رواية الإرهابي وذات النقاب الفصل السادس والعشرون بقلم ام غايب
فلك-صرت حامل بعد
حسين-نزل جسمه وقرب وجهه ....يوم واحد استثنائي
فلك-يخرب الاتف.....بعدني ممكملتهه خله شفته بشفتي
احس كلبي صارت دكاته سريعه
بقه يبوس بيه ....واني احس كلبي يدك اسرع واسرع
فجأه سمعنه صوت باب الحمام انطبك .....جان يبوسني توقف ورفع راسه
باوعت علي.....يباوع على الباب
فلك-تخاف
حسين-لسانج طويل شوكت يكصر
فلك- درت وجهي عنه ....رجع بيده داره ورجع يبوس بيه .... جان مثل العطشان يمشي بصحراء ولكه مي ...هيج حسيته من لهفته ...... الاول مره من عرفته لليوم بهالشكل
فلك-همست ...حسين كافي
حسين-صار كم شهر واني انتظر تعتذرين مني .....حاربت نفسي وبالاخير مكدرت استسلمت ....فقدت كدام جسمج ..... ورجع يبوس بيه
مااعرف اني حتى ذيج المره من باسني احس نفسي اذوب بسرعه واضعف كدامه ....عنده سحر مو طبيعي....يخليني احب قربه يمي
وراهه حضني ... وبقه يتلمس ببطني
رفعت راسي لكيته مغمض .....جنت محتاجه حضنه .....الجربايه جانت ام النفر بس مكفيتنا
سحبني اكثر علي ....كل شويه اكول راح يروح ....راح يروح وبهاللحظه جنت مااريد اذكره يروح لان جنت محتاجه حضنه ....غمضت عيني وغفيت على صدره .
حسيت علي تحرك ....فتحت عيني طالع الصبح من يمي اخترعت
فلك-حسين ....وورود
حسين-صباح الخير....اشوفج تكولين حسين
فلك-اقصد ابو علي ....وورود
حسين-ورود مموجوده البارحه بليل راحت الاهلهه اختهه مرت عليهه لان امهه تعبانه
فلك-باوعت علي ....انكسر خاطري على روحي هاي اللحظه ....اللحظه عبالي ميخاف ومتقصد بقائه ....واعتبرني زوجته .....يعني لان مموجوده ورود اجاني ....واني عبالي .. اوووف اوووف باع تفكيرررري وين شاطح
حسين-يلله خل ننزل نتريك
فلك-حسين ....صعدت يمي لان ورود ماكو
حسين-كتلج البارحه حاله استثنائيه نشطب بيهه الاتفاق ...وكلشي دكومي يلله وغمزلي
فلك-باوعت علي حسيت نفسي مو زينه طلع من الغرفه نزل واني دخلت للحمام سبحت ونزلت جانت من وكت كلش بالسبعه تقريباً
نزلت جنت بالمطبخ اسوي ريوك ....وواكفه على الطباخ مااحس اله ايد انمدت على بطني ....شهكت هو حضني من وره ويتلمس ببطني لا ارادياً كرصت ايده وحاولت اوخرهه
فلك-وخرهه الايدك
حسين-من حسيت بحركته البارحه ولليوم اتمنى اربعه وعشرين ساعه مخلي ايدي على بطنج
درت باوعت علي .... وخر ايدك حسين لتتقربلي بعد انت كلت بس تصيرين حامل
حسين-كل شويه اكول البارحه حاله استثنائيه .....وبعدين اولاً انتي استدعيتيني ....نسيتي من كلتي بليل يتحرك الطفل هواي
فلك-شهكت وفتحت عيني .....ااااني ....والله صدك يتحرك بليل الطفل هواي
حسين-ثانياً....انت بادلتيني نفس الشعور ....خلي عينيج بعيني ونكري
فلك-غمضت عيني ....واني اذكر نفسي بين ايده خجلت
حسين-قافل ميتحرك النونو اليوم وعافني
جهزت الريوك ....طلع هو وبقيت يم هيفاء كعدت يمهه وهيه تتريك
جانت هادئه وتاكل فجأه وهيه تاكل بجت ....باوعت عليهه ....انكسر كلبي عليهه اكيد تذكرت بتهه
هيفاء-من تجيبين وياخذون ابنج راح تفهميني
فلك-باوعت عليهه كعدت عدلت نفسي ....ليش تسوين روحج مو واعيه
هيفاء-لان اموووت اذا اطلع من عالم الاحلام
متشوفيني نايمه طول الوقت ....اني منايمه ....اني كاعده بس مغمضه عيوني ....لان اذا افتحهه بدونهم اموت ومااستوعب ماكو وابقه ادور مثل المخبله
متعرفين غسق شنو تعنيلي ..... اذا اخذو ابنج لو بنتج منج راح تفهميني واذا حسيتي بنفسج متتحملين نامي وغمضي عينج وتخايلي يمج
فلك-الحلم خيال شلون تصدكي وانتي متلمسيهم
هيفاء-منو كلج اشعر بيهه من تلمسني
فلك-ليش متعيشين حياتج ...يعني انت من سنين ....زين ليش هيج لعد ذاك اليوم اتهمتيني
هيفاء-متهمتج ...مرات مااسيطر على نفسي وابقه ادور عليهه مااصدك ميته ومرات اصدك واستسلم وساعات اذخل العالمي اني وغسوقه
فلك-باوعت كلشي مفتهمت ....منهه مااعرف مو طبيعيه احسهه هسه حسيتهه حتى اصحى مني
كمت من يمهه ...كتلهه اروح انظف ....رحت غسلت المواعين .... للظهر ماكو ورود سويت غده
وتمددت على القنفه ....
بس من انطبك الباب فزيت ....دخل هو ....من شفته كمت كعدت كال السلام عليكم
فلك-وعليكم ...كمت ...وكتله جوعان
حسين-ميت جوع وورايه روحه
فلك-وين
حسين-ورود امهه كلش تعبانه لازم اروح
تغده وطلع جان مستعجل ... رجعو هو وياهه
جانت تعبانه كلش كبل نامت ....مشفته بيومهه لان من اجتي صعدت تضوج مني انزل واذا انزل بغير اوقات الوجبات تحجي عليه ....باوعت علي كاعد بالحديقه .
ويه جماعته ....كلش مرتب حتى من يقدم الجماعته
كمت طول الوقت اباوع علي واراقب تصرفاته مااعرف ليش
واخلي ايدي على بطني .....يارب اهدي عليه ولتخلي يحرمني ...من ابني باوعت علي باوع باتجاه الشباك كبل وخرت لان يشوفني وميقبل
رحت كعدت على الجربايه ....شويه وسمعت الباب انطبكت كمت باوعت جماعته رايحين
بقيت اباوع علي رأساً رفع راسه ملحكت اوخر جان عبالك يعرف بيه هز راسه وباوعلي بعدم رضه
وخرت من الشباك عدلت البرده دك الموبايل
هو ...مبين راح يرزلني جاوبته وبقيت ساكته
حسين-شوكت تبطلين هاي العاده
فلك-وين ممباوعه هاي اول مره مختنكه جنت
حسين-واذا اكلج النهار كله انت واكفه
فلك-لا وين اكو
حسين-لا ابد ماكو شتباوعين انت بلله شو اوكفي خل اشوفج
فلك-فتحت البرده شويه ....بقه ساكت ويباوع عليه واني اباوع علي
حسين-متحرك حبيبي
فلك-تحرك قبل شويه
حسين-كل ما يتحرك كليله بابا يحبك
فلك-ابتسمت
حسين-يلله مافي وخري من الشباك ....ولو اوكفي فلك اختج شنو اسمهه
فلك-ليش
حسين-كل مااريد اسألج انسى
فلك-ميمونه
حسين- يعني التقرير ال ميمونه
فلك-اي الميمونه لكيته ....صدك والله
حسين-شنو واكعه وهيه طفله
فلك-اي
حسين-بس سليم التقرير الحمدلله ...
فلك-وين لكيته
حسين-بالسياره ماادري شجابه خليته بالجكمجه
فلك-جريت نفس ...واخيراً لكيته
حسين-اكو سؤال دوم يتكرر بذهني ليش انهزمت
فلك-وجعني كلبي ال سؤاله
حسين-مااعرف صراحه شحجي شكد عمرهه اختج
وشنو الي خلاهه تنهزم وانتو ماعدكم احد يعني تكدر تتزوجه الا اذا عمج راد يبيعهه صح
فلك-باوعت علي من الشباك وهزيت راسي ...اي
راد يبيعهه وهيه تحب واحد فقير
حسين-هذا حيوان عمج اني متأكد اذا رجعتيله هم راح يبيعج من جديد
فلك-باوعت بحزن ....كتله جنت مجبوره قبل علمود ابويه ....ميكدر مره ثانيه واصلاً مستحيل ارجعله
حسين-وين تروحين
فلك-ابقه يمك
بقه ساكت ويباوع عليه وابتسم
حسين-تحجين بثقه عاليه
فلك-باوعت علي بدون مااحجي رجع اابتسم
حسين-تصبحين على خير ست فلك
فلك-اجمعين
حسين-بعد لتوكفين يم الشباك
فلك-ماشي
سد الخط رجعت للجربايه تمددت ....كمت اتذكر البارحه من غفيت على صدره حبيت حضنه حيل
ماادري كمت احبه ....لو احاول اخلي يحبني ...لو شنو بالضبط
مر اسبوع من يشوفني جوه بالصدفه يبتسم ....بس ميصعد ابد هو كال ذاك اليوم استثنائي
كعدت العصر ...جنت نايمه ....فزيت مختنكه من الحلم ....حلمت ابني ياخذو مني ويبجي كعدت على حيلي ابجي بجيت بحركة كلب ...ولزمت بطني
بقيت بيومهه احس نفسي مريضه
ومالي واهس اتصلت على خاله ...على قاسم كال طالع من ارجع اخليهه تخابرج
فلك-شوكت تشتري موبايل
قاسم-شمدريني
فلك-مو تنسه اريد احجي وياهه
قاسم-ماشي
نزلت جنت جوعانه .....لكيت حسين بالمطبخ وكبال الطباخ
فلك-السلام عليكم
حسين-دار عليه ... وعليكم شنو اليوم شنو وضعج
باوعت يسوي كهوه
فلك-اكملهه اني
حسين-لا ....اني اكملهه ..متعرفين شلون اشربهه ومزاجي مال كهوه وورود نايمه
عفته ورحت للثلاجه ....طلعت اكل وكعدت على الميز بدون مااحمي .... اكلت وهو طلع للحديقه يحب يكعد يوميه بالحديقه
غسلت المواعين واني اباوع علي جانن اوراق كدامه هواي ... ويكتب تذكرت التقرير طلعت اله
جان مندمج ماادري شيكتب
فلك-حسين....اقصد ابو علي .....رفع راسه وباوع عليه
حسين-ها فلك رايده شي
فلك-التقرير منطيتنيا
حسين-يووو نسيت باجر ذكريني
فلك-ماشي
حسين-شخبار النونو
فلك-باوعت بحزن تذكرت الحلم كتله زين
شفته دنك بالاوراق عفته ودخلت صعدت فوك ....
كعدت ثاني يوم على نفس الشي ....ورود اصرت عليه
اروح للدكتوره وكالت مو زين على الطفل يطلع ضعيف كلش وماعنده مناعه ومن هالسوالف
رحت وصلنه حسين مقبل نروح بتكسي يخاف اعيدهه
طول الطريق احسه يباوعلي بالمرايه الصغيره ....ورود احسهه مو طبيعيه وضايجه .....وصلنه للعياده ....
دخلنه اني وورود لزمنه سره الى ان اجه رقمنه دخلت ...اخذتلي سونار وتبتسم ...
