رواية الطاغية والمغرور الفصل السادس والعشرون بقلم يارا الياسري
"عبثٌ هذا الفراق، ومن قبلُ ذاك الإشتياق
إن كنّا بعادًا بعادًا،
عبثًا أحبك
ولم نبكِ يومًا معًا،
عبثًا أعيشُ حياتي أحبك
إن لم نتقاسم هذه الحياة معًا."
رحيق "يا الله
وجَّهتُ قلبي إليكَ
أنتَ الذي لا يُضام من كنتَ نصيره
ولا ينكسرُ من كنت عونه
ولا يبهُت أبدًا نور قلبٍ ينتظرُ فرجكَ وحمايتكَ وحُبك
وجَّهتُ قلبي إليكَ أملاً
وطمعًا، وحُبًا، ورغبةً
بخيرِ ما عندك" ❤️
من سألني هذااا زوجج وأباوع لعيون شيراز
نار وشرار مخفي والسلاح وواكف بغرور
وگان يكول لو رفضتي أنهيكم والدولة بضهري
وحصانة عندي بلعت ريك
بس جسمي خدران واحس أيدي منملات
شعوري شوصفه صدمة شلون؟!
وليش ماجاي اكدر اخلص؟!!
من هالمغرور لا طغياني ويا جاب نتيجة ولاهروبي
معقولة هو قدري ونصيبي بهالدنيا
معقولة فرتني الدنيا حتى تجمعني بي هالكلام بخوف يترردد
براسي وعيوني مفتوحات بعيونه ومقطبه جبيني
واتنفس بقوة وهو بسلاحه رافع راسه
واكتافه شهوة انتصار
عظيت على شفتي بأسف وتعلثمت الحروف بحنجرتي
حسيت بعجز عجززز مثل الي مبتور رجلي ولاقادر يتحرك
وراغب بشربة مي تاكله حسرة وكرامة وعز نفس هيج شعوري
باوعت لعمو صعب ومحمد كلت بقوة لا
هناااا شيراز طكت عيونه وصارن قرمزيات
حجى من بين سنونه
شنو هالكلام عمري
بقيت ساكته وأخوزر بي
كاال بثقة خلوني احاجي مرتي على صفحة نحلل الخلاف
شيراز ضم سلاحه بخصره كلتلكم مو قاصد شر ممكن تخلون نحجي واحل الخلاف
بيني وبين زوجتي ونطلع من بيتكم متراضين .
رحيق :شعوري بلحضتها ماينوصف عجزت
حروف الابجدية ان توصف وجع انهيار
قوة كراهية شنو بالضبط لااعلم احس بداخلي محيط يتخبط كل لحضة بطقس وشعور جديد
وشيراز اخ يانظرات لكلها ثبات ماتعكس ذرة من براكين روحه بس دمارات وجهه واضحة
وعروك ايده طاكات بقووة ووجه مشدود
باحتقان واتقان .
عمو صعب
كال بنية طيبة اتفضلوا للاستقبال
احجوا واتفاهموا بوية .
مشيت ويا شيراز لكان يخزر خزر واول مادخلت
صفطني للحايط وحاوطني بيده وثبت فوهه
سلاح بخصري
شيراز :أشششش صوتج ينكطع اصفيج بطلقة واصفي هالناس
الشادة الضهر بيهم طلعي وحسج ماينسمع
كليلهم رجلي واجه ياخذني
وضربني بفوهه المسدس بلعت ريكي بهلع وسط ذهولي.
مااريد أرجع وياك عوفني .
ضحك بجهورية سألج ؟!!لاگية ليحترمج مثلي
ترى بنص الشوراع ذيابه تنهش جمالج وأتشمرج
عظم..
رحيق وتتنفس بقوة ومعصبة مقهورة
باوعت بغرور ماعليك بية أعرف أحمي نفسي
انت بس أطلع من حياتي وعوفني اندل دربي.
شيراز :أبتسم بخفوت وبرود غامض أمنية مااضنها
تتحقق يلة گدامي ..
رحيق :بعد ماسيطر وقيدني برجلي وعيوني
بعيونه ايقنت
أن شيراز مثل السرطان لو صاب أنسان مايتركه
بحاله .
فرحت وگلت خلصت وأيام براحة عشت بارد
راسي وبلشت أسس لحياتي بس بعدني ماكلت
أبدأ للشوط الثاني من عمري صوفر الحكم
ورجعني لاحقر بشر .ينطبق علية الشعر ليكول
اول مانوينا نعيش
طبينا بدرب بي موت
وتوفت ملامحنا...
