻗﻬﺮ ﺷﻠﻮﻥ ﺭﺍﺡ ﺍﻛﻀﻴﻬﺎ
ﺑﺎﻟﻤﺴﺘﺸﻔﻰ ﻭﺣﺪﻱ .
_ ﻳﻌﻤﺮﻱ ﻋﻠﻮﺵ ﺍﻧﻲ ﻣﺸﺘﺎﻗﺘﻠﺞ ﺍﻛﺜﺮ .
ﺷﺎﻭﺭﺗﻬﺎ .. ﺷﻠﻮﻧﻪ ﻭﻳﺎﺝ ﺑﻌﺪﺝ ﺗﻌﺎﻧﺪﻳﻦ ﻛﺮﺻﺘﻬﺎ ﻣﻦ ﺍﻳﺪﻫﺎ
_ ﺍﺳﺴﺲ ﺑﻌﺪﻳﻦ ﺍﺳﻮﻟﻔﻠﺞ .
ﻃﻼﻝ ﻭﺭﻯ ﻣﺎ ﺳﻠﻢ ﻋﻠﻰ ﺍﺧﺘﻪ ﺍﺧﺬﻫﺎ ﻋﻠﻰ ﺟﻬﺔ .. ﻫﺎ ﻣﻼﺫ ﺍﺣﺠﻲ ﺍﻟﺼﺪﻙ ﻻ ﺗﺴﻜﺘﻴﻦ ﺷﻠﻮﻧﺞ ﻭﻳﻪ ﺯﻭﺟﺞ .
ﻣﻼﺫ ﺣﺒﺖ ﺍﻫﺘﻤﺎﻣﻪ ﺑﻴﻬﺎ .. ﻭﺍﻟﻠﻪ ﻛﻮﻟﺶ ﻣﺮﺗﺎﺣﻪ ﺣﻴﻞ
ﻃﻴﺒﻴﻦ ﻭﻧﺸﻮﺍﻥ ﻭﺭﺩﻩ .
_ ﺍﻟﺤﻤﺪﻟﻠﻪ ﻭﺍﻟﻠﻪ ﻣﺒﻴﻦ ﺭﺟﺎﻝ ﻭﺍﻟﻨﻌﻢ ﻣﻨﻪ .
ﺍﻟﺘﻔﺘﺖ ﻟﻨﺸﻮﺍﻥ ﻭﺍﺑﺘﺴﻢ ﺗﻘﺪﻡ ﻋﻠﻴﻬﻢ .. ﻫﺎ ﺍﺑﻮ ﺍﻧﺲ
ﺟﺎﻱ ﺗﺴﻮﻱ ﺗﺤﻘﻴﻖ ﻭﻳﺎﻫﺎ .
ﻃﻼﻝ ﺍﺑﺘﺴﻢ ﻭﺍﻟﻠﻪ ﺻﺪﻙ ﺍﺳﺘﺨﺒﺎﺭﺍﺕ ﺑﻌﺪﻧﻲ ﺗﻮﻧﻲ
ﺟﺎﻱ ﺍﺳﺄﻟﻬﺎ ﻫﻬﻬﻬﻬﻪ .
_ ﺧﻴﺮ ﺍﻥ ﺷﺎﺀ ﺍﻟﻠﻪ ﺷﻜﻮ ﺑﻴﻬﺎ ﺍﺳﺄﻝ ﻣﻦ ﺣﻘﻚ ﺗﻄﻤﻦ
_ ﻭﺍﻟﻨﻌﻢ ﻣﻨﻚ ﻣﺎﺗﻘﺼﺮ ﻭﻳﺎﻫﺎ .
ﺭﻥ ﻣﻮﺑﺎﻳﻞ ﻧﺸﻮﺍﻥ ﺣﺠﻰ ﻭﺳﺪﻩ .. ﻳﺎﺑﻪ ﻫﺬﺍ ﺍﺑﻮ ﻋﺒﺪﺍﻟﻠﻪ
ﻣﺼﻤﻢ ﻳﺎﺧﺬﻧﺎ ﻟﻠﺒﺴﺘﺎﻥ ﺷﺘﻜﻮﻝ ﺍﺑﻮ ﺍﻧﺲ .
_ ﻭﺍﻟﻠﻪ ﺟﺖ ﺑﻮﻛﺘﻬﺎ ﺧﻞ ﻧﻐﻴﺮ ﺟﻮ ﻭﻧﺸﻮﻑ ﺑﺴﺎﺗﻴﻦ
ﺩﻳﺎﻟﻰ .