الدكتوره-اول طفل الج
فلك-اي وباوعت على ورود
الدكتوره-مبروك راح يجيج حفيد ولو انت ممبين عليج
فلك-باوعت ورود ضاجت كلش واني تحرك للسونار وتكلي صحته كلش زينه ونبضه ...وكلشي بي طبيعي ماشاء الله
فلك-بهاللحظه نسيت نفسي كلش ونسيت ورود مااعرف من حجيتهه مجنت متقصده بس هو اول طفل اله كتلهه دكتوره عادي تنطيني صوره اشوفهه الابو
الدكتوره-تدللين جنج على صوره اله
باوعت ورود اعصاب صارت وراهه حسيت على نفسي ...اكيد ضاجت مني اول منطتني الصوره كمت رتبت روحي وطلعنه محجت
فلك-ام علي ....هاج الصوره ...ردتج انتِ تفرحين ابو علي مو منتظرين هاي اللحظه
ورود-سحبتهه مني بعصبيه ...ودخلت للسياره طبكت الباب حيل
حسين-خير الطفل صاير بي شي
ورود-لا بالعكس مبروك حبيبي راح يجيك ولد
حسين-والله ....عليج الله ....ودار وجهه عليه ....يعني بطنج علاوي
فلك-ابتسمت اي....دار وجهه رجع وخله ايده على وجهه وكام يكول الحمدلله والشكر يا رب الحمدلله والشكر
باوعت علي لزم ايد ورود وعصرهه حيل مبين من الفرحه
وصلنه للبيت ورود دكو عليهه من جانت بالسياره كبل دخلت الغرفتهه وحسين تره دخل ورانه اني صعدت
توني طبكت الباب مااحس اله انفتح .الباب ....انصدمت تفاجئت توني عفته كتله حسين
طبك باب الغرفه .....وتقرب عليه ...
حسين-فلك
فلك-شنوووو .....بقه يباوع عليه ....
حسين-اريد احس بحركات ابني ....ممصدك ابداً راح اصير اب ولولد يشيل اسمي .......اشتاقيتله هواي اريد احس بي ودارني
صار ورايه وحاضني من وره وايده على بطني
خلي يتحرك الطفل
فلك-شلون
حسين-احجي ويا انت مثل كل مره ويتحرك
فلك-درت علي ... ابتسمت ...مكاعد افهم
حسين-دحجي ويا شبيج فلك مكاعد اعرف شلون اوصفلج فرحتي
فلك-ابتسمت ...انت شدتحجي
حسين-جربي
فلك-هههه .....باوعت علي حسيته مو طبيعي
حسين-يلله احجي ويا مثل كل مره الطفل يحس بامه من تحجي ويا اريده يتحرك
فلك-غمضت عيني ...وخليت ايدي على بطني
كتله اني احبك هواي
حسين-وبعد
فلك- دوم اكله اتمنى ماانحرم منك
حسين-هيج تحجين ويا دوم
درت وجهي علي ...اي ....دوم اكله احبك لان خايفه مااكدر اكولهه اله من يطلع من بطني
حسين-يكولون الطفل يوعى على الي يصير داير مدايره وتتكون شخصيته من هو صغير ....اريده يحس بالحب والحنان بس ....لتذكرين من تحجين ويا هذا الشي ...... لان ينولدن ويا من هو ببطن امه .....ولازم متبجين لان يتأثر هواي
فلك-وخرت ايده من بطني ......وتبعدت عنه
اااانت صدك تحجي
حسين-شكو
فلك-احس اختنكت كلش ....حتى حجي ميريدني احجي ويه ابني ....بقيت اباوع علي بتوتر ...وهو ينتظر اجاوب
حسين-شبيج
فلك-انزززل لا مرتك تصعد وتسويلك مشكله ....وبعد لتجي الغرفتي عفيه ....اتفقنه من اصير حامل متطخني وهاي اني حدخل بالخامس مبقه شي
حسين-واني وين متقربلج
فلك-تلزم بطني
حسين-كلت مااتقرب بالاتفاق بس مكلت ما الزم بطنج
ابني الي انتظره سنين بيهه اريد احس بي من هو وبطنج الحد مينولد اريد اشعر بحركاته
فلك-اله اكول ال مرتك ورود وتخوصرت ....خل اشوف شلون تصعد بعد
حسين-.....لج بابا شنو يعني قصدج اخاف من ورود
فلك-اي ....جذب لعد ....من راحت ورود يالله صعدت وهسه لان طبكت باب غرفتهه هسه تطلع ومتلكاك
تقرب عليه وقرب روحه ....وسحبني .....علي
حسين- اني مااخاف بس من الي خلقني ....وبعدين ليش احسج تتحديني علمود اتقربلج ....لو تلمحين مرات باشياء .......كولي اريدك تتقربلي وفضيهه
فلك- باوعت علي بصدمه ...وخجل بنفس الوقت ملكيت نفسي غير ابرأ لا والله ابداً ....انت تفهم غلط دوم اني احجي على لاهيتي ....اني بالعكس من تتقربلي وكت متريد اضوج احس نفسي وحده وصخه
حسين-واذا اتقربلج دائماً يروح هذا احساسج
فلك-سحبت نفسي منه ...سحبني بهدوء ....وباسني بشفتي حاولت اوخر منه ماكو كوه دفعته واحاول مااطلع صوت رجع سحبني
و كام يبوس بيه ....حاولت اوخره ماكو .....
وخر شفته ....وباسني براسي ....فلك راح اصير اب ال علي
مكاعد اصدك من هسه روحي تعلقت بي
نزلت دموعي ...من جهه .احسه كاعد يلعب بمشاعري ...واني احس نفسي مو بقوتي القديمه ...ماادري شصاير بيه والجهه الثانيه الايام تركض بجيت
حسين-رأساً وخر ...لان حاولت اتقربلج ....عفتج لتبجين فلك ...
فلك-ماادري احس هو مو طبيعي ....مو حسين قبل ....جان ابد ميسوي هذا الشي كبل يتقربلي ...يلعب بمشاعري لان ابنه ببطني ميفكر بيه احبه واتعلق بي
لو هو يجوز يريد يذلني يخليني احبه .......واكول بيني وبين نفسي ليش احبه اني قابل ماعندي كرامه وهو اكبر مني بهواي ....قابل اني ميمونه المخبله احب
رحت نمت عل جربايه وتغطيت واني افكر ...خطرت ببالي ميمونه ....باجر احاول اتصل عليهه
وانطيهه التقرير واخصمهه شلون اني سويت هيج
وارجع واكول بسببهه راح تنحرمين من ابنج
.................
ميمونه-جنت كاعده بالحوش ..متجايه عل حايط وثانيه رجلي على صدري ......ومتجيه راسي عل حايط ...طافيه الكهرباء وقت الفجريه ....كعدت مختنكه
بابا ميروح من بالي ....صميري ياكل بيه اكل
سلبت روحي راحة بالي ....بدون رضاهم صعب تكدر تتنفس طبيعي
حتى من اصفن وبداخي استحي احجي ويا ..شحجي شكله ....اكله بابا المبادئ الي ربيتنه عليهن ...خالفتهن
علمود واحد وانوب ميستاهل
ذكرياتي رجعتني سنين .... من انذبح اخويه
جنت بعدني توني ورده تفتحت اوراقهه ....عدهه احلامهه واهدافهه ...وتحب توصل
وبنفس الوقت الي تفتحت ذبلت من خسرت اخوهه ولحكه ابوهه وام ...صارت بين الحياة والموت
حتى متكدر تعينه وطموحي الي تفلشن
جان حلمي مثل حلم اي بنيه عاديه
اصير دكتوره .....جنت كلش شاطره بشكل مينوصف
بس مو حباً بعذا القسم حلمي
جنت جوعانه اني واهلي وحسره علينه الكمه ونشوف ابويه وامي تعبانين لذلك طمحت اكمل دراستي بس كلشي تحطم من مات اخويه
جانت فلك ....عكسي متحب تقره بس هم تنجح بس اني لا ادرس ....بعد ماتعبت كمنه نموت جوع اكثر متكدر تتحرك كلبهه يوجعهه وعلاجهه غالي اضطريت امي بعد ماتعبت اترك مدريتي واروح بمكانهه انظف جانت خدامه ببيت ناس طاكين كلش من الصبح الحد العشه تعشيهم وتنظف وتطلع جانت تجي وياي تكعد هيه واني انظف جانت تكلي جنج بكايه وبيج البله وتمدح بتنظيفي
اني من كثر ما ناعمه جنت ينصدمون من يعرفون عمري
وجنت رغم التنظيف والتعب ....احب اعيش طفولتي العب حبل اكمز كلشي اسوي
وهو بسبب حركتي وكعت وتعورت
الحظ خله الي تشتغل عدهم ماما يسافرون وصفينه بدون شغل وامي تنتكس حالتهه ... حتى نوم بليل متنام
وبابا عنده علاج ياخذه على شكل ابر بالمغذيات
واني وفلك نكعد نبجي على حالهم ...هنا حسين عرفت الحدن والهم .....بقينه للصبح كاعدين اول مطلع الصبح
فلك-شراح يصير ميمونه امي هم راح تروح
ميمونه-لا ...لا اسم الله نجيبلهه علاجهه اليوم
فلك-منين ماكو فلوس
ميمونه-خليني افكر شلون
فلك-كومي ميمونه
ميمونه-وين
فلك-دكومي ... لتحس ماما
ميمونه-كامت وسحبتني من ايدي كمت وراهه لبست نعالي . وطلعنه على كيف بالحوش
شكوووو
فلك-نروح نلم اشياء عتيكه ونبعيهن
ميموه-ومنين نجيبهن
فلك-من اروح للمدرسه اشوف ولد مخلين كونيه ويلمون من الشارع نسوي مثلهم
وهنا فلك هي الي قادتنا ....وحسيتهه اقوى مني ...راحت واني وراهه رحنه الام الحصه اخذنه كونيتين منهه ورحنه صدك كعدنه نلم شكو شي عتيك ....مكسر .....بطاله ....ووين نروح ماادري
اخر شي رحنه وره ذولي الي يلمون قواطي طلعو يبيعوهن الاهل الحصن ..... احنه هم بعناهن
بتفاليس ميسوه الحر والسطره
ميمونه-ميفيدن
فلك-ميمونه ....اذا ملمينه الفلوس ماما تموت وبابا يموت ع اقل علاج
ميمونه-شنسوي
رجعنه للبيت امي ثارت غضب علينا ......لان طالعين بدون متدري ....ويوميه امي نفس الحاله وضعهه
ومن اجتي صديقة ماما بفرعنا امي تشكيلهه ووتكلهه
ماكو بعد ملكيت بيت اخذم بي كلتلهه اختي مديره بمدرسه
وظفتهه فراشه ويه مرت الحارس اثنين صارن ....واحنه نروح وياهه اني وفلك ننظف المدرسه بمكانهه وبهالفتره ماما بوشتنه لان تشوف العيون علينه من نطلع وتخاف علينه .......
وراهه كمنه يوم بيوم نروح مره اني وياهه ومره فلك
جنت اباوع عليهم اتحسر .... وابجي بس مو بعيوني بداخلي دموعي تحرك بيه
الحد ما رجعو من السفر الي ماما تشتغل عدهم
فلك راحت تنظف بيتهم واني بالمدرسه ويه ماما
رادت تسوي صينيه تبيع بيهه مقبلت المديره لان عدهم حانوت ووراهه بدينا رحلتنه بتنظيف البيوت من خلال هذا البيت الي امي تشتغل بي على معارفهم وناس تدزنه على ناس نخذمهم بس ثقه جانو وهم جنه نشوف اشكال وعجايب الزمان ومن ساعتهه تمرمطنه
بس جنه عايشين براحة بال همنه بس اللكمه
بين قوسين طفولتي وطفولة فلك بالخدمه كضيناهه
حسيت شي صعد على رجلي انقطعت سلسلة ذكرياتي المؤلمه كمت بسرعه نكتت روخي صرصره صاعده على رجلي خليت ودخلت
جان باب الغرفه مفتوح شويه ....كاعدين جانو شويه صوت بسببسه
لكطت منهه باجر فرصة عمري ..