كلتله بقوة هيهات على العمر ليكضي وياك
يامغرور يامتسلط.
تنهد بحسرة وصوته انخفظ بلع ريك ورفع عيونه برزانه وعروگ رگبته تنفر وعظلاته تتصلب
گال بخيبة
خسىرتي أنسان جان يضمج من الناس بهدومه .
وهالخسارة عواقبها وخيمة لليوم شفتي
مزح وهدوء شيراز والغلط مني ماوريتج
وجهي الثاني واقترب أكثر الى ان
صرت لازكه بصدره هسهس بكز على أسنانه
وأنفاسه متجمرة وشررها يتطاير يحرگ وجهي
أحساسي بهالحضات وأني بين ايدين هالرعد
الغاضب
شعور مميت تقشعر بدني مع كل طخة ولمسه
من ايدي والرعشة سرت بادق ذرات جسمي هلع
صابني وتعلثم ربط لساني أختلط علية الماضي
والحاضر اتذكرت ليالي موجعة ومرر سنين
ووواقعي بين ايدين شخص راح يعيشيني بمر
ثاني ماتحملت كد ماقوية بس ساعات قوتنا تخون
بينه اعصابنا حتى أطرافنا أطرافي صارنه
يرجفن مثل السعف مايقون على حملي
لشفته شخص ثاني بعيون برود ورغبة بدعسي
جوه رجلي الروح عزيزة لو شما كلنا أقوياء
ومايهمن المووت بس من يقرب تعز روحنا علينا
يعز شبابنا .
بلعت ريك وردفت بكلمات متقطعة ومتحدية
أذ تريد تقتل أقتل مراح أتوسل بيك
الموت مرة
ثانية بالنسبة لانسانة مثلي صار شي عادي
قبل متت بكثرة الدعس على روحي
خلي ينكطع هالنفس وتتوقف جروحي ..
أحجي وأرجف ومبعدة عيوني عنه والفزع
واضح بملامحي لو انذبح قطرة دم ماكو بجسمي
غمضت عيوني وضغط على الزناد فقدت صوابي
وارتجفت مفاصلي ووكعت عند رجلي
من الخوف ورفعت عيوني بشهكة وخووف
بس هووو لعب بأعصابي ضغط زناد
وطلع صوت مال الامان يعني مأمن السلاح
اني انتهيت حسيت الدم انسحب من اوردتي
وبقيت أرجف وصلني بلحضات لانهيار عصبي
غمضت وجمعت شتات قوتي وحاولت اقرا
ايات بقلبي .
بس شيراز بعد مأستمتع بذلي
ضحك بجهورية ههههه غبية ونزل ركبة ونص
الي وجرر وجهي وخله فمه باذني بس
جهة من وجه لزكت بخدي دگات گلبه تنسمع
من كد ماتوتر وعروكه گلهن ملتويات مثل اغصان
وعيونه قرمزيات من الغضب
اما اني فدقات كلبي طبل ع الي يرن وكان
ديعلن توقفه بقوة نبضاته احس مايدك بصدري يدك
بكل خلية بجسمي كل خلية تنبض شعور مختلط خوف وصدمة وضياع وعتب على القدر
وعجز مابيدي اسوي شي لو قتلني مراح اكدر اسوي شي
ولو عبني مراح اكدر اسوي شي اتمنيت
لو بس بس عندي سلاح
بسيط اكدر اشهره بوجهه اكدر احمي
نفسي بي تنهد باذني وحرارته صهرتني
الموت ما استهوي بقاع شيراز العذاب
هواي كل يوم وكل لحضة
راح اعذبج والمسج بطريقة تجنن عقلج
موت بهدوء هدوء .
باوعت بفقدان امل وخيبة صابت گلبي
اشرلي بغرور يله كدامي .
طلعت وهو وراي
وكلتلهم من ورا خشمي ارجع ويا زوجي
حجيتها وحسيت نفسي انكطع
انرسمت بوجه شئيراز بسمة انتصار وفتح عيونه بكبرياء
الحضتها حسيت نفسي قطرة مي
ضايعة ببحر شيراز
وقلبي واحساسي متهشش ياريت لو شراستي
وجسمي يساعدني أهجم علي وأذي مثل مدياأذيني
عمو صعب وعائلته مذهولين تنباغ محمد وكال
مو عساس مو زوجج؟!!
حسيت شيراز يريد يهجم علي .