_ ﻫﺎﻱ ﻫﻴﺔ ﻟﻌﺪ ﺗﻘﻀﻞ ﻭﻳﺎﻧﻪ .
ﺛﺮﻳﺎ ﺟﺮﺕ ﻣﻼﺫ ﺍﻟﺤﺎﻧﺖ ﺗﺴﻮﻟﻒ ﻭﻳﻪ ﺍﻧﺲ ﻭﺗﺒﻮﺱ ﺑﻲ
_ ﻟﺞ ﺷﻨﻮ ﻫﺬﺍ ﺯﻭﺟﺞ ﺷﻠﻮﻥ ﺍﺳﻠﻮﺏ ﺑﺎﻟﻜﻼﻡ ﺷﻠﻮﻥ
ﻛﺸﺨﻪ .
ﺷﺎﻭﺭﺗﻬﺎ ﺑﻌﺪﻳﻦ ﺍﺳﻮﻟﻔﻠﺞ ﺧﺎﻟﺔ ﺍﺩﺣﻚ ﻋﻠﻴﻨﺎ .
ﺍﻟﺘﻔﺘﺖ ﺛﺮﻳﺎ ﻷﻡ ﻧﺸﻮﺍﻥ .. ﺍﻱ ﺧﺎﻟﻪ ﺷﻠﻮﻧﻬﺎ ﺑﻨﺘﻨﺎ ﻭﻳﺎﻛﻢ
_ ﻭﺭﺩﺍﻳﺔ ﻭﻋﻄﺮﻫﺎ ﻓﻮﺍﺡ .
ﻳﻼ ﻋﻴﻮﻧﻲ ﺗﻔﻀﻠﻦ ﻣﻨﺎ .
ﺩﺧﻠﻦ ﺳﻠﻤﻦ ﻭﺍﻟﻜﻞ ﺭﺣﺐ ﺑﻴﻬﻦ ﺑﻌﺪﻣﺎ ﻋﺮﻓﺘﻬﻦ ﻣﺎﺟﺪﻩ
ﺍﻫﻞ ﺟﻨﺘﻬﺎ .
ﺑﺎﻟﺒﺴﺘﺎﻥ ﺟﺎﻥ ﻓﺎﺭﺱ ﻣﻮﺻﻲ ﺍﺑﻮ ﻋﺪﻧﺎﻥ ﻣﺠﻬﺰ ﺍﻟﺒﻴﺖ ﻣﻨﻈﻔﻪ ﻭﻣﺤﻀﺮﻳﻦ ﻛﻌﺪﻩ ﺑﻔﻲ ﺍﻻﺷﺠﺎﺭ .
ﺟﺎﻧﻮ ﺻﺎﻋﺪﻳﻦ ﺑﺴﻴﺎﺭﺓ ﻓﺎﺭﺱ ﻭﻫﻤﺎﻡ ﺑﺴﻴﺎﺭﺗﻪ ﻳﻠﺤﻜﻬﻢ
ﻳﺠﻴﺐ ﺍﻻﻛﻞ ﻭﺍﺗﺼﻞ ﻋﺎﻟﻤﻄﻌﻢ ﻳﺤﻀﺮﻟﻬﻢ ﺻﻴﻨﻴﺔ
ﻛﺒﺎﺏ .
ﻃﻼﻝ ﺗﻔﺎﺟﻰﺀ ﺑﺎﻟﺒﺴﺎﺗﻴﻦ ﻭﺧﺎﺻﻪ ﺑﺴﺘﺎﻥ ﻓﺎﺭﺱ ﻻﻥ ﺣﻴﻞ ﻣﻌﺘﻨﻲ ﺑﻲ ﺍﻓﺘﺮﻭﺍ ﺑﺎﻟﺒﺴﺘﺎﻥ ﻭﻛﻞ ﺷﻮﻱ ﻳﺴﺄﻝ ﻓﺎﺭﺱ ﻋﻠﻰ ﺷﻐﻠﻪ ﻻﻥ ﻓﻌﻼ ﺣﺐ ﺍﻟﺠﻮ ﺍﻟﻬﻤﻪ ﺑﻲ .