دخلت للحمام ......صار خمس شهور فيت من عرفت بابا ميت وولا لحظه مصارت صورته كبالي من هو مختنك ويباوع عليه...شكد محتاجه اروح اذب روحي على كبره
بس اتهرب واصلاً ماكو الي يوديني
اما خضر كل يوم يمر اكرهه اكثر .....وفلك اه يا فلك سألت عمو مجاوبني عليهه ومرت عمي كالتلي عوفج من فلك هسه احتاري بروحج ....كلبي عليهه وروحي مشتاقتلهه
خلص اليوم عادي مثل ايامي السود الباقيه
ثاني يوم كعدنه جنت اتريك ....فجأه كالت مرت عمي
ابتهال- فنج اليوم حلمت بمنو .......
ميمونه-باوعت عليهه ....منو
ابتهال-باختج فلك
ميمونه-عيوني كبل دمعت ....كتلهه اي ...شنو الحلم ...زين لو لا
ابتهال-اوووف اوف الله يعينهه ال فلك
ميمونه-مو زين مو
ابتهال-اي والله مو زين وهيه هم حياتهه مو زينه تخيلي باعت روحهه والطفل الي تخلفه بالمستقبل بسببج لان انهزمتي وشوهتي سمعتكم وابوج راد يموت
ميمونه_رإساً بجيت .....راح تبيع ابنهه ...شلون
ابتهال-اخذت حسره ...اووف اي والله
وبعدين تراجعت بس لان عمج صرف لفلوس على ابوج لان ابوج وصل للموت وسويناله عمليه ومن مات كال شستفادينه اخويه ومات حاول يرجع فلك قبل لتحبل بس رجلهه كال اله الفلوس
مكدر يرجعهه لازم ينطيهم الفلوس
ممونه-احس عقلي وكف ...ومفهمت ...توني استوعبت الي صار بفلك معرف افسر الكلام لان صدمه جان
كالتلي مره راح ابيع قطعه من روحي بسببج بس مفهمتهه هيج
نفسيتي تدمرت كمت ابجي شلت المواعين اغسلهن واغسل وابجي مختنكه شلون اسامح نفسي وشلون عايشه بعدني واني دمرتهم ......احس اله فتحت المسجل باوعت ابتهال وكامت تفتر وتركص ......اجتي للمطبخ جرت ايدي
ابتهال-تعالي خل نغير جو شويه بله هالنكد الي احنه كاعدين بي
ميمونه-مااريد وسحبت نفسي منهه
ابتهال-دتعالي يداده الركص يعدل المزاج
عمج من اركصه يرررروح ينتهي ...خاف بالمستقبل تتزوجين ركصيله خايبه يذوب ...ركصي يلله
ميمونه-مااريد
سحبتني ...للغرفه دتعالي شو تعالي عوفي الركص اباوع هاي شبيهه استخفت صحت شكووو
ابتهال-ووجعه مو صوجج صوج الي يريد يسويج مره
-خل احفلج مادام ضايجه
ميمونه-لا لا مااريد
ابتهال-دباع خلقتج يالعوبه ....الحزن مو بالحواجب والشوارب
حاولت ردت جبرتني اله تحفلي مكدرت اخلص روحي جنت احف قبل بس اني طبيعتي ميطلع شعر بسهوله ..واصلاً ميبين شاربي لو شكد ابقه ممسويته
حفتلي وجبرتني تخليلي مكياج ..بحيث بس اريد اخلص منهه ماكووو ...اول مره امكيج هيج باوعت على نفسي جانت راسمه عيني حلوه بس الحمره طوخ
ميمونه-شنو هاي شطلعت لا عفيه مااريد كتلج .....والله كلبي قبضني بابا مصارله هواي متوفي
ابتهال-قابل. انت طالعه يول هو بالبيت وكعدت ردت اطلع امسح المكياج قفلت الباب خبلتني
الحد ممكيجت روحهه وطلعت ملابس الهه وشمرتلي ملابس ميمونه-اصلاً اني ضعيفه كلش
كتلهه ميكفلي وشكو مبدله عفيه عمه عوفيني
دباعي لبسي البنطرون هذا قديم من جنت ضعيفه
طلعته جان كلاسيكي .....بس ضيك من فوك كتلهه انت جنت ضعيفه حيل ولا ادري
ابتهال-اي ولج جنت اضرب منج بعد وطبعاً متعرفين غير انت ببطن امج ههههههه عا هالخلقه من امداج ..بلله شكلتي الروحج من انهزمتي ويه فكري
ميمونه-شلته وانطيته الهه ...عمه ابتهال بربج البس هذا اني حزينه على ابويه
لج هو ازرك طوخ اكلج احنه وين مولين بالبيت تره اني من امل هيج اسوي ..... اونس روحي بشكلي بالبيت واركص
طلعتلي بدي اسود بي نقش ممبين باللون الذهبي بس كلش ممبين وجان ٣ارباع لبسته حسيت نفسي ماصوله بس ويه المكياج وشعري جان سرح. وطويل جنت لافته كبايه .....
بلله خل نشوفه الشعرج فتحت الكبايه
شعرج يشبه شعر امج من اول مأجيتي جان لونه ذهبي وعيونج جانت الجوزيه افتح بعد من هيج والثانيه لا بقت بنفس اللون
امداج امداج امداج لج بابا انهزمتي ويه مهتلف من اتذكرهه تنسحن روحي ....كاتبه روحج عل رجال وغمتني ....لج بابا لتصيرين غبيه مثلنه اني وامج اني مااعرفهه امج بس عمامج نغوله ضحكو علينه جنت بعدني مراهقه ومن وره عبد الحليم حافظ ادور حبجيات مالت عليه وعلى الحبجيات شمحصله منهنغير الفكر
دتعالي تعالي وشغلت المسجل جانت لابسه دشداشه مخصره على جسمهه وتركص ....واني صافنه اباوع عليهه
ابتهال-هزي ....ولج هزي
ميمونه-مااريد عمه ....ردت اروح للحمام لزمتني وكامت تحرك بجسمي
اندك الباب حيل
ابتهال-يااالا منو هذا الحيوان الي يدك الباب هيج
خلت شال على راسهه بس نص شعرهه طالع
مااحس اله دخل عمو
ابتهال-شكوو يمعود
عامر-سكتي وخليهه غير اليوم اكو حفله بالشركه الاشتغل بيهه
ابتهال- حفلتيش
عامر-اليوم تاريخ تأسيس الشركه ....واني جنت مدبر وحده و امهه توفت متكدر واذا مدبرت يفصلوني من الشتغل وباوع عليه .......ميمووونه شمسويه بروحج
ابتهال-اني سويتلهه
عامر-بربج عود اجيت اخذهه
ابتهال-عادي هو مكياج
عامر-دمشي بسرعه ميمونه التكسي واكف ينتظر
ميمونه-وين
عامر-دمشي اني افهمج بعدين تنظفين شركه وتقدمين
-دلبسي نقابج بسرررعه ميمونه ماجو غيرج ينقذني
ابتهال -غير افتهم
عامر -الحفله راح تبدي وماكو منظفه ومسؤله عن سوالف التنظيف والتقديم واني مفروض اجيبهه
ومجبت لان البنيه امهه ماتت
ابتهال-اخذني اني وضحكت
عامر-ميقبلون كبار ...وعاط بيه تحرركي
ميمونه-بس امسح مكياجي وماعندي نقابي مشكوك
جانت ابتهال معلكه عبايتهه على التعلاكه الحديد جرهه ولبسهه الي وكلي تحركي تأخرت
ميمونه-نقابي
عامر-دعووفي النقاب بسرعه
لبست شحاطتي بسرعه ......طلعت تكسي بالباب صدك
جنت خجلانه كلش بحيث درت عل جامه وغطيت وجهي
هم ماكو نقاب وهم مكياج .... صار شكد مطالعه
كومه ......وصلنه المنطقه حلوه والشركه على شكل بيت صايره وبيهه لافته شركة.............
امشي ومغطيه وجهي مثل الخبله
عامر-استعجلي وغلط عليه ....بسرررعه يمعوده
صعدت درج قليل قبل الباب ودخلت كبل ممر تصميم البيت غريب لا هو بيت ولا هو شركه بس غرف بيهن مكاتب وحاسبات وفارغه دخلني ببمر ثاني صغير مسوي مال جايات وكهوه واكو مواعين حلوه على صفحه وكزاتين
يلله جهزي بال٤تقريباً يوصلون كلهم ويبدون الاحتفال
جانت اكو. ثلاجه صغيره أشرلي عليهه كلي بيهه الكيكه طلعيهه هم والحديثه هنا خلفيه وأشرلي عليهه
بهذلتني العبايه كلش صحتله عموووو
عامر-ووجعه شكوووو عندي شغل
ميمونه-العبايه بهذلتني كلش
عامر-نزعيهه
ميمونه-ملابسه حجاب وملابسي جوه قصيرات
عامر-ماكو احد نزعيهه بس اني وياج بالشركه والحارس بره والسايق بره كاعد بمكاني وطلع
ميمونه-رحت اخذتلي نظره صدك ماكو احد طلعت للحديقه بعرض القطعه بس مو كلش طويله بس كلش حلوه ....غير تصميم غريب
واكو ميوزه اثنين طابكيهن حتى يصير اكبر ويكفيهم
رجعت للمطبخ الصغير اجاني عمو عامر انطاني قطعه ستن بيضه ومطرزه بذهبي كلي فرشيهه على الميوزه
نزعت عباتي وشعري جان مفتوح لميته كبايه بس ماعندي قراصه لان مرت عمي هيه فتحته الشعري اخذت خواشيك مال جاي .....وثبتتهن بي ....وقبل لا اطلع مديت راسي اشوف خوما اجه احد من تأكدت ماكو احد طلعت فرشت الميز ورجعت رتبت الحلويات وبتفور واشكال والمواعين تجنن ....وطلعت الكيكه هم خليتهه جانت جبيره وكاتبين تاريخ تأسيس الشركه وشمعه بعدد السنين
كملت كلشي ورجعت للمطبخ سمعت احد دخل لبست العبايه كبل ووكفت على صفحه ودنكت مااحس اله واحد كال منووو هاي
باوعت علي رجال يطلع فوك الاربعين ولابس قميص وردي نص ردن وكرشه جبير ولابس سلسله فضه متينه بركبته كبل دنكت
عامر-استاذي فوزي ....اعتذر لان منطيتك خبر بس اضطريت لان الوقت داهمني ..... هاي بدال مريم لان مريم عدهه ضرف ومكدرت تجي ابد اضطريت اجيب بت اخويه
فوزي-وراح تطلع بالعبايه بت اخوك ....تريد تفشلني تدري انت منو راح يجي لو متدري كلهم اصدقائي توب ....وناس راقيين ووحده بعبايه تقدملهم
بهاللحظه سمعت صوت واحد كال ...شنو شصاير
باوعت واحد ثاني ....لابس قاط وشعره اسود وتغطي كم خصله شيب وماعنده لحيه ولا شوارب ....
