رواية خفايا القدر الفصل الثالث والعشرون بقلم انين الروح
وصلت للمطبخ وشفته هو توه داخل علينه
اشوف خواته حاظناته ويبوسن بي اني بفطاريتي اركضت ردت احضنه
اوصلت مسافره حيل قصيره وكفت وتذكرت ماكو شي البينه شلون اركض واريد احضنه
وكف هو يباوعلي وكفت اني اتبسمرت مد ايده يسلم عليه
باوعت ع ايده صافنه امد يدي وسلم لو ميجوز خاف عيب خاف حرام
شفته سحب ايده
اني ابساع مديت ايدي ولزمت جف ايده وسلمت وباوع بعيونه تلمع بيها بريق مصاير عند احد اخذ كبل سحبني الحضنه وطوقني بذراعه
مثل طفل ومفطوم شوفه امه
حيل اخجلت لان البنات كلهن يباوعن علينه
سحبت روحي منه
شلونج رهف
اهلا انت شلونك ..عاش من شافك
انتي العايشه
وضلينه صافنين ع بعض مثل العطاشه بصحراء مجرد نشوف سراب المي نريد نركض حتى نبلل ريكنه ونشبع منه قبل لا يجف ابسبب حره كلوبنه
علياء ..شنو راح تظلون هيج واكفين
فوت جراح جوه
التفت عليها
لاتكولين جراح
انه اسمي ابو صكر
اسفه ابو صكر
رجع التفت عليه وينه السبع مالتي وينه الذيب وينه الصكر ابو عيون جادحه
ركضت فتت للغرفه
عمه جده جراح وصل اخذت ابني وطلعت اركض
هذا الصكار يابو صكر شلته وخليته ع صدر جراح
اخذه مني وظل يشم بي ويبوسه ويحجي وياه
ها يالبطل اسويت ابغيابي
خوما صدت جرذان اريدك تصيد بس الواويه
ويبوس
وصكر يضحك ابوجهه عبالك يعرفه ويرفس ويلعب بيده
سبحان الله
جتي عمتي هي والجده
ركض جراح عليهن وكف كدامهن نزل يبوس ايد جدته وامه
وهنه فرحانات ويبجن
ظلت الجده تتغزل بجراح لان هو عشكها اتموت عليه من ماتشوفه يوم تحسبه مو يوم طبيعي
ااااخ ...
يانسمة شبابي ...الغربت ...
ياهو اليردها ..؟
اوسمت اجروحي الچـثيره ...
و حاير...ابيا صوره اشدها ...
عاد .يالچـتفت روحي ...
ابسلسله حسرات ...هدها
لا تذوبها ابلهيب اجفاك
من كونك تودها
كمت دخلت للحمام حضرته كامل ومكمل
طلعت منه صار هو بوجهي
شسوين عندج
جنت احضرلك الحمام ...شكرا
ليش تشكرني هذا واجبي
جراح .صدمتني من كالت هذا واجبي
🙁🙁🙁 يعني شنو رايدتني هذي لو بس جاي تخدمني
شكرا ماقصرتي
طلعت هي ودخلت للحمام شفته مجهز كامل حتى ادوات الحلاقه خالتها كامله
زينت لحيتي خفيف ودخلت جوه الدوش رخيت كل اعصابي واني محضر اليفه جريت بطل مكتوب عليه غسول
درت عاليفه اللللله ياعطر رهف
هذا نفسه العطر الاشمه وهي اتفوت من يمي اللللللللله ياريحه هلي وحبابي
ظليت مصوبن جسمي ونتظر ماريد العطر يروح مني
اريده يلزك بجسمي
وانه بالحمام وسمعت حس امي تصيح بسمي
يمه جراح ما انتهيت من غسلك
اي يمه راح اطلع
طلعت وبدلت ومشيت لديوان دخلت الكل موجود ابوي وخوي خواتي امي جدتي رهف حتى نسابتنه
حبيت المه الحلوه دخلت اريد اكعد والكل صار ويأشر ع مكان
تعال هين جراح هذا مكانك
اعاين مكان فارغ بس يم رهف
يعني همه يردوني اكعد يمها
مشيت وكعدت يمها صارت بيني وبين رهف يقين اباوع ع الطفله يمها ماعون تمن ومرك وجاي عود تاكل وهي اصلا تلعب النوب شالت الخاشوكه وخلتها ع دشداشتي ودمرتها بالمرك
وانه توني لابس وكاعد
لا هاي اسوت اخذت الخاشوكه منها شو هاي عاطت وفحطت بجي جن مو خاشوكه ماخذ ماخذ روحها منها
رجعت الخاشوكه الها شلتها كعدتها بحضني حتى انه اوكلها عدلت كعدتي اتقربت عالسفره
طخت رجلي برجل رهف صرت احس بحركتها من تاكل وتشيل ايدها
......
