رواية الطاغية والمغرور الفصل الرابع والعشرون بقلم يارا الياسري
شيراز
عيناكِ بحرانِ تاهت فيهما سُفُني
و الهُدْبُ أسطورةٌ كالحُبِّ في وَطَنِي
كلاهما نافذٌ كالسهمِ طعنتُهُ
ذا في الفؤادِ و ذا في سائرِ البَدَنِِ
رحيق
ستكون شغوفا بي دائما...
انا امثّل لك كل الخطايا التي
لم تجرؤ يوما على ارتكابها
______________________________________
رحيق هيج عادي ببرود ماعدك اشكال انت قاتل
شيراز بجزع يابة وحق ماي عيوني حيرتيني
شتردين فهميني ؟!!
لاعايشة ويانا لا تدرين بدنيانا اجيتي من
شكم يوم وفرضتي روحج
كلتلج. لا تتدخلين لاتتدخلين وهرش ليهرشج ماتكعدين ألاتدخلين روحج وتفرين راسج
يعني شتردين أكولج لا .
راح تكليلي جذاب انتَ وانتَ
أخصمها الج وأگلج أني قاتلها وفكيني شرج
رحيق بصدمة: وفاتحة عيونها وأحساسها
متخبط بين ريبة وخوف من كل عقلك
أنت تحجي ؟؟
شيراز تنفس بعمق وزفر أنفاسه وعيونه
بعيون رحيق وكال بأستهزاء
ووهو يخلي أيدي بجيبه
لا من نصه امشي طلعي كافي
خلي كرامة عدج لو كبريائج مايطلع
بس من احجي وارزلج حسي ولملمي
طغيانج الخابصتني بي وتوكلي لغرفتج.
رحيق من كال هيج حسيت يحشش علية
ضجت حيل الحارك گلبي عنده أبرد من الثلج
انت بيك خلل ..
شيراز خلل طبي لو رباني حجاها
وضحك بتك خد .
رحيق لا والله عقلي لبيك .
شيراز متعمد يفور أعصابها نفس البيج
ياماي عيوني وغمزلها بعين اليسرى .
رحيق شتقصد ؟
شيراو تنهد بضجر روحي بداعت مصطفى
لتهذين بي دروحي أحسب منه للخمسة
اذ شفتج كدامي اعتبري اليوم عرسج .
واحد اثنين ثلالثة وماحسها غير طلعت
يم الباب كلت خمسة ورجعت فتحت الباب
لاعبالك خايفة بس ادري بيك سوالفك
خايسة . ..
شيراز بضحكة شو گلبتيها جلفي وين الحكم
والعبر وكلمات فصحى .
رجعتي لاصلج ههههه اللهم لك الشكر .
رجعت من الباب أشكر الله هواي مافضحتك
باوعت يمي مخدة الجرباية شمرتها بخلقتها
دمشي ولي تفضحني ام طغياني ..
شفت الحديث عقيم ويا ووجودي خطأ جنبه
طلعت بلا حس ولارد علي.
شيراز.شمرت نفسي بتعب وتثاوب على فراشي
نزعت الحذاء بالكوة نعسان ورايح بنص
التعب سحبت جسمي ونمت بملابسي
رحيق طلعت والحرارة صعدت عندي
صخنت منه اكو تشحرج ببلعومي .
رحت لغرفة خود نايمة واللحاف
واصل لرجليها غطيتها عدل الجو بارد .
وبقيت أحوس وأتحرك بالغرفة أحس عقلي
يريد يطلع ويصرخ بوجهي يكلي كااافي كافي
تفكير مالج دخل بس وين اني بقيت أفكر
وأخلي تخيلات يمكن لازمها ويا واحد
وقتلها لو مسوي شي وقتلها لو معنفها
شنو السبب؟؟
معقولة محد بهالبيت يدري هو قاتلها زين
وقزح شنو موقعها شكد صارلي هنا ماعرفت
شنو سرها؟! وشنو تقربله ؟!