فوزي-تخيل تطلع بالعبايه والفضيحه الي تصيرلي نزعي عباتج
ميمونه-غطيت نفسي اكثر بالعبايه .....واباوع علي
عامر-اني احلهه استاذي
فوزي-حلهه بسرعه وخل تجي اشوفهه مرتبه لو لا بسرعه
عامر-تدلل يالغالي بس اعصابك والله محلوله
ميمونه-باوعت مصدومه عقلي ميستوعب ولا يحمع شكاعد يصير
عافنه ودخل للحديقه ....كال الي ويا ...الي جانت البارحه وينهه
عامر-استاذ حذسفه عدهه ضرف صار فجأه ومكدرت تجي ...واضطريت اجيب بت اخويه
حذيفه-هااا يعني هاي بت اخوك ....
عامر-اي والله اضطريت لان الوقت داهمني
حذيفه-شسمج انتِ
باوعت علي ....مااعرف مرتاحيت كلش الهم وعمو صدمني شكد مصدومه بخضر بس عمو صدمة عمري من كله اني احلهه يعني حينزعني العبايه ....معقوله
جاوبه عمو اول مسأل كله ميمونه اسمهه بعده يحجي صاح علي الي اسمه فوزي راح يركض باوعت هذا يباوع عليه
حذيفه-ميمونه....حلو اسمج زين تعرفين شنو معنى اسمج
ميمونه- لا
حذيفه-معقوله
بهاللحظه رجع عمو ....كله استاذ ....استاذ فوزي يصيحك
حذيفه-ماشي ...بس كهوه بلا زحمه عليج ميمونه
اول مراح دخل عمووو
عامر-ميمونه شو نزعي العبايه خل اشوف لبسج مرتب وراد يجرهه
ميمونه-تمسكت بيهه للعبايه ....فتح عينه وخزرني ...بسرعه بت الكلب ماعندي وكت بدو يدخلون الضيوف
ميمونه-ماانزع عباتي ليشي ممستور وشعري
عامر-مو وكت الدين اليوم لا انطرد ...ونبقه ميتين جوع
ميمونه-فتحت عيني ...عمو وخرت العبايه ....شوف لبسي
عامر-اي عادي محد يباوعلج هنا مو همج وشيعانين وجر العبايه ردت اجرهه دفعني حيل بحيث ايدي راحت على حافه مال سنك جان بس سنك حديد وانجرحت
شعرج فتحي روحي للحمامات بسرعه اريدج مرتبه
ميمونه-ردت اجر عبايتي ...انطيني عباتي
عامر- ميموووونه اسمعي كلامي لا هسه افلش راسج بالحايط والله بسرعه طلعي .....لازم تقدميلهم راح اخسر شغلي
ميمونه-عمو هذا الويا مو راحه والله
عامر-انجبي ادبسزززز هذا توه جاي من الخارج زياره ....شبعان هناك يباوع على خلقتج طاح حظج وبعدين اني كل شغلي المن الاختج اريد ارجعه من هذا الحيوان الماخذهه ....حقج متعرفين مرتاحه وكاعده بيت عمج اختج الي هناك متدمره ولازم نرجع فلوس ومااعول اجمعهن وكوه لكيت هذا الشغل تره اختج الي تنظر اريد ارجعه قبل لتحبل وتضطر تعوف الطفل
ميمونه-بلله ملميت الفلوس شكد هنه
عامر-بعدين نحجي بالتفاصيل استاذ فوزي صار عصبي
.........روحي عدلي روحج اني راح اجهز الكهوه بين متجين بسرعه يلله ميمونه
رحت بسرعه ادور عل حمامات كوه لكيتهن طلعت بدون حجاب وكل شويه يدخلون اثنين لو تلاثه سوه
باوعت بالمرايه ... فتحت شعري وجان اكو كلنس سحبته خففت الحمره طوخ حيل حسيت نفسي وحده وصخه باوعت الملابسي
شلون اطلع هيج كدام ذولي
بس يلله بس اليوم علمود فلك ....عمو كال وابتهال مرته كالت وفوكاهه حلمانه بيهه وكلشي بسببي ...واني ابويه راح يبقه يغضب عليه
فتحت شعري رتبته باصابعي .......باوعت عيني الي على صفار وشويه بيهه ميول عل خضار من الكحله بارزه كلش تذكرت
خضر من يكلي ام تك وتك لعبت روحي من عيني
طلعت من الحمام وصلت للمطبخ
عامر-تأخررررتي كلش بسرعه تعالي صبي الكهوه
صبيتهه بمكانه ....كلي انتبهي من تقدميهه ومن تمشين خطواتج محسوبه وخلي عندج انوثه
ميمونه-فتحت عيني مستغربه ورجعت دنكت اصب عمي شديسوي ديخليني فرجه الهم ويكلي خلي انوثه عندج
صبيت الكهوه جانن الفناجين هواي مااعرف اكيد عمو سامعهن..
عامر-ابدي من اليسرا قدمي
دخلت للحديقه واني متورتره وايدي ترجف ... باوعت فوزي جان مترأس الميز وبصفه حذيفه .....والاثنين يباوعون عليه ويراقبون حركاتي .......جانو مو بس زلم نسوان هم وكاشخات على اخر حبايه ومحجبات وكبار بالسن
وصلت انطي ال حذيفه اباوع فصلني تفصال زادت الرجفه وفوزي يباوع عليه قدمت الكهوه اله وورا فوزي ماعولت اقدملهم كلهم وارجع للمطبخً....جان فارغ لان عمو راجع واكف يم الباب
رتبت المطبخ ....جنت بداخلي افكر ....شكاعد يصير عمو قبل اشهر كطعني وراد يذبحني هلمود حربت سمعتهم واليوم هو يكلي معقوله ياربي
مااحس اله صارت نفخه بأذني فزيت درت وجهي .......يتبعﺻﺒﺎﺣﻜﻢ ﺳﻜﺮ ﻳﻌﻴﻮﻧﻲ ️♥
#ﺍﻻﺭﻫﺎﺑﻲ_ﻭﺫﺍﺕ_ﺍﻟﻨﻘﺎﺏ
ﺍﻡ ﻏﺎﻳﺐ
#ﺍﻟﺒﺎﺭﺕ٢٧
ﺭﺗﺒﺖ ﺍﻟﻤﻄﺒﺦ .... ﺟﻨﺖ ﺑﺪﺍﺧﻠﻲ ﺍﻓﻜﺮ .... ﺷﻜﺎﻋﺪ ﻳﺼﻴﺮ ﻋﻤﻮ ﻗﺒﻞ ﺍﺷﻬﺮ ﻛﻄﻌﻨﻲ ﻭﺭﺍﺩ ﻳﺬﺑﺤﻨﻲ ﻫﻠﻤﻮﺩ ﺣﺮﺑﺖ ﺳﻤﻌﺘﻬﻢ ﻭﺍﻟﻴﻮﻡ ﻫﻮ ﻳﻜﻠﻲ ﻣﻌﻘﻮﻟﻪ ﻳﺎﺭﺑﻲ
ﻣﺎﺍﺣﺲ ﺍﻟﻪ ﺻﺎﺭﺕ ﻧﻔﺨﻪ ﺑﺄﺫﻧﻲ ﻓﺰﻳﺖ ﺩﺭﺕ ﻭﺟﻬﻲ
ﺍﺑﺎﻭﻉ ﻫﺬﺍ ﺍﻟﻲ ﺍﺳﻤﻪ ﺣﺬﻳﻔﻪ .... ﺷﻬﻜﺖ ﻻ ﺍﺭﺍﺩﻳﺎً
ﺣﺬﻳﻔﻪ - ﺷﻨﻮ ﺷﻔﺘﻲ ﺟﻨﻲ
ﻣﻴﻤﻮﻧﻪ - ﺑﺎﻭﻋﺖ ﻋﻠﻲ ﻭﺩﻛﺎﺕ ﻛﻠﺒﻲ ﺳﺮﻳﻌﻪ ... ﻻﻥ ﺑﺪﻭﻥ ﺣﺠﺎﺏ ﻣﻦ ﻣﻨﻘﺒﻪ ﻟﺴﺎﻓﺮﻩ ﻛﺪﺍﻡ ﺍﻻﻏﺮﺍﺏ
ﺣﺬﻳﻔﻪ - ﺍﺟﻴﺖ ﺍﻭﻻً ﺍﻛﻠﺞ ﻣﻌﻨﻰ ﺍﺳﻤﺞ ... ﻳﻮﺣﻲ ﺍﻻﻛﺜﺮ ﻣﻦ ﻣﻌﻨﻰ ﻣﻦ ﺿﻤﻨﻬﻦ ﺍﻟﺴﻌﻴﺪﻩ ... ﺑﺲ ﺍﺷﻮﻑ ﺑﻌﻴﻮﻧﺞ ﺣﺰﻥ
ﻟﻴﺶ
ﻣﻴﻤﻮﻧﻪ - ﻧﺮﻓﺰﻧﻲ ﺣﻴﻞ ﻧﻈﺮﺍﺗﻪ ﻭﻛﻼﻣﻪ ﺍﻟﻬﺎﺩﺉ ﺍﻛﺜﺮ ﻣﻦ ﺍﻟﻼﺯﻡ ﻭﻫﻮ ﻳﺤﺠﻲ ﻭﺗﺮﻧﻲ .... ﺟﺎﻧﺖ ﻋﺒﺎﻳﺘﻲ ﻭﺭﺍ .... ﻛﻤﺖ ﺍﺑﺎﻭﻉ ﻋﻠﻴﻬﻪ
ﺣﺬﻳﻔﻪ - ﻟﻮ ﻣﺎ ﻗﺒﻞ ﺷﻮﻳﻪ ﺟﻨﺖ ﻭﺍﻛﻒ ﻭﺷﻔﺘﺞ ﻣﻦ ﺗﺤﺠﻴﻦ ﺟﺎﻥ ﻛﻠﺖ ﺧﺮﺳﻪ
ﻣﻴﻤﻮﻧﻪ - ﺍﻟﻤﻄﻠﻮﺏ ﻣﻨﻲ ﺷﻨﻮﻭﻭﻭ
ﺣﺬﻳﻔﻪ - ﻋﻤﺞ ﻣﻜﻠﺞ ﻻﺯﻡ ﺗﻮﻛﻔﻴﻦ ﻛﺒﺎﻟﻨﻪ ﺧﺎﻑ ﻧﺤﺘﺎﺝ ﺷﻲ ﻳﺘﻘﺪﻡ
ﻣﻴﻤﻮﻧﻪ - ﻣﺎﺷﻲ ﺗﻔﻀﻞ ﺭﻭﺡ ﺍﺳﺘﺎﺫ ﻭﺍﻧﻲ ﻫﺴﻪ ﺍﺟﻴﺐ ﺍﻟﻌﺼﻴﺮ ﻭﺍﺟﻲ ....... ﺍﺑﺘﺴﻢ ﻭﺭﻓﻊ ﺗﻚ ﺣﺎﺟﺐ . ﻭﻫﺰ ﺑﺮﺍﺳﻪ
ﻣﺜﻞ ﻛﺎﻧﻤﺎ ﻳﻜﻮﻝ ﺣﻠﻮ ﺑﺲ ﺑﺪﻭﻥ ﺻﻮﺕ ﺍﻛﺘﻔﻰ ﺑﺎﻻﺷﺎﺭﻩ
ﻣﻴﻤﻮﻧﻪ - ﻏﻤﻀﺖ ﻋﻴﻨﻲ ﻭﻧﻔﺴﻲ ﺍﺣﺴﻪ ﺻﺎﺭ ﻋﺎﻟﻲ .... ﺗﺬﻛﺮﺗﻪ ﻣﻦ ﺿﺮﺑﻨﻲ ﻭﻳﻜﻠﻲ ﺍﻧﺖ ﺗﺨﺮﺑﻴﻦ ﺷﺮﻓﻨﺎ ﻳﺎ ﻋﺎﺭ ..... ﻳﺮﻳﺪﻭﻧﻲ ﻛﺒﺎﻟﻬﻢ ﺍﻭﻛﻒ ﻭﺍﺳﺘﻌﺮﺽ ... ﻫﻮ ﻭﻋﻤﻲ ﺗﺬﻛﺮﺕ ﻣﻦ ﻳﻜﻠﻲ ﺻﻴﺮﻱ ﺍﻧﺜﻮﻳﻪ ...... ﺍﻟﻌﺎﺍﺭﺭﺭﺭ ﺑﺴﻴﻄﻪ .... ﺑﺴﻴﻄﻪ ﻳﺎﻋﻤﻮﻭﻭﻭﻭ ...