رهف جنه كاعدين نريد نبدي بالاكل ودخل جراح
بس يايمه شنو من دخله عطره قبله يسبقه اخذت كلوب الحياره
طالع يجنن مخفف شعره ولحيته ولابس دشداشه اكريمي
اني مجنت متوقعه يكعد يمي لان مكاعد هو قبل يمي
شو اول ما دخل والكل يكله هذا مكانك وجانت يمي رباب ابتعدت سوت مكان يمي
هو كبل اجه وكعد النوب يقين تلعب بالاكل والمرك صارت ع دشداشته اخذها وكعدها بحضنه وكام يوكل بيها
صابتني الغيره منه ومن بنته
قربت راسي ع اذنه وهمست
هم يجي يوم وتكعد صكر هيج بحضنك وتوكله بيدك
التفت عليه وصارت عينه بعيني
الصدك خفت من نظرته جانت حاده
ابتسملي ☺️☺️☺️ وردني
مو بس اكعده بحضني حتى بكلبي يكعد بس اذا هو راد وسلمني كلبه
اكون اله اب وصديق وحبيب😉😉😉
هذا حبيب العمر
😧😧😧😧 هذا المن يقصد ابكلامه معقوله هالكد يحب لبني
بس اني شفته من سئل عليه و افتقده
تقربت اله ردت احجي فقط
بس انت ما سئلت عليه ولا شفته شلون هالكد تحبه
باوعلي 😏😏😏
لأنه بعده صغير مجاي يحس ابحبي ولهفتي اله
ماعرف يمكن يحب يغبي حاله ويعيش دور الاثول ويسوي نفسه مايعرف شي
رهف اسمع كلامه بذني هو جاي يهمس وانه ابلع ريكي وغص بالكلام
احسه يلمحلي
هذا الكلام الي مو لبني
اكيد قاصدني
كرصني من زري من غير ما احد يشوف
وين صفنت ياصكرهم يحجي ويحرك حواجبه والابتسامه مرسومه بشفايفه
لا وياكم جاي اكل باوعت عالماعون اريد اشيل خاشوكتي
وجان يمد ايده قبلي واخذ خاشوكتي وأكل بيها
جراح هاي خاشوكتي
اعرف وانه عاجبني اكل بيها عندج اعتراض يصاكرهم
ابتسمت ابوجهه وماعارضته
عادي اكل بيها اني وياك واح............؟
وسكتت انتبهت ع كلمتي اني وياك واحد
الان ماصرنه واحد
اوووف لشوكت راح اظل يجراح مجاهلني
كملنه غده ودا الم الماعين كمت من يمه ودا اشيل لزم يدي وكلي
سمعي هيثم هذا ردي الج
اني اصفنت ع وجهه
هو غمزلي وكام
رهف عود جيبيلي الجاي بالكلاص
الحجي .يابه وين ماوين شلون شغلك عملك
عفتهم ورحت احضر الجاي وسمعت صكر كام يبجي
اركضت عليه فليت اكماطه غيرتله الحفاظ وبوترته ورجعت كمطته
و كعدت ارضعه نسيت الجاي وطلب جراح مني
واني توني كملت راضعته ونام كمت ارجعه الكاروكه
ندكت بابي ونفتحت مالحكت حتى اكول ادخل
باوعت جراح ضايج وعاكد حاجبه 😠
وحجه
همزين ماطالب منح تنطيني روحج
هو كله اكلاص جاي
هيج طلبي ثكيل عليج والله وسفه جراح تالي عمره يطلب شي تافهه وما يتنفذ
كمت اريد بس احجي وبرر ليش ما جبت الجاي
