رواية زوج اختي والماضي الفصل السادس والعشرون بقلم مجهول
أكثر أوجاع الإنسان تأتي من كون الواقع الذي يحصل عليه مختلف عن الصوره التي يخلقها في
رأسه ويرغب بها.
تعبت كلش ويا احاول وا احاول بس بدون فائدة شبعت بجي من كيفي ردت بي يرحمني ويعوفني بس هو لا عافني ولا خلاني بحال سبيلي اخذ اليريده مني بكل وحشية جان قاسي وياي أكثر مجان قاسي بأول ليلة النا سويه كرهني بالحياة كلها تمنيت الموت ولا الاقترب منه بهذه الشكل
القبيح وين جانت أحلامي وين صفة بية الدهر الدهر رجعني للماضي ورجعني الحمزةومرت يومين على الحادثة وأني صايرة بكل ثانية اكرهه أكثر منقبل بأضعاف كعدت الصبح دعيت الله يخلصني منه بيى طريقة كانت حتلوه يأخذني
ولا يعوفني ويه هذا الكائن الغريب الأطوار كملت دعاء رحت يم مصطفى جان كاعد سويت له ممية حليب كعدت على طرف الجرباية وايدي بطن الكاروك اشرب بي حليب يفدوة كبران وصاير يفهم الكلام عمه حيصير أربع أشهر مبقى شي كمل رضاعة ونام بسرعة هذا هو هادي
مايعذب أبد بس يعيط انطي الحليب يرضع وينام هيج معلمته اخلاص مونسني بالبيت كلش من اكون عنده أنسى همومي والأمي كلها يذكرني بامة الله يرحمها
بس أريد بي شبه منها ماكو نسخة ثانية من حمزة يكولون إذا المره جانت تحب رجلها هواي راح يطلع الطفل نسخة ثانية عن ابوه وصدك جانت انفال تحبه
برغم هو جان موخوش ادمي وياها وجانت تعرف كلشي عنه بس تقبلته لأن تحبه وليحب لأزم يضحي علمود يكون وي محبوبة بس هذا ميستاهل
احد يضحي علمودة كمت ظرت الملابس لي والحمزة والحبيب قلبي صوفي كملت خليت الجنط على صفحة شفته
تحرك صار قريب من طرف الجرباية
تمنيت يوكع همست " يارب يوكع بالكاع يارب
عدل نومته تأسفت ماوكع بالكاع بس علية المصايب توكع هذا حتى المصايب ويا ربع ماتجي على رأسه بس الفقير يوكع بالمصايب والخبيث من الله موفق "
بقيت كاعدة مانمت "أصلا اكره انام ويا على نفس الفراش اقرف يربي اقرف مو بإيدي جنت واكفه كبال الشباك مديت ايدي على البردة ردت اجرها وكفت اللحظات تذكرت الحجاب مالته " بوقتها غسلت ملابسه بيت أهلي واجه اخذه
من عندي رجعت باوعت عليه
_ وين مخلي الحجاب ... وشنو موضوعه شلون ما اشوف هذا مسوي سحر لاهلي مو من عوايدهم صايرين
يموتون عليه حتى هند وريان
يحبونه وكلما احجي وياهم يكولون صيري زينة ويا " أقسم بالله هذا عمل شيطاني أعوذ بالله شايلة ويا علمود يكسب محبة الكل .. وراك وراك إلا اطلعة
واقرأ البداخله شنو ؟
ورة ساعات.. كعد من النوم راح غسل واجه يم مصطفى مخليه على الجرباية نايم فوكة يلعب بي
_يروح بابا .. فدوة اروح لهالخدود الحلوات
يحجي ويا اباوعله وبالي ألف حسبة تجي وتروح شلون اخلص منه وإذا خلصت منه مصطفى وين يروح إذا تزوجت
اخلاص وام حمزة ادمي جبير
وينها وين ..... المداراه الاطفال والله العظيم متحملته كوله علمود مصطفى لان أمانة عندي من أختي الله يرحمها لو مو مصطفى جان ليلة كشرة مبقيت يمه
شال مصطفى باوعلي " يلا انزلي سوينة ريوك
_ماشي انزلوا نازلة وراكم
_ لا تتخرين
_متأخر
طلع راحت لبست..... الحجاب ونزلت وراه لكيت لكول كاعد على الميز من عده عمي وعمتي سألت اخلاص
_ اخلاص وين عمتي وعمي ؟
_ دا يتريكون بالغرفة
_ هاا .. خل اساعدج
_ اي والله تعالي ملحك الوحدي كلها كاعدة صدك رشا وينها
سيف _ دا تجهز روحها علمود يأخذها اخوها
اخلاص _ شنو يأخذها اخوها مو ورانا روحه النجف
سيف _ متروح
اخلاص _ وليش عود ماتروح ؟
سيف _ امها مريضة كلش حالتها الصحية مو تمام
اخلاص _شجاها وتمرضت
سيف _ والله يا اخلاص اشك بيها ماتطول
حمزة _ راح تموت
سيف _ اعتقد أني كل ساعة متخربطة والدكتور كايل
ماتطول بهالدنيا حالتها كلش تعبانة
حمزة _ كلنا على هذا الطريق " طلابة هواي
عاشت خل تموت بعد
اخلاص _ بيش طالب المره بالموت هسه
حمزة _ مطالبها بس الموت احسن لها خطيه حيل تعبانه شنو حياتها وي المرض بعد "الموت نجاء الها
سيف _ اي والله صدك خلاص الها خطيه
اخلاص _ الأعمار بايد الله
سيف _ ونعم بالله
حمزة _ " تموت والله دا اتخيلها بهالأسبوع
ميته وعدل الوادي السلام