حجيت بدون مااضهر مشاعري الحقيقية لا زوجي
بس متعاركة ويا وصار خلاف تسلمون على الضيافة
شيراز : حجى بخبث كلتلكم زوجتي
دخلت فجاة وخرعتكم بس العرض غاالي ومرتي تسرعت بقرارها .
باوعلي عيونه شرر تحركني وشد ايده على خصري مو هيج حبيبتي .
حجيت بثبات معاكس لنيران روحي ولصدمتي ورعدة خلايا جسمي
اعذرني عموو بلعت ريك مع غصة والله ابلغ قلبي المحاجر
وقطع اوصله انفاسي رجع غرس اصابعه بقووة حجيت من بين اسناني
صح وعظيت شفتي لازم ارجع
ويا زوجي مشكورين على ضيافتكم .
سلمت عليهم وحضنتني خالة سعاد
اكو ناس طيبة بس الطيب سبحان الله
لاسلطة بيده جي يمشي عدل مال غير الله
وكان لازم اروح ويا ماأعرف هالخبل شنو ممكن يسويلهم مايستاهلون يتأذون من وراي
قطعت كيلو مترات كل ضني خلصت بس هيهات رجعت ورجعني.
صعدت بالسيارة ويا وكعد يسوق
كال بحقد وغيظ اهلا بيج بجنة شيراز
شيراز انكتب قدرج وراح اتفننن بعذابج.
ضحك بجهورية وأنتصار
ماطار طير وأرتفع ألا كما طار وقع .
وجر نفس وشغل جكارة وحرك انتجيت على
الجامة كال طلعي تلفونج اريد.
باوعتله باستغراب شسوي بي؟!!
شيراز باوع بسخرية اكنك علي وضحك
طلعي طلعي لا أطلع روحج .
مارضيت سحب بريك وصرخت .
دار وجه الي من انطي أمر تنفذي لا تعاندين
عنادج مامنه فايدة بس أذية وتكسير لراسج
بعدج مافهمتي القوة بيدي .
سحب الجنطة طلع التلفون وخله بجيب
سترته وشمرها ورا ومد أيده شغل
وهو يكول الطريق طويل لازم نتونس بششي
شغل اغنية مصركعة مثله
طير انت واني الكاع لابد تحط يوم
طير انت واني الكاع لابد تحط يوم
ترجعلي ترجعلي متطير للدوم
ترجعلي ترجعلي متطير للدوم
و فاركني علك فوك مابين الغيوم
فاركني علك فوك مابين الغيوم
من اتزخ مطر دنياك ترجعلي مهموم
ترجعلي ترجعلي متطير للدوم
و امشي ما عندي اي شك
ترجع لحضني عشك
يعني قابل اغشك اني
اتحملت ياما ياما روح ودرب السلامة
تيجي تبشي بندامه ثاني
و طَيَّرَ أَنْتِ وانِييَ الكاع لِأُبْد تُحَط يَوْم
طَيَّرَ أَنْتِ وانِييَ الكاع
يسمع ويغني ويا ضجت هواي كلت بصوت عالي
اسمع على كدك اني مااسمع اغاني .
ضحك وكال شعدها المرجع الديني .
باوعتله بحقد احسن منك أعبد الله
ؤجع رد بضحك لعد اني أعبد كرشينا هم الله
شو تخبطين هواي ؟!
رحيق : لو بيدي اخبط خجل مستحة وياك.
شيراز وهو يسوق : شنو شنو ماسمعت شتخبطين
وياية.
تنهدت اووف شكد تحب الدهرة .
شيراز بس وياج .
رحيق غير حضي .
شيراز يخبل حضج غير خلاني بدربج .
رحيق هو من هالدكة الناقصة طاح حظي .
شيراز ضحك وحجى بعصبية مزيفة هااا طاح
حظج من التقيتي بية .
خزرته مدامك تدري ليش تستفسر لو تحب
تسمعها مني.
سحب بريك قوي من صدوك انلزكت بالجكمجه
واحس راسي انفشخ رفعت راسي وحجيت
بعثبية بوجه كاافي كل شوية راكعني ماتطيقني
اشمرني بالشارع احير بروحي .
صفن وكال كصتج تنزف دم وطلع محرم من
جيبه خلي عليها بين مااشوف محل صخام
واصخمج .
بقلبي كلت صخام ليصخمك .
الدم قليل بس شوية بعدها كطعت الحديث
ويا ودرت وجهي على الجامة وطبكت رجلية
على الكشن وخليت ايدي تسند راسي .