هو منطاني مجال احجي طلع وطبك الباب بكل قوتها
حتى الطفل فز وكام يبجي من ركعت الباب
ارجعت الابني وشلته حتى اسكته وكمت ابجي وياه
لان جراح منطاني مجال ادافع عن نفسي ولا احجي كلمه وحده
حيل قهرني ابفعله
لازم يوكف ويسمعني
طلعت عالبنات اشوف خاف محتاجين شغله عمله
بس اني ولا يمهم
كل بالي يم جراح ادور عليه بعيوني اريد اشوفه وعرف هو وين
عمتي صاحتلي
تعاي رهف اخذي يقين غيري ملابسها البت ملطخه روحها بالمرك
اخذتها غسلتلها ولازم ابدل ملابسها
واني شايلتها ولافتها بالمنشفه
دخلت الغرفه جراح لان ملابس الطفله بالكومدي مالتها
افتحت الباب ابقوه
وجان يعيط بيه عيطه اله جفلني ابمكاني
انتي شنو ثوله ما تكولين احد بالغرفه نايم تعبان
اني ما ادري بيك انت اهنا عبالي طالع
ون ماتدرين يعني تاخذين راحتج حيل وطكين البيبان ابقوه مو ست رهف
ماكو حرمه للبيت
هاي اشبيك شو من جيت الحد الان بس رزايل عملانه سويتلك شي اني
لايابوه غشمي حالج ماسويتي شي
😤😤😤😤 فضيني شرايده
اريد اطلع ملابس لطفله حتى اغيرلها
يله ابساع اريد انام
دخلت اخذت ثوب الها اريد اطلع
وهم صاح
تعاي وين ماخذتها والجو بارد غيريلها هين الغرفه دافيه
عوجت حلكي ع صفح 😏😏😏 هو انتبهلي
لا تعوجي لا اجي اكسره الج 🤨🤨🤨
اتقربي عالمدفئه وغيريلها لاتبرد
طبعا المدفئه الزيتيه قريبه عالسرير
كعدت ع حافه السرير طخ ظهري برجله
باوعتله فتح اعيونه
اني اسفه موقصدي افززك
ليش انه طفل حتى افز ههه يابه انه ذيب من انامن انام بتك عين
عين تغمض وعين تفتح
حسيت رجليه وحضنه حوط ظهري صرت كلي داخله بنص جراح
كمت ع حيلي ابساع ونزلت كعدت بالكاع اغير لطفله
بوترتها كامت تغفي تريد اتنام خليتها ع رجلي وظليت اهز بيها حتى اتنام
ظل جراح يباوع عليه ويبتسم
جراح ..كون يعود العمر ورجع صغير وبحضن امي انام مثل الطير
كون اسمع صوتها من تلولي
وتكول نام يمه الولد يبني
وانه ع ذراعها انام وبحضنها حلمي ابني
اني اهز بالطفله واسمعه يحجي ويه حاله وبيني وبين نفسي اضحك
نامت يقين كمت اخليها بفراشها
لا تعاي جيبيها يمي خليها تنام
جيت من يمه اريد اخليها ونزلها
لا افتري ومناك صعدي وخليها عدل
رجعت فريت الجربايه اصعدت حتى اخلي يقين يمه
وصلت اله مد ذراعه واشر انزلها ع ذراعه
اذراعي تمد الك ماتمد الغيرك
حبيبي صدري اهلك وبيتك
خليت الطفله وردت اوخر عنه
بيده لزم زندي
وغركت نظراتنه وسوالفنه اختلطت مع بعض حتى تنتج سوالف عسل
وأناطر چم وكت وعيوني مشتاگات .