زهراء ولا تفاجأت... من كلامة هذا هو لسانه دومة ينكط سم مثل الأفاعي يردون يكرطون المره وهي بعدها حية
ترزق ترى الأعمار بايد الله وهذا دا يكول
نهاية الأسبوع ميته والله ضحكني صاير ابو
علي الشيباني ردت اخلاص
اخلاص _ وأنت صاير ابو علي الشيباني تتنبأ بالمستقبل
ضحكوا كلها رد عليها
_ هذا شنو تشبهيني بي هذا فد واحد دجال وكذاب الله
يأخذه بس أني دا اكول الواقع ترى
سيف _ ههههه صاير كشاف هههههه
حمزة _ خل نتراهن إذا ماتت تنطوني الريده اوك
سيف _ اوك يابه وإذا عاشت راح أخذ الريده منك
اخلاص _ موافقة والله أني
حمزة _اوك وأني الرابح والله
رامي _ شلون ما اشوف حمزة الرابح
اخلاص _ شلون بلا؟
رامي _ كل مرة يكول شي يصير وهل مرة هم تصير مثل كل مرة
سيف _ هل مرة خسران مو زهراء
زهراء باوعت عليهم خزرني حمزة
زهراء _ والله مدري "هسه هي المره عايشة وأنتو جاي تتراهنون على موتها ناس تكول تموت وناس
تكول لا ماتموت ترى الأعمار بيد الله
حمزة _ ندري بيد الله بس التوقعات هماات تكون صح
زهراء _ وتكون غلط
دخلت عمتي شايلة الصينية كامت سارة اخذتها منها
عمتي _ رشاوي وينها
حمزة _ دا تجهز روحها امها راح تموت نهاية الأسبوع
عمتي _ شنو
سيف _ هههه
اخلاص _ هههههه
عمتي _ شبيكم تضحكون شكو ؟
حمزة _ ام رشا مريضة كلش وكل ساعة تتخربط ويودونها للمستشفى والدكتور كايللهم بالساعات تنطيكم
عمرها يعني حظروا كبرها
عمتي _ يااا الله يشافيها خوش مره خطيه
حمزة _ ماتوقع تشفى يمه
عمتي _ خووب أنت دومك تتفائل بالسوء هي الأعمار بيد ربك ربك قادر يحي العظام وهي رميم" ...... عاد تعصى على ربك شفاء عبد من عبادة من المرض
حمزة _ لاا بس هي منتهي
عمتي _ اووف منك ولا تبطل من سوالفك .. وأنت هم تروح ويانه لو تبقى يم المحروسة
سيف _ راح يجي أخوها ياخذها أني اريد اروح
الزيارة من زمان مرايح
عمتي _ ايي زين تسوي لا تبقى يمها وجيب وياك ابنك
سيف _ ان شاءالله ماخذه وياي
كملنا الريوك كلمن راح على غرفته يبدل بدل آول حمزة اخذ الجنط وطلع بدلت اخذت مصطفى نزلت جوه لكيت
كلها مبدلة اخلاص لابسه حجاب وكذالك سارة
تفاجأت هذولة من شوكت يلبسون ؟ وعباية لابسين أتمنى يبقون دوم هيج محتشمين الحتشام حلو للبنية
سيف نزل ابنه وكال
_راح يجي اخوها لارشا ياخذها بعد دقائق
والله دقائق .. واجه اخوها أول مرة اشوفه جان بعمر ٤٠ سنة اخذها وراح قفلت البيت عمتي سيف اجه ويانه
وسارة ويانه وي حمزة بابسيارة
ابن سيف ويه عمتي وعمي ورامي واخلاص ساعات وصلنا النجف الأشرف ردت روحي من شميت رائحة
منطقتي رائحة مسقط رأسي
بس الخرب .اللحظات الحلوة الجو الحر ويلي جانت حارة كلش
وصلنا البيت . أهلي رحبوا بينا اووف شكد مشتاقتلهم خصوصا بيبي وأمي كعدنا بالاستقبال ماكعدت هواي كمت رحت يم أمي بالمطبخ راحت تشوف الطبخ
_ أني اشوفه اكعدي أنتِ
_يمه جايه خطار وتشتغلين
_يمه ياا خطار أني بنت البيت وهذا بيتي اكعدي
واحجيلي شكو ماكو بغيابي
_والله يمه كلشي اكو
_اي احجي ؟
_بنات خالتج ميعاد تزوجوا الأخوان فد بيت
_ مااشاء الله هاي شوكت اخذوا؟
_ قبل يومين والله
_ الله يهنيهم .. شخبار بيت عمي
_الحمدالله زينين
_احمد ماخطب ؟
_ لا يمه ماخطب يكول ما ازوج هسه
_احسله والله
_ لا يمه لا أمه خطيه مبيها حيل تشتغل ادمي جبير بالعمر
_ خوب تجي تساعدها بنت ابنها مريومة
_أمها متقبل تخاف عليها
_ ومن شنو تخاف عليها
_ تخاف والدنيانا مو أمان حتلوه يم بيت جدها
هي جبيرة مو اصغيرة
_من كبرها ١٤ سنة بعدها طفلة
_يمج طفلة يم الناس مره بالغة وحك الزواج يمه
_ والله يمه مدري الناس شبيها أطفال صاروا
يزوجون عبالك البنت عار عليهم
_ عاار شنو يمه يخافون البنيه مسؤولية جبيرة ترى
_ مسؤولة صح كمل الطبخ راح اطفي
_طفي .. شلون عمتج وعيالج وياج ؟
باوعتلها بضحكة... الحمدالله كلش حبابين وعمتي مثلج تماما تداري بي والبنات مثل هند وياي محسسيني
أخت مو جنه والله
_الحمدالله ورجلج ؟
_حمزة خوش ادمي الحمدالله كلمة وحدة ميحجي
وياي وعايفني على مرامي
_ ألف الحمدالله والشكر الله جازاج بي
_ اي والله جازاني هههه
_يلا يمه خل نطلع هسه عيالج يكولون أخذت بتها وراحت