وطى صوت الاغنية وشغل شي هادى اتذكر
منها لهيثم يوسف
حبيت لو بلوة أبتليت
ا
غنية : حبيت
ياريت عمري ماهويت ..رخص الدمعي دمعي
وعلى فراقك بكيت ياريت ماحبيت
ياريت عمري ماهويت رخص الدمعي دمعي
وعلى فراقك بكيت ياريت ماهويت
لا تظن دوم ابقى احبك انا منك مليت مليت
يوم تزعل يوم ترضى شنو طبعك مادريت
مو عجيبه تصير شامت
بس عجيبه تشوفني
اخر شي سمعته من كال مو عجيبه تصير شامت
بس عجيبة تشوفني وسمعت تنهيدة شيراز بحسرة
بعدها غطيت بنوم عميق
ماوعيت الا وشيراز يفتح الباب وديشيلني
صرخت الدنيا ظلمة بس ضوة السيارة واكو
اشجار باوعت مستغربة وخررر ايدك
انت وين جتيبني؟!!
شيراز تنهد وصدره ارتفع ونزل بشگل جذاب
لجهنم ازورج أبو لهب .
باوعتله بحدية وخوف تتنكت علية ماانزل
خطوة وين جايبني شصخم بية .
شيراز شصخم بيج هو انتي اجيتي من الناصرية
مصخمة شصخم بيج نزلي لا تخليني أگلب عليج.
ماانزل ولزكت بالجكمجمه .
ضحك لا والله قوية راح تحميج ثبتي اضافرج زين
أمشي نزلي دنيا ليل جدي صاير مسموطة نزلي.
غصب عني نزلت بس روحي ميتة
كارهه كلشي ضايعة مثل طالب عند امتحانات
وهو مادارس شي يحس بتشتت ومايدري
شيسوي .
نزلت ودخلت لبيت كبير بي صالة طقم قنفات
وصور لوحات فنية ومن برراا مبين بستان
ادخل خطوة ومصدومة انت وين جبتني؟!!
باوع وكال نخلتي راسي نخل جايبج
للشعبة الخامسة وين جايبج بيت اوديج
ملهى اذ مستحاشة المكان ؟!!
خزرته يكولون النظرات ابلغ من الف حديث
واني كان كل مشاعري زاحساسي بنظراتي
اطلعه احس الكلام مامنه فايدة مثل الهوة
للغركان بشنو يفيده .
كال بعصبية أنطمري هنااا لو بوحدة من الغرف
ولا تحاولين تسوين حركات هروب هاي سوالف
التركيات بطليها احنه هنا دراما عراقي
بقيت متصنمة يم الدرجوهو
بوسط الصالة حجيت برجفة راح تبقى هنا.
شيراز سحب جكارة يدخن كيفي ابقى
اروح أستااذن منج .
اووف تنهدت بتعب وشمرت نفسي على القنفة
كعدت وصافنة .
حجى وهو يكسر الهدوء ضربتيها سنطة .
دكات گلبج تنسمع تبجين سكتة بلا دمع
رفعت عيةني مصدومة شدرا بأحساسي
وشلون وصفه باوع بنظرة عجزت أفسرها
وكال
عن الحرام باجر نعقد لان مااصمن نفسي
كدامج أثبت ولاأضمنج .
عقدت حواجبي شتقصد؟!
شيراز يلطف جو: قصدي زلمة ثلاثيني اسمراني
بلون جكليتي مااضمن روحي ماتتحارشين بية
زلمة أختف على هيبتي .
تخبلت وكمت بشهكة انت شكد خسيس هالكلام
علية كلت هيج
وهو طفر من مكان الي ولزمني من ركبتي
گعدني للقنفة وحط ركبة رجله بين رجلية
وعيونه بعيوني أذ منطيج مجال مو لان
اغم واخليج تتجاوزين بس عاجبني أتسلى
بعدج ماشفتي العقاب فلزمي حدج ولسانج
بقيت فاتحة عيوني بجحظ وخرر مني وبقيت
أشهك انت تعيل وتريد اسكت.
شيراز بأستهزاء وغضب أعيل لان حافظت عليج
اعيل لان خلصتج من سهيل أعيل لان مااغتصبتج
أعيل بعد يحجي وانخبص التلفون .
رد هاا أبهر
ابهر خالو الحك احنه بالمستشفى خود تعبانة
ودمها نازل نحتاج دم منك .