كلها أسئلة فاضت التعب بروحي تمددت
على أمل تغف عيني ويغلبني النعاس لكن
وعدت نفسي أسأل البنات زينة فريال لو
أنجبرت أسأل أبهر لازم أعرف شنو هالعائلة
لوكعت بنصهم
بقيت أتگلب يمين يسار وأحس عيوني
بيهن ملح نعسانه ويوجعني بس رافضات
يغمضن گل ماغمض تجي فكرة براسي .
ماحسيت الا غفيت وفزيت على صووت
همس خفيف پأسمي على صوت خفيف
مثل واحد يم أذني فززيت مفزوعة أتلفت
وأباوع يمين يسار وشفت صورة جلبهار
وعيونها مديورة علية لزمتني رعشة معقولة
شبحها عدنا بالناصرية هواي يأمنؤن بالارواح
ومرة صارت حالة وبنية لزمهتها روح بت
خالتها المقتولة يكولون المكان البي ظلم
والميت بي مظلوم وماخؤذ حقه روحه
تبقى بي لحد ما تنعرف الحقيقية وبالعادة
الارواح ماتاذي الناس لتعرفهم موجودين
من قبل لاتموت بس تأذي اذ شخص غريب
واني عنه هالبيت غريبة .
استغفرت وبقيت أسمي وأقرا اية من سورة يس
"وجعلنا من بين أيديهم سداً ومن خلفهم سداً
فاغشيناهم فهم لايبصرون "
بقيت أكررها وأيدي على قلبي .يارب
الهمني معرفة الحقيقة .
رجعت خليت راسي على الوسادة ولميت جسمي
وأباوع بفراغ للصبح بلشت خيوط
الفجر تبين گلت نومة وطارت من عيني
أنزل استمتع بهالجوة الرباني لينطي طاقة
طاقة التفاؤل وتنشيط الايجابية بالانسان
تقوى بأوقات الفجر وغالبية الروحانية لو
متدربي علم الطاقة أعمالهم باوقات الفجر
بداية خيوط الصباح بي طاقة عجيبة
للاستجابة الدعاء والسحب السلبية
طلعت وصرت أسوي تمارين توزان نفسي
من ضمن هالتمارين كعدت على ارضية الحديقة
الخضرة بحالة امتداد العمود الفقري وجعلت
ابهام ايدي اثنينهم مرتبطين وصرت أتنفس بعمق
وأسحب لاعماقة واحتصره للحضات وأزفره
وأحاول اهدي نفسي واصفي عقلي بنص
هالتمارين حسيت خيال قربي. أنفزعت وكمت
فتحت عيوني ياتوزان يابطيخ ودرت بخوف
شفته شيراز صافن ومخلي ايده على خصره
من شاف خوفي طكها ضحكة ويحشش علية .
من الرعبة عصبت بوجهه ماتعرف تطلع صوت
تحمحم كول بشر اخرعه اوكف كلبه لو أحساس
ماعدك .
شيراز بمرح والله توقعت بعد ماخمطتي الهوة والاوكسجين
كله اعصابج تهدى تصيرين ريلاكس
شو بالعكس صرتي خيط وشعواط .
وقرب مني صار يفصلنه سنتيم واحد بلعت ريك
وشيراز بارزة أنفاسه وبلعومة ينزل ويصعد
وعيونه لانغرست بية همس بخفوت وبحة
صوته مغرية. عندي طرق ثانية للتوزان نجربها
بعد العقد مايفيدج هالتنفس والخرابيط انتِ
محتاجة ليالي جنسية تريح أعصابج .
من كال بجراءة هالكلام دفعته بقوة وعصبت
أكثر انت شلون تحجي بهالطريقة وياية؟!!