ﺿﺤﻚ ﻓﺎﺭﺱ .. ﻫﻬﻬﻬﻪ ﺍﺑﻮ ﺍﻧﺲ ﺟﻨﻚ ﺗﺮﻳﺪ ﺗﺼﻴﺮ ﺟﺎﺭﻱ
ﻭﺗﺸﺘﺮﻱ ﻭﺍﺣﺪ .
ﺣﻠﺖ ﺍﻟﺴﺎﻟﻔﻪ ﻟﻄﻼﻝ .. ﻭﺍﻟﻠﻪ ﺍﻟﺼﺪﻙ ﺣﺒﻴﺖ ﺑﺴﺘﺎﻧﻚ
ﺍﻗﻠﻬﺎ ﺍﻟﻮﺍﺣﺪ ﻳﺮﺑﺢ ﺩﻣﺎﻏﻪ ﻣﻦ ﻳﻔﺘﺮ ﺑﻨﺺ ﻫﺎﻟﺨﻀﺎﺭ
_ ﺟﻴﺮﺍﻧﻲ ﻣﻦ ﺍﻟﺠﻬﺔ ﺍﻟﻴﺴﺮﻯ ﻳﺮﻳﺪ ﻳﺒﻴﻊ ﺍﺫﺍ ﻋﺠﺒﻚ ﺍﺣﺠﻴﻠﻚ ﻭﻳﺎ .
_ ﻭﺍﻟﻠﻪ ﺗﻮﻛﻞ ﻭﺣﺎﺟﻴﻪ .
ﺭﺩﻟﻪ ﻧﺸﻮﺍﻥ .. ﺟﺮﺗﻜﻢ ﻭﺭﺍﻫﺎ ﺍﻟﻤﺮﺓ ﺑﻴﻬﺎ ﺍﻟﺨﻴﺮ ﻳﺎﺑﻪ .
ﺛﺎﺭ ﻏﺪﺍﻫﻢ ﺑﺎﻟﺒﺴﺘﺎﻥ ﻛﻮﻟﺶ ﺗﻮﻧﺴﻮﺍ ﺿﺤﻚ ﻭﺳﻮﺍﻟﻒ
ﺑﻌﺪﻫﺎ ﻃﻼﻝ ﻛﺎﻝ .. ﻳﺎﺑﻪ ﺍﺗﺮﺧﺺ ﻣﻨﻜﻢ ﻭﺍﻟﻠﻪ ﻫﺎﻱ ﺍﺣﻠﻰ ﻭﻧﺴﻪ .
_ ﻋﻴﺪﻫﺎ ﻋﻠﻴﻚ ﺍﻟﻠﻪ . ﺣﺠﺎﻫﺎ ﻓﺎﺭﺱ ﺍﻟﺠﺎﻥ ﻣﺮﻳﺢ ﻋﺎﻟﻘﻨﻔﻪ ﺑﺎﻟﻔﻲ .
_ ﻣﺮﺓ ﺛﺎﻧﻴﻪ ﻛﻠﻜﻢ ﻋﻨﺪﻱ ﺍﺑﺴﺘﺎﻧﻲ ﻫﻬﻬﻬﻬﻬﻪ
ﺿﺤﻜﻮﺍ ﻭﺷﺠﻌﻮﺍ ﻳﺸﺘﺮﻳﻪ .
ﻃﻼﻝ ﺣﻴﻞ ﺗﻮﻧﺲ ﻭﻳﺎﻫﻢ ﻫﻢ ﺍﻋﻤﺎﺭﻫﻢ ﻣﺘﻘﺎﺭﺑﻪ ﺣﺐ
ﻋﻔﻮﻳﺘﻬﻢ ﻭﺻﺮﺍﺣﺘﻬﻢ ﺑﺎﻟﻜﻼﻡ ﺧﺎﺻﺔ ﻓﺎﺭﺱ ﺣﻴﻞ
ﻳﻮﻧﺲ ﻳﺤﺐ ﻳﺮﻳﺢ ﻧﻔﺴﻪ ﻭﻳﺪﻟﻞ ﺭﻭﺣﻪ ﻭﺷﺎﻑ ﻋﻼﻗﺘﻪ
ﺑﻨﺸﻮﺍﻥ ﻭﻫﻤﺎﻡ ﻗﻮﻳﻪ ﻋﺒﺎﻟﻚ ﺍﺧﻮﻩ .