شيراز بخبال :شبيها خود شنو صايرلها شصار وياها
شنو دمها ليش محد اتصل جايك اتخبلت من سمعت
بخود ادري بيها هالايام ماتاكل بس ماتوقعت توصل
لهالمرحلة هاي امانة جلبهار مااسامح روحي لو
صار بيها شي حسيت شياطين القاع كلها
بوجهي ..
رحيق :أنخبص كلبي من سمعت اسمها كمت
شيراز شبيهاخود؟!
صاح بوجهي ههالقناع مايلوكلج كله من وراج
يصيرلها شي يكون يصير بيها شي وكتها اشوفج
شيراز بحق وحقيق وعافني بهمي وحيرتي
وطلع لا موبايل عندي اخذه واتصل بقيت محتارة
للصبح أفتر صليت ودعيتالله يحميها حسيت
بعذاب ضمير ممكن بسبي صار بيها هيج
ثاني يوم مر ماكو خبر وثالث يوم نفس
الشي بس بالبيت اكو ثلاجة لكيتها بيها اكل
المكان مبين مو فارغ لا بي أحد ناس ماادري
بس محد دخل علية واسوي الي لاكي كدامي
خبز على جبن على اي شي كدامي المهم أسده
جوعتي وبقى كلبي على خود نفس الوقت
بهالايام عجزت أدور على طريقة أفلت بيها
البيبان مقفولة والشبابيك مقفولة
وماكدرت أجازف واطلع حتى لو لكيت طريقة
لان مستمسكاتي وموبايلي والفلوس عند شيراز
فمستحيل أكدر اتحرك خطوة بقيت مربطة
وكاعدة والافكار تتناثر براسي .
______________________________________
بنفس هالايام كانت رحيق تعاني مع شيراز ببغداد
وبنت اختها لارا تعاني من عنف عائلتها بالناصرية
لارا : اني بنت سلام وضحى رحيق خالتي أبلغ
من العمر ١٧ سنة بال٢٠١٨ يعني بالوقت الي
اتخذت قرار مصيري بحياتي .
اني من صغري اكره هالعنف لتعيش البنات هنا
هالظلم هالتسلط وزاد اكثر واكثرمن ضرب
بابا الي على كلشي ويخلي اخواني الشباب
رغم اصغر مني يتجاسرون علية بحجة
يكسرون خشمج وماتبقين متشيخة فد شي
ثار خقد بداخلي على عرفهم وعاداتهم
واكثر شي دمرني المن بطلوني كان حلمي
شهرة واصير مشهورة وكانت خالي رحيق
ترفض هالتفكير ةتنصحني ادرس واخذ
شهادة
مشيت بكلامها وصرت اشد حيلي بس يافرحة
ماتمت صف ثالث متوسط نجحت للاعدادية
بابا وعمامي كالوا خلي تبطل شتفيدها الدراسة
حجيت بجيت لطمت محد كدر يغير القرار
زاد حقدي على اعرافهم اكثر وزدت بالكره
للواقع الي اعيشه اني اعيش حياته مااحب
ذي بيها شغل بيت طبخ حتى طلعة ماكو
محبوسة اهانة وكلشي اكرهه يصير وياية
ولا شي واحد احب اكدر اسوي لعبت روحي
وكرهت هالحياة اكثر بعد ما قرورا يقتلون
خالتي رحيق بس علمود غشاء بدون حتى
مايعرفون مغتصبيها بكيفها ورغم خالتي
كانت مؤمنة بس خلاص قرورا الجنس
الحقير ان يقتلوها .
لهنا طفح الكيل بداخلي وصرت الزم
تلفون امي انزل انستا بي بسكوت وادور
على شغل شي كلت بس اضمن نفسي بشغل
اهج وأشرد واحقق نفسي مااريد ابقى
خدامة طول عمري هاي العيشة مااحلم بيها
ولا أريدها .