ابتسمت تذكرت.... حمزة شلون يتعامل وياي بالجبار طلعت وراها سمعت صوت اذان الظهر من صحن الأمام
علي (ع) صوت ريح قلبي
أتمنى هسه .أني هناك موجودة وافرغ شكو هموم وأحزان بقلبي فرشت لهم المصلايات كاموا يصلون وأني هم
رحت أصلي بغرفة أمي وي عمتي والبنات
كملنا صلاة رحت اصب الغدة وي أمي ساعدونا اخلاص وسارة مدينا السفرة بالاستقبال كولها كعدت تاكل كملنا غسلنا الماعين فرشنا فراش الزلم بالاستقبال واحنا
النسوان بغرفة أمي نمنه
أني مانمت لأن مصطفى جان يبجي لأن مكانه تغير وجان الطريق طويل للساعة بال٣ ونص الظهر يلا نام نمت وراها كعدت على الساعة بالربعة ونص
كالوا بيت أبوي عازمينه على العشة وبالليل وره العشة نروح نزور الأمام علي ونطلع نفس الوقت الكربلاء هناك نبات
علمود نرجع الصبح البغداد
عمي طلع عنده شغلة ظرورية ولأزم نرجع باجر الصبح حرامات مرح أبقى هواي هنا وأني حيل مشتاقة لاهلي وهندولاختي.... واطفالها ماشفتهم جانوا معزومين يم أخت عباس بكربلاء والمنطقة مالتي والقبر أختي انفال
العصر رحنا كلنا حتى بيت أهلي للمقبرة زرنا قبر أختي شبعت بجي بس كلمة وحدة محجيت وياها ردت اشكي الها على
حمزة مكدر كلها فوك رأسي واكفة
رجعنا كبل البيت ابوي حتى بيبي وامي حسين ريتاج دخلت بيت ابوي خنكتني العبرة ششوف وجه ابوي لحاقدة عليه لو وجه مرته لنطتني لزوج أختي
علمود اكون مربيه لحفيدها الأول أول مدخلنا أخذت مصطفى تبوس بي وتشم بي صار المغرب اذن صلينا كملنا
راحوا على المطبخ
صاحتلي مرت ابوي يمها بالغرفة دخلت كالت"
سدي الباب وراج
_ نفضلي خاله
_كعدي بصفي خل احجي وياج
كعدت بصفها معرف شراح تكول " ابتسمت وكالت
_ شلونج وي حمزة "خوما تتعاركين ويا
وتمنعي من حقة الشرعي
ضجت من سؤالها هذا سؤال خاص وعيب
عليها تسأل هيج أبتسمت
_اعتقد هذه سؤال خاص خاله
_ اعرف خاص بس حبيت اعرف بعدج
بخبالج القديم لو صلحتي ويا
_ الحمدالله علاقتي ويا كا أي زوجين مصافين
_ اهاا الحمدالله "احمدي ربج وأشكري خليت
أبوج ينطيج الحمزة
_الحمدالله
_ شلونج وي عيالج خومات تتكاسلين
_ ليش اتكاسل هم اهلي مثل ما انتو اهلي
_اي خليج هيج وديري بالج تسوين شي تخلين
عمتج تضوج منج ترى أبتلي بيج
استغربت ردها تبتلي بي شنو أني عبده عدها ؟! امي
متحجي وياي مثل ماهي تحجي
_ يكونون زينين وياي غضبا علية اكون زينة وياهم
يكونون لا اكون لا موزينة
_ اسمعي ابوج يكول إذا طلع منج شي وعيالج شكو منج راح يموتج كتل ويجيبج لهنا ويعاملج معاملة سيئة لذالك اخذي حذرج وخليج ادمية بيت عيالج
_ لحظة أني مولعبة بايد ابوي واصلا هذا الكلام مالة أي داعي ينحجي اني اعرف نفسي واعرف شوكت اصير زينة وشوكت اصير موزينة ومقبل احد منكم يتدخل بحياتي
_ ندخل وغصبا على خشمج فتهمتي
مرديت كمت ردت امشي وكفتني " راح اسأل عمتج وزوجج على سلوكج وإذا سمعت شي ميعجب راح
اكول لابوج خل هو يتفاهم وياج
التفتت عليها _ ليش تدخلين بشي مايعنيج
أني متدخله بحياتج وي أبوي ؟
_ عشتوا والله لو تدخلين بحياتي
_ خلص لعد مثل ما أنتِ متقبلي أني هم مقبل حياتي هاي ومقبل احد يتدخل بيها من أهلي
_ بس ابوج يتدخل بكلشي أنتِ بنته وعارج بوجه يطلع
_ شنو أني عار على ابوي !؟
_ من انتحرتي صرتي اكبر عار لو يدرون عيال بيتج حاولتي تنتحري أكيد مراح يقبلون بيج وراح يكولون
هاي البنية بيها شي ؟
_ بسببكم أنتو أني حاولت انتحر وإذا دروا
مايهمني والله مرخصتج خاله
طلعت بره "الغرفة دمي فاير من سلوكها وياي عبالك عدها عبده تريد تتحكم بي مثل ما جانت تتحكم بانفال بالسابق
وكلمتها هي المسموعة بس أني
ماراح اخليهم .تيدخلون مثل ما دخلوا وانطوني الحمزة بدون موافقتي وغصب عني وعلى أهلي مراح أنسى شي
منهم شلون هددوا أهلي علمود اوافق
شنسى من ابوي شنسى يالله " معاملة سيئة " قلة الحب والاهتمام" ذلني وهاني " ويكول أني عار عليه من
يوم حاولت أنتحر "لابو ليكول على بنته عار "
هذا مو أب "هذا وحش متوحش مو حيوان حتى "لأن الحيوانات تتعاطف وي اولادها بس هذا لا ذرة تعاطف ماكو بقلبة علينا احنا أولاد مرتة الجبيرة
وره العشة صاحلي ابوي بره بالطرمة رحت يمة جان كاعد على الكرسي اخظر بلاستك وبايده السبحة وكفت كبالة خايفة