منو كلك راح أقبل بهالعقد لاعبالك ماعندي
أحد ولاسند أخضعلك وأقبل بعقدي عليك
مستحيل اقبل أكون ويابشر بالظلام والسر
يا زواج كامل وحالي حال كلةمتزوجه
والي حقوق وتثبيت بالمحكمة يا لاتفكر
أقبل بالعقد مو غشيمة كدامك نص دور
الايتام متروسة باطفال من هالزواجات
السرية وماتعترفون بيهم مستحيل
أكون بهالغباء .
أباوعله ماحجى بحرف بس قوس شفايفه
وعقد حاجبه اليمين ورفع اليسار خلصت
گلامي وكال كلمتين بكل ثبات لكن هز ورعد
كل أساريري .
شيراز پاصرار وثبات هالزواج والعقد يتم بكرة
يعني يتم وشوفيني شسوين ؟!!
وهااا بالمناسبة توافقين وانتي الممنونة
وعافني افور وأغلي بمكاني وراح بقيت
أهز بجسمي اريد حل مالازم أقبل وخطر
أبالي قززح اي ماكو غيرها هي ماراغبة وجودي
أطلب منها تساعدني وتتخلص مني .
بقيت أتنفس بصوت مسموع وبلعت ريكي
ورحت للمطبخ شفت فريال كاعدة .
صبحت عليها وبقيت أحوس بحيرة وعدم
تركيز يمين يسار .
فريال : خير يابنتي شو بدك؟!!
رحيق عظيت شفتي وباوعتلها خالة عندي
كم سؤال تكدرين تجاوبيني وتريحين لقلبي.
فريال : اي شو مابدك .
رحيق تمام تعالي كعدي كعدت على صدر
ااطاولة واني على جنبها اليمين لزمت كفوفها
بتوسل ساعديني أفهم شنو هالعائلة وين
تورطت؟!!
فريال : شو بدك تعرفي ؟!!
رحيق بالاول موت جلبهار تتذكري اليوم
الي ماتت بي.
فريال : لا والله يابنتي انطوني اجازة بوقتها .
زاد الخوف والشك بقلبي .
تمام زين شلون كان شيراز معها ؟!!
فريال يموت بيها كان مجنون بحبها
وكل وقتهم وحب ورومانسية حتى
من تأخرت بحملها ماكان عند مشكلة .
رحيق وعقدت ملامحها يحبها ؟!! وبقلبي
هوواي يحبها وقتلها ومن الحب ماقتل
ومن شيراز أخذ الحذر .
تنهدت وزحت حسرة زين وبللت شفتي
بتوتر وفضولي يريد بعد بعد مثل فلم غموض
نتمنى ينتهي بدقائق ونعرف الاسرار هشكل
احس هرمون الحماس والفضولي عندي معلك
مليار بالمية.
رجعت سالتها وقزح قزح شنو وجودها هنا مربية
اقارب يعني عذراً بس مااحس الها داعي.
فريال والله يابنتي هو تركها هون تربي خود
بعد موت امها بحكم قرابة قزح من جلبهار
الله يرحمها .
رحيق بدهشة شنو شنو تقربلها؟ شلون تقربلها ؟
من الصدمات احس راسي يصيح عفية رحيق
بطلي تحقيق وعوفي كلشي وشردي هو هذا
لمفكرة اسوي اشرد منه واترك هالتوتر والاسرار
كله لبية مكفيني
رجعت المن فريال طختني بس يابتي شو
بدك بكل هالحكي والاسئلة لكي شو مااحكي
بيضل بينه انا هون عم اشتغل مافيني اتحمل
مشاكل .
رحيق وهي أطمئنها لاتخافين محد يعرف شي
تنهدت اكو نقطة لفتتني ان فريال حجت
بسرعة بس هالشي. مااستغربت من كنت أروح
لبيت الشيخ مرات ادرس اطفالهم. الخدم لعدهم
يحجن الاسرار كلها بعد معروف النسوان ماتنضم
سالفة يمهن لازم يحجن ومايعرفن يسكتن
الا نادراً .
المهم من كل هالكلام كدرت أحصل معلومات
من فريال خليت كفي على وجهي وسألتها
شنو تقرب قزح من جلبهار ؟!!