وبالفعل يوم من الايام قبل لا تنقتل خالتي
كنت فاتحة أنستا ودخلت على ممثل شبه
مشهور والولد حباب رد وكصداقة بينة
حجيتله اني موهوبة بالتمثيل والاذاعة وحلوة
ومن هالكلام كال اي لازم تجين لبغداد تلكين
فرص عمل بس شرط لازم تكونين
متقبله لكلشي اني كلت تمام بس بعد ماصارت
مشاكل وكذا شوية سحبت بنك لحد ما
يوم كاعدة وبالصدفة فاتحة وماادري بابا
رجع من وقت ودخل للغرفة من الجفلة
والغباء حرت التلفون وين اودي وبينت
بملامحي خووف هو شك وجر جر من ايدي
فتح الجهاز واني ابجي اجت أمي لبدت وراها
بس بابا من شاف المحادثة ويا الممثل
منين ماتجي الضربة تجي اصرخ ويملخ بية
الدم بقى ينزف من خشمي وحلكي امي
وبيبتي يردون يخلصوني ماكووو لحد
مااجه عمي غسان وخرا بالكوة وهو يتهدد
ويغلط ياساقطات ياعاهرات يابرا**
ادورن زلم اني اغسل عارجن انعل ابوجن
لابو ليحط تلفون بيدجن
اني من كد الضرب صار خفقان عندي
اريد اتنفس ماتككر بقيت ابجي واصرخ
كانت ضربات انطت ايعاز لروحي بالهروب
من جحيم اعرافهم
من مكر رجولتهم من شافونا
لانملك عضلات فتولى بكسرن بايديهم
رويتنأ بتمرد زاد تكبرهم وسجنونا
بسجونهم نصرخ ونتعذب
شبعت بواجي وحجي ورزايل وخزرتهم
استحقارهم واجه ابوي بالليل كال لازم
نزوجها .
امي طبعاً وياهم ترزل يادماغ سزز طايحة
الحظ تراسلين المن ؟!!
طبج طوب كلتلج انخطبتي من ايام قبلي
وولي انستري لمثلج خلفنا .
حجيت بنرفزة خلفن شفت من عمري
١٧ سنة بية حيل عيال مسؤلية ليش
ماتفكرون المن تخلفون اذ تردون تفكون
مني المفروض تحسين بقهري ..
رجعت انقهرت امي وحجت علمودج والله
اتزوجي وخلصي ولا تضلين مظلومة هناا
ضحكت بخبال شنوومظلومة يعني الي راح
اخذه فري وسبورت همات همجي مثل
عقل ابوي نفس الضيم وفوكاها عيال وعمة
تاكل خرااا براسي .
لليل وصل ابوي وحجى ويا أمي مرجع
خبر للناس الي تقدموا قبل اسبوع قابل
يزوجني الولد بالثلاثين وسامعين عنه
بي حالة نفسية وخواته للحوشمايخليهن
يطلعن اني تخبلت طلعت وبقيت اصيح
مو بكيفكم مزوجيني واحد مخبل
ماتخافون الله تظلموني والله دنيا واخرى
مابريكم الذمة حسبي الله بيكم من حجيت
هيج رجع ابوي وجرني من شعري وشبعني كتل ويغلط.
بوقتها خلاص أخذت قراري خليت
هاليوم يعدي وحاولت اتصرف طبيعي
لملمت غراضي وبالذات جنسيتي وفلوس
اخذت من مجر امي .
اني بشر لي حق باتخاذ قرار
واحد تعتمد كل حياتي علي
انانيتهم وصلتني لهالمرسى اعرف غلط
ولمجهول البحر راح اجدف بالزورق
بس مو بيدي الوجع زاد حد وماكدرت اقوى على هاجسي
اني قوية وتمثلت بالقوى اني اهرب من بطشهم واحقق نفسي خذوا كلشي مني
طفولة بعنف حبيت دراستي بطلوني بلا سبب.
بس لاني بنية وكبرت
وافقت على كل شي وقرورا يزوجوني لشخص براسهم مناسب الي
بدون مايسالوني وكانهم هم لراح يعشيون ويا المن تعذب وياذيني واجي
واطلب طلاك نفسهم راح يكولوي هذا نصيبج
لا مو نصيبي هذا الي هم شافوا نصيبي
مايعترفون بظلمهم اخطاءهم
هرربت من اوجاعي مو للمجهول
لحلمي وطموحي .
صادف يوم خميس بالليل بالعادة بابا وعمامي
يتاخرون ومن يرجعون ينامون هالنومة نومة
سويت روحي نايمة بحضن امي شبكتها وقبل
لايرجعون طلعت من يمها عفتها غافية
خذيت التلفون لكيت ابوي ضامة بمجرا
الميز .
بقيت انتظر منه للساعة ٣ اللفجر مطلعة
اغراضي كلهن براا ماخذت هواي شغلات
وياية .
خذتهن بعد مأأمنت كلهم ناموا وطلعت
من الباب الامامي وصرت أركض لحد
ماوصلت للشارع العام بهيج وقت هواي
ناس تطلع اهل العلوة شفت سيارة
محملة بغنم وكفت عمووو فدوة اخذني؟!
الزلمة استغرب بوية انتي شسوين بهالوكت
هنانه؟!!