لأن ملامح وجه متبشر بلاخير
_رايدني يابه
_ ولج شلون حاجيه على خالتج ام حازم وهسه هي
ماخذه على خاطرها حتى عشه ما أكلت
_ " لا والله محجيت وياها شي
_ ولج عين تجذبين
_والله العظيم محاجيه شي وياها
_ اششش لسانج اكصة لج مرة لخ اعذر من أنذر يا زهراء إذا سمعت بيج متعاركة وي خالتج لو وي عيال بيتج وي زوجج راح اشوفج شي بعمرج كله مشايفته أنتِ واهلج
هسه تروحين تعتذرين منها وتبوسين ايدها
وراسها كلامي مسموع
_ مسموع يابه
_ام حازم تعالي عيني
اجت مرت ابوي وكفت كبالة "
كول عيوني شتريد
_ تسلم عيونج " يلا كدامي سوي لكلتلج عليه
زهراء تدنيت عليها جريت ايدها بستها وبست راسها كتلها " أسفة خاله سامحيني والله جنت غلطانة
خلت ايدها على رأسي وكالت "
الله يسامحج عيوني تكدري
تروحي عيالج يردونج
ردت اروح وكفني صوت ابوي " كل يوم اريد احجي وياج كاميرا وكل يوم اريد اعرف شسوين ماتسوين
بيت عيالج وإذا شي معجبني ...
_ التريده ان شاءالله يصير يابه
_ أني ابوج اريدلج الخير انتِ غبية ماتعرفين شلون تتصرفين بالحياة مثل أمج طبق الأصل
شبعت قهر من هيج كال شنو أمي غبية بنظرة وهاي الخبيثة هي الأمثل العالى بنسبة اله خليت ومشيت منيمهم
بس مردت أبجي ماريد ابجي
كبال عيالي وامي وبيبي خطية " يشوفوني مقهورة " دخل أبوي لبسنا كلنا العبي راح نروح نزور الامام علي
(ع) ونطلع الكربلاء وكفني ابوي
كبال الكل ... تعالي يابة نسيت انطيج هدية العرس
تفاجأت هذا من شوكت يحبني ؟! قبل دقائق جان يرزل بي وهسه يريد ينطيني هدية طلع المحفظة طلع
منها ٥٠ ألف فلوس خشنة حمرة
خلاها بإيدي " تفضلي هاي هديتج
بقيت مصدومة محجيت ولا كلمة رد حمزة
_ ماكو داعي عمي للهدية
أبوي _ لا يابة هاي بتي وحالها من حال أخواتها لأزم تأخذ هديتها وأني مقصر وياها وان شاءالله من اجي
لعدكم اجيبلها هدية تليق بيها
_ مشكور عمي الله يطول بعمرك
_ الله يسلمك وليدي
نبزني حمزة " شبيج مصدومة ضمي الهدية فضحتينة
انتبهت على نفسي ضميت الهدية رحت بست ايد ابوي وراسه " الله يطول بعمرك يابه ويخليك خيمة فوك روسنا
_ الله يسلمج يابه "تكدرون تتوكلون
طلعنا بره ولحد الأن مصدومة ابوي كبال العالم يكون رجل ماكو له أي مثيل ويطلع بالصورة أب المثالي "من يروحون
العالم يكون الأب الظالم
والله العظيم حرام عليه "والله راح يحاسبة " على هاي التصرفات " ومعاملته السيئة "العائلتة الثانية " المفروض ما يفرق بين العائلتين ويكونون " متساوين بكلشي
بس هو عندة عائلتة الثانية وكطع النفس يصرف عليهم وينفذ كلشي لالهم واحنى لا كلشي "ماكو عمي والله مانريد
منه فلوس لو شي بس
نريد حصتنة من حنان الأب "نريد أب يحسسنة بلأمان يحسسنة أحنى مهمين اله " من نكع بضيق نتذكر عدنا أب
راح يساعدنا ويوكف ويانه
بس ابوي لا إذا اوكع بضيق مراح لتجأ اله لأن "راح يكون ضدي " وهاي مرته العقربة راح توزة علية مثل "
اليوم محجيت شي وياها
اخذت لها زعلة وما اكلت علمود أبوي "يرزلني كدامها "الله ينتقم منها ومن أمثالها يارب العالمين
رحنا بس..... احنا بعائلتنا للأمام وبيت اهلي رجعوا زرنا وكملنا اجه يمي حمزة شايل مصطفى وكف
بصفي واكفين الوحدنا
_زهراء شبيه ابوج وياج
باوعتلة _مبي شي
_ترى سمعت أنتِ متعاركة وي عمتي ام حازم
_ اي
_ وجعيي ليش متعاركة ويا ولج
_ممتعاركة وياها
_جذابة "عيب عليج تتعاركين وي أمج الثانية
_مو دا اكول مامتعاركة هاي جذابة
_ لا تصيحين مناك الزوار من نوصل للفندق
عندي حساب وياج خاتونة
مرديت عليه هذا مصدك لكة زلة علية علمود يذلني حجيت وي الأمام مرة لخ بقلبي ودعيت ياخذ حوبتي من ابوي ومرته وحمزة ويحفظني من كل شر
رجعنا بالطريق دخت نمت خليت " راسي على
الجامة ماحسيت الا سارة تنده بي
_زهراء زهراء كومي وصلنا
فتحت عيوني _ وصلنا
_ايي
نزلت نزلت """"وياي بحضنها مصطفى عززة هذا كاعد مفتح عيونه جنه ابوه شافني كام يعيط
حمزة _ شبيك بابا
سارة _ يريد أمه
حمزة _ ماتاخذينة خاتون
زهراء أخذته منها _ يروح أمك تعال
حمزة _ هسه صارت امه .. يلا أمشوا نأجر بالفندق
بس اخذته سكت همست .