ﻓﺎﺭﺱ ﺻﺎﺡ ﺍﺑﻮ ﻋﺪﻧﺎﻥ ﻭﺻﺎﻩ ﻳﻠﻢ ﺍﻟﻐﺪﺍ ﻳﺎﺧﺬﻩ ﻛﻠﻪ ﻟﺒﻴﺘﻪ ﻻﻥ ﺧﻴﺮ ﻣﻦ ﺍﻟﻠﻪ ﻭﺍﺑﻮ ﻋﺪﻧﺎﻥ ﺑﺮﻛﺒﺘﻪ ﻋﺎﺋﻠﻪ ﻓﺎﺭﺱ
ﻣﻬﺘﻢ ﺑﻲ ﻳﺴﺎﻋﺪﻩ ﺩﺍﺋﻤﺎ .
......
ﻭﺭﻯ ﺍﻟﻐﺪﺍ ﺍﻟﻜﻞ ﺗﺸﻜﺮ ﻣﻦ ﺍﻡ ﻧﺸﻮﺍﻥ ﻋﺎﻻﻛﻞ ﺍﻟﻄﻴﺐ
ﻛﻢ ﺑﻨﻴﺔ ﻣﻦ ﺍﻗﺮﺑﺎﺋﻬﻢ ﺩﺧﻠﻦ ﻟﻠﻤﻄﺒﺦ ﻭﻳﻪ ﻧﻮﺭﺓ ﻳﻐﺴﻠﻦ ﺍﻟﻤﻮﺍﻋﻴﻦ ﻭﻳﻨﻈﻔﻦ ﺍﻟﻤﻄﺒﺦ .
ﻣﻼﺫ ﺍﺧﺬﺕ ﺛﺮﻳﺎ ﻭﻋﻼ ﻟﻐﺮﻓﺘﻬﺎ ﺷﻜﺮﺗﻬﻦ ﻋﺎﻟﻬﺪﺍﻳﻪ
ﻭﺑﻘﺖ ﺗﺴﻮﻟﻔﻠﻬﻦ ﻋﻠﻰ ﻧﺸﻮﺍﻥ ﻭﺗﺼﺮﻓﺎﺗﻪ ﻭﻳﺎﻫﺎ ﺟﺎﻧﺖ
ﺗﻤﺪﺡ ﺑﻲ ﻣﺤﺠﺖ ﺍﻭﻝ ﻣﺮﺓ ﻣﻦ ﺯﺍﺭﺗﻬﻢ ﺷﺎﻓﺖ ﻣﺎﺑﻴﻬﺎ ﺩﺍﻋﻲ ﺗﺬﻛﺮ ﻫﺎﻱ ﺍﻟﻤﻮﺍﺿﻴﻊ .
ﻋﻼ ﻓﺎﻛﻪ ﺣﻠﻜﻬﺎ ﻋﻠﻴﻬﺎ ﺟﺎﻥ ﺗﺮﺩﻟﻬﺎ .. ﺍﻱ ﻋﻔﻴﺔ ﻋﻠﻴﺞ
ﻫﺴﻪ ﻳﻼ ﺍﺭﺗﺎﺣﻴﺖ ﻣﻼﺫ ﺍﻟﻠﻪ ﻋﻠﻴﺞ ﺷﻜﺪ ﺗﺤﺒﻴﻨﻪ ﻭﺍﻟﻨﺒﻲ
ﻣﺒﻴﻦ ﻋﻠﻴﺞ ﺫﺍﻳﺒﻪ ﺑﺤﺒﻪ ﻫﻬﻬﻬﻬﻪ
ﺧﺠﻠﺖ ﻣﻼﺫ .. ﻋﻼﺍﺍﺍﺍ ﻣﻮ ﺍﻻ ﺍﺣﺠﻲ .
ﺟﺮﺗﻬﺎ ﻣﻦ ﺍﻳﺪﻫﺎ ﺟﺎﻧﻦ ﻛﺎﻋﺪﺍﺕ ﻋﺎﻟﻘﻨﻔﻪ ﻣﺨﻠﻴﻬﺎ ﻋﻠﻰ ﺟﻬﺔ ﻣﻜﺎﻥ ﻛﻌﺪﻩ ﻭﻳﻪ ﻛﺮﺍﺳﻲ ﺍﺛﻨﻴﻦ ﻭﻃﺒﻠﻪ ﻛﺰﺍﺯ .