باوعتله اني مو منه اني من البصرة وتهت
هنا فدوة بس وصلني لكراج الله عليك.
ابوس ايدك عليك ابو فاضل .
الرجال كال صعدي بوية اني رايح للبصرة .
ركبت يم بعد مامرت ساعتين ونص بسرعة
وصلت وهناك كلتله وصلني للكراج
ماكال لا وصلني نزلت بالكراج اتلفت وكلها
تباوع لفيت عبايتي على وجهي
ومشيت اسمع يصيحون رحت يم المنشات
تصيح بغداد بغداد وركبت يم الجامة بخوف
فتحت الجهاز وكتبت رقم راشد الممثل لوعدني
مارد دزيتله مسج على الرصيد راشد اني راح
اجي لبغداد .بعد ماكملت العبرية حرك
ومنه لوين للساعة ٤ العصر وصلنا لبغداد
لكيت راشد شكد داك اول مانزلت بالنهضة
رديت علي هااا راشد .
راشد: ها والج شسوين جاي؟!!
بجيت بقهر ماتحملت بعد عنفهم وضيمهم هو
حاجيتله كلشي ويعرف بوضعي الله يشهد
ماحاول يستغل هالشي .
راشد تمام مكانج ابقي .
لارا تمام مافكرت بخالتي رحيق لان خفت
اخابرها وتخبر أمي كلت افضل حل امن
شغل الي ومكان يلة أتصل بيها .
بعد ماانتظرت أجه راشد بسيارة النتر .
غمزت كالل بووية احلى من الصور والله .
ابتسمت بضيق .
راشد : ركبي ركبي .
ركبت
سال شلون شردتي ؟!!
لارا بالقدرة ماادري شراح يصير تعال كلي
شصار من شاف محادثاتك ابوي.
راشد مو كلتلج الحساب الي احاجيج بي
مو رسمي حتى صورة الي مابي فعادي
من رزل كبل غلقته والسلام .
لارا : همزين لان اصلاً اني امسح المحادثة
بس لدزيت اخر شي.
راشد اي ماشوفين ما دوروا علية.
لارا لان شبعوني دك ورادوا يدمروني بعد
مايحتاج يلكوك .
راشد نروح لفندق ترتاحين .
لارا بخوف تمام ليش مو بيتك
راشد : ههههه بيتج والج على مااشوفلج
موعد ويا المخرج حاجيلج عنه وكلش عجبته
صورج لدزيتهن بعد انتي ويا تتفقون واني
الي المقسوم .
ضحكت يعني ينطيك .
راشد : أي اكيد غير نجيبله ممثلات صاكات
يحصل فلوس منهن همات النه حق.
ضحكت بس ماادري ليش ضجت وخاصة
من فكرت بامي انقهرت هسة شيصير بيها
بس كل من وراهم.نفضت عقلي من كل الافكار
وصلنا لفندق ونزلت اجرلي غرفة وجابلي اكل
اكلت وراها نمت وهو راح .
_________________________________
رحيق بقيت انتظره هالايام اجه يوم ثالث
تعبان كعد على القنفة واني متمددة عليها
فزيت وكمت كعدت شفته بال مو وياية
حجيت بخوف خود بيها شي؟!!
خزرني ورفع شعره اتحسنت .
كال بتعب اريد أنام مانايم من البارحة .
بقيت متصنمة وهو مشى يصعد.
صاح شبيج تعالي اريدج .
خفت لا شسوي بية اسويلك ممية .
صاح مو هيج يالثولة امشي اريدج بسالفة
شييج ؟!!
كلتله اي احجي هنااا ليش ماتنحجي
الا بالغرف .
ضحك وكال
هاي لتخليني أسحلها بنصاص اليالي كوومي.
عاندت وتخصرت مااجي روح نام عساك
بنومة أهل الكهف .
باوع برفعة حاجب وياشكلة الاسباني انطت
جاذبية بلعت ريك من بديت كل مرة اصفن
بجاذبيته وبغقلي استغفر الله .
خله ونزل ومااحس الا شالني بأثنين ايده .
اريد أنزل ماكو وصعدني وكال بمزح
خرب هبل شكد ثكيلة هالترس بالكرش لو
بالموخرة من كال هيج متتت بخجلي واني
اصيح نيتة خجل وفشلة نزلني نزلني ..
صعدني للغرفة حلوة واخشابها ابيض
وقفل الباب وكال
وهو يشمر أحذيته ويشمر سترته وشمر نفسه
على الجرباية يلة أنطمري براحتج لان انتي
مو أمان .