دخلناالفندق أجروا غرف حمزة اجر غرفة لنا صعدنا بالمصعد وصلنا للغرفة فتح الباب دخلنا ميته من التعب وحارة كلش جانت بره برغم مشغل تبريد طول الطريق
بس اريد اروح اسبح
خليت مصطفى...... على السرير جانت الغرفة بيها سريرين والفندق قريب كلش عن الامام
حمزة _ طلعي ملابس اريد اسبح
رحت على الجنطة طلعت له ملابس انطيتهن له اخذهن وراح على الحمام نزعت العباية والحجاب جنت عركانه كلش اريد اسبح استراح ميته من التعب
بدلت المصطفى وخليتلة عطر مال أطفال صارت ريحته يمطيبها شكد أحبه "بس مرات احقد عليه
منورة حمزة الحيوان "
طلع من الحمام "طبي اسبحي
مشي كعدت .... يم الجنط بالكاع طلعت ملابس رحت على الحمام "كعد يم مصطفى رحت أسبح مو سبحة
صارت بس بجي كضيتها بالحمام
طلعت كل البقلبي هناك "
طلعت باوعت عليه نايم ...." "وبحضنه مصطفى هماات نايم كعدت على الجرباية ردت أنام كعد حمزة باوعلي
_ تعالي اخذي صوفي لا يوكع
كمت أخذته منه خليته على السرير مالتي " و
هسه تحجين ليش تعاركتي وياها ؟
خليت مصطفى على السرير التفتت عليه "
مدام ماتصدك عليش احجي
_خل اسمع بلأول منو الغلطان
_ اني الغلطانة تكدر تنام
_ دومج أنتِ الغلطانة "بس عيب عليج تغلطين
بحق مرت ابوج وهي بمقام أمج
_مالك دخل أنت وأنت عاد تعرف شنو العيب
كعد بالفراش خزرني "شقصدج ولج ؟
_ قصدي معروف
نزل من السرير صار كدامي وأني كاعدة اباوعله قرب علية
_ زهراء تدرين بهاي الفترة صاير اضوج منج ومن
ودي اضربج على قباحة لسانج الطويل
_ لساني قبيح ولسانك جميل ؟
_ الله مطولج ياروح
_ روحك طويلة ميحتاج تطولها بعد
_ اي صح طويلة ويامطولها وياج هواي هواي
ويمكن أكثر من لأزم
_ ارجع مكانك وخلني انام ادري بيك تدور
مشاكل وأني مالي خلك
_ مالج خلكي لعد شمالج أنتِ
_ رجاءً بعد مااريد مشاكل
خليت وكعدت هو....... هم رجع كعد على السرير طلع باكيت جكاير وصار يدخل ينفخ الدخان علية ضجت منه
_ شبيك تدخن علينا دخن صفحة
_ هه يعجبني ادخن وين ماجان
_ ولك كول طفل صغيرون نايم وموزين عليه
الدخان ماتخاف يختنك ابنك
_ لا مايختنك
مرديت عليه فريت راسي بيأس من هل الرجال أبد
ماتصيره اي جارة نمت مانطيته أي هميه
صار الفجر وي الاذان صلينا وطلعنا من الفندق صوفي نايم خطيه تعبان كلش زرنا الامام الحسين (ع) وابو فضل العباس (ع) رجعنا البغداد بالطريق ناموا سارة
وابن سيف واني كاعدة بحضني
صوفي اخاف انام ويكعد يعيط طول الطريق أفكر بابوي شلون جان قاسي وياي وشلون صدك بمرته" بمجرد ما أكلت
وسوت روحها مكسورة الخاطر "
وصلنا البيت ..... على الساعة بال ٨ الصبح كلمن راح للفراش يستراح عمي راح بوجه على الشغل خطيه " بدلت حمزة بدل ولف رأسة ونام ردت انام بس مكدرت
كعد مصطفى يبجي
سويتله حليب شرب "اريده ينام علمود أنام "
اروحلك فدوة نام والله نعسانة كلش
صوفي حبي حبوبي نأم بعد مو كافي "دكول هاي ماما تعبانة وتريد تستراح "يلا سد عيونك "يل
صار يضحك حزنت "تضحك وأني صارلي ساعة أتوسل بيك تنام "رحمني زروك رحمني
صار يضحك اكثر من قبل ويحرك بإيديه يريدني
اشيله بحضني
_ امشي ولي زروك يريدني اشيله هو أني ميته من التعب
" خبيث مثل ابوك حتى أنت صاير من أتباع الشيطان مثل حمزاوي "طبعا تطلع على ابوك الخبيث تحب
تسلب راحتي وتشوفني تعبانه
ماحسيت الا شخص جرني من شعري رماني
على الفراش تألمت كلش _ اااه
فتحت عيوني حمزة _ منو من أتباع الشيطان " هاا وتسمين أبني خبيث "حيوانة شايفتني خبيث