ﻭﻛﻌﺖ ﺑﺤﻈﻨﻬﺎ ﻭﺿﺤﻜﺖ .. ﻫﻬﻬﻬﻪ ﺷﺒﻴﺞ ﺭﻭﺣﻲ ﺣﺒﻲ
ﻣﺼﻄﻔﻰ ﺧﻄﻴﻪ ﺫﺍﺑﺢ ﺭﻭﺣﻪ ﻋﻠﻴﺞ .
ﺩﻓﻌﺘﻬﺎ ﻣﻼﺫ ﻛﻌﺪﺕ ﺗﺮﺗﺐ ﺑﺸﻌﺮﻫﺎ .. ﺍﻟﺒﺎﺭﺣﻪ ﺣﺎﺟﺎﻧﻲ
ﻳﺮﻳﺪ ﻳﺘﻘﺪﻡ ﻭﺍﻧﻲ ﻭﺍﻓﻘﺖ .
_ ﺻﺪﻙ ﺍﻟﻒ ﻣﺒﺮﻭﻙ ﺣﺒﻴﺒﺘﻲ .. ﺑﻮﺳﺘﻬﺎ ﻭﺛﺮﻳﺎ ﺑﺎﺭﻛﺘﻠﻬﺎ
.. ﻫﺎ ﻣﻜﻠﺘﻲ ﻣﻮ ﺟﻨﺎ ﺳﻮﺍ ﺍﻟﻄﺮﻳﻖ ﻛﻠﻪ .
_ ﻫﻬﻬﻬﻪ ﺍﺳﺘﺤﻴﺖ ﻣﻦ ﻃﻼﻝ ﺷﻔﺘﻪ ﻋﺎﻛﺪ ﺍﻟﺤﺎﺟﺐ
ﻳﺨﻮﻑ .
ﺿﺮﺑﺘﻬﺎ ﻣﻼﺫ .. ﻟﺞ ﻣﻨﻮ ﺍﻟﻴﺨﻮﻑ ﻓﺪﻭﻩ ﻻﺧﻮﻱ ﻏﻴﺮ ﻳﺠﻨﻦ .
ﺑﻘﻦ ﻳﺴﻮﻟﻔﻦ ﺑﻌﺪﻫﺎ ﺛﺮﻳﺎ ﻛﺎﻟﺖ ﻳﻼ ﺑﺪﻟﻲ ﻏﻴﺮ ﺷﻲ ﻭﺗﻌﺎﻱ ﻳﻢ ﺍﻟﻨﺴﻮﺍﻥ ﻋﻴﺐ ﺷﻴﻜﻮﻟﻮﻥ ﻋﻠﻴﻨﺎ
ﻃﻠﻌﻦ ﻭﻣﻼﺫ ﻟﺒﺴﺖ ﻓﺴﺘﺎﻥ ﺑﺴﻴﻂ ﻟﻮﻧﻪ ﺍﺧﻀﺮ ﻭﻫﺎﻟﻤﺮﺓ ﺧﻠﺖ ﺷﻌﺮﻫﺎ ﻣﻔﺘﻮﺡ ﻟﻨﺺ ﻇﻬﺮﻫﺎ ﻭﻧﺎﻋﻢ ﻭﻋﺪﻟﺖ ﻣﻜﻴﺎﺟﻬﺎﺭﺷﺖ ﻋﻄﺮ ﻭﻃﻠﻌﺖ .
ﺍﻡ ﻧﺸﻮﺍﻥ ﻭﺍﺧﺘﻬﺎ ﺍﻡ ﺭﺣﺎﺏ ﻫﻮﺍﻱ ﺭﺣﺒﻮﺍ ﺑﺎﻟﺨﻄﺎﺭ
ﻭﺍﻡ ﺭﺣﺎﺏ ﻛﻞ ﺷﻮﻳﻪ ﻭﺭﺍﺣﺖ ﺻﺎﺣﺖ ﺭﺣﺎﺏ ﻋﻠﻰ ﺗﻌﺎﻱ
ﺷﻴﻠﻲ ﺗﻌﺎﻱ ﺣﻄﻲ ﻭﺭﺣﺎﺏ ﺧﻄﻴﺔ ﻣﻄﻔﻴﺔ ﻣﻮ ﻫﻠﻜﺪ
ﺑﺴﻮﺍﻟﻒ ﺍﻟﻀﻴﺎﻓﻪ .. ﺑﺲ ﺍﻣﻬﺎ ﺣﺒﺖ ﺗﺨﻠﻴﻬﺎ ﺗﺒﺮﺯ ﻳﻢ ﺍﻟﻨﺴﻮﺍﻥ ﺍﻟﺘﻌﺠﺒﻦ ﻋﻠﻰ ﺟﻤﺎﻟﻬﺎ ﺭﺣﺎﺏ ﺣﻠﻮﺓ ﺑﺲ ﺑﻌﺪﻫﺎ ﺗﺼﺮﻓﺎﺗﻬﺎ ﺯﻋﻄﻮﻃﻪ .