فريال وگان انفتح الباب كدامها حجت بالتفصيل
شوفي يابنتي. قزح تصير بنت عمها لجلبهار
بعد ما جلبهار تزوجت واجت هون عاشت مع
استاذ شيراز بأشهر كان في حدا من لحضروا
العرس اقارب استاذ شيراز شافها لقزح وانعجب
فيها وبعد اشهر تقدملها وخطبها وتزوجت
وأجت هوون بس لتزوجها
كان يعنفها حسب كلامها وكم مرة بتطلب
من شيراز يتدخل الى ان بالاخير قررت تتطلك
وخافت من اهلها لكن من طلكت. جلبهار من كثر
طيبتها كالت لعمامها وابوها تبقى يمي تشتغل
وتعيش وياية ومحد يجيب طاريها ومحد يدري
بيها انفصلت .
وهيك اجت عااشت هون وبعد ماولدت
جلبهار كانت تهتم بخود الى ان ماتت
جلبهار من ماتت لهاليوم بتذكر شكلها لقزح
كانت تبكي بحركة وصعدت لعند استاذ شيراز
لكن منتهي ومافاهم ولا مستوعب موت جلبهار
دكت الباب.
رد وهو يدخن بحرگة گلب .
قزح بدموع التماسيح شيراز أكدر افوت ؟!
شيراز هز راسه بمعنى اي .
قزح بخبث ومكر : جلبهار صدمتني ماتوقعتها
تروح بسهولة واخسرها هاي مو بت عمي
أخت الي تشهك وتبجي .
شيراز تنهد بقهر ووجوم وبلل شفته حجى
بأنكسار واضح قزح
شنو صار منو قتلها منو دخل لهنا بغيابي .
مررتي وبحر عمري تروح غفل مني المن
هالحرررس هالدنيا بعدها مالها معنى
ريتهم اغتالوني وماقتلوا هالبرئية
مسح عيونه بقهررر ودار بالكرسي
بعد عيونه المغوركات دموع .
قزح والله مااعرف شي ورجعت تبجي
اني مكسورة عليها ماواعية للكلشي .
وفوكاها بابا أتصل يكلي خلاص لمي غراضج
وراح ترجعين يمنه ومااكدر اترك خودان
هي أمنتها الي حايرة شسوي والله أدري
بوضعك مو مال تفكر بية بس خودان من
الصدمة سكتت وبعدها ما متقبلة موت أمها
كلت ابقى عيني عليها . بس مو بيدي .
دار شيراز بغضب شنو ترجعين مايحس ابوج خود بحاجة
احد يصبر قلبها اني مااكدر اعوضها عن امها بسانتي ربيتها ويا جوريتي
خود صغيرة ماتفهم الموت ومعناه محتاجة من يصبر
ويكون الها مثل امها منو غيرج اكدر اثق بي .
عوفي هالموضوع اني أتصل باهلج وأتصرف وياهم .
رحيق بترقب وبعدها شصار ؟
فريال تنهدت مرت اشهر وطلع متفق ويا ابوها يعقد عليها علمود خود
وهيك صار عقد عليها بس ولا اقترب من غرفتها وليومج هذا قزح
بغرفة لحالها وهو لحاله وكالها اذ تردين تتزوجين منو ماكان هالشخص مستعد
احلفله زواجي منج بس علمود بنتي ومعتبرج اخت مستحيل افكر بيج .
لكن هي رافضة وهيك .