ويســـئلِني يگولــــــن ماتمر لحظــــه .
مـــانكســـر خــواطر ماتحن فد يوم .
وأتــمتع إبشوفــتــــك وشكلك إحفظه.
جراح .منعسانه انتي
اي نعسانه وراح اروح انام ابغرفتي يم ابني
جراح عفيه جاي توجع ايدي حيل ضاغط عليها هدني
هااااااا اني اسف ما ابالي اذيتج
هد ايدي
وكمت نزلت عن الجربايه وطلعت من غرفته
رحت للمطبخ الكل مخلص شغله ورايح متمدد ابمكانه
فتت غرفه الجده ماعرف اكو حجي اريد احجي واريد اليسمعني يفهمني وينصحني
شفتها نايمه رجعت طلعت ..هي صاحتني
ردي انه موش نايمه
رجعت دخلت .
اشمالج جنج ضامه سوالف ابكلبج وتردين تحجيها
اي بيبي بس شلون اني اطلبها غير همه يحسون
لا يحبوبه يردونج انتي تغريهم حتى يحبونج
شلون بيبي والله صعبه وهو اصعب من الصعب نفسه
يعني معقوله اروح عليه وكله يله انت زوجي
ولازم نزوج مو بس عالورق
لا لا بسج من هالحجي الماصخ عوفينه هو يجي ويندلج
بس انتي لا تيبسيها وياه كوني مثل الشجره واكفه ومحمله رغم كطش الكاع
شلون بيبي مفهمت
يعني بدلي ومكيجي وسمعي كلامه وخدمي
حتى اذا هو ما ينظرلج بنظره
اول وتالي يلتفتلج ويحس بيج
هيج رأيج بيبي
اي حبوبه كومي ولا تبيعين نفسج كوني غاليه
حتى دايما سعرج يزيد
اني اشكرج بيبي كمت بستها من راسها وطلعت
ارجعت الغرفتي وبديت افكر بكلام الجده
صح اني لازم اهتم النفسي وغير شكلي اشويه
للعصر الكل صحه وكعد من نومته سوينه جاي وكليجه وكيك جانت زينب محضرته
كعدنه بس جراح جان طالع واني محاسه
طلبت من زينب نروح لصالون ولسوك اشتري ملابس لان ماعندي كلها عريضه من جنت
حامل لحد اليوم مشتريت شي جديد
زينب ..اي عادي اني حخابر ع فهد وكله يجي ياخذنه بس انتي خابري ع جراح وشوفي يقبل
اني بالاول اترددت لان شلون راح احجي وياه استحيت
زينب اني اخابره بس انتي احجي وياه
لا احبيبه انتي خابري وانتي احجي هو بعد زوجج لازم تاخذين رأيه قبل الكل
اااف عابت شكد مكروه
خابرت واني متردده وخايفه
رد بصوته الخشن
اني حتى التلفون طفر من ايدي مو اسمعت حسه عبالك ضرب اذني راشدي
ماتحجون شني اخرسيتي
ابلعت ريكي جراح اريد اروح لسوك ويه زينب اشتري شغلات الي
ماترحين ...ليش جراح ...؟
كتلج ماترحين لاتظلين تسئلين
جراح مو اني محتاجه شغلات من السوك عفيه
رهف والحمزه اذا رديتي وكلتي اريد اروح لجي للبيت اكسر راسج انتي ليش ما تاخذين الحجايه من اولها
كتلج ماكو روحه لا ويه زينب ولا ويه احد
بس جراح
وغلق التلفون بوجهي
زينب ..هااااا شكلج ....؟
ما رضه اروح وياج لسوك
ليش شعجب ...؟
والله ما اعرف بس كلي لتروحين ومنطاني السبب