*****
ﻟﻠﻤﻐﺮﺏ ﺍﻟﻜﻞ ﺭﺍﺣﻮ ﻭﻃﻼﻝ ﺍﺧﺮ ﺷﻲ ﻛﺎﻡ ﺟﺎﻥ ﻛﺎﻋﺪ ﺑﺎﻟﻬﻮﻝ ﻭﻳﻪ ﺍﻟﻮﻟﺪ ﺗﺸﻜﺮ ﻣﻨﻬﻢ .. ﻳﺎﺑﻪ ﻣﺮﻩ ﺍﻟﺜﺎﻧﻴﺔ ﺍﻋﺰﻣﻜﻢ ﺑﺎﻟﺒﺴﺘﺎﻥ ﺍﻟﺮﺍﺡ ﺍﺷﺘﺮﻱ ﻫﻬﻬﻬﻪ .
ﺭﺩﻭﻟﻪ ﻛﻠﻬﻢ ﻭﺷﺠﻌﻮﺍ ﻳﺎﺧﺬﻩ .
ﻣﻼﺫ ﺑﻮﺳﺘﻬﻢ ﻭﺻﺘﻬﻢ ﻳﺰﻭﺭﻭﻫﺎ ﻭﺛﺮﻳﺎ ﺍﻛﺪﺗﻠﻬﺎ ﻣﺘﻌﻮﻓﻬﺎ
ﻻﺯﻡ ﻳﺘﺰﺍﻭﺭﻭﻥ ﻭﻧﻔﺲ ﺍﻟﺸﻲ ﻋﻼ ﺍﻟﻄﻠﻌﺖ ﺿﺎﻳﺠﻪ ﻻﻥ
ﻣﻼﺫ ﻓﻬﻤﺘﻬﺎ ﺭﺍﺡ ﻧﺸﻮﺍﻥ ﻳﻤﺸﻴﻠﻬﺎ ﺑﻨﻘﻠﻬﺎ ﻣﻦ ﺑﻐﺪﺍﺩ .
ﻟﻠﻴﻞ ﻭﺭﻯ ﺍﻟﻌﺸﺎ ﻧﺸﻮﺍﻥ ﺍﺧﺬ ﻣﻼﺫ ﻣﻦ ﺍﻳﺪﻫﺎ ﺟﺎﻧﻮ ﻭﺣﺪﻫﻢ ﺑﺎﻟﻬﻮﻝ ﻫﻤﺎﻡ ﻭﺯﻭﺟﺘﻪ ﺑﻐﺮﻓﺘﻬﻢ ﻭﺍﻣﻪ ﻛﺎﻟﺖ
ﺭﺍﺡ ﺍﻧﺎﻡ ﻻﻥ ﺗﻌﺒﺖ .
ﻗﻔﻞ ﺍﻟﺒﺎﺏ ﻭﺟﺮﻫﺎ ﺑﺤﻈﻨﻪ ﻳﺒﻮﺱ ﺑﻴﻬﺎ .. ﺷﻄﺎﻟﻌﻪ ﺍﻟﻴﻮﻡ ﻓﺪﻭﻩ ﻟﻌﻴﻨﺞ .
ﺍﺳﺘﺤﺖ ﻣﻼﺫ ﻭﺩﻧﻜﺖ ﺭﺍﺳﻬﺎ ﺭﻓﻌﻪ ﺑﻴﺪﻩ ﻭﺑﺎﺳﻬﺎ .