رحيق شحب وجهي وحسيت بعقلي راح يتوقف هو عاقد عليها واني شنوو؟؟
كمت بدهشة ولدون وعي بخطواتي وبعدين ويا جنس ادم ولاواحد بيهم يشوفني استحق اعيش طبيعي
ليش قدري هيج؟؟
ليش شكو نذل تسلط علية ؟؟
فتحت عيوني بحدية وبلعت صدمتي حزني
ووقفت بقوة انتصب ضهري والله لشوفك رحيق شسوي خنشوف منو لتعقد عليها
حسيت بكبدي يحترق لعبة لعبة بيده بكيفه يمشين الله يلعن السلطة واصحابها
مشست وخذتني رجلية لنص الصالة الفوك بقيت افتر من حولي حسيت جدران هالمكان تقبض انفاسي وتخنكني
لزمت راسي لازم اخلص من هالدوخة كلها لازم اني اجيت مناك مو حتى اكون
بين هالنماذج كل طلبي ابقى يم اهل البيت اخدم وهذا لراح يصير واتصرف بحذر
مراح ابقى بهالدوامة ولا مع هالغامض الاسباني .
بعدني مامسحت دموعي واجيت اطلع من الصالة لغرفة خود
اجت قزح و كلبت ملامحها بوجهي
قزح بكيد : مدام صبحت بيج هلت مصايب الكون براسي .
باوعتلها من حجت فريال انكسر كلبي عليها وحسيتها مجبورة مثلي بس من اشوف
حقارتها حتى الشفقة ماترضى تطلع بحقها .
وقفت بشموخ وحجيت بقوة قزح اذ تردين تخلصين من خلقتي ساعديني اخلص منه قبل
عقد شيراز علية والا ثقي اذ عقد علية اخذ روحه وكلبه واصفيج بالشارع واخلي
لاهلج يرجعج رادت تحجي سكتتها خلي اكمل ماتعرفيني ولاتعرفين شكدر اسوي
لو انجبرت قتل اقتل طالما اني وانتي غايتنا وحدة حققيها الي والا راح تكون نهايتج بيدي.
قزح ووتبددت طاقتها انتي شتكولين ؟؟؟
رحيق داكولج لاتخلي يعقد علية هربيني والا بعدني مامكمله
قزح اوكفي اوكفي حامية تهديد ورفعت ايدها بتهديد باعي زين اذ هاي
لعبة منج حتى تبينله لشيراز اني مااريد سعادته .
رحيق بملل الج منج اله لجهنم ماتهموني تهمني نفسي وبس مااريد ابقى هنا
ولاريد ينعقد بالسر علية اني مو انتي مامجبورة ولااكو شي رابطني هناا
ماكوو شي بعد يجبرني اقبل بواقع ماراغبته .
قزح باوعت وحجت بمكر اذ ساعدتج راح تطلعين وتختفين من بغداد والا من صدوك
اني انهيج .
رحيق تمام راح اروح لكربلاء ومراح تشوفيني .
قزح بفرح تمام خلي يطلع شيراز واني الكى طريقة .
رحيق للعصر كون اخلص منه .
قزح بخبث يمي مدام اخلص من جهرتج .
بالفعل كعدن تريكن وبوقتها صفناتي كلها بالاسباني
ماشلت عيني عنه واني اشو فحركاته ونظراته مراح اكول شكد طيب وهالكلاوات
لا واضح بشيراز حقارة وخبث وشيطنة والا مافكرءياذي ابن عمه
بس احس بداخله حنية وايضا اجرام هو انسان غامض بس خلاص راح اطلع من حياته
ويطلع من راسي وهيج لا انجبر اوجهه ولا اي شي ارتاح ارتاح وبس من كل هالاكشن
قزح حجت شيراز ممكن اليوم نروح اني وخود نفتر بالسيارة وماننزل الا ويا الحراس
مملل وهالايام مختنكة .
خود حجت بسرعة مااروح الا وماما ويايه ز
شيراز باوع وعاقج حواجبه شنو هالسالفة قزح ؟؟
قزح ومحتاجة كم كتاب تنمر على مكتبة شي بالنهاية مراح ننزل والحراس ويانه.
خود اي واني بعد اريد الوان اني اختارهم كولش ضايجة.
شيراز باوع وابتسم بحنية بوجه خود واشرلها تعالي .
دفعت كرسيها وكامت لعند ابوها شالها وكعدها على رجله و
ويلعب بشعرها خوخة الحلوة حجت وصارت تطلب .