بقيت أخوزر ومتخصرة وارفع واگلب بحواجبي
وعيوني وفايرة شمعنى هالتصرف ؟!!
شيراز بصوت ناعس ومتعب: أخاف على روحي
انتي أيدج والسجين أنوب أروح قتيل رحيق
بشنو ربحي. بعيونج الزرك .
رحيق والله تستاهلون .
شيراز الطم على حظي نامي يلة فكيني
رحيق مااريد انام يمك
شيراز منو كلج نامي يمي حتى بالنوم مو امان انتي
شوفيلج زوية ونامي.
رحيق بقوة لا بالله وانته مرتاح على الجرباية
واني أتكسر بالارضية
شيراز الطم على وجهي .
رحيق لا انزل من الجرباية دورلك زوية
شيراز امشي طيري عاجبج تعالي يمي
ماعاجبج ضلي حرسيني .
رحيق اوووف اوف بقيت اصيح بعصبية
طكت روح شهالوضع .
نام وبقيت أفتر اني أنوب فكرت أخذ المفتاح
وأطلع شفت المفتاح باين جزء بسيط منه
من جيب شيراز هو نايم على بطنه
رحت وتقربت بهدوء واجيت أطلع المفتاح
ومااحس ألا شيراز گلب علية وحاوطني
صرت جواه بكل جسمي بقيت ابلع ريك
كال بصوت متشحرج
شيراز:يارحيق شماطرتِ بحضني وگعتي .
رحيق :من الجفلة بقيت بس أتنفس بقوة
احس قوتي تبددت تبخرت حسيت للحضة
باوعتله وخر عني .
شيراز اي بعيني بس مو قبل ما اضوك الرمان
لبشفافج لو تضلين هاليوم كله جوواي
تتدفين..
بلعت ريك مو وقت شقاك وخر عفية
شيراز:منو متشاقي كلتلج اضوكهن واعبرج
ماكو شي ببلاش .
رحيق بهمس شورطني .
شيراز : بفرح حضي الحلو ورطج .
خزرته لاتحلم .
شيراز مو أحلم اني راح احقق الحلم ايديج
بقبضتي رجليج مربوطات برجلية بس شفايفج
لو أمطك بيهن مابيدج حل .
بقيت أقاوم بس هو اقوى مني وصار كل
جسمه عليه .
وخرر شعري بيدي واني احاول ابتعد
ضربني باصبعه بخدي وهمس بخدر ضوكي
طعم البوسة وتالي قاومي .
ماحسيت الا أخذشفايفي بين شفايف بعنف
وايدي تلمستني بطريقة جبرتني أستسلم
واتفاعلةويا مدري لحضتها شصار بية .
وبدينه نتجرء نزل على ركبتي يبوس بيها
ويلعقها بعدها طبع قبلة بقووة عليها
وبقى يمطك بيها ونزل على صدري هنا اني
مدري شصار بس حسيت لازم يتوقف
همست بخدر كافي وخر عني
أشششش خليني مستمتع نزل يضغط
عليهن بقوة ويبوس بية وجسمه ويا جسمي
صاير قطعة وحدة الحرارة أحسها صارت تثور
بالفراش جسمه نار وجسمي احس حومرت
وصخنت .
هنوب رجع أخذ شفايفي بقووة وكال بهمس
اتفاعلي بقوة من ادخل لساني بحلكج .
سويت حركة ماعاجبني .
همس ةكال جربيها وبعدين تكبري عليها .
حسيت روحي عجينة وبكيفه يسويها مدري
شبيه بدت بين ايدي .
بقى يبوس بركبتي بجنون ويعظعظ
ويرجع لشفايفي من أختنك يرفع
نفسه عني اجر نفس ويرجع يبوس بقوة
لحد مامر وقت شال راسه وتنهد وكال
مانبقى هيج لازم اعقد كلتلج شيطاني قوي
مارديتي .
بلوعت لروحي بس من فوك فاتح ملابسي
وخدرانة لملمتهن .
بقيت اباوع مجفولة من نفسي شلون بدقايق
خلاني أستسلم من كانت تكول نهى الرجال
يعرف يخدر المرة وياخذ منها ليريده
مااصدك بس فعلاً اكو اماكن بالجسم تخلي
الجسم كله يخدر ونروح بغير عالم بعدني
ماكايمة ورجع شمر نفسه يمي وسحبني
من راسي صرت على صدره جره شفتي
وباسها بتفننن وووو..