_ اااه ولك شيل ايدك ااااه
_هو انتِ من أتباع الشيطان مو أني وأبني
_ ولك شيل ايدك جاي توجعني اااه شعري
حمزة شعري والله والله يوجع
شد عليه أكثر _ عتذري هسه مني ومن ابني
_ أسفة حمزة صوفي ماما أسفة يلا عوف شعري تكطع كوله
عاف شعري ضحك " اي هسه خوش مره كومي انزلي سويلي شي شياتين أكل ميت من الجوع
كعدت افرك بشعري _ مو أكلت قبل ساعات
_ أكلت شوي ماشبعت وصار ساعتين من أكلت
كومي سوي مو تحاسبين على الكمة
_صوفي منو يبقى يمه
_ أني انزلي يلا
كمت _ افففف
_وجع ماعاجبها تكوم تسوي زقنبوت رجلها
فتحت الباب وطلعت
وصلت المطبخ سويت له بيض طق بالدهن وطلعت جبن وسويت الجاي خليتهم بالصينية صعدت فوك
فتحت الباب دخلت
_وين اخليها
_هنا فوك
خليتها كبالة بقوة " تفضل
_ دام فضلج ماعاجبج الوضع مبين
_ لاا
_ نزلتي الصينية بقوة
_نزلقت من ايدي
باوعت على مصطفى نايم " شبسرعة نام هذا ؟
_ سحر ابوه الحلو هذا
غمز لي عين رحت يم صوفي نايم جنه ملاك "يروحي
_ هو روحج واني شنو ؟
بدون وعي كلت " موتي الأسود
أسمع بي يضحك " هههههه صح ترى ههههه
مرديت عليه رحت ......نمت عفته يأكل ماكعدت الا بال ٣ونص الظهر هو كاعد على الكرويتة والحاسبة على رجلي مخليها معرف دا يسوي باوعت الصوفي بعده نأيم
_ كعد انطيته حليب ورجع نام
_ هاا
_ بدلي وانزلي سوي الغدة وي امي واحدة بالمطبخ
_ ليش هي كاعدة ؟
_ اي
نزلت من فوك الجرباية اخذت ملابس رحت ابدل بالحمام بدلت لفيت حجابي ونزلت جوه دخلت المطبخ
عمتي واكفة على الطباخ
_ مساء الخير عمه
_مساء النور يمه شوكت كعتي
_ من الفراش الج
_ تعالي شوفي التمن صار
_ هسه عمه .. منو كاعد غيرج
_ بس سارة ورامي وعمج
_ هاا
_ حمزة خطيه كعد وراح يشتغل
_ شيشتغل ؟
_ يدز محاضرات للأستاذ عماد
_محاضرات شنو ؟
_ الأستاذ عماد مواجه صعوبات بمسألة وطلب
المساعدة من حمزة يحلها له
_ هاا
كملنا الغدا كعدت اخلاص سيف وابنه حمزة نزل وراهم كلها كعدت على الميز كمنا نأكل عمي كال
عمي _حمزة كول ل محمد خل يجي اليوم بالليل لعدنا
حمزة _ خير ان شاء الله
عمي _ مو طالب منك شغل
حمزة _ اي
عمي _ حجيت لصديقي أبو عبد الله وكال خل يجي يداوم بالمدرسة أهليه محتاجين مدرس
حمزة _ وأخيرا لكة شغل شكرأ يابه عذبناك ويانه
عمي _ لا عذاب ولاشي خطيه أكسب بي أجر ولولد يريد يكون حياته الأستوديو التصوير مبي مكسب مالي زين
علمود يكون حياته بسرعة
حمزة _ اي وآلله هواي يشكيلي منها
سيف _ العقد كم سنة يدوم عدهم ؟
عمي _ يدوم سنة وإذا رادوا بعد يجدد العقد بعد هو وحظة
سيف _ هاا يستاهل حمودي
بقوا يحجون مفرحت المحمد أبد هو هم جانت اله ايد بدماري بالماضي جان ايد حمزة اليمين وجان هو اللي يخبث على هندو ريان بالماضي هم حية مثل حمزة
بالليل على الساعة بال ٨ ...ونص بعدنا ما متعشين محد له نفس يأكل لان اكلنا الظهر اجوي محمد وأخته مرام لابسة
نفنوف جوه الركبة بشبر مطلعة رجليها
الشعر ذيل احصان نفنوف جان نص ردان رصاصي الجنطة بالركبة سودة وي الحذاء تكوليلها كش تطير بالسماء
وي الطيور الطايرة
ريحة عطرها تفوح عبالك كاسرة شيشة العطر على راسها ل رجليها سلمت عليهم رحت يم مصطفى بغرفة عمتي
كاعدة يمة على الجرباية
وره نص ساعة اجت سارة وكفت بصفي
" تعرفين شكالت مرام
زهراء_ وين اعرف أني هنا كاعدة
سارة_ تكول اكو بنات من المدرسة مخليت عيونهم على حمزة
معرف ليش حسيت بوخزة بقلبي ...