ﺟﻬﺰﺕ ﺍﻟﻜﻼﺻﺎﺕ ﻭﺧﻠﻴﺖ ﺍﻟﻌﺼﻴﺮ ..... ﺑﺎﻟﺼﻴﻨﻴﻪ
........ ﺍﻋﺮﻑ ﻣﻦ ﺣﺴﻮﻱ ﻫﻴﺞ ﺭﺍﺡ ﻳﻀﺮﺑﻨﻲ ﺑﺲ ﺷﻴﺴﻮﻱ ﺧﻞ ﻳﺴﻮﻱ ...... ﺑﺎﻟﻠﺤﻈﻪ ﺍﻟﻲ ﻗﺪﻣﺘﻠﻬﻢ ﺍﻟﻜﻬﻮﻩ ﺣﺴﻴﺖ ﻧﻔﺴﻲ ﺳﻠﻌﻪ ﻳﺘﻔﺮﺟﻮﻥ ﻋﻠﻴﻬﻪ
ﺟﺮﻳﺖ ﺍﻟﻌﺒﺎﻳﻪ .... ﻭﻟﺰﻣﺖ ﺍﻟﺴﺠﻴﻨﻪ ... ﺑﺤﻘﺪ .... ﺍﺻﻼً ﻫﻴﻪ ﻃﻮﻳﻠﻪ ﻋﻠﻴﻪ ..... ﺷﻜﻴﺘﻬﻪ ﺷﻮﻳﻪ ﻣﻦ ﺍﻟﻨﻬﺎﻳﻪ ...... ﻭﺍﻧﻮﺏ ﺑﻴﺪﻱ ﻛﻤﻠﺖ ﺍﻟﺸﻚ ..... ﺻﺎﺭﺕ ﻋﻨﺪﻱ ﻭﺻﻠﻪ ﻃﻮﻻﻧﻴﻪ
ﺭﺣﺖ ﻳﻢ ﺍﻟﺒﺎﺏ ﺍﺭﻳﺪ ﺍﺷﻮﻑ ﻋﻤﻮ ﻭﻳﻦ ﺧﻮﻣﺎ ﻳﺠﻲ ... ﻻﻥ ﻳﻮﻛﻔﻨﻲ ﺍﻟﻪ ﺍﺧﻠﻴﻬﻢ ﻳﻄﺮﺩﻭ ﺍﻟﻴﻮﻡ .... ﺑﺴﻴﻄﻪ ﺑﺎﻭﻋﺖ ﻭﺍﻛﻒ ﻳﻢ ﺍﻟﺒﺎﺏ ﻭﻣﻨﺪﻣﺞ ﻳﺴﻮﻟﻒ ﻭﻳﻪ ﻭﺍﺣﺪ
ﺭﺟﻌﺖ ﺩﺧﻠﺖ ﻟﻔﻴﺖ ﺍﺍﻟﻮﺻﻠﻪ ﻋﻠﻰ ﻭﺟﻬﻲ ﻭﺷﺪﻳﺘﻬﻪ ﺣﺘﻰ ﻣﺘﻮﻛﻊ .... ﺑﺲ ﻋﻴﻨﻲ ﻃﻠﻌﺘﻬﻪ ....... ﻭﺍﻟﺰﺍﻳﺪ ﻣﻦ ﺍﻟﺠﻬﺘﻴﻦ ﻧﺰﻟﺘﻪ ﺻﺎﺭ ﻣﺜﻞ ﺍﻟﻠﻔﺎﻑ
ﻭﻟﺒﺴﺖ ﺍﻟﻌﺒﺎﻳﻪ ﻣﻦ ﺟﻮﻩ ﺻﺎﺭﺕ ﻣﻮ ﻋﺪﻟﻪ ﻭﻗﺴﻢ ﻃﻮﻳﻞ ﻭﻗﺼﻢ ﻗﺼﻴﺮ ...... ﻟﻤﻠﻤﺘﻬﻪ ﻋﻠﻰ ﻣﻼﺑﺴﻲ ﻭﺷﻠﺖ ﺍﻟﺼﻴﻨﻴﻪ
ﻭﺩﺧﻠﺖ ..... ﺍﻻﻭﻝ ﻣﺮﻩ ﻣﺎﺍﺗﺮﺩﺩ ﺑﺸﻲ ﻭﻣﻴﻬﻤﻨﻲ ﺍﻟﻲ ﻳﺼﻴﺮ ﺑﻌﺪﻳﻦ
ﻃﻠﻌﺖ ﻣﻦ ﺍﻟﻤﻄﺒﺦ ﺑﻌﺪﻧﻲ ﻣﻜﺎﻳﻠﻪ ﺑﺴﻢ ﺍﻟﻠﻪ ﻣﺎﺍﺣﺲ ﺍﻟﻪ
ﻋﻤﻮ ﻛﺒﺎﻟﻲ ﻛﺒﻞ ﺑﺤﻠﻖ ﻋﻴﻨﻪ
ﻋﺎﻣﺮ - ﻣﻴﻤﻮﻭﻭﻭﻧﻪ ﺗﺮﻳﺪﻳﻦ ﺗﻬﺠﻤﻴﻦ ﺑﻴﺘﻲ ﺩﺧﻠﻲ ﺑﺴﺮﺭﺭﻋﻪ ﻟﻠﻤﻄﺒﺦ
ﻣﻴﻤﻮﻧﻪ - ﻣﺎﺍﺍﺍ ﺍﻧﻲ ﻣﻨﻘﺒﻪ ﻣﺎﻟﻲ ﻋﻼﻗﻪ ﺑﻴﻬﻢ ﻋﻴﻮﻧﻬﻢ ﻭﺻﺨﻪ ﻭﻳﺮﻳﺪﺭﻧﻲ ﺍﻭﻛﻒ ﻛﺒﺎﻟﻬﻢ .....
ﺍﺧﺬ ﺍﻟﺼﻴﻨﻴﻪ ﻣﻨﻲ ﺟﺮﻫﻪ .... ﺧﻼﻫﻪ ﺑﺎﻟﺴﻨﻚ ﻭﺟﺮﻧﻲ ﻣﻦ ﺍﻳﺪﻱ
ﻋﺎﻣﺮ - ﺭﻭﻭﻭﻭﺣﻲ ﻳﻠﻠﻪ .... ﺧﻞ ﻳﻨﻬﺠﻢ ﺑﻴﺘﻲ .... ﻭﺍﺑﻘﻪ ﺑﺪﻭﻥ ﺭﺍﺗﺐ .... ﻭﺍﻟﺴﻠﻔﻪ ﺍﻟﻲ ﺍﺭﻳﺪ ﺍﻃﻠﻊ ﺍﺧﺘﺞ ﺑﻴﻬﻪ ﻣﻦ ﺳﺠﻨﻬﻪ ﻭﻳﻪ ﺫﺍﻙ ﺍﻟﺤﻘﻴﺮ .... ﺻﺪﻙ ﻣﻦ ﻛﺎﻟﺖ ﻓﻠﻚ ﻋﻤﻮ ﻣﻴﻤﻮﻧﻪ ﺍﻧﺎﻧﻴﻪ ... ﺻﺪﻙ ﺍﻧﺖ ﺍﻧﺎﻧﻴﻪ .... ﺗﻌﺮﻓﻴﻦ ﻳﻌﻨﻲ ﺷﻨﻮ ﻳﺤﺮﻣﻮﻫﻪ ﻣﻦ ﻃﻔﻠﻬﻪ
ﻣﻴﻤﻮﻧﻪ - ﻋﻤﻮ ﻭﺍﻟﻠﻪ ﻡﺀﺍﻳﻒ ﺷﻠﻮﻥ ﻳﺒﺎﻭﻋﻮﻥ ﻋﻠﻴﻪ ... ﻣﺎﺍﻛﺪﺭ
ﻋﺎﻣﺮ - ﻣﺎﻛﻮ ﺩﺍﻋﻲ ﻟﺘﺮﻭﺣﻴﻦ .... ﺑﻌﺪ ﻫﺴﻪ ﺭﺍﺡ ﺍﻭﺩﻳﻠﺞ ﺗﻜﺴﻲ ﺑﺲ ﻓﻠﻚ ﺑﺬﻣﺘﺞ ﺍﻧﺖ ... ﺍﻧﻬﺰﻣﺘﻲ ﻭﻣﻔﻜﺮﺗﻲ ﺑﻴﻬﻪ ﻭﺑﺎﺑﻮﺝ ﻭﻫﺴﻪ ﺷﻐﻠﻪ ﺑﺴﻴﻄﻪ ...
ﺑﻌﺪﻩ ﻳﺤﺠﻲ ﻭﺍﻧﻲ ﺑﺠﻴﺖ .... ﺩﺧﻞ ﺣﺬﻳﻔﻪ ...