زينب ..يله ميخالف غير مره عود نروح لضوجين
شلون ما اضوج واني محتاجه اروح اريد اشتري ملابس جديده الي من جبت لليوم ما مشتريه
ميخالف رهف يمكن جراح مشغول وتعبان وكلج لا ترحين
او يمكن هو يريد ياخذج وترحين وياه لسوك لا تستعجلين
ان شالله زنوبه
وبعد مرور ٢٠ يوم ع رده جراح النه جتي ازهار العمتي تبوس الايادي والرجلين حتى ترجع الجراح والبنتها
الصراحه اني ازعلت عليها رغم كل حقارتها ويايه ونكاستها وكلامها الجارح
بس تبقى هي ام وبنفسها اتربي بتها وتنام ابحضنها وتشتم ريحتها
اني اذا يوم واحد ما اشم ريحه صكر اموت
شلون هي صارلها بالسنه مفاركه بتها الله يساعدها
والنوب جراح بعد العركه الاخيره مايرضه تجي وتشوف بتها ولا احد ياخذ الطفله ويوديها الامها
يمه هاي لو اني جان من زمان كتلت روحي
كلشي ولا واحد يبعدني عن ابني
عاد عمتي كالتلها رجعي البيتكم هسه واني احجي ويه جراح حتى تشوفين بنتج
بس ازهار ما رادت بس تشوف بتها
رادت ترجع العصمت جراح وترجع اتكون زوجته
بس عمتي ما انطتها كلمه نافعه بس
الله كريم
اني شتردون مني اتخبلت صح جراح ما متقربلي ولا لامس شعره من جسمي بس احسه هو كل حياتي هو بس الي ما ارضه ابثانيه تشاركني بي لو ع كص ركبتي
ومرت الايام والشهور وصار عمر صكر اربع شهور
وجراح ابد ولا اتغير النوب زاد كام لا يطلب مني شي ولا ياخذ من ايدي شي
لو يطلب من خواته لو من امه
حتى صكر من يريد يشوفه يطلب من رباب اجيبه اله
واني راكني بالزاويه حالي حال اي تحفه موجوده بالبيت او ابغرفته
وليوم اني جنت حيل ضايجه ومختنكه طلبت من عمتي اروح البيت زينب ابقه كم يوم يمها لان نفسيتي حيل تعبانه
وطلبت منها تحجي ويه جراح يوافق اروح البيت زينب لان هو ابد مايرد طلب امه منه لو تطلب روحه منه ينزعها من جسده وينطيها الامه
من رجع للبيت وتعشينه غمزت الامه حتى تكعد وتحجي وياه
لمينه الماعين واني وكفت وره الباب اسمع عليهم
كعدت وحجت وياه وطلبت منه اروح البيت زينب ارتاح كم يوم
ماقبل اروح بس امه اترجته
كال اتروح بس هي
الجهال متاخذهم وياها
يمه شلون تعوف الجهال صكر يرضع ويقين ما تكدر بدون رهف
سكت فتره طويله ورد حجه انه بس اريد افهم هي اشعدها رايحه اهناك شو نفس الشي اهناك بيت وهنا بيت
ميخالف يمه يمكن المره محتاجه تحجي ويه الي ابعمرها او محتاجه شي من اختك
اكلج يمه شو زينب كل يومين والثالث يمنه
من تحتاجها وتريدها الوحدها تدخل الغرفتها وتفضها
يمه انه مجاي اتناقش وياك هي كلمه ورد غطاها
انت تقبل رهف تروح البيت زينب كم يوم لولا
اووووف يايمه والله اتعبت منجن
هاااا يمه تروح لو لا