"بنات ليش هو يدرس بمدرسة بنات
_ اي بنات
_لحظة حمزة بمدرسة أهلية لو حكومية
_ لا حكومية مختلط
_ بنفس المدرسة لانتوا بيها ؟
_ لا احنا أهليه هو حكومية
_ هاا وآلله مدري ترى
_ومحمد بمدرستكم يداوم
_ اي نفسها لان صاحب المدرسة يكون صديق ابوي
_ بيها الخير
_الخير بوجج " صدك ما غرتي على حمزة منهم
_ وليش اغار
_ بنات حلوات ومعدلات مخليات عيونهن على رجلج وتكولين عادي ما اغاراتعجب من أمرج والله
_ خيه إذا رجلي يحبني لي بعد ماكو داعي اخاف يباوع الغيري
_واثقة منه
_طبعا واثقة بس شمدريها مرام
_ وحدة من الطالبات تكون أقاربها وكايله
لها كلشي يصير بالمدرسة
_وحمزة يدري
_ تكول يدري وأكثر من مرة متعرضات له ومشتكي عليهن يم المدير بس ماكو أي فائدة وياهم
_ بعد هو بايده ترى
_ صح والله وأنتِ ديري بالج على رجلج واهتمي
بي ترى يبوكوه منج
_ ههههه الله وايدهم
_ شنو ؟
_ هيج حبي ههههه
_ هههه أني طالعة .. يروحي صاير وكح حيل
_ ايي
اخذت بوسة من خده امممح وطلعت وأني
خربانه ضحك على حمزة
ماصدك أنت تشتكي من البنات؟ والله عجيب امرك وأنت تخرب على البنات اندري بيك " بس سويت هيج علمود سمعتك لا تشوه بالمدرسة ويفصلوك " ذكي ويعرف يتصرف
ويكسب كل المواقف الصالحة
هسه بس يطلع من المدرسة يلعب جولة وياهم أني ادري بي أبو طبع " يارب بلكت يوكع بعشق واحدة منهن
ويرجعني البيت أهلي
الله شوكت يعوفني حمزة وأرجع الاهلي بالنجف " وارجع مثل قبل حرة كا الطيور اطب اطلع بكيفي واسكن الامام
وارجع اكمل بالحوزة واصير ملاية رسمية
حلمي الواحيد لجنت أتمنى يصير قبل لا أتمنى أكمل الدراسة والله جان حلمي ادرس بالحوزة واصير ملاية " واخدم
بالامام علي (ع) طول عمري
واصير خادمة الامام الحسين(ع ) واخدم المجالس " بس مع أسف ماتحقق حلمي وتزوج أكثر أنسان أكرهه
والله الدنيا غدارة " والأحلام لنحلمهم صعب حيل "يتحققون حتلوا كانوا بسيطين حيل بس بنسبة النا كبار وي هاي الدنيا صعب واحد يحقق طموح وحلم يريدة
ورة ساعتين ..... تقريبا صارت الساعة بال ١٠
دخلت مرام الوحدها
_ ليش ماكعتي عدنا
_ مصطفى يبجي
_ هاا يمه فدوة صاير رجال يروحي
شالتة بحضنها تبوس بي " ياالله يشبه حمزة
طبق اصل عن ابوه
_ اي
_ هلكد ما جانت انفال الله يرحمها تحبه طلع ابنها يشبه ابوه
_ صح الله يرحمها
انطتنياه _ اخذي
اخذته منها شلتة بحضني " شلونج وي حمزة ؟
_ ماشية
_ بعدج ماتريدينه ؟
_ شتكولين اريده لا
_من ملامح وجج لا والله بعدج
_ ردت ولما ردت هو صار رجلي بعد وغضبا علية أتقبله
_ الله يصبرج وينطيج راحة البال وان شاءالله
تصيرين تحبينه مثل قبل
_ شلوون
_ قصدي يرجع حب القديم البقلبج للحياة مرة ثانية
_ سؤال .. هو الميت يرجع للحياة مرة ثانية ؟
_ بس في قانون الحب يرجع يزهر من جديد
_ ما اعتقد حب حمزة لميت راح يرجع للحياة
داخل قلبي ويزهر من جديد مرام
_ وأني أشوف يرجع إذا حمزة صلح وياج وسوالج
أشياء حلوة ويخليج براحتج
_ حمزة ابن عمتج وصديق الطفولة وتعرفي أكثر مني بعد
_ صح أعرف من جنه بالعمارة واجينه سوه البغداد واعرف شيناته وزيناته حمزة يريد حب وحنان واحد يسمع كلامة مايحب احد يكسر كلامة ويعاندة
طالع على جدو الله يرحمه (أنتِ صيري زينة ويا
وشوفي شلون راح يخليج تاج فوك رأسه
_وأني ماريد اكون تاج فوك رأسة
_ بكيفج بعد خيه أني نطيتج نصيحة تصبحي على خير
_ وأنتِ من أهل الخير
وصلت للباب التفتت وكالت " ترى حمزة يحبج أختارج
من بين كومة بنات مو عبالج دا ينتقم منج
_ هههه سالفة انتقام اخذني ترى
_ وغلات صوفي يحبج بس مايبين كبالج
هو يحبج "كبرياء هو ترى
_ مايهمني حبني لو كرهني المهم صوفي عندي