ابتسمت بطفولية وبراءة .
شيراز كولي بابا شنو نوع الالوان لتعجبج اني اوصيها الج.
خود ماتعرفها وماارعف اسمها اريد ادور خلي اروح وماما ويايه
قرص ها بابا .
حباب بابا .
شيراز خوختی لایون تام
خوختي لعيونج تم .
ورفع بتحذير ايده خلي رحيق وياج بس انتبهن زين والحراس لحضة مايغلفون عنجن
ولاتتأخرن .
خودان باست خد ابوها وحضنته حضنها بقوة ونزلها يله ياحلوة
روحي كملي ريوكج .
رجعت يمي وهي تحضني وتكلي بالفارسي بس مافهمت شي
بس اباوع لعيون شيراز الي كل مارفعت
راسي شفت عينه علية .
شوية وكلهم طلعوا بقين بس اني وقزح
وسمر وبيسان وخود على السفرة .
سمر كالت بيسان ليش ترحين لاربيل أبقي
هنا عمة .
بيسان بخفوت وصوتها مبحوح لا
اريد ابقى يم خالتي وخالي على ما نشوف
شلون أروح يم أمي .
سمر بأبوج مامن خبر ؟!!
بيسان البارحة خابرته يكول راجع لبغداد بشغل
ومأعرف شنو وكال الافضل أبقى يم خالتي
وأمي همات كل ماتتصل تلح .
سمر براحتج حبيبتي بس هالبيت بيتج
زين وسامان يدري؟!!
بيسان تنهدت : أي كلتله رفض بعدين قبل وگال
بكيفج .
سمر يله روحي أرتاحي تونسي .
بيسان ابتسمت بهدوء.
بعدها أشوف قزح تغمزلي أسترخصت وكمت
وياية خود دخلنا بالغرفة بعدني. ماگاعدة
أجا قزح .
اريدج شوية .
كمت وياها وعفت خود تطلع باقلامها ورسمها
وكفن بباب الغرفة .
قزح :بهسهس سمعي بعد نص ساعة نطلع
بس كلتي العصرر.
قزح : لا هسة افضل باعي من ندخل روحي للحمامات ومناك وطلعي بس كون بسرعة .
وبعدها أجري تگسي من ذوله لباب المول
وخلي ياخذج للكراج وركبي لكربلاء لوين
ماتردين بس لا تتاخرين ببغداد غير هيج
مااكدر أساعدج.
رحيق تنهدت وفلوس ؟!!
قزح باوعت بنص عين تمام اني انطيج
٢٥٠ دبري روحج بيهن .
شوية دخلت للغرفة شفت موبايلي ونزلت
للزينة خذيت منها جنطتي لبيها مستمسكاتي
وخذيت بنطلون وبلوزة بالجنطة صفطتهن
وصعدت سبحت بحمام خود
و لبست بنطلون جينز وبلوزة بهاري.
وشال اسود ..
خود وين نروح ماما .
رحيق نتونس مو كلتي لباب علمود الوان .
خود : هسه نروح؟!!
رحيق : اي يا ماما .
بدلتلها لبستها فستان تركوزاي ويا ستريج
ابيض ومشطت شعرها وخليت طوق بشكل
فيونكه مخرزة طلعت كيوت ويا شعرها الاشقر .
امشط والدمعة بطرف عيني هالطفلة تعلقت بية بس مااكدر ابقى
اكثر حضنتها لقوووة وبستها وبعدها
رحت لقزح لكيتها جاهزة تتخلص مني خلينا
وطلعنا السايق ويا واحد من الحراس
واحنه ٣ وراااا ورانا سيارة .
قزح بأمر : اول شي نروح للمول بعدها بس اني
لشارع المتنبي البنات يبقن بالسيارة .