ﺣﺬﻳﻔﻪ - ﺷﻜﺎﻋﺪ ﻳﺼﻴﺮ ﻫﻨﺎ ....... ﻭﻳﺒﺎﻭﻉ ﻋﻠﻴﻪ ﻭﻋﻠﻰ ﻋﻤﻮ ..... ﺗﺄﺧﺮ ﺍﻟﻌﺼﻴﺮ ﻭﻫﻨﺎﻙ ﻣﻤﻮﺟﻮﺩﻩ ﺑﺖ ﺍﺧﻮﻙ ﺍﺩﺭﻱ ﻓﻮﺯﻱ ﻫﻮ ﻳﻜﻮﻡ ﻳﻘﺪﻡ .... ﺭﺟﻊ ﺑﺎﻭﻉ ﻋﻠﻴﻪ ﻭﻛﻠﻲ
ﻣﻴﻤﻮﻧﻪ ﻟﻴﺶ ﻻﺑﺴﻪ ﻫﻴﺞ
ﻋﺎﻣﺮ - ﻋﺒﺎﻟﻬﻪ ﺧﻠﺺ
ﺣﺬﻳﻔﻪ - ﺷﻨﻮ ﺍﻟﺨﻠﺺ
ﻋﺎﻣﺮ - ﺍﻋﺬﺭﻧﻲ ﺍﺳﺘﺎﺫ ﻣﺘﻌﺮﻑ ﺑﺎﻟﺸﻐﻞ ﺍﻭﻝ ﻣﺮﻩ ﺗﺠﻲ ﻫﻴﺞ ﻣﻜﺎﻥ ..... ﺗﻌﺮﻑ ﺗﻮﺍﺯﻳﺖ ﻫﺴﻪ ﻟﺤﻈﺎﺕ ﻭﻫﻴﻪ ﻳﻤﻜﻢ
ﺣﺬﻳﻔﻪ - ﻓﻮﺯﻱ ﺧﺒﻠﻨﻲ ﺷﻴﻠﻲ ﺍﻟﺼﻴﻨﻴﻪ ﻭﺗﻌﺎﻟﻲ ﺑﺴﺮﻋﻪ
ﻋﺎﻣﺮ - ﻣﺎﺷﻲ ... ﻣﺎﺷﻲ ﺍﺳﺘﺎﺫ ﻫﺴﻪ ﺗﺠﻲ ﺑﺴﺮﻋﻪ ﺍﻋﺬﺭﻧﻲ
ﺣﺬﻳﻔﻪ - ﻣﺎﺍﻋﺮﻑ ﺷﺤﺠﻲ ﻫﺴﻪ .... ﺍﺳﺘﻌﺠﻠﻲ ﻭﺍﻧﺖ ﺑﻌﺪﻳﻦ ﺣﺴﺎﺑﻚ ﺗﻌﺮﻑ ﻓﻮﺯﻱ ﻣﺮﺍﺡ ﻳﻌﺪﻱ ﻫﺬﺍ ﺍﻟﺘﻘﺼﻴﺮ
ﻋﺎﻣﺮ - ﺍﺳﺘﺎﺫ ﺣﺬﻳﻔﻪ ﻭﺍﻟﻠﻪ ﺍﻟﻮﻗﺖ ﺩﺍﻫﻤﻨﻲ
ﺣﺬﻳﻔﻪ - ﺍﺭﺟﻊ ﺍﻟﺸﻐﻠﻚ ﻫﺴﻪ ..... ﻭﺍﺣﺴﺐ ﺣﺴﺎﺏ ﻓﻮﺯﻱ ﻣﺎﺍﺍﺗﻮﻗﻊ ﻳﺒﻘﻴﻚ ﺑﻌﺪ ... ﺗﻌﺮﻑ ﻓﻮﺯﻱ ﺍﻫﻢ ﺷﻲ ﻋﻨﺪﻩ ﺍﻟﺘﺮﺗﻴﺐ ﻭﻛﻠﺸﻲ ﻣﺜﻞ ﻣﻴﺮﻳﺪ
ﻣﻴﻤﻮﻧﻪ - ﻧﻈﺮﺍﺕ ﻋﻤﻮ ﺧﻮﻓﺘﻨﻲ ﻛﻠﺶ .... ﻛﺎﻡ ﻳﺒﺎﻭﻉ ﻋﻠﻴﻪ ﻋﺎﻓﻨﻪ ﺣﺬﻳﻔﻪ ﻭﻃﻠﻊ
ﻋﺎﻣﺮ - ﺍﺭﺗﺎﺣﻴﺘﻲ ﻫﺴﻪ ﺳﻮﻳﺘﻴﻬﻪ ﻗﺼﻪ ... ﺍﻟﻲ ﻳﺴﻤﻌﺞ ﻳﻜﻮﻝ ﺍﺳﺘﻐﻔﺮﺭﺭﺭﺭ ﺍﻟﻠﻪ ﻭﺟﺮ ﺍﻟﻌﺒﺎﻳﻪ
ﻭﺧﺮﺕ ﺍﻟﻘﻤﺎﺵ ﻣﻦ ﻭﺟﻬﻲ .... ﺑﻌﺪﻧﻲ ﻛﺎﻋﺪ ﺍﻭﺧﺮﻩ ..... ﻋﺪﻝ ﺷﻌﺮﻱ ﻋﻤﻮ .... ﺷﻜﺪ ﻛﺮﻫﺘﻪ ﺑﺴﺎﻋﺘﻬﻪ
ﻋﺎﻣﺮ - ﻳﻠﻠﻪ ﺳﺒﺎﻋﻴﻪ ﺍﻧﺖ ... ﺗﺬﻛﺮﻱ ﺍﺧﺘﺞ ﻓﻠﻚ ﺗﻨﺤﺮﻡ ﻣﻦ ﺍﺑﻨﻬﻪ ﻭﻋﺎﺩﻱ ﻃﺒﻴﻐﻲ ﻫﻮ ﺑﺲ ﺗﻮﻛﻔﻴﻦ ﺗﻘﺪﻳﻤﻴﻦ ﻣﺴﺘﺼﻌﺒﺘﻬﻪ ﻻﻥ ﻣﺘﻌﻮﺩﻩ ﻣﻦ ﺟﻨﺘﻲ ﺻﻐﻴﺮﻩ ﻋﻠﻰ ﺍﻟﻨﻘﺎﺏ
ﺩﺧﻠﺖ ﻗﺪﻣﺘﻠﻬﻢ .... ﻭﻭﻛﻔﺖ ﻋﻠﻰ ﺻﻔﺤﻪ .... ﺍﺭﺗﺒﻜﺖ ﻛﻠﺶ ﻣﻦ ﻧﻈﺮﺍﺕ ﺣﺬﻳﻔﻪ ﺍﺑﺪ ﻣﺸﺎﻝ ﻋﻴﻨﻪ ﻣﻨﻲ .....
ﺃﺷﺮﻟﻲ ﺍﺭﻭﺣﻠﻪ .... ﺑﺎﻭﻋﺖ ﻋﻠﻲ ﻭﻫﻮ ﻳﺄﺷﺮ ﺩﺭﺕ ﻭﺟﻬﻲ ﻋﻨﻪ
ﻏﻠﺴﺖ ﻛﻠﺖ ﺍﺫﺍ ﻛﺎﻝ ﺍﻛﻠﻪ ﻣﻨﺘﺒﻬﺖ ... ﻭﺭﺍﻫﻪ ﺑﺎﻭﻋﺖ ﻋﻤﻮ ﻳﺄﺳﺮﻟﻲ ﺍﺭﻭﺣﻠﻪ ﻃﻠﻊ ﺟﺎﻳﺐ ﺍﻟﻌﺸﻪ ﺗﻌﺸﻮ ﻭﺷﻠﺖ ﺍﻟﻤﻮﺍﻋﻴﻦ ﻛﻠﻬﻪ ﻭﺣﺘﻰ ﺍﻟﻜﻴﻜﻪ ﺧﻠﻴﺘﻬﻪ ﻋﻠﻰ ﺻﻔﺤﻪ ﻣﻦ ﻛﻤﻠﻮ ﻋﺸﻪ ﺭﺟﻌﺘﻬﻪ ﺑﻘﺖ ﺑﺲ ﻫﻴﻪ ﺑﺎﻟﻤﻴﺰ .... ﺍﺑﺎﻭﻉ ﻋﻠﻴﻬﻢ ﻳﺴﻮﻟﻔﻮﻥ ﺑﻤﺸﺎﺭﻳﻊ ﻭﻣﻮﺍﺿﻴﻊ ﻛﻠﻬﻪ ﻣﺎﺍﻓﻬﻤﻪ
ﺷﻮﻳﻪ ﻭﻛﺎﻡ ﻓﻮﺯﻱ ﻛﺎﻝ ﻳﻠﻠﻪ ﺻﺎﺭ ﻭﻗﺖ ﻧﻔﺘﺢ ﺍﻟﺸﻤﻮﻉ .... ﻭﺇﺷﺮﻟﻲ ﺍﺭﻭﺡ
ﻣﻴﻤﻮﻧﻪ - ﻧﻌﻢ ﺍﺳﺘﺎﺫ
ﻓﻮﺯﻱ - ﺍﻟﺸﻤﻮﻉ
ﻓﻤﺖ ﻳﺮﻳﺪﻧﻲ ﺍﻓﺘﺢ ﺍﻟﺸﻤﻮﻉ ....... ﻓﺘﺤﺖ ﺍﻟﺸﻤﻮﻉ ﻭﺭﺟﻌﺖ ﻭﺭﻩ ...
ﻭﻫﻤﻪ ﻛﺎﻣﻮ ﻳﺒﺎﺭﻛﻮﻥ ﺍﻝ ﻓﻮﺯﻱ ﻭﻧﻔﺦ ﺍﻟﺸﻤﻌﻪ ﻋﺒﺎﻟﻚ ﻣﺮﺍﻫﻖ ﺟﻨﺖ ﻭﺍﻛﻔﻪ ﺩﺍﺭ ﻋﻠﻴﻪ ﻭﺗﻘﺮﺏ
ﻓﻮﺯﻱ - ﺗﻌﺒﺖ ﻭﺍﻧﻲ ﺃﺃﺷﺮ ﺍﻛﻮ ﺷﻴﺎﺀ ﻣﻮ ﺍﻟﻪ ﺃﺃﺷﺮﻟﺞ ﺑﻴﻬﻪ ﻣﺜﻼً ﺍﻟﻜﻴﻜﻪ ﻫﺴﻪ ﻣﻮ ﺍﻟﻪ ﺍﻛﻠﺞ ﺷﻴﻠﻴﻬﻪ ﻭﺭﻭﺣﻲ ﻗﻄﻌﻴﻬﻪ
ﻣﻴﻤﻮﻧﻪ - ﺍﺳﻔﻪ ﺍﺳﺘﺎﺫ
ﻣﺎﺍﺣﺲ ﺍﻟﻪ ﺗﺪﺧﻞ ﺣﺬﻳﻔﻪ ...
ﺣﺬﻳﻔﻪ - ﺍﻋﺬﺭﻫﻪ ﺍﻭﻝ ﻣﺮﻩ ﺗﺸﺘﻐﻞ ... ﻳﻠﻠﻪ ﻣﻴﻤﻮﻧﻪ ﺷﻴﻠﻴﻬﻦ
ﺭﺣﺖ ﺷﻠﺖ ﺍﻟﻜﻴﻜﻪ ﻭﻃﻠﻌﺖ ﺑﺴﺮﻋﻪ ﻣﻦ ﺍﻟﺤﺪﻳﻘﻪ ﺍﻋﺼﺎﺑﻲ ﻣﺸﺪﻭﺩﻩ ﺍﺣﺲ ﻧﺎﺭ ﺑﻜﻠﺒﻲ ... ﻳﺎﺭﺏ ﺷﻮﻛﺖ ﺗﺨﻠﺺ ﻫﺎﻱ ﺍﻟﻤﺴﺮﺣﻴﻪ ﻣﺪﺭﻱ ﺷﻨﻮ ﺣﺴﺒﻲ ﺍﻟﻠﻪ ﻋﻠﻴﻚ ﻳﺎ ﻋﻤﻲ
ﻛﻌﺪﺕ ﺍﻗﻄﻊ ﺍﻟﻜﻴﻚ ﻭﺷﻌﺮﻱ ﺧﺒﻠﻨﻲ ﻛﻠﺶ ﻃﻮﻳﻞ ﺣﺘﻰ ﻃﺮﻓﻪ ﺻﺎﺭ ﺑﻲ ﻛﺮﻳﻢ ﺷﻮﻳﻪ .... ﻋﻔﺖ ﺍﻟﺴﺠﻴﻨﻪ ﻣﺎﺣﺲ ﺍﻟﻪ ﺩﺧﻞ ﺣﺬﻳﻔﻪ
ﺍﺳﺘﻐﻔﺮﺕ ﺍﻟﻠﻪ ﺑﺪﺍﺧﻠﻲ ﻭﺭﺣﺖ ﺩﺍﺍﻓﺘﺢ ﺍﻟﺒﻮﺭﻱ ﺻﺎﺭ ﻛﺒﺎﻟﻲ
ﺣﺬﻳﻔﻪ - ﺷﻌﺮﺝ ﺗﺪﻣﺮ
ﻣﻴﻤﻮﻧﻪ - ﺍﻋﺮﻑ ﻫﻮ ﻛﺎﻋﺪ ﺍﻏﺴﻠﻪ
ﻣﺎﺍﺣﺲ ﺍﻟﻪ ﻟﺰﻡ ﺍﻟﺨﺼﻠﻪ ﺍﻟﻲ ﻣﺘﺪﻣﺮﻩ ﻛﺒﻞ ﺑﻌﺪﺕ ﻧﻔﺴﻲ ﻭﺟﺮﻳﺖ ﺷﻌﺮﻱ ﻣﻨﻪ ﺣﺘﻰ ﺗﺪﻣﺮ ﻛﺮﻳﻢ ....