_ ﺗﻌﺎﻱ ﺧﻞ ﻧﺴﻮﻟﻒ ﺍﺧﺬﻫﺎ ﻭﻛﻌﺪﻭ ﻋﺎﻟﺠﺮﺑﺎﻳﺔ ﻣﺪﺩ ﻋﺎﻟﻔﺮﺍﺵ ﻭﺳﺤﺒﻬﺎ ﺑﺤﻈﻨﻪ ﻧﺎﻣﺖ ﻋﻠﻰ ﺍﻳﺪﻩ
ﻳﻠﻌﺐ ﺑﺸﻌﺮﻫﺎ ﻋﻠﻰ ﻛﻴﻔﻪ .. ﻃﻼﻝ ﺭﺍﺡ ﻳﺸﺘﺮﻱ ﺍﻟﺒﺴﺘﺎﻥ
ﺍﻟﺒﺼﻒ ﺑﺴﺘﺎﻥ ﻓﺎﺭﺱ . ﺭﻓﻌﺖ ﺭﺍﺳﻬﺎ ﺑﺎﻭﻋﺖ ﺑﻌﻴﻮﻧﻪ
ﻣﺘﻔﺎﺟﺄﺓ .. ﺻﺪﻙ ﻭﻳﺼﻴﺮﻭﻥ ﻗﺮﻳﺒﻴﻦ ﻋﻠﻴﻪ ﺍﻛﻴﺪ ﺭﺍﺡ ﻳﺠﻮﻥ ﻳﺘﻮﻧﺴﻮﻥ ﺑﻲ .
ﺍﺑﺘﺴﻤﻠﻬﺎ ﻳﺪﺭﻱ ﺑﻴﻬﺎ ﺗﺤﺲ ﺑﻔﺮﻛﺎﻫﻢ .. ﺍﻛﻴﺪ ﻻﻥ ﻃﻼﻝ
ﻛﻮﻟﺶ ﺣﺐ ﺍﻟﺒﺴﺘﺎﻥ ﻳﻌﻨﻲ ﺻﺎﺭﻟﻪ ﻭﺍﻫﺲ ﻭﻓﺎﺭﺱ ﻣﺘﺪﺭﻳﻦ ﺑﻲ ﺷﻠﻮﻥ ﻳﺴﻮﻱ ﻭﺍﻫﺲ ﻟﻠﻮﺍﺣﺪ .
ﻋﻀﺖ ﺷﻔﺘﻬﺎ ﺗﺘﺨﻴﻞ ﺍﺫﺍ ﺛﺪﻙ ﻳﺸﺘﺮﻱ ﻟﻠﺒﺴﺘﺎﻥ ﻭﺣﺴﺖ
ﺑﺮﺍﺣﻪ ﻻﻥ ﺣﺘﻜﺜﺮ ﺟﻴﺎﺗﻬﻢ ﻟﺪﻳﺎﻟﻰ .
ﺑﻌﺪﻫﺎ ﺳﺄﻟﺘﻪ ﻋﻦ ﻧﻘﻠﻬﺎ .. ﻧﺸﻮﺍﻥ ﺭﺍﺡ ﺗﺨﻠﺺ ﺍﺟﺎﺯﺗﻲ ﺑﻌﺪ ﻳﻮﻣﻴﻦ ﻻﺯﻡ ﺍﺭﺟﻊ ﻟﻠﺪﻭﺍﻡ .
ﺣﺲ ﺑﻀﻮﺟﻪ ﻻﻥ ﺭﺍﺡ ﺗﻠﺘﻬﻲ ﺑﺎﻟﺪﻭﺍﻡ ﻭﻛﺘﻬﺎ ﻛﻠﻪ ﺑﺎﻟﻤﺴﺘﺸﻔﻰ ﺑﺲ ﻣﺤﺐ ﻳﺒﻴﻨﻠﻬﺎ ﻻﺯﻡ ﻳﺴﺘﻌﺠﻞ ﺑﻨﻘﻠﻬﺎ
ﺍﻗﻠﻬﺎ ﻗﺮﻳﺒﻪ ﻋﺎﻟﺒﻴﺖ .
_ ﺍﻥ ﺷﺎﺀ ﺍﻟﻠﻪ ﺣﺒﻴﺒﺘﻲ ﺍﻧﺘﻲ ﺩﺍﻭﻣﻲ ﺍﺧﺬﺝ ﻭﻳﺎﻱ ﻣﻦ ﺍﻟﺘﺤﻖ ﻭﺍﺣﺎﻭﻝ ﺍﺳﺘﻌﺠﻞ ﺑﺎﻟﻨﻘﻞ .
ﻭﻫﺴﻪ ﺧﻠﻴﻨﺎ ﺑﻨﻔﺴﻨﺎ ﺍﻟﻴﻮﻡ ﻣﺸﺘﺎﻕ ﺣﻴﻴﻴﻴﻞ 😍.
******