السايق تمام بعد مرور وقت وصلنا للمول
تحت هدووء مهيب نزلن والحراس ويانه ماتركونا
كعدنا بالاول بالمطعم باوعت لقزح غمزت بمعنى روحي للحمام
كمت اروح اجه واحد منهم
باوعتله وبثبات كلت ارجع للحمام رايحة مال داعي عينكم على خود
الشاب رجع لان أباله اني مربية وخوفهغم على خود وقزح مشيت من بعيد رجعت
باوعت اخر نظرة لخود ترردت هواي ان اتركها وارجع للمجهول
بس خلاص اخذت قرااري لازم أبتعد عن هالجنون كله وأبرد راسي
اخذت احتياط وطلعت من المول بسرعة بعدني بالباب واشوف اكو تكاسي
انتظرت وشفت شايب بتكسي ركبت ويا عمو اخذني لكراج بسرعة .
الرجال تحرك حتى ماعاملت كال كروة خمسة وعشرين كلتله تمام
ماعاملت ولا داهرت عمو فدوة أستعجل .
وصلنا انطيت الكروة وسألت عمو شلون اركب لكربلاء
بنيتي نزلي وراح ساميعهم يصيحون ركبي وياهم بالفعل نزلت
وتحت انظزار لبكراج تجاهلت الكل وسمعت يصيحون نجف نجف
كلت الاثنين سوه ركبت بكية ورجلية ماادري شبيهن يطكطكن ورجفة بكلبي راح اخلص
من كل الكابوس لعشت هنااا ركيت راسي على الجامة صرت اباوع بثقة
تنهدت وفتحت التلفون شفت ضحى تتصل مارديت لان صوت الكراج خفت لايضل بالها
وبداخلي اكول خلاص راح اخلص من كل هالهم .
بمكان أخر
شيراز كمل شغله وكعد يدخن وصفن وسرح واول من أجت بخيال رحيق وعيونها
واردف بهمس ويا نفسه اااخ ياعيونج ينردلهن كلب من شفتج طك براسي العشك
أبتسم وهو يتذكر كل مواقف وياها وكال بشقاوة اعشك ام عيون الزرك
حسيت لازم اخطي خطوة عقد صلح بين وانهاء الحرب بين غروري وطغيانها
واني ابينلها رايدها حلال وزوجة على سنة الله ورسوله وهالشي مايتحقق الا بعرس
قانع الها تنهدت وفكرت خلاص بلية سوالف الذلة اعقد عليها وبحبي راح اعيشها الجنة
واعرف شلون اكسر غرورها واخليها غصب عنها تتعلق بية اتصلت بابهر
أبهر هلا خالوا خير اكو شي بالعائبة .
شيراز لا لا بس رايد منك مساعدة .
أبهر: كول خالوا
شيراز : تكدر تحصلي قاعة بسيطة للزواج وتعزم بس اصدقاء العائلة المقربين
ابهر شنو حابة تسويلها مفاجاة .
شيراز تكتيت حلو تغير روتين .
أبهر وتمام علية وتجهيزات العروس
شيراز عظ شفة راح احجي ويا ام رسن تدبرها
أبهر صفن وابتسم خالواا مبروك انك طلعت من قوقعة الماضي فرحااان هوواي الله يسعدك ويهنيك
وياها بس وجدتي ؟؟؟
شيراز هنا العاصفة اعزمها واذ تبعث احد يجيبها هي وعشق ونخبرها بالليل تعرف جدتك احتاج جيش حتى اوجهه
أبهر ضحك حقك بهاي تمام كولشي عدي راح يعجبك ترتيبي اجيب مطرب شي لو .
شيراز امممم ماادري انت شوف سوي لتشوف حلو ومناسب اجواء حالمة اريدها .
أبهر تمام عندي .
اعتدت على الهروووب اعتدت على الخووف عندما حصل الامان ارتعبت
وهرربت للمجهول .
قزح بالمطعم بعد ما طولت رحيق سألت خود
وين ماما شو تأخرت خاف تيهت
قزح بمكر راحت للحراس رحيق راحت ومارجعت
الحارس رد وكالها تاكدي اخاف بالحمام بعدها خذت خود ودورت بتمثيل ورجعت
كالت بخوف مزيف ماكوو اختقت يعقل انخطفت .