يكبر وياي واكون له أم حقيقية
_ ان شاءالله يكبر صوفي وياكم باي
طلعت شبعت ضحك "اويلاه يازهراء حمزاوي
من اتباع الشيطان يحبج ههههه
لا مستحيل اكيد هاي خطة منه دز مرام لي علمود خلي يقتربلي وابادله نفس الشعور من يشوفني ابادله نفس
الشعور وارجع أحبه راح يتركني
ويجرح مشاعري واحد نذل وأبو طبع مايتغير بهل السهولة
هيهات ارجع احب حمزاوي الخبيث
كمت اخذت مصطفى للغرفة بدلتله انطيته حليب نام بسرعة يروحي صاير حباب أكثر من قبل ومايعذب أبد يهنيالي
صرت أم بسرعة وبدون الأم الوالدة
بس بهاي كعد حظي والله بدلت كعدت على الجرباية اظفر بشعري نفتح الباب دخل حمزة باوعلي وكال
_ مال اجيب المقص واقص هاي الظفيرة
_ اسم الله الرحمن بيش طالب شعري بالقص
_ هيج تحبي شعرج
_ ايي والله احبه حيل
_ الله يدوم المحبة طلعي ملابس اريد ابدل
راح دخل جوه الحمام كمت طلعت له ملابس ترك رصاصي
عفته له فوك الجرباية رجعت الفراش دكت
عليه هند رفعت الخط
_ الوو هلا هنودي
_ ولج شلون جاية النجف وماكلتيلي شلون
_والله العظيم نسيت اكولج
_ شلون تنسين هيج شلون وأني مشتاقتلج مووت
_ ونبي أني أكثر مشتاقة لج بس نسيت هو جينه للغدة يم أهلي والعشة يم بيت أبوي وبالليل رحنا الكربلاء والفجر
رجعنا الروحة صارت بساع بساع
_ على أقل لو كايلة جان جيت البيت أهلج شفتج أني وريان
_ اعذريني بالمرة الجاي اكولج قبل أسبوع مو يوم
_ لا تعيديها
_ والله معيدها هسه شلونج
_ الحمدالله بخير وانتِ شلونج شخبارج
_الحمدالله بخير أني شخبار حمزاوي قليل الاخ...
_ الحمدالله حمزة بخير هسه توه طلع من الحمام
_ هاا الكاع محظورة ههههه
_ ايي هههههه
حمزة _ دزيلي سلام الهند وريان
زعراء _ الله يسلمك ..هند حمزة يسلم عليج وعلى ريان
هند _ وعليكم السلام يوصل سلميلي عليه
زهراء _ الله يسلمج .. تسلم عليك هند
_ وعليكم السلام .. محبلت
زهراء _ صدك ما حبلتي ولج
هند _ لا وآلله محبلت بعد
زهراء _ الله كريم حبي هو رزق من الله
هند _ ونعم بالله
حمزة اجه تمدد بطولي قريب كلش مني مكدر اسوي شي واني احجي وي عند ما انطيته أي اهميه بقيت احجي وياها تألمت حسيت سنون طبعت باللحم بزندي
عطت "ااااه
باوعت حمزة عاضني من زندي وجنت لابسة نص
ردان " ااااه شبيك ولك تعض
هند _ هههههه
سديت الخط بخجل " فضحتني كبال هند شبيك أنت ااه
_ وعاد رجلها مايسوي بيها مثل ما أني اسوي
بيج عادي هاي ترى حب
_ شنو عادي اااخخ يوجع حيل دباع أثر سنونك بلحمي
_ هههه طيب الطعم جان
شمرت الموبايل على الجرباية بعصبية كمت .. خل اكوم
افضلي مبين حامي ودا تذب قهرك بي
جرني من زندي رجعني للفراش باوعلي "
شنو حامي ؟ قصدج شايف
أشياء للكبار مثلا ؟
خجلت كلش _ لاا بعد اريد اشرب مي عطشانه
صعد فوكاي _ شبيك انزل حمزة ثكيل أنت انزل
رفعت ايدي اريد اضربه لزمني من ايدي الاثنين بإيديه " بعدج ماشايفة شي من الثكل الحقيقي
_ بعد ولك بعد ليش هيج تسووي
_ أحب اجبرج والله شكد حلو من تجبر شخص
عليك وأنت تدري يكرهك
_ الله ياخذك بعد اااه بنطني ولك بطني راح تنفجر
انزل ثكلك ثكل من ثكل الجبل اااه
قرب وجه على وجي شوي حمل جسمه انشال عني سديت عيوني نزلت دموعي... عليك الله لا والله جاي اتعذب
وياك دومك قاسي وماترحمني
_ هالمرة ارحمج إذا صرتي زينة وياي
_ مالي نفس بيك بعد
_ بس أني لي نفس بيج
حسيت انفاسه نخلطت وي انفاسي كمت اخذ نفسه بدال الهوى اللي اتنفسه سادة عيوني ماريد اشوف شكل وجه وقربه
الي بهاي الطريقة اللي اقرف منها
_ بعد حمزة بعد عليك الله
حسيت شفايفي انجرت تألمت اكثر احرك بجسمي
وايدي في سبيل الخلاص منه
بس بدون فائدة ...