ﺣﺬﻳﻔﻪ - ﺩﻣﺮﺗﻲ ﺷﺘﺮﺝ ﻛﻠﻪ
ﺭﺣﺖ ﻓﺘﺤﺖ ﺍﻟﺒﻮﺭﻱ ﻭﺳﻮﻳﺖ ﺷﻌﺮﻱ .... ﻭﺍﻧﻲ ﺍﻛﻮﻝ ﻣﻌﻘﻮﻟﻪ ﻋﻤﻮ ﻳﺠﻴﺒﻨﻲ ﻭﻳﺨﻠﻴﻨﻲ ﻃﻌﻢ ﺑﻴﺪ ﻫﻴﺞ ﻭﺍﺣﺪ ﻭﻫﻮ ﻭﻭﺍﻛﻒ ﻳﺤﺮﺱ ﺍﻟﻤﻜﺎﻥ
ﺣﺬﻳﻔﻪ - ﻣﻜﺘﻴﻠﻲ ﻋﻴﻮﻧﺞ ﻫﺎﻱ
ﻣﻴﻤﻮﻧﻪ - ﺑﻼ ﺯﺣﻤﻪ ﻭﻣﻦ ﺍﺗﺄﺧﺮ ﺗﻜﻮﻝ ﺍﺳﺘﺎﺫ ﻓﻮﺯﻱ ﺻﺎﺭ ﻋﺼﺒﻲ
ﺣﺬﻳﻔﻪ - ﻣﻦ ﻏﻄﻴﺘﻲ ﻭﺟﻬﺞ ﺑﺎﻻﺳﻮﺩ ﺑﺮﺯﻥ ﺍﻛﺜﺮ
ﻣﻴﻤﻮﻧﻪ - ﻟﻌﺐ ﻧﻔﺴﻲ ﻟﻌﺒﻬﻪ .... ﻋﻔﺘﻪ ﻭﺭﺣﺖ ﻟﺰﻣﺖ ﺍﻟﻘﻄﻌﻪ ﻣﺎﻝ ﻋﺒﺎﻳﻪ ﺍﻟﻲ ﺷﻜﻴﺘﻬﻪ ﻭﺧﻠﻴﺘﻬﻪ ﻋﻠﻰ ﺷﻌﺮﻱ ﺭﺟﻌﺘﻪ ﻻﻥ ﻳﺄﺫﻳﻨﻲ ﻭﻣﻌﺮﺕ ﺍﻫﻤﻴﻪ ﺍﻟﻮﺟﻮﺩﻩ ﻛﺪﺍﻣﻪ ..... ﺑﺲ ﺑﺪﺍﺧﻠﻲ ﻣﺘﻮﺗﺮﻩ ﺣﻴﻞ ﻭﺧﺎﻳﻔﻪ ﻭ ﻧﺎﺭ ﺗﻐﻠﻲ
ﺷﻮﻳﻪ ﻭﺣﺴﻴﺖ ﺑﻲ ﻃﻠﻊ .... ﺟﺎﻧﻦ ﺍﺻﻌﺐ ﺍﺻﻌﺐ ﺳﺎﻋﺎﺕ ﺣﻴﺎﺗﻲ ... ﺭﻏﻢ ﻣﺎﻫﺮﺑﺖ ﻭﻳﻪ ﺧﻀﺮ .... ﻭﺍﻧﻄﺮﺩﺕ .... ﻭﻧﻤﺖ ﺑﻴﺖ ﻣﻬﺠﻮﺭ .... ﻭﺍﻧﻜﺘﻠﺖ ﻣﻦ ﻋﻤﻲ .... ﺑﺲ
ﺍﻥ ﻋﻤﻲ ﺍﻟﻲ ﺟﻨﺖ ﻣﻦ ﺍﺳﻮﻱ ﺫﻧﻴﺞ ﺍﻟﺸﻐﻼﺕ ﺍﺧﺎﻑ ﻣﻨﻪ ﻳﺠﻲ ﻫﻮ ﻳﺠﺮﺩﻧﻲ ﻣﻦ ﺳﺘﺮﻱ ﻭﻳﺬﺑﻨﻲ ﻃﻌﻢ ﺑﻴﻦ ﻭﺣﻮﺵ
ﻋﻘﻠﻲ ﻣﺴﺘﻮﻋﺒﻬﻪ ... ﺣﺘﻰ ﺍﺫﺍ ﺟﺎﻥ ﻳﺮﻳﺪ ﻳﻨﻘﺬ ﺍﺧﺘﻲ
ﺍﺫﺍ ﺍﻧﻲ ﺟﻨﺖ ﺑﻼ ﺍﺣﺴﺎﺱ ﻭﻋﻘﻞ ﻣﻦ ﻣﻔﻜﺮﺕ ﺑﺸﺮﻑ ﺍﻫﻠﻲ ﻓﻬﻮ ﻋﻤﻲ ﺟﺒﻴﺮ ... ﻭﻭﺍﻋﻲ
ﺭﺣﺖ ﻗﺪﻣﺘﻠﻬﻢ ﻭﻫﻢ ﺭﺟﻌﺖ ﻭﻛﻔﺖ .... ﺍﻟﺴﺎﻋﺎﺕ ﻃﻮﻳﻠﻪ
ﻭﻣﻮ ﺑﺲ ﺣﺬﻳﻔﻪ ﻛﺎﻡ ﻳﺒﺎﻭﻉ ﻋﻠﻴﻪ .... ﻛﻞ ﺷﻮﻳﻪ ﺍﺷﻮﻑ ﻭﺍﺣﺪ ﻳﺒﺎﻭﻉ ﻋﻠﻴﻪ ﺑﻨﻈﺮﻩ ﺳﺮﻳﻌﻪ ﻭﺻﺨﻪ ﻳﺴﺮﻗﻬﻪ ﺑﺪﻭﻥ ﻣﺘﺪﺭﻱ ﺯﻭﺟﺘﻪ ﺍﻟﻪ ﺣﺬﻳﻔﻪ ﻓﻌﻴﻮﻧﻪ ﻭﺻﺨﻪ ﻣﻦ ﺍﻭﻝ ﻣﺪﺧﻠﺖ
ﺑﺪﻭ ﺷﻮﻳﻪ ﺷﻮﻳﻪ ﻳﻨﺴﺤﺒﻮﻥ ﺍﺧﺮ ﻧﻔﺮ ﻛﺎﻡ ﻫﻮ ﻭﺯﻭﺟﺘﻪ .... ﻣﺎﺍﻋﺮﻑ ﻟﻴﺶ ﺟﺎﻳﺒﻴﻦ ﻧﺴﻮﺍﻧﻬﻢ ﻳﻤﻜﻦ ﻳﻜﺸﺨﻮﻥ ﺑﻴﻬﻦ .... ﻻﻥ ﻫﻨﻪ ﺟﺎﻧﻦ ﻛﻠﺶ ﻣﺮﺗﺒﺎﺕ ﻟﺒﺲ ﺫﻫﺐ ...
ﺍﻭﻝ ﻣﻄﻠﻌﻮ ﺍﺧﺮ ﻧﻔﺮﻳﻦ ﻏﻴﺮ ﺍﻻﺳﺎﺗﺬﻩ ﻓﻮﺯﻱ ﻭﺣﺬﻳﻔﻪ
ﺭﺩﺕ ﺍﻃﻠﻊ ﻣﻦ ﺍﻟﺤﺪﻳﻘﻪ ﺍﻟﻜﺸﺮﻩ ﺍﺭﻭﺡ ﻟﻠﻤﻄﺒﺦ
ﻣﺎﺍﺣﺲ ﺍﻟﻪ ﻭﻛﻔﻨﻲ ﺻﻮﺕ
- ﺍﻭﻭﻭﻭﻛﻔﻲ ... ﻣﻴﻤﻮﻧﻪ ﻣﻮ
ﻣﻴﻤﻮﻧﻪ - ﺩﺭﺕ ﻭﺟﻬﻲ ... ﺍﻱ ﻣﻴﻤﻮﻧﻪ
ﻓﻮﺯﻱ - ﺗﻌﺎﻱ ﺗﻘﺮﺑﻲ ﻫﻨﺎ .... ﺍﺭﻳﺪ ﺍﺣﺠﻲ ﻭﻳﺎﺝ
ﻣﻴﻤﻮﻧﻪ - ﺭﺟﻌﺖ ﻭﻛﻔﺖ ﻛﺒﺎﻟﻪ
ﻓﻮﺯﻱ - ﺷﻜﺪ ﻋﻤﺮﺝ ﺍﻧﺖ
ﻣﻴﻤﻮﻧﻪ - ﺑﺎﻭﻋﺖ ﻣﺘﻔﺎﺟﺌﻪ ﻣﻦ ﺳﺆﺍﻟﻪ ﺍﻟﻲ ﺑﻼ ﻣﻌﻨﻰ
ﺍﺳﺘﺎﺫ ﺍﻧﻲ ﻋﻤﻲ ﺟﺎﻥ ﻣﺘﻮﺍﺯﻱ ﻟﺬﻟﻚ ﺍﺟﻴﺖ ﺑﻤﻜﺎﻥ ﺍﻟﺒﻨﻴﻪ ﺍﻟﻲ ﺗﺸﺘﻐﻞ ﻫﻨﺎ ... ﻳﻌﻨﻲ ﻫﺴﻪ ﺭﺍﺡ ﺍﺭﻭﺡ
ﻓﻮﺯﻱ - ﺍﻧﻲ ﻛﺘﻠﺞ ﻟﻴﺶ ﻫﻨﺎ .... ﻛﺘﻠﺞ ﺷﻜﺪ ﻋﻤﺮﺝ
ﻣﻴﻤﻮﻧﻪ - ﻟﻴﺶ ﺗﺴﺄﻟﻨﻲ ﻋﻠﻰ ﻋﻤﺮﻱ
ﻓﻮﺯﻱ - ﻋﻨﺪﺝ ﺍﻋﺘﺮﺍﺽ
ﻣﻴﻤﻮﻧﻪ - ﺑﺎﻭﻋﺖ ﺍﻝ ﺣﺬﻳﻔﻪ ﺍﺑﺘﺴﻢ .... ﻛﺘﻠﻪ
ﻳﻌﻨﻲ ﻋﺒﺎﻟﻲ ﻻﻥ ﻋﺒﺎﻟﻚ ﺍﺭﻳﺪ ﺍﺷﺘﻐﻞ ﻫﻨﺎ .... ﺍﻧﻲ ﺑﺲ ﺍﻟﻴﻮﻡ
ﻓﻮﺯﻱ - ﻣﻜﺘﻴﻠﻲ ﺷﻜﺪ ﻋﻤﺮﺝ
ﻣﻴﻤﻮﻧﻪ - ﺑﺎﻭﻋﺖ ١٨ﺳﻨﻪ
ﻓﻮﺯﻱ - ﺳﺎﺩﺱ ﻟﻮ ﺗﺨﺮﺟﺘﻲ ﻣﻨﻪ
ﻣﻴﻤﻮﻧﻪ - ﻣﻤﻜﻤﻠﻪ ﺩﺭﺍﺳﻪ
ﻓﻮﺯﻱ - ﻟﻴﺶ
ﻣﻴﻤﻮﻧﻪ - ﺑﺎﻭﻋﺖ ﻋﻠﻲ ﻭﺑﻴﻨﺖ ﺍﻧﻲ ﺗﻀﺎﻳﻘﺖ ﻣﻦ ﺃﺳﺌﻠﺘﻪ
ﺑﻼ ﺯﺣﻤﻪ ﺍﻧﻲ ﻣﺎﺭﻳﺪ ﺍﺗﻮﺿﻒ ﻟﻴﺶ ﻛﺎﻋﺪ ﺗﺴﺄﻟﻨﻲ
ﻓﻮﺯﻱ - ﻋﺠﺒﻨﻲ ﺃﺳﺄﻝ ﻋﻨﺪﺝ ﺍﻋﺘﺮﺍﺽ
ﺣﺬﻳﻔﻪ - ﺭﻭﺣﻲ ﻛﻤﻠﻲ ﺷﻐﻠﺞ ﻣﻴﻤﻮﻧﻪ ....