الحارس شلون ماكووو ؟؟؟
قزح مدري اذ تكدرون تحصلون تصوير من كامرات المراقبة
اني خفت منه خود رجعونا للبيت وبعدها تصرفوا اخاف مراقبن احد من اعداء شيراز
كلام دك براس الحارس وانطى امر للبقية يرجعوهن وتبقى سيارة ويا واحد يدورنه خبر
رجعت قزح وخود تبجي وكل شوية تكلها عفن ماما وينها ؟؟؟
همات بعد ماشاوفها رجعينه ندورها .
خود وتشهك وعيونها جم من البجي اريد ماما مااااما .
قزح وتحاول تهديها هسة ترجع حبيبتي مو عيب البجي انتي كبيرة
مايصير بابا لو عرف بيج هالكد باجية يعصب ويزعل .
رجعن للبيت واول ماتلكتهم سمر بتساؤل
شبساع رجعتوا ؟؟؟ رحيق وين ؟؟؟
قزح بتمثيل والله ماادري ماادري ماافهتمت شي كعدن بالمطعم شوية نرتاح
كالت تعبت وراها راحت للحمام ومارجعت واني خفت لا احد خطفها جبت
خود واجيت .
سمر : اهاا خير انش اء الله اهم شي خود مابيها شي ونزلت لعد خود حضنتها
ليش البحي خوخة ؟؟
خودان بكتم لبجيتها ماما ماما راحت ماما وعافتني تشهك بقهر وتبجي نيران تحرك
وجناتها الورديات ماااما راحت راحت بعد مشاوفها .
سمر بحيرة لا حبيبتي ماراحت هسة ترجع تعالي يمي وخذتها وكعدت بيها بالصالة
تهدي بيها .
بعد ماوصل خبر لشيراز من احد الحراس رجع للبيت بكل عصبية
ويصيح بتشنج وتذمر وعلى صووت صياح مستنكر ووكف كدام قزح ويصيح بوجهه
وين راحت ؟؟؟؟ ماشفتيها ليش راحت لوحدها ؟؟؟؟
وقزح التزمت الصمت كدامه رغم ترجف من هول اعصابه
ترجف وتحجي والله ماعرف كالت للحمام وراجعة وتاخرت تحجي وتبجي بدراما
ممثلة بجدارة ومقنعة لحد اللعنة .
حط ايدي على خصره ورفع كتفية بأحتجاج وشد وجهه بأحتقان وغيظ .
بعد لحضات اجه الحارس كدرن نحصل تصزير من احد المحلات استاذ
دار شيراز ووجه يلتهب نيران غضب وينه شفتوا شنو بي ؟؟؟
بينلها اثر ؟؟؟
نزل الحارس راسه اي شفنه وطالعة من المول وراكبة بتكسي
شيرازز قطب وجه وحجى بقلب مكسور وفرحة ضاعت قبل لا اتم
من جوووة الكاع تطلعلولي صاحب التاكسي وتعرون وين وصلهااااا
لياجهنم راحت افتهمتتتتتتت وصاااح بعلو صووته ويكز بحروفه
وكلبه اقل مايقال عن قلب محترق اعتلت لوعة حزن حسيت
بشي خسرته شي ماكدرت احافظ عل يلو انضحك علية ووثقت بطلعتها الحق علية لمثل رحيق
مو امان لمثلها المفروض تنحبس وماتطلع الا وياها اني .
حلفت بقلبي الكاها الكاها واشوفها الذل بحق وحقيق اشوفها الوجع اضعاف
رحيق من النسا لو احد ساعدها بلا تساوم ترفض هالشي والله لساومج على روحج وشرفج
لعيشج ذلة ماعشتيها بكل عمرج تهديدات ب قلبي الها لو شفتها روحها اخذها قليل .