ﻣﻴﻤﻮﻧﻪ - ﺭﺃﺳﺎً ﺩﺭﺕ ﻭﺟﻬﻲ ﺑﺴﺮﻋﻪ ﺣﺘﻰ ﻗﺒﻞ ﻟﻴﺤﺠﻲ ﺍﻭ ﻳﻌﺘﺮﺽ ... ﻛﺮﻫﻮﻧﻲ ﺑﺮﻭﺣﻲ ﺷﻜﺪ ﻛﺮﻫﺘﻬﻪ ﺍﻟﻴﻮﻡ
ﺭﺣﺖ ﺑﺴﺮﻋﻪ ﺩﺧﻞ ﻋﻤﺮ ﻣﻦ ﺍﻟﺒﺎﺏ ﻣﻦ ﺷﺎﻓﻨﻲ
ﻋﺎﻣﺮ - ﺑﻌﺪﻫﻢ ﺟﻮﻩ
ﻣﻴﻤﻮﻧﻪ - ﺑﺤﺪﻳﻪ ﺍﻱ ﺑﻌﺪﻫﻢ ﻋﻤﻮﻭﻭ
ﻋﺎﻣﺮ - ﺷﺒﻴﺞ
ﻣﻴﻤﻮﻧﻪ - ﺷﻮﻛﺖ ﻧﺮﻭﺡ ﻋﻤﻮﻭ
ﻋﺎﻣﺮ - ﻫﺴﻪ ﺑﺲ ﺭﺗﺒﻲ ﺍﻟﻤﻄﺒﺦ ﺑﻴﻦ ﻣﻴﻄﻠﻌﻮﻥ ﻧﺮﻭﺡ
ﺭﺣﺖ ﺑﺴﺮﻋﻪ ﻟﻠﻤﻄﺒﺦ ﺭﺗﺒﺘﻪ ﻭﻟﻔﻴﺖ ﻭﺟﻬﻲ ﻭﻟﺒﺴﺖ ﺍﻟﺤﺠﺎﺏ
ﺷﻜﺪ ﺧﺠﻠﺖ ﻣﻦ ﻧﻔﺴﻲ ﺗﻮﻧﻲ ﺟﻨﺖ ﻣﻔﺮﻋﻪ ﻭﻫﺴﻪ ﻣﻨﻘﺒﻪ
ﺣﺴﻴﺖ ﻧﻔﺴﻲ ﻣﺜﻞ ﻭﺣﺪﻩ .. ﮒ ........
ﺍﻟﻠﻪ ﻻ ﻳﺴﺎﻣﺤﻚ ﻳﺎ ﻋﻤﻮ ... ﺷﻠﻮﻥ ﺧﻠﻴﺘﻨﻲ ﻫﻴﺞ ﻟﻞ١٢ﻭﻧﺺ ﺑﻘﻮ ..... ﻭﻋﻤﻮ ﻋﺎﻣﺮ ﺟﻮﻩ ﻳﻤﻬﻢ .
ﺍﺧﺮ ﺷﻲ ﻃﻠﻌﻮ .... ﺟﻨﺖ ﻭﺍﻛﻔﻪ ﻣﺠﺘﻔﻪ ﺑﻨﻘﺎﺑﻲ ﺍﻧﺘﻈﺮ ﺍﻟﻔﺮﺝ ... ﻓﻮﺯﻱ ﻃﻠﻊ ﻣﺒﺎﻭﻋﻠﻲ ﺑﺲ ﺣﺬﻳﻔﻪ ﻏﻤﺰﻟﻲ ﻛﺒﻞ ﺩﻧﻜﺖ ﺭﺍﺳﻲ ﺭﺃﺳﺎً
ﻋﺎﻣﺮ - ﻳﻠﻠﻪ ﻣﻴﻤﻮﻧﻪ
ﻣﻴﻤﻮﻧﻪ - ﻣﺎﺷﻲ ... ﻃﻠﻌﺖ ﻭﺭﺍ ﺍﻣﺸﻲ . ﺻﻌﺪ ﻓﻮﺯﻱ ﺑﺴﻴﺎﺭﺗﻪ
ﻭﻋﻤﻮ ﺟﺎﻥ ﻳﻘﻔﻞ ﺍﻟﺒﻮﺏ ..... ﺳﻤﻌﺘﻪ ﻛﻞ ﺍﻟﺤﺬﻳﻔﻪ ..
ﻓﻮﺯﻱ - ﺩﺗﻌﺎﻝ ﺍﺻﻌﺪ ﻭﻳﻦ ﺭﺍﻳﺢ
ﺣﺬﻳﻔﻪ - ﻻ ﻭﺍﻟﻠﻪ ﺗﻌﺒﺎﻥ ﺍﺭﺟﻊ ﻟﻠﺸﻘﻪ
ﻓﻮﺯﻱ - ﺍﻱ ﺩﺗﻌﺎﻝ ﺍﻭﺻﻠﻚ
ﺣﺬﻳﻔﻪ - ﻣﺎﻛﻮ ﺩﺍﻋﻲ ﺍﺭﻳﺪ ﺍﺗﻤﺸﻰ ﻫﻴﻪ ﺧﻄﻮﺗﻴﻦ ﻣﻨﺎ ..
ﻓﻮﺯﻱ - ﺑﺮﺍﺣﺘﻚ
ﻣﻴﻤﻮﻧﻪ — ﻗﻔﻞ ﻋﻤﻮ ﺍﻟﺒﻴﺒﺎﻥ ﻭﻛﻠﻲ ﻳﻠﻠﻪ ... ﻃﻠﻊ ﻓﻮﺯﻱ ﺑﺴﻴﺎﺭﺗﻪ ﻭﺗﻘﺮﺏ ﻋﻠﻴﻨﻪ ﺣﺬﻳﻔﻪ
ﻋﺎﻣﺮ - ﺗﺼﺒﺢ ﻋﻠﻰ ﺧﻴﺮ ﺍﺳﺘﺎﺫ
ﻣﻴﻤﻮﻧﻪ - ﻳﺒﺎﻭﻉ ﻋﻠﻴﻪ ﻭﻳﻜﻮﻝ ﺑﻌﺪ ﻭﻛﺖ
ﻋﺎﻣﺮ - ﻫﻬﻬﻬﻪ ﺍﻟﺴﺎﻋﻪ ١٢ ... ﻭﺍﻟﺸﺮﻛﻪ ﻭﻋﺰﻟﻨﺎﻫﻪ ﻋﻠﻰ ﺍﻳﺪﻧﻪ
ﺣﺬﻳﻔﻪ - ﻣﺎﺷﻲ ﺑﺲ ﺑﺎﺟﺮ ﺟﻴﺐ ﻣﻴﻤﻮﻧﻪ ﻭﻳﺎﻙ ﻣﻦ ﺗﺠﻲ ﻭﻗﺒﻞ ﻟﺘﺠﻲ ﻟﻠﺸﺮﻛﻪ ﺗﻌﺎﻟﻲ ﻟﻠﺸﻘﻪ
ﻣﻴﻤﻮﻧﻪ - ﺍﻧﺼﺪﻣﺖ ﻣﻦ ﻛﻼﻣﻪ ﺷﻜﺪ ﻭﺻﺦ
ﻋﺎﻣﺮ - ﻣﻔﻬﻤﺖ ﺍﺳﺘﺎﺫ
ﺣﺬﻳﻔﻪ - ﺍﺭﻳﺪﻫﻪ ﺗﻨﻈﻒ ﺍﻟﺸﻘﻪ .... ﻋﺠﺒﺘﻨﻲ ﺷﻄﺎﺭﺗﻬﻪ ﺍﻟﺴﻮﻡ ﻭﺍﻟﺸﻘﻪ ﻛﻠﻬﻪ ﺗﺮﺍﺏ
ﻋﺎﻣﺮ - ﺗﺪﻟﻞ ﺍﺳﺘﺎﺫ ... ﺍﺫﺑﻬﻪ ﺑﺎﻟﺸﻘﻪ ﻭﻧﺮﺟﻊ ﺍﻧﻲ ﻭﻳﺎﻙ ﻟﻠﺸﺮﻛﻪ ﺳﻮﻩ ﺗﻮﻣﺮﻧﻲ ﺍﻧﺖ
ﺣﺬﻳﻔﻪ - ﻣﺎﺷﻲ
ﻋﺎﻣﺮ - ﻳﻠﻠﻪ ﻋﻤﻮ ﺍﻣﺸﻲ
ﻣﻴﻤﻮﻧﻪ - ﺍﻭﻝ ﻣﻤﺸﻴﻨﻪ .... ﻋﻤﻮﻭﻭﻭ ﺷﻠﻮﻥ ﺗﻜﻠﻪ ﻟﻲ
ﻋﺎﻣﺮ - ﺷﺴﻮﻱ ﻏﻴﺮ ﺣﺮﺟﻨﻲ ﻭﺍﺻﻼً ﺍﻧﻲ ﻣﺎﺍﺭﻳﺪﺝ ﺗﺮﻭﺣﻴﻦ ﺑﺎﺟﺮ ﺭﺍﺡ ﺍﻛﻠﻪ ﻣﺮﻳﻀﻪ
ﻣﻴﻤﻮﻧﻪ - ﺍﻱ ﻋﻤﻮ ﻣﺎﺍﺭﻭﺡ ﻭﺍﻟﻠﻪ ﻧﻄﺮﺍﺗﻪ ﻣﻮ ﻃﺒﻴﻌﻴﻪ ....
ﺃﺟﺮﺑﻨﻪ ﺗﻜﺴﻲ ... ﺻﻌﺪﺕ ﻭﺍﻧﻲ ﺍﺑﺠﻲ .... ﺷﺪﻳﺼﻴﺮ ﺑﻴﻪ ﻣﺎﺍﻋﺮﻑ ﺳﺎﻋﺔ ﺍﻟﺴﻮﺩﻩ ﺑﻌﺪ ﻟﻮ ﻳﺬﺑﺤﻨﻲ ﻋﻤﻮ ﻣﺎﺍﺭﻭﺡ
ﺍﺭﻳﺪ ﺍﺷﻜﻴﻠﻚ ﻳﺎ ﺑﺎﺑﺎ ﺑﺲ ﺍﻋﺮﻑ ﻣﺘﺴﻤﻌﻨﻲ ... ﻭﻻ ﺗﺮﻳﺪ ﺗﺒﺎﻭﻋﻠﻲ .... ﻭﻻ ﺍﻫﻤﻚ ﺑﻌﺪ ﻭﺍﻛﻴﺪ ﻛﻠﺖ ﺍﻝ ﻣﺎﻣﺎ ﻫﺴﻪ ﻋﻞ ﺳﻮﻳﺘﻪ ﻭﻫﻢ ﻣﺘﺮﻳﺪﻧﻲ .... ﻣﺨﺘﻨﻜﻪ ﺣﻴﻞ ﻭﺍﻟﻠﻪ
ﻭﺻﻠﺖ ﻟﻠﺒﻴﺖ .... ﺩﻙ ﺍﻟﺒﺎﺏ ﻋﻤﻮ ﻓﺘﺤﻪ ﺣﻴﺪﺭ ﺍﺑﻨﻪ
ﺣﻴﺪﺭ - ﻫﺎﻳﺎﺑﻪ ﺷﻮ ﺗﺄﺧﺮﺗﻮ
ﻋﺎﻣﺮ - ﻏﻴﺮ ﺷﻐﻞ ﻭﺍﻧﺖ ﺷﻌﻠﻴﻚ ﺍﻣﻚ ﻭﻳﻦ
